នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកសាស្ត្រាចារ្យ Yang Jiemian៖ ការពង្រឹង និងពង្រីកកិច្ចសហប្រតិបត្តិការលើគ្រប់វិស័យ និងគ្រប់តួអង្គ ជាកត្តាគន្លឹះនៃទំនាក់ទំនងទ្វេភាគី ចិន-កម្ពុជា
មេបញ្ជាការរងកងទ័ពជើងគោកនៃសហព័ន្ធរុស្ស៊ី ប្ដេជ្ញាបន្តពូនជ្រំទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំ និងរីកចម្រើន
កម្ពុជា បារាំង ចង់បង្កើតនូវកិច្ចសហប្រតិបត្តិការ លើវិស័យសុខាភិបាល និងអាកាសចរស៊ីវិល បន្ថែមទៀត
សម្ដេចតេជោ៖ ទំនាក់ទំនងស្នូលកម្ពុជា-ជប៉ុន មិនអាចខ្វះបានឡើយ នូវផ្នែកសេដ្ឋកិច្ច ពាណិជ្ជកម្ម និងវិនិយោគ

នយោបាយ​ និង ការអភិវឌ្ឍន៍

សម្ដេចធិបតី៖ ចាប់ពីឆ្នាំទី២ ក្នុងតំណែងជានាយករដ្ឋមន្រ្ដី សម្ដេចនឹងចុះផ្ទាល់តាមដានវឌ្ឍនភាពនៅមូលដ្ឋាន

2024/07/18 10:28:41 pm        372
Facebook Telegram Linkin
ក្នុងឱកាសអញ្ជើញជាអធិបតីភាព ក្នុងពិធីបញ្ចុះបឋមសិលាសាងសង់សារមន្ទីរ សម្ដេចព្រះព្រហ្មរតនមុនី ពិន សែម នាព្រឹកថ្ងៃទី១៨ ខែកក្កដានេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា មានប្រសាសន៍បញ្ជាក់ថា រយៈពេលមួយឆ្នាំដំបូងនៃការកាន់តំណែងជានាយករដ្ឋមន្រ្ដីនេះសម្ដេចកំពុងយកចិត្តទុកដាក់ខ្លាំងលើការរៀបរដ្ឋបាល និងដាក់ចេញគោលនយោបាយនៅកម្រិតក្រសួង ស្ថាប័នថ្នាក់ជាតិ និងទំនាក់ទំនងអន្តរជាតិ ប៉ុន្ដែចាំពីឆ្នាំទី២តទៅ សម្ដេចនឹងចុះពិនិត្យដោយផ្ទាល់លើការអនុវត្តគោលនយោបាយដែលបានដាក់ចេញនៅថ្នាក់ក្រោមជាតិដោយមិនឱ្យមន្រ្ដីដឹងខ្លួនមុនឡើយ។ក្នុងឱកាសនោះ សម្ដេចធិបតី នាយករដ្ឋមន្រ្ដី បានសម្ដេចការសោកស្ដាយចំពោះអ្នកវិភាគ និង​អ្នកនយោបាយចាស់វស្សាមួយចំនួនដែលនៅតែបន្តរិគន់រាជរដ្ឋាភិបាល ក្នុងន័យកេងចំណេញ​ផលប្រយោជន៍នយោបាយរបស់ពួកគេ។ សម្ដេចធិបតីបញ្ជាក់ថា សម្ដេចមិនភាពចាំបាច់​ក្នុងការឆ្លើយតប​ចំពោះក្រុមប្រឆាំងមួយក្ដាប់តូចដែលតែងតែរកវិធីរិះគន់​រាជរដ្ឋាភិបាលរាល់ថ្ងៃ​នោះទេ។ ប៉ុន្ដែសម្ដេច បានចាត់ទុកបញ្ហាដែលបានជួបក្នុងពេលដឹកនាំ​រាជរដ្ឋាភិបាលនេះ គឺជាវិញ្ញាសាដែលត្រូវដោះស្រាយ​ ដើម្បីធ្វើយ៉ាងណាធ្វើឱ្យការអនុវត្តការងារប្រសើរជាងមុន និងផ្ដល់ផលប្រយោជន៍ដល់ប្រជាពលរដ្ឋ និងប្រទេសជាតិ។សូមបញ្ជាក់ថា កម្មវិធីគោលនយោបាយអាទិភាពទាំង៦ ដែលរាជរដ្ឋាភិបាលនីតិកាលទី៧ នៃរដ្ឋសភា ដាក់ចេញគឺដើម្បីធានាផលប្រយោជន៍ជូនប្រជាពលរដ្ឋ ក្នុងនោះមាន ១.ការពង្រីកសេវាថែទាំសុខភាពឆ្ពោះទៅរកការគ្របដណ្តប់សុខភាពជាសកល។ ២. ការបណ្តុះបណ្តាលជំនាញវិជ្ជាជីវៈ និងបច្ចេកទេសជូនដល់យុវជនមកពីគ្រួសារ ក្រីក្រ និងគ្រួសារងាយរងហានិភ័យ នៅទូទាំងប្រទេស។ ៣.ការធ្វើស្ថាបនូបនីយកម្មកម្មវិធីជាតិជំនួយសង្គម សម្រាប់គ្រួសារក្រីក្រ, ក្រុមជន ងាយរងគ្រោះនៅក្នុងគ្រួសារក្រីក្រ និងគ្រួសារងាយរងហានិភ័យ នៅក្នុងគ្រាមានវិបត្តិសេដ្ឋកិច្ច និង គ្រាមានគ្រោះអាសន្ន។ ៤. ការដាក់ចេញ និងការជំរុញអនុវត្តយុទ្ធសាស្ត្រអភិវឌ្ឍសេដ្ឋកិច្ចក្រៅប្រព័ន្ធ ឱ្យមានលទ្ធភាព ចូលរួមក្នុង សេដ្ឋកិច្ចក្នុងប្រព័ន្ធ និងអាចទទួលបានផលប្រយោជន៍ពីប្រព័ន្ធ គាំពារសង្គមផ្លូវការ។ ៥.ការដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិត កម្ម, រកទីផ្សារ និង រក្សាលំនឹងថ្លៃកសិផលសំខាន់ៗ ក្នុងកម្រិតសមរម្យ និង៦.ការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំ-សង្កាត់ ដែលមានសកម្មភាព កសិកម្ម នៅទូទាំងប្រទេស និង ការរៀបចំឱ្យមានសមាគមកសិករនៅតាមទីជនបទ៕អត្ថបទ៖ វ៉ន ដារ៉ា

សម្ដេចធិបតី៖ សារមន្ទីរព្រះព្រហ្មរតនមុនី ពិន សែម មានទិសដៅពីរគឺរក្សាសម្បត្តិវប្បធម៌ និងទាក់ទាញទេសចរ

2024/07/18 10:02:29 pm        309
Facebook Telegram Linkin
ក្នុងឱកាស អញ្ជើញជាអធិបតីភាពក្នុងពិធីបញ្ចុះបឋមសិលាសាងសង់សារមន្ទីរ សម្ដេចព្រះព្រហ្មរតនមុនី ពិន សែម នាព្រឹកថ្ងៃទី១៨ ខែកក្កដានេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា មានប្រសាសន៍បញ្ជាក់ថា ការកសាងសារមន្ទីរ សម្ដេចព្រះព្រហ្មរតនមុនី ពិន សែម ក្នុងបរិវេណវត្តរាជបូណ៌ ស្ថិតនៅសង្កាត់សាលាកំរើក ក្រុងសៀមរាប ខេត្តសៀមរាប មានទិសដៅពីរ គឺរក្សាសម្បត្តិវប្បធម៌ និងទាក់ទាញទេសចរបន្ថែមទៀតសម្រាប់ខេត្តសៀមរាប។ សម្ដេចធិបតី នាយករដ្ឋមន្រ្ដី មានប្រសាសន៍ថា ការសាងសង់សារមន្ទីរ សម្ដេចព្រះព្រហ្មរតនមុនី ពិន សែម គ្រោងថវិកាចំណាយប្រមានជាង ១ លានដុល្លារ ដោយប្រើប្រាស់រយៈពេល២៤ខែ ហើយក្រោយសាងសង់រួចសារមន្ទីរនេះនឹងទាក់ទាញទេសចរ ក្នុងខេត្តសៀមរាបបន្ថែមទៀត។ សម្ដេចធិបតីលើកឡើងថា សម្បត្តិវប្បធម៌ខ្មែរបានបាត់បង់ដោយសារសង្គ្រាម និងជំនួញវត្ថុបុរាណកាលពីអតីតកាល ប៉ុន្ដែបច្ចុប្បន្នប្រាង្គប្រាសាទខ្មែរលែងខ្ទេចខ្ទាំដោយសារសង្រ្គាមទៀតហើយ ផ្ទុយទៅវិញ គឺមានតែការជួសជុលកែលម្អឡើងវិញ ក្នុងនោះមានការចុះបញ្ជីបេតិកភណ្ឌពិភពលោក ដើម្បីឲ្យបរទេសជួយថែរក្សាការងារសម្បត្តិវប្បធម៌ជាតិខ្មែរផងដែរ។ សម្ដេចធិបតីបញ្ជាក់ថា ចាប់ពីឆ្នាំ១៩៩៦ ដល់ឆ្នាំ២០២៤ កម្ពុជាប្រមូលបានវត្ថុបុរាណ និងរូបសំណាក ពីបរទេសចំនួន ១០៩៨ ដុំត្រឡប់មកវិញ។ ដូច្នេះក្នុងឱកាសនេះសម្ដេចធិបតី បានថ្លែងអំណរគុណបណ្ដាប្រទេសនានា ដែលប្រគល់រូបសំណាកមកកម្ពុជាវិញ ដើម្បីផ្គុំចូលកន្លែងដើម។សូមជម្រាបថា តាមរយៈប្រជាពលរដ្ឋប្រគេន កាលពីពេលកន្លងមក សម្តេចព្រះព្រហ្មរតនមន្នី ពិន សែមបានប្រមូលវត្ថុបុរាណពីគ្រប់ទីកន្លែងដើម្បីថែរក្សាទុក។ បច្ចុប្បន្ន វត្ថុសិល្បៈសរុបប្រមាណ ២៥៧៥ វត្ថុ មានអាយុកាលតាំងពីសម័យបុរេប្រវត្តិ រហូតដល់សម័យក្រោយអង្គរ ត្រូវបានរក្សាទុកនៅវត្តរាជបូព៌ ខេត្តសៀមរាប។ សម្តេចពិនសែម សព្វហទ័យប្រគល់វត្ថុទាំងនោះជូនទៅក្រសួងវប្បធ៌ម និងវិចិត្រសិល្បៈ ដើម្បីរក្សាទុកជាសម្បត្តិរបស់ជាតិ ដោយព្រះអង្គមានបំណងសុំត្រឹមសាងសាង់សារមន្ទីមួយ នៅក្នុងវត្តរាជបូព៌ ដើម្បីតាំងបង្ហាញ វត្ថុសិល្បៈ ជូនសាធារណៈជនចូលទស្សនា និង ស្វែងយល់។ សម្រាប់គម្រោងសាងសង់សារមន្ទីនេះ គ្រោងចំណាយថវិកា ១,០៣៩,៦៦០,៧៩ ដុល្លាអាមេរិក រយៈពេលសាងសង់ ២៤ ខែ ប្លង់ស្ថាបត្យកម្មរចនាបទខ្មែរ មានទំហំបណ្តោយ ៣៤ម៉ែត្រ ទទឹង ២៦.៦ម៉ែត្រ៕អត្ថបទ៖ វ៉ន ដារ៉ា

វៀតណាម ដាក់បណ្ដឹងទៅ UN ទាមទារតំបន់ខ្ពង់រាបសមុទ្រទឹកជ្រៅនៅសមុទ្រចិនខាងត្បូង

2024/07/18 09:20:04 pm        281
Facebook Telegram Linkin
ក្រសួងការបរទេសវៀតណាម បាននិយាយនៅថ្ងៃព្រហស្បតិ៍ (១៨ កក្កដា) នេះថា ប្រទេសវៀតណាមបានដាក់បណ្ដឹងទៅអង្គការសហប្រជាជាតិទាមទារតំបន់ខ្ពង់រាបសមុទ្រទឹកជ្រៅ (ECS) នៅក្នុងសមុទ្រចិនខាងត្បូង មួយខែបន្ទាប់ពីហ្វីលីពីន បានចាត់វិធានការស្រដៀងគ្នានេះ។ក្រសួងការបរទេសបាននិយាយនៅក្នុងសេចក្តីថ្លែងការណ៍មួយថា ការបញ្ជូនសំណើទាមទារតំបន់ខ្ពង់រាបសមុទ្រទឹកជ្រៅ ដែលបច្ចុប្បន្នស្ថិតនៅចម្ងាយ ២០០ម៉ាយល៍ណត់នេះ គឺដើម្បីអនុវត្តសិទ្ធិ និងកាតព្វកិច្ចរបស់ភាគីរដ្ឋ ស្របតាមការងារក្របខ័ណ្ឌដែនសមុទ្រ។សេចក្តីថ្លែងការណ៍បានបន្ថែមថា នេះជាសំណើលើកទីបីរបស់វៀតណាមនៃការទាមទារតំបន់នេះ ដែលរួមមានការដាក់ស្នើទាក់ទងនឹងតំបន់ភាគខាងជើងនៃសមុទ្រចិនខាងត្បូង ឬហៅថាសមុទ្រខាងកើតរបស់វៀតណាម និងការដាក់ស្នើរួមគ្នាជាមួយម៉ាឡេស៊ី ទាក់ទងនឹងផ្នែកភាគខាងត្បូងនៃតំបន់នេះក្នុងឆ្នាំ២០០៩។ប្រទេសចិន ទាមទារស្ទើរតែទាំងស្រុងនូវសមុទ្រចិនខាងត្បូង រួមទាំងផ្នែកដែលទាមទារដោយហ្វីលីពីន ប្រ៊ុយណេ ម៉ាឡេស៊ី កោះតៃវ៉ាន់ និងវៀតណាម។ ផ្នែកនៃផ្លូវទឹកយុទ្ធសាស្ត្រ ដែលមានតម្លៃ ៣សែនកោដិ៍ដុល្លារនៃពាណិជ្ជកម្មឆ្លងកាត់ជារៀងរាល់ឆ្នាំនេះ ត្រូវបានគេជឿថាសម្បូរទៅដោយប្រេង និងឧស្ម័នធម្មជាតិ ក៏ដូចជាជម្រុកត្រីផងដែរ៕

កោះតៃវ៉ាន់ ប្តេជ្ញាពង្រឹងការការពារជាតិ បន្ទាប់ពីការលើកឡើងរបស់លោក Trump ជុំវិញថ្លៃការពារ

2024/07/18 09:17:34 pm        304
Facebook Telegram Linkin
អាជ្ញាធរការបរទេសតៃវ៉ាន់ បាននិយាយនៅថ្ងៃព្រហស្បតិ៍ (១៨ កក្កដា) នេះថា កោះតៃវ៉ាន់បានប្តេជ្ញាចិត្តក្នុងការជំរុញការការពាររបស់ខ្លួន និងធ្វើការជាមួយសហរដ្ឋអាមេរិក ប៉ុន្មានថ្ងៃបន្ទាប់ពីបេក្ខជនប្រធានាធិបតីមកពីគណបក្សសាធារណរដ្ឋ លោក Donald Trump បាននិយាយថា កោះនេះគួរតែចំណាយថ្លៃការពារ។សហរដ្ឋអាមេរិក ត្រូវបានចិន អះអាងថាជាអ្នកគាំទ្រអន្តរជាតិដ៏សំខាន់បំផុត និងជាអ្នកផ្គត់ផ្គង់អាវុធដល់តៃវ៉ាន់ បើទោះបីជាមិនមានទំនាក់ទំនងការទូតផ្លូវការក៏ដោយ ហើយទីក្រុងវ៉ាស៊ីនតោន មានចំណងផ្លូវច្បាប់ក្នុងការផ្តល់មធ្យោបាយសម្រាប់ការពារកោះនេះ។រដ្ឋាភិបាលរបស់តៃវ៉ាន់ បានចាត់ទុកទំនើបកម្មផ្នែកការពារជាតិជាអាទិភាពមួយ រួមទាំងការអភិវឌ្ឍ នាវាមុជទឹកដោយខ្លួនឯង ហើយបាននិយាយជាច្រើនដងថា សន្តិសុខរបស់កោះនេះគឺស្ថិតនៅក្នុងដៃរបស់ខ្លួន។ ការចំណាយលើវិស័យការពារជាតិសម្រាប់ឆ្នាំនេះមានចំនួន ២,៥ ភាគរយនៃផលិតផលក្នុងស្រុកសរុបរបស់កោះ ដែលជាកម្រិតខ្ពស់ជាប្រវត្តិសាស្ត្រ។កាលពីល្ងាចថ្ងៃពុធ គណបក្សកាន់អំណាចរបស់តៃវ៉ាន់បាននិយាយថា ការអត្ថាធិប្បាយរបស់លោក Trump ទាក់ទងនឹងកោះនេះ គឺគ្មានអ្វីក្រៅតែពីក្តីសង្ឃឹមថា តៃវ៉ាន់នឹងបង្ហាញពីការប្តេជ្ញាចិត្តដូចគ្នាក្នុងការការពារសន្តិសុខរបស់ខ្លួនដូចទៅនឹងជប៉ុន កូរ៉េខាងត្បូង និងសហភាពអឺរ៉ុបដែរ៕

សមាជិកសភាជាន់ខ្ពស់បក្សសាធារណរដ្ឋ អំពាវនាវឱ្យប្រធានសេវាសម្ងាត់អាមេរិក ចុះចេញពីតំណែង

2024/07/18 08:51:40 pm        207
Facebook Telegram Linkin
សមាជិកជាន់ខ្ពស់របស់គណបក្សសាធារណរដ្ឋនៅក្នុងសភាសហរដ្ឋអាមេរិក បានអំពាវនាវកាលពីថ្ងៃពុធ (១៧ កក្កដា) ឱ្យប្រធានសេវាសម្ងាត់លាលែងពីតំណែង បន្ទាប់ពីការប៉ុនប៉ងធ្វើឃាតបានធ្វើឱ្យលោកអតីតប្រធានាធិបតី Donald Trump រងរបួស ខណៈសភាបានបើកការស៊ើបអង្កេតទ្វេបក្សលើការបរាជ័យផ្នែកសន្តិសុខ។ប្រធានសភាលោក ម៉ៃ ចនសុន (Mike Johnson) បាននិយាយថា អង្គជំនុំជម្រះរបស់លោកនឹងចាប់ផ្តើមកិច្ចការស៊ើបអង្កេតទ្វេបក្ស ខណៈសមាជិកសភាបានទទួលការបំភ្លឺពីមន្ត្រីសន្តិសុខ មុនពេលសវនាការជាសាធារណៈដែលរំពឹងទុកនៅសប្តាហ៍ក្រោយ។លោក មីច មែកខននែល (Mitch McConnell) ព្រឹទ្ធសមាជិកបក្សសាធារណរដ្ឋ បាននិយាយលើបណ្ដាញសង្គមថា «ថ្នាក់ដឹកនាំថ្មីនៅសេវាសម្ងាត់ នឹងជាជំហានដ៏សំខាន់មួយក្នុងទិសដៅនោះ»។ នាយកសេវាកម្មសម្ងាត់ លោកស្រី ឃីមប៊ឺលី ឈាថល (Kimberly Cheatle) នៅក្នុងបទសម្ភាសន៍កាលពីថ្ងៃអង្គារ ជាមួយសារព័ត៌មាន ABC បាននិយាយថា លោកស្រីនឹងមិនលាលែងពីតំណែងនោះទេ។សន្តិសុខនៅក្នុងការជួបជុំយុទ្ធនាការបោះឆ្នោតរបស់លោក Trump នៅរដ្ឋផិនស៊ីលវេនៀ (Pennsylvania) បានស្ថិតក្រោមការត្រួតពិនិត្យ បន្ទាប់ពីអតីតប្រធានាធិបតីរូបនេះត្រូវបានបាញ់កាលពីថ្ងៃសៅរ៍ ក្នុងព្រឹត្តិការណ៍នោះ។ ការបាញ់ប្រហារនេះបានធ្វើឱ្យមានការព្រួយបារម្ភយ៉ាងខ្លាំងអំពីថា តើជនសង្ស័យអាចចូលទៅដំបូលឃ្លាំងក្បែរនោះ ជាមួយនឹងទីតាំងតម្រង់យ៉ាងល្អទៅកាន់កន្លែងដែលលោក Trump កំពុងថ្លែង បានយ៉ាងដូចម្ដេច៕

រដ្ឋមន្ត្រីការពារជាតិអ៊ីស្រាអែល ចោទប្រកាន់លោក Netanyahu ពីការរារាំងកិច្ចព្រមព្រៀងជាមួយក្រុមហាម៉ាស

2024/07/18 07:10:04 pm        274
Facebook Telegram Linkin
រដ្ឋមន្ត្រីការពារជាតិអ៊ីស្រាអែល លោកយ៉ូអាវ ហ្គាលែន(Yoav Gallant) និយាយថា លក្ខខណ្ឌជាច្រើនសម្រាប់កិច្ចព្រមព្រៀងជាមួយក្រុមហាម៉ាស ជុំវិញបទឈប់បាញ់ និងការដោះលែងចំណាប់ថ្នូរ ត្រូវបានបំពេញ។ លោក Gallant បានបង្ហាញពីទស្សនៈនេះ ក្នុងអំឡុងកិច្ចសន្ទនាតាមទូរស័ព្ទ ជាមួយរដ្ឋមន្ត្រីការពារជាតិអាមេរិក លោក Lloyd Austin កាលពីថ្ងៃពុធ។លោកបាននិយាយថា ប្រតិបត្តិការរបស់យោធាអ៊ីស្រាអែល នៅតំបន់ហ្កាហ្សា បានបង្កើតលក្ខខណ្ឌចាំបាច់ដើម្បីឈានដល់កិច្ចព្រមព្រៀងមួយសម្រាប់ការវិលត្រឡប់មកវិញនៃចំណាប់ថ្នូរ។ការលើកឡើងបែបនេះ បានគូសបញ្ជាក់ពីជំហររបស់យោធាថា កិច្ចព្រមព្រៀងជាមួយក្រុមហាម៉ាស ត្រូវតែឈានដល់ ខណៈប្រតិបត្តិការរបស់ខ្លួននៅក្នុងតំបន់ហ្កាហ្សាស្ទ្រីបតែមួយមុខ នឹងពុំអាចនាំយកចំណាប់ថ្នូរអ៊ីស្រាអែលទាំងអស់ត្រឡប់ទៅផ្ទះវិញបានទេ។ជាមួយគ្នានេះ លោក Gallant នៅតែរិះគន់នាយករដ្ឋមន្ត្រីអ៊ីស្រាអែល លោក Benjamin Netanyahu ដែលនៅតែរក្សាជំហរប្រកាន់តឹងប្រឆាំងក្រុមហាម៉ាស។ប្រព័ន្ធផ្សព្វផ្សាយអ៊ីស្រាអែល បានរាយការណ៍កាលពីថ្ងៃពុធនៅក្នុងកិច្ចប្រជុំចង្អៀតមួយថា លោក Gallant បានចោទប្រកាន់នាយករដ្ឋមន្រ្តីថា បានដាក់ឧបសគ្គជាច្រើន នៅក្នុងមធ្យោបាយនៃកិច្ចព្រមព្រៀង។ដោយប្រឆាំងទៅនឹងទិដ្ឋភាពខាងក្រោយ ទាហានអ៊ីស្រាអែល បានបន្តការវាយលុករបស់ពួកគេនៅតំបន់ហ្កាហ្សា កាលពីថ្ងៃពុធ។

រដ្ឋមន្ត្រីការបរទេសរុស្ស៊ី ស្វាគមន៍ជំហររបស់បេក្ខជនអនុប្រធានាធិបតីអាមេរិក លើអ៊ុយក្រែន ក្នុងពេលមានការព្រួយបារម្ភរបស់អឺរ៉ុប

2024/07/18 07:02:24 pm        302
Facebook Telegram Linkin
រដ្ឋមន្ត្រីការបរទេសរុស្ស៊ី លោក Sergei Lavrov បាននិយាយកាលពីថ្ងៃពុធថា រុស្ស៊ីត្រៀមខ្លួនជាស្រេចដើម្បីធ្វើការជាមួយមេដឹកនាំអាមេរិកណាមួយក៏ដោយ ដែលមានឆន្ទះចូលរួមក្នុង «ការសន្ទនាប្រកបដោយសមភាព និងការគោរពគ្នាទៅវិញទៅមក» ខណៈស្វាគមន៍ចំពោះជំហរលើអ៊ុយក្រែនរបស់បេក្ខជនអនុប្រធានាធិបតី មកពីគណបក្សសាធារណរដ្ឋ លោក J.D. Vance ។លោក Vance ដែលត្រូវបានជ្រើសរើសក្នុងសប្តាហ៍នេះដោយលោក Donald Trump ជាអ្នករួមការងាររបស់លោក មានបំណងកាត់បន្ថយការគាំទ្រផ្នែកយោធារបស់សហរដ្ឋអាមេរិកសម្រាប់ប្រទេសអ៊ុយក្រែន នៅក្នុងសង្រ្គាមរបស់ប្រទេសនេះជាមួយរុស្ស៊ី និងបាននិយាយថា ទីក្រុងគីវ ពុំមានឱកាសក្នុងការដណ្តើមយកមកវិញនូវទឹកដីទាំងអស់ដែលរុស្ស៊ីយកបាន ចាប់តាំងពីរុស្ស៊ីចាប់ផ្តើមវាយយលុកពេញលេញរបស់ខ្លួនទៅលើ អ៊ុយក្រែន ក្នុងខែកុម្ភៈ ឆ្នាំ២០២២។លោក Lavrov បាននិយាយទៅកាន់អ្នកសារព័ត៌មានថា លោកគាំទ្រសន្តិភាព លោកគាំទ្រក្នុងការបញ្ចប់ជំនួយដែលត្រូវបានផ្តល់ ហើយយើងអាចស្វាគមន៍ ព្រោះនោះជាអ្វីដែលយើងត្រូវការ ដើម្បីបញ្ឈប់ការទាមទារសព្វាវុធរបស់អ៊ុយក្រែន ហើយបន្ទាប់មកសង្រ្គាមនឹងបញ្ចប់។សម្ព័ន្ធមិត្តសហភាពអឺរ៉ុបរបស់សហរដ្ឋអាមេរិក មានការព្រួយបារម្ភយ៉ាងខ្លាំងអំពីការជ្រើសរើសលោក Vance ជាបេក្ខជនអនុប្រធានាធិបតីរបស់លោក Trump នៅក្នុងការបោះឆ្នោតនៅថ្ងៃទី ៥ ខែវិច្ឆិកា ខាងមុខ។ លោក Trump បានសម្តែងការមិនសប្បាយចិត្តជុំវិញកញ្ចប់ជំនួយចុងក្រោយ របស់សភាសម្រាប់អ៊ុយក្រែន ដែលត្រូវបានអនុម័តកាលពីខែមេសា។ លោក ពូទីន បាននិយាយថា រុស្ស៊ីនឹងបញ្ចប់សង្រ្គាម ប្រសិនបើទីក្រុងគីវ ប្រគល់តំបន់ចំនួនបួននៅភាគខាងកើត និងភាគខាងត្បូងរបស់ប្រទេស ដែលទាមទារដោយទីក្រុងមូស្គូ។

លោក Maduro មានបំណងបន្តអាណត្តិទីបីនៅវ៉េណេស៊ុយអេឡា ទោះបីសេដ្ឋកិច្ចធ្លាក់ចុះក៏ដោយ

2024/07/18 06:59:39 pm        291
Facebook Telegram Linkin
លោក Nicolas Maduro បានក្លាយជាប្រធានាធិបតីស្តីទីរបស់ប្រទេសវ៉េណេស៊ុយអេឡា នៅថ្ងៃទី ៨ ខែមីនា ឆ្នាំ២០១៣ រយៈពេលបីថ្ងៃបន្ទាប់ពីមរណភាពរបស់ប្រធានាធិបតី លោក Hugo Chavez ដោយសារជំងឺមហារីក ហើយ១១ឆ្នាំក្រោយមក លោកបានស្វែងរកការបោះឆ្នោតជាថ្មី សម្រាប់អាណត្តិទីបី នៅក្នុងការបោះឆ្នោតប្រធានាធិបតីដែលនឹងធ្វើឡើងនៅថ្ងៃទី២៨ ខែកក្កដា។លោក Maduro និយាយថា ជ័យជម្នះរបស់លោកនឹងក្លាយជាអំណោយសម្រាប់អ្នកគាំទ្ររបស់លោក។ លោក Maduro ដែលបានកាន់តំណែងរយៈពេល១១ឆ្នាំ បានជាប់ឆ្នោតជាលើកដំបូងក្នុងឆ្នាំ ២០១៣ បន្ទាប់ពីមរណភាពរបស់លោក Chavez ។ បច្ចុប្បន្ននេះ នៅក្នុងការបោះឆ្នោតនៅថ្ងៃទី ២៨ ខែកក្កដា ខាងមុខ លោកនឹងត្រូវប្រឈមមុខជាមួយអតីតអ្នកការទូត លោក អ៊ីដមុនដូ ហ្គុងហ្សាឡេស(Edmundo Gonzalez) ជាគូប្រជែងដ៏សំខាន់របស់លោកមកពីក្រុមចម្រុះប្រឆាំង។ប្រធានាធិបតីអាយុ ៦១ ឆ្នាំ ដែលទទួលខុសត្រូវចំពោះការដួលរលំសេដ្ឋកិច្ច នាំឱ្យមានអតិផរណាហក់ឡើងខ្ពស់ និងការធ្វើអន្តោប្រវេសន៍ច្រើនបំផុតរបស់ប្រជាជនវេណេស៊ុយអេឡា ជារឿយៗហៅក្រុមប្រឆាំងថា «ហ្វាស៊ីសនិយម»។លោក Maduro ត្រូវបានចោទប្រកាន់ដោយក្រុមអ្នករិះគន់លោក ថា ផ្តាច់ការនិយម ដឹកនាំរបបផ្តាច់ការ ចាប់ឃុំឃាំងអ្នកនយោបាយប្រឆាំង ព្រមទាំងការមិនអនុញ្ញាតឱ្យមានការចូលរួមដោយសេរីនៅក្នុងការបោះឆ្នោត ដោយមានបម្រាមការបោះឆ្នោត លើបេក្ខជនដែលគេនិយមច្រើន។សហរដ្ឋអាមេរិក ដែលនៅតែចោទប្រកាន់ និងផ្តល់រង្វាន់ចំនួន១៥លានដុល្លារសម្រាប់ការចាប់ខ្លួន លោក Maduro បានដាក់ទណ្ឌកម្មប្រេងឡើងវិញលើប្រទេសវេណេស៊ុយអេឡា កាលពីពាក់កណ្តាលខែមេសា ដោយចោទប្រកាន់ លោក Maduro ថាពុំបានអនុវត្តពេញលេញតាមការធានាក្នុងការបោះឆ្នោត ដែលលោកបានធ្វើនៅក្នុងកិច្ចព្រមព្រៀងជាមួយគណបក្សប្រឆាំង។

ក្រុមអ្នកគាំទ្រលោក Trump ថាលោក Biden ធ្វើពុតជាមានជំងឺកូវីដ ដើម្បីបង្វែរការចាប់អារម្មណ៍

2024/07/18 06:53:49 pm        276
Facebook Telegram Linkin
ក្រុមអ្នកគាំទ្រលោក Donald Trump មានមន្ទិលសង្ស័យចំពោះព័ត៌មានដែលថាប្រធានាធិបតីអាមេរិក លោក Joe Biden ធ្វើតេស្តវិជ្ជមានជំងឺកូវីដ១៩ ក្នុងអំឡុងពេលដំណើរទស្សនកិច្ចរបស់លោកទៅកាន់ទីក្រុង ឡាសវេហ្កាស (Las Vegas) កាលពីថ្ងៃពុធ (១៧ កក្កដា)។ អ្នកនាំពាក្យសេតវិមាន លោកស្រី ខាតារីន ហ្សង់ព្យែរ (Karine Jean-Pierre) បានប្រកាសថាលោកប្រធានាធិបតីបក្សប្រជាធិបតេយ្យ វ័យ ៨១ឆ្នាំរូបនេះវិជ្ជមានកូវីដ១៩ បន្ទាប់ពីលោក Biden លុបចោលសុន្ទរកថាដោយសារតែមានជំងឺនេះ។ ប៉ុន្តែក្រុមអ្នកគាំទ្រលោក Trump នៅទីក្រុង មីលវ៉ូឃី (Milwaukee) រដ្ឋ វីស្ខនស៊ិន (Wisconsin) គិតថានោះជាព័ត៌មានមិនពិត។ អ្នកគាំទ្រលោក Trump ម្នាក់ឈ្មោះ ចេសុន (Jason) បាននិយាយថា «ខ្ញុំគិតថាវាជារឿងក្លែងក្លាយ» លោក Biden កំពុងធ្វើពុតដើម្បីបង្វែរការចាប់អារម្មណ៍ពីការធ្វើមិនបានល្អក្នុងពេលជជែកដេញដោល និងអ្វីៗផ្សេងទៀតដែលកើតឡើង។ អ្នកគាំទ្រម្នាក់ទៀតឈ្មោះ ម៉ូ ហ្សេណេសកូ (Moe Zenezzko) បាននិយាយថា លោក Biden ត្រូវការលេសមួយ ហើយនឹងប្រើកូវីដជាបញ្ហាសុខភាពរបស់លោកដើម្បីចុះចេញពីតំណែង។ជំងឺនេះកើតឡើងនៅពេលវេលាដ៏សំខាន់សម្រាប់លោក Biden ដែលកំពុងបាត់បង់ការគាំទ្រនៅក្នុងរដ្ឋប្រទាញប្រទូងប្រឆាំងនឹងលោក Trump ដែលកំពុងដឹកនាំសន្និបាតដ៏ជោគជ័យមួយក្នុងសប្តាហ៍នេះ បន្ទាប់ពីលោកបានរួចជីវិតពីការប៉ុនប៉ងធ្វើឃាតកាលពីថ្ងៃសៅរ៍។ ប្រតិភូមកពីបក្សសាធារណរដ្ឋនិយាយថា ពួកគេមិនគិតថាជំងឺកូវីដរបស់លោក Biden នឹងផ្លាស់ប្តូរផ្លូវនៃយុទ្ធនាការសម្រាប់គណបក្សណាមួយនោះទេ៕

ការប្រណាំងសព្វាវុធកាន់តែខ្លាំង ខណៈរុស្ស៊ី និងអាមេរិក គ្រោងពង្រាយអាវុធដែលបានហាមឃាត់ឡើងវិញ

2024/07/18 06:40:23 pm        299
Facebook Telegram Linkin
អតីតមេដឹកនាំសហភាពសូវៀត លោក មីកហែល ហ្កូបាឈេវ (Mikhail Gorbachev) និងអតីតប្រធានាធិបតីអាមេរិក លោក រ៉ូណាល់ រ៉េហ្កាន (Ronald Reagan) ក្នុងខែធ្នូ ឆ្នាំ១៩៨៧ បានព្រមព្រៀងរុះរើប្រព័ន្ធសព្វាវុធប្រជែង ក្រោមសន្ធិសញ្ញាលុបបំបាត់អាវុធនុយក្លេអ៊ែរ និងអាវុធធម្មតា ដែលមានមូលដ្ឋានបាញ់ពីដី ចម្ងាយខ្លី និងមធ្យម (INF) ទាំងអស់ ដែលមានចម្ងាយចន្លោះពី ៥០០គីឡូម៉ែត្រ និង ៥.៥០០គីឡូម៉ែត្រ។ប៉ុន្តែគ្រាប់ពូជសន្តិភាពនោះរស់រានត្រឹមឆ្នាំ២០១៩ប៉ុណ្ណោះ នៅពេលលោក Donald Trump ដែលកាលនោះជាប្រធានាធិបតីអាមេរិក បានចាកចេញពីសន្ធិសញ្ញានោះដោយលើកឡើងពីការរំលោភបំពាន ដែលរុស្ស៊ីបានបដិសេធ។ ភាពស្មុគស្មាញដ៏គ្រោះថ្នាក់នៃការចេញពីកិច្ចព្រមព្រៀងនេះកំពុងតែលេចចេញជារូបរាងនៅពេលនេះ ខណៈដែលភាគីទាំងពីរបានកំណត់ផែនការរបស់ពួកគេសម្រាប់ការដាក់ពង្រាយសព្វាវុធជាថ្មី។កាលពីថ្ងៃទី២៨ មិថុនា លោកប្រធានាធិបតី វ្ល៉ាឌីមៀ ពូទីន (Vladimir Putin) បាននិយាយជាសាធារណៈថា រុស្ស៊ីនឹងបន្តផលិតមីស៊ីលរយៈចម្ងាយខ្លី និងមធ្យមបាញ់ពីដី ដោយជាអ្វីដែលលោកខាងលិចសង្ស័យថារុស្ស៊ីកំពុងធ្វើរួចហើយ ហើយនិងធ្វើការសម្រេចចិត្តពីទីតាំងដែលត្រូវដាក់ពង្រាយអាវុធទាំងនោះ ប្រសិនបើចាំបាច់។ក្រុមអ្នកជំនាញផ្នែកសន្តិសុខសន្មត់ថា មីស៊ីលទាំងនេះ ដែលដូចជាប្រព័ន្ធរុស្ស៊ីភាគច្រើនដែរ នឹងអាចផ្ទុកក្បាលគ្រាប់ធម្មតា ឬនុយក្លេអ៊ែរ។ចំណែកអាមេរិក ក៏បាននិយាយនៅថ្ងៃទី១០ កក្កដា ថា ខ្លួននឹងចាប់ផ្តើមដាក់ពង្រាយក្នុងអាល្លឺម៉ង់ ចាប់ពីឆ្នាំ២០២៦ នូវសព្វាវុធដែលនឹងរួមបញ្ចូលមីស៊ីលស្តង់ដារ-៦ (SM-6s) និងមីស៊ីលតម្រង់គោលដៅ ថូម៉ាហក (Tomahawks)។ ទាំងនេះគឺជាប្រព័ន្ធធម្មតាប៉ុណ្ណោះ ប៉ុន្តែតាមទ្រឹស្តី អាវុធមួយចំនួនក្នុងចំណោមនោះក៏អាចបំពាក់ដោយគន្លឹះនុយក្លេអ៊ែរ ហើយអ្នកជំនាញសន្តិសុខនិយាយថា ផែនការដាក់ពង្រាយរបស់រុស្ស៊ី នឹងអនុញ្ញាតឱ្យមានលទ្ធភាពបែបនោះកើតឡើង៕

បណ្ដាញសង្គម

ព័ត៌មានថ្មីៗ

ក្រុមការងារជំនាញបានធ្វើការសិក្សានិងបានរកឃើញហ្វូស៊ីសឈើធំៗចំនួន៣ទីតាំងថែមទៀតនៅខេត្តស្ទឹងត្រែង
10/29/2026 08:10 PM
Facebook Telegram Linkin
មន្ត្រីជាន់ខ្ពស់ក្រសួងការពារជាតិ ដឹកនាំគណៈប្រតិភូការពារជាតិ ចូលរួមកិច្ចប្រជុំថ្ងៃទី២ នៃកិច្ចប្រជុំរដ្ឋមន្ត្រីការពារជាតិអាស៊ាន-បូក (ADMM-Plus) នៅហ្វីលីពីន
10/29/2026 08:10 PM
Facebook Telegram Linkin
ប្រធានាធិបតីអាល្លឺម៉ង់៖ ចិនត្រូវតែចៀសវាងប្រយោជន៍តែម្ខាងនៅក្នុងទំនាក់ទំនងសេដ្ឋកិច្ច
10/29/2026 06:10 PM
Facebook Telegram Linkin
ខេត្តភូកេតរបស់ថៃ ប្រកាសអាសន្ន «ពណ៌ក្រហម» ខណៈផ្លូវត្រូវបាន​ជន់លិច​ដោយសារភ្លៀងធ្លាក់ខ្លាំង
10/29/2026 06:10 PM
Facebook Telegram Linkin
មេដឹកនាំហុងកុងសុំអភ័យទោសចំពោះអគ្គិភ័យនៅស្រុក Tai Poកាលពីឆ្នាំមុន និងសន្យាធ្វើកំណែទម្រង់
10/29/2026 06:10 PM
Facebook Telegram Linkin
អែលសាល់វ៉ាឌ័រ នឹងបញ្ជូនទាហានជាង ២.០០០នាក់ ទៅហៃទី ដើម្បីជួយ​ដល់​ប្រតិបត្តិការសង្គ្រោះ
10/29/2026 06:10 PM
Facebook Telegram Linkin
លោក Putin ៖ រុស្ស៊ីត្រៀមខ្លួនជួយអាហ្វ្រិកប្រយុទ្ធប្រឆាំងភេរវកម្ម និងការជួញដូរគ្រឿងញៀន
10/29/2026 06:10 PM
Facebook Telegram Linkin
កោះតៃវ៉ាន់លើក​ឡើង​ពី​​ការគំរាមកំហែង​ជាក់ស្ដែង​ ពីសំណាក់នាវាចិន ៥០គ្រឿង​ដែល​កំពុងប្រតិបត្តិការ
10/29/2026 06:10 PM
Facebook Telegram Linkin
នាយករដ្ឋមន្រ្តីអ៊ីរ៉ាក់ជួបលោក Ahmed al-Sharaa អំឡុងដំណើរទស្សនកិច្ចជាប្រវត្តិសាស្រ្តទៅកាន់ប្រទេសស៊ីរី
10/29/2026 06:10 PM
Facebook Telegram Linkin
ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ
10/29/2026 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.