នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ការប៉ុនប៉ងរបស់លោកត្រាំ ក្នុងការធ្វើមោឃភាពការស៊ើបអង្កេតរបស់រដ្ឋ Georgia ត្រូវបានច្រានចោលដោយចៅក្រម

2023/08/01 07:54:51 pm        95
Facebook Telegram Linkin
អាមេរិក៖ ចៅក្រមរដ្ឋ Georgia កាលពីថ្ងៃចន្ទបានច្រានចោលការប៉ុនប៉ងរបស់អតីតប្រធានាធិបតីលោក Donald Trump ក្នុងការធ្វើមោឃភាពការស៊ើបអង្កេតមួយទៅលើករណីថាតើលោកជ្រៀតជ្រែងដោយខុសច្បាប់ក្នុងការបោះឆ្នោតឆ្នាំ២០២០ របស់រដ្ឋនេះឬយ៉ាងណា រយៈពេលត្រឹមតែប៉ុន្មានថ្ងៃប៉ុណ្ណោះ មុនពេលការចោទប្រកាន់ពីបទឧក្រិដ្ឋ ដែលត្រូវបានគេរំពឹងថានឹងត្រូវធ្វើឡើង។ ចៅក្រមតុលាការជាន់ខ្ពស់តំបន់ Fulton លោក Robert McBurney បានបដិសេធសំណើរបស់លោកត្រាំក្នុងការដកសិទ្ធិរដ្ឋអាជ្ញាឈានមុខ រារាំងការចោទប្រកាន់សំខាន់ៗ និងច្រានចោលរបាយការណ៍គណៈវិនិច្ឆ័យ ដែលរួមមានការផ្តល់យោបល់ទៅលើអ្នកដែលនឹងត្រូវចោទប្រកាន់។ របាយការណ៍នៅតែត្រូវបានបញ្ជាក់ក្រោមបទបញ្ជារបស់លោក McBurney ដែលកំពង់រង់ចាំបទចោទប្រកាន់លើករណី ជាបញ្ហាផ្លូវច្បាប់ដែលលោកត្រាំត្រូវប្រឈមតតាំង។ ដោយឡែកនៅក្នុងទីក្រុង Miami ជំនួយការរបស់លោកត្រាំបានបង្ហាញខ្លួននៅក្នុងតុលាការសហព័ន្ធកាលពីថ្ងៃចន្ទដើម្បីប្រឈមនឹងបទចោទតប្រកាន់នានា ដែលលោក បានជួយអតីតប្រធានាធិបតីរូបនេះក្នុងការលាក់បាំងឯកសារសម្ងាត់ ដោយការលុបវីដេអូកាំម៉េរ៉ាសុវត្ថិភាព។ មេធាវីប្រចាំតំបន់ Fulton លោកស្រី Fani Willis បានបញ្ជាក់ថា លោកស្រីមានបំណងស្នើឲ្យគណៈវិនិច្ឆ័យ អនុម័តបទចោទប្រកាន់នានា ក្នុងពេលណាមួយ ក្នុងរយៈពេល៣សប្តាហ៍បន្ទាប់ ដោយប្រាប់ចៅក្រមថា បុគ្គលិករបស់លោកស្រីនឹងធ្វើការពីចម្ងាយជាការប្រុងប្រយ័ត្នជាមុនផ្នែកសុវត្ថិភាព។ របាំងសន្តិសុខត្រូវបានតម្លើងនៅខាងក្រៅបរិវេណតុលាការនៅតំបន់នេះកាលពីសប្តាហ៍មុន។ លោកត្រាំ បានបដិសេធការធ្វើខុសណាមួយ និងបានចោទប្រកាន់លោកស្រី Willis ជាមាជិកគណបក្សប្រជាធិបតេយ្យដែលបានជាប់ឆ្នោត ពីការជំរុញផ្នែកនយោបាយ៕

លោក Xi តែងតាំងប្រធានឃ្លាំងអាវុធនុយក្លេអ៊ែរចិនថ្មី

2023/08/01 07:28:08 pm        149
Facebook Telegram Linkin
ចិន៖ ប្រធានាធិបតីចិន លោក ស៊ី ជីនពីង ដែលជាអគ្គមេបញ្ជាការយោធាផងដែរនោះ កាលពីថ្ងៃចន្ទ ទី៣១ ខែកក្កដា បានតែងតាំងប្រធានកងកម្លាំងប្រដាប់អាវុធថ្មី ដែលគ្រប់គ្រងលើបញ្ហានុយក្លេអ៊ែរ និងមីស៊ីលធម្មតារបស់ប្រទេស មួយថ្ងៃ មុនថ្ងៃខួបនៃកងទ័ពរំដោះប្រជាជនចិន(PLA)។ លោក វ៉ាង ហុងហូពីន ( Wang Houbin) អតីតមេបញ្ជាការរងនៃកងទ័ពជើងទឹក ត្រូវបានតែងតាំងជាប្រធានថ្មីនៃកងកម្លាំងរ៉ុក្កែតរបស់PLA និងលោក ស៊ូ ស៊ីសឹង (Xu Xisheng) ដែលជាស្នងការនយោបាយថ្មីរបស់ខ្លួន ដោយបុរសទាំងពីរទទួលបានឋានៈជាឧត្តមសេនីយ៍ នេះបើយោងតាមប្រព័ន្ធផ្សព្វផ្សាយរដ្ឋ។រហូតដល់ការផ្លាស់ទៅកាន់កងកម្លាំងគ្រាប់រ៉ុក្កែតរបស់PLA លោកវ៉ាង បានក្លាយជាមេបញ្ជាការរងនៃកងទ័ពជើងទឹក តាំងពីឆ្នាំ ២០២០។ លោកក៏ធ្លាប់ជានាយសេនាធិការរងនៃកងទ័ពជើងទឹកផងដែរ។លោកស៊ូ ធ្លាប់ជាស្នងការរងនយោបាយនៃទីបញ្ជាការយុទ្ធសាស្ត្រភាគខាងត្បូង ដែលជាបញ្ជាការមួយក្នុងចំណោមទីបញ្ជាការទាំងប្រាំរបស់PLA។ប្រព័ន្ធផ្សព្វផ្សាយរដ្ឋ មិនបាននិយាយថា កន្លែងដែលប្រធានមុនរបស់កងកម្លាំងរ៉ុក្កែតរបស់ PLA គឺ លោក Li Yuchao (លី យូឆាវ) ត្រូវបានចាត់តាំងឡើងវិញ ឬ បញ្ជាក់ពីទីកន្លែងរបស់លោកនៅនោះទេ។

ប្រទេសប៊ួគីណាហ្វាសូ និងម៉ាលី ព្រមានទល់នឹងការធ្វើអន្តរាគមន៍ពីបរទេសក្រោយរដ្ឋប្រហារនៅនីហ្សេ

2023/08/01 07:25:19 pm        103
Facebook Telegram Linkin
នីហ្សេ៖ ប្រទេសប៊ួគីណាហ្វាសូ និងម៉ាលី បានព្រមានថា រាល់ការធ្វើអន្តរាគមន៍ណាមួយចូលក្នុងប្រទេសនីហ្សេដែលជាប្រទេសជិតខាងរបស់ខ្លួន នឹងត្រូវបានចាត់ទុកជាការប្រកាសសង្គ្រាម ប្រឆាំងនឹងប្រទេសទាំង២នេះ ជាសញ្ញាមួយបង្ហាញពីការគាំទ្រដល់ក្រុមមេដឹកនាំរដ្ឋប្រហារថ្មីៗក្នុងប្រទេសមួយនេះ។ នៅក្នុងសេចក្ដីថ្លែងការណ៍មួយកាលពីថ្ងៃចន្ទ រដ្ឋាភិបាលរបស់ប្រទេសម៉ាលី និងប៊ួគីណាហ្វាសូ ក៏បានច្រានចោលការអនុវត្តន៍ផងដែរនូវអ្វីដែលប្រទេសទាំង២ហៅថាជាការដាក់ទណ្ឌកម្មខុសច្បាប់ និងអមនុស្សធម៌ ប្រឆាំងនឹងប្រជាជននិងក្រុនអាជ្ញាធរនីហ្សេ។ សេចក្ដីថ្លែងការណ៍នេះ បាននិយាយថា រដ្ឋាភិបាលបណ្ដោះអាសន្នរបស់ប្រទេស ប៊ួគីណា ហ្វាសូ និងម៉ាលី បានបង្ហាញសាមគ្គីភាពដ៏មុះមុត របស់ខ្លួន និងរបស់ប្រជាជនប៊ួគីណា និងម៉ាលី ចំពោះប្រជាជននីហ្សេ ដែលបានសម្រេចចិត្តទទួលខុសត្រូវដ៏ពេញលេញក្នុងការគ្រប់គ្រងជោគវាសនា ក្នុងដៃរបស់ពួកគេនិងបន្តការពារអធិបេតយ្យភាពរបស់ពួកគេនៅចំពោះមុខប្រវត្តិសាស្ត្រ។  សារនេះ បានកើតមានឡើងមុនដល់មួយសប្ដាហ៍ផងទេ បន្ទាប់ពីក្រុមទាហានអង្គរក្សការពារប្រធានាធិបតី នីហ្សេ លោក មហាម៉េដ បាហ្សូម (Mohamed Bazoum)បានចាប់ឃុំខ្លួនមេដឹកនាំរូបនេះកាលពីថ្ងៃទី២៦ខែកក្កដា ដោយប្រកាសថាពួកគេបានបញ្ចប់រដ្ឋបាលរបស់លោកហើយ៕

លោក DeSantis សាកល្បងកែប្រែយុទ្ធសាស្រ្ត ឆ្នាំ២០២៤ ដើម្បីផ្តួលលោកTrump

2023/08/01 07:17:20 pm        119
Facebook Telegram Linkin
អាមេរិក៖ រសៀលថ្ងៃអាទិត្យ (ទី៣១ ខែកក្កដា) សម្រាប់លោក Ron DeSantis បានចាប់ផ្តើមនៅភោជនីយដ្ឋានមួយ។ អភិបាលរដ្ឋផ្លរីដា (Florida) រូបនេះ បានដើរចូលទៅក្នុងស្តង់មួយ ដើម្បីជជែកលេងជាមួយគូស្វាមីភរិយាថ្មីថ្មោង។ បន្ទាប់មក លោកបានសួរនាំនៅកន្លែងសាច់អាំងមួយ នៅខាងក្រៅរោងពណ៌ក្រហមតូចមួយ ជាទីដែលក្រុមអ្នកដើរកម្សាន្ត បានចូលមកអង្គុយទទួលទានហតដក ( hotdog) ។ថ្ងៃនៃការធ្វើយុទ្ធនាការរបស់លោក ដើម្បីទទួលបានការតែងតាំងតំណែងប្រធានាធិបតី ក្នុងគណបក្សសាធារណរដ្ឋឆ្នាំ២០២៤ បានបញ្ចប់នៅភោជនីយដ្ឋានលក់ម្ហូបបង្កង ដែលអាចមើលឃើញបឹង ជាទីដែលអ្នកដំណើរកម្សាន្ត បានថតរូបលោកកាន់ក្ដាមថ្មនៅក្នុងដៃ។នេះគឺជាថ្ងៃដំបូងនៃ«ការចាប់ផ្តើមឡើងវិញ» របស់លោក DeSantis សម្រាប់យុទ្ធនាការ នៅរដ្ឋ New Hampshire ( ញូវ ហែមស្ហៀ) ដែលជារដ្ឋលេខ២ ក្នុងប្រតិទិននៃការប្រកួតប្រជែងឈរឈ្មោះរបស់គណបក្សសាធារណរដ្ឋបន្ទាប់ពីរដ្ឋ Iowa។ ការឈ្នះនៅទាំងរដ្ឋ២ អាចផ្តល់សន្ទុះ ក្នុងការទប់ទល់នឹងលោក Donald Trump ដែលជាបេក្ខជននាំមុខ និងអតីតប្រធានាធិបតី។យោងតាមអ្នកដែលស្និទ្ធនឹងលោក DeSantis បានឲ្យដឹងថា ដោយបានចំណាយប្រាក់លឿនជាងការរំពឹងទុក គិតចាប់តាំងពីការប្រកាសបេក្ខភាពរបស់លោក កាលពីខែឧសភា និងបានបរាជ័យក្នុងការយកឈ្នះលើពិន្ទុនាំមុខប្រហែល ៣០ពិន្ទុរបស់លោក Trump នៅក្នុងការស្ទង់មតិនៃការប្រកួតប្រជែងបឋមរបស់គណបក្សសាធារណរដ្ឋ ឥឡូវនេះ អភិបាលរដ្ឋរូបនេះ កំពុងពឹងលើព្រឹត្តិការណ៍តូចៗ ដែលជាព្រឹត្តិការណ៍បន្ថែមភាពស្និទ្ធស្នាលជាងមុនជាមួយអ្នកបោះឆ្នោត៕

ពួកតាលីបង់ និងអាមេរិក បើកកិច្ចចរចាជាផ្លូវការលើកដំបូង ចាប់តាំងពីចូលកាន់កាប់អាហ្វហ្គានីស្ថាន

2023/08/01 07:10:44 pm        194
Facebook Telegram Linkin
តាលីបង់៖ ក្រុមមេដឹកនាំតាលីបង់ បានជួបជាមួយមន្ត្រីមកពីសហរដ្ឋអាមេរិកក្នុងប្រទេសកាតាជាលើកដំបូង ចាប់តាំងពីវិលត្រឡប់មកកាន់អំណាច នៅក្នុងប្រទេសអាហ្វហ្គានីស្ថាន កាលពីពីរឆ្នាំមុន។អ្នកនាំពាក្យក្រសួងការបរទេសអាហ្វហ្គានីស្ថាន បាននិយាយកាលពីថ្ងៃចន្ទថា ភាគីទាំងពីរ បានពិភាក្សាអំពីវិធានការកសាងទំនុកចិត្ត ក្នុងអំឡុងពេលកិច្ចពិភាក្សារយៈពេលពីរថ្ងៃ រួមទាំងការដកទណ្ឌកម្ម និងបម្រាមធ្វើដំណើរ ក៏ដូចជាការប្រគល់ទ្រព្យសម្បត្តិរបស់ធនាគារកណ្តាលអាហ្វហ្គានីស្ថាន ដែលត្រូវបានកាន់កាប់នៅបរទេស។លោកអាប់ឌុល កាហា បាឃី (Abdul Qahar Balkhi) បាននិយាយថា គណៈប្រតិភូ ក៏បានពិភាក្សាអំពីការប្រយុទ្ធប្រឆាំងនឹងគ្រឿងញៀន និងបញ្ហាសិទ្ធិមនុស្សផងដែរ។ពុំទាន់មានប្រទេសណាមួយ បានទទួលស្គាល់ពួកតាលីបង់ជាផ្លូវការទេ ចាប់តាំងពីការវិលត្រឡប់មក កាន់អំណាចមកវិញ។ក្រុមនេះ បានចូលមកកាន់អំណាច កាលពីខែសីហា ឆ្នាំ ២០២១ នៅពេលដែលរដ្ឋាភិបាលគាំទ្រដោយលោកខាងលិចរបស់ប្រទេសអាហ្វហ្គានីស្ថាន បានដួលរលំ បន្ទាប់ពីការដកខ្លួនរបស់សហរដ្ឋអាមេរិកចេញពីប្រទេសដ៏ចលាចលនេះ បន្ទាប់ពីជម្លោះ២០ឆ្នាំ។

អ្នកវិភាគ៖ ការស្វាគមន៍ការរិះគន់បែបស្ថាបនាពីថ្នាក់ដឹកនាំរាជរដ្ឋាភិបាលជាការប្រមូលផ្ដុំពហុគំនិត

2023/08/01 07:08:15 pm        148
Facebook Telegram Linkin
ភ្នំពេញ៖ អ្នកវិភាគ និងជាអ្នកជំនាញផ្នែកវិទ្យាសាស្ត្រនយោបាយ​ មើលឃើញថា ការប្រកាស​ស្វាគមន៍ និងការផ្ដល់តម្លៃចំពោះរាល់ការរិះគន់​ក្នុងគោលបំណងស្ថាបនា ​និងក្នុងចេតនាសុចរិត​ពី​មជ្ឈដ្ឋាននានា​របស់​ឯកឧត្ដមបណ្ឌិត ហ៊ុន ម៉ាណែត​ គឺ​ជា​ការប្រមូលផ្ដុំ​ពហុគំនិត និងការបើក​ចំហបេះដូងចំ​មតិរិះគន់នានា។ លោកបណ្ឌិត យង់ ពៅ អគ្គលេខាធិការរាជបណ្ឌិត្យសភាកម្ពុជា និងជាអ្នកជំនាញវិទ្យាសាស្ត្រ​នយោបាយ​បានគាំទ្រ​ចំពោះការលើកឡើងរបស់​ឯកឧត្ដមបណ្ឌិត ​ហ៊ុន ម៉ាណែត ទាក់ទងនឹង​អ្នករិះគន់​បែបសុចរិត និង​ទុច្ចរិត​ពីមជ្ឈដ្ឋាននានា ​ដោយលោក បានបញ្ជាក់ថា អ្នករិះគន់ខ្លះមិនមែន​ជាការរិះគន់ទេ​ ពីព្រោះការរិះគន់គឺជាការស្ថាបនា ​ប៉ុន្ដែការរិះគន់​ខ្លះ​មាន​ចរិក​ជា​សារ​ញុះញង់ បន្ទោសបង្អាប់​ និងជាន់ពន្លិចទៅវិញ។ ចំណែកលោក សួន សេរីរដ្ឋា ប្រធានវេទិកាសន្តិភាពកម្ពុជា មើលឃើញ ​ការលើកឡើងរបស់​ឯកឧត្ដមបណ្ឌិត ហ៊ុន ម៉ាណែត ​បេក្ខភាពនាយករដ្ឋមន្រ្ដីនៃកម្ពុជាសម្រាប់អាណត្តិទី៧ ទាក់ទង​នឹងការប្រកាសស្វាគមន៍​ និងផ្ដល់តម្លៃ ចំពោះរាល់ការរិះគន់​ ក្នុងគោលបំណងស្ថាបនា និង​ក្នុងចេតនា​សុចរិតនេះ គឺជាការបើកចំហបេះដូងរបស់ថ្នាក់​ដឹកនាំ​ក្នុងការប្រមូលផ្ដុំធនធានមនុស្ស និងគំនិតល្អៗដើម្បីចូលរួម​អភិវឌ្ឍន៍​ប្រទេសកម្ពុជា។សូមជម្រាបថា ​បេក្ខភាពនាយករដ្ឋមន្រ្ដីកម្ពុជាក្នុងអាណត្តិទី៧​ ឯកឧត្ដមបណ្ឌិត ហ៊ុន ម៉ាណែត បានសរសេរនៅ​លើបណ្ដាញសង្គមហ្វេសប៊ុក ​និងតេឡេក្រាមកាលពីថ្ងៃទី ៣១​ ខែកក្កដា ឆ្នាំ ២០២៣​នេះ ដោយបានប្រកាសស្វាគមន៍ ​និងផ្ដល់តម្លៃចំពោះការរិះគន់​បែបស្ថាបនានេះ និង​បដិសេធចំពោះការប្រឌិតបញ្ហា ​ដើម្បីបង្កាច់បង្ខូចក្នុងចេតនាទុច្ចរិត ៕អត្ថបទ៖ វ៉ន ដារ៉ា

ក្រុមពលរដ្ឋជប៉ុន និងកូរ៉េខាងត្បូង ប្រមូលផ្តុំគ្នាប្រឆាំងនឹងផែនការបញ្ចេញទឹកសំណល់នុយក្លេអ៊ែរ

2023/08/01 07:06:59 pm        134
Facebook Telegram Linkin
ជប៉ុន៖ ក្រុមពលរដ្ឋជប៉ុន និងកូរ៉េខាងត្បូងកាលពីថ្ងៃចន្ទ បានប្រមូលផ្តុំគ្នានៅមុខនិវេសនដ្ឋានរបស់នាយករដ្ឋមន្ត្រីក្នុងទីក្រុងតូក្យូ ដើម្បីតវ៉ាប្រឆាំងនឹងការសម្រេចចិត្តរបស់ប្រទេសជប៉ុនក្នុងការបញ្ចេញទឹកកខ្វក់នុយក្លេអ៊ែរចេញពីរោងចក្រថាមពលនុយក្លេអ៊ែរហ្វូគូស៊ីម៉ាដាយអ៊ិឈិ (Fukushima Daiichi)ចូលទៅក្នុងសមុទ្រ។ក្រុមអ្នកតវ៉ាមកពីប្រទេសទាំងពីរ បានលើកបដាដែលសរសេរថា«ពលរដ្ឋកូរ៉េ និងជប៉ុនប្រឆាំងការបង្ហូរទឹកកខ្វក់នុយក្លេអ៊ែរ ចូលទៅក្នុងសមុទ្រ» និង«រដ្ឋាភិបាលជប៉ុន គួរតែលុបចោលជាបន្ទាន់នូវការបង្ហូរទឹកកខ្វក់នុយក្លេអ៊ែរទៅក្នុងសមុទ្រ»។បាតុករខ្លះ បាននិយាយថា ការសន្យារបស់រដ្ឋាភិបាលជប៉ុន ក្នុងសម្លាប់មេរោគក្នុងទឹកដែលបំពុលដោយនុយក្លេអ៊ែរ មុនពេលបញ្ចេញវាទៅក្នុងសមុទ្រ គឺមិនសមហេតុផលទាល់តែសោះ ព្រោះវានឹងនៅតែបំផ្លាញបរិស្ថានសមុទ្រ។អ្នកតវ៉ាម្នាក់មកពីក្រុមពលរដ្ឋជប៉ុន បាននិយាយថា៖ខ្ញុំគិតថា វាជាការលេងសើច ដែលនិយាយថា ទឹកកខ្វក់នុយក្លេអ៊ែរ ត្រូវបានសម្លាប់មេរោគ មុនពេលត្រូវបានបញ្ចេញនោះ។ វាដូចគ្នាថាតើទឹកទាំងនោះសម្លាប់មេរោគឬអត់ ដោយសារបរិមាណសារធាតុវិទ្យុសកម្មសរុបដែលបញ្ចេញចូលទៅក្នុងសមុទ្រ នឹងមិនផ្លាស់ប្តូរទេ៕

គ.ជ.ប៖ លទ្ធផលបណ្ដោះអាសន្ន គណបក្សប្រជាជនទទួលបានសន្លឹកឆ្នោតជាង៦លាន

2023/08/01 06:54:38 pm        177
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃនេះ បានប្រកាសលទ្ធផល​បណ្ដោះអាសន្ន នៃការបោះឆ្នោតជ្រើសតាំងតំណាងរាស្ត្រ ​នីតិកាលទី៧ ឆ្នាំ២០២៣ ដែល​បានបង្ហាញថា គណបក្សប្រជាជនកម្ពុជា ​ទទួលបានសំឡេងឆ្នោតគាំទ្រ​រហូត​ដល់ជាង៦លាន ។លទ្ធផលបណ្តោះអាសន្នរបស់ គ.ជ.ប បានឱ្យដឹងថា ក្នុងការបោះឆ្នោតជាតិជ្រើសតាំងតំណាងរាស្រ្ត នីតិកាលទី៧ ​កាលពីថ្ងៃទី២៣ ខែកក្កដា ឆ្នាំ២០២៣ មានប្រជាពលរដ្ឋ ​ប្រមាណជាង៨លាននាក់ បាន​ទៅបោះឆ្នោត ក្នុងនោះមានសន្លឹកឆ្នោតបានការ​ សរុបជាង​ ៧លាន៧សែន និង​សន្លឹកឆ្នោតមិនបានការសរុបចំនួនជាង៤៤ម៉ឺនសំឡេង ។គ.ជ.ប បានបញ្ជាក់ថា ក្នុងការបោះឆ្នោតនេះ ​គណបក្សប្រជាជនកម្ពុជា ទទួលបានសំឡេងគាំទ្រ ខ្ពស់​ជាងគេ រហូតដល់ជាង៦លាននាក់​ ចំណែកគណបក្សហ៊្វុនស៊ិនប៉ិច ​ឈរនៅលំដាប់ទី២ ដែលមាន សំឡេងគាំទ្រជាង៧១ម៉ឺននាក់ ។ឯកឧត្តម ម៉ុក ដារ៉ា អគ្គលេខាធិការរង គ.ជ.ប បានបញ្ជាក់ថា ​គ្រប់គណបក្សនយោបាយ​ ដែលបាន ឈរឈ្មោះបោះឆ្នោតជ្រើសតាំងតំណាងរាស្ត្រ ​នីតិកាលទី៧ ឆ្នាំ២០២៣ ​តាមមណ្ឌលរាជធានី ខេត្ត អាច ប្ដឹងតវ៉ា​ អំពីលទ្ធផលមួយផ្នែក ឬលទ្ធផលទាំងអស់ ​នៃការបោះឆ្នោត ក្នុងរយៈពេល៧២ម៉ោង​យ៉ាងយូរ ​បន្ទាប់ពីការប្រកាសលទ្ធផលបណ្ដោះអាសន្ន ​នៅព្រឹកថ្ងៃនេះ ។ការទទួលបានសំឡេងគាំទ្រច្រើនលើស​លប់​ ក្នុងការបោះឆ្នោតជាតិជ្រើសតាំង​តំណាង​រាស្រ្ត អាណត្តិទី៧ កាលពីថ្ងៃទី២៣ ខែកក្កដា ឆ្នាំ២០២៣ ​របស់គណបក្សប្រជាជនកម្ពុជា ត្រូវបាន​សម្ដេចតេជោ ហ៊ុន សែន ប្រធានគណបក្ស ​ហៅថា​ជាជោគជ័យប្រវត្តិសាស្ត្រ បើប្រៀបធៀប​នឹងការបោះឆ្នោតលើកមុនៗ ដែលបង្ហាញឱ្យឃើញពីសម្ទុះកាន់តែខ្លាំង នៃការជឿទុកចិត្តរបស់​ប្រជាពលរដ្ឋ ​លើការដឹកនាំរបស់គណ ​បក្សប្រជាជនកម្ពុជា ក្នុងការធ្វើឱ្យប្រទេសជាតិមានការរីក​ចម្រើន រក្សាបាននូវសុខសន្តិភាព និងស្ថិរភាព នយោបាយ ៕អត្ថបទ៖ បាន សុខរិទ្ធិ

រដ្ឋប្រហារនៅប្រទេសនីហ្សេចាប់យកគោលដៅរុស្ស៊ី ប្រឆាំងលោកខាងលិច

2023/08/01 06:54:11 pm        170
Facebook Telegram Linkin
នីហ្សេ៖ អ្នកនយោបាយជាន់ខ្ពស់ជាច្រើននាក់ នៅក្នុងប្រទេសនីហ្សេ ត្រូវបានចាប់ខ្លួនកាលពីថ្ងៃចន្ទ ខណៈមេដឹកនាំរដ្ឋប្រហារយោធា បានបំពានការអំពាវនាវជាអន្តរជាតិដើម្បីស្តារឡើងវិញនូវការគ្រប់គ្រងតាមបែបលទ្ធិប្រជាធិបតេយ្យ និងឲ្យប្រធានាធិបតីដែលត្រូវបានបណ្តេញចេញតំណែងលោក Mohamed Bazoum ចូលកាន់តំណែងវិញ។រូបថតមួយសន្លឹកដែលបានបង្ហាញដោយ ប្រធានាធិបតីប្រទេសឆាតលោក Mahamat Idriss Deby ត្រូវបានគេឃើញនៅខាងឆ្វេង ដែលបានមកធ្វើទស្សនកិច្ចដើម្បីព្យាយាមសម្របសម្រួលរវាងមេដឹកនាំរដ្ឋប្រហារ និងរដ្ឋាភិបាល ដែលត្រូវបានបណ្តេញចេញ ទំនងជារូបភាពដំបូងរបស់លោក Bazoum ចាប់តាំងពីរការដណ្តើមអំណាច ដែលកំពុងបង្ហាញរូបលោកកំពុងញញឹមនិងពុំមានរងរបួសអ្វីឡើយ។ រដ្ឋប្រហារនេះ បានបញ្ជូនរលកភ័យខ្លាចនៅទូទាំងអាហ្វ្រិកខាងលិច ដោយងាកចេញអតីតសម្ព័ន្ធមិត្តប្រទេសលោកខាងលិចរបស់ប្រទេសនីហ្សេ មកចាប់យកដៃគូដូចជាប្រទេសរុស្ស៊ី និងមេដឹកនាំយោធាដ៏ទៃទៀតនៅក្នុងតំបន់។ លោក Aneliese Bernard នាយកទីប្រឹក្សាស្ថិរភាពយុទ្ធសាស្ត្រ ដែលកាលពីពេលមុននៅក្រសួងការបរទេសប្រទេសនីហ្សេ និយាយថា មានទ្រឹស្តីនិងពាក្យចរចាមអារ៉ាមជាច្រើនសម្រាប់មូលហេតុដែលនាំឲ្យរដ្ឋប្រហារនេះកើតឡើងនៅពេលនេះ ប៉ុន្តែរដ្ឋប្រហារយោធាពុំមែនជារឿងថ្មីនោះទេសម្រាប់តំបន់នេះ។  សហរដ្ឋអាមេរិក មហាអំណាចអតីតអាណានិគមនិយមបារាំងនិងប្រទេសលោកខាងលិចផ្សេងទៀត មានកងទ័ពនៅក្នុងប្រទេសនីហ្សេ ហើយកំពុងធ្វើការជាមួយរដ្ឋាភិបាល ដើម្បីប្រយុទ្ធប្រឆាំងកងកម្លាំងសកម្មប្រយុទ្ធដែលជាប់ពាក់ព័ន្ធជាមួយក្រុមរដ្ឋអ៊ីស្លាម និងក្រុមអាល់កៃដា៕

នីហ្សេនឹងប្រឈមការដាក់ទណ្ឌកម្ម ខណៈលទ្ធិប្រជាធិបតេយ្យបានដួលរលំ ដែលជាការបន្ថែមបន្ទុកកាន់តែធ្ងន់ធ្ងរដល់ប្រទេសដែលមានប្រជាជនជាង២៥លាននាក់មួយនេះ

2023/08/01 06:41:39 pm        161
Facebook Telegram Linkin
នីហ្សេ៖ ប្រទេសជិតខាងកំពុងដាក់ទណ្ឌកម្មសេដ្ឋកិច្ចជុំវិញរដ្ឋប្រហារកាលពីសប្តាហ៍មុន ដែលបានផ្តួលរំលំដៃគូប្រជាធិបតេយ្យចុងក្រោយរបស់លោកខាងលិចប្រឆាំងនឹងក្រុមជ្រុលនិយមនៅអាហ្វ្រិកខាងលិច ហើយគ្រួសារទាំងឡាយ នៅក្នុងប្រទេសក្រីក្របំផុតមួយរបស់ពិភពលោកមួយនេះ អាចបង្កើនការចំណាយខ្ពស់។ខណៈភាពចលាចលកើតចេញពីការដណ្ដើមអំណាច បានហៀរចេញពីតាមដងផ្លូវដល់ទីផ្សារនានា ប្រភពមួយចំនួនបាននិយាយថាធនាគារកណ្ដាលប្រចាំតំបន់ បានលុបចោលប្រាក់ធានារ៉ាប់រងចំនួន៣០ពាន់លាន CFA ឬស្មើ៥១លានដុល្លារដែលបានគ្រោងទុកសម្រាប់នីហ្សេ ដែលបានគ្រោងធ្វើឡើងកាលពីថ្ងៃចន្ទ នៅក្នុងទីផ្សារបំណុលតំបន់អាហ្វ្រិកខាងលិច ក្រោយការដាក់ទណ្ឌកម្ម។ នៅរដ្ឋធានីរបស់ប្រទេសនីហ្សេ មនុស្សជាច្រើនរស់នៅក្នុងជម្រកបណ្តោះអាសន្នដែលចងភ្ជាប់ជាមួយបន្ទះឈើ ក្រដាស និងផ្ទាំងកៅស៊ូតង់ ដោយសារពួកគេមិនអាចមានលទ្ធផលបង់ថ្លៃជួលផ្ទះបាន។ ពួកគេរកប្រាក់ដើម្បីចិញ្ចឹមកូនបានព្រឹកខ្វះល្ងាចប៉ុណ្ណោះ ។ លោក Salou Hassan និងក្រុមគ្រួសាររបស់លោករស់នៅក្នុងខ្ទមពីរបន្ទប់នៅសងខាងផ្លូវរួមជាមួយមនុស្សប្រហែល ១៤០នាក់ផ្សេងទៀត ។ គ្រួសារនេះសម្រាកលើបន្ទះឈើជិតឥដ្ឋ ដោយគ្មានភ្លើង ឬទឹកប្រើប្រាស់ ហើយពួកគេងូតទឹកតាមទុយយោផ្កាឈូកសាធារណៈ។  លោក Hassan ដែលមានកូនប្រុសអាយុ ៥ និង ៦ឆ្នាំ បាននិយាយកាលពីថ្ងៃចន្ទថា ផ្នែកដ៏លំបាកបំផុតគឺការស្វែងរកអាហារសម្រាប់កូនរបស់លោក៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.