លោក Kirill Dmitriev តំណាងពិសេសរបស់ប្រធានាធិបតីរុស្ស៊ីសម្រាប់ការវិនិយោគ និងកិច្ចសហប្រតិបត្តិការសេដ្ឋកិច្ចជាមួយប្រទេសក្រៅ និងជាប្រធានមូលនិធិវិនិយោគផ្ទាល់របស់រុស្ស៊ី (RDIF) បាននិយាយនៅលើប្រព័ន្ធផ្សព្វផ្សាយសង្គមX ថា ខណៈពេលដែលសហភាពអឺរ៉ុប និងចក្រភពអង់គ្លេស ព្យាយាមបង្ក្រាបប្រព័ន្ធផ្សព្វផ្សាយសង្គម រដ្ឋបាលរបស់ប្រធានាធិបតីអាមេរិកលោក ដូណាល់ ត្រាំ ចង់ «ផ្តល់ឱកាសដល់ពិភពលោកខាងលិច» ដើម្បីប្រើប្រាស់ប្រព័ន្ធផ្សព្វផ្សាយសង្គមដោយសេរី និងផ្សព្វផ្សាយការពិត។

យោងតាមលោក Dmitriev «ក្រុមឆ្វេងនិយមក្រោមការដឹកនាំរបស់អតីតប្រធានាធិបតីអាមេ                         រិក លោក អូបាម៉ា និងលោក បៃដិន បានបង្កើតម៉ាស៊ីនប្រព័ន្ធផ្សព្វផ្សាយដ៏មានឥទ្ធិពលបំផុតនៅលើផែនដី» ដើម្បីគ្រប់គ្រងសេចក្តីថ្លែងការណ៍ មតិសាធារណៈ និងការបោះឆ្នោត។ ទោះជាយ៉ាងណាក៏ដោយ ប្រព័ន្ធផ្សព្វផ្សាយសង្គម «អរគុណចំពោះសហគ្រិន លោក Elon Musk បានទម្លាយការពិត ទោះបីជាប្រឈមនឹងបញ្ហាយ៉ាងច្រើនក៏ដោយ»។

នាយកប្រតិបត្តិមូលនិធិវិនិយោគផ្ទាល់របស់រុស្ស៊ី (RDIF) បានសន្និដ្ឋានថា៖ «សហភាពអឺរ៉ុប និងចក្រភពអង់គ្លេស ចង់បំបិទមាត់ពួកគេ។ រដ្ឋបាលលោក ត្រាំ ចង់ផ្តល់ឱកាសដល់ប្រព័ន្ធផ្សព្វផ្សាយសង្គម ការពិត និងពិភពលោកខាងលិច»៕