នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​តេជោចាត់ទុកពាក្យស្លោក «បរាជ័យក្នុងសាលាប្រសើរជាងបរាជ័យក្នុងជីវិត» របស់សម្ដេច​ធិបតី​មានតម្លៃ​មិនសាបសូន្យ
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម

នយោបាយ​ និង ការអភិវឌ្ឍន៍

គណបក្សប្រជាជនកម្ពុជា ប្រកាសកម្ចាត់ចោលនយោបាយជ្រុលនិយម គ្រប់រូបភាពឲ្យអស់ពីសង្គមកម្ពុជា

2023/01/30 04:46:38 pm        297
Facebook Telegram Linkin
ភ្នំពេញ៖ គណបក្សប្រជាជនកម្ពុជា ដែលជាគណបក្សកាន់អំណាចនាពេលបច្ចុប្បន្ននេះ បានប្រកាសថា ខ្លួននឹង កម្ចាត់ចោលនូវនយោបាយ និងសកម្មភាពជ្រុលនិយម​គ្រប់រូបភាព​ទាំងអស់ឲ្យអស់ពីសង្គមកម្ពុជា ខណៈការព្រមានកម្ចាត់នូវទង្វើបែបនេះ គឺក្នុង​គោលបំណង​ថែរក្សាសុខសន្តិភាព និងសេចក្តីសុខ​ក្សេមក្សាន្ត​របស់បងប្អូន​ប្រជាពលរដ្ឋ​ដែលកំពុងមាន​សព្វថ្ងៃនេះ។នៅក្នុងសេចក្តីសម្រេចចិត្តនៃមហាសន្តិបាតវិសាមញ្ញរបស់គណបក្សប្រជាជនកម្ពុជា តំណាងទូទាង កាលពីល្ងាចម្សិលមិញនេះ បានសង្កត់ធ្ងន់ថា«មហាសន្និបាតបញ្ជាក់ច្បាស់អំពីការប្តេជ្ញាចិត្ត របស់ គណបក្សប្រជាជនកម្ពុជា ក្នុងការថែរក្សាសន្តិភាព ស្ថិរភាពនយោបាយ និងសន្តិសុខ ឲ្យបាន​រឹងមាំនូវគ្រប់ កាលៈទេសៈ លើកកម្ពស់ការគោរព និងអនុវត្តច្បាប់ដ៏ម៉ឺងម៉ាត់ ហើយប្រឆាំងដាច់​ខាតរាល់សកម្មភាពប្រ ទូសសរ៉ាយ ដែលធ្វើឲ្យប៉ះពាល់ដល់សន្តិភាព ប្រជាធិបតេយ្យ នីតិរដ្ឋ និងការអភិវឌ្ឍនៅកម្ពុជា។ ក្នុងស្មារតីនេះ ចាំបាច់ត្រូវកម្ចាត់នយោបាយ និងសកម្មភាពជ្រុលនិយមគ្រប់រូបភាពឲ្យអស់​ពី​សង្គមកម្ពុជា មិនទុកឲ្យ និន្នាការនេះបង្ករការបែកបាក់ជាតិឡើយ ដើម្បីពង្រឹងសាមគ្គីភាព ឯកភាពជាតិ និងធានាបរិយាកាសរស់ នៅដ៏សុខសាន្តជូនប្រជាជន។ ជាមួយគ្នានេះ បន្តលើកកម្ពស់ការអនុវត្តគោលនយោបាយភូមិ ឃុំសង្កាត់ មានសុវត្ថិភាពឲ្យកាន់តែ​បានល្អប្រសើរតាមទិសដៅដែលរាជរដ្ឋាភិបាលបានដាក់ចេញ»។ជាមួយគ្នានោះដែរ សេចក្តីសម្រេចចិត្តរបស់មហាសន្តិបាទវិសាញ្ញនេះដែរ គណបក្សប្រជាជនកម្ពុជា បានផ្តោតការ យកចិត្តទុកដាក់ដោះស្រាយបញ្ហាជីវភាពរស់នៅរបស់​ប្រជាជនឲ្យបានកាន់តែ​ល្អប្រសើរ តាមរយៈការបន្តពង្រឹងការអនុវត្តគោលនយោបាយជាតិ​គាំពារសង្គមឆ្នាំ២០១៦-២០២៥. បន្តអនុវត្ត កម្មវិធីជួយឧបត្ថម្ភគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងជំងឺកូវីដ១៩, អនុវត្តកម្មវិធី ឧបត្ថម្ភសាច់ប្រាក់ជូនគ្រួសារដែលរងហានិភ័យក្នុងអំឡុងពេលមានសម្ពាធអតិផរណា និងកម្មវិធីជំនួយ សង្គមជាសាច់ប្រាក់ជូនគ្រួសារដែលរងហានិភ័យ និងផលប៉ះពាល់ធ្ងន់ធ្ងរពីគ្រោះ​ទឹកជំនន់ ,បន្តជំរុញការ ដំឡើងប្រាក់បៀវត្សមន្រ្តី រាជកា និងកងកម្លាំងប្រដាប់អាវុធ ការកែសម្រួល និងដំឡើងប្រាក់សោធននិវត្តន៍ ការដំឡើងប្រាក់ឈ្នួលអប្បរមាដល់កម្មករនិយោជិត និងកាអនុវត្តប្រាក់សោធននិវត្តន៍សម្រាប់កម្មករនិយោ ជិត ដែលស្ថិតនៅក្រោមបទបញ្ញត្តិនៃច្បាប់​ស្តីពីការងារ និងខិតខំដោះស្រាយតម្រូវការផ្សេងៗរបស់ប្រជា ជនជាអាទិ៍ ការងារធ្វើ ទីផ្សារកសិផល ស្ថិរភាពថ្លៃទំនិញចាំបាច់ ការថែរក្សាសុខភាព ការផ្គត់ផ្គង់ទឹកស្អាត អគ្គិសនី ការកសាងផ្លូវជនបទ ប្រឡាយទឹកជាដើម៕អត្ថបទបាន ចក់

គណបក្សប្រជាជនកម្ពុជាបន្តប្តេជ្ញាការពារដោយឥតងាករេនូវរបបរាជានិយម អាស្រ័យរដ្ឋធម្មនុញ្ញ

2023/01/30 04:03:22 pm        1220
Facebook Telegram Linkin
ភ្នំពេញ៖ គណបក្សប្រជាជនកម្ពុជា បានបញ្ជាក់យ៉ាងច្បាស់ជាថ្មីម្តងទៀតចំពោះគោលជំហររបស់ខ្លួន ក្នុងការបន្តប្តេជ្ញាការពារ ដោយឥតងាករេនូវរបបរាជានិយម អាស្រ័យរដ្ឋធម្មនុញ្ញឲ្យស្ថិតស្ថេរជានិរន្តរ៍ និងបន្តខិតខំ ពង្រឹងនូវលទ្ធិប្រជាធិបតេយ្យសេរីពហុបក្សនៅកម្ពុជា ឲ្យកាន់តែល្អប្រសើបន្ថែមទៀតផងដែរ ដើម្បីគុណ ប្រយោជន៍របស់ប្រជាជន និងប្រទេសជាតិទាំងមូល។យោងតាមសេចក្តីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេស របស់គណបក្សប្រ ជាជនកម្ពុជា ដែលបានចេញនាល្ងាចថ្ងៃទី២៩ ខែមករា ឆ្នាំ២០២៣នេះ បានឲ្យដឹងថា «មហាសន្និបាត បញ្ជាក់ច្បាស់នូវគោលជំហរឥតងាករេ ក្នុងការការពាររបបរាជានិយមអាស្រ័យ​រដ្ឋធម្មនុញ្ញឲ្យស្ថិតស្ថេរជា និងរន្តរ៍។ ព្រមជាមួយនោះ បន្តពង្រឹងពង្រីកលទ្ធិប្រជាធិបតេយ្យសេរី ពហុបក្ស និងលើកកម្ពស់ការគោរព សិទ្ធិមនុស្សនៅកម្ពុជា ដែលជាមូលដ្ឋានដ៏សំខាន់ចាំបាច់ក្នុងការ​ពង្រឹងសន្តិភាព ស្ថិរភាព និងជំរុញការអភិវឌ្ឍសង្គម-សេដ្ឋកិច្ចជាដើម»។ក្នុងស្មារតីខាងលើនេះ គណបក្សប្រជាជនកម្ពុជា ចូលរួមយ៉ាងសកម្មជាមួយរាជរដ្ឋាភិបាល គណៈកម្មាធិការជាតិរៀបចំការបោះឆ្នោត បណ្តាគណបក្សនយោបាយ និងគ្រប់មជ្ឈដ្ឋានផ្សេង​ទៀតក្នុងសង្គម ក្នុងការពង្រឹងបរិយាកាសនយោបាយ​សម្រាប់ការបោះឆ្នោតឲ្យបានល្អប្រសើរ ប្រកបដោយលក្ខណៈអព្យា ក្រឹត គ្មានការគំរាមកំហែង និងសុវត្ថិភាព លើមូលដ្ឋានប្រកាន់ខ្ជាប់​គោល​ការណ៍ច្បាប់ ដើម្បីធានាឲ្យដំណើរការបោះឆ្នោតជ្រើសរើសតំណាងរាស្រ្តនីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ខាងមុខនេះប្រព្រឹត្តិ ដោយជោគជ័យ ប្រកបដោយលក្ខណៈសេរី ត្រឹមត្រូវ និងយុត្តិធម៌ ដែលឆ្លុះបញ្ចាំងទាំងស្រុងនូវឆន្ទៈរបស់ ប្រជាពលរដ្ឋខ្មែរទាំងមូល។តាមរយៈសេចក្តីសម្រេចរបស់មហាសន្និបាត ក៏បានឲ្យដឹងផងដែរថា មហាសន្និបាតវិសាមញ្ញ តំណាងទូទាំងប្រទេសក៏បានប្រកាសគាំទ្រពេញទំហឹង សម្តេចតេជោ ហ៊ុន សែន ជាបេក្ខភាពនាយករដ្ឋ មន្រ្តីសម្រាប់នីតិកាលទី៧នៃរដ្ឋសភា និងគាំទ្រឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តីសម្រាប់ ពេលអនាគតផងដែរ៕អត្ថបទបាន ចក់

សម្តេចតេជោ៖ កម្ពុជាមិនអនុញ្ញាតឱ្យមានការញាំញី ដោយជម្លោះសាសនាលើទឹកដីរបស់ខ្លួននោះឡើយ

2023/01/27 03:54:51 pm        931
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានបញ្ជាក់ជាថ្មីម្តង​ទៀតថា កម្ពុជា មិនអនុញ្ញាតឱ្យយកទឹកដីរបស់ខ្លួនធ្វើការញាំញី ដោយជម្លោះសាសនានោះទេ ហើយមួយវិញទៀតក៏មិនអនុញ្ញាតឲ្យមានការចាប់បង្ខំឲ្យទៅជឿលើសាសនានេះ ឬក៏តាមនិកាយនោះក៏មិនអាចទៅរួចដែរ ខណៈបច្ចុប្បន្ននេះ កម្ពុជាមានវត្តមានសាសនាច្រើន​តែប្រកប​ដោយភាពសាមគ្គីគ្នាក្រោមម្លប់សន្តិភាពតែមួយ។ថ្លែងនៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីអបអរសាទរខួប១០០ឆ្នាំ នៃសាសនាគ្រិស្តនៅកម្ពុជា នៅមជ្ឈមណ្ឌលកោះពេជ្រ នាព្រឹកថ្ងៃទី២៧ ខែមករា ឆ្នាំ២០២៣នេះ សម្តេចតេជោ ហ៊ុន សែន បានសង្កត់ធ្ងន់ថា រាជរដ្ឋាភិបាលកម្ពុជាបានផ្តល់នូវលទ្ធភាពគ្រប់​យ៉ាងឲ្យ​មនុស្សជឿលើសាសនា របស់ពួកគេរៀងៗខ្លួន ហើយរាជរដ្ឋាភិបាលប្រឆាំងដាច់ខាតចំពោះការ​រើសអើង​នានាចំពោះសាសនានៅលើទឹកដីកម្ពុជា។ជាមួយគ្នានោះដែរសម្តេចតេជោ ហ៊ុន សែន ក៏លើកឡើងផងដែរថា សព្វថ្ងៃនេះប្រទេសកម្ពុជា​មាន​សាសនាជាច្រើន ប៉ុន្តែសាសនាដែលមានវត្តមាននៅលើទឹកដីកម្ពុជា​នាពេលនេះពុំដែល​មានជម្លោះ នឹងគ្នានោះទេ ផ្ទុយទៅវិញសាសនាទាំងនោះបានធ្វើការសាមគ្គីគ្នាប្រកបដោយសុខុដុមរមនា និងក្រោមម្លប់នៃសុខសន្តិភាពទៅវិញ។ សម្តេចតេជោ ក៏បានមានប្រសាសន៍ផងដែរថា ភាពខុសគ្នា នៃជំនឿសាសនា មិនមែនជាកត្តា​រាំងស្ទះ​ដល់ដំណើរការអភិវឌ្ឍប្រទេសឡើយ ខណៈមានសាសនាច្រើននៅ លើទឹកដីកម្ពុជានាពេល​នេះ​គឺបានចូលរួមសកម្មភាពមនុស្សធម៌ជាច្រើនដល់សង្គមជាតិខ្មែរទាំងមូល ជាពិសេសលើផ្នែក​អប់រំតែម្តង។យ៉ាងណាក៏ដោយសម្តេចតេជោ ក៏បានអំពាវនាវដល់បរិស័ទនៃ សាសនាទាំងអស់បន្តរួមគ្នា​បន្ថែមទៀត​ក្នុងការថែរក្សានូវសុខសន្តិភាពនៅកម្ពុជា ដែលកំពុងមានសព្វថ្ងៃ ហើយប្រសិនបើមិន​មាន​សុខសន្តិភាពដូចពេលនេះទេ គឺមិនមានឱកាសនៃការជួបជុំគ្នាបាននោះឡើយ។ ជាក់ស្តែងពិធីអបអរសាទរខួប១០០ឆ្នាំ នៃសាសនាគ្រិស្តមកពីគ្រប់រាជធានី-ខេត្តទាំងអស់​នាពេល​នេះ គឺបញ្ជាក់អំពីការរីកចំរើននៃជំនឿសាសនា ខណៈពិធីជួបជុំនេះគឺស្ថិតនៅក្រោមម្លប់សន្តិភាព៕អត្ថបទ៖ បាន ចក់

សម្តេចតេជោ ហ៊ុន សែន អញ្ជើញជាអធិបតីក្នុងពិធីអបអរសាទរខួប១០០ឆ្នាំ នៃវត្តមានសាសនាគ្រិស្តនៅកម្ពុជា

2023/01/27 02:23:37 pm        796
Facebook Telegram Linkin
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាព​ដ៏ខ្ពង់ខ្ពស់​ក្នុង​ពិធីអបអរសាទរខួប១០០ឆ្នាំ នៃសាសនាគ្រិស្តនៅកម្ពុជា នៅបរិវេណមជ្ឈមណ្ឌលកោះពេជ្រ ដោយហៅព្រឹត្តិការណ៍នោះថា «មរតកដំណឹងល្អ ១០០ឆ្នាំ(១៩២៣-២០២៣)»។តាមការឲ្យដឹងពី ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានឱ្យដឹងថា ពិធីអបអរសាទរ «មរតកដំណឹងល្អ១០០ឆ្នាំ» ធ្វើឡើង ដើម្បីអរព្រះគុណព្រះយេស៊ូ ក្នុងជំនឿគ្រិស្តបរិស័ទ នៅលើទឹកដីកម្ពុជា ដ៏ស្រស់បំព្រង និងអរគុណសន្តិភាពក្រោមការដឹកនាំ ដ៏ឈ្លាសវៃប៉ិនប្រសប់ របស់សម្តេចតេជោនាយករដ្ឋមន្ត្រី។ព្រឹត្តិការណ៍នេះ ជាការបង្ហាញយ៉ាងច្បាស់អំពីសិទ្ធិ និងសេរីភាពពេញលេញរបស់ប្រជាពលរដ្ឋទូទៅ ក្នុងការគោរព និងប្រតិបត្តិជំនឿ​សាសនានៅកម្ពុជា ហើយរាល់ការធ្វើសកម្មភាព និងការប្រតិបត្តិខាងផ្លូវសាសនានីមួយៗ ត្រូវបានរដ្ឋធានាក្នុងលក្ខខណ្ឌ ដែលមិនប៉ះពាល់ដល់ជំនឿ ឬសាសនាដទៃ។បច្ចុប្បន្ន គ្រិស្ដសាសនា ត្រូវបានយកចិត្តទុកដាក់ខ្ពស់ពីរាជរដ្ឋាភិបាល ដែលប្រជាពលរដ្ឋទូទៅ មានសិទ្ធិពេញទីខាងជំនឿសាសនា ដោយគ្មាននរណាម្នាក់ ត្រូវបានចាប់បង្ខំឱ្យជឿលើសាសនាណាមួយឡើយ។ លើកលែងតែក្នុងរបបប្រល័យពូជសាសន៍ ប៉ុល ពត ប៉ុណ្ណោះ ដែលសាសនាទាំងអស់ត្រូវបានបំផ្លិចបំផ្លាញដល់ឫសគល់ បព្វជិតសាសនានានា ត្រូវបានកាប់សម្លាប់ ឬចាបផ្សឹក វត្តអារាម វិហារ សាលាសាសនា គម្ពីរ ធម៌អាថ៌នានា ត្រូវបានបំផ្លិចបំផ្លាញខ្ទេច ខ្ទីរស្ទើរគ្មានសល់។ដោយសារតែគុណបំណាច់ដ៏ថ្លៃថ្លា នាថ្ងៃរំដោះ ៧មករា ១៩៧៩ ជាប្រវត្តិសាស្រ្ត ក្រោមការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន ដែលជាអគ្គមគ្គុទេសក៏ដឹកនាំដ៏ឆ្នើម បានខិតខំដឹកនាំស្តារ និងអភិវឌ្ឍសង្គមកម្ពុជា ពីបាតដៃទទេ និងគំនរផេះផង់ ការរីកចម្រើនជឿនលឿនលើគ្រប់វិស័យ កិត្យានុភាពជាតិល្បីល្បាញ នៅក្នុងតំបន់ និងនៅលើឆាកអន្តរជាតិ៕

សម្តេចតេជោ ហ៊ុន សែន អញ្ជើញជាអធិបតីភាពប្រគល់សញ្ញាបត្រជូននិស្សិតសាកលវិទ្យាល័យវេស្ទើនជាង ៣ពាន់នាក់

2023/01/26 02:26:11 pm        825
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៃសាកលវិទ្យាល័យវេស្ទើន សរុបចំនួន ៣២៣២នាក់ ក្នុងនោះក៏មាននិស្សិតស្រីចំនួន ១៨៩៧នាក់ ដែលពួកគេបានបញ្ចប់ការសិក្សាក្នុងឆ្នាំសិក្សា២០១៩-២០២០ ឆ្នាំសិក្សា២០២០-២០២១ និងឆ្នាំសិក្សា២០២១-២០២២ កន្លងទៅ ដែលពិធីនេះនឹងធ្វើឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ(OCIC) នៅព្រឹកថ្ងៃទី២៦ ខែមករា ឆ្នាំ២០២៣។បច្ចប្បន្នសាកលវិទ្យាល័យមាននិស្សិតកំពុងបន្តការសិក្សាក្នុងឆ្នាំ២០២២-២០២៣ នេះ ចំនួនសរុប ៥.១៨៦នាក់ ( ស្រី ៣.៥៩០នាក់ ) ហើយមាននិស្សិតបានបញ្ចប់ការសិក្សា គិតចាប់ពីឆ្នាំសិក្សា២០០៣-២០០៤ ដល់ឆ្នាំសិក្សាបច្ចុប្បន្នចំនួន ១៦.៧៤១នាក់ (ស្រី ៨.៤៣០នាក់)៕

កម្ពុជាបានអនុញ្ញាតឱ្យវិនិយោគទុន ១០០% សម្រាប់ផ្លូវដែកល្បឿនលឿនថ្មីពីភ្នំពេញ ទៅកាន់ទីក្រុងហូជីមិញ

2023/01/25 08:16:00 pm        764
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានប្រាប់ប្រតិភូវិនិយោគបារាំងថា កម្ពុជាបានអនុញ្ញាតឱ្យវិនិយោគទុន១០០% សម្រាប់ផ្លូវដែកល្បឿនលឿនថ្មី​ពីភ្នំពេញ​ទៅ​កាន់​ទីក្រុងហូជីមិញ ។សម្ដេចតេជោ ហ៊ុន សែន បានប្រាប់ប្រតិភូវិនិយោគបារាំងដឹកនាំដោយលោក រដ្ឋមន្ត្រី​ប្រតិភូអម​ក្រសួង​អឺរ៉ុប និងការបរទេសបារាំងទទួលបន្ទុកពាណិជ្ជកម្មក្រៅប្រទេសការទាក់ទាញវិនិយោគិន​និងជនជាតិបារាំង នៅបរទេស អូលីវេ្យ បិច (Olivier Becht) នៅក្នុងជំនួបការងារ នាព្រឹកថ្ងៃទី ២៥ ខេមករា ២០២៣ នៅវិមានសន្តិភាពរាជធានីភ្នំពេញ។លោកអូលីវ្យេ និង ប្រតិភូទាំងមូលបាន គោរពជម្រាបជូនសម្ដេចតេជោថា ប្រតិភូទាំងអស់គ្នាមាន​ជំនឿ​លើ​ការវិនិយោគនៅកម្ពុជាយ៉ាងខ្លាំង​ដោយឈរមូលហេតុថា​កម្ពុជាបានចាប់ផ្ដើមពីចំណុច​សូន្យ​ហើយបានបំបែកឯកតកម្មលើការជំរុញ កំណើនសេដ្ឋកិច្ចក្នុងរង្វង់៧ភាគ រយៈ ពេល២០ឆ្នាំ។កម្ពុជាបន្តធ្វើកំណែទម្រង់ បរិយាកាសអំណោយផលដល់ការវិនិ យោគនៅកម្ពុជា​និងកម្ពុជាកំពុង​មាន​អ្នក​ដែល​​មានចំណូលមធ្យមច្រើន។ក្នុង ន័យនេះប្រតិភូវិនិយោគបារាំងសម្រេចធ្វើការ​ជាមួយ​កម្ពុជាវិនិយោគលើវិស័យរដ្ឋភ្លើងល្បឿនលឿន ការដឹកជញ្ជូនតាម ផ្លូវទឹក និង ផ្លូវគោក សំណង់ ថាមពលនិងវិស័យដទៃទៀត និងសុំស្វែងយល់ពីសម្ដេចតេជោហ៊ុនសែនលើវិស័យវិនិ យោគជា​អាទិភាព​របស់កម្ពុជា។ជាការឆ្លើយតបសម្ដេចតេជោ បានជម្រា បជូនគណៈប្រតិភូវិនិយោគបារាំងទាំង មូលថា កម្ពុជា​បានអនុញ្ញាត​ឱ្យវិនិយោគ ទុន១០០ % សម្រាប់ផ្លូវដែកថ្មីល្បឿនលឿនពីភ្នំពេញ​​ទៅកាន់ទីក្រុង​​ហូជីមិញ ។ចំពោះផ្លូវដែក២ ខ្សែទៀតដែលមាន ស្រាប់ពីភ្នំពេញទៅកំពង់សោមនិងពីភ្នំពេញទៅ​ប៉ោយប៉ែត​នឹងត្រូវការពង្រីកហើយលើកទឹកចិត្តអ្នកវិនិយោគពីវិស័យឯកជនតាមរយៈ BOT ។ពាក់ពាល់ថាមពលស្អាតសម្ដេចតេជោបានជម្រា បជូនគណៈប្រតិភពថាកម្ពុជាកំពុងប្រើ ប្រាស់ថាមពលស្អាតប្រមាណ ៦២ភាគ រយហើយហើយកំពុងទាក់ទាញវិនិយោ គមកបន្ថែមទៀត​តែមិនអនុញ្ញាតឲ្យបង្កើតរោងចក្រអគ្គិសនីដែលប្រើប្រាស់ធ្យូងថ្មថ្មីឬធ្វើទំនប់វារី អគ្គិសនីកាត់ទន្លេ មេគង្គឡើយ ។ ជាមួយនេះកម្ពុជាកំពុងលើកទឹកចិត្តឱ្យមានការប្រើប្រាស់ថាមពលដោយពន្លឺវ​ព្រះអាទិត្យ ។ សម្ដេចតេជោ ក៏បានជម្រាបជូនប្រតិភូអំពីអាទិភាពនៃការវិនិយោគនៅកម្ពុជា នោះគឺការជំរុញនយោបាយឧស្សាហកម្ម ជំរុញឲ្យមានការវិនិយោគលើវិស័យ​ឧស្សាហកម្មបច្ចេក​វិទ្យាជាន់ខ្ពស់ ជំរុញឲ្យមានការវិនិយោគលើវិស័យឧស្សាហ កម្មកែច្នៃដែលកម្ពុជាមានវត្ថុធាតុ​ដើមជាច្រើនដូចជាគ្រាប់ស្វាយចន្ទីដំឡូងមី ស្រូវ។ល។មិនត្រឹមតែសម្រាប់ទីផ្សាកម្ពុជា​ទេគឺសម្រាប់នាំចេញទៅកាន់ទីផ្សារដទៃទៀតដែលជាដៃគូរបស់កម្ពុជា ៕

សម្ដេចតេជោ៖ គម្រោងសាងសង់ស្តូបមិត្តភាពបារាំង-កម្ពុជា ឡើងវិញជានិមិត្តរូបនៃមិត្តភាព

2023/01/25 07:55:37 pm        401
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា មានប្រសាសន៍ថា កម្ពុជា បារាំងមាន​គម្រោងសាងសង់ស្តូបរូបសំណាកមិត្តភាពបារាំង -កម្ពុជា ឡើងវិញហើយរូប​សំណាកនោះ គឺជានិមិត្តរូបនៃមិត្តភាព និងសមិទ្ធផលដែលបារាំងតែងតែជួយដល់កម្ពុជា។សម្តេចតេជោ បានអញ្ជើញលើកឡើងយ៉ាងដូច្នេះ ក្នុងឱកាសអនុញ្ញាតឱ្យប្រតិភូបារាំង​ដឹកនាំ​ដោយ​ឯកឧត្តម អូលីវៀ ប៊ិច (Olivier BECHT) រដ្ឋមន្ត្រីប្រតិភូអមរដ្ឋមន្ត្រី ក្រសួងអឺរ៉ុបនិងការបរទេសបារាំង ចូលជួបសំដែងការគួរសមនិងពិភាក្សាការងារនៅវិមានសន្តិភាព នាព្រឹកថ្ងៃទី២៥មករានេះ។ក្រោយជំនួបត្រូវបានបញ្ចប់ ​ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានប្រាប់ដល់​ក្រុមអ្នកសារព័ត៌មានថា ឯកឧត្តម អូលីវៀ បានគោរពថ្លែងអំណរគុណជូនចំពោះសម្ដេចតេជោ ចំពោះ​ការកសាងស្ដូបរំលឹកដល់វីរជនកម្ពុជា-បារាំង ដែលបានពលីជីវិតក្នុងសង្គ្រាម​លោកលើក​ទី១​។ ឯកឧត្តម បានប្រសាសន៍ថា នេះជានិមិត្តរូបនៃមិត្តភាព និងសាមគ្គីភាពរវាងកម្ពុជាបារាំង។ ឯកឧត្តម បានគោរពជម្រាប​ជូនសម្ដេចតេជោថា មិត្តភាពរវាង​ប្រទេស​យើងទាំងពីរគឺ​ចាប់ផ្ដើមចេញអំពីវប្បធម៌​ហើយតាមរយៈវប្បធម៌នេះ បានធ្វើការពង្រីកទៅកាន់វិស័យដទៃទៀតដូចជា៖ វិស័យអប់រំ វិនិយោគ បរិស្ថាន ​ហេដ្ឋារចនាសម្ព័ន្ធ ​រថភ្លើងល្បឿនលឿន​ វិស័យសេដ្ឋកិច្ច ​ពាណិជ្ជកម្ម និងវិស័យ​កសិកម្ម​ជាដើម ហើយឯកឧត្តម អូលីវៀ ​បានមានប្រសាសន៍បន្ថែមថា បារាំងបានត្រៀមខ្លួនជាស្រេចក្នុងការ​ជួយ​ពង្រឹង​កិច្ចសហប្រតិបត្តិការជាមួយកម្ពុជាលើវិស័យខាងលើនេះ។ជាការឆ្លើយតប សម្ដេចតេជោ បានសំដែងនូវការរីករាយជាមួយទំនាក់ទំនង​ និងកិច្ច​សហប្រតិបត្តិការ​រវាងប្រទេស​​ទាំងពីរ ​ជាពិសេសបន្ទាប់ពីជំនួបផ្ទាល់រវាង​សម្ដេច ជាមួយនឹង​ប្រធានាធិបតី​​បារាំង លោក ម៉ាក្រុង កាលពីខែធ្នូកន្លងទៅ។សម្ដេចបានមានប្រសាសន៍ថា រូបសំណាកដែលកំពុងត្រៀមធ្វើការសាងសង់នោះគឺបាន​សាងសង់​ឡើងកាលពីឆ្នាំ១៩២៥​ ប៉ុន្តែត្រូវបានបំផ្លាញចោលនាសម័យប៉ុលពត ។ រូបសំណាកនេះគឺជានិមិត្តរូបនៃមិត្តភាពនិងសមិទ្ធផល ​នៃទំនាក់ទំនងរវាងប្រទេសទាំងពីរ ហើយ​ឆ្លៀតក្នុងឱកាសនោះ សម្ដេចតេជោក៏បានថ្លែងអំណរគុណជូនចំពោះរដ្ឋាភិបាល​និងប្រជាជនបារាំង ដែលកន្លងមកតែងតែបានជួយដល់កម្ពុជា៕អត្ថបទ៖ មុត សុទ្ធ​

សម្តេច ហេង សំរិន ផ្ដាំឯកអគ្គរាជទូតកម្ពុជាប្រចាំបណ្តាប្រទេសនានាត្រូវរក្សា ការពារ និងលើកតម្លៃជាតិជានិច្ច

2023/01/25 05:43:42 pm        486
Facebook Telegram Linkin
ភ្នំពេញ៖ សម្តេចពញាចក្រី ហេង សំរិន ប្រធានរដ្ឋសភានៃកម្ពុជា បានអនុញ្ញាតឱ្យឯកអគ្គរាជទូត​វិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ទើបតែងតាំងថ្មីចំនួន ១០ រូប ប្រចាំនៅបណ្តាប្រទេសជាមិត្តនានាចូលជួបសម្តែងការគួរសម និងទទួលអនុសាសន៍នៅ​មុនពេលអញ្ជើញចេញទៅបំពេញបេសកកម្មការទូតនៅក្រៅប្រទេស។ ក្នុងឱកាសនេះ សម្តេចផ្តាំផ្ញើឯកអគ្គរាជទូតទាំងអស់ថា ទោះក្នុងកាលៈទេសៈណាក៏ដោយ ត្រូវរក្សា ការពារ និងលើកតម្លៃជាតិជានិច្ច។សម្តេចអគ្គមហាពញាចក្រី ហេង សំរិន បានស្វាគមន៍និងអបអរសាទរចំពោះ ឯកឧត្តម លោកជំទាវ ដែលត្រូវបានរាជរដ្ឋាភិបាលផ្តល់សេចក្តីទុកចិត្តតែងតាំងជាឯកអគ្គរាជទូតនៃព្រះរាជាណាចក្រកម្ពុជាប្រចាំនៅបណ្តាប្រទេសជាមិត្តរបស់កម្ពុជាចំនួន ១០ ប្រទេស។ ក្នុងនោះរួមមាន៖ ប្រទេសឥណ្ឌា, ប្រទេសគូវ៉ែត,ប្រទេសថៃឡង់ដ៏, ប្រទេសអូស្រ្តាលី, ប្រទេសគុយបា, ប្រទេសរុស្ស៊ី, ប្រទេសស្វីស, ប្រទេសមីយ៉ាន់ម៉ា, ប្រទេសប្រ៊ុយណេ និងប្រទេសម៉ាឡេស៊ី។សម្តេច បានបញ្ជាក់ថា ចាប់ពីពេលនេះតទៅ ឯកឧត្តម លោកជំទាវ គឺជាឥស្សរជនជាន់ខ្ពស់ តំណាង​ឱ្យ​ព្រះរាជាណាចក្រកម្ពុជានៅបរទេស មានតួនាទីដ៏សំខាន់ ​ក្នុងការលើកកម្ពស់ទំនាក់ទំនង មិត្តភាព និងកិច្ចសហប្រតិបត្តិការលើគ្រប់វិស័យជាមួយប្រទេសទាំងនោះ ពិសេសការលើកតម្កើង​កិត្យានុភាព​ជាតិ ឯករាជ្យ និងការការពារអធិបតេយ្យជាតិរបស់យើង ឱ្យខាងតែបាន។សម្តេចប្រធានរដ្ឋសភា បានគូសបញ្ជាក់ថា ឯកឧត្តម លោកជំទាវ មានការងារសំខាន់ៗជាច្រើន​ដែលត្រូវ​បំពេញលើការងារនយោបាយការបរទេស ក្នុងស្ថានភាពដែលពិភពលោក មានការ​ប្រែប្រួល​ក្នុង​បរិបទថ្មី នៃសណ្ដាប់ធ្នាប់ពិភពលោក។ក្នុងកាលៈទេសៈបច្ចុប្បន្ន​ការស្តាសេដ្ឋកិច្ចសង្គម​ឱ្យងើបឡើងវិញបានឆាប់រហ័សជាកត្តាមួយដ៏សំខាន់ និងចាំបាច់ ដើម្បីរួមចំណែកលើកស្ទួយ​សេដ្ឋកិច្ចជាតិ។ សម្ដេច ហេង សំរិន បានផ្តល់អនុសាសន៍ដល់ឯកអគ្គរាជទូតទាំងអស់ត្រូវតម្កល់​ប្រយោជន៍ជាតិជាធំ។ ទោះក្នុងកាលៈទេសៈណាក៏ដោយ ត្រូវរក្សា ការពារ និងលើកតម្លៃជាតិជានិច្ច ជាដើម។ ត្រូវយកចិត្តទុកដាក់ជួយសម្របសម្រួល និងដោះស្រាយបញ្ហានានារបស់ពលរដ្ឋឱ្យ​មានប្រសិទ្ធភាព និងទាន់ពេលវេលា តាមរយៈការបង្កើតទំនាក់ទំនង ឱ្យបានខ្ជាប់ខ្ជួនជាមួយ បងប្អូនពលរដ្ឋខ្មែរជាដើម។ឯកឧត្តម កុយ គួង ដែលត្រូវបានរាជរដ្ឋាភិបាលតែងតំាងជា ឯកអគ្គរាជទូតប្រចាំនៅប្រទេសឥណ្ឌា​បានគោរពថ្លែងអំណរគុណដ៏ខ្ពង់ខ្ពស់បំផុតជូនសម្តេចប្រធានរដ្ឋសភា ដែលបានអនុញ្ញាត​ឱ្យរូប​ឯកឧត្តមនិងសហការីទំាងអស់បានចូលជួបសម្តែងការគួរសម ជម្រាបលាពិសេសទទួល​អនុសាសន៍​ដើម្បីអនុវត្តការងារក្នុងការបម្រើប្រទេសជាតិនៅលើឆាកអន្តរជាតិ៕

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីប្រតិភូអមរដ្ឋមន្ត្រីនៃក្រសួងអឺរ៉ុប និងការបរទេសបារាំង ចូលជួបសម្តែងការគួរសម និងពិភាក្សាការងារ

2023/01/25 04:58:56 pm        494
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នៅព្រឹកថ្ងៃទី២៥ ខែមករា ឆ្នាំ២០២៣នេះ បានអនុញ្ញាតឱ្យលោក អូលីវៀ បិច Olivier Becht រដ្ឋមន្ត្រី ប្រតិភូអមរដ្ឋមន្ត្រីនៃក្រសួងអឺរ៉ុប និងការបរទេសបារាំង ទទួលបន្ទុកពាណិជ្ជកម្មក្រៅប្រទេស ចូលជួបសម្តែងការគួរសម និងពិភាក្សាការងារ។លោក អូលីវៀ ប៊ិច (Olivier Becht) រដ្ឋមន្ត្រីប្រតិភូនៃក្រសួងអឺរ៉ុប និងការបរទេសបារាំងទទួលបន្ទុកពាណិជ្ជកម្មក្រៅប្រទេស ការទាក់ទាញវិនិយោគិន និងជនជាតិបារាំងនៅបរទេស បានអញ្ជើញមកបំពេញទស្សនកិច្ចនៅ ប្រទេសកម្ពុជា ចាប់ពីថ្ងៃទី ២៤-២៥ ខែមករា ឆ្នាំ២០២៣នេះ ក្នុងគោលដៅពង្រឹងកិច្ចសហប្រតិបត្តិការសេដ្ឋកិច្ចរវាងប្រទេសបារាំងនិងកម្ពុជា។ ដំណើរទស្សនកិច្ចនេះធ្វើឡើងបន្ទាប់ជំនួបរវាងសម្តេចតេជោនាយករដ្ឋមន្រ្តី ហ៊ុន សែន និងលោកប្រធានាធិបតីបារាំង អេម៉ានុយអ៊ែល ម៉ាក្រុង នៅទីក្រុងប៉ារីស៍ កាលពីថ្ងៃទី១៣ ខែធ្នូ ឆ្នាំ២០២២កន្លងទៅ។ ដំណើរទស្សនកិច្ចរសប់លោក អូលីវៀ ប៊ិច នៅប្រទេសកម្ពុជា ក៏មានការអមដំណើរដោយគណៈប្រតិភូធុរជនដឹកនាំដោយសហព័ន្ធធុរកិច្ចបារាំង MEDEF International និង Business France ផងដែរ។ បន្ទាប់ពីជួបពិភាក្សាការងារជាមួយ សម្តេបអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា លោក អូលីវៀ ប៊ិច ក៏នឹងជួបពិភាក្សាការងារជាមួយថ្នាក់ដឹកនាំនយោបាយកម្ពុជាជាច្រើនរូបទៀតដូចជា ឯកឧត្តម ប៉ាន សូរស័ក្ដិ រដ្ឋមន្ត្រីក្រសួង ពាណិជ្ជកម្ម និងឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជាផងដែរ។ នេះបើតាមសេចក្ដីប្រកាសព័ត៌មានរបស់ស្ថានទូតបារាំងប្រចាំកម្ពុជា។ ស្ថានទូតបារាំងបញ្ជាក់ថា ដំណើរទស្សនកិច្ចនេះ បានបង្ហាញពីការប្ដេជ្ញាចិត្តកាន់តែខ្លាំងឡើងៗរបស់ប្រទេសបារាំងនៅតំបន់អាស៊ាន ដែលធ្លុះបញ្ចាំងឱ្យឃើញតាមរយៈការចូលរួមរបស់លោកប្រធានាធិបតីបារាំងក្នុងកិច្ចប្រជុំកំពូលប្រទេស G20 កាលពីចុងឆ្នាំ ២០២២ នៅកោះបាលី និងកិច្ចប្រជុំសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុងបាងកក៕

សម្តេចតេជោ ហ៊ុន សែន ស្វាមន៍ការរាប់ថយក្រោយ១០០ថ្ងៃ នៃព្រឹត្តិការណ៍ស៊ីហ្គេមលើកទី៣២ ដែលកម្ពុជាត្រូវធ្វើជាម្ចាស់ផ្ទះ

2023/01/25 02:14:39 pm        514
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសថា នៅថ្ងៃទី២៥ ខែមករា ឆ្នាំ២០២៣នេះ កម្ពុជាចាប់ផ្តើមយុទ្ធនាការជាតិរាប់ថយក្រោយ១០០ថ្ងៃ សម្រាប់ព្រឹត្តិការណ៍ស៊ីហ្គេមលើកទី៣២(32nd SEA Games) និងអាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។ ១០០ថ្ងៃចុងក្រោយនេះ ជាពេលវេលាដែលយើងត្រូវបំពេញបន្ថែមឲ្យសព្វគ្រប់ពេញលេញបន្ថែមទៀត ទាំងការរៀបចំបដិសណ្ឋារកិច្ចដល់គណៈប្រតិភូកីឡាទាំងឡាយ ដែលចូលមកប្រកួតក្នុងប្រទេសរបស់យើង ដើម្បីអោយកម្ពុជាយើងទទួលបាននូវភាពជោគជ័យក្នុងការធ្វើជាម្ចាស់ផ្ទះនេះ៕

បណ្ដាញសង្គម

ព័ត៌មានថ្មីៗ

ទំនាក់ទំនងកម្ពុជា-ឡាវ រយៈពេល ៧០ឆ្នាំ បន្តលូតលាស់យ៉ាងរឹងមាំ និងផ្ដល់ផលប្រយោជន៍ទៅវិញទៅមក
10/06/2026 09:10 PM
Facebook Telegram Linkin
WHO កំពុងតាមដាន ចំពោះ​ការ​ស្លាប់​របស់បុគ្គលិកមន្ទីរពិសោធន៍រុស្ស៊ី ស្របពេល​សង្ស័យពី​ជំងឺប៉េស្តសួត
10/06/2026 06:10 PM
Facebook Telegram Linkin
សហជីព៖ សាលារៀនជិត ២ពាន់​កន្លែង ត្រូវបិទផ្លូវ ឬបិទទ្វារ ខណៈការតវ៉ាកើតឡើងទូទាំងបារាំង​
10/06/2026 06:10 PM
Facebook Telegram Linkin
សាកល​​វិទ្យាល័យ Cornell រៀបចំបោះឆ្នោតដក​សេចក្ដី​ទុក​ចិត្តលើ​រដ្ឋបាល​ ជុំវិញ​ដំណោះស្រាយ​ករណីរំលោភផ្លូវភេទ
10/06/2026 06:10 PM
Facebook Telegram Linkin
កងកម្លាំងអ៊ីស្រាអែលសម្លាប់មនុស្សម្នាក់ និងជាច្រើននាក់ផ្សេងទៀតរងរបួសនៅតំបន់វ៉េសប៊ែង
10/06/2026 06:10 PM
Facebook Telegram Linkin
លោកស្រី Von der Leyen ជំរុញឲ្យជំនួយថាមពលទៅដល់គ្រួសារខ្វះខាត់ខ្លាំងបំផុត
10/06/2026 06:10 PM
Facebook Telegram Linkin
កេនយ៉ាបញ្ជាក់ករណីជំងឺអេបូឡាលើកដំបូងដែលបាននាំចូលពីប្រទេសកុងហ្គោ
10/06/2026 06:10 PM
Facebook Telegram Linkin
សភាលីទុយអានីបោះឆ្នោតលុបចោលការហាមឃាត់ការដាក់ពង្រាយអាវុធនុយក្លេអ៊ែរ
10/06/2026 05:10 PM
Facebook Telegram Linkin
តៃវ៉ាន់៖ លទ្ធភាព​​​បែងចែកជាផ្នែកតូចៗនៃ​​ការលក់អាវុធថ្មីរបស់អាមេរិក មិន​ទាន់​ត្រូវបាន​ឮនៅឡើយទេ​
10/06/2026 05:10 PM
Facebook Telegram Linkin
លោក Vance៖អ៊ីរ៉ង់អាចមានជាប់ពាក់ព័ន្ធនឹងហេតុការណ៍នៅមូលដ្ឋានទ័ពអាកាស Fairford នៅព្រីត ថេន
10/06/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.