នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រព័ន្ធធារាសាស្ត្រ២ ទីតាំងនៅខេត្តពោធិ៍សាត់ ផ្គត់ផ្គង់ទឹក​ជូនបង​ប្អូន​អតីត​យុទ្ធជ​ន​រាប់​រយ​គ្រួសារ​សម្រាប់​ប្រើប្រាស់ និងបង្កបង្កើនផល
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា

នយោបាយ​ និង ការអភិវឌ្ឍន៍

ឧបនាយករដ្ឋមន្រ្តី ទៀ សីហា វាយតម្លៃខ្ពស់ចំពោះការរួមចំណែករបស់មិត្តហ្វូនដល់ប្រទេសកម្ពុជា

2024/02/20 08:23:56 am        198
Facebook Telegram Linkin
ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា ឯកឧត្តម ទៀ សីហា បានវាយតម្លៃខ្ពស់ចំពោះការរួម ចំណែករបស់ក្រុមហ៊ុន វៀតធេលគ្រុប (Viettel Group)ក្រោមស្លាកយីហោ មិត្តហ្វូន ដែលបានរួមចំណែកក្នុងការអភិវឌ្ឍ ដល់ប្រទេសកម្ពុជា ខណៈក្រុមហ៊ុន បាននាំយកសេវាទូរគមនាគមន៍ បច្ចេកវិទ្យាព័ត៌មានទៅកាន់គ្រប់ទីកន្លែង និងបានជួយ លើកកម្ពស់ជីវភាពរស់នៅរបស់ប្រជាជនកម្ពុជាផងដែរនោះ។ក្នុងឱកាសខួប១៥ឆ្នាំ នៃវត្តមានរបស់ក្រុមហ៊ុនទូរស័ព្ទមិត្តហ្វូនជាមួយ នឹងការបើកសម្ពោធបណ្តាញសេវាមិត្តហ្វូន ក្រោមគំនិត «The Met's Sonata» នាល្ងាចថ្ងៃទី ១៩ ខែកុម្ភៈ ឆ្នាំ២០២៤នេះនៅសណ្ឋាគារសុខាភ្នំពេញ ឯកឧត្តម ទៀ សីហា បានវាយតម្លៃខ្ពស់ចំពោះការរួមចំណែករបស់ Viettel Groupចំពោះប្រទេសកម្ពុជានិងបង្ហាញពីបំណងចង់បន្តអភិវឌ្ឍន៍ទំនាក់ទំនងល្អរវាងរដ្ឋាភិបាលកម្ពុជា និងViettel Group ផងដែរ។ ឯកឧត្តមឧបនាយករដ្ឋមន្រ្តី បានបន្ថែមទៀតថាឯកឧត្តម សូមថ្លែងអំណរគុណយ៉ាងស្មោះស្ម័គ្រចំពោះថ្នាក់ដឹកនាំនៃក្រុមហ៊ុនViettel Group ដែលបានដឹកនាំក្រុមហ៊ុនមិត្តហ្វូន បាននាំមកនូវអត្ថប្រយោជន៍ជាច្រើន រួមចំណែកដល់ការអភិវឌ្ឍសេដ្ឋកិច្ច និងសង្គមរបស់ប្រទេសកម្ពុជា។ មិត្តហ្វូន បាននាំយកសេវាទូរគមនាគមន៍ បច្ចេកវិទ្យាព័ត៌មានទៅកាន់គ្រប់ទីកន្លែង និងបានជួយ លើកកម្ពស់ជីវភាពរស់នៅរបស់ប្រជាជនកម្ពុជា។ក្នុងឱកាសនោះដែរ ឯកឧត្តមឧបក៏បានលើកឡើងផងដែរថា នាថ្ងៃអនាគត ឯកឧត្តមសង្ឃឹមថា​ ទំនាក់ទំនងកិច្ចសហប្រតិបត្តិការរវាងរដ្ឋាភិបាលកម្ពុជា និងសមាជិកនៃក្រុមហ៊ុន Viettel Group នឹងបន្តអភិវឌ្ឍយ៉ាងខ្លាំងក្លា និងស៊ីជម្រៅដោយនាំមកនូវផលប្រយោជន៍​កាន់តែច្រើនដល់​ភាគីទាំងពីរ​ និងរួមចំណែកដល់ការអភិវឌ្ឍ​ប្រកបដោយចីរភាពរបស់កម្ពុជាផងដែរ។ ថ្លែងនៅក្នុងពិធីនោះដែរ លោក Tao Duc Thangប្រធាន និងជានាយកប្រតិបត្តិក្រុមហ៊ុន Viettel Group និងមិត្តហ្វូនបានសម្តែងនូវបំណងចង់បន្តរួមដំណើរជាមួយរដ្ឋាភិបាល និង​ប្រជាជនកម្ពុជា​ដើម្បីនាំមកនូវសុភមង្គល និងវិបុលភាពដល់កម្ពុជា។លោកថ្លែងថា«ដោយមានបំណងចង់បន្តរួមចំណែក និងកសាងប្រទេសកម្ពុជា ជួយប្រជាជនកម្ពុជាឱ្យមានជីវភាពកាន់តែប្រសើរឡើង មិត្តហ្វូននឹងចូលរួមយ៉ាងសកម្មក្នុងការអនុវត្តយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ដែលការសន្យារបស់យើងចាប់ពី១៥ឆ្នាំមុន និងទៅអនាគតនឹងតែងតែមាន។ ដូចជាទស្សនៈវិស័យរបស់យើងតាំងពីដើមគឺ «អ្នកច្នៃប្រឌិត និងយកចិត្តទុកដាក់»។ រាល់ដំណោះស្រាយ រាល់ផលិតផល រាល់សកម្មភាពរបស់មិត្តហ្វូននឹងខិតខំធានាថា គ្មានប្រជាជនកម្ពុជាណាដែលមិនទទួលបានប្រព័ន្ធបច្ចេកវិទ្យាឡើយ។លោកប្រធានក្រុមហ៊ុន បានលើកឡើងទៀតថា ចាប់តាំងពីការបង្កើតឡើងនៅថ្ងៃទី ១៩ ខែកុម្ភៈ ឆ្នាំ ២០០៩ មិត្តហ្វូនបានបន្តយុទ្ធសាស្រ្ត «ហេដ្ឋារចនាសម្ព័ន្ធដំបូង អាជីវកម្មតាមក្រោយ» នាំយកសេវាទូរគមនាគមន៍ទៅកាន់តំបន់ឆ្ងាយបំផុត និងដាច់ស្រយាលបំផុតនៅក្នុងប្រទេសកម្ពុជា។ ការប្រារព្ធពិធីនេះបានបង្ហាញពីដំណើរការរបស់មិត្តហ្វូនដែលបានរួមចំណែកកសាងសេវាទូរគមនាគមន៍របស់ខ្លួននៅទូទាំងប្រទេសកម្ពុជា ដោយផ្តល់សេវាទូរស័ព្ទដល់ទៅ ៩៨% នៃចំនួនប្រជាជន។ក្នុងរយៈពេល១៥ឆ្នាំមកនេះ ព្រះមហាក្សត្រនៃព្រះរាជាណាចក្រកម្ពុជា បានប្រោសព្រះរាជទាន​ព្រះរាជគ្រឿងឥស្សរិយយសមុនីសារាភ័ណ្ឌ មហាសេរីវឌ្ឍន៍ ដល់បុគ្គល និងសមូហភាពដល់ក្រុមហ៊ុន Viettel Groupនិងមិត្តហ្វូនជាការទទួលស្គាល់អំពីការរួមចំណែករបស់​ពួកគេ​ក្នុងរយៈពេល១៥ឆ្នាំកន្លងមក។ បន្ទាប់ពីការអភិវឌ្ឍ​អស់រយៈពេល១៥ឆ្នាំ​មិត្តហ្វូនក៏បានចូលរួមចំណែកយ៉ាងសំខាន់ដល់ ការអភិវឌ្ឍប្រទេសកម្ពុជា និងប្រជាជនរបស់ខ្លួន ដោយជាង១ពាន់លានដុល្លារបានចូលរួមចំណែកក្នុងថវិកាជាតិ និងជាង ១២០ លានដុល្លារអាមេរិក ឧទ្ទិសដល់គំនិតផ្តួចផ្តើមគាំទ្រសហគមន៍ និងសង្គម៕ អត្ថបទបាន ចក់

ប្រទេស២៦របស់សហភាពអឺរ៉ុប ព្រមានអ៊ីស្រាអែល ពីគ្រោះមហន្តរាយ បើវាយលុកក្រុងរ៉ាហ្វា

2024/02/20 07:56:38 am        215
Facebook Telegram Linkin
ប្រទេសក្នុងប្លុកសហភាពអឺរ៉ុបទាំងអស់ លើកលែងតែប្រទេសហុងគ្រី បានព្រមានអ៊ីស្រាអែល កាលពីថ្ងៃចន្ទកុំឲ្យបើកការវាយលុកចូលទៅក្នុងទីក្រុងរ៉ាហ្វា ដែលពួកគេនិយាយថា នឹងរុញទម្លាក់ចូលទៅក្នុងគ្រោះមហបន្តរាយកាន់តែជ្រៅសម្រាប់ជនភៀសខ្លួនចំនួន១,៥លាននាក់ ដែលបានជ្រកកោននៅក្នុងទីក្រុងជាយភាគខាងត្បូងមួយរនេះរបស់តំបន់ហ្កាហ្សា។ រដ្ឋមន្ត្រីក្រសួងការបរទេសអៀរឡង់ លោក មីឈែល ម៉ាទីន បាននិយាយ មុនកិច្ចប្រជុំ ថ្នាក់រដ្ឋមន្ត្រីក្រសួងការបរទេសមកពីប្រទេសជាសមាជិកសហភាពអឺរ៉ុបទាំងអស់ចំនួន២៧ប្រទេស នៅក្នុងទីក្រុងព្រុចសែលថា ការវាយប្រហារលើទីក្រុងរ៉ាហ្វា នឹងបង្កឲ្យមានគ្រោះមហន្តរាយកាន់តែធ្ងន់ធ្ងរ ហើយជារឿងមិនសមហេតុ។ បន្ទាប់ពីការពិភាក្សា បានបញ្ចប់ លើកលែងតែមួយក្នុងចំណោមប្រទេសទាំងអស់ បានអំពាវនាវក្នុងសេចក្ដីថ្លែងការណ៍រួមមួយឲ្យមានការផ្អាកសម្រាប់បទឈប់បាញ់មនុស្សធម៌ ដែលនឹងនាំឲ្យមានបទឈប់បាញ់យូរអង្វែងមួយ ការដោះលែងចំណាប់ថ្នូរទាំងអស់ដោយគ្មានលក្ខខណ្ឌ និងការផ្ដល់ជំនួយមនុស្សធម៌។សេចក្ដីថ្លែងការណ៍នេះត្រូវបានបញ្ចេញក្នុងនាមជាបណ្ដាប្រមុខការទូតមកពីរដ្ឋជាសមាជិក២៦ប្រទេស របស់សហភាពអឺរ៉ុប  ហើយអ្នកការទូតទាំងអស់និយាយថា ប្រទេសហុងគ្រី ដែលជាសម្ព័ន្ធមិត្តដ៏ជិតស្និទរបស់រដ្ឋាភិបាលអ៊ីស្រាអែល គឺជាប្រទេសតែមួយគត់ដែលពុំបានចុះហត្ថលេខា។  ក្រុមរដ្ឋមន្ត្រីការបរទេសទាំងអស់បាននិយាយថា យើងបានស្នើរដ្ឋាភិបាលអ៊ីស្រាអែល កុំឲ្យចាត់វិធានការយោធាក្នុងទីក្រុងរ៉ាហ្វា ដែលនឹងដាក់បន្ទុកបន្ថែមលើស្ថានភាពមនុស្សធម៌ធ្ងន់ធ្ងរស្រាប់ និងកុំរារាំងការផ្ដល់សេវាជាមូលដ្ឋាន ក៏ដូចជាជំនួយមនុស្សធម៌ដែលជាតម្រូវការចាំបាច់បន្ទាន់៕

លោក Wang៖ អ្នកគាំទ្រគោលការណ៍ចិន តែមួយគួរតែគាំទ្រការបង្រួបបង្រួមកោះតៃវ៉ាន់ ដោយសន្តិវិធីរបស់ចិន

2024/02/19 03:21:56 pm        103
Facebook Telegram Linkin
រដ្ឋមន្ត្រីការបរទេសចិនលោក វ៉ាង យី (Wang Yi) បាននិយាយកាលពីថ្ងៃសៅរ៍ (១៧ កុម្ភៈ) នៅឯសន្និសីទសន្តិសុខទីក្រុងមូនីច (Munich) លើកទី៦០ ថាអ្នកដែលប្រកាន់គោលការណ៍ចិនតែមួយគួរតែគាំទ្រការបង្រួបបង្រួមដោយសន្តិវិធីរបស់ចិន ហើយដើម្បីរក្សាសន្តិភាព និងស្ថិរភាពនៅទូទាំងច្រកសមុទ្រកោះតៃវ៉ាន់ ត្រូវតែប្រឆាំងនឹង «ឯករាជ្យភាពតៃវ៉ាន់»។ លោក វ៉ាង ដែលជាសមាជិកនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានធ្វើការលើកឡើងនេះក្នុងការឆ្លើយតបទៅនឹងសំណួរដែលទាក់ទងនឹងកោះតៃវ៉ាន់ បន្ទាប់ពីបានថ្លែងសុន្ទរកថាសំខាន់នៅក្នុងសម័យប្រជុំ «ទេសចិននៅក្នុងពិភពលោក» នៅក្នុងសន្និសីទ។លោក វ៉ាង បាននិយាយថា ឯកសាររបស់អង្គការសហប្រជាជាតិ បានពិពណ៌នាយ៉ាងច្បាស់ថាកោះតៃវ៉ាន់ជាខេត្តមួយរបស់ប្រទេសចិន ហើយការពិតទាំងអស់នេះបានបង្ហាញយ៉ាងពេញលេញថាបញ្ហាកោះតៃវ៉ាន់ គឺជាបញ្ហាផ្ទៃក្នុងរបស់ចិនមួយរយភាគរយ។រដ្ឋមន្ត្រីការបរទេសចិនរូបនេះបានបន្ថែមថា វាជាការពិតមានមូលដ្ឋានប្រវត្តិសាស្ត្រ និងការយល់ព្រមរបស់សហគមន៍អន្តរជាតិដែលថាកោះតៃវ៉ាន់ មិនដែលជាប្រទេស ហើយមិនអាចក្លាយជាប្រទេសបានឡើយ។ លោកបានសង្កត់ធ្ងន់ថា «ឯករាជ្យតៃវ៉ាន់« គឺមិនស៊ីគ្នានឹងសន្តិភាពឆ្លងច្រកសមុទ្រនោះទេ៕

មេដឹកនាំកំពូលអ៊ីរ៉ង់ ជំរុញឱ្យប្រជាជនអ៊ីរ៉ង់ទៅបោះឆ្នោត នៅក្នុងការបោះឆ្នោតដ៏សំខាន់

2024/02/19 02:55:05 pm        102
Facebook Telegram Linkin
មេដឹកនាំកំពូលរបស់ប្រទេសអ៊ីរ៉ង់ លោក អាលី កាំមីណេ (Ali Khamenei) កាលពីថ្ងៃអាទិត្យ បានអំពាវនាវឱ្យអ្នកបោះឆ្នោតទៅបោះឆ្នោតឲ្យបានច្រើន នៅក្នុងការបោះឆ្នោតសភា និងក្រុមប្រឹក្សាមេដឹកនាំសាសនា ដែលបានកំណត់កាលបរិច្ឆេទ នៅថ្ងៃទី ១ ខែមីនា។គេហទំព័ររបស់លោក បានរាយការណ៍ថា លោក Khamenei បានធ្វើការអំពាវនាវដូច្នេះ នៅក្នុងពេលជួបជាមួយប្រជាជនមកពីខេត្ត អ៊ីស អាហ្សាបៃហ្សង់(East Azarbaijan) ភាគពាយ័ព្យ ក្នុងទីក្រុង តេអេរ៉ង់ ។ លោកបាននិយាយថា ការបោះឆ្នោតគឺជាសសរស្តម្ភដ៏សំខាន់ របស់សាធារណរដ្ឋឥស្លាម និងជាមាគ៌ា ឆ្ពោះទៅរកកំណែទម្រង់របស់ប្រទេស។លោក បាននិយាយបន្តថា «អ្នកគ្រប់គ្នា គួរតែទៅចូលរួមក្នុងការបោះឆ្នោត ហើយអ្នកទាំងឡាយណាដែលមានបំណងដោះស្រាយបញ្ហា គួរប្រើការបោះឆ្នោតជាវិធីសាស្ត្រដ៏ត្រឹមត្រូវ។ប្រទេសអ៊ីរ៉ង់ នឹងរៀបចំការបោះឆ្នោតសភាលើកទី១២ និងសភាអ្នកជំនាញលើកទី៦ នៅថ្ងៃទី ១ ខែមីនា។ សភា ដែលមាន ២៩០ អាសនៈ មានអំណាចអនុម័តច្បាប់ និងពិនិត្យរដ្ឋាភិបាល ខណៈសភាអ្នកជំនាញមានសមាជិក ៨៨ រូប ត្រូវបានផ្តល់អំណាចដើម្បីតែងតាំងមេដឹកនាំកំពូល។ទីភ្នាក់ងារសារព័ត៌មានផ្លូវការ IRNA បានរាយការណ៍ថា អ្នកនាំពាក្យក្រុមប្រឹក្សាធម្មនុញ្ញរបស់ប្រទេសអ៊ីរ៉ង់ លោក ហាឌី តាហាន ណាហ្ស៊ីហ្វ(Hadi Tahan Nazif) បាននិយាយថា បេក្ខជនចំនួន ១៤.៩១២រូប ត្រូវបានអនុម័តឱ្យឈរឈ្មោះសម្រាប់ការបោះឆ្នោតសភា បន្ទាប់ពីដំណើរការពិនិត្យច្បាស់លាស់ ហើយ បេក្ខជនសរុបចំនួន ១៤៤ រូប នឹងប្រកួតប្រជែងសម្រាប់សភាអ្នកជំនាញ ដែលនឹងត្រូវជ្រើសរើសសម្រាប់អាណត្តិរយៈពេល៨ឆ្នាំ។

ឧត្តមនាវីឯកអាមេរិក៖ ការប្រយុទ្ធជាមួយក្រុមហ៊ួទី នៅសមុទ្រក្រហម គឺជាសមរភូមិដ៏ធំបំផុត ចាប់តាំងពីសង្គ្រាមលោកលើកទី២

2024/02/19 02:43:34 pm        102
Facebook Telegram Linkin
ឧត្តមនាវីឯកទ័ពជើងទឹកអាមេរិកម្នាក់ និយាយថា ជម្លោះប្រឆាំងនឹងក្រុមហ៊ួទីនៅសមុទ្រក្រហម គឺជាសមរភូមិជើងទឹកដ៏ធំបំផុតមួយ ដែលអាមេរិក បានប្រយុទ្ធក្នុងរយៈពេលជាច្រើនទសវត្សរ៍មកហើយ។លោកឧត្តមនាវីទោ ប្រាដ កូពឺ (Brad Cooper) បានប្រាប់ពិធីករទូរទស្សន៍ក្នុងកម្មវិធី «60 Minutes» អ្នកស្រី ណូរ៉ា អូដុណែល (Norah O'Donnell) នៅក្នុងបទសម្ភាសន៍ ដែលបានចាក់ផ្សាយកាលពីថ្ងៃអាទិត្យថា៖« ខ្ញុំគិតថា អ្នកនឹងត្រូវត្រឡប់ទៅសង្គ្រាមលោកលើកទី២ ដែលជាកន្លែងដែលអ្នកមាននាវាដែលចូលរួមក្នុងការប្រយុទ្ធ»។ លោកបានបន្តថា៖«នៅពេលខ្ញុំ និយាយថា ចូលរួមក្នុងការប្រយុទ្ធនៅកន្លែងដែលគេត្រូវគេបាញ់ យើងត្រូវគេបាញ់ ហើយយើងនឹងបាញ់តបវិញ»។លោកកូពឺ ដែលជាមេបញ្ជាការរងនៃបញ្ជាការកណ្តាលរបស់សហរដ្ឋអាមេរិក បានប្រាប់កម្មវិធី «60 Minutes» ថា កងទ័ពជើងទឹក បានដាក់ពង្រាយនាវិកប្រហែល ៧.០០០នាក់ទៅកាន់សមុទ្រក្រហម។ កងទ័ពជើងទឹក បានបាញ់មីស៊ីលពីដីទៅលើអាកាសស្តង់ដាប្រហែល ១០០ប្រឆាំងនឹងមីស៊ីល និងយានដ្រូនរបស់ក្រុមហ៊ួទី។ចាប់តាំងពីពាក់កណ្តាលខែវិច្ឆិកាមក ក្រុមឧទ្ទាមហ៊ួទី ដែលគាំទ្រដោយអ៊ីរ៉ង់ បាននិងកំពុងវាយប្រហារលើនាវាដឹកជញ្ជូន ដែលធ្វើដំណើរឆ្លងកាត់សមុទ្រក្រហម។ ក្រុមឧទ្ទាមនេះ បាននិយាយថា ការវាយប្រហារទាំងនេះ គឺជាការឆ្លើយតបទៅនឹងសង្គ្រាមអ៊ីស្រាអែល និងក្រុមហាម៉ាស។ លោកកូពឺ បានប្រាប់កម្មវិធី 60 Minutes ថា វាច្បាស់ណាស់ថា ក្រុមហ៊ួទី មិនអាចធ្វើការវាយប្រហារទាំងនេះបានទេ បើគ្មានការគាំទ្រពីអ៊ីរ៉ង់។លោក បានប្រាប់អ្នកស្រី អូដុនណែលថា៖«អស់មួយទសវត្សរ៍មកហើយ ដែលប្រជាជនអ៊ីរ៉ង់ បានផ្គត់ផ្គង់ក្រុមហ៊ួទី។ អ៊ីរ៉ង់ បានផ្គត់ផ្គង់ដល់ក្រុមនេះឡើងវិញ។ យើងដឹងថា រឿងនេះកំពុងកើតឡើង។ ពួកគេកំពុងណែនាំដល់ក្រុមហ៊ួទី ហើយពួកគេកំពុងផ្តល់ព័ត៌មានកំណត់គោលដៅ»។

នាយករដ្ឋមន្ត្រីប៉ាឡេស្ទីន៖ អេហ្ស៊ីប នឹងមិនអនុញ្ញាតឲ្យនរណាម្នាក់ចូលមកពីតំបន់ហ្កាហ្សាឡើយ

2024/02/19 02:34:19 pm        101
Facebook Telegram Linkin
នាយករដ្ឋមន្ត្រីនៃអាជ្ញាធរប៉ាឡេស្ទីន លោក ម៉ូហាម៉េដ ស្ទេយ៉េ (Mohammad Shtayyeh) បានអំពាវនាវឲ្យអាជ្ញាធរអ៊ីស្រាអែលអនុញ្ញាតឲ្យប្រជាជនដែលប្រមូលផ្តុំគ្នានៅភាគខាងត្បូងនៃតំបន់ហ្កាហ្សាស្ទ្រីប ត្រឡប់ទៅផ្ទះរបស់ពួកគេនៅភាគខាងជើងបន្ថែមទៀត។ថ្លែងនៅក្នុងសន្និសិទសន្តិសុខទីក្រុងមុយនិក( Munich) លោក ស្ទេយីយ៉េ បានចេញការព្រមានដល់នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ (Benjamin Netanyahu) កុំឲ្យព្យាយាម បង្ខំប្រជាជនប៉ាឡេស្ទីនឆ្លងកាត់ព្រំដែនចូលទៅក្នុងប្រទេសអេហ្ស៊ីប។លោកបាននិយាយថា៖«ខ្ញុំដឹង ហើយយើងដឹងហើយថា វាជាកម្មវិធីរបស់អ៊ីស្រាអែល ដើម្បីរុញច្រានប្រជាជនចេញពីតំបន់ហ្កាហ្សា។ យើង និងប្រជាជនអេហ្ស៊ីប បានធ្វើការយ៉ាងលំបាក ដើម្បីកុំឲ្យវាកើតឡើង»។លោកស្ទេយ៉េ បានបញ្ជាក់ថា៖«អេហ្ស៊ីបនឹងមិនអនុញ្ញាតឲ្យនរណាម្នាក់ឆ្លងកាត់ព្រំដែននោះទេ។ មានរបាយការណ៍នៅក្នុងសារព័ត៌មានអន្តរជាតិថា អេហ្ស៊ីប កំពុងសាងសង់ជំរំទទួលភ្ញៀវមួយនៅម្ខាងព្រំដែនរបស់ខ្លួន ដើម្បីទទួលជនភៀសខ្លួនប៉ាឡេស្ទីន។លោកបានបន្ថែមទៀតថា អាជ្ញាធរប៉ាឡេស្ទីនដែលគ្រប់គ្រងដោយចលនាហ្វាតា (Fatah) ដែលមានមូលដ្ឋាននៅទីក្រុងរ៉ាហ្វា (Ramallah) ក្នុងវេសបែង មិនរក្សាទំនាក់ទំនងជាមួយក្រុមហាម៉ាស ដែលគ្រប់គ្រងតំបន់ ហ្កាហ្សាស្ទ្រីប តាំងពីឆ្នាំ ២០០៧មក។

គ.ជ.ប រៀបចំពង្រឹងសន្តិសុខម៉ត់ចត់តាមការិយាល័យបោះឆ្នោតព្រឹទ្ធសភា

2024/02/19 02:03:21 pm        165
Facebook Telegram Linkin
អ្នកនាំពាក្យគណៈកម្មាធិការជាតិរៀបចំការបោះឆ្នោត បានឱ្យដឹងថា គ.ជ.ប បានរៀបចំពង្រឹង​សន្តិសុខ​យ៉ាងម៉ត់ចត់​តាម​ការិយាល័យ​បោះឆ្នោត​ទាំង​អស់​សម្រាប់​ការ​បោះឆ្នោត​ជ្រើស​តាំង​សមាជិក​ព្រឹទ្ធសភាដែ​លនឹងប្រព្រឹត្តនាថ្ងៃទី២៥ ខែកុម្ភៈខាងមុខនេះ។ខណៈនៅសល់រយៈពេល៦ថ្ងៃទៀតប៉ុណ្ណោះ ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៧ នឹងចាប់ផ្តើមដំណើរការតាមការិយាល័យនៅទូទាំងរាជធានី-ខេត្ត ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានប្រាប់ BTV នៅថ្ងៃទី១៩ ខែកុម្ភៈនេះថា ដើម្បី​ឱ្យ​ដំណើរ​ការ​បោះឆ្នោតជ្រើសតាំងសមាជិកព្រឹទ្ធសភាប្រព្រឹត្តទៅដោយរលូន និងធានា​បាន​នូវ​សន្តិសុខ សុវត្ថិភាព សណ្ដាប់ធ្នាប់ របៀបរៀបរយ និងបរិយាកាសស្ងប់ស្ងាត់ល្អ គ.ជ.ប បាន​ចេញ​នូវ​សេចក្តីណែនាំដល់ប្រធានគណៈកម្មការរាជធានី-ខេត្តរៀបចំការបោះឆ្នោត និង​ប្រធាន​គណៈកម្មការ​ការិយាល័យបោះឆ្នោត និងរាប់សន្លឹកឆ្នោត ស្តីពីអ្នកដែលមាន​សិទ្ធិ​ចូល​ក្នុង​ការិយាល័យ​បោះឆ្នោត និងការិយាល័យរាប់សន្លឹកឆ្នោត រួមទាំងអ្នកដែល​មិន​មាន​សិទ្ធិ​ចូល​ក្នុង​ការិយាល័​យ​បោះឆ្នោត និងការិយាល័យរាប់សន្លឹកឆ្នោត និងរួមទាំងអំពីកិច្ចសហការ និង​ការ​អនុវត្ត​របស់គណៈបញ្ជាការអចិន្រ្តៃយ៍សន្តិសុខសម្រាប់ការបោះឆ្នោតកាលពីថ្មីៗនេះ។ក្នុង​នោះឯកឧត្តម បញ្ជាក់ថា គណៈបញ្ជាការ​អចិន្រ្តៃយ៍​សន្តិសុខ សម្រាប់​ការ​បោះឆ្នោត​បាន​ដាក់​ពង្រាយ​ភ្នាក់​ងារតាមការិយាល័យបោះឆ្នោតនីមួយៗ ដើម្បីធានាថា​ចាប់​តាំង​ពីដំណើរ​ការ​បើក​ទ្វារ​ការិយាល័យ​បោះឆ្នោតរហូតដល់រាប់សន្លឹកឆ្នោតមានសុខសន្តិភាព និងសុវត្ថិភាព។ ជាមួយគ្នានេះក្នុងករណីមានបាតុភាព ឬភាពមិនប្រក្រតីកើតឡើងអំឡុងការបោះឆ្នោត ឯកឧត្តម បញ្ជាក់​ទៀតថា គ.ជ.ប មានយន្តការសម្របសម្រួល និងយន្តការទប់ស្កាត់បាតុភាព ខណៈ​ក្រៅ​ពី​នេះ ​គ.ជ.ប ក៏រង់ចាំទទួលពាក្យបណ្តឹង ដើម្បីដោះស្រាយផ្តល់យុត្តិធម៌ជូនភាគីពាក់ព័ន្ធទាំងអស់។យ៉ាងណាមិញ ឯកឧត្តម ហង្ស ពុទ្ធា មានជំនឿយ៉ាងមុតមាំថា ក្នុងថ្ងៃ​បោះឆ្នោត​ជ្រើស​តាំង​សមាជិក​ព្រឹទ្ធសភាខាងមុខ ភាគីពាក់ព័ន្ធទាំងអស់នឹងចូលរួមសហការដោយអនុវត្តតាមបទបញ្ជា នីតិវិធី និងគោលការណ៍ច្បាប់បោះឆ្នោត ក្នុងគោល​ដៅ​ធ្វើ​យ៉ាង​ណា​ឱ្យ​ដំណើរ​ការ​បោះឆ្នោត​មាន​ភាព​រលូន យុត្តិធម៌ និងទទួលយកបានពីគ្រប់គណបក្សនយោបាយទាំងអស់។សូមជម្រាបថា ការបោះឆ្នោតជ្រើសតាំងសមាជិកព្រឹទ្ធសភាខាងមុខនឹងប្រព្រឹត្តទៅនាថ្ងៃទី២៥ ខែ​កុម្ភៈ ឆ្នាំ២០២៤ ដោយមានការិយាល័យសរុបចំនួន ៣៣ ការិយាល័យ និង​អង្គ​បោះឆ្នោត​សរុប​ចំនួន ១១,៧៤៧នាក់ ក្នុងនោះអ្នកតំណាងរាស្ត្រក្នុងតំណែងមានចំនួន ១២៥ នាក់ និង​ក្រុម​ប្រឹក្សា​ឃុំ-សង្កាត់នៅទូទាំងប្រទេសចំនួន ១១,៦២២ នាក់។ ខណៈគណបក្សនយោបាយចំនួន ៤ ដែលចូលរួមប្រកួតប្រជែងរួមមាន គណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សកម្លាំងជាតិ និងគណបក្សឆន្ទៈខ្មែរ៕ អត្ថបទ៖ សេក ឧត្តម

អ៊ីស្រាអែល ថ្កោលទោសប្រធានាធិបតីប្រេស៊ីល ជុំវិញការប្រៀបធៀបសង្រ្គាមហ្កាហ្សា ទៅនឹងវិនាសកម្មនៃការសម្លាប់រង្គាល

2024/02/19 12:32:28 pm        112
Facebook Telegram Linkin
អ៊ីស្រាអែលកាលពីថ្ងៃអាទិត្យ បានថ្កោលទោសប្រធានាធិបតីប្រេស៊ីលសម្រាប់ការប្រៀបធៀបសង្រ្គាមនៅតំបន់ហ្កាហ្សាទៅនឹងវិនាសសកម្មនៃការសម្លាប់រង្គាល ដោយចោទប្រកាន់លោកថា ជាអ្នកប្រឆាំងសាសនានិងជារឿងតូចតាចនៃការប្រល័យពូជសាសន៍ណាស៊ីនៃជនជាតិជ្វីហ្វនៅអឺរ៉ុប ក្នុងអំឡុងសង្គ្រាមលោកលើកទី២។ការថ្កោលទោសនេះ បានធ្វើឲ្យទំនាក់ទំនងរវាងប្រទេសទាំង កាន់តែតានតឹងកាន់តែខ្លាំងឡើង ចាប់តាំងពីលោកប្រធានាធិបតី ល្វីស អ៊ីណាស៊ីអូ លូឡា ដា ស៊ីលវ៉ា ( Luiz Inacio Lula da Silva) ត្រឡប់មកកាន់តំណែងកាលពីឆ្នាំមុន។ លោកលូឡា បានបង្ហាញខ្លួនលោកថា ជាមេដឹកនាំនៃតំបន់ «Global South» ដែលជាក្រុមប្រទេស កំពុងអភិវឌ្ឍន៍ ដែលមិនមានការរឹតត្បិតតឹងតែងទេ។ថ្លែងទៅកាន់អ្នកសារព័ត៌មាននៅឯកិច្ចប្រជុំកំពូលសហភាពអាហ្រ្វិកក្នុងប្រទេសអេត្យូពី លោកលូឡា បាននិយាយថា៖«អ្វីដែលកំពុងកើតឡើងនៅតំបន់ហ្កាហ្សាស្ទ្រីប និងចំពោះប្រជាជនប៉ាឡេស្ទីន មិនត្រូវបានគេមើលឃើញនៅក្នុងពេលវេលាផ្សេងទៀតនៅក្នុងប្រវត្តិសាស្ត្រនោះទេ។ តាមពិតទៅ វាបានកើតឡើងនៅពេលដែលលោកហ៊ីត្លែរសម្រេចចិត្តសម្លាប់ជនជាតិជ្វីហ្វ»។ការអត្ថាធិប្បាយបែបនេះ បានធ្វើឲ្យមានការភ័យខ្លាចក្នុងប្រទេសអ៊ីស្រាអែល ដែលជាប្រទេសត្រូវបានបង្កើតឡើងជាជម្រកសម្រាប់ជនជាតិជ្វីហ្វ នៅពេលមានការសម្លាប់រង្គាល។ អ៊ីស្រាអែលបដិសេធរាល់ការប្រៀបធៀបនៃការប្រព្រឹត្តរបស់ខ្លួននៅក្នុងសង្គ្រាមនៅហ្កាហ្សាទៅនឹងវិនាសសកម្មនៃការសម្លាប់រង្គាល។

អតីតនាយករដ្ឋមន្ត្រីថៃ លោក ថាក់ស៊ីន ជួបជាមួយព្រះរាជអាជ្ញាលើសំណុំរឿងប្រមាថព្រះមហាក្សត្រ

2024/02/19 12:29:38 pm        110
Facebook Telegram Linkin
ការិយាល័យអគ្គមេធាវីរបស់ប្រទេសថៃ បាននិយាយនៅថ្ងៃចន្ទ (១៩ កុម្ភៈ) នេះថាអតីតនាយករដ្ឋមន្ត្រីថៃដែលទើបត្រូវបានដោះលែងឲ្យនៅក្រៅឃុំ លោក ថាក់ស៊ីន ស៊ីណាវ៉ាត់ (Thaksin Shinawatra) បានជួបជាមួយព្រះរាជអាជ្ញាជុំវិញបណ្តឹងប្រមាថព្រះមហាក្សត្រ ដែលកើតចេញពីបទសម្ភាសន៍កាលពីឆ្នាំ២០១៥ របស់លោក។ជំនួបនេះទាក់ទងនឹងបណ្ដឹងដែលធ្វើឡើងប្រឆាំងនឹងលោក ថាក់ស៊ីន ក្នុងឆ្នាំ២០១៦ ដែលមិនទាន់មានការជឿនលឿននៅឡើយ ដែលពេលនេះអាជ្ញាធរកំពុងពិចារណាលើភស្តុតាងថ្មី។ អ្នកនាំពាក្យការិយាល័យអគ្គមេធាវី នៅថ្ងៃចន្ទនេះបាននិយាយថា ត្រូវមានការស៊ើបអង្កេតបន្ថែមទៀតចំពោះបណ្តឹងប្រឆាំងលោកថាក់ស៊ីន មួយនេះ។ពាក្យបណ្តឹងនេះទាក់ទងនឹងបទសម្ភាសន៍កាលពីឆ្នាំ២០១៥ ដែលលោក ថាក់ស៊ីន បានផ្តល់ពេលនៅកូរ៉េខាងត្បូង ហើយត្រូវបានប្តឹងដោយរបបយោធាដែលគ្រប់គ្រងប្រទេសថៃ បន្ទាប់ពីយោធាបានផ្តួលរំលំរដ្ឋាភិបាល ដែលដឹកនាំដោយប្អូនស្រីរបស់លោកថាក់ស៊ីន។ លោក ថាក់ស៊ីន បានសន្យាម្តងហើយម្តងទៀតនូវភក្តីភាពចំពោះរាជានិយម។មហាសេដ្ឋីដ៏មានឥទ្ធិពលរូបនេះត្រូវបានដោះលែងឱ្យនៅក្រៅឃុំកាលពីថ្ងៃអាទិត្យ បន្ទាប់ពីការឃុំខ្លួនរយៈពេលប្រាំមួយខែ ដែលជាថ្ងៃដំបូងនៃសេរីភាពរបស់លោកនៅក្នុងប្រទេសកំណើតរបស់ខ្លួន រយៈពេល ១៥ ឆ្នាំ បន្ទាប់ពីបានភៀសខ្លួនក្រោយការផ្តួលរំលំនៅក្នុងរដ្ឋប្រហារយោធា៕

អ៊ីរ៉ង់ ថ្កោលទោសការអនុម័តរបស់ព្រឹទ្ធសភាអាមេរិកលើកញ្ចប់ជំនួយ ១៤ ពាន់លានដុល្លារសម្រាប់អ៊ីស្រាអែល

2024/02/19 12:26:53 pm        140
Facebook Telegram Linkin
អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani កាលពីថ្ងៃអាទិត្យ បានថ្កោលទោសព្រឹទ្ធសភាសហរដ្ឋអាមេរិក សម្រាប់ការអនុម័តកញ្ចប់ជំនួយចំនួន ១៤ពាន់លានដុល្លារ ទៅឲ្យអ៊ីស្រាអែល ដែលលោកបាននិយាយថា នឹងផ្តល់លទ្ធភាពឱ្យមានការសម្លាប់ជនជាតិអ៊ីស្រាអែលកាន់តែច្រើនថែមទៀតនៅក្នុងតំបន់ហ្កាហ្សា។ លោក Kanaani បានធ្វើការអត្ថាធិប្បាយនៅលើវេទិកាប្រព័ន្ធផ្សព្វផ្សាយសង្គម X ក្នុងការឆ្លើយតបទៅនឹងសេចក្តីស្នើច្បាប់ដែលត្រូវបានអនុម័តកាលពីថ្ងៃទី ១៣ ខែកុម្ភៈដោយព្រឹទ្ធសភាសហរដ្ឋអាមេរិក សម្រាប់ជំនួយសន្តិសុខដល់ប្រទេសអ៊ីស្រាអែល។ លោក បាននិយាយថាការសម្រេចរបស់ព្រឹទ្ធសភាអាមេរិក ដែលផ្តល់មូលនិធិដោយអ្នកបង់ពន្ធអាមេរិកបានបង្ហាញថា នាយករដ្ឋមន្ត្រីអ៊ីស្រាអែល លោក Benjamin Netanyahu និងរដ្ឋាភិបាលរបស់ខ្លួន នឹងទទួលបាន១០០លានដុល្លារក្នុងមួយថ្ងៃ ពីសហរដ្ឋអាមេរិក សម្រាប់ ការសម្លាប់ជនស៊ីវិលប៉ាឡេស្ទីនស្លូតត្រង់។ ព្រឹទ្ធសភាសហរដ្ឋអាមេរិក បានអនុម័តសេចក្តីស្នើច្បាប់នេះដោយសំឡេង ៧០ ទល់នឹង ២៩សំឡេង។ វារួមបញ្ចូលទាំងជំនួយសន្តិសុខចំនួន ១៤ពាន់លានដុល្លារដល់ប្រទេសអ៊ីស្រាអែល ក្នុងចំណោមជំនួយផ្សេងៗទៀត។ចំណាត់ការរបស់ព្រឹទ្ធសភាសហរដ្ឋអាមេរិក បានប្រឈមទៅនឹងការរិះគន់យ៉ាងទូលំទូលាយនៅក្នុងស្រុក ដោយក្រុមប្រឆាំងបាននិយាយថា ជំនួយនេះអាចត្រូវបានចំណាយលើតម្រូវការក្នុងស្រុក ប្រសើរជាជាងសព្វាវុធ ហើយបានបង្ហាញការព្រួយបារម្ភអំពីចំនួនអ្នកស្លាប់នៅក្នុងតំបន់ហ្កាហ្សា។វាមិនច្បាស់នោះទេ ថាតើសេចក្តីស្នើច្បាប់នេះ នឹងអនុម័តឬយ៉ាងណា ខណៈសមាជិកគណបក្សសាធារណរដ្ឋអភិរក្សនិយមមួយចំនួន នៅក្នុងសភាអាមេរិក បានប្តេជ្ញាថានឹងបញ្ឈប់សេចក្តីស្នើច្បាប់នេះ។

បណ្ដាញសង្គម

ព័ត៌មានថ្មីៗ

អតីតយុទ្ធជនពិការមួយគ្រួសារក្នុងស្រុកបារាយណ៍ទទួលបានអំណោយផ្ទះថ្មីពីសម្ដេចតេជោ ហ៊ុន សែន
11/12/2025 12:11 PM
Facebook Telegram Linkin
តុលាការកំពូលអាមេរិក បន្ថែមពេលផ្អាកលើបទបញ្ជាក្នុងការផ្គត់ផ្គង់មូលនិធិជំនួយស្បៀងអាហារពេញលេញ
11/12/2025 12:11 PM
Facebook Telegram Linkin
នាយករដ្ឋមន្ត្រីប្រទេសម៉ាលី ចោទប្រទេសបារាំង និងអាល់ហ្សេរី ពីការគាំទ្រភេរវជន
11/12/2025 12:11 PM
Facebook Telegram Linkin
សភាវេណេស៊ុយអេឡា អនុម័តច្បាប់ផ្តល់អំណាចយោធាសម្រាប់វិស័យការពារជាតិ ក្នុងពេលមានភាពតានតឹងជាមួយអាមេរិក
11/12/2025 12:11 PM
Facebook Telegram Linkin
រដ្ឋមន្ត្រីការបរទេស G7 ជួបប្រជុំក្នុងប្រទេសកាណាដា ដោយសង្គ្រាមនៅអ៊ុយក្រែននិងនៅមជ្ឈិមបូព៌ា ជាបញ្ហាសំខាន់
11/12/2025 12:11 PM
Facebook Telegram Linkin
ឯកឧត្តម គន់ គីម អញ្ជើញប្រកាសសមាសភាពគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តកណ្តាល
11/12/2025 12:11 PM
Facebook Telegram Linkin
ក្រុមហ៊ួទីនៅយេម៉ែន ទំនងជាដកខ្លួនថយពីការវាយប្រហារលើការដឹកជញ្ជូនតាមនាវានៅសមុទ្រក្រហម
11/12/2025 12:11 PM
Facebook Telegram Linkin
មនុស្សជាង ១០នាក់ស្លាប់ ក្នុងការបំផ្ទុះគ្រាប់បែកអត្តឃាតនៅរដ្ឋធានីប៉ាគីស្ថាន ដោយបង្កើនភាពតានតឹងក្នុងតំបន់
11/12/2025 12:11 PM
Facebook Telegram Linkin
ក្រុមសមាជិកព្រឹទ្ធសភា និងក្រុមគ្រូពេទ្យស្ម័គ្រចិត្តសមាគមអភិវឌ្ឍន៍សុខុមាលភាពកម្ពុជា-បារាំង ចុះពិនិត្យព្យាបាលជំងឺជូនពលរដ្ឋដោយឥតគិតថ្លៃ នៅស្រុកគិរីវង់ ខេត្តតាកែវ
11/12/2025 12:11 PM
Facebook Telegram Linkin
អ៊ុយក្រែន នឹងធ្វើជាម្ចាស់ផ្ទះជំនួបកំពូលប្លុកអឺរ៉ុប នៅខែក្រោយ ដើម្បីត្រួសត្រាយផ្លូវទៅកាន់សមាជិកភាព
11/12/2025 12:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.