មន្ត្រីពន្លត់អគ្គិភ័យ បាននិយាយថា មនុស្សយ៉ាងហោចណាស់៨នាក់បានស្លាប់ និង៧នាក់បានរងរបួសធ្ងន់នៅក្នុងរដ្ឋ Andhra Pradesh ភាគខាងត្បូងប្រទេសឥណ្ឌា ក្នុងឧបទ្ទវហេតុផ្ទុះនៅរោងចក្រផលិតផាវ កាលពីថ្ងៃអាទិត្យ ទី១៣ មេសា។

ឧបទ្ទវហេតុនេះ បានកើតឡើងនៅក្នុងស្រុក Anakapalli នៅរោងចក្រផលិតផាវក្នុងស្រុក ដែលអ្នកជួយសង្គ្រោះយ៉ាងហោចណាស់៥០នាក់ ត្រូវបានដាក់ពង្រាយដើម្បីពន្លត់អគ្គិភ័យ។

មន្ត្រីពន្លត់អគ្គិភ័យស្រុក Anakapalli លោក Niranjan Reddy បាននិយាយថា មូលហេតុនៃការផ្ទុះនេះទំនងជាមានកំហុសក្នុងពេលផលិតបង្កឡើងដោយមនុស្ស ខណៈប៉ះទង្គិចផាវ ដែលវាតែងតែជាការគ្រប់គ្រងមិនបានល្អនៃដំណើរការនឹងបាននាំឱ្យមានការផ្ទុះឆេះ។

ឧបទ្ទវហេតុឧស្សាហកម្មគឺជារឿងធម្មតានៅក្នុងប្រទេសឥណ្ឌា ហើយជារឿយៗត្រូវបានដាក់កំហុសលើអ្នកដែលមិនគោរពតាមបទដ្ឋានសុវត្ថិភាព ព្រមទាំងការត្រួតពិនិត្យធូរលុងដោយក្រុមមន្ត្រីរដ្ឋាភិបាល។