នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

នាយករដ្ឋមន្ត្រីអង់គ្លេស Sunak ព្យាយាមរឹតចំណងសេដ្ឋកិច្ចកាន់តែរឹងមាំ ជាមួយអាមេរិកអំឡុងទស្សនកិច្ចនៅវ៉ាស៊ីនតោន

2023/06/08 04:52:06 pm        116
Facebook Telegram Linkin
អង់គ្លេស៖ ចក្រភពអង់គ្លេសចង់ដាក់ទំនាក់ទំនងសេដ្ឋកិច្ចរបស់ខ្លួនជាមួយសហរដ្ឋអាមេរិក នៅលើគន្លងតែមួយ ខណៈប្រតិបត្តិការផ្នែកការពារជាតិ និងសន្តិសុខរបស់ប្រទេសទាំង២ នឹងជួយប្រទេសទាំង២ប្រឆាំងនឹងការគំរាមកំហែងជាសកល ដែលលោកនាយករដ្ឋមន្ត្រីអង់គ្លេស Rishi Sunak នឹងប្រាប់លោកប្រធានាធិបតីអាមេរិក Joe Biden នៅសប្ដាហ៍នេះ ។  ក្រោយការចាកចេញពីសហភាពអឺរ៉ុប ចក្រភពអង់គ្លេសកំពុងស្វែងរកការតភ្ជាប់ខ្លួនឯងបន្ថែមទៀត ជាមួយទីក្រុងវ៉ាស៊ីនតោន ដើម្បីជួយទប់ទល់នឹងការបង្កហេតុដល់ពិភពលោកបន្ថែមទៀត ដោយសារការកើនឡើងឥទ្ធិពលរបស់ចិន សង្រ្គាមរុស្ស៊ី និងអ៊ុយក្រែន និងការអភិវឌ្ឍន៍បញ្ញាសិប្បនិម្មិត។សារព័ត៌មាន Reuters  បានរាយការណ៍ថា លោក Sunak នឹងជួបលោក Biden ក្រុមមេដឹកនាំធុរកិច្ចនិងសមាជិកសភាអាមេរិកនៅសប្ដាហ៍នេះ បន្ទាប់ពីបានជួបជាមួយប្រធានសភាអាមេរិកលោក McCarthyដោយលើកឡើងថាទំនាក់ទំនងដែលមានស្រាប់រវាងប្រទេសទាំង២ មានន័យថា ប្រទេសទាំង២ បានអនុវត្តន៍កាន់តែប្រសើរលើវិធានការទប់ទល់ការប្រឈមថ្មីៗជាមួយគ្នា ។ លោក បានទៅដល់ទីក្រុងវ៉ាស៊ីនតោន កាលពីថ្ងៃពុធ។លោក Sunak បាននិយាយនៅក្នុងសេចក្ដីថ្លែងការណ៍មួយថា ដូចគ្នានឹងការធ្វើអន្តរប្រតិបត្តិការរវាងយោធារបស់យើងបានផ្តល់ឲ្យយើងនូវផលប្រយោជន៍ពីសមរភូមិលើសត្រូវរបស់យើង អន្តរប្រតិបត្តិការសេដ្ឋកិច្ចកាន់តែល្អប្រសើរ នឹងផ្តល់ឲ្យយើងនូវលទ្ធផលដ៏សំខាន់មួយនៅក្នុងរយៈពេលជាច្រើនទសវត្សរ៍ខាងមុខ៕

ការប៉ះទង្គិចគ្នាបានផ្ទុះឡើង ក្រោយទាហានអ៊ីស្រាអែលវាយឆ្មក់ចូលទីក្រុង Ramallah របស់ប៉ាឡេស្ទីន

2023/06/08 04:49:08 pm        116
Facebook Telegram Linkin
អ៊ីស្រាអែល៖ ការប៉ះទង្គិចគ្នាជាច្រើនបានផ្ទុះឡើង បន្ទាប់ពីកងកម្លាំងអ៊ីស្រាអែល បានបង្កើនការវាយឆ្មក់ដ៏កម្រចូលក្នុងទីក្រុង Ramallahរបស់ជនជាតិប៉ាឡេស្ទីន នៅក្នុងតំបន់ West Bank ដែលត្រូវបានគ្រប់គ្រងដោយអ៊ីស្រាអែល នៅព្រឹកថ្ងៃព្រហស្បតិ៍នេះ ជាអ្វីដែលខាងយោធាបាននិយាយថាជាប្រតិបត្តិការមួយក្នុងការកម្ទេចចោលផ្ទះសម្បែងរបស់ពួកសកម្មប្រយុទ្ធ។ ភ្នាក់ងារសារព័ត៌មាន Reuters បាននិយាយថា ក្បួនយោធាដ៏ធំមួយបានទៅដល់ទីក្រុង Ramallah ជាកន្លែងដែលរដ្ឋាភិបាលប៉ាឡេស្ទីន កំពុងដឹកនាំការប្រមូលផ្ដុំជនជាតិប៉ាឡេស្ទីន រាប់រយនាក់ក្នុងតំបន់នោះ។សាក្សីឃើញហេតុការណ៍ បាននិយាយថា យុវជនប៉ាឡេស្ទីនមួយចំនួន បានគប់ដុំថ្មទៅលើកងកម្លាំងអ៊ីស្រាអែល ដែលបានបាញ់គ្រាប់កាំភ្លើងគ្រាប់ពិត គ្រាប់បែកផ្សែង និងឧស្ម័នបង្ហូរទឹកភ្នែកទៅលើក្រុមនេះ ។ ធុងសំរាមនានា ត្រូវបានដុតដើម្បីបិទផ្លូវ ខណៈស៊ីរ៉ែនរថយន្តគិលានសង្រ្គោះបានបន្លឺឡើង។ អាជ្ញាធរសុខាភិបាលប៉ាឡេស្ទីន បាននិយាយថា មនុស្ស៦នាក់ត្រូវបានបញ្ជូនទៅកាន់មន្ទីរពេទ្យព្យាបាលរបួស រួមទាំងមនុស្ស៣នាក់រងបួសដោយសារគ្រាប់កាំភ្លើង។ ទាហានអ៊ីស្រាអែល បាននិយាយថា កងកម្លាំងរបស់ខ្លួនកំពុងធ្វើប្រតិបត្តិការនៅក្នុងទីក្រុង Ramallah ដើម្បីកម្ទេចចោលជម្រករបស់ក្រុមភេរករ ដែលបានវាយប្រហារដោយគ្រាប់បែកនៅក្នុងទីក្រុង Jerusalem កាលពីខែវិច្ឆិកាឆ្នាំមុន ។ ការបំផ្ទុះផ្ទួនគ្នា២លើក ដែលបានសម្លាប់មនុស្ស២នាក់ រួមទាំងយុវជនអ៊ីស្រាអែលសញ្ជាតិកាណាដាម្នាក់ និង បណ្ដាលឲ្យមនុស្ស១៤នាក់ រងរបួស ជាអ្វីដែលនគរបាលបាននិយាយថា ជាការបំផ្ទុះគ្រាប់បែកកែច្នៃ ដែលបាន បំផ្ទុះនៅចំណតរថយន្តក្រុងជិតច្រកចេញទីក្រុងនេះ និងនៅចំណុចផ្លូវបំបែកទៅកាន់តំបន់សាងសង់ទីលំនៅមួយរបស់អ៊ីស្រាអែល ៕

អភិបាលក្រុងញ៉ូវយ៉ក៖ គុណភាពខ្យល់ដ៏អាក្រក់បំផុតក្នុងរយៈពេលច្រើនទសវត្សរ៍មកនេះ

2023/06/08 04:44:50 pm        119
Facebook Telegram Linkin
អាមេរិក៖ កាលពីថ្ងៃពុធ លោក Eric Adams អភិបាលក្រុងញ៉ូវយ៉ក បានជំរុញឲ្យពលរដ្ឋក្រុងញ៉ូវយ៉កស្នាក់នៅក្នុងលំនៅឋាន ដើម្បីជៀសវាងពីការដកដង្ហើមស្រូបខ្យល់ដ៏គ្រោះថ្នាក់ ខណៈផ្សែងហុយមកពីចំហេះព្រៃចេញពីប្រទេសកាណាដា កំពុងរសាត់ទៅភាគខាងត្បូង ដែលគ្របដណ្តប់លើទីក្រុងនានាទៅដោយផ្សែងអ័ព្ទដ៏ក្រាស់។ +លោក Adams និយាយថា នៅម៉ោង៥ល្ងាចម៉ោងក្នុងតំបន់ សន្ទស្សន៍គុណភាពខ្យល់បានឈានដល់អំណាន៤៨៤។ វាជាលក្ខខណ្ឌមួយដ៏គ្រោះថ្នាក់ ដែលយើងកំពុងប្រឈមមុខ នៅពេលដែលកម្រិតនៃការព្រួយបារម្ភសុខភាព ដែលកំពុងប្រកាសអាសន្នយ៉ាងច្បាស់សម្រាប់ពលរដ្ឋទីក្រុងញ៉ូវយ៉ក។ នេះគឺជាសន្ទស្សន៍កម្រិតខ្ពស់បំផុតដែលយើងមិនធ្លាប់ឃើញ ចាប់តាំងពីរយៈពេល៦០ឆ្នាំមកនេះ។ នៅក្នុងតំបន់មួយចំនួន សន្ទស្សន៍គុណភាពខ្យល់ ដែលបានវាស់ស្ទង់ការបំពុលបរិយាកាសដ៍ធំ រួមទាំងបញ្ហាដោយឡែកដែលត្រូវបានបង្កើតឡើងដោយចំហេះព្រៃ ដែលមានអំណានលើសពី៤០០ ដោយយោងតាមទិន្នន័យសន្ទស្សន៍គុណភាពខ្យល់ Airnow បានកំណត់ថា អំណាន១០០ ជាសន្ទស្សន៍គ្មានផាសុខភាព ហើយអំណាន៣០០ ជាកម្រិតដ៏គ្រោះថ្នាក់។ ផ្សែងដែលកំពុងរសាត់អណ្តែតលើព្រំដែនភាគខាងជើងសហរដ្ឋអាមេរិកពីប្រទេសកាណាដា ជាកន្លែងដែលចំហេះព្រៃរាប់រយកន្លែងបានឆេះរាលដាល៣.8លានហិកតា និងបានបង្ខំឲ្យពលរដ្ឋ១២០.០០០នាក់ ភៀសខ្លួនចេញពីលំនៅឋានរបស់ពួកគេ នៅក្នុងការចាប់ផ្តើមរដូវកាលភ្លើងឆេះព្រៃរបស់ប្រទេសកាណាដាដែលខុសប្លែកពីធម្មតា។ផ្សែងពីចំហេះព្រៃ បានរួមចំណែកក្នុងអត្រាខ្ពស់បំផុតនៃជំងឺគាំងបេះដូង និងជំងឺដាច់សសៃឈាមខួក្បាល ដែលបង្កើនការចូលសម្រាកព្យាបាលនៅបន្ទប់សង្គ្រោះបន្ទាន់សម្រាប់ជំងឺហឺត និងលក្ខខណ្ឌជំងឺផ្លូវដង្ហើមផ្សេងៗ និងក្រហាយភ្នែក រមាសស្បែក កន្ទួល ក្នុងចំណោមបញ្ហាផ្សេងៗទៀត៕

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងឱកាសបន្តចុះជួបជាមួយកម្មករ កម្មការិនីជិត២ម៉ឺននាក់ នៅខេត្តកំពង់ឆ្នាំង

2023/06/08 02:26:19 pm        287
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ​នៅព្រឹកថ្ងៃទី០៨ ខែមិថុនា ឆ្នាំ២០២៣នេះ បន្តអញ្ជើញចុះជួបសំណេះសំណាលជាមួយកម្មករ កម្មការិនី សរុប ជិត ២ម៉ឺននាក់ មកពីរោងចក្រសហគ្រាសចំនួន៥ ដែលកំពុងដំណើរអាជីវកម្មក្នុងស្រុកសាមគ្គីមានជ័យ ខេត្តកំពង់ឆ្នាំង។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បន្តសួរសុខទុក្ខដល់កម្មករកម្មការិនីទាំងអស់ទាក់ទងនឹងការទទួលបានការចាក់វ៉ាក់សាំងការពារជំងឺកូវីដ-១៩ និងសុខទុក្ខនៅក្នុងក្រុមគ្រួសារ ជាពិសេសកម្មការិនីមានផ្ទៃពោះដែលត្រូវទទួលបានការយកចិត្តទុកដាក់ និងឧបត្ថម្ភបន្ថែម ពីម្ចាស់រោងចក្រ និងរាជរដ្ឋាភិបាលផងដែរ។សម្តេចតេជោ ហ៊ុន សែន ណែនាំឱ្យមានចងការ ចងក្រង ជាកាតព្វកិច្ចតែម្ដង សម្រាប់ការមើលសុខទុក្ខរបស់កម្មករកម្មការិនី ពីព្រោះវិស័យឧស្សាហកម្មកាត់ដេរនេះ ខណៈវិស័យនេះមានរហូតទៅដល់ ៦០ ភាគរយនៅក្នុងប្រទេសកម្ពុជា ដូច្នេះគោលនយោបាយនេះត្រូវបន្តពង្រីកឥតឈប់ឈរ។សម្ដេចតេជោ បញ្ជាក់ថា រាជរដ្ឋាភិបាលបន្តពង្រីកបន្ថែមលើការអភិវឌ្ឍ និងយកចិត្តទុកដាក់ផងដែរលើវិស័យការងាររបស់កម្មករកម្មការិនីទាំងអស់។សម្តេចតេជោ ហ៊ុន សែន បញ្ជាក់ថា កាលពីខែកុម្ភៈ ឆ្នាំ១៩៩៩ វេទិការវាងវិស័យឯកជន និងរាជរដ្ឋាភិបាលបានធ្វើជាលើកដំបូង។ ពេលនោះសម្ដេចតេជោ បានដាក់ឱ្យអនុវត្តគោលនយោបាយលើការអភិវឌ្ឍវិស័យរោងចក្រទៅតាមបណ្ដាខេត្ត ដែលចំណុចនេះហើយបានបង្ហាញពីការអនុវត្តគោលនយោបាយរបស់រាជរដ្ឋាភិបាល បានត្រឹមត្រូវ ច្បាស់លាស់ដល់ប្រជាជន ។សម្តេចតេជោ ហ៊ុន សែន បានបញ្ជាក់បន្ថែមថា ដើម្បីមានយន្តការត្រឹមត្រូវក្នុងការដំឡើងប្រាក់ខែដល់កម្មករកម្មករិនីបានត្រឹមត្រូវ និងច្បាស់លាស់ រាជរដ្ឋាភិបាលបានបង្កើតយន្តការត្រីភាគីមួយដោយមានការចូលរួមពីរាជរដ្ឋាភិបាល ម្ចាស់រោងចក្រ និងសហជីព ដើម្បីគិតគូរអំពីការដំឡើងប្រាក់ខែក្នុងរយៈពេល ១ ឆ្នាំម្ដងដល់កម្មករកម្មការិនី។សម្តេចតេជោ ហ៊ុន សែន បញ្ជាក់ថា រាជរដ្ឋាភិបាលបន្តថែមទៀត លើការកសាងហេដ្ឋារចនាសម្ព័ន្ធចាំបាច់ និងការទាក់ទាញវិនិយោគបន្ថែមលើវិស័យរោងចក្រនេះ មកកាន់កម្ពុជា ជាពិសេសទៅដល់បណ្ដាខេត្ត ដើម្បីផ្ដល់ការងារដល់ប្រជាពលរដ្ឋ។សម្តេចតេជោ ហ៊ុន សែន បានប្រាប់ដល់កម្មករកម្មការិនី ត្រូវហានចង្អុលមុខចំពោះក្រុមប្រឆាំងទាំងឡាយណា ដែលទៅអុចអាលបរទេសមិនឱ្យមកវិនិយោគនៅកម្ពុជា ខណៈក្រុមប្រឆាំងទាំងនោះហើយគឺជាសត្រូវរបស់កម្មករកម្មការិនី។សម្តេចតេជោ ហ៊ុន សែន បញ្ជាក់ថា បទចម្រៀងដែលសម្ដេចតេជោតែងនិពន្ធទាំងអស់ នរណាក៏ដោយដែលបានច្រៀងពីដើម គឺមិនមែនជាម្ចាស់កម្មសិទ្ធិនៃចម្រៀងនោះទេ ខណៈសម្ដេចតេជោបានតែងបទចម្រៀងជាច្រើនបទក្នុងនោះដូចជា៖ បទចម្រៀងទុក្ខស្រីប្ដីព្រាត់ជាដើម អ្នកចម្រៀងទាំងអស់អាចច្រៀងបានគ្រប់គ្នា។សម្តេចតេជោ ហ៊ុន សែន បានប្រកាសដល់គ្រប់រោងចក្រសហគ្រាសទាំងអស់ ដែលមានជនពិកាត្រូវអនុញ្ញាតឱ្យចេញមុនម៉ោងរយៈពេល១៥នាទីដូចស្រ្ដីមានផ្ទៃពោះដែរ។ ការផ្ដល់ជូនបន្ថែមនេះក្រោយសម្ដេចតេជោ ទទួលដំណឹងពីការស្នើសុំរបស់ស្រ្ដីមានពិការភាពម្នាក់ នៅខេត្តកំពង់ស្ពឺ តាមរយៈការសម្ភាសន៍ជាមួយទូរទស្សន៍ BTV។សម្ដេចតេជោ ហ៊ុន សែន បានបញ្ជាក់បន្ថែមថា ដើម្បីជាការយកចិត្តទុកដាក់ដល់មាតា និងទារកបន្ថែម ចាប់ពីខែ សីហា ឆ្នាំ២០២៣នេះទៅរាជរដ្ឋាភិបាលនឹងបន្តឧបត្ថម្ភសាច់ប្រាក់​ដល់កម្មការិនី មានផ្ទៃពោះដូចជាមុនឆ្លងទន្លេត្រូវឧបត្ថម្ភ ៤ ដង ក្នុងពេលទៅពិនិត្យផ្ទៃពោះដោយទទួលបានប្រាក់បន្ថែមក្នុង១ដង ៨ ម៉ឺនរៀល។ បន្តទទួលប្រាក់ឧបត្ថម្ភបន្ថែមពេលឆ្លងទន្លេ ៤០ ម៉ឺនរៀល។ បន្ទាប់ទៅទៀតត្រូវទទួលបានការឧបត្ថម្ភ ១០ ដងទៀតរហូតកូនមានអាយុ ២ ឆ្នាំ ក្នុងនោះចំនួនឧបត្ថម្ភក្នុង ១ដង៨ម៉ឺនរៀល។សម្ដេចតេជោ ហ៊ុន សែន បានបញ្ជាក់ថា គិតចាប់តាំងពីថ្ងៃ១ ខែមករា ១៩៧៨ រាជរដ្ឋាភិបាលបានឧបត្ថម្ភសាច់ប្រាក់ជាង ១៤៩ ពាន់លានរៀល ដល់កម្មការិនីមានផ្ទៃពោះជាង ៣ សែននាក់ ដោយសម្រាលកូនជាង ៣ សែននាក់ ខណៈនៅថ្ងៃទី៧ ខែមិថុនានេះ មានកម្មការិនីចំនួន ២០២ នាក់ បានសម្រាលកូន ក្នុងនោះទទួលបានកូនចំនួន ២០៥ នាក់ ដោយក្នុងនោះក៏មានកូនភ្លោះផងដែរ។សម្តេចតេជោ ហ៊ុន សែន អំពាវនាវកម្មករ-កម្មការិនី ខិតខំធ្វើការងារ និងចៀសវាងឱ្យបាននូវការបង្កទំនាស់រវាងកម្មករ និងម្ចាស់រោងចក្រ។ ហើយប្រសិនបើមានវិវាទណាមួយកើតឡើង ត្រូវយកចិត្តទុកដោះស្រាយភ្លាម មិនត្រូវទុកឱ្យក្លាយទៅជាជំងឺមហារីកនោះទេ ខណៈម្ចាស់រោងចក្រ និងកម្មករ គឺជាដៃគូមិនអាច ខ្វះមួយណាបានឡើយ។សម្តេចតេជោ ហ៊ុន សែន បញ្ជាក់ថា នៅរសៀលថ្ងៃទី៨ ខែមិថុនានេះ សម្ដេចនឹងមានជំនួបជាមួយរដ្ឋមន្រ្ដីពាណិជ្ជកម្មប្រទេសអារ៉ាប់អេមីរ៉េត(អារ៉ាប់រួម)។ សម្ដេចនឹងលើកឡើងពីការទាក់ទាញវិនិយោគបន្ថែមទៀតមកកាន់កម្ពុជា ជាពិសេសលើវិស័យកសិកម្ម ហើយនេះក៏ជាឱកាសបង្កើតការងារបន្ថែមទៀតនៅកម្ពុជាផងដែរ។សម្តេចតេជោ ហ៊ុន សែន បន្តអំពាវនាវដល់កម្មករ-កម្មការិនីរួមគ្នារក្សាសន្ដិភាពរបស់កម្ពុជា ពីព្រោះមានសន្ដិភាព គឺមានការអភិវឌ្ឍ។ សម្ដេចបញ្ជាក់ថា ជនណាក៏ដោយដែលមានបំណងបំផ្លាញសន្ដិភាពរបស់ប្រទេសកម្ពុជា គឺមិនត្រូវអត់ឱនឱ្យជាដាច់ខាត។សម្តេចតេជោ ហ៊ុន សែន អំពាវនាវកុំឱ្យមានមានការរើសអើងចំពោះស្រ្ដីដែលបម្រើការងារនៅកន្លែងផ្ដល់សេវាកម្សាន្តផ្សេងៗ។ សម្ដេចតេជោណែនាំដល់ភរិយាអភិបាលខេត្ត និងអភិបាលរងខេត្តជាស្រ្ដី ត្រូវធ្វើជាប្រធានក្នុងការគ្រប់គ្រងដល់ស្រ្ដីបម្រើការងារនៅតាមទីតាំងកម្សាន្តនេះ ដើម្បីចូលរួមជួយដោះស្រាយទុក្ខលំបាកនានា។សម្តេចតេជោ ហ៊ុន សែន បញ្ជាក់ថា តាមរយៈការព្យាករណ៍រាជរដ្ឋាភិបាលកម្ពុជាថ្មីអាចនឹងចាប់កំណើតនៅបំណាច់ខែសីហា ឆ្នាំ២០២៣ ក្រោយការប្រកាសលទ្ធផលបោះឆ្នោត ហើយព្រះមហាក្សត្រកោះប្រជុំសភា ពេលនោះរាជរដ្ឋាភិបាលថ្មីគឺត្រូវបានបង្កើតអាណត្តិរាជរដ្ឋាភិបាលខ្លួន។

សម្តេចតេជោ ហ៊ុន សែន បន្តចុះជួបជាមួយកម្មករ កម្មការិនីជិត២ម៉ឺននាក់ នៅខេត្តកំពង់ឆ្នាំង

2023/06/08 02:16:16 pm        263
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បន្តអញ្ជើញចុះជួបសំណេះសំណាលជាមួយកម្មករ កម្មការិនី សរុប ជិត ២ម៉ឺននាក់ មកពីរោងចក្រសហគ្រាសចំនួន៥ ដែលកំពុងដំណើរអាជីវកម្មក្នុងស្រុកសាមគ្គីមានជ័យ ខេត្តកំពង់ឆ្នាំង។ជំនួបសំណេះសំណាលនេះ ធ្វើឡើងនៅភូមិចម្ការស្វាយ ឃុំសេដ្ឋី ស្រុកសាមគ្គី មានជ័យ ខេត្តកំពង់ឆ្នាំង នៅព្រឹកថ្ងៃទី៨ ខែមិថុនា ឆ្នាំ២០២៣នេះ។ឯកឧត្តម អ៉ិត សំហេង រដ្ឋមន្ត្រីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យ ដឹងថា សម្តេចតេជោ ធ្លាប់បានអញ្ជើញជួបជាមួយកម្មករ កម្មការិនី នៅស្រុកសាម គ្គី មាន ជ័យ ខេត្តកំពង់ឆ្នាំងនេះចំនួន ២ដង រួចមក ហើយកាលពីឆ្នាំ២០១៨។ សម្រាប់ជំនួបនៅថ្ងៃស្អែកនេះ គឺជាជំនួបលើកទី៣ហើយ។ ជំនួបថ្ងៃស្អែក មានកម្មក រ កម្មការិនីចូលរួមសរុបចំនួន ១៨,០៩៥នាក់ មកពីរោងចក្រ សហ គ្រា ស ចំនួន៥ ដែលកំពុងដំណើរការអាជីវកម្មក្នុង ស្រុកកំពង់ត្រឡាច ខេត្តកំពង់ឆ្នាំង។ឯកឧត្តមរដ្ឋមន្ត្រី បានឱ្យដឹងទៀតថា រោងចក្រ សហគ្រាសទាំង៥ ដែលអនុញ្ញាត ឱ្យ កម្មករ កម្មការិនីជួប សំណេះសំណាល នឹងសម្តេចតេជោនេះ ជាប្រភេទរោង ចក្រកាត់ ដេរ ចំនួន៣, ផលិតផលធ្វើ ដំណើរ និង កាបូបចំនួន១ និងដេរស្បែកជើងចំនួន១។ ផលិត ផលរបស់ រោងចក្រ ទាំង នេះ គឺនាំចេញទៅទីផ្សារអន្តរជាតិ ជាពិសេស សហគមន៍ អឺរ៉ុប សហរដ្ឋអាមេរិក ប្រទេស កាណាដា ប្រទេសជប៉ុន។ល។ខេត្តកំពង់ឆ្នាំង គឺជាខេត្តមួយ ដែលកំពុងទទួលនូវមនុញ្ញផលពីគោលនយោបាយ ពង្រាយរោងចក្រ សហគ្រាស តាមបណ្តាខេត្តពីរាជរដ្ឋាភិបាល។ នៅឆ្នាំ២០២៣នេះ កំពង់ឆ្នាំង មានរោងចក្រ សហគ្រាសចំនួន១៧៣ មានកម្មករ និយោ ជិតជាង ៥ម៉ឺន នាក់។ ក្នុងនោះរោងចក្រ សហគ្រាសវិស័យកាត់ ដេរ ចំនួន ២០ មានកម្មករនិយោជិត សរុបជាង ៤ម៉ឺន ៧ពាន់នាក់ និងជាខេត្តទី៨ ដែលមានការ អភិវឌ្ឍ រោងចក្រ សហ គ្រាស ច្រើន៕

សម្តេចតេជោ៖ ចិនមិនត្រឹមតែគោរពឯករាជ្យ និងអធិបតេយ្យភាពកម្ពុជាប៉ុណ្ណោះទេ គោរពទាំងការសម្រេចចិត្តកម្ពុជាផងដែរ

2023/06/07 07:18:42 pm        206
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងថា រដ្ឋាភិបាលចិន មិនត្រឹមតែគោរពនូវ ឯករាជ្យភាព និងអធិបតេយ្យភាពរបស់កម្ពុជាប៉ុណ្ណោះទេ ថែមទាំងគោរពនូវការសម្រេចចិត្តនានារាប់ទាំង គម្រោងអភិវឌ្ឍន៍របស់កម្ពុជាផងដែរ មិនដូចប្រទេសខ្លះ ចង់ផ្តល់ជំនួយឲ្យកម្ពុជាតែបែជាមកបញ្ជាឲ្យកម្ពុជាធ្វើនេះធ្វើនោះទៅវិញ។ ក្នុងឱកាសអញ្ជើញជាអធិបតីភាព នៅក្នុងពិធីបើកការដ្ឋានសាងសង់ផ្លូវល្បឿនលឿនភ្នំពេញ-បាវិត នាព្រឹកថ្ងៃទី៧ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន ​បានលើកឡើងថា ចិនតែងតែ​គោរពនូវការសំណូមពររបស់កម្ពុជាជានិច្ច ​ខណៈកម្ពុជា​មានសំណើរអ្វីមួយចិនពុំដែលប្រកែក និងបញ្ជាដល់កម្ពុជា នោះទេ ជាក់ស្តែងដូចបាន​ឃើញមកហើយរាល់សមិទ្ធផល​ដែលចិនបាន​ជួយដល់​កម្ពុជា គឺធ្វើទៅតាមការសម្រេចចិត្តរបស់កម្ពុជាទាំងអស់។ជាមួយគ្នានោះដែរសម្តេចតេជោ ហ៊ុន សែន នាយករដ្ឋមន្រ្តី ក៏បានលើកឡើងផងដែរថា ការ​ដែលសម្តេច​ស្វះស្វែង​រក​ជំនួយ ​​គឺមិនមែនមក​បង្ហើយ​ផ្ទះ​បាយ​របស់​សម្តេចនោះទេ គឺយក​មកស្ថាបនាហេដ្ឋា​រចនា​សម្ព័ន្ធ ដូចជាស្ពាន ​និងផ្លូវថ្នល់ ជូនដល់​បងប្អូនប្រជាពលរដ្ឋ​ជនរួមជាតិគ្រប់ៗគ្នា​សម្រាប់​ប្រើប្រាស់តែប៉ុណ្ណោះ៕អត្ថបទ៖ បាន ចក់

មនុស្ស ២នាក់ ត្រូវបានសម្លាប់ក្នុងហេតុការណ៍បាញ់ប្រហារនៅពិធីបញ្ចប់ការសិក្សាវិទ្យាល័យរដ្ឋ Virginia

2023/06/07 06:24:22 pm        105
Facebook Telegram Linkin
អាមេរិក៖ ក្រុមនគរបាលនិយាយថា បុរសម្នាក់ប្រដាប់ដោយកាំភ្លើងខ្លី ៤ដើម បានបាញ់សម្លាប់មនុស្ស ២នាក់ និងធ្វើឲ្យរងរបួសមនុស្ស ៥នាក់ផ្សេងទៀត ពេលរូបគេបាញ់ប្រហារទៅលើហ្វូងមនុស្សនៅក្រៅពិធីបញ្ចប់ការសិក្សាវិទ្យាល័យ ស្ថិតនៅក្នុងទីក្រុង Richmond រដ្ឋ Virginia សហរដ្ឋអាមេរិក កាលពីថ្ងៃអង្គារ ។  រូបភាពវីដេអូឃ្លីបពីសាក្សី ឃើញលទ្ធផលភ្លាមៗពីឧបទ្ទេវហេតុបាញ់ប្រហារនេះ ក្នុងនោះទីកន្លែងកើតហេតុ ត្រូវបានបិទ ហើយនិងមានវត្តមានដ៏ច្រើនរបស់ក្រុមមន្រ្តីនគរបាល  ក្រុមនគរបាល និយាយថា ពួកគេបានចាប់ខ្លួនជនស្ស័យម្នាក់ គឺជាបុរសវ័យ ១៩ឆ្នាំ ដែលស្គាល់មនុស្សម្នាក់ក្នុងចំណោមជនរងគ្រោះ ហើយនិងបានបាញ់សំដៅលើជនរងគ្រោះ ពេលដែលហ្វូងមនុស្សទើបចេញពីពិធីចែកសញ្ញាប័ត្រវិទ្យាល័យ Huguenot ។  គួរឲ្យដឹងថា សហរដ្ឋអាមេរិក បានស៊ាំខ្លាំងទៅហើយនឹងករណីបាញ់បោះសេរីទ្រង់ទ្រាយធំនៅតាមទីសាធារណៈ ដូចជាតាមសាលារៀន ផ្សារទំនើប និងតាមព្រះវិហារ ។  យោងតាមឯកសារអំពើហិង្សាអាវុធ Gun Violence Archive បានឲ្យដឹងថា ករណីបាញ់ប្រហារទ្រង់ទ្រាយធំនេះ គឺជាករណីបាញ់ប្រហារលើកទី ២៧៩នៅសហរដ្ឋអាមេរិក អំឡុងរយៈពេល១៥៧ថ្ងៃដំបូងក្នុងឆ្នាំ ២០២៣នេះ ពោលគឺមនុស្ស ៤នាក់ ឬច្រើនជាងនេះ រងការបាញ់ប្រហារ ឬត្រូវបានសម្លាប់ នៅក្នុងឧបទ្ទេវហេតុមួយលើក ដែលនេះពុំរាប់បញ្ចូលខ្មាន់កាំភ្លើងនោះទេ ៕

នគរបាលកេនយ៉ា បាញ់ឧស្ម័នបង្ហូរទឹកភ្នែកលើក្រុមបាតុករ ដើរក្បួនតវ៉ាប្រឆាំងសំណើច្បាប់ហិរញ្ញវត្ថុ

2023/06/07 06:18:59 pm        110
Facebook Telegram Linkin
កេនយ៉ា៖ នគរបាលកេនយ៉ា បានបាញ់ឧស្ម័នបង្ហូរទឹកភ្នែក ជិតសភា កាលពីថ្ងៃអង្គារ លើហ្វូងមនុស្សរាប់រយនាក់ កំពុងតវ៉ាទៅនឹងសំណើច្បាប់ហិរញ្ញវត្ថុ ដែលនឹងដំឡើងការបង់ពន្ធលើប្រេងឥន្ធនៈ ការសាងសង់លំនៅឋាន និងផ្នែកឌីជីថល។ លោកប្រធានាធិបតី William Ruto ដែលបានជាប់ឆ្នោតកាលពីខែសីហា សម្រាប់វេទិកា ជួយដល់ជនក្រីក្រ កំពុងស្ថិតក្រោមសម្ពាធដើម្បីបង្កើនចំណូលនៅក្នុងកម្លាំងសេដ្ឋកិច្ចរបស់អាហ្វ្រិកខាងកើតមួយនេះ ស្របពេលមានការប្រឈមទៅនឹងការសងបំណុលកំពុងកើនឡើង។ ប៉ុន្តែសំណើនេះ បានបង្កឲ្យមានការរិះគន់យ៉ាងខ្លាំងពីមន្ត្រីរដ្ឋការ និងក្រុមបក្សនយោបាយប្រឆាំង ដែលនិយាយថា កត្តានេះ ប៉ះពាល់ដល់ជីវិភាពរស់នៅប្រចាំថ្ងៃដ៏ធ្ងន់ធ្ងរ សម្រាប់ប្រជាពលរដ្ឋ រួចទៅហើយ។  អ្នកសារព័ត៌មាន Reuters បាននិយាយថា នគរបាលបានបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុរប្រមាណ៥០០ នាក់ ដែលបានដើរហែក្បួនទៅកាន់អគាររដ្ឋសភា ដើម្បីដាក់ញ្ញត្តិមួយប្រឆាំងនឹងសំណើច្បាប់នេះ។ គេបានមើលឃើញនគរបាលបានឃុំខ្លួនអ្នកតវ៉ាចំនួន១១នាក់ ។ លោក Ruto បានការពារសំណើច្បាប់នេះ ដោយនិយាយថាការសម្រេចនានារបស់ខ្លួន ចាំបាច់ក្នុងការធានាស្ថិរភាពហិរញ្ញវត្ថុ និងបង្កើតការងារសម្រាប់យុវជន ដោយការកសាងលំនៅឋានថ្មីប្រើប្រាស់ហិរញ្ញវត្ថុបានមកពីការយកពន្ធពីការសាងសង់លំនៅឋាន។ គេរំពឹងថា ច្បាប់នេះនឹងត្រូវបោះឆ្នោតសម្រេចនៅសប្ដាហ៍ក្រោយ៕

ក្រុមបាតុករបារាំងប្រឆាំងកំណែទម្រង់សោធន៍និវត្តិន៍បានសម្រុកចូលទីស្នាក់ការកណ្ដាលអូឡាំពិករដូវក្ដៅ

2023/06/07 05:37:25 pm        113
Facebook Telegram Linkin
បារាំង៖ ក្រុមបាតុករប្រឆាំងកំណែទម្រង់អាយុចូលនិវត្តន៍បារាំង បានសម្រុកចូលក្នុងទីស្នាក់ការកណ្ដាល Paris 2024 Olympic Games កាលពីថ្ងៃអង្គារ ខណៈដែលក្រុមសហជីព បានសម្រេចប៉ុនប៉ងចុងក្រោយដើម្បីដាក់សម្ពាធក្នុងការកែប្រែការដំឡើងអាយុចូលនិវត្តន៍របស់លោកប្រធានាធិបតី Emmanuel Macron។ ក្រុមអ្នកតវ៉ាស្លៀកសម្លៀកបំពាក់ពណ៌ខ្មៅ បានដុតរថយន្ត នៅកណ្ដាលផ្លូវក្នុងទីក្រុងប៉ារីស កាលពីថ្ងៃទី៦ខែឧសភា ដែលបង្ខំឲ្យនគរបាលប្រើឧស្ម័នបង្ហូរទឹកភ្នែក ទប់ទល់នឹងការតវ៉ានេះ។ទូរទស្សន៍ BFM បានបង្ហាញរូបភាពនៃក្រុមសកម្មប្រយុទ្ធសហជីព ប្រកាន់ជំហរតឹងរ៉ឹង CGT រាប់សិបនាក់ សម្រុកចូលកាន់កាប់មួយរយៈខ្លី លើអគារអូឡាំពិកក្នុងសង្កាត់ Aubervilliers (អូប៊ែរវីលីយេ) ភាគខាងជើងក្រុងប៉ារីស ខណៈក្បួនជាច្រើនកំពុងប្រព្រឹត្តទៅនៅក្នុងទីក្រុងតូចធំទូទាំងប្រទេសបារាំង។អ្នកនាំពាក្យពហុកីឡដ្ឋានអូឡាំពិក បានប្រាប់សារព័ត៌មាន Reuters ថា ពុំមានអំពើហិង្សានិងការខូចខាតទេ។ ក្រុមសហជីព បានប្រឆាំងទៅនឹងទង្វើរបស់លោក Macron ក្នុងការធ្វើឲ្យបុគ្គលិករដ្ឋបារាំងបន្ថែមអាយុធ្វើការយូរទៀតចាប់តាំងពីពាក់កណ្ដាលខែមករាមក ដោយដុតបញ្ឆេះឲ្យមានកូដកម្មនិងការតវ៉ា កើតឡើងមកដល់សព្វថ្ងៃ រហូតឈានដល់អំពើហិង្សា។ លោក Macron និយាយថា វាជារឿងចាំបាច់ក្នុងការដំឡើងអាយុចូលនិវត្តន៍ពី៦២ ដល់៦៤ ឆ្នាំ ដើម្បីទប់កុំឲ្យមានកង្វះប្រាក់សោធននិវត្តន៍។ ទោះជាយ៉ាងណា សហជីពនិយាយថា លុយនេះអាចរកបាននៅកន្លែងផ្សេងទៀត ដូចជាការយកពន្ធពីក្រុមអ្នកមានបន្ថែមទៀត៕

លោក Christie បើកយុទ្ធនាសម្រាប់តំណែងសេតវិមាន ដោយវាយប្រហារលោក Trump ថា «បម្រើតែខ្លួនឯង»

2023/06/07 05:14:48 pm        152
Facebook Telegram Linkin
អាមេរិក៖ លោក Chris Christie ដែលជាអតីតអភិបាលរដ្ឋ New Jersey របស់សហរដ្ឋអាមេរិក កាលពីថ្ងៃអង្គារ បានចាប់ផ្តើមយុទ្ធនាការប្រជែងតំណែងប្រធានាធិបតីឆ្នាំ២០២៤ របស់លោក ដោយបានណែនាំខ្លួនឯងថា ជាបេក្ខជនតែមួយគត់ ក្នុងសមរភូមិរបស់គណបក្សសាធារណរដ្ឋដែលកំពុងរីកចម្រើនខ្លាំង ដោយមានបំណងចង់ប្រឈមផ្ទាល់ជាមួយគូប្រជែងដែលលោកហៅ «អ្នកបម្រើឲ្យតែខ្លួនឯង» គឺបេក្ខជននាំមុខលោក Donald Trump។កាលពីយុទ្ធនាការប្រជែងកៅអីសេតវិមានដ៏ជោគជ័យរបស់លោក Trump ក្នុងឆ្នាំ២០១៦ លោក Christie គឺជាទីប្រឹក្សាម្នាក់នាពេលនោះ ប៉ុន្តែចាប់តាំងពីពេលនោះមក លោកបានក្លាយជាអ្នករិះគន់ឥតសំចៃមាត់ ចំពោះការអះអាងក្លែងក្លាយរបស់អតីតប្រធានាធិបតីដែលថា ការបោះឆ្នោតឆ្នាំ២០២០ ត្រូវបានក្លែងបន្លំ។លោក Christie ដែលអតីតរដ្ឋអាជ្ញាសហព័ន្ធមួយរូបដែរនោះ បានចាប់ផ្តើមការប្រឹងប្រែងប្រជែងតំណែងសេតវិមានរបស់លោក នៅឯព្រឹត្តិការណ៍រចនាបថសាលាក្រុង នាមហាវិទ្យាល័យ Saint Anselm ក្នុងទីក្រុង Manchester រដ្ឋ New Hampshire។ លោកបានប្រើពេលតិចតួច ដើម្បីវាយប្រហារលោក Trump ដោយផ្ទាល់ ដោយចោទប្រកាន់ពីការគេចវេះមិនទទួលខុសត្រូវចំពោះកំហុសឆ្គងនានា ខណៈពេលដែលបារម្ភ និងខ្វល់តែពីខ្លួនឯងប៉ុណ្ណោះ។លោក Christie ដែលពេលនេះ មានវ័យ ៦០ឆ្នាំ បាននិយាយខ្លីៗថា៖ «មនុស្សឯកោ យកតែចិត្តខ្លួនឯង បម្រើតែខ្លួនឯង ដូច្នេះ មនុស្សអាត្មានិយមបែបនេះ មិនសមធ្វើជាអ្នកដឹកនាំគេនោះទេ»។ក្នុងចំណុចមួយផ្សេងទៀត លោកបានបង្ហាញចំណាប់អារម្មណ៍បែបចំអក ចំពោះលោក Trump ដោយអះអាងថា លោកនឹងសាងសង់កំពែងព្រំដែនភាគខាងត្បូង ដោយការចំណាយរបស់ប្រទេសម៉ិកស៊ិក ហើយបាននិយាយថា លោក Trump គួរត្រូវបានស្ដីបន្ទោសច្រើនជាងប្រធានាធិបតីបច្ចុប្បន្នលោក Joe Biden សម្រាប់ការបរាជ័យនៃគោលនយោបាយអន្តោប្រវេសន៍របស់ប្រទេស។លោក Christie ទទួលបានលទ្ធផលមិនល្អនោះឡើយ សម្រាប់ការស្ទង់មតិសាធារណៈរហូតមកដល់ពេលនេះ ដោយលោកទទួលបានការគាំទ្រត្រឹមតែ ១ភាគរយប៉ុណ្ណោះ ពីអ្នកបោះឆ្នោតបឋមរបស់គណបក្សសាធារណរដ្ឋដ៏មានសក្តានុពល នៅក្នុងការស្ទង់មតិរបស់សារព័ត៌មាន Reuters/Ipsos ក្នុងខែឧសភា បើប្រៀបធៀបទៅនឹងការគាំទ្រ ៤៩ភាគរយរបស់លោក Trump និងការគាំទ្រ ១៩ភាគរយលើអភិបាលរដ្ឋ Florida លោក Ron DeSantis៕

បណ្ដាញសង្គម

ព័ត៌មានថ្មីៗ

អាជ្ញាធរខណ្ឌ៧មករា បន្តចុះត្រួតពិនិត្យតាមការដ្ឋានដើម្បីធានាបានតាមលក្ខណៈបច្ចេកទេសត្រឹមត្រូវ
10/02/2026 04:10 PM
Facebook Telegram Linkin
ជប៉ុនផ្តល់ថវិកា ១៦៤,២៦៩ ដុល្លារអាមេរិកសម្រាប់ការសាងសង់ឃ្លាំង និងកន្លែងសម្រួត ព្រមទាំងការដំឡើងឧបករណ៍វាស់សំណើម សម្រាប់សហគមន៍កសិកម្មក្នុងខេត្តក្រចេះ
10/02/2026 04:10 PM
Facebook Telegram Linkin
កាកបាទក្រហមកម្ពុជា ជួបពិភាក្សាទ្វេភាគីជាមួយគណៈប្រតិភូអឌ្ឍចន្ទក្រហមម៉ាឡេស៊ី ដើម្បីពង្រឹងកិច្ចសហប្រតិបត្តិការ និងការងារមនុស្សធម៌
10/02/2026 04:10 PM
Facebook Telegram Linkin
កាកបាទក្រហមកម្ពុជា គាំទ្របេក្ខភាពម្ចាស់ក្សត្រី ទុនគូ ពូតេរី អ៊ីនតាន់ សាហ្វីណា សម្រាប់តំណែងជាប្រធានសហព័ន្ធអន្តរជាតិ
10/02/2026 04:10 PM
Facebook Telegram Linkin
អ៊ីរ៉ង់ ជំរុញឱ្យអ៊ីរ៉ាក់ដកចេញបម្រាមជើងហោះហើរក្នុងពេលការដាក់ទណ្ឌកម្មពីសហរដ្ឋអាមេរិក
10/02/2026 03:10 PM
Facebook Telegram Linkin
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
10/02/2026 03:10 PM
Facebook Telegram Linkin
អាមេរិក បញ្ជូនក្រុមនាវាដឹកយន្តហោះចម្បាំងទីបី និងកងទ័ពរហូតដល់១ម៉ឺនាក់ទៅមជ្ឈិមបូព៌ា
10/02/2026 03:10 PM
Facebook Telegram Linkin
អ្នករាយការណ៍ពិសេស UN កោតសរសើរចំពោះការចូលរួមរបស់កម្ពុជាលើបញ្ហាសិទ្ធិមនុស្ស និង​ការ​អនុញ្ញាត​ដោយ​គ្មាន​រឹត​បន្តឹង​ អំឡុងបេសកកម្មស្វែងរកការពិត
10/02/2026 03:10 PM
Facebook Telegram Linkin
របាយការណ៍របស់ UN៖ កម្ពុជាធ្វើឱ្យប្រសើរឡើងនូវជីវភាពរស់នៅរបស់ប្រជាពលរដ្ឋរាប់លាននាក់ចាប់តាំងពីកិច្ចព្រមព្រៀងទីក្រុងប៉ារីស
10/02/2026 03:10 PM
Facebook Telegram Linkin
អ្នករាយការណ៍ពិសេស UN៖ កម្ពុជាបានចាត់វិធានការសំខាន់ៗ ដើម្បីបង្ក្រាបការឆបោក​តាម​ប្រព័ន្ធ​បច្ចេក​វិទ្យា​
10/02/2026 03:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.