នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

យុទ្ធនាការ ចាក់វ៉ាក់សាំងកូវីដ១៩ មកដល់ពេលនេះ ចាក់បានជាង២លាននាក់ ក្នុងចំណោមប្រជាជនជាង១០លាននាក់

2021/05/15 12:28:18 pm        248
Facebook Telegram Linkin
ភ្នំពេញ ៖ លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-19 បានប្រាប់កាលពីរសៀលថ្ងៃទី១៤ ឧសភា ម្សិលមិញ​ថា ក្នុងយុទ្ធនាការចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស គិតមកដល់ពេលនេះ ចាក់វ៉ាក់សាំងកូវីដ១៩ ​បានចំនួនជាង២លាននាក់​ (២០%) ក្នុងចំណោមប្រជាជនជាង១០លាននាក់។លោកជំទាវ វេជ្ជបណ្ឌិត ឱ វណ្ណឌីន បានលើកឡើងទៀតថា កម្ពុជា ជាប្រទេសតូចមួយ យើងមានសមត្ថភាពក្នុងការផ្តល់វ៉ាក់សាំងបង្ការជំងឺកូវីដ១៩ ។ ទន្ទឹមនឹងនោះសង្ឃឹមថា នៅថ្ងៃខាងមុខទៀត នៅពេលដែលវ៉ាក់សាំងកូវីដ១៩ មកដល់នៅថ្ងៃទី១៦ ខែឧសភា​ ឆ្នាំ២០២១ ចំនួន៥០ម៉ឺនដូសនឹងមកដល់ ហើយប្រសិនបើមិនមានប្រែប្រួលនោះទេ នៅថ្ងៃទី២៣ ខែឧសភា ឆ្នាំ២០២១ វ៉ាក់សាំងកូវីដ១៩ ចំនួន០១លានដូស នឹងដឹកមកដល់ប្រទេសកម្ពុជាបន្ថែមទៀត។ ដូច្នេះវ៉ាក់សាំងកូវីដ១៩ ចំនួន៥០ម៉ឺនដូស ដែលមកដល់នៅថ្ងៃទី១៦ ខែឧសភា គណៈកម្មការចំពោះកិច្ចចាក់វ៉ាក់សាំងកូវីដ១៩ ដែលទទួលបានការយល់ព្រមពីសម្តេចតេជោ ហ៊ុន សែន នាយករដ្ឋមន្រី្តរួចហើយដែរ គណៈកម្មការ ក៏បានធ្វើការងារជាមួយរដ្ឋបាលរាជធានីភ្នំពេញ នៅក្នុងការចាក់វ៉ាក់សាំងកូវីដ១៩ ជូនបងប្អូនប្រជាពលរដ្ឋចំនួន០២ខណ្ឌបន្ថែមទៀត។ ដោយឡែកក្រុមគ្រូពេទ្យខាងកងទ័ព គឺទទួលខុសត្រូវការចាក់វ៉ាក់សាំងកូវីដ១៩ ជូនប្រជាពលរដ្ឋចំនួន០៦ខណ្ឌ។ ហើយកាលពីថ្ងៃទី១៣ ខែឧសភា គណៈកម្មការចំពោះកិច្ចចាក់វ៉ាក់សាំងកូវីដ១៩ បានប្រគល់ជូនវ៉ាក់សាំងកូវីដ១៩ ចំនួនជាង៦០០ពាន់ដូស ដើម្បីបង្រ្គប់ទៅនឹងចំនួនប្រជាពលរដ្ឋដែលមានតម្រូវការ ក្នុងការចាក់វ៉ាក់សាំងកូវីដ១៩ ចំនួន០៦ខណ្ឌ។លោកជំទាវ វេជ្ជបណ្ឌិត ឱ វណ្ណឌីន បានបញ្ជាក់ទៀតថា ក្នុងករណីមានវ៉ាក់សាំងកូវីដ១៩ មកដល់ជាបន្តបន្ទាប់ទៀត គណៈកម្មការនឹងសុំការសម្រេចអនុម័តដ៏ខ្ពង់ខ្ពស់ពីសម្តេចតេជោ ហ៊ុន សែន នាយករដ្ឋមន្រី្តនៃព្រះរាជាណាចក្រកម្ពុជា។ ដោយគិតឲ្យបានគ្រប់ជ្រុងជ្រោយទៅលើផែនការយុទ្ធសាស្រ្ត ក្នុងការចាក់វ៉ាក់សាំងកូវីដ១៩ ដែលបានដាក់ចេញដោយឧត្តមក្រុមប្រឹក្សាសេដ្ឋកិច្ច ដែលមានឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្រី្ត បានរៀបចំចាត់ចែងដាក់ចេញ ហើយគណៈកម្មការចំពោះកិច្ចចាក់វ៉ាក់សាំងកូវីដ១៩ ក៏មានផែនការមេ ក្នុងយុទ្ធនាការចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស៕ អត្ថបទ រដ្ឋា

អង្គការមូលនិធិកុមារកម្ពុជា (CCF) ឧបត្ថម្ភថវិកា១៥០០០ដុល្លាជូន TYDA ដើម្បីចូលរួមប្រយុទ្ធប្រឆាំងជំងឺកូវីដ-១៩

2021/05/15 12:08:41 pm        23
Facebook Telegram Linkin
ភ្នំពេញ ៖ អង្គការមូលនិធិកុមារកម្ពុជា (CCF) ឧបត្ថម្ភថវិកាចំនួន១៥០០០ដុល្លា ជូនដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដើម្បីចូលរួមប្រយុទ្ធប្រឆាំងជំងឺកូវីដ-១៩ ចូលរួមប្រយុទ្ធប្រឆាំងជំងឺកូវីដ១៩ ដើម្បីជាការលើកទឹកចិត្តចំពោះកិច្ចខិតខំ  ប្រឹងប្រែងចូលរួមក្នុងការទប់ស្កាត់ជំងឺកូវីដ-១៩។ការចូលរួមនេះ គឺជាទឹកចិត្ត និងសប្បុរសធម៌ជួយគ្នានៅក្នុងគ្រាដែលប្រទេសជាតិកំពុងជួបគ្រោះអាសន្នដោយសារការរីករាលដាលនៃជំងឺកូវីដ-១៩ ខណ:ពេលបច្ចុប្បន្នដែលថ្នាក់ដឹកនាំ និងក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងយុវជនស្ម័គ្រចិត្តប្រឆាំងកូវីដ-១៩ កំពុងបំពេញភារកិច្ចយ៉ាងសកម្មដើម្បីជាតិ និងប្រជាជនស្របពេលដែលប្រទេសកម្ពុជា មានការរីករាលដាលជំងឺកូវីដ-១៩នៅក្នុងសហគមន៍ មានសព្វដោយសុគន្ធជាច្រើនបានចូលរួឧបត្ថម្ភថវិកា សម្ភារៈ ជូនដល់សមាគមTYDA ដើម្បីរួមចំណែកជាមួយសកម្មភាពមនុស្សធម៌ដើម្បីជាតិនិងប្រជាជន។សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សូមថ្លែងអំណរគុណដល់សប្បុរសជនដែលបានចូលរួមសកម្មភាពមនុស្សធម៌ជាមួយសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) តាមរយៈការឧបត្ថម្ភថវិកា សម្ភារៈ ដើម្បីផ្តល់លទ្ធភាពឱ្យសមាគមបំពេញបេសកកម្មមនុស្សធម៌ សម្រាប់ជាតិ និងមាតុភូមិ។សូមបញ្ជាក់ថា គិតត្រឹមថ្ងៃទី១៥ ខែឧសភា ឆ្នាំ២០២១នេះ ខណ:ដែលចំនួនអ្នកកើតជំងឺកូវីដ-១៩ នៅតែមានចំនួនច្រើន ខណ:ដែមានសប្បុរសជនជាច្រើនបានចូលរួមឧបត្ថម្ភជាថវិកា ភេសជ្ជៈអាហារ និងសម្ភារៈជូនដល់ក្រុមគ្រូពេទ្យស្ម័គ្រចិត្តយវជនសម្តេចតេជោ(TYDA) ដែលចូលរួមប្រយុទ្ធប្រឆាំងជំងឺកូវីដ១៩ ដើម្បីជាការលើកទឹកចិត្តចំពោះកិច្ចខិតខំ ប្រឹងប្រែងចូលរួមក្នុងការទប់ស្កាត់ជំងឺកូវីដ-១៩កន្លងមក៕

វ៉ាក់សាំង ស៊ីណូវ៉ាក់ ដែល​កម្ពុជាបញ្ជាទិញពីរដ្ឋាភិបាលចិន ចំនួន៥០ម៉ឺនដូស នឹងមកដល់នៅថ្ងៃស្អែកនេះ

2021/05/15 09:59:53 am        379
Facebook Telegram Linkin
ភ្នំពេញ ៖ លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ ប្រាប់BTV ព័ត៌មាននាព្រឹកថ្ងៃទី១៥ ខែឧសភា ឆ្នាំ២០២១នេះថា វ៉ាក់សាំងកូវីដ-១៩ របស់ក្រុមហ៊ុន ស៊ីណូវ៉ាក់ នៃសាធារណរដ្ឋប្រជាមានិត ចិន ចំនួន៥០ម៉ឺនដូស ដែលរាជរដ្ឋាភិបាលកម្ពុជា បញ្ជាទិញពីរដ្ឋាភិបាលចិន នឹងដឹកមកដល់ព្រះរាជាណាចក្រកម្ពុជា នៅថ្ងៃទី១៦ ខែឧសភា ឆ្នាំ២០២១ នាវេលាម៉ោង១០ និង១៥នាទីព្រឹកស្អែកនេះ។

កម្ពុជា​ផ្ដល់​វ៉ាក់សាំង​ដល់​ពលរដ្ឋ​ជាង ២លាន ៤ម៉ឺន​​​នាក់ហើយ​នៅ​ទូទាំង​ប្រទេស​គិត​ត្រឹម​ថ្ងៃ​នេះ

2021/05/14 11:59:12 pm        274
Facebook Telegram Linkin
ភ្នំពេញ៖ ក្រសួង​សុខាភិបាល បាន​ឱ្យ​ដឹង​ថា ពលរដ្ឋ​ជាង ២លាន ៤ម៉ឺន​​​នាក់​ហើយ បាន​ទទួល​វ៉ាក់សាំងយ៉ាង​ហោច​ណាស់​ដូស​ទី​១ ​នៅ​ក្នុង​យុទ្ធនាការ​ចាក់​វ៉ាក់សាំង​ទូទាំង​ប្រទេស​របស់​រាជ​រដ្ឋាភិបាល​គិត​ត្រឹម​ថ្ងៃនេះ​​។ក្នុង​របាយការណ៍​របស់​ខ្លួន ក្រសួង​សុខាភិបាល បាន​ឱ្យ​ដឹង​ថា ប្រជា​ពលរដ្ឋ​ជាង ២លាន ៤ម៉ឺន​​នាក់​ហើយ បាន​ទទួល​វ៉ាក់សាំង​ដែល​ផ្ដល់​ឱ្យ​ដោយ​ក្រសួង​សុខាភិបាល និង​ក្រសួង​ការពារ​ជាតិ​នៅ​ក្នុង​រយៈ​ពេល ៩៤​ថ្ងៃ​ចុង​ក្រោយ​មក​នេះ។រាជ​រដ្ឋាភិបាល​កម្ពុជា​បាន​ចាប់​ផ្ដើម​យុទ្ធនាការ​ចាក់​វ៉ាក់សាំង​ទូទាំង​ប្រទេស​កាល​ពី​ថ្ងៃ​ទី​១០ ខែ​កុម្ភៈ​កន្លង​មក​នេះ ហើយ​គិត​នៅ​ត្រឹម​ថ្ងៃ​​នេះ យុទ្ធនាការ​នេះ បាន​បន្ត​ដំណើរការ​អស់​រយៈ​ពេលជាង ៩៤​ថ្ងៃ​​មក​ហើយ។បើ​តាម​របាយការណ៍​របស់​ក្រសួង​សុខាភិបាល សម្រាប់​ដូស​ទី១ ប្រជា​ពលរដ្ឋ​ជាង​ ១លាន ៤ពាន់​នាក់ បាន​ទទួល​វ៉ាក់សាំង​ចិន​ស៊ីណូវ៉ាក់ ហើយ​ប្រជា​ពលរដ្ឋ​ជាង ៨៧​ម៉ឺន​៩ពាន់នាក់ បាន​ទទួល​វ៉ាក់សាំង​ចិន​ស៊ីណូហ្វាម ខណៈ​ដែល​វ៉ាក់សាំង​ខូវីហ្ស៊ែល ត្រូវ​បាន​ចាក់​ជូន​ប្រជា​ពលរដ្ឋ​បាន​ជាង ១៥​ម៉ឺន ៧ពាន់​នាក់។ក្រសួង​សុខាភិបាល​បាន​ឱ្យ​ដឹង​ទៀត​ថា ប្រជា​ពលរដ្ឋ​ជាង ១​លាន ១៤​ម៉ឺន​នាក់​ហើយ បាន​ទទួលការ​ចាក់​​វ៉ាក់សាំង​ទាំង​ពីរ​ដូស​រួច​រាល់​ហើយ​នៅ​ក្នុង​រយៈ​ពេលជាង​ ៣​ខែ​មក​នេះ។បើ​តាម​តួលេខ​កត់ត្រា​ដោយ​ក្រសួង​សុខាភិបាល ប្រជា​ពលរដ្ឋជាង ២​លាន ១០ម៉ឺន​​នាក់​បាន​ចុះ​ឈ្មោះ​ស្ម័គ្រ​ចិត្ត​ចាក់​វ៉ាក់សាំង​ដែល​ផ្ដល់​ជូន​ដោយ​រាជ​រដ្ឋាភិបាល​នៅ​ក្នុង​យុទ្ធនាការ​ចាក់​វ៉ាក់សាំង​ទូទាំង​ប្រទេស​នេះ ប៉ុន្តែ ប្រជា​ពលរដ្ឋ​ដល់​ទៅ​ជាង ៦​ម៉ឺន ៨​ពាន់​នាក់ មិន​ត្រូវ​បាន​អនុញ្ញាត​ឱ្យ​ចាក់​វ៉ាក់សាំង​នោះ​ឡើយ​ដោយសារ​បញ្ហា​សុខភាព៕

ផ្សារ​ក្នុង​រាជធានី​ភ្នំពេញ​ បាន​កំពុង​រៀបចំ​សណ្ដាប់ធ្នាប់ ​និង​បាញ់ថ្នាំ​សម្លាប់​មេរោគ​ត្រៀម​សម្រាប់​ការ​បើក​ជាថ្មី​

2021/05/14 03:27:30 pm        619
Facebook Telegram Linkin
ភ្នំពេញ ​៖ ជាការ​ត្រៀម​សម្រាប់​ការបើក​ដំណើរការ​ផ្សារ​ជាថ្មី បណ្ដា​ផ្សារ​នីមួយៗ​ ក្នុង​រាជធានី​ភ្នំពេញ បាន​ចំណាយ​ពេល​ក្នុងកំឡុងពេល​ផ្អាក​ជា​បណ្ដោះអាសន្ន ៣​សប្ដាហ៍​មកនេះ​ ដោយ​រៀបចំ​សណ្ដាប់ធ្នាប់​ទូទៅ​ ការលាង​សម្អាត និង​ជាពិសេស​គឺ​បាញ់ថ្នាំ​សម្លាប់​មេរោគ ​ដើម្បី​ភាព​សុវត្ថិភាព​ពេល​បើក​ឡើង​វិញ​។គិត​មក​ត្រឹម​ថ្ងៃទី ១៤ ខែឧសភា ឆ្នាំ​២០២១​នេះ ការបិទ​ផ្អាក​ដំណើរការ​ផ្សារ​ជា​បណ្ដោះអាសន្ន​ក្នុង​រាជធានី​ភ្នំពេញ​ដោយសារ​បញ្ហា​កូ​វីដ​-១៩ ​គឺមាន​រយៈពេល ៣​សប្ដាហ៍​ហើយ​។​ ក្នុងកំឡុងពេល​៣​សប្ដាហ៍​នៃ​ការផ្អាក​នេះ គណៈកម្មការ​ផ្សារ​នីមួយៗ ដូចជា​ផ្សារ​ធំថ្មី ​ផ្សា​របឹង​កេងកង ​ផ្សារ​ច្បារអំពៅ និង​ផ្សារ​ជាច្រើន​ផ្សេងទៀត ​បានធ្វើ​សកម្មភាព​នៅ​ប្រចាំការ ២៤​ម៉ោង ការពារ​ទ្រព្យសម្បត្តិ​ជូន​អាជីវករ រៀបចំ​សណ្ដាប់ធ្នាប់​ទូទៅ​ជាថ្មី ​ការលាង​សម្អាត ជាពិសេស​គឺ​បាញ់ថ្នាំ​សម្លាប់​មេរោគ ទាំង​ក្នុង​និង​បរិវេណ​ជុំវិញ​ផ្សារ​។ជុំវិញ​ការបើក​ដំណើរការ​ផ្សារ​ជាថ្មី​នេះ លោក គួច ចំណាន ជា​ប្រធាន​ផ្សារ​ច្បារអំពៅ ​លើកឡើងថា ផ្សារ​ពិតជា​បានរៀបចំ ​បាញ់ថ្នាំ​សម្លាប់​មេរោគ​រួចហើយ តែ​លោ​កថា​ សកម្មភាព​ទាំងនេះ​គឺ​មិន​មាន​ភាព​ច្បាស់លាស់​អាច​ការពារ​សុវត្ថិភាព​១០០%​នោះទេ​។ ​លោ​កថា​ ការ​បន្ត​បិទ​ផ្អាក​ជា​ជម្រើស​ល្អ ព្រោះ​ការ​បើក​ភ្លាមៗ​នាពេលនេះ ​អាចជា​ហានិភ័យ​។ចំពោះ​ការបិទ​ផ្សារ​នេះ លោកស្រី អ៊ីវ គីម​គ្រី ជា​អាជីវករ​មួយ​រូប​នៅ​ផ្សារ​ច្បារអំពៅ ​លើកឡើងថា គាត់​បាន​ផ្អាក​ទៅ​លក់​ជាង ​១​ខែ​ទៅហើយ​ ការផ្អាក​នេះ​ គឺធ្វើឡើង​ដោយ​ចិត្ត​ឯង​ដោយ​បារម្ភ​ពី​សុវត្ថិភាព ហើយ​ការ​ផ្អាក​ទៅ​លក់​របស់​គាត់​នេះ គឺ​មុន​សាលា​រាជធានី​ភ្នំពេញ​សម្រេច​បិទ​ផ្សារ​ទាំងអស់​។ លោកស្រី​យល់ឃើញថា​ ចំពោះ​ការ​បន្ត​បិទ​ផ្សារ​អាច​ប៉ះពាល់​ដល់​ជីវភាព​គ្រួសារ​គាត់​ខ្លះ តែ​លោកស្រី​ក៏​យល់​ឃើញថា វា​អាច​មាន​សុវត្ថិភាព​ផងដែរ ​ព្រោះ​លោកស្រី​ក៏​នៅតែ​បារម្ភ​ថា បើ​បើក​ពេលនេះ ខ្លាច​មានការ​ឆ្លង​កាន់តែច្រើន​។គិត​មក​ត្រឹម​ព្រឹក​ថ្ងៃទី ១២​ខែឧសភា​ឆ្នាំ ២០២១​នេះ រដ្ឋបាល​រាជធានី​ភ្នំពេញ ​ពុំទាន់​បានចេញ​សេចក្ដី​សម្រេច​ថ្មី ជុំវិញ​ការបន្ត​បិទ​ផ្សារ​នោះទេ​។ តាម​ការ​បញ្ជាក់​ខ្លី​របស់លោក ​មេ​ត មាស​ភក្ដី កាលពី​ថ្ងៃទី ១២ ខែឧសភា ​កន្លងទៅ ​បញ្ជាក់ថា ផ្សារ​ទាំងអស់​ក្នុង​រាជធានី​ភ្នំពេញ ​អាច​បន្ត​បិទ តែ​ពុំទាន់​មានការ​បញ្ជាក់​ច្បាស់លាស់​ពី​រយៈពេល​នោះទេ​។​ គួរ​បញ្ជាក់ថា ​ផ្សារ​ទាំងអស់​ក្នុង​រាជធានី​ភ្នំពេញ បាន​ផ្អាក​ដំណើរការ​ជា​បណ្ដោះអាសន្ន​រយៈពេល​៣​សប្ដាហ៍​មកហើយ ​គិត​ត្រឹម​ថ្ងៃទី​ ១៤​ ខែឧសភា​ឆ្នាំ​២០២១​នេះ​។ ថ្ងៃទី ១៤​ឧសភា​នេះ​ ក៏​ជា​ថ្ងៃ​ក្នុង​ការសម្រេច​ថ្មី​លើក​ការ​ផ្អាក​ដំណើរការ​ផ្សារ​ផងដែរ​៕អត្ថបទ​៖ គឺ​ម​ហុក

ប្រជាពលរដ្ឋ​សាទរ ​ថ្ងៃ​ចម្រើន​ព្រះជន្ម​ព្រះមហាក្សត្រ​គម្រប់​៦៨ យាង​ចូល​៦៩​ព្រះវស្សា​

2021/05/14 08:10:15 am        408
Facebook Telegram Linkin
ភ្នំពេញ ៖ ​នៅ​ថ្ងៃ​សុក្រ​ទី​១៤​ខែឧសភា​ឆ្នាំ​២០២១​នេះ គឺជា​ថ្ងៃ​នៃ​ព្រះរាជ​ពិធីបុណ្យ​ចម្រើន​ព្រះវស្សា ព្រះមហាក្សត្រ នរោត្តម ​សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា​។ ​ថ្ងៃនេះ​ដែល​ យើង​ឃើញថា ​ប្រជាពលរដ្ឋកម្ពុជា​ បានបង្ហោះ សារ​ថ្វាយព្រះពរ​ជា​ហូរហែ​រលើ​បណ្ដាញ​សង្គម​។ឱកាស​ប្រកបដោយ​នក្ខត្តឫក្ស​ដ៏​ឧត្ដុង្គឧត្ដម ​នៃ​ព្រះ​រាជពិធី​បុណ្យចម្រើនព្រះជន្ម​វស្សា​គម្រប់​៦៨ យាង​ចូល​៦៩​ព្រះវស្សា​របស់ព្រះករុណា ​ព្រះបាទ​សម្តេច​ព្រះ​បរមនាថ ន​រោ​ត្ដម សីហមុនី ព្រះមហាក្សត្រ ​នៃ​ព្រះរាជាណាចក្រ​កម្ពុជា ​ទូលព្រះបង្គំជាខ្ញុំ ​និង​ភរិយា ​សូម​ព្រះ​បរម​រាជានុញ្ញាត លំ ឱន​កាយវាចា​ចិត្ត ​ក្រាបបង្គំ​សម្ដែង​ថ្វាយ​នូវ​ព្រះ​សព្ទសាធុការ​ពរជ័យ ​បវរ​សួស្ដី សិរី​វ​ឌ្ឍ​នា​ វិបុល​សុខ មហា​ប្រសើរ​គ្រប់ប្រការ ថ្វាយ ព្រះករុណា​ជា​អ​ម្ចាស់​ជីវិតលើត្បូង សូម​ព្រះអង្គ​មាន​ព្រះ​ព​លា​នុ​ភាព​ខ្លាំងក្លា ព្រះ​បញ្ញាញាណ​ភ្លឺ​ថ្លា ​ព្រះកាយពល​មាំមួន ព្រះរាជ​សុខភាព​ល្អ​បរិបូរណ៍ ព្រះ​ជន្មាយុ​យឺនយូរ ដើម្បី​គង់ប្រថាប់​ជា​ម្លប់​ដ៏​ត្រជាក់ត្រជុំ ​ដល់​ប្រជារាស្ត្រ ជា​កូនចៅ​របស់​ព្រះអង្គ រស់នៅក្នុង​សេចក្ដី​សុខក្សេមក្សាន្ត ឆ្ពោះទៅកាន់​វឌ្ឍន​ភាពជា​និច្ច​និរន្តរ៍ និង​ចម្រុងចម្រើន ថ្កុំថ្កើង​ទូទាំង​ព្រះ​នគរ​តរៀង​ទៅ​។ នេះ​គឺជា​សារ​ថ្វាយព្រះពរ​របស់​សម្ដេច​អគ្គមហាសេនាបតី​តេ​ជោ​ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ថ្វាយ​ដល់​ព្រះមហាក្សត្រ​។ ក្រៅពីនេះ​ ក៏មាន​ប្រជា​ពលរដ្ឋ​ជាច្រើន​នាក់​ទៀត​ បាន​បង្ហោះ​សារ​ថ្វាយព្រះពរ​យ៉ាង​ព្រោងព្រាត​លើ​បណ្ដាញ​សង្គម​ហ្វេស​ប៊ុ​ក ​ថ្វាយព្រះពរ​សព្វ​សារ​ធុ​ការ​ដល់​ព្រះមហាក្សត្រ​ឱ្យ​មាន​ព្រះជន្មាយុ​យឺនយូរ ដើម្បី​គង់​ជា​ម្លប់​នៃ​ប្រជានុរាស្ត្រ​ខ្មែរ​តទៅទៀត​។ ព្រះករុណា ព្រះបាទសម្ដេច ព្រះបរមនាថ ន​រោ​ត្ដម​-​សីហមុនី ព្រះមហាក្សត្រ នៃ​ព្រះរាជាណាចក្រ​កម្ពុជា​ព្រះអង្គ ព្រះរាជ សម្ភព នាថ្ងៃទី១៤ខែឧសភា ឆ្នាំ១៩៥៣​។ ទ្រង់​ជា​ព្រះរាជបុត្ររបស់​ព្រះ ករុណា ព្រះបាទសម្ដេចព្រះ ន​រោ​ត្ដម សីហនុ​ និង សម្ដេចព្រះរាជ អគ្គមហេសី នរោត្តម មុនីនាថ សីហនុ​។ ព្រះអង្គ ត្រូវបានក្រុមប្រឹក្សារាជសម្បត្តិជ្រើសតាំងជាព្រះមហាក្សត្រ​ នៃព្រះរាជាណា​​ចក្រ​កម្ពុជា​ប​ន្តពីព្រះបិតា​ ក្រោយពេលដែលព្រះអង្គ បានដាក់រាជ្យកាលពីថ្ងៃទី៧ខែតុលាឆ្នាំ២០០៤​។ មុន ពេលឡើងគ្រងរាជ្យព្រះបាទ សីហមុនី ល្បីល្បាញ​ដោយស្នាព្រះ​ហ​ស្ថ របស់ទ្រង់ជា​ឯកអគ្គរាជទូត វប្បធម៌​ នៅអង្គការ យូនេស្កូ​ (UNESCO) និង​ជាគ្រូបង្ហាត់របាំ​បុរាណ​ដ៏ចំណាន ៕​អត្ថ​ប​ទ ៖ សុជាតា

អតីតមន្ត្រី​ជាន់ខ្ពស់ នៃ​អតីត​បក្ស​ប្រឆាំង​ម្នាក់ បាន​វិល​ត្រលប់​មកដល់​កម្ពុជា​វិញ​ក្រោយ​មានការ​លើកលែងទោស​

2021/05/15 01:39:38 am        2681
Facebook Telegram Linkin
លោកស្រី ថាក់ ឡា​នី ដែល​និរទ្ទេស​ខ្លួន​ទៅ​ក្រៅប្រទេស ដង្ហែ​តាម​មេ​ឧទ្ទាម​ក្រៅច្បាប់​ដឹកនាំ​ដោយ​បុគ្គល សម រង្ស៊ី គេច​ពី​សំណាញ់​ច្បាប់​កម្ពុជា​ បាន​វិល​ត្រលប់​មកដល់​មាតុប្រទេស​វិញ នៅ​វេលា​ម៉ោងជាង​១២ នៅ​ថ្ងៃទី​១៤ ខែឧសភា​នេះ​។លោកស្រី ថាក់ ឡា​នី បាន​ប្រាប់​សារព័ត៌មាន​ក្នុងស្រុក ដោយ​ក្តីរំភើប​រីករាយ​រក​អ្វី​ប្រៀបផ្ទឹម​ពុំបាន ដែល​បាន​វិល​ត្រលប់​មកកាន់​មាតុភូមិ​វិញ ក្រោម​ការ​សណ្ដោស​ប្រោសប្រណី​ពីស​ម្តេច​តេ​ជោ ហ៊ុន សែន នាយករដ្ឋមន្ត្រី​។លោកស្រី ​បញ្ជាក់ថា ចាប់តាំងពី​លោកស្រី​ចេញពី​ប្រទេស​កម្ពុជា​ទៅ​ស្នាក់នៅ​ប្រទេស​ស៊ុយអែត​តាម​អតីត​មេដឹកនាំ​នៃ​អតីត​បក្សប្រឆាំង ​ លោកស្រី​ បានរស់នៅ​ម្នាក់ឯង កណ្ដោចកណ្ដែង ដូច​ចក​នៅ​កណ្ដាល​លំហ​សមុទ្រ គ្មាន​កោះ​គ្មាន​ត្រើយ​ ហើយ​អតីត​មេដឹកនាំ នៃ​អតីត​បក្សប្រឆាំង​រូបនោះ មិន​ដែល​មក​សួរសុខទុក្ខ​លោកស្រី​ម្ដងណា​ឡើយ​។ នៅពេល​លោកស្រី​មានទុក្ខ​ព្រួយ លោកស្រី​តែង​នឹកឃើញ​មេដឹកនាំ ដែល​លោកស្រី​ជឿទុកចិត្ត​តែ​ម្នាក់​គត់ ដែល​អាច​ជួយ​សង្គ្រោះ​លោកស្រី​បាន គឺ​សម្ដេច​តេ​ជោ ហ៊ុន សែន​។លោកស្រី និង​ស្វា​មី បាន​គោរព​ថ្លែងអំណរគុណ សម្ដេច​តេ​ជោ ហ៊ុន សែន នាយករដ្ឋមន្ត្រី ​ដែល​តែង​ជួយ​ដោះស្រាយ​ទុក្ខលំបាក​ដល់​ប្រជាពលរដ្ឋ​គ្រប់​ស្រទាប់វណ្ណៈ ​ដោយ​មិន​ប្រកាន់​និន្នាការ​នយោបាយ​ឡើយ ។គួរ​បញ្ជាក់ថា លោកស្រី ថាក់ ឡា​នី ត្រូវបាន​ប្រមុខរដ្ឋស្ដីទី​ចេញ​ព្រះរាជក្រឹត្យ ​លើកលែងទោស កាលពី​ថ្ងៃទី​៣​ ខែមីនា ឆ្នាំ​២០២១​ តាម​ការ​ស្នើសុំ​របស់​ស​ម្ដេច​តេ​ជោ ហ៊ុន សែន នាយករដ្ឋមន្ត្រី​៕​

TVET ឆ្នាំនេះ នឹង​បន្ត​រៀបចំ​តាមរយៈ​ប្រព័ន្ធ​ផ្សព្វផ្សាយ​នានា និង​អន​ឡាញ

2021/05/14 01:31:53 pm        176
Facebook Telegram Linkin
ភ្នំពេញ ៖ ​ដើម្បី​ចូលរួម​ទប់ស្កាត់ និង​ការពារ​ជំងឺឆ្លង​កូ​វីដ​១៩​ ទិវា​ជាតិ​អប់រំ​បណ្ដុះបណ្ដាល​បច្ចេក​ទេស​ និង​វិជ្ជាជីវៈ (​ហៅ​កាត់​ថា TVET នឹង​រៀបចំ​ធ្វើឡើង​នៅ​ថ្ងៃទី​១៥ ​ខែមិថុនា​ ខាងមុខ ​ដោយ​ក្រសួង​ការងារ​ និង​បណ្តុះបណ្តាល​វិជ្ជាជីវៈ ​នឹង​បន្ត​រៀបចំ​ផ្សព្វផ្សាយ​តាម​ស្ថានីយវិទ្យុ ទូរទស្សន៍ និង​បណ្តាញ​សង្គម​នានា ​ដូច​ឆ្នាំ​កន្លងទៅ​។ឯកឧត្តម ថង សាម៉ុន អគ្គនាយករង នៃ​អគ្គនាយកដ្ឋាន​អប់រំ​បណ្តុះបណ្តាល​បច្ចេកទេស ​និង​វិជ្ជាជីវៈ នៃ​ក្រសួង​ការងារ​ និង​បណ្តុះបណ្តាល​វិជ្ជាជីវៈ ​បាន​មាន​ប្រសាសន៍ប្រាប់​ទូរទស្សន៍​ព័ត៌មាន ប៊ី​ធី​វី នៅ​ព្រឹក​ថ្ងៃទី​១៤ ឧសភា ឆ្នាំ​២០២១​នេះ​ថា ​ប្រធានបទ​នៃ​ទិវា​ជាតិ​ឆ្នាំនេះ​គឺ​ “​ធី​វ៉េ​ត​ធ្វើ​ឲ្យ​ជំនាញ​កាន់តែ​ប្រសើរ និង​ប្រាក់ចំណូល​ខ្ពស់​”​។គោលបំណង​រួម​នៃ​ទិវា​នេះ​ ដើម្បី​ផ្សព្វផ្សាយ​សារៈសំខាន់​នៃ​ការអប់រំ​បណ្តុះ​បណ្តាល​បច្ចេកទេស​និង​វិជ្ជាជីវៈ ឲ្យ​សាធារណៈជន ​ពិសេស​វិស័យ​ឯកជន និង​អ្នក​ពាក់ព័ន្ធ​ផ្សេងៗ​បាន​ចូលរួម​អភិវឌ្ឍន៍​វិស័យនេះ​កាន់តែ​ឈាន​ទៅ​មុខ​ថែមទៀត ក៏ដូចជា​ជំរុញ​ឲ្យ​សិស្សានុសិស្ស យុវជន​បានដឹង​និង​ចុះឈ្មោះ​ចូលរៀន​។ ​ឯកឧត្តម​បាន​ឲ្យ​ដឹង​ទៀតថា ទិវា​ជាតិ​អប់រំ​បណ្តុះបណ្តាល​បច្ចេកទេស​និង​វិជ្ជាជីវៈ​ឆ្នាំ​២០២០ ​កន្លងទៅ ក្រោម​ប្រធានបទ “​ធី​វេត ធ្វើឱ្យ​ជីវិត​កាន់តែ​ប្រសើរ​” ដែល​ទាក់ទាញ​អ្នកចូលរួម​ទស្សនា នូវ​ការ​ផលិត​ វីដេអូ និង​ខ្លឹមសារ​ឯកសារ​ផ្សេងៗ​តាម​ប្រព័ន្ធ​ផ្សព្វផ្សាយ​នានា​ចំនួន​សរុប​ប្រមាណ​ជាង ៧​ម៉ឺន​នាក់​៕អត្ថបទ​ ៖ ឈិ​ត បូរ៉ា​វី

ដងព្រែក​កំពត នឹង​ក្លាយទៅជា​ទី​លម្ហែ​កម្សាន្ត​ដ៏​ស្រស់ស្អាត ​ក្នុង​ពេល​អនាគត

2021/05/14 06:34:25 am        600
Facebook Telegram Linkin
កំពត ៖ គំនូស​ប្លង់​គម្រោង​សាងសង់​សួនច្បារ​មាត់​ព្រែក​កំពត ​សម្រេច​បាន​ស្ទើរ​មួយ​រយ​ភាគ​ហើយ ដែល​ទៅ ពេលអនាគត​មិនយូរ ​ដងព្រែក​កំពត នឹង​ក្លាយទៅជា​ទី​ល​ម្ហែ​កម្សាន្ត​ដ៏​ស្រស់ស្អាត​។កាលពី​ម្សិលមិញ រដ្ឋបាល​ខេត្តកំពត បាន​បើក​កិច្ចប្រជុំ​មួយ ស្ដីពី​វឌ្ឍនភាព​ការងារ​គំនូស​ប្លង់គម្រោង​សាងសង់​សួនច្បារ​មាត់​ព្រែក​កំពត ក្នុង​ក្រុង​កំពត ដើម្បី​ជំរុញ ​និង​ព​ន្លឿ​ន​រៀបចំ​អភិវឌ្ឍ​ពង្រីក​កែ​លម្អ​បន្ថែម​ឱ្យ​ឆាប់​លេចចេញ​ជា​រូបរាង​ និង​ការផ្លាស់ប្ដូរ​យោបល់ ​ដើម្បី​ឲ្យ​ការសាងសង់​ប្រកបដោយ​គុណភាព សោ​ភ័​ណ្ឌ​ភាព សុវត្ថិភាព និង​គ្មាន​ផល​ប៉ះពាល់​ដល់​សណ្តាប់​ធ្នាប់​សាធារណៈ​។ឯកឧត្តម ជាវ តា​យ អភិបាល​ខេត្តកំពត បាន​លើកឡើងថា ​គម្រោង​កសាង​សួនច្បារ​មាត់​ព្រែក​ក្រុង​កំពត​នេះ គឺ​មិន​ត្រឹមតែ ​ធ្វើ​ឲ្យ​មាន​សោភ័ណភាព ឬ ​បរិស្ថាន​អនាម័យ​ស្អាត​ប៉ុណ្ណោះ​ទេ ​ប៉ុន្តែ​ក៏ត្រូវ​ការសិក្សា​ឱ្យ​ច្បាស់លាស់​តាម​បទដ្ឋាន​បច្ចេកទេស​ នៃ​ការរៀបចំ​ឱ្យ​មាន​ប្រព័ន្ធ​លូ បង្ហូរទឹក បញ្ចៀស​ការ​ជន់​លិច​ក្រុង ​និង​ការ​បង្ហូរទឹក​កខ្វក់ ​តាម​ស្តង់ដារ​បច្ចេកទេស​បរិស្ថាន​ផងដែរ​។ឯកឧត្តម បាន​ស្នើឱ្យ​មន្ត្រី​ជំនាញ និង​អាជ្ញាធរ រួមគ្នា​ផ្ដល់​យោបល់​ពាក់ព័ន្ធ​ទៅលើ​ការ​រចនា​ប្លង់​គោល សួនច្បារ ​ឱ្យ​ត្រូវ​តាម​លក្ខណៈ​បច្ចេកទេស​ជំនាញ ​នៃ​ផ្នែក និង​ស្ថាប័ន​នីមួយៗ ​ដែល​មាន​ការ​ពាក់ព័ន្ធ ហើយ​ផ្តោត​សំខាន់​លើ​សោភ័ណភាព ​និង​បរិស្ថាន​ស្អាត​ ដោយ​បញ្ចៀស​ផល​ប៉ះពាល់​ផ្សេងៗ​ផងដែរ​។បើតាម​គំនូស​ប្លង់ របស់​មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី ខេត្តកំពត ​បាន​បង្ហាញថា ការពង្រីក​កែលម្អ​សួនច្បារ​មាត់​ព្រែក​កំពត​នេះ ត្រូវ​ពង្រីក​ចូល​ទៅក្នុង​ព្រែក​បន្ថែម​ប្រវែង​១៥​ម៉ែត្រ ​កសាង​រង្វង់​មូល​បាញ់​ទឹក លយ​ចូល​ទៅក្នុង​ព្រែក​ ផ្លូវ​ជិះ​កង់ ផ្លូវ​ដើរ​កម្សាន្ត ហាត់ប្រាណ សួនច្បារ បង់​សម្រាប់​អង្គុយលេង ​ ចំណតរថយន្ត ម៉ូតូ មានការ​បែងចែក​តំបន់​រូបសំណាក ​តំណាង​សួនច្បារ​ខេត្តកំពត ​ ដាក់​បង្កាន់ដៃ​ការពារ​ ដាំ​ផ្កា ​និង​ដើមឈើ​ផងដែរ​។យ៉ាងណាក៏ដោយ រដ្ឋបាលខេត្ត ក៏ដូចជា​មន្ត្រី​ជំនាញ មិនទាន់​អាច​ប្រាប់​ឲ្យ​ដឹង​ទេ ​ថា​តើ​គម្រោង​កែលម្អ ពង្រីក​សួនច្បារ​មាត់​ព្រែក ចាប់ពី​ចំណុច​គល់ស្ពាន​ថ្មី ​ដល់​គល់ស្ពាន​ចាស់​នេះ ត្រូវ​ប្រើ​ថវិកា​អស់​ប៉ុន្មាន ខណៈដែល​អភិបាលខេត្ត​កំពត​ ថា​ធ្វើយ៉ាងណា​ឲ្យ​សួន​នេះ​ ក្លាយទៅជា​ទីកន្លែង​ដ៏​ទាក់ទាញ​ថ្មី​មួយ​បន្ថែមទៀត​៕​អត្ថបទ​៖ អន សារឹម

សម្ដេចតេជោ ហ៊ុន សែន ប្រកាស​ផ្ដល់​ថវិកា​១០​លាន​រៀល​ ដល់​ស្ត្រី​អាយុ​២៣​ឆ្នាំ​​ជា​អ្នក​ទទួល​វ៉ាក់សាំង​លំដាប់​ទី​២​លាន

2021/05/14 04:08:51 am        356
Facebook Telegram Linkin
ភ្នំពេញ៖ ប្រមុខ​រាជ​រដ្ឋាភិបាល​កម្ពុជា សម្ដេច​តេជោ ហ៊ុន សែន បាន​ប្រកាស​ថា ស្ត្រី​ម្នាក់​អាយុ២៣​ឆ្នាំ បាន​ក្លាយ​ជា​ពលរដ្ឋ​លំដាប់​ទី​​២លាន ដែល​បាន​ទទួល​វ៉ាក់សាំង​នៃ​យុទ្ធនាការ​ចាក់​វ៉ាក់សាំង​ទូទាំង​ប្រទេស​របស់​រាជ​រដ្ឋាភិបាល។សម្ដេច​តេជោ ហ៊ុន សែន បាន​ប្រកាស​បែប​នេះ​នៅ​លើ​ទំព័រ​ហ្វេសប៊ុក​ផ្លូវការ​របស់​សម្ដេច​នៅ​ព្រឹក​ថ្ងៃ​នេះ នៅ​ពេល​ដែល​យុទ្ធនាការ​ចាក់​វ៉ាក់សាំង​ទូទាំង​ប្រទេស​បាន​បន្ត​ដំណើរការ​អស់​រយៈ​ពេលជិត ១០០​ថ្ងៃ​ហើយ​នោះ។សម្ដេច​តេជោ ហ៊ុន សែន រៀបរាប់​ថា៖ «ថ្ងៃ​ទី​១៤ ខែ​ឧសភា ឆ្នាំ​២០២១​ យើង​រក​ឃើញ​មនុស្ស​ទី​២​លាន ដែល​បាន​ទៅ​ក្មួយ​ស្រី ទិត ចិន្ដា អាយុ ២៣​ឆ្នាំ ជា​កម្មការិនី​រោងចក្រ​ដែល​នឹង​ទទួល​បាន​រង្វាន់​លើក​ទឹក​ចិត្ត​ចំនួន​ទឹក​ប្រាក់ ១០​លាន​រៀល​ទៀត»។ប្រមុខ​រាជ​រដ្ឋាភិបាល​កម្ពុជា​ក៏​បាន​ផ្ដល់​រង្វាន់​លើក​ទឹក​ចិត្ត​នូវ​ទឹក​ប្រាក់ ១០​លាន​រៀល​ដូច​គ្នា​ទៅ​ដល់​លោក ប៉ាន់ សុវណ្ណរិទ្ធិ ដែល​ជា​ពលរដ្ឋ​លំដាប់​ទី​១​លាន​ដែល​បាន​ទទួល​វ៉ាក់សាំង​កាល​ពី​ថ្ងៃ​ទី​១១ ខែ​មេសា​កន្លង​មក​នេះ។សម្ដេច​តេជោ ហ៊ុន សែន បាន​បញ្ចាក់​ផង​ដែរ​ថា យុទ្ធនាការ​ចាក់​វ៉ាក់សាំង គឺ​ជា​«យុទ្ធសាស្ត្រ​ពន្លត់​ភ្លើង ល្អ​ជាង​អង្គុយ​បក់​ផ្សែង យើង​គ្មាន​ជម្រើស​ណា​ល្អ​ជាង​ការ​ខិត​ខំ​ស្វែង​រក​វ៉ាក់សាំង​ចាក់​ជូន​ប្រជាជន​យើង​នោះ​ទេ»។សម្ដេច​តេជោ ហ៊ុន សែន រៀបរាប់​បន្ត​ថា​៖ «ការ​ឆ្លង​ក្នុង​សហគមន៍​ម្ដង​ហើយ​ម្ដង​ទៀត​នៅ​ស្ទើរ​គ្រប់​ប្រទេស តម្រូវ​ឱ្យ​យើង​ខិត​ខំ​រក​វិធី​ទប់​ស្កាត់​ការ​ឆ្លង និង​ការ​បាត់​បង់​ជីវិត​ប្រជាជន​យើង​តាម​រយៈ​ការ​ចាក់​វ៉ាក់សាំង»។ប្រមុខ​រាជ​រដ្ឋាភិបាល​បាន​បញ្ជាក់​ជា​ថ្មី​ថា រាជរដ្ឋាភិបាល​បាន​កំណត់​គោលដៅ​ចាក់​វ៉ាក់សាំង​ជូន​ប្រជាជន​ឱ្យ​បាន​ចំនួន ១០​លាន​នាក់​នៅ​ក្នុង​ចំណោម​ប្រជាជន​កម្ពុជា​សរុប​ប្រហែល ១៦​លាន​នាក់។សម្ដេច​តេជោ ហ៊ុន សែន បាន​រៀបរាប់​ថា៖ «ការ​ចាក់​វ៉ាក់សាំង​នេះ យើង​ក៏​បាន​ និង​កំពុង​អនុវត្ត​យុទ្ធសាស្ត្រ​ផ្កា​រីក ដែល​នឹង​ត្រូវ​ចាក់​ពី​ក្នុង​ចេញ​ក្រៅ គឺ​ចាក់​នៅ​រាជ​ធានី​ភ្នំពេញ​ដែល​មាន​មនុស្ស​រស់នៅ​កុះករ​ជាម​ុន បន្ទាប់​ទៅ​នឹង​ចេញ​ទៅ​បណ្ដាញ​ខេត្ត​ទៅ​តាម​លំដាប់​អាទិភាព»។ចំនួន​ប្រជា​ពលរដ្ឋ​ទទួល​បាន​ការ​ចាក់​វ៉ាក់សាំង​រហូត​មក​ដល់​ពេល​នេះ ស្មើ​នឹង ២០​ភាគរយ​នៃ​ចំនួន​ពលរដ្ឋ ១០​លាន​នាក់​ដែល​រាជ​រដ្ឋាភិបាល​បាន​កំណត់​ផ្ដល់​វ៉ាក់សាំង​នៅ​ត្រឹម​ឆ្នាំ​២០២១​នេះ។

បណ្ដាញសង្គម

ព័ត៌មានថ្មីៗ

សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់
07/18/2025 09:07 PM
Facebook Telegram Linkin
នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី
07/18/2025 08:07 PM
Facebook Telegram Linkin
អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ
07/18/2025 08:07 PM
Facebook Telegram Linkin
វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី
07/18/2025 07:07 PM
Facebook Telegram Linkin
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា
07/18/2025 07:07 PM
Facebook Telegram Linkin
កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស
07/18/2025 07:07 PM
Facebook Telegram Linkin
មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”
07/18/2025 07:07 PM
Facebook Telegram Linkin
លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron
07/18/2025 07:07 PM
Facebook Telegram Linkin
ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី
07/18/2025 07:07 PM
Facebook Telegram Linkin
រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង
07/18/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.