BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

អ្នកនយោបាយ៖ ការបំភ្លឺជុំវិញស្ថានភាពព្រំដែន ជាការបង្ហាញរឹតតែច្បាស់ នៃអត្ថប្រយោជន៍បង្គោលព្រំដែន

បណ្តាមេដឹកនាំគណបក្សនយោបាយមួយចំនួន លើកឡើងថា ការបំភ្លឺជុំវិញស្ថានភាពព្រំដែនដែលនឹងប្រព្រឹត្តទៅនាសប្តាហ៍ក្រោយនេះ ជាការបង្ហាញរឹតតែច្បាស់នៃអត្ថប្រយោជន៍បង្គោលព្រំដែនរបស់កម្ពុជា។ ស្របពេលឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន នឹងអញ្ជើញធ្វើបទបង្ហាញជូនប្រតិភូគណបក្សនយោបាលដែលជាសមាជិកនៃឧត្តមក្រុមប្រឺក្សាពិគ្រោះ និងផ្តល់យោបល់ នៅថ្ងៃទី១៨ ខែកញ្ញា ឆ្នាំ២០២៤ខាងមុខ មានមេដឹកនាំគណបក្សនយោបាយមួយចំនួនក្នុងចំណោមសមាជិកទាំង២៨គណបក្សនយោបាយ បានប្រាប់BTV ឱ្យដឹងនៅថ្ងៃទី១៣ ខែកញ្ញា ឆ្នាំ២០២៤ថា ក្នុងនាមគណបក្សនយោបាយពិតមានការពេញចិត្តចំពោះការបន្តបង្ហាញពីភាពពិត និងអត្ថប្រយោជន៍នៃស្ថានភាពតាមក្រវាត់ព្រំដែន ជាពិសេសបង្គោលព្រំដែនជាមួយប្រទេសជិតខាង។ ក្នុងនោះ ឯកឧត្តម ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ លើកឡើងថា កិច្ចប្រជុំដើម្បីបំភ្លឺពាក់ព័ន្ធនឹងព្រំដែននាពេលខាងមុខពិតជាមានសារៈសំខាន់ ក្នុងការបង្ហាញពីលទ្ធផលនៃការបោះបង្គោលព្រំដែនជូនជាតិ និងប្រជាជន ជាពិសេសនេះក៏ជាឱកាសរំលេចពីអត្ថប្រយោជន៍នៃកិច្ចការបោះបង្គោលព្រំដែនសំដៅឱ្យក្លាយជាព្រំដែនសន្តិភាព។ជាមួយគ្នា ឯកឧត្តម គង់ ប៊ុនធឿន ប្រធានគណបក្សចលនាប្រជាធិបតេយ្យ ចាត់ទុកការអញ្ជើញបំភ្លឺជុំវិញកិច្ចការព្រំដែន គឺមិនមែនជារឿងថ្មីសម្រាប់កម្ពុជានោះទេដែលក្រុមជ្រុលនិយមមួយចំនួនចោទប្រកាន់ដដែលៗពីបញ្ហាព្រំដែនក្នុងន័យជាលេសបង្កភាពច្របូកច្របល់។សូមជម្រាបថា ការធ្វើបទបង្ហាញរបស់ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន អំពីព្រំដែនស្របច្បាប់របស់ព្រះរាជាណាចក្រកម្ពុជា រវាងប្រទេសឡាវ-វៀតណាម និងថៃនេះ តបតាមការស្នើសរបស់សមាជិកឧត្តមក្រុមប្រឹក្សាពិគ្រោះ និងផ្តល់យោបល់។ យ៉ាងណាមិញ ក្រៅពីការបំភ្លឺរបស់មន្រ្តីជំនាញកិច្ចការព្រំដែន ក៏មានប្រជាពលរដ្ឋគ្រប់មជ្ឈដ្ឋាន ជាពិសេសយុវជនបានធ្វើទស្សនកិច្ចសិក្សាជាបន្តបន្ទាប់ទៅកាន់ព្រំដែន ដើម្បីស្វែងយល់ពីការអភិវឌ្ឍន៍តាមក្រវាត់ព្រំដែន ការរស់នៅ ឬអាស្រ័យផលរបស់ប្រជាពលរដ្ឋ ព្រមទាំងពិនិត្យលើតថភាពពិតនៃបង្គោលព្រំដែននីមួយៗផងដែរ៕ អត្ថបទ សេក ឧត្តម

ការស្ទង់មតិថ្មីរបស់ Reuters/Ipsos៖ លោកស្រី Harris នាំមុខដាច់លោកTrump ក្រោយពិភាក្សាដេញដោល

លោកស្រីអនុប្រធានាធិបតី Harris បានពង្រីកការនាំមុខលើអតីតប្រធានាធិបតីលោកTrump បន្ទាប់ពីការពិភាក្សាដេញដោលប្រធានាធិបតីកាលពីរាត្រីថ្ងៃអង្គារសប្ដាហ៍នេះ នៅក្នុងការស្ទង់មតិថ្មីរបស់សារព័ត៌មាន Reuters និងស្ថាប័នតាមដានការបោះឆ្នោតអាមេរិក Ipsos ។ ការស្ទង់មតិធ្វើឡើងនៅថ្ងៃទី ១០ ដល់ថ្ងៃទី ១២ ខែកញ្ញា បានរកឃើញថាលោកស្រី Harris កើនឡើង ៥ ពិន្ទុលើសលោក Trump ដោយលោកស្រី Harris ទទួលបានការគាំទ្រ ៤៧ % ទល់នឹងលោក Trump ៤២% ។ការស្ទង់មតិរបស់ Reuters/Ipsos មួយផ្សេងទៀតដែលបានកើតឡើងកាលពីចុងខែមុនបានរកឃើញថា Harris ទទួលបានការគាំទ្រ៤៥%ធៀបនឹងលោកTrump ៤១ ក្នុងចំណោមអ្នកបោះឆ្នោតដែលបានចុះឈ្មោះ។ លោកស្រី Harris ត្រូវបានមនុស្សជាច្រើនមើលឃើញថាទទួលបានជោគជ័យក្នុងការពិភាក្សាដេញដោលកាលពីថ្ងៃអង្គារ ដោយ៦៣%នៃអ្នកបោះឆ្នោតដែលបានចុះឈ្មោះនៅក្នុងការស្ទង់មតិមួយបាននិយាយថា អនុប្រធានាធិបតីធ្វើបានល្អជាងនៅលើវេទិកា ខណៈមានតែប្រហែល ៣៧% ប៉ុណ្ណោះដែលនិយាយថាលោកTrumpធ្វើបានល្អដូចគ្នា។ ការស្ទង់មតិរបស់ Reuters/Ipsos បានរកឃើញថា អនុប្រធានាធិបតីឈរលើកំពូលតារាងក្នុងការជជែកដេញដោលនាពេលថ្មីៗនេះ ដោយមានអ្នកបោះឆ្នោតចំនួន ៥៣ %ដែលបាននិយាយថាពួកគេបានឮអំពីការជជែកដេញដោលជ្រើសរើសលោកស្រីជាអ្នកឈ្នះ។ មានតែ២៤%នៃក្រុមនេះដែលជ្រើសរើសអតីតប្រធានាធិបតីជាអ្នកឈ្នះក្នុងការជជែកដេញដោលនោះ៕

សម្តេចតេជោ ហ៊ុន សែន បានដឹកនាំប្រតិភូនិវត្តមកដល់កម្ពុជាវិញហើយដោយសុវត្ថិភាព ក្រោយបំពេញបេសកកម្មនៅសាធារណរដ្ឋកូរ៉េ

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានមាតុភូមិនិវត្តវិញដោយសុវត្ថិភាព ក្រោយបំពេញ បេសកកម្មប្រកបដោយភាពជោគជ័យនៅសាធារណរដ្ឋកូរ៉េអស់រយៈពេលបួនថ្ងៃ ដើម្បីចូលរួមវេទិកាចំណេះដឹងពិភពលោក លើកទី២៥នៅកូរ៉េនោះ។សម្តេចតេជោ ហ៊ុន សែន បានអញ្ជើញទៅបំពេញបេសកកម្មនៅកូរ៉េខាងត្បូងចាប់ពីថ្ងៃទី៩ ដល់ថ្ងៃ ទី១៣ ខែកញ្ញា ឆ្នាំ២០២៤នេះ តបតាមការអញ្ជើញរបស់ស្ថាបនិកវេទិកាចំណេះដឹងពិភពលោក ដើម្បី ចូលរួមវេទិកាចំណេះដឹងពិភពលោកលើកទី២៥ ក្រោមមូលបទ«មាគ៌ាឆ្ពោះទៅរកសហត្ថិភាព»ព្រមទាំង អញ្ជើញចូលរួមកម្មវិធីផ្លូវការសំខាន់ៗផ្សេងទៀតនៅសាធារណរដ្ឋកូរ៉េ។ក្នុងឱកាសចូលរួមវេទិកាខាងលើនេះសម្តេចតេជោ ហ៊ុន សែន ប្រធានព្រឹទ្ធសភា បានអញ្ជើញថ្លែង សុន្ទរកថាពិសេស ក្រោមប្រធានបទ«មាគ៌ាឆ្ពោះទៅកាន់សហត្ថិភាព និងវិបុលភាពក្នុងអាស៊ាន» ដោយវេទិកានេះ មានការចូលរួមពីមជ្ឈដ្ឋានរដ្ឋាភិបាល អ្នកនយោបាយ អ្នកសិក្សាអប់រំ សាជីវកម្ម និងវិស័យផ្សេង ៗ ជុំវិញពិភពលោក ក្នុងគោលបំណងចែករំលែកចំណេះដឹង ដើម្បីរួមចំណែកជំរុញកំណើនសេដ្ឋកិច្ច និងវិបុលភាពសកលប្រកបដោយតុល្យភាពជាដើម។សូមបញ្ជាក់ថា ក្នុងអំឡុងបំពេញបេសកកម្មនៅកូរ៉េនេះ សម្តេចតេជោ ហ៊ុន សែន បានជួបពិភាក្សា ការងារជាច្រើនជាមួយថ្នាក់ដឹកនាំរបស់សាធារណរដ្ឋកូរ៉េ រួមមានប្រធានាធិបតី និងប្រធានរដ្ឋសភា និង ទទួលជួបតំណាងក្រុមហ៊ុនធំៗរបស់កូរ៉េជាដើម។ ក្នុងអំឡុងពេលនោះដែរ សម្តេចតេជោ ហ៊ុន សែន ស្ថាប និកសន្តិភាពរបស់កម្ពុជា ក៏បានធ្វើដំណើរទៅកាន់ខេត្តឃ្យុងសាងបុកដូ ដើម្បីទទួលសញ្ញាបត្របណ្ឌិតកិត្តិ យស«ភាពជាអ្នកដឹកនាំ និងការកសាងសន្តិភាព» ដែលបានរៀបចំដោយសាកលវិទ្យាល័យ Dongguk University WISEនិងបានផ្តល់កិត្តិយសធ្វើបាឋកថាស្តីពី«បទពិសោធន៍របស់ប្រទេសកម្ពុជា ក្នុងការរំដោះ ជាតិ ការកសាងសន្តិភាព ការផ្សះផ្សា និងការកសាងជាតិឡើងវិញ» ពីប្រទេសដែលហែកហួរ ដោយ សង្រ្គាម និងវាលពិឃាត មកជាប្រទេសជាតិដែលពោពេញដោយសន្តិភាព ការរួមរស់ជាមួយគ្នា (សហត្ថិភាព) និងការអត់ឱនជាដើម។ក្រៅពីជំនួបផ្លូវការជាមួយថ្នាក់ដឹកនាំ និងតំណាងក្រុមហ៊ុនធំៗរបស់កូរ៉េ សម្តេចតេជោ ហ៊ុន សែន ក៏បានអញ្ជើញទស្សនាតំបន់ទេសចរណ៍«បូមុន» និងមជ្ឈមណ្ឌលពិព័រណ៍វប្បធម៌ពិភពលោកឃ្យុងយូ នៅខេត្តឃ្យុងសាបុកដូផងដែរ៕អត្ថបទបាន ចក់

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា»

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍បញ្ជាក់ថា សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា។ សម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់បែបនេះ តាមរយៈសុន្ទរកថាពិសេសរបស់ នៅក្នុង«កិច្ចប្រជុំអំពាវនាវជាសកលនៃកិច្ចប្រជុំកំពូល ស្តីពីអនាគត» នៅអង្គការសហប្រជាជាតិ នាទីក្រុងញូវយ៉ក សហរដ្ឋអាមេរិក កាលពីថ្ងៃទី១២ ខែកញ្ញា ឆ្នាំ២០២៤។ តាមរយៈសុន្ទរកថាដដែល សម្ដេចធិបតី នាយករដ្ឋមន្រ្ដីមានប្រសាសន៍ថា កម្ពុជាពិតជាមានកិត្តិយសដែលបានចូលរួមក្នុងការអំពាវនាវជាសកលនាពេលនេះ ខណៈការមករួមគ្នានេះ គឺដើម្បីរៀបចំអនាគតសម្រាប់ពិភពលោកទាំងមូល។ សម្ដេចបន្តថា កិច្ចប្រជុំកំពូលស្ដីពីអនាគតនេះ គឺជាវេលាដ៏សំខាន់មួយ ក្នុងការបង្ហាញពីការប្ដេជ្ញាចិត្តរួមគ្នាជាថ្មី ដើម្បីដោះស្រាយបញ្ហាប្រឈមថ្ងៃមុខ។ បញ្ហាប្រឈមដែលប៉ះពាល់ដល់គ្រប់ប្រជាជាតិទាំងអស់។ សម្ដេចធិបតីបញ្ជាក់ថា កម្ពុជាចូលរួមចំណែកជាមួយកិច្ចព្រមព្រៀងសម្រាប់អនាគតនូវទស្សនៈ ស្ដែងចេញពីដំណើរដែលប្រទេសកម្ពុជាបានឆ្លងកាត់បន្ទាប់ពីបានងើបចេញពីស្រមោលនៃជម្លោះ។ សម្ដេចធិបតីបន្តថា មនុស្សទាំងអស់គ្នាបានដឹងហើយថា សន្ដិភាពជាមូលដ្ឋានគ្រឹះដ៏សំខាន់ ក្នុងការកសាង និងសម្រេចបាននូវវឌ្ឍនភាពនានា។ ប្រវត្តិសាស្រ្ដក៏បានបង្ហាញឱ្យឃើញថា ប្រសិនបើគ្មានសន្ដិភាពនោះទេ នោះគោលដៅនៃការលុបបំបាត់ភាពក្រីក្រ ការផ្ដល់នូវការអប់រំប្រកបដោយគុណភាព ការដោះស្រាយបញ្ហាបម្រែបម្រួលអាកាសធាតុ និងការអភិវឌ្ឍសេដ្ឋកិច្ចប្រកបដោយចីរភាពនឹងកាន់តែពិបាកសម្រេចបានផងដែរ។ សម្ដេចធិបតីបញ្ជាក់ថា បទពិសោធន៍ទាំងនេះ បានក្រើនឭកយើងអំពីសារៈសំខាន់នៃការធ្វើការរួមគ្នា ឆ្ពោះទៅកាន់គោលដៅសកលរួមរបស់យើង។ កម្ពុជា ក៏មានមោទនភាពផងដែរ ដែលបានដើរតួនាទីយ៉ាងសំខាន់ នៅក្នុងការថែរក្សាសន្ដិភាពសកលលោក។ ចាប់តាំងពីឆ្នាំ ២០០៦ មក យើងបានបញ្ជូនកងកម្លាំងរក្សាសន្ដិភាពរបស់កម្ពុជាជាង ៩ ០០០ នាក់ ទៅបម្រើការងារនៅក្នុងបេសកកម្មរបស់អង្គការសហប្រជាជាតិចំនួន ១១ ដែលក្នុងនោះមានស្រ្ដីចំនួន ៨០០ នាក់។ សម្ដេចបានបញ្ជាក់ថា «កងរក្សាសន្ដិភាពរបស់យើងបានដើរតួនាទីផ្ដល់នូវសេវាសារវន្តនានា ជាពិសេស នៅក្នុងកិច្ចខិតខំប្រឹងប្រែងបោសសម្អាតមីន។ ការចូលរួមចំណែកនេះ មិនត្រឹមតែបង្ហាញពីការប្ដេជ្ញាចិត្តរបស់យើង ចំពោះសន្ដិភាពពិភពលោកប៉ុណ្ណោះទេ ប៉ុន្ដែថែមទាំងបានបង្ហាញអំពីសារៈសំខាន់នៃការចូលរួមប្រកបដោយបរិយាបន្ន ក្នុងការថែរក្សាសុខសុវត្ថិភាព និងស្ថិរភាពនៅទូទាំងពិភពលោកផងដែរ»។ សម្ដេចធិបតី បន្ថែមថា ការប្ដេជ្ញាចិត្តរបស់កម្ពុជា ក្នុងការការពារបរិស្ថាន ក៏មានភាពរឹងមាំដូចគ្នា តាមរយៈកម្មវិថីរេដបូក (REDD+) កម្ពុជាបានចូលរួមយ៉ាងសកម្ម ក្នុងកិច្ចខិតខំប្រឹងប្រែងជាសកលទប់ទល់នឹងការប្រែប្រួលអាកាសធាតុ លើសពីនេះផែនការយុទ្ធសាស្ត្រឆ្លើយតបការប្រែប្រួលអាកាសធាតុកម្ពុជា (២០១៤-២០២៣) បង្ហាញពីអភិក្រមក្នុងការដោះស្រាយបញ្ហាប្រែប្រួលអាកាសធាតុរបស់យើង ដោយផ្ដោតសំខាន់លើវិស័យសំខាន់ៗដូចជា វិស័យកសិកម្ម ធនធានទឹក និងសុខភាពសាធារណៈ។ កិច្ចខិតខំប្រឹងប្រែងាំអនេះ គឺជាផ្នែកមួយនៃយុទ្ធសាស្រ្ដដ៏ទូលាយរបស់កម្ពុជា ដើម្បីធានាបានថា ការអភិវឌ្ឍសេដ្ឋកិច្ចប្រកបដោយចីរភាព ត្រូវបានសម្រេចស្របជាមួយនឹងការការពារបរិស្ថានផងដែរ៕

សម្តេចតេជោ ហ៊ុន សែន អញ្ជើញជាអធិបតីក្នុងពិធីចុះអនុស្សរណៈ ស្តីពីកិច្ចសហប្រតិបត្តិការគម្រោងចលនាភូមិថ្មី ខេត្តឃ្យុងសាងប៊ុកដូ នៃសាធារណរដ្ឋកូរ៉េ និងក្រុមប្រឹក្សាវប្បធម៌អាស៊ី នៃព្រះរាជាណាចក្រកម្ពុជា

ភ្នំពេញ ៖ នៅរសៀលថ្ងៃទី១២ ខែកញ្ញា ឆ្នាំ២០២៤ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានស្ថាបនិកកិត្តិយសក្រុមប្រឹក្សាវប្បធម៌អាស៊ី អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីចុះអនុស្សរណៈយោគយល់គ្នាស្តីពីកិច្ចសហប្រតិបត្តិការគម្រោងចលនាភូមិថ្មី ខេត្តឃ្យុងសាងប៊ុកដូ នៃសាធារណរដ្ឋកូរ៉េ និងក្រុមប្រឹក្សាវប្បធម៌អាស៊ី នៃព្រះរាជាណាចក្រកម្ពុជា។ ពិធីចុះអនុស្សរណៈយោគយល់គ្នានេះធ្វើឡើងនៅ ខេត្តឃ្យុងសាងប៊ុកដូ នៃសាធារណរដ្ឋកូរ៉េ។ពិធីចុះហត្ថលេខាលើអនុស្សរណៈនៃការយោគយល់គ្នា(MOU)នេះ ដើម្បីរួមចំណែកលើកកម្ពស់ចំណងមិត្តភាព និងការអភិវឌ្ឍរួមគ្នារវាងប្រទេសទាំងពីរតាមរយៈការចែករំលែកបទពិសោធន៍ជោគជ័យ នៃកិច្ចសហប្រតិបត្តិការអភិវឌ្ឍន៍ជនបទ និងចលនាភូមិថ្មីរបស់កូរ៉េ។គោលបំណងនៃ MOU នេះគឺដើម្បីលើកកម្ពស់ចលនាភូមិថ្មីសម្រាប់ការអភិវឌ្ឍជនបទនៅកម្ពុជា ក្នុងនោះភាគីទាំងពីរនឹងចូលរួមនិងសហការគ្នាយ៉ាងសកម្ម ដើម្បីធានានូវភាពជោគជ័យលើកិច្ចការនេះ។វិសាលភាព នៃកិច្ចសហប្រតិបត្តិការវិសាលភាព នៃគម្រោងសហប្រតិបត្តិការធ្វើឡើងតាមរយៈកិច្ចសហប្រតិបត្តិការរបស់ភាគីទាំងពីរមានដូចជា ៖ ការអនុវត្តគម្រោងអភិវឌ្ឍន៍ជនបទរួមមាន ការបង្កើត និងដំណើរការកសិដ្ឋានឆ្លាតវៃ កសិកម្មមេកានិក និងប្រព័ន្ធគាំទ្រកសិកម្ម។ ការលើកកម្ពស់គម្រោងសុខភាពសាធារណៈ រួមមានសេវាចល័តបុគ្គលិកពេទ្យសាធារណៈ ការងារពេទ្យស្ម័គ្រចិត្ត និងកិច្ចដំណើរគ្លីនិកមន្ទីរពេទ្យក្នុងស្រុក។ ដំណើរការសាលាបណ្ដុះបណ្ដាលវិជ្ជាជីវៈសមស្របមួយ ការពង្រីកការផ្លាស់ប្តូរធនធានមនុស្សរវាងសាកលវិទ្យាល័យ។ល។ ការគាំទ្រការផ្តល់អាហារូបករណ៍ថ្នាក់អនុបណ្ឌិតសម្រាប់កម្មវិធីចលនាភូមិថ្មី បង្កើត និងដំណើរការ មជ្ឈមណ្ឌលចលនាភូមិថ្មី និងការបណ្តុះបណ្តាលបុគ្គលិកសំខាន់ៗអំពីចលនាភូមិថ្មី។ កិច្ចសហប្រតិបត្តិការក្នុងវិស័យ AI និងឌីជីថល ព្រមទាំងការផ្លាស់ប្តូរវប្បធម៌។បន្ទាប់មក សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃកម្ពុជាបានដឹកនាំប្រតិភូជាន់ខ្ពស់កម្ពុជាអញ្ជើញជាកិត្តិយសក្នុងពិធីជប់លៀងអាហារស្វាគមន៍ដោយ ឯកឧត្តម លី ឈុលរ៉ូ អភិបាលខេត្តស្យុងសាងប៊ុកដូ ៕

អ្នកនយោបាយទាំងពីរបក្សនៅអាមេរិក ចង់ឱ្យលោក Biden បន្ធូរបន្ថយការរឹតបន្តឹងអាវុធរបស់អ៊ុយក្រែន

រដ្ឋបាលរបស់លោកប្រធានាធិបតីអាមេរិក Joe Biden បានប្រឈមមុខនឹងសម្ពាធកាន់តែខ្លាំងឡើងពីសមាជិកបក្សសាធារណរដ្ឋ និងបក្សប្រជាធិបតេយ្យរបស់ខ្លួនកាលពីថ្ងៃពុធ (១១ កញ្ញា) ដែលទាមទារឱ្យបន្ធូរបន្ថយដែនកំណត់លើការប្រើប្រាស់អាវុធរបស់អ៊ុយក្រែន ដែលផ្តល់ដោយសហរដ្ឋអាមេរិកក្នុងសង្គ្រាមប្រឆាំងនឹងរុស្ស៊ី។ព្រឹទ្ធសមាជិក លោក បែន ខាឌីន (Ben Cardin) ប្រធានគណៈកម្មាធិការទំនាក់ទំនងបរទេសរបស់ព្រឹទ្ធសភាខាងបក្សប្រជាធិបតេយ្យ បានលើកឡើងពីការវាយប្រហាររបស់រុស្ស៊ីនាពេលថ្មីៗនេះដែលបានសម្លាប់ជនស៊ីវិល និងបំផ្លាញហេដ្ឋារចនាសម្ព័ន្ធ ដោយអំពាវនាវឱ្យមានសកម្មភាពបន្ទាន់ដើម្បីអនុញ្ញាតឱ្យអ៊ុយក្រែនអាចការពារខ្លួនបាន។សមាជិកបក្សសាធារណរដ្ឋបានអំពាវនាវឱ្យបន្ធូរបន្ថយការរឹតបន្តឹងបែបនេះចាប់តាំងពីរុស្ស៊ី ចាប់ផ្តើមប្រតិបត្តិការយោធាលើអ៊ុយក្រែន ក្នុងខែកុម្ភៈ ឆ្នាំ២០២២មក ខណៈសមាជិកសភាដែលមានឥទ្ធិពលនៅខាងបក្សប្រជាធិបតេយ្យនាពេលថ្មីៗនេះ ក៏បានជំរុញឱ្យមានការផ្លាស់ប្តូរគោលនយោបាយនេះដែរ។ ក្រុមសមាជិកសភាមួយក្រុមមកពីបក្សសាធារណរដ្ឋ រួមទាំងប្រធានសេវាប្រដាប់អាវុធ កិច្ចការបរទេស និងគណៈកម្មាធិការចារកម្មសម្ងាត់ បានចេញលិខិតមួយកាលពីថ្ងៃអង្គារ ដោយអំពាវនាវឱ្យបញ្ចប់ការរឹតបន្តឹងនេះ។ទោះបីជាប្រធានាធិបតីអ៊ុយក្រែន លោក Volodymyr Zelenskiy បានទទូចម្ដងហើយម្ដងទៀតក៏ដោយ ក៏សេតវិមានមានការស្ទាក់ស្ទើរក្នុងការអនុញ្ញាតឱ្យអាវុធដែលផ្គត់ផ្គង់ដោយអាមេរិក យកទៅប្រើប្រាស់ដើម្បីវាយប្រហារគោលដៅជ្រៅៗក្នុងទឹកដីរុស្ស៊ី ដោយសារភ័យខ្លាចថាអាចបង្កើនជម្លោះ ប៉ុន្តែមានសញ្ញាថាជំហររបស់អាមេរិកអាចនឹងផ្លាស់ប្តូរ៕

យុទ្ធនាការលោកស្រី Harris ចង់ធ្វើការជជែកដេញដោលលើកទីពីរ ខណៈលោក Trump ហាក់រារែក

យុទ្ធនាការរបស់លោកស្រី Kamala Harris បានអំពាវនាវឱ្យមានការជជែកដេញដោលមួយផ្សេងទៀត បន្ទាប់ពីព្រឹត្តិការណ៍លើកដំបូងរវាងលោកស្រី Harris ទល់នឹងលោកអតីតប្រធានាធិបតី Donald Trump កាលពីថ្ងៃអង្គារ ខណៈលោក Trump ហាក់បង្ហាញថាលោកមិនសាទរចំពោះការជជែកតទល់គ្នាម្ដងទៀតឡើយ។ប្រធានយុទ្ធនាការរបស់លោកស្រី Harris គឺលោកស្រី ជែន អូម៉ាលី ឌីលឡន (Jen O'Malley Dillon) បាននិយាយនៅយប់ថ្ងៃអង្គារថា “ប្រជាជនអាមេរិកបានមើលឃើញជម្រើសដ៏ត្រឹមត្រូវលើសន្លឹកឆ្នោត រវាងការឆ្ពោះទៅមុខជាមួយលោកស្រី Harris ឬថយក្រោយទៅជាមួយលោក Trump ហើយនោះជាអ្វីដែលពួកគេគួរតែឃើញក្នុងការជជែកដេញដោលលើកទីពីរក្នុងខែតុលា” ដោយជំរុញឱ្យមានការតទល់លើកទីពីរជាមួយលោក Trump។កាលពីព្រឹកថ្ងៃពុធ លោក Trump បានអះអាងថា ការជជែកដេញដោលដែលរៀបចំដោយទូរទស្សន៍ ABC News នោះជារឿង “បោកប្រាស់” ប្រឆាំងនឹងលោក។ លោកបានសាទរថាខ្លួនធ្វើបានល្អប្រឆាំងនឹងលោកស្រី Harris ហើយនិយាយថាលោកហាក់ “មិនសូវចង់” ជជែកតទល់ជាលើកទីពីរទេ “ព្រោះព្រឹត្តិការណ៍យប់ថ្ងៃអង្គារនោះជារឿងដ៏អស្ចារ្យរួចទៅហើយ” ប៉ុន្តែក៏បានបង្ហើបដែរថាលោកកំពុង “សម្លឹងមើល” ការជជែកមួយទៀតប្រឆាំងនឹងគូប្រជែងរបស់ខ្លួនជាមួយទូរទស្សន៍ NBC និង FOX ។ថាតើយុទ្ធនាការទាំងពីរនឹងយល់ព្រមចំពោះការជជែកដេញដោលមួយផ្សេងទៀតឬយ៉ាងណានោះ នៅតែជាសំណួរបើកចំហនៅឡើយ៕

សម្តេចតេជោ៖ បើអាមេរិកមានសន្តិភាព និងអំណាចហើយហេតុអ្វីខំប្រឹងផលិតអាវុធបន្ថែមទៀតធ្វើអ្វី?

ឆ្លើយតបក្រុមអ្នកប្រឆាំងដែលបានរិះគន់ និងលើកឡើងថា កម្ពុជាមានសន្តិភាពហើយចាំបាច់ខំរក្សា និងការធ្វើអ្វីនោះ? សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានចំអកទៅក្រុមទាំងនោះវិញថា ចុះអាមេរិកមានអំណាច និងមានសុខសន្តិភាពហើយហេតុអ្វីអាមេរិកខំប្រឹងផលិតអាវុធបន្ថែមទៀតធ្វើអ្វី?ក្នុងឱកាសអញ្ជើញទទួលសញ្ញាបត្របណ្ឌិតកិត្តិយស«ភាពជាអ្នកដឹកនាំនិងការកសាងសន្តិភាព » ពីសាកលវិទ្យាល័យដុងហ្គុកវ៉ាយស៍ និងធ្វើបាឋកថា ស្តីពីបទពិសោធន៍របស់កម្ពុជាក្នុងការរំដោះជាតិ ការកសាងសន្តិភាពនៅសាធារណរដ្ឋកូរ៉េ នាថ្ងៃទី១២ ខែកញ្ញា ឆ្នាំ២០២៤នេះ សម្តេចតេជោ ហ៊ុន សែន បាន លើកឡើងថា មានក្រុមប្រឆាំងមួយក្តាប់តូចដែលកំពុងនីរទេសនៅក្រៅស្រុក បានធ្វើការរិះគន់ និងចំអក ឲ្យរាជរដ្ឋាភិបាលជារឿយៗ ចំពោះការប្តេជ្ញាចិត្តរបស់រាជរដ្ឋាភិបាលក្នុងកិច្ចការពារនូវសុខសន្តិភាពជូនប្រ ទេសជាតិដែលកំពុងមានសព្វថ្ងៃនេះ សម្តេចតេជោ ហ៊ុន សែន បានថ្លែងថា កម្ពុជាចំាបាច់ត្រូវតែរក្សា និង ការពារនូវសុខសន្តិភាពនេះឲ្យខាងតែបាន ខណៈមានការប៉ុនប៉ងពីពួកក្រុមជ្រុលនិយមដែលចង់ផ្តួលរំលំ រាជរដ្ឋាភិបាលស្របច្បាប់កើតចេញពីការបោះឆ្នោតតាមគន្លងប្រជាធិបតេយ្យ សេរីពហុបក្ស ហើយការប្តេជ្ញាចិត្តរបស់រាជរដ្ឋាភិបាលនេះ វាដូចជាប្រទេសមហាអំណាចមួយចំនួនដូចជាអាមេរិកយ៉ាងដូច្នេះដែរ ដែលខិតខំផលិតអាវុធបន្ថែមពេលដែលខ្លួនកំពុងមានអំណាច និងសន្តិភាពហើយនោះ។យ៉ាងណាក៏ដោយសម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជាបានប្រកាសជាថ្មីម្តង ទៀតរាជរដ្ឋាភិបាលនឹងការពារឲ្យខាងតែបាននូវសុខសន្តិភាព និងការអភិវឌ្ឍជូនប្រជាពលរដ្ឋដែលកំពុង មានសព្វថ្ងៃនេះ ហើយនឹងកំចាត់ចោលភ្លាមចំពោះបុគ្គលណា ដែលមានចេតនាចង់បំផ្លាញនូវសន្តិភាព ដែលបានរកដោយកម្រនេះ៕ អត្ថបទ៖ បាន ចក់

ការពង្រីកកំពង់ផែព្រីសីហនុនាពេលនេះ មិនត្រឹមតែជាកំពង់ផែធម្មតាទេ វាគឺជាការរៀបចំប្រព័ន្ធភស្តុភារកម្ម ក្នុងតំបន់ផងដែរ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ការពង្រីកចំណតផែកុងតឺន័រនៅខេត្តព្រះសីហនុ មានប្រវែង២៥៣ម៉ែត្រ ដែលជាជំនួយរបស់ជប៉ុននេះ មិនមែនត្រឹមតែជាកំពង់ផែធម្មតានោះទេ វាជាកន្លែងរៀបចំប្រព័ន្ធភស្តុភារកម្មសម្រាប់ក្នុងតំបន់ផងដែរ ខណៈកំពង់ផែនេះ នឹងជំរុញឲ្យសេដ្ឋកិច្ចកម្ពុជា កាន់តែរីកចម្រើនបន្ថែមទៀត។ក្នុងឱកាសអញ្ជើញសម្ពោធបើកឱ្យប្រើប្រាស់ជាផ្លូវការចំណតផែកុងតឺន័របន្ថែមប្រវែង ២៥៣ម៉ែត្រ ក្រោមឥណទានសម្បទានពីរដ្ឋាភិបាល នៃប្រទេសជប៉ុននៅខេត្តព្រះសីហនុ នាថ្ងៃទី១២ ខែកញ្ញា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកឡើងថា កំពងផែនេះមិនត្រឹម តែបម្រើឲ្យកម្ពុជាប៉ុណ្ណោះទេ វាបានក្លាយទៅជាមជ្ឈមណ្ឌលភស្តុភារកម្មក្នុងតំបន់ផងដែរ ហើយចំពោះកិច្ច ការនេះកម្ពុជាត្រូវតែធ្វើឲ្យខាងតែបាន ខណៈជប៉ុនក៏កំពុងតែជួយនោះ។ជាមួយគ្នានោះដែរសម្តេចធិបតី ហ៊ុន ម៉ាណែត នាយករដ្ឋមន្រ្តីក៏បានប្រកាសថ្លែងអំណរអគុណជាថ្មីម្តងទៀត ដល់ភាគីជប៉ុនដែលបានជួយដល់កម្ពុជាតាំងពីដើមរហូតដល់សព្វថ្ងៃនេះ ហើយសម្តេចរំពឹង ថានឹងបន្តជួយកម្ពុជាទៅខាងមុខបន្ថែមទៀតផងដែរ។ សម្តេចធិបតីបានបន្ថែមថា« ជប៉ុនគឺជាដៃគូមួយសំ ខាន់របស់កម្ពុជា ដែលបានជួយកម្ពុជាតាំងពីដំណាក់កាលនៃការស្វែងរកសន្តិភាព ដំណាក់កាលនៃការចចារ បង្កើតរាជរដ្ឋាភិបាលដំបូង ក៏ដូចជាការកសាងប្រទេសនៅក្រោយសង្រ្គាម នៅក្រោយឆ្នាំ១៩៩៣ ក៏ ដូចជាមកដល់បច្ចុប្បន្ន ហើយដូច្នេះយើងនឹងបន្តកិច្ចការងារជាមួយគ្នា(ជប៉ុន)»៕អត្ថបទបាន ចក់

សម្ដេចតេជោចាត់ទុកការទទួលបានសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព»នេះ បានបង្ហាញពីការលះបង់របស់សម្ដេចក្នុងការលះបង់ស្វែងរកសន្ដិភាព

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានបង្ហាញក្ដីសោមនស្សរីករាយក្រៃលែង ដែលទទួលសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព» ពីសាកលវិទ្យាល័យដុងហ្គុកវ៉ាយស៍ នៃសាធារណៈរដ្ឋកូរ៉េ ខណៈសម្ដេចបានចាត់ទុកការទទួលបានសញ្ញាបត្របណ្ឌិតកិត្តិយសនេះ គឺបានបង្ហាញពីការលះបង់របស់សម្ដេចក្នុងការតស៊ូរំដោះប្រទេសជាតិពីរបបប្រល័យពូជសាសន៍ និងស្វែងរកសុខសន្ដិភាពរហូតមកដល់បច្ចុប្បន្ននេះ។ក្នុងឱកាសនោះសម្ដេចតេជោ បានរម្លឹកឡើងពីគុណតម្លៃមិនអាចកាត់ថ្លៃបាននៃសុខសន្ដិភាពរបស់ប្រទេសនីមួយៗនៅលើសកលលោក ខណៈដែលសោកនាដកម្មសង្គ្រាម អាចឆាប់ឆេះបានយ៉ាងលឿន និងយ៉ាងងាយបំផុត ប៉ុន្ដែការលុបបំបាត់សង្គ្រាមទៅវិញពិតជាមានការលំបាកខ្លាំងណាស់។ សម្ដេចតេជោបានរម្លឹកឡើងថា ជាក់ស្ដែងបទពិសោធន៍របស់កម្ពុជា ដើម្បីស្ដារប្រទេសឡើងវិញពីរបបប្រល័យពូជសាសន៍ប៉ុលពត កម្ពុជាត្រូវការពេលជាង ៣០ឆ្នាំទើបអាចស្វែងរកសន្ដិភាពបានដូចសព្វថ្ងៃនេះ ឡើងវិញ។សូមបញ្ជាក់ថា សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា កាលពីព្រឹកថ្ងៃទី៩ ខែកញ្ញា ឆ្នាំ២០២៤ បានអញ្ជើញដឹកនាំគណៈប្រតិភូជាន់ខ្ពស់ធ្វើដំណើរទៅកាន់សាធារណៈរដ្ឋកូរ៉េខាងត្បូង ដើម្បីអញ្ជើញចូលរួមក្នុងវេទិកាចំណេះដឹងពិភពលោកលើកទី២៥ ក្រោមមូលបទ «មាគ៌ាឆ្ពោះទៅរកសហត្ថិភាព» ក្នុងឱកាសនេះសម្ដេចក៏បានអញ្ជើញចូលរួមកម្មវិធី និងជំនួបផ្លូវការសំខាន់ៗផ្សេងទៀតជាមួយថ្នាក់ដឹកនាំកំពូលនៅសាធារណរដ្ឋកូរ៉េខាងត្បូង ចាប់ពីថ្ងៃទី៩ ដល់ថ្ងៃទី១៣ ខែកញ្ញា ឆ្នាំ២០២៤នេះផងដែរ។នៅព្រឹកនេះសម្ដេចតេជោ បានបន្តដំណើរទស្សនកិច្ចទៅកាន់ខេត្តឃុងសាងបុកដូ ដើម្បីទទួលសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព» ដែលរៀបចំដោយសាកលវិទ្យាល័យដុងហ្គុកវ៉ាយស៍ និងសម្ដេចតេជោក៏បានផ្តល់កិត្តិយសធ្វើបាឋកថាស្តីពី «បទពិសោធន៍របស់ប្រទេសកម្ពុជា ក្នុងការរំដោះជាតិ ការកសាងសន្តិភាព ការផ្សះផ្សា និងការកសាងជាតិឡើងវិញ» ពីប្រទេសដែលហែកហួរដោយសង្គ្រាម និងវាលពិឃាត មកជាប្រទេសជាតិដែលពោរពេញដោយសន្តិភាពការរួមរស់ជាមួយគា្ន (សហត្ថិភាព) និងការអត់ឱន ផងដែរ៕ អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

កម្ពុជាដាក់តាំងស្តង់ជាតិ បង្ហាញសិល្បៈ វប្បធម៌ និងផលិតផលខ្មែរក្នុងពិព័រណ៍នាំចូលអន្តរជាតិចិន-CIIE នៅទីក្រុងសៀងហៃ

សម្ដេចធិបតី អបអរសាទរទិវាជាតិអាហារូបត្ថម្ភលើកទី១២ក្រោមប្រធានបទ «អាហារូបត្ថម្ភដើម្បីសន្តិភាពសន្តិភាពដើម្បីអាហារូបត្ថម្ភ»

កូរ៉េខាងត្បូងយល់ថា ការសាងសង់នាវាមុជទឹកនុយក្លេអ៊ែរនៅក្នុងស្រុក គឺ «សមហេតុផល»

អាហ្វហ្គានីស្ថាន និងប៉ាគីស្ថាន នឹងចាប់ផ្ដើមកិច្ចចរចាបទឈប់បាញ់ឡើងវិញ នៅទីក្រុងអ៊ីស្តង់ប៊ុល

លោក Trump គំរាមបញ្ឈប់ផ្ដល់ជំនួយទាំងអស់ និងចាត់វិធានការយោធានៅក្នុងប្រទេសនីហ្សេរីយ៉ា

នីហ្សេរីយ៉ាបដិសេធការកំណត់របស់អាមេរិក ជុំវិញសិទ្ធិសេរីភាពសាសនា ដោយបញ្ជាក់ថា គ្រប់យ៉ាងផ្អែកលើទិន្នន័យខុស

ចំនួនអ្នកស្លាប់នៅហ្កាហ្សាកើនឡើងដល់ ២៤១នាក់ ចាប់តាំងពីបទឈប់បាញ់ចូលជាធរមាន

អ្នកឡើងភ្នំជនជាតិអ៊ីតាលី៧នាក់បាត់ខ្លួននៅនេប៉ាល់ខណៈព្យុះនិងការបាក់ផ្ទាំងទឹកកកបណ្តាលឲ្យមនុស្ស៩នាក់ស្លាប់

រដ្ឋបាលខេត្តបន្ទាយមានជ័យរៀបចំពិធីអកអំបុក សំពះព្រះខែ ដេីម្បីចូលរួមអបអរសាទរព្រះរាជពិធីបុណ្យអុំទូក បណ្តែតប្រទីប និងអកអំបុក សំពះព្រះខែ

អភិបាលខេត្តបន្ទាយមានជ័យបញ្ចុះបឋមសិលាសាងសង់អគារសង្រ្គោះបន្ទាន់ និងវះកាត់នៅមន្ទីរបង្អែកអូរជ្រៅ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អ្នកនយោបាយ៖ ការបំភ្លឺជុំវិញស្ថានភាពព្រំដែន ជាការបង្ហាញរឹតតែច្បាស់ នៃអត្ថប្រយោជន៍បង្គោលព្រំដែន

ការស្ទង់មតិថ្មីរបស់ Reuters/Ipsos៖ លោកស្រី Harris នាំមុខដាច់លោកTrump ក្រោយពិភាក្សាដេញដោល

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា»

អ្នកនយោបាយទាំងពីរបក្សនៅអាមេរិក ចង់ឱ្យលោក Biden បន្ធូរបន្ថយការរឹតបន្តឹងអាវុធរបស់អ៊ុយក្រែន

យុទ្ធនាការលោកស្រី Harris ចង់ធ្វើការជជែកដេញដោលលើកទីពីរ ខណៈលោក Trump ហាក់រារែក

សម្តេចតេជោ៖ បើអាមេរិកមានសន្តិភាព និងអំណាចហើយហេតុអ្វីខំប្រឹងផលិតអាវុធបន្ថែមទៀតធ្វើអ្វី?

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អ្នកនយោបាយ៖ ការបំភ្លឺជុំវិញស្ថានភាពព្រំដែន ជាការបង្ហាញរឹតតែច្បាស់ នៃ​អត្ថប្រយោជន៍​បង្គោល​ព្រំដែន

ការស្ទង់មតិថ្មីរបស់ Reuters/Ipsos៖ លោកស្រី Harris នាំមុខដាច់លោកTrump ក្រោយពិភាក្សាដេញដោល

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាន​នូវវឌ្ឍនភាពនានា»

អ្នកនយោបាយទាំងពីរបក្សនៅអាមេរិក ចង់ឱ្យលោក Biden បន្ធូរបន្ថយការរឹតបន្តឹងអាវុធរបស់អ៊ុយក្រែន

យុទ្ធនាការលោកស្រី Harris ចង់ធ្វើការជជែកដេញដោលលើកទីពីរ ខណៈលោក Trump ហាក់រារែក

សម្តេចតេជោ៖ បើអាមេរិកមានសន្តិភាព និងអំណាចហើយហេតុអ្វីខំប្រឹង​ផលិតអាវុធ​បន្ថែមទៀតធ្វើអ្វី?

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អ្នកនយោបាយ៖ ការបំភ្លឺជុំវិញស្ថានភាពព្រំដែន ជាការបង្ហាញរឹតតែច្បាស់ នៃអត្ថប្រយោជន៍បង្គោលព្រំដែន

សម្ដេចធិបតី៖ «សន្ដិភាពជាមូលដ្ឋានគ្រឹះដ៏សំខាន់ក្នុងការកសាង និងសម្រេចបាននូវវឌ្ឍនភាពនានា»

សម្តេចតេជោ៖ បើអាមេរិកមានសន្តិភាព និងអំណាចហើយហេតុអ្វីខំប្រឹងផលិតអាវុធបន្ថែមទៀតធ្វើអ្វី?