នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា
ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបាន​សម្ពោធ​ដាក់​ឲ្យ​ប្រើ​ប្រាស់​ជាផ្លូ​វការ​នៅថ្ងៃនេះ

នយោបាយ​ និង ការអភិវឌ្ឍន៍

លោកហ្សេឡិនស្គី៖ អ្វីៗគ្រប់យ៉ាង បានចាប់ផ្តើមនៅឧបទ្វីបគ្រីម៉េ កាលពី១០ឆ្នាំមុន

2024/02/27 12:59:17 pm        159
Facebook Telegram Linkin
ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី ( Volodymyr Zelensky)កាលពីថ្ងៃចន្ទ បានរំលឹកដល់ការកាន់កាប់ឧបទ្វីបគ្រីម៉េ(Crimean)ដោយប្រទេសរុស្ស៊ីកាលពី១០ឆ្នាំមុន ។លោកហ្សេឡិនស្កី បានថ្លែងនៅក្នុងសុន្ទរកថាតាមវីដេអូពេលល្ងាចរបស់ខ្លួនថា៖«អ្វីៗទាំងអស់ បានចាប់ ផ្តើមនៅគ្រីម៉េ-នេះជាការសងសឹករបស់រុស្ស៊ី គឺសង្គ្រាមរុស្ស៊ី។ ថ្ងៃនោះ បានកំណត់ជោគវាសនានៃសន្តិសុខអន្តរជាតិ និងទំនាក់ទំនងអន្តរជាតិ។កងកម្លាំងពិសេសរបស់រុស្សីគ្មានសញ្ញាជាតិនៅលើឯកសណ្ឋានរបស់ពួកគេ ដែលត្រូវបានគេស្គាល់ថាជា«បុរសបៃតងមាឌតូចៗ» នៅពេលនោះ បានចាប់ផ្តើមកាន់កាប់ឧបទ្វីប និងដកហូតអាវុធរបស់អង្គភាពអ៊ុយក្រែន។នៅថ្ងៃទី ១៨ ខែមីនា ឆ្នាំ ២០១៤ ឧបទ្វីបនេះ ត្រូវបានបញ្ចូលទៅក្នុងទឹកដីរុស្ស៊ីដោយសភាជាន់ទាបនៅទីក្រុងមូស្គូ។ ការសម្រេចចិត្តនេះ នៅតែមិនត្រូវបានទទួលស្គាល់ជាអន្តរជាតិទេ។លោកហ្សេឡិនស្គី បានសង្កត់ធ្ងន់ថា ឧបទ្វីបគ្រីម៉េ ត្រូវតែត្រឡប់ទៅអធិបតេយ្យភាពរបស់អ៊ុយក្រែនវិញ។ លោកបាននិយាយថា៖«វាពិតជាច្បាស់ណាស់ថា ទីនោះ គឺនៅឧបទ្វីបគ្រីម៉េ ដែលអំពើអាក្រក់របស់រុស្ស៊ី ត្រូវតែទទួលបរាជ័យយ៉ាងដាច់ខាត»។លោកប្រធានាធិបតីអ៊ុយក្រែន បានបញ្ជាក់ថា កងកម្លាំងប្រដាប់អាវុធអ៊ុយក្រែន បានសម្រេចលទ្ធផលសំខាន់ៗរួចហើយ នៅក្នុងសមុទ្រខ្មៅ។ «យើងកំពុងធ្វើការ ដើម្បីសម្រេចបាននូវលទ្ធផលចាំបាច់ នៅលើអាកាស និងនៅលើដីនៅឧបទ្វីបគ្រីម៉េ»។

ប្រទេសចិន មានផែនការបាញ់បង្ហោះយានចម្លង ប្រមាណ១០០គ្រឿង នៅឆ្នាំនេះ

2024/02/27 12:37:26 pm        140
Facebook Telegram Linkin
កម្មវិធីអវកាស ប្រទេសចិន មានផែនការសម្រាប់ឆ្នាំនេះ ដែលអាចឈានដល់កម្រិតកំណត់ត្រាខ្ពស់បំផុត។ ក្រុមហ៊ុនកិច្ចសន្យារបស់រដ្ឋ មានផែនការ បាញ់បង្ហោះយានចម្លងប្រមាណ១០០គ្រឿង និងបញ្ជូនបេសកកម្មមួយ ទៅកាន់ឋានព្រះចន្ទ ដើម្បីប្រមូលគំរូ។កាលពីថ្ងៃចន្ទ ទូរទស្សន៍រដ្ឋរបស់ប្រទេស បានរាយការណ៍អំពីផែនការប្រចាំឆ្នាំរបស់សារជីវកម្មបច្ចេកវិទ្យា និងវិទ្យាសាស្ត្រអវកាសរបស់ប្រទេសចិន។ ការបាញ់បង្ហោះ យានចម្លងប្រមាណ១០០គ្រឿង នឹងក្លាយជាកំណត់ត្រាមួយ របស់ប្រទេស។ គោលបំណងនៃការបាញ់បង្ហោះ នឹងត្រូវបញ្ជូនការស៊ើបអង្កេតនៅឋានព្រះចន្ទរបស់យាន Chang'e-6 ទៅកាន់ផ្នែកដ៏ឆ្ងាយរបស់ឋានព្រះចន្ទអំឡុងពាក់កណ្តាលឆ្នាំដំបូង។ គោលបំណង គឺត្រូវប្រមូលយកគំរូពីផ្នែកជាច្រើន នៅជិតប៉ូលភាគខាងត្បូងនៃឋានព្រះចន្ទ ជាកន្លែងដែលទឹក អាចមាន នៅក្នុងទម្រង់ទឹកក ហើយ ប្រសិនបើបេសកកម្មនេះទទួលបានជោគជ័យ វានឹងក្លាយជាលើកដំបូង ដែលគំរូជាច្រើន ពុំដែលធ្លាប់បាននាំត្រឡប់មកពីទីនោះ។ក្រុមហ៊ុនកិច្ចសន្យាអវកាស ក៏មានផែនការ បញ្ជូនបេសកកម្មដែលមានសមាជិកយានិក ទៅកាន់ស្ថានីយ៍អវកាសប្រទេសចិន ផងដែរ។ ក្រុមហ៊ុនកំពុងព្យាយាម បង្កើនល្បឿនការស្រាវជ្រាវនៅអវកាសរបស់ខ្លួន។ ការប្រកួតប្រជែង កំពុងឡើងកម្តៅ ក្នុងចំណោមក្រុមហ៊ុនទាំងឡាយ ដែលកំពុងព្យាយាមស្រាវជ្រាវនៅឋានព្រះចន្ទ។ កាលពីសប្តាហ៍មុន ក្រុមហ៊ុនអវកាសសហរដ្ឋអាមេរិក បានក្លាយជាក្រុមហ៊ុនឯកជនដំបូងគេ ដែលបានចុះចតយានគ្មានមនុស្សបើក នៅលើផ្ទៃនៃឋានព្រះចន្ទ។

អ្នកនាំពាក្យUN ឆ្លើយតបចំពោះការលាលែងពីតំណែងនាយករដ្ឋមន្ត្រីរបស់អាជ្ញាធរប៉ាឡេស្ទីន

2024/02/27 12:27:53 pm        167
Facebook Telegram Linkin
អ្នកនាំពាក្យអង្គការសហប្រជាជាតិ លោក Stephane Dujarric កាលពីថ្ងៃចន្ទ បានឆ្លើយតបទៅនឹងព័ត៌មាននៃការសុំលាលែងពីតំណែងរបស់នាយករដ្ឋមន្ត្រីប៉ាឡេស្ទីន លោក ម៉ូហាម៉ាត់ ស្តាយយ៉េ(Mohammad Shtayyeh) ។ លោក Shtayyeh បានប្រកាសពីការលាលែងពីតំណែង កាលពីថ្ងៃចន្ទ ខណៈ អាជ្ញាធរប៉ាឡេស្ទីន សម្លឹងទៅរកការកសាងការគាំទ្រសម្រាប់តួនាទីពង្រីកខ្លួន បន្ទាប់ពីសង្គ្រាមរបស់អ៊ីស្រាអែលប្រឆាំងក្រុមឥស្លាមនិយមហាម៉ាសនៅតំបន់ហ្កាហ្សា។លោក Dujarric បាននិយាយថា រដ្ឋាភិបាលប៉ាឡេស្ទីនដ៏រឹងមាំ និងត្រូវបានផ្តល់សិទ្ធិអំណាច អាចគ្រប់គ្រងដែនដីប៉ាឡេស្ទីនទាំងមូល ដែលមានសារៈសំខាន់ជាផ្នែកនៃមធ្យោបាយឆ្ពោះទៅរកការបង្កើតរដ្ឋប៉ាឡេស្ទីនឯករាជ្យពេញលេញ លទ្ធិប្រជាធិបតេយ្យ អធិបតេយ្យភាព និងជារដ្ឋប៉ាឡេស្ទីនស្ថិតស្ថេរ។ ចំណាត់ការនេះ ធ្វើឡើងក្នុងពេលមានសម្ពាធកាន់តែខ្លាំងឡើងពីសហរដ្ឋអាមេរិក លើប្រធានាធិបតី លោក Mahmoud Abbas ដែលធ្វើឱ្យរង្គោះរង្គើអាជ្ញាធរ ខណៈមានកិច្ចប្រឹងប្រែងជាអន្តរជាតិកាន់តែខ្លាំង ដើម្បីបញ្ឈប់ការប្រយុទ្ធគ្នានៅតំបន់ហ្កាហ្សា និងចាប់ផ្តើមធ្វើការលើរចនាសម្ព័ន្ធនយោបាយដើម្បីគ្រប់គ្រងតំបន់ហ៊ុមព័ទ្ធ នៅក្រោយពេលសង្គ្រាម។ លោក Abbas បានទទួលយកការលាលែងពីតំណែងរបស់ លោក Shtayyeh ហើយបានសុំឱ្យលោក នៅបន្តជារដ្ឋាភិបាលចាំផ្ទះ រហូតដល់មានអ្នកជំនួសអចិន្ត្រៃយ៍ ត្រូវបានតែងតាំង។ អាជ្ញាធរប៉ាឡេស្ទីន ដែលត្រូវបានបង្កើតឡើងប្រហែល៣០ឆ្នាំមុន ជាផ្នែកមួយនៃកិច្ចព្រមព្រៀងសន្តិភាពទីក្រុង Oslo បណ្តោះអាសន្ន ត្រូវបានបំផ្លាញដោយការចោទប្រកាន់ថា គ្មានប្រសិទ្ធភាព និងអំពើពុករលួយ ហើយនាយករដ្ឋមន្ត្រីកាន់អំណាចមានប្រសិទ្ធភាពតិចតួច។ គ្មានអ្នកបន្តតំណែងណាម្នាក់ ត្រូវបានតែងតាំងនៅឡើយទេ ប៉ុន្តែលោក Abbas ត្រូវបានគេរំពឹងយ៉ាងទូលំទូលាយថា នឹងតែងតាំង លោក ម៉ូហាម៉ាត់ មូស្តាហ្វា (Mohammad Mustafa) អតីតមន្ត្រីធនាគារពិភពលោក ជាប្រធានមូលនិធិវិនិយោគប៉ាឡេស្ទីន (PIF) ដែលមានបទពិសោធន៍ក្នុងការកសាងឡើងវិញតំបន់ហ្កាហ្សា បន្ទាប់ពីសង្គ្រាមពេលមុន នៅក្នុងឆ្នាំ ២០១៤។ ពុំមានការលើកឡើងពីការបោះឆ្នោតនោះទេ ដែលមិនត្រូវបានធ្វើឡើង ចាប់តាំងពីឆ្នាំ២០០៦មក។

នាយករដ្ឋមន្ត្រីកម្ពុជា-ម៉ាឡេស៊ី ជឿជាក់ថា ទំនាក់ទំនងរវាងប្រទេសទាំងពីរនឹងកាន់តែរឹងមាំ និងអាចឈានដល់កម្រិតខ្ពស់បន្ថែមទៀត

2024/02/27 12:20:29 pm        205
Facebook Telegram Linkin
នាព្រឹកថ្ងៃទី២៧ ខែកុម្ភៈ ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជា​ណាចក្រកម្ពុជា បានជួបប្រជុំពិភាក្សាការងារទ្វេភាគី ជាមួយ ឯកឧត្តម ដាតុ ស៊េរី អាន់វ៉ា អ៉ីប្រាហ៊ីម (Dato' Seri Anwar Bin Ibrahim) នាយករដ្ឋមន្រ្តី នៃប្រទេសម៉ាឡេស៊ី ក្នុង​ឱកាស​នៃ​ដំណើរ​បំពេញ​ទស្សន​កិច្ច​ផ្លូវការ នៅប្រទេសម៉ាឡេស៊ី។ ក្នុងជំនួបនេះ ឯកឧត្តម ដាតុ ស៊េរី អាន់វ៉ា អ៉ីប្រាហ៊ីម បានសម្តែង​នូវ​កិច្ចស្វាគមន៍​ចំពោះ​ការ​អញ្ជើញ​បំពេញ​ទស្សន​កិច្ចផ្លូវការនៅប្រទេសម៉ាឡេស៊ី ក្នុងនាមជានាយករដ្ឋមន្ត្រីរបស់ សម្តេចធិបតី ហ៊ុន ម៉ាណែត និង​គណៈ​ប្រតិភូ​ជាន់ខ្ពស់ នៃរាជរដ្ឋាភិបាលកម្ពុជា។ ទន្ទឹមនឹងនេះ ឯកឧត្តមនាយករដ្ឋមន្ត្រីម៉ាឡេស៊ី បាន​ផ្តាំ​ផ្ញើការ​សួរសុខទុក្ខជូនចំពោះ សម្តេចអគ្គមហាសេនាបតីតេជោ ហ៊ុន សែន អតីត​នាយករដ្ឋ​មន្រ្តី​ នៃ​ព្រះរា​ជា​ណា​ចក្រកម្ពុជា ព្រមទាំងបានគូសបញ្ជាក់ថា តាមរយៈដំណើរទស្សនកិច្ចផ្លូវការរបស់ សម្តេចធិបតី នា​ឱកាស​នេះ ទំនាក់ទំនងទ្វេភាគីកម្ពុជា-ម៉ាឡេស៊ី នឹងកាន់តែរីកចម្រើន និង រឹងមាំបន្ថែមទៀត។សម្តេចធិបតី បានសម្តែងនូវក្តីរីករាយចំពោះជំនួបពិភាក្សាការងារទ្វេភាគីនេះ និងបាន​ថ្លែង​អំណរ​គុណ​ចំពោះ​ឯកឧត្តមនាយករដ្ឋមន្ត្រីម៉ាឡេស៊ី ដែលបានទទួលបដិសណ្ឋារកិច្ចស្វាគមន៍យ៉ាងកក់ក្តៅចំពោះ សម្តេចធិបតី និងគណ:ប្រតិភូ នាឱកាសនេះ។ សម្តេចធិបតី បានបញ្ជាក់ផងដែរថា តាម​រយៈ​ការ​ធ្វើ​ទស្សន​កិច្ច​ផ្លូវ​ការ​របស់ឯកឧត្តមនាយករដ្ឋមន្ត្រីកាលពីខែមីនា ឆ្នាំមុន និងដំណើរ​ទស្សន​កិច្ច​ផ្លូវ​ការ​របស់​សម្តេច​ធិបតី នាឱកាសនេះ នឹងរួមចំណែកក្នុងការធ្វើឱ្យទំនាក់ទំនងដ៏យូរលង់រវាងកម្ពុជា-ម៉ាឡេស៊ី កាន់​តែ​ស៊ី​ជម្រៅថែមទៀត។សមភាគីទាំងពីរ បានវាយតម្លៃខ្ពស់លើលទ្ធផលនៃកិច្ចសហប្រតិបត្តិការទ្វេភាគីកន្លងមក និង​បាន​ផ្លាស់​ប្ដូរ​យោបល់​ពីការពង្រឹង និងពង្រីកកិច្ចសហប្រតិបត្តិការ លើវិស័យជាច្រើន ដែលរួមមាន៖ វិស័យនយោបាយ ការ​ពារជាតិ សន្តិសុខ ពាណិជ្ជកម្ម និងវិនិយោគ ទេសចរណ៍ ការងារ ឧស្សាហកម្មអាហារហាឡាល់ ទូរ​គមនាគមន៍ និងបច្ចេកវិទ្យាព័ត៌មាន បច្ចេកវិទ្យាឌីជីថល និងសន្តិសុខថាមពល។ ក្នុងជំនួបនេះ សមភាគី​ទាំង​ពីរ ក៏បាន​ពិភាក្សា​ក្នុង​ការ​ពិនិត្យ​លទ្ធភាព​ពង្រីក​នូវ​ជើងហោះហើរ​ផ្ទាល់​ពីម៉ាឡេស៊ី​ទៅ​កាន់​តំបន់​ទេសចរណ៍​សំខាន់ៗកម្ពុជា ដូចជាខេត្តសៀមរាប ផងដែរ។ ក្នុងក្របខ័ណ្ឌ នៃវិស័យការពារជាតិ និង​សន្ដិសុខ សមភាគីទាំងពីរ បានឯកភាពលើការបន្តជំរុញនូវកិច្ចសហប្រតិបត្តិការរួមមាន៖ ការ​បណ្តុះ​បណ្តាល​ធន​ធានមនុស្ស ការកសាងសមត្ថភាព ការផ្លាស់ប្តូរព័ត៌មាន និងការធ្វើលំហាត់រួមគ្នា។ ដោយ​ឡែក លើវិស័យសន្តិសុខថាមពល សមភាគីទាំងពីរ ក៏​បាន​ឯកភាព​ក្នុង​ការ​គាំទ្រ​ការ​សម្រប​សម្រួល​សម្រាប់​គម្រោង​ខ្សែបញ្ជូនថាមពលក្រោមសមុទ្រ (ឡាវ-កម្ពុជា-សិង្ហបុរី) ដោយឆ្លងកាត់​បាត​សមុទ្រ​របស់​ប្រទេស​ម៉ាឡេស៊ី។ ជាងនេះទៅទៀត សមភាគីទាំងពីរបានឯកភាពក្នុងការពិនិត្យលទ្ធភាពរៀបចំកិច្ចប្រជុំ នៃ​គណៈកម្មការចម្រុះកិច្ចសហប្រតិបត្តិការទ្វេភាគី (JCBC) នាពេលខាងមុខ ដែល​ដឹកនាំ​រួមគ្នា​ដោយ​រដ្ឋមន្ត្រី​ការ​បរទេសនៃប្រទេសទាំងពីរ។ ជាទីបញ្ចប់ ថ្នាក់ដឹកនាំទាំងពីរបានសម្តែងនូវសុទិដ្ឋិនិយមថា ទំនាក់​ទំនងរវាងកម្ពុជា-ម៉ាឡេស៊ី នឹងកាន់តែរឹងមាំ និងអាចឈានដល់កម្រិតទំនាក់ទំនងខ្ពស់បន្ថែមទៀត ៕

លោក Biden សង្ឃឹមថា នឹងមានបទឈប់បាញ់ក្នុងជម្លោះអ៊ីស្រាអែល នៅថ្ងៃចន្ទក្រោយនេះ

2024/02/27 12:20:17 pm        97
Facebook Telegram Linkin
ប្រធានាធិបតីសហរដ្ឋអាមេរិក លោក Joe Biden សង្ឃឹមថានឹងមានបទឈប់បាញ់ក្នុងជម្លោះរវាងអ៊ីស្រាអែលនិងក្រុមហាម៉ាស នៅសប្តាហ៍ក្រោយ។ លោក Biden ក្នុងអំឡុងដំណើរទស្សនកិច្ចនយោបាយ ទៅកាន់ទីក្រុងញូវយ៉ក កាលពីថ្ងៃចន្ទ បាននិយាយថា នឹងមានបទឈប់បាញ់នៅថ្ងៃទី ៤ ខែមីនា។ ប្រធានាធិបតី លោក Biden និងអតីតប្រធានាធិបតី លោក Donald Trump នឹងធ្វើដំណើរទៅកាន់ទីក្រុងព្រំដែនរដ្ឋតិចសាស់ នៅថ្ងៃព្រហស្បតិ៍ ដោយបង្កើតនូវទិដ្ឋភាពខុសពីធម្មតា នៃដំណើរទស្សនកិច្ចប្រកួតប្រជែងប្រធានាធិបតីឆ្នាំ ២០២៤ ដែលត្រូវបានគេរំពឹងថា នឹងបន្ទោសគ្នាទៅវិញទៅមកចំពោះភាពចលាចលនៅព្រំដែន។ ការថ្លែងលើកឡើងរបស់ លោក Biden ធ្វើឡើង ខណៈសេតវិមាន បាននិងកំពុងធ្វើការ លើការចរចាបទឈប់បាញ់ ក្នុងពេលមានសម្ពាធកាន់តែខ្លាំងឡើងពីវឌ្ឍនភាព និងសម្ព័ន្ធមិត្តប៉ាឡេស្ទីន។ ប្រព័ន្ធផ្សព្វផ្សាយ NBC News កាលពីមុននេះ បានរាយការណ៍ថា ប្រទេសកាតា កំពុងសម្របសម្រួលកិច្ចចរចារវាងអ៊ីស្រាអែល និងក្រុមហាម៉ាស នៅសប្តាហ៍នេះ ហើយការចរចាបទឈប់បាញ់ ធ្វើឡើងរវាងមន្ត្រីសហរដ្ឋអាមេរិក អ៊ីស្រាអែល កាតា និងប្រទេសអេហ្ស៊ីប នៅទីក្រុងប៉ារីស ប្រទេសបារាំង។ទីប្រឹក្សាសន្តិសុខជាតិសេតវិមាន លោក Jake Sullivan បាននិយាយថា អ្នកតំណាង បានយល់អំពីអ្វី ជាគោលការណ៍គ្រឹះនៃកិច្ចព្រមព្រៀងចំណាប់ថ្នូរ សម្រាប់បទឈប់បាញ់បណ្តោះអាសន្ន ថាមានទម្រង់បែបណាហើយ។ លោក Sullivan និយាយថា នឹងត្រូវមានកិច្ចពិភាក្សាដោយប្រយោលធ្វើឡើង ដោយប្រទេសកាតា និងអេហ្ស៊ីប ជាមួយក្រុមហាម៉ាស ព្រោះនៅទីបំផុត ពួកគេនឹងត្រូវព្រមព្រៀងដោះលែងចំណាប់ថ្នូរ។ យោធាអ៊ីស្រាអែល មានផែនការវាយលុកតាមដីគោកនៅទីក្រុង Rafah ជាកន្លែងដែលប្រជាជនប្រមាណ ១,៥ លាននាក់កំពុងរកទីជ្រកកោន។ កាលពីថ្ងៃចន្ទ រដ្ឋមន្ត្រីក្រសួងការពារជាតិអ៊ីស្រាអែល លោក Yoav Gallant បាននិយាយថា ប្រសិនបើមានបទឈប់បាញ់បណ្តោះអាសន្ន បន្ទាប់មកអ៊ីស្រាអែលនឹងបន្តប្រយុទ្ធរហូតដល់ចំណាប់ថ្នូរចុងក្រោយត្រឡប់មកវិញអស់។

រដ្ឋមន្ត្រីការបរទេសអាល្លឺមង់ ជំរុញអ៊ីស្រាអែលឲ្យគោរពសិទ្ធិមនុស្ស នៅក្នុងការវាយលុកតំបន់ហ្កាហ្សា

2024/02/27 11:58:59 am        87
Facebook Telegram Linkin
រដ្ឋមន្ត្រីការបរទេសអាល្លឺម៉ង់ លោកស្រី អាណាឡេណា បែបក់ ( Annalena Baerbock) ជាថ្មីម្តងទៀតបានជំរុញឲ្យរដ្ឋាភិបាលអ៊ីស្រាអែលគោរពតាមច្បាប់មនុស្សធម៌អន្តរជាតិក្នុងសង្គ្រាមរបស់ខ្លួន នៅតំបន់ហ្កាហ្សា ដោយមើលឃើញពីស្ថានភាពមហន្តរាយនៃប្រជាជនស៊ីវិល។លោកស្រីបែបក់ បានថ្លែងនៅកិច្ចប្រជុំនិទាឃរដូវរបស់ក្រុមប្រឹក្សាសិទ្ធិមនុស្សអង្គការសហប្រជាជាតិ នៅទីក្រុងហ្សឺណែវកាលពីថ្ងៃចន្ទថា៖«ដូចប្រទេសផ្សេងទៀតក្នុងពិភពលោកដែរ អ៊ីស្រាអែលមានសិទ្ធិការពារខ្លួន។ ដូចប្រទេសផ្សេងទៀតក្នុងពិភពលោកដែរ ប្រទេសនេះ ត្រូវតែធ្វើដូច្នេះក្នុងក្របខ័ណ្ឌនៃច្បាប់មនុស្សធម៌អន្តរជាតិ និងច្បាប់សិទ្ធិមនុស្ស»។លោកស្រី បានបញ្ជាក់ថា ប្រទេសអាល្លឺម៉ង់ កំពុងធ្វើការជាបន្តបន្ទាប់ ដើម្បីគាំទ្រដល់បទឈប់បាញ់មនុស្សធម៌។ លោកស្រីបានបន្ថែមថា៖«ស្ថានភាពមនុស្សធម៌នៅតំបន់ហ្កាហ្សា គឺជាមហន្តរាយយ៉ាងច្បាស់»។លោក បាននិយាយទៀតថា៖ ម្តាយរត់ចេញពីការប្រយុទ្ធគ្នា អូសកូនយំរបស់ពួកគេពីក្រោយដោយភាពភ័យស្លន់ស្លោ និងអស់សង្ឃឹម។ កុមារកំព្រា វង្វេងផ្ទះរបស់ពួកគេគ្មានគោលដៅ ដើរដោយជើងទទេរ ស្រែកឃ្លាន និងឯកោ។លោកស្រីរដ្ឋមន្ត្រីអាល្លឺម៉ង់រូបនេះ ក៏បានជំរុញឲ្យក្រុមប្រឹក្សាសិទ្ធិមនុស្សអង្គការសហប្រជាជាតិ បន្តអាណត្តិរបស់ខ្លួន ក្នុងការស៊ើបអង្កេតព្រឹត្តិការណ៍នៅក្នុងប្រទេសអ៊ីរ៉ង់ បន្ទាប់ពីការបង្ក្រាបដោយហិង្សាទៅលើការតវ៉ា នៅក្នុងប្រទេសនេះ។

ការចុះចតលើឋានព្រះចន្ទ ធ្វើឱ្យក្រុមហ៊ុនដែលចាប់ផ្តើមអាជីវកម្មអវកាស ទទួលបានការចាប់អារម្មណ៍

2024/02/27 11:53:27 am        167
Facebook Telegram Linkin
ចំណាប់អារម្មណ៍លើក្រុមហ៊ុនដែលចាប់ផ្ដើមអាជីវកម្មអវកាស បានកើនឡើងបន្ទាប់ពីក្រុមហ៊ុន អ៊ីនធូអ៊ីធីវ ម៉ាស៊ីនស៍ (Intuitive Machines) បានក្លាយជាក្រុមហ៊ុនឯកជនដំបូងគេដែលទទួលបានជោគជ័យក្នុងការចុះចតយានអវកាសនៅលើឋានព្រះចន្ទ នៅក្នុងការចុះចតជាលើកដំបូងរបស់សហរដ្ឋអាមេរិកលើផ្ទៃព្រះចន្ទ ក្នុងរយៈពេលជាងកន្លះសតវត្ស។ទោះបីជាយានចុះចតបានងាកទៅចំហៀងលើផ្ទៃព្រះចន្ទក៏ដោយ ក៏ក្រុមហ៊ុននេះទំនងជានឹងបញ្ចប់បេសកកម្មរបស់ខ្លួន ហើយនិងបង្ហាញពីសមត្ថភាពនៃក្រុមហ៊ុនដែលចាប់ផ្តើមអាជីវកម្មបែបនេះ។ការថយចុះតម្លៃនៃការបាញ់បង្ហោះរ៉ូកែត កំពុងជំរុញឱ្យមានការរីកដុះដាលនៅក្នុងឧស្សាហកម្មអវកាសឯកជន ដែលអាចឈានដល់ប្រហែល ៧៧០ ពាន់លានដុល្លារនៅឆ្នាំ២០២៧ ដោយមានការប៉ាន់ប្រមាណថាក្រុមហ៊ុនអវកាសថ្មីៗ អាចមានចំណែកទីផ្សារដ៏ធំ។ក្រុមហ៊ុនជាច្រើនរួមមាន ក្រុមហ៊ុន អ៊ីនធូអ៊ីធីវ ម៉ាស៊ីនស៍ ក្រុមហ៊ុន ស្ពេសអ៊ិច (SpaceX) និងក្រុមហ៊ុន រ៉ូកែត លែប (Rocket Lab) កំពុងខិតខំឆ្ពោះទៅរកឱកាសបែបនេះ។ គោលដៅរយៈពេលវែងរបស់ពួកគេគឺអភិវឌ្ឍយានចុះចតព្រះចន្ទ និងការចុះចតនៅលើភពព្រះអង្គារ ជាមួយនឹងផែនការបង្កើតអាណានិគមប្រកបដោយនិរន្តរភាពនៅលើភពអង្គារ និងកាត់បន្ថយថ្លៃដឹកជញ្ជូនទៅកាន់លំហ៕

សម្ដេចធិបតី និងនាយករដ្ឋមន្ត្រីម៉ាឡេស៊ី ឯកភាពពង្រឹងទំនាក់ទំនង និងកិច្ចសហប្រតិបត្តិការ លើវិស័យជាច្រើន

2024/02/27 11:53:26 am        218
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា និងឯកឧត្តម ដាតុស៊េរី អាន់វ៉ាអ៊ីប្រាហ៊ឹម នាយករដ្ឋមន្ត្រី នៃប្រទេសម៉ាឡេស៊ី បានឯកភាពពង្រឹងទំនាក់ទំនងដ៏យូរលង់ រវាង​ប្រទេសទាំងពីរ​ឱ្យកាន់​តែស៊ី​ជម្រៅថែមទៀតទាំង ក្នុងក្របខ័ណ្ឌទ្វេភាគី និងពហុភាគី ដើម្បីផលប្រយោជន៍របស់ប្រទេសទាំងពីរ និង​តំបន់។ការឯកភាពគ្នារបស់ថ្នាក់ដឹកនាំកំពូលនៃប្រទេសទាំងពីរ បានបង្ហាញ​តាមរយៈ​សន្និសីទ​រួមគ្នា​រវាង​សម្តេច​មហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាមួយឯកឧត្តម ដាតុស៊េរី អាន់វ៉ាអ៊ី​ប្រាហ៊ឹម នាយករដ្ឋមន្ត្រី នៃប្រទេសម៉ាឡេស៊ី ក្នុងឱកាស​ដំណើរ​ទស្សនកិច្ច​ផ្លូវការ​របស់​សម្ដេច​ធិបតី​ ទៅកាន់ប្រទេសម៉ាឡេស៊ី នៅថ្ងៃទី២៧ ខែកុម្ភៈ ឆ្នាំ ២០២៤នេះ។ក្នុងឱកាសសន្និសីទនេះ សម្ដេចធិបតី នាយករដ្ឋមន្រ្ដី បានថ្លែងអំណរគុណចំពោះប្រទេសម៉ាឡេស៊ី ដែល​បាន​សម្របសម្រួលជួយមើលថែដល់ពលករកម្ពុជា និងនិស្សិតកម្ពុជាដែលកំពុងរស់នៅ និង​សិក្សា​នៅ​ប្រទេស​ម៉ាឡេស៊ី។សម្ដេចធិបតី បានលើឡើងពីកិច្ចសហប្រតិបត្តិការរវាងប្រទេសទាំងពីរនាពេលកន្លងមក ដែល​កម្ពុជា​ម៉ាឡេស៊ី បានចូលរួមក្នុងកិច្ចការរក្សាសន្ដិភាព ជាមួយអង្គការសហប្រជាជាតិ (UN)។ ទន្ទឹម​ជាមួយ​គ្នា​នោះ សម្ដេចធិបតី ក៏បានលើកឡើងអំពីកិច្ចសហប្រតិបត្តិការ និងទំនាក់​ទំនង​លើវិស័យ​មូស្លីម​រវាង​ប្រទេស​ទាំង​ពីរ​ផងដែរ។ សម្ដេចធិបតី បានជំរុញលើការពង្រឹងទំនាក់ទំនងលើវិស័យនេះបន្ថែមទៀត។ចំពោះ​កិច្ចសហប្រតិបត្តិការលើផ្នែកសេដ្ឋកិច្ច និង​ពាណិជ្ជកម្ម​នាយករដ្ឋមន្រ្ដី​នៃ​ប្រទេស​ទាំងពីរ​បាន​ឯកភាព​ជំរុញកិច្ចសហប្រតិបត្តិការលើវិស័យជាច្រើន ដែល​ផ្តល់​ប្រយោជន៍​ទៅ​វិញ​ទៅ​មក​ដល់​ប្រទេស​ទាំង​ពីរ​រួម​មាន នយោបាយ-សន្តិសុខ ពាណិជ្ជកម្ម និងវិនិយោគ ទេសចរណ៍ ការងារ ឧស្សាហកម្មអាហារ ហាឡាល់ ទូរគមនាគមន៍ និងបច្ចេកវិទ្យាព័ត៌មាន បច្ចេកវិទ្យាឌីជីថល និងសន្តិសុខថាមពលជាដើម។បន្ទាប់​មក​នាយករដ្ឋមន្ត្រីទាំងពីរក៏បានអញ្ជើញជាអធិបតី​ក្នុង​ពិធី​ចុះហត្ថ​លេខា​លើ​អនុស្សរណៈ​នៃ​ការ​យោគយល់​គ្នា រវាងធនាគារជាតិនៃកម្ពុជា និងធនាគារកណ្ដាលម៉ាឡេស៊ី ស្ដីពីកិច្ច​សហប្រតិបត្តិការ​ផ្នែក​នវានុវត្តន៍​ហិរញ្ញវត្ថុ និងប្រព័ន្ធទូទាត់សងប្រាក់។ ក្នុងឱកាសនៃដំណើរទស្សនកិច្ចនេះសម្តេចធិបតី ក៏នឹង​អញ្ជើញ​ចូលរួមវេទិកាធុរកិច្ចកម្ពុជា-ម៉ាឡេស៊ី ដោយថ្លែងសុន្ទរកថាគន្លឹះ និងធ្វើជាសាក្សី​ក្នុង​ពិធី​ចុះហត្ថ​លេខា​លើ​អនុស្សរណៈនៃការយោគយល់គ្នាចំនួន២ ពាក់ព័ន្ធនឹងកិ​ច្ច​សហប្រតិបត្តិការ​ពាណិជ្ជកម្ម​រវាង​សភា​ពាណិជ្ជកម្ម​នៃប្រទេសទាំងពីរ។សូមជម្របថា ក្នុងអំឡុងពេលនៃដំណើរទស្សនកិច្ចផ្លូវការនេះសម្ដេចធិបតីនឹងចូលក្រាបបង្គំគាល់ព្រះចៅ ស៊ុលតង់ ស៊ីកានដា ព្រះមហាក្សត្រនៃប្រទេសម៉ាឡេស៊ី នៅព្រះបរមរាជវាំង និងមានជំនួប​ជាមួយ​ប្រធាន​ព្រឹទ្ធសភា និងប្រធានរដ្ឋសភាម៉ាឡេស៊ី នៅវិមានរដ្ឋសភាផងដែរ។ ជារួម​តាម​រយៈ​ដំណើរ​ទស្សន​កិច្ច​ផ្លូវ​ការ​របស់​សម្ដេចធិបតី ទៅកាន់ប្រទេសម៉ាឡេស៊ីនា​ពេលនេះ​បាន​រួម​ចំណែក​ក្នុង​ការ​ធ្វើ​ឱ្យទំនាក់​ទំនង​ដ៏​យូរ​លង់​រវាង​កម្ពុជា និងម៉ាឡេស៊ីកាន់តែស៊ីជម្រៅថែមទៀតទាំងក្នុងក្របខ័ណ្ឌទ្វេភាគី និងពហុភាគី ដើម្បីផល​ប្រយោជ​ន៍​របស់ប្រទេសទាំងពីរ និងតំបន់៕ អត្ថបទ៖ វ៉ន ដារ៉ា

គិលានុបដ្ឋាយិកាកូរ៉េខាងត្បូង នឹងរ៉ាប់រងការងារវេជ្ជសាស្រ្តបន្ថែមទៀត ដោយសារគ្រូពេទ្យបន្តតវ៉ា

2024/02/27 11:48:26 am        117
Facebook Telegram Linkin
រដ្ឋមន្ត្រីសុខាភិបាលកូរ៉េខាងត្បូងបាននិយាយនៅថ្ងៃអង្គារ (២៧ កុម្ភៈ) នេះថាគិលានុបដ្ឋាយិកាកូរ៉េខាងត្បូង ត្រូវបានផ្តល់ការការពារផ្លូវច្បាប់ដើម្បីអនុវត្តនីតិវិធីវេជ្ជសាស្រ្តមួយចំនួន ដែលជាធម្មតាធ្វើឡើងដោយវេជ្ជបណ្ឌិត ខណៈអាជ្ញាធរព្យាយាមបន្ធូរបន្ថយបន្ទុកលើបុគ្គលិកមន្ទីរពេទ្យ ដែលបណ្តាលមកពីការតវ៉ាដើរចេញពីការងាររបស់គ្រូពេទ្យហាត់ការ។គិលានុបដ្ឋាយិកាបានត្អូញត្អែរអំពីហានិភ័យផ្នែកច្បាប់ និងបន្ទុកការងារកាន់តែធ្ងន់ធ្ងរដែលពួកគេប្រឈមមុខ បន្ទាប់ពីក្រុមគ្រូពេទ្យកម្មសិក្សាការី បានឈប់ពីការងារកាលពីសប្តាហ៍មុនដើម្បីតវ៉ាប្រឆាំងនឹងផែនការរបស់រដ្ឋាភិបាលក្នុងការបង្កើនចំនួននៃការចូលរៀននៅសាលាវេជ្ជសាស្ត្រដើម្បីដោះស្រាយបញ្ហាកង្វះវេជ្ជបណ្ឌិត។ជាងពីរភាគបី នៃប្រជាជន និងគ្រូពេទ្យហាត់ការរបស់ប្រទេសនេះបានចាកចេញពីមុខតំណែង ដោយរំខានដល់សេវាកម្មនៅមន្ទីរពេទ្យធំៗ ដែលបន្ទប់សង្គ្រោះបន្ទាន់មិនអើពើនឹងអ្នកជំងឺ ហើយការវះកាត់ និងនីតិវិធីផ្សេងទៀតត្រូវបានលុបចោល ឬពន្យារពេល។រដ្ឋមន្ត្រីក្រសួងសុខាភិបាលលោក ឆូ ខ្យូហុង (Cho Kyoo-hong) បាននិយាយថា រដ្ឋាភិបាលកំពុងដំណើរការកម្មវិធីមួយដែល «ការពារភាពស្របច្បាប់នៃគិលានុបដ្ឋាយិកាដែលអនុវត្តនីតិវិធីនៅក្នុងស្ថាប័នវេជ្ជសាស្ត្រ» ហើយវិសាលភាពនៃការងារដែលពួកគេអាចអនុវត្តនឹងត្រូវបានកំណត់ដោយមន្ទីរពេទ្យ៕

ប្រមុខកងទ័ពកម្ពុជា៖ កម្ពុជាគ្មានការរាថយក្នុងការបរិច្ចាគកម្លាំងរបស់ខ្លួន សម្រាប់រក្សាសន្តិភាពក្រោមឆត្រUN ឡើយ

2024/02/27 10:35:19 am        318
Facebook Telegram Linkin
នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានអះអាងជាថ្មីម្តង ទៀតថា រាជរដ្ឋាភិបាលកម្ពុជានឹងគ្មានការរាថយនោះឡើយ ចំពោះការបញ្ជូនកងកម្លាំងមួកខៀវរបស់ខ្លួន ទៅ​កាន់​សហគមន៍អន្តរជាតិតាមរយៈអង្គការសហប្រជាជាតិ(UN) បើទោះបី​បច្ចុប្បន្ន​ស្ថានការណ៍​នៅ​ក្នុង​តំបន់​មួយ​ចំនួនកំពុងជួបបញ្ហាអសន្តិសុខក៏ដោយនោះ។ការលើកឡើងរបស់ប្រមុខកងទ័ពកម្ពុជា ជាថ្មីម្តងទៀតនេះ គឺបានធ្វើឡើងនៅចំពោះមុខលោក Joseph Scheuer អ្នកសម្រប​សម្រួល​តំណាង​អង្គការ​សហ​ប្រជាជាតិប្រ​ចាំ​នៅ​កម្ពុជា​ក្នុង​ឱកាស​អញ្ជើញចូល​រួម​ពិធី​ទទួល​ដំណើរ​មាតុភូមិនិវត្តន៍កងអនុសេនាធំវិស្វកម្មពហុជំនាញលេខ៨២៧ និងកងកម្ទេច​គ្រឿង​ផ្ទុះ​លេខ​៩៨ ដែលបានបញ្ចប់បេសកកម្មរក្សាសន្តិភាពក្រោឆត្រអង្គការសហប្រជាជាតិនៅលីបង់ និង​អាហ្វ្រិក​កណ្តាល នាព្រឹកថ្ងៃទី២៧ ខែកុម្ភៈ ឆ្នាំ២០២៤នេះ នៅទីស្តីការក្រសួងការពារជាតិ។នាយឧត្តមសេនីយ៍ ទៀ សីហា បានលើកឡើងថា រាជរដ្ឋាភិបាលកម្ពុជានីតិកាលទី៧នៃរដ្ឋសភា បាន​ដាក់​ចេញ​កម្ម​វិធីនយោបាយជាអាទិភាពក្នុងការបន្តចូលរួមបេសកកម្មរក្សាសន្តិភាព នៅក្នុងក្របខណ្ឌ អង្គការ​សហ​ប្រជាជាតិ ដើម្បីរួមចំណែកជាមួយសហគមន៍អន្តរជាតិ ស្វែងរកសន្តិភាពជូនប្រទេសដទៃនៅ លើពិភព​លោក ដែលប្រជាជនកំពុងតែរងគ្រោះ រងទុក្ខលំបាកដោយសារសង្រ្គាម។នាយឧត្តមសេនីយ៍ ទៀ សីហា បានបញ្ជាក់ថា«ទោះបីស្ថានការណ៍សន្តិសុខក្នុងតំបន់បេសកកម្ម ដែល​កម្លាំង​រក្សា​សន្តិភាពកម្ពុជាឈរជើងបាននិងកំពុងប្រឈមជារៀងរាល់ថ្ងៃ ជាលក្ខណៈ​ប្រពៃណីផង និង​មិន​ប្រពៃណី​ផង ដែលបង្កឡើងដោយតួអង្គមិនមែនរដ្ឋ, ការយុទ្ធប៉ះទង្គិចគ្នារវាងក្រុមប្រដាប់អាវុធនា នាការ​វាយ​ប្រហារ ពួនស្ទាក់ ឬគ្រោះថ្នាក់ដោយជំងឺឆ្លង និងជំងឺកាចសាហាវនានាក្តី ប៉ុន្តែរាជរដ្ឋាភិបាល កម្ពុជា​នៅ​តែប​ន្ត​បរិច្ចាគកម្លាំងចូលរួមបេសកកម្មរក្សាសន្តិភាព អង្គការសហប្រជាជាតិ ដើម្បីរួមវិភាគទាន ដល់​កិច្ច​ប្រឹងប្រែង​របស់​សហគមន៍អន្តរជាតិ ដើម្បីបុព្វហេតុសន្តិភាព សន្តិសុខ និងមនុស្សធម៌ពិភពលោក»។នាយឧត្តមសេនីយ៍ឧបនាយករដ្ឋមន្រ្តី បានបន្ថែមទៀតថា រាជរដ្ឋាភិបាល​ខិតខំ​លើក​កម្ពស់​កិត្តិយស​កម្ពុជា​ដើរ​តួនាទី​ឲ្យកាន់តែសកម្មបន្ថែមទៀត ដោយស្មើភាព ស្មើសិទ្ធិជាមួយប្រទេសនានានៅ គ្រប់កិច្ចការ​ក្នុង​តំបន់ និងនៅលើឆាកអន្តរជាតិ ដែលជាឧត្តមភាពដ៏ចាំបាច់បំផុតដល់កិច្ចអភិវឌ្ឍប្រទេសជាតិ និង​បាន​ប្តេជ្ញា​ចិត្ត​បញ្ជូន​កងរក្សាសន្តិភាពកម្ពុជាក្នុងបេសកកម្ម ជាសេនាធិការសង្កេតការណ៍យោធា និងមេបញ្ជា​ការ​ជានារី​រហូត​ដល់​ ២០ភាគរយ តាមសំណូមពររបស់អង្គការសហប្រជាជាតិ និងបានខិតខំកែ លម្អ​ការងារ​គ្រប់គ្រង ពង្រឹងសមត្ថភាពធនធានមនុស្ស បង្កើនចំនួនចូលរួមជាស្រ្តីឲ្យស្របទៅនឹងទស្សនៈ យ៉ែនឌ័រ បញ្ចូលគ្នានៅក្នុងប្រតិបត្តិការរក្សាសន្តិភាពរបស់អង្គការសហប្រជាជាតិជាដើម។ នៅក្នុងឱកាសនោះដែរ នាយឧត្តមសេនីយ៍ ទៀ សីហា ក៏បានឆ្លៀតឱកាសថ្លែងអំណរគុណ និង វាយ​តម្លៃ​ខ្ពស់​ចំពោះកងអនុសេនាធំវិស្វកម្មពហុជំនាញលេខ៨២៧ និងកងកម្ទេចគ្រឿងផ្ទុះលេខ៩៨ និង កង​កម្លាំង​មុន​ៗ​ទៀត ពិតជាបានបង្ហាញពីកិច្ចខិតខំប្រឹងប្រែងរបស់កម្ពុជាក្នុងការពង្រឹង និងពង្រីកកិច្ច សហ​ប្រតិបត្តិការល្អជាមួយប្រជាជាតិទូទាំងពិភពលោក ដើម្បីរួមចំណែកដល់សន្តិភាព សន្តិសុខ ស្ថិរភាព ការ​អភិវឌ្ឍ​ប្រកប​ដោយចីរភាព និងវិបុលភាពរបស់ពិភពលោកផងដែរ៕ អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

ប្រមុខកងទ័ពអ៊ីស្រាអែលជំរុញឲ្យមានការស៊ើបអង្កេត «ជាប្រព័ន្ធ» ទៅលើការវាយប្រហារ នៅថ្ងៃទី ៧ ខែតុលា
11/11/2025 03:11 PM
Facebook Telegram Linkin
ឯកឧត្ដម ខូយ រីដា អញ្ជើញពិនិត្យវឌ្ឍនភាពការងារសាងសង់គម្រោងវារីអគ្គិសនីស្ទឹងមេទឹក អនុភាព១៥០មេហ្គាវ៉ាត់
11/11/2025 02:11 PM
Facebook Telegram Linkin
ប្រទេសចិន បានត្រៀមខ្លួនជាស្រេចដើម្បីពង្រឹងទំនាក់ទំនង និងបន្តសហការជាមួយកាណាដា
11/11/2025 02:11 PM
Facebook Telegram Linkin
នគរបាលប៉េរូ រឹបអូសបានទំនិញព្រុយឆ្លាមតម្លៃ៨លានដុល្លារដែលត្រូវបានបញ្ជូនទៅអាស៊ី
11/11/2025 02:11 PM
Facebook Telegram Linkin
បាតុករនីហ្សេរីយ៉ា សម្រុកចូលសារមន្ទីរសិល្បៈដ៏ធំ ដោយបង្កភាពវឹកវរក្នុងផែនការបើកសម្ពោធ
11/11/2025 02:11 PM
Facebook Telegram Linkin
រយៈពេល១០ខែឆ្នាំនេះ ការដោះដូរពាណិជ្ជកម្មទ្វេភាគីកម្ពុជា-វៀតណាម មានទឹកប្រាក់កើនជិត ៦ ៦០០ លានដុល្លារ
11/11/2025 02:11 PM
Facebook Telegram Linkin
អ៊ីរ៉ង់ ច្រានចោលការចោទប្រកាន់របស់NATO ពីការសហការជាមួយរុស្ស៊ីដើម្បីធ្វើឱ្យខូចដល់ច្បាប់របស់ខ្លួន
11/11/2025 02:11 PM
Facebook Telegram Linkin
មេបញ្ជាការក្រុមហេសបូឡា ត្រូវបានសម្លាប់ក្នុងការវាយប្រហារតាមអាកាសរបស់អ៊ីស្រាអែល
11/11/2025 02:11 PM
Facebook Telegram Linkin
ក្រសួងព័ត៌មាន ពង្រឹងកិច្ចសហការផ្សព្វផ្សាយព័ត៌មាន ស្តីពី កិច្ចការត្រៀមបង្ការ និងឆ្លើយតបគ្រោះមហន្តរាយ
11/11/2025 02:11 PM
Facebook Telegram Linkin
អ៊ុយក្រែន និងរុស្ស៊ី ចេញការអះអាងខុសគ្នា ស្ដីពីស្ថានភាពសមរភូមិ Pokrovsk ដ៏ក្ដៅគគុក
11/11/2025 02:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.