នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ផ្តាំទៅសារព័ត៌មានថៃថា «បើ​ឆ្កួត​សូម​ឆ្កួត​តែ​ពួក​ឯង​ចុះ» ខណៈ​សម្ដេច​ជា​មនុស្ស​ទី​ពីរ​​បន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព
ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង
សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព
សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ​ និង ការអភិវឌ្ឍន៍

អង្គការណាសា រើសប្រធានស្រាវជ្រាវ UFO ថ្មី ខណៈខ្លួនមើលមិនឃើញភស្តុតាងនៃវត្តមានមនុស្សភពក្រៅនោះទេ

2023/09/15 01:30:15 pm        316
Facebook Telegram Linkin
កាលពីថ្ងៃព្រហស្បតិ៍ (១៤ កញ្ញា) អង្គការ ណាសា បាននិយាយថា ខ្លួនបានជ្រើសរើសនាយកថ្មីនៃគម្រោងការស្រាវជ្រាវ ទៅលើអ្វីដែលរដ្ឋាភិបាលហៅថា «បាតុភូតពុំមានអត្តសញ្ញាណច្បាស់លាស់» ឬហៅថា UAP ដែលត្រូវបានគេស្គាល់ជាទូទៅថា ជាវត្ថុហោះមិនស្គាល់អត្តសញ្ញាណ (UFOs) ខណៈប្រធានទីភ្នាក់ងារអវកាសអាមេរិកបាននិយាយថា ក្រុមអ្នកជំនាញដែលបានជំរុញឱ្យមានការស្វែងរកការពិតកាន់តែស៊ីជម្រៅ លើបញ្ហាមនុស្សភពក្រៅនេះ បានរកឃើញថាគ្មានភស្តុតាងប្រភពដើម សម្រាប់វត្តមាននៃវត្ថុទាំងនេះទេ។អ្នកគ្រប់គ្រងម្នាក់នៅក្នុងអង្គការណាសា លោក បីល នែលសុន (Bill Nelson) បានចេញសេចក្តីប្រកាសអំពីប្រធានស្រាវជ្រាវថ្មីនេះ ដោយមិនបង្ហាញពីអត្តសញ្ញាណរបស់មន្រ្តីថ្មីនេះទេ បន្ទាប់ពីក្រុមអ្នកជំនាញឯករាជ្យបានផ្តល់អនុសាសន៍នៅក្នុងរបាយការណ៍ថ្មីមួយថា អង្គការណាសា បង្កើនកិច្ចខិតខំប្រឹងប្រែងរបស់ខ្លួនដើម្បីប្រមូលព័ត៌មាននៅលើបាតុភូត UAP និងដើរតួនាទីធំជាងមុនក្នុងការជួយមន្ទីរបញ្ចកោណឲ្យរកឃើញវត្ថុចម្លែកទាំងនោះ។របាយការណ៍បាននិយាយថា អ្នកវិភាគផ្នែកក្រសួងការពារជាតិ និងចារកម្មរបស់សហរដ្ឋអាមេរិក មិនមានទិន្នន័យគ្រប់គ្រាន់ដើម្បីកំណត់ពីប្រភពនៃវត្ថុចម្លែកមួយចំនួន ដែលបានរកឃើញនោះទេ ខណៈវត្ថុខ្លះអាចត្រូវបានពន្យល់ថា ជាបាតុភូតបរិយាកាស យន្តហោះទំនើបមកពីប្រទេសមួយផ្សេងទៀត ឬវត្ថុដែលគ្មានគ្រោះថ្នាក់ ដូចជាបាឡុងអាកាសធាតុជាដើម៕

រដ្ឋមន្ត្រីការពារជាតិចិន ពុំបានបង្ហាញមុខជាច្រើនសប្តាហ៍មកហើយ រួមទាំងមិនបានចូលរួមក្នុងជំនួបជាមួយវៀតណាម

2023/09/15 01:25:11 pm        67
Facebook Telegram Linkin
រដ្ឋមន្ត្រីក្រសួងការពារជាតិចិន លោក លី សាងហ្វ៊ូ (Li Shangfu) បានដកខ្លួនចេញ ភ្លាមៗក្នុងកិច្ចប្រជុំជាមួយបណ្ដាមេដឹកនាំការពារជាតិវៀតណាម កាលពីសប្តាហ៍មុន នេះបើយោងតាមមន្ត្រីបីរូបដែលមានចំណេះដឹងផ្ទាល់អំពីបញ្ហានេះ ស្របពេលមានសំណួរអំពីការអវត្តមានរបស់លោក អស់រយៈពេលជាងពីរសប្តាហ៍ពីទស្សនីយ៍ភាពសាធារណៈ។យោងតាមមន្ត្រីវៀតណាមពីររូបបានឲ្យដឹងថា លោក លី វ័យ៦៥ឆ្នាំ គ្រោងនឹងចូលរួមកិច្ចប្រជុំប្រចាំឆ្នាំស្តីពីកិច្ចសហប្រតិបត្តិការលើវិស័យការពារជាតិ ដែលរៀបចំដោយវៀតណាមនៅតាមព្រំដែនរបស់ខ្លួនជាមួយប្រទេសចិន កាលពីថ្ងៃទី៧ និងទី៨ ខែកញ្ញា ប៉ុន្តែកិច្ចប្រជុំនោះត្រូវបានពន្យារពេល បន្ទាប់ពីទីក្រុងប៉េកាំងបានប្រាប់ទីក្រុងហាណូយប៉ុន្មានថ្ងៃមុនព្រឹត្តិការណ៍ថា រដ្ឋមន្ត្រីរូបនេះកំពុងមាន «បញ្ហាសុខភាព»។ការលុបចោលភ្លាមៗនៃដំណើររបស់លោក លី ធ្វើឡើងបន្ទាប់ពីមានការជំនួសតំណែងដែលមិនអាចពន្យល់បាន របស់អតីតរដ្ឋមន្ត្រីការបរទេសចិន លោក ឈីន កាង (Qin Gang) របស់ប្រទេសចិនក្នុងខែកក្កដា បន្ទាប់ពីអវត្តមានដ៏យូរពីទិដ្ឋភាពសាធារណៈ និងភាពរង្គោះរង្គើនៃការដឹកនាំរបស់ឥស្សរជនកងកម្លាំងរ៉ុក្កែត នៃកងទ័ពរំដោះប្រជាជនចិន ក្នុងប៉ុន្មានខែថ្មីៗនេះ និងជាសកម្មភាពដែលបានចោទជាសំណួរអំពី ការសម្រេចរបស់ថ្នាក់ដឹកនាំចិនផងដែរ៕

សន្និសីទអាស៊ាន-ចិនឆ្នាំ២០២៣ ស្ដីពីកិច្ចសហប្រតិបត្តិការ និងការអភិវឌ្ឍការអប់រំវិជ្ជាជីវៈ

2023/09/15 01:17:27 pm        65
Facebook Telegram Linkin
ទីក្រុងណាននីង៖ នៅថ្ងៃទី១៥ ខែកញ្ញា ឆ្នាំ២០២៣ឯកឧត្តមបណ្ឌិត អ៊ុម រម្យណី រដ្ឋលេខាធិការ នៃក្រសួងអប់រំ យុវជន និងកីឡា ជាតំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ​ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំគណៈប្រតិភូកម្ពុជា​អញ្ជើញចូលរួម ​សន្និសីទអាស៊ាន-ចិនឆ្នាំ២០២៣ ស្ដីពី កិច្ចសហប្រតិបត្តិការ និងការអភិវឌ្ឍន៍ការអប់រំវិជ្ជាជីវៈ (2023 China-ASEAN Conference on Vocational Education Cooperation and Development) ដែលប្រព្រឹត្តទៅនៅទីក្រុងណាននីង ​សាធារណរដ្ឋប្រជាមានិតចិន។ សន្និសីទនេះ ​មានការចូលរួមពីសំណាក់ប្រតិភូតំណាងប្រទេសជាសមាជិកអាស៊ាន នាយកគ្រឹះស្ថានសិក្សា និងគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈ ព្រមទាំង​ព្រឹទ្ធបុរស សាស្ត្រាចារ្យមកពីសាកលវិទ្យាល័យនានា និងតំណាងក្រុមហ៊ុនមួយចំនួន​មកពីប្រទេស​ក្នុងតំបន់អាស៊ាន និងក្នុងប្រទេសចិនផងដែរ។នៅក្នុងសន្និសីទនាឱកាសនេះ ឯកឧត្តមបណ្ឌិត រដ្ឋលេខាធិការ បានពាំនាំនូវអនុសាសន៍ដ៏ខ្ពង់ខ្ពស់ និងមានសារៈសំខាន់ៗរបស់ឯកឧត្តមបណ្ឌិតសភាចារ្យ ​ឧបនាយករដ្ឋមន្ត្រី ​ពាក់ព័ន្ធនឹង “កិច្ចសហប្រតិបត្តិការ និងការអភិវឌ្ឍន៍វិស័យអប់រំ” ដែលកម្ពុជា​ បាននិងកំពុងបន្តចូលរួមចំណែក​ក្នុងកិច្ចសហប្រតិបត្តិការអាស៊ាន-ចិនសម្រាប់វិស័យអប់រំ ​តាមរយៈ គំនិតផ្ដួចផ្ដើមខ្សែក្រវ៉ាត់ និងផ្លូវ (Belt and Road Initiatives) ដែលក្នុងនោះរួមមាន៖- បរិវត្តកម្មឌីជីថលក្នុងវិស័យអប់រំ ដោយដាក់ចេញចំនុចអាទិភាពចំនួន ៨ចំនុច រួមមាន៖ (១) កំណែទម្រង់សាលារៀន (២) ការអភិវឌ្ឍន៍គ្រូបង្រៀន (៣) ការអប់រំតាមបែបឌីជីថល (៤) ការអប់រំវិទ្យាសាស្ត្រ និងបច្ចេកវិទ្យា (៥) ការលើកកម្ពស់សុខភាពសិក្សា (៦) ការអភិវឌ្ឍន៍យុវជនដើម្បីលើកកម្ពស់ជំនាញសតវត្សទី២១ (៧) ការបង្កើតមជ្ឈមណ្ឌលស្ដង់ដារខ្ពស់នៅកម្រិតឧត្តមសិក្សា និង (៨) ការអភិវឌ្ឍន៍ស្ថាប័ន និងសមត្ថភាព។- ការអភិវឌ្ឍន៍វិស័យវិទ្យាសាស្ត្រនិងបច្ចេកវិទ្យា ការអប់រំនិងបណ្ដុះបណ្ដាលបច្ចេកទេសនិងវិជ្ជាជីវៈ (TVET) និងការលើកកម្ពស់ភាពជាដៃគូនៃវិស័យសាធារណៈ និងវិស័យឯកជន (Public–private partnership) ។ជាចុងក្រោយ ឯកឧត្តមបណ្ឌិត រដ្ឋលេខាធិការ ក៏បានលើកឡើងអំពីកិច្ចខិតខំប្រឹងប្រែងសហការ​ជាមួយប្រទេសជាសមាជិកអាស៊ានទាំងអស់ និងប្រទេសចិនផងដែរ ដើម្បីសម្រេចឱ្យបានជោគជ័យ​ក្នុងការពង្រឹងកិច្ចសហប្រតិបត្តិការ​ក្នុងវិស័យអប់រំរវាងអាស៊ាន និងចិន៕

ឯកឧត្តម ចាយ បូរិន អរគុណជប៉ុន ផ្តល់ជំនួយដ៏សំបូរបែបលើគ្រប់វិស័យមិនថាវិស័យពុទ្ធចក្រ និងអាណាចក្រ

2023/09/15 12:59:08 pm        59
Facebook Telegram Linkin
ភ្នំពេញ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា បានអនុញ្ញាតឲ្យឯកឧត្តម UENO Atsushi ឯកអគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅទីស្តីការក្រសួង នាព្រឹកថ្ងៃទី១៥ ខែកញ្ញា ឆ្នាំ២០២៣នេះ។ជាកិច្ចចាប់ផ្តើម ឯកឧត្តម ឯកអគ្គរាជទូតវិសាមញ្ញ និងពេញសមត្ថភាពជប៉ុនប្រចាំព្រះរាជាណាចក្រកម្ពុជា សូមអបអរសាទរចំពោះឯកឧត្តម ចាយ បូរិន ដែលត្រូវបានការផ្តល់សេចក្តីទុកចិត្តពីរដ្ឋសភាអាណត្តិទី៧ និងព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទានត្រាស់បង្គាប់តែងតាំងជារដ្ឋមន្ត្រីក្រសួងធម្មការ និងសាសនា ​នៃព្រះរាជាណាចក្រកម្ពុជា ​និងបានកោតសរសើរនៅស្នាដៃដឹកនាំ របស់​សម្តេចតេជោ ហ៊ុន សែន អតីតនាយករដ្ឋមន្រ្តី ដែលបានដឹកនាំកម្ពុជា ប្រទេសកាន់នៅសាសនា​ព្រះពុទ្ធ​ជាសាសនា​របស់រដ្ឋ ប៉ុន្តែបានបើកយ៉ាងទូលាយនៅគ្រប់សាសនាទាំងអស់ ព្រមទាំងគ្រប់គ្រង​បានយ៉ាងល្អលើសាសនាទាំងអស់​ មិនឲ្យមានកើតវិវាទ ​នឹងគ្នា ។ ក្នុងជំនួបដដែលនេះ ឯកឧត្តម ឯកអគ្គរាជទូត មានគោលបំណងបន្តពង្រឹងកិច្ចសហប្រតិបត្តិការ​ដែល​មានស្រាប់ បើទោះបីជាប្រទេសជប៉ុន ពុំមានព្រះពុទ្ធសាសនា ជាសាសនារបស់រដ្ឋក៏ដោយ ប៉ុន្តែមានអង្គការចាត់តាំង និងសមាគមមួយចំនួននៅប្រទេសជប៉ុន បានកាន់សាសនាព្រះពុទ្ធ កន្លងមកធ្លាប់បានផ្តល់ជំនួយ ជួយដល់ប្រទេសកម្ពុជា ​លើវិស័យសេដ្ឋកិច្ច។ក្នុងនោះក៏មានការជួយលើវិស័យព្រះពុទ្ធសាសនា ដោយជប៉ុនធ្លាប់បានចូលរួមជួយបោះពុម្ព​នៅគម្ពីរ​ព្រះត្រៃបិដកចំនួន១១០ក្បាល ​ជូនមកក្រសួងធម្មការ និងសាសនា ដើម្បីចែកចាយដល់​វត្តអារាម និងបណ្ណាល័យមួយចំនួនរបស់ប្រទេសកម្ពុជា។ ដោយឡែកឯកឧត្តម ឯកអគ្គរាជទូត ជប៉ុន ក៏បានជម្រាបជូនឯកឧត្តមរដ្ឋមន្ត្រីពីកម្មវិធី​ព្រះពុទ្ធសាសនា​អន្តរជាតិ​ ដែលប្រារព្ធធ្វើនៅឆ្នាំ២០២៥ខាងមុខនេះ​ ដោយមានការចូលរួមពីអង្គការ សមាគម ​ពិសេសពុទ្ធសាសនិក ​ដែលកាន់នៅព្រះពុទ្ធសាសនាទាំងនៅអាស៊ី ​និងអឺរ៉ុប។ជាការឆ្លើយតប ​ឯកឧត្តម ចាយ បូរិន បានថ្លែងអំណរគុណដល់រដ្ឋាភិបាល ​និងប្រជាជនជប៉ុន ដែល​កន្លងមកតែងតែផ្តល់នៅជំនួយដ៏សំបូរបែបលើគ្រប់វិស័យ​ មិនថាវិស័យពុទ្ធចក្រ ​និងអាណាចក្រ ចាប់តាំង​ពីអាណត្តិដែលដឹកនាំដោយសម្តេចអគ្គមហាសេនាបតីតេជោ​ ហ៊ុន សែន រហូតមកដល់អាណត្តិទី៧ ​ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។ ឯកឧត្តម សង្ឃឹមថា តាមរយៈកិច្ចសហប្រតិបត្តិការយ៉ាងស្អិតរមួតដែល​មានស្រាប់ជាដៃគូ​យុទ្ធសាស្រ្ត និងចំណងមិត្តភាពរវាងព្រះរាជាណាចក្រកម្ពុជា ​និងប្រទេសជប៉ុន និងបន្តគាំទ្រគ្នា​ទៅវិញ​ទៅមកកាន់តែរីកចម្រើនឡើងថែមទៀត ពិសេសលើកិច្ចសហប្រតិបត្តិការ​យ៉ាងជិតស្និត​ជាមួយក្រសួងធម្មការ និងសាសនា ​ដែលជាសេនាធិការបស់រដ្ឋាភិបាលកម្ពុជា ​និងប្រទេសជប៉ុន៕អត្ថបទ រដ្ឋា

ILO បញ្ជាក់ថា អត្រាភាពគ្មានការងារធ្វើជារួមនៅកម្ពុជាគឺ ១,២ ភាគរយ

2023/09/15 12:52:59 pm        150
Facebook Telegram Linkin
ភ្នំពេញ៖ អង្គការអន្តរជាតិខាងការងារ (ILO) នៅថ្ងៃទី១៥ ខែកញ្ញា ឆ្នាំ ២០២៣នេះ បានចេញសេចក្តីថ្លែងការណ៍ បញ្ជាក់ថា អត្រាភាពគ្មានការងារធ្វើជារួម (ដែលត្រូវបានកំណត់ជាអ្នកគ្មានការងារធ្វើគិតជាភាគរយនៃកម្លាំងពលកម្មសរុប) គឺ ១,២ ភាគរយ តាមរបាយការណ៍អង្កេតកម្លាំងពលកម្មកម្ពុជាឆ្នាំ២០១៩។យោងតាមសេចក្តីថ្លែងការណ៍របស់អង្គការអន្តរជាតិខាងការងារ (ILO) ស្តីពីស្ថិតិភាពមានការងារធ្វើ និង​ភាពគ្មានការងារធ្វើ ក្នុងប្រទេសកម្ពុជា ដែលផ្ដល់មកទូរទស្សន៍ BTV ​នាថ្ងៃទី១៥ ខែកញ្ញា ឆ្នាំ ២០២៣នេះ បានបំភ្លឺចំពោះស្ថិតិដែលបាន​បោះពុម្ពផ្សាយ​ក្នុងមូលដ្ឋាន​ទិន្នន័យ​ស្ថិតិកម្លាំង​ពលកម្មរបស់អង្គការអន្តរជាតិ​ខាងការងារនាពេកកន្លងទៅនេះ ​និងបំភ្លឺព័ត៌មានទាក់ទង​នឹង​ស្ថិតិភាព​មានការងារធ្វើ និងភាពគ្មានការងារធ្វើ ​ក្នុងប្រទេសកម្ពុជា។សេចក្តីថ្លែងការណ៍ បានឱ្យដឹងថា ស្ថិតិស្តីពីភាពមានការងារធ្វើដែលបានបោះពុម្ពផ្សាយ​ក្នុងមូលដ្ឋានទិន្នន័យស្ថិតិកម្លាំងពលកម្មរបស់អង្គការអន្តរជាតិខាងការងារ (ILOSTAT) ប្រើនិយមន័យផ្អែកទៅតាមសន្និសីទអន្តរជាតិលើកទី១៣ ​នៃអ្នកជំនាញស្ថិតិការងារ (ICLS ឆ្នាំ១៩៨២)។សេចក្តីថ្លែងការណ៍បញ្ជាក់ថា នៅប្រទេសកម្ពុជា តួលេខថ្មីបំផុតនៃអត្រាភាពមានការងារធ្វើធៀប​នឹងប្រជាជន (employment-to-population ratio) ដែលស្របតាមបទដ្ឋានអន្តរជាតិ គឺបានមកពី​របាយការណ៍អង្កេតកម្លាំងពលកម្មកម្ពុជាឆ្នាំ២០១៩ ហើយអត្រាភាព​មានការងារធ្វើធៀប​នឹង​ប្រជាជនមាន ៦៨,៦ ភាគរយ (ក្នុងនោះ ៧៦,៣ ភាគរយសម្រាប់បុរស និង ៦១,៨ ភាគរយ សម្រាប់ស្ត្រី)។អត្រាភាពមានការងារធ្វើធៀបនឹងប្រជាជនផ្តល់នូវសូចនាកម្ម (ការបង្ហាញ) ​កាន់តែប្រសើរអំពីទំហំ​នៃចំនួន​ប្រជាជនដែលស្ថិតក្នុងភាពមានការងារធ្វើ ​ពីចំណោមប្រជាជន​ក្នុងអាយុធ្វើការសរុប។ នេះជាសូចនាករប្រសើរបំផុតសម្រាប់វាស់វែងថាតើទីផ្សារការងារកំពុងផ្តល់ឱ្យប្រជាជននូវភាពមានការងារធ្វើ បានយ៉ាងណាខ្លះ។ នេះបើតាមសេចក្តីថ្លែងការណ៍ដដែល។សេចក្ដីថ្លែងការណ៍បញ្ជាក់ថា អង្គការអន្តរជាតិខាងការងារ (ILO) មិនបោះពុម្ពផ្សាយនូវអ្វីដែលជួន​កាលគេហៅថា «អត្រាភាពមានការងារធ្វើ» ពីព្រោះវាមិនមែនជាសូចនាករដែល​ត្រូវបានទទួល​ស្គាល់​ជាអន្តរជាតិ និងមិនបន្ថែមព័ត៌មាន​អ្វីក្រៅពីអត្រាភាពគ្មាន​ការងារធ្វើដែលមានរួច​ហើយនោះទេ៕ អត្ថបទ៖ វ៉ន ដារ៉ា

ការសាងសង់វិមានរដ្ឋធម្មនុញ្ញសម្រេចបាន ៣៥ភាគរយ

2023/09/15 12:46:36 pm        223
Facebook Telegram Linkin
ភ្នំពេញ៖ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ បានឲ្យដឹងថា គិតមកទល់ពេលនេះការសាងសង់វិមានរដ្ឋធម្មនុញ្ញដែលជានិមិត្តរូបប្រវត្តិសាស្រ្តសម្រេចបាន៣៥ភាគរយ។ នៅថ្ងៃទី១៥ ខែកញ្ញា ឆ្នាំ២០២៣ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម បានអញ្ជើញ​ពិនិត្យវឌ្ឍនភាព​នៃការសាងសង់វិមានរដ្ឋធម្មនុញ្ញ ​ដែលជាសំណង់​សាងសង់ឡើង​ជានិមិត្តរូប​ប្រវត្តិសាស្រ្តរម្លឹកដល់ភាពជោគជ័យនៃការបង្កើតរដ្ឋធម្មនុញ្ញ ​ដែលមានអាយុកាល៣០ឆ្នាំ។ ក្រោយចុះពិនិត្យការសាងសង់ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម បានឲ្យដឹងថា ចំពោះវឌ្ឍនភាពរយៈពេលជាង ៩០ថ្ងៃនៃដំណើរការសាងសង់វិមានរដ្ឋធម្មនុញ្ញ ក្រុមការងារបាន​បញ្ចប់​លើការសាងសង់អគារនៃវិមានទាំងមូលហើយ ខណៈសំណង់នេះ​សេសសល់ទៅ​លើ​ការសាងសង់បុស្សបុក ​ការរចនាស្ពាននៃអគារវិមាន ​និងរៀបចំសួនច្បារជុំវិញវិមាននេះ។ ឯកឧត្តម បន្តថា ​ការសាងសង់វិមានរដ្ឋធម្មនុញ្ញអាចនឹងបញ្ចប់មុនការគ្រោងទុក​នាពាក់កណ្តាល​ឆ្នាំ២០២៤ខាងមុខ។ ឯកឧត្តម អ៊ឹម ឈុនលឹម បញ្ជាក់ថា ការសាងសង់វិមានរដ្ឋធម្មនុញ្ញនេះឡើង ក្នុងគោលដៅឲ្យយុវជន​ជំនាន់​ក្រោយបានចងចាំ និងស្វែងយល់ពីតម្លៃរដ្ឋធម្មនុញ្ញ ​ដែលរដ្ឋធម្មនុញ្ញ​នេះបង្កើតមកដោយ​សារសន្ធិសញ្ញាសន្តិភាពទីក្រុងប៉ារីស ​ភាគីពាក់ព័ន្ធ ជាពិសេសភាពប៉ិនប្រសព្វរបស់​រាជរដ្ឋាភិបាលក្រោមការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ទើបអាចធានាឲ្យកម្ពុជាអនុវត្តរដ្ឋធម្មនុញ្ញដោយជោគជ័យ។ គួរបញ្ជាក់ថា វិមានរដ្ឋធម្មនុញ្ញ ត្រូវបានស្ថាបត្យកររៀបចំពាក់ព័ន្ធនឹងការរចនា​នៅ​លើ​សន្លឹកទ្វារទាំង៤ ​ដែល​ឆ្លុះបញ្ចាំង​ទៅលើទស្សនៈគុណតម្លៃ​នៃរដ្ឋធម្មនុញ្ញនិយមទំនើប ​ដូចជា គុណតម្លៃនីតិរដ្ឋ, គុណតម្លៃប្រជាធិបតេយ្យ, គុណតម្លៃ​នៃការបែងចែក​អំណាចដាច់ពីគ្នា​នៃ​អំណាចទាំង៣ និងគុណ​តម្លៃនៃសិទ្ធិមនុស្ស៕ 

កម្ពុជា-អាស៊ែបៃហ្សាន សន្យាបន្តសហការគ្នាបណ្តុះបណ្តាលធនធានមនុស្ស លើកកម្ពស់ពាណិជ្ជកម្ម និងទេសចរណ៍

2023/09/15 12:40:13 pm        30
Facebook Telegram Linkin
ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម ស៊ូវគី មេឌីហ្សាដា (Shovgi Mechdizade) ឯកអគ្គរដ្ឋទូតនៃសាធារណរដ្ឋអាស៊ែបៃហ្សាន ដែលទើបតែងតាំងថ្មីប្រចាំកម្ពុជា ដែលមាននិវេសនដ្ឋាននៅទីក្រុងហាណូយ ប្រទេសវៀតណាម ចូលជួបសម្តែងការគួរសម និងពិភាក្សាការងារ នៅវិមានរដ្ឋសភា នាព្រឹកថ្ងៃសុក្រ ទី១៥ ខែកញ្ញា ឆ្នាំ២០២៣នេះ។សម្តេចមហារដ្ឋសភាធិការធិបតី ឃួន សុដារី មានក្តីសោមនស្សរីករាយ និងសូមស្វាគមន៍យ៉ាងកក់ក្តៅចំពោះវត្តមានរបស់ ឯកឧត្តម ស៊ូវគី មេឌីហ្សាដា ដែលត្រូវបានរដ្ឋាភិបាលអាស៊ែបៃហ្សាន ផ្តល់សេចក្តីទុកចិត្ត តែងតំាងជាឯកអគ្គរដ្ឋទូត ប្រចាំកម្ពុជា។ សម្តេចរដ្ឋសភាធិបតី បានបញ្ជាក់ថា រដ្ឋសភាកម្ពុជាត្រៀមខ្លួនជាស្រេច ដើម្បីផ្តល់ការគាំទ្រ និងកិច្ចសហការពេញលេញជាមួយឯកឧត្តម ដើម្បីជួយឱ្យបេសកកម្មរបស់ឯកឧត្តមទទួលបានជោគជ័យ។ ជាមួយគ្នានេះ សម្តេចរដ្ឋសភាធិបតី សង្ឃឹមថា ក្រោមអាណត្តិការទូតរបស់ ឯកឧត្តម ស៊ូវគី មេឌីហ្សាដា ទំនាក់ទំនង និងកិច្ចសហប្រតិបត្តិការទ្វេភាគីរវាងកម្ពុជា និងអាស៊ែបៃហ្សាន នឹងបន្តរីកលូតលាស់បន្ថែមទៀត។ សម្តេចរដ្ឋសភាធិបតី បានស្នើរាជរដ្ឋាភិបាល ក៏ដូចជារដ្ឋសភា អាស៊ែបៃហ្សាន បន្តជួយបណ្តុះបណ្តាលធនធានមនុស្សដល់កម្ពុជា ទំាងខាងនីតិប្បញ្ញត្តិ និងនីតិប្រតិបត្តិ ពិសេសដើម្បីរដ្ឋសភាកម្ពុជា ធ្វើទំនើបកម្មស្ថាប័ន ស្របតាមយុទ្ធសាស្រ្តបញ្ចកោណ​ដំណាក់​កាលទី១ របស់រាជរដ្ឋាភិបាលនីតិកាលទី៧នៃរដ្ឋសភា។ សម្តេចរដ្ឋសភាធិបតី ឃួន សុដារី បានលើកឡើងថា អាស៊ែបៃហ្សាន ជាប្រទេសដែលបានជួយ​បណ្តុះបណ្តាល​ធនធានមនុស្សដល់កម្ពុជា ​ក្នុងសម័យសហភាពសូវៀត​ ហើយបញ្ញាវន្តខ្មែរដែល​ទទួល​បានការបណ្តុះបណ្តាលពីអាស៊ែបៃហ្សាន​ បានក្លាយជាធនធានមនុស្សដ៏សំខាន់​ក្នុងការអភិវឌ្ឍប្រទេសជាតិបច្ចុប្បន្ននេះ។ឯកឧត្តម ស៊ូវគី មេឌីហ្សាដា បានថ្លែងអំណរគុណយ៉ាងជ្រាលជ្រៅ ​ដែលសម្តេចរដ្ឋសភាធិបតី បាន​អនុញ្ញាត​ឱ្យឯកឧត្តម ​បានចូលជួបសម្តែងការគួរសម ​និងពិភាក្សាការងារនាពេលនេះ។ ឯកឧត្តមឯកអគ្គរដ្ឋទូត​ បានអបអរសាទរចំពោះជោគជ័យធំធេង ដែលកម្ពុជាបានរៀបចំ​ការបោះឆ្នោតសកលនាពេលថ្មីៗ​ និងបានអបអរសាទរចំពោះ សម្តេចរដ្ឋសភាធិបតី ដែលត្រូវបានរដ្ឋសភាបោះឆ្នោតជ្រើសតំាងជាប្រធានរដ្ឋសភា នៅក្នុងនីតិកាលទី៧នេះ។ ឯកឧត្តម ស៊ូវគី មេឌីហ្សាដា បានទទួលយកសំណើរបស់ ​សម្តេចរដ្ឋសភាធិបតី និងបានប្តេជ្ញាចិត្តថា នឹងខិតខំលើកកម្ពស់ទំនាក់ទំនងប្រទេសទំាងពីរឱ្យកាន់តែរឹងមាំឡើង ​ទំាងខាងស្ថាប័ននីតិប្បញ្ញត្តិ និងនីតិប្រតិបត្តិ។ ជាមួយគ្នានេះ ឯកឧត្តម ក៏បានអរគុណរដ្ឋសភាកម្ពុជា ដែលបានគំាទ្រដល់សភាប្រទេស​អាស៊ែបៃហ្សង់ ​បានក្លាយជាអ្នកសង្កេតការណ៍អន្តរសភាអាស៊ាន ​កាលពីឆ្នាំកន្លងទៅ នៅពេលសភាកម្ពុជា​ធ្វើជាម្ចាស់ផ្ទះនៃមហាសន្និបាត​AIPA លើកទី៤៣នោះ។ឯកឧត្តម ស៊ូវគី មេឌីហ្សាដា នឹងពំានាំសំណូមពរ និងសំណើរ​ព្រមទំាងសារជូនពររបស់ សម្តេចប្រធានរដ្ឋសភា ​ជូនថ្នាក់ដឹកនាំអាស៊ែបៃហ្សាន។​ ជាថ្មីម្តងទៀត ឯកឧត្តមសន្យាថា នឹងខិតខំជំរុញលើកកម្ពស់ទំនាក់ទំនងពាណិជ្ជកម្ម ទេសចរណ៍ឱ្យមានការរីកម្រើនឡើង ដើម្បីផលប្រយោជន៍ប្រទេសទំាងពីរ។ឯកឧត្តមបានលើកឡើងនូវគំនិត​ផ្តួចផ្តើម​ការបង្កើតសមាគមអតីតនិស្សិតកម្ពុជា​និងអាស៊ែបៃហ្សាន ដើម្បីពួកគេបានផ្សារភ្ជាប់ទំនាក់ទំនងជាមួយគ្នា ​និងបានសិក្សាពីភាសា ប្រវត្តិសាស្រ្ត វប្បធម៌ ពីគ្នាទៅវិញទៅមកផងដែរ៕

ប្រធានាធិបតីអ៊ុយក្រែន នឹងទៅទស្សនកិច្ចនៅអាមេរិក ខណៈសភាពិភាក្សាអំពីជំនួយ២៤ពាន់លានដុល្លារ

2023/09/15 12:27:23 pm        63
Facebook Telegram Linkin
ប្រធានាធិបតីអ៊ុយក្រែន លោក វ៉្លូឌីមី ហ្ស៊េលែនស្គី (Volodymyr Zelenskiy) ត្រូវបានគេរំពឹងថា នឹងទៅកាន់សេតវិមាន និងវិមានកាពីតូល នៅសប្តាហ៍ក្រោយ ខណៈលោកធ្វើដំណើរទស្សនកិច្ចនៅសហរដ្ឋអាមេរិក ក្នុងអំឡុងពេលមហាសន្និបាតអង្គការសហប្រជាជាតិ។ ដំណើរទស្សនកិច្ចរបស់លោក ហ្ស៊េលែនស្គី កើតឡើងខណៈសភាកំពុងពិភាក្សាលើសំណើរបស់លោកប្រធានាធិបតី ចូ បៃដិន ក្នុងការផ្តល់ជំនួយយោធា និងមនុស្សធម៌ចំនួន២៤ពាន់លានដុល្លារ សម្រាប់ប្រទេសអ៊ុយក្រែន ស្របពេលដែលប្រទេសនេះកំពុងប្រយុទ្ធនឹងការឈ្លានពានរបស់រុស្ស៊ី។មន្ត្រីរដ្ឋបាលម្នាក់ បាននិយាយក្នុងលក្ខខណ្ឌមិនបញ្ចេញឈ្មោះថា លោក ហ្ស៊េលែនស្គី នឹងជួបជាមួយលោក បៃដិន នៅសេតវិមាននៅថ្ងៃព្រហស្បតិ៍សប្តាហ៍ក្រោយនេះ ហើយដំណើរទស្សនកិច្ចទៅកាន់វិមានកាពីតូលនេះ ក៏ត្រូវបានបញ្ជាក់ដោយជំនួយការសភាពីររូប ដែលសុំមិនបញ្ចេញផងដែរ។ព័ត៌មានលម្អិតនៃដំណើរទស្សនកិច្ចរបស់លោក ហ្ស៊េលែនស្គី នៅសប្តាហ៍ក្រោយ មិនទាន់ត្រូវបានបង្ហាញជាសាធារណៈនៅឡើយទេ ហើយក្រុមប្រឹក្សាសន្តិសុខជាតិសេតវិមាន បានបដិសេធមិនធ្វើអត្ថាធិប្បាយលើគម្រោងទស្សនកិច្ចរបស់លោក Zelenskiy នេះ រួមទាំងថាតើលោកនឹងជួបជាមួយលោក បៃដិន នៅសេតវិមានដែរឬយ៉ាងណា៕

អង្គការកម្មករនៅអាហ្សង់ទីនសម្តែងក្តីបារម្ភ ខណៈបេក្ខជនប្រធានាធិបតីសេរីនិយមនាំមុខក្នុងការស្ទង់មតិ

2023/09/15 12:24:12 pm        66
Facebook Telegram Linkin
បណ្ដាអង្គការកម្មករឆ្វេងនិយមអាហ្សង់ទីន បានដើរដង្ហែតាមដងផ្លូវនៃទីក្រុង ប៊ុយណូ ស៊ែរ (Buenos Aires) កាលពីថ្ងៃព្រហស្បតិ៍ (១៤ កញ្ញា) ដើម្បីតវ៉ាប្រឆាំងនឹងបេក្ខជនប្រធានាធិបតី ដែលនាំមុខក្នុងការបោះឆ្នោត គឺលោក Javier Milei។ ក្រុមអ្នកតវ៉ាបានសម្តែងការភ័យខ្លាចរបស់ពួកគេ ទាក់ទងនឹងនយោបាយរបស់បេក្ខជនសេរីនិយមជ្រុលរូបនេះ ដែលបានឈ្នះការបោះឆ្នោតជុំទីមួយ ហើយបានបន្ថែមថា ពួកគេនឹងប្រឆាំងនឹងការឡើងកាន់អំណាចរបស់លោក Milei ប្រសិនបើលោកបានឈ្នះក្នុងការបោះឆ្នោតសកល ខែតុលាខាងមុខនេះ។លោក Milei ដែលទទួលបានកេរ្តិ៍ឈ្មោះ ដោយសារធ្លាប់ធ្វើជាអ្នកអត្ថាធិប្បាយទូរទស្សន៍ដ៏មានប្រជាប្រិយភាព បានទទួលការរិះគន់ពីអ្នកបោះឆ្នោតអាហ្សង់ទីន ដែលខឹងសម្បានឹងបញ្ហាអតិផរណាចំនួន ១២៤% ដោយសារការជាប់គាំងបញ្ហាសាច់ប្រាក់របស់រដ្ឋាភិបាល សេដ្ឋកិច្ចធ្លាក់ចុះ និងមនុស្ស៤នាក់ក្នុងចំណោម១០នាក់ក្នុងស្ថិតក្នុងភាពក្រីក្រនៅក្នុងប្រទេសនេះផងដែរ។អង្គការកម្មករទាំងនោះ ក៏បានតវ៉ាចំពោះវិធានការរបស់រដ្ឋាភិបាលលោក Alberto Fernandez ដែលប៉ះពាល់ដល់ប្រាក់សោធននិវត្តរបស់កម្មករចូលនិវត្តន៍ ពលរដ្ឋគ្មានការងារធ្វើ ការទម្លាក់តម្លៃប្រាក់ប៉េសូ អតិផរណាកើនឡើងខ្ពស់ និងកិច្ចព្រមព្រៀងជាមួយមូលនិធិរូបិយវត្ថុអន្តរជាតិផងដែរ៕

អាជ្ញាធរម៉ិកស៊ីករកឃើញជនអន្តោប្រវេសន៍៣៥០នាក់ កំពុងធ្វើដំណើរនៅខាងក្នុងរថយន្តសណ្តោង

2023/09/15 12:13:54 pm        43
Facebook Telegram Linkin
យោងតាមវិទ្យាស្ថានអន្តោប្រវេសន៍ជាតិ(INM) របស់ប្រទេសបានឲ្យដឹងថា ជនអន្តោប្រវេសន៍៣៥០នាក់ ត្រូវបានរកឃើញ ប្រជ្រៀតគ្នានិងខ្សោះជាតិទឹក នៅផ្នែកខាងក្រោយក្នុងរថយន្តសណ្តោង នៅប្រទេសម៉ិកស៊ិក ភាគអាគ្នេយ៍ ។ ការរកឃើញនេះ ត្រូវបានធ្វើឡើងនៅចំណតបង់ប្រាក់ នៅទីក្រុង កូសាម៉ាឡូប៉ាន(Cosamaloapan) ភាគខាងត្បូងរដ្ឋ Veracruz ជាកន្លែងដែលបុគ្គលិកវិទ្យាស្ថានអន្តោប្រវេសន៍ជាតិ និងមន្ត្រីសន្តិសុខ បានស្លាប់លឺសំឡេងយំនិងគោះទ្វារនៅផ្នែកខាងក្រោយរថយន្តសណ្តោង នៅពេលនោះពួកគេបានរកឃើញជនអន្តោប្រវេសន៍។នៅលើកន្ទុយសណ្តោងរបស់រថយន្ត មាន ស្ត្រី បុរសនិងអនីតិជន មកពីប្រទេស ហ្គាតេម៉ាឡា អេក្វាឌ័រ ហុងឌុយរ៉ាស់ និងប្រទេសអែលសាវ៉ាឌ័រ។ រថយន្ត និងអ្នកបើកបរ ត្រូវបានយកទៅទុកនៅការិយាល័យអគ្គមេធាវី។ អានិតិជននិងគ្រួសារជាច្រើនត្រូវបានរកឃើញនៅក្នុងរថយន្តសណ្តោងនឹងស្ថិតនៅក្រោមការឃុំខ្លួនរបស់ប្រព័ន្ធសុខមាលភាពគ្រួសារក្នុងតំបន់ ខណៈមនុស្សពេញវ័យ ត្រូវបាននាំទៅកាន់អគារវិទ្យាស្ថានអន្តោប្រវេសន៍ជាតិ នៅក្នុងរដ្ឋ ដើម្បីកំណត់ស្ថានភាពការធ្វើអន្តោប្រវេសន៍របស់ពួកគេនៅម៉ិកស៊ីក។

បណ្ដាញសង្គម

ព័ត៌មានថ្មីៗ

លោកជំទាវ ចាយ ច័ន្ទរ៉ានី ចុះសួរសុខទុក្ខ និងឧបត្ថម្ភសម្ភារដល់កងពលតូចអន្តរាគមន៍លេខ១២៨ ប្រចាំទិសទី១ ខេត្តព្រះវិហារ
06/28/2025 02:06 PM
Facebook Telegram Linkin
ការផ្គូផ្គងធុរកិច្ចម៉ាទ្បេស៊ី-កម្ពុជា និងធ្វើឱ្យវិនិយោគិន បានស្វែងយល់ពីឱកាសវិនិយោគនៅកម្ពុជាបន្ថែម
06/28/2025 02:06 PM
Facebook Telegram Linkin
អភិបាលខេត្តប៉ៃលិន អន្តរាគមន៍ជួយពលករខ្មែរម្នាក់ ដែលជួបគ្រោះថ្នាក់ចរាចរណ៍ធ្ងន់ធ្ងរ នៅប្រទេសថៃ ត្រូវបានគេទុកចោលមិនព្យាបាល
06/28/2025 02:06 PM
Facebook Telegram Linkin
ប្រជាជនយេម៉ែនរាប់ពាន់នាក់ ប្រមូលផ្តុំគ្នានៅក្នុងតំបន់ដែលគ្រប់គ្រងដោយក្រុមហ៊ួទី ដើម្បីគាំទ្រហ្កាហ្សា និងអ៊ីរ៉ង់
06/28/2025 01:06 PM
Facebook Telegram Linkin
រុស្ស៊ីវាយប្រហារហេដ្ឋារចនាសម្ព័ន្ធអ៊ុយក្រែន ហើយទីក្រុងគៀវបានវាយលុកទៅលើយន្តហោះចម្បាំងរុស្ស៊ី
06/28/2025 01:06 PM
Facebook Telegram Linkin
អ៊ីរ៉ង់៖ លោកTrump គួរតែបញ្ឈប់សំឡេងខ្វះការគោរពចំពោះលោក Khamenei ប្រសិនបើចង់បានកិច្ចព្រមព្រៀង
06/28/2025 01:06 PM
Facebook Telegram Linkin
ប្រជាជនរ៉្វាន់ដា សង្ឃឹមសម្រាប់ស្ថិរភាពនិងពាណិជ្ជកម្មងើបឡើងវិញ បន្ទាប់ពីកិច្ចព្រមព្រៀងសន្តិភាពជាមួយកុងហ្គោ
06/28/2025 01:06 PM
Facebook Telegram Linkin
ក្រុមអ្នកតវ៉ា ប្រមូលផ្តុំគ្នា នៅក្រុងបាងកក ទាមទារឲ្យនាយករដ្ឋមន្ត្រីថៃលាលែងពីតំណែង
06/28/2025 12:06 PM
Facebook Telegram Linkin
ពលរដ្ឋប៉ាឡេស្ទីនច្រើននាក់ត្រូវបានសម្លាប់នៅហ្កាហ្សា ក្រោយការវាយប្រហាររបស់អ៊ីស្រាអែលលើលំនៅឋាននិងសាលារៀន
06/28/2025 11:06 AM
Facebook Telegram Linkin
មន្រ្តីអន្តរក្រសួងកម្ពុជាទទួលបានការបណ្តុះបណ្តាលជំនាញទប់ស្តាត់វិទ្យុសកម្ម និងសារធាតុគីមី នុយក្លេអ៊ែរ
06/28/2025 10:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.