BTV NEWS

សម្តេចតេជោ ហ៊ុន សែន នឹងដឹកនាំគណៈប្រតិភូជាន់ខ្ពស់កម្ពុជា ចូលរួមពិធីអបអរសាទរខួប អនុស្សាវរីយ៍លើកទី៥០ នៃទិវារំដោះភាគខាងត្បូង និងការបង្រួបបង្រួមជាតិរបស់វៀតណាម

ផ្លូវជាតិ៣ខ្សែ ប្រវែងសរុបជាង២០០គ.ម ភាគនិរតីនៃប្រទេស នឹងសម្ពោធដាក់ឲ្យប្រើប្រាស់ជាផ្លូវក្រោមអធិបតីភាពសម្តេចធិបតី នាយករដ្ឋមន្ត្រី នាថ្ងៃស្អែកនេះ

សម្ដេចតេជោ ហ៊ុន សែន៖ «ខ្ញុំសួរចៅតីថាចង់ធ្វើអីនៅពេលខាងមុខ? ចៅតីឆ្លើយថា(ចង់រៀន) ជាចម្លើយដែលធ្វើឲ្យខ្ញុំពេញចិត្តបំផុត»

ចៅស្រី ស៊ុន ស្រីតី បានជួប លោកតា សម្ដេចតេជោ ហើយ

នយោបាយ និង ការអភិវឌ្ឍន៍

ពលរដ្ឋ និងកម្មករនៅរាជធានីភ្នំពេញ ពហិការលើកបដាប្រឆាំងនឹងគម្រោងកៀរគរ មនុស្សបាតុកម្មនៅកូរ៉េដែលមានក្រុមអ្នកនយោបាយប្រឆាំងនៅពីក្រោយ

ពលរដ្ឋ និងកម្មករក្នុងរាជធានីភ្នំពេញ បានលើកបដាធ្វើពហិការប្រឆាំងនឹងគម្រោងប្រមូលផ្តុំមនុស្សធ្វើបាតុកម្មដែលមានអ្នកនយោបាយប្រឆាំងនៅពីក្រោយ ដោយចាត់ទុកថា សកម្មភាពនេះជាការបំផ្លាញកិត្តិយសជាតិនៅទឹកដីបរទេស និងមានជាចេតនាញុះញង់ក្រោមលេសយកបញ្ហាទឹកដីជានុយប៉ុណ្ណោះ។លោក ឃឹម ចាន់ណារិទ្ធ ជាពលរដ្ឋដែលបម្រើការងារជាសហជីពនៅក្រុងច្បារមន ខេត្តកំពង់ស្ពឺបានថ្លែងថា៖«ខ្ញុំសូមប្រកាសពាក់ហិការប្រឆាំងនឹងបុគ្គលដែលជាមេដឹកនាំក្រុមជ្រុលនិយមមួយក្ដាបតូចនៅសាធារណរដ្ឋកូរ៉េ ដែលកំពុងព្យាយាមកៀរគរមនុស្សទៅចូលរួមបាតុកម្មនៅលើទឹកដីបរទេស»។លោកបន្តថា៖«ពួកគេជាក្រុមមនុស្សជ្រុលនិយមគិតតែពីមហិជ្ជតា ផលប្រយោជន៍នយោបាយខ្មៅកង្វក់មួយជ្រុងតូច ដែលមិនបានគិតគូរពីផលប្រយោជន៍ជាតិ និងប្រជាពលរដ្ឋដែលខិតខំរកការងារធ្វើប្រទេសកូរ៉េនោះទេ។ មួយថ្ងៃៗ គិតតែពីញុះញង់ពលរដ្ឋឱ្យស្អប់រាជរដ្ឋាភិបាលខ្លួនឯង ស្អប់ប្រទេសជាតិខ្លួនឯង ក៏ដូចជាបង្ហាញចំណុចខ្សោយឱ្យជនបរទេសមើលងាយជាតិខ្មែរ»។លោកបានអំពាវនាវប្រជាពលរដ្ឋ និងពលរដ្ឋដែលកំពុងធ្វើការងារ និងស្នាក់នៅសាធារណរដ្ឋកូរ៉េ កុំទៅចូលរួមបាតុកម្ម ហើយចាកចេញឱ្យឆ្ងាយពីក្រុមជ្រុលនិយមទាំងអស់នោះ។ លើសពីនេះលោកបានប្រកាសគាំទ្របងប្អូន ប្រជាពលរដ្ឋដែលប្រកាសពាក់ហិកាក្នុងការចូលរួមបាតុកម្មជាមួយពួកគេ។លោក ផល ចិត្រា ពលរដ្ឋបម្រើការងារជាសហជីពនៅខណ្ឌដង្កោ រាជធានីភ្នំពេញបាននិយាយថា៖«ខ្ញុំសូមប្រកាសពាក់ហិការប្រឆាំងចំពោះមេដឹកនាំដែលកំពុងរៀបចំផែនការធ្វើបាតុកម្មនៅកូរ៉េ ព្រោះបាតុកម្មនៅលើទឹកដីបរទេសមិនមែនជារឿងល្អ ត្រឹមត្រូវដែលសាកសម្យឱ្យកូនខ្មែរគ្រប់រូបធ្វើនោះទេ»។លោកបានជំរុញឱ្យបងប្អូន ប្រជាពលរដ្ឋដែលកំពុងស្នាក់នៅ ឬធ្វើការងារនៅសាធារណរដ្ឋកូរ៉េ កុំចូលទៅពាក់ព័ន្ធជាមួយក្រុមជ្រុលនិយមទាំងអស់នោះ ដើម្បីចៀសវាងខាតបង់ពេលវេលា ខាតបង់ថវិកា និងចូលរួមក្នុងផ្នែកមួយការបំផ្លាញមុខមាត់ជាតិនៅឆាកអន្តរជាតិដែរ។លោក ទុយ កុសល ជាពលរដ្ឋបម្រើការងារជាសហជីពនៅភ្នំពេញបានថ្លែងថា៖«ខ្ញុំមិនគាំទ្រការកៀរគរពលរដ្ឋខ្មែរទៅធ្វើបាតុកម្មនៅលើទឹកដីបរទេសនោះទេ។ សូមបងប្អូនពិចារណាឱ្យបានច្បាស់លាស់ ព្រោះអ្វីដែលពួកគេទាមទារនោះ គឺជាអ្វីដែលរាជរដ្ឋាភិបាលកំពុងដោះស្រាយទៅតាមសន្ដិវិធីច្បាប់ហើយ»។លោកបានបង្ហាញពីភាពជឿជាក់មកលើរាជរដ្ឋាភិបាលកម្ពុជាដែលដឹកនាំដោយសម្ដេចបរវធិបតី ហ៊ុន ម៉ាណែត ព្រោះសម្ដេចជាអ្នកបន្តវេនដ៏មានសក្ដានុពលមួយរូប និងមានសមត្ថភាពគ្រប់គ្រាន់ក្នុងការដោះស្រាយបញ្ហាជាតិ។ ម្យ៉ាងវិញទៀត សម្ដេចបវរធិបតីបានប្ដេជ្ញាការពារបូរណភាពទឹកដី និងការពារពលរដ្ឋខ្មែរគ្រប់រូបមិនមានភាពអយុត្តិធម៌ណាមួយកើតឡើងនោះទេ។លោក ឡេវ សំអាន ពលរដ្ឋបម្រើការងារជាសហជីពនៅភ្នំពេញបានថ្លែងថា៖«ក្រុមជ្រុលនិយមទាំងអស់នេះនៅតែយកលេសការពារទឹកដី ការពារព្រំដែន ប៉ុន្ដែខ្ញុំសង្កេតឃើញថា ពួកគេកំពុងបម្រើនយោបាយ ឬក៏ជាឧបករណ៍នយោបាយឱ្យទណ្ឌិត សម រង្ស៊ី។ ដូចដែលយើងបានដឹងស្រាប់ហើយថា ក្រុមសម រង្ស៊ី នេះមិនដែលធ្វើអ្វីឱ្យមានផលប្រយោជន៍ជាតិមាតុភូមិយើងទេ គឺមានតែញុះញង់ លាបពណ៌ មួលបង្កាច់ បង្ខូចកិត្តិយសជាតិ និងបំផ្លាញ់ខ្មែរគ្មានឯងប៉ុណ្ណោះ»។លោកបានលើកទឹកចិត្តដលប្រជាពលរដ្ឋ និងពលករខ្មែរដែលកំពុងស្នាក់នៅសាធារណរដ្ឋកូរ៉េ ត្រូវតែប្រកាន់ជំហរឱ្យម៉ឺងម៉ាត់ និងពាក់ហិកាក្នុងការចូលរួមសកម្មភាពក្បត់ជាតិនេះ។ លោកចង់ឃើញពលរដ្ឋខ្មែកុំយកបាតុកម្មធ្វើជាមុខរបរ ប៉ុន្ដែត្រូវកិច្ចខិតខំប្រឹងប្រែងសិក្សារៀនសូត្រ និងប្រឹងប្រែងធ្វើការងារដែលត្រឹមត្រូវ ដើម្បីផលប្រយោជន៍សម្រាប់ខ្លួនឯង ក្រុមគ្រួសារ និងសង្គមជាតិកម្ពុជាទាំងមូល៕

សម្ដេចធិបតី៖ កម្ពុជារក្សាជំហរដោះស្រាយបញ្ហាព្រំដែនតាមសន្ដិវិធីប៉ុន្ដែនឹងប្រើកម្លាំងបើមានការឈ្លានពាន

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា មានប្រសាសន៍បញ្ជាក់ថា ទាក់ទងនឹងការដោះស្រាយបញ្ហាព្រំដែនជាមួយប្រទេសជិតខាង ប្រទេសកម្ពុជា គឺរក្សាជំហរដោះស្រាយតាមសន្ដិវិធី ប៉ុន្ដែកម្ពុជានឹងប្រើកងកម្លាំង និងអាវុធ ប្រសិនបើមានការឈានពានចូលបូរណភាពទឹកដីរបស់កម្ពុជា។ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍បញ្ជាក់បែបនេះ ក្នុងឱកាស អញ្ជើញជាអធិបតីប្រគល់សញ្ញាបត្រជូននិស្សិតសាកលវិទ្យាល័យ អាស៊ី អឺរ៉ុប នៅមជ្ឈមណ្ឌលសន្និបាត និងពិព័រណ៍កោះពេជ្រ នៅព្រឹកថ្ងៃទី១៩ ខែកុម្ភៈ ឆ្នាំ២០២៥នេះ។ក្នុងឱកាសនោះសម្ដេចធិបតី នាយករដ្ឋមន្រ្ដីមានប្រសាសន៍បញ្ជាក់ថា រឿងបញ្ហាព្រំដែនអ្នកណាក៏គិតដែរ មិនមែនមានតែអ្នកជាតិនិយមរត់ចោលស្រុកនោះទេ។ សម្ដេចមានប្រសាសន៍ថា រាជរដ្ឋាភិបាល មន្រ្ដីកិច្ចការព្រំដែន និងប្រជាពលរដ្ឋនៅទូទាំងប្រទេសសុទ្ធតែជាអ្នកជាតិនិយម ហើយជាអ្នកជាតិនិយមឆ្អិនឆ្អៅថែមទៀត។ បើមន្រ្ដីកិច្ចការព្រំដែន ធ្វើកិច្ចការងារលើការចរចារឿងព្រំដែនជាមួយប្រទេសជិតខាងដាច់បាយដាច់ទឹក ដើម្បីការពារបូរណភាពទឹកដីរបស់កម្ពុជាក្នុងមួយចំអាមៗ។ ប៉ុន្ដែរឿងព្រំដែននេះមិនមែនជារឿងងាយស្រួលដោះ១ថ្ងៃចប់នោះទេ ខណៈសូម្បីតែទំនាស់ដីធ្លីក្នុងគ្រួសាររឿងព្រំដីក្នុងប្រទេសផងត្រូវចំណាយពេលដោះស្រាយជាង ២០ ឆ្នាំក៏មានដែរ។ក្នុងឱកាសនោះសម្ដេចធីបតីនាយករដ្ឋមន្រ្ដីមានប្រសាសន៍បញ្ជាក់ថា កិច្ចការងារបោះបង្គោលព្រំដែនគោក កម្ពុជា-ថៃ គឺមានពីរចំណុចក្នុងចំណុចទីមួយត្រូវបោះបង្គោលពីតំបន់ជាំទៅដល់តំបន់ចាំយាម ត្រូវបោះបង្គោលចំនួន៧៤បង្គោល។ ប៉ុន្ដែពីតំបន់មុំ៣ទៅដល់ចំណុចតំបន់ចាំយាម គឺមិនទាន់មានការបោះបង្គោលព្រំដែនរួចរាល់នៅឡើយទេ ប៉ុន្ដែមានផែនទីក្នុងឆ្នាំ១៩០៨ ដែលធ្វើដោយក្រុម គណៈកម្មការកំណត់ព្រំដែនរវាងឥណ្ឌូចិន និងសៀម (La Commission de délimitation entre l’Indochine et le Siam) ដូច្នេះក្នុងរយៈពេលតាំងពីឆ្នាំាំ ១៩៩៨ រហូតមក រាជរដ្ឋាភិបាលកម្ពុជាបានបន្តធ្វើលើកិច្ចការងារព្រំដែនេះ តាមគោលការសន្ដិវិធី និងនីតិវិធីច្បាប់អន្តរជាតិ៕ អត្ថបទ៖ វ៉ន ដារ៉ា

ពលករ និងសិស្សនិស្សិតកម្ពុជានៅប្រទេសថៃ ប្រឆាំងនឹងគម្រោងបាតុកម្មនៅកូរ៉េដែលជាការញុះញង់ពីក្រុមប្រឆាំង

ប្រជាពលរដ្ឋ ពលករ និងសិស្សនិស្សិតកម្ពុជាដែលកំពុងស្នាក់នៅប្រទេសថៃ បានលើកបដាប្រឆាំងនឹងគម្រោងបាតុកម្មដែលជាការញុះញង់ពីក្រុមជ្រុលនិយមឧទ្ទាមក្រៅច្បាប់នោះទេ ខណៈពួកគេបានថ្កោលទោសមេដឹកនាំជ្រុលនិយមតែងតែរៀបចំផែនការធ្វើបាតុកម្មដែលបង្កការរំខានពេលវេលាភារកិច្ចរបស់ពួកគេជាខ្លាំង។អ្នកស្រី ញ៉ា រដ្ឋា ប្រជាពលរដ្ឋកំពុងរស់នៅ និងបម្រើការងារនៅប្រទេសថៃបាននិយាយថា «សូមបងប្អូនយើងនៅកូរ៉េ កុំទៅចូលរួមពាក់ព័ន្ធនឹងបាតុកម្មជាមួយក្រុមជ្រុលនិយម។ យើងខ្ញុំជាពលរដ្ឋខ្មែរដែលកំពុងរស់នៅ និងធ្វើការនៅប្រទេសថៃ ជឿជាក់រាជរដ្ឋាភិបាលកម្ពុជា និងមិនចូលរួមបាតុកម្មតាមការញុះញង់របស់ក្រុមនោះទេ»។អ្នកស្រីបន្តថា អ្នកស្រីមិនរំជើបរំជួលតាមការបំផុសបំផុលរបស់ក្រុមប្រឆាំងជ្រុលនិយមនោះទេ ព្រោះការធ្វើបាតុកម្មនេះមិនត្រឹមតែមិនអាចដោះស្រាយបញ្ហាព្រំដែនបានទេ ថែមទាំងធ្វើឱ្យប៉ះពាល់ដល់ទំនាក់ទំនងល្អរវាងកម្ពុជា-ថៃ។ ជាពិសេសអាចបង្កស្ថានការណ៍នយោបាយកាន់តែតានតឹង និងឈានដល់ជម្លោះព្រំដែនទៀតផង។លោក ឆេង គឹមសឿន ប្រជាពលរដ្ឋខ្មែរកំពុងបម្រើការងារនៅប្រទេសថៃបាននិយាយថា «យើងខ្ញុំជាពលករដែលកំពុងរស់នៅ និងធ្វើការនៅប្រទេសថៃជឿជាក់លើសមត្ថភាពដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី លើការចរចាបញ្ហាព្រំដែនជាមួយប្រទេសជិតខាង»។លោកបន្តថា «ខ្មែរនៅទីណាក៏ដោយ ទោះមានគំនិតមិនដូចគ្នាក៏ដោយ ក៏យើងនៅតែជាខ្មែរ! យើងមិនត្រូវឈ្លោះគ្នានៅលើទឹកដីគេនាំឱ្យគេមើលងាយនោះទេ។ ដូច្នេះពលរដ្ឋផ្សេងទៀតសូមកុំចាញ់ឧបាយកលបោកបញ្ឆោតរបស់ក្រុមប្រឆាំងជ្រុលនិយមមួយក្តាប់តូច ដែលបាននិងកំពុងញុះញង់បងប្អូនឱ្យចូលរួមបាតុកម្មដែលគ្រោងរៀបចំធ្វើនៅថ្ងៃខាងមុខនេះ»។ពលរដ្ឋខ្មែរធ្វើការងារនៅស្រុកថៃរូបនេះបានបន្ថែមថា បាតុកម្មមិនមែនជាដំណោះស្រាយនោះទេ ផ្ទុយទៅវិញនាំឱ្យខាតបង់ពេលវេលា លុយកាក់ កិត្តិយសខ្លួនឯង និងសង្គមជាតិទាំងមូលនៅលើទឹកដីបរទេស។ ដូចនេះសូមបងប្អូនដែលកំពុងរស់នៅ សិក្សា និងធ្វើការនៅស្រុកថៃ កុំទៅចូលរួមបាតុកម្មដែលរៀបចំដោយក្រុមប្រឆាំង។កញ្ញា សួន ស្រីនិច ពលករខ្មែរនៅប្រទេសថៃបាននិយាយថា «យើងខ្ញុំជាពលករដែលកំពុងរស់នៅ និងធ្វើការនៅប្រទេសថៃ ជឿជាក់រាជរដ្ឋាភិបាលកម្ពុជា និងមិនចូលរួមបាតុកម្មតាមការញុះញង់របស់ក្រុមប្រឆាំងជ្រុលនិយមនោះទេ និងជឿជាក់លើការដឹកនាំរបស់សម្តេចធបតី ហ៊ុន ម៉ាណែត ក្នុងការចចារដោះស្រាយបញ្ហាព្រំដែនជាមួយប្រទេសជិតខាង»។កញ្ញាបានកត់សម្គាល់ឃើញថា ការកៀរគរមនុស្សរបស់ពួកគេគ្មានប្រសិទ្ធភាពនោះទេ ដោយសារពលរដ្ឋបានដឹងច្បាស់ពីល្បិចកលដ៏ខ្មៅងងឹតរបស់ពួកគេក្នុងការបម្រើផលប្រយោជន៍ទណ្ឌិត សម រង្ស៊ី និងផ្ដួលរំលំរាជរដ្ឋាភិបាលស្របច្បាប់ដែលកើតចេញពីការបោះឆ្នោតគាំទ្រដោយប្រជាពលរដ្ឋកម្ពុជា។ចំណែកលោក ពិសី រដ្ឋា ប្រជាពលរដ្ឋបម្រើការងារនៅប្រទេសថៃបាននិយាយថា «ខ្ញុំគោរពឆន្ទៈរបស់បងប្អូនដែលកំពុងរស់នៅស្រុកថៃប្រកាសមិនចូលរួមធ្វើបាតុកម្មតាមការញុះញង់របស់ក្រុមប្រឆាំងជ្រុលនិយម ហើយខ្ញុំក៏ប្រកាសមិនគាំទ្របាតុកម្មដូចជាបងប្អូនយើងដែរ ព្រោះបាតុកម្មមិនមានផលចំនេញអ្វីដល់ជាតិនោះទេ វាគ្រាន់តែបម្រើរបៀបវិរៈនយោបាយដ៏កង្វក់របស់ពួកគេប៉ុណ្ណោះ»។លោកបន្តថា ក្រុមជ្រុលនិយមនៅតែប្រើលេសទាមទារកោះគុតទាំងងងឹតងងុល ហើយមានតែខ្មែរដែលមាននិន្នាការបម្រើនយោបាយបរទេសប៉ុណ្ណោះដែលចង់រុញខែ្មរឱ្យប្តឹងទៅតុលាការអន្តរជាតិលើករណីកោះគុត។ សម្ដេចបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានបញ្ជាក់ច្បាស់ៗជុំវិញសំណុំកោះគុត ខណៈប្រទេសទាំងពីរកំពុងធ្វើការជាមួយគ្នាដោយសន្តិវិធី និងយកច្បាប់ជាគោល។គួររំឭកថា ទណ្ឌិត សម រង្ស៊ី អតីតមេដឹកនាំបក្សប្រឆាំងក្រៅប្រទេសជាបុគ្គលដែលនៅពីក្រោយគ្នីគ្នាមួយក្ដាប់តូចកំពុងស្នាក់នៅប្រទេសសាធារណរដ្ឋកូរ៉េ និងជប៉ុន ដោយព្យាយាមញុះញង់ មួលបង្កាច់ឱ្យមានការរើសអើងរាជរដ្ឋាភិបាលកម្ពុជា ដើម្បីបម្រើមហិច្ឆិតានយោបាយគ្មានគោលដៅរបស់ខ្លួនប៉ុណ្ណោះ។ ចេតនារបស់ទណ្ឌិត សម រង្ស៊ី គឺជាការសងសឹកគំនុំផ្ទាល់ខ្លួនជាមួយថ្នាក់ដឹកនាំរាជរដ្ឋាភិបាល ដោយប្រើលេសស្នេហាទឹកដី និងព្រំដែន ដើម្បីកៀរគរមនុស្សមកធ្វើបាតុកម្មប្រឆាំងនឹងរាជរដ្ឋាភិបាល។ ដូច្នេះគំនិតដ៏អាក្រក់ទាំងនេះ បងប្អូនមិនគួរចូលរួមក្បត់ជាតិជាមួយទណ្ឌិត សម រង្ស៊ីនោះទេ ហើយចៀសឱ្យឆ្ងាយពីបុគ្គលរូបនេះ និងងាកមកចូលរួមអភិវឌ្ឍប្រទេសជាតិជាមួយរាជរដ្ឋាភិបាល៕

ពលករខ្មែរនៅកូរ៉េ បង្ហាញការគាំទ្ររដ្ឋាភិបាលក្នុងការដោះស្រាយបញ្ហាព្រំដែនដោយសន្តិវិធី ជាជាងការធ្វើបាតុកម្មខុសច្បាប់

ភ្នំពេញ៖ ក្រុមពលករខ្មែរដែលកំពុងស្នាក់នៅ និងធ្វើការនៅសាធារណរដ្ឋកូរ៉េ បានបង្ហាញជំនឿជឿជាក់ទៅលើរាជរដ្ឋាភិបាលកម្ពុជា ក្នុងការដោះស្រាយបញ្ហាកោះគុតដែលស្ថិតក្នុងតំបន់ត្រួតស៊ីគ្នានៃព្រំដែនសមុទ្ររវាងកម្ពុជា និងថៃ ដោយសន្តិវិធី ជាជាងនាំគ្នាធ្វើបាតុកម្មពោរពេញដោយកំហឹងក្រោមរបៀបវារៈនយោបាយបក្សប្រឆាំង ពិសេសនាំឱ្យប៉ះពាល់ធ្ងន់ធ្ងរដល់ទំនាក់ទំនងការទូត និងសន្តិសុខជាតិ។លោក អ៊ុ វិរៈ ពលករផ្នែកកសិកម្ម ក្នុងតំបន់ស៊ូវ៉ុន នៃសាធារណរដ្ឋកូរ៉េ បានលើកឡើងថា ខ្លួនមិនចូលរួមបាតុកម្មដែលជាការបំផុសបំផុលពីសំណាក់ក្រុមបក្សប្រឆាំងម្តងហើយម្តងទៀតនោះទេ ព្រោះការធ្វើបាតុកម្មនេះមិនត្រឹមតែមិនអាចដោះស្រាយបញ្ហាព្រំដែនបានទេ ក៏ប៉ុន្តែធ្វើឱ្យប៉ះពាល់ដល់ទំនាក់ទំនង រវាងកម្ពុជា-ថៃ ដែលជាប្រទេសភូមិផងរបងជាប់គ្នា ជាពិសេសអាចបង្កស្ថានការណ៍កាន់តែតានតឹងឈានដល់ជម្លោះព្រំដែនទៀតផង។ លោក បានបញ្ជាក់ថា នឹងមិនចូលរួមបាតុកម្មទេ ដោយសារការជឿជាក់លើរាជរដ្ឋាភិបាល ក្នុងការដោះស្រាយបញ្ហាព្រំដែន និងបូរណភាពទឹកដីជាមួយប្រទេសជិតខាង។ ក្នុងនាមជាពលករនៅកូរ៉េ លោកជឿជាក់លើសមត្ថភាពដឹកនាំរបស់សម្តេចធិបតីនាយករដ្ឋមន្ត្រី លើការចចារបញ្ហាទឹកដីជាមួយប្រទេសជិតខាង ដោយឈរលើគោលជំហរសន្តិវិធី។ ដោយឡែក លោក យុន សុវិក្រឹត ពលករផ្នែកឧស្សាហកម្មក្នុងតំបន់ស៊ូវ៉ុន នៃសាធារណរដ្ឋកូរ៉េ បានលើកឡើងស្រដៀងគ្នាថា នឹងមិនចូលរួមធ្វើបាតុកម្មលើរឿងកោះគុតនោះទេ ដោយសារហេតុផល ភាពជឿជាក់លើរាជរដ្ឋាភិបាលក្នុងការដោះស្រាយបញ្ហាទាំងនេះដូចគ្នា។ ទន្ទឹមនឹងនេះ លោកបានអំពាវនាវដល់ប្រជាពលរដ្ឋកុំជឿតាមការទាញភ្ជាប់បញ្ហាកោះគុតដែលស្ថិតក្នុងតំបន់ត្រួតស៊ីគ្នានៃព្រំដែនសមុទ្រ រវាងកម្ពុជា និងថៃ មកបញ្ជេះកំហឹងពលរដ្ឋ ក្នុងចេតនាទុច្ចរិតបង្កឱ្យមានជម្លោះរវាងប្រទេសជិតខាង និងនាំឱ្យខ្មែរបែកបាក់ជាតិជាខ្លាំង ខណៈជាក់ស្តែង ភាគីកម្ពុជា និងថៃកំពុងតែធ្វើការចរចាគ្នានៅឡើយ។ គួររំឭកថា ក្រុមប្រឆាំងជ្រុលនិយមឧទ្ទាមក្រៅច្បាប់នៅតែព្យាយាមយកកោះគុតមកធ្វើជាលេស ដើម្បីកៀរគរមនុស្សមកធ្វើបាតុកម្មនៅសាធារណរដ្ឋកូរ៉េ ប៉ុន្ដែការអំពាវនាវ ការកៀរគរមនុស្សរបស់ពួកគេគ្មានប្រសិទ្ធភាពនោះទេ ក្នុងការផ្ដួលរំលំរាជរដ្ឋាភិបាលដែលកើតចេញពីការបោះឆ្នោតគាំទ្រដោយប្រជាពលរដ្ឋកម្ពុជា ដោយសារពលរដ្ឋបានដឹងច្បាស់ពីល្បិចកលខ្មៅងងឹតរបស់ក្រុមប្រឆាំងជ្រុលនិយមឧទ្ទាមក្រៅច្បាប់ ដែលមានគោលបំណងដើម្បីបម្រើតែផលប្រយោជន៍ដល់បក្សពួកមួយក្រុមតូចរបស់ខ្លួនប៉ុណ្ណោះ៕

សហជីពធំៗនៅកម្ពុជា គាំទ្រពលរដ្ឋ និងពលករខ្មែរនៅកូរ៉េ យ៉ាងពេញទំហឹងចំពោះការប្ដេជ្ញាចិត្តមិនចូលរួមធ្វើបាតុកម្មជាមួយក្រុមជ្រុលនិយមក្រៅច្បាប់

សហជីពធំៗដែលមានឥទ្ធិពលនៅកម្ពុជា បានប្រកាសគាំទ្រពេញទំហឹងចំពោះប្រជាពលរដ្ឋ សិស្សនិស្សិត និងពលករខ្មែរកំពុងស្នាក់នៅសាធារណរដ្ឋកូរ៉េ ដែលបានប្ដេជ្ញាចិត្តមិនចូលរួមបាតុកម្មជាមួយក្រុមជ្រុលនិយមឧទ្ទាមក្រៅច្បាប់ដែលដឹកនាំដោយទណ្ឌិតក្បត់ជាតិបីជំនាន់ សម រង្ស៊ី ខណៈពួកគេបានថ្កោលទោសអ្នកផ្ដួចផ្ដើមបាតុកម្មទាំងអស់នោះ។លោក អ៊ុន ដារ៉ា ប្រធានសហភាពកម្ពុជាពន្លឺកម្មករបានថ្លែងថា៖«ខ្ញុំពេញចិត្តចំពោះការប្ដេជ្ញាចិត្តរបស់បងប្អូន និងក្មួយៗដែលកំពុងស្នាក់នៅ ឬក៏ធ្វើការងារជាពលករនៅសាធារណរដ្ឋកូរ៉េ ដែលមិនចូលរួមពាក់ព័ន្ធបាតុកម្មជាមួយក្រុមជ្រុលនិយមទាំងនោះ ព្រោះបាតុកម្មមិនមែនជាដំណោះស្រាយ ហើយតែងនាំឱ្យខាតបង់ពេលវេលា លុយកាក់ កិត្តិយសខ្លួនឯង ក្រុមគ្រួសារ និងសង្គមជាតិទាំងមូល»។លោកបន្តថា៖«សូមបងប្អូនកុំចាញ់ឧបាយកលបោកបញ្ឆោតរបស់ក្រុមប្រឆាំងជ្រុលនិយមមួយក្តាប់តូចដែលបានញុះញង់ ហើយខ្ញុំគាំទ្រពេញទំហឹងតែម្ដងចំពោះបងប្អូន យើងកុំទៅចូលរួមធ្វើបាតុកម្ម ព្រោះបាតុកម្មមិនមែនជាជម្រើសដែលធ្វើឱ្យស្រុកទេសយើងរីកចំរើននោះទេ គឺមានការជួយគ្នា ដើម្បីអភិវឌ្ឍស្រុកទេសយើង»។លោក អ៊ុន ដារ៉ា បន្ថែមថា បាតុកម្មធ្វើឱ្យបាត់បង់សណ្ដាប់ធ្នាប់ស្រុកទេសរបស់គេ និងខូចទាំងឈ្មោះជាជាតិខ្មែរនៅលើឆាកអន្តរជាតិ។ ដូច្នេះ ក្នុងនាមជាពលរដ្ឋខ្មែរឈប់ចាញ់ឧបាយកលបោកបញ្ឆោតរបស់ក្រុមប្រឆាំងជ្រុលនិយមមួយក្តាប់តូច ដែលបានញុះញង់បងប្អូនឱ្យចូលរួមបាតុកម្មដែលគ្រោងរៀបចំធ្វើនៅថ្ងៃខាងមុខនេះ។លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជាបានថ្លែងថា៖«ខ្ញុំគាំទ្រចំពោះការប្ដេជ្ញាចិត្តរបស់បងប្អូនខ្មែរយើងនៅកូរ៉េ ដែលពួកគាត់តាំងចិត្តខ្ពស់មិនចូលរួមបាតុកម្មជាមួយក្រុមជ្រុលនិយមទាំងនោះ ព្រោះបាតុកម្ម មិនមែនជាដំណោះស្រាយទេ ហើយនាំឱ្យខាតបង់ពេលវេលា លុយកាក់ កិត្តិយសខ្លួនឯង និងសង្គមជាតិយើងនៅបរទេសទៅវិញទេ»។លោកបន្តថា ក្រុមជ្រុលនិយមឧទ្ទាមក្រៅច្បាប់កំពុងអុជអាលដែលយកបញ្ហាទឹកដី មកដុតបញ្ឆេះពលរដ្ឋ និងចង់ឱ្យកម្ពុជាប៉ះទង្គិចដោយអាវុធជាមួយប្រទេសជិតខាង។ ពួកគេមានចេតនានាំឱ្យប្រទេសជាតិធ្លាក់ក្នុងភ្លើងសង្គ្រាម បាត់បង់អាយុជីវិតប្រជាជន បាត់បង់ទឹកដីកាន់តែច្រើនថែមទៀត និងបំផ្លាញសេដ្ឋកិច្ចទាំងស្រុង។ចំណែកលោក គឹម ចាន់សំណាង ប្រធានសហភាពសិទ្ធិកម្មករកម្ពុជាបានថ្លែងថា៖«ក្រុមជ្រុលនិយមនៅតែប្រើលេសទាមទារកោះគុតទាំងងងឹតងងុល ហើយមានតែខ្មែរដែលមាននិន្នាការបម្រើបរទេសទេ ដែលចង់រុញខែ្មរឱ្យប្តឹងទៅតុលាការអន្តរជាតិលើករណីកោះគុត។ ដូចដែលសម្ដេចបវរធិបតី ហ៊ុន ម៉ាណែត បានបញ្ជាក់ច្បាស់ៗហើយ គឺប្រទេសយើងទាំងពីរកំពុងតែធ្វើការជាមួយគ្នាដោយសន្តិវិធី និងយកច្បាប់ជាគោល»។ក្នុងនាមលោកជាពលរដ្ឋខ្មែរ លោកបានបង្ហាញពីភាពជឿជាក់ខ្ពស់ និងទុកលទ្ធភាពឱ្យរាជរដ្ឋាភិបាលកម្ពុជា ក្នុងការចរចាបញ្ហាព្រំដែនសមុទ្រជាមួយភាគីថៃ ដោយមិនចាំបាច់ប្តឹងទៅតុលាការអន្ដរជាតិនោះទេ ហើយចៀសវាងការដុតបញ្ឆេះពលរដ្ឋ និងចង់ឱ្យកម្ពុជាប៉ះទង្គិចដោយអាវុធជាមួយប្រទេសជិតខាង។លោក សំ សឿន ប្រធានសហភាពពលកម្មជាតិកម្ពុជាបានថ្លែងថា៖«ខ្ញុំសូមអំពាវនាវដល់ពលរដ្ឋកុំលង់ក្នុងឧបាយកលរបស់ជនក្បត់ជាតិនេះ ព្រោះពួកគេបោកប្រាស់បងប្អូន ហើយអ្នកដែលរងគ្រោះយកជីវិតទៅការពារជនក្បត់ជាតិ គឺបងប្អូន ហើយអ្នកដែលលំបាក គឺក្រុមគ្រួសារបងប្អូន»។លោកបន្តថា ពួកគេគ្រាន់តែបោកប្រាស់បងប្អូន ដើម្បីរៃអង្គាស់ប្រាក់ពីបងប្អូនបម្រើផលប្រយោជន៍ផ្ទាល់ខ្លួនប៉ុណ្ណោះ។ ការបាតុកម្មនៅលើទឹកដីបរទេស គឺជាចេតនាបំផ្លាញកិត្តិយសជាតិនៅលើឆាកអន្តរជាតិដែលមិនអាចចាត់ទុកជាយុវជន ឬពលរដ្ឋជាអ្នកស្នេហាជាតិបានទេ៕

រដ្ឋសភា អនុម័តជាឯកច្ឆន្ទលើសេចក្តីព្រាងច្បាប់ប្រឆាំងការមិនទទួលស្គាល់ឧក្រិដ្ឋកម្មក្នុងរបបកម្ពុជាប្រជាធិបតេយ្យ

ភ្នំពេញ៖ សមាជិក-សមាជិកានៃរដ្ឋសភាទាំងអស់បានអនុម័តជាឯកច្ឆន្ទលើសេចក្តីព្រាងច្បាប់ប្រឆាំងការមិនទទួលស្គាល់ឧក្រិដ្ឋកម្មក្នុងរបបកម្ពុជាប្រជាធិបតេយ្យ។ការអនុម័តជាឯកច្ឆន្ទនេះធ្វើឡើងក្រោមអធិបតីភាពរបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា អញ្ជើញដឹកនាំបន្តសម័យប្រជុំលើកទី៣ ដើម្បីពិភាក្សា និងអនុម័តលើច្បាប់ប្រឆាំងការមិនទទួលស្គាល់ឧក្រិដ្ឋកម្មក្នុងរបបកម្ពុជាប្រជាធិបតេយ្យ នាព្រឹកថ្ងៃទី១៨ ខែកុម្ភៈ ឆ្នាំ២០២៥ នៅវិមានរដ្ឋសភា។ការអនុម័តលើសេចក្តីព្រាងច្បាប់នេះ មានសំឡេងគាំទ្រពីសមាជិក-សមាជិការនៃរដ្ឋសភាសរុប ១១៥សំឡេង។គោលបំណងនៃការបង្កើតច្បាប់ស្តីពី ការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យនេះ ដោយផ្អែកទៅលើទិដ្ឋភាពរួមផ្នែកប្រវត្ដិសាស្ដ្រ និងឧក្រិដ្ឋកម្មក្នុងសម័យខ្មែរក្រហម រួមមាន ឧក្រិដ្ឋកម្មប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិ និងការរំលោភបំពានធ្ងន់ធ្ងរលើអនុសញ្ញាទីក្រុងហ្សឺណេវឆ្នាំ១៩៤៩ ដែលជាការរំលោភយ៉ាងធ្ងន់ធ្ងរទៅលើច្បាប់ព្រហ្មទណ្ឌកម្ពុជា ការរំលោភទៅលើច្បាប់មនុស្សធម៌អន្ដរជាតិ ព្រមទាំងការរំលោភលើអនុសញ្ញាអន្ដរជាតិដែលកម្ពុជាទទួលស្គាល់។ក្នុងសេចក្តីព្រាងច្បាប់នេះមាន៧មាត្រា ដោយបានចែងថា ការមិនទទួលស្គាល់ ឬបដិសេធវត្តមាននៃឧក្រិដ្ឋកម្មក្នុងសម័យខ្មែរក្រហម មិនមែនជាការអនុវត្ដនូវសិទ្ធិសេរីភាពក្នុងការបញ្ចេញមតិនោះទេ ប៉ុន្ដែផ្ទុយទៅវិញ ជាការប្រមាថយ៉ាងធ្ងន់ធ្ងរដល់វិញ្ញាណក្ខន្ធអ្នកដែលបានពលី និងបាត់បង់ជីវិត នៅក្នុងសម័យដ៏ខ្មៅងងឹត និងជាការឈឺចាប់របស់ជនរងគ្រោះដែលបានរស់រានមានជីវិតរហូតមកដល់សព្វថ្ងៃ។ការបង្កើត «ច្បាប់ស្តីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តឡើងក្នុងរយៈកាលនៃកម្ពុជាប្រជាធិបតេយ្យ” គឺបន្ទាប់ពីក្រុមអ្នកនយោបាយ លើកឡើងថា គុកទួលស្លែងឬមន្ទីរសន្តិសុខ-ស ២១ ដែលបានសម្លាប់មនុស្សប្រមាណ ២ម៉ឺននាក់ ថាជាគុកសិប្បនិមិ្មត៕

ចលនាផ្តាច់ខ្លួនរបស់សមាជិកបក្សប្រឆាំងនៅតែបន្តកើតមានដូចភ្លៀងរលឹម

បើទោះបីក្រុមក្បាលរឹងជ្រុលនិយមមួយក្តាប់តូចនៅតែចិញ្ចឹមចិត្តវាយប្រហារមកលើរាជរដ្ឋាភិបាលនិងក្រុមគ្រួសាររបស់សម្តេចតាមរយៈឧបាយកលពិសពុលដ៏ខ្មៅកខ្វក់នានា ប៉ុន្តែបេក្ខជនជាក្រុមប្រឹក្សា សមាជិក សមាជិកគណបក្សប្រឆាំងនៅតាមមូលខេត្ត រាជធានី ខេត្ត ក្រុង ស្រុកខណ្ឌទូទាំងប្រទេសបានក្លាយជាចលនាផ្តាច់ខ្លួនដូចទឹកបាក់ទំនប់ដោយសុំចូលមករួមរស់ជាមួយគណបក្សប្រជាជនកម្ពុជា។ជាក់ស្តែងកាលពីម្សិលមិញនេះ តាមប្រភពតេឡេក្រាមផ្លូវការរបស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជាត្រូវបានគេមើលឃើញមានបេក្ខជនជាក្រុមប្រឹក្សាគណបក្សភ្លើងទៀនឃុំកំពង់អុស ស្រុកជលគិរី ខេត្តកំពង់ឆ្នាំងចំនួន១០រូប សកម្មជនគណបក្សភ្លើងទៀនភូមិខ្នាច ឃុំគុស ស្រុកត្រាំកក់ ខេត្តតាកែវចំនួន៦រូប បានគោរពស្នើសម្តេចតេជោ ហ៊ុន សែន សុំចូលមករួមរស់ជាមួយគណបក្សប្រជាជនកម្ពុជាវិញ។ក្នុងការគោរពស្នើសុំនេះ ពួកគាត់បានបង្ហាញអំពីការដែលបានសម្រេចចាកចេញពីបក្សប្រឆាំងមករួមរស់ជាមួយគណបក្សប្រជាជនកម្ពុជាវិញនេះដោយសារតែអស់ជំនឿលើគោលនយោបាយ និងការដឹកនាំរបស់គណបក្សខ្លួនដែលជានិច្ចកាលតែងតែញុះញង់លាបពណ៌រាជរដ្ឋាភិបាលបង្កអស្ថិរភាព ដើម្បីតែការផ្តួលរំលំរាជរដ្ឋាភិបាលដែលមិនបានគិតអំពីសេចក្តីសុខរបស់ពលរដ្ឋ និងផលប្រយោជន៍ជាតិជាធំសូម្បីតែបន្តិច។សូមបញ្ជាក់ថា ចលនាផ្តាច់ខ្លួនរបស់មន្ត្រីថ្នាក់ដឹកនាំ សកម្មជន សមាជិក សមាជិការបស់បក្សប្រឆាំងសុំចូលមករួមរស់ជាមួយគណបក្សប្រជាជនកម្ពុជាបើគិតចាប់តាំងពីក្រោយការបោះឆ្នោតឆ្នាំ២០១៨មកមានរហូតដល់រាប់ម៉ឺននាក់។នេះបើតាមឯកឧត្តម សុខ ឥសាន សមាជិកព្រឹទ្ធសភា និងជាអ្នកនាំពាក្យរបស់គណបក្សប្រជាជនកម្ពុជាបានឱ្យBTV News ដឹងកាលពីពេលកន្លងមកនេះ៕ អត្ថបទ៖ មុត សុទ្ធ

ក្រុមការងាររាជរដ្ឋាភិបាល ចុះមូលដ្ឋានក្រុងរុនតាឯកតេជោសែន ធ្វើការផ្សព្វផ្សាយពីលទ្ធផលសន្និបាតបក្សដល់សមាជិក

ក្រុមការងាររាជរដ្ឋាភិបាល ចុះមូលដ្ឋាន ក្រុងរុនតាឯកតេជោ ខេត្ដសៀមរាប នៅថ្ងៃទី១៦ ខែកុម្ភៈ ឆ្នាំ២០២៥នេះ បានធ្វើការផ្សព្វផ្សាយពីលទ្ធផលនៃសន្និបាត គណៈកម្មាធិការកណ្ដាលលើកទី៤៥ អាណត្ដិទី៥ របស់គណបក្សប្រជាជនកម្ពុជា ដល់សមាជិកសមាជិការបស់ខ្លួន នៅសង្កាត់បល្ល័ង្ក ក្រុងរុនតាឯកតេជោសែន ខេត្ដសៀមរាប។លោក អ៊ឹង សុភ័ណ ប្រធានគណបក្សក្រុងរុនតាឯកតេជោសែន ខេត្ដសៀមរាប បានលើកឡើងនូវរបាយការណ៍ ពីសភាពការទូទៅ ការងារគណបក្សឆ្នាំ២០២៤ និងទិសដៅភារកិច្ចឆ្នាំ២០២៥ ដល់សមាជិកសមាជិកាឱ្យបានយល់កាន់តែច្បាស់ដែលគណបក្សប្រជាជនបានអនុវត្ដកន្លងមក។ លោកបានលើកឡើងថា ដើម្បីជំរុញការអនុវត្តកម្មវិធីនយោបាយរបស់គណបក្សសម្រាប់ការកសាង និងការពារមាតុភូមិ ឆ្នាំ២០២៣-២០២៨ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភាឱ្យកាន់តែមានប្រសិទ្ធភាព និងប្រសិទ្ធផលឆ្លើយតបទៅនឹងក្តីសង្ឃឹមទុកចិត្តរបស់ប្រជាជន អង្គការចាត់តាំងគណបក្សគ្រប់ថ្នាក់ គ្រប់ផ្នែក គ្រប់ស្ថាប័ន និងមន្ត្រីគ្រប់រូប ត្រូវយកចិត្តទុកដាក់អនុវត្តនូវទិសដៅភារកិច្ចសំខាន់ៗផងដែរ។ លោកបន្ដថា ទិសដៅការងារទូទៅ ត្រូវពង្រឹងធ្លុងមហាសាមគ្គីជាតិក្រោមបាវចនា ជាតិ សាសនា ព្រះមហាក្សត្រ ការពារយ៉ាងគត់មត់នូវ ឯករាជ្យ អធិបតេយ្យ និងបូរណភាពទឹកដី។ប្ដេជ្ញារថែរក្សា ពង្រឹង និងពង្រីកកិច្ចសហប្រតិបត្តិការជាមួយកង កម្លាំងនៃប្រទេសជាមិត្តជិតខាង ដើម្បីធានានូវសន្តិភាព និងការកសាងតំបន់ព្រំដែនប្រកបដោយមិត្តភាព សាមគ្គីភាព សហប្រតិបត្តិការ និងអភិវឌ្ឍន៍។ លោកថា ការពារដាច់ខាតនូវសន្តិភាព និងស្ថិរភាពនយោបាយ មិនឱ្យកម្លាំងអមិត្តណា ឬក្រុមជ្រុលនិយម ណាមកបង្កកលិយុគបំផ្លាញសន្តិភាព និងសេចក្តីសុខរបស់ប្រជាជនកម្ពុជាបានឡើយ។ ជាមួយគ្នានោះ ក៏ត្រូវអនុវត្តឱ្យបានខ្ជាប់ខ្ជួននូវពាក្យរស្លោក “អរគុណសន្តិភាព ហើយរួមគ្នា លើកកម្ពស់ -វប្បធម៌សន្តិភាព នៅកម្ពុជា ពិសេសការចូលរួមការពារ និងថែរក្សាឱ្យបានដាច់ខាតនូវ “សុខសន្តិភាព» ដែលជាអាយុជីវិតរបស់ជាតិ និងជាគ្រឹះដ៏មានតម្លៃបំផុតសម្រាប់ការអភិវឌ្ឍជាតិ និងភាពសុខ សាន្តរបស់ប្រជាជនកម្ពុជា។នាឱកាសនោះ ឯកឧត្ដម សែម រតនា ប្រធានក្រុមការងារគណបក្សចុះមូលដ្ឋាន ក្រុងរុនតាឯកតេជោសែន បានលើកឡើងនៃលទ្ធផលសន្និបាតគណៈកម្មាធិការកណ្តាលលើកទី៤៥អាណត្តិទី៥ របស់គណបក្សប្រជាជនកម្ពុជាផងដែរ។ ឯកឧត្ដម បានលើកឡើងថា សន្និបាតដែលធ្វើឡើងរយៈពេលពីរថ្ងៃនេះបានសម្រេចការងារជាច្រើន ដូចជា ពិភាក្សា និងអនុម័តរបាយការណ៍ស្តីពី «សភាពការណ៍ទូទៅ និងការងារគណបក្ស ឆ្នាំ២០២៤ និងទិសដៅភារកិច្ច ឆ្នាំ២០២៥»។ បោះឆ្នោតជ្រើសតាំងបំពេញបន្ថែមសមាជិកគណៈអចិន្ត្រៃយ៍នៃគណៈកម្មាធិការកណ្តាល ចំនួន៤រូប។ គាំទ្រទាំងស្រុងរបាយការណ៍បន្ថែមរបស់សម្តេចបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីនៃព្រះរាជាណាចក្រកម្ពុជាអំពី “ស្ថានការណ៍ទូទៅ ជាពិសេសការងារសេដ្ឋកិច្ច សង្គមបានជ្រួតជ្រាបយ៉ាងស៊ីជម្រៅនូវមតិដឹកនាំដ៏ខ្ពង់ខ្ពស់របស់ សម្តេចតេជោ ហ៊ុន សែន ប្រធានគណបក្ស ស្តីពីទស្សនៈសភាពការណ៍ជាតិ សភាពការណ៍អន្តរជាតិ និងទិសដៅការងារ របស់គណបក្សសម្រាប់រយៈពេលបន្ត។ ឯកឧត្ដមបន្ថែមថា អង្គសន្និបាតបានកត់សម្គាល់ប្រកបដោយមោទនភាពចំពោះសភាពការណ៍ទូទៅក្នុងឆ្នាំ២០២៤ ដែលធានាដល់ដំណើរការអភិវឌ្ឍន៍សេដ្ឋកិច្ច សង្គម និងការរស់នៅដ៏សុខសាន្តរបស់ប្រជាជននៅក្រោមម្លប់នៃសន្តិភាព។ ឯកឧត្ដមបញ្ជាក់ថា អំឡុងពេលនេះ ទោះបីត្រូវជួបការលំបាក ក៏រាជរដ្ឋាភិបាលនីតិកាលទី៧នៃរដ្ឋសភា ដែលជារាជរដ្ឋាភិបាលបន្តវេនរបស់គណបក្សប្រជាជនកម្ពុជា បានបំពេញបេសកកម្មដ៏ឧត្តុង្គឧត្តមជាប្រវត្តិសាស្ត្ររបស់ខ្លួន ដោយជោគជ័យ ក្នុងការដឹកនាំអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ ដែលបានឆ្លើយតប ទៅនឹងសេចក្តីសង្ឃឹម និងការជឿជាក់របស់ប្រជាជន។ ជាក់ស្តែង សន្តិភាព ស្ថិរភាពនយោបាយ អធិបតេយ្យជាតិ និងបូរណភាពទឹកដី ត្រូវបានរក្សាការពារយ៉ាងគត់មត់, សន្តិសុខ សណ្តាប់ធ្នាប់ និងសុវត្ថិភាពសង្គមមានភាពរឹងមាំ ព្រមជាមួយនឹងការធានាបាននូវស្ថិរភាពម៉ាក្រូសេដ្ឋកិច្ច ស្ថិរភាពហិរញ្ញវត្ថុសាធារណៈ និងស្ថិរភាពនៃជីវភាពរបស់ប្រជាជន៕

វិទ្យាស្ថានបច្ចេកទេសបណ្តារាជធានី-ខេត្ត ចេញញត្តិថ្កោលទោសការប៉ុនប៉ងធ្វើឃាតសម្តេចតេជោ តាមរយៈដ្រូន

បណ្តាវិទ្យាស្ថានបច្ចេកទេសនៅតាមរាជធានី-ខេត្តទាំងអស់នៅកម្ពុជា បានចាត់ទុកការប៉ុនប៉ង ធ្វើឃាតសម្តេចតេជោ ហ៊ុន សែន តាមរយៈដ្រូននេះគឺជាទង្វើភេរវកម្ម និងមានគោលបំណងបំផ្លិតបំផ្លាញសុខសន្តិភាពរបស់កម្ពុជា ដែលកំពុងមានសព្វថ្ងៃនេះ ខណៈការប៉ុនប៉ងរបស់ក្រុមឧទ្ទាមទាំងនោះមិនគួរ លើកលែង និងត្រូវចាប់ខ្លួនយកមកផ្តន្ទាទោសឲ្យខាងតែបាន។តាមរយៈញត្តិរបស់វិទ្យាស្ថានបច្ចេកទេសនៅតាមបណ្តារាជធានី-ខេត្តទាំងនោះបានសង្កត់ធ្ងន់ថា« យើងខ្ញុំជាគណៈគ្រប់គ្រង លោកគ្រូ អ្នកគ្រូ និងសិស្ស-និស្សិត នៃវិទ្យាស្ថានសូមថ្កោលទោសយ៉ាងដាច់អហង្ការ ចំពោះជនដែលរៀបចំគម្រោងវាយប្រហារដោយដ្រូន ចូលភូមិគ្រឹះសម្តេចតេជោ ដែលនេះជាអំពើ ភេរវកម្ម ប៉ុនប៉ងធ្វើឃាតថ្នាក់ដឹកនាំជាស្ថាបនិក បិតាសន្តិភាព ជាមគ្គុទេសក៍ឯកដ៏ឆ្នើម និងជាឥស្សរជន ជាន់ខ្ពស់របស់ជាតិនេះ ជាអំពើខុសច្បាប់ យង់ឃ្នង និងឃោឃៅបំផុតដោយមានគោលបំណងទាញកម្ពុជា ឲ្យធ្លាក់ទៅភាពវឹកវរ និងអសន្តិសុខសង្គម ប៉ុន្តែជាអកុសល គម្រោងនេះត្រូវបានធ្វើការទប់ស្កាត់ទាន់ពេល វេលា»។តាមរយៈញត្តិទាំងនោះបានលើកឡើងទៀតថា សកម្មភាពដ៏ថោកទាបរបស់ក្រុមអគតិទាំងនោះ មិនត្រឹមតែធ្វើឲ្យបាត់បង់នូវសុខសន្តិភាព ស្ថិរភាព និងប៉ះពាល់ ដល់សេដ្ឋកិច្ចសង្គមជាតិទាំងមូលប៉ុណ្ណោះទេ ប៉ុន្តែនឹងនាំមកនូវឱភាពប្រទេសជាតិ បង្អាក់ការរីកចម្រើន និងការអភិវឌ្ឍជាតិ ព្រមទាំងធ្វើឲ្យបាត់បង់នូវសមិទ្ធផលដែល សម្តេចតេជោក៏ដូចជាប្រជាជនខ្មែរគ្រប់រូប ដែលបានខិតខំកសាងដោយលំបាករយៈពេលកន្លងមកផងដែរ»។តាមរយៈញត្តិដដែលនេះ បានលើកឡើងទៀតថា«សូមប្រកាសថ្កោលទោសយ៉ាងដាច់អហង្ការ និងចាត់ទុកទង្វើរបស់ជនអន្ធពាល ដែលជាជនដៃដល់រៀបចំគម្រោងវាយប្រហារដោយដ្រូនចូលក្នុងភូមិ គ្រឹះរបស់សម្តេចតេជោ ប៉ុនប៉ងធ្វើឃាតសម្តេច និងក្រុមគ្រូសារដែលជាទង្វើដ៏ស្មោគក្រោកជាទីបំផុត ក្នុង គោលដៅបំបែបបំបាក់សាមគ្គីភាព និងសុខសន្តិភាពរបស់ប្រទេសជាតិជាដើម»៕ អត្ថបទ៖ បាន ចក់

អ្នកវិភាគ និងអ្នកឃ្លាំមើល៖ ទណ្ឌិតក្បត់ជាតិបីជំនាន់ សម រង្ស៊ី នៅតែមិនព្រមបោះបង់គំនិតច្រណែនឈ្នានីសថ្នាក់ដឹកនាំរាជរដ្ឋាភិបាល

អ្នកវិភាគភូមិសាស្រ្តនយោបាយ និងអ្នកឃ្លាំមើលការអភិវឌ្ឍន៍សង្គមបានលើកឡើងថា ទណ្ឌិត សម រង្ស៊ី អតីតមេដឹកនាំក្រុមប្រឆាំងជ្រុលនិយមនៅក្រៅស្រុក នៅតែមិនព្រមបោះបង់គំនិតច្រណែនឈ្នានីសថ្នាក់ដឹកនាំរាជរដ្ឋាភិបាល ខណៈបុគ្គលរូបនេះយកវេទិកាជួបជុំរបស់ខ្លួនមកវាយប្រហារសមត្ថភាពដឹកនាំរបស់សម្ដេចបវរធិបតី ហ៊ុន ម៉ាណែត។លោក ថុង ម៉េងដាវីត អ្នកវិភាគភូមិសាស្រ្តនយោបាយ និងសន្ដិសុខបានថ្លែងថា៖«គំនិតច្រណែនឈ្នានីស និងគំនុំគុំគួនរបស់លោក សម រង្ស៊ី នឹងមិនងាយសាបរលាបទៅណាទេ ព្រោះគាត់នៅតែចិញ្ចឹមចិត្តចង់ឡើងអង្គុយកៅអីនាយករដ្ឋមន្រ្តី ដោយកន្លងមកគាត់ចង់អង្គុយកៅអីនាយករដ្ឋមន្រ្តីតាមរយៈបោះឆ្នោត តែគាត់លែងមានសង្ឃឹមបោះឆ្នោត ក៏យកពលរដ្ឋធ្វើជាចំណាប់ខ្មាំង ដើម្បីញុះញង់ឱ្យផ្ដួលរំលំរាជរដ្ឋាភិបាល ហើយដណ្ដើមកៅអីនាយករដ្ឋមន្រ្តីឱ្យគាត់»។លោកបន្តថា នយោបាយឈ្នានីសរបស់ទណ្ឌិត សម រង្ស៊ី និងគ្នីគ្នារបស់ខ្លួននឹងបន្តគ្មានគោលជំហរច្បាស់លាស់ និងគ្មានការទទួលខុសត្រូវចំពោះជាតិនោះទេ។ ក្រុមនេះពិតជាអ្នកនយោបាយចរិតមាន់ ត្រចៀកស ដែលហ៊ានប្រើប្រាស់ល្បិចកលស្មោគគ្រោកគ្រប់យុទ្ធសាស្រ្ត ដើម្បីបំពេញបំណងខ្លួនមហិជ្ជតារបស់ខ្លួន។អ្នកវិភាគរូបនេះបានបន្ថែមថា ទណ្ឌិត សម រង្ស៊ី បាននិងកំពុងតែបំផ្លាញជាតិរបស់ខ្លួន ប្រឆាំងនឹងផលប្រយោជន៍ប្រជាជន លុបបំបាត់សិទ្ធិអំណាចរបស់ពលរដ្ឋដែលមានចែងក្នុងរដ្ឋធម្មនុញ្ញតាមរយៈការញុះញង់ និងបង្ខំឱ្យពលរដ្ឋដើរតាមគំនិតខ្មៅងងឹតរបស់ខ្លួនឱ្យផ្ដួលរំលំរាជរដ្ឋាភិបាល និងបំផ្លាញលទ្ធិប្រជាធិបតេយ្យ ខណៈដែលកម្ពុជាកំពុងមានស្ថិរភាពនយោបាយ និងការអភិវឌ្ឍន៍ដោយឥតឈប់ឈរ។ ចំណែកលោក សំ សឿន អ្នកឃ្លាំមើលការអភិវឌ្ឍសង្គម និងនយោបាយបានថ្លែងថា៖«សម រង្ស៊ី បាននិងកំពុងបាត់បង់ភាពម្ចាស់ការលើខ្លួនឯង បោះបង់ប្រយោជន៍ជាតិ ហើយបង្កើតឱ្យមានចិត្តច្រណែនឈ្នានីស និងប្រើយុទ្ធសាស្ត្រនយោបាយដែលកាន់តែធ្វើឱ្យទណ្ឌិតរូបនេះប្រព្រឹត្តខុសម្តង ហើយម្តងទៀត និងកាន់តែមិនអាចជួយស្រោចស្រង់រួច។ គាត់កំពុងលួងនឹងអំនួតរបស់ខ្លួន ហើយមើលងាយសមត្ថភាពអ្នកដទៃ»។លោកបន្តថា សម រង្ស៊ី ដែលធ្វើនយោបាយគ្មានយុទ្ធសាស្ត្រច្បាស់លាស់ និងជាមនុស្សកំសាកញី បានត្រឹមតែដើរបំផ្លាញគេប៉ុណ្ណោះ។ គាត់បរាជ័យយ៉ាងអាម៉ាស់រៀងរាល់ពេលបោះឆ្នោត ហើយតែងតែឡាំប៉ា និងដើរញុះញង់បរទេសជាចៅហ្វាយនាយរបស់ខ្លួនឈប់ផ្តល់ជំនួយ ឈប់វិនិយោគ និងឈប់ទិញទំនិញពីកម្ពុជាជាដើម។អ្នកតាមដានស្ថានការណ៍សង្គមរូបនេះថា អ្នកនយោបាយគ្មានចក្ខុវិស័យដូចជាលោក សម រង្ស៊ីនេះ គឺធ្វើនយោបាយ តាំងពីមានបក្ស រហូតដល់អត់បក្សឈរជើង និងធ្វើនយោបាយតាំងពីនៅក្នុងស្រុករហូតដល់រត់ចោលស្រុក។ ឥឡូវនេះ ទណ្ឌិត សម រង្ស៊ី បានធ្វើដំណើរមកដល់ផ្លូវទាល់ច្រក និងស្ទើរដល់ទីបញ្ចប់នៃជីវិតនយោបាយ និងជីវិតតាមធម្មជាតិទៅហើយ។ការលើកឡើងរបស់ក្រុមអ្នកវិភាគបែបនេះ បន្ទាប់ពីលោក សម រង្ស៉ី បានចេញវីដេអូមួយវាយប្រហារមកលើការដឹកនាំរបស់សម្តេចបវរធិបតី ហ៊ុន ម៉ាណែត នៅលើបណ្តាញសង្គមហ្វេសប៊ុករបស់ខ្លួនកាលពីថ្ងៃទី ១៣ខែកុម្ភៈឆ្នាំ២០២៥។សម្តេចបវរធិបតី ហ៊ុន ម៉ាណែត បានហួសចិត្តចំពោះទណ្ឌិត សម រង្ស៉ី ដែលជាមនុស្សអង្គុយលើចង្អេរ លើកខ្លួនឯង ហើយសម្តេចបានបង្ហាញអារម្មណ៍គួរឱ្យសង្វេគជាខ្លាំងសម្រាប់អ្នកនយោបាយចាស់វស្សាម្នាក់នេះ។សម្តេចបានសរសេរនៅលើបណ្តាញសង្គមជាមួយនឹងការចែករំលែកវីដេអូប្រតិកម្មរបស់ស្រ្តីអតីតបក្សប្រឆាំងម្នាក់យ៉ាងដូច្នេះថា៖«ប្រហែលជាមកពីគាត់គ្មានមុខរបរប្រចាំថ្ងៃពិតប្រាកដ ទើបបានជាលោក សម រង្ស៉ី ឃើញតែដើរកាន់មេក្រូច្រៀងតាមហាង និងតាមវត្តនៅក្រៅប្រទេស ដើម្បីរៃអង្គាសលុយផ្គត់ផ្គង់ការចំណាយរបស់គាត់។ បទចម្រៀងរបស់គាត់មានខ្លឹមសារដដែលៗ គឺគ្មានអ្វីក្រៅពីការវាយប្រហារ និងមើលងាយអ្នកផ្សេង ជាពិសេសមកលើរូបខ្ញុំ និងក្រុមគ្រួសារក៏ដូចជា អំពាវនាវឱ្យប្រជាពលរដ្ឋផ្ដួលរដ្ឋាភិបាល»។សម្តេចបានបន្តថា៖«ក្តីស្រមៃរបស់គាត់មានតែមួយគត់តាំងពីដើមរហូតដល់ដំណាក់កាលចុងក្រោយនៃជីវិតរបស់គាត់ គឺចង់អង្គុយលើកៅអីនាយករដ្ឋមន្ត្រី។ បើដណ្ដើមមិនបានតាមការបោះឆ្នោត គឺមានតែជំរុញមនុស្សឱ្យទៅដណ្តើមយកឱ្យគាត់ ក្រោមរូបភាពបដិវត្តន៍ប្រឆាំងរដ្ឋអំណាច។ សម្ដេចបវរធិបតីបន្ថែមថា៖«តាមព័ត៌មានក្រៅផ្លូវការដែលទទួលបានចុងក្រោយនេះ គឺលោក សម រង្សី ចង់បង្កើតរដ្ឋាភិបាលនិរទេសមួយ ហើយចាត់តាំងខ្លួនឯងធ្វើជានាយករដ្ឋមន្ត្រីនៃរដ្ឋាភិបាលនិរទេសនោះ។ សម រង្ស៊ី ហាក់ដូចជាមានការស្រមើស្រមៃ និងវិលវល់ច្រើនរហូតដល់មានមោទនភាពលើខ្លួនឯងដូចពាក្យខ្មែរមួយឃ្លាថា «អង្គុយលើចង្អេរ លើកខ្លួនឯង» ព្រមទាំងមើលងាយគេដូចគ្មានអ្នកណាចេះដល់ខ្លួន។ ដូច្នេះគួរឱ្យសង្វេគណាស់សម្រាប់អ្នកនយោបាយចាស់វស្សាម្នាក់នេះ»៕

បណ្ដាញសង្គម

ព័ត៌មានថ្មីៗ

រុស្ស៊ី៖ សញ្ញា ដើម្បីចាប់ផ្តើមការចរចាសន្តិភាពដោយផ្ទាល់ គួរតែចេញពីអ៊ុយក្រែន

ប្រមុខការទូតបែលហ្ស៊ិក៖ សកម្មភាពរបស់ប្រទេសរ្វ៉ាន់ដានៅកុងហ្គោ មិនសមហេតុផលទាល់តែសោះ

ស្នងការថាមពលសហភាពអឺរ៉ុប និយាយថា អឺរ៉ុបនៅតែពឹងផ្អែកលើឧស្ម័នរុស្ស៊ី

អ្នកនាំពាក្យរដ្ឋាភិបាលហ្សកដានី និយាយថា ប្រទេសនេះ នៅតែគាំទ្រប៉ាឡេស្ទីនយ៉ាងរឹងមាំ

កូរ៉េខាងត្បូងបញ្ជាឲ្យជម្លៀសមនុស្សជាង ១.២០០នាក់ ចេញពីទីក្រុង Daegu ដោយសារភ្លើងឆេះព្រៃ

ក្រុមឃ្លាំមើលនុយក្លេអ៊ែររបស់ UN ស្ថិតនៅអ៊ីរ៉ង់ ដើម្បីបើកកិច្ចពិភាក្សាបច្ចេកទេស

សមាជិកព្រឹទ្ធសភា៣រូបមកពីគណបក្សឆន្ទៈខ្មែរស្ញើបស្ងែង និងកោតសរសើរសម្តេចតេជោ រយៈពេលជាង ៤០ឆ្នាំចុងក្រោយនេះតែងតែរកផ្លូវចេញបានរហូត មិនដែលមានការទល់ច្រក និង បរាជ័យទេក្នុងការដឹកនាំកម្ពុជា

«គុណភាព សុវត្ថិភាព និងប្រសិទ្ធភាព នៃផលិតផលឱសថ និងវ៉ាក់សាំង គឺមានសារៈសំខាន់ ដើម្បីចូលរួមការអភិវឌ្ឍប្រព័ន្ធសុខាភិបាលកម្ពុជា»

កូរ៉េខាងត្បូងច្រានចោលការមានកិច្ចព្រមព្រៀងពន្ធជាមួយអាមេរិក មុនការបោះឆ្នោតថ្ងៃទី៣ ខែមិថុនា

កូរ៉េខាងត្បូង៖ ការបញ្ជាក់ការបញ្ជូនទាហានទៅធ្វើសង្រ្គាមអ៊ុយក្រែនរបស់កូរ៉េខាងជើង គឺជាការទទួលស្គាល់ទង្វើឧក្រិដ្ឋកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍