នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ
គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុង​ស្រុកបាកាន ខេត្តពោធិ៍សាត់
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន៖ បើប្រទេសគ្មានសុខសន្តិភាព កុំនិយាយអំពីការសិក្សា និងការអភិវឌ្ឍ

2022/11/01 09:08:23 am        475
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានលើកឡើងជាថ្មីម្តងទៀតថា ប្រសិនបើប្រទេសពុំមានសុខសន្តិភាពទេនោះ ក៏គ្មានឱកាសសិក្សារៀនសូត្រ និងធ្វើការអភិវឌ្ឍប្រទេសឲ្យមានការរីកចម្រើននោះដែរ ជាក់ស្តែងដូចជាប្រទេសកម្ពុជាយើងនេះ បើគ្មានសន្តិភាពទេ នោះក៏គ្មានឱកាសដឹកនាំកិច្ចប្រជុំអាស៊ាន និងកិច្ចប្រជុំពាក់ព័ន្ធដទៃនោះដែរ។ ថ្លែងក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងសំណេះសំណាល និងប្រគល់សញ្ញាប័ត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅមជ្ឈមណ្ឌលពិព័រណ៍ជ្រោយចង្វារ (OCIC) នាព្រឹកថ្ងៃទី១ ខែវិឆ្ឆិកា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា ប្រទេសដែល មានសង្រ្គាមគឺគ្មានឱកាសបានសិក្សារៀនសូត្រស្រួលនោះទេ ហើយក៏គ្មានឱកាសធ្វើការកសាង និងអភិវឌ្ឍប្រទេសឲ្យមានការរីកចំរើននោះដែរ។  សម្តេចតេជោ ហ៊ុន សែន បានបញ្ជាក់បន្ថែមទៀតផងដែរថា ដោយសារតែប្រទេសកម្ពុជាមានសុខសន្តិភាព គ្មានអំពើភេរវកម្មនេះហើយ ទើបកម្ពុជាមានឱកាសដឹកនាំ កិច្ចប្រជុំធំៗ ជាពិសេសកិច្ចប្រជុំអាស៊ាន និងកិច្ចប្រជុំពាក់ព័ន្ធដ៏ទៃទៀត នាពេលប៉ុន្មានថ្ងៃខាងមុខនេះ ដោយកិច្ចប្រជុំនេះនឹងមានថ្នាក់ដឹកនាំប្រទេសធំៗនៅលើពិភពលោកចូលរួម ដូចជាលោក ចូ បៃឌិនប្រធានាធិបតីអាមេរិក នាយករដ្ឋមន្រ្តីចិន .ជប៉ុន. កូរ៉េ. ឥណ្ឌា. កាណាដា. អូស្ត្រាលី និងប្រទេសជាច្រើនទៀត៕

ខ្លឹមសារសំខាន់ៗរបស់សម្តេចតេជោ ហ៊ុន សែន ក្នុងពិធីសំណេះសំណាល និងប្រគល់សញ្ញាបត្រ ជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់

2022/11/01 08:59:45 am        236
Facebook Telegram Linkin
ភ្នំពេញ៖ នៅព្រឹកថ្ងៃទី០១ ខែវិច្ឆិកា ឆ្នាំ២០២២នេះ សម្តេចតេជោ ហ៊ុន សែន បានអញ្ជើញជាអធិបតីដ៏ខ្ពង់ខ្ពស់​ សំណេះសំណាល និងប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់។ខាងក្រោមនេះ ជាខ្លឹមសារសំខាន់ៗរបស់សម្តេចតេជោ ហ៊ុន សែន ៖- និស្សិតដែលអញ្ជើញទទួលសញ្ញាបត្រនៅព្រឹកនេះ មានចំនួនសរុប ៦,៣០៧នាក់ (នារី ៣,០៨៨នាក់) ក្នុងនោះមាននិស្សិតថ្នាក់បរិញ្ញាបត្រ ៤,៦៦៤ នាក់ នារី ២,៥២៨នាក់ និងនិស្សិតថ្នាក់បរិញ្ញាបត្រជាន់ខ្ពស់ ១,៦៤៣នាក់ នារី ៥៦០នាក់។ - និស្សិតដែលទទួលសញ្ញាបត្រនាព្រឹកនេះ មាននិស្សិតជាង ៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ។- សម្តេចតេជោ ហ៊ុន សែន បានប្រកាសថា ជាភ័ព្វសំណាង ដែលកម្ពុជា​ បានជំនះលើសមរភូមិប្រឆាំងកូវីដ-១៩ ទើបយើងមានឱកាសបានជួបជុំគ្នាដោយផ្ទាល់ដូចពេលនេះ។- សម្តេចតេជោ ហ៊ុន សែន បញ្ជាក់ថា មកទល់ពេលនេះ មានរយៈពេល១ឆ្នាំហើយ ដែលកម្ពុជាបើកប្រទេសឡើងវិញ បន្ទាប់ពីរងគ្រោះធ្ងន់ធ្ងរដោយជំងឺកូវីដ-១៩ ដែលជាឱកាស នៃការបើកឡើងវិញ នូវសេដ្ឋកិច្ច សង្គម និងផ្នែកពាក់ព័ន្ធសំខាន់ៗជាច្រើនទៀត។- សម្តេចតេជោ ហ៊ុន សែន បានប្រកាសថា ក្នុងពេលកម្ពុជាកំពុងរងការវាយប្រហារខ្លាំងដោយជំងឺកូវីដ-១៩ រាជរដ្ឋាភិបាល និងអាជ្ញាធរគ្រប់ជាន់ថ្នាក់ បានដាក់ចេញនូវវិធានការនានាបន្ទាន់ និងចាំបាច់ ដើម្បីធានាសុខុមាលភាព និងអាយុជីវិតប្រជាពលរដ្ឋពីជំងឺកូវីដ-១៩។- សម្តេចតេជោ ហ៊ុន សែន ប្រកាសថា កូវីដ-១៩ មិនទាន់ទៅណាឆ្ងាយពីយើងទេ ដូច្នេះវិធានការការពារខ្លួន និងការចាក់វ៉ាក់សាំងកូវីដ-១៩ ឱ្យបានគ្រប់ដូស តាមការណែនាំរបស់ក្រុមគ្រូពេទ្យ គឺជាអ្វីដែលយើងចាំបាច់ត្រូវធ្វើដើម្បីសុខុមាលភាព និងអាយុជីវិតប្រជាពលរដ្ឋ។- សម្តេចតេជោ ហ៊ុន សែន បន្តអំពាវនាវដល់ប្រជាពលរដ្ឋឱ្យបន្តមានវិធានការការពារខ្លួនពីការឆ្លង និងចម្លងកូវីដ-១៩ ដោយអនុវត្តន៍វិធានការនានាតាមការណែនាំរបស់ក្រសួងសុខាភិបាល ព្រមទាំងនាំគ្នាទៅចាក់វ៉ាក់សាំងកូវីដ-១៩ ឱ្យបានគ្រប់ៗគ្នា តាមការណែនាំរបស់គ្រូពេទ្យ។- សម្តេចតេជោ ហ៊ុន សែន បានប្រកាសកោតសរសើរដល់សាកលវិទ្យាល័យភូមិនីតិសាស្ត្រ និងវិទ្យាសាស្ត្រសេដ្ឋកិច្ច ដែលនៅតែបន្តភាពល្អប្រសើរ និងនិរន្តរភាព នៃការបង្រៀន និងរៀនរបស់ខ្លួន បានយ៉ាងល្អប្រសើរ និងកិត្យានុភាព។- សម្តេចតេជោ ហ៊ុន សែន បញ្ជាក់ថា សាកលវិទ្យាល័យភូមិនីតិសាស្ត្រ និងវិទ្យាសាស្ត្រសេដ្ឋកិច្ច បានចាប់ផ្តើមជាមួយភាពលំបាលលំបិនកាលពីឆ្នាំ១៩៨២ ដែលកាលណោះមានអគារចាស់ៗ និងប្រក់ដែកសង្កសី ហើយទីធ្លាមួយចំនួននាពេលនេះ បានកាត់ចេញមកពីវិទ្យាល័យបឹងត្របែកដែលនៅក្បែរនោះ។- សម្តេចតេជោ ហ៊ុន សែន ប្រកាសថា ក្រៅពីនិស្សិតខ្មែរ សាកលវិទ្យាល័យភូមិនីតិសាស្ត្រ និងវិទ្យាសាស្ត្រសេដ្ឋកិច្ច មាននិស្សិតបរទេសជាច្រើនបានចូលសិក្សា ក្នុងនោះក៏មាននិស្សិតមកពីសហរដ្ឋអាមេរិក និងនិស្សិតមកពីប្រទេសធំៗ និងរីកចម្រើននានាលើសកលលោកផងដែរ។- សម្តេចតេជោ ហ៊ុន សែន ប្រកាសថា ក្នុងចំណោមនិស្សិត ដែលទទួលសញ្ញាប័ត្រនាពេលនេះ មាននិស្សិតជាង៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ ហើយនិស្សិតមួយចំនួនទៀតមានការងារ-របរ និងអាជិវកម្មផ្ទាល់ខ្លួន។- សម្តេចតេជោ ហ៊ុន សែន ប្រកាសថា នៅល្ងាចថ្ងៃទី០១ ខែវិច្ឆិកា ឆ្នាំ២០២២នេះ សម្តេចនឹងជួបសន្ទនាតាមទូរស័ព្ទជាមួយឯកឧត្តម Volodymyr Zelenskyy ប្រធានាធិបតីអ៊ុយក្រែន លើកិច្ចការទំនាក់ទំនងផ្ទាល់រវាងកម្ពុជា-អ៊ុយក្រែន និងកិច្ចសហប្រតិបត្តិការក្របខណ្ឌអាស៊ាន-អ៊ុយក្រែន។- សម្តេចតេជោ ហ៊ុន សែន បានប្រកាសជាថ្មីថា សន្តិភាពមានមានតម្លៃខ្លាំងណាស់សម្រាប់មនុស្សជាតិ មិនថាតែកម្ពុជាទេ។ សម្តេចបញ្ជាក់ថា «ការអភិវឌ្ឍនីមួយៗ នឹងមិនអាចកើតឡើងបានឡើយ បើគ្មានសន្តិភាព និងធនធានមនុស្ស»។- សម្តេចតេជោ ហ៊ុន សែន បញ្ជាក់ថា ពេលនេះ មានមេឃុំ និងចៅសង្កាត់មួយចំនួន បានបញ្ចប់ថ្នាក់ឧត្តមសិក្សា ហើយសម្តេចសង្ឃឹមថា ការបោះឆ្នោតក្រោយៗទៀតថ្នាក់ឃុំ-សង្កាត់ នឹងមានបេក្ខជនឈ្មោះ ដែលមានកម្រិតវប្បធម៌កាន់តែខ្ពស់ថ្នាក់ឧត្តមសិក្សា។- សម្តេចតេជោ ហ៊ុន សែន បានប្រកាសថា មានអ្នកខ្លះ មិនហ៊ាននិយាយពីអតីតកាលដ៏លំបាកលំបិនរបស់សកម្ពុជា និងអនុស្សាវរីយ៍ឈឺចាប់របស់ខ្លួនឡើយ ខ្លាចគេថា «អន់» តែសម្រាប់សម្តេច ការឈឺចាប់ និងភាពលំបាលលំបិនរបស់កម្ពុជាពីអតីតកាល គឺជាមេរៀនសម្រាប់យើងទាំងអស់គ្នា។- សម្តេចតេជោ ហ៊ុន សែន ប្រកាសកុំឱ្យមានភាន់ច្រលំថា ៧មករា ឆ្នាំ១៩៧៩ ជារបស់គណបក្សប្រជាជនកម្ពុជាផ្តាច់មុខ ។ ៧មករា ជារបស់ប្រជាពលរដ្ឋខ្មែរគ្រប់រូប ហើយជាថ្ងៃ នៃការរន់រានមានជីវិតឡើងវិញសារជាថ្មីរបស់ប្រជាពលរដ្ឋខ្មែរ ពីការកាប់សម្លាប់ ប្រល័យពូជសាសន៍។- សម្តេចតេជោ ហ៊ុន សែន ប្រកាសថា ក្នុងពេលជារដ្ឋមន្ត្រីក្រសួងការបរទេសនៃកម្ពុជា សម្តេចមានអាវធំ(ក្រសេ)តែមួយប៉ុណ្ណោះ និងបានពាក់អាវធំមួយតែមួយនោះ ទស្សនកិច្ចផ្លូវការនៅប្រទេសនានាលើពិភពលោក ហើយរួបថតមួយចំនួនដែលបានបន្សល់ទុក បានក្លាយជាអនុស្សាវីយ៍ជាង ៤០ឆ្នាំ។- សម្តេចតេជោ ហ៊ុន សែន បានប្រកាសដល់និស្សិតនានា ទោះចប់សិក្សាក៏ដោយ មិនត្រូវបោះបង់ស្វ័យសិក្សាឡើយ ព្រោះនៅលើលោកនេះ គ្មាននរណាម្នាក់ចេះអស់នោះទេ។- សម្តេចតេជោ ហ៊ុន សែន បានប្រកាសថា ការតែងតាំងរដ្ឋមន្ត្រីណាមួយរបស់កម្ពុជា មិនចាំបាច់សុំការអនុញ្ញាតពីអ្នករិះគន់ និងអ្នកវិភាគទាំងឡាយទាំងពួងនោះទេ ហើយរដ្ឋមន្ត្រី ដែលបានតាំង ក៏មិនទាល់តែត្រូវជំនាញនោះទេ ព្រោះអ្វីៗយើងអាចរៀនសូត្របាន ហើយក៏គ្មាននរណាចេះអស់សព្វគ្រប់ដែរ។- សម្តេចតេជោ ហ៊ុន សែន ប្រកាសថា ក្នុងពេលជួបសន្ទនាជាមួយឯកឧត្តម Volodymyr Zelenskyy ប្រធានាធិបតីអ៊ុយក្រែននាល្ងាចនេះ សម្តេចនឹងចោទសួរប្រធានាធិបតីអ៊ុយក្រែនពាក់ព័ន្ធនឹងការនាំចេញគ្រាប់ធញ្ញជាតិទៅក្រៅប្រទេស នាំឱ្យមានវិបត្តិស្បៀងអាហារលើពិភពលោក។- សម្តេចតេជោ ហ៊ុន សែន ប្រកាសសុំការយោគយល់ពីប្រជាពលរដ្ឋរស់នៅតែដងផ្លូវសំខាន់ៗក្នុងរាជធានីភ្នំពេញ ដែលបានបិទ ឬផ្អាកបណ្តោះអាសន្ន ដើម្បីទទួលគណៈប្រតិភូអាស៊ាន និងប្រទេសមហាអំណាចនានា ក្នុងពេលកម្ពុជាធ្វើជាម្ចាស់ផ្ទះ រៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ដែលនឹងឈានចូលមកដល់នាពេលឆាប់ៗខាងមុខនេះ។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋនៅតាមទីជនបទនានា ដែលមានឪពុក-ម្តាយ យាយ-តា ចាស់ជរា សូមមើលថែរក្សាពួកគាត់ក្នុងរដូវរងារចូលមកដល់នេះ ដើម្បីឱ្យពួកគាត់បានរស់នៅដោយកក់ក្តៅ។- សម្តេចតេជោ ហ៊ុន សែន នៅតែបន្តប្រកាសអំពាវនាវដល់ស្ថាប័នរដ្ឋ និងវិស័យឯកជន សូមលើកទឹកចិត្ត ផ្តល់ឱកាស និងទទួលយកមន្ត្រីរាជការក្របខណ្ឌថ្មី ឬបុគ្គលិក ជាជនពិការ ដើម្បីបំពេញការងារ។សង្កថាសម្តេចតេជោ ហ៊ុន សែន ក្នុងឱាសសំណេះសំណាល និងប្រគល់សញ្ញាបត្រ ជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់នៅព្រឹកថ្ងៃទី១ ខែវិច្ឆិកា ចប់នៅវេលាម៉ោង០៨ និង៣៦នាទី៕

សម្តេចតេជោ ហ៊ុន សែន ចំអកឲ្យជនមួយក្តាប់តូចដែលបំភ្លេចនូវអតីតកាល ប្រៀបបានដូចជាបំភ្លេចឱពុក-ម្តាយខ្លួនឯង

2022/11/01 08:45:14 am        291
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី បានចំអកឱ្យជនមួយក្តាប់តូច មិនដែលហ៊ានរំលឹកនូវអតីតកាលនោះទេ ខណៈដែលពួកទាំងនោះបំភ្លេចនូវអតីតកាល ដែលខ្លួនធ្លាប់ឆ្លងកាត់ទាំងនោះ ប្រៀបបានដូចជា បំភ្លេចនូវគុណឱពុកម្តាយខ្លួនឯងយ៉ាងដូច្នេះដែរ។ថ្លែងក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងសំណេះសំណាល និងប្រគល់សញ្ញាប័ត្រ ដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅមជ្ឈមណ្ឌលពិព័រណ៍ជ្រោយចង្វារ (OCIC) នាព្រឹកថ្ងៃទី១ ខែវិឆ្ឆិកា ឆ្នាំ២០២២នេះ សម្តេចតេជោ ហ៊ុន សែន បញ្ជាក់ថា មានអ្នកខ្លះ មិនហ៊ាននិយាយពីអតីតកាលដ៏លំបាកលំបិនរបស់សកម្ពុជា និងអនុស្សាវរីយ៍ឈឺចាប់របស់ខ្លួនឡើយ ខ្លាចគេថា «អន់» តែសម្រាប់សម្តេច ការឈឺចាប់ និងភាពលំបាលលំបិនរបស់កម្ពុជាពីអតីតកាល គឺជាមេរៀនសម្រាប់យើងទាំងអស់គ្នា។ សម្តេចបន្តថា អ្នកខ្លះទៀត កាលពីកន្លងទៅ សូម្បីតែកង់ក៏គ្មានជិះដែរ តែបច្ចុប្បន្នពួកគេមានឡាន ម៉ូតូជិះយ៉ាងស្រួល បែរជាមកជេរ និងរិះគន់ការដឹកនាំរបស់សម្តេចទៅវិញ។សម្តេចតេជោ ហ៊ុន សែន បែបចំអកដល់«ក្រុមប្រឆាំងចាញ់ជាអមតៈ» ដែលកំពុងរត់ចោលស្រុក និងក្រុមអ្នកវិភាគដូរបាយមួយចំនួន ដែលកំពុងស្រែកក្ដែងតាមវិទ្យុ និងប្រព័ន្ធផ្សព្វផ្សាយបរទេសមួយចំនួន៕(ដោយ៖ បាន ចក់)

សម្តេចតេជោ ហ៊ុន សែន អញ្ជើញជាអធិបតីប្រគល់សញ្ញាបត្រជូននិស្សិត សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង៦ពាន់នាក់

2022/11/01 07:15:59 am        292
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីក្នុងពិធីប្រគល់សញ្ញាបត្រជូន​និស្សិត​សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង ៦ពាន់នាក់ នៅព្រឹកថ្ងៃទី០១ ខែវិច្ឆិកា ឆ្នាំ២០២២នេះ។យោងតាមរបាយការណ៍ក្រសួងអប់រំ យុវជន និងកីឡា បានឱ្យដឹងថា និស្សិតដែលដែលអញ្ជើញទទួលសញ្ញាបត្រនៅព្រឹកនេះ មានចំនួនសរុប ៦,៣០៧នាក់ (នារី ៣,០៨៨នាក់)។ ក្នុងនោះមាននិស្សិតថ្នាក់បរិញ្ញាបត្រ ៤,៦៦៤នាក់ នារី ២,៥២៨នាក់ និងនិស្សិតថ្នាក់បរិញ្ញាបត្រជាន់ខ្ពស់ ១,៦៤៣នាក់ នារី ៥៦០នាក់។យោងតាមលទ្ធផលស្ទង់មតិរបស់សាកលវិទ្យាល័យ និស្សិតដែលទទួលសញ្ញាបត្រនេះ មាននិស្សិតជាង ៩៧ភាគរយ មានការងារធ្វើ ក្នុងនោះនិស្សិតថ្នាក់បរិញ្ញាបត្រមានជាង ៩៦ភាគរយ និងនិស្សិតថ្នាក់បរិញ្ញាបត្រជាន់ខ្ពស់មានជិត ១០០ភាគរយ៕

ប្រធាន គ.ជ.ប ទោះអាកាសធាតុបន្តរំខាន ប៉ុន្តែមិនរាំងស្ទះដល់ការចុះឈ្មោះបោះឆ្នោតនោះទេ

2022/10/31 12:57:24 pm        496
Facebook Telegram Linkin
ភ្នំពេញ៖ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត បានឱ្យដឹងថា ទោះបីមានការិយាល័យចុះឈ្មោះបោះឆ្នោតខ្លះរងផលប៉ះពាល់ដោយសារបញ្ហាគ្រោះធម្មជាតិ ប៉ុន្តែមិនមានការរំខានខ្លាំងដល់ការចុះឈ្មោះបោះឆ្នោតទាំងមូលនោះទេ។បន្ទាប់ពីដំណើរការចុះឈ្មោះបោះឆ្នោតបានប្រព្រឹត្តទៅរយៈពេលជាងមួយសប្តាហ៍​ នៅថ្ងៃទី៣១ ខែតុលា ឆ្នាំ២០២២ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត​ (គជប) បានអញ្ជើញចុះពិនិត្យតាមបណ្តាការិយាល័យចុះឈ្មោះបោះឆ្នោតក្នុងសង្កាត់ចំនួន៦នៃខណ្ឌពោធិ៍សែនជ័យ និងកំបូល ដោយឯកឧត្តម បានសំណេះសំណាលជាមួយប្រជាពលរដ្ឋចុះឈ្មោះថ្មី និង​អ្នកផ្លាស់ទីលំនៅចាស់មកពីទីលីនៅថ្មីជាដើម។ ក្រោយពីអញ្ជើញត្រួតពិនិត្យការចុះឈ្មោះ ឯកឧត្តម ប្រាជ្ញ ចន្ទ​ បានឱ្យដឹងថា តាមការសង្កេត​នៃ​ទីតាំងការិយាល័យចុះឈ្មោះបោះឆ្នោតនីមួយៗមិនមានបាតុភូតអ្វីកើតឡើង ក្រៅពីមានការរំខាន​ដោយសារបញ្ហាអាកាសធាតុនោះទេ។ទន្ទឹមគ្នានេះ ឯកឧត្តម ប្រាជ្ញ ចន្ទ លើកឡើងថា រយៈពេល១១ថ្ងៃនេះ​សង្កេតឃើញមានសម្ទុះ​ប្រជា​ពលរដ្ឋ​អញ្ជើញចូលរួមចុះឈ្មោះបោះឆ្នោតជាង ១៥ម៉ឺននាក់ ជាមួយនឹងការសហការយ៉ាង​ល្អប្រសើររវាងក្រុមមន្រ្តី ​អាជ្ញាធរមូលដ្ឋាន និងប្រជាពលរដ្ឋ។នាឱកាសនោះ ឯកឧត្តម ប្រាជ្ញ ចន្ទ បានអំពាវនាវដល់ប្រជាពលរដ្ឋគ្រប់អាយុចុះឈ្មោះបោះឆ្នោត​ទាំង​អស់នៅទូទាំងប្រទេស ​សូមអញ្ជើញពិនិត្យបញ្ជីឈ្មោះ ​និងចុះឈ្មោះបោះឆ្នោត ដើម្បីមាន​ឈ្មោះ​ក្នុង​បញ្ជីបោះឆ្នោតសម្រាប់ចូលរួមបោះឆ្នោតជ្រើសតាំងតំណាងរាស្រ្ត ​នីតិកាលទី៧ ឆ្នាំ២០២៣ខាងមុខ។គួរបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ ​មានរយៈពេល៥០ថ្ងៃ គិត​ចាប់ពីថ្ងៃទី២០ ខែតុលា ដល់ថ្ងៃទី០៨ ​ខែធ្នូ ឆ្នាំ២០២២ ហើយឯកសារប្រើប្រាស់​សម្រាប់ការ​ចុះ​ឈ្មោះបោះឆ្នោត​គឺ​តម្រូវឱ្យ​មាន​អត្ត​សញ្ញាណ​បណ្ណ​សញ្ជាតិខ្មែរដែលមានសុពលភាពតែប៉ុណ្ណោះ ក្នុង​ករណីហួសសុពលភាពប្រជាពលរដ្ឋត្រូវទំនាក់ទំនង​ទៅក្រុមចុះឈ្មោះបោះឆ្នោតតាមឃុំ-សង្កាត់ ដើម្បីទទួល​បានឯកសារបម្រើដល់ការចុះឈ្មោះបោះឆ្នោត៕ អត្ថបទ៖ សេក ឧត្តម 

អ្នកនាំពាក្យ៖ ការឈ្មោះបោះឆ្នោតក្នុងអាណត្តិនេះ យុវជនចាប់អារម្មណ៍ច្រើនជាងពេលមុន

2022/10/29 01:29:49 pm        753
Facebook Telegram Linkin
ភ្នំពេញ៖ ក្នុងដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតនៅអាណត្តិនេះ យុវជនមានអាយុ ១៨ឆ្នាំ កំពុង​ស្ទុះស្ទា​ទៅចុះបោះឆ្នោតច្រើនជាងអាណត្តិមុន។មានប្រសាសន៍ប្រាប់BTV នៅថ្ងៃទី២៩ខែតុលានេះ ឯកឧត្តម ហង្ស ពុទ្ធា អ្នកនាំពាក្យ​គណៈកម្មាធិការ​ជាតិរៀបចំការបោះឆ្នោត ​ដែលហៅកាត់ថា គ.ជ.ប បានលើកឡើងថា តាម​ការ​សង្កេត​ក្នុងអំឡុងពេលពិនិត្យបញ្ជីឈ្មោះ ​និងការចុះឈ្មោះបោះឆ្នោត ក្នុងរយៈពេលប៉ុន្មាន​ថ្ងៃមកនេះ យុវជនអាយុ១៨ឆ្នាំ ​មានការចាប់អារម្មណ៍ទៅនឹងការចុះឈ្មោះបោះឆ្នោតច្រើនជាង​អាណត្តិមុន។ ការចាប់អារម្មណ៍នេះ ​គឺ​ដោយសារពួកគាត់យល់ដឹងពីសារៈសំខាន់​នៃ​ការបោះឆ្នោតជ្រើស​តាំង​តំណាងរាស្ត្រ។សម្រាប់យុវជន និងពលរដ្ឋទូទៅ ​មកចុះឈ្មោះនៅសង្កាត់ច្បារអំពៅទី២ ក្នុងខណ្ឌច្បារអំពៅ រាជ​ធានី​ភ្នំពេញ បានលើកឡើងដែរថា​ បន្ទាប់ពីមានឈ្មោះក្នុងបញ្ជីបោះឆ្នោតរួចរាល់​ គឺសប្បាយចិត្ត ព្រោះបាន​បំពេញកាត្វកិច្ចជាពលរដ្ឋល្អ ​អាចទៅបោះឆ្នោតជ្រើសរើស​ថ្នាក់ដឹក​នាំ​ដែលខ្លួនពេញចិត្ត និង​មានសមត្ថភាពគ្រាប់គ្រាន់។ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២​ ប្រព្រឹត្តទៅជារៀរាល់ថ្ងៃ ចាប់ផ្តើម​ពី​ថ្ងៃទី​២០ ខែតុលា ដល់ថ្ងៃទី៨ ខែធ្នូ ឆ្នាំ២០២២ ​នៅតាមសាលាឃុំ សង្កាត់ ឬនៅតាមភូមិមួយ​ចំនួន​ក្នុងឃុំ សង្កាត់ទូទាំងប្រទេស។ដើម្បីចុះឈ្មោះបោះឆ្នោតបាន ប្រជាពលរដ្ឋត្រូវបំពេញលក្ខខណ្ឌដូចជា៖ ​ត្រូវបង្ហាញខ្លួន និងមាន​អត្តសញ្ញាប័ណ្ណសញ្ជាតិខ្មែរ(អ.ខ) ​ដែលមាន​សុពលភាព ​ឯកសារ​បញ្ជាក់​អត្តសញ្ញាណ​បម្រើ​ឲ្យ​ការចុះឈ្មោះបោះឆ្នោត ឆ្នាំ២០២២, ត្រូវមានអាយុពី១៨ឆ្នាំឡើង ​គិតត្រឹម​ ថ្ងៃទី២៣ខែកក្កដា ឆ្នាំ២០២៣ ​ដែល​ជាថ្ងៃបោះឆ្នោត​ ពោលគឺត្រូវកើតមុន ​ឫត្រឹមថ្ងៃទី២៤ខែកក្កដា ​ឆ្នាំ២០០៥ និង មាន​លំនៅឋាន ឫទីសំណាក់ក្នុងឃុំ/សង្កាត់ដែល​សាមីខ្លួនត្រូវចុះឈ្មោះបោះឆ្នោតជាដើម៕ អត្ថបទ៖ ទូច សោភ័ណ

សម្តេចតេជោ ហ៊ុន សែន អញ្ជើញ​ជួបសំណេះ​សំណាល​ជាមួយ​មន្ត្រីរាជការ និង​កងកម្លាំង​ប្រដាប់អាវុធ ខេត្តកំពង់ធំ

2022/10/29 11:52:39 am        216
Facebook Telegram Linkin
នៅថ្ងៃទី២៩ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានជួបអញ្ជើញសំណេះសំណាលជាមួយជាមួយមន្ត្រីរាជការ និងកងកម្លាំងប្រដាប់អាវុធ ក្នុងខេត្តកំពង់ធំ។តាមរបាយការណ៍ របស់ឯកឧត្តម ងួន រតនៈ អភិបាល នៃគណៈអភិបាលខេត្តកំពង់ធំ បានអោយដឹងថា នៅទូទាំងខេត្តកំពង់ធំមានមន្ត្រីរាជការស៊ីវិលកំពុងបំពេញការងារសរុបចំនួន ៧,៩៣៧នាក់ ក្រុមប្រឹក្សាខេត្ត ២៥នាក់ ក្រុមប្រឹក្សាក្រុងស្រុក ១៦៩នាក់ និងក្រុមប្រឹក្សាឃុំសង្កាត់ ៥៨៥នាក់។ចំពោះការងារសន្តិសុខសណ្តាប់ធ្នាប់វិញ គឺគណៈបញ្ជាការឯកភាពខេត្ត បានចូលរួមចំណែកយ៉ាងសកម្មក្នុង ការថែរក្សា សន្តិសុខ សណ្តាប់ធ្នាប់សាធារណៈក្នុងភូមិសាស្ត្រខេត្តបានល្អប្រសើរ ក្នុងនោះបទល្មើសព្រហ្មទណ្ឌនៅទូទាំងខេត្តមានការថយចុះ ការបង្ក្រាបបទល្មើសផ្សេងៗដូចជា បទល្មើសធនធានធម្មជាតិមាន នេសាទ ព្រៃឈើ សត្វព្រៃ ដីព្រៃជាដើម និងពាក់ព័ន្ធបទល្មើសជួញដូរ ចែកចាយ ប្រើប្រាស់គ្រឿងញៀន និងការពង្រឹងការអនុវត្តច្បាប់ចរាចរណ៍ផ្លូវគោក ការអនុវត្តគោលនយោបាយភូមិ ឃុំ សង្កាត់មានសុវត្ថិភាពជាដើម ត្រូវបានយកចិត្តទុកដាក់ និងជំរុញអនុវត្តបានជាប្រចាំពិសេសការទប់ស្កាត់ និងការបង្ក្រាបល្បែងស៊ីសង គ្រប់ប្រភេទ។សម្តេចតេជោ ហ៊ុន សែន បានបង្ហាញនូវក្តីរីករាយ ដែលបានវិលមកជួបជាមួយក្រុមប្រឹក្សាខេត្ត ក្រុង/ស្រុក ឃុំ/សង្កាត់ មន្ត្រីរាជការ និងកងកម្លាំងប្រដាប់អាវុធនៅក្នុងខេត្តកំពង់ធំសារជាថ្មីម្តងទៀត។ សម្តេចតេជោនាយករដ្ឋមន្ត្រី បានថ្លែងអបអរសាទរចំពោះក្រុមប្រឹក្សាឃុំ/សង្កាត់​ ក្នុងខេត្តកំពង់ធំទាំងអស់ ដែលទទួលបានការគាំទ្រពីប្រជាពលរដ្ឋ តាមរយៈការបោះឆ្នោត ឃុំ សង្កាត់ កន្លងទៅនេះ។សម្តេចតេជោនាយករដ្ឋមន្ត្រី ក៏បានកោតសរសើរ និងវាយតម្លៃខ្ពស់ចំពោះមន្ត្រីរាជការ និងកងកម្លាំងប្រដាប់អាវុធទាំងអស់ ដែលបានប្រឹងប្រែងរួមគ្នាទប់ស្កាត់ការរីករាលដាលជំងឺកូវីដ១៩ និងជួយដោះស្រាយបញ្ហារបស់ប្រជាពលរដ្ឋពេលជួបគ្រោះទឹកជំនន់ នាពេលថ្មីៗនេះ។ ជាពិសេសការប្រឹងប្រែងរួមគ្នារក្សាឱ្យបាននូវសន្តិសុខសណ្តាប់ធ្នាប់ និងរបៀបរៀបរយក្នុងសង្គម ទប់ស្កាត់បាននូវទង្វើបង្កចលាចលនានាក្នុងសង្គម។សម្តេចតេជោ ហ៊ុន សែន បានក្រើនរំលឹកដល់មន្ត្រីរាជការទាំងអស់ ជាពិសេសក្រុមប្រឹក្សាឃុំ/សង្កាត់ ឱ្យបន្តយកចិត្តទុកដាក់បំពេញតួនាទីភារកិច្ចបម្រើជាតិ និងប្រជាជន ជាពិសេសបន្តយកចិត្តទុកដាក់ផ្តល់នូវសេវាចាំបាច់នានាជូនប្រជាពលរដ្ឋឱ្យបានលឿន រហ័ស ចៀសវាងបង្កនូវបញ្ហានានា ដែលនាំឱ្យថ្នាំងថ្នាក់ដល់ទឹកចិត្តរបស់ប្រជាពលរដ្ឋ។សម្តេចតេជោក៏បានថ្លែងដោយក្តីមោទនភាពចំពោះភាពជោគជ័យនៃការទប់ស្កាត់ជំងឺកូវិដ-១៩ របស់ប្រទេសកម្ពុជា តាមរយ:យុទ្ធសាស្ត្រចាក់វ៉ាក់សាំងប្រកបដោយប្រសិទ្ធភាព ដែលធ្វើអោយកម្ពុជាមានឱកាសបើកដំណើរការប្រទេសជាតិឡើងវិញ។ ទាំងអស់នេះដោយសារតែការខិតខំរបស់ប្រជាពលរដ្ឋកម្ពុជាយើងទាំងអស់គ្នា ក្នុងការទប់ស្កាត់ការចំលងនៃជំងឺកូវីដ-១៩។សម្តេចតេជោនាយករដ្ឋមន្ត្រីបានរំលឹកដល់មន្រ្តីទាំងអស់ ត្រូវបន្តយកចិត្តទុកដាក់រក្សាសន្តិសុខសណ្ដាប់ធ្នាប់សង្គម ដោយអនុវត្តគោលនយោបាយភូមិ ឃុំ មានសុវត្ថិភាព រួមមាន ការបង្ក្រាបនូវបទល្មើសផ្សេងៗ ដូចជា ចោរឆក់ ចោរប្លន់ និងការជួញដូរគ្រឿងញៀនជាដើម ដើម្បីផ្តល់ភាពកក់ក្តៅ និងធានាដល់សុវត្ថិភាពនៃការរស់នៅ របស់ប្រជាពលរដ្ឋ។ ទន្ទឹមនេះ ត្រូវយកចិត្តទុកដាក់ផ្តល់នូវសេវាសាធារណៈ រួមមានសេវាតម្រូវការចាំបាច់ទាំងឡាយ និងសេវាសំណូមពរនានា ជូនប្រជាពលរដ្ឋ អោយបានលឿន និងមានប្រសិទ្ធិភាព ហើយត្រូវខិតខំបំបាត់អោយអស់នូវភាពអសកម្មនានា។អាជ្ញាធរត្រូវយកចិត្តទុក ដាក់ដោះស្រាយជម្លោះដីធ្លីជូនប្រជាពលរដ្ឋអោយបានរហ័ស និងមានប្រសិទ្ធិភាព ជាពិសេសការដោះស្រាយក្រៅប្រព័ន្ធតុលាការ ដោយមិនត្រូវលំអៀងខាងភាគីណានោះទេ គឺត្រូវឈរនៅកណ្ដាលជានិច្ច។សម្តេចតេជោ ហ៊ុន សែន ក៏បានកោតសរសើរដល់មន្ត្រីគ្រប់ជាន់ថ្នាក់ នៃខេត្តកំពង់ធំដែលបានរួមសហការគ្នា អភិវឌ្ឍខេត្តមួយនេះអោយទទួលបាននូវការរីកចម្រើន៕

សម្តេចតេជោ ហ៊ុន សែន នឹងជួបពិភាក្សាជាមួយប្រធានាធិបតីអ៊ុយគ្រែនតាមទូរស័ព្ទនៅថ្ងៃទី១ ខែវិច្ឆិកាខាងមុខនេះ

2022/10/29 11:29:10 am        280
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នឹង​ជួបពិភាក្សាការ ងារមួយចំនួនជាមួយលោក Volodymyr Zelenskyy ប្រធានាធិបតីអ៊ុយគ្រែន តាមរយៈទូរស័ព្ទនាថ្ងៃទី១ ខែវិច្ឆិកា ឆ្នាំ២០២២ខាងមុខនេះ ខណៈ​កិច្ចពិភាក្សា​នេះ​ក្នុង​ក្របខណ្ឌ​កិច្ច​សហប្រតិបត្តិការអាស៊ាន និងអ៊ុយគ្រែន។ថ្លែងក្នុងឱកាសអញ្ជើញសំណេះសំណាល ផ្តល់ស្រូវពូជ និងស្បៀងអាហារ ជូន​កសិករ​ជាង​៦ពាន់​គ្រួសារ​ដែល​រងគ្រោះដោយទឹកជំនន់ នៅខេត្តកំពង់ធំ នាព្រឹកថ្ងៃទី២៩ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្តីបានបញ្ជាក់ថា សម្តេចនឹងជួបសន្ទនា ជាមួយ​ប្រធានាធិបតី​អ៊ុយគ្រែន តាមទូរស័ព្ទ ដោយកិច្ចសន្ទនានេះគឺ​ធ្វើ​ឡើង​តាម​ការ​ស្នើសុំ​របស់​ប្រធានាធិបតីអ៊ុយគ្រែន ដែលចង់ជួបពិភាក្សាជាមួយសម្តេចក្នុងនាមប្រធានអាស៊ាន។ជាមួយគ្នានោះដែរសម្តេចតេជោ ហ៊ុន សែន នាយករដ្ឋមន្រ្តី​ក៏​បាន​បញ្ជាក់​ផង​ដែរ​ថា​ ក្នុង​នាម​សម្តេច ជាប្រធានអាស៊ានប្តូរវេនឆ្នាំ២០២២នេះ សម្តេចក៏បានអញ្ជើញលោក វីឡាឌីមៀ ពូទីន ប្រធានាធិបតីរុស្ស៊ី ឲ្យចូលរួមកិច្ចប្រជុំអាស៊ាន និងអាស៊ានបូក ដែល​កម្ពុជា​ធ្វើ​ជាម្ចាស់​ផ្ទះក្នុង​ខែ​វិច្ឆិកា ឆ្នាំ២០២២ខាងមុខនេះដែរ ប៉ុន្តែ​រហូត​មក​ដល់​ពេល​នេះ​ប្រធានាធិបតី​រូប​នេះ​ពុំ​ទាន់​មាន​ការ​ឆ្លើយ​តប​យ៉ាងណានោះឡើយ។ សម្តេចតេជោ ហ៊ុន សែន ក៏បានបញ្ជាក់ផងដែរថា រដ្ឋមន្រ្តី​ក្រសួង​ការ​បរទេសអ៊ុយគ្រែន និងក្រសួងការបរទេសនៃប្រទេសអេស្បាញ និងចុះហត្ថ​លេខា​ជា​មួយ​សម្តេច ដែលជាប្រធានអាស៊ានក្នុងក្របខណ្ឌកិច្ច សហប្រតិបត្តិការជាមួយអាស៊ាន-អ៊ុយ​គ្រែន​ និងអេស្បាញ៕ អត្ថបទ៖ បាន ចក់

សម្តេចតេជោ អំពាវនាវពលរដ្ឋមានការប្រុងប្រយ័ត្ន បញ្ហាជំងឺអេប៉ូឡាកំពុងផ្ទុះនៅតំបន់អាហ្វ្រិក

2022/10/29 10:59:42 am        233
Facebook Telegram Linkin
កំពង់ធំ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាន​អំពាវនាវ​ដល់​ប្រជាពលរដ្ឋ សូមមានការប្រុងប្រយ័ត្នឲ្យបានខ្ពស់ ចំពោះបញ្ហាជំងឺអេប៉ូឡា ដែលបាន​ផ្ទុះឡើង​ជាថ្មី នៅតំបន់អាហ្រ្វិក ហើយធ្វើឲ្យអ្នកជំងឺស្លាប់បាត់បង់ជីវិតជាបន្តបន្ទាប់នោះ ។ក្នុងពិធីសំណេះសំណាល ផ្ដល់ពូជស្រូវ និងស្បៀង​អាហារ​ដល់​ពលរដ្ឋ​រង​គ្រោះ​ដោយ​ទឹកជំនន់​ប្រមាណ​ជាង ៦ពាន់គ្រួសារ ក្នុងខេត្តកំពង់ធំ នៅថ្ងៃទី២៩ ខែតុលា ឆ្នាំ២០២២ សម្ដេចតេជោ​នាយករដ្ឋមន្ត្រី មានប្រសាសន៍ថា ជំងឺអេប៉ូឡា កំពុងកើតឡើងនៅក្នុងប្រទេសអ៊ូហ្គង់ដា ស្ថិត​ក្នុង​តំបន់​អាហ្រ្វិក បានបណ្ដាលឲ្យអ្នកជំងឺមួយចំនួនស្លាប់រួចទៅហើយ ដែលបញ្ហាជំងឺនេះ អាច​នឹង​ឆ្លង​ចូល​មក​ប្រទេសកម្ពុជាយើង ដូចនេះសូមពលរដ្ឋមានការប្រុងប្រយ័ត្ន រួមទាំង​ការ​អនុវត្ត​នូវ​វិធានការ​សុខាភិបាល ។បើតាមការចេញផ្សាយរបស់សារព័ត៌មានអន្តរជាតិ គឺគិតត្រឹមថ្ងៃទី២៨ ខែតុលា ឆ្នាំ២០២២ ជំងឺ​អេប៉ូឡា នៅក្នុងប្រទេសអ៊ូហ្គង់ដា បានស្លាប់បាត់បង់ជីវិតចំនួន២៩នាក់ ហើយ​មាន​ឆ្លង​ជា​ច្រើន​ករណី​ទៀត ។ជាមួយនេះ សម្ដេចតេជោ ក៏បានរំលឹកផងដែរ ដល់​ប្រជាពលរដ្ឋ​បន្ត​ទប់​ស្កាត់ការ​ឆ្លង​រាល​ដាល​ នៃ​ជំងឺ​កូវីដ-១៩ មានបន្តអនុវត្តនូវវិធានការ ៣ការពារ ៣កុំ រួមទាំងការ​ចាក់​វ៉ាក់សាំង​ឲ្យ​បាន​គ្រប់​ចំនួន​ដូស ខណៈមានពលរដ្ឋប្រមាណ៤លាននាក់ទៀត នៅមិនទាន់បានចាក់ដូសទី៣ ។សម្ដេចតេជោ ហ៊ុន សែន បានបន្ថែមថា សម្រាប់កម្ពុជាមិនមានការខ្វះខាតវ៉ាក់សាំង ចាក់​ជូន​ប្រជាពលរដ្ឋ​នោះ​ទេ ដែលបច្ចុប្បន្នមានស្តុកនៅក្នុងឃ្លាំងចំនួនជាង ៨លានដូស ហើយនៅ​សល់​វ៉ាក់សាំង​ជា​ជំនួយរបស់ចិន និងអាមេរិក សរុបប្រមាណជាង ២០លានដូសទៀត ។ ដោយសម្ដេច​ក៏​បាន​អំពាវ​នាវបន្ថែមផងដែរ ដល់ប្រជាពលរដ្ឋ សូមទៅចាក់វ៉ាក់សាំងតាមចំនួនដូស ឲ្យ​បាន​គ្រប់​គ្នា​៕ អត្ថបទ៖ បាន សុខរិទ្ធិ

ប្រសាសន៍សំខាន់ៗរបស់សម្តេចតេជោ ហ៊ុន សែន ថ្លែងក្នុងពិធីផ្ដល់ពូជស្រូវជូនកសិករដែលរងគ្រោះ​ដោយទឹកជំនន់​នៅខេត្តកំពង់ធំ

2022/10/29 08:00:32 am        431
Facebook Telegram Linkin
កំពង់ធំ៖ នៅព្រឹកថ្ងៃទី២៩ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញសំណេះសំណាលផ្តល់ស្រូវពូជ និង​ស្បៀង​អាហារ ជូនកសិករជាង ៦ពាន់គ្រួសារដែលរងគ្រោះដោយទឹកជំនន់ នៅខេត្តកំពង់ធំ។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេតេជោ ហ៊ុន សែន បានពាំនាំព្រះរាជបណ្តាំផ្ញើសាកសួរសុខទុក្ខពីព្រះករុណា ព្រះបាទ សម្តេចព្រះបរមនាថ នរោត្តសីហមុនី ព្រះមហាក្សត្រ នៃព្រះរាជាណាចក្រកម្ពុជា និងហ្លួងម៉ែ ជូនដល់ប្រជាពលរដ្ឋ ដែលរងគ្រោះដោយទឹកជំនន់នៅខេត្តកំពង់ធំនាពេលនេះ។- សម្តេចតេជោ ហ៊ុន សែន នាយករដ្ឋមន្ត្រី បានថ្វាយព្រះពរ បវរមហាប្រសើរ ថ្វាយព្រះករុណា ជាអម្ចាស់ ក្នុងព្រះរាជពិធីខួបគម្រប់១៨ ព្រះវស្សា (២៩ តុលា ២០០៤ - ២៩ តុលា ២០២២) នៃការយាងឡើងគ្រងព្រះបរមសិរីរាជសម្បត្តិ។- សម្តេចតេជោ ហ៊ុន សែន បានក្រាបបង្គំថ្វាយព្រះពរបវរមហាប្រសើរ សូមព្រះករុណាជាអម្ចាស់​ជីវិតលើត្បូង ទ្រង់ព្រះប្រកបដោយព្រះរាជសុខភាពពេញបរិបូរណ៍ ព្រះពលានុភាពមាំមួនក្លៀវក្លា ព្រះបញ្ញាញាណភ្លឺថ្លាវាងវៃ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ គ្រង​ព្រះបរម​សិរីរាជសម្បត្តិ ជាម្លប់ដល់ប្រជានុរាស្រ្តជាកូន ជាចៅរបស់ព្រះអង្គ ជ្រកកោនត្រជាក់ត្រជំ សុខដុមរមនា ជាភិយ្យោភាពតរៀងទៅ។- សម្តេចតេជោ ហ៊ុន សែន បានប្រកាសថា សម្តេចមិនឱ្យគេដៀលថា «អាអត់ពូជនោះទេ»។ ពាក្យថា អត់ពូជនេះ សម្តេចចង់បញ្ជាក់ថា មិនឱ្យប្រជាពលរដ្ឋ ដែលជាប្រជាកសិករ អត់ពូជស្រូវ ពូជដំណាំ សម្រាប់បង្កបង្កើនផលរបស់ប្រជាពលរដ្ឋនោះទេ។- សម្តេចតេជោ ហ៊ុន សែន ប្រកាសថា ទីណាមានការលំបាក ទីនោះតែងមានមុខអាជ្ញាធរ និងមន្ត្រីគណបក្សប្រជាជនកម្ពុជា ចុះទៅដល់កន្លែងនោះ ដើម្បីដោះស្រាយបញ្ហា​លំបាក​របស់ប្រជាពលរដ្ឋ ជាពិសេសក្នុងពេលមានគ្រោះទឹកជំនន់ និងគ្រោះធម្មជាតិផ្សេងៗ​ជាយថាហេតុ។- សម្តេចតេជោ ហ៊ុន សែន បានប្រកាសក្រាបបង្គំអរគុណ ដល់សម្តេចសង្ឃទាំងពីរគណៈ ដែល​បានបរិច្ចាគបច្ច័យ(ជាថវិកា)ជូនដល់រាជរដ្ឋាភិបាល ដើម្បីរួមគ្នាដោះស្រាយការ​លំបាក​របស់ប្រជាពលរដ្ឋ ដែលរងគ្រោះដោយទឹកជំនន់។- សម្តេចតេជោ ហ៊ុន សែន បានប្រកាសថ្លែងអំណរគុណដល់សប្បុរសជនក្នុងស្រុកទាំងអស់ ដែល​​មានសមានចិត្ត ចូលរួមជាមួយរាជរដ្ឋាភិបាល និងអាជ្ញាធរថ្នាក់ក្រោមជាតិ ដើម្បី​ដោះស្រាយ​ការលំបាករបស់ប្រជាពលរដ្ឋដែលរងគ្រោះដោយទឹកជំនន់។- សម្តេចតេជោ ហ៊ុន សែន ប្រកាសថា សម្តេចយល់ណាស់ ពីការលំបាករបស់ប្រជាពលរដ្ឋ ព្រោះសម្តេច ក៏កើតចេញពីកូនកសិករធ្វើស្រែ-ចំការដែរ។ សម្តេចបាននិពន្ធបទចម្រៀងមួយបទ ដែលមានចំណងជើងថា «ជីវិតអ្នកចំការ វាសនាអ្នកស្រែ» ដែលរៀបរាប់យ៉ាងលម្អិត ពីជីវិតកសិករ ជាពិសេសពេលមានគ្រោះធម្មជាតិផ្សេងៗ ដែលនឹកស្មានមិនដល។- សម្តេចតេជោ ហ៊ុ​ន សែន ក្នុងពេលឡើងកាន់តួនាទីកំពូលរបស់ជាតិ បានឡើងប្រកាសប្តេជ្ញា និងត្រូវបានកត់ត្រាយ៉ាងច្បាស់ថា «សម្តេចមិនឱ្យប្រជាពលរដ្ឋណាម្នាក់ស្លាប់ ឬរងភាពលំបាកលំបិន ដោយយើងមិនបានដឹង និងមិនមានដោះស្រាយនោះទេ»។- សម្តេចតេជោ ហ៊ុន សែន ប្រកាសថ្លែងអំណរគុណ ដល់ប្រជាពលរដ្ឋខេត្តកំពង់ធំ និង​ប្រជាពលរដ្ឋ​ទូទាំងប្រទេស ដែលបានបោះឆ្នោតជូនគណបក្សប្រជាជនកម្ពុជា ឈ្នះភ្លូកទឹក ភ្លូកដី ក្នុង​ការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២ ហើយសម្តេចសង្ឃឹមថា ប្រជាពលរដ្ឋគ្រប់គ្នា នឹងនៅបន្តបោះឆ្នោតជូនគណបក្សប្រជាជនកម្ពុជានៅឆ្នាំ២០២៣ និងការបោះឆ្នោតក្រោយៗទៀត។- សម្តេចតេជោ ហ៊ុន សែន នៅតែបន្តអំពាវនាវដល់ប្រជាពលរដ្ឋឱ្យ​បន្តមាន​វិធានការ​ការពារ​ខ្លួនពីការឆ្លង និងចម្លងកូវីដ-១៩ ដោយអនុវត្តន៍វិធានការ ៣ការពារ និង៣កុំ ព្រមទាំងនាំគ្នា​ទៅ​ចាក់វ៉ាក់សាំងកូវីដ-១៩ ទាំងដូសមូលដ្ឋាន និងដូសជំរុញ ឱ្យបានគ្រប់ៗគ្នា តាម​ការណែនាំ​របស់គ្រូពេទ្យ។- សម្តេចតេជោ ហ៊ុន សែន ប្រកាសថា កម្ពុជានៅសល់វ៉ាក់សាំងកូវីដ-១៩​ ជាង ៨លានដូលទៀតស្តុកទុកក្នុងឃ្លាំងបម្រុងទុក ដើម្បីចាក់ជូនប្រជាពលរដ្ឋ ។ ក្នុងនោះមានវ៉ាក់សាំងកូវីដ-១៩ ជាច្រើនលានដូសទៀត បានបញ្ជាទិញទីមិត្តចិន និងអាមេរិក ហើយវ៉ាក់សាំងនោះ នឹងមកដល់កម្ពុជាជាបន្តបន្ទាប់។- សម្តេចតេជោ ហ៊ុន សែន បានប្រកាសថ្លែងអំណរគុណដល់គណបក្សភ្លើងទៀន និងសមាជិក សមាជិកា គណបក្សភ្លើងទៀននៅតាមមូលដ្ឋាន ដែលបានចេញញត្តិថ្កោលទោសជនទាំងឡាយ ដែលសំដៅលើជនក្បត់ជាតិ ៣ជំនាន់ ឈ្មោះទណ្ឌិត សម រង្ស៊ី ដែលបានប្រមាថព្រះករុណា ព្រះមហាក្សត្រ យ៉ាងធ្ងន់ធ្ងរមិនអាចទទួលយក។- សម្តេចតេជោ ហ៊ុន សែន បានប្រកាសជាថ្មីមិនអត់ឱន ឬលើកលែងឱ្យបក្សណាក៏ដោយ ឬជនណាក៏ដោយ ដែលភ្ជាប់ខ្លួនទៅជាមួយជនក្បត់ជាតិ ៣ជំនាន់ ឈ្មោះទណ្ឌិត សម រង្ស៊ី ដែលធ្វើនយោបាយបំផ្លាញជាតិសាសន៍ និងប្រជាជនខ្លួនឯង ព្រមទាំងប្រមាថព្រះករុណា ព្រះមហាក្សត្រ យ៉ាងធ្ងន់ធ្ងរ។- សម្តេចតេជោ ហ៊ុន សែន ប្រកាសថា សម្តេចនឹងជួបសន្ទនាតាមទូរស័ព្ទ ជាមួយឯកឧត្តម Volodymyr Zelenskyy ប្រធានាធិបតីអ៊ុយក្រែន នៅថ្ងៃទី០១ ខែវិច្ឆិកា ឆ្នាំ២០២២ លើកិច្ចការមួយចំនួនពាក់ព័ន្ធកិច្ចសហប្រតិបត្តិក្របខ័ណ្ឌអាស៊ាន និងអ៊ុយក្រែន។- សម្តេចតេជោ ហ៊ុន សែន ប្រកាសដល់ប្រជាពលរដ្ឋឱ្យរួមគ្នាការពារសន្តិភាព ដែលយើងរកបានដោយលំបាក។ សម្តេចបញ្ជាក់ថា «មានសន្តិភាព ទើបយើងមានការអភិវឌ្ឍន៍ដូចសព្វថ្ងៃនេះ»។ សង្កថាសម្ដេចតេជោ ហ៊ុន សែន ចប់នៅម៉ោង៨និង០២នាទី។

បណ្ដាញសង្គម

ព័ត៌មានថ្មីៗ

EU៖ រុស្សីនឹងមិនអាចយកបានទ្រព្យសម្បត្តិត្រូវបានបង្កវិញ ដោយមិនមានការទូទាត់ឡើយ
08/30/2025 06:08 PM
Facebook Telegram Linkin
ប៉ាគីស្ថាន៖ មនុស្សជិតកន្លះលាននាក់ដែលជាប់ដោយសារទឹកជំនន់ ត្រូវបានជម្លៀស
08/30/2025 06:08 PM
Facebook Telegram Linkin
អ្នកការទូតជាន់ខ្ពស់របស់ EU «មិនមានសុទិដ្ឋិនិយម» ជុំវិញការដាក់ទណ្ឌកម្មលើអ៊ីស្រាអែល
08/30/2025 06:08 PM
Facebook Telegram Linkin
រថយន្តបំបុកចូលហ្វូងមនុស្សនៅបារាំង បណ្ដាលឲ្យមនុស្សម្នាក់ស្លាប់
08/30/2025 05:08 PM
Facebook Telegram Linkin
សមាជិកសភាថៃ ២៨៣នាក់ គាំទ្រប្រមុខគណបក្ស Bhumjaithai ធ្វើជានាយករដ្ឋមន្ត្រី
08/30/2025 05:08 PM
Facebook Telegram Linkin
អ៊ីរ៉ង់៖ ការផ្តល់ជូនរបស់ E3 ដើម្បីពន្យារការដាក់ទណ្ឌកម្ម មានពេញទៅដោយ «លក្ខខណ្ឌជាមុនមិនប្រាកដនិយម»
08/30/2025 05:08 PM
Facebook Telegram Linkin
ចិន៖ ទំនាក់ទំនងកាន់តែរឹងមាំជាមួយឥណ្ឌា ផ្ដល់ប្រយោជន៍ឲ្យប្រទេសទាំង២
08/30/2025 05:08 PM
Facebook Telegram Linkin
គិតត្រឹមថ្ងៃទី៣០សីហានេះ ពលរដ្ឋ និងពលករខ្មែរទើប​ត្រឡប់ពី​ថៃជា​ង ១៩ម៉ឺន​នាក់ទទួល​បាន​ឱកាស​ការ​ងារ​តាម​រយៈ​ក្រសួង​ការ​ងារ និង​វិស័យ​ឯកជន
08/30/2025 04:08 PM
Facebook Telegram Linkin
ឯកឧត្តម ស៊ី ជីនពីង៖ ចិននឹងបន្តផ្តល់ការគាំទ្រដល់កម្ពុជា និងពង្រឹងសមត្ថភាពកម្ពុជាលើការការពារអធិបតេយ្យភាពជាតិ
08/30/2025 04:08 PM
Facebook Telegram Linkin
រដ្ឋមន្ត្រីពាណិជ្ជកម្ម៖ ឥណ្ឌានឹងមិន «ចុះញ៉ម» នោះទេ បន្ទាប់ពីមានការដំឡើងពន្ធពីអាមេរិក
08/30/2025 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.