នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ
គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុង​ស្រុកបាកាន ខេត្តពោធិ៍សាត់
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

នយោបាយ​ និង ការអភិវឌ្ឍន៍

កិច្ចពិភាក្សាចិន-អាមេរិកប្រមូលផ្តុំកម្លាំងជំរុញ ដែលត្រួសត្រាយផ្លូវសម្រាប់ជំនួបកំពូល លោក Xi និងលោក Biden

2023/09/29 11:29:54 am        81
Facebook Telegram Linkin
សារព័ត៌មាន the Wall Street បានរាយការណ៍កាលពីថ្ងៃព្រហស្បតិ៍ថា ទីក្រុងប៉េកាំង និងទីក្រុងវ៉ាស៊ីនតោន កំពុងត្រួសត្រាយផ្លូវសម្រាប់ប្រធានាធិបតីចិន លោក Xi Jinping ដើម្បីធ្វើទស្សនកិច្ចទៅកាន់សហរដ្ឋអាមេរិក។ ការរាយការណ៍ បាននិយាយលើកឡើងពីអ្នកដែលបាននិយាយពីបញ្ហានេះថា ភាគីទាំងពីរ កំពុងពិភាក្សាពីដំណើរទស្សនកិច្ច ទៅកាន់ទីក្រុងវ៉ាស៊ីនតោនធ្វើឡើងដោយជំនួយការគោលនយោបាយសេដ្ឋកិច្ចជាន់ខ្ពស់របស់លោក Xi ជាឧបនាយករដ្ឋមន្ត្រីចិន លោក He Lifeng ។សារព័ត៌មាន the Wall Street បាននិយាយថា លោក Lifeng នឹងក្លាយជាមន្ត្រីជាន់ខ្ពស់បំផុតដែលធ្វើដំណើរទៅកាន់សហរដ្ឋអាមេរិក ចាប់តាំងពីប្រធានាធិបតីលោក Joe Biden ឡើងកាន់តំណែង ហើយការរៀបចំផែនការនេះ គឺកំពុងដំណើរការសម្រាប់អ្នកការទូតជាន់ខ្ពស់ចិននិងជារដ្ឋមន្ត្រីការបរទេសលោក Wang Yi ដើម្បីធ្វើទស្សនកិច្ចទៅកាន់ទីក្រុងវ៉ាស៊ីនតោន នៅក្នុងខែតុលា ដើម្បីត្រៀមសម្រាប់ជំនួបកំពូលរបស់លោក Xi ជាមួយលោក Biden។

លោក ពូទីន៖ ការបោះឆ្នោតក្នុងតំបន់អ៊ុយក្រែនដែលកាន់កាប់ដោយរុស្ស៊ី ជាជំហានឆ្ពោះទៅរកការរួមបញ្ចូលពេញលេញ

2023/09/29 11:18:27 am        289
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃព្រហស្បតិ៍ (២៨ កញ្ញា) ថា ការបោះឆ្នោតដែលបានធ្វើឡើងក្នុងខែនេះ នៅតំបន់នានារបស់អ៊ុយក្រែនដែលគ្រប់គ្រងដោយរុស្ស៊ី បានបង្ហាញពីជំហានឆ្ពោះទៅរកការធ្វើសមាហរណកម្មពេញលេញរបស់តំបន់ទាំងនោះ ចូលទៅក្នុងប្រទេសរុស្ស៊ី។ការបោះឆ្នោតនៅក្នុងតំបន់ Donetsk ទីក្រុង Luhansk តំបន់ Kherson និងតំបន់ទំបន់វារីអគ្គិសនី Zaporizhzhia ដែលស្ថិតនៅក្រោមការគ្រប់គ្រងរបស់រុស្ស៊ី បន្ទាប់ពីការលុកលុយយ៉ាងពេញលេញលើអ៊ុយក្រែនកាលពីឆ្នាំមុន ត្រូវបានថ្កោលទោសដោយរដ្ឋធានី គីវ ថាជារឿងខុសច្បាប់។ រុស្ស៊ីបាននិយាយកាលពីមួយឆ្នាំមុនថា ខ្លួនកំពុងបញ្ចូលតំបន់ទាំងបួននោះ ដោយជាទង្វើមួយដែលត្រូវបានថ្កោលទោសថាខុសច្បាប់ ដោយប្រទេសភាគច្រើននៅអង្គការសហប្រជាជាតិ។លោក ពូទីន បានប្រាប់កិច្ចប្រជុំនៃអភិបាលដែលទើបជាប់ឆ្នោតថ្មី ដោយសំអាងលើការបោះឆ្នោតនាពេលថ្មីៗនេះ ថា «ជាការពិតណាស់ នេះគឺជាព្រឹត្តិការណ៍ដ៏សំខាន់មួយ និងជាជំហានដ៏សំខាន់មួយ ដើម្បីឆ្ពោះទៅរកការបញ្ចូលពេញលេញនៃតំបន់ថ្មីៗទាំងនោះ ទៅក្នុងលំហរដ្ឋស្របច្បាប់តែមួយ នៃប្រទេសដ៏ធំរបស់យើង» ដោយលោកបានពិពណ៌នាការបោះឆ្នោតនោះថា ជារឿងយុត្តិធម៌បំផុតផងដែរ៕

ការផ្ទុះរាលដាលជំងឺគ្រុនឈាមនៅបង់ក្លាដែស ឈានដល់ដំណាក់កាលវិបត្តិ ដែលបានឆក់យកជីវិតមនុស្សជិត១ពាន់នាក់

2023/09/29 10:31:20 am        100
Facebook Telegram Linkin
ក្លាដែស៖ សារព័ត៌មានជាច្រើនបានរាយការណ៍ថា ប្រទេសបង់ក្លាដែស កំពុងប្រឹងប្រែងទប់ទល់ការផ្ទុះជំងឺគ្រុនឈាមខ្ពស់បំផុត ដោយមានសេចក្ដីរាយការណ៍ថាមនុស្សជិត១.០០០នាក់ បានស្លាប់ក្នុងប៉ុន្មានសប្ដាហ៍ថ្មីៗនេះ ។ ស្ថានភាពធ្ងន់ធ្ងរនេះ ត្រូវបានរុញដោយរដូវសើមមូសុង ដែលផ្ដល់ឱកាសដល់ការបង្កកំណើតរបស់សត្វមូស ដែលចម្លង វីរុសគ្រុនឈាមនៅក្នុងទឹកមិនហូរ។  ក្រុមអាជ្ញាធរបានព្យាយាមទប់ស្កាត់ការរីករាលដាលយ៉ាងឆាប់រហ័សនៃជំងឺនេះ ដែលនាំឱ្យមានការផ្ទុកអ្នកជំងឺលើសចំណុះនៅតាមមន្ទីរពេទ្យនានា។ ក្នុងករណីធ្ងន់ធ្ងរ ជំងឺគ្រុនឈាមអាចបណ្តាលឲ្យមានការហូរឈាមនៅក្នុងរាងកាយ ដែលជាញឹកញាប់អាចបណ្តាលឲ្យស្លាប់។ រោគសញ្ញារួមមាន ឈឺក្បាល ចង្អោរ ឈឺសន្លាក់ និងសាច់ដុំ។ ជាធម្មតានៅតំបន់ត្រូពិច ការផ្ទុះជំងឺគ្រុនឈាមគឺជារឿងធម្មតានៅក្នុងតំបន់ជាយទីក្រុង ដែលមានអនាម័យមិនគ្រប់គ្រាន់ ជួយជំរុញដល់ការរាលដាលនៃមូសដែលផ្ទុកមេរោគ។កាលពីកន្លងទៅ ជំងឺគ្រុនឈាមគឺជាក្តីកង្វល់តាមរដូវនៅប្រទេសបង់ក្លាដែស។ ទោះយ៉ាងណាក៏ដោយ ការផ្ទុះជំងឺជាញឹកញាប់ អាចបណ្តាលមកពីការប្រែប្រួលអាកាសធាតុដែលបង្កឡើងដោយខ្យល់មូសុង ក្តៅ-សើម ចាប់តាំងពីការផ្ទុះឡើងដំបូងដែលបានកត់ត្រាក្នុងឆ្នាំ ២០០០ ។ ការកើនឡើងនៃការឆ្លងចុងក្រោយនេះ បានធ្វើឱ្យប្រទេសមួយនេះមានការប្រុងប្រយ័ត្ន ដែលត្រូវបានជំរុញដោយវីរុសដ៏សាហាវជាងនេះ។ ក្រុមវេជ្ជបណ្ឌិតបានសង្កេតឃើញថា ស្ថានភាពអ្នកជំងឺគ្រុនឈាមកាន់តែយ៉ាប់យ៉ឺនលឿនជាងឆ្នាំមុនៗ៕

រដ្ឋមន្ត្រីក្រសួងធម្មការ នាំយកនូវទេយ្យវត្ថុ និងប្រគល់ភារកិច្ចប្រគេនជូនសម្តេចព្រះព្រហ្មរតនមុនី ពិន សែម

2023/09/29 10:29:30 am        119
Facebook Telegram Linkin
សៀមរាប៖ នៅថ្ងៃទី២៨ ខែកញ្ញា ម្សិលមិញនេះ ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា និងលោកជំទាវ សូ ភត្រ្តា បាននាំយកនូវទេយ្យវត្ថុគ្រឿងឧបភោគបរិភោគ និងបច្ច័យដែលជាសទ្ធាជ្រះថ្លារបស់សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រគេនជូនសម្តេចព្រះព្រហ្មរតនមុនី ពិន សែម ព្រះសង្ឃ សមណសិស្ស លោកគ្រូ អ្នកគ្រូ គណៈកម្មការវត្ត និងពុទ្ធបរិស័ទ។ក្នុងឱកាសប្រគល់ភារកិច្ចប្រគេន សម្តេចព្រះព្រហ្មរតនមុនី ពិន សែម ឧត្តមទីប្រឹក្សាផ្ទាល់​គណៈសង្ឃនាយក សមាជិកថេរសភា ព្រះពុទ្ធសាសនា នៃព្រះរាជាណាចក្រកម្ពុជា និងជាព្រះចៅអធិការវត្តរាជបូណ៌ ទទួលភារកិច្ចសម្របសម្រួលការងារពុទ្ធសាសនា ដោយសហការជាមួយមន្ត្រីសង្ឃគ្រប់ឋានានុក្រម និងមន្ទីរធម្មការ និងសាសនា ខេត្តសៀមរាប និងប្រគល់ព្រះរាជប្រកាសនីយប័ត្រផ្ដល់​គោរមងារ​ជូនអ្នកឧកញ៉ាបណ្ឌិត សៀង ណាំ ជាសុព្រហ្មសិលាចារ្យ អគ្គមហាឧបាសកពុទ្ធសាសនូបត្ថម្ភក៍ និងលោកជំទាវ អ៊ុន វុនលី ជាសុព្រហ្មសិលាចារ្យានី អគ្គមហាឧបាសិកាពុទ្ធសាសនូបត្ថម្ភក៍ ដែលប្រារព្ធឡើងនៅវត្តរាជបូណ៌ ស្ថិតនៅក្រុងសៀមរាប ខេត្តសៀមរាប ថ្ងៃទី២៨ ខែកញ្ញា ឆ្នាំ២០២៣។ឯកឧត្តម ចាយ បូរិន បានពាំនាំនូវការផ្តាំផ្ញើសួរសុខទុក្ខពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រគេនសមេ្តច ព្រះរាជាគណៈ ព្រះថេរានុត្ថេរៈគ្រប់ព្រះអង្គ ពុទ្ធបរិស័ទ និងអ្នកចូលរួមទាំងអស់ដោយក្តីនឹករលឹក។ សព្វថ្ងៃនេះ ខេត្តសៀមរាប ត្រូវបានគេទទួលស្គាល់ទូទាំងពិភពលោកថា ជាតំបន់ទេសចរណ៍ដ៏សំខាន់របស់ប្រទេសកម្ពុជា ព្រោះជាខេត្តតាំងនៅនៃប្រាសាទអង្គរវត្តដ៏ល្បីល្បាញបំផុត និងមានប្រាសាទបុរាណល្បីៗ​ជាច្រើន​ទៀត ហើយក៏ជាខេត្តមួយមានធនធានព្រះសង្ឃដ៏កម្រ និងត្រូវបានព្រះករុណាព្រះបាទ​សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាជហឫទ័យ ប្រោសព្រះរាជទាន​គោរមងារ​ជាសម្តេចព្រះព្រហ្មរតនមុនី និងទទួលជួយមើលការងារកិច្ចការព្រះពុទ្ធសាសនា និងទីវត្តអារាមនានា ទូទាំងខេត្ត ដូចមានចែងក្នុងសេចក្តីសម្រេចរបស់គណៈសង្ឃនាយក ​នៃព្រះរាជាណាចក្រកម្ពុជា ។ឯកឧត្តម ចាយ បូរិន បានបញ្ជាក់ថា សម្ដេចព្រះព្រហ្មរតនមុនី ពិន សែម ក្នុងមួយជីវិតរបស់សម្តេច គឺបានបូជាចំពោះព្រះពុទ្ធសាសនា និងសង្គមជាតិ តាមរយៈការចូលរួមចំណែកកសាងនូវសមិទ្ធផលនានា នៅតាមវត្តអារាមជាច្រើន ដូចជាវត្តរាជបូណ៌នេះជាដើម ​ហើយវត្តរាជបូណ៌នេះទៀតសោត គឺល្បីល្បាញទូទាំងប្រទេស និងផ្សព្វផ្សាយ​ លើពិភពលោកខាងវិស័យអប់រំ ផ្នែកចរិយាធម៌ សីលធម៌ គុណធម៌ សុជីវធម៌។ ក្នុងនាមក្រសួងធម្មការ និងសាសនា ឯកឧត្តមរដ្ឋមន្រ្តី បានសំណូមពរដល់សម្តេច ព្រះមេគណខេត្ត ព្រះមន្ត្រីសង្ឃថ្នាក់ខេត្ត ព្រះគ្រូអនុគណស្រុក ព្រះមន្ត្រីសង្ឃថ្នាក់ស្រុក រួមគ្នាពង្រឹងព្រះធម៌ ព្រះវិន័យ និងលិខិតបទដ្ឋានគតិយុត្តនានា ដែលមានស្រាប់ ដើម្បីលើកកម្ពស់កិត្យានុភាពតម្លៃ នៃព្រះពុទ្ធសាសនាដែលជាសាសនារបស់រដ្ឋ និងការរៀបចំហេដ្ឋារចនាសម្ព័ន្ធតាមទីវត្តអារាម ឱ្យបានល្អ​ស័ក្តិសម​ជាទីកន្លែងសម្រាប់គោរពសក្ការបូជា​ និងជាទីកន្លែងសម្រាប់ទេសចរជាតិ អន្តរជាតិ ​បាន​ឈ្វេងយល់​ពីវប្បធម៌ព្រះពុទ្ធសាសនា ​ប្រពៃណី ទំនៀមទម្លាប់ ដ៏ល្អផូរផង់របស់​ជាតិខ្មែរ​យើងតាំងពីអតីតកាល ​រហូតមកដល់ពេលបច្ចុប្បន្ននេះ​ ហើយចំពោះអធិករណ៍ ដែលកើតមាន​ទៅតាមធម៌វិន័យ រឿងធំធ្វើមកជារឿងតូច រឿងតូចធ្វើទៅជារឿងល្អៗ ដើម្បីបញ្ចប់៕

នាយករដ្ឋមន្ត្រីស៊ុយអែត កោះហៅប្រមុខកងទ័ព នគរបាល ខណៈអំពើហិង្សារបស់ក្រុមជនអន្ធពាល ធ្វើឲ្យកក្រើកប្រទេស

2023/09/29 10:23:02 am        92
Facebook Telegram Linkin
ស៊ុយអែត៖ នាយករដ្ឋមន្ត្រីស៊ុយអែតបាននិយាយកាលពីថ្ងៃព្រហស្បតិ៍ថា ខ្លួនបានកោះហៅប្រមុខកងកម្លាំងប្រដាប់អាវុធ និងស្នងការនគរបាលក្នុងគោលបំណង ដើម្បីទប់ស្កាត់អំពើហិង្សារបស់ក្រុមជនអន្ធពាល បន្ទាប់ពីរលកនៃអំពើហិង្សា ដែលបានបណ្តាលឲ្យមនុស្សយ៉ាងហោចណាស់ ១១នាក់ស្លាប់នៅក្នុងខែកញ្ញាតែមួយប៉ុណ្ណោះ។មនុស្សពីរនាក់ ត្រូវបានសម្លាប់នៅក្នុងការបាញ់ប្រហារដាច់ដោយឡែកពីគ្នាក្នុងទីក្រុង Stockholm កាលពីថ្ងៃពុធ ហើយស្ត្រីម្នាក់មានវ័យក្នុងខ្ទង់២០ឆ្នាំ ដែលត្រូវបានគេគិតថា ជាអ្នកឈរមើលដែលគ្មានទោស បានស្លាប់ នៅពេលដែលគ្រាប់បែក បានបំផ្លាញផ្ទះមួយខ្នងនៅទីក្រុងអ៊ុបសាលា (Uppsala) នៅព្រឹកព្រលឹមថ្ងៃព្រហស្បតិ៍។លោកនាយករដ្ឋមន្ត្រី អ៊ុល គ្រីស្ទើសុន (Ulf Kristersson) បាននិយាយក្នុងអំឡុងពេលថ្លែងសុន្ទរកថាតាមទូរទស្សន៍ដ៏កម្រទៅកាន់ប្រទេសជាតិថា៖«នេះគឺជាពេលវេលាដ៏លំបាកមួយសម្រាប់ស៊ុយអែត។ ស្ត្រីអាយុ២៥ ឆ្នាំម្នាក់ បានចូលគេងកាលពីយប់មិញដូចធម្មតា ប៉ុន្តែមិនពេញចិត្តនឹងស្ថានភាព នៅក្នុងប្រទេសនេះ។លោក បានថ្លែងថា៖ «យើងនឹងតាមចាប់ខ្លួនក្រុមជនអន្ធពាលទាំងនោះ យើងនឹងកម្ចាត់ក្រុមជនអន្ធពាលឲ្យអស់»។លោកគ្រីស្ទើសុន បានបង្កើតរដ្ឋាភិបាលជនជាតិភាគតិស្តាំនិយមកណ្តាល បន្ទាប់ពីការបោះឆ្នោតកាលពីឆ្នាំមុន ដោយមានការគាំទ្រពីប្រជាធិបតេយ្យនិយម និងប្រឆាំងជនអន្តោប្រវេសន៍ស៊ុយអែត ដោយបញ្ចប់     រយៈពេល៨ឆ្នាំនៃរដ្ឋាភិបាល ដែលដឹកនាំដោយសង្គមប្រជាធិបតេយ្យ នៅក្នុងប្រទេសស៊ុយអែត៕

រាជរដ្ឋាភិបាលកម្ពុជា សម្រេចបញ្ចុះតម្លៃអត្រាអាករនាំចេញថ្មធម្មជាតិ និងប្រភេទថ្មមិនទាន់កែច្នៃមួយចំនួនទៀត

2023/09/29 10:22:30 am        209
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសថា នាថ្ងៃទី២៩ ខែកញ្ញា ឆ្នាំ២០២៣នេះ សម្តេចបានសម្រេចចុះហត្ថលេខា ដោយ​អនុញ្ញាត​ឲ្យ​ធ្វើ​ការ​បញ្ចុះ​តម្លៃ​អាត្រា​អាករ ការនាំចេញលើមុខទំនិញថ្មធម្មជាតិ ក្នុងគោល​ដៅ​ជួយ​សម្រាល​បន្ទុក​ដល់​ក្រុម​ហ៊ុន​ចំពោះ​ការ​នាំចេ​ញថ្មធម្មជាតិនេះទៅក្រៅ។តាមរយៈផេកហ្វេសបុកផ្ទាល់ និងឆាណែលតេលេក្រាមនាព្រឹកថ្ងៃទី២៩កញ្ញានេះ សម្តេចធិបតី ហ៊ុន ម៉ាណែត បានលើកឡើងថា «ថ្ងៃនេះខ្ញុំបានចុះហត្ថលេខាលើអនុក្រឹត្យ អនុញ្ញាត​ឱ្យ​បញ្ចុះ​អត្រា​អាករ​នាំ​ចេញ​លើ​មុខ​ទំនិញ​ថ្ម​ធម្មជាតិ​ សម្រាប់​នាំ​ចេញ​មួយ​ចំនួន​ក្នុង​គោល​ដៅ​ជួយ​សម្រាល​បន្ទុក​ដល់​ក្រុម​ហ៊ុននាំចេញថ្មធម្មជាតិ និងជួយដល់ការប្រកួតប្រជែង នៃផលិតផលថ្មធម្មជាតិខ្មែរ នៅ​លើ​ទីផ្សារអន្តរជាតិ»។ សម្តេចធិបតី នាយករដ្ឋមន្រ្តី បានលើកឡើងទៀតថាក្នុងពេលដែលសម្តេច និងគណៈប្រតិភូ ចុះ​ពិនិត្យ​តាមស្តង់ពិពណ៌លក់ផលិតផលរបស់កម្ពុជានៅទីក្រុងណាននីង ប្រទេសចិន ក្នុង​ឱកាស​ចូល​រួម​ពិព័រណ៍​អាស៊ាន-ចិន លើកទី២០ កាលពីថ្ងៃទី១៧ កញ្ញាកន្លងទៅថ្មីៗនេះ សម្តេច​បាន​ជួប​ជា​មួយ​ប្អូ​នស្រីម្នាក់ដែលជាតំណាងក្រុមហ៊ុនធ្វើអាជីវកម្មថ្មធម្មជាតិនៅកម្ពុជា ដែល​ពេល​នោះ​ប្អូន​ស្រី​បាន​ស្នើ​អោយរាជរដ្ឋាភិបាលកម្ពុជា ពិនិត្យ​លទ្ធភាព​ផ្តល់​ការ​ជួយ​បន្ថែម​ដល់​ការ​ធ្វើ​អាជីវកម្ម​ថ្ម​ធម្មជាតិ​នៅ​កម្ពុជា។ ជាការឆ្លើយតបទៅនឹងសំណូមពរនោះ ក៏ដូចជា​សំណូមពរ​ស្រដៀង​គ្នា​ពី​បង​ប្អូន​ផ្សេង​ទៀត​នៅ​កម្ពុជា​​ដែល​សម្តេចបានទទួល សម្តេចបានប្រគល់ភារកិច្ចជូនឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ដើម្បីសម្របសម្រួលកិច្ចប្រជុំរវាងស្ថាប័នពាក់ព័ន្ធ ដែលរួមមានក្រសួងសេដ្ឋកិច្ច និង​ហិរញ្ញវត្ថុ និងក្រសួងរ៉ែនិងថាមពល ជាមួយនិងសមាគមថ្មក្រានិតកម្ពុជា និង​ក្រុមហ៊ុន​ធ្វើ​អាជីវកម្ម​ថ្មអារ ដើម្បីស្តាប់នូវកង្វល់និងសំណូមពរផ្សេងៗ និង​ដើម្បី​ដាក់​ចេញ​នូវ​ដំណោះ​ស្រាយ​សមស្រប និង​ទាន់​ពេល​វេលា ក្នុងគោលបំណងជំរុញការធ្វើអាជីវកម្មថ្មធម្មជាតិ និងការនាំចេញថ្មធម្មជាតិ ឲ្យ​បាន​កាន់តែប្រសើរឡើង។សម្តេចធិបតី ហ៊ុន ម៉ាណែត បានឲ្យដឹងទៀតថាជាលទ្ធផល កិច្ចប្រជុំ​បាន​រៀបចំ​ជា​សំណើរ​ ដើម្បី​សុំ​គោលការណ៍​សម្រេចរបស់រាជរដ្ឋាភិបាល ដែលថ្ងៃនេះសម្តេចបានចុះហត្ថលេខាលើអនុក្រឹត្យ អនុញ្ញាតឱ្យបញ្ចុះអត្រានាំចេញលើមុខទំនិញនាំចេញមួយចំនួន ក្នុងគោល​ដៅ​ជួយ​សម្រាល​បន្ទុក​ដល់​ក្រុម​ហ៊ុន​នាំចេញថ្មធម្មជាតិ និងជួយដល់ការប្រកួតប្រជែងនៃផលិតផលថ្មធម្មជាតិរបស់ខ្មែរ នៅ​លើ​ទីផ្សារអន្តរជាតិផងដែរ៕ អត្ថបទ៖ បាន ចក់

ព្រឹត្តិការណ៍អបអរបុណ្យពាក់កណ្ដាលសទររដូវរបស់ក្រុមហ៊ុនប្រព័ន្ធផ្សព្វផ្សាយចិន ផ្ដល់ផ្ទាំងទស្សនីយភាពនៃការរចនាឆាកដ៏អស្ចារ្យ

2023/09/29 10:20:01 am        78
Facebook Telegram Linkin
ចិន៖ ព្រឹត្តិការណ៍អបអរពិធីបុណ្យពាក់កណ្ដាលសរទរដូវ ឬ Mid-Autumn Festival Gala បង្កើតឡើយដោយក្រុមហ៊ុនប្រព័ន្ធផ្សព្វផ្សាយរបស់ប្រទេសចិន គ្រោងនឹងធ្វើឲ្យទាក់ទាញការចាប់អារម្មណ៍ដល់ទស្សនិកជនអមដោយការច្នៃប្រឌិតឆាកដ៏អស្ចារ្យ ដោយលាយបញ្ជូលគ្នាតាមបែបប្រពៃណី និងសម័យទំនើប ដែលនឹងផ្ដល់ជូនភាពរីករាយដល់ទស្សនិកជន។  ព្រឹត្តិការណ៍អបអរសាទរដ៏ធំនេះ នឹងត្រូវចាក់ផ្សាយនៅពេលល្ងាចចំថ្ងៃពិធីបុណ្យ Mid-Autumn Festival ឬថ្ងៃបុណ្យសែនព្រះខែ ដែលនឹងចូលមកដល់នៅថ្ងៃសុក្រនេះនៅឆ្នាំនេះ នឹងផ្ដល់ផ្ទាំងទស្សនីយ៍ភាពបែបវប្បធម៌ដ៏ស្រស់ស្អាត ដល់ទស្សនិកជនរាប់រយលាននាក់នៅលើកញ្ចក់ទូរទស្សន៍រដ្ឋទូទាំងប្រទេស និងនៅលើបណ្ដាញផ្សព្វផ្សាយសង្គមផ្សេៗងជុំវិញពិភពលោក។    ពិធីបុណ្យដែលនឹងចូលមកដល់នៅថ្ងៃទី១៥ នៃខែទី៨ ក្នុងប្រតិទិនចន្ទគតិរបស់ចិន រៀងរាល់ឆ្នាំ អំឡុងមនុស្សរីករាយនឹងការជួបជុំគ្រួសារតាមទម្លាប់ ទទួលទាននំសែនព្រះខែរស់ជាតិផ្សេងៗគ្នាតាមប្រពៃណី លើកសរសើរភាពស្រស់ត្រកាលរបស់ព្រះចន្ទពេញវង់  ពន្លឺចង្កៀងគោម និងអបអរសាទរក្នុងរដូវប្រមូលផលដ៏ល្អប្រសើរ ។   ពិធីអបអរសាទរនេះ នឹងផ្ដោតលើផ្ទាំងទស្សនីយ៍ភាពវប្បធម៌ចំនួន៥ ដូចជា កំណាព្យ វប្បធម៌រស់រវើក ព្រះចន្ទ ទឹកនិងឬស្សី  និងត្រូវបានចែកចេញជា៣ឈុត ដោយមានជាង២០ប្រភេទ រួមទាំងការបង្ហាញសីល្បៈចម្រៀងទោល បទភ្លេង កូតវីយូឡុងជាក្រុម និងការបង្ហាញក្បាច់រាំ ៕

ចិន៖ នាវាមុជទឹកផលិតក្នុងស្រុកដំបូងរបស់កោះតៃវ៉ាន់ បំផ្លាញសន្តិភាព និងស្ថិរភាពនិងមិនអាចបញ្ឈប់ការបង្រួបបង្រួមជាតិបានទេ

2023/09/29 09:55:14 am        159
Facebook Telegram Linkin
ចិន៖ កាលពីថ្ងៃព្រហស្បតិ៍ ២៨ ខែកញ្ញា ក្រសួងការបរទេសចិន បានចោទប្រកាន់កោះតៃវ៉ាន់ថា បានបង្កើត ការប្រឆាំង និងការប្រឈមដាក់គ្នាចំៗ បន្ទាប់ពីទីក្រុងតៃប៉ិ បានបង្ហាញនាវាមុជទឹកផលិតក្នុងស្រុកជាលើកដំបូងរបស់ខ្លួន។ កោះតៃវ៉ាន់ ដែលចិនអះអាងថាជាទឹកដីរបស់ខ្លួន បានបង្កើតកម្មវិធីនាវាមុជទឹកក្នុងស្រុកជាផ្នែកសំខាន់នៃគម្រោងមហិច្ឆតាធ្វើទំនើបកម្មកងកម្លាំងប្រដាប់អាវុធរបស់ខ្លួន ស្របពេលទីក្រុងប៉េកាំងធ្វើសមយុទ្ធយោធាស្ទើរតែរាល់ថ្ងៃដើម្បីអះអាងអំពីអធិបតេយ្យភាពរបស់ខ្លួន។  អ្នកនាំពាក្យក្រសួងការពារជាតិចិន បាននិយាយកាលពីថ្ងៃព្រហស្បតិ៍ថា នាវាមុជទឹកផលិតក្នុងស្រុកដំបូងរបស់កោះនេះ មិនអាចបញ្ឈប់ការបង្រួបបង្រួមជាតិបានទេ គ្មានអ្វីក្រៅតែពីជារបាំងការពាររលកហើយទីបំផុតនឹងដើរចូលទៅក្នុងផ្លូវងងឹងដោយខ្លួនឯង ។  ចំណែកអ្នកនាំពាក្យក្រសួងការបរទេសចិន លោកស្រី ម៉ៅ នីញ (Mao Ning) ដែលបានបំភ្លឺថា បញ្ហាកោះតៃវ៉ាន់ មិនមែនជាបញ្ហាកិច្ចការបរទេសទេ តែសម្រាប់ប្រទេសចិនប៉ុណ្ណោះ បាននិយាយថា ការពង្រីកវិស័យយោធារបស់នេះ នឹង បំផ្លាញសន្តិភាព និងស្ថិរភាពនៃច្រកសមុទ្រតៃវ៉ាន់។រីឯអាជ្ញាធរការបរទេសរបស់កោះតៃវ៉ាន់ វិញ បាននិយាយថា ដោយខ្លួនប្រឈមនឹងការបង្កើនសម្ពាធយោធាពីសកម្មភាពផ្លូវអាកាស និងជើងទឹកឥតឈប់ឈររបស់ចិន  តៃវ៉ាន់គ្មានជម្រើសអ្វីក្រៅពីពង្រឹងការការពាររបស់ខ្លួនឡើយ។កោះតៃវ៉ាន់ បានលើកឡើងថា នាវាមុជទឹកថ្មីរបស់ខ្លួនដែលមានឈ្មោះ ណាវ៉ាល (Narwhal) នឹងចូលបម្រើវិស័យយោធា នៅឆ្នាំ ២០២៥  ដោយចូលរួមជាមួយនាវាមុជទឹកដែលមានស្រាប់ចំនួនពីរ គ្រឿង ទិញពីប្រទេសហូឡង់កាលពីទសវត្សរ៍ឆ្នាំ ១៩៨០៕

បេឡារុស្សអះអាងថាឧទ្ធម្ភាគចក្រប៉ូឡូញបានរំលោភដែនអាកាសរបស់ខ្លួន ប៉ុន្តែទីក្រុងវ៉ាសូវីបដិសេធ

2023/09/29 09:50:42 am        108
Facebook Telegram Linkin
បេឡារុស៖ ប្រទេសបេឡារុសកាលពីថ្ងៃព្រហស្បតិ៍ បាននិយាយថា ឧទ្ធម្ភាគចក្រប៉ូឡូញ បានរំលោភលើដែនអាកាសរបស់ខ្លួន ប៉ុន្តែទីក្រុងវ៉ាសូវី បាននិយាយថា គ្មានឧទ្ធម្ភាគចក្ររបស់ខ្លួន បានឆ្លងកាត់ព្រំដែនរវាងប្រទេសទាំងពីរនោះទេ។ទំនាក់ទំនងតានតឹងរវាងប្រទេសជិតខាង កាន់តែកើនឡើង ដោយសារសម្ព័ន្ធមិត្តរបស់បេឡារុស គឺប្រទេសរុស្ស៊ីឈ្លានពានអ៊ុយក្រែន កាលពីខែកុម្ភៈ ឆ្នាំមុន។ប្រទេសបេឡារុស បាននិយាយនៅលើប៉ុស្តិ៍Telegramរបស់ខ្លួនថា៖« ប្រហែលម៉ោង១៥២០ (១២២០ ម៉ោងសកល) ឧទ្ធម្ភាគចក្រ បានឆ្លងកាត់ព្រំដែននៃសាធារណរដ្ឋបេឡារុស ហើយបានហោះចូលទៅជម្រៅ រហូតដល់១.៥គីឡូម៉ែត្រ។ នៅឆ្នាំ១៦២២ ឧទ្ធម្ភាគចក្របានរំលោភបំពានព្រំដែនរដ្ឋម្តងហើយម្តងទៀត ដោយចូលទៅក្នុងជម្រៅ ៣០០ម៉ែត្រ»។ បេឡារុសដែលជាសម្ព័ន្ធមិត្តជិតស្និទ្ធបំផុតរបស់រុស្ស៊ី បាននិយាយថា ខ្លួនបានវាយប្រហារដោយប្រើយន្តហោះយោធា ជាការឆ្លើយតប។អ្នកនាំពាក្យនៃទីបញ្ជាការប្រតិបត្តិការនៃកងកម្លាំងប្រដាប់អាវុធនៃប្រទេសប៉ូឡូញ បានប្រាប់សារព័ត៌មានរ៉យទ័រថា៖«ទីបញ្ជាការប្រតិបត្តិការនេះ បដិសេធរបាយការណ៍ទាំងនេះយ៉ាងច្បាស់ៗ។ គ្មានឧទ្ធម្ភាគចក្រ  ប៉ូឡូញណាមួយ បានឆ្លងកាត់ដែនអាកាសរបស់ប្រទេសបេឡារុសទេ»៕

ជនជាតិអាមេនី-លីបង់ ប៉ះទង្គិចជាមួយនគរបាល នៅជិតស្ថានទូតអាស៊ែរបៃហ្សង់

2023/09/29 09:46:36 am        192
Facebook Telegram Linkin
អាមេនី៖ ពលរដ្ឋអាមេនី-លីបង់ បានប្រមូលផ្តុំគ្នា នៅជិតស្ថានទូតអាស៊ែរបៃហ្សង់ កាលពីថ្ងៃព្រហស្បតិ៍ ដើម្បីតវ៉ាប្រឆាំងប្រតិបត្តិការយោធារបស់ប្រទេសអាស៊ែរបៃហ្សង់ ក្នុងតំបន់ណាហ្គ័រណូ-ការ៉ាបាក់។ ក្រុមអ្នកតវ៉ាដែលភាគច្រើនមានកាន់បដា និងទង់ជាត់តំបន់ណាហ្គ័រណូ-ការ៉ាបាក់ បានប៉ះទង្គិចគ្នាមួយភ្នែតជាមួយកងកម្លាំងសន្តិសុខ ដែលរារាំងពួកគេមិនឲ្យចូលទៅជិតស្ថានទូត។ ពួកគេបានគប់វត្ថុជាច្រើនទៅលើសមាជិកនគរបាល ដែលបានតបតវិញដោយឧស្ម័នបង្ហៀរទឹកភ្នែកមួយចំនួន។អាស៊ែរបៃហ្សង់ បានយកមកគ្រប់គ្រងវិញតំបន់ការ៉ាបាក់ កាលពីសប្តាហ៍មុន ក្នុងប្រតិបត្តិការយោធា។ ទីភ្នាក់ងារសារព័ត៌មាន RIA បានរាយការណ៍ថា មនុស្សប្រមាណ៧០.៥០០នាក់ បានឆ្លងកាត់ពីតំបន់ការ៉ាបាក់ ចូលទៅប្រទេសអាមេនី កាលពីរសៀលថ្ងៃព្រហស្បតិ៍ ដែលចំនួននេះស្ថិតក្នុងចំណោមប្រជាជន ១២០.០០០នាក់របស់តំបន់នេះ។ អាជ្ញាធរជនជាតិភាគតិចអាមេនី នៅតំបន់ការ៉ាបាក់ និយាយថា ពួករំលាយរដ្ឋតូចផ្តាច់ខ្លួន ដែលពួកគេបានការពារប្រឆាំងអាស៊ែរបៃហ្សង់រយៈពេល៣ទសវត្សរ៍មកនេះ។ ប្រទេសលីបង់ មានសហគមន៍ជនជាតិដើមអាមេនីធំមួយ។ ភាគច្រើន បានរស់នៅក្នុងប្រទេសលីបង់ចាប់តាំងដូនតារបស់ពួកគេមក ដែលបានភៀសខ្លួនចេញពីការសម្លាប់រង្គាលជនជាតិអាមេនី ក្នុងអាណាចក្រអូតូម៉ង់ រយៈពេល១សតវត្សរ៍មកហើយ៕

បណ្ដាញសង្គម

ព័ត៌មានថ្មីៗ

ធនាគារ AIIB បង្ហាញចំណាប់អារម្មណ៍ស្វែងរកឱកាសជំរុញកិច្ចសហប្រតិបត្តិការជាមួយកម្ពុជា
08/31/2025 05:08 PM
Facebook Telegram Linkin
ឯកឧត្តម ប៉ែន បូណា អំពាវនាវដល់ជនរួមជាតិ​យល់​អំពី​សារៈ​សំខាន់​នៃ​ការងារ​ការទូត​ដែល​ថ្នាក់​ដឹក​នាំ​កម្ពុជា​កំពុងធ្វើលើការដោះស្រាយជម្លោះព្រំដែនជាមួយថៃ
08/31/2025 05:08 PM
Facebook Telegram Linkin
គណៈប្រតិភូសភាសហរដ្ឋអាមេរិកប្រចាំរដ្ឋ Texas បានអញ្ជើញបំពេញទស្សនកិច្ច​នៅខេត្តសៀមរាប
08/31/2025 05:08 PM
Facebook Telegram Linkin
សម្តេចធិបតីទទួលជួបពិភាក្សាការងារជាមួយប្រធានធនាគារវិនិយោគហេដ្ឋារចនាសម្ព័ន្ធអាស៊ីនៅទីក្រុងធានជីន
08/31/2025 04:08 PM
Facebook Telegram Linkin
នគរបាលបាញ់ម្ស៉ៅម្រេច ខណៈបាតុករអូស្ត្រាលី ប៉ះទង្គិចគ្នាក្នុងការហែក្បួនប្រឆាំង​អន្តោប្រវេសន៍
08/31/2025 03:08 PM
Facebook Telegram Linkin
ឯកឧត្តមបណ្ឌិតសភាចារ្យ ហង់ជួន ណារ៉ុន ផ្ដល់អនុសាសន៍ ៥ចំណុច​ដល់ក្រុមការងារពាក់​ព័ន្ធ​នឹង​​ដំណើរ​ការ​កំណែ ដើម្បីធានាឱ្យបាន សុក្រឹតភាព យុត្តិធម៌ តម្លាភាព ប្រសិទ្ធភាព និងលទ្ធផល “អ្នកចេះគឺជាប់”
08/31/2025 03:08 PM
Facebook Telegram Linkin
ឯកអគ្គរដ្ឋទូតអាមេរិកប្រចាំណាតូ៖ លោកTrump នឹងផ្តល់លទ្ធភាពដល់អ៊ុយក្រែន​ឲ្យវាយប្រហារ​កាន់​តែ​ជ្រៅចូលដីរុស្ស៊ី
08/31/2025 02:08 PM
Facebook Telegram Linkin
លោក Xi Jinping ប្រាប់លោក Modi ថាជម្រើសដ៏ត្រឹមត្រូវសម្រាប់ឥណ្ឌា គឺធ្វើជាមិត្តជាមួយចិន
08/31/2025 02:08 PM
Facebook Telegram Linkin
បាតុករអ៊ីស្រាអែលជំរុញឱ្យលោក Trump បង្កើតប្រវត្តិសាស្ត្រ​នៃកិច្ចព្រមព្រៀង​ចំណាប់ខ្មាំង​នៅហ្កាហ្សា
08/31/2025 01:08 PM
Facebook Telegram Linkin
សហគ្រាសទេសចរណ៍ធំៗ ពីរដ្ឋធានីប៉េកាំង និងទីក្រុងធានជីង ចំនួន១០ ចាប់អារម្មណ៍​លើ​សក្តា​នុពល​ទេសចរណ៍របស់កម្ពុជា
08/31/2025 01:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.