សំឡេងផ្ទុះនៃកាំភ្លើងយន្តបានធ្វើឲ្យអ្នកស្រី Hamisa និងក្រុមគ្រួសារភ្ញាក់ផ្អើល ខណៈពួកគេកំពុងទទួលទានអាហារពេលព្រឹកនៅក្នុងរដ្ឋ North Kordofan របស់ប្រទេសស៊ូដង់។

កងកម្លាំងគាំទ្ររហ័សទាហានប៉ារ៉ា(RSF) បានវាយលុកចូលភូមិ Kazkeel ដោយជិះម៉ូតូ ខណៈពួកគេបានដុតខ្ទម និងកសិដ្ឋាន និងបានបាញ់កាំភ្លើងទៅលើស្ត្រីនិងកុមារដែលរត់គេចខ្លួន។

អ្នកស្រី Hamisa អាយុ៦០ឆ្នាំបានភៀសខ្លួនចេញជាមួយកូនៗមានវ័យជំទង់ចំនួន៧នាក់ បងប្អូន និងម្តាយ។ ខណៈពួកគេរត់ចេញ អ្នកស្រីបានឃើញយុវជនវ័យក្មេងមកពីភូមិរបស់អ្នកស្រី កាន់កាំភ្លើងដើម្បីតទល់ជាមួយកងកម្លាំងគាំទ្ររហ័ស(RSF)។

កងទ័ពរបស់ប្រទេសស៊ូដង់ ដែលគេស្គាល់ថាជាកងកម្លាំងប្រដាប់អាវុធស៊ូដង់ (SAF) បានប្រយុទ្ធក្នុងសង្គ្រាមស៊ីវិលដ៏បង្ហូរឈាមប្រឆាំងកងកម្លាំងគាំទ្ររហ័ស(RSF) ចាប់តាំងពីខែមេសា ឆ្នាំ២០២៣។

 ជម្លោះនេះបានបង្កឱ្យមានវិបត្តិមនុស្សធម៌ដ៏អាក្រក់បំផុតនៅលើពិភពលោក ហើយ ការវាយប្រហាររបស់កងកម្លាំងគាំទ្ររហ័ស បង្កវិបត្តិមនុស្សធម៌នៅក្នុងទីក្រុងយុទ្ធសាស្ត្ររបស់ប្រទេសស៊ូដង់។