មនុស្ស២នាក់បន្ថែមទៀតបានស្លាប់ និង២នាក់ទៀតនៅតែបាត់ខ្លួនក្នុងទីក្រុងរមណីយដ្ឋានកាពីយ៉ុង (Gapyeong)ភាគខាងត្បូងរបស់កូរ៉េខាងត្បូង នៅថ្ងៃអាទិត្យនេះ បន្ទាប់ពីបំណាក់ដី បានបំផ្លាញលំនៅឋានជាច្រើនខ្នង និងទឹកជំនន់ ហូរគួចរថយន្ត អំឡុង មានភ្លៀងធ្លាក់ខ្លាំង មិនធ្លាប់មានក្នុងរយៈពេល១២០ឆ្នាំ មកនេះ ។  

ស្របពេលមានភ្លៀងធ្លាក់ខ្លាំង ទឹកជំនន់ និងបំណាក់ដី ចំនួនអ្នកស្លាប់បានកើនឡើងដល់ ១៤នាក់ ដោយសារភ្លៀងធ្លាក់ខ្លាំងដែលបានវាយប្រហារប្រទេសនេះរយៈពេលមួយសប្តាហ៍។ 

ក្រុមអាជ្ញាធរគ្រោះមហន្តរាយបាននិយាយថា កម្រិតទឹកភ្លៀងជិត ១៧០ មីលីម៉ែត្រ បានវាយប្រហារស្រុក កាពីយ៉ុង (Gapyeong) ក្នុងខេត្ត ជីយ៉ុងគី (Gyeonggi) ចម្ងាយ ៧០គីឡូម៉ែត្រភាគខាងកើតទីក្រុងសេអ៊ូល នៅព្រឹកថ្ងៃអាទិត្យ ២០កក្កដា។

យោងតាមទិន្នន័យផ្លូវការបានឱ្យដឹងថា ចំនួនអ្នកស្លាប់ដោយសារទឹកជំនន់រយៈពេលប្រាំថ្ងៃដែលបានបញ្ជាក់មានចំនួន ១១ នាក់។ ក្រុមអ្នកវិទ្យាសាស្ត្រនិយាយថា ការប្រែប្រួលអាកាសធាតុបានធ្វើឱ្យព្រឹត្តិការណ៍អាកាសធាតុធ្ងន់ធ្ងរកាន់តែញឹកញាប់ និងខ្លាំង នៅជុំវិញពិភពលោក។

យោងតាមទិន្នន័យផ្លូវការ និងសេចក្តីថ្លែងការណ៍របស់រដ្ឋាភិបាលបានឱ្យដឹងថា ភ្លៀងធ្លាក់បានចាប់ផ្តើមកាលពីថ្ងៃពុធ ដោយបណ្ដាលឱ្យមនុស្សប្រាំបីនាក់បាត់ខ្លួនភាគច្រើននៅតំបន់ភាគខាងត្បូង និងកណ្តាលនៃប្រទេសនេះ គិតត្រឹមម៉ោង ៦ ព្រឹកថ្ងៃអាទិត្យទី២០កក្កដា៕