នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា
ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបាន​សម្ពោធ​ដាក់​ឲ្យ​ប្រើ​ប្រាស់​ជាផ្លូ​វការ​នៅថ្ងៃនេះ

នយោបាយ​ និង ការអភិវឌ្ឍន៍

គម្រោងសាងសង់ «ស្ពានឆ្លងកាត់ទន្លេមេគង្គនៅខេត្តក្រចេះ និងផ្លូវតភ្ជាប់» ប្រវែងសរុប ៣៣,៤៥៩គីឡូម៉ែត្រ សម្រេចបាន ៤៤,៣១%

2024/09/03 12:41:21 pm        158
Facebook Telegram Linkin
គម្រោងសាងសង់ «ស្ពានឆ្លងកាត់ទន្លេមេគង្គនៅខេត្តក្រចេះ និងផ្លូវតភ្ជាប់» មានហេដ្ឋារចនាសម្ព័ន្ធដូចជា៖ ទី១. ស្ពានឆ្លងកាត់ទន្លេមេគង្គខេត្តក្រចេះ មានប្រវែង ១ ៧៦១ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ ហើយទី២. ផ្លូវតភ្ជាប់ និងផ្លូវខ្នែងទៅកាន់ក្រុងក្រចេះ ខេត្តក្រចេះ មានប្រវែងសរុប ៣៣,៤៥៩គីឡូម៉ែត្រ ដោយគ្រោងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខនេះ ។ផ្លូវ ស្ពាន គឺជាសរសៃឈាមនៃសេដ្ឋកិច្ចជាតិ និងជាអាទិភាពគន្លឹះទី២ ក្នុងចំណោមអាទិភាពគន្លឹះទាំង៥ "មនុស្ស ផ្លូវ ទឹក ភ្លើង និងបច្ចេកវិទ្យា" នៃយុទ្ធសាស្ត្របញ្ចកោណ ដំណាក់កាលទី១ ដោយក្នុងកិច្ចការអាទិភាពទី២ នៃបញ្ចកោណទី២ គឺការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន ដែលមានគោលដៅយុទ្ធសាស្ត្រផ្តោតលើការបន្តកសាង និងពង្រឹងមូលដ្ឋានគ្រឹះ តាមរយៈការបង្កើនប្រសិទ្ធភាពហេដ្ឋារចនាសម្ព័ន្ធគាំទ្រ និងការកសាង ព្រមទាំងការអភិវឌ្ឍហេដ្ឋារចនាសម្ព័ន្ធថ្មីៗ៕ 

សម្ដេចតេជោ ហ៊ុន សែន អញ្ជើញដាក់កម្រងផ្កាគោរពវិញ្ញាណក្ខន្ធសព សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល

2024/09/03 11:28:54 am        157
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា នាព្រឹក​ថ្ងៃទី៣ ខែកញ្ញា ឆ្នាំ២០២៤នេះ បានអញ្ជើញ ដាក់កម្រងផ្កាគោរពវិញ្ញាណក្ខន្ធសព សម្តេចចៅ​ហ្វាវាំង វរវៀងជ័យ អធិបតីស្រឹង្គារ គង់ សំអុល សមាជិករដ្ឋសភា, ឧបនាយករដ្ឋមន្ត្រី និងជា​រដ្ឋមន្ត្រី​ក្រសួងព្រះបរមរាជវាំង, ប្រធានគណៈកម្មាធិការជាតិរៀបចំបុណ្យជាតិ-អន្តរជាតិ និងជា​អនុប្រធានកាកបាទក្រហមកម្ពុជា ដែលបានទទួលមរណភាព នៅថ្ងៃចន្ទ ទី២ ខែកញ្ញា ឆ្នាំ២០២៤ វេលាម៉ោង ០៨:៣៥នាទីព្រឹក ក្នុងជន្មាយុ ៩៤ឆ្នាំ ដោយជរាពាធ។តាមរយៈសារលិខិតរបស់សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជា​ណាចក្រ​កម្ពុជា ផ្ញើជូន លោកជំទាវឧកញ៉ាធម្មាមង្គលមុនី ថាយ វ៉ា គង់ សំអុល។ សម្ដេចតេជោ និងសម្តេច​កិត្តិព្រឹទ្ធបណ្ឌិតបានចូលរួមរំលែកមរណទុក្ខដ៏ក្រៀមក្រំជាទីបំផុត និងសម្តែងនូវការ​សោកស្តាយ​ប្រកបដោយក្តី សង្វេគ ចំពោះមរណភាព សម្តេចចៅហ្វាវាំង វរវៀងជ័យ អធិបតី​ស្រឹង្គារ ដែលជាស្វាមី ឪពុក ជីតា ជីតាទួត និងជាគ្រូបាធ្យាយគម្រូដ៏ប្រសើរមួយរូប ប្រកបដោយ​ព្រហ្ម​វិហារធម៌ សង្គហធម៌ សេចក្តីស្មោះសរ និងអធ្យាស្រ័យខ្ពស់ ចំពោះ ក្រុមគ្រួសារ ដែលកន្លង​មក សម្តេច តែងយកអស់កម្លាំងកាយ ចិត្ត ប្រាជ្ញា ស្មារតីខិតខំចិញ្ចឹមបីបាច់ថែរក្សា និង អប់រំទូន្មានប្រៀនប្រដៅបុត្រីធិតា និងចៅៗរហូតបានក្លាយជាបញ្ញវន្ត និងជាធនធាន​មនុស្សដ៏មានតម្លៃសម្រាប់ សង្គមជាតិ។ មិនត្រឹមតែប៉ុណ្ណោះ មរណភាពសម្តេចចៅហ្វាវាំង ជាការបាត់បង់នូវឥស្សរជន និងថ្នាក់ដឹកនាំគំរូដ៏ឆ្នើមមួយរូប ប្រកបដោយបញ្ញាញាណ ឆន្ទៈ មនសិការជាតិ គតិបណ្ឌិត និងបទពិសោធន៍ខ្ពស់ ដែលក្នុងមួយជីវិត សម្តេច បានតស៊ូពុះពារគ្រប់ឧបសគ្គ ដើម្បីជាតិ និងប្រជាជន ពិសេសក្នុងការបម្រើ ជាតិ សាសនា ព្រះមហាក្សត្រ ក្នុងគ្រប់កាលៈទេសៈ ជាពិសេសដង្ហែតាមអង្គព្រះមហាក្សត្រ និងហ្លួងម៉ែជាអម្ចាស់ជាទីគោរពសក្ការៈដ៏ខ្ពង់ខ្ពស់បំផុត ទទួលបានជោគជ័យជាច្រើនលើកិច្ចការជាតិ និងអន្តរជាតិដើម្បីជាប្រយោជន៍ដ៏ឧត្តុង្គឧត្តមសម្រាប់ជាតិ មាតុភូមិ និងប្រជាជនរហូតមក ព្រមទាំងបានចូលរួមចំណែកដ៏ធំធេង និងយ៉ាងសកម្មក្នុងកិច្ចការមនុស្សធម៌ តាមរយៈការបំពេញបេសកកម្មដ៏ឧត្តុង្គឧត្តមជាមួយសមាគមកាកបាទក្រហមកម្ពុជា។សម្ដេចតេជោ និង សម្តេចកិត្តិព្រឹទ្ធបណ្ឌិត បានឧទ្ទិសបួងសួងដល់វត្ថុស័ក្តិសិទ្ធិក្នុងលោក និងតេជៈបារមីនៃព្រះពុទ្ធ ព្រះធម៌ ព្រះសង្ឃ តាមជួយបីបាច់ថែរក្សាដួងវិញ្ញាណក្ខន្ធ សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល បានទៅកាន់ សុគតិភពគ្រប់ជាតិ កុំបីឃ្លៀងឃ្លាតឡើយ៕

គិតត្រឹមរសៀលម្សិលមិញ មានពលរដ្ឋជាង ៧០០នាក់ហើយ បានចុះឈ្មោះទៅលេង​កម្សាន្ត​តាមខេត្ត​ទិសឦសាន

2024/09/03 11:13:29 am        89
Facebook Telegram Linkin
ក្រោយរាជរដ្ឋាភិបាលបានប្រកាសឱ្យពលរដ្ឋចុះឈ្មោះទៅលេងកម្សាន្តតាមបណ្ដាខេត្តទិសឦសាន នៃតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) កាលពីថ្ងៃទី៣០ ខែសីហា ឆ្នាំ២០២៤ រហូតមកដល់រសៀលថ្ងៃទី២ ខែកញ្ញា ឆ្នាំ២០២៤នេះ មានប្រជាពលរដ្ឋ សិស្ស និស្សិត​​ជាង ៧០០នាក់ហើយ ដែលបានចុះឈ្មោះទៅលេងកម្សាន្ត ខណៈចំនួន​ការ​ចុះឈ្មោះ​កំពុង​បន្តកើនឡើងជារៀងរាល់ថ្ងៃ។ នេះបើតាមការបញ្ជាក់របស់ ឯកឧត្តម ប៉ែន បូណា រដ្ឋមន្ត្រី​ប្រតិភូ​អម​នាយករដ្ឋមន្ត្រី និងជាអ្នកនាំពាក្យរាជរដ្ឋាភិបាល។ ឯកឧត្តម ប៉ែន បូណា បានថ្លែងប្រាប់ BTV ថា ចំពោះវិធីសាស្រ្ដនៃការចុះឈ្មោះនេះ ក្រុម​ការងារ​បាន​ប្រើ​ប្រាស់​វិធី​ចុះតាមអនឡាញ ដោយការស្កេនឃ្យូអរកូដ ដើម្បីផ្ដល់ភាពងាយស្រួល យុត្តិធម៌​ដល់​ប្រជាពលរដ្ឋទាំងអស់ដែលមានបំណងចុះឈ្មោះទៅលេងកម្សាន្ត។ ដូច្នេះ​បងប្អូន​ប្រជាពលរដ្ឋ​ដែលចុះឈ្មោះមុននឹងបានទៅលេងកម្សាន្តមុនតាមលេខរៀង លំដាប់​លំដោយ​ត្រឹម​ត្រូវ និងមិនចំណាយពេលច្រើនទៅចុះឈ្មោះដោយផ្ទាល់ឡើយ។បើតាម​ឯកឧត្តម ប៉ែន បូណា ដំណើរកម្សាន្តលើកដំបូង នឹងចាប់ផ្ដើមចេញដំណើរនៅថ្ងៃសៅរ៍ ទី៧ ខែកញ្ញានេះហើយ ដោយចេញដំណើរពីក្រសួងរៀបចំដែនដី នគរូបនីយកម្ម និងសំណង់ នៅ​វេលាម៉ោងប្រមាណ៤ទៀបភ្លឺ។ ឯកឧត្តមបានបញ្ជាក់ថា នៅមុនBelចេញដំណើរកម្សាន្ត នៅ​ថ្ងៃ​សុក្រ ទី៦ ខែកញ្ញានេះ អ្នកធ្វើដំណើរកម្សាន្តទាំងអស់នឹងធ្វើការជួបជុំគ្នានៅក្រសួងរៀបចំដែនដី នគរូបនីយកម្ម និងសំណង់ ដើម្បីទទួលបានព័ត៌មានមួយចំនួនទាក់ទងនឹងដំណើរកម្សាន្ត ក្នុង​នោះ​រដ្ឋលេខាធិការដ្ឋានកិច្ចការព្រំដែន នឹងធ្វើបទបង្ហាញអំពីកិច្ចការងារព្រំដែន និងការ​កសាង​ផ្លូវ​ក្រវាត់​ព្រំដែន និងការបង្ហាញអំពីតម្រាយផ្លូវក្នុងការធ្វើដំណើរកម្សាន្តនេះផងដែរ។ ដំណើរកម្សាន្តលើកដំបូងនេះនៅថ្ងៃទី៧ ខែកញ្ញាខាងមុខនេះ នឹងឆ្លងកាត់ខេត្តចំនួន ៣ គឺ​ខេត្ត​ត្បូង​ឃ្មុំ ក្រចេះ និងខេត្តមណ្ឌលគិរី ហើយវិលត្រលប់មកភ្នំពេញវិញ ដូច្នេះការធ្វើ​ដំណើរ​កម្សាន្ត​នេះ​ គឺត្រូវចំណាយពេល១ថ្ងៃពេញតែម្ដង។ សូមជម្រាបថាដំណើរទស្សនកិច្ចទិសឦសានរាជរដ្ឋាភិបាលបានរៀបចំឡើងដោយឥតគិតថ្លៃ ដើម្បី​ផ្តល់ឱកាសដល់បងប្អូនប្រជា ពលរដ្ឋបាន​ឃើញ​ដោយ​ផ្ទាល់​នូវ​ការ​អភិវឌ្ឍ​ជាក់​ស្តែង​នៅ​តាម​តំប​ន់​ព្រំដែន ការកសាងហេដ្ឋរចនាសម្ព័ន្ធផ្លូវ ក្រវាត់ព្រំដែន និងការ​អភិវឌ្ឍ​ជារួម​របស់​ប្រជាពលរដ្ឋ​ក្នុង​ភូមិភាគឦសាន៕ អត្ថបទ៖ វ៉ន ដារ៉ា

សម្តេចធិបតី ហ៊ុន ម៉ាណែត បន្តថ្លែងអំណរគុណជនរួមជាតិ ខណៈចលនាជាតិគាំទ្រ​មូលនិធិ​កសាង​ហេដ្ឋារចនាសម្ព័ន្ធតាមព្រំដែននៅបន្តមិនដាច់

2024/09/03 10:06:45 am        152
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជាមានមោទនភាពយ៉ាង​ក្រៃលែង និង​បាន​បន្ត​ថ្លែង​អំណរ​គុណយ៉ាងជ្រាលជ្រៅដល់ជនរួមជាតិទាំងក្នុង និងក្រៅប្រទេ​ស​ដែល​បាន​និង​កំពុង​បន្ត​ចូល​រួម​គាំទ្រមូល​និធិកសាង​ហេដ្ឋា​រចនា​សម្ព័ន្ធ​តាមព្រំដែន​នៅ​ភូមិភាគ​ឦសាន​យ៉ាង​សស្រាក់​សស្រាំ​។តបទៅនឹងទឹកចិត្តដ៏ប្រពៃថ្លៃថ្លារបស់ជនរួមជាតិ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជាបន្តចេញលិខិតថ្លែងអំណរគុណដល់ជនរួមជាតិដោយសេចក្តីសោមនស្សរីករាយ។ក្នុង​នាមរាជរដ្ឋាភិបាល និងក្នុងនាមសម្តេចផ្ទាល់ សម្តេចបាន​ថ្លែងអំណរ​គុណ​ចំពោះ​សន្តាន​ចិត្ត​របស់​ឯកឧត្តម លោកជំទាវ លោក លោកស្រី អ្នកនាងកញ្ញា ដែលបានចូលរួម​នូវ​ថវិកា​ដោយ​ស្ម័គ្រចិត្ត ក្នុង “មូលនិធិកសាងហេដ្ឋារចនាសម្ព័ន្ធតាមព្រំដែន” ដើម្បីកសាងហេដ្ឋា​រចនាសម្ព័ន្ធ​តាម​បណ្តោយ​ព្រំដែន ដោយផ្តោតលើការកសាងផ្លូវក្រវាត់ព្រំដែន ។ សម្តេចបានកោតសរសើរដោយស្មោះ ចំពោះកាយវិការ និងមនសិការស្នេហាជាតិដ៏ឧត្តុង្គឧត្តម សរបញ្ជាក់អំពីធ្លុងមហាសាមគ្គី ស្មារតីជាតិខ្មែរតែមួយ ដើម្បីសុខសន្តិភាព អធិបតេយ្យភាពជាតិ និងបូរណភាពទឹកដី រួមទាំងការអភិវឌ្ឍនៅតាមតំបន់ព្រំដែនឲ្យបានកាន់តែរឹងមាំប្រកបដោយ ចីរភាព។ជាមួយទឹកចិត្តដ៏ថ្លៃថ្លានេះ សម្តេចបានសូមជូនពរ ឯកឧត្តម លោកជំទាវ លោក លោកស្រី អ្នក​នាង​កញ្ញា បានជួបប្រទះតែនឹងពរទាំងប្រាំប្រការ គឺអាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ។គួរបញ្ជាក់ថា កាលពីថ្ងៃទី ២៦ ខែសីហា ខុទ្ទកាល័យសម្តេចធិបតី នាយករដ្ឋ​មន្ត្រី​បាន​ចេញ​សេចក្តី​ជូន​ដំណឹង ស្តីពី «មូលនិធិកសាងហេដ្ឋា​រចនា​សម្ព័ន្ធ​តាម​ព្រំដែន» ដោយ​មាន​ខ្លឹមសារ​ថា​ ខុទ្ទកាល័យ សម្តេចមហាបវរធិបតី នាយករដ្ឋមន្ត្រី មានកិត្តិយសសូមជម្រាបជូនដំណឹងដល់ សាធារណជន មេត្តាជ្រាបថា៖ កាលពីថ្ងៃទី២២ ខែសីហា ឆ្នាំ២០២៤ កន្លងទៅនេះ សម្តេច​មហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសបង្កើតនូវ “មូលនិធិ កសាងហេដ្ឋារចនាសម្ព័ន្ធតាមព្រំដែន” ក្នុង​គោលបំ​ណង​ដើម្បី​កៀរគរ​ថវិកា​បន្ថែម​សម្រាប់​កសាងហេដ្ឋារចនាសម្ព័ន្ធតាម បណ្តោយព្រំដែន ដោយផ្តោតលើ​ការ​កសាង​ផ្លូវ​ក្រវាត់​ព្រំ​ដែន ព្រមទាំងដើម្បីផ្តល់ឱកាសឱ្យប្រជាពលរដ្ឋខ្មែរគ្រប់ មជ្ឈដ្ឋានក្នុងនិងក្រៅប្រទេស បាន​ចូលរួម​ចំណែក​ដោយ​ផ្ទាល់ជាមួយរាជរដ្ឋាភិបាលក្នុងបុព្វហេតុរួមគ្នាកសាង និង ការពារមាតុភូមិ​របស់​យើង​៕ អត្ថបទ៖ មុត សុទ្ធ

អភិបាលខេត្តស្ទឹងត្រែង ចាត់ទុកដំណើរទស្សនកិច្ចរបស់ពលរដ្ឋទៅកម្សាន្ត​ទិសឦសាន​នាពេលនេះ​គឺជាសាក្សីរស់

2024/09/02 03:45:19 pm        1190
Facebook Telegram Linkin
អភិបាល នៃគណៈអភិបាលខេត្តស្ទឹងត្រែង ឯកឧត្តម សរ សុពុត្រា បានចាត់ទុកដំណើរ​ទស្សនកិច្ច​របស់បងប្អូនប្រជាពលរដ្ឋខ្មែរទាំងក្នុង និងក្រៅប្រទេស ដែលដឹកនាំដោយ​ក្រុម​សេនា​សន្តិភាព​ឆ្ពោះ​ទៅកាន់តំបន់បួនខេត្ត គឺខេត្តស្ទឹងត្រែង ក្រចេះ មណ្ឌលគិរី និងរតនគិរី នាពេល​នេះ​គឺជាសាក្សីរស់ និងឃើញដោយផ្ទាល់នឹងភ្នែកនូវការធានា និងការពារបាន​យ៉ាង​គត់មត់​នូវ​អធិបតេយ្យ​ជាតិបានយ៉ាងរឹងមាំ ដោយមិនបានបាត់ បង់ដូចការ​លើក​ឡើង​របស់​ជន​អគតិ​មួយក្តាប់​តូចនោះឡើយ។ការលើកឡើងរបស់ឯកឧត្តមអភិបាលនៃគណៈអភិបាលខេត្តស្ទឹងត្រែងរូបនេះ គឺបានធ្វើឡើងក្នុង ឱកាសអញ្ជើញទទួលបដិសណ្ឋារកិច្ចបងប្អូនប្រជាពលរដ្ឋខ្មែរមកពីស៊ុយអែត បារាំង ជប៉ុន និង​ពលរដ្ឋ​ខ្មែរ នៅតាមបណ្តាខេត្ត​នានាអញ្ជើញ​ទៅ​ទស្សន​កិច្ច​សិក្សា​ស្វែង​យល់​អំពី​ការ​អភិវឌ្ឍ​នៅ​តាម​ខេត្ត​តំបន់​ភូមិភាគឦសាន ដែលជាខេត្តកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ និងវៀតណាម ចាប់ពី ថ្ងៃទី១ដល់ថ្ងៃទី៦ ខែកញ្ញា ឆ្នាំ២០២៤នេះ។ឯកឧត្តម សរ សុពុត្រា បានបញ្ជាក់ថា« ជំនួសមុខឱ្យប្រជាពលរដ្ឋ និងអាជីវករ នៅខេត្តស្ទឹងត្រែង ខ្ញុំ​សូមថ្លែងអំណរគុណយ៉ាងជ្រាលជ្រៅជូនចំពោះបងៗសេនាសន្តិភាព ដែលបាន​អញ្ជើញ​មក​បំពេញ​ទស្សនកិច្ចតាមតំបន់ទេសចរ និងតំបន់ព្រំដែនក្នុងភូមិសាស្ត្រខេត្តស្ទឹងត្រែង។ វត្តមាន​របស់​បង​ៗ គឺពិតជាបានរួមចំណែកក្នុងការបង្កើនជីវភាពរបស់ប្រជាពលរដ្ឋយើងខ្ញុំ យ៉ាងជាក់​ប្រាកដ​។ ហើយបងៗ ក៏ជាសាក្សីរស់ និងជាអ្នកនាំពាក្យ​ពី​ភាព​ច្បាស់​លាស់​ដែល​បាន​ឃើញ​នឹង​ភ្នែក​ផ្ទាល់ នូវការធានា និងការការពារដ៏គត់មត់បំផុតនូវដែនអធិបតេយ្យជាតិ និងបូរណភាព​ទឹកដី​នៃ​កម្ពុជា ផងដែរដោយសេចក្តីគោរពបងៗ»៕ អត្ថបទបាន ចក់

សម្ដេចធិបតី ថ្លែងអំណរគុណ និងមានមោទនភាពចំពោះការគាំទ្រយ៉ាងផុលផុសជាមួយ «មូលនិធិកសាងហេដ្ឋារចនាសម្ព័ន្ធតាមព្រំដែន»

2024/09/02 01:54:27 pm        222
Facebook Telegram Linkin
ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា នារសៀលថ្ងៃទី២ ខែ​កញ្ញា ឆ្នាំ២០២៤នេះ បានបង្ហោះសារលើបណ្ដាញសង្គម ថ្លែងអំណរព្រះគុណ និង​អរគុណដល់ ព្រះមហាក្សត្រ ព្រះមហាក្សត្រី ឥស្សរជនថ្នាក់ដឹកនាំ ព្រះសង្ឃ មន្ត្រីរាជការ កង​កម្លាំង​ប្រដាប់​អាវុធ លោកគ្រូ អ្នកគ្រូ សិស្ស និស្សិត កម្មករ និយោជិត អាជីវករ កសិករ និង​ប្រជាពលរដ្ឋ​ខ្មែរ​គ្រប់​មជ្ឈដ្ឋានទាំងក្នុង និងក្រៅប្រទេស ជាពិសេស លោកយាយ លោកតា អ៊ំ ពូ មីង និងបងប្អូន​ជាច្រើន​នៅ​តាមមូលដ្ឋានភូមិស្រុក តាមរយៈការសស្រាក់សស្រាំចូលរួមបរិច្ចាគថវិកា មានតិច មានច្រើ​ន​ទៅតាមលទ្ធភាព និងប្រកបដោយ​ស្នាម​ញញឹម​សប្បាយ​រីករាយ​ក្នុង​ធ្លុង​មហា​សាមគ្គី​ជាតិ និងស្មារតីខ្មែរតែមួយ។សម្ដេចធិបតី នាយករដ្ឋមន្រ្ដីមានប្រសាសន៍ថា កាលពីថ្ងៃទី២២ សីហា ២០២៤ កន្លងទៅ ទូល​ព្រះបង្គំ សម្ដេចបានប្រកាសបង្កើត «មូលនិធិកសាងហេដ្ឋារចនាសម្ព័ន្ធតាមព្រំដែន» ដោយ​ផ្តោត​លើ​ការ​កសាង​ផ្លូវក្រវាត់ព្រំដែន ហើយដែលចាប់ពីថ្ងៃទី២៦ សីហា ២០២៤ មក ក្រុម​ការងារ​មូល​និធិ​បាន​ចាប់ផ្តើមទទួលការបរិច្ចាគថវិកាដោយស្ម័គ្រចិត្តពីជនរួមជាតិខ្មែរគ្រប់ទិសទីទាំងក្នុង និង​ក្រៅ​ប្រទេស ។សម្ដេចធិបតីបញ្ជាក់ថា សម្ដេចពិតជាមានមោទនភាពក្រៃលែង ដែលមូល​និធិ​មួយ​នេះ​បាន​ទទួល​ការ​គាំទ្រ​យ៉ាងផុលផុសពីសំណាក់អង្គព្រះមហាក្សត្រ ព្រះមហាក្សត្រី ឥស្សរជនថ្នាក់ដឹកនាំ ព្រះ​សង្ឃ មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្ស និស្សិត កម្មករ និយោជិត អាជីវ​ករ កសិករ និងប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេស ជាពិសេស លោក​យាយ ​លោកតា អ៊ំ ពូ មីង និងបងប្អូនជាច្រើននៅតាមមូលដ្ឋានភូមិស្រុក តាមរយៈ​ការ​សស្រាក់​សស្រាំ​ចូលរួមបរិច្ចាគថវិកា មានតិច មានច្រើនទៅតាមលទ្ធភាព និងប្រកបដោយ​ស្នាម​ញញឹម​សប្បាយ​រីករាយក្នុងធ្លុងមហាសាមគ្គីជាតិ និងស្មារតីខ្មែរតែមួយ ។ក្នុងនាមរាជរដ្ឋាភិបាល និងក្នុងនាមសម្ដេចផ្ទាល់ បានថ្លែងអំណរព្រះគុណ និងអរគុណ​យ៉ាង​ជ្រាល​ជ្រៅ​ប្រគេនថ្វាយជូនចំពោះព្រះថេរានុត្ថេរៈគ្រប់ព្រះអង្គ អង្គព្រះមហាក្សត្រ ព្រះមហាក្សត្រី សម្តេច ឯកឧត្តម លោកជំទាវ លោក លោកស្រី លោកយាយ លោកតា អ៊ំ ពូ មីង និង​បង​ប្អូន​ជនរួម​ជាតិ​ទាំងអស់ ចំពោះការចូលរួមចំណែកដ៏ឧត្តុង្គឧត្តមថ្លៃថ្លានេះ ដែលនេះគឺ​ជា​វិភាគ​ទាន​ដ៏​មាន​តម្លៃ​បំផុត និងមិនអាចកាត់ថ្លៃបានឡើយ ហើយក៏ជាការឆ្លុះ​បញ្ចាំ​ង​អំពី​ទឹក​ចិត្ត​មន​សិការ​ស្នេហា​ជាតិ​មាតុភូមិរបស់ជនរួមជាតិខ្មែរយើង ដែលតែងតែត្រៀមខ្លួន​ជានិច្ច​ក្នុង​ការ​បូជា​លះបង់​គ្រប់​បែប​យ៉ាងនៅក្នុងមហាចលនាជាតិដើម្បីបុព្វហេតុកសាង ការពារ និងអភិវឌ្ឍមាតុភូមិកម្ពុជា ដោយ​ឈរលើមូលដ្ឋាន និងស្មារតីនៃខឿនការពារជាតិរបស់ប្រជាជននៅគ្រប់កាលៈទេសៈ។សម្ដេច​ធិបតីនាយករដ្ឋមន្រ្ដីថ្លែងថា៖«ក្រុមការងារមូលនិធិបាន និងកំពុង​ខិតខំ​រៀបចំ​លិខិត​ថ្លែង​អំណរ​គុណ​ជូនដល់បងប្អូនប្រជាពលរដ្ឋជាសប្បុរសជនជាបន្តបន្ទាប់យ៉ាងសស្រាក់សស្រាំ។ ទន្ទឹមគ្នានេះ ខ្ញុំក៏សូមបន្តអំពាវនាវដល់ជនរួមជាតិ មេត្តាបន្តចូលរួម​ឱ្យ​បាន​កាន់​តែ​ច្រើន​មូល​មី​បន្ថែម​ទៀត ហើយក្រុមការងារមូលនិធិនឹងបន្តទទួលស្វាគមន៍ដោយក្តីរីករាយ»៕

ស្ពានអណ្តោត ផ្តល់ភាពងាយស្រួលដល់ប្រជាពលរដ្ឋមូលដ្ឋានក្នុងការធ្វើដំណើរ ពិសេសក្នុងរដូវវស្សា

2024/09/02 12:47:49 pm        302
Facebook Telegram Linkin
ស្ពានអណ្តោត ត្រូវបានកសាងឡើងជំនួសឱ្យស្ពានចាស់ ដែលមានកម្ពស់ទាប និងមានប្រវែង​ប្រហែល​ត្រឹមជាង ១០ម៉ែត្រ ។ ស្ពាននេះត្រូវបានកសាងដើម្បីភ្ជាប់ពីស្រុកក្រូចឆ្មារ ឆ្ពោះទៅកាន់​ទីរួម​ស្រុកតំបែរ ខេត្តត្បូងឃ្មុំ ដែលបានជួយសម្រួលដល់ការធ្វើដំណើររបស់ប្រជាពលរដ្ឋ ពិសេស​នា​ពេលកម្ពស់ទឹកឡើងខ្ពស់នារដូវវស្សា បន្ថែមពីនេះ តំបន់ស្រុកក្រូចឆ្មារ និងស្រុកតំបែរ គឺជាតំបន់​ពោរពេញទៅកាន់ដំណាំកសិឧស្សាហកម្ម ដែលស្ពាននេះបានក្លាយ​ជាមធ្យោបាយ​ដ៏មាន​សារៈប្រយោជន៍ក្នុងការដឹកជញ្ជូនកសិផលសម្រាប់ធ្វើការលក់ទៅកាន់ទីផ្សារ ដោយ​ធ្វើ​ដំណើរ​ឆ្ពោះចេញទៅផ្លូវជាតិលេខ៧១C តទៅស្ពានស្ទឹងត្រង់-ក្រូចឆ្មារ និងឆ្ពោះទៅភូមិ​ភាគ​កណ្តាល​នៃព្រះរាជាណាចក្រកម្ពុជា។ 

លោក Netanyahu៖ «អ្នកណាក៏ដោយដែលសម្លាប់ចំណាប់ខ្មាំង មិនចង់បានកិច្ចព្រមព្រៀងនោះទេ»

2024/09/02 12:45:50 pm        177
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃអាទិត្យថា អ៊ីស្រាអែល នឹងមិននៅស្ងៀមនោះទេ រហូតដល់ប្រទេសនេះចាប់បានអ្នកដែលទទួលខុសត្រូវចំពោះការសម្លាប់ចំណាប់ខ្មាំងចំនួន៦នាក់ ដែលសាកសពរបស់ពួកគេត្រូវបានយកចេញពីទីឃុំឃាំងរបស់ក្រុមហាម៉ាស នៅតំបន់ហ្កាហ្សាស្ទ្រីប។ លោក Netanyahu នៅក្នុងសេចក្តីថ្លែងការណ៍ តាមទូរទស្សន៍បាននិយាយថា អ៊ីស្រាអែល បានប្តេជ្ញាចិត្តក្នុងការទទួលបានកិច្ចព្រមព្រៀងដើម្បីដោះលែងចំណាប់ខ្មាំង ដែលនៅសល់ និងធានាបានសន្តិសុខ របស់ប្រទេសអ៊ីស្រាអែល។លោក Netanyahu បាននិយាយថា «អ្នកណាក៏ដោយដែលបានសម្លាប់ចំណាប់ខ្មាំង មិនចង់បានកិច្ចព្រមព្រៀងនោះទេ»។ កាលពីព្រឹកថ្ងៃអាទិត្យ យោធាអ៊ីស្រាអែល បានប្រកាសថា ខ្លួនបានរកឃើញសាកសពចំណាប់ខ្មាំង៦នាក់ ពីផ្លូវរូងក្រោមដីមួយកន្លែងនៅភាគខាងត្បូងតំបន់ហ្កាហ្សា ជាកន្លែងដែលពួកគេ ត្រូវបានគេសម្លាប់មិនយូរប៉ុន្មាននោះទេ មុនពេលទាហានអ៊ីស្រាអែល បានចូលទៅដល់ពួកគេ។លោកនិយាយថា សាកសពចំណាប់ខ្មាំងទាំង៦នាក់ ត្រូវបានគេរកឃើញនៅក្រោមដីក្នុងទីក្រុង Rafah ហើយបាននាំត្រលប់ទៅអ៊ីស្រាអែលវិញ។ប្រធានាធិបតីសហរដ្ឋអាមេរិក លោក Joe Biden ដែលបានតាមដានយ៉ាងដិតដល់នូវជោគវាសនារបស់ចំណាប់ខ្មាំង ដែលត្រូវបានចាប់ខ្លួនកាលពីថ្ងៃទី ៧ ខែតុលា បាននិយាយថា ចំណាប់ខ្មាំងទាំង៦នាក់នេះ នោះរួមមានជនជាតិអាមេរិក-អ៊ីស្រាអែល ម្នាក់ ។

លោក Lai៖ ប្រសិនបើចិន ចង់បានកោះតៃវ៉ាន់ ខ្លួនក៏គួរតែទាមទារយកទឹកដីពីរុស្ស៊ី វិញដែរ

2024/09/02 11:55:47 am        162
Facebook Telegram Linkin
មេដឹកនាំកោះតៃវ៉ាន់ លោក ឡៃ ឆឹងទ័រ (Lai Ching-te) បាននិយាយនៅក្នុងបទសម្ភាសន៍មួយថា ប្រសិនបើការអះអាងសិទ្ធិលើកោះតៃវ៉ាន់ របស់ប្រទេសចិន សំដៅលើបូរណភាពទឹកដី នោះចិនគួរតែទាមទារយកទឹកដីពីប្រទេសរុស្ស៊ីមកវិញ ដែលបានចុះហត្ថលេខាដោយរាជវង្សចិនចុងក្រោយនៅក្នុងសតវត្សទី១៩។ចិន ចាត់ទុកកោះស្វ័យគ្រប់គ្រងតៃវ៉ាន់ជាទឹកដីរបស់ខ្លួន ហើយមិនដែលបោះបង់ការប្រើកម្លាំងដើម្បីក្រសោបយកកោះនេះឱ្យស្ថិតក្រោមការគ្រប់គ្រងឡើយ។ រដ្ឋាភិបាលតៃវ៉ាន់បដិសេធការអះអាងសិទ្ធិទាំងនោះ ដោយនិយាយថាមានតែប្រជាជនកោះនេះទេដែលអាចសម្រេចអនាគតពួកគេបាន។ថ្លែងនៅក្នុងបទសម្ភាសន៍ជាមួយស្ថានីយទូរទស្សន៍តៃវ៉ាន់ ដែលចាក់ផ្សាយកាលពីយប់ថ្ងៃអាទិត្យ (០១ កញ្ញា) លោក Lai ដែលចិនហៅថាជា «ជនផ្ដាច់ខ្លួនដ៏គ្រោះថ្នាក់» បានលើកឡើងពីសន្ធិសញ្ញា អៃគុន (Aigun) ឆ្នាំ១៨៥៨ ដែលចិនបានចុះហត្ថលេខាលើទឹកដីដ៏ច្រើនសន្ធឹកសន្ធាប់ដែលឥឡូវនេះស្ថិតនៅចុងបូព៌ារបស់រុស្ស៊ី ដោយបង្កើតបានជាភាគច្រើននៃព្រំដែនសម័យបច្ចុប្បន្នតាមបណ្តោយទន្លេ អាម័រ (Amur) ឬហៅថាទន្លេ ហ៊ីឡុង (Heilong)។លោក Lai បាននិយាយថា «ប្រសិនបើចិនចង់បានបូរណភាពទឹកដីមែន ហេតុអ្វីមិនយកទឹកដីពីរុស្ស៊ីដែលបានចុះហត្ថលេខាក្នុងសន្ធិសញ្ញា Aigun មកវិញ»។ គួរម្លឹកថា រាជវង្សឈីង (Qing) ចុងក្រោយរបស់ចិន ដើមឡើយបានបដិសេធមិនផ្តល់សច្ចាប័នលើសន្ធិសញ្ញានេះទេ ប៉ុន្តែពីរឆ្នាំក្រោយមកសន្ធិសញ្ញានោះត្រូវបានបញ្ជាក់នៅក្នុងអនុសញ្ញាក្រុងប៉េកាំង ក្នុងអ្វីដែលចិនហៅថាសន្ធិសញ្ញា «មិនស្មើភាព» ជាមួយមហាអំណាចបរទេសក្នុងសតវត្សទី១៩៕

ប្រធានាធិបតីបារាំង បន្តកិច្ចប្រឹងប្រែងស្វែងរកនាយករដ្ឋមន្ត្រីថ្មី ខណៈនយោបាយជាប់គាំង

2024/09/02 09:17:35 am        141
Facebook Telegram Linkin
ប្រភព និងប្រព័ន្ធផ្សព្វផ្សាយបាននិយាយថា ប្រធានាធិបតីបារាំង លោក អ៊ីម៉ានុយអែល ម៉ាក្រុង (Emmanuel Macron) នឹងជួបជាមួយអតីតប្រធានាធិបតីបារាំង និងអ្នកនយោបាយជាន់ខ្ពស់ផ្សេងទៀតដែលត្រូវបានគេសន្មត់ថាជាបេក្ខជននាយករដ្ឋមន្ត្រីបន្ទាប់នៅថ្ងៃចន្ទ (០២ កញ្ញា) នេះ ខណៈមេដឹកនាំរដ្ឋាភិបាលថ្មីជិតនឹងត្រូវបានប្រកាស។ប្រភពស្និទ្ធនឹងប្រធានាធិបតីបារាំងរូបនេះបាននិយាយថា លោក Macron នឹងជួបជាមួយអតីតប្រធានាធិបតីពីររូប គឺខាងសង្គមនិយម លោក ហ្រ្វង់ស្វ័រ ហូឡង់ (Francois Hollande) និងខាងស្តាំនិយម លោក នីកូឡាស សាកូហ្ស៊ី (Nicolas Sarkozy) ព្រមទាំងលោក ប៊ែកណា កាហ្សង់នាហ្វ (Bernard Cazeneuve) អតីតសមាជិកបក្សសង្គមនិយម និងអ្នកនយោបាយជើងចាស់ម្នាក់។លោក ម៉ាក្រុង បានស្ថិតនៅក្រោមសម្ពាធដើម្បីបញ្ចប់ភាពជាប់គាំងនយោបាយជាច្រើនសប្តាហ៍ បន្ទាប់ពីលោកបានអំពាវនាវឱ្យមានការបោះឆ្នោតមុនអាណត្តិមួយ ដែលធ្វើឱ្យសភាមានភាពស្រពិចស្រពិល។ លោក កាហ្សង់នាហ្វ ត្រូវបានអ្នកនយោបាយ និងអ្នកសង្កេតការណ៍លើកឡើងកាន់តែខ្លាំងថាជាបេក្ខជនម្នាក់ក្នុងចំណោមបេក្ខភាពដែលទំនងបំផុតក្នុងការដឹកនាំរដ្ឋាភិបាលថ្មី ដោយសារលោកទទួលបានការគោរពពីបណ្ដាគណបក្សស្តាំនិយម ហើយក៏ជិតស្និទ្ធនឹងក្រុមឆ្វេងនិយមផងដែរ។នាយករដ្ឋមន្ត្រីបន្ទាប់របស់ប្រទេសបារាំងនឹងមានភារកិច្ចដ៏ធ្ងន់មួយក្នុងការព្យាយាមជំរុញកំណែទម្រង់និងថវិកាឆ្នាំ២០២៥ តាមរយៈសភាដ៏បែកបាក់ ខណៈប្រទេសបារាំងកំពុងស្ថិតនៅក្រោមសម្ពាធពីគណៈកម្មការអឺរ៉ុប និងទីផ្សារមូលបត្របំណុលដើម្បីកាត់បន្ថយឱនភាពរបស់ខ្លួន៕

បណ្ដាញសង្គម

ព័ត៌មានថ្មីៗ

នៅថ្ងៃទី៨ ខែវិច្ឆិកាខាងមុខនេះ កម្ពុជា និងថៃនឹងអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ជំហានទី២
11/06/2025 08:11 PM
Facebook Telegram Linkin
៣ថ្ងៃពិធីបុណ្យអុំទូកខេត្តព្រះសីហនុមានភ្ញៀវទេសចរមកលេងកម្សាន្តជាង៣២ម៉ឺននាក់កើនឡើង ៣,០៨%
11/06/2025 06:11 PM
Facebook Telegram Linkin
ឈប់សម្រាកបុណ្យអុំទូករយៈពេល៣ថ្ងៃ ខេត្តកែប​ ទទួលស្វាគមន៍ភ្ញៀវទេសចរជាង១៥ម៉ឺននាក់មកលេងកម្សាន្ត
11/06/2025 06:11 PM
Facebook Telegram Linkin
ឯកឧត្តម គីម វីរៈ ដឹកនាំគណៈប្រតិភូចូលរួមកិច្ចប្រជុំថ្នាក់រដ្ឋមន្ត្រី ក្របខ័ណ្ឌកិច្ចសហប្រតិបត្តិការអន្តរជាតិខ្សែក្រវ៉ាត់ និងផ្លូវ សម្រាប់ការកាត់បន្ថយហានិភ័យគ្រោះមហន្តរាយ នៅប្រទេសចិន
11/06/2025 05:11 PM
Facebook Telegram Linkin
ពលរដ្ឋនៅភ្នំពេញ និងមកពីបណ្តាខេត្តជាច្រើន ចូលមកលេងកម្សាន្តនៅរមណីយដ្ឋានប្រវតិ្តសាស្រ្តវត្តភ្នំ
11/06/2025 05:11 PM
Facebook Telegram Linkin
ក្រុមហេសបូឡា បញ្ជាក់ថា លីបង់ត្រូវគោរពតាមបទឈប់បាញ់ ហើយបដិសេធមិនចរចាជាមួយអ៊ីស្រាអែល
11/06/2025 04:11 PM
Facebook Telegram Linkin
អតីតយុទ្ធជនសោធននិវត្តន៍ នៅស្រុកកំពង់ស្វាយ ខេត្ត​កំពង់​ធំ​ បានទទួលផ្ទះថ្មី អំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិត
11/06/2025 04:11 PM
Facebook Telegram Linkin
បារាំងអំពាវនាវឲ្យ EU ស៊ើបអង្កេត Shein និងចាត់វិធានការលើក្រុមហ៊ុនលក់រាយនេះ
11/06/2025 04:11 PM
Facebook Telegram Linkin
ប្រមុខអង្គការណាតូ ប្រាប់ឧស្សាហកម្មឲ្យ «បង្កើនកិច្ចប្រឹងប្រែងបន្ថែម» ខណៈព្រមានថា រុស្ស៊ីជា «ការគំរាមកំហែងរយៈពេលវែង»
11/06/2025 04:11 PM
Facebook Telegram Linkin
ជើងហោះហើរជាង៥០ ត្រូវបានរំខាន ខណៈព្យុះទីហ្វុង Kalmaegi ប៉ះពាល់ដល់អាកាសយានដ្ឋាន៨ ក្នុងប្រទេសវៀតណាម
11/06/2025 04:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.