នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

សហរដ្ឋអាមេរិកព្រួយបារម្ភកាន់តែខ្លាំងអំពីចំណាត់ការនានារបស់ចិនប្រឆាំងនឹងបណ្ដាក្រុមរបស់របស់ខ្លួន

2023/05/26 04:50:46 pm        383
Facebook Telegram Linkin
អាមេរិក៖ យោងតាមសេចក្ដីថ្លែងការណ៍មួយរបស់សហរដ្ឋអាមេរិក លោកស្រី Gina Raimondo រដ្ឋមន្ត្រីក្រសួងពាណិជ្ជកម្មសហរដ្ឋអាមេរិក បានបង្ហាញការព្រួយបារម្ភកាន់តែខ្លាំង អំពីសកម្មភាពរបស់ប្រទេសចិនប្រឆាំងនឹងក្រុមហ៊ុនរបស់សហរដ្ឋអាមេរិកដែលកំពុងធ្វើប្រតិបត្តិការនៅក្នុងប្រទេសចិន អំឡុងជំនួបជាមួយរដ្ឋមន្ត្រីក្រសួងពាណិជ្ជកម្ម ចិន លោក វ៉ាង វិនថាវ ( Wang Wentao) កាលពីថ្ងៃព្រហស្បតិ៍នៅក្នុងទីក្រុងវ៉ាស៊ីនតោន។ ក្រសួងពាណិជ្ជកម្មខាងលើបាននិយាយក្នុងសេចក្ដីថ្លែងការណ៍ថា មេដឹកនាំទាំង២ មានការពិភាក្សាប្រកបដោយភាពស្មោះត្រង់ និងមានសារៈសំខាន់ លើបញ្ហានានាពាក់ព័ន្ធនឹងទំនាក់ទំនាក់ពាណិជ្ជកម្មរវាងប្រទេសចិន និងសហរដ្ឋអាមេរិក រួមទាំងបរិយាកាស ក្នុងប្រទេសទាំង២ សម្រាប់ពាណិជ្ជកម្ម និងការវិនិយោគ និងវិស័យផ្សេងៗសម្រាប់កិច្ចសហប្រតិបត្តិការដ៏សក្តានុពល។ យោងតាមក្រសួងពាណិជ្ជកម្មចិន ប្រទេសចិននៅតែប្តេជ្ញាចិត្តស្វាគមន៍ក្រុមហ៊ុនអាមេរិកឲ្យមកបណ្តាក់ទុន និងធ្វើអាជីវកម្មនៅក្នុងប្រទេសនេះ ខណៈដែលរដ្ឋាភិបាលបានយកចិត្តទុកដាក់យ៉ាងខ្លាំងលើការទាក់ទាញការវិនិយោគពីបរទេសសម្រាប់ការអភិវឌ្ឍន៍សេដ្ឋកិច្ចប្រកបដោយគុណភាពខ្ពស់។លោក Wang Wentao បាននិយាយថា ប្រទេសចិន នឹងបន្តស្វាគមន៍សហគ្រាសនានាដែលជួយគាំទ្រដោយសហរដ្ឋអាមេរិក ក្នុងការអភិវឌ្ឍន៍ក្នុងប្រទេស និងទទួលបានលទ្ធផលឈ្នះឈ្នះ ៕

រុស្ស៊ីផ្តល់សញ្ញាបញ្ចប់កិច្ចព្រមព្រៀងគ្រាប់ធញ្ញជាតិសមុទ្រខ្មៅ ក្នុងខែកក្កដា បើការទាមទារមិនត្រូវបានបំពេញ

2023/05/26 04:17:24 pm        368
Facebook Telegram Linkin
រុស្ស៊ី៖ ប្រទេសរុស្ស៊ីបានផ្តល់សញ្ញា កាលពីថ្ងៃព្រហស្បតិ៍ថា ប្រសិនបើការទាមទារ ដើម្បីឲ្យការនាំចេញគ្រាប់ធញ្ញជាតិ និងជីរបស់ខ្លួនមានភាពប្រសើរឡើង មិនត្រូវបានបំពេញទេនោះ ខ្លួននឹងមិនបន្តពេលវេលាឲ្យលើសពីកិច្ចព្រមព្រៀងថ្ងៃទី១៧ ខែកក្កដា ដែលអនុញ្ញាតឲ្យមានការនាំចេញផលិតផលដូចគ្នា ក្នុងសម័យសង្រ្គាមប្រកបដោយសុវត្ថិភាពពីកំពង់ផែសមុទ្រខ្មៅអ៊ុយក្រែនចំនួនបីនោះឡើយ។នេះជាការគំរាមកំហែង និងការទាមទារដូចគ្នា កាលពីខែមីនា។ ទីក្រុងម៉ូស្គូ បានយល់ព្រមកាលពីសប្តាហ៍មុន សម្រាប់រយៈពេល ៦០ថ្ងៃនៃកិច្ចព្រមព្រៀងនាំចេញសមុទ្រខ្មៅ ដែលដើមឡើយត្រូវបានសម្របសម្រួលដោយអង្គការសហប្រជាជាតិ ឬ UN និងប្រទេសទួរគី កាលពីខែកក្កដាឆ្នាំមុន ជាមួយប្រទេសរុស្ស៊ី និងអ៊ុយក្រែន ដើម្បីប្រឹងប្រែងបន្ធូរបន្ថយវិបត្តិទំនិញសកលដែលកាន់តែធ្ងន់ធ្ងរឡើងៗ ដោយសារការលុកលុយរបស់ទីក្រុងម៉ូស្គូលើអ៊ុយក្រែន កាលពីខែកុម្ភៈ ឆ្នាំ២០២២។គិតចាប់តាំងពីខែមីនាមក រុស្ស៊ីហាក់ដូចជាបានផ្តល់អាទិភាពលើតម្រូវការជាក់លាក់ចំនួនពីរ នោះគឺការចាប់ផ្តើមឡើងវិញនូវបំពង់បង្ហូរប្រេង ដើម្បីបញ្ជូនសារធាតុអាម៉ូនីញាក់រុស្ស៊ីទៅកាន់កំពង់ផែសមុទ្រខ្មៅ Pivdennyi របស់អ៊ុយក្រែន ដើម្បីនាំចេញទៅកាន់ទីផ្សារពិភពលោក និងតភ្ជាប់ឡើងវិញនូវធនាគារកសិកម្មរបស់រុស្ស៊ី ដែលគេស្គាល់ថា Rosselkhozbank ទៅនឹងបណ្តាញទូទាត់អន្តរជាតិ SWIFT។ក្រសួងការបរទេសរបស់រុស្ស៊ី កាលពីថ្ងៃព្រហស្បតិ៍ បានឲ្យដឹងក្នុងសេចក្តីថ្លែងការណ៍ថា៖ «ប្រសិនបើធនាគារ Rosselkhozbank មិនត្រូវបានតភ្ជាប់ជាមួយបណ្ដាញទូទាត់ប្រាក់អន្តរជាតិ SWIFT និងមិនមានភាពប្រសើរឡើងលើការអនុវត្តបញ្ហាប្រព័ន្ធផ្សេងទៀតដែលកំពុងរារាំងដល់ការនាំចេញកសិផលរបស់យើងទេនោះ គំនិតផ្តួចផ្តើមសមុទ្រខ្មៅ ក៏នឹងត្រូវស្វែងរកជម្រើសផ្សេងទៀតផងដែរ»។ ធនាគារកសិកម្ម Rosselkhozbank ត្រូវបានកាត់ចេញពីបណ្ដាញទូទាត់ប្រាក់អន្តរជាតិ SWIFT ដោយសហភាពអឺរ៉ុប កាលពីខែមិថុនា ជុំវិញការវាយលុករបស់រុស្ស៊ី។ អ្នកនាំពាក្យសហភាពអឺរ៉ុប បាននិយាយថា ប្លុកនេះមិនបានពិចារណា ក្នុងការផ្ដល់ប្រក្រតីភាពឲ្យធនាគាររុស្ស៊ីឡើងវិញនោះទេ៕

រុស្ស៊ីបានចុះហត្ថលេខាលើកកិច្ចព្រមព្រៀងដាក់ពង្រាយអាវុធនុយក្លេអ៊ែរតាកទិកក្នុងប្រទេសបេឡារុស

2023/05/26 04:12:08 pm        298
Facebook Telegram Linkin
រុស៊ី៖ ប្រទេសរុស្ស៊ី និងបេឡារុស បានចុះហត្ថលេខាលើកិច្ចព្រមព្រៀងមួយកាលពីថ្ងៃព្រហស្បតិ៍ ដោយកំណត់ការដាក់ពង្រាយជាផ្លូវការនៃអាវុធនុយក្លេអ៊ែរតាកទិក នៅលើទឹកសីសម្ព័ន្ធមិត្តរបស់ខ្លួន ទោះបីជាការគ្រប់គ្រងអាវុធនៅតែស្ថិតក្នុងដៃវិមានក្រឹមឡាំងក៏ដោយ។ ប្រធានាធិបតីរុស្ស៊ី លោក Vladimir Putin បានប្រកាសការដាក់ពង្រាយអាវុធរយៈចម្ងាយខ្លីនៅក្នុងប្រទេសបេឡារុសកាលពីដើមឆ្នាំនេះ ក្នុងសកម្មភាពមួយដែលត្រូវបានមើលឃើញយ៉ាងច្បាស់ថាជាការព្រមានទៅដល់លោកខាងលិច ខណៈដែលប្រទេសនេះបានបង្កើនសកម្មភាពយោធាកាន់តែខ្លាំងសម្រាប់សង្រ្គាមអ៊ុយក្រែន។ នៅពេលអាវុធនឹងត្រូវបានដាក់ពង្រាយដោយពុំបានប្រកាស ប៉ុន្តែ លោក Putin បាននិយាយថា ការសាងសង់ទីតាំងស្តុកអាវុធទាំងនោះនៅក្នុងប្រទេសបេឡារុស នឹងបញ្ចប់រួចរាល់នៅត្រឹមថ្ងៃទី១ខែកក្កដា។ គេក៏ពុំបានដឹងច្បាស់ដែរថា តើនឹងមានអាវុធនុយក្លេអ៊ែរចំនួនប៉ុន្មានត្រូវតម្កល់ទុកនៅក្នុងប្រទេសបេឡារុស។រដ្ឋាភិបាលសហរដ្ឋអាមេរិកជឿថាប្រទេសរុស្ស៊ី មានអាវុធនុយក្លេអ៊ែរតាកទិកប្រមាណ២ពាន់គ្រាប់ រួមទាំងគ្រាប់បែក ដែលត្រូវបានដឹកជញ្ជូនតាមយន្តហោះ ក្បាលគ្រាប់សម្រាប់បំពាក់លើមីស៊ីលរយៈចម្ងាយខ្លី និងគ្រាប់កាំភ្លើងធំ ។ សហរដ្ឋអាមេរិកកាលពីថ្ងៃព្រហស្បតិ៍ ទី២៥ឧសភា បានថ្កោលលទោសយ៉ាងខ្លាំងចំពោះកិច្ចព្រមព្រៀងរបស់រុស្ស៊ីដែលត្រូវដាក់ពង្រាយអាវុធនុយក្លេអ៊ែរតាកទិកនៅក្នុងប្រទេសបេឡារុស ប៉ុន្តែសហរដ្ឋអាមេរិក មើលពុំឃើញពីការគំរាមកំហែងណាមួយពីនុយក្លេអ៊ែរនេះទេ៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសអញ្ជើញសំណេះសំណាលជាមួយកម្មករនិយោជិត២ម៉ឺននាក់ នៅតំបន់ សេដ្ឋកិច្ចពិសេសរ៉ូយ៉ាល់គ្រុប

2023/05/26 02:18:52 pm        249
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា នៅព្រឹកថ្ងៃទី២៦ ខែឧសភា ឆ្នាំ២០២៣នេះ បានអញ្ជើញជួបសំណេះសំណាល​ជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្កាមិន (Marvel Garment) ក្នុងតំបន់ សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (ROYAL GROUP PIINOM PENH SEZ) សរុបចំនួន ១៩.០០០នាក់ មកពីរោងចក្រ ម៉ាវ៉ល ហ្គាមិន (Marvel Comment) មានកម្មករនិយោជិត ១៦ ០០០នាក់, រោងចក រ៉ុងវីន ហ្គាមិន (Rongwing Garment) មានកម្មករនិយោជិត ចំនួន ១ ៥០០នាក់ និងរោងចក្រ DNQIAN TEXTILE CAMBODIA មានកម្មករនិយោជិត ចំនួន ១ ៥០០នាក់។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន ប្រកាសថា សម្តេចបានក្លាយជាបុរសថ្ពាល់ផ្អែម តាមរយៈកម្មករ-កម្មការិនីរោងចក្រជាច្រើននៅតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ ចាប់ថើប។ សម្តេចសង្ឃឹមថា ក្រសួងសុខាភិបាលនឹងមិនចាប់ទោសអូសដំណើររឿងសម្តេចធ្វើខុសវិធានការសុខាភិបាល ពាក់ព័ន្ធការទប់ស្កាត់ការឆ្លងរីករាលដាកជំងឺកូវីដ-១៩នោះទេ។សម្តេចតេជោ ហ៊ុន សែន បានបញ្ជាក់ថា នេះជាជុំទី២ ដែលសម្តេចចុះជួបផ្ទាល់ជាមួយកម្មករ-កម្មការិនីរោងចក្រ ដែលគម្រោងនេះគ្រោងធ្វើកាលពីពេលកន្លងទៅមកម្លេះ តែពេលនោះកម្ពុជាកំពុងផ្ទុះកូវីដ-១៩ ទើបត្រូវអាក់ខានមកធ្វើនៅពេលនេះវិញ ដែលជាពេលស្រាកស្រាន្ត នៃការឆ្លងរីករាលដាលជំងឺកូវីដ-១៩។សម្តេចតេជោ ហ៊ុន សែន បានប្រកាសពីភាពជោគជ័យ នៃការគ្រប់គ្រងការឆ្លងរីករាលដាលជំងឺកូវីដ-១៩ ដែលក្នុងនោះដំណើរការចាក់វ៉ាក់សាំងកូវីដ-១៩ គឺជារឿងចាំបាច់បំផុត រួមនឹងវិធានការសុខាភិបាលនានា ដែលបានដាក់ចេញដោយក្រសួងសុខាភិបាល និងអង្គការសុខភាពពិភពលោក។សម្តេចតេជោ ហ៊ុន សែន បានប្រកាសថា យើងមិនអាចផ្លាស់ប្តូរអតីតកាលបានឡើយ តែយើងអាចរំលឹកពីអតីតកាល ដើម្បីជាកត្តាឆ្លុះបញ្ចាំងពីស្ថានភាពជាក់ស្តែង នៃការរីកចម្រើននាពេលបច្ចុប្បន្ននៅកម្ពុជា។សម្តេចតេជោ បានប្រកាសថា កត្តាសន្តិភាព និងស្ថិរភាពនយោបាយ ជាកត្តាសត្យានុម័តមិនអាចប្រកែកបាន ដើម្បីទាក់ទាញ កៀរគរ វិនិយោគិន មកបណ្តាក់ទុនរកស៊ីនៅក្នុងប្រទេសកម្ពុជា។ សម្តេចបញ្ជាក់ថា «គ្មានការវិនិយោគណា ធ្វើឡើងក្រោមគ្រាប់បែកគ្រាប់ផ្លោងនោះទេ...[]»។សម្ដេចតេជោ ហ៊ុន សែន បានរម្លឹកថា កាលពីឆ្នាំ១៩៩៧ រោងចក្រនៅក្នុងប្រទេសកម្ពុជាមានតែជាង ៦៤ រោងចក្រប៉ុណ្ណោះ មានកម្មករ ៨ ម៉ឺននាក់ ទំហំនៃការនាំចេញមាន ២៧០ លានដុល្លារ។ ហើយពេលនោះកម្មករ ៨ ម៉ឺននាក់នេះ ទទួលបានប្រាក់ខែត្រឹមតែ ៤០ដុល្លារអាមេរិកទេ។បច្ចុប្បន្នប្រទេសមានរោងចក្រទៅដល់ ១៣២៦ រោងចក្រ ជាមួយនឹងកម្មករជាង ៨៤ ម៉ឺននាក់។ ប៉ុន្ដែសរុបក្នុងឆ្នាំ ២០២៣នេះ រោងចក្រ សហគ្រាសទាំងអស់មានចំនួន ១៧០០០ រោងចក្រ មានកម្មកររហូតដល់ ១ លាន ៥ សែននាក់ ដែលនេះជាចំនួននៃការកើនឡើងសម្រាប់ប្រទេសកម្ពុជា។សម្តេចតេជោ ហ៊ុន សែន បានប្រកាសថា ប្រាក់ខែកម្មករ-កម្មការិនីរោងចក្រនាពេលបច្ចុប្បន្ននេះមិនក្រោ២០០ដុល្លារអាមេរិកឡើយ ខណៈដែលចំនួននេះមិនក្រោមកម្រិតប្រាក់ខែកម្មករ-កម្មការិនី នៃប្រទេសក្បែរខាងឡើយ។សម្តេចតេជោ បានសម្តែងក្តីរីករាយ និងភ្ញាក់ផ្អើលយ៉ាងខ្លាំងចំពោះប្រាក់ខែកម្មការីរោងចក្រនៅតំបន់សេដ្ឋកិច្ចពិសេសរ៉ូយ៉ាល់ភ្នំពេញ ដែលទទួលបានរហូតដល់ជាង៤០០ដុល្លារអាមេរិក បូកជាមួយការថែមម៉ោង និងអត្ថប្រយោជន៍ផ្សេងៗ។សម្ដេចតេជោ ហ៊ុន សែន បញ្ជាក់ថា ចាប់ពីខែសីហា ឆ្នាំ ២០២៣នេះតទៅ នឹងចាប់ផ្ដើមអនុវត្តកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ សម្រាប់កម្មការិនីនៅក្នុងសេដ្ឋកិច្ចក្នុងប្រព័ន្ធបន្ថែមទៀត ក្នុងនោះក៏មានការបង្កើនទឹកប្រាក់មួយទ្វេជាពីរ ដោយរដ្ឋាភិបាលត្រូវបង្កើនឡើងថវិកាប្រមាណ ១៣ លានដុល្លារបន្ថែមទៀតក្នុង១ឆ្នាំទៅលើថវិកាចាស់ដែលត្រូវចំណាយ។សម្ដេចតេជោ ហ៊ុន សែន បន្តអំពាវនាវទាំងអស់គ្នាថែរក្សាសន្ដិភាព ស្ថិរភាពនយោបាយ ដើម្បីជាគន្លឹះដល់ការអភិវឌ្ឍលើគ្រប់ផ្នែក។ រោងចក្រសហគ្រាសទាំងអស់ត្រូវក្លាយទៅជាសហគមន៍សុខសាន្តមួយដែលនិយោជក និងកម្មករនិយោជិកត្រូវសាមគ្គី យោគយល់ អធ្យាស្រ័យគ្នា ដោយយកច្បាប់ និងបទដ្ឋានទាំងអស់ធ្វើជាគោល។សម្ដេចតេជោ ហ៊ុន សែន បានបញ្ជាក់ថា នៅខែកក្កដា ឆ្នាំ២០២៣នេះ រោងចក្រដំឡើងរថយន្តតូយូតា និងសាងសង់រួចរាល់ ហើយសម្ពោធដំឡើងរថយន្តជាផ្លូវការណ៍នៅក្នុងប្រទេសកម្ពុជា។ ក្រៅពីនេះក៏មានក្រុមហ៊ុនលំដាក់អន្តរជាតិមួយចំនួនទៀតក៏កំពុងរៀបចំដំឡើងជាផ្លូវការនៅក្នុងប្រទេសកម្ពុជា ជាបន្តបន្ទាប់ទៀតផងដែរ។សម្ដេចតេជោ ហ៊ុន សែន ណែនាំដល់ម្ចាស់រោងចក្រទាំងអស់ជៀសវាងការចិញ្ចឹមទំនាស់ បើសិនជាមានទំនាស់អ្វីជាមួយកម្មករត្រូវព្យាយាមដោះស្រាយឱ្យបានឆាប់រហ័ស ដោយមានកិច្ចសហការរវាងសហជីព និងក្រសួងការងារ និងបណ្ដុះបណ្ដាលវិជ្ជាជីវៈ។សម្ដេចតេជោ ហ៊ុន សែន អំពាវនាវដល់កម្មករ កម្មការិនីទាំងអស់ចូលរួមគាំទ្រដល់ក្រុមកីឡាករ កីឡាការិនីពិការភាពដែលនឹងចូលរួមប្រកួតតំណាងឱ្យកម្ពុជានៅក្នុងព្រឹត្តិការណ៍អាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះនឹងឈានមកដល់នា ៨ ថ្ងៃខាងមុខនេះ។

សម្ដេចតេជោ ហ៊ុន សែន អញ្ជើញសំណេះសំណាលជាមួយកម្មករនិយោជិត២ម៉ឺននាក់ នៅតំបន់ សេដ្ឋកិច្ចពិសេសរ៉ូយ៉ាល់គ្រុប

2023/05/26 02:14:14 pm        470
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២៦ ខែឧសភា ឆ្នាំ២០២៣នេះ បានអញ្ជើញសំណេះសំណាលជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្កាមិន (Marvel Garment) ក្នុងតំបន់ សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ (ROYAL GROUP PIINOM PENH SEZ) សរុបចំនួន ១៩.០០០នាក់ មកពីរោងចក្រ ម៉ាវ៉ល ហ្គាមិន (Marvel Comment) មានកម្មករនិយោជិត ១៦ ០០០នាក់, រោងចក រ៉ុងវីន ហ្គាមិន (Rongwing Garment) មានកម្មករនិយោជិត ចំនួន ១ ៥០០នាក់ និងរោងចក្រ DNQIAN TEXTILE CAMBODIA មានកម្មករនិយោជិត ចំនួន ១ ៥០០នាក់។រោងចក្រ ម៉ាវ៉ល ហ្កាមិន (Muvel Giman) ផ្ទៃដីសរុបចំនួន ៥១ហិចតា ដើមទុនវិនិយោគ ២៥០លាន ដុល្លារសហរដ្ឋអាមេរិក (ដោយមិនគិតថ្លៃដី) បានចាប់ផ្តើមដំណើរការនៅថ្ងៃទី០៨ ខែកញ្ញា ឆ្នាំ២០២០ ជាប្រភេទ រោងចក្រកាត់ដេរសំលៀកបំពាក់ អាវងារ និងខោកីឡា ម៉ាកល្បីៗគឺ ណៃគឺ (NIKE), ប៉ូឡូ , លូលូឡម៉ុន (LULULEMON) ផលិតផលនាំចេញទៅសហរដ្ឋអាមេរិក និងអឺរ៉ុប បរិមាណនាំចេញ ៤២ ៩៥២០២៨ កំផ្លេ ទំហំទឹកប្រាក់នាំចេញ ៤២៧.៦៣១ ០១៧ដុល្លា/ឆ្នាំ។រោងចក្របានអនុវត្តប្រកបដោយអនុលោមភាពតាមច្បាប់ស្តីពីការងារ មានសុខដុមនីយកម្មទំនាក់ទំនង វិជ្ជាជីវៈនិងបានផ្ដល់ជូននូវអត្ថប្រយោជន៍ជូនបងប្អូនកម្មករនិយោជិតទទួលបានប្រាក់ឈ្នួលជាមធ្យមចន្លោះពី ២៤៥ ដុល្លាអាមេរិក ទៅ ៦៩០ដុល្លារអាម៉េរិក ក្នុងនោះប្រាក់រង្វាន់ធ្វើការទៀងទាត់ ១៥ដុល្លារអាមេរិក ប្រាក់សោហ៊ុយធ្វើ ដំណើរ ២២ដុល្លារអាម៉េរិក ផ្តល់អាហារថ្ងៃត្រង់មួយពេល និងប្រាក់ឧបត្ថម្ភ ១០ដុល្លារអាមេរិក។ដោយឡែក តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ត្រូវបានបង្កើតឡើងដំបូងនៅថ្ងៃទី១៩ ខែមេសា ឆ្នាំ២០០៦ ដែលមានឈ្មោះថា «តំបន់សេដ្ឋកិច្ចពិសេសភ្នំពេញ» និងត្រូវបានផ្លាស់ប្ដូរឈ្មោះទៅជា «តំបន់សេដ្ឋកិច្ច ពិសេស រ៉ូយ៉ាល់ គ្រុប ភ្នំពេញ» នៅថ្ងៃទី១៦ ខែមីនា ឆ្នាំ ២០២២ ដោយមាន អ្នកឧកញ៉ា គិត ម៉េង ជាប្រធានក្រុម ប្រឹក្សាភិបាល។ តំបន់សេដ្ឋកិច្ចពិសេសនេះ មានទំហំផ្ទៃដី ៣៥៧ ហិកតា បានទុនវិនិយោគ ៧៤៥ លានដុល្លារ អាមេរិក មានរោងចក្រ សហគ្រាសសរុប ៩៨ កំពុងដំណើរការ ក្នុងនោះមកអ្នកវិនិយោទុន​មកពីប្រទេសជប៉ុន ៤០ រោងចក្រ, ចិន ៣០រោងចក្រ, ថៃ ៦រោងចក្រ, ម៉ាឡេស៊ី ៤រោងចក្រ, សិង្ហបូរី ៤រោងចក្រ, សហរដ្ឋអាមេរិក ៣រោងចក្រ, កម្ពុជា ៣រោងចក្រ, អូស្ត្រាលី ២រោងចក្រ, ហូឡង់ ២រោងចក្រ, កូរ៉េខាងត្បូង ១រោងចក្រ, ហ្វីលីពីន ១រោងចក្រ, ស៊ុយអែត ១រោងចក្រ, និងវៀតណាម ១រោងចក្រ ប្រើប្រាស់កម្មករនិយោជិតសរុប ៤១ ៣៧០នាក់ ទំហំទឹកប្រាក់នាំ ចេញបានកើនដល់ ៩៧៧លានដុល្លារអាមេរិកក្នុងឆ្នាំ២០២២។ ផលិតកម្ម និងសេវាកម្មសំខាន់ៗរួមមាន៖ បរិក្ខារ អគ្គិសនី និងអេឡិកត្រូនិក និងគ្រឿងបង្គុំ, កាត់ដេរសម្លៀកបំពាក់, ផលិតផលអាហារ និងភេសជ្ជៈ, សម្ភារវេចខ្ចប់ (ផ្លាស្ទិក ក្រណាត់ ក្រដាស), គ្រឿងបង្គុំរថយន្ត, សម្ភារប្រើប្រាស់ ប្រចាំថ្ងៃ, ផលិតផលធ្វើពីផ្លាស្ទិក, ផលិតផលធ្វើ ពីលោហៈធាតុ, ចំណីសត្វ, គ្រឿងសំណង់, បោះពុម្ព, កែច្នៃសំណល់, គ្រឿងសម្អាង, ស្បែកជើង, ផលិតផលធ្វើពី ស្បែក ២, ផលិតផលថ្នាំលាបពណ៌, គ្រឿងបន្លាស់រថយន្ត, ផ្ទៃពេជ្រ, សេវាកម្មនានា (ធនាគារ ភោជនីយដ្ឋាន៕

ក្រុមប្រឹក្សាធម្មនុញ្ញ បដិសេធចោល និងបិទផ្លូវតវ៉ាលើបណ្តឹងរបស់គណបក្សភ្លើងទៀន និងគណបក្សមហាសាមគ្គីជាតិខ្មែរ

2023/05/25 07:32:39 pm        218
Facebook Telegram Linkin
ភ្នំពេញ៖ ក្រុមប្រឹក្សាធម្មនុញ្ញ ប្រកាសបដិសេធចោល និងបិទផ្លូវតវ៉ាលើបណ្តឹងរបស់គណបក្សភ្លើងទៀន និងគណបក្សមហាសាមគ្គីជាតិខ្មែរ បន្ទាប់ពីគណបក្សទាំងពីរត្រូវបាន គ.ជ.ប បដិសេធមិនឲ្យចូលរួមឈរឈ្មោះបោះឆ្នោតជ្រើសតាំងតំណាងរាស្រ្ត ដោយសារមិនបានភ្ជាប់នូវសេចក្តីប្រកាសស្តីពីការចុះបញ្ជីគណបក្សនយោបាយនៅក្រសួងមហាផ្ទៃ។នៅថ្ងៃទី២៥ ខែឧសភា ឆ្នាំ២០២៣នេះ ប្រធានក្រុមប្រឹក្សាធម្មនុញ្ញ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម បានដឹកនាំកិច្ចប្រជុំពេញអង្គលើបណ្តឹងរបស់គណបក្សនយោបាយ​ចំនួនពីរនោះ ធ្វើឡើងយោងតាមបណ្តឹងរបស់ គណបក្សភ្លើងទៀន និងគណបក្សមហាសាមគ្គីជាតិខ្មែរ បន្ទាប់ពី គ.ជ.ប បដិសេធមិនឲ្យចូលរួមការបោះឆ្នោតជ្រើសតាំងតំណាងរាស្រ្តនីតិកាលទី៧ ដោយសារមិនបានភ្ជាប់នូវសេចក្តីប្រកាសស្តីពីការចុះបញ្ជីគណបក្សនយោបាយនៅក្រសួងមហាផ្ទៃ។យ៉ាងណាមិញក្នុងដំណើរការចុះបញ្ជីគណបក្សនយោបាយកាលពីពេលកន្លងទៅ គ.ជ.ប បាន​ប្រកាស​ទទួលស្គាល់ការចុះបញ្ជីគណបក្សនយោបាយចំនួន១៨ ​ដែលបានបំពេញគ្រប់លក្ខខណ្ឌ លើកលែងតែគណបក្សភ្លើងទៀន ​និងគណបក្សមហាសាមគ្គីជាតិខ្មែរតែប៉ុណ្ណោះ ដែលមិនបាន​បំពេញ​ទៅតាមនីតិវិធីច្បាប់ ស្តីពីការចុះបញ្ជីគណបក្សនយោបាយ៕

លោក Biden អំពាវនាវជាថ្មីឲ្យមានបម្រាមគ្រប់គ្រងអាវុធវាយប្រហារ ១ឆ្នាំបន្ទាប់ពីការសម្លាប់រង្គាលនៅទីក្រុង Uvalde

2023/05/25 05:10:39 pm        318
Facebook Telegram Linkin
អាមេរិក៖ ប្រធានាធិបតីលោក Joe Biden កាលពីថ្ងៃពុធ បានអំពាវនាវជាថ្មីឲ្យមានបម្រាមមួយលើអាវុធវាយប្រហារ ខណៈលោក និងស្ត្រីទី១ លោកស្រី Jill Biden បានបើកព្រឹត្តិការណ៍មួយនៅសេតវិមានដើម្បីកាន់ទុក្ខដល់អ្នកបាត់បង់ជីវិត នៅទីក្រុង Uvalde រដ្ឋតិចសាស់ នៅសាលាបឋមសិក្សាមួយកន្លែងកាលពីឆ្នាំមុន។កាលពីថ្ងៃទី២៤ ខែឧសភា ឆ្នាំ២០២២ សោកនាដកម្មមួយដែលកុមារសិស្សសាលា១៩នាក់ និងគ្រូបង្រៀន២នាក់បានស្លាប់ នោះគឺជាទុក្ខសោកដ៏ធំបំផុតនៃការបាញ់ប្រហារសម្លាប់រង្គាលជាច្រើន ដែលបានកើតឡើងជាជាបន្តបន្ទាប់កាលពីឆ្នំាកន្លងទៅ។លោក Biden និយាយថា យើងពុំអាចបញ្ចប់ហិង្សាដោយអាវុធដែលរីកសល់ដាននេះបានទេ លុះត្រាសភាអនុម័តច្បាប់សុវត្ថិភាពអាវុធដែលមានខ្លឹមសាររួមនិងធ្វើឲ្យអាវុធសង្គ្រាមចេញឆ្ងាយពីដងផ្លូវ និងចេញពីដៃរបស់មនុស្សដ៏គ្រោះថ្នាក់ និងរហូតដល់រដ្ឋនានាត្រូវធ្វើដូចគ្នានេះដែរ។យោងតាមការវិភាគនៃអត្រាមរណៈភាព ដោយក្រុមអ្នកស្រាវជ្រាវមកពីសាកលវិទ្យាល័យ Michigan លោក Ann Arbor បាននិយាយថា កុមារ និងមនុស្សវ័យជំទង់កាន់តែច្រើននៅក្នុងសហរដ្ឋអាមេរិក ត្រូវបានសម្លាប់ដោយអាវុធ ច្រើនជាងមូលហេតុផ្សេងទៀត នៅក្នុងឆ្នាំ២០២០។លោក Biden បានអំពាវនាវជាថ្មីដល់សភាដើម្បីដាក់បម្រាមលើការប្រើប្រាស់កាំភ្លើងវែងវាយប្រហារ AR-15 និងអាវុធគ្រាប់រំសេវមានសមត្ថភាពខ្ពស់ ដែលលោក Biden និយាយថា ឃាតកលេខ១សម្រាប់កុមារ គឺកាំភ្លើងនេះឯង៕

ការបោះឆ្នោតរបស់និស្សិតប៉ាឡេស្ទីន ផ្តល់នូវការសាកល្បងដ៏កម្រនៃអារម្មណ៍អ្នកបោះឆ្នោត

2023/05/25 05:04:51 pm        373
Facebook Telegram Linkin
ប៉ាឡេស្ទីន៖ បេក្ខជនដែលមានទំនាក់ទំនងជាមួយក្រុមឥស្លាមហាម៉ាស (Hamas) បានឈ្នះអាសនៈបែងចែកដ៏ច្រើនបំផុត នៅក្រុមប្រឹក្សានិស្សិតសាកលវិទ្យាល័យមួយ កាលពីថ្ងៃពុធ (ទី២៤ ខែឧសភា) ក្នុងសន្លឹកឆ្នោត ដែលផ្តល់ការសាកល្បងដ៏កម្រនៃអារម្មណ៍អ្នកបោះឆ្នោត សម្រាប់ប្រជាជនប៉ាឡេស្ទីន ដែលការបោះឆ្នោតសភាចុងក្រោយរបស់ពួកគេ កើតមានកាលពីជិតពីរទសវត្សរ៍មុន។នៅក្នុងបរិវេណសាលាដែលតែងលម្អដោយបដានយោបាយពណ៌បៃតង ក្រហម និងលឿង បញ្ជីដែលមានសមាជិកក្រុមហាម៉ាស បានឈ្នះ ២៥អាសនៈ ក្នុងក្រុមប្រឹក្សានិស្សិតសាកលវិទ្យាល័យ Birzeit ដែលមាន ៥១អាសនៈ ទល់នឹង ២០អាសនៈសម្រាប់ក្រុមពាក់ព័ន្ធនឹងក្រុម Fatah ដែលជាគណបក្សរបស់ប្រធានអាជ្ញាធរប៉ាឡេស្ទីនលោក Mahmoud Abbas។ដោយមិនមានការបោះឆ្នោតសភា ចាប់តាំងពីឆ្នាំ២០០៦ ដំណើរការនេះ ក៏ជាការពិនិត្យលើសន្ទុះនយោបាយនៃទឹកដីប៉ាឡេស្ទីន ដែលមានការបែងចែកភូមិសាស្ត្រ និងនយោបាយ ខណៈដែលការរំពឹងទុកកើនឡើងពីអនាគតប្រធានាធិបតីដែលមានអាយុពីប៉ែតសិបឆ្នាំទៅកៅសិបឆ្នាំរបស់ខ្លួន។ប្រធានគណៈកម្មាធិការរៀបចំការបោះឆ្នោត និងព្រឹទ្ធបុរសនិស្សិតនៅសាកលវិទ្យាល័យ Birzeit លោក Iyad Tomar មានប្រសាសន៍ថា ការបោះឆ្នោតគឺជាឱកាសមួយ ដើម្បីពង្រឹងតម្លៃលទ្ធិប្រជាធិបតេយ្យ ក្នុងចំណោមពួកយុវជន។ ក្រុមប្រឹក្សាជាប់ឆ្នោត នឹងតំណាងឲ្យផលប្រយោជន៍សិស្ស-និស្សិត។លោក Abbas ត្រូវបានជាប់ឆ្នោត ក្នុងឆ្នាំ២០០៥ ហើយបានគ្រប់គ្រងដោយក្រឹត្យអស់រយៈពេល ១៤ឆ្នាំ ចាប់តាំងពីលោកបានផុតអាណត្តិ។ ការស្ទង់មតិនាពេលថ្មីៗ បង្ហាញថា ស្ទើរតែ ៨០ភាគរយនៃប្រជាជនប៉ាឡេស្ទីន ចង់ឲ្យលោក Abbas លាលែងពីតំណែង និងបង្កើនការគាំទ្រដល់ក្រុមប្រដាប់អាវុធ។ ប៉ុន្តែដោយមានទាំងយោធាអ៊ីស្រាអែល និងអាជ្ញាធរប៉ាឡេស្ទីនទប់ស្កាត់សកម្មភាពនយោបាយ ក្រុមនិស្សិត និយាយថា បរិវេណសាកលវិទ្យាល័យ គឺស្ថិតក្នុងចំណោមកន្លែងមួយចំនួននៅតំបន់វ៉េសបែង (West Bank) ដែលនៅតែបើកចំហសម្រាប់ការរៀបចំ។ក្រុមឥស្លាមនិយម ដែលមិនអនុញ្ញាតឲ្យមានការបោះឆ្នោត នៅក្នុងសកលវិទ្យាល័យ Gaza បានប្រើការស្ទង់មតិរបស់និស្សិតនៅទូទាំងតំបន់វ៉េសបែង (West Bank) ជាឱកាសមួយ ដើម្បីពង្រឹងវត្តមានរបស់ខ្លួននៅតំបន់វ៉េសបែង (West Bank)៕

អតីតនាយករដ្ឋមន្ត្រីប៉ាគីស្ថាន ត្រៀមបង្កើតគណៈកម្មាធិការចរចា ដោយពិភាក្សាជាមួយអាជ្ញាធរ

2023/05/25 04:29:38 pm        333
Facebook Telegram Linkin
ប៉ាគីស្ថាន៖ នៅក្នុងសុន្ទរកថា កាលពីថ្ងៃពុធអតីតនាយករដ្ឋមន្ត្រីប៉ាគីស្ថានលោក Imran Khan បាននិយាយថា លោក នឹងបង្កើតគណៈកម្មាធិការចរចាដែលនឹងផ្តល់ការជួបពិភាក្សាជាមួយអាជ្ញាធររដ្ឋដើម្បីស្វែងរកមធ្យោបាយពីស្ថានភាពទ័លច្រក។ លោកបាននិយាយថាប្រសិនបើគណៈកម្មាធិការត្រូវបានកោះប្រជុំនោះបញ្ហាអាចត្រូវបានដោះស្រាយ ដោយលោកទុករឿងនយោបាយមួយឡែក ឬពុំចាំបាច់និយាយពីការបោះឆ្នោតមុនអាណត្តិនោះទេ លោកនឹងធ្វើតាម។ លោក Khan និយាយថា ការចោទប្រកាន់អំពើពុករលួយគឺជារឿងប្រឌិតឡើង ហើយក្រុមការងាររបស់លោកកំពុងត្រូវបានបង្ខំស្ថិតក្រោមការឃុំឃាំងពីរដ្ឋាភិបាល និងយោធានៅក្នុងឧបាយកលដើម្បីរំលាយគណបក្សរបស់លោក មុនការបោះឆ្នោត ដែលកំណត់ពេលនៅឆ្នាំនេះ។ លោកជួបភាពច្របូកច្របល់ក្នុងការទប់ទល់ជាមួយយោធា ចាប់តាំងពីលោកត្រូវបានបណ្តេញចេញពីអំណាចកាលពីឆ្នាំមុននៅក្នុងការបោះឆ្នោតនៅសភា ដែលលោកបាននិយាយថាត្រូវបានរៀបចំដោយឧត្តមសេនីយ៍ជាន់ខ្ពស់របស់ប្រទេស ប៉ុន្តែយោធាបានបដិសេធបញ្ហានេះ។ លោក Khan គឺជាមេដឹកនាំមានប្រជាប្រិយភាពបំផុតរបស់ប្រទេសប៉ាគីស្ថានដែលយោងតាមការបោះឆ្នោតក្នុងតំបន់ ខណៈយោធាគឺជាស្ថាប័នមានបំណាចបំផុតរបស់ប្រទេសដែលបានគ្រប់គ្រងដោយផ្ទាល់ឬគ្រប់គ្រងរដ្ឋាភិបាលក្នុងប្រវត្តិសាស្ត្ររយៈពេល៧៥ឆ្នាំរបស់ប្រទេសប៉ាគីស្ថាន។ការប្រឈមមុខដាក់គ្នា បានបង្កើនការព្រួយបារម្ភថ្មីអំពីស្ថិរភាពរបស់ប្រទេសអាស៊ីខាងត្បូងមួយនេះ ដែលមានប្រជាជន២២០លាននាក់ ខណៈប្រទេសនេះតស៊ូក្នុងវិបត្តិសេដ្ឋកិច្ចដ៏ធ្ងន់ធ្ងរបំផុតរបស់ខ្លួនក្នុង រយៈពេលជាច្រើនទសវត្សរ៍មកនេះ៕

ក្រុមប្រឹក្សាធម្មនុញ្ញប្រជុំលើបណ្តឹងគណបក្សនយោបាយចំនួនពីរ ដែលគ.ជ.ប បដិសេធមិនឲ្យចូលរួមការបោះឆ្នោតជ្រើសតាំងតំណាងរាស្រ្តខាងមុខ

2023/05/25 04:27:47 pm        296
Facebook Telegram Linkin
ភ្នំពេញ៖ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ នាព្រឹកថ្ងៃទី២៥ ខែឧសភា ឆ្នាំ២០២៣នេះ បានដឹកនាំកិច្ចប្រជុំពេញអង្គលើបណ្តឹងរបស់គណបក្សនយោបាយចំនួនពីរ ដែលត្រូវបាន គ.ជ.ប បដិសេធមិនឲ្យចូលរួមការបោះឆ្នោតជ្រើសតាំងតំណាងរាស្រ្តខាងមុខ ដោយសារមិនបានភ្ជាប់នូវសេចក្តីប្រកាសស្តីពីការចុះបញ្ជីគណបក្សនយោបាយនៅក្រសួងមហាផ្ទៃ។

បណ្ដាញសង្គម

ព័ត៌មានថ្មីៗ

សាលក្រមលើករណីរបស់​ក្រុម​ Man City ធ្វើឱ្យទំនាក់ទំនងការទូត រវាងព្រីតថេន​ និងអារ៉ាប់រួម​ តានតឹង
10/02/2026 07:10 PM
Facebook Telegram Linkin
ទិន្នន័យរបស់រដ្ឋាភិបាល៖ ការផ្ទុះឡើងនៃជំងឺអេបូឡា នៅកុងហ្គោ បានសម្លាប់មនុស្សជាង ៤.០០០នាក់
10/02/2026 06:10 PM
Facebook Telegram Linkin
ឯកឧត្តម គន់ គីម អញ្ជើញជួបសវនាការជាមួយ ឯកឧត្តម Winston Toh សមាគមអតីតយុទ្ធជនសាធារណរដ្ឋសិង្ហបុរី
10/02/2026 06:10 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញជួបសវនាការជាមួយ អនុប្រធានទី១សមាគមអតីតយុទ្ធជននៃសាធារណរដ្ឋប្រជាធិបតេយ្យទីម័រឡេស្តេ
10/02/2026 06:10 PM
Facebook Telegram Linkin
ម្នាក់ ក្នុងចំណោមជនជាតិម៉ាឡេស៊ីបាត់ខ្លួន​​ ៥៥នាក់ ត្រូវបានបញ្ជាក់នៅមានជីវិត ក្រោយ​ទឹកជំនន់ នៅនេប៉ាល់
10/02/2026 06:10 PM
Facebook Telegram Linkin
ម្ចាស់ក្សត្រី ប្រធានអឌ្ឍចន្ទក្រហមម៉ាឡេស៊ី យាងសួរសុខទុក្ខអ្នកជំងឺអេដស៍ នៅមន្ទីរពេទ្យសម្តេចឪ សម្តេចម៉ែ
10/02/2026 05:10 PM
Facebook Telegram Linkin
អតីតមេដឹកនាំ​តៃវ៉ាន់ លោកស្រី Tsai នឹងបំពេញទស្សនកិច្ច នៅសហរដ្ឋអាមេរិក នា​សប្តាហ៍ក្រោយ
10/02/2026 05:10 PM
Facebook Telegram Linkin
ចិនត្រៀមសម្រាប់តម្រូវការធ្វើដំណើរច្រើនបំផុត អំឡុងពេល​សម្រាកបុណ្យជាតិរយៈពេល ១សប្តាហ៍
10/02/2026 05:10 PM
Facebook Telegram Linkin
អនុប្រធានទី១ រដ្ឋសភា ជំរុញឱ្យនិស្សិតជ័យលាភីអាហារូបករណ៍ទៅសិក្សានៅបរទេស បំពេញតួនាទីជា «ទូតមិត្តភាព» និងជាកម្លាំងចលករក្នុងការកសាងមូលធនមនុស្សនៅកម្ពុជា
10/02/2026 05:10 PM
Facebook Telegram Linkin
កម្ពុជា ត្រៀមកងកម្លាំងជិត ២ម៉ឺននាក់​ ដើម្បីរក្សាសន្តិសុខ សុវត្ថិភាព ជូនថ្នាក់ដឹកនាំបរទេសដែលនឹងអញ្ជើញចូលរួមកិច្ចប្រជុំកំពូលហ្វ្រង់កូហ្វូនីលើកទី២០
10/02/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.