ភ្នំពេញ៖ ឯកឧត្តម ជីវ កេង ប្រធានតុលាការកំពូលនៃព្រះរាជាណាចក្រកម្ពុជា បានជម្រាបជូនប្រធានតុលាការកំពូលវៀតណាម និងប្រធានតុលាការកំពូលឡាវ អំពីស្ថានការណ៍ជាក់ស្តែងពាក់ព័ន្ធនឹងអំពើ​​​​​​ឈ្លា​ន​ពា​ន និងការកាន់កាប់ទឹកដីដោយខុសច្បាប់ពីសំណាក់ភាគីថៃមកលើដែនអធិបតេយ្យរបស់កម្ពុ​ជា ក្រោយពីមា​ន​កិច្ចព្រមព្រៀងសន្តិភាព​។

ការជម្រាបជូននេះ បានធ្វើឡើងក្នុងជំនួបទ្វេភាគីដាច់ដោយឡែកជាមួយឯកឧត្តម ង្វៀន វ៉ាន់ក្វាង ប្រធា​ន​​​​​​តុលាការប្រជាជនកំពូលនៃសាធារណរដ្ឋសង្គមនិយមវៀតណាម និងឯកឧត្តម ផៃវី ស៊ីបួអាលីផា ប្រធានតុលាការប្រជាជនកំ​ពូ​​ល​នៃសាធារណរដ្ឋប្រជាធិបតេយ្យប្រជាមានិតឡាវ នៅថ្ងៃទី១៥ ខែសីហា ឆ្នាំ២០២៦។

ឯកឧត្តម ជីវ កេង បានគូសបញ្ជាក់អំពីទុក្ខវេទនា និងផលប៉ះពាល់យ៉ាងធ្ងន់​ធ្ងរដល់ប្រជាពលរដ្ឋភៀសសឹកសរុបជាង ៦សែន ៤ម៉ឺននាក់ ហើយក្នុងនោះប្រជាពលរដ្ឋជិត ២ម៉ឺននា​ក់ មានទាំងស្ត្រីនិងកុមារ ដែលរហូតមកទល់ពេលនេះ នៅមិនទាន់អាចវិលត្រឡប់ទៅកាន់លំនៅដ្ឋានដើមវិ​ញ​នៅឡើយ​។ ក្នុងនាមតុលាការកំពូលកម្ពុជា ឯកឧត្តមបានប្រកាសជំហរយ៉ាងម៉ឺងម៉ាត់ក្នុងការ​គាំទ្រពេញទំហឹងរាល់វិធានការ និងចំណា​ត់​​​កា​រ​​របស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរប​​ស់​ សម្តេចមហាបវរធិបតី ហ៊ុន ម៉ាណែ​​​ត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការការ​ពា​​រ​​បូរណភាពទឹកដី អធិបតេយ្យភាពជាតិ សិទ្ធិ​សេរីភាព និងសន្តិសុខជូនប្រជាពលរដ្ឋ តាមរយៈយន្តការ​ដោះស្រាយជម្លោះដោយសន្តិវិធីស្របតាមច្បាប់អន្តរជាតិ៕ អត្ថបទ៖ វង្ស សុភាព