BTV NEWS

អ្នកតាមដានព្រឹត្តិការណ៍សង្គម និងប្រជាពលរដ្ឋ កោតសរសើររាជរដ្ឋាភិបាលក្នុងការបោសសំអាតការឆបោកតាមអនឡាញ

កម្ពុជាសហការជាមួយបណ្តាប្រទេសជាដៃគូរបង្ក្រាបករណីដឹកជញ្ជូនគ្រឿងញៀនឆ្លងដែនក្នុងឆ្នាំ២០២៥ ទទួលបានលទ្ធផលល្អ

នៅឆ្នាំ២០២៥ មន្ទីរប្រឆាំងបទល្មើសគ្រឿងញៀនបង្ក្រាបបទល្មើសគ្រឿងញៀនជាង ៩ពាន់ករណី ឃាត់ខ្លួនជនសង្ស័យជាង ២ម៉ឺននាក់ និងចាប់យកសារធាតុញៀនជាង ៧តោន

រដ្ឋបាលរាជធានីភ្នំពេញ បង្ក្រាបទីតាំងហ្គេមអនឡាញខុសច្បាប់ក្នុងខណ្ឌចំការមនឃាត់ខ្លួនជនជាតិឥណ្ឌូណេស៊ី ២៤នាក់

សន្តិសុខ និង សង្គម

អ្នកតវ៉ារាប់រយនាក់បានបិទអាកាសយានដ្ឋាន San Francisco នៅអាមេរិក ទាមទារឲ្យមានបទឈប់បាញ់អចិន្ត្រៃយ៍នៅហ្កាហ្សា

អ្នកតវ៉ាប្រឆាំងសង្រ្គាមរាប់រយនាក់ ដែលកំពុងទាមទារឲ្យមានបទឈប់បាញ់អចិន្ត្រៃយ៍មួយក្នុងតំបន់ហ្កាហ្សា និងអំពាវនាវឲ្យបញ្ចប់ការផ្ដល់ជំនួយផ្នែកយោធារបស់អាមេរិកសម្រាប់អ៊ីស្រាអែល បានបិទច្រកអន្តរជាតិ នៅអាកាសយានដ្ឋានអន្តរជាតិ San Francisco កាលពីថ្ងៃពុធទី១៣មីនា។ វីដេអូពីកន្លែងកើតហេតុបានបង្ហាញពីក្រុមអ្នកតវ៉ាកាន់បដា អមដោយសារដូចជា ត្រូវមានបទប់បាញ់អចិន្ត្រៃយ៍ឥឡូវនេះ បញ្ឈប់ពិភពលោកសម្រាប់ហ្កាហ្សា បញ្ចប់ការផ្ដល់អាវុធឲ្យអ៊ីស្រាអែល។ សារព័ត៌មាន ABC News បានដាក់ចំនួនអ្នកតវ៉ាប្រមាណជាង៣០០នាក់។ ក្រុមមន្ត្រីអាកាសយានដ្ឋាន បាននិយាយថា ច្រកអន្តរជាតិនេះ នៅតែបើក ប៉ុន្តែក្រុមអ្នកដំណើរបានប្ដូរផ្លូវផ្សេង។ ក្រុមសកម្មជនបានបិទផ្លូវនៅខាងក្រៅអាកាសយានដ្ឋានដែរ។ ក្រុមអ្នកដំណើរដែលគ្រោងទៅកាន់ច្រកនោះ ត្រូវបានគេប្រាប់ឲ្យចុះនៅមជ្ឈមណ្ឌលជួលរថយន្ត និងជិះរថភ្លើងលើផ្លូវអាកាសដើម្បីទៅកាន់ច្រកនោះ។ គេពុំបានដឹងទេថាតើមានការពន្យាពេលជើងហោះហើរឬអត់។ ការតវ៉ាទាមទារឲ្យមានបទឈប់បាញ់នៅតំបន់ហ្កាហ្សា បានកើតឡើង នៅក្នុងទីក្រុងជាច្រើនរបស់សហរដ្ឋអាមេរិក ក្នុងពេលប៉ុន្មានខែថ្មីៗនេះ រួមទាំងនៅជិតអាកាសយានដ្ឋាន និងស្ពាននានាក្នុងទីក្រុង New York និងទីក្រុង Los Angeles នៅខាងក្រៅសេតវិមាន និងបានហែក្បួននានានៅក្នុងទីក្រុង Washingtonទៀតផង៕

នគរបាលប្រទេសប៉េរូ ចាប់ខ្លួនមនុស្ស១៨នាក់ ក្នុងការបង្ក្រាបការជួញដូរអាវុធ

នគរបាលប្រទេសប៉េរូ រាប់រយនាក់បានឆ្មក់ចូលទីតាំងរាប់សិបកន្លែងនៅទូទាំងប្រទេស កាលពីថ្ងៃពុធ ទី១៣ ខែមីនា ដោយចាប់ខ្លួនមនុស្ស ១៨ នាក់ ជាផ្នែកមួយនៃការស៊ើបអង្កេតលើការជួញដូរអាវុធខុសច្បាប់ និងការជាប់ពាក់ព័ន្ធក្នុងការសម្លាប់បេក្ខជនប្រធានាធិបតីប្រទេសអេក្វាឌ័រ កាលពីឆ្នាំមុន។លោក ចច ឆាវ៉េស (Jorge Chavez) ប្រធានការិយាល័យរដ្ឋអាជ្ញាប្រទេសប៉េរូ ប្រឆាំងឧក្រិដ្ឋកម្មរៀបចំទុក បាននិយាយថា នៅក្នុងប្រតិបត្តិការធំ មន្ត្រីប្រហែល ៧០០នាក់ បានវាយឆ្មក់ចូលលំនៅឋាន និងការិយាល័យច្រើនកន្លែង ក្នុងសង្កាត់ចំនួន ៤ ក្នុងរដ្ឋធានី Lima និងក្នុងតំបន់ ទូមបេស(Tumbes) តំបន់ កាចាម៉ាកា(Cajamarca)និងតំបន់ព្យួរ៉ា(Piura)ជាប់ព្រំដែនប្រទេសប៉េរូ ជាមួយប្រទេសអេក្វាឌ័រ។ អាជ្ញាធរបាននិយាយថា ប្រតិបត្តិការនេះ បានកំណត់គោលដៅលើក្រុមហ៊ុនជាច្រើន ដែលតាមការចោទប្រកាន់ថាបាននាំចូលអាវុធ ភាគច្រើនមកពីសហរដ្ឋអាមេរិក និងប្រទេសទួរគី ហើយក្រោយមកបានបង់ប្រាក់ឱ្យបុគ្គលដែលមានប្រាក់ចំណូលទាបដើម្បីទទួលបានអាជ្ញាប័ណ្ណ និងទិញកាំភ្លើង។ លោក Chavez និយាយថា អាវុធ នៅទីបំផុតបានធ្លាក់ទៅក្នុងដៃក្រុមជនអន្ធពាលឧក្រិដ្ឋកម្ម រួមទាំងអ្នកដែលទទួលខុសត្រូវចំពោះការសម្លាប់បេក្ខជនប្រធានាធិបតីប្រទេសអេក្វាឌ័រ លោក ហ្វឺណង់ដូ វីឡាវីសេនស៊ីញ៉ូ(Fernando Villavicencio)។លោក វីឡាវីសេនស៊ីញ៉ូ (Villavicencio) ជាអ្នករិះគន់ឥតសំចៃអំពី អំពើពុករលួយ និងឧក្រិដ្ឋកម្មរៀបចំទុក ត្រូវបានខ្មាន់កាំភ្លើងបាញ់សម្លាប់កាលពីខែសីហា បន្ទាប់ពីការប្រមូលផ្តុំយុទ្ធនាការឃោសនាបោះឆ្នោតក្នុងទីក្រុង Quito ត្រឹមតែ១១ថ្ងៃ មុនការបោះឆ្នោតប្រធានាធិបតីរបស់ប្រទេស។

បាក់ផ្ទាំងថ្ម នៅអណ្តូងរ៉ែមាសប្រទេសអូស្ត្រាលី បណ្តាលឲ្យកម្មករម្នាក់ស្លាប់ និងម្នាក់ទៀតរងរបួស

អាជ្ញាធរ បាននិយាយនៅថ្ងៃព្រហស្បតិ៍ទី ១៤ ខែមីនា នេះថា បុរសអាយុ ៣៧ឆ្នាំម្នាក់ បានស្លាប់ និងម្នាក់ទៀតបានរងរបួសធ្ងរ បន្ទាប់ពីផ្ទាំងថ្មបានបាក់នៅខាងក្នុងអណ្តូងរ៉ែមាសក្រោមដីក្នុងរដ្ឋ វីកតូរីយ៉ា(Victoria) ប្រទេសអូស្ត្រាលី ខណៈកម្មករ២៨នាក់ ផ្សេងទៀតនៅកន្លែងធ្វើការនោះ ត្រូវបានជួយសង្គ្រោះ។ក្រុមបុគ្គលិកសង្គ្រោះបន្ទាន់ ត្រូវបានគេទូរស័ព្ទហៅទៅកាន់អណ្តូងរ៉ែមាស Ballarat នៅតំបន់ Mount Clear មានចម្ងាយប្រមាណ ១០០ គីឡូម៉ែត្រ ភាគខាងលិចទីក្រុងមែលប៊ន កាលពីថ្ងៃពុធ បន្ទាប់ពីមានសេចក្តីរាយការណ៍អំពីការបាក់ផ្ទាំងថ្ម។នគរបាលរដ្ឋ Victoria បាននិយាយនៅក្នុងសេចក្តីថ្លែងការណ៍ថា ឧបទ្ទវហេតុនេះ បានកើតឡើងក្នុងចម្ងាយប្រហែល ៣ គីឡូម៉ែត្រ ពីច្រកចូលអណ្តូងរ៉ែក្រោមដី ហើយកម្មករអណ្តូងរ៉ែ ដែលបានស្វែងរកទីជ្រកកោននៅក្នុងទីសុវត្ថិភាព ត្រូវបាន ជួយលើក ឲ្យរួចផុតពីគ្រោះថ្នាក់។មន្ត្រីសហជីពកម្មកររដ្ឋ Victoria ប្រទេសអូស្ត្រាលី លោក រ៉ុននី ហាយដេន(Ronnie Hayden) បានប្រាប់អ្នកសារព័ត៌មានថា សមាជិកសហជីពនៅអណ្តូងរ៉ែ បានបង្កើនការព្រួយបារម្ភ អំពីបែបផែននៃការរុករករ៉ែ ហើយហាក់ដូចជា វាមិនត្រូវបានគេអើពើ។យោងតាមសេចក្តីរាយការណ៍របស់ប្រព័ន្ធផ្សព្វផ្សាយអូស្ត្រាលី បានឲ្យដឹងថា កាលពីក្នុងឆ្នាំ ២០០៧ កម្មករអណ្តូងរ៉ែ ២៧ នាក់ បានជាប់នៅក្រោមដីនៅអណ្តូងរ៉ែដដែលនេះ រយៈពេលជាច្រើនម៉ោង មុនពេលត្រូវបានជួយសង្គ្រោះ។

អ៊ីស្រាអែល៖ ការវាយប្រហារតាមអាកាសលើមជ្ឈមណ្ឌលស្បៀងអាហាររបស់UN តំបន់ហ្កាហ្សា បានសម្លាប់ក្រុមសកម្មប្រយុទ្ធហាម៉ាស

អ៊ីស្រាអែល បាននិយាយកាលពីថ្ងៃពុធថា ការវាយប្រហារតាមអាកាសរបស់ខ្លួនលើមជ្ឈមណ្ឌលចែកចាយស្បៀងអាហាររបស់អង្គការសហប្រជាជាតិ នៅតំបន់ហ្កាហ្សាភាគខាងត្បូង បានសម្លាប់មេបញ្ជាការក្រុមហាម៉ាសម្នាក់ ដែលត្រូវបានគេកំណត់គោលដៅ ហើយមន្ត្រីសុខាភិបាលប៉ាឡេស្ទីន បាននិយាយថា ការវាយប្រហារនេះ ក៏បានសម្លាប់មនុស្សបួននាក់ផ្សេងទៀត រួមទាំងបុគ្គលិកអង្គការសហប្រជាជាតិផងដែរ។ យោធាអ៊ីស្រាអែល បាននិយាយថា ការវាយប្រហារនេះបានសម្លាប់លោក ម៉ូហាម៉ាដ អាប៊ូ ហាស្នា (Mohammad Abu Hasna) ដែលខ្លួនបានចាត់ទុកថាជាសកម្មប្រយុទ្ធហាម៉ាស ជាអ្នកផ្តល់ការស៊ើបការណ៍សម្ងាត់ដល់ក្រុម សម្រាប់ទីតាំងកងទ័ពរបស់អ៊ីស្រាអែល ហើយបានចូលរួមផងដែរក្នុងការគ្រប់គ្រងជំនួយមនុស្សធម៌ និងចែកចាយជំនួយដល់ភេរវករក្រុមហាម៉ាស។ នៅពុំទាន់មានការបញ្ជាក់ភ្លាមៗនៅឡើយទេ ពីក្រុមហាម៉ាស ថាលោកគឺជាសមាជិករបស់ក្រុម ដែលបច្ចុប្បន្នកំពុងប្រយុទ្ធជាមួយកងកម្លាំងអ៊ីស្រាអែលនៅតំបន់ហ្កាហ្សា។ ទីភ្នាក់ងារធំរបស់អង្គការសហប្រជាជាតិសម្រាប់ពលរដ្ឋប៉ាឡេស្ទីន (UNRWA) បាននិយាយថា យ៉ាងហោចណាស់បុគ្គលិកទីភ្នាក់ងារ UNRWA ម្នាក់ស្ថិតក្នុងចំណោមអ្នកស្លាប់ទាំង ៥ នាក់ និង២២ នាក់ផ្សេងទៀតបានរងរបួស។ ប្រធានទីភ្នាក់ងារ UNRWA លោក ហ្វីលីព ឡាហ្សារីនី (Philippe Lazzarini) បាននិយាយថា ការវាយប្រហារទៅលើមជ្ឈមណ្ឌលចែកចាយជំនួយរបស់ទីភ្នាក់ងារ UNRWA នៅក្នុងតំបន់ហ្កាហ្សា កើតឡើងនៅពេលដែលការផ្គត់ផ្គង់ស្បៀងអាហារបានអស់ ភាពអត់ឃ្លានកំពុងរាលដាល ហើយនៅតំបន់មួយចំនួនកើតមានគ្រោះទុរ្ភិក្ស។ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃពុធថា លោកបានប្តេជ្ញាចិត្តឱ្យ ទីភ្នាក់ងារ UNRWA ត្រូវបានជំនួសដោយទីភ្នាក់ងារផ្សេងទៀត ដោយមិនបង្កផលប៉ះពាល់ដល់ការចែកចាយជំនួយ ដោយលើកឡើងពីទំនាក់ទំនងរវាងទីភ្នាក់ងារ និងក្រុមសកម្មប្រយុទ្ធហាម៉ាស។

ក្រុមជនអន្ធពលដ៏ក្លាហានរបស់ប្រទេសហៃទី អាចបំផ្លាញដំណោះស្រាយនយោបាយ

បន្ទាប់ពីភាពចលាចលជាច្រើនឆ្នាំ នៅក្នុងប្រទេសហៃទី ក្រុមជនអន្ធពាលជ្រុលនិយម បានប្រែក្លាយទៅជាមជ្ឈមណ្ឌលប្រមូលផ្តុំអំណាចរបស់ពួកគេ ដោយបង្កជាបញ្ហាប្រឈមដ៏ធំ ខណៈដែលសហគមន៍អន្តរជាតិ ជំរុញឲ្យមានដំណោះស្រាយនយោបាយសម្រាប់វិបត្តិរបស់ប្រទេសនេះ។ក្រុមមេដឹកនាំតំបន់ការ៉ាអ៊ីប និងមហាអំណាចខាងក្រៅសំខាន់ៗ បានព្រមព្រៀងគ្នាក្នុងកិច្ចចរចាបន្ទាន់ក្នុងប្រទេសហ្សាម៉ាអ៊ីកកាលពីថ្ងៃចន្ទចំពោះផែនការដែលរួមមានការលាលែងពីតំណែងរបស់នាយករដ្ឋមន្ត្រី Ariel Henry ហើយខាងសន្តិសុខ រដ្ឋមន្ត្រីការបរទេសអាមេរិកលោក អង់តូនី ប្ល៊ីនខិន (Antony Blinken) បានផ្តល់មូលនិធិថ្មីសំខាន់ៗរបស់សហរដ្ឋអាមេរិកសម្រាប់ការអន្តរាគមន៍អន្តរជាតិ។លោក Henry នឹងត្រូវបានជំនួសដោយក្រុមប្រឹក្សាអន្តរកាលថ្មីមានសមាជិកបោះឆ្នោតចំនួន៧រូប ដែលមានបំណងរៀបចំដំណាក់កាលសម្រាប់ការបោះឆ្នោត ដែលជាលើកទី១ ចាប់តាំងពីឆ្នាំ ២០១៦ នៅក្នុងប្រទេសក្រីក្របំផុតនៅអឌ្ឍគោលខាងលិច និងការមកដល់នៃកម្លាំងដឹកនាំដោយប្រទេសកេនយ៉ា។ក្រុមប្រឹក្សា នឹងផ្តល់កន្លែងទំនេរដល់តំណាងគណបក្សនយោបាយធំៗ សង្គមស៊ីវិល និងព្រះវិហារ ប៉ុន្តែបានរឹតបន្តឹងទៅលើនរណាម្នាក់ ដែលស្ថិតនៅក្រោមការដាក់ទណ្ឌកម្មរបស់អង្គការសហប្រជាជាតិ ឬត្រូវបានចោទប្រកាន់ ឬផ្តន្ទាទោសពីបទឧក្រិដ្ឋ។ការហាមឃាត់នេះ នឹងច្រានចោលតួនាទីសម្រាប់មេដឹកនាំក្រុមជនអន្ធពាលពីរនាក់ដែលគួរឲ្យខ្លាចបំផុត គឺលោក Jimmy Cherizier អតីតមន្ត្រីនគរបាលមានឈ្មោះហៅក្រៅថា«Barbecue» ដែលការបិទស្ថានីយប្រេងឥន្ធនៈរបស់ប្រទេសហៃទីឆ្នាំ ២០២២ បានធ្វើឲ្យប្រទេសជាតិដួលរលំកាន់តែជ្រៅ និង លោក Guy Philippe ដែលបានសារភាពកំហុសនៅតុលាការទីក្រុងម៉ៃអាមី ( Miami) នៅឆ្នាំ ២០១៧ថាបាន ទទួលយកសំណូករហូតដល់ ៣,៥លានដុល្លារពីអ្នកជួញដូរគ្រឿងញៀន នៅពេលដែលខ្លួនកាន់តំណែងជានគរបាលជាន់ខ្ពស់។

កោះតៃវ៉ាន់ និងចិន បញ្ជូនក្រុមទៅចូលរួមបេសកកម្មជួយសង្គ្រោះទូក នៅជិតកោះ Kinmen

យោងតាមសារព័ត៌មាន UDN និងមន្ត្រីជាន់ខ្ពស់កោះតៃវ៉ាន់ បាននិយាយថា អាជ្ញាធរកោះតៃវ៉ាន់ និងចិនបានបញ្ជូនក្រុមទៅចូលរួមបេសកកម្មជួយសង្គ្រោះទូកដែលបានលិច នៅជិតកោះ ឃីនមិន (Kinmen) ដែលគ្រប់គ្រងដោយតៃវ៉ាន់ នៅព្រឹកថ្ងៃព្រហស្បតិ៍ (១៤ មីនា) នេះ។អាជ្ញាធរនៃភាគីទាំងសងខាងបានបញ្ជូនទូកជួយសង្គ្រោះទៅកាន់តំបន់នោះ បន្ទាប់ពីទូកនេសាទចិនមួយគ្រឿងបានលិច ហើយមនុស្សម្នាក់ត្រូវបានជួយសង្គ្រោះដោយអាជ្ញាធរចិន ខណៈមនុស្សបួននាក់ទៀតនៅតែត្រូវការជំនួយ។ឧបទ្ទវហេតុនេះបានកើតឡើងស្របពេលមានភាពតានតឹងកាន់តែខ្លាំងឡើងនៅជិតកោះ ឃីនមិន ជួរមុខរបស់កោះតៃវ៉ាន់។ ឆ្មាំល្បាតឆ្នេររបស់ប្រទេសចិន កាលពីខែមុនបានចាប់ផ្តើមល្បាតជាប្រចាំនៅជុំវិញកោះ ឃីនមិន ដែលនៅជិតឆ្នេរសមុទ្ររបស់ប្រទេសចិន បន្ទាប់ពីជនជាតិចិនពីរនាក់បានស្លាប់ ខណៈព្យាយាមរត់គេចពីឆ្មាំល្បាតឆ្នេរតៃវ៉ាន់ ដោយសារទូករបស់ពួកគេបានចូលទៅក្នុងដែនទឹកហាមឃាត់។ស្ថាប័នបង្កើតគោលនយោបាយចិន របស់កោះតៃវ៉ាន់ បានជំរុញប្រទេសចិន កាលពីសប្តាហ៍មុនកុំឱ្យផ្លាស់ប្តូរ «ស្ថានភាព» នៅជុំវិញដែនទឹកនៅទីនោះ ដោយការបញ្ជូនទូកឆ្មាំល្បាតឆ្នេរចូលទៅក្នុងតំបន់ហាមឃាត់ដោយនិយាយថាភាពតានតឹងគួរតែត្រូវបានគ្រប់គ្រង៕

ការផ្អាកបណ្ដោះអាសន្ននៃការផ្តល់មូលនិធិរបស់អាមេរិក ដល់ទីភ្នាក់ងារ UNRWA អាចនឹងក្លាយជាអចិន្ត្រៃយ៍

ក្រុមមន្ត្រីអាមេរិក កំពុងរៀបចំឱ្យការផ្អាកបណ្ដោះអាសន្នក្នុងការផ្តល់មូលនិធិដល់ទីភ្នាក់ងារសំខាន់របស់អង្គការសហប្រជាជាតិសម្រាប់ប៉ាឡេស្ទីន (UNRWA) ក្លាយជាការផ្អាកជាអចិន្ត្រៃយ៍ដោយសារតែការប្រឆាំងនៅក្នុងសភា ទោះបីជារដ្ឋបាលលោកប្រធានាធិបតី ចូ បៃដិន (Joe Biden) ទទូចថាការងារមនុស្សធម៌របស់ក្រុមជំនួយនេះគឺមិនអាចខ្វះបានក៏ដោយ។សហរដ្ឋអាមេរិក ដែលជាម្ចាស់ជំនួយដ៏ធំបំផុតរបស់ UNRWA ដែលផ្តល់ប្រាក់ពី ៣០០ លានដុល្លារទៅ ៤០០ លានដុល្លារជារៀងរាល់ឆ្នាំ រួមជាមួយនឹងប្រទេសជាច្រើនទៀត បានផ្អាកការផ្តល់មូលនិធិរបស់ខ្លួនដល់ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) កាលពីខែមករា បន្ទាប់ពីអ៊ីស្រាអែល បានចោទប្រកាន់បុគ្គលិកចំនួន ១២ នាក់ក្នុងចំណោមបុគ្គលិក ១៣.០០០ នាក់នៅហ្កាហ្សា ថាបានចូលរួមក្នុងការសម្លាប់មនុស្សថ្ងៃទី០៧ ខែតុលា ក្នុងការវាយប្រហាររបស់ក្រុមហាម៉ាស។អង្គការសហប្រជាជាតិបានចាប់ផ្តើមការស៊ើបអង្កេតលើការចោទប្រកាន់នេះ ហើយទីភ្នាក់ងារ UNRWA បានបណ្តេញបុគ្គលិកមួយចំនួន បន្ទាប់ពីអ៊ីស្រាអែលបានផ្តល់ព័ត៌មានអំពីការចោទប្រកាន់នេះ។ការប្រឆាំងទ្វេបក្សនៅសភាក្នុងការផ្តល់មូលនិធិដល់ UNRWA ឡើងវិញ បង្ហាញថាសហរដ្ឋអាមេរិក ទំនងជាមិនបន្តការបរិច្ចាកទៀងទាត់គ្រប់ពេលវេលានោះទេ ទោះបីជាបណ្ដាប្រទេស ដូចជាស៊ុយអែត និងកាណាដា បាននិយាយថាពួកគេនឹងចាប់ផ្តើមការបរិច្ចាគរបស់ពួកគេឡើងវិញក៏ដោយ៕

ក្នុងរយៈពេល៥នាទី អ្វីៗគ្រប់យ៉ាងបានបាក់រលំ ប្រទេសអាហ្សង់ទីនរកមធ្យោបាយដោះស្រាយការបំផ្លាញដោយភ្លៀងធ្លាក់ខ្លាំង

ប្រទេសអាហ្សង់ទីន បានរកមធ្យោបាយដោះស្រាយមហន្តរាយភ្លៀងធ្លាក់ខ្លាំងកាលពីថ្ងៃពុធ ដោយការងារសាងសង់ឡើងវិញ នៅកន្លែងដែលមានភ្លៀងធ្លាក់ខ្លាំងធ្វើឲ្យបាក់ដំបូលលំនៅឋាន និងបានជំរុញឲ្យអាជ្ញាធរប្រកាសការព្រមានពណ៌លឿងទុំ និងលុបចោលជើងហោះហើរជាច្រើនជើង កាលពីថ្ងៃអង្គារ។ក្នុងក្រុង Campana ជាក្រុងក្នុងខេត្ត Buenos Aires អ្នកជិតខាងបានមកប្រមូលផ្តុំគ្នាដើម្បីរុះរើចេញកម្ទេចកម្ទី ដែលបានបន្សល់ទុកពីដំបូលលំនៅឋានចំនួន២កន្លែង ដែលបានបាក់រលំដោយសារព្រិល និងភ្លៀងធ្លាក់ខ្លាំង។ នៅក្នុងតំបន់ទីក្រុង បានបន្ទាបកម្រិតការព្រមានមកពណ៌លឿង ជាការព្រមាននៃការបំផ្លាញនិងការរំខានខ្លាំងដល់សកម្មភាពជីវិតរស់នៅប្រចាំថ្ងៃ ខណៈភ្លៀងនៅបន្តធ្លាក់ បន្តែបានចុះខ្សោយ កាលពីថ្ងៃពុធ។ ក្នុងអំឡុងសប្តាហ៍នៃខែមីនានេះ មានភ្លៀងធ្លាក់ជាញឹកញាប់នៅទូទាំងតំបន់ឆ្នេរ រីអូ ដេឡា ផ្លាតា (Rio de la Plata) ហើយនៅក្នុងសប្តាហ៍នេះ នៅភាគឦសាននៃខេត្ត Buenos Aires និងតំបន់ទីក្រុងBuenos Aires មានភ្លៀងធ្លាក់ក្នុងកម្រិតចន្លោះពី ១០០ ទៅ ២៥០ មីលីម៉ែត្រ ដែលជាធម្មតាមានភ្លៀងធ្លាក់ក្នុងកម្រិត ១២០ មីលីម៉ែត្រ។

ក្រុមហាម៉ាស៖ ផ្លូវជំនួយតាមសមុទ្រសម្រាប់តំបន់ហ្កាហ្សា គឺមិនគ្រប់គ្រាន់ទេ

រដ្ឋាភិបាលដែលគ្រប់គ្រងដោយក្រុមហាម៉ាសនៅតំបន់ហ្កាហ្សា បាននិយាយកាលពីថ្ងៃពុធថា ការបញ្ជូននាវាជំនួយពីប្រទេសកោះស៊ីបទៅកាន់ទឹកដីដែលត្រូវបានឡោមព័ទ្ធ គឺជាការឆ្លើយតបមិនគ្រប់គ្រាន់ចំពោះតម្រូវការរបស់ប្រជាជន ២,៤លាននាក់របស់ខ្លួន។លោក Salama Marouf អ្នកនាំពាក្យការិយាល័យសារព័ត៌មានរដ្ឋាភិបាល បាននិយាយនៅក្នុងសេចក្តីថ្លែងការណ៍មួយថា៖«យោងតាមអ្វីដែលបានប្រកាស ទំនិញដឹកតាមនាវា មិនលើសពីរថយន្តដឹកទំនិញមួយ ឬពីរទេ ហើយវានឹងចំណាយពេលជាច្រើនថ្ងៃ ដើម្បីមកដល់»។លោកបានបញ្ជាក់ថា សំណួរទាក់ទងនឹងភ័ស្តុភារមួយចំនួនអំពីប្រតិបត្តិការ មិនមានចម្លើយទេ ហើយបានលើកឡើងពីការព្រួយបារម្ភអំពីការត្រួតពិនិត្យរបស់អ៊ីស្រាអែល។លោក Marouf បានបន្តថា៖«វានៅមិនទាន់ដឹងថា នាវានឹងចូលចតនៅទីណា និងរបៀបដែលវានឹងទៅដល់ច្រាំងនៃតំបន់ហ្កាហ្សា»។«លើសពីនេះទៅទៀតនោះ នាវានឹងត្រូវត្រួតពិនិត្យដោយកងទ័ពអ៊ីស្រាអែលដែលកំពុងកាន់កាប់។អតីតនាវាសង្គ្រោះដែលគ្រប់គ្រងដោយអង្គការសប្បុរសធម៌អេស្ប៉ាញ Open Arms បានចេញដំណើរពីប្រទេសកោះស៊ីបកាលពីព្រឹកថ្ងៃអង្គារ ដោយផ្ទុកជំនួយចំនួន២០០តោន នៅក្នុងដំណើរការសាកល្បងសម្រាប់ច្រករបៀងសមុទ្រ។កាលពីថ្ងៃពុធ នាវាមិនទាន់បានបញ្ចប់ការឆ្លងកាត់ជិត ៤០០គីឡូម៉ែត្រ (២៥០ម៉ាយ)នៃសមុទ្រមេឌីទែរ៉ាណេភាគខាងកើត ទៅកាន់តំបន់ហ្កាហ្សា ជាកន្លែងដែលអង្គការសប្បុរសធម៌អាមេរិក World Central Kitchen បាននិយាយថា ការងារកំពុងដំណើរការ ដើម្បីសាងសង់ផែចតបណ្តោះអាសន្ន។

មនុស្ស៧នាក់បានស្លាប់ និង២៧នាក់រងរបួសក្នុងទីប្រជុំជន យ៉ានជាវ ខេត្តហ៊ើប៉ី

មន្ទីរគ្រប់គ្រងគ្រោះមហន្តរាយរបស់ទីក្រុងបាននិយាយនៅថ្ងៃព្រហស្បតិ៍នេះថាមនុស្ស៧នាក់បានស្លាប់និង២៧នាក់ផ្សេងទៀតបានរងរបួស ក្រោយការផ្ទុះនៅក្នុងខេត្តហ៊ើប៉ី(Hebei)កាលពីថ្ងៃពុធ។ ការផ្ទុះដែលត្រូវគេសង្ស័យថាបង្កឡើងដោយការលេចធ្លាយឧស្ម័នបានកើតឡើងនៅម៉ោង៧និង៥៤នាទីព្រឹកម៉ោងក្នុងប្រទេសចិន នៅហាងមួយកន្លែងក្នុងទីប្រជុំជនយ៉ានជាវ(Yanjiao) ក្នុងទីក្រុងសានហ៊ី (Sanhe) ជាទីក្រុងក្បែរខាងរដ្ឋធានីប៉េកាំង។ ប្រភពខាងលើ និយាយថា អ្នករបួសទាំងអស់ ដែលពុំបានរងការគំរាមកំហែងដល់អាយុជីវិត ត្រូវបានបញ្ជូនទៅកាន់មន្ទីរពេទ្យនានាក្នុងចំណោមពួកគេមាន១៤នាក់ បានចាកចេញពីមន្ទីរពេទ្យហើយ ។ ប្រតិបត្តិការស្វែងរក និងសង្រ្គោះនៅកន្លែងកើតហេតុ ត្រូវបានបញ្ចប់ទាំងស្រុងកាលពីយប់ថ្ងៃពុធ ប៉ុន្តែអាជ្ញាធរកំពុងស៊ើបអង្កេតមូលហេតុនាំឲ្យមានការផ្ទុះនេះនៅឡើយ៕

បណ្ដាញសង្គម

ព័ត៌មានថ្មីៗ

ចិន បើកទូលាយចំពោះការប្រាស្រ័យទាក់ទងជាមួយអាមេរិក ប៉ុន្តែប្ដេជ្ញាប្រកាន់ខ្ជាប់នូវ «បន្ទាត់ក្រហម» របស់ខ្លួន

ឯកអគ្គរដ្ឋអូទ្រីសថ្មី ប្ដេជ្ញាចំពោះមុខសម្ដេចតេជោថានឹងខិតខំពូនជ្រុំទំនាក់ទំនងរវាងកម្ពុជា និងអូទ្រីសឱ្យកាន់តែរីកចម្រើន

កម្ពុជាក្លាយជាសមាជិកផ្លូវការ នៃអង្គការអន្តរជាតិ IOPS នៅទីក្រុងប៉ារីស

ក្រសួងអភិវឌ្ឍន៍ជនបទ និងក្រសួងរៀបចំដែនដីសហការគ្នារៀបចំសិក្ខាសាលាពិគ្រោះយោបល់ស្តីពី «ការអភិវឌ្ឍភូមិនៅកម្ពុជា»

អនុប្រធានទី១ អាជ្ញាធរមីន៖ កម្ពុជា មានកាតព្វកិច្ចមិនត្រឹមតែបោសសម្អាតមីន និងសំណល់ជាតិផ្ទុះពីសង្រ្គាមប៉ុណ្ណោះទេ ប៉ុន្តែត្រូវគាំទ្រដល់ជនរងគ្រោះឱ្យរស់នៅប្រកបដោយសេចក្តីថ្លែថ្នូរ

សម្តេចធិបតី នាយករដ្ឋមន្រ្ដី៖ កម្ពុជាកំពុងលុបបំបាត់មជ្ឈមណ្ឌលឆបោកតាមអនឡាញ ដើម្បីផ្តល់ទំនុកចិត្តដល់វិនិយោគិន

បេសកជនប្រចាំUN របស់អ៊ីស្រាអែល៖ អ៊ីស្រាអែល និងអាមេរិក គ្រប់គ្រងដែនអាកាសអ៊ីរ៉ង់ស្ទើរតែទាំងស្រុង

ប្រជាជនវ៉េណេស៊ុយអេឡារាប់រយនាក់ ធ្វើបាតុកម្ម ខណៈឈានដល់ខួបពីរខែនៃការចាប់ខ្លួនលោក Maduro

ទួរគី និយាយថា កំពុងខិតខំប្រឹងប្រែងយ៉ាងខ្លាំងដើម្បីបញ្ចប់សង្គ្រាមនៅមជ្ឈិមបូព៌ា

លោកTrump បញ្ជាឱ្យមានការគាំទ្រធានារ៉ាប់រងនាវាដឹកប្រេង ហើយកងទ័ពជើងទឹកអាចអមនាវានៅឈូងសមុទ្រ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877