BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

បណ្ដារដ្ឋមន្ត្រីលោកខាងលិចបានរិះគន់រុស្ស៊ី ជុំវិញសង្រ្គាមអ៊ុយក្រែន នៅក្នុងកិច្ចប្រជុំ G20

ក្រុមអ្នកការទូតបាននិយាយថា បណ្ដារដ្ឋមន្ត្រីការបរទេសលោកខាងលិច មកពីក្រុមប្រទេសទាំង២០ (G20) ដែលជួបប្រជុំគ្នានៅប្រទេសប្រេស៊ីល កាលពីថ្ងៃពុធ (២១ កុម្ភៈ) បានប្រើវោហារស័ព្ទវាយប្រហារយ៉ាងខ្លាំងក្លាលើរុស្ស៊ី ចំពោះការលុកលុយអ៊ុយក្រែន របស់ខ្លួន ខណៈរដ្ឋមន្ត្រីការបរទេសរុស្ស៊ី លោក សើហ្កេ ឡាវរ៉ូវ (Sergei Lavrov) អង្គុយស្តាប់យ៉ាងស្ងប់ស្ងៀម។យោងតាមការិយាល័យរដ្ឋមន្ត្រីការបរទេសអង់គ្លេស បានឱ្យដឹងថា លោករដ្ឋមន្ត្រី ដេវីដ កាមេរ៉ូន (David Cameron) បានប្រាប់កិច្ចប្រជុំបិទទ្វារនេះថា «រុស្ស៊ី ត្រូវតែទទួលខុសត្រូវ និងទូទាត់ការចំណាយសម្រាប់ការឈ្លានពានរបស់ខ្លួនក្នុងអ៊ុយក្រែន»។ ប្រមុខការទូតមកពីសហរដ្ឋអាមេរិក អូស្ត្រាលី កាណាដា អាល្លឺម៉ង់ អ៊ីតាលី បារាំង និងន័រវេស ក៏បានធ្វើការលើកឡើងស្រដៀងគ្នានេះដែរ នៅថ្ងៃដំបូងនៃកិច្ចប្រជុំរយៈពេលពីរថ្ងៃ។រដ្ឋមន្ត្រីការបរទេសន័រវេស លោក អេសស្ពេន បាតអាយដឺ (Espen Barth Eide) បានប្រាប់អ្នកយកព័ត៌មានថា លោក ឡាវរ៉ូវ បានឆ្លើយតបយ៉ាងស្ងប់ស្ងៀមចំពោះការលើកឡើងរបស់លោក កាមេរ៉ូន ដោយប្រាប់ពី «ការពិតដែលគ្មានអ្នកដឹងជាច្រើន» អំពីព្រឹត្តិការណ៍នៅអ៊ុយក្រែន។កិច្ចប្រជុំនេះធ្វើឡើងដើម្បីរៀបចំរបៀបវារៈសម្រាប់កិច្ចប្រជុំកំពូល G20 នៅខែវិច្ឆិកា ខាងមុខ។ នៅក្នុងកិច្ចប្រជុំកំពូលមួយកាលពីខែកញ្ញា បណ្ដាមេដឹកនាំ G20 បានអនុម័តសេចក្តីប្រកាសមួយ ដែលចៀសវាងការថ្កោលទោសដោយផ្ទាល់លើរុស្ស៊ី ចំពោះសង្គ្រាមនៅអ៊ុយក្រែន ប៉ុន្តែបានអំពាវនាវឱ្យរដ្ឋទាំងអស់កុំប្រើប្រាស់កម្លាំងដើម្បីដណ្តើមយកទឹកដី៕

អ៊ីរ៉ង់ចោទអ៊ីស្រាអែលថា បានបំផ្ទុះបំពង់បង្ហូរឧស្ម័នធម្មជាតិ ក្នុងការវាយប្រហារបំផ្លិចបំផ្លាញ ដោយមិន ផ្តល់ភ័ស្តុតាង

មន្ត្រីអ៊ីរ៉ង់ បានចោទប្រកាន់អ៊ីស្រាអែលកាលពីថ្ងៃពុធថា បានធ្វើកិច្ចប្រតិបត្តិការបំផ្លិចបំផ្លាញ ដែលបានបំផ្ទុះបំពង់បង្ហូរឧស្ម័នធម្មជាតិ កាលពីសប្តាហ៍មុន។រដ្ឋមន្ត្រីប្រេងអ៊ីរ៉ង់ លោក ចាវ៉ាដ អូវជីវ (Javad Owji) មិនបានផ្តល់ភ័ស្តុតាងសម្រាប់ការអះអាងរបស់ខ្លួន ទេ ប៉ុន្តែបានប្រាប់សារព័ត៌មានរដ្ឋអ៊ីរ៉ង់ថា ការវាយប្រហារនេះ គឺជាកិច្ចខិតខំប្រឹងប្រែងចុងក្រោយបង្អស់របស់អ៊ីស្រាអែល ក្នុងការធ្វើឲ្យហេដ្ឋារចនាសម្ព័ន្ធអ៊ីរ៉ង់មានអស្ថិរភាព។លោកអូវជី (Owji) បាននិយាយថា៖«ការបំផ្ទុះបំពង់បង្ហូរឧស្ម័ននេះ គឺជាផែនការរបស់អ៊ីស្រា អែល»។ «សត្រូវនេះ មានបំណងរំខានសេវាឧស្ម័ន នៅតាមបណ្តាខេត្ត និងធ្វើឲ្យការចែកចាយឧស្ម័នរបស់ប្រជាជន មានហានិភ័យ»។លោកបានបន្ថែមថា៖«អំពើអាក្រក់ និងផែនការរបស់សត្រូវ ត្រូវបានគ្រប់គ្រងយ៉ាងត្រឹមត្រូវ។ការបំផ្ទុះកាលពីថ្ងៃទី១៤ ខែកុម្ភៈ បានធ្វើឲ្យខូចបំពង់បង្ហូរឧស្ម័នធម្មជាតិ ដែលរត់ចេញពីខេត្តចាហាម៉ា ហាល់ (Chaharmahal) ភាគខាងលិចរបស់ប្រទេសអ៊ីរ៉ង់ និងខេត្តបាកទៀរី ( Bakhtiari) ឆ្ពោះទៅភាគខាងជើង ទៅកាន់ទីក្រុងនានា នៅសមុទ្រកាព្យែន(Caspian)។ បំពង់បង្ហូរឧស្ម័ននេះ មានប្រវែងប្រហែល ១.២៧០ គីឡូម៉ែត្រ (៧៩០ម៉ាយ) ចាប់ផ្តើមនៅតំបន់អាសាលូយ៉េ (Asaluyeh) ដែលជាមជ្ឈមណ្ឌលសម្រាប់តំបន់ឧស្ម័ន South Pars ឈូងសមុទ្ររបស់អ៊ីរ៉ង់។

ការតស៊ូចុងក្រោយរបស់លោក Assange ដើម្បីបញ្ឈប់ការធ្វើបត្យាប័នទៅអាមេរិក បានបញ្ចប់នៅទីក្រុងឡុងដ៍្រ

ការតស៊ូចុងក្រោយរបស់លោក ជូលាន អាសាញ(Julian Assange) អតីតស្ថាបនិកគេហទំព័រ WikiLeaks ដើម្បីបញ្ឈប់ការធ្វើបត្យាប័នទៅសហរដ្ឋអាមេរិក បានបញ្ចប់កាលពីថ្ងៃពុធ នៅតុលាការយុត្តិធម៌ទីក្រុងឡុងដ៍្រ។ រដ្ឋអាជ្ញាសហរដ្ឋអាមេរិក កំពុងស្វែងរកការកាត់ទោសលោក Assange អាយុ ៥២ឆ្នាំ ពីបទទម្លាយព័ត៌មានសម្ងាត់ឯកសារយោធាសហរដ្ឋអាមេរិក និងទូរលេខផ្នែកការទូត ធ្វើឡើងដោយគេហទំព័រ WikiLeaks ។ រដ្ឋអាជា្ញបានអះអាងថា ការបែកធ្លាយនេះ បានធ្វើឲ្យគ្រោះថ្នាក់ដល់ភ្នាក់ងាររបស់ពួកគេ ហើយគ្មានការចោទប្រកាន់សម្រាប់បទព្រហ្មទណ្ឌលើលោក អាសាញ នោះទេ។ មេធាវី និងភរិយារបស់លោក លោកស្រី Stella បាននិយាយថា លោក អាសាញ(Assange) ខ្លួនលោកផ្ទាល់ ជាថ្មីម្តងទៀតមិនស្ថិតនៅក្នុងតុលាការនោះទេ កាលពីថ្ងៃពុធ ហើយក៏មិនបានតាមដានមើលពីចម្ងាយនោះដែរ ដោយសារតែលោកមិនស្រួលខ្លួន។ ការតស៊ូតាមផ្លូវច្បាប់របស់ជនជាតិអូស្ត្រាលីរូបនេះ បានចាប់ផ្តើមនៅក្នុងឆ្នាំ២០១០ ហើយលោក បានចំណាយពេល៧ឆ្នាំនៅក្នុងស្ថានទូតអេក្វាឌ័រ មុនពេលលោកត្រូវបានគេបញ្ចូនទៅដាក់ពន្ធនាគារក្នុងឆ្នាំ ២០១៩ ពីបទបំពានលក្ខខណ្ឌធានាឲ្យនៅក្រៅឃុំ។លោកត្រូវបានគេឃុំឃាំងនៅក្នុងពន្ធនាគារសន្តិសុខកម្រិតខ្ពស់នៅទីក្រុងឡុងដ៍្រ ចាប់តាំងពីពេលនោះមក និងបានរៀបអាពាហ៍ពិពាហ៍នៅទីនោះ ខណៈនៅចុងក្រោយ ចក្រភពអង់គ្លេស បានអនុម័តការធ្វើបត្យាប័នលោកទៅកាន់សហរដ្ឋអាមេរិកនៅ ឆ្នាំ ២០២២។ មេធាវីរបស់លោក Assange និយាយថា លោកអាចត្រូវបានកាត់ទោសជាប់ពន្ធនាគាររហូតដល់១៧៥ឆ្នាំ ប៉ុន្តែទំនងជានៅត្រឹមយ៉ាងហោចណាស់ ៣០ ទៅ ៤០ ឆ្នាំ ក្នុងករណីបទចោទប្រកាន់ចំនួន១៨ករណី។ ប្រសិនបើលោក អាសាញ(Assange) ឈ្នះរឿងក្តីនេះ សវនាការបណ្តឹងឧទ្ធរណ៍ពេញលេញនឹងត្រូវធ្វើឡើង។ ប្រសិនបើលោកចាញ់ ជម្រើសតែមួយគត់របស់លោក គឺនៅតុលាការសិទ្ធិមនុស្សអឺរ៉ុប។ ភរិយារបស់លោក និយាយថា មេធាវីរបស់លោកនឹងដាក់បណ្តឹងទៅតុលាការនោះ ដើម្បីសុំដីកាប្រសិនបើចាំបាច់។

ក្រុមហ៊ុនអាកាសចរណ៍អាមេរិក United Airlines នឹងបន្តជើងហោះហើរទៅអ៊ីស្រាអែល ឡើងវិញ

ក្រុមហ៊ុនអាកាសចរណ៍ យូណាយធីត អ៊ែរឡាញស៍ (United Airlines) បាននិយាយកាលពីថ្ងៃពុធ (២១ កុម្ភៈ) ថាខ្លួនគ្រោងនឹងបន្តជើងហោះហើរត្រង់របស់សហរដ្ឋអាមេរិក ទៅកាន់ប្រទេសអ៊ីស្រាអែល នៅដើមខែក្រោយនេះ ដោយធ្វើឱ្យខ្លួនក្លាយជាក្រុមហ៊ុនអាកាសចរណ៍អាមេរិកដំបូងគេ ដែលចាប់ផ្តើមសេវាកម្មឡើងវិញចាប់តាំងពីការវាយប្រហារកាលពីថ្ងៃទី០៧ ខែតុលា ដោយពួកសកម្មប្រយុទ្ធហាម៉ាស នៅលើភាគខាងត្បូងអ៊ីស្រាអែលមក។ក្រុមហ៊ុន យូណាយធីត ក្រុមហ៊ុន អាមេរិកកាំង អ៊ែរឡាញស៍ (American Airlines) និងក្រុមហ៊ុន ឌែលតា អ៊ែរឡាញស៍ (Delta Air Lines) បានផ្អាកសេវាកម្មហោះហើរពីអាមេរិកទៅកាន់អ៊ីស្រាអែល ក្នុងខែតុលា បន្ទាប់ពីការវាយប្រហារនោះ។ ក្រុមហ៊ុន យូណាយធីត ដែលមានមូលដ្ឋាននៅទីក្រុង ឈីខាហ្គោ (Chicago) នេះបាននិយាយថា ខ្លួននឹងបន្តជើងហោះហើរពីទីក្រុង នីវ៉ាក (Newark) ទៅទីក្រុង តែលអាវីវ (Tel Aviv) នៅខែក្រោយ ប៉ុន្តែមិនមានគម្រោងចាប់ផ្តើមជើងហោះហើរឡើងវិញពីទីក្រុងផ្សេងទៀតរបស់សហរដ្ឋអាមេរិកទេ រហូតដល់យ៉ាងហោចណាស់នៅរដូវស្លឹកឈើជ្រុះនេះ។ក្រុមហ៊ុន យូណាយធីត បាននិយាយថាគោលដៅរបស់ខ្លួន គឺដើម្បីបន្តសេវាកម្មហោះហើរត្រង់ប្រចាំថ្ងៃទៅកាន់ទីក្រុង តែលអាវីវ ចាប់ពីថ្ងៃទី០៦ ខែមីនា ពីទីក្រុង នីវ៉ាក លើយន្តហោះ ប៊ូអីង ៧៨៧-១០ (Boeing 787-10)។ ក្រុមហ៊ុនបានបន្ថែមថា ខ្លួនបានធ្វើការវិភាគលម្អិតអំពីសុវត្ថិភាពក្នុងការសម្រេចចិត្តនេះ រួមទាំងធ្វើការងារយ៉ាងជិតស្និទ្ធជាមួយក្រុមអ្នកជំនាញសន្តិសុខ និងមន្ត្រីរដ្ឋាភិបាលនៅសហរដ្ឋអាមេរិក និងអ៊ីស្រាអែល៕

សមាជិកគណៈរដ្ឋមន្ត្រីសង្គ្រាមអ៊ីស្រាអែល និយាយថាមានសញ្ញាវិជ្ជមានដំបូងលើកិច្ចព្រមព្រៀងចំណាប់ថ្នូរថ្មី

សមាជិកគណៈរដ្ឋមន្រ្តីសង្រ្គាមអ៊ីស្រាអែល លោក បេននី ហ្កាន់ស៍ (Benny Gantz) បាននិយាយកាលពីថ្ងៃពុធ (២១ កុម្ភៈ) ថាមាន «សញ្ញាវិជ្ជមានដំបូងនៃវឌ្ឍនភាព» លើកិច្ចព្រមព្រៀងថ្មីមួយ ដើម្បីដោះលែងចំណាប់ថ្នូរចេញពីតំបន់ហ្កាហ្សា ស្របពេលមានកិច្ចចរចាក្នុងតំបន់ដើម្បីទទួលបានការផ្អាកនៅក្នុងសង្គ្រាមដ៏បង្ហូរឈាមនេះ។លោក ហ្កាន់ស៍ បាននិយាយនៅក្នុងសន្និសីទសារព័ត៌មានតាមទូរទស្សន៍មួយថា «មានការប៉ុនប៉ងជាបន្តបន្ទាប់ដើម្បីលើកកម្ពស់កិច្ចព្រមព្រៀងចំណាប់ថ្នូរថ្មីមួយ ហើយមានសញ្ញាវិជ្ជមានដំណាក់កាលដំបូងដែលអាចបង្កើតជាការវិវត្តន៍ថ្មី។ យើងនឹងមិនឈប់ស្វះស្វែងរកមធ្យោបាយ នឹងមិនខកខានឱកាសណាមួយក្នុងការនាំពលរដ្ឋយើងត្រឡប់មកវិញនោះទេ»។សមាជិកគណៈរដ្ឋមន្រ្តីសង្រ្គាមរូបនេះបានបន្ថែមថា ប្រសិនបើមិនមានកិច្ចព្រមព្រៀងថ្មីណាមួយត្រូវបានសម្រេចទេ យោធាអ៊ីស្រាអែល នឹងបន្តការប្រយុទ្ធគ្នានៅតំបន់ហ្កាហ្សា ហើយក៏នឹងបន្តប្រយុទ្ធក្នុងខែដ៏ពិសិដ្ឋរបស់មូស្លីមនៃបុណ្យរ៉ាម៉ាដាន ដែលចាប់ផ្តើមនៅខែក្រោយនេះផងដែរ»។ការចរចាកិច្ចព្រមព្រៀងចំណាប់ថ្នូរជាច្រើនសប្តាហ៍មិនទទួលបានលទ្ធផលជោគជ័យទេ ដោយអ៊ីស្រាអែលបានច្រានចោលការទាមទាររបស់ក្រុមហាម៉ាស សម្រាប់ការបញ្ឈប់សង្គ្រាម និងការដកខ្លួនរបស់អ៊ីស្រាអែលចេញពីហ្កាហ្សា ជាថ្នូរនឹងការដោះលែងចំណាប់ថ្នូរបន្ថែមទៀត ដោយនិយាយថាការទាមទារនោះជារឿងស្រមើលស្រម៉ៃរបស់ក្រុមហាម៉ាស៕

ប្រភព៖ អ៊ីរ៉ង់ បានបញ្ជូនមីស៊ីលបាលិស្ទិករាប់រយគ្រាប់ទៅឱ្យរុស្ស៊ី

ប្រភពចំនួនប្រាំមួយបានប្រាប់សារព័ត៌មានរ៉យទ័រថា ប្រទេសអ៊ីរ៉ង់បានផ្តល់ឲ្យរុស្ស៊ី នូវមីស៊ីលបាលិស្ទិកដែលបាញ់ពីផ្ទៃដីទៅផ្ទៃដី ឬបាញ់ពីផ្ទៃដីទៅសមុទ្រ ដ៏មានអានុភាពមួយចំនួនធំ ក្នុងកិច្ចខិតខំប្រឹងប្រែងធ្វើឱ្យស៊ីជម្រៅនូវកិច្ចសហប្រតិបត្តិការយោធារវាងប្រទេសទាំងពីរ ដែលត្រូវបានដាក់ទណ្ឌកម្មដោយសហរដ្ឋអាមេរិក។ប្រភពចំនួនបីរបស់អ៊ីរ៉ង់បាននិយាយថា អ៊ីរ៉ង់ផ្តល់មីស៊ីលប្រហែល ៤០០ គ្រាប់ទៅរុស្ស៊ី ដែលរួមមានមីស៊ីលប្រភេទ ហ្វាតេហ្វ-១១០ (Fateh-110) នៃសព្វាវុធបាលិស្ទិករយៈចម្ងាយខ្លីជាច្រើនគ្រាប់ដូចជាមីស៊ីល ហ៊្សូលហ្វាកហា (Zolfaghar) ជាដើម។ ក្រុមអ្នកជំនាញបាននិយាយថា មីស៊ីលចល័តតាមដងផ្លូវនេះ មានសមត្ថភាពវាយប្រហារគោលដៅនៅចម្ងាយចន្លោះពី ៣០០ គីឡូម៉ែត្រទៅ ៧០០ គីឡូម៉ែត្រ។ប្រភពមួយរបស់អ៊ីរ៉ង់បាននិយាយថា ការដឹកជញ្ជូនបានចាប់ផ្តើមនៅដើមខែមករា បន្ទាប់ពីកិច្ចព្រមព្រៀងមួយត្រូវបានបញ្ចប់នៅក្នុងកិច្ចប្រជុំកាលពីចុងឆ្នាំមុន រវាងមន្ត្រីយោធា និងមន្ត្រីសន្តិសុខរបស់អ៊ីរ៉ង់ និងរុស្ស៊ី ដែលបានធ្វើឡើងនៅទីក្រុងតេអេរ៉ង់ និងទីក្រុងមូស្គូ។ការរឹតបន្តឹងរបស់ក្រុមប្រឹក្សាសន្តិសុខអង្គការសហប្រជាជាតិលើការនាំចេញមីស៊ីល យានដ្រូន និងបច្ចេកវិទ្យាផ្សេងទៀតរបស់អ៊ីរ៉ង់ បានផុតកំណត់កាលពីខែតុលា។ ទោះបីជាយ៉ាងណាក៏ដោយ សហរដ្ឋអាមេរិក និងសហភាពអឺរ៉ុប បានរក្សាការដាក់ទណ្ឌកម្មលើកម្មវិធីមីស៊ីលបាលិស្ទិករបស់អ៊ីរ៉ង់ ស្របពេលមានការព្រួយបារម្ភអំពីការនាំចេញអាវុធទៅកាន់ក្រុមតំណាងអ៊ីរ៉ង់នៅមជ្ឈិមបូព៌ា និងទៅកាន់ប្រទេសរុស្ស៊ី៕

ឥស្សរជនប្រឆាំង៖ ពិតជាត្រូវការមេដឹកនាំប៉ាឡេស្ទីនថ្មី ក្រោយសង្គ្រាមហ្កាហ្សា ត្រូវបញ្ចប់

ឥស្សរជនប្រឆាំងលោក ណាសឺ អាល់ឃីដវ៉ា ( Nasser al-Kidwa) ជាក្មួយប្រុសរបស់អតីតមេដឹកនាំប៉ាឡេស្ទីនលោក យ៉ាសឺ អារ៉ាហ្វាត (Yasser Arafat) បានប្រាប់សារព័ត៌មានAFPថា បន្ទាប់ពីសង្គ្រាមហ្កាហ្សា បានបញ្ចប់ មេដឹកនាំប៉ាឡេស្ទីនថ្មី គឺត្រូវការជាចាំបាច់ ដែលអាចជួយដល់រដ្ឋឯករាជ្យ នាពេលអនាគត។ លោកឃីដវ៉ា ដែលជាអតីតរដ្ឋមន្ត្រីការបរទេសប៉ាឡេស្ទីន បានបញ្ជាក់ថា ពួកគេក៏គួរតែស្វែងរក «ដំណោះស្រាយដោយសន្តិវិធី»ជាមួយប្រធានអាជ្ញាធរប៉ាឡេស្ទីន លោក ម៉ាខ្មូដ អាបាស មានវ័យ៨៨ឆ្នាំ ដែលគួរតែទទួលបានតួនាទីជាអ្នករៀបចំពិធីផ្លូវការផ្សេងៗ។លោកឃីដវ៉ា មានវ័យ៧០ឆ្នាំហើយនោះ បាននិយាយថា កិច្ចពិភាក្សាដែលពាក់ព័ន្ធនឹងបណ្តារដ្ឋឈូង សមុទ្រនិងមហាអំណាចលោកខាងលិច កំពុងស្វែងរកមិនត្រឹមតែការផ្អាកក្នុងការប្រយុទ្ធគ្នារវាងអ៊ីស្រា អែល និងក្រុមហាម៉ាស និងការដោះលែងចំណាប់ថ្នូរប៉ុណ្ណោះទេ ថែមទាំងនិយាយអំពីសេណារីយោពីមួយថ្ងៃទៅមួយថ្ងៃផងដែរ។លោកបានបន្ថែមទៀតថា នៅពីក្រោយឆាក ពួកគេកំពុងផ្តោតលើបញ្ហា ក្រោយសង្រ្គាមកាន់តែទូលំទូលាយ ដូចជាសន្តិសុខ កំណែទម្រង់ភាពជាអ្នកដឹកនាំ ការបង្កើតរដ្ឋប៉ាឡេស្ទីនឯករាជ្យ និងការធ្វើឲ្យមានប្រក្រតីភាពទំនាក់ទំនងអ៊ីស្រាអែល និងអារ៉ាប៊ីសាអ៊ូឌីត។លោកឃីដវ៉ា ដែលត្រូវបានបណ្តេញចេញពីចលនាហ្វាតា (Fatah) របស់លោកអាបាស បន្ទាប់ពីប្រកួតប្រជែងជាមួយប្រធានអាជ្ញាធរប៉ាឡេស្ទីនរូបនេះ ក្នុងឆ្នាំ ២០២១ បានលើកឡើងថា៖«តើយើងដាក់កិច្ចការទាំងអស់នេះរួមគ្នាដោយរបៀបណា? តើអ្វីកើតឡើងមុន អ្វីកើតឡើងទីពីរ និងអ្វីផ្សេងៗទៀត?»។

ប្រសាសន៍សំខាន់ៗរបស់សម្តេចធិបតី ក្នុងពិធីប្រកាសជ័យលាភីអង្គភាពផ្ដល់សេវាសាធារណៈគំរូ ក្នុងវិស័យអប់រំ និងសុខាភិបាលឆ្នាំ២០២៣

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២២ ខែកុម្ភៈ ឆ្នាំ២០២៤នេះ បានអញ្ជើញជាអធិបតី ប្រកាសជ័យលាភីអង្គភាពផ្ដល់សេវាសាធារណៈគំរូ ក្នុងវិស័យអប់រំ និងសុខាភិបាលឆ្នាំ២០២៣ និងប្រកាសដាក់ឱ្យអនុវត្តសម្រាប់ឆ្នាំ២០២៤។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ រាជរដ្ឋាភិបាលអាណត្តិទី៧ ទី១.ផ្ដោតជាសំខាន់ លើការបង្កើតសមិទ្ធផលថ្មីឱ្យបានច្រើន ទី២.ខិតខំកែលម្អចំណុចអវិជ្ជមានជាប្រចាំ។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ការកែទម្រង់របស់រដ្ឋាភិបាល មិនមែនជាការធ្វើ បដិវត្តន៍(ការកែប្រែ, ការផ្លាស់ប្ដូរ)នោះទេ តែជាការបន្តនិរន្តរភាព ស្ថិរភាពសង្គម និងផលប្រយោជន៍ជាតិ។-សម្ដេចធិបតី ហ៊ុន ម៉ាណែត៖ ស្នើឱ្យកែនិយមន័យមន្ត្រីជាប់កិច្ចសន្យា(មន្ត្រី ជួលដោយរដ្ឋ, ជួលតាមកិច្ចសន្យា, មន្ត្រីមិនពេញសិទ្ធិដូចមន្ត្រីរាជការ)ពីត្រឹមតែជាមន្ត្រីជំនួយការ ទៅ ជាមន្ត្រីបច្ចេកទេស ដែលមានសញ្ញាបត្រខ្ពស់ មានជំនាញបច្ចេកទេសច្រើន ដើម្បីចូលរួមជួយរដ្ឋាភិ បាល ដោយទទួលបានប្រាក់ខែ និងអត្ថប្រយោជន៍នានា ដូចមន្ត្រីរាជការពេញសិទ្ធិដែរ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ដើម្បីពង្រឹងគុណភាពអប់រំ ត្រូវពង្រឹងការតាម ដានត្រួតពិនិត្យ ដែលមិនមែនជាវិធានការចាប់កំហុសនោះទេ តែជាផែនការជួយឱ្យបានជោគជ័យ ដោ យចាប់ផ្ដើមចេញពី ៥០ សាលា, ឈានទៅ ១០០ សាលា, ២០០ សាលារហូតដល់ ១០០០ សាលាជាដើម។ ផែនការត្រួតពិនិត្យនេះ គួរអនុវត្ត ៣ ខែម្ដង។-សម្ដេចធិបតីនាយករដ្ឋមន្ត្រី៖ ក្នុងនាមនាយករដ្ឋមន្ត្រី ខ្ញុំមានសិទ្ធិនៅក្នុងការ ចង្អុលបង្ហាញដល់រដ្ឋមន្ត្រីក្រោមឱវាទ តែខ្ញុំមិនធ្វើការជំនួសរដ្ឋមន្ត្រីក្រោមឱវាទទាំងនោះនោះទេ។

លទ្ធផលនៃកិច្ចប្រជុំពិនិត្យរបាយការណ៍ជាតិលើកដំបូង នៃការអនុវត្តអនុសញ្ញាអន្តរជាតិ ស្តីពីការការពារជនគ្រប់រូបពីការបាត់ខ្លួនដោយបង្ខំ

ឯកឧត្តម កែវ សុទ្ធិ អនុប្រធានគណៈកម្មាធិការសិទ្ធិមនុស្សកម្ពុជា បានដឹកនាំគណៈប្រតិភូកម្ពុជា ដែលមានឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ ឯកឧត្តមឧត្តមសេនីយ៍ឯក អ៊ី សុខឃី អគ្គស្នងការរងនគរបាលជាតិ ក្រសួងមហាផ្ទៃ និងលោកជំទាវ ឡុង សូនីតា រួមទាំងឯកឧត្តម ប៉ា ប៉ុណ្ណារ៉ាដា តំណាងគណៈកម្មាធិការសិទ្ធិមនុស្សកម្ពុជា អញ្ជើញទៅចូលរួមកិច្ចប្រជុំពិនិត្យរបាយការណ៍ជាតិលើកដំបូងរបស់កម្ពុជា ពាក់ព័ន្ធនឹងការអនុវត្តអនុសញ្ញាអន្តរជាតិស្តីពីការការពារជនគ្រប់រូបពីការបាត់ខ្លួនដោយបង្ខំ នាសម័យប្រជុំលើកទី២៦ របស់គណៈកម្មាធិការទទួលបន្ទុកបាត់ខ្លួនដោយបង្ខំ អង្គការសហប្រជាជាតិ ថ្ងៃទី១៩-២០ ខែកុម្ភៈ ឆ្នាំ២០២៤ នៅ Palais Wilson ទីក្រុងហ្សឺណែវ ប្រទេសស្វីស។

នាយឧត្តមសេនីយ៍ សៅ សុខា ផ្ញើសារអបអរសាទរឯកឧត្តម ហ៊ុន ម៉ានី ដែលទទួលបានការទុកចិត្តពីរដ្ឋសភា និងតែងតាំងជា ឧបនាយករដ្ឋមន្រ្តី

ភ្នំពេញ៖ នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ព្រមទាំងនាយទាហាន នាយទាហានរង និងពលអាវុធហត្ថទាំងអស់ សូមសម្តែងនូវអំណរសាទរយ៉ាងក្រៃលែងជូនចំពោះ ឯកឧត្តម ហ៊ុន ម៉ានី រដ្ឋមន្រ្តីក្រសួងមុខងារសាធារណៈ ដែលទទួលបានការទុកចិត្តពីរដ្ឋសភា និងតែងតាំងជា ឧបនាយករដ្ឋមន្រ្តី នៅថ្ងៃទី២១ ខែកុម្ភៈ ឆ្នាំ២០២៤។តំណែងដ៏ឧត្តុងឧត្តមនេះ ពិតជាស័ក្តិសមបំផុតចំពោះការខិតខំលះបង់អស់កម្លាំងកាយចិត្តរបស់ ឯកឧត្តម ក្នុងការចូលរួមជាមួយ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅក្នុងរាជរដ្ឋាភិបាល នីតិកាលទី៧ នៃរដ្ឋសភានេះ ក្នុងបុព្វហេតុបម្រើជាតិ និងប្រជាជនជាពិសេសការធ្វើកំណែទម្រង់មុខងារសាធារណៈយ៉ាងផុសផុល ដើម្បីពង្រឹង និងបង្កើនសមត្ថភាព និងប្រសិទ្ធភាពមន្រ្តីរាជការ នៃព្រះរាជាណាចក្រកម្ពុជា។ឆ្លៀតក្នុងឱកាសនេះ យើងខ្ញុំសូមបួងសួងដល់គុណបុណ្យព្រះរតនត្រ័យកែវទាំងបី និងវត្ថុស័ក្ដិសិទ្ធិទាំងអស់ក្នុងលោក ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយបីបាច់ថែរក្សា ប្រទានពរជ័យសិរី សួស្តីជ័យមង្គលគ្រប់ប្រការជូនដល់ ឯកឧត្តម និង លោកជំទាវ ព្រមទាំងបុត្រាបុត្រី ប្រកបដោយសុភមង្គល ថាមពល និងជោគជ័យគ្រប់ភារកិច្ច ព្រមទាំងបានប្រកបដោយពុទ្ធពរទាំង៤ប្រការគឺ៖ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

បណ្ដាញសង្គម

ព័ត៌មានថ្មីៗ

ក្រុមអ្នកសង្កេតការណ៍អាស៊ាន បន្តចុះសង្កេតការណ៍ស្ថានភាពព្រំដែននៅតំបន់អូរភ្លុកដំរី ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់ ទីតាំងរងការវាយប្រហារ និងកំពុងកាន់កាប់ដោយខុសច្បាប់ដោយយោធាថៃ

ឯកអគ្គរដ្ឋទូត៖ ប៉ាគីស្ថាននៅតែរក្សាទំនាក់ទំនងជាមួយរុស្ស៊ីជុំវិញបញ្ហាអ៊ីរ៉ង់

CENTCOM៖ សហរដ្ឋអាមេរិកបានបាញ់ទម្លាក់មីស៊ីលអ៊ីរ៉ង់ដែលបាញ់ឆ្ពោះទៅប្រទេសកូវ៉ែត និងបារ៉ែន

ឃាតកម្មចាក់សម្លាប់មនុស្សរួចយកសពប្លុងចោលក្នុងរថយន្តនៅខណ្ឌដង្កោ កម្លាំងសមត្ថកិច្ចឃាត់ខ្លួនក្រុមឃាតកបាន០៤នាក់

ឱកាសការងារជាង ៩ពាន់កន្លែង អត្ថប្រយោជន៍ ប.ស.ស. និងកម្មវិធី TVET ត្រូវបានផ្សព្វផ្សាយដល់មូលដ្ឋានក្នុងខេត្តបាត់ដំបង ក្នុងស្មារតី «ខ្មែរជួយរកការងារ និងផ្ដល់ការងារឱ្យខ្មែរ»

លោក PUTIN៖ រុស្ស៊ីនឹងបន្តសាងសង់រោងចក្រនុយក្លេអ៊ែរនៅក្នុងប្រទេសអ៊ីរ៉ង់ នៅពេលស្ថានការណ៍ស្ងប់ស្ងាត់

សារព័ត៌មាន Politico ៖ ប្រទេសណាតូកំពុងពិភាក្សាអំពីកញ្ចប់ជំនួយហិរញ្ញវត្ថុចំនួន ៧០ ពាន់លានអឺរ៉ូសម្រាប់អ៊ុយក្រែន

អៀរឡង់ដាក់បម្រាមធ្វើដំណើរលើរដ្ឋមន្ត្រីអ៊ីស្រាអែលពីររូបមិនឲ្យចូលប្រទេសនេះ

ទីប្រឹក្សាមេដឹកនាំកំពូលអ៊ីរ៉ង់អំពាវនាវឲ្យលោក TRUMP បញ្ឈប់ការបិទច្រកសមុទ្រហ័រមូស និងដោះលែងទ្រព្យសកម្មរបស់ក្រុងតអេរ៉ង់

ប្រព័ន្ធផ្សព្វផ្សាយ៖ អ៊ីរ៉ង់ច្រានចោលការអះអាងដែលថា ខ្លួនយល់ព្រមប្រគល់សារធាតុអ៊ុយរ៉ានីញ៉ូមឲ្យទៅប្រទេសទី៣

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

បណ្ដារដ្ឋមន្ត្រីលោកខាងលិចបានរិះគន់រុស្ស៊ី ជុំវិញសង្រ្គាមអ៊ុយក្រែន នៅក្នុងកិច្ចប្រជុំ G20

ការតស៊ូចុងក្រោយរបស់លោក Assange ដើម្បីបញ្ឈប់ការធ្វើបត្យាប័នទៅអាមេរិក បានបញ្ចប់នៅទីក្រុងឡុងដ៍្រ

ក្រុមហ៊ុនអាកាសចរណ៍អាមេរិក United Airlines នឹងបន្តជើងហោះហើរទៅអ៊ីស្រាអែល ឡើងវិញ

សមាជិកគណៈរដ្ឋមន្ត្រីសង្គ្រាមអ៊ីស្រាអែល និយាយថាមានសញ្ញាវិជ្ជមានដំបូងលើកិច្ចព្រមព្រៀងចំណាប់ថ្នូរថ្មី

ប្រភព៖ អ៊ីរ៉ង់ បានបញ្ជូនមីស៊ីលបាលិស្ទិករាប់រយគ្រាប់ទៅឱ្យរុស្ស៊ី

ឥស្សរជនប្រឆាំង៖ ពិតជាត្រូវការមេដឹកនាំប៉ាឡេស្ទីនថ្មី ក្រោយសង្គ្រាមហ្កាហ្សា ត្រូវបញ្ចប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

បណ្ដារដ្ឋមន្ត្រីលោកខាងលិចបានរិះគន់រុស្ស៊ី ជុំវិញសង្រ្គាមអ៊ុយក្រែន នៅក្នុងកិច្ចប្រជុំ G20

ការតស៊ូចុងក្រោយរបស់លោក Assange ដើម្បីបញ្ឈប់ការធ្វើបត្យាប័នទៅអាមេរិក បានបញ្ចប់នៅទីក្រុងឡុងដ៍្រ

ក្រុមហ៊ុនអាកាសចរណ៍អាមេរិក United Airlines នឹងបន្តជើងហោះហើរទៅអ៊ីស្រាអែល ឡើងវិញ

សមាជិកគណៈរដ្ឋមន្ត្រីសង្គ្រាមអ៊ីស្រាអែល និយាយថាមានសញ្ញាវិជ្ជមានដំបូងលើកិច្ចព្រមព្រៀងចំណាប់ថ្នូរថ្មី

ប្រភព៖ អ៊ីរ៉ង់ បានបញ្ជូនមីស៊ីលបាលិស្ទិករាប់រយគ្រាប់ទៅឱ្យរុស្ស៊ី

ឥស្សរជនប្រឆាំង៖ ពិតជាត្រូវការមេដឹកនាំប៉ាឡេស្ទីនថ្មី ក្រោយសង្គ្រាមហ្កាហ្សា ត្រូវបញ្ចប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍