នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា
ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបាន​សម្ពោធ​ដាក់​ឲ្យ​ប្រើ​ប្រាស់​ជាផ្លូ​វការ​នៅថ្ងៃនេះ

នយោបាយ​ និង ការអភិវឌ្ឍន៍

លោក Biden និងលោកTrump ប្រជែងគ្នាធ្វើដំណើរទៅកាន់ព្រំដែនអាមេរិក -ម៉ិកស៊ិក

2024/03/01 10:09:54 am        97
Facebook Telegram Linkin
លោកប្រធានាធិបតី Joe Biden និងលោក Donald Trump បានប្រជែងគ្នាធ្វើដំណើរទៅកាន់ព្រំដែនរវាងអាមេរិក និងប្រទេសម៉ិកស៊ិក ដែលម្នាក់ៗសុទ្ធតែព្យាយាមបញ្ជាក់ថា ខ្លួនអាចបញ្ឈប់លំហូរអន្តោប្រវេសន៍ខុសច្បាប់ ចូលទៅក្នុងទឹកដីសហរដ្ឋអាមេរិក។ នេះជាបញ្ហាមួយក្នុងមួយចំណោមបញ្ហាដ៏រសើបបំផុតក្នុងនយោបាយសហរដ្ឋអាមេរិក ហើយក៏នឹងស្ថិតនៅចន្លោះកណ្ដាលសម្រាប់ការបោះឆ្នោតជ្រើសរើសប្រធានាធិបតីនៅឆ្នាំនេះដែរ។ ការប្រកួតប្រជែងនៅខែវិច្ឆិកាឆ្នាំនេះ ទំនងជានឹងក្លាយជាការប្រឈមដាក់គ្នាមួយផ្សេងទៀត រវាងបេក្ខជនទាំង២។លោក Biden បានចោទប្រកាន់គូប្រជែងមកពីគណបក្សសាធារណរដ្ឋរបស់លោក ដែលបាននិយាយថាស្ថានភាពនៅតាមព្រំដែនគ្រោះថ្នាក់បំផុត ដោយលោកបង្ហាញកិច្ចខិតខំប្រែងក្នុងការបង្ក្រាបការឆ្លងព្រំដែនខុសច្បាប់។ក្រុមសមាជិកគណបក្សសាធារណរដ្ឋក្នុងសភា បានរារាំងកំណែទម្រង់ព្រំដែនរបស់គណបក្សទាំង២ ជាអ្វីដែលក្រុមបក្សប្រជាធិបតេយ្យ និយាយថាជាកិច្ចខិតខំប្រឹងប្រែងមេគំនិតដោយលោក Trumpក្នុងការទាត់ចោលកំណែទម្រង់ទាំងនោះមុនការបោះឆ្នោត។នៅក្នុងរដ្ឋតិចសាស់ លោក Trump បាននិយាយថា លោកនឹងយកចិត្តទុកដាក់លើបញ្ហាអន្តោប្រវេសន៍ខុសច្បាប់ ប្រើសិនបើលោកជាប់ឆ្នោត ។ កាលពីកន្លងទៅលោកធ្លាប់បានសន្យាថានឹងមានការនិរទេសទ្រងទ្រាយធំលើជនអន្តោប្រវេសន៍ឆ្លងចូលទឹកដីអាមេរិកខុសច្បាប់។ បញ្ហានេះមានការផ្ដោតយ៉ាងខ្លាំង ព្រោះមានជនអន្តោប្រវេសន៍ជាង៦,៣លាននាក់ ត្រូវបានឃុំខ្លួនពីបទឆ្លងព្រំដែនចូលទឹកដីអាមេរិកខុសច្បាប់អំឡុងការកាន់អំណាចរបស់លោក Biden ជាចំនួនខ្ពស់បំផុតជាងការគ្រប់គ្រងរបស់ប្រធានាធិបតីមុនៗរបស់អាមេរិក៕

បណ្តាប្រទេសជាសមាជិក កោតសសើរកម្ពុជាលើកិច្ចខិតខំប្រឹងប្រែងជំរុញសកលភាវូបនីយកម្ម នៃអនុសញ្ញាអូតាវ៉ា ក្នុងកិច្ចប្រជុំនៅទីក្រុងហ្សឺណែវ ប្រទេសស្វីស

2024/03/01 10:04:12 am        126
Facebook Telegram Linkin
ថ្ងៃទី២៩ ខែកុម្ភៈ ឆ្នាំ២០២៤ នៅទីក្រុងហ្សឺណែវ ឯកឧត្តមបណ្ឌិត លី ធុជ ក្នុងនាម​ប្រធាន​អនុ​សញ្ញា​អូតាវ៉ា​ឆ្នាំ២០២៤ បានដឹកនាំកិច្ចប្រជុំក្រុមការងារសម្របសម្រួលសកលភាវូបនីយកម្ម (Universalization Coordinating Group) នៃអនុសញ្ញាអូតាវ៉ា ដើម្បី​ពិភាក្សា​លើ​ការ​រៀប​ចំផែន​ការ​យុទ្ធ​សាស្រ្ត និងវិធានការអនុវត្តក្នុងការលើកកម្ពស់សកលភាវូបនីយកម្មនៃអនុ សញ្ញាអូតាវ៉ា ដោយ​ផ្តោតលើការសម្រេចបានតំបន់ប៉ាស៊ី ហ្វិកគ្មានមីន ការចូលជាសមាជិកនៃរដ្ឋគោលដៅ និង​ជំហាន​ឆ្ពោះ​ទៅរកការចូលជាសមាជិក នៃរដ្ឋដែលបានកំណត់ផ្សេងទៀត។ កិច្ចប្រជុំនេះ មាន​ការចូល​រួម​ពីតំណាងប្រទេសជាសមាជិក និងអង្គការអន្តរជាតិ រួមមាន ប្រទេសកម្ពុជា អូស្រ្តាលី បែលហ្សិក ចក្រភពអង់គ្លេស កាណាដា ស្វីស ជប៉ុន ស៊ុយអែត ហូឡង់ អាល្លឺម៉ង់ និងតំណាង ISU, ICBL, ICRC ។ ក្នុងកិច្ចប្រជុំនោះ ឯកឧត្តមបណ្ឌិត លី ធុជ បាន​លើក​ឡើង​អំ​ពី​ភាព​ជា​ប្រធាន​នៃ​អនុសញ្ញា​ឆ្នាំ​២០២៤ របស់​កម្ពុជា ក្រោមការដឹកនាំរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ដែល​បានដាក់ចេញនូវគោលដៅ យន្តការ និងផែនការក្នុងសកម្មភាពសកលភាវូបនីយកម្ម ការ បញ្ចុះបញ្ចូល និងការកៀរគរបណ្តាប្រទេសមិនទាន់ក្លាយជារដ្ឋភាគី ឱ្យបានចូលរួម​ផ្តល់​សច្ចាប័ន​/យល់​ព្រម​ចូលរួមជារដ្ឋភាគី នៃអនុសញ្ញាអូតាវ៉ា។ សកម្មភាពសកលភាវូបនីយកម្ម អាចត្រូវ​បាន​ធ្វើ​ឡើង​ តាមរយៈទំនាក់ទំនងការទូត កំណត់ទូត កិច្ចប្រជុំកំពូល វេទិកាកោះប៉ាស៊ីហ្វិក កិច្ច​ប្រជុំ​ពាក់ព័ន្ធ និងការស្វែងរកកិច្ចសហប្រតិបត្តិការនិងការគាំទ្រពីប្រទេសជាមិត្ត ជាដើម។អង្គប្រជុំ បានសម្តែងនូវការអបអរសាទរ និងគាំទ្រចំពោះកិច្ចខិតខំប្រឹងប្រែងរបស់កម្ពុជា ក្នុង​ការ​ធ្វើ​សកលភាវូប នីយកម្មនៃអនុសញ្ញាអូតាវ៉ា។ អង្គប្រជុំ បានជំរុញ​បន្ថែម​រៀបចំ​ឱ្យ​មាន​ជា​ទស្សនៈ​ទាន និងព័ត៌មានចាំបាច់មួយចំនួន ដើម្បីធ្វើការផ្សព្វផ្សាយតាមបណ្ដាកិច្ចប្រជុំ សន្និសីទ និង​ព្រឹត្តិការណ៍​ផ្សេង​ៗ ព្រមទាំងត្រូវប្រមូលព័ត៌មានអំពីជំហរ លក្ខខណ្ឌនានា និងស្ថាប័នសម្រេចចិត្ត នៃប្រទេសមិនទាន់ក្លាយជារដ្ឋភាគីនៃអនុសញ្ញា អូតាវ៉ា ឱ្យបានចូលរួមជារដ្ឋភាគីនៃអនុសញ្ញា។បច្ចុប្បន្ននៅមានប្រទេសមិនទាន់ក្លាយជារដ្ឋភាគីនៃអនុ សញ្ញាអូតាវ៉ាមានចំនួន ៣៣ ហើយ​កាល​ពី​កិច្ច​ប្រជុំ​ក្នុង​ខែមករា ឆ្នាំ២០២៤ កន្លងទៅអង្គប្រជុំបានដាក់ចេញ និងកំណត់គោល​ដៅ​ប្រទេស​មួយ​ចំនួន​ដែលត្រូវធ្វើសកម្ម ភាពសកលភាវូបនីយកម្មរួមមាន បារ៉ែន ឡាវ កោះម៉ាស្យល មីក្រូណេស៊ី នេប៉ាល់ តុងហ្គា វៀតណាម អាមេនី អាស៊ែបៃហ្សង់ ហ្សកហ្ស៊ី លីបង់ ម៉ុងហ្គោលី និង​សិង្ហបុរី៕ អត្ថបទ៖ ភារម្យ

លោក Putin ព្រមានថា លោកខាងលិច នឹងជួបសោកនាដកម្ម បើបញ្ជូនកងកម្លាំងទៅកាន់អ៊ុយក្រែន

2024/03/01 09:11:51 am        91
Facebook Telegram Linkin
លោកប្រធានាធិបតីរុស្ស៊ី Vladimir Putin បានព្រមានដល់បណ្ដាប្រទេសលោកខាងលិចទល់នឹងការបញ្ជូនទាហានទៅអ៊ុយក្រែន។ លោកបាននិយាយថាការសម្រចេចិត្តបញ្ជូនកងកម្លាំងនោះ នឹងក្លាយជាសោកនាដកម្ម។នៅក្នុងសុន្ទរកថាប្រចាំឆ្នាំទៅកាន់ប្រជាជាតិ លោកប្រធានាធិបតី Putin បានចោទប្រកាន់លោកខាងលិចថាកំពុងព្យាយាមទាញរុស្ស៊ីទម្លាក់ចូលទៅក្នុងការរត់ប្រណាំងអាវុធ។ នៅពេលនោះ លោកបាននិយាយថា ពេលនេះ រុស្ស៊ី ចាំបាច់ត្រូវពង្រឹងវិស័យការពារជាតិរបស់ខ្លួននៅតាមព្រំដែនភាគខាងលិចដែលប្រទេសស៊ុយអែត និងហ្វាំងឡង់បានចូលជាសមាជិកណាតូ។ លោកប្រធានាធិបតី Putin បាននិយាយថា លោកខាងលិច បានដុតបញ្ឆេះជម្លោះនៅក្នុងប្រទេសអ៊ុយក្រែន និងបន្តកុហក់ដោយគ្មានការអៀនខ្មាស់ដែលចេះតែលើកឡើងដដែលៗថារុស្ស៊ី មានបំណងវាយប្រហារអឺរ៉ុប។ប្រហែលជាកំពុងសំដៅទៅលើការអត្ថាធិប្បាយដោយលោកប្រធានាធិបតីបារាំងEmmanuel Macron កាលពីដើមសប្ដាហ៍នេះដែល ថាការបញ្ជូនកងទ័ពរពស់ក្រុមប្រទេសសម្ព័ន្ធណាតូ ទៅអ៊ុយក្រែន មិនអាចច្រានចោលបាន លោកប្រធានាធិបតីរុស្ស៊ី រូបនេះ បាននិយាយថា ផលវិបាកសម្រាប់អ្នកអន្តរាគមន៍ នឹងជួបសោកនាដកម្ម។លោកក៏ បានបន្ថែមផងដែរថា យើងមានអាវុធដែលអាចកម្ទេចគោលដៅនានានៅលើដែនដីរបស់ពួកគេ។ ទង្វើទាំងអស់នោះពិតជាអាចរុញឲ្យមានការប្រើប្រាស់អាវុធនុយក្លេអ៊ែរក្នុងជម្លោះ និងការបំផ្លិចផ្លាញភាពជឿនលឿននៃអរិយធម៌។ យ៉ាងណា បណ្ដាប្រទេសសម្ព័ន្ធណាតូ មួយចំនួន បាននិយាយថា សហរដ្ឋអាមេរិក អាល្លឺម៉ង់ និងចក្រភពអង់គ្លេស បានច្រានចោលថា ខ្លួននឹងមិនបញ្ជូនកងកម្លាំងថ្មើរជើងទៅកាន់ប្រទេសអ៊ុយក្រែនទេ៕

រដ្ឋសភាបើកសម័យប្រជុំរដ្ឋសភាជាវិសាមញ្ញ នីតិកាលទី៧ ដើម្បីបោះឆ្នោតជ្រើសតាំងសមាជិកព្រឹទ្ធសភាពីររូប

2024/03/01 08:49:41 am        110
Facebook Telegram Linkin
ភ្នំពេញ៖ នៅព្រឹកថ្ងៃទី១ ខែមីនា ឆ្នាំ២០២៤ រដ្ឋសភានៃព្រះរាជាណាចក្រកម្ពុជា បានបើកសម័យប្រជុំរដ្ឋសភាជាវិសាមញ្ញ នីតិកាលទី៧ ក្រោមអធិបតីភាពដ៏ខ្ពង់ខ្ពស់សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា។សម័យប្រជុំរដ្ឋសភាជាវិសាមញ្ញ នីតិកាលទី៧ នាថ្ងៃនេះ មានការអញ្ជើញចូលរួមពីសមាជិក-សមាជិកាសរុបចំនួន១១៣រូប ដើម្បីពិនិត្យលើរបៀបវារៈចំនួន៣ រួមមាន៖១.ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ចំនួន ២រូប ដោយរដ្ឋសភា នីតិកាលទី៧ ក្នុងនោះ មានបេក្ខភាព៤រូប គឺលោក សុខ ឥសាន, លោក ហេង ហាលីម,លោក អ៊ា ឃីម៉េង និង លោក ឌី ទេពកោសល្យ។២.សេចក្តីព្រាងច្បាប់ស្តីពី ការអនុម័តយល់ព្រមលើពិធីសារសម្រាប់ធ្វើវិសោធនកម្មកិច្ចព្រមព្រៀង ម៉ារ៉ាកេស ស្តីពីការបង្កើតអង្គការពាណិជ្ជកម្មពិភពលោក ដើម្បីបញ្ចូលកិច្ចព្រមព្រៀងស្តីពីការឧបត្ថម្ភធនជលផល៣. សេចក្តីព្រាងច្បាប់ស្តីពី ការដឹកជញ្ជូនតាមផ្លូវទឹក។

ការរៀនជំនាញវិជ្ជាជីវៈ មិនត្រឹមតែជួយខ្លួនឯងប៉ុណ្ណោះទេ ថែមទាំងរួមចំណែកក្នុងការអភិវឌ្ឍសេដ្ឋកិច្ចជាតិដែរ

2024/02/29 03:50:04 pm        125
Facebook Telegram Linkin
ភ្នំពេញ៖ មន្រ្តីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ បានបន្តអំពាវនាវដល់យុវជនដែលមានបំណងចង់រៀនជំនាញបច្ចេកទេស និងវិជ្ជាជីវៈ រួសរាន់ចុះឈ្មោះដើម្បីបង្កើតជំនាញមួយក្នុងជីវិត ព្រោះថា នឹងអាចមានការងារធ្វើសមរម្យ និងចំណូលសមរម្យ។ លើសពីនេះថែមទៀត ដើម្បីរួមចំណែកក្នុងការអភិវឌ្ឍសេដ្ឋកិច្ចរបស់ប្រទេសជាតិផងដែរ។ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យនៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវី នៅព្រឹកថ្ងៃនេះថា គិតត្រឹមថ្ងៃទី២៨ ខែកុម្ភៈ ឆ្នាំ២០២៤ មានយុវជនបានមកចុះឈ្មោះចូលរៀនវគ្គបណ្តុះបណ្តាលជំនាញបច្ចេកទេស និងវិជ្ជាជីវៈសរុបចំនួន ២៧,៥៣៧នាក់ ក្នុងនោះស្រី ៩,៥៦៤នាក់។ ការសិក្សាបែងចែកចំនួន ៥៤៦ថ្នាក់ គ្រប់មុខជំនាញ ក្នុងវិស័យទេសចរណ៍ និងកសិកម្មជាដើម។ឯកឧត្តម បានបញ្ជាក់ថា យុវជនដែលមកចុះឈ្មោះចូលរៀនមកពីគ្រួសារក្រីក្រ និងគ្រួសារងាយរងហានិភ័យ នឹងទទួលបានប្រាក់ឧបត្ថម្ភចំនួន ២៨ម៉ឺនរៀល ក្នុង១ខែ ពីមូលនិធិជាតិជំនួយសង្គម ក្នុងចន្លោះពីថ្ងៃទី១ ដល់ថ្ងៃទី៥ ខែមីនាខាងមុខ។ ជាមួយនេះ ឯកឧត្តម បានអំពាវនាវដល់យុវជន ដែលមានបំណងចង់រៀនជំនាញបច្ចេកទេស និងវិជ្ជាជីវៈ សូមអញ្ជើញចុះឈ្មោះនៅតាមគ្រឹះស្ថានបណ្តុះបណ្តាលជំនាញបច្ចេកទេស និងវិជ្ជាជីវៈ នៅជិតលំនៅឋាន ពីព្រោះការរៀនជំនាញនេះធ្វើឲ្យមានជំនាញមួយក្នុងជីវិត ដែលអាចមានការងារធ្វើសមរម្យ និងចំណូលសមរម្យសម្រាប់ទ្រទ្រង់ជីវភាពគ្រួសារ ក៏ដូចជាការចូលរួមចំណែកកាត់បន្ថយភាពក្រីក្ររបស់ប្រទេសជាតិ និងការចូលរួមចំណែកក្នុងការអភិវឌ្ឍសេដ្ឋកិច្ចរបស់ប្រទេសជាតិផងដែរ។សូមបញ្ជាក់ថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិកភ័យ ១,៥លាននាក់ គឺជាការចង្អុលបង្ហាញរបស់សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា និងបានប្រកាសដាក់ឲ្យអនុវត្តជាផ្លូវការ នៅថ្ងៃទី១៤ ខែវិច្ឆិកា ឆ្នាំ២០២៣ ដោយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ កម្មវិធីនេះដែរ រដ្ឋាភិបាលនឹងទទួលខុសត្រូវលើការចំណាយទាំងអស់ ដូចជាថ្លៃសិក្សា និងប្រាក់ឧបត្ថម្ភប្រចាំខែសម្ររាប់ផ្តល់ការបណ្តុះបណ្តាលជំនាញនេះ ដើម្បីឆ្លើយតបនឹងតម្រូវការទីផ្សារការងារ ព្រមទាំងជួយលើកកម្ពស់ជីវភាពរបស់យុវជន ឲ្យកាន់តែប្រសើរជាងមុន។ពាក់ព័ន្ធកម្មវិធីខាងលើនេះដែរ ដើម្បីគាំទ្រដល់ការបណ្តុះបណ្តាលជំនាញវិជ្ជាជីវៈ និងបច្ចេកទេសឲ្យកាន់តែមានប្រសិទ្ធិភាពបន្ថែមទៀត ក្រសួងការងារ និងបណ្តុះបណ្តាលវិជ្ជាជីវៈ បានចុះហត្ថលេខាលើអនុស្សរណៈនៃការយោគយល់គ្នា ជាមួយសភាពាណិជ្ជកម្មកម្ពុជា និងសមាគមនិយោជកចំនួន១៧ ដើម្បីបង្កើតកិច្ចសហប្រតិបត្តិការ រវាងវិស័យរដ្ឋ និងវិស័យឯកជន ក្នុងការផ្តល់ជំនាញ បង្កើនជំនាញ ផ្លាស់ប្តូរជំនាញ និងបង្កើនផលិតភាពការងារ ដើម្បីធានាថា ពលរដ្ឋកម្ពុជាមានជំនាញមួយពិតប្រាកដ ដែលអាចទទួលបានការងារ និងមុខរបរសមរម្យ៕

រដ្ឋ និងវិស័យឯកជន ជួបពិភាក្សាគ្នាដើម្បីស្វែងរកដំណោះស្រាយពាក់ព័ន្ធវិស័យកសិកម្ម

2024/02/29 03:17:29 pm        208
Facebook Telegram Linkin
ក្រុមហ៊ុនសាជីវកម្មកសិកម្មកម្ពុជា ភីអិលស៊ី សហព័ន្ធស្រូវអង្ករកម្ពុជា និងអង្គការ Grow Asia នៅថ្ងៃទី២៨ កុម្ភៈ ឆ្នាំ២០២៤កន្លងទៅ បានរៀបចំវេទិកាលើកទី៤ ស្តីពីកសិកម្មប្រកបដោយ​និរន្តរភាព ​ក្រោមប្រធានបទ «ការអនុវត្តកសិកម្មកសិកម្មកកើតឡើងវិញ ឆ្ពោះទៅ​កសិកម្មកា​បូនទាប» ​ក្នុងគោលបំណងត្រួសត្រាយផ្លូវឆ្ពោះទៅរកការអនុវត្តកសិកម្ម​ប្រកបដោយ​និរន្តរភាព និងបរិយាប័ន្ន ​កសិកម្មប្រកបដោយភាតរបរិស្ថាន និងលើកកំពស់ជីវភាពកសិករខ្នាតតូច ។វេទិកានេះ បានប្រព្រឹត្តទៅនៅរាជធានីភ្នំពេញ ក្រោមវត្តមានរបស់ ឯកឧត្តម បណ្ឌិត យ៉ង់ សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងមានអ្នកចូលរួមប្រមាណ ៣៥០រូប ដែលភាគច្រើនជាថ្នាក់ដឹកនាំសហគមន៍កសិកម្ម តំណាងឲ្យវិស័យឯកជន រាជរដ្ឋាភិបាល ធនាគារ និងគ្រឹះស្ថានមីក្រូហិរញ្ញវត្ថុ ដៃគូអភិវឌ្ឍន៍ ម្ចាស់ជំនួយ និងអ្នកសិក្សាស្រាវជ្រាវ។ ក្នុងសេចក្តីប្រកាសព័ត៌មាន ឯកឧត្តម បណ្ឌិត យ៉ង់ សាំងកុមារ បានគាំទ្រការធ្វើការរួមបញ្ចូលគ្នាពីគ្រប់តួអង្គពាក់ព័ន្ធ ដើម្បីនិរន្តរភាពនៃវិស័យកសិកម្ម ដែលអាចផ្តល់ជាគំរូដ៏ល្អមួយក្នុងការអនុវត្តភាពជាដៃគូគ្រប់តួអង្គក្នុងខ្សែច្រវ៉ាក់ផលិតកម្មកសិកម្ម មានដូចជា៖ ក្រុមកសិករ ធានាគារ រោងម៉ាស៊ីនកិនស្រូវ ក្រុមហ៊ុនឯកជន ដៃគូអភិវឌ្ឍន៍ និងរាជរដ្ឋាភិបាល ដែលមានគោលដៅរួមគ្នា ដើម្បីឈានឆ្ពោះទៅរកនិរន្តរភាពបរិស្ថាន និងនិរន្តរភាពសេដ្ឋកិច្ចគ្រួសារសម្រាប់កសិករនៅតំបន់ជនបទ។ ប្រការនេះបានឆ្លុះបញ្ចាំងពីគ្រប់តួអង្គពាក់ព័ន្ធបានកំពុងចូលរួមចំណែកអនុវត្តគោលនយោបាយរបស់រាជរដ្ឋាភិបាល ជាពិសេសក្រសួងកសិកម្ម រុក្ខាប្រមាញ់ និងនេសាទ ខណៈក្រសួង បានផ្តល់កិច្ចសហការ និងគាំទ្រយ៉ាងពេញទំហឹង ដើម្បីពង្រឹងគំរូសហការ ដែលមានគ្រប់តួអង្គពាក់ព័ន្ធដើម្បីផ្តល់ផលប្រយោជន៍ដល់ក្រុមកសិករ។ ឯកឧត្តមបណ្ឌិត ម៉ី កល្យាន ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិ និងជាប្រធានក្រុមប្រឹក្សាភិបាលក្រុមហ៊ុនសាជីវកម្មកសិកម្មកម្ពុជា បានឲ្យដឹងក្នុងលិខិតនេះដែរថា វេទិកានេះ ពិតជាមានសារៈសំខាន់ណាស់ ដែលឲ្យគ្រប់ភាគីទាំងរដ្ឋាភិបាល វិស័យឯកជន ក្រុមកសិករ និងដៃគូអភិវឌ្ឍន៍ ដើម្បីជជែកគ្នាស្វែងរកមធ្យោបាយគន្លឹះការធ្វើកសិកម្មប្រកបដោយនិរន្តរភាព ដោយចាប់ផ្តើមពីការកំណត់បញ្ហា និងចូលរួមដោះស្រាយបញ្ហា។ ឯកឧត្តម បានបន្តថា គ្រប់ភាគីរួមគ្នាប្រើប្រាស់ធនធានក្នុងការអនុវត្តកសិកម្មប្រកបដោយចិរភាព ពោលធ្វើយ៉ាងណារក្សាធនធាន និងការអនុវត្តកសិកម្មកកើតឡើងវិញ ដែលអាចប្រើប្រាស់សម្រាប់ជាប្រយោជន៍រួមទាំងអស់គ្នា មិនថាក្នុងសង្គម និងជួយដល់បរិស្ថាន។ ដោយឡែក លោកឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា បានបញ្ជាក់ថា កិច្ចប្រជុំកំពូលនេះ មិនត្រឹមតែផ្តល់ចំណេះដឹងលើការអនុវត្តកម្មវិធីស្តង់ដាដំណាំស្រូវប្រកបដោយនិរន្តរភាព ស្តង់ដាស្រូវកកើតឡើងវិញ និងស្តង់ដា ស្រូវសរីរាង្គប៉ុណ្ណោះទេ តែក៏ជាកម្មវិធីមួយដែលផ្តល់អោយគ្រប់ភាគីពាក់ព័ន្ធ បានបង្កើតទំនាក់ទំនងកាន់តែល្អប្រសើរ ចែករំលែកគ្នានូវចំណេះដឹង និងការទទួលបាននូវព័ត៌មានថ្មីស្តីអំពីបច្ចេកវិទ្យា ឥណទាន និងគំនិតផ្តួចផ្តើមថ្មីៗលើវិស័យកសិកម្ម។ កម្មវិធីថ្ងៃនេះក៏ជួយបង្ហាញប្រាប់ដល់ពិភពលោកថា កសិកម្មកម្ពុជាកំពុងស្ថិតលើដំណើរផ្លូវឆ្ពោះទៅរកការអនុវត្តតាមស្តង់ដាអន្តរជាតិនានា ក្នុងការចូលរួមសង្គ្រោះផែនដី ក៏ជាយន្តការនៃការពង្រីកមុខមាត់សំរាប់ផ្នែកទីផ្សារអង្ករកម្ពុជាផងដែរ”។លោកស្រី Amy Melissa Chua ប្រធានភាពជាដៃគូនៃអង្គការ Grow Asia បានលើកឡើងពីការគាំទ្ររបស់លោកស្រី សម្រាប់កិច្ចប្រជុំកំពូលនេះថា គឺមានកិត្តិយសណាស់ ក្នុងការចាប់ដៃគូជាមួយក្រុមហ៊ុនសាជីវកម្មកសិកម្មកម្ពុជា និងសហព័ន្ធស្រូវអង្ករកម្ពុជានៅក្នុងកិច្ចប្រជុំកសិកម្មប្រកបដោយនិរន្តរភាពលើកទី៤ ។ លោកស្រីមើលឃើញថា នេះជាឱកាសដ៏មានតម្លៃ ដើម្បីប្រមូលផ្តុំភាគីពាក់ព័ន្ធជាច្រើន ដើម្បីរួមគ្នាកសាងប្រព័ន្ធអាហារប្រកបដោយចីរភាព និងមានភាពរួមបញ្ចូលនៅក្នុងប្រទេសកម្ពុជា។ អង្គការ Grow Asia មានសេចក្តីសោមនស្សរីករាយ ក្នុងការគាំទ្រជាដៃគូនៅក្នុងប្រទេសកម្ពុជា។អត្ថបទ៖ ឈិត បូរ៉ាវី 

ប្រធានាធិបតីហ្វីលីពីន ប្រាប់អូស្ត្រាលី ភាពជាដៃគូយុទ្ធសាស្ត្ររបស់ពួកគេ មានសារៈសំខាន់ជាងពេលណាៗទាំងអស់

2024/02/29 02:26:32 pm        132
Facebook Telegram Linkin
ប្រធានាធិបតីហ្វីលីពីន លោក ហ្វឺឌីណាន ម៉ាកូស ( Ferdinand Marcos Jr) បានប្រាប់សភាអូស្ត្រាលីនៅថ្ងៃព្រហស្បតិ៍នេះថា ភាពជាដៃគូយុទ្ធសាស្ត្ររវាងប្រទេសទាំងពីរ មានសារៈសំខាន់ជាងពេលណាៗទាំងអស់ ជាមួយនឹងនីតិរដ្ឋ និងសន្តិភាពនៅក្នុងតំបន់ ដែលស្ថិតនៅក្រោមការគំរាមកំហែងពីប្រទេសចិន។លោកម៉ាកូស បានប្រាប់កិច្ចប្រជុំរួមពិសេសនៃសភាទាំងពីរ ក្នុងអំឡុងពេលបំពេញទស្សនកិច្ចផ្លូវរដ្ឋថា ប្រទេសហ្វីលីពីន នឹងមិនអនុញ្ញាតឲ្យមហាអំណាចបរទេស «ដណ្តើមយកទឹកដីអធិបតេយ្យភាពរបស់យើង សូម្បីតែមួយមីល្លិម៉ែត្រ»។នេះគឺជាការប្រកាសដែលលោកបាននិយាយម្តងហើយម្តងទៀត ចាប់តាំងពីចូលកាន់តំណែង ក្នុងឆ្នាំ ២០២២ ហើយសំដៅទៅលើការទាមទារដែលមានជម្លោះរបស់ចិនចំពោះទឹកដីហ្វីលីពីន ក្នុងសមុទ្រចិនខាងត្បូង។លោកម៉ាកូស បានបញ្ជាក់ថា អូស្ត្រាលី និងហ្វីលីពីន ចាំបាច់ត្រូវរួមគ្នាប្រឆាំងនឹងបញ្ហាប្រឈមថ្មីចំពោះសន្តិភាព និងស្ថិរភាពក្នុងតំបន់ ដូចដែលពួកគេបានប្រឆាំងនឹងកងកម្លាំងជប៉ុនក្នុងអំឡុងសង្គ្រាមលោកលើកទី២។លោកបានបន្ថែមថា៖ «គ្មានប្រទេសតែមួយ អាចធ្វើវាដោយខ្លួនឯងនោះទេ។ គ្មានកម្លាំងណាមួយ អាចទប់ទល់ពួកគេ ដោយខ្លួនឯងបានឡើយ»។ «នេះគឺជាមូលហេតុដែលភាពជាដៃគូយុទ្ធសាស្ត្ររបស់យើង មាន សំខាន់ជាងពេលណាៗទាំងអស់»។

ប្រទេសអ៊ីរ៉ង់ និងរុស្ស៊ី ចុះហត្ថលេខាលើឯកសារជាច្រើន ដើម្បីពង្រីកកិច្ចសហប្រតិបត្តិការ

2024/02/29 02:19:52 pm        150
Facebook Telegram Linkin
ទីភ្នាក់ងារសារព័ត៌មាន Shana ដែលមានទំនាក់ទំនងជាមួយក្រសួងប្រេងរបស់ប្រទេសអ៊ីរ៉ង់ បានរាយការណ៍ថា ប្រទេសអ៊ីរ៉ង់ និងរុស្ស៊ី បានចុះហត្ថលេខាលើឯកសារចំនួន១៩ច្បាប់ ស្តីពីការពង្រីកកិច្ចសហប្រតិបត្តិការទ្វេភាគីក្នុងវិស័យជាច្រើន។របាយការណ៍បាននិយាយថា កិច្ចព្រមព្រៀង ត្រូវបានចុះហត្ថលេខានៅចុងបញ្ចប់នៃកិច្ចប្រជុំលើកទី ១៧ របស់គណៈកម្មការសហប្រតិបត្តិការសេដ្ឋកិច្ចរបស់ប្រទេសទាំងពីរ នៅក្នុងរដ្ឋធានីតេអេរ៉ង់ របស់ប្រទេសអ៊ីរ៉ង់ ដែលគ្របដណ្តប់លើវិស័យដូចជា ថាមពល សុខភាព ពាណិជ្ជកម្ម និងការសិក្សាអប់រំ។ថ្លែងនៅក្នុងសន្និសីទសារព័ត៌មានរួម ជាមួយឧបនាយករដ្ឋមន្ត្រីរុស្ស៊ី លោក Alexander Novak បន្ទាប់ពីការចុះហត្ថលេខាលើឯកសារ រដ្ឋមន្ត្រីប្រេងរបស់អ៊ីរ៉ង់ លោក Javad Owji បាននិយាយថា ប្រទេសរបស់លោក រហូតមកដល់ពេលនេះ បានចុះហត្ថលេខាលើកិច្ចសន្យាជាមួយក្រុមហ៊ុនជាច្រើនរបស់រុស្ស៊ី សម្រាប់ការអភិវឌ្ឍតំបន់អណ្តូងប្រេងអ៊ីរ៉ង់ ចំនួន៨កន្លែង។លោក Owji បាននិយាយថា ការពិភាក្សាកំពុងដំណើរការ ទាក់ទងទៅនឹងការអភិវឌ្ឍន៍តំបន់អណ្តូងប្រេង និងឧស្ម័នបន្ថែមជាច្រើនកន្លែង ហើយកិច្ចសន្យាថ្មី អាចនឹងត្រូវបានចុះហត្ថលេខា ក្នុងពេលឆាប់ៗនេះ។លោក Novak បាននិយាយនៅក្នុងសន្និសីទសារព័ត៌មានថា ប្រទេសទាំងពីរ អាចពង្រីកកិច្ចសហប្រតិបត្តិការទ្វេភាគី ក្នុងវិស័យប្រេង ឧស្ម័ន និងគីមីឥន្ធនៈ ការផលិតរថយន្ត និងសេវាកម្មជាច្រើនទៀត។

ឈ្មោះរបស់លោក Trump ត្រូវបានដកចេញពីសន្លឹកឆ្នោតក្នុងរដ្ឋអ៊ីលីណយ(Illinois)

2024/02/29 02:02:14 pm        159
Facebook Telegram Linkin
ចៅក្រម រដ្ឋ អ៊ីលីណយ (Illinois)កាលពីថ្ងៃពុធបានរារាំងលោក Donald Trump មិនឲ្យដាក់រូបរបស់លោកនៅលើសន្លឹកឆ្នោតបឋមជ្រើសរើសបេក្ខភាពប្រធានាធិបតីរបស់សាធារណរដ្ឋ នៅរដ្ឋ Illinois ដោយសារតែតួនាទីរបស់លោកនៅក្នុងការបះបោរនៅវិមាន កាពីតូល (Capitol) របស់សហរដ្ឋអាមេរិកកាលពីថ្ងៃទី៦ ខែមករា ឆ្នាំ ២០២១ ប៉ុន្តែលោកស្រីបានពន្យារពេលសេចក្ដីសម្រេចរបស់ខ្លួនមិនទាន់ឲ្យចូលជាធរមានទេ ដោយរំពឹងថា នឹងមានការប្ដឹងឧទ្ធរណ៍ពីអតីតប្រធានាធិបតីអាមេរិករូបនេះ។ ចៅក្រមលោកស្រី ត្រាស៊ី ផទ័រ (Tracie Porter) ប្រចាំតំបន់ Cook County បានឈរនៅខាងអ្នកបោះឆ្នោតរដ្ឋ Illinois ដែលបានអះអាងថា អតីតប្រធានាធិបតីរូបនេះ គួរតែត្រូវបានលុបឈ្មោះចេញពីសន្លឹកឆ្នោតបឋមនៅថ្ងៃទី១៩ ខែមីនារបស់រដ្ឋនេះ និងសន្លឹកឆ្នោតក្នុងការបោះឆ្នោតជ្រើសរើសប្រធានាធិបតីនៅថ្ងៃទី ៥ ខែវិច្ឆិកា ចំពោះការរំលោភលើច្បាប់ប្រឆាំងការបះបោរនៃវិសោធនកម្មទី១៤ក្នុងរដ្ឋធម្មនុញ្ញរបស់សហរដ្ឋអាមេរិក។ លទ្ធផលចុងក្រោយនៃសំណុំរឿងរដ្ឋ Illinois និងបញ្ហាប្រឈមស្រដៀងគ្នានឹងទំនងជាត្រូវបានសម្រេចដោយតុលាការកំពូលរបស់សហរដ្ឋអាមេរិក ដែលបានស្តាប់ទឡ្ហីករណ៍ទាក់ទងនឹងឈ្មោះលើសន្លឹកឆ្នោតរបស់លោក Trump កាលពីថ្ងៃទី ៨ ខែកុម្ភៈ។ លោកស្រី Porter បាននិយាយថាលោកស្រីនៅតែរក្សាសេចក្ដីសម្រេចចិត្តរបស់ខ្លួនព្រោះលោកស្រីរំពឹងថានឹងមានការប្តឹងឧទ្ធរណ៍របស់លោកTrump ទៅកាន់តុលាការឧទ្ធរណ៍របស់រដ្ឋ Illinois និងសេចក្ដីសម្រេចដ៏សំខាន់ពីតុលាការកំពូលរបស់សហរដ្ឋអាមេរិក។ ក្រុមតស៊ូមតិ Free Speech For People ដែលដឹកនាំកិច្ចខិតខំប្រឹងប្រែងដកសិទ្ធិក្នុងរដ្ឋ Illinois បានសរសើរសេចក្តីសម្រេចនេះថាជា ជ័យជម្នះជាប្រវត្តិសាស្ត្រ នៅក្នុងសេចក្តីថ្លែងការណ៍មួយ។ អ្នកនាំពាក្យយុទ្ធនាការរបស់លោក Trump ដែលជាបេក្ខជននាំមុខសម្រាប់ការតែងតាំងរបស់គណបក្សសាធារណរដ្ឋឆ្នាំ២០២៤ នេះ បាននិយាយក្នុងសេចក្តីថ្លែងការណ៍មួយថានេះជាសេចក្ដីសម្រេចមិនស្របតាមរដ្ឋធម្មនុញ្ញដែលយើងនឹងប្តឹងឧទ្ធរណ៍ក្នុងពេលឆាប់ៗនេះ។គួររម្លឹកថា កាលពីកន្លងមករដ្ឋ Colorado និង រដ្ឋ Maine បានដកឈ្មោះរបស់លោក Trump ចេញពីសន្លឹកឆ្នោតក្នុងរដ្ឋ បន្ទាប់ពីបានកំណត់ថាលោកត្រូវបានដកសិទ្ធិនៅក្រោមមាត្រាទី៣ នៃវិសោធនកម្មរដ្ឋធម្មនុញ្ញលើកទី ១៤ ។ សេចក្ដីសម្រេចទាំងពីរត្រូវបានផ្អាក ខណៈដែល Trump ប្តឹងឧទ្ធរណ៍៕

សមាជិកសភាអាមេរិក ឈានដល់កិច្ចព្រមព្រៀងដើម្បីបញ្ចៀសការបិទរដ្ឋាភិបាល មុនពេលកំណត់

2024/02/29 01:58:58 pm        144
Facebook Telegram Linkin
សមាជិកសភា បាននិយាយកាលពីថ្ងៃពុធថា មេដឹកនាំសភាសហរដ្ឋអាមេរិក បានឈានដល់កិច្ចព្រមព្រៀងមួយ ដើម្បីទប់ស្កាត់ការបិទរដ្ឋាភិបាលដោយផ្នែក ដែលកំណត់នៅពាក់កណ្តាលអធ្រាត្រនៅថ្ងៃសុក្រ។ គណបក្សប្រជាធិបតេយ្យ និងគណបក្សសាធារណរដ្ឋ បានព្រមព្រៀងផ្តល់ហិរញ្ញវត្ថុ ដល់វិស័យជាច្រើនរបស់រដ្ឋាភិបាល និងបានសម្រេចពន្យាពេលកំណត់ដែលមាន នៅដើមខែមីនា រហូតដល់ថ្ងៃទី ៨ ខែមីនា និងថ្ងៃទី ២២ ខែមីនា ដោយការទិញពេលវេលារបស់សភាបន្ថែមទៀត ដើម្បីដំណើរការសេចក្តីស្នើច្បាប់ចំណាយប្រចាំឆ្នាំ។ ប្រធានសភា លោក Mike Johnson និងមេដឹកនាំមានសំឡេងភាគច្រើននៅព្រឹទ្ធសភា លោក Chuck Schumer បាននិយាយនៅក្នុងសេចក្តីថ្លែងការណ៍រួមថា យើងមានកិច្ចព្រមព្រៀង ដែលសភាត្រូវតែធ្វើការក្នុងលក្ខណៈទ្វេបក្ស ដើម្បីផ្តល់មូលនិធិដល់រដ្ឋាភិបាលរបស់យើង។ បន្ទាប់ពីការរៀបចំឯកសារចុងក្រោយ កញ្ចប់នៃសេចក្តីស្នើច្បាប់បម្រុងរយៈពេលប្រាំមួយឆ្នាំពេញ ដែលផ្តល់មូលនិធិដល់ក្រសួងកសិកម្ម ពាណិជ្ជកម្ម ថាមពល មហាផ្ទៃ យុត្តិធម៌ ដឹកជញ្ជូន និងកិច្ចការអតីតយុទ្ធជន នឹងត្រូវបានបោះឆ្នោត ហើយត្រូវបានអនុម័ត នៅមុនថ្ងៃទី ៨ ខែមីនា។សេចក្តីស្នើច្បាប់បម្រុងចំនួន៦ ដែលនៅសល់ គឺមាន វិស័យការពារជាតិ អង្គភាពសេវាហិរញ្ញវត្ថុ និងរដ្ឋាភិបាលទូទៅ សន្តិសុខមាតុភូមិ ការងារសុខភាព និងសេវាធនធានមនុស្ស អង្គភាពសាខានីតិប្បញ្ញត្តិ និងប្រតិបត្តិការរដ្ឋនិងបរទេស ដែលនឹងត្រូវបានពិនិត្យចុងក្រោយ ត្រូវបោះឆ្នោត និងត្រូវអនុម័ត នៅមុនថ្ងៃទី ២២ ខែមីនា។ ការប្រកាសចុងក្រោយនេះ បានធ្វើឡើងមួយថ្ងៃបន្ទាប់ពីលោក Johnson មេដឹកនាំគណបក្សសាធារណរដ្ឋ នៅក្នុងសភា បាននិយាយថា លោកមានសុទិដ្ឋិនិយមយ៉ាងខ្លាំង ដែលសភានឹងបញញចៀសការបិទរដ្ឋាភិបាល ត្រឹមថ្ងៃកំណត់នៅថ្ងៃសុក្រ បន្ទាប់ពីបានជួបជាមួយប្រធានាធិបតី លោក Joe Biden និងមេដឹកនាំជាន់ខ្ពស់សភា នៅសេតវិមាន។នេះគឺជាលើកទីបួនហើយ ដែលសភាបានអនុម័តសេចក្តីស្នើច្បាប់មូលនិធិបណ្តោះអាសន្ន ដើម្បីបន្តដំណើរការរដ្ឋាភិបាល។

បណ្ដាញសង្គម

ព័ត៌មានថ្មីៗ

ក្រសួងការបរទេសចិន មិនពេញចិត្តជប៉ុនចំពោះការលើកឡើងរបស់នាយករដ្ឋមន្ត្រី Takaichi លើបញ្ហាកោះតៃវ៉ាន់
11/11/2025 09:11 AM
Facebook Telegram Linkin
សាលាមត្តេយ្យសិក្សាធនធានក្រុងព្រះសីហនុ ឈ្នះជ័យលាភីអង្គភាពផ្ដល់សេវាសាធារណៈគំរូក្នុងវិស័យអប់រំ ឆ្នាំ២០២៤ ចំណាត់ថ្នាក់លេខ១
11/11/2025 09:11 AM
Facebook Telegram Linkin
ក្រុមអ្នកសម្របសម្រួលរបស់លោកTrump ពិភាក្សាជាមួយលោក Netanyahuជំរុញបទឈប់បាញ់នៅតំបន់ហ្កាហ្សា
11/11/2025 09:11 AM
Facebook Telegram Linkin
ក្រសួងការពារជាតិ៖ ចាប់តាំងពីក្លាយជារដ្ឋភាគីនៃអនុសញ្ញាអូតាវ៉ា កម្ពុជា​​ប្រកាន់​ខ្ជាប់​នូវ​គោលការណ៍ និងកាតព្វកិច្ចរបស់ខ្លួនក្រោមច្បាប់អន្តរជាតិ ដោយមិនដែលដាក់មីនថ្មីនោះឡើយ
11/11/2025 09:11 AM
Facebook Telegram Linkin
ក្រសួងការងារ និង JCA ឯកភាពគ្នាពង្រឹងភាពជាដៃគូជំរុញលើការបណ្តុះបណ្តាលជំនាញ
11/11/2025 09:11 AM
Facebook Telegram Linkin
ឯកឧត្តម ហួត ហាក់៖ កម្ពុជាមានសុខសន្តិភាព និងអាចធានាសុវត្ថិភាពបានយ៉ាងល្អជូនភ្ញៀវទេសចរអញ្ជើញមកទស្សនា និងទទួលយកនូវបទពិសោធបដិសណ្ឋារកិច្ចដ៏កក់ក្តៅ
11/11/2025 09:11 AM
Facebook Telegram Linkin
ថ្ងៃនេះក្រសួងមុខងារសាធារណៈ និងលេខាធិការដ្ឋានអាស៊ានសហការរៀបចំសិក្ខាសាលាពិគ្រោះយោបល់លើកទី២ ស្តីពី «ការអភិវឌ្ឍផែនការការងារ ACCSM និង ACCSM+3 ឆ្នាំ២០២៦-២០៣០»
11/11/2025 09:11 AM
Facebook Telegram Linkin
ស្នងការដ្ឋាននគរបាលខេត្តពោធិ៍សាត់បន្តចុះផ្សព្វផ្សាយច្បាប់ចរាចរណ៍ផ្លូវគោក ដល់​សិស្សានុសិស្ស
11/11/2025 09:11 AM
Facebook Telegram Linkin
ម៉ាឡេស៊ី បន្តស្វែងរកជនរ៉ូហ៊ីងយ៉ាដែលបាត់ខ្លួន ខណៈអ្នកស្លាប់ក្នុងការលិចទូក ឡើងលើស ២០នាក់
11/11/2025 08:11 AM
Facebook Telegram Linkin
លោកTrump គំរាមក្រុមអ្នកគ្រប់គ្រងចរាចរណ៍ផ្លូវអាកាសដែលមិនព្រមត្រឡប់ទៅធ្វើការវិញ ខណៈ ការលុបចោលជើងហោះហើរកើនឡើង
11/11/2025 08:11 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.