នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជា-វៀតណាម ឯកភាពបន្តជំរុញទំនាក់ទំនងទ្វេភាគី ក្នុងស្មារតីនៃភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង
ថ្ងៃដំបូងទស្សនកិច្ចផ្លូវការ​របស់សម្ដេច​ធិបតីនៅវៀតណាមទទួលបានការ​ស្វាគមន៍យ៉ាងកក់ក្ដៅ និងជំនួបទ្វេភាគី
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

នយោបាយ​ និង ការអភិវឌ្ឍន៍

បារាំងរើសនាយករដ្ឋមន្រ្តីថ្មីមានវ័យក្មេងបំផុត ខណៈលោកម៉ាក្រុង ចាប់ផ្ដើមកំណត់នយោបាយឡើងវិញ

2024/01/10 11:00:57 am        154
Facebook Telegram Linkin
ប្រព័ន្ធផ្សព្វផ្សាយបារាំងបាននិយាយថា លោកប្រធានាធិបតី អេម៉ានុយអ៊ែល ម៉ាក្រុង (Emmanuel Macron) បានតែងតាំងរដ្ឋមន្ត្រីក្រសួងអប់រំវ័យ ៣៤ឆ្នាំ លោក ហ្កាប្រ៊ីអ៊ែល អាតតាល់ (Gabriel Attal) ជានាយករដ្ឋមន្ត្រីថ្មីរបស់ខ្លួនកាលពីថ្ងៃអង្គារ (៩ មករា) ខណៈដែលប្រធានាធិបតីបារាំងរូបនេះព្យាយាមដកដង្ហើមជីវិតថ្មីនៅក្នុងអាណត្តិទីពីររបស់លោកមុនពេលការបោះឆ្នោតសភាអឺរ៉ុប។ការផ្លាស់ប្តូរនេះនឹងមិនចាំបាច់នាំទៅរកការផ្លាស់ប្តូរនយោបាយធំណាមួយនោះទេ ប៉ុន្តែជាសញ្ញានៃបំណងប្រាថ្នាមួយសម្រាប់លោក ម៉ាក្រុង ដើម្បីព្យាយាមផ្លាស់ប្តូរលើសពីកំណែទម្រង់សោធននិវត្តន៍ និងអន្តោប្រវេសន៍ដែលមិនពេញនិយមកាលពីឆ្នាំមុន និងធ្វើអោយប្រសើរឡើងនូវឱកាសរបស់គណបក្សកណ្តាលនិយមរបស់ខ្លួននៅក្នុងការបោះឆ្នោតសហភាពអឺរ៉ុបនៅខែមិថុនា ខាងមុខនេះ។វិទ្យុ RTL និងទូរទស្សន៍ BFM បាននិយាយ លោក អាតតាល់ ដែលជាសម្ព័ន្ធមិត្តជិតស្និទ្ធរបស់លោក ម៉ាក្រុង និងបានក្លាយជាអ្នកនាំពាក្យរបស់រដ្ឋាភិបាលក្នុងអំឡុងពេលជំងឺរាតត្បាតកូវីដ១៩ នឹងជំនួសតំណែងអតីតនាយករដ្ឋមន្រ្តី លោកស្រី អេលីហ៊្សាបេត បន (Elisabeth Borne) ដែលត្រូវចាកចេញពីតំណែង។ដោយជាអ្នកនយោបាយដ៏មានប្រជាប្រិយបំផុតមួយរូបរបស់ប្រទេសក្នុងការស្ទង់មតិនាពេលថ្មីៗនេះ លោក អាតតាល់ ទទួលបានកេរ្ដិ៍ឈ្មោះថាជារដ្ឋមន្ត្រីដែលចេះដឹង និងងាយស្រួលចេញតាមកម្មវិធីវិទ្យុ និងក្នុងសភា។ លោកអាតតាល់ នឹងក្លាយជានាយករដ្ឋមន្ត្រីក្មេងបំផុតរបស់បារាំង និងជានាយករដ្ឋមន្ត្រីស្រលាញ់ភេទដូចគ្នាដោយបើកចំហដំបូងគេ៕

ប្រធានាធិបតីអ៊ុយក្រែន មើលឃើញសញ្ញាច្បាស់លាស់នៃការធ្លាក់ចុះនៅក្នុងឧស្សាហកម្មការពារជាតិរុស្ស៊ី

2024/01/10 10:52:03 am        169
Facebook Telegram Linkin
ប្រធានាធិបតីអ៊ុយក្រែនលោក វ្ល៉ូឌីមី ហ្ស៊េលិនស្គី (Volodymyr Zelenskiy) បាននិយាយកាលពីថ្ងៃអង្គារ (០៩ មករា) ថាមាន «"សញ្ញាច្បាស់លាស់នៃការធ្លាក់ចុះ» នៅក្នុងឧស្សាហកម្មការពារជាតិរបស់រុស្ស៊ី ហើយបានអំពាវនាវឱ្យមានសកម្មភាពបន្ថែមទៀតដើម្បីលុបបំបាត់ចន្លោះប្រហោងនៅក្នុងទណ្ឌកម្មដែលដាក់លើទីក្រុងមូស្គូ។លោក ហ្ស៊េលិនស្គី ដែលបាននិយាយនៅក្នុងវីដេអូនៅពេលយប់របស់ខ្លួន មិនបានផ្តល់ភស្តុតាងសម្រាប់ការអះអាងរបស់លោកលើស្ថានភាពនៃឧស្សាហកម្មការពារជាតិរុស្ស៊ីនោះទេ ខណៈក្រុមមន្ត្រីរុស្ស៊ីបាននិយាយថា ការផលិតឧបករណ៍យោធាត្រូវបានបង្កើនឡើង។លោក ហ្ស៊េលិនស្គី បាននិយាយថា «មានសញ្ញាច្បាស់លាស់នៃការធ្លាក់ចុះនៅក្នុងឧស្សាហកម្មការពារជាតិរបស់រុស្ស៊ី។ ប៉ុន្តែដើម្បីឱ្យលទ្ធផលនៃទណ្ឌកម្មឈានដល់ ១០០% នោះចន្លោះប្រហោងនៃទណ្ឌកម្មក៏ត្រូវតែត្រូវបានបិទឲ្យជិត ១០០% ដែរ»។នៅក្នុងសុន្ទរកថារបស់ខ្លួន ប្រធានាធិបតីអ៊ុយក្រែនរូបនេះ បាននិយាយថា កិច្ចប្រជុំនៃមេបញ្ជាការ និងមន្ត្រីក្រសួងបានពិចារណាលើការផ្គត់ផ្គង់អាវុធ និងការជំរុញផលិតកម្មក្នុងស្រុក ហើយភស្តុភារត្រូវតែពន្លឿនបន្ថែមទៀត។ ក្រុមអាជ្ញាធរបានសន្មតថាចំនួនដ៏ច្រើននៃមីស៊ីលផ្លោងដែលបាញ់ដោយរុស្ស៊ី មានការពិបាកក្នុងការស្ទាក់ចាប់កាន់តែខ្លាំង៕

វិមានក្រឹមឡាំង នឹងធ្វើអ្វីគ្រប់យ៉ាង ដើម្បីបញ្ឈប់ការវាយប្រហារលើទីក្រុងបែលហ្គោរូដ

2024/01/10 10:45:59 am        207
Facebook Telegram Linkin
វិមានក្រឹមឡាំង បានប្តេជ្ញាថា នឹងធ្វើ «អ្វីគ្រប់យ៉ាង» ដែលវាអាចធ្វើទៅបាន ដើម្បីបញ្ឈប់ការវាយប្រហារញឹកញាប់កាន់តែខ្លាំងឡើងរបស់អ៊ុយក្រែន ទៅលើទីក្រុងព្រំដែនបែលហ្គោរូដ(Belgorod)។កងកម្លាំងប្រដាប់អាវុធរបស់អ៊ុយក្រែន បានសម្លាប់ និងធ្វើឲ្យអ្នកស្រុករាប់សិបនាក់ រងរបួស នៅក្នុងការវាយប្រហារដោយមីស៊ីល និងយានដ្រូនម្តងហើយម្តងទៀតលើទីក្រុងនេះ ក្នុងប៉ុន្មានសប្តាហ៍ថ្មីៗនេះ។លោក Dmitry Peskov អ្នកនាំពាក្យវិមានក្រឹមឡាំង បាននិយាយថា៖«ជាការពិតណាស់ យោធារបស់យើងនឹងបន្តធ្វើអ្វីគ្រប់យ៉ាង ដើម្បីកាត់បន្ថយគ្រោះថ្នាក់ជាមុន ហើយបន្ទាប់មកលុបបំបាត់វាទាំងស្រុង។លោក Vyacheslav Gladkov អភិបាលតំបន់ បាននិយាយថា មីស៊ីល១០គ្រាប់ត្រូវបានបាញ់ទៅលើទីក្រុងបែលហ្គោរូដ ដែលមានចម្ងាយតែ២០ម៉ាយ ក្នុងប្រទេសរុស្ស៊ី កាលពីយប់ថ្ងៃចន្ទ បានបណ្តាលឲ្យជនស៊ីវិលបីនាក់ រងរបួសធ្ងន់ធ្ងរ។ការវាយប្រហាររបស់អ៊ុយក្រែនដែលសម្លាប់មនុស្សច្រើនបំផុតមកលើទីក្រុងនេះ បានកើតឡើង នៅថ្ងៃទី ៣០ ខែធ្នូ ដែលមនុស្ស ២៥នាក់ បានស្លាប់ និងជាង ១០០នាក់ បានរងរបួស។លោក Peskov បានចោទប្រកាន់អ៊ុយក្រែនថា មានចេតនាកំណត់គោលដៅលើជនស៊ីវិល នៅកណ្តាលទីក្រុងដោយប្រើអាវុធដែលផ្គត់ផ្គង់ដោយសម្ព័ន្ធមិត្តលោកខាងលិច។

ក្រសួងបរិស្ថានស្នើដល់អភិបាលរាជធានី-ខេត្ត ត្រៀមពង្រឹងវិធានការទប់ស្កាត់ និងកាត់បន្ថយការបំពុលខ្យល់សាធារណៈ

2024/01/10 07:55:24 am        221
Facebook Telegram Linkin
ជារៀងរាល់ឆ្នាំ នៅរដូវប្រាំងចាប់ពីខែធ្នូដល់ខែមេសា លទ្ធផលគុណភាពខ្យល់ដែល ក្រសួងបរិស្ថានបានធ្វើការតាមដាននៅរាជធានីភ្នំពេញ និងបណ្តាខេត្តទូទាំងប្រទេស បានបង្ហាញថា ស្ថានភាពគុណភាពខ្យល់មានការធ្លាក់ចុះគួរឱ្យព្រួយបារម្ភ ជាពិសេសកំណើនកំហាប់ភាគល្អិតនិចល អណ្ដែតក្នុងខ្យល់ (PM10 និងPM2.5) អាចមានកម្រិតលើសស្តង់ដារកំណត់ ដែលជាហានិភ័យបង្កការប៉ះពាល់សុខភាព ប្រជាពលរដ្ឋ និងបរិស្ថាន។ តាមការអង្កេតប្រភព និងសកម្មភាពសំខាន់ៗដែលបង្កឱ្យមានកំណើនកំហាប់ ភាគល្អិតនិចលនេះរួមមាន៖ ការបញ្ចេញផ្សែងពីរោងចក្រឧស្សាហកម្ម យានយន្ត ជាពិសេសភ្លើងឆេះព្រៃ ការដុតវាលស្មៅ ការដុតសំណល់កសិកម្មការដុតរានព្រៃ ការដុតគល់ជញ្ជាំង ការដុតសំរាម សំណល់រឹង នៅទីចំហ និងការឆេះនៅទីលានចាក់សំរាម ការបោះចោល និងដុតសំណល់ប្លាស្ទិក ព្រមទាំងការហុយធូលីពីការដ្ឋានសំណង់ជាដើម។ក្នុងន័យនេះ ដើម្បីការពារ និងទប់ស្កាត់បញ្ហាការបំពុលខ្យល់នៅរាជធានី-ខេត្ត ក្រសួងបរិស្ថាន បានស្នើឱ្យអភិបាលរាជធានី-ខេត្តទាំង២៥ ជំរុញផ្សព្វផ្សាយការអនុវត្តសារាចរលេខ ០១ សរ របស់រាជរដ្ឋាភិបាល ស្តីពីវិធានការទប់ស្កាត់ និងកាត់បន្ថយការបំពុលខ្យល់សាធារណៈដល់រដ្ឋបាលក្រុង ស្រុក ខណ្ឌ ឃុំ សង្កាត់ ប្រជាពលរដ្ឋ និងត្រៀមមធ្យោបាយ ព្រមទាំងចាត់វិធានដូចខាងក្រោម៖ទី១៖ អប់រំណែនាំប្រជាពលរដ្ឋកុំឱ្យដុតរានព្រៃ វាលស្មៅ ដុតប្លាស្ទិក សំណល់កសិកម្ម គល់ជញ្ជាំង សំរាម សំណល់រឹង ប្លាស្ទិក និងការដុតសំណល់ផ្សេងៗទៀតនៅទំចំហ។ទី២៖ ទប់ស្កាត់ការដុតរានព្រៃ ការដុតវាលស្មៅ ការដុតគល់ជញ្ជាំង ការដុតសំណល់កសិកម្ម សំរាម ការបោះចោលនិងដុតសំណល់ប្លាស្ទិក និងការឆេះទីលានចាក់សំរាម។ ទី៣៖ ចាត់វិធានការទប់ស្កាត់ការហុយធូលីនៅការដ្ឋានសំណង់ និងការដឹកជញ្ជូនសម្ភារសំណង់។និងទី៤៖ ធ្វើការសម្អាតធូលី និងធ្វើអនាម័យនៅតាមដងផ្លូវ និងទីសាធារណៈឱ្យបានជាប់ជាប្រចាំ។សូមបញ្ជាក់ថា តាមរយៈការតាមដានគុណភាពខ្យល់របស់ក្រសួងបរិស្ថានបានបង្ហាញថាកំឡុងពេលមួយសប្តាហ៍កន្លងមកនេះ ប្រទេសកម្ពុជាមិនទាន់មានការកត់សម្គាល់ ការធ្លាក់ចុះគុណភាពខ្យល់គួរឱ្យព្រួយបារម្ភនៅឡើយ។ ពោលគឺកំហាប់ភាគល្អិតនិចលដែលមានវិជ្ឈមាឌតូចជាង ឬស្មើ ២,៥មីក្រូម៉ែត្រ ឬហៅថា PM2.5 មានកំហាប់ចន្លោះពី ១៨,០៣ µg/m3 ទៅ ២១,៤៣ µg/m3 ដែលទាបជាងស្តង់ដារដែលក្រសួងបរិស្ថាន បានកំណត់គឺ ៥០ µg/m3 ជាមធ្យមក្នុងរយៈពេល ២៤ម៉ោង៕

ការបោះឆ្នោតតៃវ៉ាន់៖ គណបក្សគួមីនតាង ស្នើឲ្យអ្នកបោះឆ្នោតជ្រើសរើសរវាងសង្រ្គាម និងសន្តិភាព

2024/01/09 01:00:32 pm        160
Facebook Telegram Linkin
តន្ត្រីរ៉ុក ត្រូវបានប្រគុំយ៉ាងគគ្រឹកគគ្រេង មានអ្នករាំនៅលើឆាកយ៉ាងសប្បាយរីករាយ ហើយមនុស្សរាប់ពាន់នាក់ កំពុងគ្រវីទង់ជាតិតៃវ៉ាន់។ ការប្រមូលផ្តុំនយោបាយដែលបានធ្វើឡើងកាលពីថ្ងៃសៅរ៍សម្រាប់បេក្ខជនរបស់របស់គណបក្សគួមីនតាង (KMT) សម្រាប់ការបោះឆ្នោតមេដឹកនាំនៅថ្ងៃទី១៣ ខែមករា បានដំណើរការយ៉ាងពេញទំហឹង។អ្នករៀបចំបានស្រែកថា៖«សូមផ្តល់ឲ្យខ្ញុំនូវមេដឹកនាំម្នាក់មក។ អ្នកចូលរួមដ៏ច្រើន បានស្រែកបន្ទរថា «លោក Hou You-ih!»នៅពេលដែលលោក Hou សម្លឹងមើលនោះ មិត្តរួមការងាររបស់ខ្លួនគឺ លោក Jaw Shaw-kong បានយកមីក្រូហ្វូន ហើយបានចាប់ផ្តើមរិះគន់ជាទូទៅប្រឆាំងនឹងគណបក្សប្រជាធិបតេយ្យជឿនលឿនដែលកំពុងកាន់អំណាច(DPP)។លោកបាននិយាយដោយគ្រវីម្រាមដៃថា៖«តើពួកគេដើរតាមផ្លូវណា? ផ្លូវទៅសង្រ្គាម!»។ «ផ្លូវដែលនាំកោះតៃវ៉ាន់ ចូលទៅក្នុងស្ថានភាពគ្រោះថ្នាក់ ឬក៏ផ្លូវដែលនាំទៅរកភាពមិនប្រាកដប្រជា!»។ នៅពេលដែលកោះតៃវ៉ាន់ កាន់តែខិតជិតដល់ការបោះឆ្នោត នៅចុងសប្តាហ៍នេះ គណបក្ស KMT កំពុងប្រឹងប្រែងបញ្ចុះបញ្ចូលអ្នកបោះឆ្នោតថា ពួកគេប្រឈមមុខនឹងជម្រើសរវាងសង្រ្គាម និងសន្តិភាពជាមួយនឹងប្រទេសចិន។ទីក្រុងប៉េកាំង បានទាមទារកោះស្វ័យគ្រប់គ្រងនេះថា ជាកម្មសិទ្ធិរបស់ខ្លួន ហើយខណៈពេលដែលខ្លួន ជំរុញឲ្យមាន«ការបង្រួបបង្រួមដោយសន្តិភាព» នោះ ប៉ុន្តែទីក្រុងនេះ ក៏មិនបានច្រានចោលការប្រើប្រាស់កម្លាំងក្នុងការដណ្តើមយកកោះតៃវ៉ាន់ដែរ។ក្នុងរយៈពេល ៨ឆ្នាំចុងក្រោយនៃការគ្រប់គ្រងរបស់គណបក្ស DPP ដែលគាំទ្រអធិបតេយ្យភាព ប្រទេសចិន បានបង្កើនវត្តមានយោធារបស់ខ្លួននៅជុំវិញកោះតៃវ៉ាន់ ដោយឥតឈប់ឈរ ដោយធ្វើអ្វីដែលហៅថា សង្គ្រាមតំបន់ប្រផេះ។

ប្រទេសប្រេស៊ីល ប្រារព្ធខួបនៃការវាយប្រហារថ្ងៃទី ៨ ខែមករា លើលទ្ធិប្រជាធិបតេយ្យ

2024/01/09 12:45:48 pm        91
Facebook Telegram Linkin
អាជ្ញាធរប្រទេសប្រេស៊ីល បានអបអរប្រព័ន្ធលទ្ធិប្រជាធិបតេយ្យរបស់ប្រទេស កាលពីថ្ងៃចន្ទ ទី៨ ខែ មករា មួយឆ្នាំបន្ទាប់ពីហ្វូងមនុស្សស្តាំនិយម បានសម្រុកចូល និងបំផ្លិចបំផ្លាញទ្រព្យសម្បត្តិតុលាការកំពូល សភា និងវិមានប្រធានាធិបតី ក្នុងការតវ៉ាប្រឆាំងលទ្ធផលការបោះឆ្នោត។ នៅក្រោមផ្ទាំងអេក្រង់ដែលនិយាយថា «លទ្ធិប្រជាធិបតេយ្យមិនរង្គោះរង្គើ» មេដឹកនាំសភា តុលាការយុត្តិធម៌កំពូល និងមន្ត្រីរដ្ឋាភិបាល ដឹកនាំដោយប្រធានាធិបតី លោក Luiz Inacio Lula da Silva បានរំលឹកពីថ្ងៃដែលរដ្ឋធានី Brasilia ត្រូវបានវាយលុកដោយក្រុមអ្នកតវ៉ាអំពាវនាវឱ្យមានរដ្ឋប្រហារយោធា។ កាលពីមួយឆ្នាំកន្លងទៅនេះ អ្នកគាំទ្រលោក Jair Bolsonaro អតីតប្រធានាធិបតីស្តាំនិយមប្រកាន់តឹង បានសម្រុកចូលអគារដែលជានិមិត្តរូបលទ្ធិប្រជាធិបតេយ្យរបស់ប្រទេសប្រេស៊ីល មួយសប្តាហ៍បន្ទាប់ពី លោក Lula da Silva បានចូលកាន់តំណែង។ ពួកគេបានច្រានចោលការទទួលជ័យជម្នះក្នុងការបោះឆ្នោតរបស់លោក ហើយបានជំរុញឱ្យយោធាផ្តួលរំលំលោក។ មនុស្សប្រហែល ២.០០០នាក់ ត្រូវបានចាប់ខ្លួនជុំវិញការវាយប្រហារនៅទីក្រុង Brasilia ទោះបីជាភាគច្រើនត្រូវបានដោះលែងនៅពេលក្រោយក៏ដោយ។ អ្នកផ្សេងទៀត ត្រូវបានកាត់ទោសដោយតុលាការកំពូល លើការចោទប្រកាន់ពីបទប៉ុនប៉ងធ្វើរដ្ឋប្រហារ ក្នុងចំណោមបទព្រហ្មទណ្ឌផ្សេងទៀត បន្ទាប់ពីការស៊ើបអង្កេតរបស់នគរបាលដែលនៅបន្ត ទៅលើអ្នកដែលចូលរួមក្នុងកុបកម្ម និងអ្នកគាំទ្រ ឬផ្តល់មូលនិធិដល់ការវាយប្រហារនោះ។ លោក Bolsonaro កំពុងស្ថិតនៅក្រោមការស៊ើបអង្កេតដោយតុលាការកំពូលសម្រាប់ការចោទប្រកាន់ថាជាមេផ្តើមគំនិតកុបកម្មខុសច្បាប់ ជាអ្វីដែលលោកបានបដិសេធ។ អាជ្ញាធរបោះឆ្នោតរបស់ប្រទេសប្រេស៊ីល បានហាមឃាត់លោក Bolsonaro ពីការឈរឈ្មោះសម្រាប់តំណែងជាប់ឆ្នោតរយៈពេល៨ឆ្នាំ ជុំវិញការរំលោភបំពានអំណាច និងការប្រើប្រាស់មិនត្រឹមត្រូវប្រព័ន្ធផ្សព្វផ្សាយ នៅមុនការបោះឆ្នោតឆ្នាំ ២០២២ នៅពេលនោះលោកបានកោះហៅឯកអគ្គរដ្ឋទូត ឱ្យបញ្ចេញការអះអាងគ្មានមូលដ្ឋានអំពីប្រព័ន្ធបោះឆ្នោតអេឡិចត្រូនិករបស់ប្រទេសប្រេស៊ីល។ កាលពីថ្ងៃចន្ទ ប្រជាជនប្រេស៊ីល នៅក្នុងទីក្រុងសៅប៉ូឡូ (Sao Paulo) បានចេញធ្វើបាតុកម្ម ដើម្បីប្រារពខូបលើកទី១ នៃថ្ងៃដែលរដ្ឋធានី Brasilia ត្រូវបានសម្រុកចូលដោយក្រុមអ្នកតវ៉ាអំពាវនាវឲ្យមានរដ្ឋប្រហារយោធា។

អ្នកក្រុងហុងកុង ដែលកំពុងស្វែងរកការស្នាក់នៅក្នុងកោះតៃវ៉ាន់ ប្រឈមនឹងភាពមិនច្បាស់លាស់ ខណៈគោលនយោបាយអន្តោប្រវេសន៍កំពុងវិវត្ត

2024/01/09 12:30:58 pm        126
Facebook Telegram Linkin
ប្រជាជនហុងកុងកំពុងពិបាកក្នុងការទទួលបានសិទ្ធិស្នាក់នៅអចិន្ត្រៃយ៍នៅក្នុងកោះតៃវ៉ាន់ ដោយគ្មានមានភាពច្បាស់លាស់លើលក្ខខណ្ឌនៃការដាក់ពាក្យ ឬពេលវេលាកំណត់។ កោះនេះត្រូវបានគេលើកសរសើរថាជាកំពង់ផែសុវត្ថិភាពសម្រាប់អ្នកដែលចង់ផ្លាស់ទីចេញពីទីក្រុងហុងកុង បន្ទាប់ពីច្បាប់សន្តិសុខជាតិត្រូវបានអនុម័តកាលពីឆ្នាំ ២០២០ ដើម្បីឆ្លើយតបទៅនឹងការតវ៉ាច្បាប់ប្រឆាំងការធ្វើបត្យាប័នឆ្នាំកាលពីឆ្នាំ២០១៩។ ទោះជាយ៉ាងណាក៏ដោយ ស្របពេលភាពតានតឹងឆ្លងកាត់ច្រកសមុទ្រ កើនឡើងក្នុងប៉ុន្មានឆ្នាំថ្មីៗនេះ រដ្ឋបាលរបស់មេដឹកនាំកោះតៃវ៉ាន់ លោកស្រីសៃ អ៊ីងវិន (Tsai Ing-wen) បានបង្កើនការប្រុងប្រយ័ត្នកាន់តែខ្លាំងឡើងចំពោះការជ្រៀតពីបរទេស ដោយបញ្ជាឱ្យត្រួតពិនិត្យប្រវត្តិរូបបន្ថែមទៀត លើអ្នកក្រុងហុងកុង ដែលស្វែករកសិទ្ធិការតាំងទីលំនៅ ក្នុងកោះតៃវ៉ាន់។ ទំនាក់ទំនងឆ្លងកាត់ច្រកសមុទ្របានធ្លាក់ចុះចាប់តាំងពីគណបក្សប្រជាធិបតេយ្យជឿនលឿនគាំទ្រឯករាជ្យ (DPP) របស់លោកស្រី សៃ បានឡើងកាន់អំណាចកាលពីឆ្នាំ ២០១៦ កន្លងទៅ ខណៈមានការព្រួយបារម្ភយ៉ាងខ្លាំងចំពោះការជ្រៀតជ្រែកពីប្រទេសចិន។ នេះកាន់តែបង្ហាញឲ្យឃើញកាន់តែច្បាស់ ខណៈការបោះឆ្នោតជ្រើសរើសជិតមកដល់។ អ្នកបោះឆ្នោតតៃវ៉ាន់ នឹងទៅកាន់ការិយាល័យបោះឆ្នោតនៅថ្ងៃសៅរ៍ ១៣ ខែ មករា សប្ដាហ៍នេះ ដើម្បីជ្រើសរើសមេដឹកនាំថ្មីរបស់ពួកគេ៕

អង្គការ NASA នឹងជំរុញពេលវេលាបេសកកម្មរបស់ព្រះច័ន្ទ ស្របពេលយានអវកាសមានបញ្ហា

2024/01/09 12:26:02 pm        83
Facebook Telegram Linkin
អង្គការ ណាសា (NASA) គ្រោងនឹងពន្យារពេលបេសកកម្មបន្ទាប់មួយចំនួនរបស់ខ្លួនទៅកាន់ឋានព្រះច័ន្ទ ក្រោមកម្មវិធីសំខាន់មួយ ខណៈដែលឧបសគ្គបច្ចេកទេសកើតឡើងជាមួយនឹងយានអវកាសផ្សេងៗ ដែលខ្លួនមានបំណងប្រើប្រាស់ដើម្បីទៅដល់ទីនោះ នេះបើយោងតាមមនុស្សបួននាក់ដែលដឹងពីគម្រោងរបស់អង្គការ ណាសា។ទីភ្នាក់ងារអវកាសអាមេរិក នេះត្រូវបានគេរំពឹងថានឹងប្រកាសផែនការអវកាសខ្លួននៅថ្ងៃអង្គារ (០៩ មករា) នេះបន្ទាប់ពីចំណាយពេលជាច្រើនខែក្នុងការតាមដានវឌ្ឍនភាពជាមួយអ្នកម៉ៅការ និងពិចារណាលើការផ្លាស់ប្តូរកម្មវិធី អាតេមីស (Artemis) ដែលជាកិច្ចខិតខំប្រឹងប្រែងរាប់ពាន់លានដុល្លារ ដែលរួមបញ្ចូលការបញ្ជូនអវកាសយានិកដំបូងទៅកាន់ឋានព្រះច័ន្ទ ចាប់តាំងពីបេសកកម្មអាប៉ូឡូចុងក្រោយក្នុងឆ្នាំ១៩៧២។មនុស្សពីរនាក់ដែលដឹងពីបញ្ហានេះបាននិយាយថា បេសកកម្ម អាតេមីស ទីពីររបស់អង្គការណាសា ត្រូវបានគេរំពឹងថា នឹងត្រូវបានរុញច្រានលើសពីគោលដៅដែលបានគ្រោងទុកនៅចុងឆ្នាំ២០២៤ បន្ទាប់ពីបញ្ហាត្រូវបានរកឃើញជាមួយនឹងថ្មអាគុយរបស់យានអវកាស ដែលផលិតដោយក្រុមហ៊ុន ឡុកហីត ម៉ាទីន (Lockheed Martin) អំឡុងពេលធ្វើតេស្តរំញ័រ។នេះនឹងក្លាយជាការហោះហើរលើកដំបូងដោយមានមនុស្សនៅលើយាន បន្ទាប់ពីបានបាញ់បង្ហោះយានអវកាសដែលមិនមានមនុស្សបើកនៅលើប្រព័ន្ធបង្ហោះយានអវកាសរបស់អង្គការណាសា ក្នុងការសាកល្បងដំបូងក្នុងឆ្នាំ២០២២។ បេសកកម្ម អាតេមីស ៣ (Artemis 3) ដែលគ្រោងនឹងក្លាយជាបេសកកម្មដំបូងគេដែលចុះចតដោយមនុស្សនៅលើឋានព្រះច័ន្ទនៅចុងឆ្នាំ២០២៥ ដោយប្រើប្រព័ន្ធចុះចតអវកាសស្តារស៊ីប ពីក្រុមហ៊ុនម៉ៅការ ស្ពេសអ៊ិច (SpaceX) របស់អង្គការណាសា ក៏នឹងត្រូវរុញទៅមុខផងដែរ៕

ឯកឧត្តម កែវ រតនៈ និងទូតអង្គគ្លេស អញ្ជើញចែករំលែកបទពិសោធន៍​ជូនសិស្ស ១៥០០នាក់ ក្នុងខេត្តពោធិ៍សាត់

2024/01/09 11:18:54 am        127
Facebook Telegram Linkin
ពោធិ៍សាត់ ៖ នាព្រឹកថ្ងៃទី៨ ខែមករា ឆ្នាំ២០២៤នេះ នៅបរិវេណវិទ្យាល័យអូរតាប៉ោង ស្រុកបាកាន ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាប្រធាន​ក្រុម​ការងារ​រាជ​រដ្ឋាភិបាល​ចុះ​ជួយខេត្តពោធិ៍សាត់ និងឯកឧត្តម Dominic Williams ឯកអគ្គរាជ​ទូត​អង់គ្លេស​ប្រចាំ​នៅ​កម្ពុជា បានអញ្ជើញជួបសំណេះសំណាល និងចែករំលែកបទពិសោធន៍ជូនដល់ សិស្សានុសិស្ស​ថ្នាក់ទី១២ ចំនួន១៥០៩នាក់ មកពីវិទ្យាល័យចំនួន៨ ក្នុងស្រុកបាកាន ស្រុក​តាលោ​សែនជ័យ និងក្រុងពោធិ៍សាត់ នៃខេត្តពោធិ៍សាត់ ។ ក្នុងពិធីនេះក៏មានការអញ្ជើញចូលរួមពី ឯកឧត្តម ខូយ រីដា អភិបាលខេត្ត និងឯកឧត្តម​ប្រធាន​ក្រុម​ការងារ​រាជរដ្ឋាភិបាលចុះជួយស្រុកបាកាន និងស្រុកតាលោសែនជ័យផងដែរ។ឯកឧត្តមរដ្ឋមន្ត្រី កែវ រតនៈ បានថ្លែងថា កម្ម​វិធី​ចែក​រំលែក​បទ​ពិសោធន៍​បែប​នេះ​ធ្លាប់​បាន​រៀបចំ​ជា​ច្រើន​លើក​ច្រើន​សារ​មកហើយ ជូនសិស្សានុសិស្សក្នុងស្រុកកណ្តៀង និងស្រុកក្រគរ តែនេះ​ជា​លើក​ទី១ ហើយសម្រាប់ស្រុកបាកានហើយគោល​បំណង គឺ​ដើម្បីចូលរួមចែករំលែកនូវពត៌មាន ការណែនាំ ជូនប្អូនៗដែលជាសិស្សត្រៀមប្រឡងបាក់ឌុបឆ្នាំថ្មី ដែលអាចចង់ដឹងពីឱកាសអប់រំ ក៏​ដូច​ជា​បទពិសោធន៍នានា ដើម្បីត្រៀមខ្លួនក្នុងការកសាងអនាគត់របស់ខ្លួន អនាគត់របស់គ្រួសារ និង​អនាគត​របស់ប្រទេស ។ ជាពិសេសគឺមានវត្តមាន ឯកឧត្តម Dominic Williams ឯកអគ្គរាជ​ទូត​អង់គ្លេសប្រចាំនៅកម្ពុជា អញ្ជើញចែករំលែកពត៌មាន បទពិសោធន៍ការងារ ការទូត​ទំនាក់​ទំនង​ទ្វេរភាគី រវាងអង្គគ្លេស និងកម្ពុជា ដោយបើក​ឱកាស​អោយ​ប្អូនៗ​អាច​សួរ​ជា​សំនួរ​ផ្សេង​ៗ​បាន។ឆ្លើយតបទៅនិងសំនួររបស់សិស្សមកពីវិទ្យាល័យបាកាន អំពីទិសដៅអទិភាព និង​ចក្ខុ​វិស័យ​ចម្បង ក្នុងពេលបំពេញភារកិច្ច ជាឯកអគ្គរាជទូតអង់គ្លេសប្រចាំនៅកម្ពុជា ឯកឧត្តម Dominic Williams បានលើកឡើងថាឯកឧត្តមចង់ឃើញការងាររបស់ ឯកឧត្តម បានផ្តល់​អត្ថ​ប្រយោជន៍​ជូន​ប្រជាជនខ្មែរ ដោយចង់បង្កើនទំនាក់ទំនងពានិជ្ជកម្ម រវាងប្រទេសទាំងពីរ ការជួយ​ដល់​វិស័យ​អប់រំ ជាពិសេសគឺការបង្កើតទំនាក់ទំនងល្អជាមួយរាជរដ្ឋាភិបាលថ្មីបច្ចុប្បន្ន ។សូមបញ្ជាក់ដែរថា សិស្សានុសិស្សដែលបានចូលរួមទាំង១៥០៩នាក់ មកពីវិទ្យាល័យចំនួន៨ រួមមាន៖ វិទ្យាល័យពោធិ៍សាត់  វិទ្យាល័យទាចំរ៉ាត វិទ្យាល័យតលោ វិទ្យាល័យកោះស្វាយ វិទ្យាល័យបាកាន វិទ្យាល័យរំលេច វិទ្យាល័យព្រះម្លូរ និងវិទ្យាល័យអូរតាប៉ោង ។ ក្នុង​រយៈ​ពេល​មួយ​ព្រឹក​ពេញ សិស្សានុសិស្សជាច្រើនរូប បានសួរសំណួរជាច្រើន និងបានពិភាក្សា​ឆ្លើយ​ឆ្លង​ដោយ​ផ្ទាល់​ជាមួយឯកឧត្តម កែវ រតនៈ និង ឯកឧត្តម Dominic Williams ឯកអគ្គរាជទូត​អង់គ្លេស​ប្រចាំ​នៅកម្ពុជា ដោយភានស្និតស្នាលផងដែរ៕ អត្ថបទ៖ ភិរុណ ពៅ

លោកហ្សេឡិនស្គី អនុម័តសមាសភាពគណៈប្រតិភូសម្រាប់កិច្ចពិភាក្សាស្តីពីការធានាសន្តិសុខ

2024/01/09 11:03:24 am        110
Facebook Telegram Linkin
លោកប្រធានាធិបតី វ៉ូឡូមៀ ហ្សេឡិនស្គី (Volodymyr Zelenskyy) បានចុះហត្ថលេខាលើក្រឹត្យមួយស្តីពីគណៈប្រតិភូអ៊ុយក្រែន ដើម្បីចូលរួមក្នុងកិច្ចពិភាក្សាស្តីពីការអភិវឌ្ឍការធានាសន្តិសុខ កាលពីថ្ងៃចន្ទ ទី៨ ខែមករា។គណៈប្រតិភូដែលនឹងដើម្បីចូលរួមក្នុង«ការចរចាស្តីពីការអភិវឌ្ឍ និងការរៀបចំកិច្ចព្រមព្រៀងអន្តរជាតិទ្វេភាគី និងពហុភាគី រវាងអ៊ុយក្រែន និងរដ្ឋផ្សេងទៀតស្តីពីការធានាសន្តិសុខសម្រាប់អ៊ុយក្រែន ត្រូវបានដឹកនាំដោយលោក Andrii Yermak ប្រធានការិយាល័យប្រធានាធិបតីអ៊ុយក្រែន។គណៈប្រតិភូនៃការិយាល័យប្រធានាធិបតីអ៊ុយក្រែនរួមមានអនុរបស់លោក Yermak គឺលោក Roman Mashovets និង Ihor Zhovkva និង Ihor Baranetskyi និង Vitalii Martyniuk ក្រុមតំណាងនាយកដ្ឋានទទួលបន្ទុកសមាហរណកម្មអឺរ៉ុប និងអឺរុប-អាត្លង់ទិក។គណៈប្រតិភូក៏រួមមានរដ្ឋមន្ត្រីក្រសួងឧស្សាហកម្មយុទ្ធសាស្ត្រ លោក Oleksandr Kamyshin រដ្ឋមន្ត្រីការពារជាតិ លោក Rustem Umierov អនុរដ្ឋមន្ត្រីទី១របស់លោក គឺលោក Oleksandr Pavliuk អនុរដ្ឋ មន្ត្រីក្រសួងយុត្តិធម៌ លោក Iryna Mudra និងអនុរដ្ឋមន្ត្រីក្រសួងសេដ្ឋកិច្ច លោក Ihor Fomenko។ក្រសួងការបរទេស ត្រូវបានតំណាងដោយអនុរដ្ឋមន្ត្រី លោក Mykola Tochytskyi និងឯកអគ្គរដ្ឋទូតលោក Anton Korynevych។

បណ្ដាញសង្គម

ព័ត៌មានថ្មីៗ

អ្នកភូមិកោះថ្មី ស្រុកកោះសូទិន រៀបចំកម្មវិធី " ចាក់បាញ់ឆែវ១០០ខ្ទះ " ចែកជូនពិសាដោយឥតគិតថ្លៃ
06/08/2026 06:06 PM
Facebook Telegram Linkin
ឯកអគ្គរដ្ឋទូតអ៊ីរ៉ង់ប្រចាំក្រុងមូស្គូ៖ ច្រកសមុទ្រ Hormuz នឹងត្រូវ​បាន​បើក​ ប៉ុន្តែត្រូវបង់​ថ្លៃឆ្លង​កាត់​​
06/08/2026 05:06 PM
Facebook Telegram Linkin
សម្តេច ម៉ែន សំអន៖ មន្ត្រីបក្សត្រូវជំរុញពលរដ្ឋឱ្យទៅផ្ទៀងផ្ទាត់និងចុះឈ្មោះបោះឆ្នោតក្រុមប្រឹក្សាឃុំ/សង្កាត់
06/08/2026 05:06 PM
Facebook Telegram Linkin
លោកស្រី Kallas៖ សហភាពអឺរ៉ុបអនុញ្ញាតឲ្យនាវារបស់កងទ័ពជើងទឹកនៅសមុទ្រមេឌីទែរ៉ាណេឃាត់នាវាដឹកប្រេងរុស្ស៊ី
06/08/2026 05:06 PM
Facebook Telegram Linkin
ព្រះសង្ឃ និងសប្បុរសជនខេត្តស្វាយរៀងបន្តនាំអំណោយផ្តល់​ជូនវីរកងទ័ពតាមបន្ទាត់ព្រំដែន
06/08/2026 05:06 PM
Facebook Telegram Linkin
បេក្ខសមណសិស្សខេត្តស្វាយរៀង ប្រឡងសញ្ញាបត្រធម្មវិន័យថ្នាក់ត្រីថ្នាក់ទោនិងថ្នាក់ឯក
06/08/2026 05:06 PM
Facebook Telegram Linkin
កម្ពុជា-វៀតណាម ឯកភាពបន្តជំរុញទំនាក់ទំនងទ្វេភាគី ក្នុងស្មារតីនៃភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង
06/08/2026 05:06 PM
Facebook Telegram Linkin
រថយន្តខុសបច្ចេកទេសដែលចាប់បាននៅកំពង់ឆ្នាំង មិនទាន់បានយកចេញ បង្កក្តីបារម្ភដល់អ្នកធ្វើដំណើរ
06/08/2026 05:06 PM
Facebook Telegram Linkin
ថ្ងៃដំបូងទស្សនកិច្ចផ្លូវការ​របស់សម្ដេច​ធិបតីនៅវៀតណាមទទួលបានការ​ស្វាគមន៍យ៉ាងកក់ក្ដៅ និងជំនួបទ្វេភាគី
06/08/2026 05:06 PM
Facebook Telegram Linkin
អ្នកនាំពាក្យក្រសួងព័ត៌មានអំពាវនាវដល់យុវសិស្សទាំងអស់ប្រើឧបករណ៍វៃឆ្លាតក្នុងដៃប្រកបដោយការទទួលខុសត្រូវ និងប្រែក្លាយខ្លួនជាភ្នាក់ងារសុវត្ថិភាពព័ត៌មានរបស់សង្គមកម្ពុជា
06/08/2026 05:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.