នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

ព្រឹកស្អែកនេះ សម្តេចបតី ហ៊ុន ម៉ាណែត នឹងអញ្ជើញសំណេះសំណាលជាមួយកម្មករនិយោជិតនៅតាមរោងចក្រសហគ្រាសជិត២ម៉ឺននាក់ ក្នុងខណ្ឌមានជ័យ និងខណ្ឌដង្កោ រាជធានីភ្នំពេញ

2023/10/02 08:31:58 am        252
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៣ ខែតុលា ឆ្នាំ២០២៣ស្អែកនេះ នឹងអញ្ជើញចុះជួបសំណេះសំណាលជាមួយកម្មករ និយោជិត នៅតាមរោងចក្រ សហគ្រាស ចំនួន ១៨ ០៩៩នាក់ មកពីរោងចក្រ សហគ្រាសចំនួន២២ ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ។រោងចក្រ សហគ្រាសទាំង២២នេះ ជាប្រភេទរោង ចក្រកាត់ដេរសម្លៀកបំពាក់ ចំនួន ១៨ រោងចក្រផលិតផលិតផលធ្វើដំណើរ និងកាបូប ចំនួន ២ រោងចក្រដេរស្បែកជើង ចំនួន ១ និងរោងចក្រផលិតឆត្រចំនួន១។នេះ គឺជាលើកទី៥ ដែលសម្តេចមហាបវរធិបតី ហ៊ុន ម៉ាណែត បានអញ្ជើញចុះជួបសំណេះសំណាលជាមួយនឹងបងប្អូនកម្មករ និយោជិត តាមបណ្តារោងចក្រ សហគ្រាសនានា ក្នុងឋានៈជា នាយករដ្ឋមន្ត្រី នៃព្រះរាជាណាចក្រកម្ពុជា៕

ស្ថានទូតអាហ្វហ្គានីស្ថាន នៅទីក្រុងញូវដេលី បញ្ឈប់ប្រតិបត្តិការ

2023/10/01 06:04:22 pm        240
Facebook Telegram Linkin
ស្ថានទូតអាហ្វហ្គានីស្ថាន ប្រចាំនៅរដ្ឋធានីញូវដេលីរបស់ប្រទេសឥណ្ឌា បានសម្រេចបញ្ឈប់ប្រតិបត្តិការរបស់ខ្លួន ចាប់ពីថ្ងៃអាទិត្យ (ទី១ ខែតុលា) នេះ ដោយលើកឡើងពីកង្វះខាតការគាំទ្រពីឥណ្ឌា ក៏ដូចជាការកាត់បន្ថយបុគ្គលិកនិងធនធាននានា។ នេះបើតាមសេចក្ដីប្រកាសរបស់ស្ថានទូត នៅលើវេទិកាបណ្ដាញសង្គម X។ជាមួយគ្នានេះ ស្ថានទូតបានឲ្យដឹងថា ការមិនបានបំពេញតាមការរំពឹងទុក ក្នុងការបម្រើផលប្រយោជន៍របស់អាហ្វហ្គានីស្ថាន ក៏ជាកត្តាសំខាន់មួយទៀត ក្នុងការបិទស្ថានទូតនេះដែរ។សូមបញ្ជាក់ថា ប្រទេសឥណ្ឌាមិនទទួលស្គាល់រដ្ឋាភិបាលតាលីបង់នោះទេ ហើយបានដកស្ថានទូតរបស់ខ្លួន នៅទីក្រុងកាប៊ុល បន្ទាប់ពីពួកតាលីបង់បានចូលមកកាន់អំណាច ក្នុងឆ្នាំ២០២១ ប៉ុន្តែក្រុងញូវដេលីបានអនុញ្ញាតឲ្យឯកអគ្គរដ្ឋទូត និងបុគ្គលិកបេសកកម្ម ដែលតែងតាំងដោយរដ្ឋាភិបាលគាំទ្រដោយលោកខាងលិចរបស់ប្រធានាធិបតីអាហ្វហ្គានីស្ថានលោក Ashraf Ghani ដែលត្រូវបានទម្លាក់ចេញពីអំណាច បំពេញកិច្ចនានា ដូចជាចេញទិដ្ឋាការ និងដោះស្រាយបញ្ហាពាណិជ្ជកម្មជាដើម៕

នាវាដឹកទំនិញ៣គ្រឿង បានចាកចេញពីកំពង់ផែអ៊ុយក្រែន ខណៈនាវាថ្មី ៥គ្រឿង នឹងទៅដល់

2023/10/01 05:19:37 pm        242
Facebook Telegram Linkin
មូលដ្ឋានទិន្នន័យរបស់ស្ថាប័នផ្ដល់ការវិភាគដែនសមុទ្រ MarineTraffic នៅថ្ងៃអាទិត្យ (ទី១ ខែតុលា) នេះ បានបង្ហាញថា នាវាថ្មី ៥គ្រឿង កំពុងធ្វើដំណើរឆ្ពោះទៅកាន់កំពង់ផែសមុទ្រអ៊ុយក្រែន ដោយប្រើច្រករបៀងថ្មីមួយ ដែលត្រូវបានបើកឲ្យដំណើរការ ដើម្បីចាប់ផ្ដើមការនាំចេញផលិតផលកសិកម្មឡើងវិញ ដែលជាជម្រើសមួយផ្សេងទៀតជំនួសឲ្យកិច្ចព្រមព្រៀងគ្រាប់ធញ្ញជាតិសមុទ្រខ្មៅ ដែលត្រូវបានរារាំងដោយប្រទេសរុស្ស៊ី។មូលដ្ឋានទិន្នន័យនេះ បានកំណត់អត្តសញ្ញាណនាវាទាំង ៥គ្រឿង ដែលធ្វើដំណើរឆ្ពោះទៅកាន់កំពង់ផែដូចជា Olga, Ida, Forza Doria, New Legacy និង Danny Boy។ជាមួយគ្នានេះ មូលដ្ឋានទិន្នន័យរបស់ MarineTraffic ក៏បានបង្ហាញឲ្យដឹង នៅថ្ងៃអាទិត្យនេះដែរថា នាវាដឹកទំនិញចំនួន ៣គ្រឿង បានចាកចេញពីកំពង់ផែសមុទ្រខ្មៅរបស់អ៊ុយក្រែន បន្ទាប់ពីបានផ្ទុកទំនិញហើយរួចរាល់ ដោយនេះជាការចាកចេញចុងក្រោយបង្អស់ ចាប់តាំងពីទីក្រុងគីវ បានបង្កើត «ច្រករបៀងមនុស្សធម៌» បណ្តោះអាសន្ន ក្រោយពីប្រទេសរុស្ស៊ីបានដកខ្លួនចេញពីកិច្ចព្រមព្រៀង ដែលអនុញ្ញាតឲ្យមានធ្វើដំណើរឆ្លងកាត់ដោយសុវត្ថិភាព សម្រាប់ការនាំចេញរបស់អ៊ុយក្រែន។នាវាដឹកទំនិញចំនួន ៣គ្រឿង Azara, Ying Hao 01 និង Eneida គ្រោងនឹងផ្ទុកផលិតផលកសិកម្ម និងរ៉ែដែកចំនួន ១២៧.០០០តោន ដើម្បីដឹកទៅប្រទេសចិន អេហ្ស៊ីប និងអេស្ប៉ាញ៕

ទីក្រុងហុងកុងប្រារព្ធពិធីបង្ហូតទង់ជាតិ នៅថ្ងៃបុណ្យជាតិ

2023/10/01 03:43:43 pm        193
Facebook Telegram Linkin
រដ្ឋបាលនៃតំបន់រដ្ឋបាលពិសេសរបស់ទីក្រុងហុងកុង (SAR) បានប្រារព្ធពិធីបង្ហូតទង់ជាតិ នៅព្រឹកថ្ងៃអាទិត្យ (ទី១ ខែតុលា) ដើម្បីអបអរសាទរខួបលើកទី៧៤ នៃការបង្កើតសាធារណរដ្ឋប្រជាមានិតចិន។អតីតនាយកប្រតិបត្តិ និងជាអនុប្រធាននៃគណៈកម្មាធិការជាតិលើកទី១៤ នៃសន្និសីទប្រឹក្សានយោបាយប្រជាជនចិន លោក Leung Chun-ying នាយកប្រតិបត្តិ លោក John Lee Ka-chiu និងបណ្ដាមន្ត្រីដទៃទៀត បានចូលរួមក្នុងពិធីនេះ។ ពិធីបង្ហូតទង់ជាតិនេះ ត្រូវបានប្រារព្ធឡើងនៅទីលាន Golden Bauhinia ខាងក្រៅមជ្ឈមណ្ឌលសន្និបាត និងពិព័រណ៍ហុងកុង ក្នុងតំបន់ Wan Chai នៅវេលាម៉ោង ៨:០០ ម៉ោងក្នុងស្រុក។ក្រុមចម្រៀងមកពីអនុវិទ្យាល័យ Clementi (Clementi Secondary School) បានច្រៀងចម្រៀងជាតិ ដែលច្រៀងនាំមុខដោយអ្នកចម្រៀងលោក Alex Tam និងអ្នកនាង Li Yang ជាមួយវង់តន្ត្រី ដែលប្រគំដោយក្រុម Police Band។ ទង់ជាតិរបស់ប្រទេសចិន និងទង់ជាតិតំបន់រដ្ឋបាលពិសេសរបស់ទីក្រុងហុងកុង (SAR) ត្រូវបានបង្ហូតឡើង អមដោយការស្រែកច្រៀងយ៉ាងឱឡារិក៕

នារីខ្មែរ៧រូបដែលរងគ្រោះដោយការជួញដូរត្រូវបានរាជរដ្ឋាភិបាលកម្ពុជា សហការជាមួយអាជ្ញាធរឡាវ ជួយសង្គ្រោះទាន់ពេលវេលា

2023/10/01 02:47:23 pm        594
Facebook Telegram Linkin
ភ្នំពេញ៖ ក្រោមកិច្ចសហការដ៏ស្អិតរមួតជាមួយអាជ្ញាធរនៃរដ្ឋាភិបាលឡាវ, រាជរដ្ឋាភិបាលកម្ពុជា តាមរយៈស្ថានទូតកម្ពុជាប្រចាំប្រទេសឡាវបានធ្វើអន្តរាគមន៍ និងបានជួយសង្គ្រោះស្ត្រីខ្មែរ ៦រូប ដែលរងគ្រោះដោយការជួញដូរទៅធ្វើការនៅប្រទេសឡាវ និងកំពុងបន្តការសហការដើម្បីសង្គ្រោះនារីខ្មែរ១រូបទៀត។សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានណែនាំដល់ឯកឧត្តម សុខ ចិន្តាសោភា ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និង ​អាជ្ញាធរ​ពាក់ព័ន្ធ យកចិត្តទុកដាក់ខ្ពស់ដើម្បីនារីរងគ្រោះដែលត្រូវបានជួយសង្គ្រោះ បានឆាប់ត្រឡប់​មកដល់ប្រទេសកម្ពុជា​ដែលជាស្រុកកំណើតរបស់ខ្លួន និងបានជួបជុំក្រុមគ្រួសារឪពុកម្តាយ​ញាតិមិត្ត​របស់ខ្លួនវិញ។សូមបញ្ជាក់ថា នៅព្រឹកថ្ងៃទី៣០ ខែកញ្ញា ឆ្នាំ២០២៣ ស្ថានឯកអគ្គរាជទូតកម្ពុជាប្រចាំប្រទេសឡាវ បានទទួលព័ត៌មានតាមបណ្តាញសង្គមហ្វេសប៊ុក​ ពាក់ព័ន្ធនឹងករណីស្ត្រីខ្មែរចំនួន ៧ រូប ដែលបានបង្ហោះសារអំពាវនាវតាមបណ្តាញសង្គមហ្វេសប៊ុកស្វែងរកការជួយសង្គ្រោះពួកគេ។ ស្ត្រីទាំង៧រូបនេះ ត្រូវបានជនខិលខូចបោកប្រាស់មកធ្វើការនៅខេត្តបរកែវ នៃប្រទេសឡាវ ហើយបានរត់ចេញពីកន្លែងធ្វើការបន្ទាប់ពីមានបញ្ហាជាមួយថៅកែ ដែលគ្រោងលក់​ពួកគាត់​ទៅប្រទេសទី៣។ក្រោយពីបានទទួលព័ត៌មាននេះ ​ស្ថានឯកអគ្គរាជទូតកម្ពុជាប្រចាំនៅប្រទេសឡាវ បានសុំការ​សហការភ្លាមពីអជ្ញាធរឡាវ​ ដើម្បីជួយសង្គ្រោះស្ត្រីខ្មែរទាំង ៧រូបនោះ។ ​ជាមួយគ្នានេះ សម្តេចមហា​បវរធិបតី ហ៊ុន ម៉ាណែត ក៏បានណែនាំឱ្យឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រី​ក្រសួងការបរទេស និងសហប្រតិបត្តិការអន្តរជាតិ ជំរុញស្ថានទូតកម្ពុជា​ប្រចាំប្រទេសឡាវ​ឱ្យផ្តល់ការយកចិត្តទុកដាក់ខ្ពស់លើកិច្ចការនេះ ដោយសហការជាមួយ​សមត្ថកិច្ចឡាវ។រហូតមកដល់ថ្ងៃទី១ ខែតុលា ឆ្នាំ២០២៣ នេះ, នារីខ្មែរ ៦ រូបត្រូវបានជួយសង្គ្រោះនិងកំពុងស្ថិត​នៅកន្លែងមានសុវត្ថិភាព ​និងមានការយកចិត្តទុកដាក់ខ្ពស់។ ដោយឡែក ​ស្ថានទូតបាន និងកំពុង​បន្តសហការជាមួយកម្លាំងសមត្ថកិច្ចឡាវ ​បន្តខិតខំជួយសង្គ្រោះនារីខ្មែរ ១ រូបទៀត។ ការជួយសង្គ្រោះនារីខ្មែរទាំង៧រូបនេះ ​បានបង្ហាញឱ្យឃើញពីចំណាត់ការដ៏រហ័សរហួន និង​ការយកចិត្តទុកដាក់របស់មន្ត្រីរាជរដ្ឋាភិបាលកម្ពុជា ក្រោមការដឹកនាំរបស់​សម្តេចធិបតី​នាយករដ្ឋមន្ត្រី ជាពិសេសមន្ត្រីនៃស្ថានឯកអគ្គរាជទូតកម្ពុជាប្រចាំនៅប្រទេសឡាវ និងអាជ្ញាធរ​ពាក់ព័ន្ធ ដែលបានគិតគូរខ្ពស់អំពីសុវត្ថិភាព ទុក្ខលំបាក និងបញ្ហារបស់ប្រជាពលរដ្ឋនៅ​គ្រប់​ទីកន្លែង។ មិនថានៅបញ្ហាធំប៉ុណ្ណា លំបាកយ៉ាងណា ឬឆ្ងាយដល់ណានោះឡើយ ឱ្យតែរាជរដ្ឋាភិបាល​បានដឹង គឺមិនព្រងើយកន្តើយទុកពលរដ្ឋចោលនោះទេ គឺប្រឹងប្រែង​អស់លទ្ធភាព ដើម្បីជួយពួកគេ។ នារីរងគ្រោះទាំង៦រូបដែលបានសង្គ្រោះរួច បានបង្ហាញក្តីរំភើបរីករាយជាពន់ពេក​បានរួចផុត​ពីការជួញដូរ ជាពិសេសទទួលបានកិច្ចអន្តរាគមន៍យ៉ាងរហ័សពីសម្តេចធិបតី ហ៊ុន ម៉ាណែត នាយករដ្ឋមន្ត្រី និងអាជ្ញាធរកម្ពុជា។ ពួកគេបានគោរពថ្លែងអំណរគុណយ៉ាងជ្រាលជ្រៅជូនចំពោះសម្តេចធិបតី ​ហ៊ុន ម៉ាណែត ក៏ដូចជា​អាជ្ញាធររបស់កម្ពុជា ក្នុងនោះរួមមានក្រសួងការបរទេស និងសហប្រតិបត្តិការអន្តរជាតិ និង​មន្ត្រី​នៃស្ថានឯកអគ្គរាជទូតកម្ពុជាប្រចាំនៅប្រទេសឡាវដែលបានខ្នះខ្នែងជួយសង្គ្រោះពួកគេឱ្យរួចផុតពីគ្រោះថ្នាក់ និងអាចបានត្រឡប់មកកាន់ប្រទេសកំណើតវិញ៕

លោក Biden ចុះហត្ថលេខាលើសេចក្ដីស្នើច្បាប់ ដើម្បីផ្តល់មូលនិធិដល់រដ្ឋាភិបាល និងបញ្ចៀសការបិទរដ្ឋាភិបាល

2023/10/01 02:28:04 pm        515
Facebook Telegram Linkin
លោកប្រធានាធិបតី Biden កាលពីយប់ថ្ងៃសៅរ៍ (ទី៣០ ខែកញ្ញា) បានចុះហត្ថលេខាលើសេចក្ដីស្នើច្បាប់ផ្តល់មូលនិធិបណ្ដោះអាសន្ន ដោយបញ្ចៀសបាននូវការបិទផ្នែកខ្លះរបស់រដ្ឋាភិបាល ពោលគឺភ្លាមៗ នៅមុនម៉ោងកំណត់ នាពាក់កណ្តាលអធ្រាត្រ។សេចក្ដីសម្រេចបន្តដំណើរការនេះ (CR) ដែលទទួលបានការអនុម័តទាំងរដ្ឋសភា និងទាំងព្រឹទ្ធសភា ដោយសំឡេងភាគច្រើនលើសលប់ នៅព្រឹកថ្ងៃនោះ នឹងបន្តផ្តល់មូលនិធិដល់រដ្ឋាភិបាល ក្នុងកម្រិតចំណាយបច្ចុប្បន្នរបស់ខ្លួន រហូតដល់ពាក់កណ្តាលខែវិច្ឆិកា។ ការចំណាយនោះរួមបញ្ចូលទាំងជំនួយសង្គ្រោះគ្រោះមហន្តរាយចំនួន ១៦ពាន់លានដុល្លារ ប៉ុន្តែមិនមានជំនួយសម្រាប់ប្រទេសអ៊ុយក្រែន ឬការផ្លាស់ប្តូរគោលនយោបាយព្រំដែននោះទេ។តាមរយៈបណ្ដាញសង្គម X (ពីមុនជា Twitter) លោក Biden បានសរសេររៀបរាប់ថា៖ «ខ្ញុំទើបតែបានចុះហត្ថលេខាលើច្បាប់មួយ ដើម្បីបន្តរក្សារដ្ឋាភិបាលឲ្យដំណើរការរយៈពេល ៤៧ថ្ងៃទៀត។ នៅមានពេលវេលាច្រើនទៀត ដើម្បីអនុម័តសេចក្ដីស្នើច្បាប់ផ្តល់មូលនិធិដល់រដ្ឋាភិបាល សម្រាប់ឆ្នាំសារពើពន្ធបន្ទាប់ ហើយខ្ញុំសូមជំរុញយ៉ាងខ្លាំងក្លាឲ្យសភាធ្វើការភ្លាមៗ។ ប្រជាជនអាមេរិករំពឹងថា រដ្ឋាភិបាលរបស់ពួកគេ នឹងបំពេញតួនាទី។ សូមប្រាកដថា ច្បាប់នេះបានកើតឡើង»។ការចុះហត្ថលេខារបស់លោក Biden លើសេចក្ដីស្នើច្បាប់ឲ្យទៅជាច្បាប់ធរមាននេះ បានបិទបញ្ចប់ភាពជ្រួលច្របល់រយៈពេលប៉ុន្មានសប្តាហ៍ នៅក្នុងសភា និងរយៈពេលមួយថ្ងៃ ដែលពោរពេញដោយភាពភ្ញាក់ផ្អើល នៅវិមានកាពីតូល។ បណ្ដាសមាជិកសភាទាំងអស់ បានលេចវត្តមានឡើង នៅក្នុងព្រឹកថ្ងៃសៅរ៍ ដែលភាគច្រើនរំពឹងថា នឹងមានការបិទផ្នែកខ្លះរបស់រដ្ឋាភិបាលជាមិនខាន៕

បេក្ខជនគាំទ្រប្រទេសចិន ឈ្នះតំណែងប្រធានាធិបតីរបស់ម៉ាល់ឌីវ

2023/10/01 12:35:06 pm        396
Facebook Telegram Linkin
បេក្ខជន ដែលមាននិន្នាការលម្អៀងទៅប្រទេសចិន គឺលោក Mohamed Muizzu បានឈ្នះការបោះឆ្នោតប្រធានាធិបតី កាលពីថ្ងៃសៅរ៍ (ទី៣០ ខែកញ្ញា) នៅប្រទេសម៉ាល់ឌីវ ដោយនេះជាលទ្ធផល ដែលនឹងកែប្រែជាថ្មីម្តងទៀត ក្នុងទំនាក់ទំនងរបស់ប្រជុំកោះនេះជាមួយនឹងប្រទេសឥណ្ឌា ដែលជាសម្ព័ន្ធមិត្តដ៏យូរអង្វែងមកហើយនោះ។លោក Muizzu វ័យ ៤៥ឆ្នាំ ដឹកនាំគណបក្សមួយ ដែលបាននាំឲ្យមានលំហូរនៃប្រាក់កម្ចីរបស់ចិនយ៉ាងច្រើន នៅពេលដែលគណបក្សនេះ បានកាន់អំណាចលើកចុងក្រោយនៅក្នុងប្រទេសកោះផ្កាថ្ម ដែលទទួលបាននូវភាពល្បីល្បាញ ដោយសារមានរមណីយដ្ឋានឆ្នេរប្រណីត និងការទទួលបានភ្ញៀវទេសចរ ដែលសុទ្ធតែជាអ្នកមានមុខមាត់ក្នុងសង្គម។លោកទទួលបានសំឡេងគាំទ្រ ៥៤,០៦ភាគរយនៃការបោះឆ្នោត ក្នុងការប្រកួតប្រជែងជុំចុងក្រោយ ដោយបានធ្វើឲ្យលោក Ibrahim Mohamed Solih ដែលកំពុងកាន់អំណាច ទទួលស្គាល់ការបរាជ័យភ្លាមៗ នៅមុនពាក់កណ្តាលអធ្រាត្រ។លោក Muizzu បានបង្ហាញខ្លួនមួយភ្លែត នៅខាងក្រៅទីស្នាក់ការកណ្តាលនៃការធ្វើយុទ្ធនាការរបស់គណបក្សលោក ដើម្បីសុំឲ្យអ្នកគាំទ្រកុំប្រារព្ធការអបអរ រហូតដល់ព្រឹកថ្ងៃអាទិត្យ នៅពេលដែលការរឹតបន្តឹងការធ្វើយុទ្ធនាការ ត្រូវបានបញ្ចប់ជាផ្លូវការ។លទ្ធផលនេះបានធ្វើឲ្យក្រឡាប់ចាក់ដល់កិច្ចខិតខំប្រឹងប្រែងរបស់លោក Solih ដែលចង់បង្វែរគោលជំហរការទូតរបស់ប្រទេសឲ្យវិលត្រឡប់ទៅកាន់ទីក្រុងញូវដេលីវិញ ចាប់តាំងពីបានចូលកាន់តំណែង កាលពីប្រាំឆ្នាំមុន៕

ស្ថាប័នជំនាញអំពាវនាវឲ្យបង្ការទប់ស្កាត់គ្រោះថ្នាក់ចរាចរណ៍ ក្នុងឱកាសបុណ្យកាន់បិណ្ឌនិងភ្ជុំបិណ្ឌ

2023/10/01 11:44:01 am        507
Facebook Telegram Linkin
ភ្នំពេញ៖ គណៈកម្មាធិការជាតិសុវត្ថិភាពចរាចរណ៍ផ្លូវគោក សេចក្តីអំពាវនាវ ស្ដីពីការបង្ការ ទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ នៅថ្ងៃទី៣០ ខែកញ្ញា ដល់ថ្ងៃទី១៥ ខែតុលា ឆ្នាំ២០២៣។ក្នុងឱកាសពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ គណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានអំពាវនាវដល់សាធារណជនជាអ្នកប្រើប្រាស់ផ្លូវទាំងអស់ ត្រូវចិត្តទុកដាក់បង្កើនស្មារតីចូលរួមបង្ការ និងទប់ស្កាត់គ្រោះថ្នាក់ចរាចរណ៍ផ្លូវគោក បើកបរយានយន្តតាមវិធានការនានារួមមាន ត្រូវបន្ថយល្បឿនបើកបរតាមច្បាប់កំណត់ និងតាមស្ថានភាពជាក់ស្តែង។ ចំពោះមូលហេតុចម្បង ដែលបណ្តាលឱ្យមានគ្រោះថ្នាក់ចរាចរណ៍គឺការបើកបរលឿនហួសល្បឿនកំណត់។ ត្រូវគោរពសិទ្ធិអាទិភាពនៅត្រង់ផ្លូវប្រសព្វ មិនត្រូវវ៉ាជែងដោយប្រថុយប្រថាន ចំពោះរថយន្តដឹកអ្នកដំណើរ ឬរថយន្តដឹកទំនិញ សូមកុំផ្ទុកមនុស្ស ឬទំនិញលើសកំណត់ និងត្រូវត្រួតពិនិត្យលក្ខណៈបច្ចេកទេសយានជំនិះមុនពេលធ្វើចរាចរណ៍។ គណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានរំលឹកថា ​មួកសុវត្ថិភាពមួយ អាចជួយការពារនូវការរងរបួសក្បាល​ ឬអាចការពារជីវិតបាន។ និងមិនត្រូវបើកបរក្រោមឥទ្ធិពលនៃជាតិស្រវឹង ឬសារធាតុញៀន និងសូមចងចាំជានិច្ចនូវពាក្យស្លោក បើពិសាគ្រឿងស្រវឹង កុំបើកបរ ៕អត្ថបទ៖ រដ្ឋា 

លោកអាសាត និយាយថា ស៊ីរីសង្ឃឹមថា នឹងបានរៀនសូត្រពីបទពិសោធន៍អភិវឌ្ឍន៍របស់ចិន

2023/10/01 10:46:17 am        503
Facebook Telegram Linkin
ប្រធានាធិបតីស៊ីរីលោក បាសា អាល់ អាសាតបាននិយាយថា ប្រទេសរបស់លោកកំពុងសំឡឹងទៅរកការរៀនសូត្រចក្ខុវិស័យដ៏មានតម្លៃពី បទពិសោធន៍​ការអភិវឌ្ឍ​ទទួលបានជោគជ័យរបស់ចិន ដែលផ្ដោតទៅលើការអភិវឌ្ឍបច្ចេកវិទ្យា និងសង្គម ខណៈដែលរបៀបរបបជាច្រើនរបស់លោកខាងលិច បានបញ្ជាក់ពីការប្រឆាំងផលិតភាពក្នុងតំបន់។លោកអាសាតថ្មីៗនេះ បានធ្វើទស្សនកិច្ចផ្លូវរដ្ឋមួយទៅប្រទេសចិន ជាទស្សកិច្ចលើកដំបូង​របស់លោកទៅកាន់ប្រទេសនេះចាប់តាំងពីឆ្នាំ២០០៤។ ក្នុងអំឡុងពេលដែលលោក បានជាមួយប្រធានាធិបតីចិន លោកស៊ី ជីនពីង និងបានចូលរួម​ពិធីបើកការប្រកួតកីឡាអាស៊ី (Asia Ganes) លើកទី១៩នៅក្រុង ហាងចូវ (Hangzhou) ភាគខាងកើតប្រទេសចិន កាលពីថ្ងៃសៅរ៍ផងដែរ។នៅក្នុងអំឡុងពេលជំនួប​របស់លោកជាមួយលោកស៊ី ក្នុងក្រុងហាង (Hangzhou) លោកអាសាត បាន​និយាយ​ពី​កិច្ចប្រឹងប្រែង​ដ៏ខ្លាំងក្លារបស់ចិន ​នៅក្នុងការបន្ដលើមាគ៌ាសង្គមនិយម​ជាមួយ​នឹងចរិកលក្ខណៈរបស់ចិន។ដោយឡែក លោកស៊ី បាននិយាយថា ភាពជាដៃគូររវាងភាគីទាំងពីរ បានឈរលើការ​សាល្បងនៃការផ្លាស់ប្ដូរក្នុងស្ថានការណ៍អន្ដរជាតិ ​និងបានហៅភាពជាដៃគូថា ជាចំណុច​ចាប់ផ្ដើមដ៏មានសារៈសំខាន់នៅក្នុងប្រវត្ដិសាស្រ្ដនៃទំនាក់ទំនងទ្វេភាគី។នៅក្នុងការផ្ដល់បទសម្ភាសមួយជាមួយទូរទស្សន៍មជ្ឈឹម (CCTV) ក្នុងក្រុងប៉េកាំងកាលពីថ្ងៃច័ន្ទ លោកអាសាត បាននិយាយថា ភាគីស៊ីរី កំពុងសំឡឹងទៅរកកិច្ចសហប្រតិបត្ដការទៅវិញទៅមក​ជាមួយប្រទេសចិន ​ឲ្យកាន់តែស៊ីជម្រៅ ហើយសង្ឃឹមថា ​នឹងបានរៀនសូត្រពីបទពិសោធន៍អភិវឌ្ឍន៍​ទទួលបានជោគជ័យរបស់ចិនផ្ទាល់។អត្ថបទ មករា 

ឥទ្ធិពលកងទ័ពអាកាសឥណ្ឌា ត្រូវបង្ហាញនៅឯទីក្រុងបឹងBhopal (បូប៉ាល់)

2023/10/01 10:38:25 am        479
Facebook Telegram Linkin
កងទ័ពអាសឥណ្ឌា បានប្រារព្ធខួប៩១ឆ្នាំនៃការបង្កើតកងទ័ពអាកាសរបស់ខ្លួន ដោយបានបង្កើតពិព័រណ៍អាកាសដើម្បីបង្ហាញយន្ដហោះប្រយុទ្ធ និងឧទ្ធម្ភាគចក្រចំនួន៥០គ្រឿង នៅក្នុងកលយុទ្ធផ្សេងៗ ក្នុងក្រុងបូប៉ាល់ភាគកណ្ដាលប្រទេសឥណ្ឌា។កងទ័ពអាកាសឥណ្ឌាបានបង្ហាញ កម្លាំងយន្ដហោះរបស់ខ្លួនមួយចំនួនដែលគេចង់បង្ហាញបំផុត ក្នុងនោះរួមមានឧទ្ធម្ភាសចក្រម៉ាកឈីណុក យន្ដហោះម៉ាកស៊ូខយ SU-30MKI យន្ដហោហោះប្រភេទ Tejasនិងឧទ្ធម្ភាគចក្រ C-130j Super Herculesក៏ស្ថិតនៅក្នុងចំណោមនោះដែរ។ព្រឹត្ដិការណ៍នះ ស្ថិតក្រោមអធិបតីភាព ប្រមុខរដ្ឋាភិបាលរដ្ឋ លោក ស៊ីវរ៉ាស ស៊ីង ឆូហាន (Shivraj Singh Chouhan) និងក៏បានមើលឃើញោងដែរទាហានឆ័ត្រយោងមួយក្រុម​មានសមាជិក​១០នាក់​ដែលមកពីកងទ័ពអាកាសឥណ្ឌា កំពុងបង្ហាញ ការហោះហើរពត់ពេនលើអាកាស​នៅកម្ពស់​ចាប់ពី ១០.000ហ្វីតឡើង។កងទ័អាកាសឥណ្ឌា ត្រូវបានបង្កើតឡើងនៅថ្ងៃទី៨ខែតុលា ឆ្នាំ១៩៣២ ដោយមានជំនួយពី​កងទ័ពអាកាសភូមិន្ទអង់គ្លេស។ទិវាកងទ័ពអាកាស ត្រូវបានគេតាមដានមើលលើកដំបូង​ក្នុងឆ្នាំ១៩៣២ ​ជាពេលដែលឥណ្ឌា កំពុងស្ថិតក្រោមអាណានិគមអង់គ្លេស។ហើយនៅពេលនោះ កងទ័ពអាកាសឥណ្ឌា ក៏ជាជំនួយដល់ចក្រភពនោះផងដែរ៕អត្ថបទ មករា 

បណ្ដាញសង្គម

ព័ត៌មានថ្មីៗ

អេស្ប៉ាញរកឃើញមនុស្សស្លាប់ខ្ពស់បំផុតពាក់ព័ន្ធនឹងកម្តៅក្នុងខែឧសភា ចាប់តាំងពីឆ្នាំ ២០១៥
06/03/2026 09:06 PM
Facebook Telegram Linkin
អគ្គិភ័យ និងការខូចខាត បានកើតមាននៅអាកាសយានដ្ឋានគូវែត ក្រោយការវាយប្រហាររបស់អ៊ីរ៉ង់
06/03/2026 08:06 PM
Facebook Telegram Linkin
ឥណ្ឌាអនុម័តមូលនិធិជាង ១ពាន់លានដុល្លារ ដើម្បីជួយក្រុមហ៊ុនអាកាសចរណ៍ ស្របពេលប្រេងយន្តហោះឡើងថ្លៃ
06/03/2026 08:06 PM
Facebook Telegram Linkin
ក្រុមអ្នកតាំងលំនៅនិគមន៍អ៊ីស្រាអែលវាយប្រហាររថយន្តដឹកគ្រួសារប៉ាឡេស្ទីននៅតំបន់វ៉េសប៊ែង
06/03/2026 08:06 PM
Facebook Telegram Linkin
ឈីលីកម្ទេចបណ្តាញលាងលុយកខ្វក់ដែលមានការជាប់ពាក់ព័ន្ធនឹងក្រុមឧក្រិដ្ឋជន Tren de Aragua
06/03/2026 08:06 PM
Facebook Telegram Linkin
អរិភាពនៅតំបន់ឈូងសមុទ្រឡើងកម្តៅជាថ្មី ខណៈកិច្ចប្រជុំសន្តិភាពអាមេរិក-អ៊ីរ៉ង់ជាប់គាំង
06/03/2026 08:06 PM
Facebook Telegram Linkin
កូដកម្មជុំវិញកំណែទម្រង់ការងារ ធ្វើឲ្យប៉ះពាល់ដល់រថភ្លើង ជើងហោះហើរ និងសាលារៀននៅព័រទុយហ្គាល់
06/03/2026 08:06 PM
Facebook Telegram Linkin
ចិនច្រានចោលអំណះអំណាងការងារដោយបង្ខំ ជាការឆ្លើយតបនឹងសំណើពន្ធអាមេរិក
06/03/2026 08:06 PM
Facebook Telegram Linkin
វិមានក្រឹមឡាំង៖ រុស្ស៊ីនឹងបន្តវាយប្រហារអ៊ុយក្រែនជាប្រព័ន្ធ ក្រោយការវាយប្រហារដ្រូននៅទីក្រុង St Petersburg
06/03/2026 08:06 PM
Facebook Telegram Linkin
អ្នកវិទ្យាសាស្រ្តព្រមានថា បាតុភូតអែល នីញ៉ូ អាចនឹងវាយប្រហារតំបន់ភាគខាងត្បូងប្រេស៊ីលក្នុងឆ្នាំនេះ
06/03/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.