អ្នកបោះឆ្នោតជប៉ុនអាចលុបបំបាត់ភាពចលាចលនយោបាយនៅពេលពួកគេធ្វើដំណើរទៅបោះឆ្នោតនៅថ្ងៃអាទិត្យ ២០ ខែកក្កដា នៅក្នុងការបោះឆ្នោតសភាជាន់ខ្ពស់ដែលមានការប្រកួតប្រជែងយ៉ាងតឹងរ៉ឹង ស្របពេលការកើនឡើងតម្លៃទំនិញលើទីផ្សារ និងការព្រួយបារម្ភអំពីអន្តោប្រវេសន៍ដែលគំរាមកំហែងដល់ការចុះខ្សោយនៃការគ្រប់គ្រងអំណាចរបស់នាយករដ្ឋមន្ត្រីលោក Shigeru Ishiba ។

ការស្ទង់មតិបង្ហាញថា គណបក្សប្រជាធិបតេយ្យសេរីរបស់លោកនាយករដ្ឋមន្ត្រី Ishiba និងគណបក្សដៃគូចម្រុះ Komeito អាចនឹងខ្វះអាសនៈចំនួន ៥០ ដែលត្រូវការដើម្បីរក្សាការគ្រប់គ្រងសភាជាន់ខ្ពស់ដែលមានអាសនៈចំនួន ២៤៨ នៅក្នុងការបោះឆ្នោត ដែលអាសនៈពាក់កណ្តាល ត្រូវបានដាក់ឲ្យដណ្ដើមគ្នា។   

ការស្ទង់មតិបង្ហាញថាគណបក្សប្រឆាំងតូចៗដែលជំរុញឱ្យកាត់បន្ថយពន្ធ និងបង្កើនការចំណាយសាធារណៈ អាចនឹងទទួលបានសំឡេងបន្ថែម ក្នុងនោះមានគណបក្ស ស្តាំនិយម Sanseito ដែលប្តេជ្ញាទប់ស្កាត់ការធ្វើអន្តោប្រវេសន៍ ប្រឆាំងនឹងលំហូរចូលនៃមូលធនបរទេស និងការផ្លាស់ប្តូរសមភាពយេនឌ័រ។

ក្រុមអ្នកវិភាគបាននិយាយថា ការបង្ហាញមិនល្អដោយក្រុមចម្រុះអាចអង្រួនទំនុកចិត្តវិនិយោគិននៅក្នុងប្រទេសមានសេដ្ឋកិច្ចធំបំផុតទី ៤មួយនេះ របស់ពិភពលោក និងរំខានដល់កិច្ចពិភាក្សាពាណិជ្ជកម្មសំខាន់ៗជាមួយសហរដ្ឋអាមេរិក៕