នឹងបញ្ចប់ដំណើរទស្សនកិច្ចនៅតំបន់មជ្ឈិមបូព៌ាក្នុងរយៈពេលត្រឹមតែ១០ ថ្ងៃប៉ុណ្ណោះ ហើយនៅពេលក្រោយមកទៀត បើយោងតាមមន្ត្រីសន្តិសុខជាន់ខ្ពស់ កងកម្លាំងការពារអ៊ីស្រាអែល (IDF) នឹងត្រៀមខ្លួនសម្រាប់ប្រតិបត្តិការ«យានអ្នកប្រយុទ្ធដ៍អស្ចារ្យ» ។ អ៊ីស្រាអែល នឹងឲ្យនាំជំនួយចូលទៅក្នុងតំបន់ហ្កាហ្សា ទៅទីក្រុងRafah ដែលអ្នកនាំយកជំនួយចូលនឹងត្រូវបានពិនិត្យដោយកងកម្លាំងការពារអ៊ីស្រាអែល(IDF) ដើម្បីរារាំងប្រតិបត្តិករក្រុមហាម៉ាសមិនឱ្យចូលបាន។

មន្ត្រីការពារជាតិជាន់ខ្ពស់ម្នាក់ បាននិយាយថាឈ្មោះនៃប្រតិបត្តិការថ្មី ដែលត្រូវបានអនុម័តកាលពីពេលយប់ដោយគណៈរដ្ឋមន្ត្រីសន្តិសុខសម្រាប់សកម្មភាពដែលត្រូវបានពង្រីកនៅក្នុងតំបន់ហ្កាហ្សាស្ទ្រីប មានឈ្មោះថា «យានអ្នកប្រយុទ្ធដ៍អស្ចារ្យ» ។ មន្ត្រីរូបនេះបានបញ្ជាក់ថា កងកម្លាំងនឹងប្រើប្រាស់អំឡុងពេលខាងមុខដើម្បីត្រៀម ប៉ុន្តែនឹងមិនចាប់ផ្តើមសមយុទ្ធនៅតំបន់ហ្កាហ្សាឡើយ រហូតទាល់តែក្រោយប្រធានាធិបតីអាមេរិក លោក ដូណាល់ ត្រាំ បញ្ចប់ដំណើរទស្សនកិច្ចរបស់លោកទៅកាន់តំបន់មជ្ឈិមបូព៌ា ដែលរួមមានការឈប់ចតនៅប្រទេសអារ៉ាប៊ីសាអូឌីត កាតា និងអារ៉ាប់រួម នៅចន្លោះថ្ងៃទី ១៣ និង ១៦ ខែ ឧសភា។

មន្ត្រីរូបនេះបាននិយាយថា «មិនដូចកាលពីអតីតកាលឡើយ កងកម្លាំងការពារអ៊ីស្រាអែល នឹងនៅតែស្ថិតនៅក្នុងទឹកដីណាមួយដែលខ្លួនយកបាន ដើម្បីការពារការវិលត្រឡប់មកវិញនៃអំពើភេរវកម្ម ហើយនឹងធ្វើប្រតិបត្តិការនៅក្នុងតំបន់ដែលត្រូវបានបោសសម្អាតស្របតាមគំរូទីក្រុង Rafah ដែលការគំរាមកំហែងទាំងអស់ត្រូវបានកម្ទេច ហើយតំបន់នោះ នឹងក្លាយជាផ្នែកនៃតំបន់ការពារសន្តិសុខ»។