នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រតិភូក្រសួងទេសចរណ៍ទស្សនកិច្ចសារមន្ទីរ ព្រះស្រីឦសានវរ្ម័ន ស្វែងយល់ពីប្រវត្តិសេដ្ឋកិច្ច និង​រូបិយវត្ថុ​កម្ពុជា
«ដំណើរទេសចរណ៍នៅប្រទេសកម្ពុជាពិតជាសប្បាយរីករាយ និង​ពោរ​ពេញ​ដោយ​អនុស្សាវរីយ៍​ល្អៗដែលមិនអាចបំភ្លេចបាន ហើយយើងមកលេងម្តងទៀតជាមិនខាន» ចំណាប់​អារម្មរណ៍​រួម​របស់​ប្រតិភូបុគ្គលិកក្រុមហ៊ុន EdF និង GdF បារាំង
ក្រសួងវប្បធម៌ និងវិចិត្រសិល្បៈ រៀបចំពិធីអបអរសាទរការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព” ក្នុងបញ្ជីបេតិកភណ្ឌពិភពលោក
រដ្ឋមន្ត្រីទេសចរណ៍ ស្នើស្ថានទូតឥណ្ឌារៀបចំព្រឹត្តិការណ៍ទេសចរណ៍កម្ពុជា-ឥណ្ឌា​ឱ្យ​បាន​ច្រើន​ថែម​ទៀត

វប្បធម៌ និងទេសចរណ៍

ប្រតិភូក្រសួងទេសចរណ៍ទស្សនកិច្ចសារមន្ទីរ ព្រះស្រីឦសានវរ្ម័ន ស្វែងយល់ពីប្រវត្តិសេដ្ឋកិច្ច និង​រូបិយវត្ថុ​កម្ពុជា

2025/07/17 01:16:26 pm        250
Facebook Telegram Linkin
ឯកឧត្តម ហួត ហាក់ ដឹកនាំប្រតិភូក្រសួងទេសចរណ៍ ទស្សនកិច្ចនៅសារមន្ទីរសេដ្ឋកិច្ច និង​រូបិយវត្ថុ ព្រះស្រីឦសានវរ្ម័ន (ស.ស.រ) ដើម្បីស្វែងយល់ទាក់ទងទៅនឹងប្រវត្តិសាស្ត្ររបស់កម្ពុជា និង​បច្ចុប្បន្នភាពនៃនវានុវត្តន៍ហិរញ្ញវត្ថុ និងគំនិតផ្តួចផ្តើមថ្មីៗ។លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា ក្នុងជំនួបពិភាក្សាការងារ និង​ទស្សន​កិច្ច​នៅសារមន្ទីរ សេដ្ឋកិច្ចនិងរូបិយវត្ថុ ព្រះស្រីឦសានវរ្ម័ន (ស.ស.រ) ប្រតិភូ​ក្រសួង​ទេសចរណ៍ នៅរសៀលថ្ងៃទី១៦ ខែកក្កដា ឆ្នាំ២០២៥ នេះ, លោកជំទាវ បានលើក​ឡើង​ពី​ការ​ចូល​រួម​គាំទ្រដល់ការអភិវឌ្ឍវិស័យទេសចរណ៍កម្ពុជា របស់ធនាគារជាតិ នៃ​កម្ពុជា​នា​ពេល​កន្លង​មក តាមរយៈនវានុវត្តន៍ហិរញ្ញវត្ថុ និងគំនិតផ្តួចផ្តើមថ្មីៗដូចជា ការសម្រេចបាន​ការ​តភ្ជាប់​ប្រព័ន្ធ​ទូទាត់​ឆ្លងដែន ជាមួយបណ្តាប្រទេស ជាច្រើន ការដាក់ឱ្យដំណើរការកម្មវិធីបាគងទេសចរ និង​ការ​ដំណើរ​ការសារមន្ទីរសេដ្ឋកិច្ច និងរូបិយវត្ថុ ព្រះស្រីឦសានវរ្ម័ន (ស.ស.រ) នៅរាជធានីភ្នំពេញ ព្រម​ទាំងគម្រោងដំណើរការសារមន្ទីរ ស.ស.រ ខេត្តបាត់ដំបង និងខេត្តកំពត នាពេល​ខាង​មុខ​ជា​ដើ​ម​។ លោកជំទាវបណ្ឌិត ក៏បានលើកឡើងពីសារៈសំខាន់ នៃការប្រមូល និងចងក្រងស្ថិតិទេសចរ ព្រម​ទាំង​បញ្ជាក់​ពីឆន្ទៈចូលរួម សហការ និងគាំទ្រក្នុងការធ្វើឱ្យប្រសើរឡើង នូវគុណ​ភាព​ទិន្នន័យ​ទេសចរ​ប្រកបដោយប្រសិទ្ធភាព។ជាការឆ្លើយតប ឯកឧត្តមរដ្ឋមន្រ្តី ហួត ហាក់ រដ្ឋមន្រ្តីក្រសួងទេសចរណ៍ បានលើកឡើង​នូវ​វឌ្ឍន​ភាព​គួរ​ឱ្យកត់សម្គាល់ នៃ វិស័យទេសចរណ៍នាពេលកន្លងមក ក្រោមដំបូលសុខសន្តិភាព និង​ស្ថិរភាព​នយោបាយ ដែលឆ្លុះបញ្ចាំងតាមរយៈការកើនឡើង នៃភ្ញៀវ អន្តរជាតិ និង​ទេសចរ​ក្នុង​ស្រុក​។ ឯកឧត្តមរដ្ឋមន្ត្រី ក៏បានលើកសរសើរ ពីការរួមចំណែករបស់ធនាគារជាតិនៃកម្ពុជា ក្នុង​ការ​ជំរុញ វិស័យទេសចរណ៍នាពេលកន្លងមក តាមរយៈការដាក់ឱ្យដំណើរការផលិតផលហិរញ្ញវត្ថុថ្មីៗ ដែល​ទាំងនេះបានជួយសម្រួលយ៉ាងច្រើន ដល់ការទូទាត់ របស់ទេសចរ និងចូលរួម​ផ្សព្វ​ផ្សាយ​ពី​សក្តានុព​លទេសចរកម្ពុជាផងដែរ៕ អត្ថបទ៖ សុន រ៉ាឌី

«ដំណើរទេសចរណ៍នៅប្រទេសកម្ពុជាពិតជាសប្បាយរីករាយ និង​ពោរ​ពេញ​ដោយ​អនុស្សាវរីយ៍​ល្អៗដែលមិនអាចបំភ្លេចបាន ហើយយើងមកលេងម្តងទៀតជាមិនខាន» ចំណាប់​អារម្មរណ៍​រួម​របស់​ប្រតិភូបុគ្គលិកក្រុមហ៊ុន EdF និង GdF បារាំង

2025/07/17 11:27:53 am        212
Facebook Telegram Linkin
ភ្នំពេញ៖ នៅទីស្តីការក្រសួងទេសចរណ៍ នារសៀលថ្ងៃទី១៦ ខែកក្កដា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអនុញ្ញាតជូនតំណាងប្រភិភូបុគ្គលិក-និយោជិក នៃ​ក្រុម​ហ៊ុន​ថាមពលបារាំង EdF និង GdF ព្រមទាំងលោក អាំង ពិទូ ជាប្រធានសមាគមកូដូខែ្មរ ចូល​ជួបសម្តែងការគួរសម គោរព​ជម្រាប​ពី​ចំណាប់អាម្មរណ៍​នៃ​ដំណើរ​ទេសចរណ៍​នៅ​ប្រទេស​កម្ពុជា​រយៈ​ពេលជាង២សប្តាហ៍ ព្រមទាំងគោរពជម្រាបលាត្រលប់ទៅប្រទេសបារាំងវិញ។ក្នុងឱកាសជំនួបនេះ ឯកឧត្តមរដ្ឋមន្រ្តី បានស្តាប់នូវចំណាប់អាម្មរណ៍ល្អៗ និង​បទ​ពិសោធ​ផ្ទាល់​ខ្លួន​ពី​ការធ្វើទេសចរណ៍នៅគោលដៅទេសចរណ៍នានាក្នុងប្រទេសកម្ពុជា ជាពិសេស​គឺ​ការ​ស្នាក់​នៅ​ទទួលទាន និងការចុះ​ធ្វើ​ស្រែចំការ​តាម​ភូមិ​ឋាន​ជន​បទ​នានា​ជា​មួយ​ប្រជាព​លរដ្ឋ​កម្ពុជា​របស់​ប្រតិភូ និងថ្លែង​អំណរគុណ​ចំពោះ​ការ​ជ្រើស​រើស​ប្រទេស​កម្ពុជា​ជា​គោល​ដៅ​វិស្ស​មកាល​ប្រចាំ​ឆ្នាំ​របស់​ប្រតិភូ ព្រមទាំងការជួយផ្សព្វផ្សាយបន្តរបស់ប្រតិភូដល់ក្រុមគ្រួសារ មិត្តភ័ក្រ និងប្រជា​ពលរដ្ឋ​បារាំងទាំងអស់អំពីកត្តាសុខសន្តិភាព សុវត្ថិភាពល្អ ស្ថេរភាពសង្គម និងការអភិវឌ្ឍ​លើ​គ្រប់​វិស័យ​របស់ប្រទេសកម្ពុជានាពេលបច្ចុប្បន្ន ជាពិសេសបដិសណ្ឋារកិច្ចដ៏កក់ក្តៅ ម្ហូបអាហារ​ដ៏​មាន​ឱជា​រស គ្រឿងផ្សំពីធម្មជាតិផ្តល់សុខភាពល្អ និងទេសភាពដ៏ស្រស់ត្រកាល អាកាសធាតុល្អ នារដូវ​ការបៃតង៕

ក្រសួងវប្បធម៌ និងវិចិត្រសិល្បៈ រៀបចំពិធីអបអរសាទរការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និងសន្តិភាព” ក្នុងបញ្ជីបេតិកភណ្ឌពិភពលោក

2025/07/13 02:01:03 pm        145
Facebook Telegram Linkin
នាព្រឹកថ្ងៃទី១៣ ខែកក្កដា ឆ្នាំ២០២៥ វេលាម៉ោង៧:០០នាទីព្រឹក នៅទីស្តីការក្រសួងវប្បធម៌ និងវិចិត្រសិល្បៈ បានរៀបចំកម្មវិធីអបអរសាទរការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក ក្រោមអធិបតីភាពឯកឧត្ដម ហាប់ ទូច រដ្ឋមន្ត្រីស្តីទីក្រសួងវប្បធម៌ និងវិចិត្រសិល្បៈ ព្រមទាំងថ្នាក់ដឹកនាំ មន្ត្រីរាជការ និងសិស្សានុសិស្ស ប្រមាណជាង ៣០០នាក់ ។  សូមបញ្ជាក់ជូនថា បូជនីយដ្ឋានចងចាំនៃកម្ពុជា ត្រូវបានគណ:កម្មាធិការបេតិកភណ្ឌពិភពលោក អនុម័តចុះក្នុងបញ្ជីបេតិកភណ្ឌពិភពលោកនៃអង្គការយូណេស្កូ តាមសំណើរបស់រាជរដ្ឋាភិបាលកម្ពុជា នាសម័យប្រជុំលើកទី៤៧ នៅទីក្រុងបារីស សាធារណរដ្ឋបារាំង នាថ្ងៃទី១១ ខែកក្កដា ឆ្នាំ២០២៥។ ជោគជ័យនៃការចុះ “បូជនីយដ្ឋានចងចាំនៃកម្ពុជា” ក្នុងបញ្ជីបេតិកភណ្ឌពិភពលោក ដែលមានទីតាំងចំនួន៣ រួមមាន៖ អតីតមន្ទីរឃុំឃាំង ម១៣ (ស្ថិតនៅព្រំប្រទល់ខេត្តកំពង់ឆ្នាំងនិងខេត្តកំពង់ស្ពឺ), សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និង មជ្ឈមណ្ឌលប្រល័យពូជសាសន៍ជើងឯក (ស្ថិតនៅរាជធានីភ្នំពេញ) គឺកើតចេញពីគំនិតផ្តួចផ្តើមប្រកបដោយចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា និងការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលជានិច្ចកាលតែងតែផ្តល់អាទិភាពខ្ពស់ដល់កិច្ចអភិរក្ស និងការអភិវឌ្ឍបេតិកភណ្ឌជាតិប្រកបដោយ    ចីរភាព រួមទាំងការការពារសច្ចភាពប្រវត្តិសាស្ត្ររបស់ជាតិ។ ការចុះ “បូជនីយដ្ឋានចងចាំនៃកម្ពុជា” ក្នុងបញ្ជីបេតិកភណ្ឌពិភពលោក គឺជាមោទនភាពជាតិដ៏ធំធេងថ្មីមួយទៀត សម្រាប់ប្រជាជននិងប្រជាជាតិកម្ពុជា នៅលើឆាកអន្តរជាតិ និងជាគំរូមួយសម្រាប់ពិភពលោក បង្ហាញពីការតស៊ូដ៏យូរអង្វែងរបស់កម្ពុជា ការផ្សះផ្សាជាតិ ស្មារតីសាមគ្គីរួបរួមជាតិ ការស្វែងរកយុត្តធម៌ជូនជនរងគ្រោះ និងការកសាងសន្តិភាព ជាពិសេសតាមរយៈ នយោបាយឈ្នះ ឈ្នះ របស់   សម្តេចអគ្គមហាសេនាបតីតេជោ ហ៊ុន សែន ដែលបានប្រែក្លាយប្រទេសកម្ពុជាពី “វាលពិឃាដ” មកជា “ទឹកដីនៃសន្តិភាព” ដែលជារតនវត្ថុមិនអាចកាត់ថ្លៃបានសម្រាប់ប្រជាជាតិនិងប្រជាជនយើង ក្នុងការកសាងសន្តិភាព និងការអភិវឌ្ឍជាតិលើគ្រប់វិស័យ។

រដ្ឋមន្ត្រីទេសចរណ៍ ស្នើស្ថានទូតឥណ្ឌារៀបចំព្រឹត្តិការណ៍ទេសចរណ៍កម្ពុជា-ឥណ្ឌា​ឱ្យ​បាន​ច្រើន​ថែម​ទៀត

2025/06/21 01:19:01 pm        249
Facebook Telegram Linkin
នៅថ្ងៃទី២១ខែមិថុនានេះ ក្រសួងទេសចរណ៍ និងស្ថានទូតឥណ្ឌាប្រចាំនៅកម្ពុជា បាន​សហការ​រៀបចំ​ ទិវាយោគៈអន្តរជាតិលើកទី១១ នៅរាជធានីភ្នំពេញ ដែលតាមរយៈ​ការ​រៀប​ចំ​ព្រឹត្តិការណ៍​នេះ ​ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ យល់ថានឹង​រួម​ចំណែក​ផ្សព្វ​ផ្សាយ​ទាក់​ទាញ​ធុរជន និងភ្ញៀវទេសចរ ឥណ្ឌាមកទស្សនាកម្ពុជា កាន់តែច្រើនថែមទៀត ។ឯកឧត្តម រដ្ឋមន្ត្រី ហួត ហាក់ មានប្រសាសន៍ថា ការៀបចំព្រឹត្តិការណ៍ទិវាយោគៈអន្តរជាតិលើកទី ១១ ឆ្នាំ២០២៥នេះ គឺធ្វើឡើងក្នុងក្របខ័ណ្ឌយុទ្ធនាការឆ្នាំទេសចរណ៍កម្ពុជា-ឥណ្ឌា លើកទី១ ឆ្នាំ​២០២៤ ដែលកំពុងបន្តអនុវត្ត ដើម្បីជំរុញការផ្សព្វផ្សាយកាន់តែទូលំទូលាយនូវវប្បធម៌ អរិយធម៌ ប្រពៃណី ម្ហូបអា ហារ និងសក្តានុពលទេសចរណ៍សម្បូរបែប ដែលនឹង​ចូលរួម​ដល់​ការ​ពង្រឹង​ចំណង​មិត្តភាព ការបង្កើនទំ នាក់ទំនងលើវិស័យទេសចរណ៍ ពាណិជ្ជកម្ម និងការផ្លាស់ប្តូរ​វប្បធម៌​គ្នា​ទៅ​វិញ​ទៅមក។ឯកឧត្តម វ៉ាន់ឡយវ៉ាណា បារីលុង (Vanlalvawna Bawitlung) ឯកអគ្គរដ្ឋទូតឥណ្ឌា ប្រចាំ​កម្ពុជា បានបញ្ជាក់ថា ព្រឹត្តិការណ៍ទិវាយោគៈអន្តរជាតិ គឺមាន​ប្រារព្វ​ធ្វើ​ឡើង​នៅ​ប្រទេស​ឥណ្ឌា​តាំង​ពី​​យូរ​ណាស់មកហើយ ហើយស្ថានទូតឥណ្ឌា ក៏បានថ្លែងអរគុណកម្ពុជា ដែល​សហការ​រៀបចំ​មាន​ភាព​ផុសផុល ដូចបណ្តាប្រទេសនានាទៀតនៅលើពិភពលោកផងដែរ។ ការហាត់យោគៈ ហាត់​ធ្វើ​សមាធិ គឺមានអត្តប្រ យោជន៍ដល់សុខភាពផ្លូវចិត្ត ផ្លូវកាយ ការរស់នៅ​ឱ្យ​មាន​ភាព​ល្អប្រ​សើរ​ឡើង ហើយតាមរយៈការរៀបចំ ព្រឹត្តិការណ៍ទេសចរណ៍សុខុមាលភាពនេះ រំពឹងថា នឹង​ជំរុញ​បង្កើន​កិច្ច​ទំនាក់ទំនងល្អរវាងប្រជាជនកម្ពុជា ឥណ្ឌា អាចរួមចំណែក​ទាក់​ទាញ​ទេសចរ​ឥណ្ឌា​មក​ទស្សនា​កម្ពុជា​កាន់តែច្រើនផងដែរ។សូមបញ្ជាក់ថា ក្នុងឆ្នាំ២០២៥នេះ កម្ពុជា រៀបចំព្រឹត្តិការណ៍ទិវាយោគៈអន្តរជាតិលើកទី១១ ចំនួន ២លើក លើកទី១ រៀបចំនៅខេត្តសៀមរាប ថ្ងៃទី១៩ ខែមិថុនា និងលើកទី២ រៀបចំនៅ​រាជ​ធានី​ភ្នំពេញ ថ្ងៃទី២១ ខែមិថុនានេះ ៕ អត្ថបទ៖ ស៊ុម សុខជា 

រដ្ឋមន្ត្រីវប្បធម៌ អញ្ជើញបើកសិក្ខាសាលាស្តីពី«អនាគតគោលនយោបាយឧស្សាហកម្មវប្បធម៌ និងច្នៃប្រតិដ្ឋកម្ពុជា»

2025/06/11 12:31:08 pm        119
Facebook Telegram Linkin
លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បាន​អញ្ជើញ​ជា​អធិបតី ក្នុងពិធីបើកសិក្ខាសាលាស្តីពី អនាគតគោលនយោបាយឧស្សាហកម្មវប្បធម៌ និង​ច្នៃប្រតិដ្ឋកម្ពុជា, នាព្រឹកថ្ងៃទី១១ ខែមិថុនា ឆ្នាំ២០២៥នេះ។សិក្ខាសាលា “អនាគតគោលនយោបាយឧស្សាហកម្មវប្បធម៌ និងច្នៃប្រតិដ្ឋកម្ពុជា” មាន​ការ​អញ្ជើញ​ចូល​រួមពីឯកឧត្តម Sardar Umar Alam តំណាងយូណេស្កូប្រចាំកម្ពុជា ឯកឧត្តម លោក​ជំទាវ ឯកអគ្គរដ្ឋទូត លោក លោកស្រី តំណាងស្ថានទូតនានាប្រចាំកម្ពុជា ឯកឧត្តម លោកជំទាវ ដែល​អញ្ជើញមកពីក្រសួង-ស្ថាប័ននានា។លោកជំទាវបណ្ឌិតសភាចារ្យ ភឿង សកុណា បានថ្លែងថា ក្នុងនិន្នាការ នៃការគិតគូអំពី​សេដ្ឋកិច្ច​នា​ពេល​បច្ចុប្បន្ន គឺតាំងតែពីមុនការរីករាលដាល នៃជំងឺកូវីដ-១៩មកម៉្លេះ បណ្តា​ប្រទេស​មួយ​ចំនួន​លើ​ពិភពលោកបានយកចិត្តទុកដាក់លើកកម្ពស់សេដ្ឋកិច្ចជាតិរបស់ខ្លួនមួយផ្នែក ដោយ​ផ្តោត​ទៅ​លើ “សេដ្ឋកិច្ចដែលកើតចេញពីការច្នៃប្រតិដ្ឋបង្កើតថ្មី (Creative Economy)” ហើយ​ដែល​ក្នុង​សេដ្ឋកិច្ចផ្នែកនេះ ឧស្សាហកម្មវប្បធម៌ និងច្នៃប្រតិដ្ឋ (Cultural and Creative Industries) ជាស្នូលមួយយ៉ាងសំខាន់។ កន្លងមកកម្ពុជា ក៏បានគិតគូលើការងារនេះដែរ ដោយ​មាន​ការ​ជួយ​ជ្រោម​ជ្រែង​ពីបណ្តាប្រទេសជាមិត្ត និង ដៃគូ ជាពិសេសអង្គការយូណេស្កូ បាន​រៀបចំ​ជា ​“គោលនយោបាយជាតិស្តីពីវិស័យវប្បធម៌” មួយ ហើយ​ដែល​ទទួល​បាន​ការ​អនុម័ត​ដោយ​រាជ​រដ្ឋាភិបាល​កម្ពុជា កាលពីឆ្នាំ២០១៤កន្លងទៅ។ជាបន្តបន្ទាប់ រាជរដ្ឋាភិបាល​ក៏​បាន​ដាក់​ចេញ​ និង​អនុវត្ត​នូវ​គោលនយោបាយជាតិ និងយុទ្ធសាស្ត្រអាទិភាពមួយចំនួន ហើយ​ក៏​ទទួល​បាន​ផ្លែផ្កា​ជា​បណ្តើរ​ៗ ជាច្រើនមកហើយដែរ។ ទោះជាការអនុវត្តមានដំណើរទៅមុខជាបន្តបន្ទាប់យ៉ាងណាក៏ដោយ ក្រសួងវប្បធម៌ និង​វិចិត្រ​សិល្បៈ​ដែល​ជា​សេនាធិការផ្នែកវប្បធម៌របស់រាជរដ្ឋាភិបាល យល់ឃើញថា ដើម្បី​ទទួល​បាន​ប្រសិទ្ធភាព និង​ប្រសិទ្ធផលខ្ពស់ក្នុងការអនុវត្តគោលនយោបាយជាតិស្តីពីវិស័យវប្បធម៌ គួរគិត គូជា​ចាំ​បាច់អំពីគោលនយោបាយដែលបានដាក់ចេញកាលពីឆ្នាំ២០១៤កន្លងមក ហើយ​កំណត់​ឲ្យ​បាន​ច្បាស់អំពីនិយមន័យ (ដូចជា អ្វីទៅជា “ឧស្សាហកម្មវប្បធម៌”? អ្វីទៅជា “ឧស្សាហកម្ម​ច្នៃ​ប្រតិដ្ឋ”?) កំណត់ឲ្យបានច្បាស់នូវវិសាលភាពវិស័យ និងដាក់ចេញ​គោល​នយោបាយ​ជាតិ​ស្តីពី​ឧស្សាហកម្ម​វប្បធម៌ និងច្នៃប្រតិដ្ឋកម្ពុជា។ ដើម្បីឈានទៅដល់ការ សម្រេចបាននូវ​ការ​ដាក់​ចេញ​នូវ​គោល​នយោបាយជាតិនេះ ក្រសួងយល់ថា កិច្ចសហប្រតិបត្តិការរវាងក្រសួងពាក់ព័ន្ធ ដៃគូ​អភិវឌ្ឍ​ជាតិ និងអ​ន្តរជាតិ បណ្តាប្រទេសជាមិត្ត គឺជាកត្តាសត្យានុម័ត មិនអាចខ្វះបានទេ។បើតាមលោកជំទាវ ប៉ែន មុនីមករា រដ្ឋលេខាធិការក្រសួងវប្បធម៌ និងវិចិត្រសិល្បៈ បានឲ្យដឹងថា ក្នុង​គោលនយោបាយរបស់រាជរដ្ឋាភិបាល ផ្តោតទៅលើយុទ្ធសាស្រ្តបញ្ចកោណដំណាក់កាលទី១។ ក្នុង​យុទ្ធសាស្រ្តបញ្ចកោណ បានចង្អុលបង្ហាញឲ្យគ្រប់វិស័យទាំងអស់ គិតគូរ​លំអិត​អំពី​ពិពិធកម្ម​សេដ្ឋកិច្ច។ កន្លងមក ក្នុងវិស័យវប្បធម៌ គឺយើងគិតថាមានតែការងារលើកស្ទួយ អភិរក្ស និង​អភិវឌ្ឍ​វប្បធម៌​។ក្នុងន័យនេះ លោកជំទាវបណ្ឌិតសភាចារ្យ យល់ថា​សិក្ខា​សាលា​របស់​យើង​ពិត​ជា​មាន​សារ​សំខាន់​ជា​គន្លឹះ​ដែលអាចឲ្យយើងទទួលបានការចែករំលែកបទពិសោធន៍ល្អៗពីគ្រប់មជ្ឈដ្ឋាន ជា​ពិសេស​ពី​បទពិសោធន៍ ល្អៗនៃដៃគូជាតិ និងអន្តរជាតិ​ដែល​ជា​ចំណែក​យ៉ាង​សារ​សំខាន់​ក្នុង​ការ​រៀបចំ​គោល​នយោយបាយឧស្សាហកម្មវប្បធម៌ និងច្នៃប្រឌិដ្ឋកម្ពុជា។ សិក្ខាសាលារបស់យើង នឹង​ក្លាយ​ជា​វេទិកាស្វែងយល់ពីគ្នាទៅវិញទៅមក ពិសេសគឺគោលនយោបាយ និងវិធានការណ៍ នានា​ដែល​មាន​ស្រាប់​នៅ​តាមបណ្តាក្រសួងពាក់ព័ន្ធ ហើយក៏ជាឱកាសឲ្យយើងអាចពិនិត្យ មើល​លទ្ធភាព​ធ្វើ​ការ​រួម​គ្នា​ក្នុងគោលដៅ ដើម្បីកិត្យានុភាព និងអត្តសញ្ញាណជាតិផង និងដើម្បីកំណើនសេដ្ឋកិច្ច និង​សុខ​មាលភាពសង្គមផង៕ អត្ថបទ រដ្ឋា

កម្ពុជា ចិន និងជប៉ុន ពង្រឹងទំនាក់ទំនងអភិវឌ្ឍលើវិស័យភាពយន្ត និងអភិរក្សហ្វីល​ឯកសារ​ភាព​យន្ត​កម្ពុជា

2025/06/10 02:00:41 pm        93
Facebook Telegram Linkin
កម្ពុជា-ចិន និងជប៉ុន បានក្នុងរយៈពេល ៥ ខែ ឆ្នាំនេះបានពង្រឹងទំានក់ទំនងជាមួយគ្នា លើ​ការ​អភិវឌ្ឍ​លើ​វិស័យភាពយន្ត ក៏ដូចជាការបណ្តុះបណ្តាល និងបញ្រ្ជាប​នូវ​ចំណេះ​ដឹង​ក្នុង​វិស័យ​ភាព​យន្ត និងពិនិត្យវាយតម្លៃទៅលើគម្រោងអភិរក្សហ្វីលឯកសារភាពយន្តកម្ពុជា។លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃ​អគ្គនាយក​ដ្ឋាន​បច្ចេក​ទេស​វប្បធម៌ ក្រសួងវប្បធម៌ និងវិចិត្រសិល្បៈ ប្រាប់ BTV ព័ត៌មាន នាព្រឹកថ្ងៃទី១០ ខែ​មិថុនា ឆ្នាំ២០២៥នេះថា នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ក្នុងរយៈពេល៥ខែ ដើម​ឆ្នាំ២០២៥នេះ បានអនុញ្ញាតដល់ការផលិតភាពយន្តក្នុងស្រុក និងការ​អនុញ្ញាត​ជូន​ផលិតករ​ភាព​យន្ត​បរទេស មកថតភាពយន្ត នៅព្រះរាជាណាចក្រកម្ពុជា និងការអនុញ្ញាត​ផ្តល់​ទិដ្ឋាការ​សម្រាប់​ផ្សព្វផ្សាយ មកចាក់បញ្ចាំងនៅកម្ពុជា។ ជាក់ស្តែងក្នុងឆ្នាំ២០២៥នេះ ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា បាន​សហការ​ជាមួយ​រដ្ឋបាលភាពយន្ត នៃសាធារណរដ្ឋប្រជាមានិតចិន ចុះអនុស្សារណៈ​នៃ​ការ​យោគយល់​គ្នា​មួយ ស្តីពីកិច្ចសហប្រតិបតិ្តការលើវិស័យភាពយន្ត នៅក្នុងអនុស្សារណៈ​នៃ​ការ​យោគយល់​គ្នានេះ គឺជាការបើកនូវឱកាសនៃទំនាក់ទំនងទ្វេរភាគីរវាងប្រទេសទាំងពីរ ដើម្បី​អភិវឌ្ឍ​លើ​វិស័យភាពយន្ត ក៏ដូចជាការបណ្តុះបណ្តាលនិងបញ្រ្ជាបនូវចំណេះដឹង ក្នុង​វិស័យ​ភាព​យន្ត​។លោក ប៉ុក បូរក្ស ថ្លែងថា កិច្ចសហប្រតិបតិ្តការមួយដែលរៀបចំធ្វើ ហើយនិង​បាន​ចុះ​ហត្ថ​លេខា​ដោយ​លោក​ជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ ជាមួយ​នឹងរដ្ឋបាលភាពយន្តចិន កាលពីខែមេសា ឆ្នាំ២០២៥កន្លងទៅនេះ។ លើសពី​នេះ​នាយកដ្ឋាន​សិល្បៈភាពយន្ត និងផ្សព្វផ្សាយវប្បធម៌ ក៏មានកិច្ចសហប្រតិបតិ្តការជាមួយភាគីជប៉ុន ក្នុង​ការពិនិត្យវាយតម្លៃទៅលើឯកសារភាពយន្តដែលយើងមាននៅក្នុងបណ្ណសារដ្ឋានរបស់យើង៕ អត្ថបទ រដ្ឋា

បទពិសោធ និងអនុសាសន៍របស់កម្ពុជាលើកឡើងក្នុងសន្និសីទពិភពលោកលើប្រធានបទ "​បរិវត្តកម្មទេសចរណ៍ និងនិរន្តភាព ត្រូវបានទទួលការសាទរ និងគាំទ្រយកជាគំរូ

2025/06/06 03:47:36 pm        160
Facebook Telegram Linkin
សាធារណរដ្ឋកូរ៉េ៖ នាព្រឹកថ្ងៃទី៥ ខែមិថុនា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានអញ្ជើញថ្លែងសុន្ទរកថាគន្លឹះក្នុងសន្និសីទឧស្សាហកម្មទេសចរណ៍ពិភពលោកលើកទី៤ ក្រោមប្រធានបទ "បរិវត្តកម្មទេសចរណ៍ និងនិរន្តភាព (Tourism Transformation & Sustainability)​" ដោយមានអ្នកចូលរួមជាថ្នាក់ដឹកនាំ អង្គទូតបរទេសប្រចាំសាធារណរដ្ឋកូរ៉េ អ្នកជំនាញអន្តរជាតិក្នុងវិស័យទេសចរណ៍ និងក្រុមហ៊ុនឯកជនជាច្រើននាក់។ ក្នុងសុន្ទរកថាគន្លឹះ ឯកឧត្តមរដ្ឋមន្រ្តី បានចែករំលែកបទពិសោធនៃការអភិវឌ្ឍវិស័យទេសចរណ៍ ជាពិសេសក្នុងបរិបទដែលកម្ពុជាបានឆ្លងកាត់នូវសម័យកាលដ៏ល្វីងជូរចត់ និងសែនពិបាករហូតដល់បានទទួលនូវសុខសន្តិភាពដ៏ពេញលេញ ដែលកម្ពុជាបានឆ្លុះបញ្ចាំងដល់ពិភពលោកពីតម្លៃមិនអាចកាត់ថ្លៃបាននៃសន្តិភាព និងទំនាក់ទំនងមិនអាចកាត់ផ្តាច់បានរវាងសន្តិភាព និងទេសចរណ៍ ដូចពាក្យស្លោកប្រកបដោយគតិបណ្ឌិតរបស់សម្តេចមហាបវរធិបតី "ទេសចរណ៍រីកលូតលាស់ក្នុងសន្តិភាព"។ ទន្ទឹមនឹងនេះដែរ ឯកឧត្តមរដ្ឋមន្រ្តី ក៏បានគូសបញ្ជាក់ថាការរក្សានូវនិរន្តភាពជារឿងដ៏ពិបាកតែអាចសម្រេចតាមរយៈសកម្មភាពរួមគ្នាជាក់ស្តែងដែលឯកឧត្តមរដ្ឋមន្រ្តីបានលើកជាអនុសាសន៍ចំនួន៤ ដែលឯកឧត្តមរដ្ឋមន្រ្តីបានលើកឡើងក្នុងសុន្ទរកថាគន្លឹះ។ បទពិសោធ និងអនុសាសន៍ដែលបានលើកឡើងដោយឯកឧត្តមរដ្ឋមន្រ្តី ត្រូវបានទទួលការសាទរគំាទ្រ និងត្រូវបានយកជាកម្មវត្ថុនៃគំនិតពិភាក្សាក្នុងសនិ្នសីទកម្រិតអន្តរជាតិដែលគំាទ្រដោយអង្គការសហប្រជាជាតិទេសចរណ៍ (UNWTO)៕

ក្រសួងទេសចរណ៍ គ្រោងបើកដំណើរការ​សាលា​វិជ្ជាជីវៈ​ទេសចរណ៍VST របស់ខ្លួន​នៅ​ចុង​ខែ​មិថុនា​នេះ

2025/06/06 11:31:09 am        133
Facebook Telegram Linkin
បើ​មិនមានការប្រែប្រួលនោះទេ នៅក្នុងអំឡុងចុងខែមិថុនា ឆ្នាំ២០២៥នេះ ក្រសួងទេសចរណ៍ នឹង​បើក​ដំណើការជាបណ្តោះអាសន្ន នៃសាលាវិជ្ជាជីវៈទេសចរណ៍របស់ខ្លួន នៅរាជធានីភ្នំពេញ ក្រោយពីសាលាវិជ្ជាជីវៈទេសចរណ៍ ដែលជាសាលាជាតិទាំង២ទីតាំង នៅរាជធានីភ្នំពេញ និង​ខេត្ត​ព្រះសីហនុ បានដំណើរការសាងអស់រយៈពេលប្រមាណ៣ឆ្នាំរួចមក។ឯកឧត្តម ឆាយ ឃុនឡុង នាយកសាលាវិជ្ជាជីវៈទេសចរណ៍ បានថ្លែងប្រាប់BTV នៅថ្ងៃទី៦ ខែ​មិថុនា​នេះ​ថា បច្ចុប្បន្នតួអាគារសាលាវិជ្ជាជីវៈទេសចរណ៍ VST នៅរាជធានីភ្នំពេញ បាន​សាង​សង់​រួច​រាល់​អស់​ហើយ ហើយក្នុងអំឡុងពេលនេះ ក្រុមការងារ បានកំពុងពន្លឿន ការរៀបចំ​បំពាក់​សំភារៈ​ការ​សិក្សានៅតាមបន្ទប់នីមួយៗ និងបោសសម្អាតទីធ្លា ដើម្បីត្រៀម​បើក​ដំណើរការ​ទទួល​សិស្ស​ចុះ​ឈ្មោះចូ​លរៀន និងបង្រៀនចាប់ខែមិថុនា ឆ្នាំ២០២៥ ហើយនឹងបើក​ដំណើរ​កា​រ​បង្រៀន​ចាប់​ពី​ខែ​កញ្ញាតទៅដែរ។នៅក្នុងដំណើរចុះពិនិត្យវឌ្ឍនភាពការងារសាលាវិជ្ជាជីវៈទេសចរណ៍កាលពីពេលថ្មីៗនេះ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ បានថ្លែងថា សាលា​វិជ្ជាជីវៈ​ទេសចរណ៍​គឺ​ជា​សាលា​ជាតិ ដែលនឹងផ្តល់ការបណ្តុះបណ្តាលវិជ្ជាជីវៈទេសចរណ៍រួមមាន៖ (១) ផ្នែក​សេវា​កម្ម​សណ្ឋាគារ និង​ស្នាក់នៅទេសចរណ៍ (២) ផ្នែកសេវាកម្មម្ហូបអាហារនិងភេសជ្ជៈ (៣)​ផ្នែក​សេវា​កម្ម​ធ្វើ​ដំណើរ (៤) ផ្នែកសេវាកម្មទេសចរណ៍ និងជំនាញទេសចរណ៍​មួយ​ចំនួន​ទៀត​ដែល​ស្រប​ទៅ​តាម​ស្តង់ដា ជាតិ និងអាស៊ាន។ សូមបញ្ជាក់ថា សាលាវិជ្ជាជីវៈទេសចរណ៍ VST រាជធានីភ្នំពេញ បានចាប់ផ្តើម​ដំណើរការ​សាង​សង់​បុក​គ្រឹះនៅក្នុងអំឡុងចុងខែវិច្ឆិកា ឆ្នាំ២០២២ ខណៈ គម្រោងសាងសាងសង់ បង្កើត​សាលា​ជាតិ​វិជ្ជា​ជីវៈទេសចរណ៍ទាំងពីរទីតាំងនៅរាជធានីភ្នំពេញ និងនៅខេត្តព្រះសីហនុនេះ បាន​ចំណាយ​ថវិកា​សរុបប្រមាណ ២៦,៥ លានដុល្លាអាមេរិក ក្នុងនោះ កម្ចីហិរញ្ញប្បទានពី AFD មាន​ចំនួន១១ លានអឺរ៉ូ ដែលស្មើនឹង១២ លានដុល្លាអាមេរិច៕ អត្ថបទ៖ ស៊ុម សុខជា 

មន្ត្រីជាន់ខ្ពស់ក្រសួងវប្បធម៌៖ «យើងចាំបាច់ត្រូវកសាង និងពង្រឹងសមត្ថភាពយុវជនឲ្យមានកាវិវត្តន៍រីកចម្រើន លើជំនាញសរសេរអត្ថបទ តែងនិពន្ធភាពយន្ត»

2025/06/04 04:08:32 pm        123
Facebook Telegram Linkin
លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃ​អគ្គ​នាយក​ដ្ឋាន​បច្ចេក​ទេស​វប្បធម៌ ក្រសួងវប្បធម៌ និងវិចិត្រសិល្បៈ បានថ្លែងប្រាប់BTV ព័ត៌មាន នារសៀល​ថ្ងៃទី​៤ ខែមិថុនា ឆ្នាំ២០២៥នេះថា យើងចាំបាច់ត្រូវកសាង ពង្រឹង​សមត្ថភាព​យុវជន​ឲ្យ​មាន​ការ​វិត្តន៍​រីក​ចម្រើន លើជំនាញសរសេរអត្ថបទតែងនិពន្ធភាពយន្ត ដែលអាចចាត់ទុកថា ជា​ជំនាញ​អាទិភាព​មួយ​ក្នុង​វិស័យភាពយន្ត។លោក ប៉ុក បូរក្ស បានបន្តថា ក្នុងឆ្នាំ២០២៥នៃផែនការអនុវត្តន៍ការងារ មានគម្រោងបើកវគ្គបណ្តុះបណ្តាលភាពយន្តខ្លីកម្ពុជា ២០២៥ ជាលើកទី៨(Cambodia Film Lab 2025) ដែលនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ ចាប់ផ្តើមនាចុងខែកក្កដា រហូតដល់ខែកញ្ញា ឆ្នាំ២០២៥ ផ្តោតជាសំខាន់ដើម្បីចូលរួមចំណែកក្នុងការធ្វើឲ្យប្រសើរឡើងនូវវិស័យឧស្សាហកម្មភាពយន្តកម្ពុជា ដោយធ្វើការកសាងសមត្ថភាព ពង្រឹងជំនាញ និងបង្កើតឱកាសសម្រាប់យុវជនដែលស្រលាញ់វិស័យភាពយន្ត។សូមបញ្ជាក់ផងដែរថា លក្ខខណ្ឌនៃការចូលរួមក្នុងវគ្គបណ្តុះបណ្តាលភាពយន្តខ្លីកម្ពុជា ២០២៥នេះ បេក្ខជនត្រូវមានសញ្ជាតិខ្មែរ អាយុចាប់ពី២០ឆ្នាំ រហូតដល់៣៥ឆ្នាំ មានបទពិសោធន៍ខ្លះ ឬមានចំណេះដឹងមូលដ្ឋានក្នុងវិស័យភាពយន្ត ឬប្រព័ន្ធផ្សព្វផ្សាយ។ កម្មវិធីសិក្សាវគ្គបណ្តុះបណ្តាលភាពយន្តខ្លីកម្ពុជា នឹងផ្តោតសំខាន់លើការសរសេរអត្ថបទភាពយន្ត (Script) ការដឹកនាំរឿង (Directing) ការរៀបចំប្លង់ថត (Cinematography) ព្រមទាំងជំនាញមួយចំនួនទៀតដូចជា ការតុបតែងលំអរឆាក (Arts and Prop) ការដំឡើង និងកែពណ៌រូបភាព (Editing Color grading ) និងការផ្គុំសម្លេង (Sound mixing) ៕ អត្ថបទ រដ្ឋា

ក្រសួងទេសចរណ៍ចុះសិក្សារៀបចំគោលដៅទេសចរណ៍ និងកញ្ចប់ទស្សនកិច្ចភ្នំគូលែន ដើម្បីជំរុញការស្នាក់ និងការដកបទពិសោធន៍ទេសចរណ៍ភ្នំគូលែន!

2025/05/19 04:38:47 pm        128
Facebook Telegram Linkin
កាលពីថ្ងៃទី១៣-១៦ ខែឧសភា ឆ្នាំ២០២៥ ក្រុមការងារបច្ចេទេសក្រសួងទេសចរណ៍ ដឹកនាំដោយ លោក ម៉ែន ភារម្យ អគ្គនាយករងអភិវឌ្ឍន៍ទេសចរណ៍និងសហប្រតិបត្តិការអន្តរជាតិ បានដឹកនាំក្រុមការងារបានចុះសិក្សានៅលើទីតាំងជាក់ស្តែង សក្តានុពល ប្រមូលទិន្នន័យ និងស្វែងរកបញ្ហាប្រឈមក្នុងការអភិវឌ្ឍន៍ទេសចរណ៍ សម្រាប់រៀបចំឯកសារទស្សនទានស្តីពីវិធានគន្លឹះអភិវឌ្ឍន៍ទេសចរណ៍នៅឧទ្យានជាតិព្រះជ័យនរោត្តម-ភ្នំគូលែន (អតីតដែនដីរាជធានីបុរាណ "មហិន្ទ្របពត៌") នៅតាមគោលដៅសំខាន់ៗមួយចំនួន ដោយមធ្យោបាយរថយន្ត ម៉ូតូ និងថ្នើរជើងរួមមាន៖ ១) សួនកេសរកូល សុខ អាន ២) ពើងតាខុ(ពើងជ្រួញ) ៣) ទឹកធ្លាក់ភ្នំគូលែន ៤) ស្ទឹងលិង្គ ១០០០ ៥) ព្រះអង្គធំ ៦) ស្នាក់ការឧទ្យានុរក្សខ្នងភ្នំ ៧) រមណីយដ្ឋានធីស័ក្តិ ៨) ទីតាំងថ្មដាប់ ៩) ទីតាំងបោះជំរំបេងមាលា ១០) ពើង ៧៥ ឬ Camps International site ១១) ភូមិខ្លាឃ្មុំ ១២) ប្រាសាទខ្លាឃ្មុំ ១២) ប្រាសាទក្រហម ១៣) សហគមន៍ទេសចរណ៍ពពេល ១៤) ពើងត្បាល់ ១៥) ប្រាសាទអារាមរោងចិន ១៦) ប្រាសាទអរផ្អុង ១៧) វត្តព្រះកាល ១៨) ល្អាងប្រចៀវ ១៩) ស្រះដំរី ២០) ប្រាសាទដំរីក្រាប និង២១) សហគមន៍ទេសចរណ៍ព្រៃធំអន្លង់ធំ.ក្រុមការងារក៏បានជួបប្រជុំជាមួយតំណាងក្រុមហ៊ុនគោកធ្លក អាជ្ញាធរស្រុក/ឃុំ មេភូមិ វិស័យឯកជន និងប្រជាសហគមន៍ ដើម្បីទទួលបានព័ត៌មាន ទិន្នន័យ និងបញ្ហាប្រឈមនានា សំដៅរួមគ្នាដោះស្រាយ និងរៀបចំពង្រឹងគុណភាពផលិតផល/សេវាកម្ម ធនធានមនុស្ស និងសម្បទាទ្រទ្រង់នានា សំដៅជំរុញការស្នាក់នៅរបស់ទេសចរជាតិ-អន្តរជាតិ ក្នុងខ្សែទស្សនកិច្ច៖ ភ្នំពេញ-ភ្នំគូលែន-ក្រុងសៀមរាប និងក្រុងសៀមរាប-ភ្នំគូលែន-ភ្នំពេញ និងភ្ជាប់ការទស្សនាទៅកាន់គោលដៅជុំវិញនានាផងដែរ។

បណ្ដាញសង្គម

ព័ត៌មានថ្មីៗ

កសិផលខ្មែរមួយចំនួនថែមទៀតអាចនឹងទទួលដំណឹងល្អពីភាគីចិន ខណៈផ្លែទុរេនស្រស់ជាង ១៧តោន ត្រូវបាននាំចេញ
07/19/2025 12:07 PM
Facebook Telegram Linkin
សមាគមគ្រូពេទ្យ TYDA រៀបចំសន្និសីទទន្តសាស្រ្តប្រចាំឆ្នាំ ដោយផ្ដោតលើការអនុវត្តទន្តសាស្រ្តឈានមុខ
07/19/2025 12:07 PM
Facebook Telegram Linkin
មេបញ្ជាការកងទ័ពជើងគោកកម្ពុជា និងហ្វីលីពីន អញ្ជើញចូលរួមបិទវគ្គហ្វឹកហ្វឺនរួមគ្នា នៅភ្នំម្រះព្រៅ ខេត្តកំពង់ស្ពឺ
07/19/2025 12:07 PM
Facebook Telegram Linkin
អែលសាល់វ៉ាឌ័រ បញ្ជូនពលរដ្ឋវេណេស៊ុយអេឡាដែលត្រូវបានឃុំខ្លួន ត្រឡប់ទៅប្រទេសវិញជាថ្នូរនឹងពលរដ្ឋអាមេរិក
07/19/2025 11:07 AM
Facebook Telegram Linkin
ការផ្ទុះនៅមូលដ្ឋានតម្រួតទីក្រុង Los Angeles បានសម្លាប់នាយរងបីនាក់
07/19/2025 11:07 AM
Facebook Telegram Linkin
លោក Trump៖ «កិច្ចព្រមព្រៀងពាណិជ្ជកម្មធំៗ» មួយចំនួននឹងត្រូវបានប្រកាសក្នុងពេលឆាប់ៗនេះ
07/19/2025 11:07 AM
Facebook Telegram Linkin
រដ្ឋបាលខេត្តប៉ៃលិន គ្រោងកសាងសួនច្បារ «ប៉ៃលិនមរតកតេជោ» អមសងខាងស្ទឹងប៉ៃលិន
07/19/2025 11:07 AM
Facebook Telegram Linkin
លោកជំទាវបណ្ឌិត សោម គីមសួគ៌ នាំយកអំណោយផ្ដល់ជូនដល់កងទ័ព ដែលកំពុងឈរជើងជួរមុខ នៅទិសប្រាសាទព្រះវិហារ
07/19/2025 11:07 AM
Facebook Telegram Linkin
ប្រធានាធិបតីអ៊ុយក្រែន ឈានទៅរកការចាប់ផ្តើមឡើងវិញការចរចាជាមួយរុស្ស៊ី
07/19/2025 11:07 AM
Facebook Telegram Linkin
ស៊ីរីនឹងដាក់ពង្រាយកងកម្លាំងខណៈការប៉ះទង្គិចកាន់តែខ្លាំងរវាងក្រុម Bedouin-Druze ផ្ទុះឡើងនៅខេត្ត Suwayda
07/19/2025 11:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.