ឯកអគ្គរដ្ឋទូតសហរដ្ឋអាមេរិកថ្មី ប្តេជ្ញាបន្តពូនជ្រុំទំនាក់ទំនង និងកិច្ចសហប្រតិបត្តិការអាមេរិក-កម្ពុជា ឱ្យកាន់តែរីកចម្រើន និងរឹងមាំថែមទៀត
កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង

នយោបាយ​ និង ការអភិវឌ្ឍន៍

ពលរដ្ឋអាមេរិកដែលជាប់ឃុំនៅប្រទេសអ៊ីរ៉ង់ ត្រូវបានប្តូរពីពន្ធនាគារទៅឃុំខ្លួនក្នុងផ្ទះ

2023/08/11 06:52:09 pm        68
អាមេរិក៖ ពលរដ្ឋអាមេរិកមួយក្តាប់តូចដែលកំពុងជាប់ឃុំឃាំងក្នុងប្រទេសអ៊ីរ៉ង់ ត្រូវបានផ្លាស់ទៅឃុំខ្លួនក្នុងផ្ទះ ដែលសារព័ត៌មានអាមេរិក កំពុងរាយការណ៍ថាជាជំហានដំបូងនៅក្នុងកិច្ចព្រមព្រៀងដោះដូរអ្នកទោសដ៏សំខាន់រវាងទីក្រុងវ៉ាស៊ីនតោន និងទីក្រុងតេអេរ៉ង់។ដោយលើកឡើងពីមនុស្សដែលដឹងកិច្ចព្រមព្រៀងនេះច្បាស់ សារព័ត៌មាន New York Times បានរាយការណ៍កាលពីថ្ងៃព្រហស្បតិ៍ថា ពលរដ្ឋសញ្ជាតិអាមេរិក-អ៊ីរ៉ងចំនួន៥នាក់ ត្រូវបានដោះលែងឲ្យឃុំខ្លួនក្នុងផ្ទះវិញ។សារព័ត៌មាននេះ បានបញ្ចេញឈ្មោះអ្នកទោសបីនាក់គឺ ស៊ីអាម៉ាក់ ណាម៉ាហ្ស៊ី (Siamak Namazi) , អ៊ីម៉ាដ សាហ្គី (Emad Sharghi) និង មូរ៉ាដ តាហាហ្ស (Morad Tahbaz) ហើយបាននិយាយថា គ្រួសាររបស់អ្នកទោសពីរនាក់ផ្សេងទៀត កំពុងរក្សាទុកអត្តសញ្ញាណរបស់ពួកគេ។មេធាវីរបស់ណាម៉ាហ្ស៊ី លោក ចារិដ ហ្គែនសឺ (Jared Genser) បានប្រាប់កាសែត New York Timesថា ពួកគេ៤នាក់ ត្រូវបានដោះលែងកាលពីថ្ងៃព្រហស្បតិ៍ពីពន្ធនាគារអ៊ីវីន( Evin ) ដ៏ល្បីរបស់ប្រទេសអ៊ីរ៉ង់ទៅកាន់សណ្ឋាគារមួយក្នុងរដ្ឋធានីនេះ។ សារព័ត៌មាននេះ បានឲ្យដឹងថា អ្នកទោសទី៥ ត្រូវបានដោះលែងមុននេះ៕

រុស្សីបាញ់បង្ហោះយានចុះចតលើឋានព្រះច័ន្ទ ដើម្បីស្វែងរកប្រភពទឹកនៅលើនោះ

2023/08/11 06:49:22 pm        97
រុស្សី៖ ប្រទេសរុស្ស៊ីបានបាញ់បង្ហោះយានអវកាសចុះចតឋានព្រះច័ន្ទជាលើកដំបូងក្នុងរយៈពេល៤៧ឆ្នាំ នៅថ្ងៃសុក្រ (១១ សីហា) នេះ ក្នុងគោលបំណងដើម្បីក្លាយជាមហាអំណាចដំបូងគេក្នុងការចុះចតដែលមានការគ្រប់គ្រងក្នុងសម្ពាធស្រាលនៅលើប៉ូលខាងត្បូងនៃភពព្រះចន្ទ ដែលជាតំបន់មួយដែលត្រូវបានគេជឿថាមានស្រទាប់ទឹកកកទឹក។យានចម្លង Soyuz 2.1v ដែលដឹកយាន Luna-25 បានបាញ់ចេញពីទីលានអវកាស Vostochny cosmodrome ( កូសថុចនីកូសម៉ូដ្រូម) ចម្ងាយ៣.៤៥០ម៉ាយល៍ (៥.៥៥០គីឡូម៉ែត្រ) ភាគខាងកើតរដ្ឋធានីម៉ូស្គូ នៅថ្ងៃសុក្រនេះ វេលាម៉ោង២:១១យប់ ម៉ោងនៅទីក្រុងម៉ូស្គូ។ ទីភ្នាក់ងារអវកាសរុស្ស៊ីបាននិយាយថា យាននោះ គ្រោងនឹងចុះទៅឋានព្រះច័ន្ទនៅថ្ងៃទី ២៣ ខែសីហា ខាងមុខនេះ។បេសកកម្មឋានព្រះច័ន្ទរបស់រុស្ស៊ី ដែលជាបេសកកម្មលើកដំបូងចាប់តាំងពីឆ្នាំ១៩៧៦មក កំពុងប្រកួតប្រជែងជាមួយឥណ្ឌា ដែលបានបញ្ជូនយានចុះចតឋានព្រះច័ន្ទឈ្មោះ Chandrayaan-3 (ចន្ត្រាយាន-3) របស់ខ្លួនកាលពីខែមុន និងកាន់តែមានភាពខ្លាំងក្លាជាមួយសហរដ្ឋអាមេរិក និងចិន ដែលប្រទេសទាំងពីរនោះមានកម្មវិធីរុករកឋានព្រះច័ន្ទកម្រិតខ្ពស់៕

ជម្រកសត្វព្រៃ «ព្រៃឡង់» និងភ្នំណាមលៀរ ត្រូវបានរាជរដ្ឋាភិបាលកែប្រែទំហំដីបន្ថែម​ដើម្បីធានាការថែទាំងសត្វព្រៃ

2023/08/11 06:28:44 pm        217
ដែនជម្រកសត្វព្រៃ«ព្រៃឡង់» ស្ថិតក្នុងភូមិសាស្ត្រខេត្តក្រចេះ ខេត្តកំពង់ធំ ខេត្តស្ទឹងត្រែង និង​ខេត្តព្រះវិហារ ហើយនិងដែនជម្រកសត្វព្រៃភ្នំណាមលៀរ នៅខេត្តមណ្ឌលគិរី ត្រូវ​បាន​រាជ​រដ្ឋាភិបាល​ចេញ​អនុក្រឹត្យបង្កើន ទំហំដីបន្ថែមទៀត ដើម្បី​ធានា​ការ​ថែ​រក្សា​ការពារ​នូវ​សត្វព្រៃ​ស្ថិត​នៅ​តំបន់​ភូមិភាគឦសានទាំងនេះឲ្យកាន់តែមានប្រសិទ្ធភាពបន្ថែមទៀត។កាលពីមុនដែនជម្រកសត្វព្រៃ«ព្រៃឡង់» គឺមានទំហំដី៤៣១ ៦៨៣ ហើយត្រូវ​រាជ​រដ្ឋាភិបាល​បង្កើន​ទៅ​ដល់៤៨៩ ៦៦៣ហិកតា ខណៈដែនជម្រកសត្វព្រៃភ្នំណាមលៀរ កែប្រែ​ពី​ផ្ទៃ​ដី​ទំហំ​៤៧ ៥០០ហិកតា មកផ្ទៃដីទំហំ៦៤ ៨៣៥ហិកតា ។តាមអនុក្រឹត្យរបស់រាជរដ្ឋាភិបាលដែលទូរទស្សន៍BTVទទួលបាននាថ្ងៃទី១១ ខែសីហា ឆ្នាំ​២០២៣​នេះ​​បាន​បញ្ជាក់​ការ​ដែល​រាជ​រដ្ឋាភិបាល​ចេញ​អនុក្រឹត្យ​កែប្រែ​ទំហំ​ដី​នៅ​ដែន​ជម្រក​សត្វ​ព្រៃ​ទាំង​ពីរ ខាងលើនេះគឺមានគោលបំណង ធានាឱ្យមានការថែទាំទីជម្រកសត្វព្រៃ ប្រព័ន្ធ​អេកូ​ឡូស៊ី និងសារព័នមជ្ឈដ្ឋានធម្មជាតិ ដោយ​មាន​ការ​បំពេញ​លក្ខ​ខណ្ឌ​ចាំបាច់​សម្រាប់​ប្រភេទ​ណា​មួយ​ នៃ​សត្វ រុក្ខជាតិ និងជីវៈចម្រុះ, រក្សាលំនឹងបរិស្ថាន និងរួម​ចំណែក​កាត់​បន្ថយការ​ប្រែប្រួល​អាកាសធាតុ​ និង​ហានិភ័យគ្រោះមហន្តរាយ ធម្មជាតិ, ផ្តល់​ផលិត​ផល​ និង​សេវា​កម្ម​ធម្មជាតិ​ សម្រាប់​ការ​ប្រើប្រាស់ប្រកបដោយនិរន្តរភាព, គាំទ្រដល់ការអភិវឌ្ឍសេដ្ឋកិច្ចសង្គម និង​សហគមន៍​មូលដ្ឋាន ដើម្បីរួមចំណែកក្នុងកិច្ចគាំពារបរិស្ថាន ការអភិរក្សជីវៈចម្រុះ ការការពារធនធានធម្មជាតិ និង​ការ​រស់នៅដោយចីរភាព, និងលើកកម្ពស់ការចូលរួមរបស់សហគមន៍មូលដ្ឋាន ក៏ដូច​ជា​សាធារណ​ជន​ក្នុងការចូលរួមចំណែកដល់ការគ្រប់គ្រង ការការពារ និងការអភិរក្សជីវៈចម្រុះ និង​ធន​ធាន​ធម្មជាតិក្នុងតំបន់ជាដើម។រាជរដ្ឋាភិបាលបានប្រគល់តួនាទីឲ្យក្រសួងបរិស្ថានមានសមត្ថកិច្ចរៀបចំ កែប្រែ និង​គ្រប់​គ្រង​តំបន់​ដែន​ជម្រកសត្វព្រៃភ្នំណាមលៀរ ដោយសហការជាមួយក្រសួង ស្ថាប័នពាក់ព័ន្ធ និង​រដ្ឋបាល​ខេត្ត​​ដែល​​ជាប់ពាក់ព័ន្ធដើម្បីធានាដល់ការគ្រប់គ្រងបរិស្ថាន ការអភិរក្សជីវៈចម្រុះ ការ​ប្រើ​ប្រាស់​ធន​ធាន​ធម្មជាតិប្រកបដោយនិរន្តភាព និងការរស់នៅដោយចីរភាព ស្របតាម​ច្បាប់​ និង​លិខិត​បទ​ដ្ឋាន​គតិយុត្តជាធរមានផងដែរ។លិខិតបទដ្ឋានគតិយុត្តដែលពាក់ព័ន្ធនឹងការកំណត់តំបន់សហគមន៍ តំបន់ប្រើប្រាស់ដោយចីរភាព ការ​វិនិយោគ ការចេញប័ណ្ណដីធ្លី ឬការអនុញ្ញាតឱ្យប្រើប្រាស់ដីធ្លី ដែល​អនុ​លោម​តាម​ព្រះ​រាជ​ក្រឹត្យ​ស្តីពី​ការ​បង្កើត តំបន់ការពារធម្មជាតិ អនុក្រឹត្យ​ស្ដីពី​ការ​បង្កើត​របៀង​អភិរក្ស​ជីវៈ​ចម្រុះ​ប្រព័ន្ធ​តំបន់​ការពារ​ធម្មជាតិ ច្បាប់ និងលិខិតបទដ្ឋានគតិយុត្តពាក់ព័ន្ធជាធរមាន ត្រូវមាន​អានុ​ភាព​អនុវត្ត​បន្ត​រហូត​ដល់​មាន​លិខិតបទដ្ឋានគតិយុត្តថ្មី មកជំនួសស្របតាមបទប្បញ្ញត្តិនៃអនុក្រឹត្យនេះ។រាជរដ្ឋាភិបាលក៏បានបញ្ជាឲ្យរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រី​ក្រសួង​សេដ្ឋកិច្ច​ និង​ហិរញ្ញវត្ថុ រដ្ឋមន្ត្រីក្រសួងបរិស្ថាន រដ្ឋមន្ត្រីគ្រប់ក្រសួងនិងប្រធានគ្រប់ស្ថាប័នដែលពាក់ព័ន្ធ អភិបាល នៃ​គណៈនានា ត្រូវទទួលបន្ទុកអនុវត្តអនុក្រឹត្យនេះ តាមភារ​កិច្ច​រៀងៗ​ខ្លួន​ចាប់​ពី​ថ្ងៃ​ចុះ​ហត្ថ​លេខា​តទៅផងដែរ។បើយោងតាមអនុក្រឹត្យកែប្រែរបស់រាជរដ្ឋាភិបាល ដែលបានចេញផ្សាយជាសាធារណៈនោះ រហូត​មក​ដល់​ព្រឹកថ្ងៃទី១១ ខែសីហា ឆ្នាំ២០២៣នេះ គឺមានដែនជម្រកសត្វព្រៃ និង​តំបន់​ឧទ្យាន​ជាតិ​ចំនួន​១៩​ហើយនៅទូទាំងប្រទេសកម្ពុជា ត្រូវបាន​រាជ​រដ្ឋាភិបាល​ចេញ​អនុ​ក្រឹត្យ​កែប្រែ​ដោយ​បង្កើន​ទំហំ​ដី និងឧទ្យាន មួយចំនួនតូចទៀតត្រូវបានកាត់ឃ្វៀលដី ដើម្បីធានាការថែរក្សា ការ​ពារ​សោភណ​ភាព​ធម្មជាតិ ធានាឱ្យមានការថែទាំទីជម្រកសត្វព្រៃ ប្រព័ន្ធអេកូឡូស៊ី និង​សារព័ន​មជ្ឈដ្ឋាន​ធម្មជាតិ ដោយមានការបំពេញលក្ខខណ្ឌចាំបាច់សម្រាប់ប្រភេទណាមួយនៃសត្វ រុក្ខជាតិ និង​ជីវៈចម្រុះ, រក្សាលំនឹងបរិស្ថាន និងរួមចំណែកកាត់បន្ថយការប្រែប្រួលអាកាសធាតុ និង​ហានិភ័យ​គ្រោះមហន្តរាយ ធម្មជាតិជាដើម៕ អត្ថបទ៖ បាន ចក់

ប្រព័ន្ធអប់រំនៅក្នុងប្រទេសស៊ូដង់ត្រូវបានដួលរលំ ដោយសារសង្រ្គាម ខណៈការប្រយុទ្ធគ្នានៅតែបន្ត

2023/08/11 06:07:19 pm        73
ស៊ូដង់៖ ជម្លោះក្នុងប្រទេសស៊ូដង់ ដែលបានចាប់ផ្ដើមកាលពីពាក់កណ្ដាលខែមេសា បានរុញប្រព័ន្ធអប់រំដែលកំពុងទុនខ្សោយស្រាប់ផងនោះ ឲ្យដួលរលំ ដោយមានសាលាជាច្រើន បានបិទទ្វារ ឬ យកធ្វើជាកន្លែងស្នាក់នៅសម្រាប់ជនភៀសខ្លួន ហើយ ការប្រឡងបញ្ចប់ឆ្នាំថ្នាក់ជាតិសំខាន់បំផុត ត្រូវបានលុបចោល។ ជម្លោះនេះបានបង្កឲ្យមានការប្រយុទ្ធគ្នារាល់ថ្ងៃ នៅតាមផ្លូវនានាក្នុងរដ្ឋធានៅខាទុំ (Khartoum) ជាការកម្រើកឡើងវិញនៃការវាយប្រហារដែលមានគោលដៅជនជាតិភាគតិចនៅក្នុងតំបន់ ដាហ្វួរ (Darfur) និងការផ្លាស់ទីលំនៅរបស់មនុស្សជាង៤ លាននាក់នៅក្នុងប្រទេសស៊ូដង់ និងឆ្លងកាត់ព្រំដែនរបស់ខ្លួនចូលទៅកាន់ប្រទេសជិតខាងផ្សេងទៀត ។ យោងតាមអង្គការសហប្រជាជាតិ សាលារៀនយ៉ាងហោចណាស់៨៩កន្លែង ទូទាំងរដ្ឋចំនួន៧ កំពុងត្រូវបានប្រើប្រាស់ជាជម្រកសម្រាប់ពលរដ្ឋភៀសខ្លួន ដោយបង្កើនក្ដីបារម្ភថា កុមារជាច្រើននឹងពុំមានឱកាសចូលសាលានៅឆ្នាំសិក្សាថ្មីនិងអាចង្កឲ្យមានការកេញ្ចប្រវ័ញ្ចពលកម្មនិងរំលោភបំពានលើកុមារ។ កាលពីថ្ងៃពុធសប្ដាហ៍នេះ រដ្ឋមន្ត្រីក្រសួងអប់រំ បានលុបចោលការប្រលងបញ្ចប់ឆ្នាំដ៏សំខាន់នៅតាមសាលា នៅក្នុងតំបន់ទាំងឡាយដែលរងផលប៉ះពាល់ដោយសារសង្គ្រាម ។ មនុស្សមួយចំនួនក្នុងចំណោមអ្នកទាំងឡាយដែលបានរត់គេចចេញពីប្រទេសស៊ូដង់ កំពុងព្យាយាមចូលទៅសិក្សានៅតាមសាលារៀន និងសាកលវិទ្យាល័យនានានៅខាងក្រៅព្រំដែនរបស់ខ្លួន រួមទាំង នៅក្នុងប្រទេសអេហ្ស៊ីប ។ ប៉ុន្តែ នៅក្នុងប្រទេសឆាដវិញ ជាទីដែលមានជនភៀសខ្លួនជាង៣៧៧.០០០នាក់ បានទៅដល់ ពុំមានជម្រើសបែបនេះឡើយ។ លោក អារ៉ាហ្វា អ៊ីប្រាហ៊ីម (Arafa Ibrahim)ដែលជានិសិត្សពេទ្យជនជាតិស៊ូដង់ម្នាក់ នៅក្នុងប្រទេសឆាដ បាននិយាយថា ពួកគេ នឹងវិលទៅរកចំណុចសូន្យ ប្រើសិនបើ ពួកគេពុំបានរៀនសូត្រអ្វីសោះនោះ។ យោងតាមអង្គការជួយសង្រ្គោះកុមារ Save the children ពេលនេះ ចំនួនកុមារពុំបានចូលសាលាបានកើនឡើងពី៦ ,៩ លាននាក់ ដល់ ៩លាននាក់ ខណៈដែលកុមារគ្រប់អាយុចូលសាលារៀនជាង១លាននាក់ បានភៀសខ្លួន និងសាលារៀន យ៉ាងហោចណាស់សាលារៀនចំនួន ១០.៤០០កន្លែង ត្រូវបានបិទទ្វារ ចាប់តាំងពីការវាយប្រយុទ្ធគ្នាបានចាប់ផ្ដើម៕

អ៊ុយក្រែន នឹងបើកច្រករបៀងមនុស្សធម៌សម្រាប់នាវាដែលជាប់គាំងនៅក្នុងកំពង់ផែសមុទ្រខ្មៅ

2023/08/11 06:03:07 pm        136
អ៊ុយក្រែន៖ ប្រទេសអ៊ុយក្រែន បានប្រកាសថា ខ្លួននឹងបើកច្រករបៀងមនុស្សធម៌ នៅក្នុងសមុទ្រខ្មៅ ដើម្បីបញ្ចេញនាវាដឹកទំនិញដែលជាប់នៅក្នុងកំពង់ផែរបស់ខ្លួន ចាប់តាំងពីការផ្ទុះសង្រ្គាមដែលជាការសាកល្បងថ្មីនៃការបិទផ្លូវរបស់រុស្ស៊ី ចាប់តាំងពីទីក្រុងមូស្គូ បានបោះបង់ចោលកិច្ចព្រមព្រៀង កាលពីខែមុន ដើម្បីអនុញ្ញាតឲ្យទីក្រុងគីវនាំចេញគ្រាប់ធញ្ញជាតិពីកំពង់ផែសមុទ្ររបស់ខ្លួន។យ៉ាងហោចណាស់ពីដំបូង ច្រករបៀងដែលត្រូវបានប្រកាសកាលពីថ្ងៃព្រហស្បតិ៍ នឹងអនុវត្តចំពោះនាវាដូចជានាវាដឹកកុងតេន័រ ដែលបានជាប់គាំងនៅក្នុងកំពង់ផែអ៊ុយក្រែន ចាប់តាំងពីការឈ្លានពានខែកុម្ភៈឆ្នាំ២០២២ដោយប្រទេសរុស្ស៊ី ហើយមិនត្រូវបានគ្របដណ្តប់ដោយកិច្ចព្រមព្រៀងដែលបើកច្រកកំពង់ផែសម្រាប់ការដឹកជញ្ជូនគ្រាប់ធញ្ញជាតិទេ កាលពីឆ្នាំមុន។ប៉ុន្តែវាអាចជាការសាកល្បងដ៏សំខាន់នៃសមត្ថភាពរបស់អ៊ុយក្រែនក្នុងការបើកផ្លូវសមុទ្រឡើងវិញ នៅពេលដែលរុស្ស៊ីកំពុងព្យាយាមដាក់ការបិទផ្លូវមិនឲ្យចេញចូលជាថ្មី ដោយបានបោះបង់ចោលកិច្ចព្រមព្រៀងគ្រាប់ធញ្ញជាតិ កាលពីខែមុន។ ប្រភពនៃការដឹកជញ្ជូន និងធានារ៉ាប់រង បានបង្ហាញពីការព្រួយបារម្ភអំពីសុវត្ថិភាព។សារព័ត៌មានក្នុងស្រុក The Kyiv Independent បានរាយការណ៍ថា កងទ័ពជើងទឹកអ៊ុយក្រែន បានព្រមានថា ការគំរាមកំហែងផ្នែកយោធាពីប្រទេសរុស្ស៊ី ក៏ដូចជាគ្រាប់មីនសមុទ្រ នៅតែមាននៅតាមបណ្តោយផ្លូវដឹកជញ្ជូនទាំងអស់នោះ៕

លោក Biden ប្រៀបធៀបប្រទេសចិនទៅនឹង«គ្រាប់បែកកំណត់ម៉ោងផ្ទុះ» ដោយសារបញ្ហាសេដ្ឋកិច្ច

2023/08/11 05:58:04 pm        97
អាមេរិក៖ ប្រធានាធិបតីសហរដ្ឋអាមេរិកលោក Joe Biden កាលពីថ្ងៃព្រហស្បតិ៍ បានប្រៀបធៀបប្រទេសចិនទៅនឹង«គ្រាប់បែកកំណត់ម៉ោងផ្ទុះ» ដោយសារតែបញ្ហាប្រឈមផ្នែកសេដ្ឋកិច្ចរបស់ខ្លួន និងបាននិយាយថា ប្រទេសនេះកំពុងជួបបញ្ហាដោយសារតែកំណើនខ្សោយ។ ពួកគេមានបញ្ហាមួយចំនួន។ លោក Biden និយាយនៅក្នុងកម្មវិធីរៃអង្គាសថវិកានយោបាយនៅរដ្ឋ Utah ថា បញ្ហានេះមិនល្អនោះទេ ព្រោះនៅពេលដែលមនុស្សអាក្រក់មានបញ្ហា ពួកគេធ្វើអាក្រក់។ ការថ្លែងលើកឡើងរបស់លោក Biden គឺបានរំឮកដល់ការអត្ថាធិប្បាយដែលលោកបានធ្វើឡើងនៅកម្មវិធីរៃអង្គាសថវិកាមួយផ្សេងទៀតកាលពីខែមិថុនា នៅពេលដែលលោកបាននិយាយសំដៅទៅលើប្រធានាធិបតីលោក Xi Jinping ថាជា «ជនផ្តាច់ការ»។ ប្រទេសចិនបានចាត់ទុកការលើកឡើងនេះថាជាការញុះញង់។ការអត្ថាធិប្បាយទាំងនេះ បានធ្វើឡើងភ្លាមៗបន្ទាប់ពីរដ្ឋមន្ត្រីការបរទេសសហរដ្ឋអាមេរិកលោក Antony Blinken បានបញ្ចប់ដំណើរទស្សនកិច្ចទៅកាន់ប្រទេសចិនក្នុងគោលបំណងធ្វើឲ្យមានស្ថិរភាពទំនាក់ទំនងដែលទីក្រុងប៉េកាំងបានចាត់ទុកថាកំពុងស្ថិតនៅចំណុចទាបបំផុតចាប់តាំងពីទំនាក់ទំនងផ្លូវការត្រូវបានបង្កើតឡើងក្នុងឆ្នាំ ១៩៧៩។ វិស័យសម្រាប់អ្នកប្រើប្រាស់របស់ប្រទេសចិន បានធ្លាក់ចូលទៅក្នុងឱនភាព ហើយតម្លៃផលិតផលចេញពីរោងចក្របានបន្តធ្លាក់ចុះកាលពីខែកក្កដា។ ប្រទេសចិន អាចនឹងឈានចូលដល់យុគសម័យនៃកំណើនសេដ្ឋកិច្ចយឺតខ្លាំងដោយតម្លៃទំនិញប្រើប្រាស់និងប្រាក់ឈ្នួលដែលនៅទ្រឹង។សហរដ្ឋអាមេរិកដែលជាប្រទេសមានសេដ្ឋកិច្ចធំបំផុតរបស់ពិភពលោក បានប្រយុទ្ធប្រឆាំងអតិផរណាខ្ពស់និងបានមើលឃើញទីផ្សារការងាររឹងមាំ។ លោក Biden បាននិយាយកាលពីថ្ងៃព្រហស្បតិ៍ថា ប្រទេសចិនកំពុងជួបបញ្ហា។ លោកនិយាយថា លោកមិនចង់ធ្វើឲ្យប៉ះពាល់ដល់ប្រទេសចិននោះទេ ហើយចង់បានទំនាក់ទំនងសមរម្យជាមួយប្រទេសនេះ៕

មជ្ឈមណ្ឌលតស៊ូជាតិ(NRC)៖សមយុទ្ធយោធារបស់ក្រុមទាហានស៊ីឈ្នួលWagner នៅប្រទេសបេឡា រុស មានបំណងដាក់ការគាបសង្កត់ទៅលើកងកម្លាំងប៉ូឡូញ

2023/08/11 05:55:31 pm        90
អ៊ុយក្រែន​៖ មជ្ឈមណ្ឌលតស៊ូជាតិ ឬ NCR នៃអង្គការការពារស៊ីវិលរដ្ឋអ៊ុយក្រែន បានរាយការណ៍កាលពីថ្ងៃទី១០ ខែសីហាថា ក្រុមហ៊ុនទាហានស៊ីឈ្នួលWagner របស់រុស្ស៊ី កំពុងធ្វើសមយុទ្ធនៅតាមព្រំដែនប៉ូឡូញ-បេឡា  រុស ដើម្បីឲ្យបង្កើនវត្តមានរបស់កងទ័ពប៉ូឡូញ។  មជ្ឈមណ្ឌលនេះ បានឲ្យដឹងថា ទាហានស៊ីឈ្នួលរុស្ស៊ីប្រហែល២៥០នាក់ ត្រូវបានដាក់ពង្រាយនៅទីនោះ ដែលបង្ហាញថា ជនជាតិរុស្ស៊ី កំពុងធ្វើប្រតិបត្តិការតាមលក្ខណៈចិត្តសាស្ត្រ ដើម្បីបង្កើនភាពតានតឹងជាជាងធ្វើការវាយប្រហារធ្ងន់ធ្ងរ។មុននេះ NRC បានកត់សម្គាល់ថា ការបង្កើតជំរំដើម្បីផ្តល់ជម្រកដល់ទាហានស៊ីឈ្នួល Wagner ប្រហែល ១.០០០នាក់ បានចាប់ផ្តើម នៅអាកាសយានដ្ឋានហ្ស៊ីអាប្រូវកា( Zyabrovka) នៅក្នុងប្រទេសបេឡា    រុស។តាមភាពជាក់សែ្តង ប្រទេសរុស្ស៊ីមានផែនការប្រើប្រាស់ក្រុមទាហានស៊ីឈ្នួល Wagner របស់ PMC [ក្រុមហ៊ុនយោធាឯកជន] ដើម្បីក្លែងធ្វើសកម្មភាពបំផ្លិចបំផ្លាញនៅតាមព្រំដែនរបស់ប្រទេសបេឡារុសជាមួយតំបន់ឈើនីហ៊ីវ (Chernihiv)និងបណ្តាប្រទេសសហភាពអឺរ៉ុប៕

ពលរដ្ឋនីហ្សេ ច្រានចោលផែនការអន្តរាគមន៍យោធា ខណៈប្រទេសជិតខាងភាគខាងត្បូងអំពាវនាវឱ្យមានសន្តិភាព

2023/08/11 05:48:55 pm        92
នីហ្សេ៖ ប្លុកសហគមន៍សេដ្ឋកិច្ចប្រទេសអាហ្រ្វិកខាងលិច (ECOWAS) កាលពីថ្ងៃព្រហស្បតិ៍ បានបញ្ជាឱ្យធ្វើឱ្យសកម្មរបស់កងកម្លាំងរង់ចាំសម្រាប់ការប្រើប្រាស់ដែលអាចធ្វើទៅបានប្រឆាំងរបបយោធាដែលបានដណ្តើមអំណាចនៅប្រទេសនីហ្សេកាលពីខែកក្កដា ដោយនិយាយថាខ្លួនចង់បានការស្ដារឡើងវិញដោយសន្តិវិធីនូវលទ្ធិប្រជាធិបតេយ្យ ប៉ុន្តែជម្រើសទាំងអស់រួមទាំងកម្លាំងគឺនៅលើតុ។ការគំរាមកំហែងនៃការវាយលុក ទោះបីជាពុំជាក់លាក់ក៏ដោយ វានឹងនៅតែមានភាពតានតឹងខ្ពស់នៅក្នុងនិងជុំវិញប្រទេសនីហ្សេ ជាប្រទេសផលិតអ៊ុយរ៉ាញ៉ូម ដែលទោះបីជារដ្ឋប្រហារជាការជាប់ទាក់ទងដ៏សំខាន់របស់ប្រទេសលោកក្នុងការប្រយុទ្ធប្រឆាំងក្រុមបះបោរអ៊ីស្លាមនិយមដែលបំផ្លិចបំផ្លាញតំបន់ Sahel ក៏ដោយ។ របបយោធាដែលបានដណ្តើមអំណាចកាលពីថ្ងៃទី ២៦ ខែកក្កដា បានផ្គើនទៅនឹងកាលបរិច្ឆេទកំណត់ថ្ងៃទី ៦ ខែសីហា ដើម្បីឲ្យប្រគល់អំណាចត្រឡប់មកវិញ ដែលកំណត់ដោយសហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) ដែលនេះជំនួសឱ្យការបិទដែនអាកាសរបស់នីហ្សេ និងប្តេជ្ញាការពារប្រទេសប្រឆាំងការវាយប្រហារពីបរទេសណាមួយ៕

ប្រជាពលរដ្ឋអេក្វាឌ័រ តក់ស្លុត ដោយសារការបាញ់សម្លាប់បេក្ខភាពប្រធានាធិបតី ខណៈមានការតវ៉ា

2023/08/11 05:31:37 pm        67
អេក្វាឌ័រ៖ ក្រុមអ្នកស្រុកក្នុងរដ្ឋធានីរបស់ប្រទេសអេក្វាឌ័រត្រូវបានបង្ហាញការខឹងសម្បា និងភ័យខ្លាចកាលពីថ្ងៃព្រហស្បតិ៍ ទី១០ សីហា ដោយសារការធ្វើឃាតបេក្ខជនប្រធានាធិបតី លោក ហ្វើណានដូ វីឡាវីសេនស៊ីយ៉ូ (Fernando Villavicencio)។លោក វីឡាវីសេនស៊ីយ៉ូ ដែលជាអ្នករិះគន់អំពីអំពើពុករលួយ និងឧក្រិដ្ឋកម្មដែលមានអង្គការចាត់តាំង ត្រូវបានគេបាញ់សម្លាប់កាលពីថ្ងៃពុធ ៩ សីហា អំឡុងពេលព្រឹត្តិការណ៍យុទ្ធនាមួយនៅការល្ងាចនៅភាគខាងជើងរដ្ឋធានីគីតូ។ ប្រជាជនអេក្វាឌ័របាននិយាយថា ឃាតកម្មលើរូបលោក ឆ្លុះបញ្ចាំងពីរលកនៃអសន្តិសុខនៅក្នុងប្រទេសអាមេរិកខាងត្បូងមួយនេះ ហើយនាំមកនូវបញ្ហានៃការកើនឡើងអំពើហិង្សា។ ក្រុមអ្នកស្រុកអំពាវនាវឲ្យរដ្ឋាភិបាលថ្នាក់ជាតិចាត់វិធានការទប់ស្កាត់បទល្មើសឧក្រិដ្ឋកម្មបែបនេះ។អំពើហិង្សានៅក្នុងប្រទេសអេក្វាឌ័រ បានកើនឡើងក្នុងរយៈពេលប៉ុន្មានឆ្នាំចុងក្រោយនេះ ជាពិសេសនៅក្នុងទីក្រុងនានានៅតាមបណ្តោយច្រកជួញដូរគ្រឿងញៀនដូចជា ទីក្រុង ហ្គូយ៉ាឃ្វីល(Guayaquil) និង ទីក្រុងអ៊ីស្មេរ៉ាលដាស( Esmeraldas) ជាកន្លែងដែលពលរដ្ឋនិយាយថាពួកគេរស់នៅក្នុងភាពភ័យខ្លាច។ក្រុមអ្នកតវ៉ាពោពេញដោយកំហឹង បានប្រមូលផ្តុំគ្នានៅខាងក្រៅគ្លីនិក ជាទីដែលលោក ណានដូ វីឡាវីសេនស៊ីយ៉ូ បានស្លាប់បន្ទាប់ពីលោកត្រូវបានគេបាញ់នៅក្នុងព្រឹត្តិការណ៍យុទ្ធនាការមួយប៉ុន្មានម៉ោងមុន។ ការដង្ហែក្បួនជាច្រើនផ្សេងទៀតបានចាប់ផ្តើមនៅក្នុងទីក្រុងផ្សេងទៀត រួមទាំងស្រុក អាឡូស (Alaus) ដែលជាស្រុកកំណើតរបស់ លោកផងដែរ៕

ជនសង្ស័យដែលត្រូវបាញ់សម្លាប់និងមនុស្ស៦នាក់ដែលត្រូវបានឃុំខ្លួនពាក់ព័ន្ធករណីធ្វើឃាតបេក្ខជនប្រធានាធិបតីអេក្វាឌ័រ គឺជាជនជាតិកូឡុំប៊ី

2023/08/11 04:51:02 pm        137
អេក្វាឌ័រ៖ នគរបាលអេក្វាឌ័រ បានបញ្ជាក់កាលពីថ្ងៃព្រហស្បតិ៍ថា ជនជាតិបរទេសចំនួន៦នាក់ ដែលត្រូវបានឃុំខ្លួនសម្រាប់ការពាក់ព័ន្ធរបស់ពួកគេ ក្នុងការធ្វើឃាត បេក្ខជនប្រធានាធិបតី អេក្វាឌ័រលោក ហ្វើណានដូ វីឡាវីសេនស៊ីយ៉ូ (Fernando Villavicencio)គឺជាជនជាតិកូឡុំប៊ី ។  ដំបូងឡើយរដ្ឋមន្ត្រីក្រសួងមហាផ្ទៃលោក វ៉ាន់ ហ្សាផាតា(Juan Zapata) បានចង្អុលបង្ហញថា ជនសង្ស័យទាំងអស់ក្នុងករណីបាញ់សម្លាប់លោក វីឡាវីសេនស៊ីយ៉ូ គឺជាជនបរទេសទាំងអស់។ លោក វីឡាវីសេនស៊ីយ៉ូ ដែលជាអ្នករិះគន់ដ៏ចាស់ដៃមួយរូប លើអំពើពុករលួយ និងឧក្រិដ្ឋកម្មដែលបានរៀបចំ ត្រូវបានគេបាញ់សម្លាប់នៅក្នុងព្រឹត្តិការណ៍ជួបជុំយុទ្ធនាការបោះឆ្នោតកាលពីល្ងាចថ្ងៃពុធ នៅក្រសួងអប់រំក្នុងរដ្ឋធានីគីតូ ភាគខាងជើង។ ជនសង្ស័យទី៧ម្នាក់ ដែលបានស្លាប់កាលពីថ្ងៃពុធដោយសាររបួសគ្រាប់កាំភ្លើងក្នុងពេលបាញ់តបតជាមួយនគរបាលក៏ជាជនជាតិកូឡុំប៊ី ដែរ។ ការជាប់ពាក់ព័ន្ធរបស់ជនជាតិកូឡុំប៊ីទាំងនេះ ក្នុងឃាតកម្មពេលនេះ ធ្វើឲ្យគេនឹកឃើញដល់ការស្លាប់របស់លោកប្រធានាធិបតីហៃទី ចូវ៉េណេល ម័រអ៊ីស(Jovenel Moise) ដែលត្រូវបានធ្វើឃាតដល់ក្នុងផ្ទះរបស់លោកដោយមនុស្សមួយក្រុមដែលរួមទាំងជនជាតិកូឡុំប៊ី ចំនួន២៦នាក់ និងជនជាតិហៃទីមានសញ្ជាតិអាមេរិកចំនួន២នាក់ ផងដែរ៕

បណ្ដាញសង្គម

ព័ត៌មានថ្មីៗ

ប្រធានរដ្ឋសភាស្តីទី ថ្លែងអំណរគុណម៉ាឡេស៊ីចំពោះតួនាទីសម្របសម្រួលបទឈប់បាញ់ និងបញ្ជាក់ជំហរការពារបូរណភាពទឹកដីផ្អែកលើច្បាប់អន្តរជាតិ
11/18/2026 05:11 PM
ប្រមុខការពារជាតិកម្ពុជា អញ្ជើញទទួលបដិសណ្ឋារកិច្ច និងគារវកិច្ចស្វាគមន៍រដ្ឋមន្ត្រីក្រសួងការពារប្រទេសឡាវអញ្ជើញមកបំពេញទស្សនកិច្ចផ្លូវការនៅកម្ពុជា
11/18/2026 05:11 PM
លោក Xi ស្វាគមន៍ដោយផ្ទាល់​ ពេលលោក Trump ទៅ​ដល់​ ដើម្បី​ចូលរួម​​​កិច្ចប្រជុំ APEC និងកិច្ចពិភាក្សា​ត្រីភាគី
11/18/2026 05:11 PM
សម្ព័ន្ធ​ដឹកនាំដោយអារ៉ាប៊ីសាអ៊ូឌីត បំផ្លាញ​ ៦០គោលដៅ​របស់​ក្រុម​ហ៊ូទី​នៅ​យេម៉ែន និងស្ទាក់ចាប់​មីស៊ីល
11/18/2026 05:11 PM
អ៊ីរ៉ង់៖ កងទ័ពស្ថិតក្នុងការប្រុងប្រយ័ត្នខ្ពស់ក្រោយនាវាផ្ទុកយន្តហោះអាមេរិកទៅដល់មជ្ឈឹមបូព៌ា
11/18/2026 04:11 PM
រដ្ឋមន្ត្រីការបរទេសកម្ពុជាកោតសរសើរម៉ាឡេស៊ីកាលជាប្រធានអាស៊ានឆ្នាំ២០២៥ ជួយបន្សាបនៅភាពតឹនតឹង
11/18/2026 04:11 PM
ក្រុមប្រឹក្សាសន្តិភាព ព្រមានថាបទឈប់បាញ់នៅហ្កាហ្សា ប្រឈមការដួលរលំឆាប់ៗបើគ្មានចំណាត់ការ
11/18/2026 04:11 PM
អង្គការសុវត្ថិភាពនុយក្លេអ៊ែរ ព្រមានពីហានិភ័យកាន់តែខ្លាំងនៃគ្រោះថ្នាក់នុយក្លេអ៊ែរនៅអ៊ុយក្រែនក្នុងរដូវរងា
11/18/2026 04:11 PM
សហជីព កម្ពុជា-ចិន សហការគ្នាបើកសិក្ខាសាលាពង្រឹងជំនាញកាត់ដេរ និងបច្ចេកទេសចិញ្ចឹមត្រីដល់កម្មករនិយោជិត
11/18/2026 04:11 PM
កម្ពុជា-សហភាពអឺរ៉ុប បើកកិច្ចសន្ទនារវាងសាកលវិទ្យាល័យ វិទ្យាស្ថានស្រាវជ្រាវ និងវិស័យឯកជននៅកម្ពុជា និងអឺរ៉ុប ដើម្បីតភ្ជាប់ការអប់រំ និងការបណ្តុះបណ្តាលជំនាញឆ្លើយតបតម្រូវការឧស្សាហកម្ម
11/18/2026 04:11 PM