BTV NEWS

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

ប្រធានាធិបតី រវ៉ាន់ដា មើលឃើញថា ប្រទេសកម្ពុជាជាប្រទេសមួយដ៏អស្ចារ្យ មានការអភិវឌ្ឍយ៉ាងខ្លាំង

សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣

នយោបាយ និង ការអភិវឌ្ឍន៍

សម្ដេចធិបតី៖ អាណត្តិទី៧នេះ បានប្រគល់ភារកិច្ចអាទិភាពចំនួន៥ ដល់ក្រសួងរ៉ែ និងថាមពល

កោះកុង៖ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានបញ្ជាក់ថា សម្រាប់អាណត្តិទី៧នេះ រាជរដ្ឋាភិបាលបានប្រគល់ភារកិច្ចអាទិភាពចំនួន ៥ ដល់ក្រសួង រ៉ែ និងថាមពល ដើម្បីធ្វើការអភិវឌ្ឍវីស័យថាមពល អគ្គិសនី និងវិស័យរ៉ែ នៅក្នុងប្រទេសកម្ពុជា។ សម្ដេចធិបតីនាយករដ្ឋមន្រ្ដី មានប្រសានស៍ក្នុងឱកាសអញ្ជើញជាអធិបតី ក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាទ ខេត្តកោះកុង នៅព្រឹកថ្ងៃទី៣០ ខែវិច្ឆិកា ឆ្នាំ២០២៣នេះ ដោយបានប្រគល់ភារកិច្ចឱ្យក្រសួងរ៉ែ និងថាមពល ដឹកនាំ និងសម្របសម្រួលលើការងារអន្តរកាលវិស័យថាមពលដូចជា ជំរុញការអនុវត្តការងារប្រសិទ្ធភាពថាមពល ស្របតាមគោលនយោបាយជាតិស្តីពីប្រសិទ្ធភាពថាមពល ២០២២-២០៣០ ដែលរាជរដ្ឋាភិបាលបានអនុម័ត និងស្របទៅតាមផែនការសកម្មភាពដែលបានគ្រោង។ ជំរុញលើកទឹកចិត្តឲ្យប្រជាពលរដ្ឋខ្មែរប្រើប្រាស់យានយន្តអគ្គិសនី (EV) ខណៈការប្រើប្រាស់យានយន្តអគ្គិសនី ជួយបង្កើនប្រសិទ្ធភាពនៃការប្រើប្រាស់ថាមពល ដោយសារការប្រើម៉ូទ័រអគ្គិសនី គឺមានប្រសិទ្ធភាពជាងការប្រើម៉ូទ័រឥន្ធនៈជាដើម។ ក្នុងឱកាសនេះសម្តេចធិបតី នាយករដ្ឋមន្រ្ដីបានថ្លែងថា កម្ពុជាមានមោទនភាព បច្ចុប្បន្នកម្ពុជាមានប្រភពអគ្គិសនីកកើតឡើងវិញប្រមាណ ៦២ ភាគរយ និងតាំងចិត្តសម្រេចឱ្យបាន ៧០ ភាគរយនៅឆ្នាំ២០៣០ ខណៈប្រទេសក្នុងតំបន់មួយចំនួនប្រភពអគ្គិសនីកកើតឡើងវិញតិចតួចនៅឡើយ។សម្ដេចធិបតី ក៏បានណែនាំដល់គណៈគ្រប់គ្រង និងបុគ្គលិកនៃក្រុមហ៊ុនទទួលសាងសង់ ទំនប់វារីអគ្គិសនីស្ទឹងតាតៃលើ ត្រូវយកចិត្តទុកដាក់ ជាមួយនឹងការទទួលខុសត្រូវខ្ពស់ ចំពោះការគ្រប់គ្រងកិច្ចដំណើរការនៃការសាងសង់រោងចក្រវារីអគ្គិសនី ស្របទៅតាមបទដ្ឋានបច្ចេកទេស ឱ្យបានប្រកបដោយគុណភាព និងមានសុវត្ថិភាពខ្ពស់ ដើម្បីធានាបាននូវគុណសម្បត្តិរបស់គម្រោង សម្រាប់ជាគុណប្រយោជន៍ដល់ការអភិវឌ្ឍសង្គម-សេដ្ឋកិច្ច របស់កម្ពុជា ដោយមិនមានបច្ច័យអាក្រក់ណាមួយ បង្កទៅជាផលប៉ះពាល់ដល់បរិស្ថាន និងមនុស្ស៕ អត្ថបទ៖វ៉ន ដារ៉ា

សម្ដេចធិបតី ជំរុញឱ្យតភ្ជាប់បណ្ដាញអគ្គិសនីទៅដល់ពលរដ្ឋជាង ៦០០ គ្រួសារក្នុងស្រុកថ្មបាំង មុនខែកុម្ភៈឆ្នាំក្រោយ

កោះកុង៖ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានជំរុញឱ្យអគ្គិសនីកម្ពុជា ត្រូវពន្លឿនការតភ្ជាប់ បណ្ដាញអគ្គិសនីតង់ស្យុង ៣៥ គីឡូវ៉ុលឱ្យទៅដល់ប្រជាពលរដ្ឋជាង ៦០០ គ្រួសារ ដែលស្ថិតនៅនៅឃុំតាតៃលើ ឃុំជំនាប់ និងឃុំប្រឡាយ ស្រុកថ្មបាំង ខេត្តកោះកុង ប្រវែង ៣៣ គីឡូម៉ែត្រឱ្យបានរួចរាល់នៅមុនបំណាច់ ខែកុម្ភៈ ឆ្នាំ ២០២៤ ខាងមុខ។ សម្ដេចធិបតីនាយករដ្ឋមន្រ្ដី មានប្រសានស៍បែបនេះ ក្នុងឱកាសអញ្ជើញជាអធិបតីក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាទ ខេត្តកោះកុង នៅព្រឹកថ្ងៃទី៣០ ខែវិច្ឆិកា ឆ្នាំ២០២៣នេះថា សម្តេចធិបតី ហ៊ុន ម៉ាណែត បានថ្លែងថា កាលពីមុន ភូមិសាស្ត្រស្រុកថ្មបាំង គឺជាកន្លែងលាក់ទ័ពក្នុងសម័យសង្គ្រាម និងជាកន្លែងវេទនាបំផុត។ ប៉ុន្ដែបច្ចុប្បន្នដោយកត្តាសុខសន្តិភាពរបស់ប្រទេសកម្ពុជា បានប្រែក្លាយស្រុកថ្មបាំងជាកន្លែងអភិវឌ្ឍន៍ មិនមែនជាកន្លែងលាក់ទ័ព ដើម្បីប្រយុទ្ធគ្នាទៀតនោះទេ។ ដូច្នេះក្នុងឱកាសថ្ងៃនេះ សម្ដេចធិបតី បានជំរុញឱ្យអគ្គិសនីកម្ពុជាធ្វើការ តបណ្ដាញប្រព័ន្ធអគ្គិសនីជូនដល់ប្រជាពលរដ្ឋនៅឃុំ តាតៃលើ ឃុំជំនាប់ ឃុំប្រឡាយជាង ៦៦៣ គ្រួសារ និងអាចកើនលើសពីនេះ នាពេលខាងមុខឱ្យបានគ្រប់ខ្នងផ្ទះ។ សម្ដេចធិបតី នាយករដ្ឋមន្រ្ដីបានបញ្ជាក់ថា រាជរដ្ឋាភិបាលអាណត្តិទី៧នេះ បានបន្តទទួលខុសត្រូវចំពោះពលរដ្ឋ និងប្រទេសជាតិលើអាទិភាពចំនួន ៣ គឺទី១ ជំរុញជីវភាពពលរដ្ឋទូទាំងប្រទេស និងសេដ្ឋកិច្ចជាតិឱ្យកាន់តែរីកចម្រើន ទី២ ទទួលខុសត្រូវលើរាល់ការអភិវឌ្ឍទាំងអស់ ត្រូវគិតឱ្យបានហ្មត់ចត់បញ្ចៀសរាល់ការប៉ះពាល់ និងទី៣ ទទួលខុសត្រូវលើផលប៉ះពាល់បរិស្ថានពិភពលោក និងការប្រែប្រួលអាកាសធាតុ។ សម្តេចធិបតីបានបញ្ជាក់ថា ក្នុង១ឆ្នាំៗ រាជរដ្ឋាភិបាលត្រៀមថវិកាចំនួន ១០០ លានដុល្លារ សម្រាប់ទទួលខាតបង់ថ្លៃអគ្គិសនី និងជួយទប់ទល់ការឡើងថ្លៃតម្លៃអគ្គិសនីដល់ប្រជាពលរដ្ឋ៕ អត្ថបទ៖ វ៉ន ដារ៉ា

សម្ដេចធិបតី៖រដ្ឋនឹងផ្ដល់អគ្គិសនីដល់ពលរដ្ឋជាង១% ដែលមិនទាន់មានអគ្គិសនីប្រើប្រាស់នៅមុនឆ្នាំ២០៣០

កោះកុង៖ សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា រាជរដ្ឋាភិបាលបានដាក់គោលដៅក្នុងការផ្គត់ផ្គង់អគ្គិសនីដល់ប្រជាពលរដ្ឋដែលមិនទាន់មានអគ្គិសនីប្រើប្រាស់ជាង ១% ឱ្យបានគ្រប់គ្រាន់នៅទូទាំងប្រទេស នៅមុនបំណាច់ឆ្នាំ ២០៣០។ សម្ដេចធិបតី នាយករដ្ឋមន្រ្ដី បានមានប្រសានស៍បែបនេះ ក្នុងឱកាសអញ្ជើញជាអធិបតីដ៏ខ្ពង់ខ្ពស់ ក្នុងឱកាសអញ្ជើញជាអធិបតីក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាទ ខេត្តកោះកុង នៅព្រឹកថ្ងៃទី៣០ ខែវិច្ឆិកា ឆ្នាំ២០២៣នេះ។សម្ដេចធិបតី បានបង្ហាញក្តីសោមនស្សរីករាយក្រៃលែង ដែលបានអញ្ជើញចូលរួមបិទស្ទឹងសាងសង់វារីអគ្គិសនីតាតៃលើ ដែលមានអានុភាពរហូតដល់ ១៥០ មេហ្គាវ៉ាត់។ សម្តេចធិបតីថ្លែងថា វិស័យថាមពលអគ្គិសនីគឺជាវិស័យអាទិភាពមួយក្នុងចំណោមវិស័យអាទិភាព ដែលរាជរដ្ឋាភិបាលកម្ពុជាយកចិត្តទុកដាក់ជំរុញការអភិវឌ្ឍ ហើយនៅតែជារបៀបវារៈដ៏សំខាន់សម្រាប់សេដ្ឋកិច្ចរបស់កម្ពុជា។សម្ដេចធិបតីនាយករដ្ឋមន្រ្ដីបានបញ្ជាក់ថា រាជរដ្ឋាភិបាលអាណត្តិអាណត្តិទី៧នេះ បានបន្តទទួលខុសត្រូវចំពោះពលរដ្ឋ និងប្រទេសជាតិលើអាទិភាពចំនួន ៣ គឺទី១ ជំរុញជីវភាពពលរដ្ឋទូទាំងប្រទេស និងសេដ្ឋកិច្ចជាតិឱ្យកាន់តែរីកចម្រើន ទី២ ទទួលខុសត្រូវលើរាល់ការអភិវឌ្ឍទាំងអស់ ត្រូវគិតឱ្យបានហ្មត់ចត់បញ្ចៀសរាល់ការប៉ះពាល់ និងទី៣ ទទួលខុសត្រូវលើផលប៉ះពាល់បរិស្ថានពិភពលោក និងការប្រែប្រួលអាកាសធាតុ។ សម្តេចធិបតី បានបញ្ជាក់ថា ក្នុង១ឆ្នាំៗ រាជរដ្ឋាភិបាលត្រៀមថវិកាចំនួន ១០០ លានដុល្លារ សម្រាប់ទទួលខាតបង់ថ្លៃអគ្គិសនី និងជួយទប់ទល់ការឡើងថ្លៃតម្លៃអគ្គិសនីដល់ប្រជាពលរដ្ឋ៕ អត្ថបទ៖ វ៉ន ដារ៉ា

ក្រសួងការបរទេស៖ បារាំងមានបំណងរៀបចំបញ្ចប់កិច្ចព្រមព្រៀងសន្តិសុខជាមួយអ៊ុយក្រែន នៅដើមឆ្នាំ២០២៤

អ្នកនាំពាក្យក្រសួងការបរទេសរបស់ខ្លួន បាននិយាយកាលពីថ្ងៃពុធថា ប្រទេសបារាំង មានបំណងបញ្ចប់កិច្ចព្រមព្រៀងធានាសន្តិសុខទ្វេភាគីជាមួយអ៊ុយក្រែន នៅដើមឆ្នាំ២០២៤។ក្រុមមន្ត្រី បាននិយាយថា ក្រុមប្រទេស G7 កាលពីខែមិថុនា បានបង្ហាញក្របខណ្ឌអន្តរជាតិសម្រាប់សន្តិសុខរយៈពេលវែងរបស់អ៊ុយក្រែន ដើម្បីបង្កើនហិរញ្ញវត្ថុ និងការការពារប្រឆាំងនឹងរុស្ស៊ី ក្នុងគោលបំណងរារាំងទីក្រុងម៉ូស្គូពីការឈ្លានពាន នាពេលអនាគត។មិនអាចចូលរួមជាមួយអង្គការណាតូ (NATO) ខណៈពេលដែលសង្រ្គាមជាមួយរុស្ស៊ីនៅតែបន្ត ដោយហេតុថា មាត្រា៥របស់ណាតូ ដែលកំណត់ថា ការវាយប្រហារលើសមាជិកតែមួយ គឺជាការវាយប្រហារលើទាំងអស់គ្នា អាចរុញច្រានវាចូលទៅក្នុងសង្រ្គាមជាមួយរុស្ស៊ី ប្រទេសអ៊ុយក្រែន បានបញ្ចុះបញ្ចូលឲ្យមានការប្តេជ្ញាចិត្តផ្នែកសន្តិសុខរយៈពេលវែងពីអ្នកគាំទ្រសំខាន់ៗរបស់ខ្លួន។ប្រទេសនានារួមទាំងបារាំងផង បាននិងកំពុងចរចាទ្វេភាគី តាំងពីខែមិថុនាមកម្ល៉េះ ប៉ុន្តែមានព័ត៌មានលម្អិតតិចតួចអំពីអ្វី ដែលប្រទេសនេះមានឆន្ទៈធ្វើ ហើយដោយសង្គ្រាមឈានចូលដល់ឆ្នាំទីពីរនោះ មានសំណួរសួរថាតើសម្ព័ន្ធមិត្តរបស់ទីក្រុងគីវ មានការប្តេជ្ញាចិត្តបែបណានោះ។អ្នកស្រី Anne-Claire Legendre បានថ្លែងប្រាប់អ្នកសារព័ត៌មានថា៖«ចំពោះការធានាសន្តិសុខ និងការងារដែលយើងបានធ្វើជាមួយដៃគូអ៊ុយក្រែនរបស់យើង...យើងកំពុងធ្វើការឆ្ពោះទៅរកការបញ្ចប់កិច្ចព្រមព្រៀងនេះ ជាមួយអាជ្ញាធរអ៊ុយក្រែន នៅចុងឆ្នាំនេះ គឺនៅដើមឆ្នាំក្រោយ»។-

សម្ដេចធិបតីចេញបញ្ជាឱ្យបញ្ឈប់គម្រោងរោងចក្រអគ្គិសនី ដើរដោយថាមពលធ្យូងថ្ម

កោះកុង៖ មានប្រសាសន៍ក្នុងពិធីអញ្ជើញជាអធិបតីក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាំង ខេត្តកោះកុង នាថ្ងៃទី៣០ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានចេញបញ្ជាឱ្យបញ្ឈប់គម្រោងអភិវឌ្ឍន៍រោងចក្រអគ្គិសនីដែលប្រើធ្យូងថ្ម និងបញ្ជាឱ្យបញ្ឈប់ដំណើរការរោងចក្រអគ្គិសនីដើរដោយថាមពលធ្យូងថ្មនៅមុនពេលកំណត់ផងដែរ។សម្ដេចធិបតីនាយករដ្ឋមន្ត្រី ក៏បានអំពាវនាវដល់វិនិយោគិនទាំងឡាយដែលចង់បោះទុនវិនិយោគលើ គម្រោងរោងចក្រអគ្គិសនីដើរដោយថាមពលធ្យូងថ្មនោះ សូមបញ្ឈប់គម្រោងវិនិយោគបែបនេះ ព្រោះ កម្ពុជាបានសម្រេចមិនឱ្យមានរោងចក្របែបនេះ ដំណើរការនៅកម្ពុជាទៀតនោះឡើយ។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក៏បានរម្លឹកឱ្យដឹងផងដែរថា កន្លងមកថ្មីៗនេះ សម្ដេចក៏បានសម្រេចឱ្យបញ្ឈប់គម្រោងរោងចក្រអគ្គិសនីដើរដោយថាមពលធ្យូងថ្មនៅកោះកុង ដែ លអាចផ្ដល់ថាមពលអគ្គិសនីរហូតដល់ ៧០០ មេហ្គាវ៉ាត់ ឱ្យបញ្ឈប់ដំណើរការរួចហើយផងដែរ។រោងចក្រដែលដំណើរការដោយធ្យូងថ្ម បានបង្កផលប៉ះពាល់ច្រើនដល់ការរស់នៅរបស់មនុស្ស ជាពិ សេសគឺផ្សែងដែលហុយចេញពីការដុតនោះ ដែលបង្កើតជាឧស្ម័នពុល បង្កឱ្យធ្លុះធ្លាយស្រទាប់អូហ្សូន ដែលការពារមិនឱ្យកម្ដៅព្រះអាទិត្យបុកចូលខ្លាំងមកផែនដីដែលមានមនុស្ស សត្វ និងរុក្ខជាតិនានា កំពុងស្ថិតនៅ៕ដោយ៖ គង់ ឌិន

សម្តេចធិបតី៖ សន្តិសុខថាមពល គឺជាកត្តាសំខាន់ខ្លាំងបំផុត សម្រាប់ការអភិវឌ្ឍសេដ្ឋកិច្ចរបស់ជាតិ

កោះកុង៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា សន្តិសុខថាមពល គឺជាកត្តាសំខាន់ខ្លាំងបំផុតសម្រាប់អភិវឌ្ឍន៍សេដ្ឋកិច្ចរបស់ជាតិ ខណៈថាមពលអគ្គិសនីនេះ គឺជាវិស័យអាទិភាពមួយដ៏ធំផងដែរ ក្នុងវិស័យអាទិភាពដទៃទៀត ក្នុងយុទ្ធសាស្រ្តបច្ចកោណរបស់រាជរដ្ឋាភិបាលអាណត្តិទី៧នេះ។ក្នុងឱកាសអញ្ជើញជាអធិបតីក្នុងពិធីបិទស្ទឹង និងបើកការដ្ឋានសាងសង់ «ទំនប់វារីអគ្គីសនីស្ទឹងតាតៃលើ» ដែលមានអនុភាព១៥០មេហ្គាវ៉ាត់ នៅក្នុងស្រុកថ្មបាំង ខេត្តកោះកុង នាព្រឹកថ្ងៃទី៣០ ខែវិច្ឆិកា ឆ្នាំ២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា ការអភិវឌ្ឍសេដ្ឋកិច្ច គឺមិនអាចចោលបាននូវវិស័យថាមពលអគ្គិសនីនោះឡើយ ដូច្នេះរាជរដ្ឋាភិបាលបានដាក់គោលដៅច្បាស់លាស់ក្នុងការជំរុញវិស័យថាមពលអគ្គិសនីនេះជានិច្ច ដោយនឹងធ្វើការពង្រីកជាបន្តបន្ទាប់ ដើម្បីបង្រ្គប់តម្រូវការរបស់ប្រជាពលរដ្ឋ ក៏ដូចជាអ្នកវិនិយោគទុនទាំងអស់។សម្តេចធិបតី ហ៊ុន ម៉ាណែត បានលើកឡើងទៀតថា រាជរដ្ឋាភិបាលបានខិតខំរកប្រភពទាំងអស់ ដើម្បីស្វែងរកថាមពលអគ្គិសនី ខណៈសម្តេចចាត់ទុកថា សន្តិសុខថាមពលនេះគឺជាកត្តាសំខាន់បំផុត សម្រាប់ប្រជាពលរដ្ឋគ្រប់រូប និងសេដ្ឋកិច្ចខ្មែរទាំងមូល ហើយរាជរដ្ឋាភិបាលនឹងព្យាយាមគ្រប់យ៉ាងដើម្បី ធ្វើយ៉ាងណាកុំឲ្យភ្លើងអគ្គិសនីនេះមានព្រឹកអត់ល្ងាច មានល្ងាចអត់យប់នោះ៕អត្ថបទបាន ចក់

ប្រជាពលរដ្ឋឃុំពន្លៃ ស្រុកបរិបូណ៌ សប្បាយរីករាយ ក្រោយទទួលបានផ្លូវល្អស្អាតប្រើប្រាស់

កំពង់ឆ្នាំង៖ ប្រជាពលរដ្ឋក្នុងឃុំពន្លៃ ស្រុកបរិបូណ៌ ខេត្តកំពង់ឆ្នាំង បានសំដែងនូវការត្រេកអរជាពន់ពេក ក្រោយពីរាជរដ្ឋាភិបាល បានប្រគល់ជូននូវផ្លូវបេតុង ២ខ្សែ មានប្រវែង១៤០០ម៉ែត្រ ទទឹង៦ម៉ែត្រ ឆ្លងកាត់៣ភូមិ គឺភូមិកែវឡាត ភូមិស្វាយគយ និងភូមិជើងខ្នារ ឃុំពន្លៃ ។ ការអភិវឌ្ឍន៍បែបនេះ ធ្វើអោយជីវភាពប្រជាពលរដ្ឋ បានធូរធារឡើងមួយកម្រឹតទៀត ដោយសារពួកគាត់មានផ្លូវល្អសម្រាប់ប្រើប្រាស់ក្នុងដឹកជញ្ជូនកសិផល ក៏ដូចជាការធ្វើដំណើរទូទៅនៅក្នុងមូលដ្ឋានរបស់ខ្លួន មិនលំបាកដូចពេលមុន។តំណាងប្រជាពលរដ្ឋបានអោយដឹងថា ក្រោយពីទទួលបានផ្លូវបេតុងទាំង២ខ្សែនេះ ពីរាជរដ្ឋាភិបាលមក ពួកគាត់ជាប្រជាពលរដ្ឋក្នុងភូមិកែវឡាត ភូមិស្វាយគយ និងភូមិជើងខ្នារ ក៏ដូចជាប្រជាពលរដ្ឋក្នុងឃុំពន្លៃ និងស្រុកបរិបូណ៌ទាំងមូល មានចិត្តសប្បាយរីករាយជាពន់ពេក ព្រោះពីមុនមិនដែលមានផ្លូវស្អាតល្អសំរាប់ធ្វើដំណើរឡើយ។ ការប្រគល់ជូនផ្លូវបេតុងទាំង២ខ្សែនេះ បានធ្វើអោយប្រជាពលរដ្ឋក្នុងភូមិឃុំស្រុក អាចធ្វើដំណើរបានងាយស្រួល មិនចំណាយប្រាក់ច្រើន។ ពួកគាត់បានអរគុណដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលតែងតែយកចិត្តទុកដាក់ចំពោះជីវភាព និងសុខទុក្ខប្រជាជននៅតាមមូលដ្ឋាន។ក្នុងឱកាសចុះពិនិត្យផ្លូវបេតុងទាំង ២ខ្សែនេះ ឯកឧត្តម ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ បានថ្លែងបញ្ជាក់ថា ផ្លូវបេតុងទាំង២ខ្សែនេះ កសាងឡើងយដោយថវិកាជំនួយពីរាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ និងកសាងដោយនាយកដ្ឋានស្ថាបនា និងវិស្វកម្ម នៃអគ្គនាយកដ្ឋានភស្តុភារ និងហិរញ្ញវត្ថុក្រសួងមហាផ្ទៃ ។ ក្នុងនោះផ្លូវបេតុងខ្សែទី១ចាប់ពីផ្លូវជាតិលេខ៥ ស្ថិតក្នុងភូមិកែវឡាត ទៅទល់នឹងភូមិស្វាយគយ មានប្រវែង៦៦០ម៉ែត្រ ទទឹង៦ម៉ែត្រ និងខ្សែទី២ ពីភូមិស្វាយគយទៅទល់នឹងភូមិជើងខ្នារ មានប្រវែង៧៤០ម៉ែត្រ ទទឹង៦ម៉ែត្រផងដែរ។ ផ្លូវនេះ ត្រូវបានត្រួតពិនិត្យពីក្រសួងអភិវឌ្ឍន៍ជនបទ ដើម្បីអោយការសាងសង់ផ្លូវបេតុង ស្របទៅតាមបច្ចេកទេស និងមានគុណភាព សំរាប់ប្រជាពលរដ្ឋប្រើប្រាស់។ ផ្លូវបេតុងទាំង២ខ្សែនេះ ជាប្រយោជន៍យ៉ាងសំខាន់សំរាប់ប្រជាពលរដ្ឋក្នុងមូលដ្ឋានប្រើប្រាស់ប្រចាំថ្ងៃ ក៏ដូចជាការដឹកជញ្ជូន ការធ្វើដំណើរទៅមកសាលារៀន និងការយកអ្នកជំងឺទៅមន្ទីរពេទ្យបានរហ័សផងដែរ៕ អត្ថបទ៖ កាំង ហុងវាស្នា

នាយករដ្ឋមន្រ្តីប្រកាសថា សុខចិត្តឲ្យគេចោទជាជនផ្តាច់ការវាប្រសើរជាងគេចោទថា អសមត្ថភាពថែរក្សាសន្តិភាពមិនបាន

កោះកុង៖ ឆ្លើយតបទៅកាន់ជនមួយចំនួនដែលជាបក្សពួកដែលកំពុងរត់ចោលស្រុកនោះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា សម្តេចសុខចិត្តទទួលយកពាក្យគេ ចោទប្រកាន់ថាជាជនផ្តាច់ការ ពេលដែលសម្តេចប្តេជ្ញាការពារសន្តិភាពជូនប្រជាពលរដ្ឋ ដើម្បីប្តូរពាក្យមិនឲ្យប្រជាពលរដ្ឋចោទប្រកាន់រដ្ឋាភិបាលអសមត្ថភាព ដោយមិនអាចថែរក្សានូវសុខសន្តិភាពបាននោះ។ក្នុងឱកាសអញ្ជើញជាអធិបតីក្នុងពិធីបិទស្ទឹង និងបើកការដ្ឋានសាងសង់ «ទំនប់វារីអគ្គីសនីស្ទឹងតាតៃលើ» ដែលមានអនុភាព១៥០មេហ្គាវ៉ាត់ នៅក្នុងស្រុកថ្មបាំង ខេត្តកោះកុង នាព្រឹកថ្ងៃទី៣០ ខែវិច្ឆិកា ឆ្នាំ២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា ដើម្បីការពារនូវសុខសន្តិភាពមិនឲ្យប្រជាពលរដ្ឋស្លាប់ មិនឲ្យប្រទេសដើរថយក្រោយនោះ សម្តេចសុខចិត្តឲ្យក្រុមមួយក្តាប់តូចចោទសម្តេចថា ជាមេដឹកនាំផ្តាច់ការទៅចុះ ដើម្បីធ្វើយ៉ាងលើកម្ពស់សេដ្ឋកិច្ចជាតិ និងជីវភាពប្រជាពលរដ្ឋខ្មែរឲ្យកាន់តែល្អប្រ សើរបន្ថែមទៀតក្រោមម្លប់សន្តិភាព។សម្ដេចធិបតី ហ៊ុន ម៉ាណែត បានប្រាប់ទៅកាន់ក្រុមប្រឆាំងទាំងនោះថា «អ្នកដែលចោទខ្ញុំឲ្យតែរដ្ឋាភិបាលនិយាយពីសុខសន្តិភាពគឺស្មើនឹងផ្ដាច់ការ…ហើយឲ្យតែយើងនិយាយថា យើងត្រូវតែខិតខំថែរក្សាសន្តិភាព ស្ថិរភាពឲ្យបានទោះក្នុងតម្លៃណាក៏ដោយនោះគេតែងតែថា នេះគឺជាការផ្ដាច់ការទៅវិញ។តែទោះជាយ៉ាងណា បើថាហៅខ្ញុំផ្ដាច់ការ ដោយសារខ្ញុំប្ដេជ្ញាចិត្តការពារសន្តិភាព មិនឲ្យប្រជាពលរដ្ឋស្លាប់ មិនឲ្យប្រទេសដើរថយក្រោយដូចពេលដែលយើងបាត់សន្តិភាពដូចកាលពីមុននោះ ខ្ញុំសុខចិត្តទទួលយកទៅចុះ»។សម្តេចហ៊ុន ម៉ាណែត នាយករដ្ឋមន្រ្តី ក៏បានអះអាងផងដែរថា រាជរដ្ឋាភិបាលអាណត្តិទី៧នេះមានភារកិច្ចដ៏ធំបំផុត គឺទទួលខុសត្រូវក្នុងការជំរុញជីវភាពពលរដ្ឋទូទាំងប្រទេស និងសេដ្ឋកិច្ចឱ្យដើរទៅមុខជានិច្ច។ ជាងនេះទៅទៀត រាជរដ្ឋាភិបាលនឹងទទួលខុសត្រូវលើការអភិវឌ្ឍទាំងឡាយ គិតគូរអំពីផលប៉ះពាល់ទៅដល់មូលដ្ឋាន ទាំងបរិស្ថាន មនុស្ស និងសត្វផងដែរ៕អត្ថបទ៖ បាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសអញ្ជើញជាអធិបតីក្នុងពិធី “បិទស្ទឹង បើកការដ្ឋានសាងសង់ទំនប់វារីអគ្គិសនី តាតៃលើ” ខេត្តកោះកុង

កោះកុង៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកស្អែកថ្ងៃទី៣០ ខែវិច្ឆិកា ឆ្នាំ២០២៣ បានអញ្ជើញជាអធិបតីក្នុងពិធី “បិទស្ទឹង បើកការដ្ឋានសាងសង់ទំនប់វារីអគ្គិសនី តាតៃលើ” ស្ថិតនៅក្នុងស្រុកថ្មបាំង ខេត្តកោះកុង។ទំនប់វារីអគ្គិសនី ស្ទឹងតាតៃ លើជាគម្រោងមួយដែលប្រើប្រភពទឹកស្ទឹងចំនួន២គឺ ស្ទឹងកែប និងស្ទឹងតាតៃ ដោយសាងសង់ទំនប់២កាត់ស្ទឹងទាំង២ បង្កើតជា អាងស្តុក ទឹក២ ភ្ជាប់គ្នាទៅវិញទៅមក ដែលមានអានុភាពសរុប ១៥០ មេហ្គាវ៉ាត់ ។*ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្ដេចធិបតី ហ៊ុន ម៉ាណែត បានបញ្ជាក់ថា ការអភិវឌ្ឍវិស័យអគ្គិសនី នៅតែជាវិស័យអាទិភាពមួយរបស់រាជរដ្ឋាភិបាលអាណត្តិទី៧ ដើម្បីផ្ដល់ថាមពល អគ្គិសនី ដែលមានតម្លៃសមរម្យទៅដល់ប្រជាពលរដ្ឋ និងលើកកម្ពស់សេដ្ឋកិច្ច សង្គមរបស់ប្រជាពលរដ្ឋ។-សម្ដេចធិបតីនាយករដ្ឋមន្ត្រី៖ វិស័យអគ្គិសនីនៅតែជាអាទិភាពសំខាន់ នៃនយោបាយ សេដ្ឋកិច្ចរបស់រាជរដ្ឋាភិបាលអាណត្តិទី៧នេះជាដដែល។-សម្ដេចធិបតី ហ៊ុន ម៉ាណែត បញ្ជាក់ថា អ្នកខ្លះឱ្យតែនិយាយពីសុខសន្ដិភាព ស្ថិរភាពរបស់ប្រទេសកម្ពុជា ពួកគេតែងតែចោទប្រកាន់ថា រាជរដ្ឋាភិបាលផ្ដាច់ការតែម្ដង ខណៈដែលប្រទេសកម្ពុជាបើគ្មានសុខសន្ដិភាព ក៏គ្មានការអភិវឌ្ឍលើគ្រប់វិស័យជាពិសេសហេដ្ឋារចនាសម្ព័ន្ធនានា ដូចជាវិស័យថាមពលអគ្គិសនីនេះជាដើម។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ ការអភិវឌ្ឍប្រទេស គឺឈរលើមូលដ្ឋានគ្រឹះសំខាន់ចំនួន ២គឺបរិស្ថានអំណោយផលល្អ(សុខសន្តិភាព) និងគោលនយោបាយត្រឹមត្រូវ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ បច្ចុប្បន្នថាមពលអគ្គិសនី បានគ្របដណ្ដប់ប្រមាណ ៩៨ ភាគរយនៅទូទាំងប្រទេស។-សម្ដេចធិបតី ហ៊ុន ម៉ាណែត៖«ខ្ញុំសុខចិត្តឱ្យអ្នកខ្លះហៅខ្ញុំថា ផ្ដាច់ការទៅចុះ នៅពេលដែលខ្ញុំនិយាយពីសន្ដិភាពរបស់ប្រទេសកម្ពុជា ជាជាងមិនអាចស្វែងរកសន្ដិភាពជូនដល់ប្រជាជន»។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ រាជរដ្ឋាភិបាលអាណត្តិទី៧ បន្តទទួលខុសត្រូវលើពល រដ្ឋ និងប្រទេសជាតិចំនួន ៣ នោះគឺជំរុញជីវភាពពលរដ្ឋទូទាំងប្រទេស និងសេដ្ឋកិច្ចជាតិឱ្យកាន់តែរីកចម្រើន។ ទី២ ទទួលខុសត្រូវលើរាល់ការអភិវឌ្ឍទាំងអស់ ត្រូវគិតឱ្យបានហ្មត់ចត់បញ្ចៀសរាល់ការប៉ះ ពាល់។ ទី៣ រួមទទួលខុសត្រូវលើផលប៉ះពាល់បរិស្ថានពិភពលោក និងការប្រែប្រួលអាកាសធាតុ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី៖ កម្ពុជាត្រូវធានាឱ្យបាននូវសន្តិសុខថាមអគ្គិសនី និង ឯក រាជ្យភាពថាមពលអគ្គិសនី ដើម្បីធានាដល់ការអភិវឌ្ឍ និងបម្រើដល់ជីវភាពប្រចាំថ្ងៃរបស់ពលរដ្ឋ។-សម្ដេចធិបតី ហ៊ុន ម៉ាណែត ថ្លែងថា ក្នុង១ឆ្នាំ រដ្ឋគ្រោងថវិកា១០០លានដុល្លារ ឧបត្ថម្ភធនសម្រាប់យកទៅទប់លើការប្រើប្រាស់ថ្លៃអគ្គិសនីជូនដល់ប្រជាពលរដ្ឋ (បញ្ចុះតម្លៃអគ្គិសនី) ជារៀងរាល់ឆ្នាំ។- សម្ដេចធិបតី៖ រាជរដ្ឋាភិបាលដាក់គោលដៅអភិវឌ្ឍវិស័យថាមពលអគ្គិសនីដល់ប្រជាពលរដ្ឋជាង ១ ភាគរយ ដែលមិនទាន់មានអគ្គសនីប្រើប្រាស់ ត្រូវផ្គត់ផ្គង់ឱ្យមានអគ្គិសនីប្រើប្រាស់នៅមុនឆ្នាំ ២០៣០។សម្ដេចធិបតី ហ៊ុន ម៉ាណែត បានបញ្ជាក់ថា ការសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាំង ខេត្តកោះកុងនេះ បើគិតតាំងពីការសិក្សារហូតដល់ការកសាងនាពេលនេះ គឺត្រូវប្រើប្រាស់ពេល១៨ឆ្នាំ ជាពិសេសការសិក្សាលើបញ្ចៀសផលប៉ះពាល់នានា។សម្ដេចធិបតី ហ៊ុន ម៉ាណែត ប្រកាសថា រាជរដ្ឋភិបាលតាមរយៈអគ្គិសនីកម្ពុជា នឹងជំរុញការតបណ្ដាញប្រព័ន្ធអគ្គិសនីជូនដល់ប្រជាពលរដ្ឋនៅឃុំ តាតៃលើ ឃុំជំនាប ឃុំ ប្រឡាយ ឱ្យបានគ្រប់ខ្នងផ្ទះ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី ថ្លែងបញ្ជាក់ច្បាស់ៗនៅចំពោះមុខសាធារណជននាថ្ងៃទី ៣០ ខែវិច្ឆិកា ឆ្នាំ២០២៣ថា កម្ពុជានឹងមិនសាងសង់វារីអគ្គិសនីនៅតាមបណ្ដោយដងទន្លេមេគង្គនោះ ទេ គឺដើម្បីបញ្ចៀសផលប៉ះពាល់ដល់បរិស្ថាន និងជីវៈចម្រុះនានា។-សម្ដេចធិបតី ហ៊ុន ម៉ាណែត មានប្រសាសន៍ថា ការតបណ្ដាញប្រព័ន្ធអគ្គិសនីជូនដល់ប្រជាពលរដ្ឋនៅឃុំ តាតៃលើ ឃុំជំនាប ឃុំ ប្រឡាយ មានប្រវែង ៣៣ គីឡូម៉ែត្រ អាចផ្ដល់ផលដល់ពលរដ្ឋចំនួន ៦៦៣ គ្រួសារ និងអាចកើនលើសនេះ នាពេលខាងមុខ ខណៈសម្ដេចជំរុញឱ្យអគ្គិសនីកម្ពុជាត្រូវធ្វើការតភ្ជាប់ឱ្យបានរួចរាល់នៅមុនបំណាច់ ខែកុម្ភៈ ឆ្នាំ ២០២៤ ខាងមុខនេះ។-សម្ដេចធិបតី ហ៊ុន ម៉ាណែត នាយករដ្ឋមន្ត្រី បានបញ្ជាដល់អគ្គិសនីកម្ពុជា ធ្វើយ៉ាងណាភ្ជាប់ខ្សែ បណ្ដាញអគ្គិសនីដើម្បីពលរដ្ឋជាង ៦០០ គ្រួសារនៅក្នុងឃុំតាតៃលើ, ឃុំប្រឡាយ និងឃុំជំនាប់ ក្នុង ខេត្តកោះកុង ដែលត្រូវចំណាយថវិកាជាងប៉ែតសិបម៉ឺនដុល្លារ បានប្រើប្រាស់អគ្គិសនីឱ្យបានគ្រប់ខ្នង ផ្ទះនៅត្រឹមខែកុម្ភៈ ឆ្នាំ២០២៤។-សម្ដេចធិបតី ហ៊ុន ម៉ាណែត នាយករដ្ឋមន្ត្រី បានចេញបញ្ជានៅថ្ងៃទី៣០ ខែវិច្ឆិកា ឆ្នាំ២០២៣ ឱ្យបញ្ឈប់គម្រោងអភិវឌ្ឍន៍រោងចក្រអគ្គិសនីដែលប្រើធ្យូងថ្ម និងបញ្ជាឱ្យបញ្ឈប់ដំណើរការរោងចក្រអគ្គិសនីដើរ ដោយថាមពលធ្យូងថ្មនៅមុនពេលកំណត់។-សម្ដេចធិបតី ហ៊ុន ម៉ាណែត បញ្ជាក់ថា សម្រាប់អាណត្តិទី៧នេះ សម្ដេចបានប្រគល់ភារកិច្ចដល់ក្រសួងរ៉ែ និងថាមពល លើវិស័យអាទិភាពចំនួន ៥ ក្នុងនោះទី១ ការអភិវឌ្ឍវិស័យថាមពល ទី២ បញ្ឈប់ការអភិវឌ្ឍរោងចក្រអគ្គិសនីដុតដោយធ្យូងថ្ម ទី៣ ធ្វើបច្ចុប្បន្នភាពផែនការមេឡើងវិញលើការអភិវឌ្ឍវិស័ថាមពលអគ្គិសនី ៤ លើកកម្ពស់ការប្រើប្រាស់យានយន្តអគ្គិសនី និងទី៥ ធ្វើការងារការទូត ផ្នែកការទូតបៃតង សម្រាប់ការវិនិយោគ និងការអភិវឌ្ឍ។

ក្រសួងមហាផ្ទៃ ណែនាំដល់អភិបាលរាជធានីខេត្ត អនុវត្តការងារមួយចំនួន ដើម្បីជួយសម្រួលដល់ពលរដ្ឋក្នុងការចុះបញ្ជីដីធ្លី

ភ្នំពេញ៖ ដើម្បីបង្កលក្ខណៈងាយស្រួលដល់ប្រជាពលរដ្ឋក្នុងយុទ្ធនាការចុះបញ្ជីដីធ្លី ក្រសួងមហាផ្ទៃ ប្រកាសស្នើដល់ឯកឧត្តម លោកជំទាវអភិបាល នៃគណៈអភិបាលរាជធានី ខេត្ត អនុវត្តការងារមួយចំនួនដូចខាងក្រោម៖- ណែនាំដល់រដ្ឋបាលឃុំ សង្កាត់ក្នុងដែនសមត្ថកិច្ចរបស់ខ្លួន រៀបចំ និងដាក់ចេញដីកា ស្តីពីការលើកលែងការបង់កម្រៃសេវាសម្រាប់ការស្នើសុំលិខិតបញ្ជាក់ប្រវត្តិដីធ្លី និងលិខិតបញ្ជាក់ទាយាទ រហូតដល់ការចុះបញ្ជីដីធ្លីត្រូវបានបញ្ចប់ក្នុងមូលដ្ឋានឃុំ សង្កាត់នីមួយៗ- ណែនាំរដ្ឋបាលក្រុង ស្រុក ខណ្ឌ និងរដ្ឋបាលឃុំ សង្កាត់ទាំងអស់ត្រូវយកចិត្តទុកដាក់ខ្ពស់ក្នុងការផ្តល់សេវារដ្ឋបាលនានា ដែលបម្រើឱ្យការចុះបញ្ជីដីធ្លីជូនប្រជាពលរដ្ឋឱ្យបានឆាប់រហ័ស និងទាន់ពេលវេលា។-ជាមួយគ្នានេះ រដ្ឋបាលរាជធានី ខេត្តត្រូវចាត់តាំងក្រុមការងារចុះគាំទ្រ តាមដាន ត្រួតពិនិត្យ និងវាយតម្លៃជាប្រចាំលើការអនុវត្តការងារនេះ ព្រមទាំងត្រូវធ្វើរបាយការណ៍ឱ្យបានជាក់លាក់ មកអគ្គនាយកដ្ឋានរដ្ឋបាល ក្រសួងមហាផ្ទៃ។

បណ្ដាញសង្គម

ព័ត៌មានថ្មីៗ

ខេត្តសៀមរាបត្រៀមខ្លួនរួចរាល់ក្នុងការទទួលព្រះរាជដំណើរ ព្រះករុណាជាអម្ចាស់ជីវិតលើត្បូង និងការអញ្ជើញមកដល់របស់ឯកឧត្តម Emmanuel Macron

រដ្ឋមន្ត្រីការបរទេស៖ កិច្ចប្រជុំរដ្ឋមន្ត្រីហ្វ្រង់កូហ្វូនីនឹងពិនិត្យលើឯកសារទាំងឡាយដែលបានរៀបចំកសាងឡើងសម្រាប់យកទៅឆ្លងអនុម័តក្នុងកិច្ចប្រជុំកំពូល

សម្តេចធិបតី អនុញ្ញាតជូន អនុរដ្ឋមន្ត្រីការបរទេស និងពាណិជ្ជកម្មក្រៅប្រទេស នៃសាធារណរដ្ឋម៉ាសេដ្វានខាងជើង ចូលជួបសម្តែងការគួរសម

ប្រធានាធិបតីប្រទេសកូម័រ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០

សម្តេចធិបតី នាយករដ្ឋមន្រ្ដី អនុញ្ញាតជូន អគ្គនាយកអង្គការ UNESCO ចូលជួបសម្តែងការគួរសម និងពិភាក្សាការងារ

ឯកឧត្តម អ៊ុច បូររិទ្ធ អញ្ជើញជាអធិបតីក្នុងពិធីបើកសិក្ខាសាលាក្របខ័ណ្ឌសភាប្រើភាសាបារាំង ស្តីពី «អាកាសធាតុ សន្តិភាព និងសន្តិសុខ» នៅវិមានព្រឹទ្ធសភា

សម្ដេចតេជោ អបអរសាទរ និងកោតសរសើរចំពោះ ចៅស្រី ល្អហួស ដែលបានខិតខំព្យាហាម រហូតសម្រេចក្តីស្រមៃ និងក្លាយជាម្ចាស់មកុដ Miss Teen Icon International 2026

ការវិនិយោគផ្លូវនៅជនបទ ជាការឆ្លើយតបទៅនិងការស់នៅដ៏ចាំបាច់របស់ប្រជាជន

រាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចធិបតី៖ អាណត្តិទី៧នេះ បានប្រគល់ភារកិច្ចអាទិភាពចំនួន៥ ដល់ក្រសួងរ៉ែ និងថាមពល

សម្ដេចធិបតី៖រដ្ឋនឹងផ្ដល់អគ្គិសនីដល់ពលរដ្ឋជាង១% ដែលមិនទាន់មានអគ្គិសនីប្រើប្រាស់នៅមុនឆ្នាំ២០៣០

ក្រសួងការបរទេស៖ បារាំងមានបំណងរៀបចំបញ្ចប់កិច្ចព្រមព្រៀងសន្តិសុខជាមួយអ៊ុយក្រែន នៅដើមឆ្នាំ២០២៤

សម្ដេចធិបតីចេញបញ្ជាឱ្យបញ្ឈប់គម្រោងរោងចក្រអគ្គិសនី ដើរដោយថាមពលធ្យូងថ្ម

សម្តេចធិបតី៖ សន្តិសុខថាមពល គឺជាកត្តាសំខាន់ខ្លាំងបំផុត សម្រាប់ការអភិវឌ្ឍសេដ្ឋកិច្ចរបស់ជាតិ

ប្រជាពលរដ្ឋឃុំពន្លៃ ស្រុកបរិបូណ៌ សប្បាយរីករាយ ក្រោយទទួលបានផ្លូវល្អស្អាតប្រើប្រាស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចធិបតី៖ អាណត្តិទី៧នេះ បានប្រគល់ភារកិច្ចអាទិភាពចំនួន៥ ដល់ក្រសួងរ៉ែ និងថាមពល

សម្ដេចធិបតី៖រដ្ឋនឹងផ្ដល់អគ្គិសនីដល់ពលរដ្ឋជាង១% ដែលមិនទាន់មានអគ្គិសនីប្រើប្រាស់នៅមុនឆ្នាំ២០៣០

ក្រសួងការបរទេស៖ បារាំងមានបំណងរៀបចំបញ្ចប់កិច្ចព្រមព្រៀងសន្តិសុខជាមួយអ៊ុយក្រែន នៅដើមឆ្នាំ២០២៤

សម្ដេចធិបតីចេញបញ្ជាឱ្យបញ្ឈប់គម្រោងរោងចក្រអគ្គិសនី ដើរដោយថាមពលធ្យូងថ្ម

សម្តេចធិបតី៖ សន្តិសុខថាមពល គឺជាកត្តាសំខាន់ខ្លាំងបំផុត សម្រាប់ការអភិវឌ្ឍសេដ្ឋកិច្ចរបស់ជាតិ

ប្រជាពលរដ្ឋឃុំពន្លៃ ស្រុកបរិបូណ៌ សប្បាយរីករាយ ក្រោយទទួលបានផ្លូវល្អស្អាតប្រើប្រាស់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍