BTV NEWS

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

ប្រធានាធិបតី រវ៉ាន់ដា មើលឃើញថា ប្រទេសកម្ពុជាជាប្រទេសមួយដ៏អស្ចារ្យ មានការអភិវឌ្ឍយ៉ាងខ្លាំង

សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣

នយោបាយ និង ការអភិវឌ្ឍន៍

រដ្ឋសភាកម្ពុជា និងប៉ាគីស្ថាន ជំរុញការបង្កើតនូវអនុស្សរណៈយោគយល់គ្នា ស្តីពីកិច្ចសហប្រតិបត្តិការកាន់តែស៊ីជម្រៅគ្រប់ជ្រុងជ្រោយ ក្នុងពេលឆាប់ៗខាងមុខ

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងឯកឧត្តម ហ្សាហៀរូឌីន បាបា ថាហ៊ីម (Zaheeruddin Babar Thaheem) ឯកអគ្គរដ្ឋទូត នៃសាធារណរដ្ឋឥស្លាមប៉ាគីស្ថាន ប្រចាំនៅព្រះរាជាណាចក្រកម្ពុជា បានប្តេជ្ញារួមគ្នានៅក្នុងការពង្រឹងពង្រីកទំនាក់ទំនងទ្វេភាគីរវាងរដ្ឋសភាប្រទេសទាំងពីរឱ្យរឹងមាំគ្រប់ជ្រុងជ្រោយឡើង ជាពិសេសជំរុញឱ្យមានការបង្កើតឡើង នូវអនុស្សរណៈយោគយល់គ្នា (MOUs) ស្តីពីកិច្ចសហប្រតិបត្តិការរវាងរដ្ឋសភាប្រទេសទំាងពីរ នាពេលខាងមុខ ឆាប់ៗនេះ ក្នុងការបម្រើផលប្រយោជន៍ប្រជាជន នៃប្រទេសទំាងពីរ។ ការប្តេជ្ញាចិត្តក្នុងការជំរុញឱ្យបង្កើតបាននូវ អនុស្សរណៈយោគយល់គ្នា (MOUs) រវាងរដ្ឋសភាប្រទេសទំាងពីរនេះ បានធ្វើឡើងក្នុងឱកាស សម្តេចរដ្ឋសភាធិបតី ឃួន សុដារី បានទទួលជួបពិភាក្សាការងារជាមួយ ឯកឧត្តម ហ្សាហៀរូឌីន បាបា ថាហ៊ីម នាព្រឹកថ្ងៃពុធ ទី១០ ខែមករា ឆ្នាំ២០២៤នេះ នៅវិមានរដ្ឋសភា។នៅក្នុងឱកាសនោះ ឯកឧត្តម ឯកអគ្គរដ្ឋទូត បានអបអរសាទរការបោះឆ្នោតដោយសេរី យុត្តិធម៌ និងគ្មានអំពើហិង្សានៅកម្ពុជា។ ឯកឧត្តម បានបញ្ជាក់ថា ប៉ាគីស្ថានជាប្រទេសមួយ ដែលបានធ្វើជាសាក្សីនៅក្នុងការបោះឆ្នោតជាសកល កាលពីខែកក្កដា ដោយបានបញ្ជូនឥស្សរជនសំខាន់ៗរបស់ខ្លួន មកសង្កេតការណ៍ជាច្រើននាក់។ ជាមួយគ្នានេះ ឯកឧត្តម ឯកអគ្គរដ្ឋទូត ក៏បានអបអរសាទរជូនសម្តេចរដ្ឋសភាធិបតី ដែលត្រូវបានរដ្ឋសភាបោះឆ្នោត ជាប់ជាប្រធានរដ្ឋសភានីតិកាលទី៧ ជាស្រ្តីដំបូងនៅកម្ពុជាដែលទទួលបានតួនាទីដ៏ឧត្តុង្គឧត្តមនេះនៅក្នុងការបម្រើប្រជាពលរដ្ឋនិងប្រទេសជាតិ។ឯកឧត្តម ហ្សាហៀរូឌីន បាបា ថាហ៊ីម បានជម្រាបជូនសម្តេចប្រធានរដ្ឋសភាថា នៅក្នុងកុម្ភៈខាងមុខនេះ ប៉ាគីស្ថាននឹងរៀបចំការបោះឆ្នោតសភា។ បន្ទាប់ពីការបោះឆ្នោតបង្កើតរដ្ឋសភាថ្មីហើយនោះ ប៉ាគីស្ថាននឹងលើកទឹកចិត្តជំរុញដល់ការបង្កើតនូវអនុស្សរណៈយោគយល់ ស្តីពីកិច្ចសហប្រតិបត្តិការរវាងរដ្ឋសភាប៉ាគីស្ថាននិងកម្ពុជា ក្នុងការពង្រឹងពង្រីកកិច្ចសហប្រតិបត្តិការរដ្ឋសភាប្រទេសទំាងពីរឱ្យកាន់តែរឹងមាំ គ្រប់ជ្រុងជ្រោយ ទំាងក្នុងក្របខណ្ឌទ្វេភាគី និងពហុភាគី។សម្តេចរដ្ឋសភាធិបតី ឃួន សុដារី បានគំាទ្រការលើកឡើងរបស់ឯកឧត្តមឯកអគ្គរដ្ឋទូត និងបានគូសបញ្ជាក់ថា ការពង្រឹងពង្រីកកិច្ចសហប្រតិបត្តិការរដ្ឋសភាប្រទេសទំាងពីរឱ្យរឹងមាំ សកម្ម និងគ្រប់ជ្រុងជ្រោយឡើង ក៏ជាបំណងប្រាថ្នារបស់រដ្ឋសភាកម្ពុជាដែរ។ សម្តេចបានលើកឡើងថា កិច្ចសហប្រតិបត្តិការរដ្ឋសភា ក៏ដូចជារដ្ឋាភិបាលប្រទេសទំាងពីរ មិនត្រឹមបម្រើផលប្រយោជន៍ សុខសន្តិភាព ស្ថិរភាព និងការអភិវឌ្ឍរបស់កម្ពុជា និងប៉ាគីស្ថាននោះទេ តែនឹងបម្រើដល់ផលប្រយោជន៍រួម ជាការចូលរួមថែរក្សាសុខសន្តិភាព និងស្ថិរភាព ក្នុងតំបន់និងសកលោកទំាងមូល។សម្តេចប្រធានរដ្ឋសភា បានវាយតម្លៃខ្ពស់ចំពោះការចូលរួមយ៉ាងសកម្ម របស់សភាប៉ាគីស្ថាន នៅលើវេទិកាអន្តរសភានានា ក្នុងបុព្វសន្តិភាពនិងមនុស្សធម៌ ជាពិសេសគណៈប្រតិភូរដ្ឋសភាប៉ាគីស្ថានតែងតែមានវត្តមាន ចូលរួមនៅក្នុងកិច្ចប្រជុំ ឬមហាសន្និបាត វេទិកាអន្តរសភា ដែលរដ្ឋសភាកម្ពុជាធ្វើជាម្ចាស់ផ្ទះនាពេលកន្លងមក។ សម្តេចបានគូសបញ្ជាក់ថា សភាទាំងពីរប្រទេសបានបន្តការគាំទ្រគ្នាទៅវិញទៅមកជាបន្តបន្ទាប់ក្នុងក្របខណ្ឌពហុភាគីនានា រួមទាំង APA, IPU, APPF, ASEP និងAIPA ជាដើម។សម្តេចរដ្ឋសភាធិបតី ឃួន សុដារី បានថ្លែងអំណរគុណប្រទេសប៉ាគីស្ថាន ដែលបានគំាទ្រដល់ការបោះឆ្នោតនៅកម្ពុជានិងតែងតែជួយលើកទឹកចិត្តដល់ការអភិវឌ្ឍនៅកម្ពុជា។ ជាមួយគ្នានេះ សម្តេចប្រធានរដ្ឋសភា ក៏បានស្នើដល់ប៉ាគីស្ថានពិនិត្យលទ្ធភាពនៅក្នុងការពង្រីកការវិនិយោគ និងការធ្វើពាណិជ្ជកម្មនៅកម្ពុជា ដូចជាការកែច្នៃកសិផលផ្នែកអាហារហ៉ាល់ឡា “Halal” ជំរុញការបង្កើតជើងហោះហើរត្រង់រវាងប្រទេសទំាងពីរ និងការភ្ជាប់ទំនាក់ទំនងប្រជាជន និងប្រជាជនក្នុងវិស័យទេសចរណ៍ជាដើម។ជាការឆ្លើយតប ឯកឧត្តមឯកអគ្គរដ្ឋទូត ប៉ាគីស្ថាន មានសុទិដ្ឋិនិយមថានៅពេលស្ថានទូតព្រះរាជាណាចក្រកម្ពុជា ប្រចាំនៅប្រទេសប៉ាគីស្ថានបានបង្កើតជាផ្លូវការនោះ ការពង្រឹងពង្រីកកិច្ចសហប្រតិបត្តិការលើគ្រប់វិស័យរវាងប្រទេសទំាងពីរកាន់តែរីកចម្រើន មានការលូតលាស់បានឆាប់រហ័ស។ ទាក់ទងការធ្វើពាណិជ្ជកម្ម ឯកឧត្តមឯកអគ្គរដ្ឋទូត បានជម្រាបជូនសម្តេចថា បច្ចុប្បន្ននេះ ស្ថានទូតប៉ាគីស្ថាននៅភ្នំពេញ បានកំពុងធ្វើការយ៉ាងជិតស្និទ្ធជាមួយក្រសួងពាណិជ្ជកម្ម ក្រុមប្រឹក្សាអភិវឌ្ឍន៍កម្ពុជា ដោយសង្ឃឹមថា កិច្ចព្រមព្រៀងក្នុងវិស័យពាណិជ្ជកម្មមួយ នឹងចេញជារូបរាងនៅពេលឆាប់ៗ ខាងមុខនេះដែរ។ ជាចុងបញ្ចប់សម្តេចមហារដ្ឋសភាធិការធិបតី ឃួន សុដារី បានជូនពរឱ្យការបោះឆ្នោតនៅប៉ាគីស្ថាន ទទួលបានជោគជ័យ ផងដែរ៕

ប្រធានមជ្ឈមណ្ឌលសម្រាប់ការអភិវឌ្ឍដោយចីរភាពនៃសាកលវិទ្យាល័យកូឡុំប៊ី មានឆន្ទៈដ៏មុតមាំ និងត្រៀមខ្លួនជួយប្រទេសកម្ពុជា

ភ្នំពេញ៖ នាព្រឹកថ្ងៃទី១០ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោកសាស្ត្រាចារ្យ Jeffrey Sachs ប្រធានមជ្ឈមណ្ឌលសម្រាប់ការអភិវឌ្ឍដោយចីរភាព នៃសាកលវិទ្យាល័យកូឡុំប៊ី (Columbia) និងជាប្រធានផ្នែកដោះស្រាយការអភិវឌ្ឍដោយចីរភាពរបស់អង្គការសហប្រជាជាតិ ចូលជួបសម្តែងការគួរសម និងពិភាក្សាការងារ នៅវិមានសន្តិភាព ។ ក្នុងឱកាសនៃជំនួបនេះ លោកសាស្ត្រាចារ្យ Jeffrey Sachs បានថ្លែងអំណរគុណចំពោះ សម្តេចធិបតី ដែលឆ្លៀតពេលដ៏មមាញឹកអនុញ្ញាតឱ្យរូបលោកសាស្រ្តាចារ្យ និងភរិយា ចូលជួបសម្តែងការគួរសម បន្ទាប់ពីជំនួបកាលពីខែកញ្ញា ឆ្នាំ២០២៣ កន្លងទៅ នៅទីក្រុងញូយ៉ក ។ លោកសាស្ត្រាចារ្យ បានគោរពជម្រាបជូន សម្តេចធិបតីថា លោកសាស្រ្តាចារ្យ មានឆន្ទៈដ៏មុតមាំ និង បានត្រៀមខ្លួនរួចជាស្រេច ក្នុងការចែករំលែក និងជួយប្រទេសកម្ពុជា នូវទស្សនាទាន និងបទពិសោធន៍ពាក់ព័ន្ធនឹងការអភិវឌ្ឍប្រកបដោយចីរភាព, ការអភិវឌ្ឍប្រព័ន្ធថាមពលកកើតទ្បើងវិញ ដោយចីរភាព និងការកសាងសេដ្ឋកិច្ចពណ៌បៃតង ជាដើម ។ឆ្លៀតក្នុងឱកាសនៃដំណើរទស្សនកិច្ចក្រៅផ្លូវការរបស់លោកសាស្រ្តាចារ្យ នៅព្រះរាជាណាចក្រកម្ពុជា លោកសាស្រ្តាចារ្យ បានចូលរួមជាវាគ្មិនកិត្តិយស ក្នុងសិក្ខាសាលាស្តីពី «ភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា» ដែលនឹងរៀបចំដោយក្រុមប្រឹក្សាសេដ្ឋកិច្ច សង្គមកិច្ច និង វប្បធម៌ នៃទីស្តីការគណៈរដ្ឋមន្រ្តី (គ.ស.វ.) នៅព្រឹកថ្ងៃទី១១ ខែមករា ឆ្នាំ២០២៤ ដោយមានមន្រ្តីជាន់ខ្ពស់ និងមន្រ្តីជំនាញកម្ពុជា ចូលរួមប្រមាណ ៤០០នាក់។ ជាការឆ្លើយតបសម្តេចធិបតី បានស្វាគមន៍យ៉ាងកក់ក្តៅចំពោះលោកសាស្ត្រាចារ្យ Jeffrey Sachs និងភរិយា ដែលបានអញ្ជើញមកបំពេញទស្សនកិច្ចក្រៅផ្លូវការនៅប្រទេសកម្ពុជា និង បានថ្លែងអំណរគុណ ចំពោះការអញ្ជើញចូលរួមរបស់លោកសាស្រ្តាចារ្យ ជាវាគ្មិនកិត្តិយស ក្នុងសិក្ខាសាលាខាងលើ ។ ព្រមជាមួយគ្នានេះ សម្តេចធិបតី មានជំនឿយ៉ាងមុតមាំងថា មន្រ្តីជាន់ខ្ពស់ និង មន្រ្តីជំនាញកម្ពុជា នឹងមានឱកាសបានសិក្សារៀនសូត្របន្ថែម និង បានពិភាក្សាដោយផ្ទាល់ជាមួយលោកសាស្រ្តាចារ្យ។ ជាទីបញ្ចប់សម្តេចធិបតី បានជូនពរលោកសាស្ត្រាចារ្យ Jeffrey Sachs និងភរិយា បំពេញទស្សនកិច្ចនៅប្រទេសកម្ពុជា ប្រកបដោយជោគជ័យ និង ផ្លែផ្កា និង ធ្វើដំណើរមាតុភូមិនិវត្តន៍ដោយសុខសុវត្ថិភាព៕

សម្ដេចធិបតីអរគុណឯកអគ្គរាជទូតថៃ ចំពោះការបេ្តជ្ញាចិត្តជួយលើកកម្ពស់កិច្ចសហប្រតិបត្តិការរវាងប្រទេសទាំងពីរ

នាព្រឹកថ្ងៃទី១០ ខែមករា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្ដម ឆឺតកៀត អាត់ថាកន (Cherdkiat ATTHAKOR) ឯកអគ្គរាជទូតថៃ ប្រចាំព្រះរាជាណាចក្រកម្ពុជា ចូលជំនួបសម្តែងការគួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួបនេះឯកឧត្ដម ឆឺតកៀត អាត់ថាកន បានថ្លែងអំណរគុណចំពោះ សម្តេចធិបតី ដែលបានឆ្លៀតពេលដ៏មមាញឹកអនុញាតឱ្យរូបឯកឧត្តម និងសហការី ចូលជួបសម្តែងការគួរសម និងពិភាក្សាការងារ ។ ឯកឧត្តមឯកអគ្គរាជទូត បានលើកទ្បើងអំពីភាពរីកចម្រើននៃទំនាក់ទំនងមិត្តភាព និងកិច្ចសហប្រតិបត្តិការល្អកម្ពុជា-ថៃ នាពេលកន្លងមក និងបានបញ្ជាក់អំពីការបេ្តជ្ញាចិត្តក្នុងការជំរុញទំនាក់ទំនងនេះឱ្យកាន់តែរឹងមាំ និងជិតស្និទ្ធបន្ថែមទៀត។ ទនឹ្ទមនឹងនេះ ឯកឧត្តមឯកអគ្គរាជទូត បានថ្លែងអំណរគុណជូនចំពោះ សម្តេចធិបតី និងរាជរដ្ឋាភិបាលកម្ពុជា ដែលបានទទួលបដិសណ្ឋារកិច្ចស្វាគមន៍យ៉ាងកក់ក្តៅជូន ឯកឧត្តមនាយករដ្ឋមន្ត្រីថៃ ក្នុងដំណើរទស្សនកិច្ចផ្លូវការនៅកម្ពុជា កាលពីខែកញ្ញា ឆ្នាំ២០២៣ កន្លងទៅ និងបានបញ្ជាក់អំពីការទន្ទឹងរង់ចាំទទួលបដិសណ្ឋារកិច្ចដំណើរទស្សនកិច្ចផ្លូវការរបស់ សម្តេចធិបតី ទៅកាន់ព្រះរាជាណាចក្រថៃ នាពេលខាងមុខនេះ ។ ជាការឆ្លើយតប សម្តេចធិបតី បានស្វាគមន៍ចំពោះវត្តមានរបស់ ឯកឧត្ដម ឆឺតកៀត អាត់ថាកន និងសហការី និងបានអរគុណចំពោះការបេ្តជ្ញាចិត្តក្នុងការជួយលើកកម្ពស់កិច្ចសហប្រតិបត្តិការរវាងប្រទេសទាំងពីរកម្ពុជា-ថៃ ឱ្យកាន់តែល្អរឹងមាំ និងលូតលាស់បន្ថែមទៀត។ សម្តេចធិបតី ក៏បានលើកទ្បើងផងដែរ អំពីវឌ្ឍនភាពរីកចម្រើននៃកិច្ចសហប្រតិបត្តិការក្នុងវិស័យសក្តានុពលជាច្រើន រួមមានជាអាទិ៍ វិស័យពាណិជ្ជកម្ម, ទេសចរណ៍ និងទំនាក់ទំនងរវាងប្រជាជន និងប្រជាជនជាដើម ៕

លោកហ្សេឡិនស្គី ពិភាក្សាអំពីការបិទព្រំដែន និងការធានាសន្តិសុខជាមួយប្រធានាធិបតីប៉ូឡូញ

ប្រធានាធិបតីអ៊ុយក្រែន លោក វ៉ូឡូមៀ ហ្សេឡិនស្គី (Volodymyr Zelenskyy) បានសន្ទនាតាមទូរស័ព្ទជាមួយសមភាគីប៉ូឡូញ លោក Andrzej Duda កាលពីថ្ងៃអង្គារ ទី៩ ខែមករា។លោកហ្សេឡិនស្គី បានសម្តែងការដឹងគុណចំពោះប្រទេសប៉ូឡូញសម្រាប់ការគាំទ្ររបស់ខ្លួនក្នុងការបើកការចរចាស្តីពីសមាជិកភាពរបស់អ៊ុយក្រែន នៅក្នុងសហភាពអឺរ៉ុប។ លោកប្រធានាធិបតីទាំងពីរ ក៏បានពិភាក្សាអំពីការគាំទ្រផ្នែកហិរញ្ញវត្ថុ និងនយោបាយរបស់សហភាពអឺរ៉ុបសម្រាប់ទីក្រុងគីវ ផងដែរ។មេដឹកនាំទាំងពីរ ក៏បានពិភាក្សាលើបញ្ហាទ្វេភាគីផងដែរ។ ព្រំដែនរួមរបស់យើង គួរតែជាព្រំដែនអឺរ៉ុបពិតប្រាកដ គឺព្រំដែននៃឯកភាព។ លោកហ្សេឡិនស្គី ត្រូវបានដកស្រង់សម្តីដោយការិយាល័យប្រធានាធិបតីថា មិនគួរមានព្រំដែនរវាងប្រជាជនរបស់យើងទេ ទោះបីជាការិយាល័យនេះ មិនបានផ្តល់ព័ត៌មានលម្អិតក៏ដោយ។ប្រធានាធិបតីទាំងពីររូប ក៏បានពិភាក្សាអំពីកិច្ចប្រជុំកំពូលរបស់អង្គការណាតូ នាពេលខាងមុខ នៅទីក្រុងវ៉ាស៊ីនតោន និងកិច្ចសហប្រតិបត្តិការលើវិស័យការពារជាតិ រួមទាំងការចូលជាសមាជិករបស់ប៉ូឡូញចំពោះសេចក្តីប្រកាសរួមរបស់ក្រុមមេដឹកនាំG7ស្តីពីការប្តេជ្ញាចិត្តផ្នែកសន្តិសុខសម្រាប់អ៊ុយក្រែន។លោកហ្សេឡិនស្គី បានថ្លែងអំណរគុណយ៉ាងជ្រាលជ្រៅចំពោះលោកប្រធានាធិបតី Duda សម្រាប់ការគាំទ្ររូបមន្តសន្តិភាព និងការចូលរួមរបស់អ្នកតំណាងប៉ូឡូញ នៅក្នុងកិច្ចប្រជុំនា ពេលខាងមុខ នៅកម្រិតទីប្រឹក្សារបស់មេដឹកនាំរដ្ឋនៅទីក្រុងDavos ប្រទេសស្វ៊ីស។

មេដឹកនាំបក្សប្រឆាំងកូរ៉េខាងត្បូងសង្ឃឹមថា នឹងបញ្ចប់ «នយោបាយស្អប់ខ្ពើម» បន្ទាប់ពីការវាយប្រហារ

មេដឹកនាំគណបក្សប្រឆាំងដ៏សំខាន់របស់កូរ៉េខាងត្បូង លោក Lee Jae-myung បាននិយាយកាលពីថ្ងៃពុធ (ទី១០ មករា) នេះថា លោកសង្ឃឹមថា ការវាយប្រហារដោយចាក់ដែលលោកបានទទួលរង អាចបង្ហាញពីការបញ្ចប់នៃ «នយោបាយស្អប់ខ្ពើម» នៅក្នុងប្រទេសនេះ។លោកកំពុងនិយាយទៅកាន់អ្នកសារព័ត៌មាន និងអ្នកគាំទ្រ បន្ទាប់ពីត្រូវបានអនុញ្ញាតឲ្យចេញពីមន្ទីរពេទ្យក្នុងទីក្រុងសេអ៊ូល ជាកន្លែងដែលលោកបានជាសះស្បើយ តាំងពីការវាយប្រហារកាលពីសប្តាហ៍មុន នៅក្នុងទីក្រុងប៊ូសានភាគខាងត្បូង។លោក Lee ដែលបានថ្លែងអំណរគុណបុគ្គលិកពេទ្យនៅមន្ទីរពេទ្យ និងបានប្តេជ្ញាបម្រើប្រទេសរបស់ខ្លួន បាននិយាយថា៖«ខ្ញុំសង្ឃឹមថា ករណីនេះដែលធ្វើឲ្យមនុស្សគ្រប់គ្នាភ្ញាក់ផ្អើល អាចដើរតួជាព្រឹត្តិការណ៍ដ៏សំខាន់មួយ ដើម្បីបញ្ចប់នយោបាយនៃការស្អប់ និងការប្រឈមមុខដាក់គ្នា និងស្តារនយោបាយត្រឹមត្រូវឡើងវិញ»។ការវាយប្រហារនេះ ត្រូវបានថ្កោលទោសយ៉ាងទូលំទូលាយថា ជា «អំពើភេរវកម្ម» និងជាបញ្ហាប្រឈមចំពោះលទ្ធិប្រជាធិបតេយ្យដោយប្រធានាធិបតីលោក Yoon Suk Yeol និងអ្នកនយោបាយមកពីទាំងគណបក្សកាន់អំណាច និងគណបក្សប្រឆាំង។នគរបាល គ្រោងនឹងប្រកាសលទ្ធផលនៃការស៊ើបអង្កេតលើការវាយប្រហារនៅល្ងាចថ្ងៃពុធនេះ។ មុននេះ ជនជាប់ចោទបានប្រាប់អ្នកយកព័ត៌មានថា ខ្លួនមានការសោកស្តាយចំពោះការលទ្ធផលកើតចេញពីការវាយប្រហារនេះ ខណៈដែលខ្លួន កំពុងចាកចេញពីប៉ុស្តិ៍នគរបាល។សមាជិកបីនាក់នៃគណបក្សប្រជាធិបតេយ្យដែលជាបក្សប្រឆាំងដ៏ធំ បានប្រកាសថា ពួកគេនឹងចាកចេញពីគណបក្ស ដោយលើកឡើងពីការមិនចុះសម្រុងគ្នាលើការដឹកនាំរបស់លោក Lee ខណៈពេលដែលជូនពរគាត់ឲ្យឆាប់ជាសះស្បើយ៕

ម៉ាឡេស៊ីគ្រោងនឹងសម្រេចលើការស្នើសុំរបស់អតីតនាយករដ្ឋមន្ត្រី លោក Najib ដើម្បីឲ្យមានការលើកលែងទោសពីព្រះមហាក្សត្រ

ក្រុមប្រឹក្សាលើកលែងទោសរបស់ប្រទេសម៉ាឡេស៊ីដែលដឹកនាំដោយព្រះមហាក្សត្រ គ្រោងនឹងកំណត់ក្នុងពេលឆាប់ៗនេះថា តើត្រូវផ្តល់ព្រះរាជលើកលែងទោសដល់អតីតនាយករដ្ឋមន្ត្រី លោក Najib Razak ដែលត្រូវបានផ្ដន្ទាទោសឲ្យជាប់ពន្ធនាគាររយៈពេល ១២ឆ្នាំ សម្រាប់ការកាត់ទោសពាក់ព័ន្ធនឹងបញ្ហា 1Malaysia Development Bhd (1MDB) ជាការសម្រេច ដែលអាចមានផលប៉ះពាល់ផ្នែកនយោបាយសម្រាប់រដ្ឋាភិបាលរបស់នាយករដ្ឋមន្ត្រី លោក Anwar Ibrahim និងរបបរាជានិយមរបស់ប្រទេស។ការស្នើសុំការលើកលែងទោសពីព្រះមហាក្សត្រជាលើកដំបូងរបស់លោក Najib បានកើតឡើងនៅចំពោះមុខក្រុមប្រឹក្សាលើកលែងទោស ក្នុងកិច្ចប្រជុំមួយក្នុងខែធ្នូ ប៉ុន្តែបញ្ហានេះត្រូវបានពន្យារពេលទៅសម័យប្រជុំក្នុងខែនេះ ដែលឥឡូវនេះត្រូវបានកំណត់នៅសប្តាហ៍ទី៣ នៃខែមករា និងដែលទំនងជានឹងឃើញការសម្រេច ត្រូវបានធ្វើឡើង។នៅក្នុងកិច្ចប្រជុំ ដែលមានការយាងចូលរួមពីព្រះមហាក្សត្រ Al-Sultan Abdullah Ri'ayatuddin Al-Mustafa Billah និងពីលោក Anwar ផងដែរនោះ ស្ថាប័នដែលមានសមាជិក ៦រូប បានសម្រេចថា ត្រូវការពេលវេលាបន្ថែមទៀត ដើម្បីពិភាក្សាលើបញ្ហានេះ។ នេះបើយោងតាមមន្ត្រីរដ្ឋាភិបាលជាន់ខ្ពស់ដែលបាននិយាយទៅកាន់សារព័ត៌មាន CNA ក្នុងលក្ខខណ្ឌមិនបញ្ចេញឈ្មោះ។កិច្ចប្រជុំដ៏សំខាន់ ក្នុងខែនេះ នឹងក្លាយជាកិច្ចការផ្លូវការចុងក្រោយរបស់ព្រះមហាក្សត្រ Sultan Abdullah Ri’ayatuddin មុនពេលទ្រង់ចុះពីរាជបល្ល័ង្ក នៅថ្ងៃទី៣១ ខែមករា ហើយប្រគល់រាជ្យសម្បត្តិដល់ព្រះមហាក្សត្រ Sultan Ibrahim Sultan Iskandar ក្រោមប្រព័ន្ធបង្វិលគ្រងរាជ្យប្ដូរវេនរបស់ប្រទេស។នៅពេលទាក់ទងដោយសារព័ត៌មាន CNA មេធាវីលោក Shafee Abdullah ដែលដឹកនាំក្រុមមេធាវីការពារក្តីឲ្យលោក Najib បានបដិសេធការអត្ថាធិប្បាយដោយហេតុផលថា លោកមិនចង់ធ្វើឲ្យស្មុគស្មាញដល់ដំណើរការលើកលែងទោស៕

ឯកឧត្តមសន្តិបណ្ឌិត គៀត ច័ន្ទថារិទ្ធ ចុះត្រួតពិនិត្យកន្លែងប្រថាប់ត្រាថ្មីចេញ-ចូលប្រទេស នៅច្រកទ្វារអន្តរជាតិប៉ោយប៉ែត

បន្ទាយមានជ័យ៖ ឯកឧត្តមសន្តិបណ្ឌិត គៀត ច័ន្ទថារិទ្ធ រដ្ឋលេខាធិការក្រសួងមហាផ្ទៃ នៅថ្ងៃព្រឹកទី១០ ខែមករា ឆ្នាំ២០២៤ បានចុះត្រួតពិនិត្យកន្លែងប្រថាប់ត្រាថ្មី ទូរឡាន ម៉ូតូ និងរទេះ ចេញ-ចូល ដើម្បីកាត់បន្ថយការកក់ស្ទះអ្នកដំណើរចេញ-ចូលប្រទេស នៅច្រកទ្វារអន្តរជាតិប៉ោយប៉ែត ។ ក្នុងនោះ ប៉ុស្តិ៍បានធ្វើបញ្ជារប្រថាប់ត្រា៨បញ្ជារចេញ ៨បញ្ជារចូល។ក្នុងពិធីសំណេះសំណាលនោះឯកឧត្តមសន្តិបណ្ឌិត បានផ្តាំផ្ញើដល់មន្រ្តីអន្តោប្រវេសន៍ត្រូវយកចិត្តទុកដាក់ក្នុងការបំរើសេវាសាធារណៈជូនភ្ញៀវជាតិ អន្តរជាតិ ឲ្យបានល្អ និងគោរពវិន័យ០០៦ នគរបាលជាតិ និងអនុវត្តតាមជំនាញរបស់ខ្លួនឲ្យមានប្រសិទ្ធភាពដែលថ្នាក់ដឹកនាំប្រគល់ជូន។ ឯកឧត្តមសន្តិបណ្ឌិត គៀត ច័ន្ទថារិទ្ធ ក៏បានសួរសុខទុក្ខផ្តាំផ្ញើដល់កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត។សូមបញ្ជាក់ថា ក្នុងឱកាសចុះពិនិត្យនោះ ក៏មានមានវត្តមានអមដំណើរអគ្គនាយករងអន្តោប្រវេសន៍ ប្រធាននាយកដ្ឋានច្រកទ្វារទី១ អនុប្រធាននាយកដ្ឋាន និងលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតផងដែរ។

បារាំងរើសនាយករដ្ឋមន្រ្តីថ្មីមានវ័យក្មេងបំផុត ខណៈលោកម៉ាក្រុង ចាប់ផ្ដើមកំណត់នយោបាយឡើងវិញ

ប្រព័ន្ធផ្សព្វផ្សាយបារាំងបាននិយាយថា លោកប្រធានាធិបតី អេម៉ានុយអ៊ែល ម៉ាក្រុង (Emmanuel Macron) បានតែងតាំងរដ្ឋមន្ត្រីក្រសួងអប់រំវ័យ ៣៤ឆ្នាំ លោក ហ្កាប្រ៊ីអ៊ែល អាតតាល់ (Gabriel Attal) ជានាយករដ្ឋមន្ត្រីថ្មីរបស់ខ្លួនកាលពីថ្ងៃអង្គារ (៩ មករា) ខណៈដែលប្រធានាធិបតីបារាំងរូបនេះព្យាយាមដកដង្ហើមជីវិតថ្មីនៅក្នុងអាណត្តិទីពីររបស់លោកមុនពេលការបោះឆ្នោតសភាអឺរ៉ុប។ការផ្លាស់ប្តូរនេះនឹងមិនចាំបាច់នាំទៅរកការផ្លាស់ប្តូរនយោបាយធំណាមួយនោះទេ ប៉ុន្តែជាសញ្ញានៃបំណងប្រាថ្នាមួយសម្រាប់លោក ម៉ាក្រុង ដើម្បីព្យាយាមផ្លាស់ប្តូរលើសពីកំណែទម្រង់សោធននិវត្តន៍ និងអន្តោប្រវេសន៍ដែលមិនពេញនិយមកាលពីឆ្នាំមុន និងធ្វើអោយប្រសើរឡើងនូវឱកាសរបស់គណបក្សកណ្តាលនិយមរបស់ខ្លួននៅក្នុងការបោះឆ្នោតសហភាពអឺរ៉ុបនៅខែមិថុនា ខាងមុខនេះ។វិទ្យុ RTL និងទូរទស្សន៍ BFM បាននិយាយ លោក អាតតាល់ ដែលជាសម្ព័ន្ធមិត្តជិតស្និទ្ធរបស់លោក ម៉ាក្រុង និងបានក្លាយជាអ្នកនាំពាក្យរបស់រដ្ឋាភិបាលក្នុងអំឡុងពេលជំងឺរាតត្បាតកូវីដ១៩ នឹងជំនួសតំណែងអតីតនាយករដ្ឋមន្រ្តី លោកស្រី អេលីហ៊្សាបេត បន (Elisabeth Borne) ដែលត្រូវចាកចេញពីតំណែង។ដោយជាអ្នកនយោបាយដ៏មានប្រជាប្រិយបំផុតមួយរូបរបស់ប្រទេសក្នុងការស្ទង់មតិនាពេលថ្មីៗនេះ លោក អាតតាល់ ទទួលបានកេរ្ដិ៍ឈ្មោះថាជារដ្ឋមន្ត្រីដែលចេះដឹង និងងាយស្រួលចេញតាមកម្មវិធីវិទ្យុ និងក្នុងសភា។ លោកអាតតាល់ នឹងក្លាយជានាយករដ្ឋមន្ត្រីក្មេងបំផុតរបស់បារាំង និងជានាយករដ្ឋមន្ត្រីស្រលាញ់ភេទដូចគ្នាដោយបើកចំហដំបូងគេ៕

ប្រធានាធិបតីអ៊ុយក្រែន មើលឃើញសញ្ញាច្បាស់លាស់នៃការធ្លាក់ចុះនៅក្នុងឧស្សាហកម្មការពារជាតិរុស្ស៊ី

ប្រធានាធិបតីអ៊ុយក្រែនលោក វ្ល៉ូឌីមី ហ្ស៊េលិនស្គី (Volodymyr Zelenskiy) បាននិយាយកាលពីថ្ងៃអង្គារ (០៩ មករា) ថាមាន «"សញ្ញាច្បាស់លាស់នៃការធ្លាក់ចុះ» នៅក្នុងឧស្សាហកម្មការពារជាតិរបស់រុស្ស៊ី ហើយបានអំពាវនាវឱ្យមានសកម្មភាពបន្ថែមទៀតដើម្បីលុបបំបាត់ចន្លោះប្រហោងនៅក្នុងទណ្ឌកម្មដែលដាក់លើទីក្រុងមូស្គូ។លោក ហ្ស៊េលិនស្គី ដែលបាននិយាយនៅក្នុងវីដេអូនៅពេលយប់របស់ខ្លួន មិនបានផ្តល់ភស្តុតាងសម្រាប់ការអះអាងរបស់លោកលើស្ថានភាពនៃឧស្សាហកម្មការពារជាតិរុស្ស៊ីនោះទេ ខណៈក្រុមមន្ត្រីរុស្ស៊ីបាននិយាយថា ការផលិតឧបករណ៍យោធាត្រូវបានបង្កើនឡើង។លោក ហ្ស៊េលិនស្គី បាននិយាយថា «មានសញ្ញាច្បាស់លាស់នៃការធ្លាក់ចុះនៅក្នុងឧស្សាហកម្មការពារជាតិរបស់រុស្ស៊ី។ ប៉ុន្តែដើម្បីឱ្យលទ្ធផលនៃទណ្ឌកម្មឈានដល់ ១០០% នោះចន្លោះប្រហោងនៃទណ្ឌកម្មក៏ត្រូវតែត្រូវបានបិទឲ្យជិត ១០០% ដែរ»។នៅក្នុងសុន្ទរកថារបស់ខ្លួន ប្រធានាធិបតីអ៊ុយក្រែនរូបនេះ បាននិយាយថា កិច្ចប្រជុំនៃមេបញ្ជាការ និងមន្ត្រីក្រសួងបានពិចារណាលើការផ្គត់ផ្គង់អាវុធ និងការជំរុញផលិតកម្មក្នុងស្រុក ហើយភស្តុភារត្រូវតែពន្លឿនបន្ថែមទៀត។ ក្រុមអាជ្ញាធរបានសន្មតថាចំនួនដ៏ច្រើននៃមីស៊ីលផ្លោងដែលបាញ់ដោយរុស្ស៊ី មានការពិបាកក្នុងការស្ទាក់ចាប់កាន់តែខ្លាំង៕

វិមានក្រឹមឡាំង នឹងធ្វើអ្វីគ្រប់យ៉ាង ដើម្បីបញ្ឈប់ការវាយប្រហារលើទីក្រុងបែលហ្គោរូដ

វិមានក្រឹមឡាំង បានប្តេជ្ញាថា នឹងធ្វើ «អ្វីគ្រប់យ៉ាង» ដែលវាអាចធ្វើទៅបាន ដើម្បីបញ្ឈប់ការវាយប្រហារញឹកញាប់កាន់តែខ្លាំងឡើងរបស់អ៊ុយក្រែន ទៅលើទីក្រុងព្រំដែនបែលហ្គោរូដ(Belgorod)។កងកម្លាំងប្រដាប់អាវុធរបស់អ៊ុយក្រែន បានសម្លាប់ និងធ្វើឲ្យអ្នកស្រុករាប់សិបនាក់ រងរបួស នៅក្នុងការវាយប្រហារដោយមីស៊ីល និងយានដ្រូនម្តងហើយម្តងទៀតលើទីក្រុងនេះ ក្នុងប៉ុន្មានសប្តាហ៍ថ្មីៗនេះ។លោក Dmitry Peskov អ្នកនាំពាក្យវិមានក្រឹមឡាំង បាននិយាយថា៖«ជាការពិតណាស់ យោធារបស់យើងនឹងបន្តធ្វើអ្វីគ្រប់យ៉ាង ដើម្បីកាត់បន្ថយគ្រោះថ្នាក់ជាមុន ហើយបន្ទាប់មកលុបបំបាត់វាទាំងស្រុង។លោក Vyacheslav Gladkov អភិបាលតំបន់ បាននិយាយថា មីស៊ីល១០គ្រាប់ត្រូវបានបាញ់ទៅលើទីក្រុងបែលហ្គោរូដ ដែលមានចម្ងាយតែ២០ម៉ាយ ក្នុងប្រទេសរុស្ស៊ី កាលពីយប់ថ្ងៃចន្ទ បានបណ្តាលឲ្យជនស៊ីវិលបីនាក់ រងរបួសធ្ងន់ធ្ងរ។ការវាយប្រហាររបស់អ៊ុយក្រែនដែលសម្លាប់មនុស្សច្រើនបំផុតមកលើទីក្រុងនេះ បានកើតឡើង នៅថ្ងៃទី ៣០ ខែធ្នូ ដែលមនុស្ស ២៥នាក់ បានស្លាប់ និងជាង ១០០នាក់ បានរងរបួស។លោក Peskov បានចោទប្រកាន់អ៊ុយក្រែនថា មានចេតនាកំណត់គោលដៅលើជនស៊ីវិល នៅកណ្តាលទីក្រុងដោយប្រើអាវុធដែលផ្គត់ផ្គង់ដោយសម្ព័ន្ធមិត្តលោកខាងលិច។

បណ្ដាញសង្គម

ព័ត៌មានថ្មីៗ

សម្ដេចតេជោ អបអរសាទរ និងកោតសរសើរចំពោះ ចៅស្រី ល្អហួស ដែលបានខិតខំព្យាហាម រហូតសម្រេចក្តីស្រមៃ និងក្លាយជាម្ចាស់មកុដ Miss Teen Icon International 2026

ការវិនិយោគផ្លូវនៅជនបទ ជាការឆ្លើយតបទៅនិងការស់នៅដ៏ចាំបាច់របស់ប្រជាជន

រាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន

ទីក្រុងឌែលី វ៉ាដាច់ទីក្រុងឡាហ័រ ក្លាយជាទីក្រុងមានការបំពុលខ្យល់ខ្លាំងបំផុតក្នុងពិភពលោក

របាយការណ៍៖ ក្រុងវ៉ាស៊ីនតោនទាមទារឱ្យជប៉ុនបង្កើនការចំណាយ ៣ដង ដល់ ១៩ពាន់លានដុល្លារ លើកងទ័ពអាមេរិក

ការកាត់មូលនិធិទីភ្នាក់ងារ UNRWA ធ្វើឱ្យជនភៀសខ្លួនប៉ាឡេស្ទីននៅលីបង់កាន់តែលំបាកខ្លាំង

របាយការណ៍៖ រុស្ស៊ីទាមទារឱ្យហ្វាំងឡង់ចាកចេញពីអង្គការណាតូ អំឡុងកិច្ចចរចា នៅអារ៉ាប់រួម

សម្តេចប្រធានរដ្ឋសភា ស្នើប្រធានាធិបតី រវ៉ាន់ដា លើកកម្ពស់ផលប្រយោជន៍ប្រជាពលរដ្ឋប្រទេសទាំងពីរ តាមរយៈការបង្កើនកិច្ចសហប្រតិបត្តិការរដ្ឋសភា ពាណិជ្ជកម្ម និងទេសចរណ៍

ប្រទេសអ៊ីរ៉ង់ បង្ហាញមីស៊ីលនិងយានដ្រូនផលិតក្នុងស្រុក នៅទីក្រុងតេអេរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោកហ្សេឡិនស្គី ពិភាក្សាអំពីការបិទព្រំដែន និងការធានាសន្តិសុខជាមួយប្រធានាធិបតីប៉ូឡូញ

មេដឹកនាំបក្សប្រឆាំងកូរ៉េខាងត្បូងសង្ឃឹមថា នឹងបញ្ចប់ «នយោបាយស្អប់ខ្ពើម» បន្ទាប់ពីការវាយប្រហារ

បារាំងរើសនាយករដ្ឋមន្រ្តីថ្មីមានវ័យក្មេងបំផុត ខណៈលោកម៉ាក្រុង ចាប់ផ្ដើមកំណត់នយោបាយឡើងវិញ

ប្រធានាធិបតីអ៊ុយក្រែន មើលឃើញសញ្ញាច្បាស់លាស់នៃការធ្លាក់ចុះនៅក្នុងឧស្សាហកម្មការពារជាតិរុស្ស៊ី

វិមានក្រឹមឡាំង នឹងធ្វើអ្វីគ្រប់យ៉ាង ដើម្បីបញ្ឈប់ការវាយប្រហារលើទីក្រុងបែលហ្គោរូដ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោកហ្សេឡិនស្គី ពិភាក្សាអំពីការបិទព្រំដែន និងការធានាសន្តិសុខជាមួយប្រធានាធិបតីប៉ូឡូញ

មេដឹកនាំបក្សប្រឆាំងកូរ៉េខាងត្បូងសង្ឃឹមថា នឹងបញ្ចប់ «នយោបាយស្អប់ខ្ពើម» បន្ទាប់ពីការវាយប្រហារ

បារាំងរើសនាយករដ្ឋមន្រ្តីថ្មីមានវ័យក្មេងបំផុត ខណៈលោកម៉ាក្រុង ចាប់ផ្ដើមកំណត់នយោបាយឡើងវិញ

ប្រធានាធិបតីអ៊ុយក្រែន មើលឃើញសញ្ញាច្បាស់លាស់នៃការធ្លាក់ចុះនៅក្នុងឧស្សាហកម្មការពារជាតិរុស្ស៊ី

វិមានក្រឹមឡាំង នឹងធ្វើអ្វីគ្រប់យ៉ាង ដើម្បីបញ្ឈប់ការវាយប្រហារលើទីក្រុងបែលហ្គោរូដ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍