BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

លោកស្រី Harris នាំមុខលោក Trump ៧ពិន្ទុក្នុងការស្ទង់មតិ

លោកស្រី Kamala Harris បេក្ខជនប្រធានាធិបតីមកពីគណបក្សប្រជាធិបេតេយ្យ កាន់៧ពិន្ទុក្នុងដៃនាំមុខអតីតប្រធានាធិបតីលោក Trump ក្នុងការស្ទង់មតិថ្មីមួយនៅទូទាំងប្រទេស ដែលជាការនាំមុខចុងក្រោយជាថ្មី សម្រាប់លោកស្រី ខណៈការបោះឆ្នោតសកលជិតមកដល់។ការស្ទង់មតិមួយពីសាកលវិទ្យាល័យ ហ្វែ ឡេក ឌីកគីសុន (Fairleigh Dickinson) មានមូលដ្ឋាមនៅសហរដ្ឋអាមេរិក បានបញ្ចេញកាលពីចុងសប្ដាហ៍នេះ ដោយមើលឃើញថា លោកស្រី Harris កំពុងនាំមុខលោក Trump ៥០ ទល់៤៣%ទូទាំងប្រទេស។ប្រជាពលរដ្ឋដែលជាម្ចាស់ឆ្នោត បានកត់ចំណាំថា ការប្រកួតប្រជែង ឬ យ៉េនឌើ បានដើរតួនាទីដ៏សំខាន់ ក្នុងការរុញឲ្យលោកស្រីមានពិន្ទុនាំមុខ។ នៅពេលក្រុមអ្នកបោះឆ្នោត ត្រូវបានសូមឲ្យគិតអំពីការប្រកួតប្រជែងឬយ៉េនឌើ ការនាំមុខរបស់លោកស្រី Harris មានសន្ទុះខ្លាំង។នេះគឺជាការស្ទង់មតិចុងក្រោយដែលផ្ដល់ដំណឹងល្អដល់លោកស្រី Harris ទោះបីជា ក្រុមអ្នកយុទ្ធសាស្រ្តនយោបាយមួយចំនួន បានលើកឡើងថា វាឆាប់រហ័សពេកក្នុងការសន្និដ្ឋានអំពីការបោះឆ្នោតនៅខែវិច្ឆិកាខាងមុខ។យោងតាមការស្ទង់មតិផ្សេងៗគ្នាចំនួន៣ទៀត បានឲ្យដឹងថា លោកស្រី Kamla Harris បានមុខបេក្ខជនមកពីគណបក្សសាធារដ្ឋលោក Donald Trump តិចតួច នៅក្នុងរដ្ឋដែលមានភាពប្រទាញប្រទង់គឺរដ្ឋ North Carolina។យោងតាមការស្ទង់មតិរបស់សារព័ត៌មាន The Hill លោកស្រី Harris កំពុងនាំមុខលោក Trump ១,១ពិន្ទុនៅរដ្ឋ North Carolina។ចំណែកតាមការស្ទង់មតិរបស់វិទ្យាស្ថានព្យាករណ៍ការបោះឆ្នោតឆ្នាំ២០២៤ Silver Bulletin Presidential Model បង្ហាញថា ការនាំមុខរបស់លោកស្រី Harris បានធ្លាក់ចុះ ដោយទទួលបាន៤៦,៨ ខណៈលោក Trump ទទួលបានការគាំទ្រ៤៦,៥%នៅរដ្ឋ North Carolina៕

មហាជនយ៉ាងផុលផុសបរិច្ចាគថវិកាចូលរួមជាមួយរាជរដ្ឋាភិបាលដើម្បីកសាងផ្លូវតាមក្រវ៉ាត់ព្រំដែន

ភ្លាមៗបន្ទាប់ពីសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានអំពាវនាវ និងសម្រេចបង្កើត«មូលនិធិកសាងហេដ្ឋារចនាសម្ព័ន្ធតាមព្រំដែន» នាថ្ងៃទី២៦ ខែសីហា ឆ្នាំ២០២៤នេះបងប្អូនប្រជាពលរដ្ឋខ្មែរមកពីគ្រប់ទិសទី បានចូលរួមបរិច្ចាគថវិកាជាបន្តបន្ទាប់ ខណៈចលនានៃការចូលរួមបរិច្ចាគនេះ គឺជាការបង្ហាញនូវសាមគ្គីភាពជាធ្លុងមួយ ដើម្បីជាឧត្តមប្រយោជន៍ជាតិ និងប្រជាជនកម្ពុជា ទាំងមូលនោះ។តាមរយៈបណ្តាញសង្គមដែលបងប្អូនប្រជាពលរដ្ឋខ្មែរ បានបង្ហោះនូវគណនីផ្ទាល់ខ្លួនរបស់ពួកគេ ក្រោយបានចូលថវិកាយ៉ាងគគ្រឹកគគ្រេងចូលរួមជាមួយរាជរដ្ឋាភិបាលជាបន្តបន្ទាប់នេះ ជាការបង្ហាញនូវទឹកចិត្ត និងសកម្មភាពមួយទៀតដើម្បីជាតិមាតុភូមិ និងដើម្បីផលប្រយោជន៍រួមរបស់ជាតិទាំងមូលផងដែរ វាផ្ទុយពីបុគ្គលមួយក្តាប់តូចដែលតែងតែអួតអាងថាខ្លួនស្នេហាជាតិ ស្រលាញ់ជាតិតែមិនដែលមានវត្ត មាននៅស្រុកកំណើតខ្លួនឯង និងមិនដែលហ៊ានចំណាយថវិកាសូម្បីតែមួយរយរៀលដើម្បីជាតិ និងប្រជាជន មានតែដើរបោកលុយប្រជាជន និងពលករខ្មែរនៅក្រៅប្រទេសយកដាក់ហោប៉ៅខ្លួនឯងជាដើមនោះ។សូមបញ្ជាក់ថា រាជារដ្ឋាភិបាល បានសម្រេចបង្កើត«មូលនិធិកសាងហេដ្ឋារចនាសម្ព័ន្ធតាមព្រំដែន» ក្នុងគោលបំណងដើម្បីកៀគរថវិកាបន្ថែមសម្រាប់កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ដោយកម្មវិធីមូលនិធិនេះក៏ជាការផ្តល់ឱកាសឲ្យបងប្អូនប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជដ្ឋាភិបាលនៅក្នុងបុព្វហេតុការពារ និងអភិវឌ្ឍនជាតិ ក្នុងស្មារតីសាមគ្គីជាតិខ្មែរ ដើម្បីថែរក្សា សុខសន្តិភាព អធិបតេយ្យ និងបូរណភាពទឹកដី ក៏ដូចជាការ ជំរុញការអភិវឌ្ឍនៅតាមតំបន់ព្រំដែនឲ្យបានកាន់តែរឹងមាំ និងប្រកបដោយចីរភាពជាដើម៕ អត្ថបទ៖ បាន ចក់

មនុស្សរាប់ពាន់នាក់ តវ៉ាប្រឆាំងក្រុមស្តាំនិយមជ្រុល នៅមុនការបោះឆ្នោតរដ្ឋនៅអាល្លឺម៉ង់

យោងតាមតួលេខរបស់នគរបាល បានឲ្យដឹងថា មនុស្សជាង ៤.០០០នាក់ បានចូលរួមក្នុងការតវ៉ាប្រឆាំងក្រុមស្តាំនិយមជ្រុលនៅទីក្រុងអឺហ្វឺត(Erfurt) ប្រទេសអាល្លឺម៉ង់ កាលពីថ្ងៃអាទិត្យ។ដោយមានការបោះឆ្នោតរដ្ឋ នៅក្នុងរដ្ឋសឺរីនជៀ(Thuringia) ភាគខាងកើតប្រទេសអាល្លឺម៉ង់ នៅសប្តាហ៍ខាងមុខ ក្រុមអ្នកតវ៉ានៅទីក្រុង Erfurt រដ្ឋThuringia មានការព្រួយបារម្ភចំពោះជ័យជម្នះភ្លូកទឹកភ្លូកដីរបស់គណបក្សជម្រើថ្មីស្តាំនិយមជ្រុលសម្រាប់អាល្លឺម៉ង់ ដែលកំពុងនាំមុខក្នុងការបោះឆ្នោតស្ទង់មតិ។អ្នកតវ៉ាម្នាក់ និយាយថា លោកគិតថា អ្វីដែលសំខាន់នោះ យើងចង់ផ្តល់ភាពក្លាហានដល់ប្រជាជន។ យើងភាគច្រើន នៅតែមានបំណងក្រោកឈរឡើងដើម្បីលទ្ធិប្រជាធិបតេយ្យនៅក្នុងប្រទេសនេះ ហើយយើងចង់បង្ហាញថា មានពួកយើងជាច្រើននៅទីនេះ។ស្លាកសញ្ញាតវ៉ា និងក្រុមបាតុករជាច្រើននាក់ បានសំដៅទៅលើប្រធានគណបក្សជម្រើថ្មីស្តាំនិយមជ្រុលសម្រាប់អាល្លឺម៉ង់ នៅរដ្ឋThuringia គឺលោក Bjoern Hoecke ។ អ្នកតវ៉ាម្នាក់ និយាយថា «សញ្ញាគឺជាការពិត ដែលមនុស្សកាន់តែច្រើន កំពុងចេញធ្វើបាតុកម្មប្រឆាំងគណបក្សជម្រើថ្មីស្តាំនិយមជ្រុលសម្រាប់អាល្លឺម៉ង់(AfD) និងប្រឆាំងលោក Hoecke ដោយសារលោកមានបំណងផ្លាស់ប្តូរអ្វីៗជាច្រើននៅរដ្ឋ Thuringia។លោក Hoecke ធ្លាប់ត្រូវបានកាត់ទោសពីបទប្រើប្រាស់ពាក្យរបស់របបណាស៊ី ក្នុងចំណោមសេចក្តីថ្លែងការណ៍ដ៏ចម្រូងចម្រាសផ្សេងទៀត។ ការស្ទង់មតិថ្មីៗ បង្ហាញថាគណបក្សរបស់លោក ឈានមុខគេ ក្នុងការបោះឆ្នោត។

កូរ៉េខាងជើង សាកល្បងយានដ្រូនកំណត់គោលដៅ ខណៈមេដឹកនាំជំរុញឱ្យផលិតសព្វាវុធបន្ថែម

ប្រព័ន្ធផ្សព្វផ្សាយរដ្ឋ KCNA បាននិយាយនៅថ្ងៃចន្ទ (២៦ សីហា) នេះថា មេដឹកនាំកូរ៉េខាងជើង លោក គីម ជុងអ៊ុន (Kim Jong Un) បានចុះត្រួតពិនិត្យការសាកល្បងសមត្ថភាពរបស់យានដ្រូនកំណត់គោលដៅដែលត្រូវបានបង្កើតឡើងនៅក្នុងប្រទេស។ KCNA បាននិយាយថា កាលពីថ្ងៃសៅរ៍ លោក គីម បានទៅពិនិត្យវិទ្យាស្ថានដ្រូននៃបណ្ឌិត្យសភាវិទ្យាសាស្ត្រការពាររបស់កូរ៉េខាងជើង ហើយបានមើលការសាកល្បងដោយជោគជ័យនៃយានដ្រូនកំណត់អត្តសញ្ញាណ និងបំផ្លាញគោលដៅដែលបានកំណត់យ៉ាងត្រឹមត្រូវ បន្ទាប់ពីហោះហើរតាមបណ្តោយផ្លូវដែលកំណត់ទុកជាមុនផ្សេងៗគ្នា។KCNA បន្តថា លោក គីម បានអំពាវនាវឱ្យផលិតសព្វាវុធបន្ថែមទៀត ជាពិសេសយានដ្រូនអត្តឃាតដើម្បីប្រើប្រាស់នៅក្នុងកងពលថ្មើរជើងតាកទិក និងអង្គភាពប្រតិបត្តិការពិសេស ដូចជាយានដ្រូនវាយប្រហារអត្តឃាតក្រោមទឹក ក៏ដូចជាដ្រូនឈ្លបយកការណ៍យុទ្ធសាស្ត្រ និងដ្រូនវាយប្រហារពហុបំណង។ KCNA បន្ថែមថា លោក គីម ក៏បានអំពាវនាវឱ្យមានការតេស្តសាកល្បងបន្ថែមទៀតនៃកម្មវិធីប្រយុទ្ធរបស់យានដ្រូនដើម្បីបំពាក់យោធាកូរ៉េខាងជើងជាមួយគ្រឿងយុទ្ធោបករណ៍ទាំងនោះឱ្យបានឆាប់តាមដែលអាចធ្វើទៅបាន។ទីក្រុងព្យុងយ៉ាង បានបង្កើនសមត្ថភាពធ្វើសង្គ្រាមតាកទិករបស់ខ្លួន ពាក់ព័ន្ធនឹងមីស៊ីលរយៈចម្ងាយខ្លី និងកាំភ្លើងធំធុនធ្ងន់ ដែលមានបំណងវាយប្រហារកូរ៉េខាងត្បូង បន្ទាប់ពីមានការជឿនលឿនយ៉ាងខ្លាំងនៅក្នុងកម្មវិធីមីស៊ីលបាលិស្ទិក និងនុយក្លេអ៊ែររយៈចម្ងាយឆ្ងាយរបស់ខ្លួន៕

លោកស្រី Harris រៃអង្គាសប្រាក់បាន ៥៤០លានដុល្លារ តាំងពីចាប់ផ្តើមយុទ្ធនាការប្រធានាធិបតី

យុទ្ធនាការបោះឆ្នោតរបស់លោកស្រី Kamala Harris បាននិយាយកាលពីថ្ងៃអាទិត្យ (២៥ សីហា) ថា បេក្ខភាពប្រធានាធិបតីមកពីគណបក្សប្រជាធិបតេយ្យរូបនេះបានរៃអង្គាសប្រាក់បានចំនួន ៥៤០លានដុល្លារ ក្នុងរយៈពេលជាងមួយខែប៉ុណ្ណោះចាប់តាំងពីលោកស្រីបានចាប់ផ្តើមការប្រជែងតំណែងប្រធានាធិបតីសហរដ្ឋអាមេរិក ជាមួយនឹងការកើនឡើងនៃការបរិច្ចាគដែលហូរចូលក្នុងអំឡុងពេលសន្និបាតជាតិបក្សប្រជាធិបតេយ្យកាលពីសប្តាហ៍មុន។អនុស្សរណៈដែលបានចេញផ្សាយដោយអ្នកគ្រប់គ្រងយុទ្ធនាការរបស់លោកស្រី Harris គឺលោកស្រី ជេន អូម៉ាលី ឌីលឡុន (Jen O'Malley Dillon) បាននិយាយថា ថវិកាចំនួន ៥៤០លានដុល្លារដែលរៃអង្គាសបានរួមបញ្ចូល ៨២លានដុល្លារដែលបានហូរចូលមកក្នុងអំឡុងពេលសប្តាហ៍នៃសន្និបាត ហើយជាសញ្ញានៃភាពសាទររបស់អ្នកប្រជាធិបតេយ្យសម្រាប់បេក្ខភាពរបស់លោកស្រី Harris។ លោកស្រី Dillon បាននិយាយថា៖ នេះជាតួលេខការរៃអង្គាសច្រើនបំផុតមិនធ្លាប់មានសម្រាប់យុទ្ធនាការបោះឆ្នោតប្រធានាធិបតី ក្នុងរយៈពេលខ្លីបែបនេះ»។លោកស្រី Harris បានក្លាយជាបេក្ខភាពប្រធានាធិបតីនៅថ្ងៃទី២១ ខែកក្កដា នៅពេលដែលលោកប្រធានាធិបតី Joe Biden ដកខ្លួនមិនប្រជែងអាណត្តិថ្មី ក្រោមសម្ពាធពីសមាជិកបក្សប្រជាធិបតេយ្យដែលបារម្ភអំពីសមត្ថភាពស្មារតី និងវ័យរបស់លោក បន្ទាប់ពីការជជែកដេញដោលដ៏រអាក់រអួលថ្ងៃទី២៧ ខែមិថុនា ប្រឆាំងនឹងលោក Donald Trump។បេក្ខភាពលោកស្រី Harris បានបង្កើតសន្ទុះនៃការគាំទ្រដែលធ្វើឱ្យលោក Trump ស្ថិតក្នុងជំហរការពារ ហើយលោកបានជួបការលំបាកក្នុងការរក្សាចំណាប់អារម្មណ៍របស់ប្រព័ន្ធផ្សព្វផ្សាយ។ លោកស្រី Harris និងបេក្ខភាពអនុប្រធានាធិបតី លោក ធីម វ៉លស៍ (Tim Walz) បានបន្តដំណើរយុទ្ធនាការតាមរថយន្តក្រុងឆ្លងកាត់រដ្ឋ ចចា (Georgia) ក្នុងសប្តាហ៍នេះ ដើម្បីស្វែងរកការគាំទ្រនៅក្នុងរដ្ឋដែលប្រកួតប្រជែងខ្លាំងក្នុងការបោះឆ្នោតកាលពីថ្ងៃទី០៥ ខែវិច្ឆិកា៕

បញ្ហាធំៗចំនួនប្រាំ ដែលជាក្ដីកង្វល់សំខាន់សម្រាប់អ្នកបោះឆ្នោតអាមេរិក

គណបក្សប្រជាធិបតេយ្យគិតថា ក្តីសង្ឃឹមកំពុងវិលត្រលប់មកវិញ ដូចដែលអតីតស្ត្រីទីមួយ Michelle Obama បាននិយាយនៅក្នុងសុន្ទរកថារបស់លោកស្រីទៅកាន់សន្និបាតបក្សប្រជាធិបតេយ្យ (DNC) ដែលបានបញ្ចប់កាលពីថ្ងៃព្រហស្បតិ៍សប្ដាហ៍នេះ។ ថ្មីៗនេះ គណបក្សនេះ បានចាប់ផ្តើមប្រមូលសន្លឹកឆ្នោតកាន់តែច្រើននៅក្នុងរដ្ឋប្រទាញប្រទង់ដ៏សំខាន់មិនធ្លាប់មាន ដែលជារឿយៗ ប្រែប្រួលរវាងគណបក្សសាធារណរដ្ឋ និងគណបក្សប្រជាធិបតេយ្យ ដែលនឹងកំណត់លទ្ធផលនៃការបោះឆ្នោតប្រធានាធិបតីសហរដ្ឋអាមេរិកក្នុងខែវិច្ឆិកា។ប៉ុន្តែដូចដែលលោក Barack Obama បានចង្អុលបង្ហាញនៅក្នុងសុន្ទរកថាសន្និបាតជាតិបក្សប្រជាធិបតេយ្យ ការប្រកួតប្រជែងនៅតែតឹងតែង ហើយគណបក្សនេះមានការងារជាច្រើនដែលត្រូវធ្វើដើម្បីឈ្នះការបោះឆ្នោត។បញ្ហាធំៗ៥ ដែលជាក្ដីកង្វល់សំខាន់សម្រាប់អ្នកបោះឆ្នោតអាមេរិកនៅក្នុងរដ្ឋមានភាពប្រទាញប្រទង់គ្នា ដូចជានៅរដ្ឋ Pennsylvania រដ្ឋ North Carolina និង Wisconsin។ ទី១ គឺបញ្ហាសេដ្ឋកិច្ច -ប្រសិនបើសេដ្ឋកិច្ចរឹងមាំ អ្នកបោះឆ្នោតនឹងលើកលែងឱ្យច្រើន។ ស្ថានភាពសេដ្ឋកិច្ចប៉ះពាល់ដល់ការចំណាយប្រចាំថ្ងៃក្នុងជីវិតរបស់ពួកគេ។ ទី២ គឺ បញ្ហាជនអន្តោប្រវេសន៍-ប្រសិនបើបញ្ហាមួយកំណត់អត្តសញ្ញាណនយោបាយរបស់លោក Trump នោះគឺជាការអះអាងរបស់លោកដែលថាប្រទេសនេះបានបាត់បង់ការគ្រប់គ្រងលើព្រំដែនរបស់ខ្លួន។ យុទ្ធនាការឆ្នាំ២០១៦ របស់លោកសន្យាថានឹងសាងសង់របងឆ្លងកាត់ព្រំដែនអាមេរិក-ម៉ិកស៊ិក ។ ទី៣ គឺសិទ្ធិបន្តពូជ- ចាប់តាំងពីឆ្នាំ ១៩៨០ មក យុទ្ធនាការប្រធានាធិបតីត្រូវបានធ្វើឡើងដោយបេក្ខជនគណបក្សសាធារណរដ្ឋដែលប្រកាសពីការប្រឆាំងរបស់ពួកគេចំពោះការរំលូតកូន។ នេះពាក់ព័ន្ធនឹងការតែងតាំងចៅក្រមតុលាការកំពូលដែលនឹងសម្រេចកំណត់សិទ្ធិរំលូតកូន។ ទី៤ គឺគោលនយោបាយការបរទេស -នេះគឺជាការពិត ដែលទទួលស្គាល់ជាសកលថា គោលនយោបាយការបរទេសមិនមែនជាអាទិភាពរបស់អ្នកបោះឆ្នោតនោះទេ ប៉ុន្តែមានជម្លោះអន្តរជាតិពីរដែលកំពុងរំខានដល់ទិដ្ឋភាពនយោបាយរបស់សហរដ្ឋអាមេរិក ហើយអាចជះឥទ្ធិពលលើមនុស្សនៅលើសន្លឹកឆ្នោត។ សំខាន់គឺការបែកបាក់គ្នាច្រើនរវាងបក្សធំៗទាំង២។ និងទី៥ គឺ បញ្ហាប្រជាធិបតេយ្យ- លទ្ធិប្រជាធិបតេយ្យមាននៅលើសន្លឹកឆ្នោតពីមុន ដូចជាឆ្នាំ២០២២ ថ្មីៗនេះ។ នោះគឺជាក្តីកង្វល់សម្រាប់គណបក្សប្រជាធិបតេយ្យ និងគណបក្សសាធារណរដ្ឋ ទោះបីជាតាមរបៀបផ្សេងៗគ្នាក៏ដោយ៕

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់ស្តីពីប្រព័ន្ធទឹកកខ្វក់

ភ្នំពេញ៖ សេចក្តីព្រាងច្បាប់ស្តីពីប្រព័ន្ធទឹកកខ្វក់ ដែលរៀបចំឡើងដោយក្រសួងសាធារណការ និងដឹកជញ្ជូន ត្រូវបានអនុម័តជាផ្លូវការក្នុងសម័យប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នាព្រឹកថ្ងៃទី២៣ ខែសីហា ឆ្នាំ២០២៤នេះ នៅវិមានសន្តិភាព។ កិច្ចប្រជុំនាឱកាសនេះ បានប្រព្រឹត្តទៅក្រោមកិច្ចដឹកនាំប្រកបដោយគតិបណ្ឌិតរបស់ សម្តេចធិបតី នាយករដ្ឋមន្ត្រី ដោយបានពិភាក្សា និងឆ្លងលើរបៀបវារៈមួយចំនួន ដោយក្នុងនោះ “សេចក្តីព្រាងច្បាប់ស្តីពីប្រព័ន្ធទឹកកខ្វក់” ត្រូវបានកិច្ចប្រជុំពេញអង្គគណៈរដ្ឋមន្ត្រីសម្រេចអនុម័ត ឱ្យបន្តនីតិវិធីក្នុងការស្នើសុំសេចក្តីទុកចិត្តពីស្ថាប័ននីតិប្បញ្ញត្តិ សំដៅធ្វើឱ្យសេចក្តីព្រាងច្បាប់នេះចូលជាធរមាន និងអាចប្រកាសដាក់ឱ្យអនុវត្តជាផ្លូវការក្នុងពេលឆាប់ៗខាងមុខ។សេចក្តីព្រាងច្បាប់នេះ បន្ទាប់ពីបានអនុម័ត និងដាក់ចេញឱ្យប្រើប្រាស់ជាផ្លូវការ រំពឹងថា និងក្លាយជាឧបករណ៍គតិយុត្តដ៏សំខាន់សម្រាប់កំណត់អំពីការគ្រប់គ្រងការអភិវឌ្ឍ ការសាងសង់ ការជួសជុល ការថែទាំ ការធ្វើប្រតិបត្តិការ និងការប្រើប្រាស់ប្រព័ន្ធទឹកកខ្វក់ ក្នុងគោលបំណងធានាប្រសិទ្ធភាព គុណភាព សុវត្ថិភាព និងនិរន្តរភាពនៃប្រព័ន្ធទឹកកខ្វក់ និងការការពារបរិស្ថាន រួមចំណែកធ្វើឱ្យប្រសើរឡើងនូវសុខមាលភាព សាធារណៈនៅក្នុងព្រះរាជាណាចក្រកម្ពុជា៕

សង្គ្រាមពាណិជ្ជកម្មឡើងកម្ដៅខ្លាំង ខណៈសហភាពអឺរ៉ុបគ្រោងដំឡើងពន្ធបន្ថែមលើរថយន្តអគ្គិសនីរបស់ចិន

អត្រាដែលបានកែសម្រួលត្រូវបានចេញផ្សាយកាលពីថ្ងៃអង្គារសប្ដាហ៍នេះ ជាផ្នែកមួយនៃការស៊ើបអង្កេតរបស់គណៈកម្មការសហភាពអឺរ៉ុបលើការឧបត្ថម្ភធនដែលត្រូវបានចោទប្រកាន់សម្រាប់ការនាំចូលរថយន្តអគ្គិសនីផលិតដោយប្រទេសចិនទៅកាន់ទីផ្សារអឺរ៉ុប។ គណៈកម្មការដែលដោះស្រាយគោលនយោបាយពាណិជ្ជកម្មរបស់សហភាពអឺរ៉ុបបាននិយាយថា ខ្លួននៅតែជឿជាក់ថាការផលិតរថយន្តអគ្គិសនី ឬ EV របស់ចិន បានទទួលអត្ថប្រយោជន៍ពីការឧបត្ថម្ភធនយ៉ាងច្រើន។ ដូច្នេះ ខ្លួនបានស្នើការដំឡើងពន្ធជាកាតព្វកិច្ចចន្លោះពី១៧ទៅ៣៦,៣% លើក្រុមហ៊ុនផលិតរថយន្តចិន រួមទាំងរថយន្តTesla ផលិតក្នុងប្រទេរសចិន នៅពេលនាំចេញផលិតផលរបស់ពួកគេទៅកាន់ទីផ្សារសហភាពអឺរ៉ុប។ ថយន្ត BYD ដែលកំពុងនាំមុខគេលើទីផ្សារនានារបស់អឺរ៉ុប នឹងប្រឈមការដំឡើងពន្ធ១៧% ធ្លាក់ចុះពី១៧,៤% និងថយន្ត Geely នឹងបង់ពន្ធ១៩,៣ % ដែលកន្លងទៅបង់ពន្ធ១៩,៩ រយ និង រថយន្តម៉ាក SAIC បង់ពន្ធអតិបរមា ៣៦,៣ % ធ្លាក់ចុះពី៣៧,៦%។ ក្រុមហ៊ុនផលិតរថយន្តរបស់ចិនផ្សេងទៀត ដែលបានសហការជាមួយទីក្រុងព្រុចសែលក្នុងការស៊ើបអង្កេតរបស់ពួកគេនឹងមើលឃើញការដំឡើងពន្ធ ២១,៣ % កើនឡើងបន្តិចពី២០,៨ % ដែលធ្លាប់បានស្នើឡើងកាលពីកន្លងទៅ។ ក្រសួងពាណិជ្ជកម្មចិនបានរិះការដំឡើងពន្ធរបស់សហភាពអឺរ៉ុបថាជា អ្នកការពារនិយម និងខ្វះភស្តុតាង ហើយបានប្តេជ្ញាចាត់វិធានការចាំបាច់ដើម្បីការពារសិទ្ធិ និងផលប្រយោជន៍របស់អាជីវកម្មចិន។កាលពីថ្ងៃពុធសប្ដាហ៍នេះដែរ សមាគមក្រុមហ៊ុនផលិតរថយន្តចិន (CAAM) បាន ជំទាស់យ៉ាងខ្លាំង ចំពោះការដាក់ទណ្ឌកម្មដោយការដំឡើងពន្ធ ដែលបានកែសម្រួលដោយនិយាយថាទង្វើរបស់សហភាពអឺរ៉ុបបាននាំមកនូវ ហានិភ័យនិងភាពមិនច្បាស់លាស់ដ៏ធំធេង សម្រាប់ប្រតិបត្តិការ និងការវិនិយោគរបស់ចិននៅក្នុងសហភាពអឺរ៉ុប៕

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ថា រាជរដ្ឋាភិបាលកម្ពុជា បានគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី ក្នុងក្របខណ្ឌគ្រប់ជ្រុងជ្រោយអាស៊ានស្ដីពី «សេដ្ឋកិច្ចដែលគិតគូរពីសុខុមាលភាព» ដែលត្រូវបានបង្កើតឡើងនៅឆ្នាំ២០២១ ដោយកម្ពុជាបន្តគាំទ្រចំពោះការបោះជំហានជាយុទ្ធសាស្រ្ដនៅក្នុងទិសដៅដ៏ត្រឹមត្រូវនេះ។សម្ដេចធិបតី នាយករដ្ឋមន្រ្ដីមានប្រសាសន៍បញ្ជាក់បែបនេះ ក្នុងឱកាសថ្លែងសុន្ទរកថា ក្នុងកិច្ចប្រជុំកំពូលស្ត្រីអាស៊ានលើកទី៣៖ ក្រោមប្រធានបទ «ការពង្រឹងសេដ្ឋកិច្ចដែលគិតគូរពីសុខុមាលភាព និងភាពធន់ ឆ្ពោះទៅសហគមន៍អាស៊ានក្រោយឆ្នាំ ២០២៥»នាព្រឹកថ្ងៃទី២៣ ខែសីហា ឆ្នាំ២០២៤នេះ។តាមរយៈសុន្ទរកថាសម្ដេចធិបតី នាយករដ្ឋមន្រ្ដីបានបង្ហាញការជឿជាក់ថា លទ្ធផលគន្លឹះដែលទទួលបានពីកិច្ចពិភាក្សារវាងភាគីពាក់ព័ន្ធសំខាន់ៗ នឹងក្លាយទៅជាធាតុចូលដ៏មានតម្លៃសម្រាប់ថ្នាក់ដឹកនាំអាស៊ាន ក្នុងការលើកកម្ពស់ និងទទួលស្គាល់តម្លៃនៃការងារមើលថែ ទាំងបានប្រាក់កម្រៃ និងមិនបានប្រាក់កម្រៃ ក៏ដូចជាការងារបម្រើតាមផ្ទះរបស់ស្រ្ដីផងដែរ។ សម្ដេចធិបតីមានប្រសាសន៍ដោយមោទនភាពចំពោះវេទិកានេះថាការសម្រេចបាននូវការប្ដេជ្ញាចិត្តរបស់អាស៊ាន ក្នុងការលើកកម្ពស់គុណភាពជីវិត និងសុខុមាលភាពសម្រាប់ប្រជាជនអាស៊ាន ដើម្បីរៀបចំអាស៊ានឱ្យកាន់តែរឹងមាំ ប្រកបដោយភាពធន់ និងនិរន្តរភាព ក្នុងការឆ្លើតតបទៅនឹងវិបត្តិស្មុគស្មាញ និងបញ្ហាប្រឈមថ្មីៗ ខណៈសេដ្ឋកិច្ចដែលគិតគូរពីមុខុមាលភាព បានឆ្លើយតបនឹងគោលដៅនៃការអភិវឌ្ឍប្រកបដោយនិរន្តរភាព (SDGs) ជាច្រើន។សម្ដេចជម្រាបថា គោលនយោបាយនៃរាជរដ្ឋាភិបាលកម្ពុជា តាមរយៈយុទ្ធសាស្រ្ដបញ្ចកោណ ដំណាក់កាលទី១ ក៏មានបេសកកម្ម និងគោលបំណងរួមគ្នា ជាពិសេសលើកិច្ចខិតខំប្រឹងប្រែង ក្នុងការផ្ដល់ការការពារសង្គម សម្រាប់ស្រ្ដីទាំងអស់គ្នា។ សម្ដេចបន្តថា ថ្មីៗនេះ រាជរដ្ឋាភិបាលកម្ពុជា ទើបតែបានដាក់ចេញនូវ ផែនការបង្ហាញផ្លូវឆ្ពោះទៅរកការគ្រប់ដណ្ដប់សុខភាពជាសកល ២០២៤-២០៣៥ កម្មវិធី និងគម្រោងមួយចំនួនត្រូវបានដាក់ចេញរួមមាន ការពង្រីកមូលនិធិសុខុមាលភាពសុខាភិបាលសម្រាប់គ្រួសារដែលងាយរងគ្រោះ និងសេវាថែទាំសុខភាព ដើម្បីសម្រេចបាននូវការគ្របដណ្ដប់សុខភាពជាសកលផងដែរ៕ អត្ថបទ៖ វ៉ន ដារ៉ា

សមាជបក្សប្រជាធិបតេយ្យបានបញ្ចប់ដោយលោកស្រី Harris ទទួលយកការតែងតាំងជាបេក្ខជនប្រធានាធិបតីផ្លូវការជាប្រវត្តិសាស្ត្រ

លោកស្រីអនុប្រធានាធិបតី Kamala Harris បានបិទសមាជជាតិរបស់បក្សប្រជាធិបតេយ្យកាលពីយប់ថ្ងៃព្រហស្បតិ៍សប្ដាហ៍នេះ នៅពេលលោកស្រីបានទទួលយកការតែងតាំងជាបេក្ខជនប្រធានាធិបតីជាផ្លូវការជាប្រវត្តិសាស្ត្ររបស់គណបក្សលោកស្រី ហើយចាប់យកឱកាសដែលនៅសល់មួយចំនួនរបស់លោកស្រីដើម្បីទាក់ទាញទស្សនិកជនរាប់លាននាក់។ លោកស្រី Harris នឹងដាក់ចេញនូវចក្ខុវិស័យសម្រាប់ប្រទេសនេះ និងបន្តកិច្ចខិតខំប្រឹងប្រែងទប់ទល់នឹងលោក Donald Trump មកពីគណបក្សសាធារណរដ្ឋ ក្រោយលោកប្រធានាធិបតី Joe Biden បានបញ្ចប់ការប្រកួតប្រជែងបោះឆ្នោតឡើងវិញ ហើយបានគាំទ្រលោកស្រីឱ្យជំនួសរូបលោកនៅលើសន្លឹកឆ្នោតរបស់គណបក្សប្រជាធិបតេយ្យ។ មន្ត្រីយុទ្ធនាការសុំមិនបញ្ចេញឈ្មោះនិយាយថា លោកស្រី Harris មានគោលបំណងបីសម្រាប់សុន្ទរកថារបស់ខ្លួន ។ មន្ត្រីរូបនេះបាននិយាយថាលោកស្រីនឹងចែករំលែកសាវតារបស់ខ្លួនចេញពីគ្រួសារវណ្ណៈកណ្តាល ដើម្បីការពារអ្នកដទៃក្នុងឋានៈជារដ្ឋអាជ្ញា ផ្ទុយពីចក្ខុវិស័យសុទិដ្ឋិនិយមរបស់លោកស្រីជាមួយនឹងរបៀបវារៈរបស់លោកTrump និងជំរុញឱ្យមានស្មារតីស្នេហាជាតិ។លោកស្រី Harris បាននិយាយយ៉ាងខ្លីទៅកាន់សមាជបក្សប្រជាធិបតេយ្យកាលពីថ្ងៃចន្ទដើមសប្ដាហ៍នេះ នៅពេលលោកស្រីបានថ្លែងអំណរគុណដល់លោក Biden និងបានអបអរសាទរកំណត់ត្រារបស់លោកជាប្រធានាធិបតី៕

បណ្ដាញសង្គម

ព័ត៌មានថ្មីៗ

នៅថ្ងៃទី៨ ខែវិច្ឆិកាខាងមុខនេះ កម្ពុជា និងថៃនឹងអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ជំហានទី២

៣ថ្ងៃពិធីបុណ្យអុំទូកខេត្តព្រះសីហនុមានភ្ញៀវទេសចរមកលេងកម្សាន្តជាង៣២ម៉ឺននាក់កើនឡើង ៣,០៨%

ឈប់សម្រាកបុណ្យអុំទូករយៈពេល៣ថ្ងៃ ខេត្តកែប ទទួលស្វាគមន៍ភ្ញៀវទេសចរជាង១៥ម៉ឺននាក់មកលេងកម្សាន្ត

ឯកឧត្តម គីម វីរៈ ដឹកនាំគណៈប្រតិភូចូលរួមកិច្ចប្រជុំថ្នាក់រដ្ឋមន្ត្រី ក្របខ័ណ្ឌកិច្ចសហប្រតិបត្តិការអន្តរជាតិខ្សែក្រវ៉ាត់ និងផ្លូវ សម្រាប់ការកាត់បន្ថយហានិភ័យគ្រោះមហន្តរាយ នៅប្រទេសចិន

ពលរដ្ឋនៅភ្នំពេញ និងមកពីបណ្តាខេត្តជាច្រើន ចូលមកលេងកម្សាន្តនៅរមណីយដ្ឋានប្រវតិ្តសាស្រ្តវត្តភ្នំ

ក្រុមហេសបូឡា បញ្ជាក់ថា លីបង់ត្រូវគោរពតាមបទឈប់បាញ់ ហើយបដិសេធមិនចរចាជាមួយអ៊ីស្រាអែល

អតីតយុទ្ធជនសោធននិវត្តន៍ នៅស្រុកកំពង់ស្វាយ ខេត្តកំពង់ធំ បានទទួលផ្ទះថ្មី អំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិត

បារាំងអំពាវនាវឲ្យ EU ស៊ើបអង្កេត Shein និងចាត់វិធានការលើក្រុមហ៊ុនលក់រាយនេះ

ប្រមុខអង្គការណាតូ ប្រាប់ឧស្សាហកម្មឲ្យ «បង្កើនកិច្ចប្រឹងប្រែងបន្ថែម» ខណៈព្រមានថា រុស្ស៊ីជា «ការគំរាមកំហែងរយៈពេលវែង»

ជើងហោះហើរជាង៥០ ត្រូវបានរំខាន ខណៈព្យុះទីហ្វុង Kalmaegi ប៉ះពាល់ដល់អាកាសយានដ្ឋាន៨ ក្នុងប្រទេសវៀតណាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោកស្រី Harris នាំមុខលោក Trump ៧ពិន្ទុក្នុងការស្ទង់មតិ

មហាជនយ៉ាងផុលផុសបរិច្ចាគថវិកាចូលរួមជាមួយរាជរដ្ឋាភិបាលដើម្បីកសាងផ្លូវតាមក្រវ៉ាត់ព្រំដែន

មនុស្សរាប់ពាន់នាក់ តវ៉ាប្រឆាំងក្រុមស្តាំនិយមជ្រុល នៅមុនការបោះឆ្នោតរដ្ឋនៅអាល្លឺម៉ង់

កូរ៉េខាងជើង សាកល្បងយានដ្រូនកំណត់គោលដៅ ខណៈមេដឹកនាំជំរុញឱ្យផលិតសព្វាវុធបន្ថែម

លោកស្រី Harris រៃអង្គាសប្រាក់បាន ៥៤០លានដុល្លារ តាំងពីចាប់ផ្តើមយុទ្ធនាការប្រធានាធិបតី

បញ្ហាធំៗចំនួនប្រាំ ដែលជាក្ដីកង្វល់សំខាន់សម្រាប់អ្នកបោះឆ្នោតអាមេរិក

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់ស្តីពីប្រព័ន្ធទឹកកខ្វក់

សង្គ្រាមពាណិជ្ជកម្មឡើងកម្ដៅខ្លាំង ខណៈសហភាពអឺរ៉ុបគ្រោងដំឡើងពន្ធបន្ថែមលើរថយន្តអគ្គិសនីរបស់ចិន

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោកស្រី Harris នាំមុខលោក Trump ៧ពិន្ទុក្នុងការស្ទង់មតិ

មហាជនយ៉ាងផុលផុសបរិច្ចាគថវិកាចូលរួមជាមួយរាជរដ្ឋាភិបាលដើម្បីកសាងផ្លូវតាមក្រវ៉ាត់ព្រំដែន

មនុស្សរាប់ពាន់នាក់ តវ៉ាប្រឆាំងក្រុមស្តាំនិយមជ្រុល នៅមុនការបោះឆ្នោតរដ្ឋនៅអាល្លឺម៉ង់

កូរ៉េខាងជើង សាកល្បងយានដ្រូនកំណត់គោលដៅ ខណៈមេដឹកនាំជំរុញឱ្យផលិតសព្វាវុធបន្ថែម

លោកស្រី Harris រៃអង្គាសប្រាក់បាន ៥៤០លានដុល្លារ តាំងពីចាប់ផ្តើមយុទ្ធនាការប្រធានាធិបតី

បញ្ហាធំៗចំនួនប្រាំ ដែលជាក្ដីកង្វល់សំខាន់សម្រាប់អ្នកបោះឆ្នោតអាមេរិក

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់​ស្តីពីប្រព័ន្ធទឹកកខ្វក់

សង្គ្រាមពាណិជ្ជកម្មឡើងកម្ដៅខ្លាំង ខណៈសហភាពអឺរ៉ុបគ្រោងដំឡើងពន្ធបន្ថែមលើរថយន្តអគ្គិសនីរបស់ចិន

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅ​ដ៏ត្រឹមត្រូវ​ចំពោះ​សុខុមាលភាពស្រ្ដី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កិច្ចប្រជុំពេញអង្គគណៈរដ្ឋមន្រ្ដីព្រឹកនេះ សម្រេចអនុម័តលើសេចក្តីព្រាងច្បាប់ស្តីពីប្រព័ន្ធទឹកកខ្វក់

សម្ដេចធិបតី ហ៊ុន ម៉ាណែត៖ កម្ពុជាគាំទ្រជាយុទ្ធសាស្រ្ដនៅក្នុងទិសដៅដ៏ត្រឹមត្រូវចំពោះសុខុមាលភាពស្រ្ដី