BTV NEWS

សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ

គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុងស្រុកបាកាន ខេត្តពោធិ៍សាត់

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

នយោបាយ និង ការអភិវឌ្ឍន៍

សម្តេច ឃួន សុដារី ស្នើឯកអគ្គរាជទូតអង់គ្លេសបន្តលើកកម្ពស់ពាណិជ្ជកម្ម និងទំនាក់ទំនងទ្វេភាគី

ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានស្នើឯកឧត្តម Dominic Williams ឯកអគ្គរាជទូតចក្រភពអង់គ្លេស ប្រចាំនៅព្រះរាជាណាចក្រកម្ពុជា បន្តជួយគាំទ្រលើកកម្ពស់វិស័យពាណិជ្ជកម្មរវាងកម្ពុជានិងអង់គ្លេសឱ្យកាន់តែកើនឡើង និងលើកកម្ពស់ទំនាក់ទំនងទ្វេភាគីរវាងរដ្ឋសភាប្រទេសទំាងពីរឱ្យបានរឹងមាំ និងគ្រប់ជ្រុងជ្រោយ។ នេះបានធ្វើឡើងនៅក្នុងឱកាសដែលសម្តេចរដ្ឋសភាធិបតី បានអនុញ្ញាត និងទទួលជួបពិភាក្សាការងារជាមួយ ឯកឧត្តម Dominic Williams នៅព្រឹកថ្ងៃទី២៧ ខែកញ្ញា ឆ្នាំ២០២៣ នេះ នៅវិមានរដ្ឋសភា។នៅក្នុងឱកាសនោះ សម្តេចរដ្ឋសភាអធិបតី បានគូសបញ្ជាក់ថា ការចូលរួមចំណែករបស់ភាគីអង់គ្លេស ជាផ្នែកសំខាន់នៅក្នុងការលើកកម្ពស់ជីវភាពប្រជាពលរដ្ឋកម្ពុជា ជាពិសេសការធ្វើឱ្យសម្រេចបាននូវផែនការអភិវឌ្ឍរបស់កម្ពុជា ដែលនឹងក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលខ្ពស់នៅឆ្នាំ២០៥០។សម្តេចរដ្ឋសភាធិបតី បានថ្លែងអំណរគុណដល់រដ្ឋាភិបាល និងប្រជាជនអង់គ្លេសដែលបានជួយគំាទ្រដល់ការអភិវឌ្ឍនៅកម្ពុជាតំាងពីដើមរហូតមក ដូចជាវិស័យសង្គម សេដ្ឋកិច្ច ការកំចាត់មីន សាលាក្តីខ្មែរក្រហម និងជាពិសេសការផ្តល់អាហារូបករណ៍ដល់សិស្ស និស្សិត និងមន្រ្តីរាជការកម្ពុជាបានទៅសិក្សានៅចក្រភពអង់គ្លេស។ ជាមួយគ្នានេះ សម្តេចរដ្ឋសភាធិបតីបានស្វាគមន៍ការបើកសាកលវិទ្យាល័យរបស់ប្រទេសអង់គ្លេសនៅភ្នំពេញ ដែលជាផ្នែកសំខាន់ក្នុងការរួមចំណែកកសាងធនធានមនុស្សនៅកម្ពុជា។ សម្តេច បានគូសបញ្ជាក់ថា មានយុវជនកម្ពុជាជាច្រើនមានក្តីប្រាថ្នាចង់ទៅសិក្សានៅប្រទេសអង់គ្លេស ប៉ុន្តែនៅពេលនេះអង់គ្លេសបានបើកសាកលវិទ្យាល័យនៅកម្ពុជា ដូចនេះពួកគេនឹងសម្រេចបាននូវក្តីប្រាថ្នារបស់ខ្លួន។ជាមួយគ្នានេះ សម្តេចរដ្ឋសភាធិបតី ឃួន សុដារី ក៏បានស្នើសុំឯកឧត្តមឯកអគ្គរាជទូតជួយជំរុញទំនាក់ទំនងទ្វេភាគីរវាងរដ្ឋសភាប្រទេសទំាងពីរឱ្យបានកាន់តែប្រសើរ និងសកម្មថែមទៀត នៅក្នុងនោះមានការលើកកម្ពស់សមត្ថភាព និងភាពអង់អាចរបស់ស្រ្តី ការចូលរួមបណ្តុះបណ្តាលធនធានមនុស្ស លើកកម្ពស់សមត្ថភាពមន្រ្តីអគ្គលេខាធិការដ្ឋានរដ្ឋសភាក្នុងការផ្តល់សេវាជូនតំណាងរាស្រ្ត ឱ្យកាន់តែមានប្រសិទ្ធភាព និងការធ្វើទំនើបកម្ម ដោយប្រែក្លាយរដ្ឋសភាទៅជាសភាអេឡិចត្រូនិច “E-parliament” ជាដើម។សម្តេចរដ្ឋសភាធិបតី និងឯកឧត្តម ឯកអគ្គរាជទូត បានសម្តែងក្តីពេញចិត្តចំពោះវឌ្ឍនភាពដ៏ប្រសើរនៃចំណងការទូតប្រទេសទំាងពីរ ដែលមានការវិវត្តរីកចម្រើនជាបន្តបន្ទាប់ ដែលបានឈានដល់ខួបលើកទី៧០នៅឆ្នាំនេះ ជាសក្ខីភាពមួយ ឆ្លុះបញ្ចាំងពីភាពស្ថិតស្ថេរនៃទំនាក់ទំនងដ៏ល្អ និងយូរអង្វែងរវាងប្រទេសទាំងពីរ។ កាលពីឆ្នាំកន្លងទៅ ទំហំពាណិជ្ជកម្មរវាងកម្ពុជានិងអង់គ្លេស ឈានដល់ចំនួនប្រមាណជិត ១ពាន់លានដុល្លារអាមេរិក។ឯកឧត្តម Dominic Williams បានគំាទ្រប្រសាសន៍លើកឡើងរបស់សម្តេចរដ្ឋសភាធិបតី និងបានថ្លែងអំណរគុណដែលសម្តេចរដ្ឋសភាធិបតី បានចំណាយពេលវេលាទទួលជួបពិភាក្សាការងារជាមួយឯកឧត្តមនាពេលនេះ។ឯកឧត្តម ឯកអគ្គរាជទូតបានអបអរសាទរចំពោះសម្តេចរដ្ឋសភាធិបតី ដែលត្រូវបានរដ្ឋសភាបោះឆ្នោតជាប្រធានរដ្ឋសភា ជាស្រ្តីដំបូងនៅកម្ពុជា ទទួលតំណែងដ៏សំខាន់នេះ។ ឯកឧត្តម Dominic Williams បញ្ជាក់ថា សម្តេចរដ្ឋសភាធិបតី ជាគំរូសម្រាប់កុមារី និងស្រ្តីនៅកម្ពុជា។នៅក្នុងឱកាសនេះដែរ ឯកឧត្តម ឯកអគ្គរាជទូត បានជម្រាបជូនសម្តេចប្រធានរដ្ឋសភា ពីគម្រោងជាច្រើន ដែលប្រទេសអង់គ្លេសនឹងជួយដល់កម្ពុជា មានទំាងវិស័យពាណិជ្ជកម្ម ការបណ្តុះបណ្តាលធនធានមនុស្ស សង្គមកិច្ច បរិស្ថាន ជាពិសេសអង់គ្លេសនឹងបន្តជួយបោសសម្អាតមីននៅកម្ពុជារហូតដល់ឆ្នាំ២០២៥៕

កម្ពុជាទទូចឱ្យមានសកម្មភាពសកល ដើម្បីពិភពលោកគ្មានអាវុធនុយក្លេអ៊ែរ

នៅថ្ងៃទី២៦ ខែកញ្ញា ឆ្នាំ២០២៣ នាបូរីញូវយ៉ក ឯកឧត្តម អ៊ុច បូររិទ្ធ ទេសរដ្ឋមន្ត្រី នៃរាជរដ្ឋាភិបាលកម្ពុជា បានចូលរួមថ្លែងសុន្ទរកថាក្នុង “កិច្ចប្រជុំជាន់ខ្ពស់ពេញអង្គ ដើម្បីប្រារព្ធ និងលើកកម្ពស់ទិវាអន្តរជាតិសម្រាប់ការលុបបំបាត់ទាំងស្រុងនូវអាវុធនុយក្លេអ៊ែរ”។ នៅក្នុងសុន្ទរកថា ឯកឧត្តម អ៊ុច បូររិទ្ធ បានសង្កត់ធ្ងន់ពីតម្រូវការបន្ទាន់ចំពោះគ្រប់ប្រជាជាតិទាំងអស់ រួមទាំងក្រុមប្រទេសដែលមានអាវុធនុយក្លេអ៊ែរ ចូលរួមក្នុងកិច្ចសន្ទនាប្រកបដោយអត្ថន័យ និងបង្ហាញពីការប្តេជ្ញាចិត្តពិតប្រាកដ ចំពោះការលុបបំបាត់សព្វាវុធ ការមិនរីកសាយភាពសញ្វវុធ និង ”សន្និសញ្ញាស្តីពី ការមិនរីកសាយភាយអាវុធនុយក្លេអ៊ែរ”។ ឯកឧត្តម ទេសរដ្ឋមន្ត្រី បានគូសបញ្ជាក់ថា “ប្រទេសទាំងអស់ត្រូវខិតខំបន្ថែមទ្វេដង សំដៅសម្រេចគោលបំណងរួម គឺ ពិភពលោកដែលគ្មានអាវុធនុយក្លេអ៊ែរ “។ក្នុងនាមជាប្រទេសដែលស្រឡាញ់សន្តិភាព កម្ពុជា រួមជាមួយនឹងសមាជិកអាស៊ានទាំងអស់ ប្តេជ្ញាចិត្តយ៉ាងមុតមាំក្នុងការអនុវត្ត “សន្និសញ្ញាស្តីពី អាស៊ីអាគ្នេយ៍ជាតំបន់គ្មានអាវុធនុយក្លេអ៊ែរ” និងផែនការសកម្មភាពរបស់សន្និសញ្ញានេះ។ ដោយទទួលស្គាល់ពីសារៈសំខាន់នៃវិធីសាស្ត្រគ្រប់ជ្រុងជ្រោយ ដើម្បីសម្រេចបាននូវការលុបបំបាត់សញ្វវុធ និងការមិនរីកសាយភាពសញ្វវុធ ប្រទេសកម្ពុជាលើកទឹកចិត្តជាខ្លាំងចំពោះ ក្រុមប្រទេសដែលមានអាវុធនុយក្លេអ៊ែរ ចូលរួមគាំទ្រកិច្ចខិតខំប្រឹងប្រែងរបស់អាស៊ាន ដោយធ្វើការចុះហត្ថលេខាលើ “ពិធីសារនៃសន្និសញ្ញាស្តីពី អាស៊ីអាគ្នេយ៍ជាតំបន់គ្មានអាវុធនុយក្លេអ៊ែរ”។ នៅចុងបញ្ចប់នៃសុន្ទរកថា ឯកឧត្តម ទេសរដ្ឋមន្ត្រី បានវាយតម្លៃខ្ពស់ចំពោះឯកសារគោលនយោបាយរបស់អគ្គលេខាធិការអង្គការសហប្រជាជាតិស្តីពី “របៀបវារៈថ្មីសម្រាប់សន្តិភាព” ដែលបានចេញផ្សាយ កាលពីខែកក្កដា ឆ្នាំ២០២៣។ ឯកសារនេះត្រួសត្រាយផ្លូវសម្រាប់សហគមន៍អន្តរជាតិ ដើម្បីពង្រឹងបន្ថែមទៀតនូវកិច្ចខិតខំប្រឹងប្រែងពហុភាគី ក្នុងកិច្ចការរក្សាសន្តិភាព និងសន្តិសុខអន្តរជាតិ ដោយផ្អែកលើច្បាប់អន្តរជាតិ៕

ប្រទេសក្រិក នឹងប្រើជនអន្តោប្រវេសន៍ ដើម្បីសាងសង់ផ្លូវរថភ្លើងក្រោមដី និងព្រលានយន្តហោះ

ក្រិក៖ ប្រទេសក្រិក ត្រូវដាក់ជនអន្តោប្រវេសន៍ដែលគ្មានឯកសារ ឲ្យធ្វើការជាអ្នកសាងសង់ ខណៈដែលប្រទេសនេះ កំពុងប្រឹងប្រែងដើម្បីបញ្ចប់គម្រោងសាធារណៈសំខាន់ៗដូចជាប្រព័ន្ធរថភ្លើងក្រោមដី និងអាកាសយានដ្ឋាន នៅកោះក្រេត (Crete)។រដ្ឋមន្ត្រីក្រសួងទេសន្តរប្រវេសន៍របស់ប្រទេសក្រិច បាននិយាយកាលពីថ្ងៃអង្គារថា រដ្ឋាភិបាល គ្រោងនឹងដាក់ទណ្ឌកម្មជាផ្លូវការទៅលើជនអន្តោប្រវេសន៍ប្រមាណ ៣០០.000 នាក់ដែលមិនមានឯកសារ ឬលិខិតអនុញ្ញាតស្នាក់នៅ បានផុតកំណត់។ការសម្រេចនេះ គឺមានបំណងដោះស្រាយបញ្ហាកង្វះកម្លាំងពលកម្ម ក្នុងវិស័យទេសចរណ៍ សំណង់ កសិកម្ម និងវិស័យផ្សេងៗទៀត។ការសម្រេចនេះដែរ កើតឡើង នៅពេលដែលអឺរ៉ុបកំពុងប្រឈមមុខនឹងរលកថ្មីនៃការធ្វើចំណាកស្រុក ដែលជំរុញឲ្យមានជម្លោះនយោបាយរវាងរដ្ឋសមាជិកសហភាពអឺរ៉ុប រួមទាំងអាល្លឺម៉ង់ និងអ៊ីតាលី និងបង្កឲ្យមានការព្រួយបារម្ភអំពីអ្វីដែលត្រូវធ្វើជាមួយការកើនឡើងនៃចំនួនជនភៀសខ្លួន នៅលើទ្វីបនេះ។

សហរដ្ឋអាមេរិកប្តឹងក្រុមហ៊ុនអាម៉ាហ្សូន ពីបទបំពានច្បាប់ប្រឆាំងការទុកចិត្ត និងធ្វើឱ្យប៉ះពាល់ដល់អ្នកប្រើប្រាស់

អាមេរិក៖គណៈកម្មការពាណិជ្ជកម្មសហព័ន្ធរបស់សហរដ្ឋអាមេរិក បានដាក់ពាក្យបណ្តឹងសំណុំរឿងប្រឆាំងនឹងការទុកចិត្តដែលរង់ចាំជាយូរមកហើយ ប្រឆាំងនឹងក្រុមហ៊ុនអាម៉ាហ្សូន កាលពីថ្ងៃអង្គារ (២៦ កញ្ញា) ដោយចោទប្រកាន់ក្រុមហ៊ុនលក់រាយតាមអនឡាញមួយនេះ ថាបានធ្វើឱ្យប៉ះពាល់ដល់អ្នកប្រើប្រាស់ដោយលក់ក្នុងតម្លៃដ៏ខ្ពស់ នៅក្នុងសកម្មភាពផ្លូវច្បាប់ចុងក្រោយបំផុតរបស់រដ្ឋាភិបាលសហរដ្ឋអាមេរិក ក្នុងគោលបំណងបំបែកការត្រួតត្រាលើអ៊ីនធឺណិតរបស់ក្រុមហ៊ុនបច្ចេកវិទ្យាយក្សមួយចំនួន។បណ្តឹងនេះត្រូវបានគេរំពឹងទុក បន្ទាប់ពីមានការតវ៉ាជាច្រើនឆ្នាំដែលក្រុមហ៊ុនអាម៉ាហ្សូន និងក្រុមហ៊ុនបច្ចេកវិទ្យាយក្សផ្សេងទៀត បានរំលោភលើភាពលេចធ្លោរបស់ពួកគេក្នុងប្រព័ន្ធស្វែងរក ប្រព័ន្ធផ្សព្វផ្សាយសង្គម និងការលក់រាយតាមអនឡាញ ដើម្បីក្លាយជាក្រុមហ៊ុនលេចធ្លោជាងគេ ដែលមានអតិថិជនច្រើនបំផុតក្នុងអ៊ីនធឺណិត។ បណ្តឹងដែលត្រូវបានចូលរួមដោយអគ្គមេធាវីរដ្ឋចំនួន១៧រូបនេះ ធ្វើឡើងបន្ទាប់ពីការស៊ើបអង្កេតអស់រយៈពេល៤ឆ្នាំ និងបណ្តឹងសហព័ន្ធដែលប្តឹងប្រឆាំងនឹងក្រុមហ៊ុនហ្វ៊េសប៊ុក ដែលជាបុត្រសម្ព័ន្ធរបស់ក្រុមហ៊ុន មេតា និងក្រុមហ៊ុន Google ដែលជាបុត្រសម្ព័ន្ធរបស់ក្រុមហ៊ុន Alphabet ផងដែរ៕

ប្រទេសចិន លើកឡើងថា គោលបំណងនៃការធ្វើសមយុទ្ធរបស់ខ្លួនជិតកោះតៃវ៉ាន់ គឺដើម្បីបំបាក់ភាពក្រអឺតក្រទមរបស់ក្រុមផ្ដាច់ខ្លួន

ចិន៖ រដ្ឋាភិបាលចិនបាននិយាយកាលពីថ្ងៃពុធថា សមយុទ្ធជាបន្តបន្ទាប់របស់ចិន កាលពីពេលថ្មីៗនេះ ក្បែរកោះតៃវ៉ាន់ មានគោលបំណង កាច់បំបាក់ភាពក្រអឺតក្រទមរបស់ក្រុមផ្ដាច់ខ្លួន បន្ទាប់ពីទីក្រុងតៃប៉ិ រាយការណ៍ពីការកើនឡើងសកម្មភាពយោធាក្នុងរយៈពេលប៉ុន្មានសប្ដាហ៍ថ្មីៗនេះរួមទាំងសមយុទ្ធនៅលើដី ដែលកោះនេះកំពុងរងការប្រឈម។ កោះតៃវ៉ាន់បាននិយាយ នៅខែនេះថា ខ្លួនបានតាមដានយន្តហោះចម្បាំង យានដ្រូន យន្តហោះគ្រាប់បែកនិងយន្តហោះផ្សេងទៀតជាច្រើន ព្រមទាំងនាវាចម្បាំង និងនាវាផ្ទុកយន្តហោះសានទុងរបស់ចិន ធ្វើប្រតិបត្តិការនៅក្បែរកោះនេះ។ អាជ្ញាធរការពារជាតិរបស់កោះនេះបាននិយាយកាលពីចុងសប្ដាហ៍មុនថា ភាពញឹកញាប់នៃសកម្មភាពយោធាដែលចេះតែកើនឡើងរបស់ចិន បានបង្កើនហានិភ័យនៃព្រឹត្តិការណ៍ដែលអាចគ្រប់គ្រងលែងបាន ហើយឧបទ្ទវហេតុក៏ចេះតែកើនឡើងផងដែរ ។ ពេលត្រូវបានសួរនៅសន្និសីទសារព័ត៌មានប្រចាំថ្ងៃក្នុងទីក្រុងប៉េកាំងអំពីការកើនឡើងសកម្មភាពសមយុទ្ធរបស់ចិន និងក្ដីបារម្ភរបស់កោះតៃវ៉ាន់ អំពីហានិភ័យបដែលចេះតែកើនឡើង អ្នកនាំពាក្យការិយាល័យទទួលបន្ទុកកិច្ចការកោះតៃវ៉ាន់ របស់ប្រទេសចិន លោកស្រី ជូ ហ្វឹងលាន (Zhu Fenglian)បាននិយាយថា ទាហានរំដោះប្រជាជនចិន បានធ្វើសមយុទ្ធជាបន្តបន្ទាប់។ លោកស្រី បញ្ជាក់ថា គោលបំណងគឺដើម្បីបំបាក់ភាពក្រអឺតក្រទម របស់កងកម្លាំងផ្ដាច់ខ្លួនចង់ឯករាជ្យកោះតៃវ៉ាន់ និងសកម្មភាពរបស់ពួកគេដែលកំពុងព្យាយាមស្វែងរកឯករាជ្យ៕

អាមេរិកផ្អាកកម្មវិធីជំនួយបរទេសមួយចំនួនសម្រាប់ប្រទេសហ្គាបុង ក្រោយរដ្ឋប្រហារ

អាមេរិក៖ រដ្ឋមន្ត្រីការបរទេសអាមេរិក លោក អង់តូនី ប្ល៊ីនខិន ( Antony Blinken) បាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយក្រសួងការបរទេសអាមេរិកកាលពីថ្ងៃអង្គារថា សហរដ្ឋអាមេរិក កំពុងផ្អាកកម្មវិធីជំនួយបរទេសមួយចំនួនដែលផ្តល់ផលប្រយោជន៍ដល់រដ្ឋាភិបាលនៃប្រទេសហ្គាបុង បន្ទាប់ពីរដ្ឋប្រហារ កាលពីខែមុន។សហរដ្ឋអាមេរិក កំពុងរារាំងជំនួយ ដែលអាចជួយដល់រដ្ឋាភិបាលហ្គាបុង ប៉ុន្តែនៅតែបន្តសកម្មភាពប្រតិបត្តិការ នៅក្នុងប្រទេសនេះ រួមទាំងប្រតិបត្តិការការទូត និងកុងស៊ុល ដែលគាំទ្រពលរដ្ឋអាមេរិក។ការសម្រេចនេះ គឺស្របតាមវិធានការ ដែលត្រូវបានចាត់ឡើងដោយសហគមន៍សេដ្ឋកិច្ចនៃបណ្តារដ្ឋអាហ្វ្រិកកណ្តាល សហភាពអាហ្វ្រិក និងដៃគូអន្តរជាតិផ្សេងៗទៀត។លោកប្ល៊ីនខិន បាននិយាយថា៖«រដ្ឋាភិបាលសហរដ្ឋអាមេរិក កំពុងផ្អាកកម្មវិធីជំនួយបរទេសមួយចំនួនដែលផ្តល់អត្ថប្រយោជន៍ដល់រដ្ឋាភិបាលហ្គាបុង ខណៈពេលដែលយើងវាយតម្លៃការអន្តរាគមន៍ ដែលមិនស្របតាមរដ្ឋធម្មនុញ្ញដោយសមាជិកនៃយោធារបស់ប្រទេសនេះ ៕

សម្ដេចធិបតី ហ៊ុន ម៉ាណែត ទទួលជួបឯកអគ្គរដ្ឋទូតអាមេរិកប្រចាំនៅកម្ពុជា

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា នាព្រឹកថ្ងៃទី២៧ ខែកញ្ញានេះ បានអនុញ្ញាតឱ្យឯកឧត្តម W. Patrick Murphy ឯកអគ្គរដ្ឋទូតអាមេរិក ប្រចាំនៅកម្ពុជា ចូលជួបសម្តែងការគួរសម និងពិភាក្សាការងារ នៅវិមានសន្តិភាព។ជំនួបនេះ បានធ្វើឡើងប៉ុន្មានថ្ងៃ បន្ទាប់ពី សម្ដេចធិបតី បានអញ្ជើញមាតុភូមិនិវត្តន៍ពីចូលរួមមហាសន្និបាតលើក៧៨ របស់អង្គការសហប្រជាជាតិ ដែលនៅក្នុងឱកាសនោះ សម្ដេចធិបតី ហ៊ុន ម៉ាណែត បានទទួលជួបពិភាក្សាការងារជាមួយលោកជំទាវ វ៉ិចតូរីយ៉ា នូលលែន អនុរដ្ឋមន្ត្រីការបរទេសស្ដីទីសហរដ្ឋអាមេរិក។លោកជំទាវ វ៉ិចតូរីយ៉ា នូលែន កាលនោះ បានជម្រាប សម្ដេចធិបតីថា អាមេរិកស្វាគមន៍ឱកាសដើម្បីពង្រីកកិច្ចសហប្រតិបត្តិការ រវាងប្រទេសទាំងពីរ តាមរយៈការធ្វើការជិតស្និទ្ធជាមួយ សម្ដេចធិបតី និងចង់ឃើញ សម្ដេចធិបតី ក៏ដូចប្រទេសកម្ពុជាទាំងមូល ទទួលបានជោគជ័យ។ភាគីអាមេរិកក៏បានបញ្ជាក់ពីការផ្ដល់ជូនឡើងវិញនូវជំនួយក្នុងទំហំទឹកប្រាក់ប្រមាណ ១៨លានដុល្លារអាមេរិក តាមរយៈ USAID។កិច្ចពិភាក្សានោះក៏បានផ្តោតលើការរិះរកវិធី និងមធ្យោបាយ សម្រាប់ពង្រឹងទំនាក់ទំនង និងកិច្ចសហប្រតិបត្តិការទ្វេភាគី ឱ្យឈានឡើងមួយកម្រិតទៀត៕

វិមានក្រឹមឡាំង៖រថក្រោះAbrams និងមីស៊ីលរយៈចម្ងាយឆ្ងាយATACMSរបស់អាមេរិកសម្រាប់អ៊ុយក្រែន មិនអាចផ្លាស់ប្តូរស្ថានភាពនៅសមរភូមិបានទេ

រុស្ស៊ី៖ វិមានក្រឹមឡាំងបាននិយាយកាលពីថ្ងៃអង្គារថា ការផ្គត់ផ្គង់មីស៊ីលរយៈចម្ងាយឆ្ងាយ ATACMS និងរថក្រោះ Abramsរបស់សហរដ្ឋអាមេរិកដល់អ៊ុយក្រែន នឹងមិនផ្លាស់ប្តូរស្ថានភាពនៅលើសមរភូមិទេ។នៅពេលសួរអំពីបញ្ហានេះនៅឯសន្និសីទសារព័ត៌មានជាទៀងទាត់មួយ អ្នកនាំពាក្យវិមានក្រឹមឡាំង លោក ឌ្មីទ្រី ប៉េស្កូវ (Dmitry Peskov) បានថ្លែងថា កងកម្លាំងប្រដាប់អាវុធរុស្ស៊ី កំពុងសម្របខ្លួនឥតឈប់ឈរចំពោះការប្រើប្រាស់អាវុធប្រភេទថ្មី ជាអ្វីដែលទីក្រុងម៉ូស្គូហៅថា ប្រតិបត្តិការយោធាពិសេសរបស់ខ្លួន (SVO) នៅអ៊ុយក្រែន។លោក បាននិយាយថា៖«ទាំងអស់នេះ មិនអាចប៉ះពាល់ដល់ខ្លឹមសារនៃប្រតិបត្តិការយោធាពិសេស (SVO) និងលទ្ធផលរបស់វាទេ។ ពុំមានដំណោះស្រាយ (panacea) និងគ្មានអាវុធប្រភេទណា ដែលអាចផ្លាស់ប្តូរតុល្យភាពនៃអំណាច នៅលើសមរភូមិបានទេ។ប្រធានាធិបតីអ៊ុយក្រែនលោក វ៉ូឡូមៀរ ហ្សេឡិនស្គី (Volodymyr Zelenskiy) បាននិយាយកាលពីថ្ងៃអង្គារថា រថក្រោះ Abrams ផលិតដោយសហរដ្ឋអាមេរិក បានមកដល់ប្រទេសរបស់លោកហើយ។ រថក្រោះដែលប្រើប្រាស់ដោយថាមពលយន្តហោះ គឺជាតម្រូវការចំបាច់បំផុតរបស់ទីក្រុងគីវ រហូតដល់ទីបំផុត ក្រុងវ៉ាស៊ីនតោន បានផ្តល់ជាង៣០គ្រឿង នៅក្នុងខែមករា។

ឥណ្ឌាបើកចំហ ក្នុងការពិនិត្យមើលជាក់លាក់លើករណីស្លាប់មេដឹកនាំបំបែកខ្លួនសាសនាស៊ីក នៅកាណាដា

ឥណ្ឌា៖ រដ្ឋមន្ត្រីការបរទេសឥណ្ឌា លោក Subrahmanyam Jaishankar បាននិយាយកាលពីថ្ងៃអង្គារ (២៦ កញ្ញា) ថា ឥណ្ឌាបានប្រាប់កាណាដាថា ខ្លួនបើកចំហក្នុងការពិនិត្យមើលព័ត៌មានជាក់លាក់ណាមួយ ដែលខ្លួនផ្តល់ឲ្យ អំពីការសម្លាប់មេដឹកនាំបំបែកខ្លួនសាសនាស៊ីក លោក ហាឌីប ស៊ីញ នីចា ( Hardeep Singh Nijjar)។ដោយថ្លែងនៅក្នុងព្រឹត្តិការណ៍ក្រុមប្រឹក្សាទំនាក់ទំនងការបរទេស លោក Jaishankar បាននិយាយថា ឥណ្ឌាបានប្រាប់កាណាដាថា «នេះមិនមែនជាគោលនយោបាយនៃរដ្ឋាភិបាលរបស់ឥណ្ឌាទេ» បន្ទាប់ពីនាយករដ្ឋមន្រ្តីកាណាដា លោក Justin Trudeau បាននិយាយកាលពីសប្តាហ៍មុនថា កាណាដាកំពុងបន្តស៊ើបអង្កេតលើ «ការចោទប្រកាន់ដែលអាចជឿទុកចិត្តបាន» ដែលថាភ្នាក់ងាររដ្ឋាភិបាលឥណ្ឌាអាចជាប់ពាក់ព័ន្ធនឹងការសម្លាប់នោះ។ភាពតានតឹងរវាងប្រទេសឥណ្ដា និងកាណាដា បានរីកកាន់តែធំ បន្ទាប់ពីលោក Trudeau និយាយថាមានការចោទប្រកាន់ដែលអាចទុកចិត្តបាន ពីការជាប់ពាក់ព័ន្ធទៅនឹងក្រុមទីភ្នាក់ងាររដ្ឋាភិបាលឥណ្ឌា ចំពោះឃាតកម្មរបស់មេដឹកនាំផ្ដាច់ខ្លួនកាន់សាសនាស៊ីក (Sikh) លោកហាឌីប ស៊ីញ នីចា ក្នុងទីក្រុង វ៉ាន់កូវ៉ើ (Vancouver) ប្រទេសកាណាដា ដោយរុញឲ្យមានការផ្ទុះកំហឹងពីប្រទេសឥណ្ដា ដែលតែងតែច្រានចោលការចោទប្រកាន់នេះរហូតមក។ លោក នីចា ដែលត្រូវបានបាញ់សម្លាប់នៅខាងក្រៅព្រះវិហារសាសនាស៊ីក កាលពីខែឧសភា បានធ្វើយុទ្ធនាការសម្រាប់ការបង្កើតស្រុកកំណើតឯករាជ្យរបស់សាសនាស៊ីក មួយឈ្មោះថា ខាលីស្តាន(Khalistan) ដោយប្រទេសឥណ្ឌាក៏បានចាត់ទុករូបលោកជាភេរវករផងដែរ៕

ចៅក្រមអាមេរិករកឃើញថា លោក ត្រាំ មានទោសចំពោះការក្លែងបន្លំក្នុងសំណុំរឿងរដ្ឋប្បវេណី

អាមេរិក៖ ចៅក្រមនៅទីក្រុងញូវយ៉ក សហរដ្ឋអាមេរិក កាលពីថ្ងៃអង្គារ (២៦ កញ្ញា) បានរកឃើញថា លោកដូណាល់ ត្រាំ និងអាជីវកម្មគ្រួសាររបស់លោក បានក្លែងបន្លំតម្លៃនៃទ្រព្យសម្បត្តិ និងទ្រព្យសកម្មផ្សេងៗទៀតរបស់លោក នៅក្នុងការបរាជ័យដ៏ធំមួយសម្រាប់អតីតប្រធានាធិបតីសហរដ្ឋអាមេរិក ដែលអាចរារាំងយ៉ាងខ្លាំងដល់សមត្ថភាពរបស់លោក ក្នុងការធ្វើអាជីវកម្មនៅក្នុងរដ្ឋមួយនេះ។ការសម្រេចរបស់លោកចៅក្រម Arthur Engoron នៃតុលាការរដ្ឋញូវយ៉ក ក្នុងទីក្រុង Manhattan នឹងធ្វើឱ្យមានភាពងាយស្រួលសម្រាប់អគ្គមេធាវីរដ្ឋ លោកស្រី Letitia James ក្នុងការបង្កើតការខូចខាតនៅក្នុងការកាត់ក្តីដែលបានគ្រោងទុកនៅថ្ងៃទី២ ខែតុលា ខាងមុខនេះសម្រាប់លោក ត្រាំ ផងដែរ។លោក Engoron ក៏បានបញ្ជាឱ្យលុបចោលវិញ្ញាបនបត្រ ដែលអនុញ្ញាតឱ្យអាជីវកម្មមួយចំនួនរបស់លោក ត្រាំ រួមទាំងអង្គការរបស់លោក បើកដំណើរការនៅទីក្រុងញូវយ៉ក ហើយបានបញ្ជាឱ្យតែងតាំងអ្នកទទួលដើម្បីគ្រប់គ្រងការរំលាយអាជីវកម្មទាំងនោះផងដែរ។ចៅក្រមបានសម្រេចថា លោក ត្រាំ កូនប្រុសពេញវ័យពីររូបរបស់លោកឈ្មោះ ត្រាំ ជូនៀ (Donald Jr.) និង ត្រាំ អេរីក (Eric) អង្គការ ត្រាំ (the Trump Organization) និងចុងចោទផ្សេងទៀត បានបង្កើតការវាយតម្លៃមិនពិត និងបំប៉ោងទ្រព្យសម្បត្តិសុទ្ធរបស់លោកត្រាំ ដើម្បីបំពេញតម្រូវការអាជីវកម្មរបស់ពួកគេ៕

បណ្ដាញសង្គម

ព័ត៌មានថ្មីៗ

កេនយ៉ាជីករកឃើញសាកសពមនុស្ស ៣២នាក់ ស្របពេលដែលកំហឹងកើនឡើងចំពោះការបង្អត់អាហារខ្លួនឯងរហូតដល់ស្លាប់

ទួរគី បញ្ជាក់ថា រុស្ស៊ីបន្ថយការទាមទារដែនដី នៅអ៊ុយក្រែន

រដ្ឋមន្រ្តីសុខាភិបាល «ការចែករំលែកព័ត៌មានទៅវិញទៅមកជាប្រចាំ ជាចលករសំខាន់ក្នុងការជម្រុញកិច្ចការងារឱ្យទទួលបានជោគជ័យ»

UN ៖ អាជ្ញាធរអ៊ីរ៉ង់ប្រហារជីវិតមនុស្សយ៉ាងហោច ៨៤១នាក់មកទល់នឹងពេលនេះក្នុងឆ្នាំនេះ

ឥណ្ឌូនេស៊ីកាន់តែតានតឹង ខណៈការតវ៉ាប្រឆាំងនឹងនគរបាលបានផ្ទុះឡើងក្នុងក្រុងជាច្រើន

គ្រោះរាំងស្ងួតបណ្តាលឲ្យកសិករចិញ្ចឹមគោអង់គ្លេស ពិបាករកចំណីសម្រាប់សត្វចិញ្ចឹមរបស់ខ្លួន

EU ទទួលបានសំណើពេញ ១៥០ពាន់លានអឺរ៉ូដែលលៃទុកក្រោមផែនការការពារជាតិ

អ្នកអត់ការងារធ្វើរបស់អាល្លឺម៉ង់ មានលើស ៣លាននាក់ជាលើកដំបូង ក្នុងរយៈពេល ១ទសវត្សរ៍

ក្រុមប្រជានេសាទហុងឌុយរ៉ាស រត់ភៀសខ្លួន ពេលដែលមហាសមុទ្រលេបយកភូមិដ្ឋានរបស់ពួកគេ

នាយករដ្ឋមន្ត្រីស្តីទីថៃ និយាយថា សម្ព័ន្ធភាពនៅតែរួមគ្នា ហើយនឹងតែងតាំងបេក្ខជនឆាប់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេច ឃួន សុដារី ស្នើឯកអគ្គរាជទូតអង់គ្លេសបន្តលើកកម្ពស់ពាណិជ្ជកម្ម និងទំនាក់ទំនងទ្វេភាគី

កម្ពុជាទទូចឱ្យមានសកម្មភាពសកល ដើម្បីពិភពលោកគ្មានអាវុធនុយក្លេអ៊ែរ

ប្រទេសក្រិក នឹងប្រើជនអន្តោប្រវេសន៍ ដើម្បីសាងសង់ផ្លូវរថភ្លើងក្រោមដី និងព្រលានយន្តហោះ

អាមេរិកផ្អាកកម្មវិធីជំនួយបរទេសមួយចំនួនសម្រាប់ប្រទេសហ្គាបុង ក្រោយរដ្ឋប្រហារ

សម្ដេចធិបតី ហ៊ុន ម៉ាណែត ទទួលជួបឯកអគ្គរដ្ឋទូតអាមេរិកប្រចាំនៅកម្ពុជា

ឥណ្ឌាបើកចំហ ក្នុងការពិនិត្យមើលជាក់លាក់លើករណីស្លាប់មេដឹកនាំបំបែកខ្លួនសាសនាស៊ីក នៅកាណាដា

ចៅក្រមអាមេរិករកឃើញថា លោក ត្រាំ មានទោសចំពោះការក្លែងបន្លំក្នុងសំណុំរឿងរដ្ឋប្បវេណី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេច ឃួន សុដារី ស្នើឯកអគ្គរាជទូតអង់គ្លេសបន្តលើកកម្ពស់ពាណិជ្ជកម្ម និងទំនាក់ទំនងទ្វេភាគី

កម្ពុជាទទូចឱ្យមានសកម្មភាពសកល ដើម្បីពិភពលោកគ្មានអាវុធនុយក្លេអ៊ែរ

ប្រទេសក្រិក នឹងប្រើជនអន្តោប្រវេសន៍ ដើម្បីសាងសង់ផ្លូវរថភ្លើងក្រោមដី និងព្រលានយន្តហោះ

អាមេរិកផ្អាកកម្មវិធីជំនួយបរទេសមួយចំនួនសម្រាប់ប្រទេសហ្គាបុង ក្រោយរដ្ឋប្រហារ

សម្ដេចធិបតី ហ៊ុន ម៉ាណែត ទទួលជួបឯកអគ្គរដ្ឋទូតអាមេរិកប្រចាំនៅកម្ពុជា

ឥណ្ឌាបើកចំហ ក្នុងការពិនិត្យមើលជាក់លាក់លើករណីស្លាប់មេដឹកនាំបំបែកខ្លួនសាសនាស៊ីក នៅកាណាដា

ចៅក្រមអាមេរិករកឃើញថា លោក ត្រាំ មានទោសចំពោះការក្លែងបន្លំក្នុងសំណុំរឿងរដ្ឋប្បវេណី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍