នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈប្រតិភូសភាពាណិជ្ជកម្មអាមេរិក-កម្ពុជា បង្ហាញចំណាប់អារម្មណ៍បណ្ដាក់ទុនវិនិយោគលើវិស័យសំខាន់ៗ នៅកម្ពុជា
សមាគម JCA ពង្រឹងកិច្ចសហប្រតិបត្តិការជាមួយកម្ពុជាលើវិស័យបណ្តុះបណ្តាល, កសិកម្ម និងឧស្សាហកមុ្មឌីជីថល
ឯកអគ្គរដ្ឋទូតអ៊ីរ៉ង់ ប្ដេជ្ញាជំរុញកិច្ចសហប្រតិបត្តិការជាមួយកម្ពុជា
សម្ដេចតេជោ សង្ឃឹមថា ឯកអគ្គរដ្ឋទូតថ្មីអ៊ីរ៉ង់នឹងញ៉ាំងទំនាក់ទំនងកម្ពុជា និងអ៊ីរ៉ង់ឱ្យកាន់តែរឹងមាំបន្ថែមទៀត

នយោបាយ​ និង ការអភិវឌ្ឍន៍

ការរុះរើគណៈរដ្ឋមន្ត្រីដំបូងរបស់នាយករដ្ឋមន្ត្រីម៉ាឡេស៊ី អ្នកថ្មីត្រូវបានតែងតាំងជាអនុរដ្ឋមន្ត្រីក្រសួងហិរញ្ញវត្ថុ

2023/12/12 07:10:56 pm        133
Facebook Telegram Linkin
ការរុះរើគណៈរដ្ឋមន្ត្រីរបស់នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម(Anwar Ibrahim) នៅថ្ងៃអង្គារទី១២ ខែធ្នូនេះ បានឃើញការណែនាំមុខមាត់ថ្មី ដើម្បីជួយដឹកនាំក្រសួងហិរញ្ញវត្ថុ ទោះបីជាអ្នកស្និតស្នាលមួយចំនួនផ្សេងទៀត បានវិលត្រឡប់មកក្នុងក្រុមវិញ ហើយអ្នកផ្សេងទៀត ត្រូវបានទម្លាក់តំណែង ឬតំណែងរបស់ពួកគេត្រូវបានផ្លាស់ប្តូរក៏ដោយ។ក្នុងចំណោមការផ្លាស់ប្តូរគួរឱ្យកត់សម្គាល់ នាយកប្រតិបត្តិនៃមូលនិធីបម្រុងបុគ្គលិក (EPF) លោក Amir Hamzah Azizan ត្រូវបានតែងតាំងជាអនុរដ្ឋមន្ត្រីក្រសួងហិរញ្ញវត្ថុ ដោយបានបញ្ចេញឈ្មោះអ្នកផ្សេងទៀតដូចជាអ្នកជើងចាស់លោក Johari Abdul Ghani នៅអង្គការជាតិម៉ាឡេស៊ីរួបរួម (UMNO) ដែលត្រូវបានគេសរសើរសម្រាប់តួនាទីនេះ ហើយ លោក Anwar បច្ចុប្បន្នកាន់តំណែងជារដ្ឋមន្ត្រីក្រសួងហិរញ្ញវត្ថុ។លោក Amir ដែលជាកូនប្រុសច្បងរបស់អតីតប្រធានក្រុមហ៊ុន Petronas និង ប្រធានក្រុមហ៊ុនលោក Azizan Zainul Abidin គឺជាអ្នកចំណូលថ្មីខាងនយោបាយ។ លោក Amir បានស្បថចូលកាន់តំណែងជាសមាជិកព្រឹទ្ធសភា នៅព្រឹកថ្ងៃអង្គារនេះ ដូច្នេះលោកអាចចូលកាន់តំណែងនៅក្រសួងហិរញ្ញវត្ថុ។ការផ្លាស់ប្តូរ ដែលជាការរុះរើថ្នាក់ដឹកនាំលើកដំបូងរបស់លោក Anwar ចាប់តាំងពីឡើងកាន់តំណែង រយៈពេល១ឆ្នាំមកនេះ ត្រូវបានប្រកាសដោយនាយករដ្ឋមន្ត្រី នៅថ្ងៃអង្គារនេះ។

មូលនិធិរូបិយវត្ថុអន្តរជាតិ (IMF) ផ្តល់ថវិកាបន្ថែមចំនួន ៩០០លានដុល្លារ ដល់អ៊ុយក្រែន

2023/12/12 07:07:57 pm        187
Facebook Telegram Linkin
ប្រធានមូលនិធិរូបិយវត្ថុអន្តរជាតិ (IMF) លោកស្រី គ្រីស្តាលីណា ចជៀវ៉ា(Kristalina Georgieva) បានជួបជាមួយប្រធានាធិបតីអ៊ុយក្រែន លោក Volodymyr Zelenskiy នៅទីក្រុងវ៉ាស៊ីនតោន កាលពីថ្ងៃចន្ទ ខណៈគណៈកម្មការប្រតិបត្តិរបស់មូលនិធិ បានអនុម័តលើការផ្តល់ថវិកាចំនួន ៩០០ លានដុល្លារ ពីកម្មវិធីប្រាក់កម្ចីចំនួន ១៥,៦ ពាន់លានដុល្លាររបស់ប្រទេស។លោកស្រី ចជៀវ៉ា បានសាទរ លោក Zelenskiy ចំពោះកំណើនសេដ្ឋកិច្ចវិជ្ជមានក្នុងពេលមានសង្រ្គាម និងបានសន្យាបន្តគាំទ្រដល់អ៊ុយក្រែន។ លោក Zelenskiy បានថ្លែងអំណរគុណដល់មូលនិធិរូបិយវត្ថុអន្តរជាតិ (IMF) និងសម្ព័ន្ធមិត្តអន្តរជាតិ សម្រាប់ការគាំទ្រជាបន្តបន្ទាប់របស់ពួកគេ និងបានកោតសរសើរចំពោះភាពធន់របស់ប្រជាជនក្នុងអំឡុងពេលសង្រ្គាមដែលនៅបន្ត។ មូលនិធិរូបិយវត្ថុអន្តរជាតិ (IMF) បាននិយាយថា សេដ្ឋកិច្ចរបស់អ៊ុយក្រែន បានបន្តបង្ហាញ «ភាពធន់គួរឱ្យកត់សម្គាល់» ទោះបីជាមានការវាយលុករបស់រុស្ស៊ីនៅក្នុងខែកុម្ភៈឆ្នាំ ២០២២ ដោយមានការវិវឌ្ឍន៍ថ្មីៗ ចង្អុលបង្ហាញពីការស្ទុះងើបសេដ្ឋកិច្ចឡើងវិញ ខ្លាំងជាងការរំពឹងទុកនៅឆ្នាំ ២០២៣ និងបន្តកំណើននៅឆ្នាំ ២០២៤ ។លោក Zelenskiy នឹងជួបជាមួយប្រធានាធិបតីអាមេរិក លោក Joe Biden និងមន្ត្រីសភាជាន់ខ្ពស់ក្នុងទីក្រុងវ៉ាស៊ីនតោន ខណៈលោកស្វែងរកគៀងគរការគាំទ្រសម្រាប់ការបន្តជំនួយផ្នែកសន្តិសុខរបស់សហរដ្ឋអាមេរិក ដើម្បីជួយទីក្រុងគីវ បន្តការប្រយុទ្ធប្រឆាំងការឈ្លានពានរបស់រុស្ស៊ី។ទិន្នន័យរបស់ក្រសួងហិរញ្ញវត្ថុបានបង្ហាញថា ប្រទេសអ៊ុយក្រែន បានទទួលជំនួយជាង ៦៨,៥ ពាន់លានដុល្លារចាប់តាំងពីសង្គ្រាមផ្ទុះឡើង។ រដ្ឋាភិបាលរបស់ប្រទេសនេះ រំពឹងថានឹងមានឱនភាពជំនួយប្រហែល ៤៣ពាន់លានដុល្លារក្នុងឆ្នាំ២០២៤ ហើយមានផែនការគ្រប់គ្រងដោយការខ្ចីក្នុងស្រុក និងជំនួយហិរញ្ញវត្ថុ ពីដៃគូប្រទេសលោកខាងលិចរបស់ខ្លួន។ ប៉ុន្តែមន្ត្រីអ៊ុយក្រែន មានការព្រួយបារម្ភកាន់តែខ្លាំងឡើង អំពីភាពជាក់លាក់នៃការផ្តល់ហិរញ្ញប្បទាន ហើយអ្នកវិភាគមួយចំនួនបានព្យាករណ៍ថា ជំនួយរបស់ប្រទេសលោកខាងលិច អាចចាប់ផ្តើមធ្លាក់ចុះនៅឆ្នាំក្រោយ។

អាមេរិកស្វែងរកការពិនិត្យឡើងវិញឲ្យបានលឿនរបស់តុលាការកំពូល លើការអះអាងរបស់លោក Trump ថាលោកមានការលើកលែងពីការកាត់ទោស

2023/12/12 07:01:39 pm        139
Facebook Telegram Linkin
ទីប្រឹក្សាពិសេសរបស់សហរដ្ឋអាមេរិក ដែលកំពុងកាត់ទោសលោក Donald Trump លើបទចោទប្រកាន់សហព័ន្ធពីបទព្យាយាមផ្តួលរំលំការបរាជ័យក្នុងការបោះឆ្នោតឆ្នាំ ២០២០របស់លោក បានស្នើឱ្យតុលាការកំពូល បើកការពិនិត្យឡើងវិញឲ្យបានឆាប់រហ័សចំពោះការអះអាងរបស់អតីតប្រធានាធិបតីដែលថាលោកមិនអាចត្រូវបានគេកាត់ទោសលើបទចោទប្រកាន់ទាំងនោះ។ តុលាការកំពូល បាននិយាយថា តុលាការនឹងពិនិត្យមើលឲ្យបានឆាប់រហ័សនូវសំណើរបស់ទីប្រឹក្សាពិសេស លោក Jack Smith ដោយបង្គាប់ឱ្យមេធាវីរបស់លោក Trump ឆ្លើយតបនឹងសំណើនេះនៅត្រឹមថ្ងៃទី ២០ ខែធ្នូ។ លោក Trump បានប្តឹងឧទ្ធរណ៍លើសេចក្តីសម្រេចរបស់ចៅក្រមតំបន់របស់អាមេរិក លោកស្រី Tanya Chutkan កាលពីថ្ងៃទី ១ ខែធ្នូ ដោយច្រានចោលបំណងរបស់លោកក្នុងការបដិសេធករណីនេះ។ ចៅក្រម បានរកឃើញថាពុំមានការគាំទ្រខាងផ្លូវច្បាប់សម្រាប់ជំហរដែលបានអះអាងដោយមេធាវីរបស់លោក Trump ថា អតីតប្រធានាធិបតីរូបនេះ មិនអាចប្រឈមមុខបទចោទប្រកាន់ព្រហ្មទណ្ឌសម្រាប់ការប្រព្រឹត្តទាក់ទងទៅនឹងការទទួលខុសត្រូវជាផ្លូវការរបស់ពួកគេ។ វាកម្រកើតមានណាស់ ដែលរដ្ឋអាជ្ញាស្នើសុំឱ្យតុលាការកំពូលធ្វើអន្តរាគមន៍ក្នុងសំណុំរឿងមួយ មុនពេលដែលតុលាការឧទ្ធរណ៍ថ្នាក់ក្រោម បានចេញសេចក្តីសម្រេចរួចហើយ។ ប្រសិនបើជាប់ឆ្នោតជាថ្មី លោក Trump អាចស្វែងរកការលើកលែងទោសខ្លួនឯង ពីបទព្រហ្មទណ្ឌសហព័ន្ធណាមួយ។ លោក Trump ដែលជាអ្នកនាំមុខគេសម្រាប់ការតែងតាំងរបស់គណបក្សសាធារណរដ្ឋឆ្នាំ២០២៤ ដើម្បីប្រកួតប្រជែងជាមួយប្រធានាធិបតីគណបក្សប្រជាធិបតេយ្យ លោក Joe Biden បានអះអាងថា សំណុំរឿងនេះ និងការកាត់ទោសបទព្រហ្មទណ្ឌចំនួនបីផ្សេងទៀត ដែលលោកប្រឈមមុខ គឺជាហេតុផលនយោបាយ។ អ្នកជំនាញច្បាប់ បាននិយាយថា មេធាវីរបស់លោក Trump អាចប្រើបណ្តឹងឧទ្ធរណ៍អភ័យឯកសិទ្ធិរបស់លោក ដើម្បីពន្យារពេលសវនាការ ដោយឲ្យលោកមានសេរីភាពក្នុងការធ្វើយុទ្ធនាការ។

COP28៖ ការពិភាក្សាអំពីអាកាសធាតុរបស់UN កំពុងស្ថិតក្នុងគ្រោះថ្នាក់ជុំវិញការរិះគន់ចំពោះប្រេង ឥន្ធនៈហ្វូស៊ីល

2023/12/12 06:57:34 pm        101
Facebook Telegram Linkin
កិច្ចពិភាក្សាស្តីពីអាកាសធាតុរបស់អង្គការសហប្រជាជាតិនៅទីក្រុងឌូបៃ អាចស្ថិតក្នុងគ្រោះថ្នាក់ បន្ទាប់ពីប្រទេសមួយចំនួន បានប្រតិកម្មដោយកំហឹងចំពោះសេចក្តីព្រាងកិច្ចព្រមព្រៀងស្តីពីប្រេងឥន្ធនៈហ្វូស៊ីលដែលពួកគេហៅថា «ខ្សោយ»។សេចក្តីព្រាងដែលបានលុបចោលពាក្យពេចន៍ដែលបានបញ្ចូលនៅក្នុងអត្ថបទមុន ដែលបង្ហាញថា ប្រេងឥន្ធនៈហ្វូស៊ីល អាចត្រូវបាន «ឈប់ប្រើប្រាស់»។ប្រទេសទាំង១៩៨ នៅក្នុងកិច្ចប្រជុំកំពូលនេះ ត្រូវតែយល់ព្រម ឬ ពុំមានកិច្ចព្រមព្រៀង។មនុស្សដែលដុតប្រេងឥន្ធនៈហ្វូស៊ីល កំពុងជំរុញឲ្យមានការឡើងកម្តៅនៃភពផែនដី ដោយជីវិតមនុស្សរាប់លាននាក់ ប្រឈមនឹងគ្រោះថ្នាក់ ប៉ុន្តែរដ្ឋាភិបាល មិនដែលយល់ព្រមពីរបៀប ឬពេលណាដែលត្រូវបញ្ឈប់ការប្រើប្រាស់ប្រេងឥន្ធនៈហ្វូស៊ីលឡើយ។អ្នកតំណាងរបស់សហភាពអឺរ៉ុប បានហៅសេចក្តីព្រាងច្បាប់នេះថា «មិនអាចទទួលយកបាន» ហើយបាននិយាយថា ប្លុកនេះ អាចដកខ្លួនចេញ។លោក Eamon Ryan អ្នកចរចាសម្រាប់សហភាពអឺរ៉ុប និងជារដ្ឋមន្ត្រីបរិស្ថានរបស់ប្រទេសអៀរឡង់ បាននិយាយថា៖«យើងមិនអាចទទួលយកអត្ថបទនេះបានទេ។ ប៉ុន្តែលោកបានបន្ថែមថា ការដួលរលំនៃការចរចានេះ គឺមិនមែនជាលទ្ធផលដែលពិភពលោក ត្រូវការឡើយ។ក្រុមអ្នកនយោបាយ រួមទាំងមកពីបណ្តាប្រទេសនៅជួរមុខនៃការប្រែប្រួលអាកាសធាតុ បានទៅទីក្រុងឌូបៃ ប្រទេសអារ៉ាប់រួម ដើម្បីពិភាក្សាអំពីបញ្ហា ដែលកំពុងកើនឡើងក្នុងឆ្នាំមួយ ដែលត្រូវបានកំណត់ថា នឹងមានភាពកក់ក្តៅបំផុត ក្នុងកំណត់ត្រា។

អគ្គនាយកដ្ឋានរដ្ឋបាល និងហិរញ្ញវត្ថុនៃក្រសួងបរិស្ថានបូកសរុបលទ្ធផលការងារឆ្នាំ២០២៣

2023/12/12 06:54:20 pm        84
Facebook Telegram Linkin
ភ្នំពេញ៖ ឯកឧត្តម ទូច ភាព អនុរដ្ឋលេខាធិការក្រសួងបរិស្ថាន នៅព្រឹកថ្ងៃទី១២ខែធ្នូនេះ បានអញ្ជើញបើកសិក្ខាសាលាបូកសរុបលទ្ធផលការងាររបស់អគ្គនាយកដ្ឋានរដ្ឋបាល និងហិរញ្ញវត្ថុ ប្រចាំឆ្នាំ២០២៣ និងលើកទិសដៅការងារឆ្នាំ២០២៤ ដោយមានការអញ្ជើញចូលរួមពីឯកឧត្តម ជ្រិន សុខា អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ និងមន្រ្តីបរិស្ថានជាច្រើនរូបទៀតផងដែរ។នៅក្នុងឱកាសនោះ ឯកឧត្តម ទូច ភាព អនុរដ្ឋលេខាធិការ បានលើកឡើងថា នៅក្នុងអាណត្តិទី៧ នៃរដ្ឋសភា រាជរដ្ឋាភិបាលបានដាក់ចេញនូវយុទ្ធសាស្ត្រ បញ្ចកោណ ដំណាក់កាលទី១ (២០២៣-២០២៨) ដែលមានបាវចនាទាំង៥គឺ «កំណើន ការងារ សមធម៌ ប្រសិទ្ធភាព និងចីរភាព» ដើម្បីកសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជាឆ្នាំ២០៥០។ ឯកឧត្តមអនុរដ្ឋលេខាធិការ បន្តទៀតថា ការគ្រប់គ្រងកិច្ចគាំពារបរិស្ថាន ​ការអភិរក្សជីវៈចម្រុះ ការប្រើប្រាស់​ធនធានធម្មជាតិឱ្យបានសមស្រប និងមាននិរន្តរភាព និងការរស់នៅប្រកបដោយ​ចីរភាពសម្រាប់ឧត្តមប្រយោជន៍យូរអង្វែងរបស់ប្រជាជនគ្រប់រូប ​និងគ្រប់ជំនាន់ ដើម្បី​ចូលរួមអនុវត្តយុទ្ធសាស្ត្របញ្ចកោណដំណាក់កាលទី១ ​ឱ្យទទួលជោគជ័យ ក្រសួងបរិស្ថាន ក្រោមការដឹកនាំដ៏ឈ្លាសវ៉ៃ និងប៉ិនប្រសប់របស់ ឯកឧត្ដមបណ្ឌិត អ៊ាង សុផល្លែត រដ្ឋមន្ត្រី​ក្រសួងបរិស្ថាន បានរៀបចំយុទ្ធសាស្ត្រចក្រាវិស័យបរិស្ថាន ២០២៣-២០២៨ ដែលទើបតែប្រកាស​ដាក់ឱ្យប្រើក្នុងពេល ថ្មីៗ ដែលមានគោលបំណងតម្រង់ទិស និងចង្អុល បង្ហាញ ការងារអាទិភាព ដែលបានកំណត់ក្នុងមុំចំនួន៣ ដោយ មានជាអាទិ៍៖ មុំទី១: ការពង្រឹង គោលនយោបាយ, មុំទី២: ការកសាងរដ្ឋបាលឌីជីថល, និងមុំទី៣: ពង្រីក ការផ្សព្វផ្សាយ។កន្លងមកក្រសួងបរិស្ថានបានធ្វើកំណែទម្រង់ដោយផ្ដោតលើការធ្វើទំនើបកម្មស្ថាប័ន កិច្ចគាំពារ បរិស្ថាន ការអភិរក្សជីវចម្រុះ ការរស់នៅដោយចីរភាព និងរដ្ឋបាលទំនើប។ ដោយឡែក នៅនីតិកាលទី៧នេះ ដើម្បីបំពេញបេសកកម្មរបស់ក្រសួងបរិស្ថានបន្តទៀត ក្រសួងបរិស្ថានបាន​ដាក់ចេញ​នូវកំណែទម្រង់ ដោយ ផ្ដោតលើ « សុក្រឹតកម្មបរិស្ថានកិច្ច» និង «អព្យាក្រឹតកាបោន»។គួរបញ្ជាក់ថា​ សិក្ខាសាលានេះ ក្នុងគោលបំណងដើម្បីត្រួតពិនិត្យសមិទ្ធផល ការងារ ដែលបាន​អនុវត្តរយៈពេល១ឆ្នាំ(២០២៣) និងពិភាក្សាកែលម្អ ដើម្បីកំណត់ឱ្យបាននូវដំណោះស្រាយ ពាក់ព័ន្ធ​បញ្ហាប្រឈម ចំណុចខ្វះខាត ក្នុងការអនុវត្តកិច្ចការស្នូលរបស់អង្គភាព ​និងការងារកំណែ ទម្រង់ ការគ្រប់គ្រងហិរញ្ញវត្ថុសាធារណៈ ​ដែលបានជួបប្រទះកន្លងមក៕ 

លោកនាយករដ្ឋមន្ត្រីអង់គ្លេស Rishi Sunak ប្រឈមភាពតានតឹងនៅសភាជុំវិញផែនការផ្ដល់ការជ្រកកោនទៅកាន់ប្រទេសរ៉្វាន់ដា

2023/12/12 06:47:55 pm        104
Facebook Telegram Linkin
លោកនាយករដ្ឋមន្ត្រីអង់គ្លេស រីស៊ី ស៊ូណាក់ (Rishi Sunak)ប្រឈមនឹងការសាកល្បងដ៏ធំបំផុតនៅសភានៃភាពជាមេដឹកនាំរបស់លោកនៅថ្ងៃអង្គារនេះ នៅពេលក្រុមតំណាងរាស្ត្របោះឆ្នោតលើផែនការដែលមានការខ្វែងគំនិតគ្នារបស់លោកក្នុងការបញ្ជូនក្រុមអ្នកស្វែងរកសិទ្ធិជ្រកកោននៅក្នុងចក្រភពអង់គ្លេសឲ្យទៅរស់នៅក្នុងប្រទេសរ្វ៉ាន់ដា។ តុលាការកំពូលចក្រភពអង់គ្លេស បានលើកឡើងកាលពីខែមុនថា ប្រទេសរ្វ៉ាន់ដា គឺជាកន្លែងគ្មានសុវត្ថិភាពក្នុងការបញ្ជូនទៅចំពោះអ្នកទាំងឡាយដែលបានមកដល់តាមទូកតូចៗ នៅតំបន់ឆ្នេរភាគខាងត្បូងរបស់ចក្រភពអង់គ្លេស ហើយថា ផែនការរបស់រដ្ឋាភិបាល នឹងបំពានច្បាប់របស់ចក្រភពអង់គ្លេស និងអន្តរជាតិ ។ជាការឆ្លើយតប លោក Sunak បានយល់ព្រមលើសន្ធិសញ្ញាថ្មីមួយជាមួយប្រទេសអាហ្វ្រិកខាងកើត ហើយបាននាំមកនូវច្បាប់គ្រាអាសន្នដែលត្រូវបានបង្កើតឡើងដើម្បីបដិសេធច្បាប់សិទ្ធិមនុស្សក្នុងស្រុក និងអន្តរជាតិ ដែលនឹងទប់ស្កាត់រការនិរទេស។ ច្បាប់នេះបានបណ្ដាលឲ្យគណបក្សរបស់លោកបែកបាក់គ្នាយ៉ាងជ្រៅ ដោយធ្វើឱ្យអ្នកសម្របសម្រួលទាំងពីរមានការខ្វែងគំនិតគ្នាអំពីចក្រភពអង់គ្លេស ដែលបំពានកាតព្វកិច្ចសិទ្ធិមនុស្ស និងអ្នកនយោបាយស្តាំនិយមដែលជំទាស់ថា ច្បាប់នេះ មិនគ្រប់គ្រាន់ទេ។ សភានឹងរៀបចំការបោះឆ្នោតលើកដំបូងលើសេចក្តីព្រាងច្បាប់នេះនៅល្ងាចថ្ងៃអង្គារសប្ដាហ៍។ ការបោះឆ្នោតនេះ ត្រូវការតែសមាជិកសភាអភិរក្សនិយមប្រហែល ៣០រូប ប៉ុណ្ណោះក្នុងការបោះឆ្នោតជាមួយគណបក្សប្រឆាំង ដើម្បីសម្រេចបានសេចក្តីព្រាងច្បាប់នេះ៕

រហូតមកដល់ពេលនេះ ពលរដ្ឋប្រមាណជិត៩ម៉ឺននាក់ ចុះឈ្មោះចូលជាសមាជិក ប.ស.ស. តាមរបបភាគទានដោយស្ម័គ្រចិត្ត

2023/12/12 06:41:13 pm        194
Facebook Telegram Linkin
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា បន្ទាប់ពីប្រកាសបើកយុទ្ធនាការផ្សព្វផ្សាយស្តីពីរបបសន្តិសុខសង្គមផ្នែកថែទាំសុខភាព តាមរបបភាគទានដោយស្ម័គ្រចិត្ត គិតត្រឹមថ្ងៃទី១១ ខែធ្នូ ឆ្នាំ២០២៣ ប្រជាពលរដ្ឋជាអាជីវករ អ្នករត់ម៉ូតូកង់បី ម៉ូតូឌុប និងអ្នកក្នុងបន្ទុកសមាជិក ប.ស.ស. ចំនួនប្រមាណ ៨៨,០០៥នាក់ បានចុះឈ្មោះចូលជាសមាជិក ប.ស.ស. ក្នុងនោះបុគ្គលស្វ័យនិយោជន៍ (អាជីវករ ជាងកាត់សក់ កាត់ដេរ...) មានចំនួន ៨៤,៨៦៥នាក់ និងអ្នកក្នុងបន្ទុកសមាជិក ប.ស.ស. ចំនួន ៣,១៤០នាក់។នៅក្នុងបណ្តាញសង្គមចេញផ្សាយនៅព្រឹកថ្ងៃទី១២ ខែធ្នូនេះ ក្រសួងការងារ និងបណ្តុះបណ្តាល​វិជ្ជាជីវៈ បានរៀបរាប់ថា តាមរយៈការស្ម័គ្រចិត្តមកចុះឈ្មោះចូលជា សមាជិក ប.ស.ស. របស់​ប្រជាពលរដ្ឋយ៉ាងច្រើនខាងលើនេះ ​សបញ្ជាក់ឱ្យឃើញថា ពួកគាត់ទាំងអស់ពិតជាបានយល់ច្បាស់​ពីអត្ថប្រយោជន៍របបសន្តិសុខសង្គមផ្នែកថែទាំសុខភាព ដែលក្រុមការងារបេឡាជាតិសន្តិសុខសង្គម បានចុះផ្សព្វផ្សាយក្នុងយុទ្ធនាការអស់រយៈពេលជាង ២០ថ្ងៃកន្លងទៅនេះ។សូមបញ្ជាក់ថា គិតរហូតមកដល់ថ្ងៃនេះ រយៈពេលជាង ២០ថ្ងៃហើយ នៃយុទ្ធនាការផ្សព្វផ្សាយ​រយៈពេល ៣០ថ្ងៃ ​ដែលបេឡាជាតិសន្តិសុខសង្គម នៃក្រសួងការងារ ​និងបណ្តុះបណ្តាលវិជ្ជាជីវៈ បានចុះធ្វើយុទ្ធនាការផ្សព្វផ្សាយស្តីពីលក្ខខណ្ឌ ​និងនីតិវិធីនៃការស្នើសុំចុះឈ្មោះចូលជាសមាជិក ប.ស.ស. តាមរបបភាគទានដោយស្ម័គ្រចិត្ត ពិសេស គឺការផ្សព្វផ្សាយអំពីអត្ថប្រយោជន៍​ដែល​បងប្អូនប្រជាពលរដ្ឋត្រូវទទួលបាន ពេលក្លាយជាសមាជិក ប.ស.ស. និងមានប្រជាពលរដ្ឋ​ជាអាជិវករ អ្នករត់ម៉ូតូកង់បី មូតូឌុប កម្មករនិយោជិត រួមទាំងអ្នកក្នុងបន្ទុកសមាជិក ប.ស.ស. សរុបប្រមាណជាង ១,២លាន់ ស្មើនឹង ៤,២៥៨លើក ដែលទទួលបានការផ្សព្វផ្សាយខាងលើ។ប.ស.ស. នឹងបន្តពង្រីកការផ្សព្វផ្សាយរបស់ខ្លួនឱ្យកាន់តែទូលំទូលាយបន្ថែមទៀត ធ្វើយ៉ាងណា​ឱ្យប្រជាពលរដ្ឋ កម្មករនិយោជិត​ ពិសេសប្រជាពលរដ្ឋដែលជាអ្នកប្រកបរបរផ្ទាល់ខ្លួន (បុគ្គលស្វ័យ​និយោជន៍) ​ទទួលបានការយល់ដឹងកាន់តែច្បាស់ និងស៊ីជម្រៅស្តីពីរបបសន្តិសុខសង្គម​ផ្នែក​ថែទាំសុខភាព តាមរបបភាគទានដោយស្ម័គ្រចិត្ត ដែលរាជរដ្ឋាភិបាលកម្ពុជាបានសម្រេចប្រកាស​ដាក់ឱ្យអនុវត្តនាពេលនេះ៕

ថ្នាក់ដឹកនាំខេត្តកោះកុង ជួបសំណេះសំណាល និងប្រគល់ម៉ូតូ ដល់សិស្សជាប់និទ្ទេសA

2023/12/12 06:25:35 pm        466
Facebook Telegram Linkin
លោកស្រី ឈី វ៉ា អភិបាលរងខេត្ត តំណាងលោកជំទាវ មិថុនា ភូថង អភិបាលខេត្តកោះកុង នៅព្រឹកថ្ងៃទី១២ ខែធ្នូនេះ បានអញ្ជើញជួបសំណេះសំណាល និងប្រគល់ម៉ូតូ៣គ្រឿង ព្រមទាំងថវិកាមួយចំនួន ដល់សិស្សនិទ្ទេសA ក្នុងម្នាក់ៗ៤លានរៀល ។លោកស្រីអភិបាលរងខេត្តកោះកុង បានឱ្យដឹងថា ម៉ូតូ ដែលត្រូវប្រគល់ជូនសិស្សនៅពេលនេះ ជា ​អំណោយរបស់សម្តេចពិជ័យសេនា ទៀ បាញ់ ឧបត្ថម្ភដោយក្រុមហ៊ុន រ៉ូយ៉ាល់ គ្រុប (Royal Group) ។ រីឯថវិកាក្នុងម្នាក់៤លានរៀល ជាការឧបត្ថមដោយផ្ទាល់របស់លោកជំទាវ មិថុនា ភូថង អភិបាលខេត្ត។លោកស្រី បានកោតសរសើរចំពោះការប្រឹងប្រែងរៀនសូត្ររបស់សិស្សទាំងបីនាក់ និង​បាន​ជំរុញពួកគេឱ្យ បន្តរៀនសូត្រថ្នាក់មហាវិទ្យាល័យបន្ថែមទៀត និងក្លាយជាធនធាន​មនុស្សដ៏សំខាន់​មួយសម្រាប់ប្រទេសជាតិ ៕

លោកបៃដិន និយាយបង្ហើបពីការខ្វែងគំនិតជាមួយនាយករដ្ឋមន្ត្រីអ៊ីស្រាអែល

2023/12/12 06:09:44 pm        152
Facebook Telegram Linkin
ប្រធានាធិបតីអាមេរិកលោក ចូ បៃដិន កាលពីថ្ងៃចន្ទ បាននិយាយអំពីទំនាក់ទំនងដ៏ស្មុគស្មាញ ដែលលោកមានជាមួយលោក បេនចាមីន ណេតានីយ៉ាហ៊ូ (Benjamin Netanyahu) របស់ប្រទេសអ៊ីស្រាអែល ដោយលើកឡើងថា លោកនាយករដ្ឋមន្ត្រី កំពុងស្ថិតនៅក្នុង «កន្លែងដ៏លំបាក» ហើយថា មេដឹកនាំទាំងពីរ មានចំណែកនៃការខ្វែងគំនិតគ្នាជាច្រើនឆ្នាំ និងបច្ចុប្បន្ន។លោកបៃដិន បានថ្លែងនៅឯពិធីទទួលភ្ញៀវ នៅសេតវិមានសម្រាប់ពិធីបុណ្យ Hanukkah របស់ជនជាតិជ្វីហ្វ បានរំលឹកពីទំនាក់ទំនងដ៏យូរអង្វែងរបស់ខ្លួនជាមួយលោក ណេតានីយ៉ាហ៊ូ។លោកបានបញ្ជាក់ថា ខ្លួនបានសរសេរនៅលើរូបថតចាស់របស់បុរសពីរនាក់ ដោយប្រើឈ្មោះហៅក្រៅសម្រាប់មេដឹកនាំអ៊ីស្រាអែល។«ខ្ញុំបានសរសេរ នៅលើកំពូលរបស់វាថា Bibi ខ្ញុំស្រឡាញ់អ្នក ប៉ុន្តែខ្ញុំមិនយល់ស្របនឹងរឿងអាក្រក់ដែលអ្នកត្រូវនិយាយនោះទេ»។លោកបៃដិន បាននិយាយដើម្បីអបអរសាទរពីទស្សនិកជនភាគច្រើនជាជនជាតិជ្វីហ្វថា៖ «វាដូចគ្នានៅថ្ងៃនេះ ដោយបន្ថែមថា អ៊ីស្រាអែល កំពុងស្ថិតក្នុង «កន្លែងដ៏លំបាក» ហើយថា «ខ្ញុំមានភាពខុសគ្នាជាមួយនឹងថ្នាក់ដឹកនាំមួយចំនួនរបស់អ៊ីស្រាអែល»។

លោក Zelenskiy កំពុងនៅក្រុងវ៉ាស៊ីនតោន ជំរុញសភាអាមេរិកកុំឱ្យធ្វើរឿងដែលលោកពូទីន ចង់បាន

2023/12/12 05:59:10 pm        99
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskiy បានប្រាប់យោធាអាមេរិកកាលពីថ្ងៃច័ន្ទ (១១ ធ្នូ) ថាលោកសង្ឃឹមថាអ៊ុយក្រែននៅតែអាចពឹងផ្អែកលើសហរដ្ឋអាមេរិក និងបានជំរុញឱ្យសភាកុំឲ្យធ្វើរឿងដែលប្រធានាធិបតីរុស្ស៊ីលោក វ្លាឌីមៀ ពូទីន (Vladimir Putin) ចង់បានឲ្យសោះខណៈលោកបានចាប់ផ្តើមដំណើរទស្សនកិច្ចដ៏សំខាន់ទៅកាន់ទីក្រុងវ៉ាស៊ីនតោន ដើម្បីទទួលបានជំនួយផ្នែកសន្តិសុខ។លោក Zelenskiy បាននិយាយនៅក្នុងសុន្ទរកថាទៅកាន់សាកលវិទ្យាល័យការពារជាតិអាមេរិកថា «យើងនឹងមិនបោះបង់ចោលទេ យើងដឹងពីអ្វីដែលត្រូវធ្វើ ហើយអ្នកអាចទុកចិត្តលើអ៊ុយក្រែនបាន។ យើងសង្ឃឹមថា យើងក៏អាចពឹងផ្អែកលើអ្នកបានដូចគ្នា»។រដ្ឋបាលរបស់ប្រធានាធិបតីអាមេរិក ចូ បៃដិន (Joe Biden) បានព្រមានសភាថា ការបរាជ័យក្នុងការមិនបន្តជំនួយយោធាដល់អ៊ុយក្រែន អាចធ្វើឲ្យជ័យជម្នះនៃសង្រ្គាមរយៈពេលជិតពីរឆ្នាំនេះងាកទៅរករុស្ស៊ី ដែលបង្កើតការគំរាមកំហែងសន្តិសុខជាតិសម្រាប់លោកខាងលិច។ លោក Zelenskiy ត្រូវបានអញ្ជើញឱ្យចូលរួមកិច្ចប្រជុំនៅសេតវិមាន និងជាមួយសមាជិកសភានៅថ្ងៃអង្គារនេះ ដែលសមាជិកសភាគណបក្សសាធារណរដ្ឋជាច្រើនបានចោទសួរអំពីការបន្តជំនួយដល់អ៊ុយក្រែន។ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចាប់ផ្តើមការលុកលុយរបស់ខ្លួនលើអ៊ុយក្រែនកាលពីដើមឆ្នាំមុន ដោយបង្កឱ្យមានសង្រ្គាមដែលបានសម្លាប់ ឬបង្ករបួសដល់មនុស្សរាប់សែននាក់ និងនាំឱ្យមានការប្រឈមមុខដាក់គ្នាដ៏ធំបំផុតរវាងរុស្ស៊ី និងលោកខាងលិចក្នុងរយៈពេលប្រាំមួយទសវត្សរ៍មកនេះ៕

បណ្ដាញសង្គម

ព័ត៌មានថ្មីៗ

ទេសាភិបាលធនាគារជាតិនៃកម្ពុជា ចូលរួមអបអរសាទរចំពោះសមិទ្ធផលថ្មីៗ ក្នុងស្រុកប្រាសាទសំបូរ ខេត្តកំពង់ធំ
09/10/2026 09:09 PM
Facebook Telegram Linkin
កម្ពុជានឹងជំរុញរបៀបវារៈពាណិជ្ជកម្មឌីជីថល ក្នុងវេទិកាពាណិជ្ជកម្មឌីជីថលលើកទី៣ និងពិព័រណ៍អនឡាញ
09/10/2026 08:09 PM
Facebook Telegram Linkin
ពលរដ្ឋនៅស្រុកជីក្រែង ថ្លែងនូវការដឹងគុណដល់រាជរដ្ឋាភិបាល ចំពោះសមិទ្ធផលថ្មីកើត ក្នុងមូលដ្ឋានពួកគាត់
09/10/2026 07:09 PM
Facebook Telegram Linkin
ទីក្រុងសេអ៊ូល៖ កូនស្រីរបស់មេដឹកនាំកូរ៉េខាងជើង លោក គីម ត្រូវបានគេជឿថា មានប្អូនបង្កើត​
09/10/2026 07:09 PM
Facebook Telegram Linkin
ប៉ាគីស្ថាន​៖ គ្មាន​ការ​ឆ្លើយ​តប​យោធា ត្រូវ​បាន​ពិភាក្សាឡើយ ពាក់​ព័ន្ធ​​​ការវាយ​ប្រហារ​របស់ក្រុម​ហ៊ូទី លើ​អារ៉ាប៊ីសាអ៊ូឌីត
09/10/2026 07:09 PM
Facebook Telegram Linkin
លោក Patrushev៖ អឺរ៉ុបមិនចាប់អារម្មណ៍លើសន្តិភាពនៅអ៊ុយក្រែនទាល់តែសោះ
09/10/2026 06:09 PM
Facebook Telegram Linkin
អ្នកការទូតរុស្ស៊ី៖ អ៊ុយក្រែនកំពុងកំណត់គោលដៅដោយចេតនាលើបុគ្គលិករោងចក្រថាមពលនុយក្លេអ៊ែរ Zaporozhye
09/10/2026 06:09 PM
Facebook Telegram Linkin
ការប្រយុទ្ធនៅយេម៉ែន កាន់តែខ្លាំងឡើង ខណៈកងកម្លាំងរដ្ឋាភិបាលបន្តវាយប្រហារតាមសមរភូមិជាច្រើន
09/10/2026 06:09 PM
Facebook Telegram Linkin
ភាពវឹកវរ កើតមាន​ចំពោះ​អ្នកដំណើររបស់ក្រុមហ៊ុនអាកាសចរណ៍ British Airways ក្រោយ​​ប្រព័ន្ធជួប​បញ្ហា​
09/10/2026 06:09 PM
Facebook Telegram Linkin
សំណើសុំសិទ្ធិជ្រកកោននៅសហភាពអឺរ៉ុបធ្លាក់ចុះដល់កម្រិតទាបបំផុតក្នុងរយៈពេល ៥ឆ្នាំ
09/10/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.