BTV NEWS

សម្ដេចធិបតីបញ្ជាក់ជាថ្មីទៅប្រធានអាស៊ានប្តូរវេនចំពោះការប្ដេជ្ញាចិត្តរបស់កម្ពុជាលើការដោះស្រាយបញ្ហាជម្លោះព្រំដែនទាំងអស់ជាមួយប្រទេសជិតខាងដោយសន្តិភាព និងច្បាប់អន្តរជាតិ

គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុងស្រុកបាកាន ខេត្តពោធិ៍សាត់

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន គ្រោងជួបប្រធានាធិបតីអ៊ុយក្រែនតាមទូរស័ព្ទនៅប៉ុន្មានថ្ងៃខាងមុខនេះ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី គ្រោងជួបប្រធានាធិបតីអ៊ុយក្រែនតាមទូរស័ព្ទនៅប៉ុន្មានថ្ងៃខាងមុខនេះ។សម្តេចតេជោ ហ៊ុន សែន ប្រកាសថា «បេសកកម្មជួយប្រជាជនដែលរងគ្រោះ ដោយជំនន់ទឹកភ្លៀងវគ្គទីមួយត្រូវបានបញ្ចប់ពីម្សិលមិញ។ មកដល់ផ្ទះវិញ បំណុលត្រូវសង មានយ៉ាងច្រើន ដោយឯកសារត្រូវពិនិត្យសម្រេច និងចុះហត្ថលេខានៅរង់ចាំ»។សម្តេចតេជោបញ្ជាក់ថា ការងារទាក់ទងនឹងការប្រជុំអាស៊ាន ក្នុងឋានៈជាប្រធានប្តូរវេនឆ្នាំ២០២២ បូកជាមួយនឹងការចូលរួមប្រជុំG 20 និងការចូលរួមប្រជុំAPECត្រូវបានដោះស្រាយមួយភាគធំ។សម្តេចបន្តថា «ប្រសិនគ្មានការប្រែប្រួល និងការសម្របសម្រួលពេលវេលាតាមផ្លូវការទូត ដែលកំពុងធ្វើនោះទេ ខ្ញុំនឹងជួបប្រធានាធិបតីអ៊ុយក្រែនតាមទូរស័ព្វនៅប៉ុន្មានថ្ងៃខាងមុខនេះ»៕

ផ្លូវក្រវាត់ក្រុងទី៣ សម្រេចបាន៧៧% និងសង់ស្ពានឆ្លងកាត់ផ្លូវជាតិ សម្រេចបាន ៨៨%

ភ្នំពេញ ៖ ការស្ថាបនាផ្លូវក្រវាត់ក្រុងទី៣ សម្រេចបាន ៧៧% រួមទាំងស្ពានឆ្លងកាត់ទន្លបាសាក់ ឆ្លងកាត់ផ្លូវជាតិលេខ២ និងផ្លូវជាតិលេខ២២ សម្រេចបាន ៨៨% ។ថ្លែងក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមករបស់ក្រសួងសាធារណការ និងដឹកជញ្ជូន” នាទីស្ដីការគណៈរដ្ឋមន្រ្ដី នៅព្រឹកថ្ងៃទី២៧ ខែតុលា ឆ្នាំ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ផ្លូវក្រវាត់ក្រុងទី៣ សម្រេចបាន ៧៧% រួមទាំងស្ពានឆ្លងកាត់ទន្លបាសាក់ ឆ្លងកាត់ផ្លូវជាតិលេខ២ និងផ្លូវជាតិលេខ២២ សម្រេចបាន ៨៨% ។សូមជម្រាបថា ផ្លូវក្រវាត់ក្រុងមួយខ្សែនេះ ចាប់ផ្តើមពីផ្លូវជាតិលេខ៤ ត្រង់ចំណុចគីឡូម៉ែត្រលេខ ១៤+១០៥ ស្ថិតក្នុងភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ភ្ជាប់ទៅកាន់ផ្លូវទំនប់កប់ស្រូវ ផ្លូវជាតិលេខ៥ ស្ពានឈ្នះឈ្នះ មហាវិថីឈ្នះឈ្នះ និងផ្លូវជាតិលេខ៦ ហើយនឹងប្រែក្លាយទៅជាផ្លូវក្រវាត់ក្រុងដ៏ធំ និងទំនើបថ្មីមួយសម្រាប់បម្រើឱ្យវិស័យដឹកជញ្ជូនរវាងរាជធានីភ្នំពេញ តភ្ជាប់ទៅកាន់ផ្លូវជាតិលេខ៦ លេខ៥ លេខ៤ លេខ៣ លេខ២ និងផ្លូវជាតិលេខ២១ ដោយឆ្លងកាត់ទន្លេបាសាក់ និងកោះអន្លង់ចិន មកបញ្ចប់ត្រឹមផ្លូវជាតិលេខ១ ត្រង់ចំណុចគីឡូម៉ែត្រលេខ ២៤+៨៤០ ស្ថិតក្នុងភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល។ ពិសេសជាងនេះទៅទៀត ខ្សែផ្លូវនេះក៏បានភ្ជាប់ទៅចំណតផែកុងតឺន័រថ្មី របស់កំពង់ផែស្វ័យតភ្នំពេញ នៅក្នុងស្រុកកៀនស្វាយ ក៏ដូចជាបំពេញឱ្យការតភ្ជាប់ផ្លូវអាស៊ានហាយវ៉េយ និងផ្លូវរបៀងសំខាន់ៗ ជារបៀងកណ្តាល និងរបៀងសេដ្ឋកិច្ចភាគខាងត្បូង របស់មហាអនុតំបន់មេគង្គផងដែរ។គួររំលឹកដែរថា គម្រោងផ្លូវក្រវាត់ក្រុងទី៣នេះ ត្រូវបានប្រារព្ធពិធីបើកការដ្ឋានសាងសង់ កាលពីថ្ងៃទី១៤ ខែមករា ឆ្នាំ២០១៩ ដែលអនុវត្តការងារសាងសង់ដោយក្រុមហ៊ុន Shanghai Construction Group Co., Ltd. ក្នុងតម្លៃ ២៦៧,៦៧ លានដុល្លារអាមេរិក និងអនុវត្តការងារត្រួតពិនិត្យគម្រោងដោយក្រុមហ៊ុន Guangzhou Wanan Construction Supervision Co., Ltd. ក្នុងតម្លៃ ៥,៣៨ លានដុល្លារអាមេរិកក្រោមហិរញ្ញប្បទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន និងថវិកាបដិភាគរបស់រាជរដ្ឋាភិបាលកម្ពុជាសម្រាប់ការដោះស្រាយផលប៉ះពាល់ ការបោសសម្អាតមីន និងយុទ្ធភ័ណ្ឌមិនទាន់ផ្ទុះ៕ អត្ថបទ៖ ប្រាក់ វ៉ាន់ដា

គណបក្សភ្លើងទៀន ប្រកាសថ្កោលទោសជនដែលប្រមាថព្រះចេស្តាព្រះមហាក្សត្រ បន្ទាប់ពីជនក្បត់ជាតិ សម រង្ស៊ី បានប្រមាថថា ព្រះមហាក្សត្រជាក្បត់ជាតិ

ភ្នំពេញ៖ គណបក្សភ្លើងទៀន នៅថ្ងៃទី២៧ ខែតុលា ឆ្នាំ២០២២នេះ បានចេញសេចក្តីថ្លែងការណ៍ដោយបានថ្កោលទោសចំពោះជនដែលបានប្រមាថព្រះមហាក្សត្រ និងរបបរាជានិយមអាស្រ័យរដ្ឋធម្មនុញ្ញ និងថាគណបក្សភ្លើងគោរពនូវព្រះរាជតួនាទីដ៏ខ្ពង់ខ្ពស់នៃអង្គព្រះមហាក្សត្រដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា។ការប្រកាសផ្កោលទោសនេះ ធ្វើឡើងបន្ទប់ជនក្បត់ជាតិ៣ជំនាន់ គឺទណ្ឌិតសម រង្ស៊ី ទើបតែបានថ្លែងប្រមាថព្រះចេស្តារព្រះមហាក្សត្រថា គ្មានមនសិការស្នេហាជាតិ និងជាជនក្បត់ជាតិថែមទៀត៕

សម្តេចពញាចក្រី ហេង សំរិន អញ្ជើញក្នុងពិធីបើកកិច្ចប្រជុំប្រឆ្នាំលើកទី៣០នៃវេទិកាសភាអាស៊ី-ប៉ាស៊ីហ្វិក(APPF) នៅប្រទេសថៃ

សម្តេចពញាចក្រី ហេង សំរិន ប្រធានរដ្ឋសភានៃកម្ពុជា បានអញ្ជើញក្នុងពិធីបើកកិច្ចប្រជុំប្រចាំឆ្នាំ លើកទី៣០ នៃវេទិកាសភាអាស៊ី-ប៉ាស៊ីហ្វិក (APPF) នៅទីក្រុងបាងកក ប្រទេសថៃ។នៅល្ងាចថ្ងៃទី២៦ ខែតុលា ឆ្នាំ២០២២ សម្តេចពញាចក្រី ហេង សំរិន ប្រធានរដ្ឋសភានៃកម្ពុជា បានដឹកនាំគណៈប្រតិភូសភាកម្ពុជាចូលរួមពិធីបើកកិច្ចប្រជុំប្រចំាឆ្នាំលើកទី៣០ នៃវេទិកាសភាអាស៊ី-ប៉ាស៊ីហ្វិកដែលសភាប្រទេសថៃ ធ្វើជាម្ចាស់ផ្ទះ នៅរដ្ឋសភាថៃ នាទីក្រុងបាងកក ក្រោមអធិបតីភាព ឯកឧត្តម ឈួន លីកផៃ (Chuan Leekpai) ប្រធានរដ្ឋសភា នៃព្រះរាជាណាចក្រថៃ និងជាប្រធាន APPF លើកទី៣០។ វេទិកាសភាអាស៊ី-ប៉ាស៊ីហ្វិក បានប្រារព្ធធ្វើឡើងក្រោមមូលបទ សភា និងការស្តារឡើងវិញប្រកបដោយចីរភាពក្រោយជំងឺកូវីដ-១៩ ដើម្បីលើកកម្ពស់លទ្ធិប្រជាធិបតេយ្យ សន្តិភាព និងសន្តិសុខ» រយៈពេល៤ថ្ងៃ ចាប់ពីថ្ងៃទី២៦ ដល់ថ្ងៃទី២៩ ខែតុលា ឆ្នាំ២០២២។នៅក្នុងសុន្ទរកថាបើកកិច្ចប្រជុំជាផ្លូវការ ឯកឧត្តម ឈួន លីកផៃ បានស្វាគមន៍យ៉ាងកក់ក្តៅចំពោះវត្តមានគ្រួសារ APPF និងបណ្តាប្រទេសជាមិត្ត រួមទំាងអង្គការជាដៃគូ អ្នកអង្កេតការណ៍ទំាងអស់ ដែលបានមកជួបជុំគ្នានាឱកាសនេះ ក្រោយពីជំងឺកូវីដ-១៩ បានធូរស្រាល។ ឯកឧត្តម បានលើកឡើងថា ការជួបជុំនេះមានសារៈសំខាន់ណាស់នៅក្នុងការពង្រឹងពង្រីកកិច្ចសហប្រតិបត្តិការពហុភាគីនិយម ដែលជាសំឡេងរបស់តំណាងពលរដ្ឋក្នុងការប្រយុទ្ធប្រឆំាង រាល់បញ្ហាតំបន់ និងពិភពលោកកំពុងជួបប្រទះ ដូចជាការស្តារឡើងវិញនូវសង្គម និងសេដ្ឋកិច្ចក្រោយពីការរាតត្បាតជាសកលពីជំងឺកូវីដ-១៩ និងអំពើបញ្ហាប្រឈមផ្សេងៗ ដែលបានកំពុងកើតមានជាបន្តបន្ទាប់ក្នុងតំបន់ និងពិភពលោក។ឯកឧត្តម ប្រធាន APPF លើកទី៣០ បានលើកឡើងថា ក្នុងរយៈពេល៣០ឆ្នាំមកនេះ APPF បានដើរតួនាទីយ៉ាងសំខាន់នៅក្នុងការជំរុញនូវវប្បធម៌សន្ទនា និងកិច្ចសហប្រតិបត្តិការដែលជាកត្តាសំខាន់ក្នុងការកសាងនិងអភិវឌ្ឍប្រកបដោយចីរភាព និងជាការចូលរួម ដើម្បីធ្វើឱ្យគោលដៅអភិវឌ្ឍប្រកបដោយចីរភាពឆ្នាំ២០៣០សម្រេចតាមផែនការ។យ៉ាងណាមិញ ក្នុងការដឹកនាំគណៈប្រតិភូជាន់ខ្ពស់រដ្ឋសភាកម្ពុជាចូលរួមកិច្ចប្រជុំ APPF លើកទី៣០នេះ សម្តេចពញាចក្រី ហេង សំរិន នឹងអញ្ជើញថ្លែងសុន្ទរកថាទៅកាន់កិច្ចប្រជុំគណៈកម្មការនយោបាយ និងសន្តិសុខ នៅថ្ងៃទី២៧ ខែតុលា នេះផងដែរ។វេទិកាសភាអាស៊ី-ប៉ាស៊ីហ្វិក បានផ្តួចផ្តើមបង្កើតឡើងដោយ អតីតនាយករដ្ឋមន្រ្តីជប៉ុន ឯកឧត្តម Yasuhiro Nakasone ក្នុងឆ្នាំ១៩៩៣ មានគោលបំណងប្រមូលផ្តុំសភាក្នុងតំបន់អាស៊ីប៉ាស៊ីហ្វិក ជួបប្រជុំប្រចំាឆ្នាំ ដើម្បីដោះស្រាយបញ្ហារួម ក្នុងតំបន់ ជាពិសេស ការថែរក្សា និងលើកកម្ពស់សុខសន្តិភាព ស្ថេរភាព និងការអភិវឌ្ឍប្រកបដោយចីរភាពនៅក្នុងតំបន់និងសកលលោក។ មកដល់ពេលនេះវេទិកាសភាមួយនេះ មានសមាជិកចំនួន២៨ប្រទេស ដោយសភាកម្ពុជាបានចូលជាសមាជិក APPF នៅឆ្នាំ១៩៩៥ និងធ្លាប់បានធ្វើជាម្ចាស់កិច្ចប្រជុំ APPF លើកទី២៧ នៅខេត្តសៀមរាប កាលពីឆ្នាំ២០១៩៕ អត្ថបទ សេក ឧត្តម

កម្ពុជា-ចិន ប្រារព្ធពិធីនាំចេញផ្លែមៀនស្រស់ផ្លូវការនៅព្រឹកថ្ងៃនេះ

ភ្នំពេញ៖ នៅទីស្ដីការក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី២៧ ខែតុលា ឆ្នាំ២០២២នេះ មានរៀបចំពិធីសម្ភោធការនាំចេញផ្លែមៀនស្រស់កម្ពុជាទៅកាន់ទីផ្សារប្រទេសចិន។ ពិធីនេះបានប្រព្រឹត្តទៅក្រោមអធិបតីភាពឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម Wang Wentian ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា និងមានការអញ្ញេីញចូលរួមពីថ្នាក់ដឹកនាំមន្រ្តីរាជការ តំណាងក្រសួង ស្ថាប័នពាក់ព័ន្ធ និងមន្ទីរកសិកម្មខេត្តចំនួន៤មកពីខេត្តកណ្តាល ប៉ៃលិន បន្ទាយមានជ័យ និងខេត្តបាត់ដំបង ព្រមទាំងសហគមន៍កសិកម្មមៀននានាសរុបចំនួនប្រមាណជាង១០០នាក់។ សូមរម្លឹកថា នៅខែមិថុនា ឆ្នាំ២០១៩ កម្ពុជាបានចាប់ផ្តើមស្នើសុំចរចាលក្ខខណ្ឌតម្រូវកួតតាមនាម័យរីកទីផ្សារ នាំចេញផ្លែមៀនកម្ពុជាទៅកាន់ប្រទេសចិន ដោយភ្ជាប់ជាមួយឯកសារបច្ចេកទេសសម្រាប់ការវិភាគសមាសភាពតង។ បន្ទាប់មកនៅខែសីហា ឆ្នាំ២០២១ អត្ថរដ្ឋបាលគយនៃសាធារណរដ្ឋប្រជាជិតចិន (GAI បានផ្ញើ លិខិតឆ្លើយតបស្តីពីលទ្ធផលនៃការធ្វើវិភាគហានិភ័យសមាសភាពចម្រៃលើដីណាំមៀនកម្ពុជា ដោយ បានបញ្ចាក់ជាមានសមាសភាពចង្រៃចំនួន៨ រឺជវចហាមឃាត់ដោយប្រទេសចិន។បន្ទាប់ពីការចរចារួច ភាគីទាំងពីរបានយល់ព្រមដកចេញរុយចោះផ្លែឈើចំនួន២ប្រភេទចេញពីបញ្ជីហាមឃាត់របស់ប្រទេសចិន។កម្ពុជាបានខិតខំប្រឹងប្រែង និងយកចិត្តទុកដាក់យ៉ាងខ្ពស់លេីការងារខាងលេី។ បន្ទាប់ពីការចរចាលក្ខខណ្ឌតម្រូវភូតគាមអនាម័យបើកទីផ្សារអស់រយៈពេលជាង៣ឆ្នាំ រួចមក នៅថ្ងៃទី៧ ខែកញ្ញា ឆ្នាំ២០២២នេះ អត្ថរដ្ឋបាលគយនៃសាធារណរដ្ឋប្រជាជិតចិន (GACC) បានអនុម័តចុះបញ្ជីជាផ្លូវការនូវចម្ការមៀនចំនួន៧៤ និងរោងចក្រវេចខ្ចប់ចំនួន៨ សម្រាប់នាំចេញផ្លែមៀនស្រស់កម្ពុជាទៅកាន់ប្រទេសចិន។

កាយរឹទ្ធិជាតិកម្ពុជារៀបចំបោះជំរំថ្នាក់ជាតិ អភិវឌ្ឍធនធានយុវជនស្របតាមបំណិនសតវត្សរ៍ទី២១

កំពង់ធំ៖ នៅល្ងាចថ្ងៃពុធ ទី២៦ ខែតុលា ឆ្នាំ២០២២ កាយរឹទ្ធិជាតិកម្ពុជា បានរៀបចំពិធីបើកការបោះជំរំថ្នាក់ជាតិលើកទី៥ ក្រោមវត្តមានឯកឧត្តមបណ្ឌិត ស៊ាន បូរ៉ាត រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានកាយរឹទ្ធិជាតិកម្ពុជា ។ការបោះជំរំកាយរឹទិ្ធថ្នាក់ជាតិលើកទី៥” នេះរៀបចំឡើងជាថ្នាលសិក្សា ចល័ត និងជាមជ្ឈមណ្ឌលប្រមូលផ្តុំកាយរឹទិ្ធ ដើម្បីជួបជុំយុវជនកាយរឹទិ្ធធើ្វសកម្មភាពរួមគ្នា និងអភិវឌ្ឍធនធានយុវជនកាយរឹទិ្ធឱ្យមានសក្តានុពលពេញលេញខាងផ្លូវកាយ(Physical) ផ្លូវបញ្ញា(Intellectual) ផ្លូវអារម្មណ៍ (Emotional) ផ្លូវសង្គម(Social) និងផ្លូវចិត្ត/ស្មារតី(Spiritual) ដើម្បីឱ្យក្លាយទៅជាពលរដ្ឋដែលមានទំនួលខុសត្រូវ និងទៅជាសមាជិកក្នុងសហគមន៍តាមមូលដ្ឋានរស់នៅសហគមន៍ជាតិ និងអន្តរជាតិ ដោយឈរលើមូលដ្ឋាន រៀនដោយអនុវត្តជាក់ស្តែងលើបំណិនសតវត្សរ៍ទី២១។តាមរយៈកម្មវិធី និងសកម្មភាពត្រូវបានរៀបចំឡើងនៅក្នុង “ការបោះជំរំកាយរឹទិ្ធថ្នាក់ជាតិលើកទី៥” ក្រសួងអប់រំ យុវជន និងកីឡា ទទួលបាន៖- យុវជនកាយរឹទិ្ធ ដែលជាធនធានមនុស្សប្រកបដោយសក្តានុពល និងមានតម្លៃសម្រាប់សង្គមជាតិ និងសហគមន៍របស់ពួកគេ។- យុវជនកាយរឹទិ្ធ មានការយល់ដឹងលើបំណិនសតវត្សរ៍ទី២១ និងមានសមត្ថភាពប្រកួតប្រជែងក្នុងទីផ្សារការងារ។- យុវជនកាយរឹទ្ធិ មានបំណិនសហប្រតិបត្តិការឆ្លងបណ្តាញ និងការដឹកនាំប្រកបដោយឥទ្ធិពលឈានមុខ និងកសាងភាពជាគម្រូល្អដល់យុវជនដទៃទៀត ព្រមទាំងចេះជួយចែករំលែកបទពិសោធន៍ បង្ហាត់បង្រៀន និងអប់រំដល់មិត្តភ័ក្តរបស់ខ្លួន។- យុវជនកាយរឹទិ្ធ មានភាពរហ័សរហួន និងលទ្ធភាពបត់បែន មានគំនិតផ្តួចផ្តើម សហគ្រិនភាព និងការវិភាគព័ត៌មានបានស៊ីជម្រៅនៅក្នុងសហគមន៍។សូមបញ្ជាក់ថា ការបោះជំរំថ្នាក់ជាតិលើកទី៥ក្នុងឆ្នាំនេះ របស់កាយរឹទ្ធជាតិកម្ពុជា បានរៀបចំឡើងនៅវិទ្យាស្ថានបច្ចេកទេសកំពង់ឈើទាល ស្ថិតនៅស្រុកប្រាសាទសំបូរ ខេត្តកំពង់ធំ រយៈពេល១សប្តាហ៍ ចាប់ពីថ្ងៃទី២៤ ដល់ថ្ងៃទី២៩ ខែតុលា ឆ្នាំ២០២២ និងមានយុវជនកាយរឹទ្ធចូលរួមសរុបប្រមាណ ៤៥០នាក់ មកពី២៥រាជធានី-ខេត្ត៕(ដោយ៖ គង់ រ៉េន)

អ្នកវិភាគ៖ ការប្រមាថអង្គព្រះមហាក្សត្ររបស់ទណ្ឌិត សម រង្ស៊ី គឺជាការជាន់ឈ្លីប្រវត្តិសាស្រ្តខ្មែរ

ភ្នំពេញ៖ បន្ទាប់ពីទណ្ឌិតជាប់ទោសក្បត់ជាតិ សម រង្ស៊ី បានប្រមាថអង្គព្រះមហាក្សត្រ ជាថ្មីម្តងទៀត អ្នកវិភាគ នយោយនៅកម្ពុជា បានចាត់ទុកការប្រមាថនេះ ថាជាការជាន់ឈ្លីប្រវត្តិសាស្រ្ត និងគ្រឹះវប្បធម៌ និងអរិយធម៌ខ្មែរ ។លោកបណ្ឌិត គិន ភា អ្នកវិភាគនយោបាយនៅកម្ពុជា បានប្រាប់BTV នៅថ្ងៃនេះថា ការចេញសារ ប្រតិបត្តិកម្មដូចទឹកបាក់ទំនប់ របស់មន្រ្តីរាជការគ្រប់លំដាប់ថ្នាក់ និងប្រជាពលរដ្ឋខ្មែរ គឺជាការខឹងសម្បា ទោមនស្សទៅនឹងការប្រមាថមាក់ងាយអង្គព្រះមហាក្សត្រ ពីសំណាក់ទណ្ឌិតក្រត់ជាតិ សម រង្ស៊ី ព្រោះថា ការប្រមាថចំពោះអង្គព្រះមហាក្សត្រ គឺជាការជាន់ឈ្លីប្រវត្តិសាស្រ្ត និងគ្រឹះវប្បធម៌ អរិយធម៌ខ្មែរ។ លោកបណ្ឌិត បានបញ្ជាក់ថា ប្រវត្តិសាស្រ្តខ្មែរ គឺចងភ្ជាប់ជាមួយរបបរាជានិយម ហើយវប្បធម៌ អរិយធម៌ ទំនៀមទម្លាប់ប្រពៃណីខ្មែរ ក៏ចងភ្ជាប់ជាមួយរបបរាជានិយមផងដែរ ដូច្នេះបុគ្គល ដែលបានប្រមាថអង្គព្រះមហាក្សត្រ គឺជាបុគ្គលអត់សាសនា និងជាមនុស្សអត់ស័ក្ដិសមទទួលបានសញ្ជាតិជាខ្មែរ និងមិនត្រូវឲ្យជាន់ទឹកដីខ្មែរនោះទេ។កាលពីពេលថ្មីៗនេះ ទណ្ឌិត សម រង្ស៉ី បានប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ថា «មិនមានមនសិការជាតិ និងក្បត់ជាតិ» ។ ទង្វើនេះ គឺជាការំលោភបំពានមាត្រា៧ នៃរដ្ឋធម្មនុញ្ញ នៃព្រះរាជាណាចក្រកម្ពុជា ដែលជាច្បាប់កំពូលរបស់ជាតិ ដែលចែងថា «អង្គព្រះមហាក្សត្រ មិនអាចនរណារំលោភបំពាន បានឡើយ» ៕អត្ថបទ៖ ទូច សោភ័ណ

សម្តេចអគ្គមហាពញាចក្រី ហេង សំរិន អញ្ជើញដល់ប្រទេសថៃដោយសុវត្ថិភាពដើម្បីចូលរួមវេទិកាសភាអាស៊ី-ប៉ាស៊ីហ្វិក (APPF) លើកទី៣០

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងគណៈប្រតិភូជាន់ខ្ពស់សភានៃព្រះរាជាណាចក្រកម្ពុជា បានអញ្ជើញដល់ទីក្រុងបាងកក ក្នុងការអញ្ជើញចូលរួមវេទិកាសភាអាស៊ី-ប៉ាស៊ីហ្វិក (APPF) លើកទី៣០ ដែលនឹងប្រារព្ធធ្វើឡើងពីថ្ងៃទី២៦-២៩ ខែតុលា ឆ្នាំ២០២២ នៅព្រឹកថ្ងៃពុធ ទី២៦ ខែតុលាឆ្នាំ២០២២នេះ ។ នៅអាកាសយានដ្ឋានអន្តរជាតិដនមឿង សម្តេចប្រធានរដ្ឋសភា និងគណៈប្រតិភូទទួលស្វាគមន៍យ៉ាងកក់ក្តៅបំផុតពីសំណាក់ថ្នាក់ដឹកនាំសភាប្រទេសថៃ និងឯកឧត្តម អ៊ូក សោភ័ណ ឯកអគ្គរាជទូតកម្ពុជាប្រចាំនៅប្រទេសថៃ និងសហការី។តាមគម្រោង នៅរសៀលថ្ងៃនេះ សម្តេចប្រធានរដ្ឋសភាមានកម្មវិធីបន្តបន្ទាប់ រួមមាន៖ ជួបពិភាក្សាការងារជាមួយប្រធានរដ្ឋសភាប្រទេសឡាវ ឯកឧត្តម សាយ សំភូន ភូមវិហាន អនុញ្ញាតឱ្យ ឯកឧត្តមអគ្គលេខាធិការអន្តរសភាអាស៊ាន (AIPA) ចូលជួបសម្តែងការគួរសម និងបន្ទាប់មកទៀត សម្តេចនឹងអញ្ជើញចូលរួមពិធីបើកជាផ្លូវការ កិច្ចប្រជុំប្រចំាឆ្នាំវេទិកាសភាអាស៊ី-ប៉ាស៊ីហ្វិក (APPF) លើកទី៣០ ផងដែរ៕

រដ្ឋមន្រ្តីក្រសួងយុត្តិធម៌ចេញអធិបញ្ជាឲ្យព្រះរាជអាជ្ញាចាត់វិធានការផ្លូវច្បាប់ជាបន្ទាន់ លេីជនក្បត់ជាតិ សម រង្ស៉ី ប្រមាថលើអង្គព្រះមហាក្សត្រ

ភ្នំពេញ៖ ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ បានចេញអធិបញ្ជាឲ្យលោកច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ ចាត់វិធានការផ្លូវច្បាប់ជាបន្ទាន់ និងតឹងរឹងបំផុតលេីឈ្មោះ សម រង្ស៉ី ដែលប្រមាថយ៉ាងធ្ងន់ធ្ងរបំផុតលើអង្គព្រះមហាក្សត្រ នៃព្រះរាជាណាចក្រកម្ពុជា។ យងតាមលិខិតចុះថ្ងៃទី២៥ ខែុលា ឯកឧត្តម កេីត រិទ្ធ រដ្ឋមន្រ្តីក្រសួងយុត្តិធម៌ បានជម្រាបជូនលោកច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញថា នៅក្នុងវីដេអូមួយដែល ត្រូវបានបង្ហោះក្នុងបណ្តាញសង្គម Facebook កាលពីពេលថ្មីៗនេះ ឈ្មោះ សម រង្ស៊ី បាននិយាយប្រមាថយ៉ាងធ្ងន់ធ្ងរ បំផុតលើព្រះចេស្តា ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត នៃព្រះរាជាណាចក្រកម្ពុជា ថា "មិនមានមនសិការជាតិ" និង "ក្បត់ជាតិ"។សម្ដីដែលឈ្មោះ សម រង្ស៊ី បាន និយាយនៅក្នុងវីដេអូដែលត្រូវបាននិងកំពុងផ្សព្វផ្សាយជាសាធារណៈតាមរយៈបណ្ដាញសង្គមនេះ គឺជាការប្រមាថ យ៉ាងធ្ងន់ធ្ងរបំផុតចំពោះ អង្គព្រះមហាក្សត្រ ដោយបានធ្វើឱ្យប៉ះពាល់ដល់សេចក្តីថ្លៃថ្នូរ និងព្រះកិត្តិនាមរបស់ ព្រះមហាក្សត្រ នៃព្រះរាជាណាចក្រកម្ពុជា ដែលជាទីគោរពសក្ការៈដ៏ខ្ពង់ខ្ពស់បំផុតរបស់ប្រជារាស្ត្រខ្មែរ ទូទាំងប្រទេស។ ទង្វើនេះ គឺជាការរំលោភបំពានម៉ាត្រា ៧ នៃរដ្ឋធម្មនុញ្ញនៃព្រះរាជាណាចក្រកម្ពុជា ដែលជាច្បាប់ កំពូលរបស់ជាតិ ដែលចែងថា "អង្គព្រះមហាក្សត្រមិនអាចនរណារំលោភបំពានបានឡើយ" ហើយអំពើនេះ ក៏ត្រូវ បានកំណត់ជាបទ "ប្រមាថចំពោះអង្គព្រះមហាក្សត្រ"បទល្មើសព្រហ្មទណ្ឌដែលមានចែង និងផ្តន្ទាទោសតាម បញ្ញត្តិនៃមាត្រា៤៣៧ ស្ទួន នៃក្រមព្រហ្មទណ្ឌ នៃព្រះរាជាណាចក្រកម្ពុជា។យោងតាមមាត្រា២៩ នៃក្រមនីតិវិធីព្រហ្មទណ្ឌនៃព្រះរាជាណាចក្រកម្ពុជា ក្រសួងយុត្តិធម៌សូម ឯកឧត្ដមព្រះរាជអាជ្ញា ចាត់វិធានការផ្លូវច្បាប់ជាបន្ទាន់ និងតឹងរឹងបំផុតចំពោះអំពើប្រមាថយ៉ាងធ្ងន់ធ្ងរបំផុត ចំពោះ អង្គព្រះមហាក្សត្រ ខាងលើ ដោយអនុវត្តស្របតាមនីតិវីធីជាធរមាន៕

អាស៊ានព្រួយបារម្ភយ៉ាងខ្លាំងចំពោះការកើនឡើងនៃអំពើហិង្សាក្នុងប្រទេសមីយ៉ាន់ម៉ានាពេលថ្មីៗនេះ និងការវាយប្រហារគ្រាប់បែកនានា

ភ្នំពេញ៖ អាស៊ានមានការព្រួយបារម្ភយ៉ាងខ្លាំងចំពោះការកើនឡើងនៃអំពើហិង្សាក្នុងប្រទេសមីយ៉ាន់ម៉ានាពេលថ្មីៗនេះ រួមទាំងការបំផ្ទុះគ្រាប់បែកនៅពន្ធនាគារអ៊ិនសេន ការវាយប្រហារគ្នាក្នុងរដ្ឋការ៉ែន និងសេចក្តីរាយការណ៍ថ្មីៗបំផុត ស្តីពីការវាយប្រហារតាមអាកាសនៅរដ្ឋកាជីន ចំលើទីប្រជុំជនស៊ីវិលដែលបណ្តាលឲ្យមានអ្នករងរបួស និងស្លាប់ជាច្រើននាក់។អាស៊ានប្រកាសថា «យើងមានក្តីសង្វេគជាពន់ពេកចំពោះកំណើនអ្នកស្លាប់ និងរបួសកាន់តែច្រើនឡើង និងការរងទុក្ខវេទនាដ៏ធំធេងរបស់ប្រជាជនសាមញ្ញនៅក្នុងប្រទេស មីយ៉ាន់ម៉ាយើងកត់សម្គាល់ឃើញដោយភ័យព្រួយនូវការប្រយុទ្ធដ៏ខ្លាំងក្លា ក្នុងរយៈពេលថ្មីៗនេះ ដែលមិនត្រឹមតែធ្វើឱ្យស្ថានភាពមនុស្សធម៌នៅទូទាំងប្រទេសមីយ៉ាន់ម៉ា កាន់តែយ៉ាប់យ៉ឺនប៉ុណ្ណោះទេ ប៉ុន្តែវាថែមទាំងផ្ទុយនឹងស្មារតីនៃកិច្ចព្រមព្រៀងជាឯកច្ឆន្ទប្រាំចំណុចរបស់អាស៊ាន និងធ្វើឱ្យប៉ះពាល់ផងដែរដល់កិច្ចប្រឹងប្រែងរបស់បេសកជនពិសេសនៃប្រធានអាស៊ានស្តីពីមីយ៉ាន់ម៉ា ក្នុងការនាំមកនូវវឌ្ឍនភាពសម្រាប់ការអនុវត្តកិច្ចព្រមព្រៀងជាឯកច្ឆន្ទប្រាំចំណុច នេះ។ទន្ទឹមគ្នានេះ អាស៊ាន បានជំរុញយ៉ាងខ្លាំងឲ្យមានការអត់ធ្មត់ជាអតិបរមា និងបញ្ឈប់ជាបន្ទាន់នូវអំពើហិង្សា ហើយសូមអំពាវនាវជាបន្ទាន់ដល់គ្រប់ភាគីពាក់ព័ន្ធ ជាពិសេសភាគីដែលមានកម្លាំងខ្លាំងក្លាលើ មូលដ្ឋានជាក់ស្តែង ឱ្យចាត់វិធានការជាក់លាក់ ដើម្បីបង្កលទ្ធភាពឲ្យមានកិច្ចសន្ទនាប្រកបដោយបរិយាប័ន្ន និងស្ថាបនា ស្វែងរកដំណោះស្រាយដោយសន្តិវិធី និងការបង្រួបបង្រួមជាតិនៅប្រទេសមីយ៉ាន់ម៉ា និងដើម្បីសន្តិភាព សន្តិសុខ និងស្ថិរភាពក្នុងតំបន់។(ដោយ សេក ឧត្តម)

បណ្ដាញសង្គម

ព័ត៌មានថ្មីៗ

សម្តេចធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន

កេនយ៉ាជីករកឃើញសាកសពមនុស្ស ៣២នាក់ ស្របពេលដែលកំហឹងកើនឡើងចំពោះការបង្អត់អាហារខ្លួនឯងរហូតដល់ស្លាប់

ទួរគី បញ្ជាក់ថា រុស្ស៊ីបន្ថយការទាមទារដែនដី នៅអ៊ុយក្រែន

រដ្ឋមន្រ្តីសុខាភិបាល «ការចែករំលែកព័ត៌មានទៅវិញទៅមកជាប្រចាំ ជាចលករសំខាន់ក្នុងការជម្រុញកិច្ចការងារឱ្យទទួលបានជោគជ័យ»

UN ៖ អាជ្ញាធរអ៊ីរ៉ង់ប្រហារជីវិតមនុស្សយ៉ាងហោច ៨៤១នាក់មកទល់នឹងពេលនេះក្នុងឆ្នាំនេះ

ឥណ្ឌូនេស៊ីកាន់តែតានតឹង ខណៈការតវ៉ាប្រឆាំងនឹងនគរបាលបានផ្ទុះឡើងក្នុងក្រុងជាច្រើន

គ្រោះរាំងស្ងួតបណ្តាលឲ្យកសិករចិញ្ចឹមគោអង់គ្លេស ពិបាករកចំណីសម្រាប់សត្វចិញ្ចឹមរបស់ខ្លួន

EU ទទួលបានសំណើពេញ ១៥០ពាន់លានអឺរ៉ូដែលលៃទុកក្រោមផែនការការពារជាតិ

អ្នកអត់ការងារធ្វើរបស់អាល្លឺម៉ង់ មានលើស ៣លាននាក់ជាលើកដំបូង ក្នុងរយៈពេល ១ទសវត្សរ៍

ក្រុមប្រជានេសាទហុងឌុយរ៉ាស រត់ភៀសខ្លួន ពេលដែលមហាសមុទ្រលេបយកភូមិដ្ឋានរបស់ពួកគេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន គ្រោងជួបប្រធានាធិបតីអ៊ុយក្រែនតាមទូរស័ព្ទនៅប៉ុន្មានថ្ងៃខាងមុខនេះ

ផ្លូវក្រវាត់ក្រុងទី៣ សម្រេចបាន៧៧% និងសង់ស្ពានឆ្លងកាត់ផ្លូវជាតិ សម្រេចបាន ៨៨%

កម្ពុជា-ចិន ប្រារព្ធពិធីនាំចេញផ្លែមៀនស្រស់ផ្លូវការនៅព្រឹកថ្ងៃនេះ

កាយរឹទ្ធិជាតិកម្ពុជារៀបចំបោះជំរំថ្នាក់ជាតិ អភិវឌ្ឍធនធានយុវជនស្របតាមបំណិនសតវត្សរ៍ទី២១

អ្នកវិភាគ៖ ការប្រមាថអង្គព្រះមហាក្សត្ររបស់ទណ្ឌិត សម រង្ស៊ី គឺជាការជាន់ឈ្លីប្រវត្តិសាស្រ្តខ្មែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចតេជោ ហ៊ុន សែន គ្រោងជួបប្រធានាធិបតីអ៊ុយក្រែនតាមទូរស័ព្ទនៅប៉ុន្មានថ្ងៃខាងមុខនេះ

ផ្លូវក្រវាត់ក្រុងទី៣ សម្រេចបាន៧៧% និងសង់ស្ពានឆ្លងកាត់ផ្លូវជាតិ សម្រេចបាន ៨៨%

កម្ពុជា-ចិន ប្រារព្ធពិធីនាំចេញផ្លែមៀនស្រស់ផ្លូវការនៅព្រឹកថ្ងៃនេះ

កាយរឹទ្ធិជាតិកម្ពុជារៀបចំបោះជំរំថ្នាក់ជាតិ អភិវឌ្ឍធនធានយុវជនស្របតាមបំណិនសតវត្សរ៍ទី២១

អ្នកវិភាគ៖ ការប្រមាថអង្គព្រះមហាក្សត្ររបស់ទណ្ឌិត សម រង្ស៊ី គឺជាការជាន់ឈ្លីប្រវត្តិសាស្រ្តខ្មែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍