BTV NEWS

ប្រព័ន្ធធារាសាស្ត្រ២ ទីតាំងនៅខេត្តពោធិ៍សាត់ ផ្គត់ផ្គង់ទឹកជូនបងប្អូនអតីតយុទ្ធជនរាប់រយគ្រួសារសម្រាប់ប្រើប្រាស់ និងបង្កបង្កើនផល

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

នយោបាយ និង ការអភិវឌ្ឍន៍

UN កំពុងធ្វើការដើម្បីធានាបានការដោះលែងបុគ្គលិក១១នាក់ដែលត្រូវបានឃុំខ្លួនដោយក្រុមហ៊ួទី

អ្នកនាំពាក្យអង្គការសហប្រជាជាតិ លោក Stephane Dujarric កាលពីថ្ងៃចន្ទ ទី១០ ខែមិថុនា បាននិយាយថា ទីភ្នាក់ងាររបស់លោក កំពុងធ្វើការដើម្បីធានាបានការដោះលែងបុគ្គលិកចំនួន ១១ នាក់របស់ខ្លួន ដែលត្រូវបានឃុំខ្លួនដោយកងកម្លាំងសន្តិសុខហ៊ួទី នៅក្នុងប្រទេសយេម៉ែន។លោក Dujarric បាននិយាយថា អង្គការសហប្រជាជាតិ មានការព្រួយបារម្ភយ៉ាងខ្លាំងចំពោះការវិវត្តន៍ និង កំពុងស្វែងរកការបំភ្លឺពីក្រុមហ៊ួទី អំពីមូលហេតុដែលបុគ្គលិកនៅប្រទេសយេម៉ែន ត្រូវបានឃុំខ្លួន។ ស្ត្រីពីរនាក់និងបុរសប្រាំបួននាក់ បម្រើការឱ្យទីភ្នាក់ងារអង្គការសហប្រជាជាតិចំនួនប្រាំផ្សេងៗគ្នា។នៅក្នុងការវាយឆ្មក់ជាបន្តបន្ទាប់ មន្ត្រីចារកម្មប្រដាប់អាវុធក្រុមហ៊ួទី បានឃុំខ្លួនបុគ្គលិកអង្គការសហប្រជាជាតិ យ៉ាងហោចណាស់ប្រាំបួននាក់ មានបុគ្គលិកបីនាក់មកពីក្រុមគាំទ្រលទ្ធិប្រជាធិបតេយ្យដែលផ្តល់មូលនិធិដោយសហរដ្ឋអាមេរិក (NDI) បុគ្គលិកបីនាក់ទៀតមកពីក្រុមសិទ្ធិមនុស្សក្នុងស្រុកមួយ និងមន្ត្រីរបស់រដ្ឋាភិបាលបីនាក់ទៀតនៅប្រទេសយេម៉ែន ដែលត្រូវបានទទួលស្គាល់ជាអន្តរជាតិ។ មន្ត្រីស៊ើបការណ៍សម្ងាត់របស់ក្រុមហ៊ួទី ដែលគ្រប់គ្រងនៅរដ្ឋធានីសាណា(Sanaa) និងផ្នែកធំៗនៅភាគខាងជើងប្រទេស បានឆ្មក់ចូលលំនៅឋាន និងការិយាល័យរបស់បុគ្គលិកទាំងនេះ ដោយរឹបអូសយកទូរស័ព្ទ និងកុំព្យូទ័រ។ រដ្ឋាភិបាល ដែលត្រូវបានទទួលស្គាល់ជាអន្តរជាតិ បានគ្រប់គ្រងភាគច្រើននៅភាគខាងត្បូងប្រទេសយេម៉ែន។ ក្រុម ហ៊ួទី ដែលមានសម្ព័ន្ធភាពជាមួយប្រទេសអ៊ីរ៉ង់ បានវាយប្រហារលើនាវាដឹកជញ្ជូននៅសមុទ្រក្រហម ដោយបានធ្វើឲ្យមានការវាយប្រហារតាមអាកាសពីសហរដ្ឋអាមេរិក និងចក្រភពអង់គ្លេស។ ពួកគេបានឃុំឃាំងបុគ្គលិកនៅប្រទេសយេម៉ែនប្រហែល២០នាក់ នៅស្ថានទូតសហរដ្ឋអាមេរិកនៅទីក្រុងសាណា រយៈពេលបីឆ្នាំកន្លងទៅនេះ ខណៈស្ថានទូត បានផ្អាកប្រតិបត្តិការ នៅឆ្នាំ២០១៤។

រុស្ស៊ី ថ្លែងអំណរគុណចិន ដែលមិនចូលរួមជំនួបកំពូលសន្តិភាពអ៊ុយក្រែន នៅស្វីស

រដ្ឋមន្ត្រីការបរទេសរុស្ស៊ី លោក សើហ្កេ ឡាវរ៉ូវ (Sergey Lavrov) បានសម្តែងការដឹងគុណចំពោះប្រទេសចិន ដែលមិនបានចូលរួមសន្និសីទសន្តិភាពអ៊ុយក្រែន នៅប្រទេសស្វីស ក្នុងជំនួបជាមួយសមភាគីចិន លោក វ៉ាង យី (Wang Yi)។ លោក ឡាវរ៉ូវ និងលោក វ៉ាង បានជួបគ្នានៅខាងក្រៅកិច្ចប្រជុំរយៈពេលពីរថ្ងៃនៃរដ្ឋមន្ត្រីការបរទេស ប្រ៊ីកស៍ (BRICS) ដែលបានចាប់ផ្តើមកាលពីថ្ងៃចន្ទ (១០ មិថុនា) នៅទីក្រុង នីស្នី នូវហ្កូរ៉ូដ (Nizhny Novgorod) របស់រុស្ស៊ី។សន្និសិទសន្តិភាពក្នុងសប្តាហ៍នេះ មានគោលបំណងក្រាលមូលដ្ឋានគ្រឹះសម្រាប់ផែនការសន្តិភាពដែលស្នើឡើងដោយអ៊ុយក្រែន។ ទីក្រុងមូស្គូ បានរិះគន់សន្និសីទនេះ ដោយសារកំពុងធ្វើឡើងដោយគ្មានការចូលរួមពីរុស្ស៊ី ហើយប្រទេសចិន កាលពីខែមុន បានប្រកាសពីចេតនារបស់ខ្លួនក្នុងការមិនចូលរួមក្នុងជំនួបនេះ។ក្រសួងការបរទេសរុស្ស៊ី បានដកស្រង់សម្តីលោក ឡាវរ៉ូវ ដែលបានប្រាប់លោក វ៉ាង ថា ទីក្រុងមូស្គូ សូមថ្លែងអំណរគុណចំពោះវិធីសាស្រ្តប្រកបដោយតុល្យភាព និងជាប់លាប់របស់ទីក្រុងប៉េកាំង ចំពោះវិបត្តិនៅអ៊ុយក្រែន។ លោក ឡាវរ៉ូវ ក៏បានរិះគន់អ្នករៀបចំសន្និសីទសន្តិភាពនោះថា មិនបានពិចារណាលើការចូលរួមដោយស្មើភាពរបស់រុស្ស៊ី។ក្រសួងការបរទេសចិន បាននិយាយថា លោក វ៉ាង បានសង្កត់ធ្ងន់ថា ប្រទេសចិន គាំទ្រយ៉ាងពេញទំហឹងចំពោះតួនាទីរបស់រុស្ស៊ី ក្នុងនាមជាប្រធាន BRICS ដោយបន្ថែមថា ប្រទេសចិន នឹងធ្វើការជាមួយរុស្ស៊ី ដើម្បីលើកកម្ពស់ការរួបរួម និងស្វ័យកែលម្អនៃប្រជាជាតិសកលខាងត្បូង៕

លោក Blinken ជំរុញឱ្យមេដឹកនាំមជ្ឈិមបូព៌ា ដាក់សម្ពាធលើក្រុមហាម៉ាស សម្រាប់បទឈប់បាញ់ហ្កាហ្សា

រដ្ឋមន្ត្រីការបរទេសអាមេរិក លោក អង់តូនី ប្លីងខិន (Antony Blinken) កាលពីថ្ងៃចន្ទ (១០ មិថុនា) បានជំរុញឱ្យបណ្ដាមេដឹកនាំអារ៉ាប់ ដាក់សម្ពាធលើក្រុមហាម៉ាស ឱ្យទទួលយកសំណើបទឈប់បាញ់ ដែលបានលើកឡើងកាលពី ១០ ថ្ងៃមុនដោយប្រធានាធិបតីអាមេរិក លោក ចូ បៃដិន (Joe Biden) ដើម្បីបញ្ចប់សង្គ្រាមរយៈពេលប្រាំបីខែនៅតំបន់ហ្កាហ្សា។លោក ប្លីងខិន កំពុងបំពេញទស្សនកិច្ចលើកទីប្រាំបីរបស់ខ្លួនទៅកាន់តំបន់នេះ ចាប់តាំងពីក្រុមសកម្មប្រយុទ្ធហាម៉ាស បានវាយប្រហារអ៊ីស្រាអែល កាលពីថ្ងៃទី០៧ ខែតុលា ដែលបង្កឱ្យមានការបង្ហូរឈាមបំផុតនៅក្នុងជម្លោះអ៊ីស្រាអែល និងប៉ាឡេស្ទីន ដែលអូសបន្លាយរាប់ទសវត្សរ៍។ ដំណើរទស្សនកិច្ចនេះធ្វើឡើង ខណៈដែលទីក្រុងវ៉ាស៊ីនតោន ព្យាយាមបង្កើនសម្ពាធលើក្រុមហាម៉ាស ឱ្យយល់ព្រមលើកិច្ចព្រមព្រៀងឈប់បាញ់ជាមួយអ៊ីស្រាអែល និងធានាថាសង្រ្គាមមិនរីករាលដាលដល់ប្រទេសលីបង់។លោក ប្លីងខិន បាននិយាយថា ក្រុមហាម៉ាស គឺជាអ្នកខាងក្រៅតែមួយគត់ដែលមិនទទួលយកសំណើសម្រាប់កិច្ចព្រមព្រៀងបីដំណាក់កាល ពាក់ព័ន្ធនឹងការដោះលែងចំណាប់ថ្នូរ និងការពិភាក្សាឆ្ពោះទៅរកការបញ្ចប់ការប្រយុទ្ធ ដែលលោកបាននិយាយថា អ៊ីស្រាអែល បានយល់ព្រមរួចហើយ។ក្រុមហាម៉ាស បាននិយាយកាលពីខែឧសភា ថា ខ្លួនធ្លាប់បានយល់ព្រមលើកិច្ចព្រមព្រៀងមួយសម្រាប់បទឈប់បាញ់ និងការផ្លាស់ប្តូរចំណាប់ថ្នូរជាមួយអ្នកទោសប៉ាឡេស្ទីន ប៉ុន្តែក្រុមមន្ត្រីអ៊ីស្រាអែល បាននិយាយនៅពេលនោះថា កិច្ចព្រមព្រៀងនោះមិនអាចទទួលយកបានសម្រាប់អ៊ីស្រាអែលទេ ដោយសារតែលក្ខខណ្ឌត្រូវបាន «បន្ទាបខ្លាំងពេក»៕

ក្រុមហាម៉ាស ស្វាគមន៍សេចក្តីសម្រេចបទឈប់បាញ់ របស់ក្រុមប្រឹក្សាសន្តិសុខអង្គការសហប្រជាជាតិលើតំបន់ហ្កាហ្សា

ក្រុមប្រឹក្សាសន្តិសុខអង្គការសហប្រជាជាតិ បានអនុម័តកាលពីរសៀលថ្ងៃចន្ទទី ១០ មិថុនា នូវសេចក្ដីសម្រេចរបស់សហរដ្ឋអាមេរិក ដែលស្វាគមន៍សំណើបទឈប់បាញ់ប្រកាសដោយលោកប្រធានាធិបតី Joe Biden ដែលសហរដ្ឋអាមេរិកនិយាយថាអ៊ីស្រាអែលបានទទួលយកហើយ។ សេចក្ដីសម្រេចនេះអំពាវនាវឱ្យក្រុមហាម៉ាសទទួលយកផែនការបីដំណាក់កាល។ ក្នុងចំណោមសមាជិកទាំង ១៥ ប្រទេស រុស្ស៊ីបានអនុប្បវាទក្នុងការបោះឆ្នោត ខណៈសមាជិកក្រុមប្រឹក្សាចំនួន ១៤ រូបទៀត បានបោះឆ្នោតគាំទ្រ។ សហរដ្ឋអាមេរិកបានបញ្ចប់អត្ថបទរបស់ខ្លួនកាលពីថ្ងៃអាទិត្យ បន្ទាប់ពីការចរចារយៈពេល៦ថ្ងៃក្នុងចំណោមសមាជិកក្រុមប្រឹក្សា។ ក្រុមហាម៉ាស បានស្វាគមន៍ចំពោះសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិUNSC ដែលគាំទ្រសំណើសុំឲ្យមានបទឈប់បាញ់នៅដែនដីហ្កាហ្សា ដោយនិយាយថា ខ្លួនត្រៀមខ្លួនជាស្រេចក្នុងការសហការជាមួយក្រុមអ្នកសម្របសម្រួលលើការអនុវត្តគោលការណ៍នៃផែនការនេះ។ក្រុមនេះក៏បាននិយាយផងដែរថា ខ្លួនមានឆន្ទៈក្នុងការចូលរួមចរចាដោយប្រយោលជុំវិញការអនុវត្តគោលការណ៍នានា ដែលស្របតាមការទាមទាររបស់ប្រជាជន និងការតស៊ូរបស់យើង។ សេចក្ដីសម្រេចនេះ ជំរុញឱ្យអ៊ីស្រាអែល និងក្រុមហាម៉ាស អនុវត្តឱ្យបានពេញលេញនូវលក្ខខណ្ឌរបស់ខ្លួន ដោយមិនពន្យារពេល និងដោយគ្មានលក្ខខណ្ឌ។នេះគឺជាលើកដំបូងរបស់ក្រុមប្រឹក្សាសន្តិសុខស្តីពីផែនការបទឈប់បាញ់ ក្នុងបំណងបញ្ចប់សង្រ្គាមរយៈពេល៨ ខែ រវាងអ៊ីស្រាអែល និងក្រុមហាម៉ាសនៅក្នុងដែនដីហ្កាហ្សា ដែលបានឆក់យកជីវិតមនុស្សជាង៣ម៉ឺននាក់ រួចមកហើយមកទល់នឹងពេលនេះ៕

ឯកឧត្តម ប្រាក់ សុវណ្ណ ត្រូវបានប្រកាសចូលកាន់តំណែងជាប្រធានក្រុមប្រឹក្សាខេត្តព្រះវិហារ សម្រាប់អាណត្តិទី៤ ឆ្នាំ២០២៤

នៅព្រឹកថ្ងៃទី១០ ខែមិថុនា ឆ្នាំ២០២៤ នៅសាលប្រជុំប្រាសាទព្រះវិហារ មានការរៀបចំពិធី ប្រកាសចូលកាន់តំណែងក្រុមប្រឹក្សាខេត្តព្រះវិហារអាណត្តិទី៤ ក្រោមអធិបតីភាពឯកឧត្តម ម៉ៅ សុផាន់ ប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ។ពិធីនេះក៏មានការអញ្ជើញចូលរួមពីសំណាក់ឯកឧត្តម គីម រិទ្ធី អភិបាលខេត្តព្រះវិហារ ព្រមទាំងឯកឧត្តម លោកជំទាវ ជាសមាជិកក្រុមប្រឹក្សាខេត្ត អភិបាលរងខេត្ត មេបញ្ជាការកងកម្លាំង ទាំង៣ អភិបាលក្រុង-ស្រុកទាំង៨ ថ្នាក់ដឹកនាំមន្ទីរ-អង្គភាពជុំវិញខេត្ត និងអ្នកពាក់ព័ន្ធជាច្រើនរូបទៀត។នាឱកាសនោះឯកឧត្តម គីម រិទ្ធី អភិបាលខេត្ត បានអានរបាយការណ៍សង្ខេបពាក់ព័ន្ធភូមិសាស្ត្រ និងការអភិវឌ្ឍរីកចម្រើនរបស់ខេត្ត ក៏ដូចជាការចូលរួមចំណែករបស់ក្រុមប្រឹក្សាខេត្ត ជាមួយគណៈអភិបាលខេត្ត ដែលបានធ្វើឱ្យរដ្ឋបាលខេត្តសម្រេចបាននូវការដោះស្រាយបញ្ហានានា ជំរុញការអភិវឌ្ឍរីកចម្រើនជាបន្តបន្ទាប់រហូតមកដល់ពេលនេះ ជាពិសេសបានសម្តែងនូវការចូលរួមអបអរសាទរយ៉ាងក្រៃលែងចំពោះក្រុមប្រឹក្សាខេត្តទាំង១៩រូប សម្រាប់អាណត្តិថ្មីនេះផងដែរ។ឯកឧត្តម បន្តថា ក្នុងនាម ថ្នាក់ដឹកនាំក្រុមប្រឹក្សាខេត្ត គណៈអភិបាលខេត្ត មន្ត្រីរាជការ កងកម្លាំង ប្រដាប់អាវុធ សូមប្តេជ្ញាបន្ត ចូលរួមយ៉ាង សកម្មជាមួយរាជរដ្ឋាភិបាល ក្នុងការថែរក្សាសន្តិសុខសណ្តាប់ធ្នាប់ ព្រមទាំងបន្ត ជំរុញ ការអនុវត្តកម្មវិធីនយោបាយយុទ្ធសាស្ត្របញ្ចកោណ និងកម្មវិធីកំណែទម្រង់ស៊ីជម្រៅ សម្រាប់ការ អភិវឌ្ឍតាមបែប ប្រជាធិបតេយ្យនៅថ្នាក់ក្រោមជាតិតាមរយៈកំណែទំរង់វិមជ្ឈការ និងវិសហមជ្ឈការ និងចូលរួមពង្រឹងយន្តការផ្ទេរមុខងារកែទម្រង់រចនាសម្ព័ន្ធថ្មី និងប្រព័ន្ធអភិបាលកិច្ចទាំងថ្នាក់ខេត្ត រហូតដល់ក្រុង ស្រុក ឃុំ សង្កាត់។ឯកឧត្តម ម៉ៅ សុផាន់ បានថ្លែងថា ក្រុមប្រឹក្សាខេត្តព្រះវិហារ ត្រូវបានតំណាងប្រជាពលរដ្ឋ ដែលមានសមាជិកក្រុមប្រឹក្សាឃុំ សង្កាត់ បានផ្តល់សេចក្តីទុកចិត្តបោះឆ្នោតជ្រើសរើសជាសមាជិក ក្រុមប្រឹក្សាខេត្ត អាណត្តិទី៤ ដើម្បីបន្តដឹកនាំសំដៅចូលរួមថែរក្សាសុខសន្តិភាព ស្ថេរភាព និងបន្ត អភិវឌ្ឍន៍ឱ្យមានការរីកចម្រើនលើគ្រប់វិស័យបន្ថែមទៀត។ដូចនេះ ក្នុងការអនុវត្តការងារជាសមាជិក សមាជិកាក្រុមប្រឹក្សា ត្រូវខិតខំបម្រើផលប្រយោជន៍ និងសេចក្តីត្រូវការរបស់ប្រជាពលរដ្ឋដោយស្មើ ភាព តម្លាភាព គណនេយ្យភាព សមធម៌ និងបរិយាប័ន្ន ជាពិសេសមិនត្រូវប្រកាន់និន្នាការ នយោបាយណាមួយនោះឡើយ។ឯកឧត្តមបន្ថែមថា ការពង្រឹងសាមគ្គីភាព ឯកភាពផ្ទៃក្នុងឱ្យបានល្អនៅក្នុងក្រុមប្រឹក្សា គណៈ អភិបាល មន្រ្តីរាជការ និងកងកម្លាំងមានសមត្ថកិច្ចគ្រប់លំដាប់ថ្នាក់ ដោយឈរលើមូលដ្ឋានលើក កម្ពស់ប្រសិទ្ធភាពការងារ ការគោរពច្បាប់គោលការណ៍នានារបស់រដ្ឋ និងពង្រឹងរបៀបរបបធ្វើការ ដើម្បីលើកកម្ពស់ការទទួលខុសត្រូវ និងភាពជាម្ចាស់របស់មន្រ្តីនៅក្នុងការបំពេញតួនាទីភារកិច្ច របស់ខ្លួនសំដៅអភិវឌ្ឍន៍មូលដ្ឋាន និងឆ្លើយតបចំពោះតម្រូវការរបស់ប្រជាពលរដ្ឋ គឺធ្វើឱ្យយើងសម្រេច គោលដៅមូលដ្ឋានមានការអភិវឌ្ឍ និងជីវភាពរស់នៅរបស់ប្រជាពលរដ្ឋកាន់តែប្រសើរឡើង៕

លោក ហ្ស៊េឡិនស្គី៖ អ៊ុយក្រែន កំពុងធ្វើការលើកិច្ចព្រមព្រៀងគាំទ្រមួយផ្សេងទៀត ជាមួយអាល្លឺម៉ង់

ប្រធានាធិបតីអ៊ុយក្រែន លោក វ្ល៉ូឌីមី ហ្ស៊េឡិនស្គី បានថ្លែងថា ប្រទេសរបស់លោក កំពុងធ្វើការលើកិច្ចព្រមព្រៀងមួយផ្សេងទៀត ជាមួយប្រទេសអាល្លឺម៉ង់ ដើម្បីផ្តល់ការគាំទ្រដល់ប្រទេសរបស់លោក បន្ទាប់ពីមានការឈ្លានពានពីរុស្សីពេញទំហឹង ដែលបានធ្វើឡើងកាលពីជាងពីរឆ្នាំមុន។លោក ហ្ស៊េឡិនស្គី បាននិយាយនៅក្នុងសុន្ទរកថាវីដេអូប្រចាំថ្ងៃរបស់ខ្លួនដែលបានចេញផ្សាយកាលពីល្ងាចថ្ងៃអាទិត្យថា៖«យើងកំពុងរៀបចំកិច្ចព្រមព្រៀងថ្មីសម្រាប់អ៊ុយក្រែន ជាមួយដៃគូអឺរ៉ុប ជាពិសេសជាមួយប្រទេសអាល្លឺម៉ង់ លើវិធានការគាំទ្របន្ថែមទៀត»។លោកមិនបានផ្តល់ព័ត៌មានលម្អិតអំពីលក្ខណៈនៃកិច្ចព្រមព្រៀងដ៏សំខាន់នោះទេ។លោកប្រធានាធិបតីអ៊ុយក្រែនរូបនេះ បានបន្ថែមថា ទីក្រុងគីវ ក៏កំពុងរៀបចំយ៉ាងហ្មត់ចត់នូវកិច្ចព្រមព្រៀងសន្តិសុខទ្វេភាគីរវាងប្រទេសរបស់យើង និងសហរដ្ឋអាមេរិកផងដែរ។លោក ហ្ស៊េឡិនស្គី បានប្រកាសរួចហើយកាលពីចុងខែមេសាថា ទីក្រុងគីវ និងទីក្រុងវ៉ាស៊ីនតោន កំពុងធ្វើការលើកិច្ចព្រមព្រៀងសន្តិសុខទ្វេភាគី ដែលជាផ្នែកនៃកិច្ចខិតខំប្រឹងប្រែងបន្តរបស់ខ្លួន ដើម្បីធានាថាប្រទេសដែលហែកហួរដោយសង្គ្រាមរបស់ខ្លួន ទទួលបានការគាំទ្ររយៈពេលវែង។សហរដ្ឋអាមេរិក គឺជាសម្ព័ន្ធមិត្តដ៏សំខាន់បំផុតរបស់អ៊ុយក្រែន ខណៈដែលខ្លួនប្រឈមមុខនឹងការឈ្លានពានរបស់កងកម្លាំងរុស្ស៊ី នៅភាគខាងត្បូង និងភាគខាងកើតនៃប្រទេស ក៏ដូចជាការវាយប្រហារតាមអាកាស នាពេលរាត្រីផងដែរ។អ៊ុយក្រែន ក៏បានបង្កើតកិច្ចព្រមព្រៀងសន្តិសុខទ្វេភាគីជាមួយអង់គ្លេស អាល្លឺម៉ង់ និងបារាំងផងដែរ។កិច្ចព្រមព្រៀង បានបង្ហាញឲ្យឃើញពីការរំពឹងទុកនៃជំនួយផ្នែកហិរញ្ញវត្ថុ និងយោធាសម្រាប់ឆ្នាំខាងមុខ។

អាមេរិក អំពាវនាវឲ្យមានកិច្ចព្រមព្រៀងឈប់បាញ់ បន្ទាប់ពីបេសកកម្មជួយសង្គ្រោះចំណាប់ថ្នូរអ៊ីស្រាអែល

ទីប្រឹក្សាសន្តិសុខជាតិ លោក Jake Sullivan កាលពីថ្ងៃអាទិត្យ បាននិយាយថា កិច្ចព្រមព្រៀង «បទឈប់បាញ់ដ៏យូរអង្វែង» រវាងអ៊ីស្រាអែល និងក្រុមហាម៉ាស គឺជា «ផ្លូវដែលអាចទុកចិត្តបានតែមួយគត់ឆ្ពោះទៅមុខ» បន្ទាប់ពីបេសកកម្មជួយសង្គ្រោះចំណាប់ថ្នូររបស់អ៊ីស្រាអែល ដែលមន្ត្រីហ្កាហ្សា បាននិយាយថា បានសម្លាប់មនុស្សយ៉ាងហោចណាស់ ២៧៤នាក់។លោក Sullivan បានប្រាប់អ្នកសារព័ត៌មានCNN អ្នកស្រី Dana Bash ស្តីពី «សន្ទរកថាទៅកាន់ប្រជាជាតិ»ថា៖«មធ្យោបាយដ៏ល្អបំផុតក្នុងការយកចំណាប់ខ្មាំងទាំងអស់មកផ្ទះវិញ និងដើម្បីការពារជនស៊ីវិល ប៉ាឡេស្ទីន គឺត្រូវបញ្ចប់សង្រ្គាមនេះ ហើយវិធីដ៏ល្អបំផុត ដើម្បីបញ្ចប់សង្រ្គាមនេះ គឺសម្រាប់ក្រុមហាម៉ាសដើម្បីនិយាយថា «Yes»ចំពោះកិច្ចព្រមព្រៀង ដែលលោកប្រធានាធិបតី បៃដិន បានប្រកាស ហើយថា អ៊ីស្រាអែល បានទទួលយក ដែលដាក់ចេញនូវផែនទីបង្ហាញផ្លូវទៅកាន់បទឈប់បាញ់ដ៏យូរអង្វែង និងការវិលត្រឡប់មកវិញនូវចំណាប់ថ្នូរទាំងអស់»។ លោក Sullivan បានបន្ថែមថា៖«នោះហើយជាអ្វីដែលយើងកំពុងជំរុញ ហើយនោះជាអ្វីដែលយើងកំពុងស្នើឲ្យពិភពលោកអំពាវនាវដល់ក្រុមហាម៉ាស ឲ្យទទួលយក»។ ការអត្ថាធិប្បាយរបស់លោក បានកើតឡើង បន្ទាប់ពីយោធាអ៊ីស្រាអែលកាលពីថ្ងៃសៅរ៍ បានជួយសង្គ្រោះចំណាប់ខ្មាំង ៤នាក់នៅក្នុងប្រតិបត្តិការពិសេសមួយនៅក្នុងជំរុំជនភៀសខ្លួន Nuseirat ក្នុងតំបន់ហ្កាហ្សាភាគកណ្តាលកណ្តាល ដែលអាជ្ញាធរហ្កាហ្សា បាននិយាយថា បានសម្លាប់មនុស្ស ២៧៤នាក់ និងជិត ៧០០នាក់ផ្សេងទៀត រងរបួស។

ទួរគីហៅបេសកកម្មរំដោះចំណាប់ថ្នូរអ៊ីស្រាអែលថា ជាការវាយប្រហារដ៏ព្រៃផ្សៃ

ប្រទេសទួរគី បានថ្កោលទោសប្រតិបត្តិការរបស់អ៊ីស្រាអែល ក្នុងការដោះលែងចំណាប់ថ្នូររបស់ខ្លួននៅតំបន់ហ្កាហ្សាស្ទ្រីបថា ជា«ការវាយប្រហារដ៏ព្រៃផ្សៃ» ហើយបានចោទប្រកាន់អ៊ីស្រាអែលពីបទឧក្រិដ្ឋកម្ម សង្គ្រាម។ក្រសួងការបរទេសនៅទីក្រុងអង់ការ៉ា បាននិយាយកាលពីថ្ងៃអាទិត្យថា៖« ជាមួយនឹងការវាយប្រហារដ៏ព្រៃផ្សៃចុងក្រោយនេះ អ៊ីស្រាអែល បានបន្ថែមករណីថ្មីមួយ ទៅក្នុងបញ្ជីឧក្រិដ្ឋកម្មសង្គ្រាម ដែលខ្លួនបានប្រព្រឹត្ត នៅក្នុងតំបន់ហ្កាហ្សា» ដោយមិបានលើកឡើងអំពីការជួយសង្គ្រោះចំណាប់ខ្មាំងទាំងនោះទេ។កាលពីថ្ងៃសៅរ៍ យោធាអ៊ីស្រាអែល បានដោះលែងមនុស្ស ៤នាក់ ដែលត្រូវបានចាប់ពង្រត់ពីអ៊ីស្រាអែលអំឡុងការសម្លាប់រង្គាលថ្ងៃទី ៧ ខែតុលា។ ពួកគេ ត្រូវបានគេរកឃើញនៅតំបន់ហ្កាហ្សាស្ទ្រីបភាគកណ្តាល បន្ទាប់ពីត្រូវបានចាប់ឃុំខ្លួន អស់រយៈពេល ៨ខែ។មានការវាយប្រហារតាមអាកាសយ៉ាងខ្លាំងក្លា និងការបាញ់កាំភ្លើងធំដែលអមដំណើរបេសកកម្មជួយសង្គ្រោះនោះ។ រូបភាពទូរទស្សន៍ បានបង្ហាញពីអ្នកស្លាប់ និងរបួសយ៉ាងច្រើន និងមន្ទីរពេទ្យមានអ្នកសម្រាកព្យាបាលដ៏ច្រើនលើសលប់។ការិយាល័យប្រព័ន្ធផ្សព្វផ្សាយរបស់ហាម៉ាស បាននិយាយថា ជនជាតិប៉ាឡេស្ទីន ២១០នាក់ ត្រូវបានសម្លាប់ និងប្រហែល ៤០០នាក់ បានរងរបួសនៅក្នុងទីក្រុង Nuseirat ដែលជាទីតាំងមួយក្នុងចំណោម ទីតាំងដែលប្រតិបត្តិការបានកើតឡើង។ ព័ត៌មានពុំអាចត្រូវបានផ្ទៀងផ្ទាត់ដោយឯករាជ្យដំបូងឡើយ។

អ៊ីស្រាអែលទាមទារចម្លើយពី Al Jazeera ថា ហេតុអ្វីបានជា«ភេរវករហាម៉ាស» ធ្វើការជាអ្នករាយការណ៍?

កងកម្លាំងការពារអ៊ីស្រាអែលកាលពីថ្ងៃអាទិត្យ បានចោទប្រកាន់ស្ថាប័នព័ត៌មាន Al Jazeera ដែលគ្រប់គ្រងដោយរបបកាតាថា បានជួលភេរវករហាម៉ាម្នាក់ ដែលក្រុមគ្រួសាររបស់ខ្លួន បានចាប់ចំណាប់ថ្នូរបីនាក់ ដែលត្រូវបានដោះលែង នៅក្នុងការវាយឆ្មក់របស់កងកម្លាំងការពារអ៊ីស្រាអែល (IDF) កាលពីថ្ងៃ សៅរ៍។កងកម្លាំងការពារអ៊ីស្រាអែល បានសម្លាប់អ្នកយកព័ត៌មាន Al Jazeera លោក Abdallah Aljamal អំឡុងពេលបេសកកម្មជួយសង្គ្រោះរបស់ខ្លួននៅជំរំជនភៀសខ្លួន Nuseirat ក្នុងតំបន់ហ្កាហ្សាស្ទ្រីប។IDF បានសរសេរនៅលើបណ្តាញសង្គម Xថា៖«អ្នកសារព័ត៌មាន លោក Abdallah Aljamal គឺជាភេរវករហាម៉ាសដែលបានចាប់ Almog, Andrey និង Shlomi ធ្វើជាចំណាប់ថ្នូរ នៅក្នុងផ្ទះគ្រួសាររបស់ខ្លួន នៅ ជំរំជនភៀសខ្លួន Nuseirat ។ ពុំមានអាវកាក់សារព័ត៌មានណាមួយ អាចធ្វើឲ្យលោកគ្មានទោសពីឧក្រិដ្ឋកម្ម ដែលលោក បានប្រព្រឹត្តនោះទេ។ កងកម្លាំងការពារអ៊ីស្រាអែល បានសួរសារព័ត៌មាន AlJazeera ថាតើភេរវករនេះ កំពុងធ្វើអ្វី នៅលើគេហទំព័ររបស់អ្នកនោះ?សារព័ត៌មាន Al Jazeera បានចុះឈ្មោះលោក Aljamal ជាអ្នកនិពន្ធនៅលើគេហទំព័ររបស់ខ្លួន ហើយលោកត្រូវបានគេរាយការណ៍ថា បានសរសេរអត្ថបទយ៉ាងហោចណាស់មួយសម្រាប់បណ្តាញដែលមានមូលដ្ឋាន នៅទីក្រុងដូហា។ប៉ុន្តែប្រធានការិយាល័យនៃការិយាល័យ Al Jazeera នៅទីក្រុងហ្ស៊េរុយសាឡឹម ដែលបិទនៅពេលនេះ លោក Omar al-Walid បានបដិសេធថា លោក Aljamal មិនបានធ្វើការឲ្យសារព័ត៌មាន Al Jazeera ទេ។ នេះបើយោងតាមសារព័ត៌មាន Times of Israel។

លោក Blinken កំពុងធ្វើដំណើរទៅកាន់អេហ្ស៊ីប សម្រាប់ការជំរុញលើបទឈប់បាញ់ហ្កាហ្សា

រដ្ឋមន្ត្រីការបរទេសអាមេរិក លោក អង់តូនី ប្លីងខិន (Antony Blinken) គ្រោងនឹងទៅដល់ទីក្រុងគែរ នៅថ្ងៃចន្ទ (១០ មិថុនា) ក្នុងពេលដ៏សំខាន់មួយ ខណៈដែលក្រុងវ៉ាស៊ីនតោន ស្វះស្វែងរកការបង្កើនសម្ពាធលើក្រុមហាម៉ាស និងអ៊ីស្រាអែល ដើម្បីឈានដល់បទឈប់បាញ់នៅតំបន់ហ្កាហ្សា និងធានាថាសង្រ្គាមមិនរីករាលដាលដល់ប្រទេសលីបង់។នៅក្នុងដំណើរទស្សនកិច្ចលើកទីប្រាំបីរបស់ខ្លួនទៅកាន់តំបន់នេះចាប់តាំងពីក្រុមសកម្មប្រយុទ្ធហាម៉ាសបានវាយប្រហារអ៊ីស្រាអែល កាលពីថ្ងៃទី០៧ ខែតុលា ដែលបង្កឱ្យមានការបង្ហូរឈាមបំផុតនៅក្នុងជម្លោះអ៊ីស្រាអែល-ប៉ាឡេស្ទីន អស់រយៈពេលជាច្រើនទសវត្សរ៍មកនោះ ប្រមុខអ្នកការទូតរបស់សហរដ្ឋអាមេរិករូបនេះក៏គ្រោងនឹងធ្វើដំណើរទៅកាន់ប្រទេសអ៊ីស្រាអែល ហ្ស៊កដានី និងកាតា ផងដែរក្នុងសប្តាហ៍នេះ។ប្រធានាធិបតីអាមេរិក លោក ចូ បៃដិន (Joe Biden) កាលពីថ្ងៃទី៣១ ឧសភា បានគូសបញ្ជាក់អំពីសំណើបទឈប់បាញ់បីដំណាក់កាល មួយពីអ៊ីស្រាអែល។ អ្នកនាំពាក្យក្រសួងការបរទេសអាមេរិក លោក ម៉ាធូ មីលឡឺ (Matthew Miller) បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រ សប្ដាហ៍មុនថា លោក ប្លីងខិន ក្នុងអំឡុងពេលធ្វើដំណើរសប្តាហ៍នេះ នឹងពិភាក្សាជាមួយដៃគូអំពីតម្រូវការក្នុងការឈានដល់កិច្ចព្រមព្រៀងឈប់បាញ់ដែលធានាការដោះលែងចំណាប់ថ្នូរទាំងអស់ ក៏ដូចជាតម្រូវការដើម្បីការពារជម្លោះកុំឱ្យកើនឡើងបន្ថែមទៀត។ ក្រុមមន្ត្រីអាមេរិកនិយាយថា ដោយសារសំណើបទឈប់បាញ់នោះជាផែនការរបស់អ៊ីស្រាអែល គេរំពឹងថាអ៊ីស្រាអែល ទំនងជាទទួលយកវា ប៉ុន្តែកាតា បាននិយាយថា អ៊ីស្រាអែលចាំបាច់ត្រូវផ្តល់ជំហរច្បាស់លាស់លើផែនការនោះ ដែលតំណាងឱ្យរដ្ឋាភិបាលទាំងមូល ខណៈអ្នកមួយចំនួនក្នុងគណៈរដ្ឋមន្រ្តីអ៊ីស្រាអែល បានប្រឆាំងមិនឱ្យមានបទឈប់បាញ់៕

បណ្ដាញសង្គម

ព័ត៌មានថ្មីៗ

ទូរទស្សន៍៖មន្ទីរបញ្ចកោណផ្តល់ជូនលោក Trump នូវជម្រើសសម្រាប់លទ្ធភាពប្រតិបត្តិការ នៅវ៉េណេ ហ្ស៊ុយអេឡា

ឯកឧត្តម ហេង សួរ អញ្ជើញបើកវេទិកាអន្តរជាតិអ្នកលក់ដូរតាមដងផ្លូវ លើកទី១៣ ក្រោមប្រធានបទ «គាំពារសង្គមដើម្បីអន្តរកាលយុត្តិធម៌ បរិស្ថាន និងបរិបទឌីជីថល»

រដ្ឋមន្ត្រីការបរទេសកូរ៉េខាងជើងហៅការអំពាវនាវរបស់ G7 ឲ្យលុបបំបាត់អាវុធនុយក្លេអ៊ែរថា ជាផែនការអរិភាព

ប្រភពការទូត៖ កិច្ចប្រជុំកំពូលរុស្ស៊ី-អាមេរិក ពិតជាចាំបាច់ ប៉ុន្តែតម្រូវឲ្យមានការរៀបចំជាមុន

ស្ថានទូតស៊ីរីលើកទង់ជាតិថ្មីនៅទីក្រុងឡុងដ៍ ដើម្បីអបអរសាទរការបើកដំណើរការឡើងវិញ បន្ទាប់ពីបិទ ១២ ឆ្នាំ

អ៊ីរ៉ង់រិះគន់ការអះអាងប្រឆាំងទីក្រុងតេអេរ៉ង់របស់ក្រុមប្រទេស G7 ថា «គ្មានមូលដ្ឋាន និងមិនទទួលខុសត្រូវ»

ឯកឧត្តមបណ្ឌិត គឹម សន្តិភាព ដឹកនាំកិច្ចប្រជុំបច្ចេកទេសដើម្បីពិនិត្យលើសេចក្តីព្រាងសេចក្តីណែនាំស្តីពីការដោះលែងដោយមានលក្ខខណ្ឌ

បារាំងជំរុញការអនុវត្តបទឈប់បាញ់នៅលីបង់ ស្របពេលការវាយប្រហាររបស់អ៊ីស្រាអែល កំពុងកើនឡើង

ទឹកជំនន់យ៉ាងធ្ងន់ធ្ងរ បានវាយប្រហារភាគកណ្តាលប្រទេសថៃ បង្កការជន់លិច ១៧ខេត្ត

ភូមិប៊ុនរ៉ានីសែនជ័យដំណាក់ទ្រយឹងនឹងទទួលបានសំណង់ធារាសាស្រ្តធំៗ ២បន្ថែមទៀតក្នុងឆ្នាំ២០២៦ខាងមុខនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍