ប្រធានាធិបតីអាមេរិកលោក ដូណាល់ ត្រាំ (Donald Trump) បានប្រាប់អ្នកយកព័ត៌មាន នៅសេតវិមានថា លោកជឿជាក់ថា ពេលវេលាសម្រាប់ការសម្រេចចិត្តលើការផ្សះផ្សាអ៊ុយក្រែន នឹងមកដល់។

នៅពេលត្រូវបានស្នើឲ្យធ្វើអត្ថាធិប្បាយអំពីការលើកឡើងមុននេះរបស់អនុប្រធានាធិបតីអាមេរិកលោក JD Vance ដែលថា រុស្ស៊ីបានចោទប្រកាន់ថា ចង់បានច្រើនពេកក្នុងអំឡុងពេលពិភាក្សាអំពីការផ្សះផ្សា   អ៊ុយក្រែន លោក ត្រាំ បានឆ្លើយតបថា៖«វាពិតជាអាចទៅរួចដែលថា លោក [Vance] គឺត្រឹមត្រូវ»។

លោក ត្រាំ បានបន្ថែមថា៖«លោក Vance ប្រហែលជាដឹងរឿងមួយចំនួន»។ «យើងកំពុងឈានដល់ចំណុចមួយ ដែលការសម្រេចចិត្តខ្លះ នឹងត្រូវធ្វើឡើង។

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានអំពាវនាវម្តងហើយម្តងទៀត ឲ្យដោះស្រាយជម្លោះអ៊ុយក្រែន ដោយលើកឡើងពីតម្រូវការ ក្នុងការគិតគូរពីផលប្រយោជន៍របស់រុស្ស៊ី នៅពេលដោះស្រាយបញ្ហាឫសគល់នៃវិបត្តិនេះ។ យោងតាមលោក ពូទីន នេះគឺជាមធ្យោបាយតែមួយគត់ ដើម្បីបង្កើតសន្តិភាពយូរអង្វែង ជាអ្វីដែលទីក្រុងមូស្គូចង់បាន។