BTV NEWS

អ្នកតាមដានព្រឹត្តិការណ៍សង្គម និងប្រជាពលរដ្ឋ កោតសរសើររាជរដ្ឋាភិបាលក្នុងការបោសសំអាតការឆបោកតាមអនឡាញ

កម្ពុជាសហការជាមួយបណ្តាប្រទេសជាដៃគូរបង្ក្រាបករណីដឹកជញ្ជូនគ្រឿងញៀនឆ្លងដែនក្នុងឆ្នាំ២០២៥ ទទួលបានលទ្ធផលល្អ

នៅឆ្នាំ២០២៥ មន្ទីរប្រឆាំងបទល្មើសគ្រឿងញៀនបង្ក្រាបបទល្មើសគ្រឿងញៀនជាង ៩ពាន់ករណី ឃាត់ខ្លួនជនសង្ស័យជាង ២ម៉ឺននាក់ និងចាប់យកសារធាតុញៀនជាង ៧តោន

រដ្ឋបាលរាជធានីភ្នំពេញ បង្ក្រាបទីតាំងហ្គេមអនឡាញខុសច្បាប់ក្នុងខណ្ឌចំការមនឃាត់ខ្លួនជនជាតិឥណ្ឌូណេស៊ី ២៤នាក់

សន្តិសុខ និង សង្គម

ផ្ទុះការតវ៉ានៅបរទេស ប្រឆាំងច្បាប់សន្តិសុខថ្មីរបស់ទីក្រុងហុងកុង

នៅក្នុងទីក្រុងឡុងដ្រ៍ ក្រុមអ្នកតវ៉ាបានប្រមូលផ្ដុំគ្នានៅខាងក្រៅការិយាល័យកិច្ចការបរទេសចក្រភពអង់គ្លេស ភាគច្រើននៃពួកគេជាពលរដ្ឋហុងកុង ដែលបច្ចុប្បន្នរស់នៅទីនោះ ពាក់ម៉ាស ព្រោះបារម្ភពីសុវត្ថិភាព។ ក្រុមអ្នកតវ៉ារួមទាំង លោក ហ្វីន ឡាវ (Finn Lau) ម្នាក់ក្នុងចំណោមសកម្មជនបរទេស៨នាក់ដែលក្រុមមន្ត្រីក្រុងហុងកុង បានចេញដីកាចាប់ខ្លួន កាលពីខែកក្កដាឆ្នាំមុន ។ លោកនិយាយថា លោកមានអារម្មណ៍ថា ពុំមានសុវត្ថិភាពទេ ពេលរស់នៅក្នុងចក្រភពអង់គ្លេស ចាប់តាំងពីក្រុមអាជ្ញាធរ បានតាមចាប់ខ្លួនរូបលោក។ លោក បេនេឌីក រ៉ូជរ (Benedict Rogers)ប្រធានក្រុមតាមដានសិទ្ធិមនុស្សនៅទីក្រុងហុងកុង បាននិយាយថា ច្បាប់ថ្មីនេះ គំរាមកំហែងដល់ប្រជាជនក្រុងហុងកុង ដោយការផ្ដន្ទាទោសធ្ងន់ធ្ងរបំផុត និងបានបន្ថែមថា នេះគឺជាឧទាហរណ៍ចុងក្រោយបំផុតនៃការបំពានរបស់ចិនលើសេចក្ដីប្រកាសរួមចិន -ចក្រភពអង់គ្លេស ដើម្បីធានាសិទ្ធិ និងសេរីភាពរបស់ប្រជាពលរដ្ឋក្នុងតំបន់នេះ បន្ទាប់ពីចក្រភពអង់គ្លេស បានប្រគល់ទីក្រុងនេះ ឲ្យទៅចិនគ្រប់គ្រង។ នៅកោះតៃវ៉ាន់ ជាកន្លែងមួយដែលមានជនភៀសខ្លួនហុងកុងរស់នៅច្រើនជាងគេ ក្រុមអ្នកតវ៉ាបានរៀបចំឈុតឆាកប្រយុទ្ធគ្នារវាងមនុស្សស្លៀកពាក់ខ្លាឃ្មុំខ្មៅ Formosan តំណាងឱ្យកោះតៃវ៉ាន់ និង ខ្លាឃ្មុំWinnie the Pooh តំណាងឱ្យលោកប្រធានាធិបតីចិន Xi Jinping ។ ការបង្ហាញ បានបញ្ចប់ដោយតួអង្គ Winnie the Pooh នៅខាងក្រោយរនាំង។ កញ្ចប់ ដែលត្រូវបានគេស្គាល់ថាជាមាត្រា ២៣ ផ្តន្ទាទោសឧក្រិដ្ឋកម្មរួមមានអំពើក្បត់ជាតិ ការបំផ្លិចបំផ្លាញ ការបះបោរ ការលួចព័ត៌មានសម្ងាត់របស់រដ្ឋ ការជ្រៀតជ្រែកពីខាងក្រៅ និងចារកម្មដោយផ្តន្ទាទោសដាក់ពន្ធនាគារពីច្រើនឆ្នាំរហូតដល់ដាក់ពន្ធនាគារអស់មួយជីវិត។ សហរដ្ឋអាមេរិក អង់គ្លេស កាណាដា សហភាពអឺរ៉ុប និងអង្គការសហប្រជាជាតិ បានបង្កើនការព្រួយបារម្ភអំពីច្បាប់នេះ មុនពេលចូលជាធរមាននៅថ្ងៃសៅរ៍។ ប្រទេសចិនបាននិយាយថា ខ្លួនមិនពេញចិត្តជាខ្លាំង និងប្រឆាំងយ៉ាងដាច់អហង្ការចំពោះ ការវាយប្រហារ និងការមួលបង្កាច់ ដោយសហរដ្ឋអាមេរិក លើច្បាប់ដែលបានអនុម័តនៅសប្តាហ៍នេះ៕

ក្រុមអ្នកគាំទ្រ អបអរសាទរតាមដងផ្លូវ ខណៈបក្សប្រឆាំងរបស់សេណេហ្គាល់ នាំមុខក្នុងការបោះឆ្នោត

ក្រុមអ្នកគាំទ្រដ៏ច្រើន បាននាំគ្នាទៅកាន់តាមដងផ្លូវនានានៃរដ្ឋធានីដាកា (Dakar)កាលពីយប់ថ្ងៃអាទិត្យទី២៤មីនា ដើម្បីអបអរសាទរ ខណៈបេក្ខជនបក្សប្រឆាំងមួយចំនួននៅក្នុងការបោះឆ្នោតប្រធានាធិបតីដែលបានពន្យាពេល របស់ប្រទេសសណេហ្គាល់ បានប្រកាសថា គូប្រជែង របស់ខ្លួន គឺលោក បាស៊ីរ៉ូ ឌីអូម៉ាយ៉ា ហ្វាយ៉េ (Bassirou Diomaye Faye) ជាអ្នកឈ្នះ បន្ទាប់ពីទិន្នន័យដំបូងបានបង្ហាញថា លោកកំពុងនាំមុខ។ មនុស្សរាប់លាននាក់បានចូលរួមថ្ងៃជួបជុំដោយស្ងៀមស្ងាត់នៃការបោះឆ្នោតកាលពីថ្ងៃអាទិត្យដើម្បីជ្រើសរើសប្រធានាធិបតីទី៥របស់ប្រទេសសេណេហ្គាល់ ក្រោយភាពច្របូកច្របល់ខាងនយោបាយមិនធ្លាប់មានរយៈពេល៣ឆ្នាំ ដែលបានបង្កឲ្យមានការតវ៉ាដោយហិង្សាប្រឆាំងរដ្ឋាភិបាល និងគាំទ្របក្សប្រឆាំង ។ ចំនួនសំឡេងឆ្នោតគាំទ្រដំបូង បានប្រកាស នៅតាមទូរទស្សន៍ បានបង្ហាញថា លោកហ្វាយ៉េ បានឈ្នះសំឡេងភាគច្រើន ដែលជំរុញឲ្យប្រជាពលរដ្ឋជាច្រើនចេញទៅតាមដងផ្លូវនានាបង្ហាញការគាំទ្រនៅក្នុងរដ្ឋធានី ដាកា ។មនុស្សម្នាបានប្រមូលផ្ដុំគ្នា នៅក្នុងតំបន់សុនកូ(Sonko)ខណៈអ្នកគាំទ្រ បានអុជកាំជ្រួចភ្ញី ក្រវីទង់ជាតិសេណេហ្គាល់ និងផ្លុំកញ្ចែ៕

ប្រទេសទុយនីស៊ី រារាំងការប៉ុនប៉ងធ្វើអន្តោប្រវេសន៍ខុសច្បាប់ចំនួន៣០លើក ទៅកាន់ប្រទេសអ៊ីតាលី

យោងតាមសេចក្តីថ្លែងការណ៍របស់ឆ្មាំជាតិទុយនីស៊ីបាននិយាយឲ្យដឹងថា ប្រទេសទុយនីស៊ី បានរារាំងការប៉ុនប៉ងធ្វើអន្តោប្រវេសន៍ខុសច្បាប់ចំនួន ៣០លើក ដើម្បីឆ្លងកាត់សមុទ្រមេឌីទែរ៉ាណេ ទៅកាន់ប្រទេសអ៊ីតាលី កាលពីថ្ងៃអាទិត្យ។ សេចក្តីថ្លែងការណ៍នៅលើទំព័រហ្វេសប៊ុក បាននិយាយថា ការប៉ុនប៉ងធ្វើអន្តោប្រវេសន៍ទាំងនេះ ត្រូវបានរារាំងនៅឆ្នេរសមុទ្រភាគអាគ្នេយ៍នៃខេត្ត ស្វេក(Sfax) ។សេចក្តីថ្លែងការណ៍បាននិយាយថា ក្នុងអំឡុងពេលប្រតិបត្តិការ ជនអន្តោប្រវេសន៍ចំនួន ៦១២នាក់មកពីអនុតំបន់សាហារ៉ាអាហ្រ្វិក និងជនជាតិទុយនីស៊ីពីរនាក់ ត្រូវបានជួយសង្គ្រោះពីទូកលិច ដោយមិនបានប្រាប់ចំនួនសរុបនៃជនអន្តោប្រវេសន៍ដែលកំពុងព្យាយាមឆ្លងកាត់មហាសមុទ្រមេឌីទែរ៉ាណេឆ្ពោះទៅកាន់កោះ ឡាំផេឌូសា (Lampedusa) ប្រទេសអ៊ីតាលីនោះទេ។យោងតាមសេចក្តីថ្លែងការណ៍ បាននិយាយថា វិធានការប្រឆាំងជនអន្តោប្រវេសន៍ កំពុងត្រូវបានត្រូវបានអនុវត្ត បន្ទាប់ពីការពិភាក្សាជាមួយការិយាល័យរដ្ឋអាជ្ញាសាធារណៈ ។ ក្នុងរយៈពេលប៉ុន្មានខែថ្មីៗនេះ សន្តិសុខនៅប្រទេសទុយនីស៊ី បានបង្កើនកិច្ចខិតខំប្រឹងប្រែងដើម្បីប្រយុទ្ធប្រឆាំង ការធ្វើអន្តោប្រវេសន៍ខុសច្បាប់ដែលធ្វើដំណើរឆ្ពោះទៅកាន់កោះ Lampedusa ប្រទេសអ៊ីតាលី ដោយពង្រីកប្រតិបត្តិការពីខេត្ត Sfax ភាគអាគ្នេយ៍ ទៅកាន់ខេត្តផ្សេងៗទៀត។ដោយស្ថិតនៅចម្ងាយប្រហែល ១៣០គីឡូម៉ែត្រពីឆ្នេរសមុទ្រប្រទេសទុយនីស៊ី កោះ Lampedusa ជាញឹកញាប់ត្រូវបានជ្រើសរើសយកជាកន្លែងឈប់ចតដំបូងសម្រាប់ជនអន្តោប្រវេសន៍ មកពីអនុតំបន់សាហារ៉ាអាហ្វ្រិក ដើម្បីធ្វើដំណើរតាមផ្លូវសមុទ្រដោយខុសច្បាប់ទៅកាន់ប្រទេសអ៊ីតាលី។

ការតវ៉ា បានផ្ទុះឡើងក្នុងប្រទេសឥណ្ឌាបន្ទាប់ពីការចាប់ខ្លួនមេដឹកនាំបក្សប្រឆាំង ជុំវិញការអះអាងអំពីអំពើពុករលួយ

គណបក្សប្រឆាំងរបស់ប្រទេសឥណ្ឌា និងអ្នកគាំទ្ររបស់ពួកគេ បានមកប្រមូលផ្តុំគ្នាតវ៉ាជុំវិញការចាប់ខ្លួនមេដឹកនាំគណបក្សប្រឆាំង ប៉ុន្មានសប្តាហ៍មុនការបោះឆ្នោតសកលនៅក្នុងខែមេសាខាងមុខនេះ។ រដ្ឋមន្ត្រីទីក្រុងដេលី លោក អាវីន កេរីវ៉ាល(Arvind Kejriwal) ត្រូវបានចាប់ខ្លួនកាលពីថ្ងៃព្រហស្បតិ៍ ពាក់ព័ន្ធទៅនឹងការចោទប្រកាន់អំពើពុករលួយ ជាប់ទាក់ទងនឹងគោលនយោបាយផលិតផលស្រារបស់ទីក្រុង។លោកធ្លាប់ជាអ្នករិះគន់យ៉ាងខ្លាំងចំពោះការគ្រប់គ្រងរដ្ឋាភិបាលកណ្តាលរបស់ នាយករដ្ឋមន្ត្រី លោក Narendra Modi។ គណបក្សប្រឆាំងនិយាយថា ការចាប់ខ្លួនលោក គឺខុស និងមានហេតុផលនយោបាយ ដើម្បីធ្វើឲ្យជះឥទ្ធិពលដល់ការបោះឆ្នោតសកល។ ពួកគេ បានធ្វើការតវ៉ាយ៉ាងខ្លាំងក្នុងរដ្ឋធានីញូវដេលី។ បាតុករប្រហែល ៥០០នាក់ រួមទាំងមេដឹកនាំ និងអ្នកគាំទ្រគណបក្ស អាអាម អាតមី(Aam Aadmi) របស់លោក Kejriwal បានចូលរួមក្នុងការប្រមូលផ្តុំមួយដោយស្រែកថា លោក Modi កំពុងព្យាយាមបំផ្លាញលទ្ធិប្រជាធិបតេយ្យរបស់ប្រទេសឥណ្ឌា។ពួកគេបានបន្តស្រែកពាក្យផ្សេងៗប្រឆាំងរដ្ឋាភិបាល បន្ទាប់ពីបាតុករមួយចំនួន ត្រូវបាននគរបាលរុញចូលក្នុងរថយន្តក្រុង។ ប្លុកប្រឆាំងមានផែនការធ្វើបាតុកម្មទ្រង់ទ្រាយធំមួយនៅរដ្ឋធានីនៅថ្ងៃទី ៣១ ខែមីនា។ គណបក្សកំពុងកាន់អំណាច ដឹកនាំដោយលោក Modi និយាយថា ខ្លួននឹងបន្តប្រយុទ្ធប្រឆាំងអំពើពុករលួយ និងជំរុញឱ្យលោក Kejriwal ចុះចេញពីតំណែង។

ក្រុមហេសបូឡានៅលីបង់៖ យុទ្ធជន២នាក់ត្រូវបានសម្លាប់ នៅក្នុងការវាយប្រហាររបស់អ៊ីស្រាអែល

ចលនាហេសបូឡាដ៏មានឥទ្ធិពលនៅប្រទេសលីបង់កាលពីថ្ងៃអាទិត្យ បានប្រកាសពីការស្លាប់របស់យុទ្ធជនពីរនាក់ ក្នុងការវាយប្រហាររបស់អ៊ីស្រាអែល ដោយចោទប្រកាន់ប្រទេសនេះថា បានព្យាយាមពង្រីកការវាយប្រហាររបស់ខ្លួន។ការចោទប្រកាន់នេះ បានកើតឡើង បន្ទាប់ពីប្រភពសន្តិសុខរាយការណ៍ពីការវាយឆ្មក់តាមអាកាសរបស់ អ៊ីស្រាអែលចំនួនពីរ ចូលជ្រៅក្នុងប្រទេសលីបង់ភាគខាងកើត។អ៊ីស្រាអែល និងក្រុមហេសបូឡាជាក្រុមសកម្មប្រយុទ្ធលីបង់ ដែលជាសម្ព័ន្ធមិត្តនឹងក្រុមហាម៉ាស បាននិងកំពុងបាញ់គ្នាឆ្លងព្រំដែនស្ទើរតែរាល់ថ្ងៃ ចាប់តាំងពីសង្រ្គាមនៅតំបន់ហ្កាហ្សា រវាងអ៊ីស្រាអែល និងក្រុមសកម្មប្រយុទ្ធហាម៉ាស បានចាប់ផ្តើមកាលពីខែតុលាឆ្នាំមុន។ប៉ុន្តែការភ័យខ្លាចបានកើនឡើងចំពោះជម្លោះពេញទំហឹងមួយកាលពីប៉ុន្មានសប្តាហ៍ថ្មីៗនេះ ដោយអ៊ី ស្រាអែលបើកការវាយប្រហារតាមអាកាសកាន់តែជ្រៅទៅក្នុងប្រទេសលីបង់ភាគខាងកើត និងកំណត់គោលដៅលើបន្ទាយមួយចំនួនក្រុមហេសបូឡានៅតំបន់ជ្រលងភ្នំ Bekaa ជាច្រើនលើក។ លោក Naim Qassem អនុប្រធានក្រុមហេសបូឡា បាននិយាយកាលពីថ្ងៃអាទិត្យថា៖«បច្ចុប្បន្ន សត្រូវកំពុងព្យាយាមពង្រីកការវាយប្រហាររបស់ខ្លួនប្រឆាំងនឹងជនស៊ីវិលនៅទីក្រុង Baalbek នៅជ្រលងភ្នំ Bekaa ភាគខាងលិច ឬកន្លែងផ្សេងទៀត»។

បុគ្គលិកសង្គមនៅបារាំង តវ៉ាចំពោះការបោសសម្អាតសង្គមនៅក្រុងប៉ារីស មុនព្រឹត្តិការណ៍អូឡាំពិក

ក្រុមអ្នកជំនាញដែលធ្វើការជាមួយជនអន្តោប្រវេសន៍ និងជនគ្មានផ្ទះសម្បែងនៅទីក្រុងប៉ារីស បានតវ៉ាកាលពីថ្ងៃអាទិត្យ (២៤ មីនា) ក្នុងរដ្ឋធានីប្រទេសបារាំង ប្រឆាំងទៅនឹងអ្វីដែលពួកគេហៅថា «ការបោសសម្អាតសង្គម» នៅមុនព្រឹត្តិការណ៍កីឡាអូឡាំពិក ឆ្នាំ២០២៤។ ក្រុមអ្នកតវ៉ា បានដំឡើងផ្លាកសញ្ញាដែលមានសរសេរសាររិះគន់ការប្រកួតកីឡានេះ នៅលើរូបសំណាកនៅកន្លែងផ្សេងៗក្នុងទីក្រុង ដើម្បីអំពាវនាវឱ្យមានវិធានការណ៍ដើម្បីការពារក្រុមប្រជាជនងាយរងគ្រោះ។បាតុករបានបញ្ចប់ការតវ៉ាដោយគប់កៅស៊ូកងនៅក្នុងសួនទឹក លុចសំបួ (Luxembourg) ដែលស្ថិតនៅខាងក្រោយព្រឹទ្ធសភាបារាំង។ ក្រុមអ្នករៀបចំការតវ៉ានិយាយថា សមាជិកនៃអង្គការរបស់ពួកគេ បានមើលឃើញអាជ្ញាធរ ដែលកំពុងធ្វើការដើម្បីរុញប្រជាជនក្រីក្រចេញពីទីក្រុងប៉ារីស ក្នុងល្បឿនកើនឡើងដែលមិនធ្លាប់មាន ដើម្បីបង្កើតកន្លែងសម្រាប់កីឡាអូឡាំពិក។អាជ្ញាធរបារាំងបាននិយាយថា លំនៅឋានសង្គ្រោះបន្ទាន់ចំនួន ១២០.០០០ ខ្នង ត្រូវបានបង្កើតឡើងនៅក្នុងតំបន់ប៉ារីស ប៉ុន្តែក្រុមអ្នករិះគន់និយាយថា លំនៅដ្ឋានដែលមានតម្លៃសមរម្យគឺត្រូវការជាចាំបាច់ដើម្បីដោះស្រាយស្ថានការណ៍ពិតប្រាកដ។ ព្រឹត្តិការណ៍កីឡាអូឡាំពិកឆ្នាំ២០២៤ នេះ នឹងដំណើរការពីថ្ងៃទី២៦ ខែកក្កដាដល់ថ្ងៃទី១១ ខែសីហា និងការប្រកួតប៉ារ៉ាឡាំពិកចាប់ពីថ្ងៃទី២៨ ខែសីហា ដល់ថ្ងៃទី០៨ ខែកញ្ញា៕

ឯកអគ្គរដ្ឋទូតអាមេរិក និយាយថា ក្រុមរដ្ឋអ៊ីស្លាម នៅតែជាការគំរាមកំហែងក្នុងប្រទេសអ៊ីរ៉ាក់

ឯកអគ្គរដ្ឋទូតសហរដ្ឋអាមេរិក ប្រចាំប្រទេសអ៊ីរ៉ាក់ លោកស្រី អាលីណា រ៉ូម៉ាណូវស្គី (Alina Romanowski) បានប្រាប់សារព័ត៌មាន រ៉យទ័រ ក្នុងបទសម្ភាសន៍មួយថា ក្រុមរដ្ឋឥស្លាមនៅតែបង្កការគំរាមកំហែងនៅក្នុងប្រទេសអ៊ីរ៉ាក់ ហើយការងាររបស់សម្ព័ន្ធយោធាដឹកនាំដោយសហរដ្ឋអាមេរិកជាមួយអ៊ីរ៉ាក់ ដើម្បីកម្ចាត់ក្រុមនេះទាំងស្រុង គឺមិនទាន់បានសម្រេចនោះទេ។ការលើកឡើងរបស់លោកស្រី រ៉ូម៉ាណូវស្គី នៅស្ថានទូតអាមេរិកក្នុងទីក្រុងបាកដាដនេះ ធ្វើឡើងបន្ទាប់ពីក្រុមរដ្ឋអ៊ីស្លាមសាខាអាហ្វហ្គានីស្ថាន (ISIS-K) បានអះអាងទទួលខុសត្រូវចំពោះការវាយប្រហារកាលពីថ្ងៃសុក្រ នៅឯការប្រគុំតន្ត្រីរ៉ុកក្បែរទីក្រុងមូស្គូ ដែលក្នុងនោះមនុស្ស ១៣៧ នាក់ត្រូវបានសម្លាប់។អ្នកនយោបាយជាន់ខ្ពស់របស់អ៊ីរ៉ាក់ រួមទាំងលោកនាយករដ្ឋមន្ត្រី ម៉ូហាម៉េដ សៀ អាល់ស៊ូដានី (Mohammed Shia al-Sudani) បាននិយាយម្តងហើយម្តងទៀតថា ក្រុមនេះលែងបង្កការគំរាមកំហែងនៅអ៊ីរ៉ាក់ទៀតហើយ ហើយក្រុមចម្រុះអាមេរិកមិនចាំបាច់មានទៀតទេ បើទោះបីជាសាខារបស់ក្រុមភេរវករនេះបន្តធ្វើការវាយប្រហារនៅកន្លែងផ្សេងក៏ដោយ។នាយករដ្ឋមន្ត្រីអ៊ីរ៉ាក់ គ្រោងនឹងជួបជាមួយប្រធានាធិបតីអាមេរិក ចូ បៃដិន (Joe Biden) នៅទីក្រុងវ៉ាស៊ីនតោន នៅថ្ងៃទី១៥ ខែមេសា ខាងមុខដើម្បីពិភាក្សាអំពីអនាគតនៃក្រុមចម្រុះ។ ខណៈពេលដែលបេសកកម្មរបស់ក្រុមចម្រុះគឺផ្តល់ដំបូន្មាន និងជួយដល់កងកម្លាំងអ៊ីរ៉ាក់ ក្នុងការប្រយុទ្ធប្រឆាំងនឹងក្រុមរដ្ឋឥស្លាម ក្រុមមន្ត្រីលោកខាងលិចបាននិយាយថា សហរដ្ឋអាមេរិក និងសម្ព័ន្ធមិត្តរបស់ខ្លួនក៏មើលឃើញវត្តមានរបស់ក្រុមចម្រុះនេះនៅក្នុងប្រទេសអ៊ីរ៉ាក់ ថាជាការពិនិត្យមើលឥទ្ធិពលរបស់អ៊ីរ៉ង់ផងដែរ៕

អាមេរិក ត្រៀមទប់ទល់ព្យុះដ៏ធំ ខណៈរដ្ឋចំនួន១៦ ស្ថិតក្រោមការប្រុងប្រយ័ត្នខ្ពស់ពីអាកាសធាតុរដូវរងា

កាលពីសប្តាហ៍មុន បានក្លាយជាថ្ងៃផ្លូវការដំបូងនៃរដូវផ្ការីក ប៉ុន្តែប្រជាជនអាមេរិករាប់លាននាក់នៅតែមានអារម្មណ៍ថាពួកគេកំពុងស្ថិតក្នុងអាកាសធាតុរដូវរងា ខណៈសហរដ្ឋអាមេរិកត្រៀមទប់ទល់ព្យុះព្រិលដ៏ធំមួយ ដែលនឹងបោកបក់ពាសពេញប្រទេស។ កាលពីថ្ងៃអាទិត្យ រដ្ឋចំនួន ១៦ ចាប់ពីរដ្ឋកាលីហ្វ័រនីញ៉ា ដល់រដ្ឋមីឈីហ្គែន ស្ថិតនៅក្រោមការប្រកាសអាសន្នក្នុងរដូវរងា ស្របពេលព្យុះដ៏ធំបន្ទាប់នឹងចូលមកដល់ បង្កឲ្យមានព្រិលធ្លាក់ខ្លាំង ហើយបណ្តាលឱ្យមានការពន្យារពេលធ្វើដំណើររហូតដល់ថ្ងៃអង្គារសប្ដាហ៍នេះ។ ការជូនដំណឹងអំពីរដូវរងានាពេលបច្ចុប្បន្នលាតសន្ធឹងពីរដ្ឋម៉ុនតាណា ដល់រដ្ឋ មីឈីហ្គែន ដែលមានចម្ងាយជិត ១.៤០០ ម៉ាយល៍។ ចាប់ពីភាគពាយព្យនៃរដ្ឋ កាន់សាស់ (Kansas) ទៅដល់ ឧបទ្វីបខាងលើនៃ រដ្ឋ Michigan ព្រិលធ្លាក់ពី ៦ ទៅ១២អ៊ីញត្រូវបានព្យាករណ៍ ខណៈតំបន់ខ្លះប្រឈមនឹងព្រិលខ្លាំងរហូតដល់កម្រាស់២ ហ្វីត។ ការព្រមានពីព្យុះដ៏ត្រជាក់ ឥឡូវនេះត្រូវបានផ្សព្វផ្សាយចាប់ពីភាគខាងកើតរដ្ឋខូឡូរ៉ាដូ (Colorad)ទៅដល់រដ្ឋសោត ដាកូតា (South Dakota )។ខ្យល់បក់បោកខ្លាំងដល់៦០ម៉ាយល៍ក្នុងមួយម៉ោង នឹងធ្វើឲ្យស្ថានភាពកាន់តែយ៉ាប់យ៉ឺនរហូតដល់ព្រឹកថ្ងៃអង្គារសប្ដាហ៍នេះ៕

ក្រុមហ៊ួទីវាយប្រហារនាវាចិននៅសមុទ្រក្រហម បើទោះបីជាមានការធានាសុវត្ថិភាពក្នុងការឆ្លងកាត់ក្តី

ក្រុមភេរវករហ៊ួទីគាំទ្រដោយអ៊ីរ៉ង់ បានវាយប្រហារនាវាចិនមួយគ្រឿង ចំពេលមានការបិទសមុទ្រក្រហម បើទោះបីជាពីមុនបានផ្តល់ការធានាថា នាវាចិន នឹងត្រូវបានផ្តល់ការឆ្លងកាត់ដោយសុវត្ថិភាពក៏ដោយ។ទីបញ្ជាការកណ្តាលរបស់សហរដ្ឋអាមេរិក (Centcom) បានរាយការណ៍ថា ក្នុងរយៈពេលប៉ុន្មានម៉ោង ព្រឹកថ្ងៃអាទិត្យ កងជីវពលហ៊ួទីនៅប្រទេសយេម៉ែន បានបាញ់មីស៊ីលបាលិស្ទិកប្រឆាំងនាវាចំនួន៤គ្រាប់ចូលទៅក្នុងសមុទ្រក្រហមក្នុងតំបន់ជុំវិញនាវា M/V Huang Pu ជានាវាដឹកប្រេងមានទង់ជាតិប៉ាណាម៉ា និងជាកម្មសិទ្ធិរបស់ចិន។ ក្រោយមកបន្តិច មីស៊ីលបាលិស្ទិកទី៥ ត្រូវបានគេរកឃើញថា បានបាញ់សំដៅនាវា M/V Huang Pu។ នាវានេះ បានចេញការអំពាវនាវសុំជំនួយ ប៉ុន្តែមិនបានទទួលជំនួយទេ ដោយរងការការខូចខាតតិចតួច ប៉ុន្តែមិនមានអ្នកស្លាប់ ឬរងរបួសត្រូវបានគេរាយការណ៍ទេ។ទោះបីជាយ៉ាងណាក៏ដោយ ការវាយប្រហារនេះ កើតឡើងតែប៉ុន្មានថ្ងៃបន្ទាប់ពីមន្ត្រីចិន និងរុស្ស៊ី បានជួបជាមួយលោក ម៉ូហាមេដ អាប់ឌែល សាឡាម ( Mohammed Abdel Salam) អ្នកនាំពាក្យក្រុមក្រុមហ៊ួទី ក្នុងប្រទេសអូម៉ង់ ដើម្បីចរចាអំពីការដកការបិទផ្លូវក្នុងផ្លូវពាណិជ្ជកម្មដ៏សំខាន់បំផុតមួយរបស់ពិភព លោក។ទីបញ្ជាការកណ្តាលរបស់សហរដ្ឋអាមេរិក បាននិយាយនៅលើបណ្តាញសង្គម X ដែលពីមុនគេស្គាល់ថាជា Twitter ថា៖«ក្រុមហ៊ួទីបានវាយប្រហារនាវា M/V Huang Pu ទោះបីជាធ្លាប់បាននិយាយពីមុនថា ពួកគេ នឹងមិនវាយប្រហារនាវាចិនក៏ដោយ»។ប្រទេសចិន គឺជាដៃគូសេដ្ឋកិច្ចដ៏សំខាន់មួយចំពោះប្រទេសអ៊ីរ៉ង់ ដែលត្រូវបានដាក់ទណ្ឌកម្មយ៉ាងខ្លាំងចំពោះកម្មវិធីនុយក្លេអ៊ែររបស់ខ្លួន ការរំលោភសិទ្ធិ និងការគាំទ្រការឈ្លានពានរបស់រុស្ស៊ីលើអ៊ុយក្រែន។ប្រទេសនេះ ក៏ជាអ្នកប្រើប្រាស់ឧស្ម័នដ៏ធំបំផុតរបស់អ៊ីរ៉ង់រួមជាមួយនឹងរុស្ស៊ីផងដែរ។

ឪពុកម្តាយរង់ចាំ ខណៈកងទ័ពនីហ្សេរីយ៉ា ជួយសង្គ្រោះសិស្សនៅរដ្ឋ Kaduna ដែលត្រូវបានចាប់ពង្រត់

កងទ័ពប្រទេសនីហ្សេរីយ៉ា កាលពីថ្ងៃអាទិត្យ បានជួយសង្គ្រោះសិស្ស និងបុគ្គលិក ដែលត្រូវបានចាប់ពង្រត់ដោយខ្មាន់កាំភ្លើងពីសាលារៀនមួយកន្លែង នៅភាគខាងជើងរបស់ប្រទេស កាលពីដើមខែនេះ ប៉ុន្មានថ្ងៃមុនថ្ងៃកំណត់ដើម្បីបង់ប្រាក់លោះចំនួន ៦៩០,០០០ដុល្លារ។ការចាប់ពង្រត់សិស្សចំនួន ២៨៧នាក់ កាលពីថ្ងៃទី ៧ ខែមីនា នៅក្រុង Kuriga ជាទីក្រុងនៅរដ្ឋ Kaduna ភាគពាយ័ព្យគឺជាការចាប់ពង្រត់ទ្រង់ទ្រាយធំលើកដំបូងនៅក្នុងប្រទេសដែលមានប្រជាជនច្រើនបំផុតនៅទ្វីបអាហ្រ្វិក ចាប់តាំងពីឆ្នាំ ២០២១មក នៅពេលដែលសិស្សជាង ១៥០នាក់ ត្រូវបានគេនាំយកចេញពីសាលាវិទ្យាល័យនៅក្នុងរដ្ឋ Kaduna ។អ្នកនាំពាក្យយោធា ឧត្តមសេនីយ Edward Buba បាននិយាយថា ចំណាប់ខ្មាំង ១៣៧ នាក់ មានស្ត្រី ៧៦នាក់ និងបុរស ៦១នាក់ ត្រូវបានជួយសង្គ្រោះកាលពីព្រឹកថ្ងៃអាទិត្យ នៅរដ្ឋ Zamfara ដែលនៅជិតខាង។

បណ្ដាញសង្គម

ព័ត៌មានថ្មីៗ

លោក Trump និយាយថា វាយឺតពេលណាស់ទៅហើយសម្រាប់ការជជែកចរចាជាមួយអ៊ីរ៉ង់

កាតានិយាយថា អ៊ីរ៉ង់ពុំបានព្រមានពីការវាយប្រហារមីស៊ីលនោះទេ ហើយក៏គ្មានការទាក់ទងជាមួយទីក្រុងតេអេរ៉ង់នោះដែរ

UN៖ បាតុភូតអាកាសធាតុក្តៅខ្លាំងអែល នីញ៉ូ អាចនឹងវិលត្រឡប់មកវិញនៅពេលក្រោយក្នុងឆ្នាំនេះ

UN អំពាវនាវឲ្យមានការស៊ើបអង្កេតលើការវាយប្រហារដ៏សាហាវលើសាលារៀន នៅអ៊ីរ៉ង់

ទីភ្នាក់ងារ UN៖ មានជនភៀសសឹកយ៉ាងតិច ៣០.០០០នាក់ ក្នុងទីជម្រកនៅលីបង់ ខណៈនឹងកើនទៀត

រុស្ស៊ី បញ្ជាក់ថា ខ្លួនមិនបានឃើញភស្តុតាងដែលបង្ហាញថា អ៊ីរ៉ង់កំពុងអភិវឌ្ឍអាវុធនុយក្លេអ៊ែរឡើយ

អ៊ីស្រាអែលវាយប្រហារការិយាល័យប្រធានាធិបតីនៅទីក្រុងតេអេរ៉ង់ ខណៈចំនួនមនុស្សស្លាប់សរុបនៅអ៊ីរ៉ង់កើនឡើងដល់ ៧៨៧នាក់

អ៊ីស្រាអែល ប្រាប់ថា បានវាយប្រហារការិយាល័យប្រធានាធិបតីអ៊ីរ៉ង់ ខណៈ IRGC ព្រមានពីការសងសឹកយ៉ាងខ្លាំងក្លា

មនុស្ស ២នាក់ស្លាប់ក្នុងហេតុការណ៍ធ្លាក់ឧទ្ធម្ភាគចក្រនៅភាគអាគ្នេយ៍ទីក្រុងម៉ានីលប្រទេសហ្វីលីពីន

កម្មវិធីស្បៀងអាហារពិភពលោក៖ ច្រកឆ្លងកាត់ដ៏សំខាន់ចូលតំបន់ហ្កាហ្សា នឹងត្រូវបើកឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877