កងកម្លាំងប្រជាធិបតេយ្យស៊ីរី (SDF) បានដកចេញពីទីតាំងនៅភាគខាងកើតនៃទីក្រុងអាឡេប៉ូ។ នេះបើយោងតាមលោក Mazloum Abdi ដែលជាប្រធាន SDF។ 

ដោយលើកឡើងពីការអំពាវនាវពីប្រទេសជាមិត្ត និងអ្នកសម្របសម្រួល លោកបានប្រកាសកាលពីថ្ងៃសុក្រថា SDF នឹងដកចេញពីភាគខាងកើតនៃទីក្រុងអាឡេបប៉ូ នៅម៉ោង ៧ ព្រឹក ម៉ោងក្នុងស្រុក នៅថ្ងៃសៅរ៍ ហើយដាក់ពង្រាយពួកគេឡើងវិញទៅកាន់តំបន់នៅភាគខាងកើតនៃទន្លេ Euphrates។  

កាលពីព្រឹកថ្ងៃសុក្រ កងកម្លាំងយោធាអាមេរិកមួយក្រុម បានទៅទស្សនកិច្ចទីក្រុង Deir Hafer ហើយបានជួបជាមួយមន្ត្រី SDF ក្នុងកិច្ចខិតខំប្រឹងប្រែងកាត់បន្ថយភាពតានតឹង។

សហរដ្ឋអាមេរិកមានទំនាក់ទំនងល្អជាមួយភាគីទាំងពីរ ហើយបានជំរុញឲ្យមានភាពស្ងប់ស្ងាត់។ អ្នកនាំពាក្យយោធាអាមេរិក មិនបានឆ្លើយតបភ្លាមៗចំពោះសំណើសុំការអត្ថាធិប្បាយនោះទេ។

រយៈពេលមិនយូរប៉ុន្មានមុនពេលការប្រកាសរបស់លោក Abdi ប្រធានាធិបតីបណ្តោះអាសន្ន លោក Ahmed Al-Sharaa បានប្រកាសចេញក្រឹត្យមួយ ដើម្បីពង្រឹងសិទ្ធិរបស់ជនជាតិឃើដ៕