កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
សម្តេចធិបតី ហ៊ុន ម៉ាណែត ជួបពិភាក្សាការងារទ្វេភាគី ជាមួយ ឯកឧត្តមនាយករដ្ឋមន្ត្រីសិង្ហបុរី នៅហ្វីលីពីន

នយោបាយ​ និង ការអភិវឌ្ឍន៍

អ្នកនាំពាក្យក្រសួងមហាផ្ទៃ៖ ការសិក្សាធ្វើបណ្ណបើកបរម៉ូតូចាប់ពីកម្លាំង៦០សេសេ គឺដើម្បីចូលរួមទប់ស្កាត់គ្រោះថ្នាក់ចរាចរណ៍

2023/08/29 10:44:37 pm        1027
ភ្នំពេញ៖ អ្នកនាំពាក្យរបស់ក្រសួងមហាផ្ទៃ បានអះអាងថា ការសិក្សាធ្វើបណ្ណបើកបរម៉ូតូដែលមានកម្លាំងចាប់ពី៦០សេសេឡើងទៅ គឺដើម្បីចូលរួមទប់ស្កាត់គ្រោះថ្នាក់ចរាចរណ៍ទាំងបច្ចុប្បន្ន និងអនាគត ហើយមួយវិញទៀតការសិក្សាឲ្យមានការធ្វើបណ្ណនេះ ក៏ពុំមែនជាលក្ខខណ្ឌដាច់ខាតនោះដែរ ពោលគឺត្រូវពិនិត្យទៅតាមប្រភេទនៃយានយន្តនោះតែប៉ុណ្ណោះ។ការលើកឡើងរបស់អ្នកនាំពាក្យនៃក្រសួងមហាផ្ទៃនេះ គឺបានធ្វើឡើងបន្ទាប់ពីមានការរិះគន់ផង និងគាំទ្រផងក្រោយសារព័ត៌មានបានចុះផ្សាយថា «រដ្ឋមន្រ្តីក្រសួងមហាផ្ទៃថ្មី ស្នើឲ្យពិចារណាធ្វើបណ្ណបើកបរម៉ូតូឡើងវិញ ចាប់ពីកម្លាំង ៦០សេសេឡើងទៅ»។ តាមសេចក្តីប្រកាសបញ្ជាក់ព័ត៌មានអ្នកនាំពាក្យរបស់ក្រសួងមហាផ្ទៃ នាថ្ងៃទី២៩ ខែសីហា ឆ្នាំ២០២៣នេះ បានលើកឡើងថា«ការសិក្សាធ្វើបណ្ណបើកបរទោចក្រយានយន្ត(ម៉ូតូ) ដែលមានកម្លាំងចាប់ពី«60CC»ឡើងទៅ ដើម្បីចូលរួមទប់ស្កាត់គ្រោះថ្នាក់ចរាចរណ៍ទាំងបច្ចុប្បន្ន និង អនាគត»ប៉ុណ្ណោះ ដោយអនុសាសន៍១.សិក្សាសម្រាប់អនាគត គឺជាស្មារតីអនុសាសន៍របស់ ឯកឧត្តមអភិសន្តិបណ្ឌិត គឺទី១ លោកចង់សង្កត់ធ្ងន់ថា ជាការសិក្សាឡើងវិញ នូវបទពិសោធន៍ដែលបានអនុវត្តកន្លងទៅ និងលទ្ធផលដែលទទួលបានពីការអនុវត្តនោះ ។ ទី២ ការសិក្សានេះ គឺសម្រាប់អនុវត្តនាពេលអនាគត ពោលគឺប្រសិនការសិក្សារកឃើញថា គ្រោះថ្នាក់ចរាចរណ៍កើតឡើងលើអ្នកប្រើប្រាស់ទោចក្រយានយន្ត(ម៉ូតូ) មានអត្រាច្រើនគួរកត់សម្គាល់នោះ ក្រសួងមហាផ្ទៃ នឹងលើកមូលដ្ឋាននេះ ដើម្បីស្នើពិភាក្សាជាមួយ ក្រសួងសាធារណការ និងដឹកជញ្ជូន ដែលមានសមត្ថកិច្ចសម្រេចនិងធ្វើបណ្ណបើកបរ ។ ទី៣ ជារួមពុំមែនជាលក្ខខណ្ឌដាច់ខាត ឱ្យតែម៉ូតូមានកម្លាំងចាប់ពី«60CC»ឡើង គឺសុទ្ធតែតម្រូវឱ្យមានបណ្ណបើកបរនោះទេ ពោលគឺត្រូវពិនិត្យទៅតាមប្រភេទនៃយាននោះផងដែរ ដូចជា ប្ភេទក,ខជាដើម និងត្រូវគិតគូរអនុវត្តជាជំហានៗបែបណាឱ្យស្របតាមស្ថានភាពសង្គមជាក់ស្ដែង។២.ហេតុផលនៃអនុសាសន៍៖ ឯកឧត្តមអភិសន្តិបណ្ឌិត បានលើកឡើងយ៉ាងច្បាស់ៗ​ប្រកប​ដោយការព្រួយបារម្ភថា​ មិនទាន់ដាច់ឆ្នាំ២០២៣ផង ចំនួនអ្នកស្លាប់ដោយសារគ្រោះថ្នាក់ចរាចរណ៍​មានជាង១១០០នាក់ឡើយ បើធៀបនឹងចំនួនប្រជាពលរដ្ឋទាំងមូលប្រមាណ១៧លាននាក់។ ដូច្នេះ ទំរាំដាច់ឆ្នាំ២០២៣ អាចនឹង កើនឡើងច្រើនជាងនេះក៏ថាបាន បើពុំមានវិធានការគត់មត់។ ទោះជាចំនួនអ្នកស្លាប់បានថយចុះមែន ប៉ុន្តែក្នុងល្បឿនមួយដែលមិនទាន់សម្រេចបាន​តាមគោលដៅ​របស់ក្រសួងនៅឡើយ។ ចំណែក ឯចំនួនអ្នកប្រើប្រាស់ម៉ូតូកើនឡើងជាប្រចាំ ជាក់ស្ដែងតាមរបាយការណ៍របស់ក្រសួងសាធារណការ​ និងដឹកជញ្ជូន​ បានឱ្យដឹងថា ក្នុងមួយថ្ងៃៗ​ក្រសួងធ្វើផ្លាកលេខម៉ូតូជូនម្ចាស់កម្មសិទ្ធិជាង១០០០គ្រឿងគិតជាលេខមូល បើប្រៀបធៀប​នឹងករណីគ្រោះថ្នាក់ចរាចរណ៍នៅឯប្រទេសបារាំង គឺមានអ្នកស្លាប់តែជាង ៨០០នាក់​ប៉ុណ្ណោះក្នុងមួយឆ្នាំៗ លើប្រជាជនប្រមាណ៦៨លាននាក់។ ជាផែនការ ឯកឧត្តមអភិសន្តិបណ្ឌិត មានទស្សនវិស័យ «កាត់បន្ថយចំនួនអ្នកស្លាប់ដោយសារ គ្រោះថ្នាក់ចរាចរណ៍ឱ្យស្ថិតនៅចំនួនមួយ​ទាបបំផុតនាថ្ងៃអនាគត»។៣.ក្នុងទិសដៅកាត់បន្ថយគ្រោះថ្នាក់ចរាចរណ៍នេះ ឯកឧត្តមអភិសន្តិបណ្ឌិត ក៏បានជំរុញ​ដល់អគ្គស្នងការដ្ឋាននគរបាលជាតិបណ្តាស្នងការដ្ឋាននគរបាលរាជធានី-ខេត្ត ​សហការជាមួយ តួអង្គពាក់ព័ន្ធនានា ​បង្កើតយន្តការបណ្តុះបណ្តាល ផ្សព្វផ្សាយអប់រំ ​ឱ្យបានទូលំទូលាយ​អំពី​ច្បាប់ចរាចរណ៍ បច្ចេកទេសបើកបរ ​និងក្រមសីលធម៌បើកបរជាដើមនោះ ​ដល់អ្នកប្រើប្រាស់​ផ្លូវថ្នល់​គ្រប់ប្រភេទ​ ក្នុងចេតនាបង្ការទប់ស្កាត់កាត់បន្ថយអត្រាស្លាប់​ដោយសារគ្រោះថ្នាក់ចរាចរណ៍ផង និងពង្រឹងសណ្ដាប់ធ្នាប់ចរាចរណ៍តាមដងផ្លូវផង។យ៉ាងណាក៏ដោយអ្នកនាំពាក្យក្រសួងមហាផ្ទៃ សូមបញ្ជាក់ម្ដងហើយម្ដងទៀតថា អនុសាសន៍របស់ ឯកឧត្តមអភិសន្តិបណ្ឌិត គឺជា«ផែនការសម្រាប់អនាគត ​ដោយចាប់ផ្តើមគិតគូរពីថ្ងៃនេះទៅ និង ជាក្តីបារម្ភអំពីសុខទុក្ខរបស់ប្រជាពលរដ្ឋ ​ដែលរងការខូចខាតទ្រព្យសម្បត្តិ របួសស្នាមរាងកាយ និងបាត់បង់អាយុជីវិតរាប់ពាន់នាក់ក្នុងមួយឆ្នាំៗ ដោយសារគ្រោះថ្នាក់ចរាចរណ៍នេះតែប៉ុណ្ណោះ។ ពោលគឺពុំ ទាន់មានការកំណត់កាលវេលាជាក់លាក់ក្នុងការអនុវត្តឡើយ។ សំណួរសួរថា តើចង់បណ្តោយឱ្យប្រជា- ពលរដ្ឋស្លាប់ក្នុងមួយឆ្នាំៗ​ប្រមាណ២០០០នាក់ ឬយ៉ាងណា? ប្រសិនបើមិនចង់ទេ ​លុះត្រាតែរួមគិតរិះ រកគ្រប់យន្តការដើម្បីទប់ស្កាត់​ពី​ឥឡូវនេះតទៅ៕អត្ថបទ៖ បាន ចក់

មេដឹកនាំប្រឆាំងបេឡារុស៖ ក្រុមប្រយុទ្ធជន Wagner ត្រូវបានចេញលិខិតឆ្លងដែនដោយបេឡារុស

2023/08/29 09:28:27 pm        405
មេដឹកនាំបក្សប្រឆាំងបេឡារុស លោក ប៉ាវ៉ែល ឡាទុសកូ (Pavel Latushko) បាននិយាយនៅក្នុងបទសម្ភាសន៍ជាមួយទីភ្នាក់ងារសារព័ត៌មានប៉ូឡូញកាលពីថ្ងៃទី២៨ ខែសីហាថា ក្រសួងកិច្ចការផ្ទៃក្នុងនៃប្រទេសបេឡារុស បាននឹងកំពុងផ្តល់លិខិតឆ្លងដែនថ្មីដល់ក្រុមទាហានស៊ីឈ្នួលWagner។លោកឡាទុសកូ ដែលដឹកនាំអង្គការប្រឆាំងគឺ អង្គការគ្រប់គ្រងប្រឆាំងវិបត្តិជាតិ(NAM) បាននិយាយថា ការផ្តល់ឲ្យនេះ បានកើតឡើងអស់រយៈពេលមួយខែមកហើយ។លោក ឡាទុសកូ បាននិយាយថា៖«សមាជិកWagner កំពុងទទួលបានលិខិតឆ្លងដែនបេឡារុស ដែលជាឯកសារពិតប្រាកដ ប៉ុន្តែត្រូវបានចេញជាឈ្មោះផ្សេងទៀត។ ដូច្នេះហើយ ពួកគេអាចចូលសហភាពអឺរ៉ុបបានតាមរយៈការឆ្លងកាត់ព្រំដែននេះ។លោក បាននិយាយថា ក្រុមទាហានស៊ីឈ្នួល Wagner នឹងអាចប្រព្រឹត្តអំពើបំផ្លិចបំផ្លាញ និងការវាយប្រហារភេរវកម្ម នៅក្នុងប្រទេសទាំងនោះបាន។នៅក្នុងកិច្ចប្រជុំមួយកាលពីថ្ងៃទី ២៨ ខែសីហា នៅទីក្រុងវ៉ាសូវី ក្រុមមន្ត្រីមកពីប្រទេសប៉ូឡូញ ឡាតវី និងលីទុយអានី បាននិយាយថា ពួកគេកំពុងពិចារណាបិទព្រំដែនទាំងអស់ជាមួយប្រទេសបេឡារុស ក្រោមការគំរាមកំហែងរបស់ក្រុមWagner។

បេសកជនUNព្រមានថា ការបន្តសង្គ្រាមនៅតែជាការគំរាមកំហែងក្នុងប្រទេសយ៉េម៉ែន

2023/08/29 08:38:47 pm        114
មន្ត្រីជាន់ខ្ពស់របស់អង្គការសហប្រជាជាតិនៅប្រទេសយ៉េម៉ែន បានព្រមានកាលពីថ្ងៃចន្ទថា ប្រទេសក្រីក្របំផុតរបស់ពិភពអារ៉ាប់នឹងនៅតែគ្រោះថ្នាក់ ដោយសារសង្គ្រាមជាថ្មី លុះត្រាតែក្រុមគូប្រជែងរបស់ប្រទេសនេះ ខិតខំជំរុញឲ្យមានកិច្ចព្រមព្រៀងបទឈប់បាញ់ថ្មីមួយ។លោក Hans Grundberg តំណាងពិសេសរបស់UN ប្រចាំនៅប្រទេសយ៉េម៉ែន បានប្រាប់សារព័ត៌មាន AP ថា ស្ថានភាពនៅក្នុងប្រទេសដែលមានជម្លោះដ៏ផុយស្រួយជិតមួយឆ្នាំ បន្ទាប់ពីរដ្ឋាភិបាលដែលត្រូវបានទទួលស្គាល់ជាអន្តរជាតិ និងពួកឧទ្ទាមហ៊ូធី (Houthi) ដែលគាំទ្រដោយអ៊ីរ៉ង់ បានបរាជ័យក្នុងការបន្តបទឈប់បាញ់ដែលគាំទ្រដោយអង្គការសហប្រជាជាតិ។ជម្លោះនេះ ត្រូវបានជាប់គាំង ចាប់តាំងពីពេលនោះមក ដោយគ្រាន់តែមានការប៉ះទង្គិចបន្តិចបន្តួចប៉ុណ្ណោះ ប៉ុន្តែ លោក Grundberg បាននិយាយថា ការបន្តការប្រយុទ្ធគ្នាទាំងអស់ គឺជាការគំរាមកំហែង។លោក បានបន្តថា៖«ហានិភ័យនៃការផ្ទុះឡើងការប៉ះទង្គិចគឺតែងតែមាន»។ «ស្ថានការណ៍ នៅតែផុយស្រួយ ហើយនឹងនៅតែផុយស្រួយរហូតដល់យើងឈានដល់កិច្ចព្រមព្រៀងមួយ ដែលផ្តល់នូវកិច្ចព្រមព្រៀងឈប់បាញ់មួយ»។

អង្គការសហប្រជាជាតិ កំពុងអនុវត្តការដកកងរក្សាសន្តិភាពជិត១៣.០០០នាក់ ចេញពីប្រទេសម៉ាលី រយៈពេល៦ខែ មិនធ្លាប់មានពីមុនមក

2023/08/29 08:33:38 pm        139
អង្គការសហប្រជាជាតិ កំពុងជាប់គាំងនូវអ្វីដែលលោកអគ្គលេខាធិការ អង់តូនីញ៉ូ ហ្គុយតឺរេស ( António Guterres)ហៅថាជា«ការចាកចេញពីប្រទេសម៉ាលី»រយៈពេល៦ខែដែលមិនធ្លាប់មានពីមុនមក តាមបញ្ជារបស់របបយោធារបស់ប្រទេសអាហ្វ្រិកខាងលិច ដែលបាននាំយកទាហានស៊ីឈ្នួលពីក្រុម Wagner របស់រុស្ស៊ី ដើម្បីជួយប្រយុទ្ធប្រឆាំងនឹងការបះបោរឥស្លាម។ បេសកជនពិសេសរបស់UNប្រចាំនៅប្រទេសម៉ាលី លោក El-Ghassim Wane បានដាក់ចេញនូវទំហំប្រតិបត្តិការទៅកាន់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃចន្ទថា កងរក្សាសន្តិភាព និងនរគបាលទាំងអស់១២.៩៤៧នាក់របស់UN ត្រូវតែបញ្ជូនទៅប្រទេសវិញ ដោយជំរំចំនួន១២និងមូលដ្ឋាន បណ្តោះអាសន្នមួយត្រូវបានប្រគល់ទៅឲ្យរដ្ឋាភិបាលម៉ាលីវិញ ហើយបុគ្គលិកស៊ីវិល១.៧៨៦នាក់ ត្រូវបានបញ្ចប់ត្រឹមថ្ងៃទី៣១ ខែធ្នូ។លោក Issa Konfourou ឯកអគ្គរដ្ឋទូតរបស់ប្រទេសម៉ាលីប្រចាំនៅUN បាននិយាយថា រដ្ឋាភិបាលកំពុងសហការជាមួយបេសកកម្មស្ថិរភាពរួមបញ្ចូលគ្នាពហុភាគីរបស់អង្គការសហប្រជាជាតិនៅប្រទេសម៉ាលីដែលត្រូវបានគេស្គាល់ថា MINUSMA ប៉ុន្តែបេសកកម្មនេះ នឹងមិនពន្យារពេលកំណត់នោះទេ។លោក Wane បាននិយាយថា អង្គការសហប្រជាជាតិ ក៏ត្រូវការរុះរើឧបករណ៍កុងតឺន័រសមុទ្រប្រហែល៥.៥០០គ្រឿង និងរថយន្ត ៤. 000គ្រឿង ដែលជាកម្មសិទ្ធិរបស់អង្គការសហប្រជាជាតិ និងបណ្តាប្រទេសដែលបានរួមចំណែកបុគ្គលិកដល់ MINUSMA ដែលជាប្រតិបត្តិការរក្សាសន្តិភាពដ៏ធំបំផុតទី៤របស់UN។

ជើងហោះហើររបស់ចក្រភពអង់គ្លេសជាច្រើន ត្រូវបានពន្យារពេល ដោយសារបញ្ហាគ្រប់គ្រងចរាចរណ៍ផ្លូវអាកាស

2023/08/29 08:12:42 pm        194
អ្នកដំណើរតាមអាកាសរាប់ពាន់នាក់ បានទទួលរងនូវការពន្យារពេល និងការលុបចោលជាយូរបន្ទាប់ពីមាន «បញ្ហាបច្ចេកទេស» បានវាយប្រហារប្រព័ន្ធគ្រប់គ្រងចរាចរណ៍ផ្លូវអាកាសរបស់ចក្រភពអង់គ្លេស។ មនុស្សជាច្រើនជាប់គាំងនៅក្នុងចក្រភពអង់គ្លេស និងក្រៅប្រទេស បន្ទាប់ពីសេវាចរាចរណ៍ផ្លូវអាកាសជាតិបានកំណត់ចំនួនយន្តហោះដែលអាចចុះចត។ក្រុមហ៊ុនអាកាសចរណ៍ និងអាកាសយានដ្ឋានជាច្រើន បានព្រមានថានៅតែមាន «ការពន្យារពេលដ៏សំខាន់ទៀត» ទោះបីជាបញ្ហាត្រូវបានជួសជុលក្នុងរយៈពេលប៉ុន្មានម៉ោងក៏ដោយ។ មានការព្រមានផ្សេងទៀតថា បញ្ហារអាក់រអួលខ្លះអាចមានរយៈពេលជាច្រើនថ្ងៃ។ អាកាសយានដ្ឋាន និងក្រុមហ៊ុនអាកាសចរណ៍ជាច្រើនរបស់ចក្រភពអង់គ្លេស រួមទាំងក្រុមហ៊ុនអាកាសចរណ៍ British Airways, ក្រុមហ៊ុន Virgin Atlantic និងក្រុមហ៊ុន TUI ត្រូវបានរងគ្រោះដោយការពន្យារពេល និងការលុបចោលជើងហោះហើរកាលពីថ្ងៃចន្ទ (២៨សីហា) ផងដែរ។អ្នកវិភាគអាកាសចរណ៍ឈ្មោះ Sally Gethin បាននិយាយថា ការរអាក់រអួលបន្ទាប់ពីកំហុសបច្ចេកទេសនឹងមានរយៈពេលជាច្រើនថ្ងៃទៀត។ អ្នកនាំពាក្យរបស់អាកាសយានដ្ឋាន Heathrow ទីក្រុងឡុងដ៍្រ ដែលជាមជ្ឈមណ្ឌលមមាញឹកបំផុតនៅអឺរ៉ុបខាងលិច បាននិយាយថា អាកាសយានដ្ឋាននេះកំពុងធ្វើការជាមួយសេវាចរាចរណ៍ផ្លូវអាកាសជាតិរបស់ចក្រភពអង់គ្លេស (NATS) និងដៃគូអាកាសយានដ្ឋានផ្សេងទៀត ដើម្បីកាត់បន្ថយផលប៉ះពាល់ដល់អ្នកដំណើរ ខណៈដែលអាកាសយានដ្ឋាន Gatwick ភាគខាងត្បូងនៃទីក្រុងឡុងដ៍្រ បាននិយាយថា ខ្លួនកំពុងឃើញមនុស្សជាច្រើន ការពន្យារពេល និងការលុបចោលជើងហោះហើរផងដែរ៕

សហភាពអឺរ៉ុប ប្តេជ្ញាជួយអភិរក្ស និងអភិវឌ្ឍន៍វប្បធម៌របស់ប្រទេសកម្ពុជា ផ្តោតលើកិច្ចការឧស្សាហកម្មច្នៃប្រឌិត

2023/08/29 07:45:59 pm        184
ភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ នាព្រឹកថ្ងៃទី២៩ ខែសីហា ឆ្នាំ២០២៣នេះ បានអនុញ្ញាតឲ្យលោកជំទាវ Carmen Moreno ឯកអគ្គរដ្ឋទូតវិសាមញ្ញ និងពេញសមត្ថភាព នៃសហភាពអឺរ៉ុប (European Union) ប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ លើវិស័យវប្បធម៌ និងដើម្បីជម្រាបលាបន្ទាប់ពីលោកជំទាវ ចប់អាណតិ្តបេសកកម្មការទូត។ជាកិច្ចចាប់ផ្តើម លោកជំទាវបណ្ឌិតសភាចារ្យ ភឿង សកុណា និងលោកជំទាវ Carmen Moreno បានបង្ហាញការពេញចិត្តចំពោះសមិទ្ធផលនានា នៃកិច្ចសហប្រតិបតិ្តរវាងក្រសួងវប្បធម៌ និង​វិចិត្រសិល្បៈ នៃព្រះរាជាណាចក្រកម្ពុជា និងសភាពអឺរ៉ុប​ លើកិច្ចការងារវប្បធម៌ ដែលមាន​សកម្មភាព​ជាច្រើនរៀងរាល់ឆ្នាំ រួមមានព្រឹតិ្តការណ៍​មហោស្រពភាពយន្ត ការប្រគុំតន្រី្តដ៏អស្ចារ្យសម្លេងស្រាល ស៊ីហ្វូនី(Simphony) ជាពិសេសក្នុងព្រឹត្តិការណ៍នេះ មានការចូលរួមពីថ្នាក់ដឹកនាំកំពូល ដើម្បីបង្ហាញពីកិច្ចសហប្រតិបតិ្តដ៏ល្អរវាងកម្ពុជា និងសហភាពអឺរ៉ុប។ជាមួយគ្នានោះដែរ លោកជំទាវ Carmen Moreno បានជម្រាបជូនលោកជំទាវ រដ្ឋមន្រី្តបន្ថែមថា សហភាពអឺរ៉ុប ​មិនមែនជួយឧបត្ថម្ភគាំទ្រតែក្នុងកម្រិតរាជរដ្ឋាភិបាលប៉ុណ្ណោះទេ គឺនៅក្នុង​ក្របខ័ណ្ឌអង្គការមិនមែនរដ្ឋាភិបាល ​ក៏បានចូលរួមជួយឧបត្ថម្ភគាំទ្រ ដូចជា៖ អង្គការហ្វាពន្លឺសិល្បៈ ខេត្តបាត់ដំបង ​និងអង្គការមួយចំនួនផ្សេងទៀត ដែលសភាពអឺរ៉ុប បានជួយក្នុងការអនុវត្តន៍​វិស័យវប្បធម៌តាមទីជនបទ ក៏ដូចជាវប្បធម៌ច្នៃប្រឌិតផ្សេងៗ ដែលជាផ្នែកមួយក្នុងការ​ជួយអភិវឌ្ឍន៍​សេដ្ឋកិច្ចរបស់ប្រទេសកម្ពុជា។ ក្នុងនោះភាគីទាំងពីរ ​បានស្វាគមន៍នូវគំនិតថ្មីៗ និងផែនការយុទ្ធសាស្រ្តថ្មីៗ​នាពេលខាងមុខនេះ គឺសហភាពអឺរ៉ុប (European Union) ប្រចាំព្រះរាជាណាចក្រកម្ពុជា ​ប្តេជ្ញាបន្តកិច្ច​សហប្រតិបតិ្តការ​លើវិស័យវប្បធម៌ ឲ្យកាន់តែមានការរីកចម្រើន ជាពិសេសការផ្លាស់ប្តូរព័ត៌មាន និងការ​ផ្សព្វផ្សាយវប្បធម៌ និងសកម្មភាពផ្សេងៗទៀតផងដែរ៕អត្ថបទ រដ្ឋា

ប្រមុខពាណិជ្ជកម្មអាមេរិក និងចិនជួបប្រជុំគ្នានៅទីក្រុងប៉េកាំង ផ្លាស់ប្តូរទស្សនៈស្តីពីពាណិជ្ជកម្មទ្វេភាគី

2023/08/29 07:15:34 pm        155
កាលពីព្រឹកថ្ងៃចន្ទ (២៨សីហា) រដ្ឋមន្ត្រីក្រសួងពាណិជ្ជកម្មចិន លោក Wang Wentao និងលោកស្រី Gina Raimondo រដ្ឋមន្ត្រីក្រសួងពាណិជ្ជកម្មអាមេរិកដែលកំពុងបំពេញទស្សនកិច្ចនៅប្រទេសចិន បានជួបប្រជុំគ្នានៅទីក្រុងប៉េកាំង ដើម្បីផ្លាស់ប្តូរទស្សនៈស្តីពីពាណិជ្ជកម្មទ្វេភាគី។ភាគីទាំងពីរមានការប្រាស្រ័យទាក់ទងប្រកបដោយហេតុផល ភាពស្មោះត្រង់ និងលក្ខណៈស្ថាបនា អំពីទំនាក់ទំនងពាណិជ្ជកម្មចិន-អាមេរិក និងសេដ្ឋកិច្ច ព្រមទាំងបញ្ហានៃក្តីបារម្ភទៅវិញទៅមក ដោយមានគោលបំណងអនុវត្តការស្របមតិគ្នាជាឯកច្ឆ័ន្ធសំខាន់របស់ប្រធានាធិបតីចិន និងសហរដ្ឋអាមេរិក ក្នុងអំឡុងពេលកិច្ចប្រជុំរបស់ពួកគេនៅកោះបាលី ប្រទេសឥណ្ឌូនេស៊ីកាលពីឆ្នាំមុនផងដែរ។លោក Wang បាននិយាយថា ប្រទេសចិនបានត្រៀមខ្លួនរួចជាស្រេចក្នុងការធ្វើការជាមួយសហរដ្ឋអាមេរិក ក្រោមគោលការណ៍នៃការគោរពគ្នាទៅវិញទៅមក ការរួមរស់ប្រកបដោយសន្តិភាព និងកិច្ចសហប្រតិបត្តិការឈ្នះ-ឈ្នះ ដើម្បីជំរុញបរិយាកាសគោលនយោបាយដ៏ល្អសម្រាប់កិច្ចសហប្រតិបត្តិការធុរកិច្ច ព្រមទាំងជំរុញពាណិជ្ជកម្ម និងការវិនិយោគទ្វេភាគីផងដែរ។រដ្ឋមន្ត្រីក្រសួងពាណិជ្ជកម្មរូបនេះ បានសម្តែងការព្រួយបារម្ភយ៉ាងខ្លាំងចំពោះការអនុវត្តរបស់សហរដ្ឋអាមេរិក រួមទាំងពន្ធផ្នែកទី៣០១ លើការនាំចេញរបស់ចិន គោលនយោបាយគ្រឿងសៀគ្វីពាក់កណ្ដាលចម្លង ការរឹតបន្តឹងការវិនិយោគពីរផ្លូវ ការឧបត្ថម្ភធនបែបរើសអើង និងការដាក់ទណ្ឌកម្ម ដែលផ្តោតលើក្រុមហ៊ុនចិនផងដែរ។ ដូចដែលសហរដ្ឋអាមេរិកបានបញ្ជាក់ជាថ្មីថា ខ្លួនមិនមានចេតនាស្វែងរកការកាត់ផ្ដាច់ខ្លួនជាមួយចិនទេ ហើយចិនសង្ឃឹមថា សហរដ្ឋអាមេរិកនឹងធ្វើដូចដែលខ្លួនបាននិយាយ៕

ប៉ូឡូញ និងរដ្ឋតំបន់សមុទ្របាល់ទិក អំពាវនាវឲ្យបេឡារុស បណ្តេញទាហានស៊ីឈ្នួលក្រុម Wagner

2023/08/29 07:09:18 pm        194
ប្រទេសប៉ូឡូញ និងរដ្ឋតំបន់សមុទ្របាល់ទិក មានប្រទេស អេស្តូនី ឡាតវី និងលីទុយអានី បានទាមទាឲ្យ ប្រទេសបេឡារុស បណ្តេញចេញក្រុមទាហានស៊ីឈ្នួលក្រុមហ៊ុន Wagner របស់រុស្ស៊ីចេញពីទឹកដីរបស់ខ្លួន។ រដ្ឋមន្ត្រីក្រសួងមហាផ្ទៃ របស់ប្រទេសទាំងនេះបានជួបប្រជុំគ្នា ក្នុងប្រទេសប៉ូឡូញ និងបានចេញសេចក្តីថ្លែងការណ៍រួម។សេចក្តីថ្លែងការណ៍និយាយថាបណ្តាប្រទេសទាំងនេះ នឹងឈររួមគ្នាប្រឆាំងការប៉ុនប៉ងណាមួយរបស់ប្រទេសរុស្ស៊ី និងបេឡារុសដើម្បីបង្កអស្ថិរភាពនៅក្នុងតំបន់។ សេចក្តីថ្លែងការណ៍ និយាយថា ពួកគេអាចបិទព្រំដែនឆ្លងកាត់ប្រសិនបើមានឧបទ្ទវហេតុកើតឡើង។ ប្រទេស ឡាតវី លីទុយអានី និងប៉ូឡូញ មានព្រំដែនរួមគ្នាជាមួយប្រទេសប៉េឡារុស។ ប្រព័ន្ធផ្សព្វផ្សាយក្នុងតំបន់បានដកស្រង់សំដី រដ្ឋមន្ត្រីក្រសួងមហាផ្ទៃប្រទេសលីទុយអានី លោក Agne Bilotaite ដែលបាននិយាយថាមានភស្តុតាងវិនិច្ឆ័យដែលអាចនាំទៅរកការបិទព្រំដែន។ លោករដ្ឋមន្ត្រីនិយាយថាការវិនិច្ឆ័យមួយគឺឧបទ្ទវហេតុប្រដាប់អាវុធនៅព្រំដែនប្រទេសមួយក្នុងចំណោមបណ្តាប្រទេសមានព្រំដែនជាប់បេឡារុស ហើយឧបទ្ទវហេតុចាំបាច់មានការគំរាមធ្ងន់ធ្ងរចំពោះសន្តិសុខរបស់ប្រទេសទាំងនេះ។ ប្រទេសទាំងនេះ ប្រុងប្រយ័ត្ន ចំពោះសកម្មភាពរបស់ក្រុមទាហានស៊ីឈ្នួលក្រុមហ៊ុន Wagner នៅក្នុងប្រទេសបេឡារុស ចាប់តាំងពីខែមិថុនា។សេចក្តីថ្លែងការណ៍បង្ហាញសញ្ញាថា ពួកគេនៅតែមានជំហរប្រុងប្រយ័ត្នចំពោះក្រុមនេះ ទោះបីជាបន្ទាប់ពីការស្លាប់របស់មេដឹកនាំក្រុមហ៊ុនWagner លោក Yevgeny Prigozhin ក៏ដោយ។

រដ្ឋាភិបាលអាមេរិក អនុម័តការលក់មីស៊ីលតម្រង់គោលដៅបាញ់បង្វែរឆ្ងាយពីគោលដៅទៅឲ្យជប៉ុន

2023/08/29 07:00:34 pm        120
រដ្ឋាភិបាលសហរដ្ឋអាមេរិក បានអនុម័តការលក់សព្វាវុធដ៏សំខាន់ទៅឲ្យប្រទេសជប៉ុនជាមីស៊ីលតម្រង់គោលដៅបាញ់បង្វែរចេញឆ្ងាយពីទីតាំងពីលើអាកាស និងសម្ភារៈពាក់ព័ន្ធ មានតម្លៃជាង១០០លានដុល្លារ។ កាលពីថ្ងៃចន្ទ រដ្ឋាភិបាល បានជូនដំណឹងដល់សភាពីផែនការលក់ទៅឲ្យប្រទេសជប៉ុននូវមីស៊ីលបាញ់ពីចម្ងាយពីលើអាកាសចម្រុះ ដែលគេស្គាល់ថា JASSM-ER ដែលត្រូវបានបំពាក់នៅលើយន្តហោះប្រយុទ្ធ។មីស៊ីល JASSM-ER ជាមីស៊ីលតម្រង់គោលដៅបាញ់បង្វែរឆ្ងាយពីទីតាំង មានន័យថា វាអាចបាញ់ពីខាងក្រៅវង់ប្រតិបត្តិការបាញ់ប្រហាររបស់សត្រូវ។ វាមានវង់ប្រតិបត្តិការជាង៩០០គីឡូម៉ែត្រ។ នេះគឺជាលើកដំបូងហើយដែលការលក់អាវុធដ៏មានសក្តានុពលរបស់ខ្លួនទៅឲ្យប្រទេសជប៉ុន ត្រូវបានអនុម័ត។ រដ្ឋាភិបាលអាមេរិក បានបង្ហាញថាប្រទេសជប៉ុនបានស្នើសុំទិញមីស៊ីលរហូតដល់៥០គ្រាប់ ដែលតាមការប៉ាន់ប្រមាណមានតម្លៃ ១០៤លានដុល្លារ។រដ្ឋាភិបាលនិយាយថា ការលក់ដែលបានស្នើនឹងគាំទ្រដល់គោលដៅគោលនយោបាយការបរទេស និងគោលដៅសន្តិសុខជាតិ របស់សហរដ្ឋអាមេរិក ដោយការធ្វើឲ្យប្រសើរសន្តិសុខរបស់សម្ព័ន្ធមិត្តជាចម្បង។ រដ្ឋាភិបាល បាននិយាយថា ការលក់នេះនឹងធ្វើឲ្យប្រសើរសមត្ថភាពរបស់ប្រទេសជប៉ុន ដើម្បីបំពេញចំពោះការគំរាមក្នុងពេលបច្ចុប្បន្ន និងអនាគត ដោយការផ្តល់សមត្ថភាពក្នុងពេលប្រឈមមុខដាក់គ្នា។

សម្តេចតេជោ អនុញ្ញាតឱ្យលោកជំទាវឯកអគ្គរដ្ឋទូតសហភាពអឺរ៉ុបប្រចាំកម្ពុជា ចូលជួបជំរាបលា

2023/08/29 06:44:48 pm        909
ភ្នំពេញ៖ ព្រឹកថ្ងៃទី២៩ខែសីហា នៅវិមាន៧មករា សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានអនុញ្ញាតឱ្យលោកជំទាវ ម៉ារីយា ដែល ខាមែន ម៉ូរ៉េណូ ឯកអគ្គរដ្ឋទូតសហភាពអឺរ៉ុបប្រចាំកម្ពុជា ជួបសម្ដែងការគួរសម និងជម្រាបលា។នៅក្នុងជំនួបនេះសម្ដេចតេជោ បានសំដែងសេចក្តីរីករាយចំពោះវត្តមានលោកជំទាវ ​ដែលបាន​អញ្ជើញមកជួបជាមួយសម្ដេចមុនពេលដែលលោកជំទាវ ចាកចេញពីកម្ពុជាទៅកាន់ការងារថ្មី ជាឯកអគ្គរដ្ឋទូតសហគមន៍អឺរ៉ុបប្រចាំស្រីលង្កា និងម៉ាឌីវ​ ក្រោយពីបានធ្វើការនៅកម្ពុជា រយៈកាលដ៏លំបាក ​ជាពិសេសក្នុងការប្រយុទ្ធប្រឆាំង នឹងកូវីដ១៩។សម្ដេច បានសំដែងការពេញចិត្តចំពោះ ​សហប្រតិបត្តិការសព្វបែបយ៉ាង ថ្វីត្បិតតែយើងមិនបាន ជួយគ្នា​លើគ្រប់បញ្ហាទាំងអស់ក៏ដោយ ​ប៉ុន្តែកិច្ចសហប្រតិបត្តិការរបស់យើង ​មានភាពល្អប្រសើរ ជាពិសេសការប្រៀបប្រឆាំងនិងកូវីដ១៩ ដែលជាមហន្តរាយ ធំធេង ក្នុងនោះ សហគមន៍អឺរ៉ុប បានផ្ដល់ឲ្យកម្ពុជានូវវ៉ាក់សាំងជាង៩៣ម៉ឺនដូស ​និងឥណទានជិត ៥០០លានដុល្លារ។ក្នុងការងារជិត៤ឆ្នាំដ៏លំបាកនេះលោកជំទាវឯកអគ្គរដ្ឋទូត ក៏បានសំដែងការពេញចិត្ត ចំពោះកិច្ច​សហប្រតិបត្តិការដែលទទួលបានពី ​រាជរដ្ឋាភិបាលក៏ដូចជាពី ​មន្ត្រីរបស់រដ្ឋាភិបាលទាំងអស់ នូវកិច្ចសហប្រតិ្តការទាំងអស់ទាក់ទងទៅនឹងទំនាក់ទំនងរវាងអាស៊ាន​ និងសហគមន៍អឺរ៉ុប ។ លោកជំទាវ ក៏បានរំលឹកអំពីការដែលបានជួបជាមួយឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ​នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍បើកចំហ ពីទំនាក់ទំនង​រវាងកម្ពុជា និងសហគមន៍អឺរ៉ុបបន្តទៀត។ សម្ដេចតេជោ ក៏បានរំលឹក និងថ្លែងអំណរគុណចំពោះការងារដែលបានធ្វើកន្លងមក​ ជាពិសេស ការដែល​បានជួយក្នុងគ្រោះមន្តរាយកូវីដ១៩ និងទី២​ ជួយកសាងស្ថានីយទឹកស្អាត ​នៅបាក់ខែង ដែល​បានជួយឱ្យទីក្រុងភ្នំពេញ និងខេត្ត ជុំវិញមានទឹកស្អាតប្រើប្រាស់គ្រប់គ្រាន់។សម្តេច ក៏បានរំលឹកអំពីកិច្ចប្រជុំកំពូលអាសឹម បានធ្វើអនឡាញប្រសិនបើគ្មានកិច្ច​សាក​ប្រតិបត្តិការដ៏ល្អ ទេគឺយើងមិនអាចធ្វើបានដោយ ​រលូន និងប្រកបដោយជោគជ័យ ក្នុងការ​សម្របសម្រួលជាពិសេសលើចំហររបស់មីយ៉ាន់ម៉ា ។សម្តេចបានរំលឹកអំពីជំនួបជាហូរហែនាពេលកន្លងមក រវាង កម្ពុជា និងសហគមន៍អឺរ៉ុប នៅ​ព្រុចសែល តាំងពីឆ្នាំ ២០២២កន្លងមក ​ហើយសម្ដេច​មានប្រសាសន៍ថា យើង​គួរបន្តកិច្ច​សហប្រតិបត្តិការ​បំពេញឲ្យគ្នាទៅវិញទៅមក ​ទាំងក្នុងក្របខណ្ឌអាស៊ាន និងសហគមន៍អឺរ៉ុបផងដែរ ផលប្រយោជន៍ជាងយើងធ្វើការប្រកួតប្រជែងខាងភូមិសាស្ត្រនយោបាយ៕

បណ្ដាញសង្គម

ព័ត៌មានថ្មីៗ

សហជីពកម្ពុជា-ចិន ពង្រឹងកិច្ចសហប្រតិបត្តិការ ដើម្បីអភិវឌ្ឍជំនាញ កសាងសមត្ថភាពសហជីព និងកម្លាំងពលកម្មជំនាញ
11/18/2026 11:11 AM
ឯកឧត្តមបណ្ឌិត លី ធុជ ជួបសន្ទនា​ជាមួយតំណាងជាន់ខ្ពស់សហភាពអឺរ៉ុប និងបញ្ជាក់ការប្តេជ្ញាចិត្តរបស់កម្ពុជាក្នុង​ការ​ចូលរួមបេសកកម្មមនុស្សធម៌​ ជួយសម្រាលទុក្ខលំបាក​ និង​ការ​ឈឺចាប់​របស់ប្រជាជនដែលរងផលប៉ះពាល់ពីមីន និងសំណល់ជាតិផ្ទុះពីសង្គ្រាម
11/18/2026 10:11 AM
អាមេរិក និងអ៊ីរ៉ង់ បាញ់តបតគ្នា ទោះបីមានការចរចាជាមួយភាគីក្រុមសម្របសម្រួលក៏ដោយ
11/18/2026 09:11 AM
កម្ពុជាអំពាវនាវដល់សហគមន៍អន្តរជាតិបង្កើនហិរញ្ញប្បទានអាកាសធាតុ និងរក្សាគោលដៅកំដៅ ១.៥ អង្សាសេ នៅក្នុងសន្និសីទ COP31 នៅប្រទេសទួរគីយ៉េ
11/18/2026 08:11 AM
កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
11/17/2026 11:11 PM
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
11/17/2026 10:11 PM
សម្ដេចតេជោ ឆ្លើយតប អគ្គលេខាធិការហ្វ្រង់កូហ្វូនី៖ មោទនភាពសម្រាប់កម្ពុជា មានឱកាសរៀបចំនូវកិច្ចប្រជុំកំពូល ដោយជោគជ័យ
11/17/2026 08:11 PM
មន្ទីរពេទ្យព្រះអង្គឌួង ទទួលសម្ភារៈបរិក្ខាចក្ខុរោគសម្រាប់ចែកបន្តដល់មន្ទីរពេទ្យជាសម្ព័ន្ធមេត្រីភាពដើម្បីលើកកម្ពស់គុណភាពថែទាំភ្នែកកាន់តែប្រសើរ
11/17/2026 08:11 PM
កម្ពុជា-សហរដ្ឋអាមេរិក បន្តពង្រឹងភាពជាដៃគូក្នុងការប្រយុទ្ធនឹងជំងឺរបេង ដើម្បីឈានទៅលុបបំបាត់ជំងឺរបេងត្រឹមឆ្នាំ២០៣០
11/17/2026 08:11 PM
សម្ដេចតេជោ ជំរុញឱ្យ កម្ពុជា-ឡាវ បន្តកិច្ចសហប្រតិបត្តិការ ជាពិសេស ធានាព្រំដែនមាន សន្តិភាព ស្ថេរភាព និងសុវត្ថិភាព
11/17/2026 08:11 PM