នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតី ហ៊ុន ម៉ាណែត​ តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដក​ខ្លួន​ឯកតោភាគីពី MoU 2001
កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី
ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត
សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ​ និង ការអភិវឌ្ឍន៍

ក្រុមប្រឹក្សាសន្តិសុខUN ទាមទារឱ្យបញ្ឈប់ការហ៊ុមព័ទ្ធទីក្រុងស៊ូដង់ដែលមានប្រជាជន១,៨លាននាក់

2024/06/14 10:12:15 am        99
Facebook Telegram Linkin
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃព្រហស្បតិ៍ ទី១៣ មិថុនា បានទាមទារឱ្យកងកម្លាំងគាំទ្ររហ័សយោធាប៉ារ៉ា (RSF) បញ្ឈប់ការហ៊ុមព័ទ្ធទីក្រុង al-Fashir ជាទីក្រុងដែលមានប្រជាជន ១,៨លាននាក់ នៅក្នុងតំបន់ North Darfur ប្រទេសស៊ូដង់ និងបញ្ចប់ជាបន្ទាន់ការប្រយុទ្ធនៅក្នុង តំបន់នោះ។ក្រុមប្រឹក្សាដែលមានសមាជិក១៥រូប បានអនុម័តសេចក្តីសម្រេចព្រាងដោយចក្រភពអង់គ្លេស ដែលអំពាវនាវឱ្យដកក្រុមអ្នកប្រយុទ្ធទាំងអស់ ដែលគំរាមកំហែងដល់សុវត្ថិភាពនិងសន្តិសុខ របស់ជនស៊ីវិល នៅក្នុងទីក្រុង al-Fashir ជាទីក្រុងធំចុងក្រោយនៅក្នុងតំបន់ Darfur ភាគខាងលិចដ៏ធំទូលាយ ដែលមិនស្ថិតនៅក្រោមការគ្រប់គ្រងរបស់កងកម្លាំងគាំទ្ររហ័ស(RSF)។ លោក Barbara Woodward ឯកអគ្គរដ្ឋទូតរបស់ចក្រភពអង់គ្លេសប្រចាំអង្គការសហប្រជាជាតិ បាននិយាយទៅកាន់ក្រុមប្រឹក្សាថា ការវាយប្រហារលើទីក្រុងនេះនឹងក្លាយជាមហន្តរាយ។ ក្រុមប្រឹក្សា ត្រូវបញ្ជូនសញ្ញាដ៏រឹងមាំ ទៅដល់ភាគីជម្លោះនៅថ្ងៃនេះ ព្រោះជម្លោះដ៏បង្ហូរឈាម និងអយុត្តិធម៌នេះ ត្រូវតែបញ្ចប់។សង្គ្រាម បានផ្ទុះឡើងក្នុងប្រទេសស៊ូដង់កាលពីខែមេសា ឆ្នាំមុន រវាងកងទ័ពស៊ូដង់ និងកងកម្លាំងគាំទ្ររហ័ស(RSF) ដែលបានបង្កឱ្យមានវិបត្តិជនភៀសខ្លួនច្រើនបំផុតរបស់ពិភពលោក។ ក្រុមប្រឹក្សាសន្តិសុខ បានអំពាវនាវឱ្យភាគីសង្រ្គាម អនុញ្ញាតឱ្យជនស៊ីវិលធ្វើដំណើរទៅកាន់តំបន់ដែលមានសុវត្ថិភាពជាងនេះ នៅក្នុង និងខាងក្រៅទីក្រុង al-Fashir ហើយក្រុមប្រឹក្សាសន្តិសុខ បានជំរុញឱ្យបណ្តាប្រទេសនានា បញ្ចៀសការជ្រៀតជ្រែកពីខាងក្រៅដែលស្វែងរកការបង្កជម្លោះ និងអស្ថិរភាព។ក្រុមអ្នកឃ្លាំមើលការដាក់ទណ្ឌកម្មរបស់អង្គការសហប្រជាជាតិ បានពិពណ៌នាថា វាជាការចោទប្រកាន់ «គួរឱ្យទុកចិត្ត» ដែលប្រទេសអារ៉ាប់រួម បានផ្តល់ការគាំទ្រផ្នែកយោធាដល់កងកម្លាំងគាំទ្ររហ័ស(RSF) ប៉ុន្តែប្រទេសអារ៉ាប់រួម បានបដិសេធ។ អង្គការសហប្រជាជាតិ បាននិយាយថាមនុស្សជិត២៥លាននាក់ ដែលជាចំនួនពាក់កណ្តាលនៃប្រជាជនស៊ូដង់ ត្រូវការជំនួយហើយប្រហែល៨ លាននាក់ បានភៀសខ្លួនចេញពីលំនៅឋានរបស់ពួកគេ។

លោក Biden រុញអ៊ុយក្រែន កាន់តែជិតសមាជិកភាព NATO ខណៈចុះកិច្ចព្រមព្រៀងការពាររយៈពេល ១០ ឆ្នាំ

2024/06/14 09:04:34 am        110
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) និងប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) បានចុះហត្ថលេខាលើកិច្ចព្រមព្រៀងសន្តិសុខទ្វេភាគីរយៈពេល ១០ ឆ្នាំកាលពីថ្ងៃព្រហស្បតិ៍ (១៣ មិថុនា) ក្នុងគោលបំណងពង្រឹងការការពាររបស់អ៊ុយក្រែន ប្រឆាំងនឹងការវាយលុករបស់រុស្ស៊ី និងធ្វើឱ្យអ៊ុយក្រែន កាន់តែខិតទៅជិតសមាជិកភាពរបស់សម្ព័ន្ធយោធាណាតូ។ក្រុមមន្ត្រីបាននិយាយថា កិច្ចព្រមព្រៀងដែលបានចុះហត្ថលេខានៅក្រៅកិច្ចប្រជុំកំពូល G7 នៅក្នុងប្រទេសអ៊ីតាលីនេះ មានគោលបំណងបង្ហាញការប្តេជ្ញាចិត្តរបស់រដ្ឋបាលសហរដ្ឋអាមេរិកនាពេលអនាគតដើម្បីគាំទ្រអ៊ុយក្រែន បើទោះបីជាលោកអតីតប្រធានាធិបតី ដូណាល់ ត្រាំ (Donald Trump) អាចឈ្នះការបោះឆ្នោតនៅខែវិច្ឆិកា ខាងមុខនេះក៏ដោយ។ លោក បៃដិន បាននិយាយនៅក្នុងសន្និសីទសារព័ត៌មានរួមគ្នាជាមួយលោក ហ៊្សេឡិនស្គី ថា «គោលដៅរបស់អាមេរិក គឺដើម្បីពង្រឹងសមត្ថភាពការពារ និងទប់ស្កាត់ដ៏គួរឱ្យទុកចិត្តរបស់អ៊ុយក្រែន ក្នុងរយៈពេលវែង»។ លោកបន្ថែមថា សាររបស់ G7 ទៅកាន់ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) គឺថា «អ្នកមិនអាចបំបែកបំបាក់ពួកយើងបានទេ»។ កិច្ចព្រមព្រៀងសន្តិសុខអាមេរិក-អ៊ុយក្រែន នេះគឺជាក្របខ័ណ្ឌមួយសម្រាប់កិច្ចខិតខំប្រឹងប្រែងរយៈពេលវែងដើម្បីជួយអភិវឌ្ឍកងកម្លាំងប្រដាប់អាវុធរបស់អ៊ុយក្រែន និងបម្រើជាជំហានឆ្ពោះទៅរកលទ្ធភាពនៃសមាជិកភាពអង្គការណាតូ របស់អ៊ុយក្រែន នេះបើយោងតាមអត្ថបទនៃកិច្ចព្រមព្រៀងនោះ។ប្រធានាធិបតីអ៊ុយក្រែន បានហៅវាថាជាកិច្ចព្រមព្រៀងប្រវត្តិសាស្ត្រ ដោយនិយាយថានោះជាស្ពានឆ្ពោះទៅកាន់សមាជិកភាពណាតូ នៅទីបំផុតរបស់ប្រទេសលោក។ លោក Zelenskiy បានស្វះស្វែងរកសមាជិកភាពរបស់អង្គការណាតូជាយូរមកហើយ ប៉ុន្តែសម្ព័ន្ធមិត្តបានស្ទាក់ស្ទើក្នុងការទទួលយកជំហាននោះ៕

លោក Biden ៖ ការវិនិយោគហេដ្ឋារចនាសម្ព័ន្ធប្រទេសG7 នៅក្នុងប្រទេសកំពុងរីកចម្រើននឹងក្លាយជាអ្នកផ្លាស់ប្តូរហ្គេម

2024/06/14 08:54:27 am        127
Facebook Telegram Linkin
មេដឹកនាំនៃក្រុមប្រទេសទមានទ្រព្យសម្បត្តិស្ដុកស្ដម្ភទាំង៧ ឬG7 បានបើកកិច្ចប្រជុំមួយកាលពីថ្ងៃព្រហស្បតិ៍ ១៣មិថុនា ជាមួយតំណាងអង្គការអន្តរជាតិដើម្បីពិភាក្សាអំពីគម្រោងអភិវឌ្ឍន៍ហេដ្ឋារចនាសម្ព័ន្ធ និងការវិនិយោគនៅក្នុងប្រទេសដែលមានសេដ្ឋកិច្ចកំពុងរីកចម្រើន។ភាពជាដៃគូសម្រាប់ហេដ្ឋារចនាសម្ព័ន្ធ និងការវិនិយោគសកល (PGII) ដែលជាគំនិតផ្តួចផ្តើមក្នុងទំហំទឹកប្រាក់ចំនួន៦០០ពាន់លានដុល្លារដោយក្រុមប្រទេស G7 ក្នុងមូលនិធិឯកជន និងសាធារណៈក្នុងរយៈពេល ៥ ឆ្នាំគឺផ្តល់ហិរញ្ញប្បទានដល់ហេដ្ឋារចនាសម្ព័ន្ធដែលត្រូវការយ៉ាងច្រើននៅក្នុងប្រទេសកំពុងអភិវឌ្ឍន៍។ លោកស្រីនាយករដ្ឋមន្ត្រីអ៊ីតាលីចចា ម៉េឡូនី (Giorgia Meloni) បានបើកកិច្ចប្រជុំ ដោយយោងទៅលើគំនិតផ្តួចផ្តើមផ្សេងៗដែលក្រុមប្រទេសG7បានយល់ព្រមគាំទ្ររួមទាំងច្រករបៀងឡូប៊ីតូ(Lobito)ជាផ្លូវទឹកដឹកជញ្ជូនរ៉ែ ពីសាធារណរដ្ឋកុងហ្គោ និងប្រទេសសំប៊ីទៅកាន់សហភាពអឺរ៉ុប និងអាមេរិកផងដែរ។លោកស្រីបានបន្ថែមថា អស់រយៈពេលជាយូរមកហើយ អាហ្រ្វិកត្រូវបានគេយល់ខុស និងកេងប្រវ័ញ្ចប៉ុន្តែ ទ្វីបអាហ្រ្វិក អាចធ្វើឲ្យមានការភ្ញាក់ផ្អើល ប្រសិនបើដាក់ក្នុងលក្ខខណ្ឌដើម្បីទាញយកអត្ថប្រយោជន៍អ្វីដែលជាភាពអស្ចារ្យរបស់ទ្វីបនេះ។ដោយលើកឡើងពីការវិនិយោគហេដ្ឋារចនាសម្ព័ន្ធផ្សេងៗដែលបានពិភាក្សាក្នុងកិច្ចប្រជុំនោះ លោកប្រធានាធិបតីសហរដ្ឋអាមេរិក Joe Biden បាននិយាយថា នេះគឺជាការផ្លាស់ប្តូរហ្គេម។ សេដ្ឋកិច្ចនោះនឹងមានមនុស្សជាង ២ ពាន់លាននាក់ក្នុងពេលដ៏ខ្លី ហើយវាពិតជាការផ្លាស់ប្តូរហ្គេម៕

ប្រធានាធិបតីជាប់ឆ្នោតថ្មីម៉ិកស៊ិក គាំទ្រកំណែទម្រង់ប្រព័ន្ធតុលាការរបស់លោក Lopez Obrador ថា «គ្មានអ្វីត្រូវព្រួយបារម្ភទេ»

2024/06/14 08:51:28 am        101
Facebook Telegram Linkin
ប្រធានាធិបតីជាប់ឆ្នោតថ្មីរបស់ប្រទេសម៉ិកស៊ិក លោកស្រី ក្លៅឌៀ ស្សេនបូម(Claudia Sheinbaum) បាននិយាយកាលពីថ្ងៃព្រហស្បតិ៍ ទី១៣ មិថុនា ថា ចៅក្រមនៅក្នុងប្រទេស គួរតែត្រូវបានជ្រើសរើស ដោយបានបញ្ជាក់ជាថ្មីលើកិច្ចព្រមព្រៀងរបស់លោកស្រី ជាមួយកំណែទម្រង់ប្រព័ន្ធតុលាការដ៏ចម្រូងចម្រាស ដែលត្រូវបានស្នើឡើងដោយប្រធានាធិបតីជិតផុតអាណត្តិ លោក Andres Manuel Lopez Obrador ។បច្ចុប្បន្ន រូបិយប័ណ្ណប៉េសូ និងទីផ្សារភាគហ៊ុនរបស់ប្រទេសម៉ិកស៊ិក បានធ្លាក់ចុះ ចាប់តាំងពីការទទួលជ័យជម្នះក្នុងការបោះឆ្នោតរបស់គណបក្ស Morena ដែលកំពុងកាន់អំណាច កាលពីថ្ងៃទី២ ខែមិថុនា និងសម្ព័ន្ធមិត្តរបស់ខ្លួន នៅក្នុងសភា ដោយធ្វើឱ្យអ្នកវិនិយោគព្រួយបារម្ភ ថា សមាជិកសភា នឹងប្រើអាណត្តិរបស់ខ្លួន ដើម្បីអនុម័តកំណែទម្រង់រដ្ឋធម្មនុញ្ញជាបន្តបន្ទាប់ រួមទាំងប្រព័ន្ធតុលាការផងដែរ។នៅក្នុងសន្និសិទសារព័ត៌មាន លោកស្រី Sheinbaum ជាថ្មីម្តងទៀត បានព្យាយាមធ្វើឱ្យអារម្មណ៍របស់អ្នកវិនិយោគស្ងប់ស្ងាត់ទៅវិញ ដោយនិយាយថាកំណែទម្រង់គួរតែត្រូវបានយល់កាន់តែច្បាស់ពីមនុស្សទាំងអស់គ្នា ហើយនឹងជំរុញឱ្យមានវេទិកាបើកចំហមួយ ដើម្បីពិភាក្សាអំពីបញ្ហាទាំងនេះ។ លោកស្រី បានអះអាងថា វានឹងមិនបង្កហានិភ័យដល់ការវិនិយោគ នៅក្នុងប្រទេសម៉ិកស៊ិកនោះទេ។

ចិនជំរុញឲ្យ EU កែតម្រូវកំហុសឆ្គង ជុំវិញពន្ធ EV ហើយប្តេជ្ញា «ចាត់វិធានការចាំបាច់» ទាំងអស់

2024/06/13 02:39:16 pm        56
Facebook Telegram Linkin
ក្រសួងពាណិជ្ជកម្មចិន កាលពីថ្ងៃពុធ (ទី១២ ខែមិថុនា) បានជំរុញឲ្យសហភាពអឺរ៉ុប (EU) កែតម្រូវជាបន្ទាន់នូវការអនុវត្តខុសរបស់ខ្លួន ហើយដោះស្រាយជម្លោះសេដ្ឋកិច្ច និងពាណិជ្ជកម្មឲ្យបានត្រឹមត្រូវ តាមរយៈការសន្ទនា និងការពិគ្រោះយោបល់ ដោយបន្ថែមថា ប្រទេសចិនបានប្តេជ្ញាចាត់វិធានការចាំបាច់ទាំងអស់ ដើម្បីការពារសិទ្ធិ និងផលប្រយោជន៍ស្របច្បាប់របស់សហគ្រាសចិន។ការលើកឡើងបែបនេះរបស់ក្រសួង បានកើតមានឡើងបន្ទាប់ពីគណៈកម្មការអឺរ៉ុប (EC) បានប្រកាសថា ខ្លួននឹងដាក់ពន្ធបណ្តោះអាសន្នលើការនាំចូលរថយន្តអគ្គិសនីប្រើអាគុយ (BEV) របស់ចិន រហូតដល់ ៣៨,១ភាគរយ។ EC ដែលគ្រប់គ្រងគោលនយោបាយពាណិជ្ជកម្មរបស់ EU បាននិយាយថា ពន្ធគយដែលទំនងជាកើតឡើងនៅខែកក្កដា នឹងដាក់ ១៧,៤ភាគរយ ចំពោះក្រុមហ៊ុន BYD ២០ភាគរយ ចំពោះក្រុមហ៊ុន Geely និង ៣៨,១ភាគរយ ចំពោះក្រុមហ៊ុន SAIC។ នេះបើយោងតាមសេចក្តីប្រកាសព័ត៌មានរបស់គណៈកម្មាការ កាលពីថ្ងៃពុធ។សេចក្ដីប្រកាសនោះ បានឲ្យដឹងថា ក្រុមហ៊ុនរថយន្ត BEV ផ្សេងទៀត ដែលសហការជាមួយនឹងការស៊ើបអង្កេត នឹងប្រឈមជាមួយពន្ធ ២១ភាគរយ ហើយក្រុមហ៊ុន មិនសហការ ត្រូវប្រឈមជាមួយពន្ធ ៣៨,១ភាគរយ។ជាការឆ្លើយតប ក្រសួងពាណិជ្ជកម្មចិនបាននិយាយថា ភាគីអឺរ៉ុប ធ្វើមិនដឹងមិនឮចំពោះការពិត និងច្បាប់របស់ WTO (អង្គការពាណិជ្ជកម្មពិភពលោក) មិនអើពើនឹងការជំទាស់យ៉ាងដាច់អហង្ការម្តងហើយម្តងទៀតរបស់ចិន ព្រមទាំងមិនយកចិត្តទុកដាក់ ចំពោះការអំពាវនាវ និងការខកចិត្តរបស់រដ្ឋាភិបាល និងឧស្សាហកម្មនៃប្រទេសសមាជិក EU ជាច្រើន ដែលជាបញ្ហាគួរឲ្យព្រួយបារម្ភ និងការមិនពេញចិត្តយ៉ាងខ្លាំងក្លា សម្រាប់ភាគីចិន។ក្រសួងពាណិជ្ជកម្មបានប្រាប់ថា វិស័យឧស្សាហកម្មចិន មានការខកចិត្តយ៉ាងខ្លាំង និងប្រឆាំងដាច់ខាត ចំពោះវិធានការនេះ៕

មេធាវីលោក Trump៖ ដីកាបង្គាប់របស់តុលាអាមេរិក ប៉ះពាល់សុន្ទរកថានៃយុទ្ធនាការបោះឆ្នោត

2024/06/13 02:29:01 pm        99
Facebook Telegram Linkin
ក្រុមមេធាវីរបស់លោក ដូណាល់ ត្រាំ (Donald Trump) បានជំរុញចៅក្រម ដែលត្រួតពិនិត្យការកាត់ក្តីប្រាក់បំបិទមាត់របស់លោក ឱ្យលុបចោលដីកាបង្គាប់ ព្រោះលោក ត្រាំ ត្រូវបានកាត់ឱ្យមានទោសហើយ ដោយលើកហេតុផលថា គូប្រជែងរបស់លោកកំពុងប្រើការរឹតបន្តឹងលើសុន្ទរកថារបស់អតីតប្រធានាធិបតីសហរដ្ឋអាមេរិករូបនេះ ជា «អាវុធនយោបាយ» ហើយវាប៉ះពាល់ដល់សុន្ទរកថានៃយុទ្ធនាការបោះឆ្នោតរបស់លោក។នៅក្នុងឯកសារតុលាការកាលពីដើមសប្តាហ៍នេះ មេធាវីការពារក្តី លោក ថុត ប្លង់ស្ហា (Todd Blanche) និងលោក អេមីល បូវ៉េ (Emil Bove) បានបញ្ជាក់ថា យុទ្ធនាការបោះឆ្នោតរបស់លោកប្រធានាធិបតី ចូ បៃដិន (Joe Biden) បានសំដៅលើលោក ត្រាំ ដោយហៅលោកថាជា «ឧក្រិដ្ឋជនមានទោស» នៅក្នុងសេចក្តីថ្លែងការណ៍មួយកាលពីថ្ងៃទី៣០ ខែឧសភា។ពួកគេបន្ថែមថា ដីកានេះអាចរឹតបន្តឹងលោក ត្រាំ ក្នុងការឆ្លើយតបទៅនឹងការវាយប្រហារពាក្យសម្ដីពីលោក បៃដិន ក្នុងពេលការជជែកដេញដោលប្រធានាធិបតីនៅថ្ងៃទី២៧ ខែមិថុនា របស់ពួកគេ ទោះបីជាបទបញ្ជានេះគ្រាន់តែដាក់កម្រិតលើការថ្លែងជាសាធារណៈរបស់លោក ត្រាំ អំពីចៅក្រម សាក្សី និងបុគ្គលផ្សេងទៀតដែលពាក់ព័ន្ធនឹងដំណើរការរបស់តុលាការ ហើយមិនបានរារាំងលោកពីការរិះគន់ករណីទូទៅក៏ដោយ។គណៈវិនិច្ឆ័យនៅតំបន់ ម៉ែនហាតថាន់ (Manhattan) កាលពីថ្ងៃទី៣០ ឧសភា បានរកឃើញថាលោក ត្រាំ វ័យ ៧៧ ឆ្នាំមានទោសលើ ៣៤ ករណីនៃបទក្លែងបន្លំកំណត់ត្រាអាជីវកម្មដើម្បីបិទបាំងការបង់ប្រាក់ ១៣០.០០០ ដុល្លារដល់អតីតមេធាវីរបស់ខ្លួនទៅឱ្យតារាភាពយន្តអាសអាភាស លោកស្រី ស្តមមី ដានីញ៉ែលស៍ (Stormy Daniels) ឱ្យលាក់បាំងពីទំនាក់ទំនងផ្លូវភេទរវាងអ្នកទាំងពីរ។ មុនពេលការកាត់ក្តីនោះចាប់ផ្តើមនៅក្នុងខែមេសា ចៅក្រមបានចេញដីកាបង្គាប់នេះ បន្ទាប់ពីរដ្ឋអាជ្ញាបានលើកឡើងពីប្រវត្តិរបស់លោក ត្រាំ ក្នុងការធ្វើសេចក្តីថ្លែងការណ៍គំរាមកំហែង ដោយបង្ហាញថាលោកអាចបង្អាក់ដំណើរការនីតិវិធី៕

លោក បៃដិន ប្រឈមនឹងបណ្តឹងដំបូងជុំវិញ ការបង្ក្រាបការទាមទារសិទ្ធិជ្រកកោនថ្មី នៅព្រំដែន

2024/06/13 02:18:18 pm        72
Facebook Telegram Linkin
សម្ព័ន្ធនៃក្រុមតស៊ូមតិជនអន្តោប្រវេសន៍ បានប្តឹងរដ្ឋបាលលោក បៃដិន កាលពីថ្ងៃពុធជុំវិញក្រិត្យថ្មីរបស់លោកប្រធានាធិបតី ចូ បៃដិន ដែលបញ្ឈប់ការទាមទារសិទ្ធិជ្រកកោន នៅព្រំដែនភាគខាងត្បូង ដោយនិយាយថា វាខុសគ្នាបន្តិចបន្តួចពីសកម្មភាពស្រដៀងគ្នា ក្នុងអំឡុងពេលរដ្ឋបាលរបស់លោក ត្រាំ ដែលត្រូវបានរារាំងដោយតុលាការ។បណ្ដឹងដែលដាក់ដោយសហភាពសេរីភាពស៊ីវិលអាមេរិក(ACLU) និងអ្នកដទៃក្នុងនាមមជ្ឈមណ្ឌលតស៊ូមតិអន្តោប្រវេសន៍ Las Americas និង RAICES គឺជាការសាកល្បងដំបូងនៃភាពស្របច្បាប់នៃការបង្រ្កាបដ៏ខ្លាំងក្លារបស់លោក បៃដិន នៅតាមព្រំដែន ដែលបានកើតឡើង បន្ទាប់ពីការពិភាក្សាផ្ទៃក្នុងសេតវិមានជាច្រើនខែ និងត្រូវបានរៀបចំឡើង ជាផ្នែកមួយដើម្បីបង្វែរការវាយប្រហារនយោបាយប្រឆាំងនឹងប្រធានាធិបតីលើការគ្រប់គ្រងអន្តោប្រវេសន៍របស់ខ្លួន។លោក Lee Gelernt មេធាវីរបស់ ACLU បាននិយាយថា៖«តាមរយៈការអនុម័តការហាមឃាត់សិទ្ធិជ្រកកោនដែលមិនអាចបែងចែកបានដោយស្របច្បាប់ពីការបម្រាមរបស់លោក ត្រាំ យើងបានរារាំងដោយជោគជ័យ យើងមិនមានជម្រើសអ្វី ក្រៅពីការប្តឹងផ្តល់នេះទេ»។ក្រិត្យដែលលោក បៃដិន ចេញកាលពីសប្តាហ៍មុន នឹងកំណត់ការដំណើរការសិទ្ធិជ្រកកោន នៅពេលដែលជួបជាមួយជនអន្តោប្រវេសន៍រវាងច្រកចូលឈានដល់ ២.៥០០នាក់ ក្នុងមួយថ្ងៃ។ ក្រិត្យនេះ បានចូលជាធរមានភ្លាមៗ ដោយសារតែតួលេខចុងក្រោយបំផុត គឺខ្ពស់ជាងឆ្ងាយពេក គឺប្រហែល ៤.០០០នាក់ ក្នុងមួយថ្ងៃ។

លោក ហ្ស៊េឡិនស្គី និងលោក ពូទីន កំពុងប្រឈមមុខនឹងសម្ពាធនយោបាយ ក្នុងការជំរុញការកេណ្ឌទ័ព

2024/06/13 02:14:37 pm        131
Facebook Telegram Linkin
ប្រធានាធិបតីអ៊ុយក្រែនលោក វ្ល៉ូឌីមី ហ្ស៊េឡិនស្គី ( Volodymyr Zelensky) និងប្រធានាធិបតីរុស្ស៊ី លោក វ្ល៉ាឌីមៀ ពូទីន ( Vladimir Putin) កំពុងតានតឹងក្នុងការរក្សាទុកសាកសព នៅលើសមរភូមិ ស្របពេលមានសម្ពាធនយោបាយ នៅក្នុងប្រទេសជុំវិញការកេណ្ឌទ័ព។អស់រយៈពេលជាងពីរឆ្នាំ នៅក្នុងសង្រ្គាម និងជាមួយនឹងការស្លាប់បាត់បង់ជីវិតយោធារាប់ម៉ឺននាក់ទាំងសងខាង ស្ថានភាពនៅផ្នែកខាងមុខ នៅតែរង្គោះរង្គើ ដោយប្រហែលមួយភាគប្រាំនៃទឹកដីអ៊ុយក្រែន នៅតែស្ថិតក្រោមការកាន់កាប់របស់រុស្ស៊ី និងមិនមានការទម្លាយភាពទាល់ច្រកអ្វីទាល់តែសោះ។បច្ចប្បន្ន មេដឹកនាំទាំងពីរ ត្រូវតែប្រឈមមុខនឹងការទាមទារក្នុងស្រុកជាពិសេសនៃប្រទេសរបស់ពួកគេដើម្បីធ្វើយ៉ាងណាឲ្យកងកម្លាំងរបស់ពួកបន្តប្រយុទ្ធ ក្នុងគោលបំណងទទួលបានជ័យជម្នះ ក្នុងសង្គ្រាមនេះរៀងៗខ្លួន។លោក ហ្ស៊េឡិនស្គី កំពុងប្រឹងប្រែងដោះស្រាយការប្រឆាំងយ៉ាងខ្លាំងចំពោះការបន្ថយអាយុកេណ្ឌសម្រាប់ការចូលបម្រើកងទ័ព។ ចំណែកលោក ពូទីន ទោះបីធ្វើការជាមួយប្រជាជនច្រើនក៏ដោយ ក៏កំពុងសម្លឹងរកការបន្ធូរបន្ថយការប៉ះពាល់ផ្នែកនយោបាយ ដោយផ្តោតលើកិច្ចខិតខំប្រឹងប្រែងជ្រើសរើសទាហានលើទីក្រុងតូចៗ និងជនបទច្រើនជាងនៅតាមទីក្រុងធំៗ។លោក Michael O'Hanlon មន្ត្រីជាន់ខ្ពស់របស់ស្ថាប័ន Brookings បាននិយាយថា៖«ប្រសិនបើអ៊ុយ ក្រែនពិតជាចង់មានសមត្ថភាពក្នុងការវាយលុក ពួកគេប្រហែលជាត្រូវបន្ថយអាយុកេណ្ឌមកត្រឹម ១៨ឆ្នាំ ហើយពួកគេច្បាស់ជាមិនចង់ធ្វើដូច្នេះទេ»។

សម្ដេចធិបតី លើកទឹកចិត្តឱ្យវិស័យឯកជនចូលរួមជាមួយក្រសួងអប់រំ ដើម្បីពង្រឹងគុណភាពអប់រំ

2024/06/13 12:27:33 pm        138
Facebook Telegram Linkin
ក្នុងឱកាសអញ្ជើញជាអធិបតីពិធីចែកសញ្ញាបត្រដល់និស្សិតនៃសាកលវិទ្យាល័យលីមកុកវីង នៅថ្ងៃទី១៣ ខែមិថុនានេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានលើកទឹកចិត្តដល់វិស័យឯកជន ជាពិសេសគ្រឹះស្ថានសិក្សានានា ចូលរួមជាមួយក្រសួងអប់រំ យុវជន និងកីឡា ដើម្បីពង្រឹងគុណភាពអប់រំ ខណៈរាជរដ្ឋាភិបាលបានបើកឱកាសឱ្យវិស័យឯកជនទាំងក្នុង និងក្រៅប្រទេសចូលរួមវិនិយោគលើវិស័យអប់រំនេះ។ក្នុងឱកាសនោះសម្តេចធិបតី នាយករដ្ឋមន្រ្ដីបានថ្លែងថា គុណភាពអប់រំល្អ គឺអាស្រ័យលើគ្រឹះស្ថានអប់រំផ្ទាល់ ដែលជារោងចក្រផលិតធនធានមនុស្ស។ សម្ដេចធិបតី បានបញ្ជាក់ថា រាជរដ្ឋាភិបាល ក៏ដូចជាក្រសួងអប់រំ ត្រឹមតែជាអ្នកដាក់ចេញនូវគោលនយោបាយ, គោលការណ៍ និងការផ្ដល់ការអនុគ្រោះដល់ការអប់រំ ប៉ុន្ដែអ្នកដែលចូលរួមដោយផ្ទាល់ក្នុងការអភិវឌ្ឍធនធានមនុស្សឱ្យមានការរីកចម្រើនទៅបានគឺជាគ្រឹះស្ថានសិក្សាជាពិសេសគ្រឹះស្ថានឧត្តមសិក្សាផ្ទាល់ដែលកំពុងបណ្ដុះបណ្ដាលធនធានមនុស្សរបស់កម្ពុជា។ក្នុងឱកាសនោះសម្ដេចធិបតី នាយករដ្ឋមន្រ្ដីក៏បានផ្ដល់អនុសាសន៍ដល់ គ្រឹះស្ថានឧត្តមសិក្សារដ្ឋ និងឯកជន បន្តធ្វើបច្ចុប្បន្នកម្ម កម្មវិធីសិក្សាឱ្យស្របនឹងតម្រូវការនៃទីផ្សារការងារ និងបន្តអភិវឌ្ឍន៍កម្មវិធីសិក្សាថ្មីៗ ដើម្បីធានានូវគុណភាព នៃការបណ្តុះបណ្តាល, ដោយផ្តោតការយកចិត្តទុកដាក់បន្ថែមលើ ចំណេះដឹង និងជំនាញផ្នែកបច្ចេកវិទ្យា និងឌីជីថល ស្របតាមបរិការណ៍នៃការរីកចម្រើននៃសេដ្ឋកិច្ច និងសង្គម, ការប្រកួតប្រជែងនៃទីផ្សារការងារ, សាកលភាវូបនីយកម្ម និងការវិវត្តនៃសកលលោកផងដែរ។សម្តេចធិបតីលើកទឹកចិត្តគ្រឹះស្ថានឧត្តមសិក្សាទាំងរដ្ឋ និងឯកជន បង្កើនកិច្ចសហប្រតិបត្តិការជាមួយគ្រឹះស្ថានអប់រំ និងគ្រឹះស្ថានស្រាវជ្រាវជាតិ-អន្តរជាតិ ធ្វើការសិក្សាស្រាវជ្រាវរួមគ្នា, ដកស្រង់បទពិសោធ និងធ្វើទស្សនកិច្ចសិក្សាទៅវិញទៅមក ដើម្បីផ្ទេរចំណេះដឹង, បទពិសោធជាក់ស្ដែង និងឧត្តមានុវត្ត សំដៅបង្កើនគុណភាពន ការអប់រំ, ការបណ្ដុះបណ្ដាល, និងការសិក្សាស្រាវជ្រាវឱ្យកាន់តែប្រសើរដល់យុវជនកម្ពុជា៕អត្ថបទ៖ វ៉ន ដារ៉ា

សម្តេចធិបតី៖ សមិទ្ធផលធំសម្រាប់ជាតិ គឺផ្តើមចេញពីមនុស្សម្នាក់ៗ បានជោគជ័យលើសិក្សា និងការងារ

2024/06/13 12:13:53 pm        184
Facebook Telegram Linkin
ក្នុងឱកាសអញ្ជើញជាអធិបតីពិធីចែកសញ្ញាបត្រដល់និស្សិតនៃសាកលវិទ្យាល័យលីមកុកវីង នៅថ្ងៃទី១៣ ខែមិថុនានេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រាសាសន៍ថា សមិទ្ធផលធំសម្រាប់ប្រទេសជាតិ គឺផ្តើមចេញពីមនុស្សម្នាក់ៗ បានសម្រេចជោគជ័យទាំងក្នុងការសិក្សា និងការងារ។សម្តេចធិបតី នាយករដ្ឋមន្រ្ដីបានថ្លែងថា សិស្សនិស្សិតនៃសាកលវិទ្យាល័យលីមកុកវីងដែលបញ្ចប់ការសិក្សានៅថ្ងៃនេះ នឹងក្លាយទៅជាតួអង្គធនធានមនុស្សដែលអាចយកទៅបម្រើការងារបានក្នុងការជំរុញសេដ្ឋកិច្ច អាចក្លាយជាអ្នកដឹកនាំ ឬអាចជួយជំរុញសកម្មភាពការងារនៅតាមបណ្តាអង្គភាព ស្ថាប័នទាំងវិស័យរដ្ឋ និងវិស័យឯកជន និងនៅតាមអង្គការ ស្ថាប័នអន្តរជាតិនានា ឬការងារស្វ័យនិយោជន៍ដោយខ្លួនឯងផងដែរ។ក្នុងឱកាសនោះសម្តេចធិបតីនាយករដ្ឋមន្រ្ដី បានបញ្ជាក់ថា ការសម្រេចបានលទ្ធផលល្អលើការសិក្សា និងការងាររបស់យុវជន និងប្រជាពលរដ្ឋ គឺជាសមិទ្ធផលដ៏ធំបំផុតសម្រាប់ប្រទេសជាតិ។ សម្ដេចធិបតីក៏បាន អបអរសាទរ និងអបអរសាទរដល់ប្រទេសជាតិ ដែលទទួលបានធនធានមនុស្សដែលគុណវុឌ្ឍិបន្ថែមទៀតនាថ្ងៃនេះផងដែរ។សូមជម្រាបថា រដ្ឋាភិបាលតាំងពីអាណត្តិមុន រហូតដល់អាណត្តិទី៧នេះ បានយកចិត្តទុកដាក់ខ្ពស់លើការអប់រំ និងការបណ្តុះបណ្តាលដើម្បីបង្កើនធនធានមនុស្ស ដែលជាមូលដ្ឋានគ្រឹះនៃការអភិវឌ្ឍប្រទេសជាតិក្នុងនោះរាជរដ្ឋាភិបាលបានបន្តខិតខំកែទម្រង់វិស័យអប់រំគ្រប់កម្រិត រួមទាំងការដាក់ចេញគោលនយោបាយ និងវិធានគន្លឹះនានាឱ្យអនុវត្តសម្រាប់បង្កើនគុណភាពអប់រំ ប្រកបដោយប្រសិទ្ធភាព បរិយាបន្ន និងតម្លាភាព ដើម្បីធានាឱ្យបាននូវកំណើនសេដ្ឋកិច្ច ប្រកបដោយចីរភាព និងភាពធន់ ក្នុងគោលបំណងលើកកម្ពស់នូវជីវភាពរស់នៅរបស់ប្រជាពលរដ្ឋ និងសម្រេចបាននូវចក្ខុវិស័យកម្ពុជាឆ្នាំ២០៥០ ប្រែក្លាយកម្ពុជាទៅជាប្រទេសមានចំណូលខ្ពស់៕អត្ថបទ៖វ៉ន ដារ៉ា

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម អំពាវនាវដល់អ្នកផលិត សូមកុំប្រើ Logo ក្រសួង និងចុះ ចបផ ក្លែងក្លាយលើផលិតផល
07/04/2026 01:07 PM
Facebook Telegram Linkin
លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេល​សម្រាប់​ពិធីបុណ្យសពលោក Khamenei
07/04/2026 01:07 PM
Facebook Telegram Linkin
លោក Putin៖ ការរំដោះពេញលេញសាធារណរដ្ឋប្រជាមានិត Luhansk ត្រូវបានបញ្ចប់
07/04/2026 01:07 PM
Facebook Telegram Linkin
កម្ពុជាតវ៉ាជាផ្លូវការចំពោះការបន្តឈ្លានពានព្រំដែនរបស់យោធាថៃ លើដែនអធិបតេយ្យកម្ពុជា
07/04/2026 01:07 PM
Facebook Telegram Linkin
ក្រុមគ្រូពេទ្យស្ម័គ្រចិត្តរាជរដ្ឋាភិបាលចុះពិនិត្យព្យាបាលជំងឺដោយឥតគិតថ្លៃជូនពលរដ្ឋក្នុងខណ្ឌមានជ័យ
07/04/2026 01:07 PM
Facebook Telegram Linkin
ក្រុមអធិការកិច្ច IAEA មិនទាន់ទទួលបានដំណើរការចូលទៅទីតាំងនុយក្លេអ៊ែរអ៊ីរ៉ង់នៅឡើយ
07/04/2026 12:07 PM
Facebook Telegram Linkin
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសួរសុខទុក្ខ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម និងលោកជំទាវ រស់ សូយឿ
07/04/2026 12:07 PM
Facebook Telegram Linkin
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង និងលោកជំទាវ បូរី ហោ ហោណាំហុង
07/04/2026 12:07 PM
Facebook Telegram Linkin
គ្រូផ្អែកលើកិច្ចព្រមព្រៀងការងារ បានរួមចំណែកជួយលើបញ្ហាខ្វះគ្រូបង្រៀនតាមសាលារយៈ​ពេល​ជិត​មួយឆ្នាំហើយ
07/04/2026 11:07 AM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មាន​មេត្តា​ចំពោះ​អ្នកជំងឺ
07/04/2026 11:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.