ក្រុមអ្នកពន្លត់អគ្គិភ័យនៅក្នុងប្រទេសអេស្ប៉ាញ ព័រទុយហ្គាល់ ក្រិក និងទួរគី បន្តតតាំងនឹងភ្លើងឆេះព្រៃដែលបានឆាបឆេះអស់ជាច្រើនសប្តាហ៍។ ស្ថានភាពក្តៅ និងស្ងួត ត្រូវគេរំពឹងថានឹងបន្តកើតមាន ហើយរំខានដល់ការខិតខំប្រឹងប្រែងទប់ស្កាត់អណ្ដាតភ្លើង។

ចំហេះព្រៃបន្តឆេះរាលដាលពាសពេញអឺរ៉ុបភាគខាងត្បូង ស្របពេលមានរលកម្ដៅកំពុងបន្តដែលបានគំរាមកំហែងដល់កិច្ចខិតខំប្រឹងប្រែងទប់ស្កាត់អណ្ដាតភ្លើង ខណៈសីតុណ្ហភាពត្រូវបានកំណត់នឹងកើនឡើងនៅចុងសប្តាហ៍នេះ។

អេស្ប៉ាញបច្ចុប្បន្នកំពុងប្រឹងប្រែងទប់ទល់នឹងភ្លើងឆេះព្រៃដ៏ធំចំនួន ១៤ កន្លែង នេះបើយោងតាមរដ្ឋ អគ្គនាយកសេវាសង្គ្រោះបន្ទាន់លោកស្រី Virginia Barcones។

នាយករដ្ឋមន្ត្រីអេស្ប៉ាញ លោក Pedro Sanchez បានសរសេរនៅលើបណ្ដាញទំនាក់ទំនងសង្គម X ថា ថ្ងៃនេះនឹងក្លាយជាថ្ងៃដ៏លំបាកម្តងទៀត ដោយសារហានិភ័យខ្ពស់នៃចំហេះព្រៃថ្មី ។

មនុស្ស ៣ នាក់បានស្លាប់នៅក្នុងប្រទេសអេស្ប៉ាញដោយសារតែភ្លើងឆេះព្រៃ រួមទាំងអ្នកពន្លត់អគ្គិភ័យស្ម័គ្រចិត្តពីរនាក់។ លោក Sánchez បានសម្តែងការគាំទ្រដល់គ្រួសាររបស់អ្នកស្ម័គ្រចិត្តទាំងទីពីរដែលបានស្លាប់នៅមន្ទីរពេទ្យក្នុងទីក្រុង León កាលពីថ្ងៃព្រហស្បតិ៍ បន្ទាប់ពីរងការរលាកធ្ងន់ធ្ងរ។

ក្រុមអ្នកពន្លត់អគ្គិភ័យក្នុងប្រទេសទួរគី ក៏នៅតែបន្តពន្លត់ភ្លើងនៅឡើយក្នុងខេត្តមួយចំនួន ហើយទីតាំងជាច្រើនត្រូវបានពន្លត់ដោយជោគជ័យ គិតត្រឹមថ្ងៃសៅរ៍៕