BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

មេធាវីស្ម័គ្រចិត្តសម្តេចតេជោ បង្កើនសមាជិកភាព ដើម្បីជួយការពារសិទ្ធផ្លូវច្បាប់ដល់ស្ត្រីខ្វះលទ្ធភាព

ភ្នំពេញ៖ ក្រុមមេធាវីស្ម័គ្រចិត្តសម្តេចតេជោ បានបើកកិច្ចប្រជុំដើម្បី ដាក់បញ្ចូលសមាជិកថ្មី បន្ថែមចំនួន ៧១រូបបន្ថែម ដែលធ្វើអោយមេធាវីស្ម័គ្រចិត្តសម្តេចតេជោ សរុបឡើងដល់ ១៣៨រូប ដើម្បីបន្តជួយ ដល់ប្រជាពលរដ្ឋជាពិសេសស្ត្រីដែលខ្វះលទ្ធភាព ការពារសិទ្ធិ តាមផ្លូវច្បាប់។កិច្ចប្រជុំនេះ រៀបចំឡើងក្រោមវត្តមាន របស់ឯកឧត្ដម គី តិច ប្រធានក្រុមមេធាវីស្ម័គ្រចិត្តសម្តេចតេជោ និងដោយមានការចូលរួមពីអនុប្រធាន រួមនឹងសមាជិកទាំង១៣៨រូប នៅទីស្តីការគណៈរដ្ឋមន្ត្រីនៅល្ងាច ថ្ងៃទី១៥ ខែតុលា ម្សិលមិញ។ឯកឧត្តម គី តិច បានមានប្រសាសន៍ថា ដោយមើលឃើញ ពីតម្រូវការចាំបាច់នៃសេវា ផ្លូវច្បាប់ដូចជា ការប្រឹក្សាយោបល់ ការការពារក្តី ការតំណាងដោយអាណត្តិ ដល់ស្ត្រី ដែលជាជនរងគ្រោះ ហើយខ្វះលទ្ធភាពជួលមេធាវី ។ ឯកឧត្តម បន្តថា មេធាវីស្ម័គ្រចិត្ត សម្តេចតេជោកន្លងមក បានសហការជាមួយស្ថាប័ន ជំនាញពាក់ព័ន្ធក៏ដូចជាប្រព័ន្ធ តុលាការ ហើយជាពិសេសនៅតាមបណ្តាពន្ធនាគារនៅទូទាំងប្រទេស ដើម្បីស្នើសុំនូវ របាយការណ៍ហើយក៏ស្នើសុំនូវទិន្នន័យច្បាស់លាស់ តើមានករណីឃុំ ខ្លួនលើសពីនីតិវិធី ទេ? តើមានករណីបំពានច្បាប់ក្នុងការបំពេញតួនាទីរបស់អាជ្ញាធរមានសមត្ថកិច្ចនោះទេ ដើម្បីជំរុញនូវនីតិវិធីទាំងអស់នោះ ឲ្យពួកគាត់ទទួលបាននូវការការពារស្របច្បាប់ មួយ ឲ្យសមស្របទៅតាមស្តង់ដារ នៃការសម្រេចសេចក្កីដែលមានការគាំពារ ត្រឹម ត្រូវតាម ច្បាប់ រួមនឹងការសហការជាមួយតុលាការ ដើម្បីជំរុញនីតិវិធី ប្រសិន បើមានការឃុំ ខ្លួនលើស ស្នើសុំឲ្យតុលាការ ធ្វើការជំរុញនីតិវិធីចំពោះករណីឃុំខ្លួនលើស។ការបន្ថែមសមាសភាពសមាជិកថ្មីបន្ថែមនេះក៏មានការកែសម្រួលនូវ តួនាទី ភារកិច្ច មួយចំនួនដូចជា ការបន្ថែមតួនាទីអនុប្រធានឡើងដល់១០រូប ដែលត្រូវទទួលបន្ទុកតាមរាជធានីខេត្ត រួមនឹងការបែងចែកអោយមានក្រុមការងារស្រាវជ្រាវច្បាប់ និងពិគ្រោះយោបល់ ក្រុមអន្តរាគមន៍ និងក្រុមការងារប្រចាំ២៥រាជធានីខេត្ត។សូមរំលឹកថា ក្រុមមេធាវីស្ម័គ្រចិត្តសម្ដេចតេជោសែន ត្រូវបានបង្កើតឡើង ដោយ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២៧ខែ កុម្ភៈឆ្នាំ២០១៩ ដើម្បីជួយការពារក្តីតាមផ្លូវច្បាប់ដល់ជនរងគ្រោះជាស្ត្រី ដោយសារការ រំលោភបំពាននានាជាដើម ដោយពុំគិតកម្រៃសេវានោះឡើយ៕អត្ថបទ៖ ដាវណ្ណ

កាកបាទក្រហមកម្ពុជាទទួលសវនាការ និងទទួលអំណោយមនុស្សធម៌ ពីសប្បុរសជន

ភ្នំពេញ៖ កាលពីព្រឹកថ្ងៃទី១៦ តុលា ២០២០នេះ នៅទីស្នាក់ការកណ្តាល កាកបាទក្រហមកម្ពុជា លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានទទួលជួបសវនាការ និងទទួលអំណោយមនុស្សធម៌ពីសប្បុរសជនចំនួន៣ក្រុមហ៊ុន រួមមានអង្ករ និងថវិកា ទី១ ពីកញ្ញា មាស ពួយហ្កិច អគ្គនាយិការងក្រុមហ៊ុនផលិតបំពង់ទីបជ័រ KAP ដែលបានឧបត្ថម្ភថវិកាចំនួន ១០,០០០,០០០រៀល (ដប់លានរៀល) និងអង្ករចំនួន១០តោន, ទី២ ទទួលពីឧបាសិកា ឌុក នឿន នូវថវិកា៥០០ដុល្លារ និងអង្គរ១តោន, និងទី៣ទទួលពីក្រុមហ៊ុន SIGNARE JEWELLRY CO.,LTD នូវអង្ករ៣តោត សម្រាប់បម្រើដល់សកម្មភាពមនុស្សធម៌ ជួយដល់ប្រជាពលរដ្ឋជួបការលំបាក ដោយគ្រោះធម្មជាតិ និងគ្រោះមហន្តរាយផ្សេងៗ ជាពិសេសក្នុងស្ថានភាពគ្រោះទឹកជំនន់រហ័សនាពេលបច្ចុប្បន្ននេះ។ក្នុងឱកាសជួបសំណេះសំណាលនោះដែរ លោកជំទាវអគ្គលេខាធិការរងទី១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះម្ចាស់អំណោយទាំងអស់ ដែលបាននាំយកអំណោយទាំងនេះ មកឧបត្ថម្ភដល់កាកបាទក្រហមកម្ពុជា ដើម្បីបន្តចែកជូនប្រជាពលរដ្ឋងាយរងគ្រោះ ជាពិសេសប្រជាពលរដ្ឋរងគ្រោះដោយសារគ្រោះទឹកជំនន់ នៅតាមបណ្តាខេត្តមួយចំនួននៅក្នុងប្រទេសកម្ពុជា។ឆ្លើយតបនឹងគ្រោះទឹកជំនន់ ដែលកំពុងយាយីនាពេលបច្ចុប្បន្ននេះ លោកជំទាវអគ្គលេខាធិការរងទី១ បានគូសបញ្ជាក់ថា កាកបាទក្រហមកម្ពុជា ក្នុងនាមជាជំនួយការឱ្យអាជ្ញាធរសាធារណៈ រួមជាមួយ គណៈកម្មាធិការជាតិគ្រប់គ្រងគ្រោះមហន្តរាយ អាជ្ញាធរគ្រប់លំដាប់ថ្នាក់ បាននិងកំពុងប្រើប្រាស់ នូវកម្លាំងសរុប មធ្យោបាយសរុប ដើម្បីជួយ សង្គ្រោះប្រជាពលរដ្ឋ ឱ្យរួចផុតពីគ្រោះថ្នាក់ និងទៅដល់ទីទួលសុវត្ថិភាព។ក្រៅពីការជួយសង្គ្រោះប្រជាពលរដ្ឋដល់ទីទួលសុវត្ថិភាព កាកបាទក្រហមកម្ពុជា ដែលមានកម្លាំងយុវជន និងអ្នកស្ម័គ្រចិត្ត បានធ្វើការអប់រំផ្សព្វផ្សាយដល់ពលរដ្ឋ ឱ្យបង្កើនការប្រុងប្រយ័ត្ន និងរស់នៅមានអនាម័យស្អាត បរិភោគទឹកឆ្អិន ឬអាហារដែលចម្អិនបានល្អ ចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ។សូមប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកុមារ ៗ ដែលងាយប្រឈមនឹងគ្រោះថ្នាក់នេះ និងសូមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល និងទម្លាប់រស់នៅតាមបែបគន្លងថ្មី សូមប្រុងប្រយ័ត្ន និងការពារកុំឱ្យកើតមានជំងឺគ្រុនឈាម និងគ្រុនឈីក។ទន្ទឹមនឹងនេះដែរ ម្ចាស់អំណោយទាំង៣ខាងលើ បានថ្លែងអំណរគុណចំពោះកាកបាទក្រហមកម្ពុជា ដែលបានអនុញ្ញាតឱ្យចូលរួមចំណែកការងារមនុស្សធម៌ និងចែករំលែកក្តីស្រឡាញ់ជាមួយកាកបាទក្រហមកម្ពុជា ក្នុងការជួយសម្រាលការលំបាកដល់អ្នក ដែលត្រូវការជំនួយជាចាំបាច់ ជាពិសេសអ្នកដែលរងគ្រោះដោយគ្រោះទឹកជំនន់ និងគ្រោះមហន្តរាយផ្សេងៗ៕ អត្ថបទ៖ សម ងីម

កងកម្លាំងថាហ៊ានពលីគ្រប់យ៉ាង ក្នុងការជួយសង្គ្រោះប្រជាពលរដ្ឋឱ្យមានសុវត្ថិភាព

ភ្នំពេញ៖ សម្រាប់ឱកាសបំពេញបេសកកម្មជួយសង្គ្រោះប្រជាពលរដ្ឋចេញពីទឹកជំនន់ នៅក្នុងខណ្ឌដង្កោកងកម្លាំងចម្រុះជាច្រើន បានអះអាងថា ខ្លួនហ៊ានពលីគ្រប់យ៉ាង ដើម្បីជួយសង្គ្រោះប្រជាពលរដ្ឋរងគ្រោះ ឱ្យមានសុវត្ថិភាពរួចផុតពីគ្រោះថ្នាក់។ ពួកគាត់មិនរុញរានឹងគ្រោះថ្នាក់ រឺភាពហត់នឿយនោះទេ ព្រោះវាជាកាតព្វកិច្ចរបស់កងកម្លាំង។រយៈពេលប៉ុន្មានថ្ងៃក្នុងការជួយជម្លៀសប្រជាពលរដ្ឋរងគ្រោះទឹកជំនន់ក្នុងខណ្ឌ ដង្កោ រាជធានីភ្នំពេញ មកទីទួលសុវត្ថិភាពរហូតមកដល់ថ្ងៃទី១៦ តុលាឆ្នាំ២០២០នេះកងកម្លាំងចម្រុះជាច្រើន នៅតែប្រចាំការ និងចេញទៅជួយសង្គ្រោះប្រជាពលរដ្ឋដែលត្រូវការជំនួយ រកទីសុវត្ថិភាពស្នាក់នៅ។ សម្រាប់សកម្មភាពចេញទៅជួយសង្គ្រោះនៅថ្ងៃនេះផ្ទាល់ ពុំមានភាពមមាញឹកនោះទេ ព្រោះប្រជាពលរដ្ឋរងគ្រោះជាច្រើន បានជម្លៀសមកទីសុវត្ថិភាព តាំងពីថ្ងៃទី១៤និងថ្ងៃទី១៥មកម្ល៉េះ។ខណៈពេលដែលកំពុងប្រចាំការនៅទីតាំងផ្លូវ២១៧ ក្នុងសង្កាត់ស្ពានថ្ម ខណ្ឌដង្កោ កងកម្លាំងបញ្ជាក់ថា បញ្ហារបស់ពលរដ្ឋគឺជាបញ្ហារបស់កងកម្លាំង។ ក្នុងនាមជាកងកម្លាំងគឺហ៊ានពលីគ្រប់យ៉ាងដើម្បីជួយសង្គ្រោះប្រជាពលរដ្ឋឱ្យមានសុខសុវត្ថិភាព។សម្រាប់ថ្ងៃទី១៦ តុលាឆ្នាំ ២០២០នេះ សម្ដេចពិជ័យសេនា ទៀ បាញ់ ក៏បានចុះមកពិនិត្យមើលស្ថានភាពទឹកជំនន់ សួរសុខទុក្ខប្រជាពលរដ្ឋរងគ្រោះ និងលើកទឹកចិត្តកងកម្លាំងចម្រុះទាំងអស់ ក្នុងការលះបង់កម្លាំងកាយចិត្ត ជំនះឧបសគ្គគ្រប់យ៉ាងក្នុងការជួយសង្គ្រោះប្រជាពលរដ្ឋគ្រប់រូបឱ្យគេចផុតពីគ្រោះថ្នាក់។សម្រាប់ការចូលរួមរបស់កងកម្លាំង ជាក់ស្ដែងបានចុះជួយសង្គ្រោះជីវិតប្រជាពលរដ្ឋឱ្យរួចផុតពីគ្រោះទឹកជំនន់គ្រប់ទីកន្លែង។ ក្នុងការជួយសង្គ្រោះប្រជាពលរដ្ឋរងគ្រោះគ្រប់ទិសទី ការសង្គ្រោះប្រជាពលរដ្ឋមកទីទួលសុវត្ថិភាព ក្នុងរាជធានីភ្នំពេញទាំងមូល ក៏សម្រេចបានជោគជ័យ និងសង្គ្រោះបានជាង ៥ពាន់គ្រួសារមកទីមានសុវត្ថិភាពផងដែរ នេះបើតាមការលើកឡើងរបស់ ឯកឧត្តម ឃួង ស្រេង អភិបាលរាជធានីភ្នំពេញ៕ អត្ថបទ៖ គឹមហុក

ប្រទេសជាតិដំណើរការអភិវឌ្ឍបាន លុះត្រាសេដ្ឋកិច្ចមានការរីកចម្រើនមានធនធានហិរញ្ញវត្ថុគ្រប់គ្រាន់

ភ្នំពេញ ៖ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ថ្លែងថា ប្រទេសជាតិមួយអាចដំណើរការនៃការអភិវឌ្ឍទៅបាន លុះត្រាសេដ្ឋកិច្ចនៃប្រទេសមួយនោះ មានការរីកចំរើន និងមានធនធានហិរញ្ញវត្ថុគ្រប់គ្រាន់ ទើបការអភិវឌ្ឍអាចប្រព្រឹត្តទៅបាន។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការមូលបត្រកម្ពុជា បានលើកឡើងនៅក្នុង ពិធីកាត់ខ្សែបូរសម្ពោធដាក់ឱ្យដំណើរការជាផ្លូវការ អគារថ្មីនៃគណៈកម្មកាមូលបត្រកម្ពុជា នៅថ្ងៃទី១៦ ខែ តុលា ឆ្នាំ ២០២០ ម្សិលមិញនេះថា អគារថ្មីនៃគណៈកម្មការមូលបត្រកម្ពុជា ដែលបានសម្ពោធដាក់ឱ្យប្រើប្រាស់នាពេលនេះ ជាទីកន្លែងធ្វើការដ៏ស័ក្ដិសម សម្រាប់មន្ត្រីបំពេញការងារ ក្នុងនាមជាអាជ្ញាធរក្នុងវិស័យមូលបត្រឱ្យកាន់តែល្អប្រសើរឡើងថែមទៀត ដូច្នេះ មន្ត្រីរាជការគ្រប់លំដាប់ថ្នាក់ នៃគណៈកម្មការ មូលបត្រកម្ពុជាទាំងអស់ សូមបន្តកិច្ចខិតខំប្រឹងប្រែងបន្ថែមទៀត ក្នុងការបំពេញតួនាទី ភារកិច្ចរបស់ខ្លួន ដែលក្រសួងបានប្រគល់ជូន ដើម្បីប្តូរមកវិញនូវផលប្រយោជន៍សម្រាប់ការអភិវឌ្ឍជាតិ ជំរុញកំណើនសេដ្ឋកិច្ចនៅកម្ពុជា ដែលជាទិសដៅអាទិភាពរបស់រាជរដ្ឋាភិបាល ក្រោម ការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី ដែលសម្តេច មានទស្សនៈវិស័យច្បាស់លាស់ ក្នុងការជំរុញនូវកំណើនសេដ្ឋកិច្ច ដែលជាបច្ច័យដ៏ចម្បង នៃការអភិវឌ្ឍជាតិ ប្រែក្លាយជីវភាពពលរដ្ឋឱ្យកាន់តែប្រសើរឡើង ជាពិសេសការកាត់បន្ថយនូវអត្រានៃភាពក្រីក្រនៅកម្ពុជា។ឯកឧត្តម ឧបនាយករដ្ឋមន្ត្រី គូសបញ្ជាក់ថា ប្រទេសជាតិមួយអាចដំណើរការនៃការអភិវឌ្ឍបាន ល្គឹកណាសេដ្ឋកិច្ចនៃប្រទេសមួយនោះមានការរីកចំរើន មានធនធានហិរញ្ញវត្ថុគ្រប់គ្រាន់ ទើបការអភិវឌ្ឍអាចប្រព្រឹត្តទៅបាន ។ ដូច្នេះមន្ត្រីទាំងអស់ មិនថាតែមន្ត្រីនៅគណៈកម្មការ មូលបត្រកម្ពុជានេះទេ ពោលគឺ មន្ត្រីនៅគ្រប់ក្រសួង-ស្ថាប័នរដ្ឋទាំងអស់ ត្រូវតែខិតខំបំពេញការងាររបស់ខ្លួនបន្ថែមទៀត ដើម្បីបំរើប្រទេសជាតិស្របតាមគោលនយោបាយរបស់រាជរដ្ឋាភិបាល ដែលមានសម្តេចតេជោ នាយករដ្ឋមន្ត្រី ជាប្រមុខដឹកនាំដ៏ស្វាហាប់ក្នុងការដឹកនាំប្រទេស ឆ្ពោះទៅរកការរីកចម្រើនឥតឈប់ឈរ ៕អត្ថបទ៖ សុន រ៉ាឌី

រដ្ឋមន្ត្រីក្រសួងឧស្សាហកម្ម ស្នើដល់តំណាងរោងចក្រ បង្កើនការផលិតសម្ភារៈបរិក្ខារការពារ Covid-19

ភ្នំពេញ ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្នើដល់តំណាងរោងចក្រផលិតសម្ភារៈបរិក្ខារ ការពារ Covid-19 បង្កើនការផលិតសម្ភារៈឲ្យបានកាន់តែច្រើន សម្រាប់ផ្គត់ផ្គង់ ឲ្យគ្រប់តម្រូវការទីផ្សារ ខណៈដែលមេរោគនេះ នៅគំរាមកំហែងពិភពលោកនៅឡើយ ។ឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើឡើងនៅក្នុងជំនួបពិភាក្សាការងារ ជាមួយលោក Clement Yang ប្រធានក្រុមហ៊ុនរោងចក្រ MEDTECS Cambodia នៅថ្ងៃទី ១៦ ខែ តុលា ម្សិលមិញថា ក្រុមហ៊ុនរោងចក្រ MEDTECS ជាក្រុមហ៊ុនវិនិយោគទទួលបានជោគ ជ័យមួយនៅកម្ពុជា មានរយៈពេល ២១ ឆ្នាំមកហើយ ក្នុងនោះ ក្រុមហ៊ុនក៏បានរួមចំណែកនៅក្នុងសេដ្ឋកិច្ច ទីផ្សារការងារ និងការទទួលខុសត្រូវនៅក្នុងសង្គមកម្ពុជាផងដែរ, ជាក់ស្តែងការចូលរួមឧបត្ថម្ភសម្ភារៈបរិក្ខារការពារ Covid-19 គឺជាកាយចវិការបង្ហាញនូវទឹកចិត្តដ៏ប្រពៃ ខណៈដែលកម្ពុជាកំពុងជួបប្រទះ។ពាក់ព័ន្ធរោគរាតត្បាតនៃជំងឺកូវីដ–១៩ នេះ, ឯកឧត្តម ទេសរដ្ឋមន្ត្រី ក៏បានស្នើដល់លោក Clement Yang ប្រធានក្រុមហ៊ុន MEDTECS បង្កើនការយកចិត្តទុកដាក់ និងជំរុញផលិតសម្ភារៈ បរិក្ខារការពារ Covid-19 ឲ្យបានកាន់តែច្រើនថែមទៀតដូចជា ម៉ាស់ និងសំលៀកបំពាក់ពេទ្យជាដើម សម្រាប់ផ្គត់ផ្គង់ឲ្យគ្រប់តម្រូវការទីផ្សារ ចំពោះបញ្ហាទាំងអស់នេះ គឺជាចូលរួមចំណែកដ៏សំខាន់ផងដែរ នៅក្នុងការបង្ការ និងទប់ស្កាត់ នៃការរីករាលដាលជំងឺកូវីដ១៩ នេះ ។ក្នុងជំនួបនេះ, លោក Clement Yang ប្រធានក្រុមហ៊ុនរោងចក្រ MEDTECS Cambodia បានបង្ហាញនូវការពេញចិត្ត ចំពោះការវិនិយោគវិស័យរោងចក្រនៅកម្ពុជា ។ ចំណែកការចូលរួមទប់ស្កាត់នៃជំងឺកូវីដ ១៩ លោកសន្យា នឹងឧបត្ថម្ភសម្ភារៈបរិក្ខារ ការពារមេរោគ Covid-19 បន្ថែមទៀតដល់កម្ពុជា តាមរយៈកាកបាទក្រហមកម្ពុជា និងប្រគល់ថវិកាឧបត្ថម្ភចំនួន ២ ម៉ឺនដុល្លារអាមេរិក ដល់រាជរដ្ឋាភិបាល សម្រាប់សម្រាលបន្ទុកការងាររងគ្រោះដោយជំនន់ទឹកភ្លៀងនៅកម្ពុជា តាមរយៈឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធ ដោយផ្ទាល់ នៅសប្តាហ៍ក្រោយនេះផងដែរ ៕អត្ថបទ ៖ សុន រ៉ាឌី

ទឹកជំនន់ទន្លេ មិនទាន់បង្កប៉ះពាល់ដល់បណ្តាពលរដ្ឋរស់នៅតាមដងទន្លេ ខេត្តកណ្តាលនោះទេ

កណ្ដាល ៖ បើតាមមន្ទីរធនធានទឹក និងឧតុនិយម ខេត្តកណ្តាល បានឲ្យដឹងថា ជំនន់ទឹកភ្លៀង និងជំនន់ទឹកទន្លេមេគង្គមិនទាន់បង្កការប៉ះពាល់ផ្ទះសំបែង និងដំណាំចំការរបស់របស់ប្រជាពលរដ្ឋនៅតាមដងទន្លេនោះទេ ហើយនៅពេលនេះទៀត ដីស្រែចំការមួយចំនួនដែលត្រូវការទឹកហូរពន្លិច គឺមិនទាន់បានលិចនោះទេ។បើតាមលោក យ៉ាវ ម៉េងសែ មន្ត្រីតាមដានកម្ពស់ទឹកទន្លេ នៃមន្ទីរធនធានទឹក និងឧតុនិយម ខេត្តកណ្តាល បានថ្លែងប្រាប់ BTV នៅថ្ងៃទី ១៧ ខែតុលានេះថា នៅពេលនេះ បើទោះខេត្តចំនួន១៦ បានកំពុងរងគ្រោះដោយសារទឹកជំនន់ទឹកភ្លៀងផង និងទឹកជំនន់ទន្លេមេគង្គ ក៏យើងសង្កេតឃើញថា កម្ពស់ទន្លេទឹកទន្លេមេគង្គ និងទន្លេបាសាក់ មិនទាន់បានហក់ឡើងក្នុងខ្ពស់ ធ្វើអោយយើងមានការព្រួយបារម្ភឡើយ។លោក យ៉ាវ ម៉េងសែ ថ្លែងថា គិតត្រឹមព្រឹកថ្ងៃទី១៧ ខែតុលានេះ កំពស់ទឹកទន្លេមេគង្គនៅស្ថានីយអ្នកលឿងមានកំពស់៤.៩៧ម៉ែត្រ កម្ពស់ទឹកនៅព្រឹកព្រែកក្តាមមាន៥.៨៣ម៉ែត្រ កំពស់ទឹកចតុមុខ ៦.៨៣ម៉ែត្រ និងកម្ពស់ទឹកស្ថានីយកោះខែល មានកំពស់៦.១៩ម៉ែត្រ ខណៈដែលកម្ពស់ប្រកាសអាសន្ន គឺមានកំពស់ចាប់ពី៧.៤០ម៉ែត្រ រហូតដល់១០.៥០ម៉ែត្រ។លោក បន្តថា តាមរយៈកម្ពស់នៅក្នុងកម្រិតនេះ គឺបានធ្វើអោយដីស្រែចំការដែលបានប្រមូលផលហើយ នៅក្នុងផ្នែកខាងក្រោម គឺកំពុងត្រូវការទឹកច្រើន ដើម្បីពន្លិចដីស្រែចំការរបស់គេ។បើតាមលោកប្រធានមន្ទីរធនធានទឹក និងឧតុនិយម ខេត្តកណ្តាល បានថ្លែងថា នៅពេលនេះ មានបណ្តាព្រែកមួយចំនួននៅក្នុងស្រុកកោះធំ គឺទើបតែមានទឹកហូរចូល ហើយការមានទឹកតិចតួចហូរដីស្រែនេះ វាបង្កអោយប្រជាពលរដ្ឋមួយចំនួនពិបាកធ្វើស្រែចំការ៕អត្ថបទ ៖ ស៊ុម សុខជា

សប្បុរសជននានា និងបុរីKP ម៉ន ដានី នាំអំណោយជួយដល់ប្រជាពលរដ្ឋជាងបួនពាន់គ្រួសារ រងគ្រោះដោយជំនន់ទឹកភ្លៀង

ពោធិ៍សាត់៖ បន្ទាប់ពីប្រទេសកម្ពុជាជួបគ្រោះមហន្តរាយដោយទឹកជំនន់ នៅតាមរាជធានី និងខេត្តមួយចំនួននោះ សប្បុរសជននានា ដែលដឹកនាំដោយអ្នកស្រី ម៉ន ដានី អគ្គនាយិកាក្រុមហ៊ុន បុរី ម៉នដានី រៀលអ៊ី ស្ទេត ឯកឧត្ដម និងស្វាមី ផង់ផាន់ ឃុនថាវង្ស នៅថ្ងៃទី១៥ដល់ថ្ងៃទី១៨ ខែតុលា ឆ្នាំ២០២០នេះ បាននាំអំណោយជាច្រើនយកទៅចែកជូនបងប្អូនប្រជាពលរដ្ឋជាងបួនពាន់គ្រួសារនៅខេត្តពោធិ៍សាត់ និងបាត់ដំបង ដែលកំពុងជួបបញ្ហាទឹកជំនន់នោះ។អំណោយទាំងអស់នោះរួមមាន៖ អង្ករ ២០តោន ត្រីខ ៩.៨០០កំប៉ុង មី ៤.០៧៦កេស ទឹកបរិសុទ្ធ ៤.០០០កេស ទឹកត្រី ៣២យួរ និង ទឹកស៊ីអ៉ីវ៣០យួរ។អ្នកស្រី ម៉ន ដានី បានលើកឡើងថា «ការផ្តល់ជូនអំណោយទាំងនេះ គឺកើតឡើងដោយសារទឹកចិត្តអាណិតស្រលាញ់ ក្នុងនាមជាប្រជាជាតិខ្មែរមិនប្រកាន់ឋានៈបក្ខពួក ឬនិន្នាការនយោបាយអ្វីទាំងអស់ ហើយការជួយនេះ គឺមិនមែនតែបងប្អូនប្រជាពលរដ្ឋនៅខេត្តទាំងពីរខាងលើនេះទេ គឺនឹងបន្តជួយនៅតាមខេត្តផ្សេងៗទៀតដែលអាចធ្វើទៅបាន ខណៈពួកគាត់កំពុងជួបបញ្ហាលំបាកនេះ។»បន្ទាប់ពីធ្វើការចែកអំណោយដល់បងប្អូនប្រជាពលរដ្ឋរងគ្រោះដោយសារទឹកជំនន់នោះ អភិបាលនៃគណៈអភិបាលខេត្តពោធិ៍សាត់ ឯកឧត្ដម ម៉ៅ ធនិន និងឯកឧត្ដមអភិបាលខេត្តបាត់ដំបង បានថ្លែងអំណរគុណចំពោះទឹកចិត្តសប្បុរសធម៌នេះ ដែលស្តែងឲ្យឃើញអំពីការជួយគិតគូរ និងក្តីអាណិតស្រលាញ់ ចំពោះប្រជាពលរដ្ឋដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នាទៅវិញទៅមកនៅក្នុងកាលៈទេសៈដែលប្រទេសជាតិបាន និងកំពុងជួបទុក្ខលំបាកនោះ។ឯកឧត្ដមអភិបាលខេត្តទាំងពីរក៏បាន លើកឡើងផងដែរថា សមានចិត្តដ៏ល្អរបស់ថ្នាក់ដឹកនាំ និងបុគ្គលិកបុរី KP ម៉ន ដានី រួមទាំងសប្បុរសជននានានេះនឹងត្រូវបានចងចាំទុកដោយរាជរដ្ឋាភិបាល រដ្ឋបាលខេត្តពោធិ៍សាត់ និងបាត់ដំបង និងប្រជាពលរដ្ឋកម្ពុជាទាំងអស់ដែលបានទទួលនូវអំណោយទាំងនេះ៕ អត្ថបទបាន ចក់

លោកជំទាវ ពេជ ចន្ទមុនី្ន ចុះសួរសុខទុក្ខ និងចែកអំណោយដល់គ្រួសាររងគ្រោះទឹកជំនន់ ១៣០០គ្រួសារនៅក្នុងខេត្តពោធិ៍សាត់

ពោធិ៍សាត់៖ ដោយមើលឃើញនៅទុក្ខលំបាករបស់ប្រជាពលរដ្ឋ ដែលជួបគ្រោះជំនន់ទឹកភ្លៀងនៅក្នុងខេត្តពោធិ៍សាត់ នៅព្រឹកថ្ងៃទី១៨ ខែតុលានេះ លោកជំទាវ ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជន សម្តេចតេជោ បានដឹកនាំក្រុមការងារអញ្ជើញចុះសួរសុខទុក្ខ និងនាំយកអំណោយមនុស្សធម៌ជាច្រើន ជូនដល់ប្រជាពលរដ្ឋរងគ្រោះ ចំនួន ១៣០០គ្រួសារ មកពី៨ឃុំ ស្ថិតនៅក្នុងស្រុកកណ្ដៀង ខេត្តពោធិ៍សាត់ ដោយក្នុងនោះចែកចេញជា៣ទីតាំង ទីតាំងទី១ក្នុងវត្ត ទួលគូ ទី២វត្តដំរីស និងទីតាំងទី៣វត្ត កោះជុំ។ ដើម្បីជាការចូលរួមចំណែកជាមួយរាជរដ្ឋាភិបាល និងជួយគ្នាក្នុងគ្រាមានអាសន្ន ដែលអំណោយទាំងអស់នោះ រួមមាន៖ អង្ករ២៥គីឡូក្រាម,ទឹកបរិសុទ្ធ២កេស, ត្រីខ ២០កំប៉ុង ភួយ១ សារ៉ុង១ ថ្នាំពេទ្យ១កញ្ចប់ និងថវិកា១០ម៉ឺនរៀល។ក្នុងឱកាសជួបសំណេះសំណាលនោះ លោកជំទាវបានពាំនាំប្រសាសន៍របស់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្ដាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះម្ចាស់អំណោយទាំងអស់ ដែលបាននាំយកអំណោយទាំងនេះ មកឧបត្ថម្ភដល់សមាគមគ្រូពេទ្យស្ម័គ្រចិត្ត យុវជនសម្តេចតេជោ ដើម្បីបន្តចែកជូនប្រជាពលរដ្ឋងាយរងគ្រោះ ជាពិសេសប្រជាពលរដ្ឋរងគ្រោះដោយសារគ្រោះទឹកជំនន់ នៅតាមបណ្តាខេត្តមួយចំនួននៅក្នុងប្រទេសកម្ពុជា។ឆ្លើយតបនឹងគ្រោះទឹកជំនន់ ដែលកំពុងយាយីនាពេលបច្ចុប្បន្ននេះ លោកជំទាវ បានថ្លែងអំណរគុណដល់អាជ្ញាធរគ្រប់លំដាប់ថ្នាក់ បាននិងកំពុងប្រើប្រាស់ នូវកម្លាំងសរុប មធ្យោបាយសរុប ដើម្បីជួយសង្គ្រោះប្រជាពលរដ្ឋ ឱ្យរួចផុតពីគ្រោះថ្នាក់ និងទៅដល់ទីទួលសុវត្ថិភាព។ក្រៅពីការជួយសង្គ្រោះប្រជាពលរដ្ឋដល់ទីទួលសុវត្ថិភាព ដែលមានកម្លាំងយុវជន និងអ្នកស្ម័គ្រចិត្ត បានធ្វើការអប់រំផ្សព្វផ្សាយដល់ពលរដ្ឋ ឱ្យបង្កើនការប្រុងប្រយ័ត្ន និងរស់នៅមានអនាម័យស្អាត បរិភោគទឹកឆ្អិន ឬអាហារដែលចម្អិនបានល្អ ចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ។សូមប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកុមារៗ ដែលងាយប្រឈមនឹងគ្រោះថ្នាក់នេះ និងសូមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល និងទម្លាប់រស់នៅតាមបែបកន្លងថ្មី សូមប្រុងប្រយ័ត្ន និងការពារកុំឱ្យកើតមានជំងឺគ្រុនឈាម និងគ្រុនឈីក។ប្រជាពលរដ្ឋដែលទទួលបាននូវអំណោយមនុស្សធម៌ទាំងនេះ ម្នាក់ៗបានថ្លែងអំណរគុណយ៉ាងជ្រាវជ្រៅចំពោះម្នាស់អំណោយ ដែលបានជួយសម្រាល ក្នុងជីវភាពរបស់ពួកគាត់ ដែលកំពុងតែមានការលិចលង់ ពីគ្រោះទឹកជំនន់នេះ។ឯកឧត្តម ម៉ៅ ធនិន អភិបាលខេត្តពោធិសាត់បានថ្លែងអំណរគុណចំពោះទឹកចិត្តសប្បុរសធម៌ដ៏ថ្លៃថ្លានេះ ស្តែងឲ្យឃើញអំពីការជួយគិតគូរ និងក្តីអាណិតស្រលាញ់ ចំពោះប្រជាពលរដ្ឋដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នាទៅវិញទៅមក នៅក្នុងកាលៈទេសៈ ដែលប្រទេសជាតិបាន និងកំពុងជួបប្រទះនូវគ្រោះធម្មជាតិ។ជាមួយគ្នានេះលោក ឆាយ គឹមម៉ុង អភិបាលស្រុកកណ្តៀង បានអោយដឹងថា ក្នុងស្រុកកណ្តៀងនេះមាន៩ឃុំ ក្នុងនោះ ៨ឃុំបានលិចលុង ដែលធ្វើអោយប៉ះពាល់ដល់លំនៅដ្ឋានរបស់ប្រជាពលរដ្ឋរហូតដល់ ១០៦៣៤ គ្រួសារ និងហេដ្ឋារចនាសម្ព័ន្ធមួយចំនួន។សូមជម្រាបផងដែរថានៅក្នុងឱកាសនោះ លោកជំទាវ បានដឹកនាំក្រុមគ្រូពេទ្យ ស្ម័គ្រចិត្តយុវជនសម្តេចតេជោ មកពិនិត្យពិគ្រោះជម្ងឺទូទៅ និងផ្តល់ថ្នាំព្យាបាលជម្ងឺស្រាលៗ ជូនប្រជាពលរដ្ឋដោយឥតគិតថ្លៃផងដែរ។ លើសពីនោះបើប្រពលរដ្ឋណាមានជម្ងឺធ្ងន់ធរក្រុមការងារនិងទទួលយកមកព្យាបាលជូននៅភ្នំពេញដោយអត់គិតថ្លៃ៕

៩ខែឆ្នាំ២០២០ បង្ក្រាបបទល្មើសធនធានធម្មជាតិនៅដែនជម្រកសត្វព្រៃ-ព្រៃឡង់ បាន ៩៥៤ករណី

ភ្នំពេញ៖ ក្រសួងបរិស្ថាន បានបង្ហាញរបាយការណ៍ នៃការចុះល្បាតបង្ក្រាបបទល្មើសធនធានធម្មជាតិនៅដែនជម្រកសត្វព្រៃព្រៃឡង់រយៈពេល ៩ ខែឆ្នាំ២០២០ នេះឃើញថា ក្រុមមន្ត្រីឧទ្យានុរក្សបានបង្ក្រាបបទល្មើសចំនួន ៩៥៤ករណី នឹងរឹបអូសវត្ថុតាងបានជាច្រើនគ្រឿង។រយៈពេល៩ខែនេះ មន្ត្រីឧទ្យានុរក្សបានចុះប្រតិបត្តិការល្បាតចំនួន ១៨២៣លើក ក្នុងនោះបទល្មើសធនធានធម្មជាតិចំនួន ៩៥៤ ករណី ត្រូវបានបង្ក្រាប ហើយបានកសាង និងបញ្ជូនសំណុំរឿងចំនួន ៤០ ករណីទៅតុលាការ ធ្វើការអប់រំ និងចុះកិច្ចសន្យាបញ្ឈប់សកម្មភាពចំនួន ៤២០ករណី និងពិន័យអន្តរការណ៍ ៤១ករណី។ក្នុងប្រតិបត្តិការនេហដែរ មន្ត្រីឧទ្យានុរក្សាបានរឹបអូសរណាយន្តបានចំនួន ៤៣៣គ្រឿង រថយន្ត៩ គ្រឿង គោយន្តចំនួន ១០៦គ្រឿង និងម៉ូតូ ៤៦គ្រឿង រឹបអូសឈើចំនួន ៣០៣ ម៉ែត្រគូប ដោះអន្ទាក់បានចំនួន ១៦៧៧អន្ទាក់ និងដកហូតនិងរឹបអូសកាំភ្លើងកែច្នៃបានចំនួន ១០៣គ្រឿង។របាយការណ៍ចេញផ្សាយនាថ្ងៃទី១៨ ខែតុលា ឆ្នាំ២០២០ បានបង្ហាញថាមានកត្តាផ្សេងៗជាច្រើនដែលជំរុញឱ្យមានបទល្មើសទាំងនេះកើតឡើងរួមមាន៖ កត្ដាជីវភាពរបស់ប្រជាសហគមន៍ ដែលធ្លាប់តែពឹង អាស្រ័យ ទៅលើផល អនុផលព្រៃឈើ និងការទាក់ទាញ និងញុះញង់ពីសំណាក់ក្រុមឈ្មួញទុច្ចរិត គួបផ្សំនឹងចំនួនមន្ដ្រីឧទ្យានុរក្សដែលបានឈរជើងនៅក្នុងតំបន់នោះ នៅមានកម្រិតនៅឡើយ។ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន សង្កេតឃើញថា បទល្មើសនៅតំបន់មួយចំនួនមានការ ថយចុះ ដោយសារតែមានកិច្ចសហការស្អិតរមួតជាមួយសហគមន៍តំបន់ការពារធម្មជាតិ ការបង្កើតស្នាក់ការល្បាតចល័ត ការរៀបចំផែនការល្បាតបានល្អិតល្អន់ និងមានការចូលរួមពីអាជ្ញាធរពាក់ព័ន្ធ។ រដ្ឋលេខាធិការក្រសួងបរិស្ថានឯកឧត្តម នេត្រ ភក្ត្រា បានគូសបញ្ជាក់ថានេះគឺជាកិច្ចខិតខំប្រឹង ប្រែងរបស់មន្ត្រីឧទ្យានុរក្ស និងសហគមន៍នៃតំបន់ការពារធម្មជាតិ ក្នុងការការពារនិងអភិរក្សធនធានធម្មជាតិក្នុងតំបន់ព្រៃ ឡង់ឱ្យបានគង់វង្សសម្រាប់មនុស្សរាប់ជំនាន់ទៅមុខទៀត។ជាមួយគ្នានេះ រដ្ឋលេខាធិការក្រសួងបរិស្ថានរូបនេះក៏បានលើកឡើងថា ទោះបីជាមានការចុះទប់ស្កាត់ និងបង្ក្រាបទាំងយប់ទាំងថ្ងៃពីសំណាក់មន្ត្រីឧទ្យានុរក្សនិងសមាជិកនៃសហគមន៍តំបន់ការពារធម្មជាតិក៏បទល្មើសធនធានធម្មជាតិទ្រង់ទ្រាយតូចដូចជាការលបលួចកាប់ឈើ ការទន្ទ្រានរានយកដី ធ្វើជាកម្មសិទ្ធិការបរ បាញ់និងការដាក់អន្ទាក់សត្វព្រៃនៅតែបន្ដកើតមាននៅក្នុងតំបន់ព្រៃឡង់ដែលចាំបាច់ត្រូវចាត់វិធានការទប់ស្កាត់និងបង្ក្រាបបន្តទៀត។រាជរដ្ឋាភិបាលកម្ពុជា តាយរយៈក្រសួងបរិស្ថាន និងដៃគូអភិវឌ្ឍបានយកចិត្ដទុកដាក់ខ្ពស់លើការរៀបចំ និងពង្រឹងយន្ដការគ្រប់គ្រង ការផ្ដល់មធ្យោបាយ ឧបករណ៍ សម្ភារៈ ក៏ដូចជាការជួយលើកស្ទួយជីវភាពរបស់ប្រជាសហគមន៍មូលដ្ឋានបន្ថែមទៀតតាមរយៈការបង្កើតមុខរបរថ្មី បង្កើតសេដ្ឋកិច្ចនៅមូលដ្ឋាន បង្កើនចំណូលការជំរុញទេសចរណ៍ធម្មជាតិជាដើម ដើម្បីធានា ប្រសិទ្ធភាពនៃការងារគ្រប់គ្រង ការពារ និងអភិរក្សតំបន់ព្រៃឡង់។ បច្ចុប្បន្ននេះ ក្រសួងបរិស្ថានបាននិងកំពុងសហការអនុវត្តគម្រោងការពារនិងអភិរក្សតំបន់ដែនជម្រកសត្វព្រៃព្រៃឡង់ជាមួយគម្រោងព្រៃឡង់បៃតងគាំទ្រថវិកាដោយ USAID របស់សហរដ្ឋអាមេរិកសម្រាប់រយៈពេល ៥ ឆ្នាំ (២០១៨–២០២៣) ក្នុងទំហំទឹកប្រាក់ ២១លានដុល្លារ។សូមបញ្ជាក់ថា ដែនជម្រកសត្វព្រៃព្រៃឡង់ ត្រូវបានបង្កើតឡើងដោយអនុក្រឹត្យ នៅខែឧសភា ឆ្នាំ ២០១៦ មានផ្ទៃដីជាង ៤៣ ម៉ឺនហិកតា ស្ថិតនៅក្នុងភូមិសាស្ត្រខេត្តចំនួន ៤ រួមមាន ខេត្តកំពង់ធំ ខេត្តព្រះវិហារ ខេត្តក្រចេះ និងខេត្តស្ទឹងត្រែង។ បច្ចុប្បន្ននេះ មានមន្ត្រីឧទ្យានុរក្សចំនួន ៨៤នាក់ បាននិងកំពុងឈរជើងការពារនៅក្នុងនោះ ខេត្តកំពង់ធំមាន ៣៤នាក់ ខេត្តស្ទឹងត្រែងមាន ២៤នាក់ និងខេត្តក្រចេះចំនួន ១២នាក់ ខេត្តព្រះវិហារចំនួន ១៣នាក់ ហើយសហគមន៍តំបន់ការពារធម្មជាតិមានចំនួន ១៩ នៅក្នុងដែនជម្រកសត្វព្រៃព្រៃឡង់ដែលបានចូលរួមសហការចុះល្បាតជាមួយមន្ត្រីឧទ្យានុរក្ស៕ អត្ថបទ៖ សុជាតា

ថ្នាក់ដឹកនាំ និងក្រុមការងារសមាគមTYDA ចុះសួរសុខទុក្ខ និងចែកអំណោយដល់គ្រួសាររងគ្រោះទឹកជំនន់ ១,៣០០គ្រួសារនៅក្នុងខេត្តពោធិ៍សាត់

ពោធិ៍សាត់៖ ដោយមើលឃើញនៅទុក្ខលំបាករបស់ប្រជាពលរដ្ឋ ដែលជួបគ្រោះជំនន់ទឹកភ្លៀងនៅក្នុងខេត្តពោធិ៍សាត់ នៅព្រឹកថ្ងៃទី១៨ ខែតុលានេះ លោកស្រី ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានដឹកនាំក្រុមការងារអញ្ជើញចុះសួរសុខទក្ខ និងនាំយកអំណោយមនុស្សធម៌ជាច្រើន ជូនដល់ប្រជាពលរដ្ឋរងគ្រោះ ចំនួន ១,៣០០ គ្រួសារ មកពី៨ឃុំ ស្ថិតនៅក្នុងស្រុកកណ្តៀង ខេត្តពោធិសាត់ ដោយក្នុងនោះចែកចេញជា៣ទីតាំង ដើម្បីជាការចូលរួមចំណែកជាមួយរាជរដ្ឋាភិបាល និងជួយគ្នាក្នុងគ្រាមានអាសន្ន។ក្នុងឱកាសជួបសំណេះសំណាលនោះ លោកលោកស្រី ពេជ ចន្ទមុន្នី ហ៊ុនម៉ាណែត បានពាំនាំប្រសាសន៍របស់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះម្ចាស់អំណោយទាំងអស់ ដែលបាននាំយកអំណោយទាំងនេះ មកឧបត្ថម្ភដល់សមាគមគ្រូពេទ្យស្ម័គ្រចិត្ត យុវជនសម្តេចតេជោ ដើម្បីបន្តចែកជូនប្រជាពលរដ្ឋងាយរងគ្រោះ ជាពិសេសប្រជាពលរដ្ឋរងគ្រោះដោយសារគ្រោះទឹកជំនន់ នៅតាមបណ្តាខេត្តមួយចំនួននៅក្នុងប្រទេសកម្ពុជា។ ទាក់ទងនឹងគ្រោះទឹកជំនន់ដែលកំពុងយាយីនាពេលបច្ចុប្បន្ននេះ លោកស្រីបានថ្លែងអំណរ គុណដល់អាជ្ញាធរគ្រប់លំដាប់ថ្នាក់ បាននិងកំពុងប្រើប្រាស់ នូវកម្លាំងសរុប មធ្យោបាយសរុប ដើម្បីជួយសង្គ្រោះប្រជាពលរដ្ឋ ឱ្យរួចផុតពីគ្រោះថ្នាក់ និងទៅដល់ទីទួលសុវត្ថិភាព។ក្រៅពីការជួយសង្គ្រោះប្រជាពលរដ្ឋដល់ទីទួលសុវត្ថិភាព មានកម្លាំងយុវជន និងអ្នកស្ម័គ្រចិត្ត បានធ្វើការអប់រំផ្សព្វផ្សាយដល់ពលរដ្ឋ ឱ្យបង្កើនការប្រុងប្រយ័ត្ន និងរស់នៅមានអនាម័យស្អាត បរិភោគទឹកឆ្អិន ឬអាហារដែលចម្អិនបានល្អ ចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ ។សូមប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកុមារ ៗ ដែលងាយប្រឈមនឹងគ្រោះថ្នាក់នេះ និងសូមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល និងទម្លាប់រស់នៅតាមបែបគន្លងថ្មី សូមប្រុងប្រយ័ត្ន និងការពារកុំឱ្យកើតមានជំងឺគ្រុនឈាម និងគ្រុនឈីក។ប្រជាពលរដ្ឋ ដែលទទួលបាននូវអំណោយមនុស្សធម៌ទាំងនេះ ម្នាក់ៗបានថ្លែងអំណរគុណយ៉ាងជ្រាវជ្រៅចំពោះម្ចាស់អំណោយ ដែលបានជួយសម្រាល ក្នុងជីវភាពរបស់ពួកគាត់ ដែលកំពុងតែមានការលិចលង់ពីគ្រោះទឹកជំនន់នេះ។ឯកឧត្តម ម៉ៅ ធនិន អភិបាលខេត្តពោធិសាត់បានថ្លែងអំណរគុណចំពោះទឹកចិត្តសប្បុរសធម៌ដ៏ថ្លៃថ្លានេះ ស្តែងឲ្យឃើញអំពីការជួយគិតគូរ និងក្តីអាណិតស្រលាញ់ ចំពោះប្រជាពលរដ្ឋដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នាទៅវិញទៅមក នៅក្នុងកាលៈទេសៈ ដែលប្រទេសជាតិបាន និងកំពុងជួបប្រទះនូវគ្រោះធម្មជាតិ។ជាមួយគ្នានេះ លោក ឆាយ គឹមម៉ុង អភិបាលស្រុកកណ្តៀង បានអោយដឹងថាក្នុងស្រុកកណ្តៀងនេះ៩ឃុំ ក្នុងនោះ៨ឃុំបានលិចលុង ដែលធ្វើអោយប៉ះពាល់ដល់លំនៅដ្ឋានរបស់ប្រជាពលរដ្ឋរហូតដល់ ១០៦៣៤ គ្រួសារ និងហេដ្ឋារចនាសម្ព័ន្ធមួយចំនួន។សូមជម្រាបផងដែរថា នៅក្នុងឱកាសនោះ លោកជំទាវបានដឹកនាំក្រុមការងារ នាំយកអំណោយមនុស្សធម៌ជាច្រើន ជូនដល់ប្រជាពលរដ្ឋរងគ្រោះ ចំនួន ១,៣០០ គ្រួសារ រួមមាន អង្ករ២៥គីឡូក្រាម,ទឹកបរិសុទ្ធ២កេស, ត្រីខ២០កំប៉ុង ភួយ១ សារ៉ុង១ ថ្នាំពេទ្យ១កញ្ចប់ និងថវិកា១០ម៉ឺនរៀលផងដែរ។ ព្រមទាំងបានដឹកនាំក្រុមគ្រូពេទ្យ ស្ម័គ្រចិត្តយុវជនសម្តេចតេជោ មកពិនិត្យពិគ្រោះជម្ងឺទូទៅ និងផ្តល់ថ្នាំព្យាបាលជំងឺស្រាលៗ ជូនប្រជាពលរដ្ឋដោយឥតគិតថ្លៃផងដែរ។ លើសពីនោះបើប្រពលរដ្ឋណាមានជំងឺធ្ងន់ធ្ងរក្រុមការងារនិងទទួលយកមកព្យាបាលជូននៅភ្នំពេញដោយអត់គិតថ្លៃ៕

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

មេធាវីស្ម័គ្រចិត្តសម្តេចតេជោ បង្កើនសមាជិកភាព ដើម្បីជួយការពារសិទ្ធផ្លូវច្បាប់ដល់ស្ត្រីខ្វះលទ្ធភាព

កាកបាទក្រហមកម្ពុជាទទួលសវនាការ និងទទួលអំណោយមនុស្សធម៌ ពីសប្បុរសជន

កងកម្លាំងថាហ៊ានពលីគ្រប់យ៉ាង ក្នុងការជួយសង្គ្រោះប្រជាពលរដ្ឋឱ្យមានសុវត្ថិភាព

ប្រទេសជាតិដំណើរការអភិវឌ្ឍបាន លុះត្រាសេដ្ឋកិច្ចមានការរីកចម្រើនមានធនធានហិរញ្ញវត្ថុគ្រប់គ្រាន់

រដ្ឋមន្ត្រីក្រសួងឧស្សាហកម្ម ស្នើដល់តំណាងរោងចក្រ បង្កើនការផលិតសម្ភារៈបរិក្ខារការពារ Covid-19

ទឹកជំនន់ទន្លេ មិនទាន់បង្កប៉ះពាល់ដល់បណ្តាពលរដ្ឋរស់នៅតាមដងទន្លេ ខេត្តកណ្តាលនោះទេ

សប្បុរសជននានា និងបុរីKP ម៉ន ដានី នាំអំណោយជួយដល់ប្រជាពលរដ្ឋជាងបួនពាន់គ្រួសារ រងគ្រោះដោយជំនន់ទឹកភ្លៀង

៩ខែឆ្នាំ២០២០ បង្ក្រាបបទល្មើសធនធានធម្មជាតិនៅដែនជម្រកសត្វព្រៃ-ព្រៃឡង់ បាន ៩៥៤ករណី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កាកបាទ​ក្រហមកម្ពុជា​ទទួល​សវនាការ និង​ទទួល​អំណោយ​មនុស្សធម៌ ពី​សប្បុរសជន

កងកម្លាំង​ថា​ហ៊ាន​ពលី​គ្រប់យ៉ាង ​ក្នុង​ការ​ជួយសង្គ្រោះ​ប្រជាពលរដ្ឋ​ឱ្យ​មាន​សុវត្ថិភាព​

រដ្ឋ​មន្ត្រីក្រសួង​ឧស្សាហកម្ម ​ស្នើ​ដល់​តំណាង​រោងចក្រ ​បង្កើន​ការផលិត​សម្ភារៈ​បរិក្ខារ​ការពារ ​Covid-19

ទឹកជំនន់​ទន្លេ ​មិនទាន់​បង្ក​ប៉ះពាល់​ដល់​បណ្តា​ពលរដ្ឋ​រស់នៅ​តាម​ដង​ទន្លេ​ ខេត្តកណ្តាល​នោះ​ទេ​

៩​ខែ​ឆ្នាំ​២០២០ បង្ក្រាប​បទល្មើស​ធនធាន​ធម្មជាតិ​នៅ​ដែន​ជម្រកសត្វព្រៃ​-​ព្រៃ​ឡង់ បាន ៩៥៤ករណី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កាកបាទក្រហមកម្ពុជាទទួលសវនាការ និងទទួលអំណោយមនុស្សធម៌ ពីសប្បុរសជន

កងកម្លាំងថាហ៊ានពលីគ្រប់យ៉ាង ក្នុងការជួយសង្គ្រោះប្រជាពលរដ្ឋឱ្យមានសុវត្ថិភាព

រដ្ឋមន្ត្រីក្រសួងឧស្សាហកម្ម ស្នើដល់តំណាងរោងចក្រ បង្កើនការផលិតសម្ភារៈបរិក្ខារការពារ Covid-19

ទឹកជំនន់ទន្លេ មិនទាន់បង្កប៉ះពាល់ដល់បណ្តាពលរដ្ឋរស់នៅតាមដងទន្លេ ខេត្តកណ្តាលនោះទេ

៩ខែឆ្នាំ២០២០ បង្ក្រាបបទល្មើសធនធានធម្មជាតិនៅដែនជម្រកសត្វព្រៃ-ព្រៃឡង់ បាន ៩៥៤ករណី