នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ​ចេញសារដាស់តឿន​ដល់ជនរួមជាតិ​កម្ពុជា​ត្រៀម​ខ្លួន​វាយ​ចោរ​ឈ្លាន​ពាន​ទឹក​ដី ខណៈថៃនៅតែចិញ្ចឹមចិត្ត និងមហិច្ឆតាចង់បានទឹកដីកម្ពុជា
ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយ​ទប់ស្កាត់ និង​បំផ្លាញ​មហិច្ឆតា​នយោបាយ​របស់​ក្រុម​ជ្រុល​និយមមួយក្តាប់តូច ដែលតែងតែបញ្ឆេះកំហឹងជាតិសាសន៍»
គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស
គណបក្សប្រជាជនកម្ពុជាជាកម្លាំងនយោបាយតែមួយគត់រួមសុខរួមទុក្ខជាមួយប្រជាជនគ្រប់កាលៈទេសៈ

នយោបាយ​ និង ការអភិវឌ្ឍន៍

តំណាងគណបក្សនយោបាយ និងអ្នកសង្កេតការណ៍ទៅពិនិត្យទីតាំង​បោះពុម្ព​សន្លឹកឆ្នោត ដើម្បី​បង្ហាញ​ពី​តម្លាភាព

2022/05/06 05:27:33 am        823
Facebook Telegram Linkin
ភ្នំពេញ៖ តំណាងគណបក្សនយោបាយនានា ដែលនឹងចូលរួមបោះឆ្នោត ជ្រើសរើសក្រុមប្រឹក្សាឃុំសង្កាត់នាពេលខាងមុខ អង្គការសង្កេតការណ៍បោះឆ្នោត និងអ្នកសារព័ត៌មាន បានចុះពិនិត្យទីតាំងបោះពុម្ភសន្លឹកឆ្នោតរបស់ គណៈកម្មាធិការជាតិរៀបចំការបោះឆ្នោត (គ.ជ.ប) ដើម្បីបង្ហាញពីតម្លាភាព និងយុត្តិធម៌សម្រាប់គណបក្សទាំងអស់ ។នៅក្នុងពិធីផ្សព្វផ្សាយ ជូនដល់តំណាងគណបក្សនយោបាយ អង្គការសង្កេតការណ៍បោះឆ្នោត និង​អ្នកសារព័ត៌មាន អំពីដំណើរការបោះពុម្ពសន្លឹកឆ្នោត នៅថ្ងៃទី៦ ខែឧសភា ឆ្នាំ២០២២ ឯកឧត្តម ប្រាជ្ញ ចន្ទ ប្រធាន គ.ជ.ប មានប្រសាសន៍ថា នៅមុនពេលបោះឆ្នោត គឺគ.ជ.ប តែងតែអញ្ជើញគ្រប់ភាគី​ទាំងអស់ ដើម្បីទៅពិនិត្យ​និងសង្កេតមើលសង្វាក់​ នៃកន្លែងផលិតសន្លឹកឆ្នោត​ជាក់ស្ដែង ខណៈការ​បោះឆ្នោតក្រុមប្រឹក្សាឃុំសង្កាត់ ​នៅមិនដល់១ខែទៀតនោះ ។ឯកឧត្តម បានបន្តថា ការបោះឆ្នោតជ្រើសរើសក្រុមប្រឹក្សាឃុំសង្កាត់ ​អាណត្តិទី៥នេះ មាន ១៦៥២ ឃុំ-សង្កាត់ ហើយសន្លឹកឆ្នោតត្រូវផលិតចំនួន ១ ៦៥២ប្រភេទ ទៅតាមឃុំសង្កាត់ បានន័យថា ឃុំសង្កាត់នីមួយៗ​ជាមណ្ឌលបោះឆ្នោត​ ហើយសន្លឹកឆ្នោតតាមឃុំសង្កាត់នីមួយៗ ត្រូវធ្វើ​ទៅ​តាម​ចំនួនគណបក្ស ​ដែលបានឈរបេក្ខជន ​និងតាមការចាប់លំដាប់លេខរៀង ។បើតាមឯកឧត្តម ហង្ស ពុទ្ធា អ្នកនាំពាក្យ គ.ជ.ប លើកឡើងថា នៅក្នុងការិយាល័យបោះឆ្នោត​នីមួយៗ ​គឺតួលេខនៃការបោះពុម្ភសន្លឹកឆ្នោត ​ត្រូវនឹងចំនួនបញ្ជីឈ្មោះនៅ​ក្នុងការិយាល័យ និង​បូកចំនួន ចន្លោះពី២៥ ទៅ៧៤សន្លឹក ​ហើយនៅទូទាំងប្រទេស ​សន្លឹកឆ្នោត​មានចំនួន ៩ ២០៥ ៦៨១នាក់ ​និងការិយាល័យបោះឆ្នោតមានចំនួន ​២៣ ៦០២ការិយាល័យ ហើយសម្រាប់សន្លឹងឆ្នោត​ត្រៀមបម្រុងមានចំនួន ១ ២៣៩ ០០០សន្លឹក ។គួរបញ្ជាក់ថា បោះឆ្នោតក្រុមប្រឹក្សាឃុំសង្កាត់ នឹងធ្វើឡើងនៅថ្ងៃទី៥​ ខែមិថុនា ឆ្នាំ២០២២ ដោយ​មាន​គណបក្សនយោបាយចំនួន១៧ ចូលរួមឈរឈ្មោះ ​ហើយគណបក្សប្រជាជនកម្ពុជា មាន​បេក្ខជនឈរ​ឈ្មោះជាប្រធានក្រុមប្រឹក្សាឃុំសង្កាត់ ​ទាំង១ ៦៥២ឃុំ-សង្កាត់ ៕ អត្ថបទ បាន សុខរិទ្ធិ

ប្រេសិតពិសេសប្រធានអាស៊ាន និងអគ្គលេខាធិការអាស៊ាន ដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា

2022/05/06 03:56:56 am        716
Facebook Telegram Linkin
ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ និងជាប្រេសិតពិសេសប្រធានអាស៊ានសម្រាប់មីយ៉ាន់ម៉ា និងឯកឧត្តម លឹម ចុកហ៊ុយ អគ្គលេខាធិការអាស៊ាន ក្នុងឋានៈជាអ្នកសម្របសម្រួលជំនួយមនុស្សធម៌អាស៊ាន ធ្វើជាសហប្រធាន ដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌អាស៊ានសម្រាប់មីយ៉ាន់ម៉ា នៅព្រឹកថ្ងៃទី ០៦ ខែឧសភា ឆ្នាំ២០២២នេះ នៅរាជធានីភ្នំពេញ និងតាមប្រព័ន្ធវីដេអូ។កិច្ចប្រជុំពិគ្រោះយោបល់នេះ ផ្តល់ជាវេទិកាកម្រិតខ្ពស់មួយសម្រាប់អាស៊ានធ្វើការពិភាក្សាផ្តួចផ្តើមឱ្យមានកិច្ចសន្ទនាមួយដែលមានការចូលរួមពីភាគីពាក់ព័ន្ធ ដើម្បីផ្តល់នូវមគ្គុទេ្ទសក៍អំពីរបៀបក្នុងការជំរុញជំនួយមនុស្សធម៌របស់អាស៊ានឱ្យទៅដល់ប្រជាជនមីយ៉ាន់ម៉ា ដែលកំពុងត្រូវការបំផុត ដោយឈរលើគោលការណ៍មនុស្សធម៌ និងគ្មានការរើសអើង។កិច្ចប្រជុំពិគ្រោះ យោបល់ នេះ រៀបចំឡើងក្នុងគោលបំណងដើម្បីពិភាក្សាស្វែងរកដំណោះស្រាយ ដែលមានការព្រមព្រៀងគ្នាទៅវិញទៅមកលើវិធីសាស្រ្ត ក្នុងការពង្រឹងបន្ថែមនូវការ ផ្តល់ជំនួយមនុស្សធម៌ នៅមីយ៉ាន់ម៉ា ដើម្បីធានាបានថានឹងពុំមាននរណាម្នាក់ត្រូវបានទុកចោលនោះទេ, ដំណោះស្រាយ ចំពោះបញ្ហាប្រឈម នានា ដែលពាក់ព័ន្ធប្រតិបត្តិការរបស់មជ្ឈមណ្ឌលសម្របសម្រួលអាស៊ានសម្រាប់ជំនួយមនុស្សធម៌ ស្តីពីការគ្រប់គ្រងគ្រោះមហន្តរាយ (AHA Centre), និងវិធីសាស្រ្តនានាដែលជួយគាំទ្រទៅដល់ការផ្តល់ វ៉ាក់សាំងជំងឺកូវីដ-១៩ ទៅដល់សហគមន៍នានានៅមីយ៉ាន់ម៉ា៕

សម្តេចតេជោ ហ៊ុន សែន៖ បងប្អូនយើងបែកគ្នាដោយពុំបានលាគ្នា...បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ

2022/05/06 03:09:40 am        532
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសរសេរសារខ្លីដ៏សង្វេគ នៃមរណភាពឯកឧត្តម ហ៊ុន ណេង ដែលជាបងប្រុសបង្កើត ដោយមានខ្លឹមសារថា «បងប្អូនយើងបែកគ្នា ដោយពុំបានលាគ្នា និងនិយាយជាមួយគ្នាសូម្បីមួយម៉ាត់។ បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ»។គួរបញ្ជាក់ថា ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា និងជាតំណាងរាស្ត្រមណ្ឌលកំពង់ចាម បានទទួលមរណភាពដោយគាំងបេះដូង នៅរសៀលថ្ងៃទី០៥ ខែឧសភា ឆ្នាំ២០២២នេះ ក្នុងជន្មាយុ៧២ឆ្នាំ ៕

បងប្អូនខ្មែររស់នៅអាមេរិក​ មានមោទនភាព​ នឹងក្រវីទង់ជាតិខ្មែរ​ទទួលស្វាគមន៍​សម្តេចតេជោ

2022/05/05 03:45:48 pm        572
Facebook Telegram Linkin
ភ្នំពេញ៖ បងប្អូនប្រជាពលរដ្ឋខ្មែរមួយចំនួន បានសម្តែងមោទនភាព នឹងត្រៀមទង់ជាតិខ្មែរក្រវីស្វាគមន៍ ពេលវត្តមានសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅសហរដ្ឋអាមេរិក ខណៈប្រធានាធិបតីសហរដ្ឋអាមេរិកលោក ចូ បៃឌិន អញ្ជើញសម្តេចទៅកាន់អាមេរិក ដើម្បីចូលរួមកិច្ចប្រជុំកំពូលពិសេសអាស៊ានអាមេរិក ដែលនឹងប្រព្រឹត្តទៅ នាថ្ងៃទី១២-១៣ខាងមុខនេះ។នៅក្នុងកិច្ចសម្ភាសន៍ជាមួយទូរទស្សន៍BTVតាមរយៈវិដេអូពីចម្ងាយ (ពី USA) នាព្រឹកថ្ងៃទី៥ ខែឧសភា ឆ្នាំ២០២២នេះ ប្រជាពលរដ្ឋ បានលើកឡើងថា ក្នុងនាមលោក​ជាពលរដ្ឋខ្មែរម្នាក់​ដែល​កំពុងស្នាក់អាស្រ័យនៅសហរដ្ឋអាមេរិក ​លោកពិតជាមានមោទនភាព​យ៉ាងខ្លាំង​ចង់មើលចង់ឃើញ និងចង់ជួបមុខសម្តេចតេជោ ហ៊ុន សែន ពេលដែលសម្តេចទៅដល់សហរដ្ឋអាមេរិក ខណៈដែល​លោកចង់មើលចង់ឃើញ មុខសម្តចដោយផ្ទាល់នេះ ​ដោយ​សារ​តែ​លោក​ស្ងប់ស្ងែង​ថា ​ជាក្មេង​កសិករក្រីក្រម្នាក់បានក្លាយទៅជានាយករដ្ឋមន្រ្តីដឹកនាំប្រទេសជាតិនោះ។សម្ដេចតេជោ ហ៊ុន សែន នឹងអញ្ជើញចេញដំណើរពីកម្ពុជាទៅកាន់សហរដ្ឋអាមេរិក ដោយ​យន្តហោះពិសេសរបស់កម្ពុជា នៅថ្ងៃទី១០ ខែឧសភា ឆ្នាំ២០២២នេះ ​ ហើយនៅល្ងាចថ្ងៃទី ១០ដដែលនេះ ​សម្តេចតេជោនឹងផ្តើមជួបជាមួយបងប្អូនខ្មែរ​ ដែលរស់នៅទីនោះ ដែលបាន​មកស្វាគមន៍ និង​ទទួលសម្តេចនៅ​ព្រលានយន្តហោះ។ ថ្ងៃទី១១​សម្តេច​ក៏នឹងបន្តជួបជាមួយ​បងប្អូនខ្មែរ​ដែលមានចំនួនច្រើនជាបន្តទៀត​ ដែលបានអញ្ជើញមកស្វាគមន៍ និង​សួរសុខទុក្ខ​ជាមួយ​សម្ដេច។ ដោយឡែកសម្រាប់ថ្ងៃទី១២ ​និងថ្ងៃទី១៣ ​សម្តេច​តេជោ ហ៊ុន សែន ​នឹង​ចូលរួម​កិច្ចប្រជុំ​កំពូល​ពិសេស​អាស៊ាន-អាមេរិក​ នៅរដ្ឋធានីវ៉ាស៊ីនតោន ​សហរដ្ឋអាមេរិក។ពេលវត្តមានទៅដល់ទីក្រុងវ៉ាស៊ីនតោន ​សហរដ្ឋអាមេរិក ​មានបងប្អូន​ខ្មែររាប់ពាន់នាក់​ដែលកំពុង រស់នៅ​សហរដ្ឋអាមេរិក ​បានកំពុងទន្ទឹងរងចាំទទួល​ និងស្វាគមន៍​សម្តេចតេជោ​ ហ៊ុន សែន ខណៈបងប្អូន​ខ្មែរទាំងនោះ​បានចាត់ទុកដំណើរទស្សនកិច្ចរបស់ថ្នាក់ដឹកនាំកំពូលកម្ពុជានេះ វាជាកាលានុវត្តភាពមួយទៀត​ដើម្បីបង្កើនទំនាក់ទំនង​ទ្វេភាគីរវាងកម្ពុជា និង​អាមេរិកឲ្យកាន់តែមានភាពល្អប្រសើបន្ថែមទៀតនោះ៕ អត្ថបទ៖ បាន ចក់ 

លោកស្រី ពេជ ចន្ទមុន្នី ជួបសំណេះសំណាល និងសួរសុខទុក្ខចាស់ជរានៅអង្គការមូលនិធិកុមារកម្ពុជា(CFF) ស្ទឹងមានជ័យ

2022/05/05 02:57:02 pm        187
Facebook Telegram Linkin
ភ្នំពេញ៖ លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានដឹកនាំក្រុមការងារអញ្ជើញចុះសួរសុខទុក្ខ និងផ្តល់អំណោយជូនលោកយាយ លោកតា នៅអង្គការមូលនិធិកុមារកម្ពុជានៅថ្ងៃទី០៥ ខែឧសភា ឆ្នាំ២០២២។ លោកស្រី ពេជ ចន្ទមុន្នី បានផ្ដាំផ្ញើការសាកសួរសុខទុក្ខពីសំណាក់សម្ដេចតេជោ ហ៊ុន សែន និងសម្តេចកិតិ្តបណ្ឌិត ជូនលោកយាយ លោកតា ដែលជាមនុស្សចាស់ក្នុងកម្មវិធីមនុស្សចាស់របស់អង្គការមូលនិធិកុមារកម្ពុជា។ លោកស្រី បញ្ជាក់ថា សម្តេចទាំងទ្វេតែងតែគិតគូរយកចិត្តទុកដាក់ចំពោះសុខទុកតម្រូវការការរស់នៅបារម្ភចំពោះសុខភាពរបស់លោកយាយ លោកតា អ៊ុ ពូ មីងជាពិសេសក្នុងដំណាក់កាលនៃការរីករាលដាលជំងឺកូវីដ-១៩។សូមបញ្ជាក់ថា កម្មវិធីមនុស្សចាស់របស់អង្គការមូលនិធិកុមារកម្ពុជាមានចំនួន៨៥នាក់ ដែលកម្មវិធីនេះជួយដល់មនុស្សចាស់នៅក្នុងសហគមន៍ស្ទឹងមានជ័យ តាមរយៈការឧបត្ថម្ភថវិកា សម្ភារៈ គ្រឿងឧបភោគបរិភោគ ប្រចាំសប្តាហ៍ និងការផ្ដល់ជូននូវការព្យាបាលដោយឥតគិតថ្លៃ។ក្រៅពីនោះ លោកយាយ លោកតា នៅក្នុងកម្មវិធីមនុស្សចាស់នេះក៏ទទួលបានការឧបត្ថម្ភជាថវិកា សម្ភារៈ គ្រឿងឧបភោគបរិភោគ ដែលជាអំណោយរបស់សម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិតតាមរយៈលោក ហ៊ុន ម៉ាណែត និងលោកស្រី ពេជ ចន្ទមុន្នីនាពេលកន្លងមកផងដែរ៕

កិច្ចប្រជុំពិគ្រោះយោបល់ស្តីពីជំនួយមនុស្សធម៌ទៅមីយ៉ាន់ម៉ា នឹងធ្វើឡើងនៅថ្ងៃស្អែក

2022/05/05 02:00:44 pm        547
Facebook Telegram Linkin
ភ្នំពេញ៖ នៅថ្ងៃស្អែកនេះ ឯកឧត្តម ឧបនាយករដ្ឋមន្រ្តី ប្រាក់ សុខុន និងអគ្គលេខាធិការអាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា។ នេះបើតាមសេចក្តីប្រកាសព័ត៌មានរបស់អាស៊ាន។យោងតាមសេចក្តីប្រកាសព័ត៌មានរបស់អាស៊ាន បានឲ្យដឹងថា នៅថ្ងៃទី៦ ខែឧសភា ស្អែកនេះ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសនិង សហប្រតិបត្តិ ការអន្តរជាតិ និងជាប្រេសិតពិសេសរបស់ប្រធានអាស៊ានសម្រាប់មីយ៉ាន់ម៉ា និង ឯកឧត្តម លឹម ចុក ហ៊ុយ អគ្គលេខាធិការអាស៊ាន ក្នុងឋានៈជាអ្នកសម្របសម្រួលជំនួយមនុស្សធម៌របស់អាស៊ាន នឹងធ្វើជា​សហប្រធានដឹកនាំកិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា នៅរាជធានីភ្នំពេញ និងតាមប្រព័ន្ធវីដេអូ។កិច្ចប្រជុំពិគ្រោះយោបល់ នឹងត្រូវបានអញ្ជើញចូលរួមដោយផ្ទាល់ ​និងតាមប្រព័ន្ធវីដេអូ ដោយ​តំណាង​ជាន់ខ្ពស់​មកពីប្រទេសជាសមាជិកអាស៊ានទាំងអស់​ ដៃគូខាងក្រៅរបស់ អាស៊ាន ទីភ្នាក់ងារ​ជំនាញ​អង្គការសហប្រជាជាតិ និងបណ្តាអង្គការអន្តរជាតិពាក់ព័ន្ធនៅក្នុងប្រទេសមីយ៉ាន់ម៉ា។សេចក្តីប្រកាសព័ត៌មាននេះ បន្តថា កិច្ចប្រជុំពិគ្រោះយោបល់នេះ នឹងផ្តល់ជាវេទិកាកម្រិតខ្ពស់មួយ​សម្រាប់​អាស៊ានធ្វើការពិភាក្សា​ផ្តួចផ្តើម​ឱ្យមានកិច្ចសន្ទនា​មួយដែលមានការចូលរួមពីភាគីពាក់ព័ន្ធ ដើម្បីផ្តល់នូវ​មគ្គុទ្ទេសក៍​អំពីរបៀបក្នុងការជំរុញជំនួយមនុស្សធម៌របស់អាស៊ាន ឱ្យទៅដល់​ប្រជាជន​មីយ៉ាន់ម៉ា ដែលកំពុងត្រូវការបំផុត ដោយឈរលើគោលការណ៍មនុស្សធម៌ និងគ្មានការរើសអើង។កិច្ចប្រជុំពិគ្រោះយោបល់ នេះរៀបចំឡើងក្នុងគោលបំណងដើម្បីពិភាក្សាស្វែងរកដំណោះស្រាយ ដែលមានការព្រមព្រៀងគ្នាទៅវិញទៅមកលើវិធីសាស្រ្ត ក្នុងការពង្រឹងបន្ថែមនូវការផ្តល់​ជំនួយ​មនុស្សធម៌នៅមីយ៉ាន់ម៉ា ​ដើម្បីធានាបានថានឹងពុំមាននរណាម្នាក់ត្រូវបានទុកចោលនោះទេ, ដំណោះស្រាយ​ចំពោះបញ្ហាប្រឈមនានា ​ដែលពាក់ព័ន្ធទៅ​នឹងប្រតិបត្តិការរបស់មជ្ឈមណ្ឌល​សម្របសម្រួល​អាស៊ានសម្រាប់ជំនួយមនុស្សធម៌ស្តីពីការគ្រប់គ្រង​ គ្រោះមហន្តរាយ និង​វិធីសាស្រ្តនានា​ដែលជួយគាំទ្រទៅដល់ការផ្តល់ ​វ៉ាក់សាំងបង្ការជំងឺកូវីដ-១៩ ទៅដល់​សហគមន៍​នានា​នៅមីយ៉ាន់ម៉ាផងដែរ៕ អត្ថបទ សេក ឧត្តម 

សម្ដេចតេជោ លើក​ទឹក​ចិត្តឱ្យ​ក្រុម​ប្រឹក្សា​ធុរកិច្ចអាមេរិក​អាស៊ាន​ស្វែង​រក​សក្ដានុពល​វិនិយោគ​នៅ​កម្ពុជា

2022/05/05 11:54:52 am        929
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានស្វាគមន៍ក្រុមហ៊ុនវិនិយោគអាមេរិក ដែលបានបង្កើតរោងចក្រដំឡើងរថយន្តនៅខេត្តពោធិ៍សាត់ និងលើកទឹកចិត្តឱ្យបណ្តាក្រុមហ៊ុន នៃធុរកិច្ចអាមេរិក អាស៊ានស្វែងរកសក្តានុពលដទៃទៀតសម្រាប់ការវិនិយោគនៅកម្ពុជា។សម្តេចតេជោ ប្រមុខរាជរដ្ឋាភិបាលបានស្វាគមន៍ និងលើកទឹកចិត្តដល់ក្រុមធុរកិច្ចអាមេរិក អាស៊ានបែបនេះ ​ក្នុងឱកាសអនុញ្ញាតឱ្យឯកឧត្តម ឯកអគ្គរដ្ឋទូត ម៉ៃឃីល មីឆាឡាក់ អនុប្រធានជាន់ខ្ពស់និងជានាយកគ្រប់គ្រងតំបន់នៃក្រុមប្រឹក្សាធុរកិច្ចអាមេរិក-អាស៊ាន ចូលជួបសំដែងការគួរសមនិងពិភាក្សា នៅវិមានសន្តិភាព នាព្រឹកថ្ងៃទី ៥ខែឧសភានេះ ។ឯកឧត្តម អ៊ាង សុផល្លែត អ្នកនាំពាក្យសម្តេចតេជោ​ បានឱ្យដឹងថា នៅក្នុងជំនួបនេះ ជាមួយនឹងការ​អរគុណជូន​ចំពោះ​សម្ដេចតេជោ ដែល​បានជួយគាំទ្រ​ក្រុមប្រឹក្សា​ធុរកិច្ច​សហរដ្ឋអាមេរិកអាស៊ាន​និង​សម្ដែងការគាំទ្រ​និងអបអរសាទរចំពោះការធ្វើជាប្រធានអាស៊ាន​របស់កម្ពុជា ។ការឆ្លើយ​តប​សម្ដេចតេជោ​ បានថ្លែងអំណរគុណដល់សហរដ្ឋអាមេរិក ដែលផ្ដល់វ៉ាក់សាំង johnson and Jonson និងPfizer ដល់កម្ពុជា​និងបានជម្រាបជូនប្រតិភូទាំងមូលអំពីស្ថានភាពថា​មពលនៅ​កម្ពុជា​ដែលក្នុងនោះកម្ពុជាកំពុងតែប្រើប្រាស់អគ្គិសនី​ផលិត​ដោយ​វារីអគ្គិសនី​សរុប​មានជាង ៦១ភាគរយ និង​ថាមពលសូឡាជាង ៤ភាគរយជាដើម។នៅក្នុងជំនួបនេះ ឯកឧត្តម ម៉ៃឃីល បាន​ថ្លែងអំណរគុណជូនចំពោះសម្ដេចតេជោ​ដែល​បានជួយ​គាំទ្រ​ក្រុម​ប្រឹក្សាធុរកិច្ច ​អាមេរិក អាស៊ាន ហើយ​បានសម្ដែងការគាំទ្រ​និងអបអរសាទរចំពោះការធ្វើ​ជាប្រធានអាស៊ាន​របស់កម្ពុជា។ឯកឧត្តម បានបន្ថែមថា ក្រោមការដឹកនាំរបស់សម្ដេចតេជោ ​បានដើរតួនាទីបានយ៉ាង​ល្អសម្រាប់​តំបន់​ជាពិសេសសម្រាប់បញ្ហាមីយ៉ាន់ម៉ា​ហើយឯកឧត្តម​បានវាយតម្លៃខ្ពស់ចំពោះការចាត់​វិធានការ​ទប់ស្កាត់​ការរីករាលដាលជំងឺកូវីដ១៩ ដោយទទួលបានជោគជ័យ​ហើយនាំទៅដល់ការបើក​ប្រទេស​ឡើងវិញ​និងអនុញ្ញាតឲ្យមានជំនួបដោយផ្ទាល់នៅថ្ងៃនេះ។នៅក្នុងជំនួបនេះ ឯកឧត្តមបានដឹកនាំក្រុមហ៊ុនចំនួន១៣ ហើយបានបែងចែកជាបីក្រុមនិងបានលើក​មកពិភាក្សាអំពីបញ្ហាថាមពល ​ការបង្កើតរោងចក្រ​ដំឡើង​រថយន្តនៅខេត្តពោធិ៍សាត់ ការជំរុញ​សេដ្ឋកិច្ច​ឌីជីថល​និង​វិស័យសុខាភិបាល៕

ប្រេសិតពិសេសប្រធានអាស៊ាន និងអគ្គលេខាធិការអាស៊ាន នឹងបើកការគ្រោះយោបល់រឿងជំនួយមនុស្សធម៌អាស៊ានសម្រាប់មីយ៉ាន់ម៉ា នៅថ្ងៃស្អែកនេះ

2022/05/05 04:04:02 am        452
Facebook Telegram Linkin
ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន ក្នុងឋានៈជាប្រេសិតពិសេសរបស់ប្រធានអាស៊ានសម្រាប់មីយ៉ាន់ម៉ា និង ឯកឧត្តម លឹម ចុក ហ៊ុយ អគ្គលេខាធិការអាស៊ាន ជាអ្នកសម្របសម្រួលជំនួយមនុស្សធម៌របស់អាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា នៅថ្ងៃទី៦ ខែឧសភា ឆ្នាំ២០២២ នៅរាជធានីភ្នំពេញ និងតាមប្រព័ន្ធវីដេអូ។

អាជ្ញាធរកម្ពុជាគ្រោងជួបពិភាក្សាជាមួយអាជ្ញាធរថៃ ដើម្បីបើកច្រកព្រំដែនក្នុងខេត្តឧត្ដរមានជ័យឡើងវិញ

2022/05/05 05:41:21 am        1300
Facebook Telegram Linkin
ឧត្តរមានជ័យ៖ អាជ្ញាធរខេត្តឧត្តរមានជ័យ នៃប្រទេសកម្ពុជា គ្រោងជួបពិភាក្សាជាមួយអាជ្ញាធរថៃ ខេត្តសុរិន្ទ និងខេត្តស៊ីសាកេត ដើម្បីឈានទៅរកការបើកច្រកទ្វារព្រំដែនអន្តរជាតិអូរស្មាច់ និងច្រកជាំសាង៉ាំឡើងវិញ​ខណៈអាជ្ញាធរថៃ ក៏កំពុងជំរុញឱ្យមានការបើកច្រកទ្វារព្រំដែនអន្តរជាតិទាំងពីរនេះឡើងវិញឱ្យបានឆាប់។អភិបាលខេត្តឧត្តរមានជ័យ ឯកឧត្ដម ប៉ែន កុសល បានឱ្យដឹងកាលពីរសៀលម្សិលមិញថា ឯកឧត្ដម នឹងដឹកនាំក្រុមការងារថ្នាក់ខេត្ត ទៅជួបប្រជុំជាមួយអាជ្ញាធរថៃ ខេត្តសុរិន្ទ ដើម្បីជជែកគ្នាពីបញ្ហាអនុស្សារណៈ នៃការយោគយល់គ្នា រវាងអាជ្ញាធរខេត្តឧត្តរមានជ័យ និងអាជ្ញាធរខេត្តសុរិន្ទ ដើម្បីឈានទៅបើកច្រកព្រំដែនអន្តរជាតិ អូរស្មាច់ សម្រាប់ឱ្យពលរដ្ឋទាំងសងខាងបានចេញចូលឡើងវិញ នៅពេលឆាប់ៗនេះ។ឯកឧត្ដម បានឱ្យដឹងទៀតថា នៅថ្ងៃទី៩ ខែឧសភានេះ ឯកឧត្ដម ក៏គ្រោងនឹងដឹកនាំក្រុមការងារថ្នាក់ខេត្ត ដើម្បីជួបជជែកជាមួយអាជ្ញាធរថៃ ខេត្តស៊ីសាកេត ដើម្បីពិភាក្សាគ្នាឈានទៅរកការបើកច្រកព្រំដែនអន្តរជាតិខ្មែរ-ថៃ ជាំ-សាង៉ាំ ក្នុងស្រុកអន្លង់វែងផងដែរ។អាជ្ញាធរខេត្តឧត្តរមានជ័យ បានបញ្ជាក់ថា ការគ្រោងជួបជជែកជាមួយអាជ្ញាធរថៃ ទាំងពីរខេត្តនេះ គឺដើម្បីចង់ដឹងអំពីលក្ខណ្ឌ ដែលអាជ្ញាធរថៃតម្រូវ ចំពោះប្រជាពលរដ្ឋ ដែលចេញចូលទៅមក ដូចជាតម្រូវឱ្យពលរដ្ឋ ដែលមានកាតចាក់វ៉ាក់សាំង ឬក៏តម្រូវឱ្យពលរដ្ឋបង់ប្រាក់ធានាផ្សេងៗ។ល។ខេត្តឧត្តរមានជ័យ បច្ចុប្បន្ន មានច្រកព្រំដែនអន្តរជាតិ ចំនួនពីរ និងច្រករបៀង ចំនួនមួយ ជាមួយប្រទេសថៃ ដូចជាច្រកព្រំដែនអន្តរជាតិអូរស្មាច់ ជាមួយខេត្តសុរិន្ទ ច្រកព្រំដែនអន្តរជាតិជាំ-សាង៉ាំ ជាមួយខេត្តស៊ីសាកេត និងច្រករបៀងព្រំដែនខ្មែរ-ថៃ ជប់គគីរ ជាមួយខេត្តបូរីរ៉ាំ ៕

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតជូនជនរួមជាតិ ក្នុងឱកាសទិវា «ឆ្មបជាតិ» ៥ឧសភា ឆ្នាំ២០២២

2022/05/05 09:52:08 am        476
Facebook Telegram Linkin
ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្រ្តី និងកុមារ បានផ្ញើសារលិខិតជូនជនរួមជាតិ ក្នុងទិវា ឆ្មបជាតិ ៥ឧសភា ២០២២ ក្រោមប្រធានបទ”ការវិនិយោគលើឆ្មប ដើម្បីពង្រឹងការថែទាំសុខភាពបឋម សំដៅឈានទៅដល់ការគ្របដណ្តប់សុខភាពសកល” នាថ្ងៃទី៥ ខែឧសភា ឆ្នាំ២០២២។

បណ្ដាញសង្គម

ព័ត៌មានថ្មីៗ

រុស្ស៊ី៖ ការចំណាយលើវិស័យការពារជាតិរបស់អង្គការណាតូ មានហានិភ័យនាំឲ្យសម្ព័ន្ធភាពដួលរលំ
06/30/2025 07:06 PM
Facebook Telegram Linkin
អ៊ីរ៉ង់៖ ខ្លួនមិនអាចធានាសុវត្ថិភាពឲ្យមន្ត្រីត្រួតពិនិត្យពី IAEA បានទេ ហើយផ្អាកកិច្ចសហប្រតិបត្តិការ
06/30/2025 07:06 PM
Facebook Telegram Linkin
រដ្ឋមន្ត្រីការបរទេស៖ អ៊ីស្រាអែល «ចង់» ធ្វើឲ្យមានប្រក្រតីភាពនូវទំនាក់ទំនងជាមួយស៊ីរី និងលីបង់
06/30/2025 06:06 PM
Facebook Telegram Linkin
បារាំងថ្កោលទោសការគំរាមប្រមុខអង្គការឃ្លាំមើលនុយក្លេអ៊ែរបស់ UN
06/30/2025 05:06 PM
Facebook Telegram Linkin
BOT៖ សេដ្ឋកិច្ចថៃធ្លាក់ចុះ នៅខែឧសភា ដោយសារវិស័យទេសចរណ៍ និងផលិតកម្មគ្មានសន្ទុះ
06/30/2025 05:06 PM
Facebook Telegram Linkin
មេទ័ពហ្ស៊កដានី និងសមភាគីអាមេរិក ពិភាក្សាគ្នា អំពីកិច្ចសហប្រតិបត្តិការយោធា នៅទីក្រុង Amman
06/30/2025 05:06 PM
Facebook Telegram Linkin
ប្រព័ន្ធផ្សព្វផ្សាយ៖ ប្រធានចារកម្មរបស់ទួរគី ពិភាក្សាអំពីស្ថានភាពនៅតំបន់ហ្កាហ្សា ជាមួយគណៈប្រតិភូ ហាម៉ាស
06/30/2025 05:06 PM
Facebook Telegram Linkin
រដ្ឋមន្ត្រីការបរទេសអាល្លឺម៉ង់ ធ្វើទស្សនកិច្ចនៅទីក្រុងគៀវ និងសន្យាបន្តគាំទ្រដល់អ៊ុយក្រែន
06/30/2025 05:06 PM
Facebook Telegram Linkin
UN៖ជនភៀសខ្លួនស៊ូដង់ ប្រឈមមុខនឹងការស្រេកឃ្លានកាន់តែខ្លាំងឡើង ខណៈដែលការផ្តល់មូលនិធិកំពុងធ្លាក់ចុះ
06/30/2025 05:06 PM
Facebook Telegram Linkin
ក្រុមការងារចុះមូលដ្ឋាន សិស្ស និស្សិត ពលរដ្ឋនាំគ្នាដាំដើមឈើតាមដងផ្លូវជាង ៥គីឡូម៉ែត្រក្នុងឃុំត្រពាំងព្រីង
06/30/2025 05:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.