នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន ជួបពិភាក្សាការងារតាមប្រព័ន្ធវីដេអូជាមួយប្រធានរដ្ឋសភា អាស៊ែបៃហ្សង់
គ​ណៈប្រតិភូនៃសន្និសីទប្រធានសភានៃអន្តរសភា វាយតម្លៃ​ខ្ពស់ចំពោះជោគជ័យនៃ «សន្និសីទប្រធានសភានៃអន្តរសភា លើកទី២»​ នៅកម្ពុជា
ប្រធានរដ្ឋសភាម៉ាឡេស៊ី ប្ដេជ្ញាបន្តលើកកម្ពស់កិច្ចសហប្រតិបត្តិការទ្វេភាគីជាមួយកម្ពុជាឱ្យកាន់តែរីកចម្រើន និងរឹងមាំ
ព្រីតថេន​ នឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា​

នយោបាយ​ និង ការអភិវឌ្ឍន៍

អង្គការណាតូ និងបណ្តារដ្ឋសហភាពអឺរុប កំពុងពិចារណាបញ្ជូនកម្លាំងទៅកាន់អ៊ុយក្រែន

2024/02/27 03:26:14 pm        445
Facebook Telegram Linkin
លោកនាយករដ្ឋមន្ត្រីស្លូវ៉ាគី បានអះអាងថាសម្ព័ន្ធយោធាណាតូ និងបណ្ដារដ្ឋជាសមាជិកសហភាពអឺរ៉ុប កំពុងត្រៀមបញ្ជូនកងទ័ពទៅកាន់ប្រទេសអ៊ុយក្រែន។ លោក រ៉ូប៊ើត ហ្វីកូ (Robert Fico)ដែលជាអ្នកគាំទ្ររុស្ស៊ីនិយមមួយរូប ពុំបានផ្ដល់ព័ត៌មានលម្អិតទេថាតើកងទ័ពលោកខាងលិចអាចត្រូវបានបញ្ជូនទៅអ៊ុយក្រែនដោយវិធីណា ហើយក្រុមអ្នកវិភាគ បាននិយាយថាលោកប្រហែលជាកំពុងព្យាយាមទប់ស្កាត់កុំឲ្យបញ្ហាកាន់តែធ្ងន់ធ្ងរ។ ថ្លែងមុនកិច្ចប្រជុំមេដឹកនាំសហភាពអឺរ៉ុបដែលបានរៀបចំណឡើងយ៉ាងតក់ក្រហល់ ក្នុងទីក្រុងប៉ារីស ដោយសារតែ អ្វីមួយដែលក្រុមទីប្រឹក្សារបស់លោកបាននិយាយថា គឺមានការកើនឡើងកាន់តែខ្លាំង ក្នុងសកម្មភាពឈ្លានពានរបស់រុស្ស៊ី ក្នុងរយៈពេលប៉ុន្មានសប្ដាហ៍កន្លងទៅនេះ ។លោក Fico បានប្រាប់សន្និសីទសារព័ត៌មានតាមទូរទស្សន៍មួយក្រោយកិច្ចប្រជុំក្រុមប្រឹក្សាសន្តិសុខរបស់ស្លូវ៉ាគី ថា ជំនួបនេះ បង្ហាញថា រដ្ឋជាសមាជិកសម្ព័ន្ធយោធាណាតូ និងសហភាពអឺរ៉ុប មួយចំនួនកំពុងពិចារណាថាពួកគេនឹងបញ្ជូនកងទ័ពរបស់ខ្លួនទៅកាន់អ៊ុយក្រែនផ្នែកលើមូលដ្ឋានទ្វេភាគី។ លោកបាននិយាយថា ខ្ញុំមិនអាចនិយាយបានថាសម្រាប់គោលបំណងអ្វី និងអ្វីដែលពួកគេគួរតែធ្វើនៅទីនោះទេ ដោយលោកបានបន្ថែមថា ស្លូវ៉ាគី ដែលជាសមាជិកនៃសហភាពអឺរ៉ុប និងណាតូ នឹងមិនបញ្ជូនទាហានទៅអ៊ុយក្រែនទេ។ លោក Fico ដែលត្រូវបានជាប់ឆ្នោតកាលពីខែតុលាឆ្នាំមុនបាននិយាយថា ជំហាននេះអាចប្រឈមនឹងការកើនឡើងនៃជម្លោះនៅក្នុងប្រទេសអ៊ុយក្រែន ប៉ុន្តែមិនអាចផ្តល់ព័ត៌មានបន្ថែមបានទេ។សម្ព័ន្ធមិត្តណាតូបានចំណាយប្រាក់រាប់ពាន់លានផោនក្នុងការផ្តល់អាវុធដល់ទីក្រុង Kyiv និងកំពុងបណ្តុះបណ្តាលកងកម្លាំងអ៊ុយក្រែននៅលោកខាងលិច ប៉ុន្តែកន្លងមកបណ្ដារដ្ឋធានីរបស់លោកខាងលិចបានបដិសេធមិនពិចារណាលើការបញ្ជូនកងទ័ពទៅអ៊ុយក្រែនទេ ដើម្បីជៀសវាងការលូកដៃចូលទៅក្នុងជម្លោះដោយផ្ទាល់ជាមួយរុស្ស៊ី៕

ឯកឧត្តម គីម រិទ្ធី ទទួលជួបសម្ដែងការគួរសមជាមួយប្រធាន និងបុគ្គលិកអង្គការទស្សនៈ ពិភពលោកប្រចាំខេត្តព្រះវិហារ

2024/02/26 10:56:23 pm        92
Facebook Telegram Linkin
នៅព្រឹកថ្ងៃទី២៦ ខែកុម្ភៈ ឆ្នាំ២០២៤នេះ ឯកឧត្តម គីម រិទ្ធី អភិបាលនៃគណៈអភិបាល ខេត្តព្រះវិហារ បានអញ្ជើញជួបសំដែងការគួរសមជាមួយប្រធាន និងបុគ្គលិកអង្គការ ទស្សនៈ ពិភពលោកប្រចាំខេត្តព្រះវិហារ ដែលបានប្រព្រឹត្តទៅនៅអគារសាលាខេត្តជាន់ទី៣ដោយមាន ការអញ្ជើញចូលរួមពីសំណាក់លោក លោកស្រីជាអភិបាល ក្រុង/ស្រុក ថ្នាក់ដឹកនាំ មន្ទីរអង្គភាព ជុំវិញខេត្តជាច្រើនរូប ។នៅក្នុងឱកាសនោះ ប្រធានព្រមទាំងបុគ្គលិកនៃអង្គការទស្សនៈពិភពលោក បានជម្រាបជូនអំពីរបាយការណ៍លទ្ធផលការងារប្រចាំឆ្នាំ២០២៣ ដែលសម្រេចបាននាពេលកន្លងមក និង បានលើកឡើងពីបញ្ហាប្រឈមសំណូមពរ និងទិសដៅបន្តទៅតាមគម្រោងជាច្រើន ដែលជា គម្រោងរបស់អង្គការទស្សនៈពិភពលោកប្រចាំខេត្តព្រះវិហារ ដែលក្នុងនោះរួមមានដូចជា គម្រោងក្នុងកម្មវិធីកិច្ចការពារកុមារ និងការចូលរួមរបស់យុវជន។ កម្មវិធីសុខភាពអាហាររូបត្ថម្ភ អនាម័យទឹកស្អាត និងការអភិវឌ្ឍសេដ្ឋកិច្ចនិងជីវភាព។ កម្មវិធីអប់រំនិងបំណិនជីវិត កម្មវិធី កុមារទំនុកបម្រុង និងការចូលរួមរបស់សហគមន៍ និងគម្រោងផ្សេងៗជាច្រើនទៀត។ ជាមួយគ្នា នេះផងដែរ ខាងអង្គការក៏បានសំណូមពរសុំអោយមានការចូលរួមសហការ នូវគម្រោងរបស់ អង្គការ ពីសំណាក់អាជ្ញាធរមូលដ្ឋាន ដើម្បីទទួលបានជោគជ័យ។ថ្លែងនៅក្នុងឱកាសនោះ ឯកឧត្តម គីម រិទ្ធី អភិបាលខេត្ត បានថ្លែងអំណរគុណ ដល់ ប្រធាន និងបុគ្គលិកនៃអង្គការទស្សនៈពិភពលោក ដែលបានចូលជួបសម្តែងការគួរសម និង រាយការណ៍​អំពីរបាយការណ៍សង្ខេប ​លទ្ធផលការងារដែលសម្រេចបានរបស់អង្គការ ក្នុងឆ្នាំ ២០២៣ ក៏ដូចជាបញ្ហាប្រឈម សំណូមពរ និងទិសដៅការងារបន្តឆ្នាំ២០២៤ នាពេលនេះ។ឯកឧត្តមបានឱ្យដឹងថា គម្រោងទាំងអស់របស់ អង្គការទស្សនៈពិភពលោក ដែលបានលើកឡើង នាពេលនេះគឺជាគម្រោងដែលស្ថិតនៅក្នុង គោលនយោបាយរបស់រាជរដ្ឋាភិបាល ក្នុងការ អភិវឌ្ឍឱ្យមានការរីកចម្រើននៅតាមមូលដ្ឋានក៏ដូចជាសហគមន៍ ដើម្បីរក្សាបាននូវសុខមាល ភាព បង្កើននូវប្រាក់ចំណូលនិង កាត់បន្ថយភាពក្រីក្ររបស់ប្រជាពលរដ្ឋ។ជាមួយគ្នានេះផងដែរ ឯកឧត្តមក៏បានជម្រុញទៅកាន់អាជ្ញាធរ ក្រុង/ស្រុក មន្ទីរអង្គភាព ពាក់ព័ន្ធ ចូលរួមសហការក្នុងនាមជាដៃគូអភិវឌ្ឍន៍ល្អ ក្នុងការអនុវត្តគម្រោង អោយទទួលបាន ជោគជ័យ ក៏ដូចជាសម្រេចបាននូវគោលនយោបាយរបស់រាជរដ្ឋាភិបាល។

លទ្ធផលបឋមការបោះឆ្នោតជ្រើសតាំងសមាជិកព្រឹទ្ធសភា, គណបក្សប្រជាជនកម្ពុជាទទួលបាន ៥៥អាសនៈ

2024/02/26 08:29:57 pm        325
Facebook Telegram Linkin
គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសលទ្ធផលបឋមការបោះឆ្នោត​ជ្រើស​តាំង​សមាជិកព្រឹទ្ធសភា នីតិកាលទី៥ ឆ្នាំ ២០២៤ បានបញ្ជាក់ថា គណបក្សប្រជាជនកម្ពុជា​ទទួលបានសំឡេងឆ្នោតសរុប ១០,០៥២ សំឡេង ស្មើនឹង ៥៥ អាសនៈ។បើតាមការប្រកាសរបស់ គ.ជ.ប លទ្ធផលបឋម នៃការបោះឆ្នោតជ្រើសតាំងសមាជិកព្រឹទ្ធសភា អាណត្តិទី៥ ថ្ងៃទី២៥ ខែកុម្ភៈ ឆ្នាំ២០២៤ គណបក្សប្រជាជនកម្ពុជា ទទួលបាន ៥៥ អាសនៈ (១០,០៥២សំឡេង)។ គណបក្សឆន្ទៈខ្មែរ ទទួលបាន ៣ អាសនៈ (១,៣៩៤សំឡេង)។ គណបក្សហ៊្វុនស៊ិនប៉ិច និងគណបក្សកម្លាំងជាតិ មិនទទួលបានអាសនៈ នោះទេ។ ឯកឧត្តម ប្រាជ្ញ ចន្ទ ប្រធាន គ.ជ.ប បានបញ្ជាក់ថា គ.ជ.ប នឹងបិទផ្សាយលទ្ធផល បណ្តោះអាសន្ននៃការបោះឆ្នោត នៅថ្ងៃទី២៩ ខែកុម្ភៈ ឆ្នាំ២០២៤ ហើយប្រសិនបើគ្មានពាក្យ បណ្ដឹងតវ៉ា ឬពាក្យបណ្តឹងជំទាស់នឹងលទ្ធផលបណ្តោះអាសន្ននេះ លទ្ធផលផ្លូវការអាចនឹងប្រកាសនៅចន្លោះពីថ្ងៃទី៤ ដល់ថ្ងៃទី៦ ខែមីនា ឆ្នាំ២០២៤ ខាងមុខ៕ អត្ថបទ៖វ៉ន ដារ៉ា

យុវជនសង្គមស៊ីវិលគាំទ្រលទ្ធផលបឋមការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥នេះ

2024/02/26 08:17:08 pm        354
Facebook Telegram Linkin
សមាគមយុវជនខ្មែរមហានគរ នៅថ្ងៃទី២៦ ខែកុម្ភៈនេះ បានអបអរសាទរ និងគាំទ្រ​ចំពោះ​លទ្ធផល​បឋមនៃការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤នេះ ខណៈ​គណបក្សប្រជាជនកម្ពុជាទទួលបានលទ្ធផលសំឡេងឆ្នោតគាំទ្រយ៉ាងច្រើនលើសលប់ ខណៈ​ដែលការបោះឆ្នោតព្រឹទ្ធសភាបានបិទបញ្ចប់ប្រកបដោយភាពរលូន មានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងអនុវត្តតាមលទ្ធិប្រជាធិបតេយ្យ សេរី ពហុបក្ស។បណ្តុំអង្គការ សមាគម សង្គមស៊ីវិលនានា បានអះអាងថា ពួកគេ​បាន​តាមដាន​យ៉ាង​យក​ចិត្ត​ទុក​ដាក់​ចំពោះ​ដំណើរការនៃការបោះឆ្នោតព្រឹទ្ធសភា នីតិកាលទី៥ ឆ្នាំ២០២៤នេះ ដែលបាន​ប្រព្រឹត្ត​ទៅ​ចាប់​ពីម៉ោង ៧:០០ ព្រឹកថ្ងៃអាទិត្យ ទី២៥ ខែកុម្ភៈ ឆ្នាំ២០២៤ រហូតដល់ម៉ោង ៣ រសៀល​ថ្ងៃ​ដដែល​ក្នុង​បរិយាកាស មានសន្តិសុខ សុវត្ថិភាព និងសណ្តាប់ធ្នាប់ល្អ។លោក ហេង សំណាង ប្រធានបណ្តុំអង្គការសមាគមសង្គមស៊ីវិល បានថ្លែងថា ការបោះឆ្នោត​ជ្រើស​តំាង​សមាជិកព្រឹទ្ធសភាជាការបោះឆ្នោតអសកលដែលមានសមាជិកសមាជិការដ្ឋសភា និង​សមាជិក​ក្រុមប្រឹក្សាឃុំ សង្កាត់ ក្នុងតំណែងជាអង្គបោះឆ្នោត។ លោកបន្តថា សុខសន្តិភាព​នេះ​ហើយ គឺជាមូលដ្ឋានគ្រឹះធ្វើឱ្យកម្ពុជាមានលទ្ធភាពក្នុងការពង្រឹងលទ្ធិប្រជាធិបតេយ្យ និងពន្លឿន​ការ​អភិវឌ្ឍ​ប្រទេសជាតិ លើកកម្ពស់ជីវភាពពលរដ្ឋឱ្យមានការរីកចម្រើនជាលំដាប់។បណ្តុំអង្គការ សមាគម សង្គមស៊ីវិលនានា ជឿជាក់ថា ក្រោមការ​ដឹកនាំ​របស់​គណបក្ស​ប្រជាជន​កម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជាប្រធានគណបក្ស និង​សម្ដេច​មហាបវរ​ធិបតី ហ៊ុន ម៉ាណែត ជានាយករដ្ឋមន្រ្ដីនៃព្រះរាជាណាចក្រកម្ពុជា នឹងដឹកនាំ​នាវា​កម្ពុជា​ទៅ​កាន់​ភាព​រីកចម្រើន និងការអភិវឌ្ឍលើគ្រប់វិស័យ ជាពិសេសសម្រេច​បាន​នូវ​គោលដៅ​កម្ពុជា​ក្លាយ​ទៅ​ជា​ប្រទេសមានចំណូលខ្ពស់នៅឆ្នាំ២០៥០។ បណ្តុំអង្គការ សមាគម សង្គមស៊ីវិលនានា ជឿជាក់ថា ក្រោមការដឹកនាំ​ប្រកដ​ដោយ​គតិ​បណ្ឌិត​របស់​ប្រធាន​គណបក្សប្រជាជនកម្ពុជាសម្តេចតេជោ ហ៊ុន សែន និងឥស្សរជន​ជា​ច្រើន​ទៀត​ប្រទេស​កម្ពុជា​ពីមួយអាណត្តិទៅមួយអាណត្តិមានការអភិវឌ្ឍ និងរីកចម្រើនជាលំដាប់ និង​ឥត​ឈប់​ឈរ៕

លោកស្រី នីគី ហាលី ប្ដេជ្ញាបន្តការប្រកួតប្រជែងក្នុងរដ្ឋមីជីហ្គែន ទោះចាញ់លោក Trump នៅរដ្ឋសោត ខារ៉ូឡាយណា ក្ដី

2024/02/26 07:38:04 pm        83
Facebook Telegram Linkin
មួយថ្ងៃបន្ទាប់ពីការបរាជ័យ នៅក្នុងរដ្ឋកំណើតរបស់លោកស្រី បេក្ខជនប្រធានាធិបតីមកពីគណបក្សសាធារណរដ្ឋ នីគីហាលី (Nikki Haley) បានធ្វើយុទ្ធនាការនៅក្នុងរដ្ឋមីជីហ្គែន(Michigan) ជាទីដែលការប្រកួតប្រជែងយកការតែងតាំងជាបេក្ខភាពប្រធានាធិបតី ក្នុងបក្សនេះ នឹងត្រូវធ្វើឡើងនៅថ្ងៃទី២៧ខែកុម្ភៈ និងថ្ងៃទី២ខែមីនា។ លោកស្រី នីគីហាលី (Nikki Haley)ប្ដេជ្ញាបន្តការប្រកួប្រជែងការជម្រុះជុំដំបូងរបស់គណបក្សសាធារណរដ្ឋ កាលពីល្ងាចថ្ងៃសៅរ៍ ទោះបីចាញ់លោក Donald Trump ចុងក្រោយបំផុតនៅក្នុងរដ្ឋកំណើតសោតខារ៉ូឡាយណា (South Carolina) របស់លោកស្រីក៏ដោយ។ ថ្លែងទៅកាន់ក្រុមអ្នកគាំទ្រនៅក្នុងទីក្រុងឆាឡេស្តុន (Charleston) លោកស្រីបានចង្អុលបង្ហាញទៅកាន់សុន្ទរកថារបស់លោកស្រីកាលពីដើមសប្ដាហ៍នេះ ជាទីដែលលោកស្រី បានប្ដេជ្ញាប្រកួតប្រជែងទល់នឹងអតីតប្រធានាធិបតី តាមរយៈយុទ្ធនាការប្រកួតប្រជែងបឋម Super Tuesday ហើយលោកស្រី បានប្រកាសថា លោកស្រីគឺជាស្ត្រីម្នាក់ដែលមានភាពជឿជាក់លើខ្លួនឯង។ កាលពីថ្ងៃសៅរ% ខណៈដែលលោកស្រីហាលី បានបរាជ័យ លោកស្រី នៅតែទទួលបានសំឡេងឆ្នោតគាំទ្រប្រហែល៤០% ប្រសើរជាងការរំពឹងទុក។ អតីតអភិបាលរដ្ឋ និងជាឯកអគ្គរដ្ឋទូតប្រចាំអង្គការសហប្រជាជាតិរូបនេះ បានបញ្ជាក់រឿងរ៉ាវកាន់តែច្បាស់ចំនួន២ នៅក្នុងការអត្ថាធិប្បាយរបស់លោកស្រី ទៅកាន់ក្រុមអ្នកគាំទ្ររបស់លោកស្រី។ មួយ គឺលោកស្រី នឹងមិនបោះបង់ចោលការប្រកួតប្រជែងនេះឡើយ ហើយទី២គឺលោកស្រី គិតថា លោក Trump មិនអាចយកឈ្នះលោក Joe Bidenក្នុងការបោះឆ្នោតសកលនោះទេ ៕

ឯកឧត្តម យឿន យឿត ប្រកាសអបអរសាទរចំពោះដំណើរការបោះឆ្នោតជ្រើសតាំង​សមាជិក​ព្រឹទ្ធសភា ប្រកបដោយរលួន និងសេរីយុត្តិធម៌

2024/02/26 07:20:05 pm        201
Facebook Telegram Linkin
ឯកឧត្តម យឿន យឿត ទីប្រឹក្សារាជរដ្ឋាភិបាលកម្ពុជា និងជាទីប្រឹក្សារបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បាន​ប្រកាស​អប​អរ​សាទរ​ចំពោះ​ដំណើរ​ការ​បោះឆ្នោត​ជ្រើស​តាំង​សមាជិកព្រឹទ្ធសភា នីតិកាលទី៥ ដែលបានប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ​២០២៤​នេះ គឺបានដំណើរការដោយរលូន មានសន្តិសុខ សុវត្ថិភាព សណ្តាប់ធ្នាប់ល្អ គ្មាន​អំពើ​ហិង្សា ស្របតាមលទ្ធិប្រជាធិបតេយ្យ សេរី និងយុត្ដិធម៌ និងអបអរ​សាទរ​ចំពោះ​ជ័យជម្នះ​របស់​គណបក្ស​ប្រជាជនកម្ពុជា ដែលទទួលបានការគាំ ទ្រយ៉ាងច្រើនលើស​លប់​ក្នុង​ការ​បោះឆ្នោត​ខាង​លើ​នេះផ​ងដែរ។ ឯកឧត្តមបាន វាយតម្លៃខ្ពស់ចំពោះគណៈកម្មាធិការជាតិរៀបចំការបោះឆ្នោត (គ.ជ.ប) និង​អាជ្ញាធរ​ពាក់ព័ន្ធគ្រប់លំដាប់ថ្នាក់ ដែលបានខិតខំ​រៀបចំ​ឱ្យ​ដំណើរ​ការ​នៃ​ការ​បោះឆ្នោត​ជ្រើស​តាំង​សមាជិក​ព្រឹទ្ធសភា នីតិកាលទី៥ ឆ្នាំ២០២៤នេះ បានប្រព្រឹត្តទៅដោយរលូន មានសុខសុវត្ថិភាព ស្រ​បតាមលទ្ធិប្រជាធិបតេយ្យ សេរីពហុបក្ស និងស្របតាមរដ្ឋធម្មនុញ្ញនៃកម្ពុជា។ឯកឧត្តម​ទីប្រឹក្សា បានកត់សម្គាល់ថា ការបោះឆ្នោតជ្រើសតំាងសមាជិកព្រឹទ្ធសភា ដែល​ជា​ការ​បោះ​ឆ្នោត​អសកល មានសមាជិករដ្ឋសភា និងសមាជិកក្រុមប្រឹក្សាឃុំសង្កាត់ ក្នុងតំណែង ជា​អង្គ​បោះឆ្នោត​គឺបានអនុវត្តគោលការណ៍លទ្ធិប្រជាធិបតេយ្យ ដែលមាន​ចែង​នៅ​ក្នុង​រដ្ឋ​ធម្មនុញ្ញ​ នៃ​កម្ពុជា​ដោយ​បានរៀបចំការបោះឆ្នោតសកល និងអសកលជាទៀងទាត់ ស្របតាម​ច្បាប់​ជា​ធរមាន​។ ឯកឧត្តម ក៏បានរំលេចអំពីតម្លៃនៃសុខសន្តិភាព ដែល​គឺ​ជាមូលដ្ឋាន​គ្រឹះ​ធ្វើ​ឱ្យ​កម្ពុជា​មាន​លទ្ធភាព​ក្នុង​ការពង្រឹងលទ្ធិប្រជាធិបតេយ្យ និងពន្លឿនការអភិវឌ្ឍប្រទេសជាតិ លើកកម្ពស់​ជីវភាព​ពលរដ្ឋ​ឱ្យមានការរីកចម្រើនជាលំដាប់។ជាមួយគ្នានោះ​ដែរឯកឧត្តម យឿន ក៏បានលើកឡើងផងដែរថា ជ័យជម្នះដែលគណបក្សប្រជា ជន​កម្ពុជា ទទួលបានសំឡេងយ៉ាងច្រើនលើសលុបនេះគឺបានបង្ហាញ និង​ឆ្លុះបញ្ចាំង​នូវ​ភាព​ឈ្លាស​វៃ​មោះមុតរបស់សម្តេចតេជោ ហ៊ុន សែន ជាប្រធានគណបក្សប្រជាជនកម្ពុជា ដែល​បាន​ដឹកនាំ​ប្រកប​ដោយគតិ បណ្ឌិតត្រឹមត្រូវ និងស្មារតីសាមគ្គីបង្រួបបង្រួមដើម្បីឧត្តមប្រយោជន៍ជាតិ និង​រក្សា​ការពារ សុខសន្តិភាព ជូនប្រទេសជាតិឲ្យបានជានិរន្តរ៍ផងដែរ៕ អត្ថបទ៖ បាន ចក់

បក្សនយោបាយនានា ប្រកាសសាទរជ័យជម្នះ គណបក្សប្រជាជន​ដែលទទួលបានការ​គាំទ្រច្រើន​ពីការបោះឆ្នោតព្រឹទ្ធសភា

2024/02/26 07:14:13 pm        266
Facebook Telegram Linkin
បណ្តាគណបក្សនយោបាយនានា ដែលជាសម្ព័ន្ធភាពរបស់គណបក្សប្រជាជនកម្ពុជា បាន​ផ្ញើសារ​លិខិត​ប្រកាស​អបអរសាទរចំពោះជ័យជម្នះរបស់គណបក្សប្រជាជនកម្ពុជា ដែលទទួល​បាន​ការ​គាំទ្រ​យ៉ាង​ច្រើន​លើសលប់​ពីអង្គបោះឆ្នោត ក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នាថ្ងៃទី២៥ ខែកុម្ភៈ ឆ្នាំ២០២៤ម្សិលមិញនេះ។តាមរយៈលិខិតរបស់គណបក្សនយោបាយនានា ដែលទូរទស្សន៍BTVទទួលបាននាព្រឹកថ្ងៃទី២៦ ខែកុម្ភៈ ឆ្នាំ២០២៤នេះ បានលើកឡើងស្រដៀងគ្នាថា «ជ័យជម្នះដែលគណបក្សប្រជាជនកម្ពុជា ទទួលបានសំឡេងយ៉ាងច្រើនលើសលប់នេះ គឺបានបង្ហាញ និងឆ្លុះបញ្ចាំងនូវភាពឈ្លាសវៃមោះ មុត​​របស់សម្តេចតេជោ ហ៊ុន សែន ជាប្រធានគណបក្សប្រជាជនកម្ពុជា ដែល​បាន​ដឹកនាំ​ប្រកប​ដោយ​គតិ​បណ្ឌិតត្រឹមត្រូវ និងស្មារតីសាមគ្គីបង្រួបបង្រួមដើម្បីឧត្តមប្រយោជន៍ជាតិ និងរក្សា​ការពារ សុខសន្តិភាព ជូនប្រទេសជាតិឲ្យបានជានិរន្តរ៍ផងដែរ»។សូមបញ្ជាក់ថាលទ្ធផលបឋម នៃការបោះឆ្នោតជ្រើសតាំង សមាជិកព្រឹទ្ធសភា គណបក្ស​ប្រជាជន​កម្ពុជា ទទួលបានសំឡេងឆ្នោតសរុប ១០,០៥២សំឡេងស្មើនឹង៥៥អាសនៈ ខណៈ​គណបក្ស​ឆន្ទៈ​ខ្មែរ​ទ​ទួលបានសំឡេង ១,៣៩៤សំឡេង ស្មើនឹង៣អាសនៈ។ នេះបើតាមការបញ្ជាក់របស់គណៈកម្មាធិការជាតិរៀបចំការបោះឆ្នោតកាលពីល្ងាចម្សិលមិញនេះ។គណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា គណបក្សប្រជាជនកម្ពុជា ទទួល​បាន​សំឡេងគាំទ្រយ៉ាងច្រើនលើសលប់នៅក្នុងមណ្ឌលភូមិភាគទាំង៨ ដោយ​ទទួល​បាន​សំឡេង​ឆ្នោត​សរុបចំនួន១០,០៥២សំឡេង និងទទួលបានអាសនៈចំនួន៥៥អាសនៈ និង​គណបក្ស​ឆន្ទៈខ្មែរ ទទួលបានសំឡេងឆ្នោត១,៣៩៤សំឡេងទទួលបានអាសនៈចំនួន៣អាសនៈ ដោយឡែកគណបក្សហ៊្វុនស៊ិនប៉ិច និងគណបក្សកម្លាំងជាតិ មិនទទួលបានអាសនៈនោះទេ៕ អត្ថបទ ៖ បាន ចក់

អ៊ុយក្រែន បង្ហាញលទ្ធភាពនៃការអញ្ជើញរុស្ស៊ី ឱ្យចូលរួមកិច្ចប្រជុំសន្តិភាព

2024/02/26 06:02:02 pm        204
Facebook Telegram Linkin
មន្ត្រីជាន់ខ្ពស់អ៊ុយក្រែនម្នាក់បាននិយាយកាលពីថ្ងៃអាទិត្យ (២៥ កុម្ភៈ) ថាអ៊ុយក្រែន និងបណ្ដាដៃគូបរទេសរបស់ខ្លួនអាចនឹងអញ្ជើញរុស្ស៊ី ឱ្យចូលរួមកិច្ចប្រជុំសន្តិភាពនាពេលអនាគត ដើម្បីពិភាក្សាអំពីការបញ្ចប់ការឈ្លានពានរបស់ទីក្រុងមូស្គូ រយៈពេលពីរឆ្នាំលើរបបរបស់ទីក្រុងគីវ។លោក អាន់ឌ្រី យើម៉ាក (Andriy Yermak) ប្រធានបុគ្គលិករបស់លោកប្រធានាធិបតី ហ៊្សេឡិនស្គី បាននិយាយថា ប្រទេសស្វីសនឹងធ្វើជាម្ចាស់ផ្ទះនៃកិច្ចប្រជុំកំពូលពិភាក្សាអំពីចក្ខុវិស័យសម្រាប់សន្តិភាពដោយប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) ដែលផែនការនេះអាចត្រូវបានប្រគល់ឱ្យរុស្ស៊ី ក្នុងអំឡុងពេលកិច្ចប្រជុំលើកទីពីរនៅពេលក្រោយ។លោ ហ៊្សេឡិនស្គី ធ្លាប់បានប្រកាសជាលើកដំបូងនូវរូបមន្តសន្តិភាពរបស់ខ្លួននៅឯកិច្ចប្រជុំកំពូលមួយកាលពីខែវិច្ឆិកា ឆ្នាំ២០២២ នៃក្រុមប្រទេសសេដ្ឋកិច្ចធំៗចំនួន ២០ ។ ផែនការនោះអំពាវនាវឱ្យមានការស្ដារឡើងវិញនូវបូរណភាពទឹកដីរបស់អ៊ុយក្រែន និងការដកទ័ពរុស្ស៊ីទាំងស្រុង។រដ្ឋធានីគីវ ប្រកាន់ខ្ជាប់ថាខ្លួននឹងមិនពិភាក្សាជាមួយទីក្រុងមូស្គូ ទេរហូតទាល់តែទាហានរុស្ស៊ី ទាំងអស់បានចាកចេញពីទឹកដីអ៊ុយក្រែន។ វិមានក្រឹមឡាំងបាននិយាយថា មិនមានមូលដ្ឋានបច្ចុប្បន្នសម្រាប់កិច្ចចរចាសន្តិភាពរវាងរុស្ស៊ី និងអ៊ុយក្រែនឡើយ ហើយថាផែនការសន្តិភាពរបស់ទីក្រុងគីវ គឺមិនទំនងទាល់តែសោះ ព្រោះមិនបានរាប់បញ្ចូលរុស្ស៊ី៕

លោក Zelenskiy និយាយថា អ៊ុយក្រែនមានផែនការសម្រាប់ការវាយបកថ្មីប្រឆាំងនឹងរុស្ស៊ី

2024/02/26 05:58:50 pm        128
Facebook Telegram Linkin
ប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) បាននិយាយកាលពីថ្ងៃអាទិត្យ (២៥ កុម្ភៈ) ថាប្រទេសរុស្ស៊ី កំពុងរៀបចំការវាយលុកថ្មីមួយប្រឆាំងនឹងអ៊ុយក្រែន ដែលចាប់ផ្តើមនៅចុងខែឧសភា ឬរដូវក្តៅ ប៉ុន្តែទីក្រុងគីវ ក៏មានផែនការសមរភូមិច្បាស់លាស់មួយរបស់ខ្លួនប្រឆាំងទល់នឹងរុស្ស៊ីវិញផងដែរ។ថ្លែងរយៈពេលមួយថ្ងៃបន្ទាប់ពីខួបលើកទី២ នៃការលុកលុយរបស់រុស្ស៊ី លើអ៊ុយក្រែន លោក ហ៊្សេឡិនស្គី បាននិយាយថា វាមានសារៈសំខាន់ណាស់សម្រាប់ទីក្រុងគីវ និងសម្ព័ន្ធមិត្តលោកខាងលិចរបស់ខ្លួនក្នុងការរក្សាការរួបរួម និងបានរំលឹកឡើងវិញថា ជ័យជំនះរបស់អ៊ុយក្រែន គឺអាស្រ័យលើការបន្តគាំទ្ររបស់លោកខាងលិច។លោក ហ៊្សេឡិនស្គី បានប្រាប់អ្នកយកព័ត៌មាននៅទីក្រុងគីវថា «យើងនឹងត្រៀមខ្លួនសម្រាប់ការវាយលុករបស់រុស្ស៊ី ហើយកងទ័ពក៏នឹងរៀបចំផែនការវាយបកទៅវិញដែរ»។រយៈពេលពីរឆ្នាំនៅក្នុងសង្រ្គាម កងទ័ពរបស់ទីក្រុងមូស្គូ បានបន្តវាយលុកនៅតាមបណ្តោយសមរភូមិជួរមុខចម្ងាយ ៩៦០ គីឡូម៉ែត្រនៅភាគខាងកើត និងខាងត្បូងរបស់ប្រទេសអ៊ុយក្រែន ហើយបញ្ហាជាច្រើនបានប្រមូលផ្តុំលើអ៊ុយក្រែនរាប់ចាប់ពីកង្វះគ្រាប់កាំភ្លើងធំ និងតម្រូវការមីស៊ីលរយៈចម្ងាយឆ្ងាយ រហូតដល់ការខ្វះខាតកងទ័ពថ្មីជាដើម៕

លោកហ្សេឡិនស្គី បានពិភាក្សាជាមួយរដ្ឋមន្ត្រីការពារជាតិស៊ុយអែតអំពីការធានាសន្តិសុខ និងការផលិតអាវុធរួមគ្នា

2024/02/26 05:36:27 pm        224
Facebook Telegram Linkin
សេចក្តីថ្លែងការណ៍កាលពីថ្ងៃទី ២៤ ខែកុម្ភៈរបស់ការិយាល័យរបស់លោកហ្សេឡិនស្គី បានឲ្យដឹងថា លោកប្រធានាធិបតី វ៉ូឡូមៀ ហ្សេឡិនស្គី ( Volodymyr Zelensky) និងរដ្ឋមន្ត្រីការពារជាតិស៊ុយអែត លោក Paul Johnson បានពិភាក្សាអំពីលទ្ធភាពនៃការផលិតអាវុធរួមគ្នា និងការចរចានាពេលអនាគតសម្រាប់ការចុះហត្ថលេខាលើកិច្ចព្រមព្រៀងធានាសន្តិសុខទ្វេភាគី។ មេដឹកនាំទាំងពីរ បានជួបគ្នានៅអ៊ុយក្រែនក្នុងខួបពីរឆ្នាំនៃការលុកលុយពេញទំហឹងរបស់រុស្ស៊ីលើអ៊ុយក្រែន ហើយរយៈពេល៤ថ្ងៃ បន្ទាប់ពីស៊ុយអែត បានប្រកាសកញ្ចប់ជំនួយផ្នែកការពារដ៏ធំបំផុតរបស់ខ្លួនសម្រាប់អ៊ុយក្រែន ដែលមានតម្លៃ ៦៨២លានដុល្លារ។កញ្ចប់ជំនួយចុងក្រោយបង្អស់នោះ បាននាំមកនូវតម្លៃសរុបនៃជំនួយយោធាស៊ុយអែតដល់អ៊ុយក្រែន ចាប់តាំងពីការចាប់ផ្តើមនៃការលុកលុយពេញលេញដល់ទៅ ៣០ពាន់លានក្រូណាស៊ុយអែត (២,៨៨ ពាន់លានដុល្លារ)។លោកហ្សេឡិនស្គី បាននិយាយនៅក្នុងសេចក្តីថ្លែងការណ៍ថា៖«ថ្ងៃនេះ គឺជាថ្ងៃដែលសោកនាដកម្មនេះបានចាប់ផ្តើម ហើយវាមានសារៈសំខាន់សម្រាប់យើង នៅពេលដែលមិត្តរបស់យើងនៅទីនេះ»។ក្នុងឆ្នាំនេះ ប្រទេសអ៊ុយក្រែន បានចុះហត្ថលេខាលើកិច្ចព្រមព្រៀងសន្តិសុខទ្វេភាគីជាមួយចក្រភពអង់គ្លេស ដាណឺម៉ាក អាល្លឺម៉ង់ កាណាដា អ៊ីតាលី និងបារាំង ខណៈដែលប្រទេសផ្សេងទៀត បាននិយាយថា ពួកគេគ្រោង នឹងចុះហត្ថលេខាលើកិច្ចព្រមព្រៀង នាពេលខាងមុខ។

បណ្ដាញសង្គម

ព័ត៌មានថ្មីៗ

ករណីយុវតីម្នាក់ស្លាប់ក្នុងគ្រោះថ្នាក់ចរាចរណ៍នៅខណ្ឌដូនពេញ គឺជាការជួបគ្រោះថ្នាក់ដោយខ្លួនឯង ឯម៉ូតូមានបុរសម្នាក់ជួយយកទុកឲ្យប៉ុណ្ណោះ
09/01/2026 09:09 PM
Facebook Telegram Linkin
ក្រសួងការពារជាតិកម្ពុជាទាត់ចោលការចោទប្រកាន់របស់ថៃ ដែលចោទថាទាហានកម្ពុជា ជាអ្នកបាញ់មុន ខណៈពិភពលោកគេបានដឹងថាទាហានថៃទៅវិញទេជាអ្នកឈ្លានពានមកលើកម្ពុជា
09/01/2026 08:09 PM
Facebook Telegram Linkin
[UPDATE] ភ្លើងឆេះលំនៅឋានពលរដ្ឋនៅខណ្ឌជ្រោយចង្វាររលត់ហើយ
09/01/2026 07:09 PM
Facebook Telegram Linkin
ក្រុមAOTបន្ដចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចកោះយ៉ស្ថិតក្នុងភូមិប៉ាក់ខ្លងឃុំប៉ាក់ខ្លងស្រុកមណ្ឌលសីមាខេត្តកោះកុង
09/01/2026 07:09 PM
Facebook Telegram Linkin
នាយករដ្ឋមន្ត្រីប៉ាគីស្ថានប្រាប់កិច្ចប្រជុំកំពូល SCO ថា កតិកាសញ្ញាក្រុង Mecca មិនសំដៅលើរដ្ឋណាទេ
09/01/2026 07:09 PM
Facebook Telegram Linkin
មនុស្សរាប់រយនាក់ត្រូវចាប់ខ្លួន និងអាវុធរាប់សិបដើមត្រូវរឹបអូស នៅឯពិធីបុណ្យ Notting Hill Carnival ក្នុង​ក្រុងឡុងដ្រ៍​
09/01/2026 07:09 PM
Facebook Telegram Linkin
រុស្ស៊ី៖ ការឆ្លើយតបរបស់ខ្លួនចំពោះសកម្មភាពអរិភាពនៅតំបន់បាល់ទិក នឹងមានលក្ខណៈធ្ងន់ធ្ងរ
09/01/2026 06:09 PM
Facebook Telegram Linkin
តំណាងរាស្រ្តកូរ៉េខាងត្បូង៖កូរ៉េខាងជើង និងសហរដ្ឋអាមេរិក បង្ហាញសញ្ញានៃការចាប់ផ្តើមឡើងវិញកិច្ចសន្ទនា
09/01/2026 06:09 PM
Facebook Telegram Linkin
រដ្ឋាភិបាលអូស្រ្តាលី បញ្ជូនជំនួយ និងគ្រឿងផ្គត់ផ្គង់សង្រ្គោះបន្ទាន់ដល់ប្រទេសនេប៉ាល់
09/01/2026 06:09 PM
Facebook Telegram Linkin
ប្រធានាធិបតីអាល់ហ្សេរី អំពាវនាវឲ្យមានទោសប្រហារជីវិតសម្រាប់អ្នកដែលបង្កឲ្យមានភ្លើងឆេះព្រៃដោយចេតនា
09/01/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.