នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតី ហ៊ុន ម៉ាណែត​ តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដក​ខ្លួន​ឯកតោភាគីពី MoU 2001
កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី
ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត
សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ​ និង ការអភិវឌ្ឍន៍

ខ្លឹមសារសំខាន់ៗរបស់សម្តេចធិបតី ថ្លែងសុន្ទរក​ថា​ក្នុង « វេទិកាធុរកិច្ចកម្ពុជា-សិង្ហបុរី » ថ្ងៃទី១៩ ខែមិថុនា ឆ្នាំ២០២៤

2024/06/19 11:37:46 am        211
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា នាព្រឹកថ្ងៃទី១៩ ខែមិថុនា ឆ្នាំ២០២៤នេះ បានអញ្ជើញអធិបតី និងថ្លែងសុន្ទរកថាគន្លឹះពី « វេទិកាធុរកិច្ចកម្ពុជា-សិង្ហបុរី» ដែលកម្មវិធីនេះបាន​រៀបចំ​ឡើង​​នៅប្រទេសសិង្ហបុរី។ ខ្លឹមសារសំខាន់ៗរបស់សម្តេចធិបតី ថ្លែង​ក្នុង « វេទិកាធុរកិច្ចកម្ពុជា-សិង្ហបុរី » ដែលមានខ្លឹមសារដូចខាងក្រោម៖ -ក្នុងឱកាសនោះ សម្ដេចធិបតី នាយករដ្ឋមន្រ្ដី បានបង្ហាញការស្វាគមន៍យ៉ាងកក់ក្ដៅ ចំពោះអ្នកវិនិយោគិនខ្មែរ និងសិង្ហបុរី ដែលបានអញ្ជើញចូលរួម ក្នុង «វេទិកាធុរកិច្ចកម្ពុជា-សិង្ហបុរី» នៅថ្ងៃទី១៩ ខែមិថុនា ឆ្នាំ២០២៤នេះ នៅប្រទេសសិង្ហបុរី។ -សម្ដេចក៏បានថ្លែងអំណរគុណដល់សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី និងសភាពាណិជ្ជកម្មសិង្ហបុរីនៅកម្ពុជា និងសមាគមនអតីតសិស្សនិស្សិតខ្មែរនៅសិង្ហបុរី ចំពោះកិច្ចសហការដ៏មានតម្លៃសហការរៀបចំវេទិកាធុរកិច្ចនេះឡើង។ -សម្ដេចធិបតីបញ្ជាក់ថា វេទិកានេះ បានដើរតួសំខាន់ ក្នុងការពង្រឹងទំនាក់ទំនងសហគមធុរកិច្ចកម្ពុជា-សិង្ហបុរីឱ្យកាន់តែស៊ីជម្រៅ និងបង្កើតកាលានុវត្តភាពផ្ដល់ផលប្រយោជន៍ឱ្យគ្នាទៅវិញទៅមក ដើម្បី កម្ពុជា និងសិង្ហបុរី អាចរួមគ្នាជំរុញនវានុវត្តន៍ កសាងសេដ្ឋកិច្ចរឹងមាំ និងបង្កើតអនាគតប្រកបដោយវិបុលភាពបន្ថែមទៀតសម្រាប់ប្រជាជាតិប្រទេសទាំងពីរ។-សម្ដេចធិបតី នាយករដ្ឋមន្រ្ដីមានប្រសាសន៍ថា កម្ពុជា និងសិង្ហបុរី មានទំនាក់ទំនងយូរអង្វែង និងស៊ីជម្រៅ ដោយចាប់ផ្ដើតមតាំងពីកម្ពុជាទទួលស្គាល់ឯករាជភាពរបស់សិង្ហបុរី ក្នុងឆ្នាំ១៩៦៥។ ឈរលើមូលដ្ឋានគ្រឹះដែលបានកសាងឡើងដោយសម្ដេចព្រះនរោត្តមសីហនុ និងលោក លី ខ្វាន់យូ នាយករដ្ឋមន្រ្ដីទីមួយរបស់សិង្ហបុរី ភាពដៃគូដ៏រឹងមាំនេះ បានរឹតតែរឹងមាំថែមទៀតជាលំដាប់ក្នុងរយៈពេលកន្លងប៉ុន្មានទស្សវត្សរ៍មកនេះ ដោយយើងឃើញការរីកចម្រើនគួរឱ្យគត់សម្គាល់នៃទំនាក់ទំនងរបស់ប្រទេសទាំងពីរដែលត្រូវបានពង្រឹងដោយបានផ្លាស់ប្ដូរកម្រិតកំពូលជាញឹកញាប់ និងការប្ដេជ្ញាចិត្តរួមឆ្ពោះទៅកាន់ភាពរីកចម្រើន។-សម្ដេចធិតបីបញ្ជាក់ថា សិង្ហបុរី បានក្លាយជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ជាមួយនឹងការផ្លាស់ប្ដូរទំនិញ និងសេវាកម្មប្រកបជវភាព។ ពាក់ព័ន្ធនឹងការវិនិយោគក្នុងឆ្នាំ ២០២៣ ក្រុមប្រឹក្សាអភិវឌ្ឍកម្ពុជា (CDC) បានអនុវត្តគម្រោងវិនិយោគចំនួន ២៦៨ គម្រោង ក្នុងទំហំទឹកប្រាក់ជិត ៤,៩ ពាន់លានដុល្លារអាមេរិក។ ក្នុងរយៈពេល ៨ ខែដើមឆ្នាំ ២០២៤ CDC បានអនុម័តគម្រោងវិនិយោគសរុប ១៥៣ គម្រោង ក្នុងទំហំទឹកប្រាក់ ២,៧៥ ពាន់លានដុល្លារអាមេរិក។ ចំនួននេះបានកើនឡើងរហូតដល់ ៤ដង បើធៀបនឹងរយៈពេលដូចគ្នាក្នុងឆ្នាំ ២០២៣។-សម្ដេចធិបតីបញ្ជាក់ថា សិង្ហបុរីតែងតែឋិតក្នុងប្រភពវិនិយោគពីបរទេសកំពូលទាំង ១០ នៅក្នុងប្រទេសកម្ពុជា ក្នុងទស្សវត្សរ៍កន្លងមក ដោយបានចូលរួមចំណែកជិត ២ ពាន់លានដុល្លារអាមេរិក ក្នុងទិដ្ឋភាពវិនិយោគរបស់កម្ពុជា។ -សម្ដេចធិបតីបញ្ជាក់ថា ការវិនិយោគរបស់សិង្ហបុរី បានដើរតួនាតីដ៏សំខាន់ ក្នុងការអភិវឌ្ឍកម្ពុជា ដោយបានជំរុញកំណើនក្នុងវិស័យជាច្រើនដូចជា កម្មន្តសាល អចលនទ្រព្យ និងបដិសណ្ឋារកិច្ច។ ក្រុមហ៊ុនល្បីៗរបស់សិង្ហបុរី ជាច្រើនបានចូលរួមបណ្ដាក់ទុនវិនិយោគដ៏រឹងមាំនៅកម្ពុជា ដែលការណ៍នេះ បង្ហាញពីភាពជោគជ័យ និងសត្តានុពលនៃការវិនិយោគនៅកម្ពុជា។ -សម្ដេចធិបតី នាយករដ្ឋមន្រ្ដីបញ្ជាក់ថា កម្ពុជា និងសិង្ហបុរី មានកិច្ចសហការលើសពីពាណិជ្ជកម្ម និងការវិនិយោគទៅទៀត ប្រទេសទាំងពីរកំពុងសហការគ្នាក្នុងការជំរុញវិសយទសចរណ៍ កសាងហេដ្ឋារចនាសម្ព័ន្ធសំខាន់ៗ និងចាប់យកកាលានុវត្តភាពនានានៃបរិវត្តកម្មឌីជីថល។ -សម្ដេចធិបតីបន្ថែមថា កម្ពុជា-សិង្ហបុរី បានឹងកំពុងធ្វើការរួមគ្នាយ៉ាងសកម្មក្នុងការបង្កើនការអភិវឌ្ឍធនធានមនុស្ស ដើម្បីធានាថាកម្លាំងពលកម្មរបស់ប្រទេសទាំងពីរមានជំនាញ និងចំណេះដឹងស្របតាមតម្រូវការសេដ្ឋកិច្ចក្នុងសម័យទំនើប។ -សម្ដេចបន្តថា ការដាក់សម្ពោធមជ្ឈមណ្ឌលកិច្ចសហប្រតិបត្តិការ កម្ពុជា-សិង្ហបុរី នៅរាជធានីភ្នំពេញ ក្នុងខែសីហា ឆ្នាំ ២០២២ បានបង្ហាញពីកិច្ចសហប្រតិបត្តិការដ៏សំខាន់មួយក្នុងភាពជាដៃគូររវាងកម្ពុជា និងសិង្ហបុរី។ ធនធានមនុស្សដែលបានបណ្ដុះបណ្ដាលចេញពីមជ្ឈមណ្ឌលនេះ គឺជាសក្ខីភាពនៃការប្ដេជ្ញាចិត្តឥតងាករេរបស់ប្រទេសទាំងពីរចំពោះការផ្លាស់ប្ដូរចំណេះដឹង និងការកសាងសមត្ថភាព។-សម្ដេចធិបតីបញ្ជាក់ថា កម្ពុជាមានកំណើនសេដ្ឋកិច្ចដ៏គួរឱ្យស្ងប់ស្ងែង ដែលអត្រាកំណើនប្រចាំឆ្នាំជាមធ្យមជាង ៧% ក្នុងមួយឆ្នាំ ក្នុងរយៈពេលជាងពីរទសវត្សរ៍មុនការរាតត្បាតជំងឺកូវីដ-១៩។ ទោះបីជាមានការថមថយបន្ដិចនៅឆ្នាំ ២០២០ សេដ្ឋកិច្ចកម្ពុជា បានស្ទុះងើបឡើងវិញយ៉ាងឆាប់រហ័ស និងបង្ហាញភាពធន់គួរឱ្យគត់សម្គាល់ក្នុងឆ្នាំ២០២៣ និងឈានទៅសម្រេចបានតាមកំណើនអត្រា ៥% ក្នុងឆ្នាំ២០២៣ ជាមួយនឹងការព្យាការណ៍កំណើន៦ ៦% ក្នុងឆ្នាំ២០២៤។ -តាមរយៈកំណើនដ៏ឋិតថេរ និងភាពធន់ គួបផ្សំនឹងការកើនឡើងនៃការវិនិយោគពីបរទេសបានជំរុញឱ្យកម្ពុជាក្លាយជាប្រទេសឈានមុខមួយមានការរីកចម្រើននៅអាស៊ីអាគ្នេយ៍។ -រាជរដ្ឋាភិបាលកម្ពុជាបានប្ដេជ្ញាចិត្តក្នុងការកសាងបរិយាកាសអំណោយផលដល់ភាពជោគជ័យនៃនិយោគិន និងសហគ្រាសដែលត្រូវបានបង្កើតឡើងថ្មីលើគ្រប់វិស័យនៅកម្ពុជា។ ចំពោះការជំរុញបរិយាកាសវិនិយោគរាជរដ្ឋាភិបាលបាននឹងកំពុងនុវត្តការកែទម្រង់ស៊ីជម្រៅសម្រួលបទបញ្ញត្តិ និងនីតិវិធីក្នុងការបង្កើតអាជីវកម្ម និងផ្ដល់ការលើកទឹកចិត្តពន្ធដារដល់វិនិយោគិនថ្មីនៅកម្ពុជា។ -សម្ដេចធិបតីបញ្ជាក់ថា ច្បាប់ថ្មីស្ដីពីការវិនិយោគនៅកម្ពុជា បានផ្ដល់ការលើកទឹកចិត្ត និងអនុគ្រោះផ្នែកពន្ធដាររហូតដល់ ១៥ ឆ្នាំ សម្រាប់វិស័យអាទិភាពជាច្រើន រួមជាមួយនឹងការធានា និងការការពារលើការវិនិយោគនានានៅកម្ពុជាដោយមិនមានការរើងអើងរវាងវិនិយោគិនក្នុងស្រុក និងបរទេស។ -សម្ដេចធិបតីថ្លែងទៅកាន់ វេទិកាធុរកិច្ចកម្ពុជា-សិង្ហបុរី ថា ព្រែកជីកហ្វូណនតេជោ ដែលគ្រោងបើកការដ្ឋានសាងសង់នៅថ្ងៃទី៥ ខែសីហា ឆ្នាំ ២០២៤ ខាងមុខនេះ នឹងពង្រឹងការតភ្ជាប់នៅក្នុងតំបន់ និងធានាប្រសិទ្ធភាពក្នុងការតភ្ជាប់ទៅក្នុងច្រករបៀងសេដ្ឋកិច្ចសំខាន់ៗនៅកម្ពុជា និងទូទាំងតំបន់។-ការវិនិយោគជាយុទ្ធសាស្រ្ដទាំងនេះ បានផ្ដល់ផលប្រយោជន៍ដោយផ្ទាល់ដល់ធុរកិច្ច លើការកាត់បន្ថយការចំណាយលើវិស័យឡូជីស្ទិក បង្កើនប្រសិទ្ធភាពប្រតិបត្តិការ ព្រមទាំងអនុញ្ញាតឱ្យធុរជនទាញយកអត្ថប្រយោជន៍បានយ៉ាងពេញលេញពីសក្ដានុពលយ៉ាងធំធេងនៃគម្រោងព្រែកជីកហ្វូណនតេជោនេះនៅក្នុងទីផ្សារតំបន់។

សម្ដេចធិបតី ហ៊ុន ម៉ាណែត ទស្សនាវិទ្យាស្ថានពហុបច្ចេក​ទេសណានយ៉ាង និង​មជ្ឈមណ្ឌល​នវានុវត្តន៍ សម្រាប់ឧបករណ៍អេឡិចត្រូនិក និងអ៊ីនធឺណែត

2024/06/19 11:34:47 am        123
Facebook Telegram Linkin
នាព្រឹកថ្ងៃទី១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូអញ្ជើញទស្សនកិច្ចនៅវិទ្យាស្ថានពហុបច្ចេកទេសណានយ៉ាង (Nanyang Polytechnic) ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ វិទ្យាស្ថានពហុបច្ចេកទេសណានយ៉ាង អនុវត្តតាមគោលការណ៍សំខាន់ចំនួន ៣៖ (ទី១) ការបណ្តុះបណ្តាលជំនាញដល់សិក្ខាកាម ដើម្បីឆ្លើយតបទៅនឹងតម្រូវការជាក់ស្តែងរបស់ឧស្សាហកម្ម និងសហគ្រាស-Industry Focus, (ទី២) ការសិក្សា ជាមួយនឹងការអនុវត្តជាក់ស្តែង ដែលការបណ្តុះបណ្តាលលើសមត្ថភាព និងជំនាញ ឈរលើមូលដ្ឋាននៃការរៀនបណ្តើរ និងការអនុវត្តជាក់ស្តែងបណ្តើរ និង (ទី៣) ការពង្រឹងយន្តការនៃការរៀនសូត្រពេញមួយជីវិត(Life-long learning) ដើម្បីឆ្លើយតបទៅនឹងទីផ្សារការងារប្រកបដោយភាពបត់បែន និងតាមតម្រូវការជាក់ស្តែង ព្រមទាំងពង្រឹងសមត្ថភាពបន្ថែមតាមរយៈការរៀបចំជំនាញឡើងវិញ (Reskilling) និងការបង្កើនជំនាញ (Upskilling)។ចំណុចពិសេសនៃភាពជោគជ័យរបស់វិទ្យាស្ថានពហុបច្ចេកទេសណានយ៉ាង គឺការផ្តោតលើកិច្ចសហប្រតិបត្តិការ និងភាពជាដៃគូ ដ៏ជិតស្និទ្ធរវាងឧស្សាហកម្មក្នុងវិស័យនានានៃសេដ្ឋកិច្ចជាតិ និងវិទ្យាស្ថានបណ្តុះបណ្តាលបច្ចេកទេស តាមរយ:កិច្ចសហការក្នុងស្មារតីយោគយល់ នីងទទួលខុសត្រូវខ្ពស់ ទាំងក្នុងការរៀបចំកម្មវិធីសិក្សា ការសិក្សាអនុវត្តជាក់ស្តែង និង ទាំងការចំណាយថវិការួមគ្នាលើកម្មវិធីសិក្សា ជាដើម ៕

ក្រសួងវប្បធម៌ និងវិចិត្រសិល្បៈ ផ្តល់ឱកាសសម្រាប់យុវជន សិក្សាវគ្គបណ្តុះបណ្តាលភាពយន្តខ្លីកម្ពុជា២០២៤

2024/06/19 10:27:02 am        746
Facebook Telegram Linkin
នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ បានសហការជាមួយCambodia Film Commission និងCINÉ HUB រៀបចំវគ្គបណ្តុះបណ្តាលភាពយន្តខ្លីកម្ពុជា ២០២៤ ក្នុងគោលបំណងរួមចំណែកបណ្តុះបណ្តាលនិងពង្រឹងសមត្ថភាពយុវជន ដែលបានចំណាប់អារម្មណ៍ស្រលាញ់ ចូលរួមចំណែកក្នុងវិស័យភាពយន្តកម្ពុជា។ លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានថ្លែងប្រាប់BTV ព័ត៌មាន នាព្រឹកថ្ងៃទី១៩ ខែមិថុនា ឆ្នាំ២០២៤នេះថា តាមរយៈការបណ្តុះបណ្តាលជំនាញនេះ យើងមានធនធានយុវជនថ្មីៗ ដែលបានបោះជំហានចូលក្នុងវិស័យភាពយន្តកម្ពុជា។ ថ្វីត្បិតថាការបណ្តុះបណ្តាលមានរយៈពេលខ្លី ក៏ប៉ុន្តែវាជាការរួមចំណែកមួយយ៉ាងសំខាន់ ក្នុងការជម្រុញបណ្តុះគំនិត គិតស្រលាញ់របស់យុវជន ពិសេសផ្តល់ឱកាសជាលក្ខណៈបច្ចេកទេសភាព ហើយបោះជំហានចូលក្នុងការផលិតភាពយន្តទាំងខ្នាតខ្លី និងខ្នាតវែង នាពេលខាងមុខ។

សម្ដេចធិបតីនាយករដ្ឋមន្រ្ដី អញ្ជើញជាអធិបតីពិធីចុះអនុស្សរណៈយោគយល់គ្នា​លើឯកសារសំខាន់ៗចំនួន៣ រវាងកម្ពុជា និងសិង្ហបុរី

2024/06/19 10:23:12 am        96
Facebook Telegram Linkin
បន្ទាប់ពីចូលរួមជាអធិបតីក្នុងវេទិកាធុរកិច្ចកម្ពុជា-សិង្ហបុរី ព្រឹកថ្ងៃ ទី១៩ មិថុនា ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក៏បាន​ផ្តល់កិត្តិយស ជាអធិបតី ក្នុងពិធីចុះអនុស្សរណៈយោគយល់គ្នាលើឯកសារចំនួន ៣ រួមមាន៖១. អនុស្សរណៈនៃការយោគយល់គ្នា រវាងសភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី២. ការចុះហត្ថលេខាសាក្សីភាពស្តីពី “ការចាប់ផ្តើមគម្រោងច្រករបៀងតម្លាភាពហិរញ្ញវត្ថុរវាងគ្រឹះស្ថានធនាគារនិងហិរញ្ញវត្ថុកម្ពុជា និងគ្រឹះស្ថានហិរញ្ញវត្ថុសិង្ហបុរី”។៣. អនុស្សរណៈនៃការយោគយល់គ្នា រវាងវិទ្យាស្ថានបណ្តុះបណ្តាលខ្សែច្រវាក់ផ្គត់ផ្គង់ និងភស្តុភារកម្មសិង្ហបុរី និងក្រុមហ៊ុន PPLC Superport & Industrial Co., Ltd. របស់កម្ពុជា៕

អាមេរិក យល់ព្រមលក់សព្វាវុធតម្លៃ ៣៦០ លានដុល្លារឱ្យកោះតៃវ៉ាន់ រួមមានមីស៊ីល និងយានដ្រូន

2024/06/19 10:19:51 am        152
Facebook Telegram Linkin
ទីភ្នាក់ងារសហប្រតិបត្តិការសន្តិសុខការពារជាតិ របស់មន្ទីរបញ្ចកោណបាននិយាយថា ក្រសួងការបរទេសសហរដ្ឋអាមេរិក បានអនុម័តការលក់យានដ្រូន និងមីស៊ីលទៅឱ្យកោះតៃវ៉ាន់ ក្នុងតម្លៃប្រមាណជា ៣៦០ លានដុល្លារ។ ចិន បាននិងកំពុងបង្កើនសម្ពាធយោធាប្រឆាំងនឹងកោះតៃវ៉ាន់ រួមទាំងហ្គេមសង្រ្គាមជុំវិញកោះនេះកាលពីខែមុន បន្ទាប់ពីការឡើងកាន់តំណែងរបស់មេដឹកនាំថ្មីលោក ឡៃ ឆឹងទ័រ (Lai Ching-te)។ ទីភ្នាក់ងាររបស់មន្ទីរបញ្ចកោណ បាននិយាយនៅក្នុងសេចក្តីថ្លែងការណ៍កាលពីថ្ងៃអង្គារថា ការលក់នេះ នឹងជួយធ្វើឱ្យប្រសើរឡើងនូវសុវត្ថិភាពរបស់អ្នកទទួល និងជួយក្នុងការរក្សាស្ថិរភាពនយោបាយ តុល្យភាពយោធា និងវឌ្ឍនភាពសេដ្ឋកិច្ចក្នុងតំបន់»។ទីភ្នាក់ងារនេះបន្ថែមថា ការលក់នេះរួមមាន សព្វាវុធប្រឆាំងកងទ័ព ស្វីចប្លេដ ៣០០ (Switchblade 300) យានដ្រូនបំផ្ទុះប្រឆាំងគ្រឿងសឹក (Loitering munitions) និងគ្រឿងយុទ្ធោបករណ៍ពាក់ព័ន្ធផ្សេងទៀតក្នុងតម្លៃប៉ាន់ស្មានចំនួន ៦០,២ លានដុល្លារ ហើយនិងយានដ្រូន អាល់ទូស ៦០០អ៊ិម-វី (ALTIUS 600M-V) រួមទាំងយុទ្ធោបករណ៍ពាក់ព័ន្ធផ្សេងទៀតសម្រាប់ការចំណាយប៉ាន់ស្មានចំនួន ៣០០ លានដុល្លារ។ សូមបញ្ជាក់ថា យានដ្រូនអត្តឃាត ឬយានដ្រូនបំផ្ទុះ គឺជាមីស៊ីលប្រព័ន្ធទូរបញ្ជាខ្នាតតូច ដែលអាចហោះហើរជុំវិញតំបន់គោលដៅមួយ រហូតទាល់តែត្រូវបានបញ្ជាឱ្យវាយប្រហារ។អាជ្ញាធរការពារជាតិតៃវ៉ាន់ បានសម្តែងការអរគុណរបស់ខ្លួន ជាពិសេសចំពោះកិច្ចខិតខំប្រឹងប្រែងរបស់សហរដ្ឋអាមេរិក ក្នុងការបង្កើនការលក់អាវុធដល់ខ្លួន។ ចិនបាននិយាយថា ការលក់សព្វាវុធរបស់សហរដ្ឋអាមេរិកទៅឱ្យតំបន់តៃវ៉ាន់ របស់ចិន បានរំលោភយ៉ាងធ្ងន់ធ្ងរលើគោលការណ៍ចិនតែមួយ ហើយបានជំរុញឱ្យសហរដ្ឋអាមេរិក ឈប់បន្តគាំទ្រកោះតៃវ៉ាន់៕

ចិន និងកូរ៉េខាងត្បូង បើកកិច្ចពិភាក្សាសន្តិសុខការទូត ស្របពេលទស្សនកិច្ចលោក ពូទីន នៅកូរ៉េខាងជើង

2024/06/19 10:14:49 am        145
Facebook Telegram Linkin
ក្រុមមន្ត្រីជាន់ខ្ពស់មកពីប្រទេសចិន និងកូរ៉េខាងត្បូង បានបើកកិច្ចសន្ទនាការទូត និងសន្តិសុខនៅទីក្រុងសេអ៊ូល ខណៈដែលប្រធានាធិបតីរុស្ស៊ី វ្ល៉ាឌីមៀ ពូទីន (Vladimir Putin) កំពុងធ្វើទស្សនកិច្ចនៅកូរ៉េខាងជើង។ អនុរដ្ឋមន្ត្រីការបរទេស និងមន្ត្រីការពារជាតិជាន់ខ្ពស់នៃប្រទេសទាំងពីរបានចូលរួមកិច្ចពិភាក្សាកាលពីថ្ងៃអង្គារ បន្ទាប់ពីប្រធានាធិបតីកូរ៉េខាងត្បូង លោក យ៉ុន សុកយ៉ុល (Yoon Suk-yeol) និងនាយករដ្ឋមន្ត្រីចិនលោក លី ឈាំង (Li Qiang) បានព្រមព្រៀងគ្នាក្នុងខែឧសភា ដើម្បីរៀបចំកិច្ចសន្ទនានេះ។នេះជាលើកទីមួយហើយដែលមន្ត្រីថ្នាក់អនុក្រសួងបានចូលរួមកិច្ចប្រជុំក្រោមក្របខណ្ឌបែបនោះ។ ប្រព័ន្ធផ្សព្វផ្សាយកូរ៉េខាងត្បូងនិយាយថា ការចរចាមានរយៈពេលប្រហែលបួនម៉ោង។ រដ្ឋាភិបាលកូរ៉េខាងត្បូង និយាយថា ប្រទេសនេះបានសម្តែងការព្រួយបារម្ភយ៉ាងខ្លាំងអំពីដំណើរទស្សនកិច្ចកូរ៉េខាងជើងរបស់លោក ពូទីន ហើយបានសង្កត់ធ្ងន់ថាដំណើរនោះមិនគួរនាំទៅរកការពង្រឹងកិច្ចសហប្រតិបត្តិការយោធាខុសច្បាប់នោះទេ។ទីក្រុងសេអ៊ូលបានបន្ថែមថា ទង្វើបែបនេះធ្វើឱ្យប៉ះពាល់ដល់ផលប្រយោជន៍របស់ចិន ហើយបានអំពាវនាវឱ្យទីក្រុងប៉េកាំង ដើរតួនាទីស្ថាបនាសម្រាប់សន្តិភាព និងស្ថិរភាពនៅលើឧបទ្វីបកូរ៉េ និងការរំសាយអាវុធនុយក្លេអ៊ែរ។ តាមសេចក្តីរាយការណ៍បានឱ្យដឹងថា ភាគីចិន បានឆ្លើយតបថា គោលនយោបាយរបស់ទីក្រុងប៉េកាំង ស្តីពីឧបទ្វីបកូរ៉េនៅតែមិនផ្លាស់ប្តូរទេ ហើយសង្កត់ធ្ងន់ថា ខ្លួននឹងបំពេញតួនាទីស្ថាបនាក្នុងការដោះស្រាយបញ្ហានៅឧបទ្វីបកូរ៉េ។ក្រុមអ្នកសង្កេតការណ៍បាននិយាយថា ទីក្រុងសេអ៊ូល ប្រហែលជាបានព្យាយាមជំរុញឱ្យមានភាពតានតឹងរវាងប្រទេសចិន ជាមួយរុស្ស៊ី និងកូរ៉េខាងជើង តាមរយៈកិច្ចប្រជុំនេះ ដែលបានកើតឡើងនៅស្របពេលដំណាលគ្នានឹងដំណើរទស្សនកិច្ចរបស់លោក ពូទីន ទៅកាន់កូរ៉េខាងជើង៕

លោក Blinken៖ អាមេរិក ព្យាយាមបំពេញចន្លោះប្រហោងលើកិច្ចចរចាបទឈប់បាញ់នៅហ្កាហ្សា ដោយបន្ទោសក្រុមហាមាស

2024/06/19 10:03:52 am        147
Facebook Telegram Linkin
រដ្ឋមន្ត្រីការបរទេសសហរដ្ឋអាមេរិក លោក Antony Blinken កាលពីថ្ងៃអង្គារ បាននិយាយថា សហរដ្ឋអាមេរិក នៅតែព្យាយាមបំពេញភាពចន្លោះប្រហោង លើកិច្ចចរចាបទឈប់បាញ់នៅតំបន់ហ្កាហ្សា ខណៈក្រុមហាម៉ាសនៅតែបន្តបន្ថែមលក្ខខណ្ឌថ្មីៗចំពោះការអនុម័តកិច្ចព្រមព្រៀងដែលបានស្នើឡើង។ លោក Blinken បាននិយាយបន្ទាប់ពីជំនួបជាមួយអគ្គលេខាធិការសម្ព័ន្ធយោធាណាតូ លោក Jens Stoltenberg ថា ក្រុមហាម៉ាស បានត្រឡប់មកវិញជាមួយលក្ខខណ្ឌថ្មីៗ ដែលការទាមទារថ្មីរួមទាំងលក្ខខណ្ឌ ដែលពិតជាហួសពីអ្វីដែលខ្លួនបានទទួលយកពីមុនមក។ លោក Blinken និយាយថា ការដឹកជញ្ជូនគ្រាប់បែកខ្នាត ២.០០០ib ត្រូវបានដកយកពីអ៊ីស្រាអែល គឺដោយសារការព្រួយបារម្ភចំពោះសុខុមាលភាពរបស់ប្រជាជនប៉ាឡេស្ទីន នៅក្នុងតំបន់ ហ្កាហ្សា ដែលនៅតែស្ថិតក្រោមការត្រួតពិនិត្យឡើងវិញដោយសហរដ្ឋអាមេរិក។នាយករដ្ឋមន្ត្រី លោក Benjamin Netanyahu បាននិយាយកាលពីថ្ងៃអង្គារថា លោក Blinken បានធានាដល់លោកថា រដ្ឋបាល លោក Biden កំពុងធ្វើការដើម្បីលុបចោលការរឹតត្បិតលើការផ្តល់សព្វាវុធដល់អ៊ីស្រាអែល។

លោក Netanyahu អះអាងថា លោក Blinken បានសន្យាផ្ដល់អាវុធដោយសម្ងាត់ដល់អ៊ីស្រាអែល

2024/06/19 10:00:13 am        110
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បានអះអាងថា បានដាក់សម្ពាធលើសហរដ្ឋអាមេរិក ជុំវិញការផ្គត់ផ្គង់អាវុធ ដែលប្រទេសរបស់លោកត្រូវការក្នុងសង្គ្រាម ទប់ទល់នឹងក្រុមសកម្មប្រយុទ្ធហាម៉ាសប៉ាឡេស្ទីន ។សហរដ្ឋអាមេរិក បានផ្អាកផ្ដល់សព្វាវុធទៅឱ្យអ៊ីស្រាអែលកាលពីដើមខែឧសភា ស្របពេលមានការអំពាវនាវឱ្យខ្លួនកាត់បន្ថយការវាយលុករបស់ប្រទេសនេះលើទីក្រុង រ៉ាហ្វា (Rafah) ដែលមានប្រជាជនច្រើន នៅភាគខាងត្បូងហ្កាហ្សា។ ការដឹកជញ្ជូនដែលត្រូវបានរាយការណ៍ រួមមានគ្រាប់បែកចំនួន ៣.៥០០ គ្រាប់សម្រាប់យន្តហោះចម្បាំង។ យោងតាមអាជ្ញាធរគ្រប់គ្រងដោយក្រុមហាម៉ាស ក្នុងតំបន់ បានឲ្យដឹងថា ការវាយលុករបស់រដ្ឋជ្វីហ្វមួយនេះលើទីក្រុង Rafah បានធ្វើឱ្យប្រជាជនប៉ាឡេស្ទីនរាប់ម៉ឺននាក់ស្លាប់ និងរងរបួស។ នៅក្នុងវីដេអូដែលបានបង្ហោះនៅលើ បណ្ដាញសង្គម X កាលពីថ្ងៃអង្គារ លោក Netanyahu បាននិយាយជាភាសាអង់គ្លេសថា រដ្ឋមន្ត្រីការបរទេសអាមេរិក លោក Antony Blinken បានធានាដល់រូបលោកថា សេតវិមាន កំពុងធ្វើការទាំងយប់ទាំងថ្ងៃ ដើម្បីលុបបំបាត់ការកកស្ទះទាំងនេះ ដោយសំដៅលើការផ្គត់ផ្គង់អាវុធ។សេចក្តីថ្លែងការណ៍នេះបានបញ្ជាក់ពីរបាយការណ៍ប្រព័ន្ធផ្សព្វផ្សាយចុងក្រោយ ដែលថាក្នុងអំឡុងពេលកិច្ចប្រជុំជាមួយ Blinken កាលពីសប្តាហ៍មុន នៅទីក្រុងហ្សេរុយសាឡឹម លោក Netanyahu បានទាមទារឱ្យដកចេញរបាំងហាមប្រាមលំហូរនៃការផ្ដល់ជំនួយគ្រាប់រំសេវ៕

អ៊ុយក្រែន ចាប់ផ្តើមការងារលើកិច្ចប្រជុំកំពូលសន្តិភាពលើកទីពីរ ខណៈរុស្ស៊ី អាចនឹងត្រូវអញ្ជើញ

2024/06/19 09:56:10 am        214
Facebook Telegram Linkin
ប្រធានបុគ្គលិករបស់អ៊ុយក្រែន លោក អាន់ឌ្រី យើម៉ាក (Andriy Yermak) បាននិយាយកាលពីថ្ងៃអង្គារថា ក្រុមមន្ត្រីអ៊ុយក្រែនបានចាប់ផ្តើមការងារដើម្បីត្រៀមរៀបចំកិច្ចប្រជុំកំពូលសន្តិភាពលើកទីពីរ បន្ទាប់ពីសន្និសីទលើកដំបូងដែលដឹកនាំដោយអ៊ុយក្រែន ត្រូវបានធ្វើឡើងកាលពីចុងសប្តាហ៍មុននៅប្រទេសស្វីស។លោក យើម៉ាក បានប្រាប់សន្និសីទសារព័ត៌មានតាមអនឡាញកាលពីល្ងាចថ្ងៃអង្គារថា កិច្ចប្រជុំកំពូលនឹងអាចធ្វើទៅបានលុះត្រាតែផែនការរួមមួយត្រូវបានសម្រេចដោយរដ្ឋសមាជិក ដោយជាដំណើរការដែលលោករំពឹងថានឹងត្រូវចំណាយពេលច្រើនខែ។កិច្ចប្រជុំកំពូល ដែលរៀបចំដោយប្រទេសស្វីស កាលពីចុងសប្តាហ៍ មានប្រទេសជាង ៩០ ចូលរួម ប៉ុន្តែអ៊ុយក្រែន និងសម្ព័ន្ធមិត្តរបស់ខ្លួនបានបរាជ័យក្នុងការបញ្ចុះបញ្ចូលបណ្ដារដ្ឋមិនចូលបក្សសម្ព័ន្ធធំៗ ឱ្យចូលរួមក្នុងសេចក្តីថ្លែងការណ៍ចុងក្រោយរបស់ពួកគេ ហើយពុំមានប្រទេសណាមួយចេញមុខធ្វើជាម្ចាស់ផ្ទះកិច្ចប្រជុំវគ្គបន្តនោះទេ។ទីក្រុងមូស្គូ មិនត្រូវបានអញ្ជើញឱ្យចូលរួមក្នុងព្រឹត្តិការណ៍នោះឡើយ។ លោក យើម៉ាក បាននិយាយថា តំណាងរុស្ស៊ី អាចត្រូវបានអញ្ជើញឱ្យចូលរួមក្នុងកិច្ចប្រជុំកំពូលលើកទីពីរ ដើម្បីបង្ហាញផែនការសន្តិភាពដែលសម្រេចបានដោយព្រឹត្តិការណ៍នេះ។ រុស្ស៊ី បានបើកប្រតិបត្តិការយោធាពេញលេញលើអ៊ុយក្រែន ក្នុងឆ្នាំ២០២២ ដោយបញ្ឆេះឱ្យមានជម្លោះដ៏បង្ហូរឈាមបំផុតនៅអឺរ៉ុប ចាប់តាំងពីសង្គ្រាមលោកលើកទី២។ រុស្ស៊ី បានទាមទារឱ្យអ៊ុយក្រែន បោះបង់ចោលទឹកដី និងមហិច្ឆតារបស់ខ្លួនក្នុងការចូលរួមជាមួយអង្គការណាតូ ជាថ្នូរនឹងការចរចាសន្តិភាព ដោយនោះជាលក្ខខណ្ឌដែលទីក្រុងគីវ បដិសេធ៕

NATO ព្រួយបារម្ភថា រុស្ស៊ីអាចគាំទ្រកម្មវិធីមីស៊ីល និងនុយក្លេអ៊ែររបស់កូរ៉េខាងជើង

2024/06/19 08:50:38 am        171
Facebook Telegram Linkin
ប្រធានសម្ព័ន្ធយោធា ណាតូ (NATO) បាននិយាយកាលពីថ្ងៃអង្គារ (១៨ មិថុនា) ថា អង្គការណាតូ ព្រួយបារម្ភអំពីការគាំទ្រដែលរុស្ស៊ី អាចផ្តល់ឱ្យសម្រាប់កម្មវិធីមីស៊ីល និងនុយក្លេអ៊ែររបស់កូរ៉េខាងជើង ខណៈប្រធានាធិបតីរុស្ស៊ីលោក វ្ល៉ាឌីមៀ ពូទីន (Vladimir Putin) បានចាប់ផ្តើមដំណើរទស្សនកិច្ចលើកដំបូងនៅប្រទេសផ្ដាច់ខ្លួនដែលប្រដាប់ដោយអាវុធនុយក្លេអ៊ែរមួយនេះក្នុងរយៈពេល ២៤ ឆ្នាំ។លោក ពូទីន ក្នុងដំណើរទស្សនកិច្ចផ្លូវរដ្ឋសម្រាប់កិច្ចពិភាក្សាជាមួយមេដឹកនាំកូរ៉េខាងជើងលោក គីម ជុងអ៊ុន (Kim Jong Un) បានប្តេជ្ញាធ្វើឱ្យទំនាក់ទំនងពាណិជ្ជកម្ម និងសន្តិសុខកាន់តែស៊ីជម្រៅ និងគាំទ្រកូរ៉េខាងជើងប្រឆាំងនឹងសហរដ្ឋអាមេរិក ដែលជាសម្ព័ន្ធមិត្តជិតស្និទ្ធរបស់គូប្រជែងដ៏ជូរចត់របស់ខ្លួនគឺកូរ៉េខាងត្បូង។ អាមេរិក បានចោទកូរ៉េខាងជើង ថាបានផ្គត់ផ្គង់មីស៊ីលបាលិស្ទិករាប់សិបគ្រាប់ និងគ្រាប់រំសេវជាង ១១.០០០ កុងតឺន័រដល់រុស្ស៊ី សម្រាប់ប្រើប្រាស់ក្នុងប្រទេសអ៊ុយក្រែន។អគ្គលេខាធិការអង្គការណាតូ លោក ជេនស៍ ស្តុលថិនប៊ឺក (Jens Stoltenberg) បានប្រាប់សន្និសីទសារព័ត៌មានរួមមួយ បន្ទាប់ពីកិច្ចពិភាក្សាជាមួយរដ្ឋមន្ត្រីការបរទេសអាមេរិក លោក អង់តូនី ប្លីងខិន (Antony Blinken) ថា សង្រ្គាមរុស្ស៊ីនៅអ៊ុយក្រែន កំពុងត្រូវបានជំរុញដោយចិន កូរ៉េខាងជើង និងអ៊ីរ៉ង់ ដែលចង់ឃើញសម្ព័ន្ធភាពលោកខាងលិចបរាជ័យ។លោក ស្តុលថិនប៊ឺក បាននិយាយថា «យើងពិតជាមានការព្រួយបារម្ភយ៉ាងខ្លាំងអំពីលទ្ធភាពនៃការគាំទ្រដែលរុស្ស៊ី ផ្តល់ឱ្យកូរ៉េខាងជើង ជុំវិញកម្មវិធីមីស៊ីល និងនុយក្លេអ៊ែររបស់ពួកគេ»។ នៅឯសន្និសីទសារព័ត៌មានជាមួយប្រមុខអង្គការណាតូរូបនេះ លោក ប្លីងខិន បាននិយាយថា ដំណើរទស្សនកិច្ចទៅទីក្រុងព្យុងយ៉ាង របស់លោក ពូទីន គឺជាសញ្ញានៃ «ភាពអស់សង្ឃឹម» របស់ខ្លួនក្នុងការពង្រឹងទំនាក់ទំនងជាមួយប្រទេសដែលអាចគាំទ្រសង្គ្រាមរបស់លោកនៅអ៊ុយក្រែន៕

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ
07/03/2026 09:07 PM
Facebook Telegram Linkin
កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព ​
07/03/2026 09:07 PM
Facebook Telegram Linkin
ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា
07/03/2026 08:07 PM
Facebook Telegram Linkin
លោក Merz បញ្ជាក់​ថា អាល្លឺម៉ង់អាចការពារការជំរុញការចំណាយ​យោធា ជាការ​ឆ្លើយតបទៅនឹងលោក Trump
07/03/2026 08:07 PM
Facebook Telegram Linkin
បុគ្គលិកសន្តិសុខស៊ីរី ៣រូប​រងរបួស ដោយសារ​វាយប្រហារនៅជិតក្រុងដាម៉ាស ខណៈ​អ្នក​ប្រព្រឹត្តិ​​ស្លាប់​
07/03/2026 08:07 PM
Facebook Telegram Linkin
ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង
07/03/2026 08:07 PM
Facebook Telegram Linkin
EU «ថ្កោលទោសយ៉ាង​ខ្លាំង» ចំពោះការវាយប្រហារបណ្ដាល​ឲ្យមាន​អ្នកស្លាប់​ច្រើន នៅទីក្រុងដាម៉ាស
07/03/2026 08:07 PM
Facebook Telegram Linkin
កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា
07/03/2026 08:07 PM
Facebook Telegram Linkin
មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei
07/03/2026 08:07 PM
Facebook Telegram Linkin
អង្គការសហប្រជាជាតិ ព្រមានអំពីការ​មាន​បាតុភូតអែលនីញ៉ូដ៏ខ្លាំងក្លា
07/03/2026 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.