នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ
នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ
អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់
ជនជាតិខ្មែរ និង​បរទេសជិត ៥ពាន់នាក់ ត្រូវជាប់ឃុំ ខណៈមន្ត្រីនគរបាល ៧៧នាក់ ត្រូវវិន័យធ្ងន់ធ្ងរដោយសារ Online Scams

សន្តិសុខ និង សង្គម

អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ

2026/09/30 05:35:30 pm        105
Facebook Telegram Linkin
ភ្នំពេញ៖តាមរយៈសេចក្តីជូនដំណឹងស្តីពីកិច្ចប្រជុំលើកទី១៤ អាណត្តិទី៤ នៃក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព) នៅរសៀលថ្ងៃទី២៩ ខែកញ្ញា ឆ្នាំ២០២៦ បានឱ្យដឹងថា អង្គភាពប្រឆាំងអំពើពុករលួយ(អ.ប.ព.) ប្រមូលកម្លាំងរបស់នាយកដ្ឋានបច្ចេកទេស និងកោសល្យវិច័យ និងកម្លាំងមកពីនាយកដ្ឋាននានាមានចំនួន ៥៧ នាក់ ដឹកនាំដោយ ឯកឧត្តម ទូច ស៊ុនណារី សម្រាប់ការងារចុះបញ្ជីសម្ភារៈ ឧបករណ៍ ដែលបានទទួលពីសាលាដំបូង និងដឹកនាំដោយ ឧបការី យ៉ិនទៀង ពុទ្ធិរ៉ា លើការងារកោសល្យវិច័យស៊ើបអង្កេត។ ជាលទ្ធផលក្នុងខែកញ្ញាឆ្នាំ២០២៦មានដូចជា៖-ទូរសព្ទ ៨៤៧ គ្រឿង បានពិនិត្យរួច ៨១៧ គ្រឿង - ខូចទាំងស្រុងមិនដំណើរការ ២៣ គ្រឿង (ក្នុង ៨៤៧ គ្រឿងនេះ នគរបាលបានកោសល្យវិច័យរួចមាន ៣ គ្រឿង)។-កុំព្យូទ័រសរុប ៨៤ គ្រឿង បានពិនិត្យរួច។-ស៊ីមទូរសព្ទ ៧១០ បានពិនិត្យ និងរកឃើញថា ស៊ីមចំនួន ១៦៨ មិនមានអត្តលេខសម្គាល់ជាស៊ីមរបស់ប្រទេសណា - ស៊ីមចំនួន ១៨៨ (១៥៤+៣៤) ជាសំបកស៊ីមគ្មានស៊ីមទេ - ហើយស៊ីមសល់ពីនោះមានអត្តលេខទូរសព្ទរបស់ក្រុមហ៊ុននៅអាល្លឺម៉ង់ - អាមេរិក - ចិន - ចិនតៃវ៉ាន់ - វៀតណាម (ប្រការនេះបង្ហាញថា អ្នករងគ្រោះមានជនជាតិអាល្លឺម៉ង់ - អាមេរិក - ចិន - ចិនតៃវ៉ាន់- វៀតណាម...)។សេចក្តីជូនដំណឹងដដែលបានបន្តថា ក្រុមការងារ និងការគាំទ្រ SG01 កំពុងបន្តស្រាវជ្រាវ រកភស្តុតាងផ្សេងទៀតតាមការចង់បានរបស់សាលាដំបូងរាជធានីភ្នំពេញ ហើយជាជំហានដំបូងនេះ អង្គភាពប្រឆាំងអំពើពុករលួយបានរកឃើញថាដូចជា៖ក.ក្រុមនេះធ្វើការឆបោករបៀបឱ្យវិនិយោគលើប្រាក់និម្មិតគ្រីបតូ ហើយវិធីបោកដើរតាម ៣ ជំហានរួមមាន៖លួងលោម - សាកសួរ និងវិនិយោគ ៥០០ ដុល្លារសិន - ប្លុកយកប្រាក់តាមវិធីឱ្យបង់ពន្ធ បិទចោល។ខ.ឯការឆបោកចែកជាកម្រិត A (អ្នកចាញ់បោកប្រាក់ពី ២០ ម៉ឺនដុល្លារឡើងទៅ) កម្រិត B (ចាញ់បោកពី ៣ ម៉ឺនដុល្លារឡើងទៅ)គ.សមាជិកឆបោក ដែលសរសេរជាអក្សរវៀតណាម ហើយបកប្រែជាភាសាអង់គ្លេស ច្រើនតែជាការឆបោកមនោសញ្ចេតនា ស្នេហាឃ.ក្រុមឆបោកនេះចែកជាអនុក្រុមដូចជា៖A - អនុក្រុម: អ្នករកមុខសញ្ញាដែលអាចឆបោកបានតាម Facebook និង Google នូវឯកសារជាបញ្ជីជាឈ្មោះ មានលេខគណនី ឱ្យមកអនុក្រុមមួយ ...-អនុក្រុមឆបោកបានលួងលោមមុខសញ្ញាឱ្យស្ម័គ្រចិត្តចូលវិនិយោគ-អនុក្រុមជនទី៣: ជាក្រុមបង្កើត Account ក្លែងក្លាយជាច្រើន ដែលមានរូប មានទ្រព្យសម្បត្តិជាអ្នកមាន ហើយជនទី៣ នៅចាំចូលComment បន្ថែម ឱ្យជនរងគ្រោះលង់ជឿថា វិនិយោគក៏នឹងបានធូរធារ មានទ្រព្យសម្បត្តិដូចពួកអ្នកបន្ទរទាំងនោះ។ អនុក្រុមជនទី៣ ក៏មានធ្វើផ្សាយពាណិជ្ជកម្មឱ្យគេចុចដើម្បីចូលក្រុមក្រុមលួងលោម។B - ពេល ៣ ក្រុមនេះសម្រចបានលទ្ធផលមុខសញ្ញាចាញ់បោកណា ហើយមុខសញ្ញាចាញ់បោកទាំងនោះ ត្រូវចូលមកអនុក្រុមស្ថិតក្នុងជំពូក B គឺជំពូកក្រុមកាប់ជ្រូក (Killer) ដែលមាន៖-អនុក្រុម ពន្យល់ពីការគ្រីបតូណាងាយចូលរួម (ជាគ្រីបតូដែលពួកអនឡាញស្គេមក្លែងក្លាយ បង្កើតឡើង ដើម្បីគ្រប់គ្រងលុយគ្រីបតូដោយពួកវា ដោយអ្នកចាញ់បោកមិនដឹង - ពេលដែលជនរងគ្រោះចាប់ផ្ដើមបង្កើតគណនីគ្រីបតូ (ក្លែងក្លាយរបស់ពួកវា)ហើយ - បុគ្គលិកអនឡាញស្គេមចាប់ផ្ដើមផ្ដល់ប្រាក់ ៥០០ដុល្លារគ្រីបតូឱ្យជនរងគ្រោះធ្វើការវិនិយោគសាកល្បង ហើយពេលឈប់លេងវិនិយោគ (មានចំណេញ) ត្រូវសងប្រាក់ដើម ៥០០ ដុល្លារគ្រីបតូ ឱ្យមកវាវិញ។-អនុក្រុមលេងការវិនិយោគជាមួយជនរងគ្រោះលើប្រាក់សាកល្បង ៥០០ ដុល្លារគ្រីបតូ ណែនាំឱ្យជនរងគ្រោះធ្វើតាមវាគ្រប់ជំហាន ហើយតាមដំណាក់កាលនីមួយៗ វាបង្កើតការឡើង ការធ្លាក់ចុះនៃតម្លៃគ្រីបតូបបង្ហាញច្បាស់ៗថា ជនរងគ្រោះចំណេញប៉ុន្មានៗហើយ នោះដំណាក់កាលវិនិយោគសាកល្បងត្រូវប្រគល់ប្រាក់ ៥០០ ដុល្លារគ្រីបតូ មកឱ្យបុគ្គលិកអនឡាញស្គេម ហើយឈានចូលការវិនិយោគដែលមានប្រាក់ខ្លួនឯង ជាមួយប្រាក់ចំណេញដែលខ្លួនមានពីការវិនិយោគសាកល្បង ៥០០ ដុល្លារគ្រីបតូ។អនុក្រុមលេងវិនិយោគដោយប្រាក់ខ្លួនឯង ដាក់ប្រាក់ ហើយមានផលចំណេញ ដែលបុគ្គលិកអនឡាញស្គេមណែនាំឱ្យដាក់ប្រាក់ឃើញថា ចំណេញ - ពេលណែនាំកុំឱ្យដាក់ប្រាក់ បន្ទាប់មកអាត្រាហ៊ុនគ្រីបតូធ្លាក់ចុះមែន រហូតដល់ជនរងគ្រោះឃើញថា ស្តាប់តាម ១០ ដង ចំណេញ ១០ ដង - អ្នកខ្លះក៏ដាក់ដល់ ៣ ដង រហូតជាង ២០ ម៉ឺន អនុក្រុមនេះវិភាគថា ដល់ពេលសម្លាប់ជ្រូកហើយ វាក៏ទាមទារឱ្យបង់ពន្ធលើប្រាក់ដែលជនរងគ្រោះបានវិនិយោគ និងទទួលបានចំណេញ (ដូចជាការវិនិយោគអស់ ២០ ម៉ឺន វាឱ្យបង់ពន្ធ ២ ម៉ឺន) ពេលជនរងគ្រោះព្រមបង់ពន្ធ វាចាប់ប្លុកចោល យកប្រាក់ ២០ ម៉ឺន និងប្រាក់ពន្ធនោះតែម្តង។ ប្រសិនបើជនរងគ្រោះមិនព្រមបង់ពន្ធទេ បុគ្គលិកអនឡាញស្គេមនោះក៏ប្លុកយកប្រាក់ ២០ ម៉ឺននោះតែម្តង ហើយចប់។រីឯក្រុមអនឡាញស្គេមមានការភូតកុហកស្ទាត់ជំនាញអំពីនីតិវិធីបោកប្រាស់ និងមានវិធីឆែកមើល វាយតម្លៃជនរងគ្រោះតាមដំណាក់កាលនីមួយៗ ដើម្បីឱ្យដឹងថា ជនណាងាយរងគ្រោះ ដើម្បីវាតាមឱ្យស្អិត ជនណាមិនងាយរងគ្រោះ មិនត្រូវបន្តចំណាយពេលជាមួយ។ ក្រុមនោះមានអត្ថបទណែនាំលួងលោមឆបោកជាភាសាចិន ហើយបកប្រែជាភាសាអង់គ្លេស - អាល្លឺម៉ង់ - វៀតណាម - ដើម្បីឱ្យបុគ្គលិកវាម្នាក់ៗចេះទាក់ទងជនរងគ្រោះ ទាំងជនរងគ្រោះនៅមានឋានៈជា Friend រហូតដល់ឋានៈជាសត្វជ្រូកដែលត្រូវគេកាប់។អត្ថបទ៖ទូច សោភ័ណ

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

2026/09/28 04:12:12 pm        2312
Facebook Telegram Linkin
ភ្នំពេញ៖ នគរបាលរាជធានីភ្នំពេញ នារសៀលថ្ងៃទី២៨ ខែកញ្ញា ប្រាប់ឲ្យដឹងថា ដោយ​អនុវត្ត​តាម​បទ​បញ្ជា​របស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការ​នគរបាល​រាជ​ធានី​ភ្នំពេញ ​កាលពីថ្ងៃទី២៦ ខែកញ្ញា ឆ្នាំ២០២៦ វេលាម៉ោង២២ និង ៣០នាទី កម្លាំង​ការិយាល័យ​នគរបាល​ព្រហ្មទណ្ឌកម្រិតស្រាល រាជធានីភ្នំពេញ ដឹកនាំដោយលោកឧត្តម​សេនីយ៍​ត្រី ​ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ និងដឹកនាំ​កម្លាំង​អនុវត្ត​ផ្ទាល់​ពី​លោក​វរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល ធ្វើការ​ស្រាវ​ជ្រាវ​ឃាត់​ខ្លួន​ជនសង្ស័យ ០៩នាក់ ពាក់ព័ន្ធករណីវាយប្លន់យកម៉ូតូ ។ហេតុការកើតឡើងនៅចំណុចផ្លូវជាតិលេខ៣ វត្តជន្លង់ម្លូ ភូមិទួលកី សង្កាត់ ភ្លើងឆេះរទេះ ខណ្ឌ​កំបូល កាលពីថ្ងៃទី២០ ខែកញ្ញា ឆ្នាំ២០២៦។ ជន​សង្ស័យ​ទាំង ០៩នាក់ ១-ឈ្មោះ ចាន់ ផានុន ហៅ អាសាក់ ភេទប្រុស អាយុ ១៨ឆ្នាំ ២-ឈ្មោះ ថន ប៊ុនលាប ហៅ អាលាប ភេទប្រុស អាយុ ១៨ឆ្នាំ ៣-ឈ្មោះ ព្រយ ចំរើន ហៅ អាតឿ ភេទប្រុស អាយុ ១៩ឆ្នាំ ៤-ឈ្មោះ រិទ្ធ សង្ហា ហៅ អាប៉ែរ ភេទប្រុស អាយុ ១៨ឆ្នាំ ៥-ឈ្មោះ ភឿន សំណាង ហៅ អាណាង ភេទប្រុស អាយុ ១៨ ឆ្នាំ ៦-ឈ្មោះ ថាត មេសា ហៅ អាបឹម ភេទប្រុស អាយុ ១៨ ឆ្នាំ ៧-ឈ្មោះ រ៉ាត់ ណារិន ហៅ អារិន ភេទប្រុស អាយុ ១៨ ឆ្នាំ ៨- ឈ្មោះ សំអាង បញ្ញា ហៅ អាញ្ញា ភេទប្រុស អាយុ១៩ ឆ្នាំ ៩- ឈ្មោះ ទាវ តូ ហៅ អាតូ ភេទប្រុស អាយុ ២២ ឆ្នាំ។សមត្ថកិច្ចបញ្ជាក់ថា ចំពោះជនសង្ស័យ កំពុងត្រូវបានកម្លាំងជំនាញការិយាល័យ​ ព្រហ្ម​ទណ្ឌ​កម្រិត​ស្រាល​រាជ​ធានីភ្នំពេញ កសាងសំណុំរឿងចាត់ការតាមនីតិវិធី៕ តារាវុទ្ធី

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

2026/09/26 05:36:18 pm        483
Facebook Telegram Linkin
ភ្នំពេញ៖ កម្លាំងកងរាជអាវុធហត្ថរាជធានីភ្នំពេញ បើកប្រតិបត្តិការស្រាវជ្រាវបង្ក្រាប គ្រឿង​ញៀន​ជាង​ ៦​គីឡូក្រាម ឃាត់ខ្លួនជនសង្ស័យ ១១នាក់ ។កងរាជអាវុធហត្ថរាជធានីភ្នំពេញ នាល្ងាចថ្ងៃទី២៦ ខែកញ្ញា ប្រាប់ឲ្យដឹងថា កម្លាំង​កង​រាជ​អាវុធ​ហត្ថ​រាជ​ធានីភ្នំពេញ បន្ទាប់ពីបើកការស្រាវជ្រាវអស់រយៈពេលជាច្រើនថ្ងៃ កាលពីវេលាម៉ោង១២ និង​២០នាទី ថ្ងៃទី២២ ខែកញ្ញា ឆ្នាំ២០២៦ កម្លាំងអាវុធហត្ថមូលដ្ឋាន ខណ្ឌមានជ័យ បាន​ធ្វើ​ការ​បង្ក្រាប ​និងឃាត់ខ្លួនជនសង្ស័យប្រុសស្រីជាបន្តបន្ទាប់សរុប ១១នាក់ (ជនជាតិចិន ០១នាក់) នៅទីតាំង ០៦កន្លែង ក្នុងភូមិសាស្ត្រខណ្ឌមានជ័យ រាជធានីភ្នំពេញ ពាក់ព័ន្ធ​ករណី​ជួញ​ដូរ​នូវ​សារ​ធាតុ​ញៀន​ដោយខុសច្បាប់។ វត្ថុតាងចាប់យករួមមាន៖ សារធាតុញៀនចម្រុះម៉ាកសរុបទាំងអស់ទម្ងន់ ៦.២០៦២៧ គីឡូក្រាម​, អាវុធខ្លី ម៉ាក K54 បង់១ គ្រាប់ ចំនួន ០៦គ្រាប់ ម៉ាក HKvp9 ចំនួន ០១ដើម, គ្រាប់​កាំភ្លើង​ចំនួន ៤៣គ្រាប់ រួមនឹងសម្ភារមួយចំនួនទៀត។ ចំពោះ​ជនសង្ស័យប្រុសស្រីទាំង ១១នាក់ រួមនិងវត្ថុតាង ត្រូវបាន​កម្លាំង​ជំនាញ​ការិយាល័យ​ប្រឆាំង​បទ​ល្មើសគ្រឿ​ងញៀន នៃ កងរាជអាវុធហត្ថរាជធានីភ្នំពេញ កំពុងកសាងសុំណុំ​រឿង​បញ្ជូន​ទៅ​តុលាការ ដើម្បីផ្តន្ទាទោសតាមច្បាប់៕ តារាវុទ្ធី 

ជនជាតិខ្មែរ និង​បរទេសជិត ៥ពាន់នាក់ ត្រូវជាប់ឃុំ ខណៈមន្ត្រីនគរបាល ៧៧នាក់ ត្រូវវិន័យធ្ងន់ធ្ងរដោយសារ Online Scams

2026/09/25 01:27:21 pm        288
Facebook Telegram Linkin
ភ្នំពេញ៖ មានមន្រ្តីនគរបាលជាតិចំនួន ៧៧នាក់ ត្រូវបានក្រសួងមហាផ្ទៃសម្រេចដាក់ទណ្ឌកម្មវិន័យតាមកម្រិតនៃទោសដែលបានប្រព្រឹត្តពាក់ព័ន្ធករណីឆបោកតានប្រព័ន្ធបច្ចេកវិទ្យា (Online Scams) និងជនជាតិខ្មែរ និងបរទេសជិត ៥ពាន់នាក់ ត្រូវជាប់ឃុំ។ លោក ទូច សុឃៈ អ្នកនាំពាក្យរងក្រសួងមហាផ្ទៃបានបញ្ជាក់ថា គិតមកត្រឹមខែកញ្ញា ឆ្នាំ២០២៦ នៅកម្ពុជាមានជនជាតិខ្មែរ និងបរទេស ជាប់ពាក់ព័ន្ធសំណុំរឿងបទល្មើសឆបោកតាមប្រព័ន្ធបច្ចេកវិទ្យា ៤.៨៣៤នាក់ ត្រូវបានឃាត់ និងឃុំខ្លួនជាបន្តបន្ទាប់ក្នុងមណ្ឌលអប់រំកែប្រែ និងពន្ធនាគារ២៣កន្លែងទូទាំងប្រទេស។ មិនមែនតែជនស៊ីវិលនោះទេ ក៏មានមន្រ្តីនគរបាលជាតិ៧៧នាក់ដែរ ដែលត្រូវបានក្រសួងមហាផ្ទៃសម្រេចដាក់ទណ្ឌកម្មវិន័យតាមកម្រិតនៃទោសដែលបានប្រព្រឹត្ត។ បើតាមអ្នកនាំពាក្យរង ក្នុងចំណោមជនជាប់ឃុំសរុបជិត ៥ពាន់នាក់នោះ រួមមានជនជាតិខ្មែរចំនួន ៤៩១នាក់ និងជនបរទេសចំនួន ៤.៣៤៣នាក់ មកពី ២៧ សញ្ជាតិផ្សេងៗគ្នា។ ជនជាប់ឃុំទាំងនោះ ត្រូវបានបែងចែកជា ៤ប្រភេទច្បាស់លាស់ ទី១-គឺជនត្រូវចោទមានចំនួន ៤.១៦៨នាក់ ដែលជាជនរងការចោទប្រកាន់ជាស្ថាពរពីតំណាងអយ្យការនៅតាមសាលាដំបូងរាជធានី-ខេត្ត ទី២-គឺជនជាប់ចោទ មានចំនួន ៤៤១នាក់ សំដៅលើជនដែលកំពុងស្ថិតក្រោមការគ្រប់គ្រង និងដំណើរការស៊ើបសួរ។ ទី៣-គឺពិរុទ្ធជន មានចំនួន ១៩៤នាក់ ត្រូវបានចៅក្រមជំនុំជម្រះបើកសវនាការសម្រេចផ្ដន្ទាទោសរួចរាល់ ប៉ុន្តែសាលក្រមមិនទាន់ចូលជាស្ថាពរ ដោយសារសាមីខ្លួននៅមានសិទ្ធិប្ដឹងតវ៉ាតាមផ្លូវច្បាប់ និងប្រភេទទី៤-គឺទណ្ឌិតមានចំនួន ៣១នាក់ ដែលជាជនរងសាលក្រមចូលជាស្ថាពរ និងកំពុងអនុវត្តទោសជាប់ពន្ធនាគារ ឬពិន័យជាប្រាក់តាមការកំណត់របស់តុលាការ។ ដោយឡែកពាក់ព័ន្ធនឹងទីតាំងឃុំឃាំង អ្នកនាំពាក្យរងក្រសួងមហាផ្ទៃ បានគូសបញ្ជាក់ថា ក្នុងចំណោមពន្ធនាគារ និងមណ្ឌលអប់រំកែប្រែទាំង ២៣ នៅទូទាំងប្រទេស ពន្ធនាគារចំនួន ៥ ដែលមានចំនួនជនជាប់ឃុំពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យាច្រើនជាងគេ រួមមាន ពន្ធនាគារខេត្តស្វាយរៀង នៅលំដាប់ថ្នាក់លេខ១ បន្ទាប់មកគឺ ពន្ធនាគារខេត្តព្រះសីហនុ ពន្ធនាគារខេត្តបន្ទាយមានជ័យ មណ្ឌលអប់រំកែប្រែទី១ (ម១) និងពន្ធនាគារខេត្តកោះកុង។ បន្តមកលម្អិតពីករណីមន្រ្តីនគរបាលជាតិរងទណ្ឌកម្មវិន័យ ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា លោក ទូច សុឃៈ បានលើកឡើងអំពីចំណាត់ការវិន័យផ្ទៃក្នុងយ៉ាងម៉ឺងម៉ាត់ ក្នុងនោះចំពោះករណីពាក់ព័ន្ធស្រាល ឬសើរៗ ក្រសួងបានអនុវត្តទណ្ឌកម្មវិន័យស្របតាម «ប្រកាសស្តីពីបទវិន័យនគរបាលជាតិកម្ពុជា ឆ្នាំ២០២៤» ដូចជា ការព្រមានលើកទី១ ការបន្ថយឋានន្តរស័ក្តិ ការផ្អាកការងារ និងបៀវត្សរ៍បណ្តោះអាសន្ន រហូតដល់ការដកហូត ឬបញ្ចប់មុខតំណែង និងបណ្ដេញចេញពីក្របខណ្ឌ។ ដោយឡែក ចំពោះមន្ត្រីណាដែលមានការពាក់ព័ន្ធធ្ងន់ធ្ងរឈានដល់បទល្មើសព្រហ្មទណ្ឌ លោក ទូច សុឃៈ បានបន្ថែមថា សមត្ថកិច្ចក៏បានកសាងសំណុំរឿងបញ្ជូនទៅកាន់តុលាការ ដើម្បីចាត់ការតាមនីតិវិធីច្បាប់ជាធរមាន ដោយគ្មានការលើកលែងឡើយ៕ អត្ថបទ៖ វង្ស សុភាព

នគរបាលរាជធានីឃាត់ខ្លួនបុរសម្នាក់ បែកធ្លាយសម្លេងតាមបណ្តាញសង្គម ម៉ាក់ងាយធ្ងន់ធ្ងរលើវីរជនកងទ័ពកម្ពុជា

2026/09/24 06:32:42 pm        167
Facebook Telegram Linkin
រាជធានីភ្នំពេញ ៖ គិតត្រឹមល្ងាចថ្ងៃទី២៤ ខែកញ្ញា ឆ្នាំ២០២៦នេះ ជនសង្ស័យម្នាក់ ជាម្ចាស់គណនេយ្យហ្វេសបុសឈ្មោះ Hok Nave ត្រូវបានកម្លាំងសមត្ថកិច្ចរាជធានីភ្នំពេញ ស្រាវជ្រាវរហូតតាមចាប់ឃាត់ខ្លួនបាន ពាក់ព័ន្ធការបែកធ្លាយសម្លេងនៅលើបណ្តាញទំនាក់ទំនងសង្គម ដោយបានប្រើពាក្យពេជន៍ម៉ាក់ងាយធ្ងន់ធ្ងរលើវីរជនកងទ័ពកម្ពុជា នៅសមរភូមិមុខ ។ ឧត្តមសេនីយ៍ឯក ជួន ណារិន្ទ អគ្គស្នងការរងនគរជាតិ និងជាស្នងការនគរបាលរាជធានីភ្នំពេញ នៅព្រលប់ល្ងាចថ្ងៃទី២៤ ខែកញ្ញា ឆ្នាំ២០២៦នេះ បានបង្ហោះសារនៅលើគណនេយ្យផ្ទាល់ខ្លួនរបស់លោកថា « ខ្ញុំបាទសូមគោរពជុំរាបជូនមហាជនមេត្តាជូនជ្រាបថា (បុរសម្នាក់ឈ្មោះពិតគឹម ភិរម្យជាម្ចាស់គណនីហ្វេសស្បុកឈ្មោះHok Nave)ដែលកំពុងតែមានការជជែកវែកញែករឿង បែកធ្លាយសម្លេង និងប៉ះពាល់កិត្តិយសវីរះកងទ័ពនិងលើប្អូនស្រីដោយសំណូមពរដល់សមត្ថកិច្ចយើងខ្ញុំឱ្យមានចំណាត់ការលើជននោះសមត្ថកិច្ចយើងខ្ញុំបាទធ្វើការឃាត់ខ្លួនរួចហើយបាទ » ។ គួរជម្រាបថា ៖ សម្លេងបែកធ្លាយ ដោយប្រើពាក្យពេជន៍ម៉ាក់ងាយធ្ងន់ធ្ងរលើវីរជនកងទ័ពកម្ពុជានៅសមរភូមិមុខ នេះ បានទទួលការខឹងសម្បា និងមិនអាចទទួលយកបាននោះឡើយ ពីសំណាក់មហាជនលើបណ្តាញសង្គម ប្រជាពលរដ្ឋគ្រប់មជ្ឈដ្ឋាន ពិសេសគឺវីរកងទ័ព និងវីរកងនគរបាលកម្ពុជា ដែលកំពុងបំពេញភារកិច្ចដ៏ឧដ្តុងឧត្តមក្នុងបុព្វហេតុការពារបូរណភាពទឹកដីរបស់ប្រទេសជាតិ ពីការឈ្លានពានពីសំណាក់រដ្ឋបរទេសជិតខាង ។ ពាក្យពេជន៍ពុំសមរម្យរបស់បុគ្គលខាងលើរូបនេះ បានភ្ជាប់ខ្លឹមសារថា « ការជួយជំនួយដល់កងទ័ពគ្មានចំណេញអ្វីនោះឡើយ , កងទ័ពទាំងនោះ គ្មានតម្លៃអ្វីទេ នាំតែបំបង់បាយ តិចចង់បាននេះ តិចចង់បាននោះ , កងទ័ពគ្មានស្មោះត្រង់អីទេ គិតតែប្រយោជន៍រៀងៗខ្លួន , ពេលមានជំនួយស្បៀងច្រើន ចង់ហៅ ឧត្តមសេនីយ៍ឯក ស្រី ឌឹក មកទទួល ក៏បានដែរ ទទួលជាលក្ខណៈវីអាយភីទៅទៀត .ល. ៕ លីហេង

កម្លាំងសមត្ថកិច្ចឃាត់ខ្លួនជនជាតិចិនចំនួន០៧នាក់ និងដកហូតសារធាតុញៀនជិត១តោន រួមទាំងអាវុធវែងខ្លីជាច្រើនដើម

2026/09/23 05:51:56 pm        628
Facebook Telegram Linkin
ព្រះសីហនុ៖ កម្លាំងនាយកដ្ឋាននគរបាលការពារព្រំដែនទឹក សហការជាមួយកម្លាំងសមត្ថកិច្ចតាមភូមិភាគ បានស្រាវជ្រាវកំណាត់មុខសញ្ញា ឈានដល់ឃាត់ខ្លួនជនជាតិចិនចំនួន០៧នាក់ និងដកហូតសារធាតុញៀនជិត១តោន រួមទាំងអាវុធវែងខ្លីជាច្រើនដើម។ប្រតិបត្តិការនេះបានធ្វើឡើង កាលពី វេលាម៉ោង០០:១០នាទី ថ្ងៃទី២៣ ខែកញ្ញា ឆ្នាំ២០២៦ ក្រោយពីទទួលបានបទបញ្ជារបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការណែនាំពី ឯកឧត្តម នាយឧត្ដមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការទទួលទិសភូមិភាគទី៣ ទី៤ និងទី៥ ឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក បានដឹកនាំអនុប្រធាននាយកដ្ឋាន កម្លាំងអង្គភាពបង្ក្រាបបទល្មើសលើផ្ទៃសមុទ្រ និងកម្លាំងវរសេនាតូចនគរបាលការពារព្រំដែនទឹកលេខ២៤០ ប្រចាំខេត្តព្រះសីហនុ នៃនាយកដ្ឋាននគរបាលការពារព្រំដែនទឹក និងមានការសម្របសម្រួលពី ព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ។កម្លាំងជំនាញបានបញ្ជាក់ថា មុនឈានដល់ការចុះបង្ក្រាបកម្លាំងជំនាញបានដាក់បណ្តាញសម្ងាត់ជាច្រើនថ្ងៃ រហូតឈានដល់ការកំណត់មុខសញ្ញា និងកំណត់គោលដៅជាក់លាក់ និងធ្វើការចាប់ឃាត់អូប័រ ០១គ្រឿង និងមនុស្ស០២នាក់ សង្ស័យពាក់ព័ន្ធករណីជួញដូរគ្រឿងញៀន និងជួញដូរអាវុធខុសច្បាប់ នៅត្រង់ចំណុចនិយាមការ N10.459741-E103.606419 ស្ថិតនៅម្តុំកោះឬស្សី ក្នុងភូមិសាស្ត្រដែនសមុទ្រខេត្តព្រះសីហនុ និងសហការជាមួយកម្លាំងស្នងការដ្ឋាននគរបាលខេត្តព្រះសីហនុ ធ្វើការឃាត់រថយន្ត ចំនួន០២គ្រឿង និងមនុស្ស០៥នាក់បន្ថែមទៀត។ក្នុងកិច្ចប្រតិបត្តិការ កម្លាំងសមត្ថកិច្ចបានឃាត់ខ្លួនជនសង្ស័យជាជនជាតិចិនចំនួន៧នាក់ និងវត្ថុតាងមួយចំនួនរួមមាន៖ ម្សៅសថ្លាសង្ស័យជាសារធាតុញៀន សរុបចំនួន ៤២បាវ (ទម្ងន់ប្រមាណ ៨៤០គីឡូក្រាម),អូប័រ ចំនួន ០១គ្រឿង ,រថយន្ត ចំនួន ០២គ្រឿង ,ម៉ូតូ ចំនួន ០៣គ្រឿង ,អាវុធវែង ចំនួន ១០ដេីម ,អាវុធខ្លី ចំនួន ៣៩ដេីម (បង់ចំនួន១០៨បង់ គ្រាប់ ចំនួន៧,៩៣៧គ្រាប់ សុីឡង់សឺ០៨) ។បច្ចុប្បន្ន មនុស្ស និងវត្ថុតាង ត្រូវបានប្រគល់ជូនស្នងការដ្ឋាននគរបាលខេត្តព្រះសីហនុ តាមបញ្ជារបស់ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ ដេីម្បីអនុវត្តនីតិវិធីបន្ត៕អត្ថបទ៖ កុម្ភៈ

នគរបាលរាជធានីភ្នំពេញខិតខំបង្ក្រាប Online Scams បំបែកក្រុមតូច ខណៈក្រុមធំៗបង្រ្កាបរួចរាល់

2026/09/22 06:05:21 pm        182
Facebook Telegram Linkin
នគរបាលរាជធានីភ្នំពេញ បន្តខិតខំបង្ក្រាបOnline Scams បំបែកក្រុមតូចៗ បន្ទាប់ពីមជ្ឈមណ្ឌលOnline Scams ទ្រង់ទ្រាយធំបានបង្ក្រាបរួចរាល់។ មានប្រសាសន៍ប្រាប់អ្នកសារព័ត៌មាននៅរសៀលថ្ងៃទី២២ខែកញ្ញា ឆ្នាំ២០២៦ ឧត្តមសេនីយ៍ទោ ប៊ុន សុសិក្ខា ស្នងការរងរាជធានីភ្នំពេញទទួលផែនការងារសន្តិសុខ បានឱ្យដឹងថា ក្នុងរយៈពេល១ឆ្នាំមកនេះ នៅរាជធានីភ្នំពេញ បង្រ្កាបបទស្មើសOnline Scams បានចំនួន១៨៤ករណី ឃាត់ខ្លួនជនសង្ស័យបានជាង៣ពាន់នាក់ ក្នុងនោះមានជាង២០០នាក់បញ្ជូនទៅតុលាការ និងរឹបអូសវត្ថុតាងជាច្រើនរួមមាន៖ទូរស័ព្ទ កុំព្យូទ័រ ស៊ីមកាត ឯកសណ្ឋានក្លែងបន្លំជាសមត្ថកិច្ចនគរបាលបណ្តាប្រទេសនានា និងកាំម៉ារ៉ាAI ជាដើម។ឯកឧត្តមបន្តទៀតថា បើទោះបីឥលូវនេះ ការបង្រ្កាបបទល្មើសOnline scamsនៅ តាមមជ្ឈមណ្ឌលឆបោកធំៗរួចរាល់ តែនគរបាលរាជធានីភ្នំពេញនៅតែបន្តខិតខំចុះបង្ក្រាបក្រុមឆបោកទាំងនោះបំបែកជាក្រុមតូចៗ។ឯកឧត្តម ប៉ាង ណារ៉េន អនុប្រធានប្រចាំការលេខាធិការដ្ឋាននៃគណៈកម្មការចំពោះកិច្ចប្រយុទ្ឋប្រឆាំងការឆបោកតាមប្រព័ន្ធបច្ចេកវិទ្យា បានលើកឡើងដែរថា គិតមកដល់ពេលនេះ មេខ្លោងជាជនជាតិខ្មែរជាប់ពាក់ព័ន្ធOnline scams ចាប់បានចំនួនជាង២០០នាក់នៅទូទាំងប្រទេសកម្ពុជា។រីឯវត្ថុតាងចាប់បានពីជនល្មើស ត្រូវរក្សាទុករហូតទាល់តែតុលាការបានសម្រចកាត់ទោសជនប្រព្រឹត្តបទល្មើសអនឡាញទាំងនោះរួចរាល់។អនុវត្តតាមបទបញ្ជាយ៉ាងម៉ឺងម៉ាត់របស់រាជរដ្ឋាភិបាលកម្ពុជា សមត្ថកិច្ចជំនាញបាននិងកំពុងចាត់វិធានការក្តៅ ដោយមិនបន្ធូរដៃឡើយ លើបទល្មើសឆបោកតាមអនឡាញដោយសម្រេចបានលទ្ធផលជាច្រើន ដោយគិតចាប់ពីខែកក្កដា ឆ្នាំ២០២៥ រហូតដល់ខែសីហា ឆ្នាំ២០២៦ អាជ្ញាធរមានសមត្ថកិច្ចកម្ពុជា បានបើកប្រតិបត្តិការស៊ើបអង្កេតលើទីតាំងសង្ស័យបានជាង ៨៣០កន្លែង និងបានចុះបង្ក្រាបជាក់ស្តែងចំនួន ៦៦៣ទីតាំង ក្នុងនោះបានគ្រប់គ្រង និងកម្ទេចទីតាំង online scams ទ្រង់ទ្រាយធំបានជាង៨០កន្លែង និងបានបណ្តេញចេញមុខសញ្ញាជនសង្ស័យជាជនបរទេសជាង ២ម៉ឺនាក់។អត្ថបទ៖ទូច សោភ័ណ 

សមត្ថកិច្ចខេត្តស្វាយរៀង ចុះបង្រ្កាបទីតាំងសង្ស័យ Online Scams ក្នុងក្រុងបាវិត ឃាត់ខ្លួនជនសង្ស័យ ១៤នាក់

2026/09/22 03:43:22 pm        367
Facebook Telegram Linkin
ស្វាយរៀង៖ នៅថ្ងៃទី២២ ខែកញ្ញា ឆ្នាំ២០២៦ លោកវរសេនីយ៍ឯក ស្រេង ហួត ស្នងការ​រង​នគរបាល​ខេត្ត​បានដឹកនាំកងកម្លាំងនគរបាល នៃស្នងការដ្ឋាននគរបាលខេត្តស្វាយរៀង សហការ​ជា​មួយ​គណៈបញ្ជាការឯកភាពរដ្ឋបាលក្រុងបាវិត ដឹកនាំដោយលោក ម៉ែន អេង អភិបាលរង​ខេត្ត​ស្វាយរៀង ​និងលោក ម៉ែន ចាន់រ៉ា អភិបាលក្រុងបាវិត និងដោយមានការសម្របសម្រួលពីលោក ហួត វិចិត្រ ព្រះរាជអាជ្ញារង នៃអយ្យការអមសាលាដំបូងខេត្ត ចុះធ្វើ​ការ​ស្រាវ​ជ្រាវ​បង្ក្រាប​ទីតាំង​លួច​លាក់​ប្រព្រឹត្តបទ​ល្មើស​ឆបោក​តាម​ប្រព័ន្ធ​បច្ចេកវិទ្យា នៅចំណុចវីឡាជួល ស្ថិតនៅភូមិតាពៅ សង្កាត់​បាវិត ក្រុងបាវិត ដោយឃាត់ខ្លួនមនុស្សក្នុងរង្វង់ប្រតិបត្តិការចំនួន ១៤នាក់ ស្រី ០៦នាក់ (ជា​ជន​ជាតិ​វៀតណាម) ដកហូតវត្ថុតាងរួមមាន កំព្យូទ័រលើតុ All-In-One ,ធុងCPU , ម៉ូនីទ័រ, ទូរ​ស័ព្ទដៃ និងសម្ភារប្រើប្រើប្រាស់មួយចំនួនទៀត។ បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ បញ្ចូន​មក​ការិយាល័យ​ប្រឆាំង​បទ​ល្មើស​ប​ច្ចេកវិទ្យា នៃស្នងការដ្ឋាននគរបាលខេត្តស្វាយរៀង ដើម្បីចាត់ការតាមនីតិវិធីច្បាប់ រី​ឯ​ទីតាំង​ប្រព្រឹត្ត​បទល្មើស ក្រុមការងារបានបិទស៊ីល ទីតាំងបណ្ដោះអាសន្ន។

កម្ពុជាមានឆន្ទៈបង្រ្កាប Online scams និងបង្ហាញទៅអន្តរជាតិដឹងកាន់តែច្បាស់តាមរយៈស​​ន្និ​​​សីទ​​​​អ​​ន្ត​​​​រ ជាតិICCOS

2026/09/19 11:22:11 am        188
Facebook Telegram Linkin
កម្ពុជាមានឆន្ទៈពិតប្រាដកបង្រ្កាប Online scams និងបង្ហាញទៅអន្តរជាតិឱ្យដឹងកាន់តែច្បាស់តាមរយៈសន្និសីទអន្តរជាតិស្តីពី «ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ICCOS)» ដែលកម្ពុជារៀ​​បចំធ្វើជាម្ចាស់ផ្ទះ ចាប់ពីថ្ងៃទី២៣ដល់ថ្ងៃទី២៤ខែកញ្ញា ឆ្នាំ២០២៦ ស្ថិតនៅរាជធានីភ្នំពេញ។នៅក្នុងសន្និសីទសារព័ត៌មានស្តីពីកា​​រធ្វើ​​​​ជា​ម្ចាស់ផ្ទះក្នុងការរៀបចំ «សន្និសីទអន្តជាតិស្តីពីការប្រ​​​យុ​​ទ្ធ​​ប្រ​​​ឆាំងការឆបោកតាមប្រព័ន្ធបច្ចេកវិទ្យា» នៅ​​​​​​​រសៀ​លថ្ងៃទី១៨ខែកញ្ញាម្សលមិញ ស្ថិតនៅទីស្តីការក្រ​​សួ​​ងព័​​ត៌​​មាន ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន បានថ្លែងថា បញ្ហាOnline scams មិនបានផ្តល់ផ​​ល​​ប្រយោជន៍អ្វីដល់ប្រទេសកម្ពុជានោះទេ ផ្ទុយទៅវិញវាបានបំផ្លិចបំផ្លាញមុខមាត់ប្រទេសកម្ពុជាក្នុងឆា​​ក​​អ​​​ន្តរជាតិ និងប៉ះពាល់ផ្សេងៗទៀត អញ្ជឹងបានរាជរដ្ឋាភិបាលកម្ពុជា ដឹកនាំដោយសម្តេចធិបតី ហ៊ុន ម៉ាណែត​​ នាយករដ្ឋមន្រ្តីកម្ពុជា បានដាក់ចុះបេសកកម្មដ៏ធំមួយគឺការបង្រ្កាប និងលុបបំបាត់ Online scams ពីប្រ​​​​ទេសកម្ពុជា ដោយបានប្រកាសថា កម្ពុជាមិនមែនជាឋានសួគ៌របស់ក្រុមឧក្រិដ្ឋជនអនឡាញនោះទេ​​។​​ឯកឧត្តមបន្តថា តាមរយៈស​​ន្និ​​​សីទ​​​​អ​​ន្ត​​​​រជាតិស្តីពី «ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ដែលកម្ពុជារៀបចំធ្វើជាម្ចាស់ផ្ទះ ឆ្លុះបញ្ចាំងចំនួន៣ចំណុចរួមមាន៖ ទី១.ការខិតខំប្រឹងប្រែងរបស់រា​​ជរដ្ឋាភិ​​បាលកម្ពុជាក្នុងការប្រយុទ្ធប្រឆាំងទៅនឹងការឆបោកតាមប្រព័ន្ធបច្ចេកវិទ្យា ទី២.ចេញប្រទេសរងគ្រោះ​​ទៅជាប្រទេសប្រឈមនឹងបញ្ហា និងចាត់វិធានការ ដែលជាគំរូមួយចែករំលែកទៅបណ្តាប្រទេសផ្សេងៗទៀ​​​ត​ និងទី​​៣.​ជាការបង្ហាញទៅអន្តរជាតិថា កម្ពុជាគ្មានអ្វីត្រូវលាក់បាំងបញ្ហា Online scams ទេ ព្រោះ​​​​​​​​ប្រទេ​សកម្ពុជាជាអ្នករងគ្រោះ និងស្តារមុខមាត់ និងទាមទារកិត្តិយសប្រទេសកម្ពុជាឡើងវិញ។គួរបញ្ជាក់ដែរថា សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ក្រោមប្រធានបទស្តីពី«រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា» ចាប់ពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ ស្ថិតនៅរាជធានីភ្នំពេញ ដោយមានប្រទេសជាង២០ចូ​​​​​​​លរួមក្នុងនោះមានដូចជា សហរដ្ឋអាម៉េរិក ចិន ជប៉ុន កូរ៉េខាងត្បូង អូស្រ្តាលី ប្រទេសនៅតំបន់អាស៊ាន និងតំបន់អឺ​​រ៉ុប​​​ជា​​​ដើម។ ​ស​​​​​​ន្និសី​​​​​​ទអន្តជា​​​តិនេះ ​​​រៀ​​បចំឡើងក្នុងគោលបំណងសំខាន់ៗចំនួន៣រួមមាន៖ ​ទី១.ស្វែងយល់ឱ្យ​កា​ន់តែ​​​​ស៊ី​ជ​​ម្រៅ​អំពីការវិវត្តនៃប្រ​​​ព័​​​​​​ន្ធ​​អេកូឡូស៊ីដ៏ស្មុគស្មាញរបស់បណ្តាញឆបោកតា​​មប្រព័​​ន្ធបច្ចេកវិទ្យា ទី២. ពង្រឹងកិ​​ច្ចសហប្រតិបត្តិការអ​​​​​ន្តរ​​ជាតិ ការសម្របសម្រួល និងភាពជាដៃគូពហុភាគី ក្នុងការប្រយុទ្ធប្រ​​ឆាំ​​​​ងការឆបោ​​កតាមប្រព័ន្ធបច្ចេ​​កវិទ្យា និង ៣. លើក​​កម្ពស់ការផ្លាស់ប្តូរបទពិសោធន៍ និ​​ង​​ឧត្តមានុវត្តន៍ និងបង្កើ​​តការអំពា​​វនា​​​វឱ្យមានស​​កម្មភា​​​ព​រួមគ្នាក្នុងការប្រយុទ្ធប្រឆាំងការឆបោកតាមប្រព័ន្ធបច្ចេ​​កវិទ្យា៕អត្ថប​​​ទ៖​អត្ថបទ៖ទូច សោភ័ណ

បណ្តេញជនជាតិថៃ ១១នាក់ ចេញពីកម្ពុជាពាក់ព័ន្ធករណីលួចស្នាក់នៅ ធ្វើការងារខុសច្បាប់ និងបទល្មើសផ្សេងៗទៀត

2026/09/19 10:48:31 am        203
Facebook Telegram Linkin
ភ្នំពេញ ៖ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍បានធ្វើការបណ្ដេញជនជាតិថៃសរុបចំនួន ១១នាក់ ក្នុងនោះស្រី០៥នាក់ ចេញពីប្រទេសកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ កាលពីថ្ងៃទី១៨ ខែកញ្ញា ឆ្នាំ២០២៦។នាយកដ្ឋានអន្តោប្រវេសន៍បានបញ្ជាក់ថា ការបណ្តេញចេញនេះ ធ្វើឡើងបន្ទាប់ពីសមត្ថកិច្ចរកឃើញថា ពួកគេពាក់ព័ន្ធការលួចឆ្លងដែន លួចស្នាក់នៅធ្វើការងារ កាន់កាប់ និងប្រើប្រាស់អាវុធដោយគ្មានការអនុញ្ញាត ក្នុងព្រះរាជាណាចក្រកម្ពុជា។ ប្រតិបត្តិការបណ្ដេញចេញជនជាតិបរទេសខុសច្បាប់នេះ គឺជាការអនុវត្តតាមបទបញ្ជា និងវិធានការច្បាប់យ៉ាងម៉ឺងម៉ាត់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលកន្លងមក សម្តេចធិបតី ធ្លាប់បានបញ្ជាក់ជំហរយ៉ាងច្បាស់ៗថា៖ «កម្ពុជាមិនអនុញ្ញាតឱ្យឧក្រិដ្ឋជន ឬជនខុសច្បាប់ប្រើប្រាស់ទឹកដីកម្ពុជា ជាទីតាំងធ្វើសកម្មភាពឆបោក ឬប្រព្រឹត្តបទល្មើសបង្កអសន្តិសុខដល់តំបន់ និងពិភពលោកឡើយ។ អាជ្ញាធរត្រូវតែបន្តបោសសម្អាត បង្ក្រាប និងបណ្ដេញចេញដោយគ្មានការលើកលែង ដើម្បីការពារកិត្តិយស និងសន្តិសុខជាតិ»។អគ្គនាយកដ្ឋានអន្តោប្រវេសន៍បានបន្តថា ផ្អែកលើស្មារតីនេះ និងក្រោមការដឹកនាំតម្រង់ទិសដោយផ្ទាល់ពី ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កម្លាំងសមត្ថកិច្ចបាននិងកំពុងខិតខំប្រឹងប្រែងលុបបំបាត់ឧក្រិដ្ឋកម្មតាមប្រព័ន្ធបច្ចេកវិទ្យា ស្រាវជ្រាវបង្ក្រាបដល់មេខ្លោង និងបានជួយសង្គ្រោះជនរងគ្រោះដែលត្រូវគេបោកបញ្ឆោត ឱ្យទទួលបានសេរីភាព និងត្រឡប់ទៅស្រុកកំណើតវិញដោយសុវត្ថិភាព៕

បណ្ដាញសង្គម

ព័ត៌មានថ្មីៗ

ក្រសួងបរិស្ថាន និងក្រសួងមហាផ្ទៃ ជំរុញភាពស្អាតនៅតាមពន្ធនាគារនៅទូទាំងប្រទេស
09/30/2026 08:09 PM
Facebook Telegram Linkin
នាយករដ្ឋមន្រ្តីកាតាថ្កោលទោសអំពើឃោឃៅរបស់អ៊ីស្រាអែលនៅតំបន់ហ្កាហ្សា
09/30/2026 07:09 PM
Facebook Telegram Linkin
គ្រូពេទ្យ៖ ការវាយប្រហាររបស់អ៊ីស្រាអែល នៅតំបន់ហ្កាហ្សា សម្លាប់មនុស្សយ៉ាង​តិច​ ៥នាក់
09/30/2026 07:09 PM
Facebook Telegram Linkin
​តំណាងអចិន្ត្រៃយ៍កម្ពុជា ប្រចាំ UN ស្នើអ្នករាយការណ៍ពិសេសស្តីពីស្ថានភាពសិទ្ធិមនុស្សបន្តយកចិត្តទុកដាក់ចំពោះប្រជាជនភៀសសឹកកម្ពុជា និងការវិលត្រឡប់ទៅកាន់លំនៅឋានវិញដោយសុវត្ថិភាព និងសេចក្តីថ្លៃថ្នូរ
09/30/2026 07:09 PM
Facebook Telegram Linkin
ជើងហោះហើរទៅកាន់អ៊ីស្រាអែល បង្វែរទិសដៅហោះហើរទៅកាន់អារ៉ាប៊ីសាអ៊ូឌីត ក្រោយការប្រកាសអាសន្ន
09/30/2026 06:09 PM
Facebook Telegram Linkin
នាយករដ្ឋមន្ត្រីអ៊ីរ៉ាក់សាទរ​យុគសម័យ «អធិបតេយ្យភាព​» ថ្មី​ ក្រោយកម្លាំង​ចម្រុះ​ដឹកនាំដោយអាមេរិក​​ចាក​ចេញ​
09/30/2026 06:09 PM
Facebook Telegram Linkin
KCNA៖ កូរ៉េខាងជើង និងវៀតណាមកំពុងស្វែងរកការពង្រីកកិច្ចសហប្រតិបត្តិការយោធា
09/30/2026 06:09 PM
Facebook Telegram Linkin
ប្រធានាធិបតីអ៊ីរ៉ង់បង្ហាញឆន្ទៈពង្រឹងទំនាក់ទំនងជាមួយអ៊ូសបេគីស្ថាន និងអាស៊ែរបៃហ្សង់
09/30/2026 06:09 PM
Facebook Telegram Linkin
រុស្ស៊ីចេញការព្រមាននុយក្លេអ៊ែរទៅកាន់អង្គការណាតូ ខណៈភាពតានតឹងកើនឡើង នៅតំបន់បាល់ទិក
09/30/2026 05:09 PM
Facebook Telegram Linkin
ការបោកបក់ដល់ដីគោកជាលើកទី ២របស់ព្យុះសង្ឃរា Polo បង្កការជន់លិចនៅតំបន់ភាគខាងជើងម៉ិកស៊ិក
09/30/2026 05:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.