BTV NEWS

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ និង ការអភិវឌ្ឍន៍

សម្ដេចតេជោ ថ្លែងអំណរគុណរដ្ឋាភិបាលជប៉ុន បានយកចិត្តទុកដាក់សុខទុក្ខពលរដ្ឋខ្មែរ នៅជប៉ុន ពិសេសអំឡុងគ្រោះរញ្ជួយដី

កាលពីរសៀលថ្ងៃទី១០ ខែមករា ឆ្នាំ ២០២៤ សម្តេចតេជោបានអនុញ្ញាតឱ្យឯកឧត្តម កូមួរ៉ា ម៉ាសាហ៊ិកូ (Komura Masahiko) អតីតរដ្ឋមន្ត្រីការបរទេសជប៉ុន ចូលជួបសំដែងការគួរសមនៅសណ្ឋាគារ New Otani Tokyo ប្រទេសជប៉ុន។ សម្តេចតេជោ បានថ្លែងនូវការចូលរួមរំលែកទុក្ខជាមួយរដ្ឋាភិបាល និងប្រជាជនជប៉ុនចំពោះគ្រោះមហន្តរាយរញ្ជួយដីថ្មីៗនេះនៅប្រទេសជប៉ុន និងឧបទ្ទវហេតុនៃការប៉ះទង្គិចយន្តហោះ ដែលបានបណ្តាលឱ្យមានការបាត់បង់អាយុជីវិតមនុស្ស និងទ្រព្យសម្បត្តិយ៉ាងច្រើន។សម្តេចតេជោ ក៏បានថ្លែងអំណរគុណរដ្ឋាភិបាលជប៉ុនដែលបានជួយយកចិត្តទុកដាក់ដល់សុខទុក្ខ និងសុវត្ថិភាពរបស់និស្សិត កម្មសិក្សាការី និងពលករកម្ពុជាដែលកំពុងសិក្សា និងធ្វើការនៅតំបន់រងគ្រោះដោយសារការរញ្ជួយផែនដីផងដែរ។ឯកឧត្តម កូមួរ៉ា ម៉ាសាហ៊ិកូ បានគោរពថ្លែងអំណរគុណសម្តេចតេជោ ដែលបានឆ្លៀតពេលមមាញឹក ទទួលជួប ឯកឧត្តម និងមានក្តីរំភើបរីករាយដោយមានឱកាសរំលឹកដល់អនុស្សាវរីយល្អៗកាលពីអតីតកាលក្នុងនាមមិត្តភក្តិចាស់ ជាពិសេសក្នុងដំណាក់កាលចរចាស្វែងរកសន្តិភាព ការចូលរួមចំណែករបស់ជប៉ុនក្នុងការបង្កើតឧត្តមក្រុមប្រឹក្សាជាតិ (SNC) និងដំណើរការស្តារប្រទេសកម្ពុជាឡើងវិញបន្ទាប់ពីសង្រ្គាមស៊ីវិលជាដើម។ក្នុងនោះឯកឧត្តមបានសំដែងនូវការកោតសរសើរចំពោះតួនាទីស្នូលរបស់សម្តេចតេជោ ក្នុងការសម្រេចបាននូវសន្តិភាពពេញលេញក្នុងដំណាក់កាលបន្តបន្ទាប់ និងការអភិវឌ្ឍសង្គម-សេដ្ឋកិច្ចកម្ពុជាយ៉ាងឆាប់រហ័ស ព្រមទាំងការការពង្រឹងនិងលើកកម្ពស់ទំនាក់ទំនងទ្វេភាគីកម្ពុជា-ជប៉ុនមកទល់សព្វថ្ងៃនេះ។ទន្ទឹមនេះ ឯកឧត្តមបានបង្ហាញនូវជំនឿទុកចិត្តលើរាជរដ្ឋាភិបាលថ្មី ដែលមាន សម្តេចធិបតី ហ៊ុន ម៉ាណែត ជាប្រមុខដឹកនាំប្រកបដោយភាពជឿជាក់ ក្នុងការបន្តថែរក្សាសមិទ្ធផលដែលមានស្រាប់ និងមានចក្ខុវិស័យវែងឆ្ងាយក្នុងការបន្តដឹកនាំប្រទេសកាន់តែរីកចម្រើនថែមទៀត ព្រមទាំងបន្តពង្រឹងពង្រីកទំនាក់ទំនងទ្វេភាគី កម្ពុជា-ជប៉ុនឱ្យកាន់តែស៊ីជម្រៅ ក៏ដូចជាកិច្ចសហប្រតិបត្តិការជាមួយបណ្តាប្រទេសក្នុងតំបន់ និងពិភពលោក។នៅចុងបញ្ចប់ សម្តេចតេជោ និងឯកឧត្តមអតីតរដ្ឋមន្ត្រីការបរទេស ក៏បានយកឱកាសនេះពិភាក្សាផ្លាស់ប្តូរ ទស្សនៈគ្នាជុំវិញបញ្ហាភូមិសាស្ត្រនយោបាយនៅក្នុងតំបន់ ដែលក្នុងនោះមានទាំងស្ថានការណ៍នៅមីយ៉ាន់ម៉ាផងដែរ៕

ប្រធានសម្ព័ន្ធមិត្តភាពសភាជប៉ុន-កម្ពុជា កោតសរសើរសម្តេចតេជោ ជាស្ថាបនិកសន្តិភាព របស់កម្ពុជា

កាលពីរសៀលថ្ងៃទី១០ ខែមករា ឆ្នាំ២០២៤ សម្តេចតេជោ ហ៊ុន សែន បានអនុញ្ញាតឱ្យ ឯកឧត្តម អ៊ីម៉ាមួរ៉ា ម៉ាសាហ៊ីរ៉ូ (Imamura Masahiro) ប្រធានសម្ព័ន្ធមិត្តភាពសភាជប៉ុន-កម្ពុជា ចូលជួបសំដែងការគួរសម នៅសណ្ឋាគារ New Otani Tokyo ប្រទសជប៉ុន។សម្តេចតេជោ បានថ្លែងនូវការចូលរួមរំលែកទុក្ខជាមួយរដ្ឋាភិបាល និងប្រជាជនជប៉ុន ចំពោះគ្រោះមហន្តរាយរញ្ជួយដីថ្មីៗនេះនៅខេត្ត Ishizawa ភាគខាងលិចជប៉ុន និងឧបទ្ទវហេតុយន្តហោះប៉ះទង្គិចគ្នានៅព្រលានយន្តហោះទីក្រុងតូក្យូ ដែលបានបណ្តាលឱ្យមានការបាត់បង់អាយុជីវិតមនុស្ស និងទ្រព្យសម្បត្តិយ៉ាងច្រើន។ឯកឧត្តម អ៊ីម៉ាមួរ៉ា ម៉ាសាហ៊ីរ៉ូ បានសម្តែងការគោរពកោតសរសើរចំពោះ សម្តេចតេជោ ដែលជាស្ថាបនិកសន្តិភាព និងសមិទ្ធផលដ៏ច្រើនសន្ធឹកសន្ធាប់ជាផ្លែផ្កានៃសន្តិភាពនៅកម្ពុជាព្រមទាំងតួនាទីដ៏សំខាន់របស់សម្តេចតេជោ ក្នុងការពង្រឹង និងពង្រីកនូវទំនាក់ទំនងទ្វេរភាគីកម្ពុជា-ជប៉ុន នាពេលកន្លងមក និងតទៅអនាគត។ ឯកឧត្តមបានបញ្ជាក់ពីការប្តេជ្ញាចិត្តរបស់សម្ព័ន្ធមិត្តភាពសភាជប៉ុន-កម្ពុជា ក្នុងការបន្តទំនាក់ទំនងល្អជាមួយរាជរដ្ឋាភិបាលថ្មីដែលមាន សម្តេចធិបតី ហ៊ុន ម៉ាណែត ជានាយករដ្ឋមន្ត្រី និងបន្តសហការជិតស្និទ្ធជាមួយស្ថាប័ននីតិបញ្ញត្តិរបស់កម្ពុជា ពោលគឺ ទាំងរដ្ឋសភាជាតិ និងព្រឹទ្ធសភា។ ភាគីមិត្តក៏បានរំលឹកអំពីតួនាទីដ៏សំខាន់របស់ សម្តេចតេជោ ក្នុងកិច្ចការបោសសម្អាតមីននៅកម្ពុជា និងបានគាំទ្រដល់ការចូលរួមរបស់សម្ព័ន្ធមិត្តភាពសភាជប៉ុន-កម្ពុជាក្នុងបេសកកម្មដ៏ថ្លៃថ្លានេះ ដែលជាការបន្តនូវការខិតខំរួមចំណែកដោយផ្ទាល់ពីសំណាក់ឯកឧត្តមនាយករដ្ឋមន្ត្រីជប៉ុន ខេអ៊ីហ្សូ អូប៊ូឈី (Keizo Obuchi) តាំងពីឆ្នាំ ២០០០ ម៉្លេះ។ក្នុងឱកាសនេះ សម្តេចតេជោ បានថ្លែងអំណរគុណ និងវាយតម្លៃខ្ពស់ចំពោះតួនាទី និងការចូលរួមចំណែកដ៏សំខាន់របស់សម្ព័ន្ធមិត្តភាពសភាជប៉ុន-កម្ពុជា ក្នុងការជំរុញទំនាក់ទំនងទ្វេភាគីឱ្យកាន់តែស៊ីជម្រៅ ក៏ដូចជាការសហការគ្នាជិតស្និទ្ធរវាងប្រទេសយើងទាំងពីរលើឆាកអន្តរជាតិ។ ជាងនេះទៀត សម្តេចតេជោ បានលើកទឹកចិត្ត និងស្នើឱ្យភាគីជប៉ុនបន្តជួយកម្ពុជាក្នុងវិស័យដោះមីនតទៅទៀត ជាពិសេសចូលរួមចំណែកក្នុងការសម្រេចបាននូវគោលដៅ “កម្ពុជាគ្មានមីនឆ្នាំ២០២៥” ឱ្យបានជោគជ័យ៕

ពលរដ្ឋ និងនិស្សិតខ្មែរបន្តចេញសារស្វាគមន៍ដំណើរទស្សនកិច្ចរបស់សម្តេចធិបតីទៅប្រទេសបារាំង

ចាប់តាំងពីដើមខែមករា ឆ្នាំ ២០២៤ រហូតដល់ថ្ងៃទី១១ ខែមករា ឆ្នាំ ២០២៤នេះ ប្រជាពលរដ្ឋ និងនិស្សិតខ្មែរដែលកំពុងរស់នៅប្រទេសនានានៅក្នុងតំបន់អឺរ៉ុបបានចេញសារជាបន្តបន្ទាប់ ប្រកាសស្វាគមន៍ និងគាំទ្រដំណើរទស្សនៈកិច្ចផ្លូវការរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាដែលនឹងដឹកនាំប្រតិភូកម្ពុជាបំពេញទស្សនកិច្ចផ្លូវការនៅសាធារណរដ្ឋបារាំង និងចូលរួមក្នុងកិច្ចប្រជុំ ប្រចាំឆ្នាំរបស់វេទិកាសេដ្ឋកិច្ចពិភពលោក (WEF) ឆ្នាំ២០២៤ នៅប្រទេសស្វីសចាប់ពីថ្ងៃទី ១៨-១៩ ខែមករា ឆ្នាំ២០២៤ ខាងមុខនេះ។តាមរយៈវីដេអូខ្លីបប្រជាពលរដ្ឋ និងនិស្សិតខ្មែរដែលកំពុងរស់នៅប្រទេសបារាំង, ហូឡង់, ចក្រភពអង់គ្លេស, ហុងគ្រី, បែលហ្ស៊ិក ជាដើម ស្ថិតនៅតំបន់អ៊ឺរ៉ុបបានលើកឡើងថា ពួកគេពិតជាមានភាពកក់ក្តៅ និងក្តីរំភើបយ៉ាងខ្លាំងបន្ទាប់ពីឮដំណឹងថាសម្តេចធិបតីនាយករដ្ឋមន្រ្តីនឹងដឹកនាំគណៈប្រតិភូកម្ពុជា ទៅកាន់ប្រទេសបារាំង និងស្វីសនាពេលខាងមុខនេះ ដើម្បីចូលរួមក្នុងកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោក (WEF) ឆ្នាំ២០២៤ នៅប្រទេសស្វីស។ ពលរដ្ឋ និងនិស្សិតខ្មែររំពឹងថាតាមរយៈដំណើរទស្សនកិច្ចជាលើកដំបូងរបស់សម្តេចធិបតីទៅកាន់ប្រទេសបារាំង និងស្វីសនេះ នឹងទទួលបានផ្លែផ្កា និងផលប្រយោជន៍ជាច្រើនបន្ថែមទៀតសម្រាប់ជាតិ និងប្រជាជនកម្ពុជា។សូមជម្រាបថាតបតាមការអញ្ជើញរបស់ប្រធានាធិបតីបារាំងលោក អេម៉ានុយអែល ម៉ាក្រុង សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នឹងអញ្ជើញដឹកនាំគណៈប្រតិភូជាន់ខ្ពស់កម្ពុជាទៅបំពេញទស្សនកិច្ចផ្លូវការនៅប្រទេសបារាំងចំនួនពីរថ្ងៃចាប់ពីថ្ងៃទី ១៨-១៩ ខែមករា ឆ្នាំ២០២៤នេះខាងមុខនេះ។ ក្នុងឱកាសដំណើរទស្សនកិច្ចនេះ សម្តេចធិបតីនឹងអញ្ជើញបន្តដំណើរទៅកាន់ប្រទេសស្វីសដើម្បីចូលរួមក្នុងកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោក (WEF) ឆ្នាំ២០២៤។ តាមរយៈដំណើរទស្សនកិច្ចនេះនឹងជំរុញទៅមុខយ៉ាងជាក់ស្តែងនូវវិស័យសំខាន់ៗជាច្រើន ដែលជាគ្រឹះនៃទំនាក់ទំនងរវាងប្រទេសទាំងពីរ ដូចជា វិស័យសេដ្ឋកិច្ច អភិវឌ្ឍន៍ យោធា បេតិកភណ្ឌ និងហ្រ្វង់កូហ្វូនី។ ដំណើរទស្សនកិច្ចនេះក៏នឹងបើកលទ្ធភាពធ្វើឱ្យកិច្ចសហប្រតិបត្តិការរវាងប្រទេសទាំងពីរកាន់តែស៊ីជម្រៅ និងកាន់តែមានលក្ខណៈសម្បូរបែប ដើម្បីរួមគ្នាដោះស្រាយបញ្ហាសកលដែលកំពុងប្រឈមមុខផងដែរ៕ អត្ថបទ៖ វ៉ន ដារ៉ា

សមាជិកសភាអាមេរិក រាប់សិបនាក់គាំទ្រសេចក្ដីសម្រេចដែលគាំទ្រលទ្ធិប្រជាធិបតេយ្យរបស់កោះតៃវ៉ាន់

សមាជិកសភារបស់សហរដ្ឋអាមេរិក រាប់សិបនាក់កាលពីថ្ងៃពុធ (១០ មករា) បានសហការគាំទ្រច្បាប់ដោយសរសើរលទ្ធិប្រជាធិបតេយ្យនៅកោះតៃវ៉ាន់ មុនការបោះឆ្នោតមេដឹកនាំ និងសភា ដោយជំរុញឱ្យចិនអំពាវនាវឱ្យសហរដ្ឋអាមេរិក បញ្ឈប់ទំនាក់ទំនងផ្លូវការជាមួយកោះនេះ។សេចក្តីសម្រេចដែលមានសមាជិកសភាគាំទ្រយ៉ាងហោចណាស់ ២៨រូបមកពីសាធារណរដ្ឋ និងប្រជាធិបតេយ្យនៅក្នុង ព្រឹទ្ធសភាបាននិយាយថា «ព្រឹទ្ធសភាប្តេជ្ញាគាំទ្រសិទ្ធស្វ័យការពាររបស់កោះតៃវ៉ាន់ និងសេរីភាពរបស់ប្រជាជនខ្លួន តាមរយៈការទប់ស្កាត់ប្រកបដោយប្រសិទ្ធភាព ដោយប្រើធាតុទាំងអស់នៃអំណាចរបស់សហរដ្ឋអាមេរិក«។សេចក្ដីសម្រេចនេះសរសើរ «នីតិរដ្ឋ និងសង្គមស៊ីវិលរស់រវើក សេដ្ឋកិច្ចចម្រុះ និងប្រព័ន្ធនយោបាយស្ថិរភាព» របស់កោះតៃវ៉ាន់ ហើយផ្ទុយពីស្ថានភាពនៅក្នុងប្រទេសចិន។អ្នកបោះឆ្នោតរបស់កោះតៃវ៉ាន់ កំពុងធ្វើដំណើរទៅបោះឆ្នោតនៅថ្ងៃសៅរ៍ (១៣ មករា) ខាងមុខនេះសម្រាប់ការបោះឆ្នោតមេដឹកនាំ និងសភា ដែលកំពុងប្រព្រឹត្តទៅប្រឆាំងនឹងសង្គ្រាមពាក្យសម្តីរវាងកោះតៃវ៉ាន់ និងប្រទេសចិន ដែលចាត់ទុកកោះនេះជាទឹកដីរបស់ខ្លួន ទោះបីជាមានការជំទាស់យ៉ាងខ្លាំងពីរដ្ឋាភិបាលតៃវ៉ាន់ក៏ដោយ៕

សហរដ្ឋអាមេរិក ជំរុញប្រទេសចិន កុំឲ្យជ្រៀតជ្រែកក្នុងការបោះឆ្នោតតៃវ៉ាន់

មន្ត្រីរដ្ឋបាលជាន់ខ្ពស់របស់លោកប្រធានាធិបតី Biden បាននិយាយកាលពីថ្ងៃពុធថា សហរដ្ឋអាមេរិក ក្នុងសញ្ញាច្បាស់លាស់មួយចំពោះប្រទេសចិន ប្រឆាំងនឹងការជ្រៀតជ្រែកពីកម្លាំងខាងក្រៅ ឬឥទ្ធិពលណាមួយនៅក្នុងការបោះឆ្នោតជ្រើសរើសមេដឹកនាំ និងសភា នាពេលខាងមុខរបស់កោះតៃវ៉ាន់។ការបោះឆ្នោតនៅកោះតៃវ៉ាន់ថ្ងៃទី ១៣ ខែមករា កើតឡើងក្នុងពេលវេលាដ៏តានតឹងខ្លាំងមួយក្នុងទំនាក់ទំនងរវាងអាមេរិក និងចិន ខណៈដែលលោកប្រធានាធិបតី Joe Biden និងលោកប្រធានាធិបតីចិន Xi Jinping ទើបតែបង្កើតទំនាក់ទំនងយោធា និងយោធា ឡើងវិញ នៅពេលមេដឹកនាំទាំង២ បានជួបគ្នានៅរដ្ឋកាលីហ្វ័រនីញ៉ា កាលពីខែវិច្ឆិកាឆ្នាំមុន។ មន្ត្រីរូបនេះ បានប្រាប់ក្រុមអ្នកសារព័ត៌មាន មិនបញ្ចេញឈ្មោះ បាននិយាយថា ទីក្រុងវ៉ាស៊ីនតោន មិនចូលពាក់ព័ន្ធនៅក្នុងការបោះឆ្នោតនោះទេ ហើយមិនមានបេក្ខជនដែលពេញចិត្ត ឬចូលចិត្តនោះទេ។ មន្ត្រីរូបនេះបាននិយាយថា យើងប្រឆាំងនឹងការជ្រៀតជ្រែកពីកម្លាំងខាងក្រៅ ឬឥទ្ធិពលណាមួយនៅ ក្នុងការបោះឆ្នោតរបស់កោះតៃវ៉ាន់។ មិនថាអ្នកណាជាប់ឆ្នោតក៏ដោយ គោលនយោបាយរបស់យើងចំពោះតៃវ៉ាន់នឹងនៅដដែល ហើយទំនាក់ទំនងក្រៅផ្លូវការដ៏រឹងមាំរបស់យើងក៏នឹងបន្តដែរ។ សហរដ្ឋអាមេរិកគឺជាអ្នកគាំទ្រអន្តរជាតិ និងជាអ្នកផ្គត់ផ្គង់សព្វាវុធដ៏សំខាន់បំផុតរបស់កោះតៃវ៉ាន់ បើទោះបីជាគ្មានទំនាក់ទំនងការទូតផ្លូវការជាមួយកោះនេះក៏ដោយ។ ការបោះឆ្នោតកំពុងប្រព្រឹត្តទៅប្រឆាំងនឹងការដើរថយក្រោយនៃសង្គ្រាមពាក្យសម្តីកានើតែក្ដៅរវាងកោះតៃវ៉ាន់ និងចិន ដែលចាត់ទុកកោះនេះជាទឹកដីរបស់ខ្លួន បើទោះបីជាមានការជំទាស់យ៉ាងខ្លាំងពីរដ្ឋាភិបាលក្រុងតៃវ៉ាន់ក៏ដោយ។ ក្រុងវ៉ាស៊ីនតោន ចង់រក្សាស្ថានភាពជាក់ស្ដែងរបស់កោះស្វ័យគ្រប់គ្រងមួយនេះឲ្យនៅដដែលដូចបច្ចុប្បន្ន៕

ក្រុងជាង១.០០០ របស់អ៊ុយក្រែន ដាច់ថាមពលអគ្គិសនី ដោយសារអាកាសធាតុរដូវរងាខ្លាំង

ប្រតិបត្តិករបណ្តាញអគ្គិសនីរបស់ប្រទេសអ៊ុយក្រែន បាននិយាយកាលពីថ្ងៃអង្គារថា អាកាសធាតុរដូវរងាត្រជាក់ខ្លាំង បានធ្វើឱ្យក្រុងនិងភូមិជាង ១.០០០ គ្មានអគ្គិសនីប្រើប្រាស់ នៅក្នុងតំបន់ចំនួន៩ ហើយបានជំរុញឱ្យពលរដ្ឋសន្សំសំចៃថាមពល ខណៈប្រព័ន្ធថាមពល បានចុះខ្សោយដោយសារការវាយប្រហាររបស់រុស្ស៊ី។ ប្រតិបត្តិករបណ្តាញអគ្គិសនី ក្រុមហ៊ុន យូក្រែន័រហ្គ្រូ(Ukrenergo) បាននិយាយថា ការប្រើប្រាស់អគ្គិសនីមានកម្រិតខ្ពស់បំផុតក្នុងសប្តាហ៍នេះ ខណៈសីតុណ្ហភាពបានធ្លាក់ចុះដល់ ដក១៥អង្សាសេ នៅផ្នែកជាច្រើនរបស់ប្រទេស។ក្រុមហ៊ុនបាននិយាយនៅលើកម្មវិធីផ្ញើសារ Telegram ថា កម្រិតនៃការប្រើប្រាស់នៅតែបន្តកើនឡើងដោយសារតែសីតុណ្ហភាពធ្លាក់ចុះខ្លាំងនៅទូទាំងប្រទេស ហើយការប្រើប្រាស់អគ្គិសនីនៅពេលព្រឹក ខ្ពស់ជាង ៥,៨ ភាគរយរួចទៅហើយកាលពីថ្ងៃមុន។ ដោយសារអាកាសធាតុមិនអំណោយផល ខ្យល់បក់ខ្លាំង និងថាមពលទឹកកក បានកាត់ផ្តាច់ថាមពលអគ្គិសនីនៅលំនៅឋានចំនួន ១.០២៥ខ្នង។ ក្រុមហ៊ុន Ukrenergo និយាយថា អាកាសធាតុបានបង្កការខូចខាតច្រើនដល់បណ្តាញចែកចាយ ដោយមានខ្យល់បក់ខ្លាំង អាកាសធាតុត្រជាក់ខ្លាំង និងស្រទាប់ទឹកកកក្រាស់នៅលើឧបករណ៍ ដែលបានពន្យារពេលការងារជួសជុលបណ្តាញ។ លោក Vitaliy Kim អភិបាលតំបន់ Mykolaiv ភាគខាងត្បូង ជាកន្លែងដែលក្រុង និងភូមិចំនួន ២១៥កន្លែង ត្រូវបានកាត់ផ្តាច់ចរន្តអគ្គិសនី បាននិយាយថា ទឹកកកនៅលើខ្សែកាបអគ្គិសនី មានកម្រាស់ជាង ៥ សង់ទីម៉ែត្រ។ក្រុមហ៊ុន Ukrenergo និយាយថា ប្រព័ន្ធថាមពល កំពុងដំណើរការក្នុងកម្រិតអតិបរិមា ហើយបានជំរុញឱ្យពលរដ្ឋសន្សំសំចៃអគ្គិសនីឱ្យបានច្រើនតាមដែលអាចធ្វើទៅបាន និងជៀសវាងការប្រើប្រាស់ឧបករណ៍អគ្គិសនីច្រើនក្នុងពេលដំណាលគ្នា ដើម្បីជួយទប់ទល់ប្រព័ន្ធថាមពល។

នាយករដ្ឋមន្រ្តីប្រសិទ្ធនាម «សារមន្ទីរតេជោសន្តិភាព»ជាផ្លូវការ ខណៈសារមន្ទីរនេះ ក្លាយជាមជ្ឈមណ្ឌលផ្ទុកឯកសារប្រវត្តិសាស្រ្តដ៏ធំនៅកម្ពុជា

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រសិទ្ធនាម«សារមន្ទីរតេជោសន្តិភាព» Techo Peace Museum ជាផ្លូវការ ខណៈសារមន្ទីរនេះស្ថិតនៅក្នុងវិមានឈ្នះ ឈ្នះ ដើម្បីជាការរួមចំណែកផ្តល់ព័ត៌មានលម្អិតបន្ថែមទៀតដល់ គណៈប្រតិភូជាតិ និងអន្តរជាតិ ក៏ដូចជាសាធារណជន ទាក់ទងនឹងដំណើរជាតិកម្ពុជា ពិសេសពាក់ព័ន្ធនឹងជីវិតដឹកនាំរបស់សម្ដេចតេជោ ហ៊ុន សែន តាំងពីចំណុចចាប់ផ្ដើមនាថ្ងៃទី២០ ខែមិថុនា ឆ្នាំ១៩៧៧ និងដំណើរអនុវត្តនយោបាយឈ្នះ ឈ្នះ នាំឲ្យមានការបញ្ចប់សង្រ្គាមស៊ីវិលទាំងស្រុងនៅកម្ពុជា នាថ្ងៃទី២៩ ខែធ្នូ ឆ្នាំ១៩៩៨ ។ការប្រសិទ្ធនាមជាផ្លូវការនូវ«សារមន្ទីរតេជោសន្តិភាព»នេះ គឺបានធ្វើឡើងនៅថ្ងៃទី២៩ ខែធ្នូ ឆ្នាំ២០២៣ កន្លងទៅក្នុងឱកាសដែលកម្ពុជាប្រារព្ធខួបលើកទី២៥ឆ្នាំ នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយភាពជោគជ័យនូវនយោបាយឈ្នះ ឈ្នះ និងការប្រារព្ធខួប៥ឆ្នាំ នៃការកសាងវិមានឈ្នះ ឈ្នះ ក្នុងគោលបំណងបន្តចែករំលែក និងបង្ហាញនូវព័ត៌មានលម្អិតបន្ថែមទៀតទាក់ទងនឹងខ្លឹមសារនៃដំណើរការអនុវត្តនយោបាយឈ្នះ ឈ្នះ ប្រកបដោយភាពស៊ីជម្រៅ ដែលមានសម្ដេចតេជោ ហ៊ុន សែន ជាស្ថាបនិក និងជាមគ្គុទ្ទេសក៍ឯក ជូនដល់ប្រតិភូជាតិ និងអន្តរជាតិ បងប្អូនប្រជាពលរដ្ឋខ្មែរ ពិសេសសម្រាប់សិស្សានុសិស្ស និស្សិត អ្នកសិក្សាស្រាវជ្រាវ ស្វែងយល់តាមរយៈ គំនូរ ចម្លាក់ ខ្លឹមសារ រូបថតប្រវត្តិសាស្ត្រ សម្ភារៈផ្ទាល់ខ្លួនរបស់សម្ដេចតេជោ ហ៊ុន សែន និងវត្ថុតាងសង្រ្គាមនានាជាដើម។«សារមន្ទីរតេជោសន្តិភាព»នេះបានផ្ទុកនូវរាល់ឯកសារទាំងអស់ទាក់ទងនឹងនយោបាយឈ្នះ ឈ្នះ ដែលជានិមិត្តរូបឲ្យការបង្រួបបង្រួមជាតិ និងបិទបញ្ចប់នូវភ្លើងសង្គ្រាមទាំងស្រុងនៅកម្ពុជា ហើយបាននាំកម្ពុជាមាននូវសុខសន្តិភាព និងការឯកភាពជាតិពេញលេញ ព្រមទាំងមានការអភិវឌ្ឍរហូតដល់សព្វថ្ងៃនេះ។«សារមន្ទីរតេជោសន្តិភាព»នេះ នឹងផ្តល់ព័ត៌មានកាន់តែពិស្តារបន្ថែមទៀតទាក់ទិននឹងនយោបាយឈ្នះ ឈ្នះ និងប្រវត្តិសាស្ត្រសំខាន់ៗជាច្រើនទៀតដូចជារូបគំនូរ និងរូបថត ស្តីពីប្រវត្តិនៃទិវាចងចាំដំណើរឆ្ពោះទៅការផ្តូលរលំរបបប្រល័យពូជសាសន៍ប៉ុលពតថ្ងៃទី ២០ ខែមិថុនា ឆ្នាំ១៩៧៧ និងសម្ភារៈផ្សេងៗ របស់សម្តេចតេជោហ៊ុន សែន អតីតនាយករដ្ឋមន្រ្តីនៃកម្ពុជា ដូចជា រថយន្ត វិទ្យុ ទូរដាក់សំភារៈ ដែលបានប្រើប្រាស់កាលពីទស្សវត្សទី៧០ រហូតមកដល់ទស្សវត្សទី៨០ និង បង្ហាញពីភូមិសាស្ត្រនៃការអនុវត្ត នយោបាយឈ្នះឈ្នះ របស់សម្តេចតេជោ ហ៊ុនសែន ក្នុងយោធភូមិភាគទី៣ ទី៤ និងទី៥ ក៏ដូចជាតំបន់សមិទ្ធផលបង្ហាញពីសមិទ្ធផលសំខាន់ៗរបស់ជាតិ ដំណើរការសាងសង់វិមានឈ្នះ ឈ្នះ និងសកម្មភាពរបស់កងទ័ពមួកខៀវកម្ពុជានៅក្នុងបេសកកម្ម ថែរក្សាសន្តិភាពរបស់អង្គការសហប្រជាជាតិ។គួរជាការរំលឹកផងដែរ តាមរយៈទិសដៅការងារ និងចក្ខុវិស័យដឹកនាំរបស់ក្រុមការងារសិក្សាស្រាវជ្រាវ និងសាសង់វិមានឈ្នះ ឈ្នះ ដឹកនាំបញ្ជាផ្ទាល់ដោយ នាយឧត្តមសេនីយ៍ ណឹម សុវត្ថិ ក្រោមការចង្អុលបង្ហាញរបស់ នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មការសាងសង់វិមានឈ្នះ ឈ្នះ សារមន្ទីរនេះ នឹងបន្តអភិវឌ្ឍន៍ខ្លឹមសារដោយមានការធ្វើទំនើបកម្មភ្ជាប់ខ្លឹមសារជាប្រព័ន្ធQR code បំពាក់បន្ថែមភាសាអង់គ្លេស និងបន្ថែមភស្តុតាងប្រវត្តិសាស្ត្រសំខាន់ៗតាមរយៈការងារប្រវត្តិសាស្ត្រយោធា និងសមិទ្ធផលសំខាន់ៗថ្មីរបស់រាជរដ្ឋាភិបាល ដើម្បីបំពេញន័យឲ្យនយោបាយឈ្នះ ឈ្នះ កាន់តែមានសក្តានុពលបន្ថែមផងដែរ៕អត្ថបទបាន ចក់

សម្តេចរដ្ឋសភាធិបតី ឃួន សុដារី និងលោកជំទាវ ឯកអគ្គរដ្ឋទូតគុយបាវាយតម្លៃខ្ពស់ពីការចូលរួមរបស់ស្រ្តីប្រទេសទំាងពីរក្នុងបុព្វហេតុសន្តិភាព និងការអភិវឌ្ឍ

សម្តេចមហារដ្ឋសភាធិការធិបតី ឃួន សុដារី និងលោកជំទាវ លីយូកា រ៉ូឌ្រីហ្គេស បារីយ៉ូ (Liyrka Rodriguez Barrios) ឯកអគ្គរដ្ឋទូត នៃសាធារណរដ្ឋគុយបាប្រចាំនៅកម្ពុជា ដែលជាស្រ្តីដូចគ្នា បានវាយតម្លៃខ្ពស់ចំពោះពលីកម្ម ភាពអង់អាចក្លាហានរបស់ស្រ្តីកម្ពុជា ក៏ដូចជាស្រ្តីគុយបា ដែលបានលះបង់ និងបំពេញការងារក្នុងបុព្វហេតុសន្តិភាព និងការអភិវឌ្ឍ។ ក្នុងឱកាសអនុញ្ញាតឱ្យ លោកជំទាវ លីយូកា រ៉ូឌ្រីហ្គេស បារីយ៉ូ ដែលត្រូវចប់អាណត្តិបេសកកម្មការទូតនៅកម្ពុជា ចូលជួបសម្តែងការគួរសមនិងជម្រាបលា នាព្រឹកថ្ងៃទី១០ ខែមករា ឆ្នាំ២០២៤ នៅវិមានរដ្ឋសភា សម្តេចមហារដ្ឋសភាធិការធិបតី ឃួន សុដារី បានកោតសរសើរ និងវាយតម្លៃខ្ពស់ ចំពោះលទ្ធផលបេសកកម្មការទូតរបស់លោកជំទាវ ឯកអគ្គរដ្ឋទូត ក្នុងការចូលរួមពង្រឹងពង្រីកចំណងមិត្តភាព កិច្ចសហប្រតិបត្តិការដ៏ល្អរវាងកម្ពុជា និងគុយបា ដែលមានតំាងពីយូរលុងមកហើយនោះ ឱ្យកាន់តែរីកចម្រើនឡើងជាលំដាប់។ សម្តេចប្រធានរដ្ឋសភាបានលើកឡើងពីភាពសកម្មរបស់លោកជំទាវ ឯកអគ្គរដ្ឋទូត នៅក្នុងរយៈពេលបំពេញបេសកកម្មការទូតនៅកម្ពុជាថា បានចូលរួមគ្រប់កម្មវិធីសង្គម នយោបាយ និងការងារស្រ្តី។ សម្តេចបានលើកឡើងថា ដោយសារស្ថិតនៅក្នុងស្ថានភាពប្រហាក់ប្រហែលគ្នា ស្រ្តីកម្ពុជា និងគុយបា បានក្រោកឈរយ៉ាងរឹងមាំ រួមសហការជាមួយបុរស នៅក្នុងការបំពេញការងារគ្រប់វិស័យ ដោយភាពរឹងមាំ ក្លាហាន។ សម្តេចរដ្ឋសភាធិបតី បានសង្កត់ធ្ងន់ថា ភាពលំបាកបានធ្វើស្រ្តី រឹងមាំ។សម្តេចមហារដ្ឋសភាធិការធិបតី ឃួន សុដារី បានថ្លែងកោតសរសើរចំពោះរដ្ឋសភាប្រទេសគុយបា ដែលមានសមាជិកជាស្រ្តីដល់ទៅជាង ៥៣% ឈរនៅក្នុងលំដាប់លេខរៀងទី២ លើសកលលោក ក្នុងចំណោមរដ្ឋសភាមានសមាជិកជាស្រ្តីច្រើនជាងគេ បន្ទាប់ពីរដ្ឋសភារ៉ូវ៉ាន់ដា ដែលមានចំនួនសមាជិកសភាស្រ្តីរហូតដល់ ៦១%។ ការដែលមានសមាជិកសភាជាស្រ្តីច្រើននេះ មិនត្រឹមជាការលើកកម្ពស់សមភាពយេនឌ័ររវាងស្រ្តីនិងបុរសប៉ុណ្ណោះទេ តែជាការផ្តល់អំណាចដល់ស្រ្តីនៅក្នុងការកាន់តួនាទីជាអ្នកសម្រេចចិត្តផងដែរ។សម្តេចប្រធានរដ្ឋសភា បានគូសបញ្ជាក់ថា សមាជិកសភាស្ត្រីគឺមានសារៈសំខាន់ណាស់ក្នុងការកសាងសន្តិភាព និងការអភិវឌ្ឍប្រកបដោយចីរភាព បរិយាបន្ន និងមានភាពធន់របស់ជាតិ។លោកជំទាវ លីយូកា រ៉ូឌ្រីហ្គេស បារីយ៉ូ វិញក៏បានកោតសរសើរចំពោះការចូលរួមយ៉ាងសកម្មរបស់ស្រ្តីកម្ពុជា នៅក្នុងការងារនយោបាយ សង្គម និងសេដ្ឋកិច្ច។ ជាពិសេសលោកជំទាវ បានលើកឡើងពីសមត្ថភាព និងទេពកោសល្យក្នុងការដឹកនាំរបស់ សម្តេចរដ្ឋសភាធិបតី ថាជាគំរូនិងជានិមិត្តរូបរបស់ស្រ្តី។ លោកជំទាវឯកអគ្គរដ្ឋទូតផ្ទាល់ បានសិក្សានិងរៀនសូត្របានយ៉ាងច្រើនពី សម្តេចប្រធានរដ្ឋសភា ផងដែរ។ ការបញ្ចប់បេសកកម្មនៅកម្ពុជា ប្រៀបដូចជាឃ្លាតឆ្ងាយពីគ្រួសារ។ ប៉ុន្តែលោកជំទាវ ពេញចិត្តចំពោះជោគជ័យ នៃបេសកកម្មការទូតនៅកម្ពុជា ដែលទទួលបានការគំាទ្រ និងលើកទឹកចិត្តពីរាជរដ្ឋាភិបាល រដ្ឋសភា និងជាពិសេសពីប្រជាពលរដ្ឋកម្ពុជា។ លោកជំទាវ ឯកអគ្គរាជទូត បានលើកឡើងថា គុយបានៅបន្តគំាទ្រដល់ការអភិវឌ្ឍរបស់កម្ពុជា ជាពិសេសបន្តផ្តល់អាហារូបករណ៍សុខាភិបាលដល់និស្សិតកម្ពុជា បានទៅសិក្សានៅប្រទេសគុយបា។សម្តេចរដ្ឋសភាធិបតី ឃួន សុដារី និងលោកជំទាវ លីយូកា រ៉ូឌ្រីហ្គេស បារីយ៉ូ បានលើកឡើងពីទំនាក់ទំនងដ៏ល្អរវាងកម្ពុជាគុយបា ដែលបានពូនជ្រំឡើង ដោយថ្នាក់ដឹកនាំគ្រប់ជាន់ថ្នាក់នៃប្រទេសទំាងពីរ តាំងពីសម័យព្រះបរមរតនកោដ្ឋ ព្រះបាទ នរោត្តមសីហនុ និងអតីតប្រធានាធិបតី ហ្វីដែល កាស្រ្តូ មក។ សម្តេចរដ្ឋសភាធិបតី បានគូសបញ្ជាក់ថា គុយបាជាមិត្តដ៏ល្អរបស់កម្ពុជា ដែលបានជួយកម្ពុជានៅគ្រាលំបាក ក្រោយពីងើបចេញពីរបបប៉ុលពតប្រល័យពូជសាសន៍ ក្នុងឆ្នាំ១៩៧៩។ ជាមួយ ការស្នើដល់ប្រទេសគុយបាបន្តជំរុញ និងលើកកម្ពស់វិស័យពាណិជ្ជកម្ម និងវិនិយោគ ពង្រឹងកិច្ចសហប្រតិបត្តិការកាន់តែសកម្មនិងស៊ីជម្រៅលើវិស័យសុខាភិបាល អប់រំ កីឡា វប្បធម៌ និងកសិកម្ម ជាដើម។ ក្នុងនាមរដ្ឋសភាកម្ពុជា សម្តេចមហារដ្ឋសភាធិការធិបតី ឃួន សុដារី បានគូសបញ្ជាក់ថា រដ្ឋសភាកម្ពុជាគំាទ្រការក្លាយជាប្រទេសសង្កេតការណ៍របស់គុយបា នៅក្នុងវេទិកាអន្តរសភាអាស៊ាន (AIPA) លើកទី៤៥ ដែលរដ្ឋសភាប្រទេសឡាវធ្វើជាម្ចាស់ផ្ទះនៅក្នុងឆ្នាំ២០២៤នេះ៕

អាជ្ញាធរបន្តចុះផ្សព្វផ្សាយអប់រំពីផលប៉ះពាល់នៃគ្រឿងញៀន ដល់សិស្សានុសិស្សវិទ្យាល័យច្បារអំពៅ

នាព្រឹកថ្ងៃទី១០ ខែមករា ឆ្នាំ២០២៤នេះ អាជ្ញាធរខណ្ឌច្បារអំពៅ បានបន្តសកម្មភាពក្នុងការចុះផ្សព្វផ្សាយអប់រំពីផលប៉ះពាល់ នៃគ្រឿងញៀន ដល់សិស្សានុសិស្សវិទ្យាល័យសម្តេច ហ៊ុន សែន ប៊ុនរ៉ានី ច្បារអំពៅ ដើម្បីបញ្ចៀបការយល់ដឹងឱ្យបានកាន់តែទូលំទូលាយ ។លោក ញាណ ច័ន្ទសោភា អភិបាលរងខណ្ឌច្បារអំពៅ ទទួលផែនការងារសន្តិសុខ បានប្រាប់ឱ្យដឹងថា បញ្ហាគ្រឿងញៀននេះ គឺជាការងារអាទិភាពចម្បង ដែលរាជរដ្ឋាភិបាលអាណត្តិទី៧ កំពុងយកចិត្តទុកដាក់ក្នុងការប្រយុទ្ធប្រឆាំង ។ ដូច្នោះអាជ្ញាធរថ្នាក់ក្រោមជាតិ ក៏កំពុងខិតខំបន្តបង្ក្រាប និងដាក់ចេញនូវយន្តការចុះផ្សព្វផ្សាយជាបន្តបន្ទាប់ដល់ពលរដ្ឋ និងតាមសាលា និងវិទ្យាល័យទាំងអស់នៅក្នុងមូលដ្ឋាន ដើម្បីជាការ ក្រើនរំលឹកដល់សិស្សានុសិស្សដែលជាទំពាំងស្នងឬស្សី ឱ្យជៀសឆ្ងាយដាច់ខាត និងត្រូវនិយាយថាទេ ចំពោះគ្រឿងញៀន ។ លោកវរសេនីយ៍ទោ ឡូ ភារម្យ អធិការរងនគរបាលខណ្ឌច្បារអំពៅ ទទួលផែននគរបាលប្រឆាំងគ្រឿងញៀន បានប្រាប់ឱ្យដឹងថា ថ្ងៃនេះ នគរបាលជំនាញ បានធ្វើការពន្យល់ និងបង្ហាញដល់ក្មួយៗ សិស្សានុសិស្ស ពីចំណុចជាច្រើន នៃផលវិបាកអំពីគ្រឿងញៀន ដោយសិស្សានុសិស្ស ក៏បានផ្ដោះផ្ដងជាមួយសំណួរ និងការងឿងឆ្ងល់មួយចំនួនរបស់ពួកគាត់មកកាន់សមត្ថកិច្ចវិញផងដែរ ដើម្បីសុំការបកស្រាយបញ្ជាក់ ។សិស្សានុសិស្ស យល់ឃើញថា ពួកគាត់បានយល់ជ្រាបកាន់តែច្បាស់ ពីចំណុចដែលពួកគាត់ពុំសូវបានដឹង លើផលប៉ះពាល់ នៃគ្រឿងញៀន បន្ទាប់ពីបានចូលរួមក្នុងការស្តាប់ការពន្យល់ណែនាំរបស់នគរបាលជំនាញនៅថ្ងៃនេះ ។ សិស្សានុសិស្ស បន្ថែមថា គ្រឿងញៀន គឺជាដើមចមចម្បងបំផុត នៃការបំផ្លាញធនធានមនុស្ស គ្រួសារ និងសង្គមជាតិទាំងមូល ។គួររំលឹកថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ធ្លាប់បានមានប្រសាសន៍ថា បញ្ហាគ្រឿងញៀននេះ គឺជាការងារអាទិភាពចម្បងទី០៤ ដែលរាជរដ្ឋាភិបាលអាណត្តិទី៧ ត្រូវយកចិត្តទុកដាក់គិតគូរ ក្នុងការទប់ស្កាត់ និងបង្ក្រាបវាឱ្យមានប្រសិទ្ធភាពខ្ពស់បំផុត ខណះដែលបញ្ហាគ្រឿងញៀននេះ មិនមែនជួបប្រទះតែនៅក្នុងប្រទេសកម្ពុជា១នោះទេ នៅបណ្តាប្រទេសមហាអំណាចធំៗលើសកលលោក ក៏ដោះស្រាយវាមិនទាន់មានភាពល្អប្រសើរនៅឡើយនោះដែរ ៕ អត្ថបទ ៖ លីហេង

យុវជនអាស៊ាន ១០ប្រទេស ចូលរួមកម្មវិធី «អ្នកស្ម័គ្រចិត្តអាស៊ាន-កម្ពុជា» ជាងម្ភៃថ្ងៃនៅកម្ពុជា

យុវជនជាអ្នកស្ម័គ្រចិត្តសកម្មមកពីប្រទេសទាំង ១០នៃសមាជិកអាស៊ាន បានមកចូលរួមក្នុងកម្មវិធី «អ្នកស្ម័គ្រចិត្តអាស៊ាន-កម្ពុជា»។ ការមកចូលរួមក្នុងកម្មវិធីនេះ គឺយុវជននឹងស្នាក់នៅ និងបំពេញសកម្មភាពមួយចំនួននៅកម្ពុជា រយៈពេលជាងម្ភៃថ្ងៃ ចាប់រាប់ពីថ្ងៃទី ៩ រហូតថ្ងៃទី ៣០ ខែមករា ឆ្នាំ២០២៤ខាងមុខ។ប្រទេសជាសមាជិកអាស៊ានទាំង ១០ បានបញ្ជូនយុវជន ១រូបតំណាងឱ្យប្រទេសរៀងខ្លួន មកចូលរួមក្នុងកម្មវិធី «អ្នកស្ម័ក្រចិត្តអាស៊ាន-កម្ពុជា»។ វត្តមានរបស់ពួកគេ បានមកដល់កម្ពុជា កាលពីថ្ងៃទី៩ ខែមករា ឆ្នាំ២០២៣ ដោយនឹងបន្តស្នាក់នៅ និងបំពេញសកម្មភាពនៅកម្ពុជា រហូតដល់ថ្ងៃទី៣០ ខែមករា។កម្មវិធី «អ្នកស្ម័ក្រចិត្តអាស៊ាន-កម្ពុជា»នេះ ក៏ជាលើកដំបូងដែលក្រសួងអប់រំ យុវជន និងកីឡា របស់កម្ពុជា ទទួលធ្វើជាម្ចាស់ផ្ទះរៀបចំផងដែរ។ ក្នុងឱកាសទទួលជួបជាមួយយុវជនទាំង ១០រូបនៅថ្ងៃនេះ ឯកឧត្តម ជីវ រដ្ឋា អគ្គនាយករង នៃអគ្គនាយកដ្ឋានយុវជន បានលើកឡើងថា ប្រធានបទសំខាន់នៃកម្មវិធីនេះ គឺផ្តោតលើ «ការត្រៀមលក្ខណៈ និងការកាត់បន្ថយហានិភ័យគ្រោះមហន្តរាយក្នុងសហគមន៍»។ ឯកឧត្តមបញ្ជាក់ថា យុវជនទាំងនេះនឹងចំណាយពេលទាំងនៅរាជធានីភ្នំពេញ និងបណ្ដាខេត្តមួយចំនួន ដើម្បីសិក្សាស្វែងយល់បន្ថែម ពីការងារនានាពាក់ព័ន្ធនឹងគ្រោះមហន្តរាយ។ លើសពីការសិក្សាស្វែងយល់ គឺយុវជនទាំងនេះ មានតួនាទីត្រូវធ្វើគម្រោងម្នាក់មួយ ពាក់ព័ន្ធនឹងគ្រោះមហន្តរាយ ជាការចូលរួមវិជ្ជមានដល់សង្គមជាតិ។ក្នុងនាមជាថ្នាក់ដឹកនាំមួយរូប ក្នុងការរៀបចំកម្មវិធីនេះ ឯកឧត្តម អគ្គនាយករង នៃអគ្គនាយកដ្ឋានយុវជន លើកឡើងថា យុវជននៃសមាជិកអាស៊ានទាំង ១០ រូប នឹងត្រូវបំពេញទស្សនកិច្ច សិក្សាស្វែងយល់នៅ កាកបាទក្រហមកម្ពុជា គណៈកម្មាធិការជាតិគ្រប់គ្រងមហន្តរាយ ការទៅទស្សនកិច្ចនៅព្រះបរមរាជវាំង សារៈមន្ទី រមណីយដ្ឋានប្រវត្តិសាស្ត្រវត្តិភ្នំ វិមានឈ្នះ ឈ្នះ សម្រាប់ភូមិសាស្ត្ររាជធានីភ្នំពេញ។ ចំពោះសកម្មភាពនៅតាមខេត្តវិញ គឺយុវជនទាំងនេះ នឹងទៅទស្សនកិច្ចស្វែងយល់ ពីការការពារបរិស្ថាននៅឧទ្យានជាតិគីរីរម្យ ខេត្តកំពង់ស្ពឺ ការទៅសិក្សាពីការការពារខ្លួន និងការចូលរួមដាំដើមឈើនៅតំបន់ត្រពាំងសង្កែ ជាដើម។ឯកឧត្តមលើកឡើងថា ការធ្វើជាម្ចាស់ផ្ទះរៀបចំកម្មវិធីនេះ គឺផ្ដល់ផលប្រយោជន៍សម្រាប់កម្ពុជា។ ផលប្រយោជន៍ទី១ គឺសម្រាប់យុវជនកម្ពុជាក្នុងការបង្កើតទំនាក់ទំនង ក៏ដូចជាការបង្ហាញមកពីសមាជិកអាស៊ាន ឃើញច្បាស់ពីការរីកចំរើន របស់កម្ពុជា។ ពួកគេទាំងនោះ នឹងអាចផ្សព្វផ្សាយបន្តពីកម្ពុជា នៅពេលត្រឡប់ទៅប្រទេសកំណើតរៀងខ្លួនវិញ៕ អត្ថបទ៖ គឹម ហុក

បណ្ដាញសង្គម

ព័ត៌មានថ្មីៗ

ពលរដ្ឋស្រុកភ្នំស្រួចជិត២ម៉ឺននាក់ ទទួលការព្យាបាលជំងឺដោយឥតគិតថ្លៃពីគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី

អភិបាលខេត្តកំពង់ស្ពឺ ណែនាំឱ្យពលរដ្ឋបង្កើនការប្រុងប្រយ័ត្នចំពោះគ្រោះធម្មជាតិ ខណៈមនុស្ស ៣នាក់បានស្លាប់ និង២នាក់រងរបួស ដោយបាតុភូតរន្ទះបាញ់

លោក Trump ចាំបាច់ត្រូវកាត់បន្ថយការគាំទ្រផ្នែកយោធាដើម្បីបង្ខំលោក Netanyahu ឱ្យធ្វើតាមបំណងរបស់អាមេរិក

មន្ត្រី៖ រុស្ស៊ីមានគម្រោងលុបចោលទិដ្ឋាការជាមួយប្រទេសចំនួនបី នៅឆ្នាំ ២០២៦នេះ

[UPDATE] ចំនួនអ្នកស្លាប់ដោយសាររញ្ជួយដីនៅហ្វីលីពីន កើនឡើងដល់យ៉ាងហោចណាស់ ១៥នាក់

អ៊ីរ៉ង់ ព្រាងនិយ័តកម្មដើម្បីឲ្យនាវាបង់ប្រាក់សម្រាប់សេវាឆ្លងកាត់នៅច្រកសមុទ្រ Hormuz

កុមារជិត ១៣០នាក់ ចូលរួមប្រកួតតេក្វាន់ដូ WT ពានអគ្គកុងស៊ុលកូរ៉េប្រចាំខេត្តសៀមរាប ឆ្នាំ២០២៦

របាយការណ៍៖ សហរដ្ឋអាមេរិកពិចារណាលើផែនការទិញកោះ CHAGOS ពីប្រទេសម៉ូរីស

មេដឹកនាំហ្វាំងឡង់ច្រានចោលការចោទប្រកាន់ដែលថា រុស្ស៊ីកំពុងរៀបចំផែនការវាយប្រហាររដ្ឋបាល់ទិក

អគ្គសេនាធិការកងទ័ព៖ យោធាអ៊ីស្រាអែល កំពុងត្រៀមខ្លួន និងរង់ចាំបញ្ជាដើម្បីវាយប្រហារអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រធានសម្ព័ន្ធមិត្តភាពសភាជប៉ុន-កម្ពុជា កោតសរសើរសម្តេចតេជោ ជាស្ថាបនិកសន្តិភាព របស់កម្ពុជា

ពលរដ្ឋ និងនិស្សិតខ្មែរបន្តចេញសារស្វាគមន៍ដំណើរទស្សនកិច្ចរបស់សម្តេចធិបតីទៅប្រទេសបារាំង

សមាជិកសភាអាមេរិក រាប់សិបនាក់គាំទ្រសេចក្ដីសម្រេចដែលគាំទ្រលទ្ធិប្រជាធិបតេយ្យរបស់កោះតៃវ៉ាន់

សហរដ្ឋអាមេរិក ជំរុញប្រទេសចិន កុំឲ្យជ្រៀតជ្រែកក្នុងការបោះឆ្នោតតៃវ៉ាន់

ក្រុងជាង១.០០០ របស់អ៊ុយក្រែន ដាច់ថាមពលអគ្គិសនី ដោយសារអាកាសធាតុរដូវរងាខ្លាំង

អាជ្ញាធរបន្តចុះផ្សព្វផ្សាយអប់រំពីផលប៉ះពាល់នៃគ្រឿងញៀន ដល់សិស្សានុសិស្សវិទ្យាល័យច្បារអំពៅ

យុវជនអាស៊ាន ១០ប្រទេស ចូលរួមកម្មវិធី «អ្នកស្ម័គ្រចិត្តអាស៊ាន-កម្ពុជា» ជាងម្ភៃថ្ងៃនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រធានសម្ព័ន្ធមិត្តភាពសភាជប៉ុន-កម្ពុជា កោតសរសើរសម្តេចតេជោ ជាស្ថាបនិកសន្តិភាព របស់កម្ពុជា

ពលរដ្ឋ និងនិស្សិតខ្មែរបន្តចេញសារស្វាគមន៍​ដំណើរ​ទស្សនកិច្ច​របស់​សម្តេចធិបតី​ទៅប្រទេសបារាំង

សមាជិកសភាអាមេរិក រាប់សិបនាក់គាំទ្រសេចក្ដីសម្រេចដែលគាំទ្រលទ្ធិប្រជាធិបតេយ្យរបស់កោះតៃវ៉ាន់

សហរដ្ឋអាមេរិក ជំរុញប្រទេសចិន កុំឲ្យជ្រៀតជ្រែកក្នុងការបោះឆ្នោតតៃវ៉ាន់

ក្រុងជាង១.០០០ របស់អ៊ុយក្រែន ដាច់ថាមពលអគ្គិសនី ដោយសារអាកាសធាតុរដូវរងាខ្លាំង

អាជ្ញាធរបន្តចុះផ្សព្វផ្សាយអប់រំពីផលប៉ះពាល់នៃគ្រឿងញៀន ដល់សិស្សានុសិស្សវិទ្យាល័យច្បារអំពៅ

យុវជនអាស៊ាន ១០ប្រទេស ចូលរួមកម្មវិធី «អ្នកស្ម័គ្រចិត្តអាស៊ាន-កម្ពុជា» ជាងម្ភៃថ្ងៃនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋ និងនិស្សិតខ្មែរបន្តចេញសារស្វាគមន៍ដំណើរទស្សនកិច្ចរបស់សម្តេចធិបតីទៅប្រទេសបារាំង