យោងតាមសេចក្តីថ្លែងការណ៍នៅលើទូរទស្សន៍រដ្ឋ បានឲ្យដឹងថា កាលពីថ្ងៃសុក្រអ្នកនាំពាក្យកងកម្លាំងប្រដាប់អាវុធអ៊ីរ៉ង់លោក Abolfazl Shekarchi បានព្រមានក្រុមមន្រ្តីសហរដ្ឋអាមេរិក និងអ៊ីស្រាអែល ហើយនិងក្រុមមេបញ្ជាការ ហើយលោកនិយាយថា ទីតាំងទេសចរណ៍ និងតំបន់កម្សាន្តនៅជុំវិញពិភពលោកនឹងលែងមានសុវត្ថិភាពទៀតហើយសម្រាប់ពួកគេ ។

យោងតាមសេចក្តីថ្លែងការណ៍របស់លោក Shekarchi បានឲ្យដឹងថា ក្រុមមន្រ្តីសហរដ្ឋអាមេរិក និងអ៊ីស្រាអែល ហើយនិងក្រុមអាជ្ញាធរពួកគេ បានលាក់ខ្លួននៅក្នុងបន្ទប់ក្រោមដី និងក្នុងទីជម្រក ហើយនិងប្រើប្រាស់មនុស្សធ្វើជាខែលការពារខ្លួន ។

សង្រ្គាមសហរដ្ឋអាមេរិក-អ៊ីស្រាអែលលើអ៊ីរ៉ង់ កំពុងស្ថិតក្នុងសប្តាហ៍ទី ៣ ដោយគ្មានសញ្ញានៃការបញ្ចប់នោះទេ ។ ច្រកសមុទ្រសំខាន់ Hormuz ដែលមានលំហូរប្រេង និងឧស្ម័នធម្មជាតិរាវពិភលោក ២០ភាគរយនោះ បន្តបិទភាគច្រើន ធ្វើឲ្យតម្លៃថាមពលកើនឡើង និងក្តីបារម្ភពីអតិផរណា ។

ជម្លោះនេះដែរ បានធ្វើឲ្យប៉ះពាល់រួចទៅហើយសេដ្ឋកិច្ចរបស់ប្រទេសសម្ព័ន្ធមិត្តសហរដ្ឋអាមេរិកដែលមិនត្រូវបានគេពិគ្រោះ មុនការវាយប្រហារតាមច្រកអាកាសលើអ៊ីរ៉ង់ ហើយនិងអ្នកដែលបានស៊ូទ្រាំជាមួយការរិះគន់យ៉ាងធ្ងន់ធ្ងរ និងការគំរាមកំហែងយ៉ាងខ្លាំងក្លាអស់រយៈពេលជាច្រើនខែពីលោក Trump ចាប់តាំងពីលោកបានវិលត្រឡប់មកកាន់តំណែងវិញ ៕