ក្រុមហ៊ួទីប្រដាប់អាវុធនៅប្រទេសយេម៉ែនកាលពីថ្ងៃព្រហស្បតិ៍ បានអះអាងទទួលខុសត្រូវចំពោះការបើកការវាយប្រហារប្រឆាំងនឹងនាវាចំនួន ពីរគ្រឿង នៅក្នុងសមុទ្រក្រហមនិងឈូងសមុទ្រ Aden ។

អ្នកនាំពាក្យយោធាហ៊ួទី លោក Yahya Sarea បាននិយាយនៅក្នុងសេចក្តីថ្លែងការណ៍មួយដែលផ្សាយដោយទូរទស្សន៍ al-Masirah TV ថា៖«ដើម្បីគាំទ្រប៉ាឡេស្ទីននៅតំបន់ហ្កាហ្សា និងជាការឆ្លើយតបទៅនឹងការឈ្លានពានរបស់អាមេរិក-អង់គ្លេសប្រឆាំងនឹងប្រទេសរបស់យើង យើងបានធ្វើតិបត្តិការយោធាពីរនៅសមុទ្រក្រហម និងឈូងសមុទ្រ Aden។

លោកបាននិយាយថា៖«ប្រតិបត្តិការដំបូង បានកំណត់គោលដៅលើនាវាដឹកប្រេង MV Sounion ដោយសារក្រុមហ៊ុនដែលប្រតិបត្តិការនាវានេះ មានទំនាក់ទំនងជាមួយអ៊ីស្រាអែលដែលជាសត្រូវ។នាវា នេះត្រូវបានវាយប្រហារដោយចំៗ ខណៈពេលដែលកំពុងបើកក្នុងសមុទ្រក្រហម ហើយមានហានិភ័យ នៃការលិចថែមទៀតផង»។

លោក បានបន្ថែមថា៖«ប្រតិបត្តិការផ្សេងទៀត បានកំណត់គោលដៅលើកនាវា SW North Wind I ដែលជាកម្មសិទ្ធិរបស់ក្រុមហ៊ុនមានទាក់ទងជាមួយអ៊ីស្រាអែល។ នាវានេះ ត្រូវបានវាយប្រហារដោយផ្ទាល់ និងចំៗ នៅពេលកំពុងបើកនៅឈូងសមុទ្រ Aden និងសមុទ្រក្រហម»។