នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
តំណាងអយ្យការចោទប្រកាន់ រតនៈ ពិសាល ពីបទហិង្សាដោយចេតនាមានស្ថានទម្ងន់ទោស ក្រោយបង្កហិង្សា និងអះអាងថា ខ្លួនជាកូនខ្លាមេ០៧
សាម ម៉ីជូ ត្រូវបាននគរបាលនាំខ្លួនដល់អយ្យការអមសាលាដំបូងរាជធានីភ្នំពេញហើយ ដើម្បីចោទប្រកាន់
ក្មេងទំនើងដែលបង្កហិង្សា និងអះអាងថាខ្លួនជាកូនខ្លាមេ០៧ ត្រូវ​បាន​អាវុធ​ហត្ថ​បញ្ជូន​ដល់​ដំណាក់​កាល​អយ្យការហើយ
៦ខែដើមឆ្នាំ២០២៦ សមត្ថកិច្ចក្រសួងមហាផ្ទៃចុះឆែកឆេរជិត ៣ម៉ឺនទីតាំង ឃាត់​ខ្លួន​ជន​បរទេស​ Online Scams ជាង ២ពាន់នាក់ និងពិន័យប្រាក់ម្ចាស់ទីតាំងជិត ៨ប៊ីលានរៀល

សន្តិសុខ និង សង្គម

ប៉ាឡេស្ទីន រិះគន់ផែនការរបស់អ៊ីស្រាអែលស្តាំនិយមក្នុងការគ្រប់គ្រងតំបន់ហ្កាហ្សា ឡើងវិញ

2024/01/30 09:20:41 pm        85
Facebook Telegram Linkin
ក្រសួងការបរទេសប៉ាឡេស្ទីន នៅទីក្រុងរ៉ាម៉ាឡា (Ramallah)កាលពីថ្ងៃចន្ទ បានថ្កោលទោសយ៉ាងខ្លាំងចំពោះការអំពាវនាវរបស់រដ្ឋមន្ត្រីអ៊ីស្រាអែលមួយចំនួនសម្រាប់ការធ្វើអាណានិគមឡើងវិញនូវតំបន់ហ្កា ហ្សាស្ទ្រីប។ក្រសួង បាននិយាយអំពី«កិច្ចប្រជុំដែលធ្វើឡើងដោយអង្គការភេរវកម្មអាណានិគម» នៅទីក្រុហ្ស៊េរុយសាឡឹម កាលពីថ្ងៃអាទិត្យ ដោយយោងទៅលើសន្និសីទរបស់រដ្ឋមន្ត្រីរដ្ឋាភិបាលអ៊ីស្រាអែល។រដ្ឋមន្ត្រីមកពីគណបក្សកាន់អំណាចស្តាំនិយម Likud របស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ ( Benjamin Netanyahu) ត្រូវបានបង្ហាញវត្តមាន នៅក្នុងសន្និសីទគាំទ្រអ្នកតាំងលំនៅ នៅទីក្រុងហ្ស៊េរុយសាឡឹម កាលពីល្ងាចថ្ងៃអាទិត្យ។ទោះបីជាយ៉ាងណាក៏ដោយ លោកណេតាន់យ៉ាហ៊ូ បានពណ៌នាអំពីផែនការ ដើម្បីតាំងទីលំនៅថ្មី នៅតំបន់ហ្កាហ្សាស្រ្ទីប បន្ទាប់ពីសង្គ្រាមថា ជារឿងមិនពិត។នៅក្នុង «សន្និសីទនៃជ័យជម្នះ » លោក អ៊ីរាម៉ា បេន ហ្គ្វី (Itamar Ben-Gvir) ដែលជារដ្ឋមន្ត្រីស្តាំនិយមជ្រុលទទួលបន្ទុកសន្តិសុខជាតិ បានអំពាវនាវមិនត្រឹមតែឲ្យមានការវិលត្រឡប់របស់អ្នកតាំងលំនៅអ៊ីស្រាអែលទៅកាន់តំបន់ឆ្នេរ និងភូមិមួយចំនួននៅវេសបែងភាគខាងជើងប៉ុណ្ណោះទេ ប៉ុន្តែថែមទាំងបាន«លើកទឹកចិត្ត [ប៉ាឡេស្ទីន ]ឲ្យចាកចេញទៀតផង។លោកបន្តថា មានតែរឿងនេះទេ ដែលអាចទប់ស្កាត់ការសម្លាប់រង្គាលដូចថ្ងៃទី៧ តុលា។ក្រសួងប៉ាឡេស្ទីន បាននិយាយនៅក្នុងសេចក្តីថ្លែងការណ៍មួយថា៖«កិច្ចប្រជុំនេះ និងរបៀបវារៈជាថ្មីម្តងទៀត បង្ហាញពីមុខមាត់ពិតរបស់រដ្ឋាភិបាលចម្រុះស្តាំនិយមអ៊ីស្រាអែល រួមទាំងការបដិសេធសន្តិភាព និងការតស៊ូក្នុងការបន្តការកាន់កាប់ អាណានិគម និងរបបបំបែកពូជសាសន៍»។

ការចោទប្រកាន់របស់អ៊ីស្រាអែល គំរាមកំហែងដល់ទីភ្នាក់ងារផ្តល់ជំនួយរបស់អង្គការសហប្រជាជាតិ

2024/01/30 08:19:13 pm        93
Facebook Telegram Linkin
កងកម្លាំងអ៊ីស្រាអែល បាននិយាយថា ពួកគេបានសម្លាប់ខ្មាន់កាំភ្លើងក្រុមហាម៉ាស ដែលព្យាយាមវាយឆ្មក់ទាហាន កាលពីថ្ងៃចន្ទ នៅជិតមន្ទីរពេទ្យមួយកន្លែងនៅភាគខាងត្បូងតំបន់ហ្កាហ្សា។ បុគ្គលិកផ្តល់ជំនួយជាមួយអង្គការសង្គមអឌ្ឍចន្ទក្រហមប៉ាឡេស្ទីន បាននិយាយថា ពលរដ្ឋអ៊ីស្រាអែលកំពុងដាក់គោលដៅលើនរណាម្នាក់ ដែលធ្វើដំណើរឆ្លងកាត់តំបន់នេះ។ បុគ្គលិកផ្តល់ជំនួយ បាននិយាយថា មន្ទីរពេទ្យ Al-Amal ក្នុងទីក្រុង Khan Younis បានស្ថិតនៅក្រោមការហ៊ុមព័ទ្ធរយៈពេល៨ថ្ងៃមកហើយ ហើយមានការបាញ់ផ្លោងដែលបានធ្វើឱ្យក្រុមរបស់ពួកគេពុំអាចទៅដល់អ្នកឡាយដែលត្រូវការជំនួយ។ ពួកគេ និយាយថា កង្វះការផ្គត់ផ្គង់អុកហ្សីសែន បានបង្ខំឱ្យពួកគេបញ្ឈប់ការវះកាត់។ បុគ្គលិកជំនួយប៉ាឡេស្ទីន ជាមួយទីភ្នាក់ងារជំនួយនិងការងាររបស់អង្គការសហប្រជាជាតិ បានទទួលដំណឹងថា មន្ត្រីអ៊ីស្រាអែល ចោទប្រកាន់ពួកគេពីការជាប់ពាក់ព័ន្ធក្នុងការវាយប្រហាររបស់ក្រុមហាម៉ាសកាលពីខែតុលា។ សេចក្តីរាយការណ៍របស់ប្រព័ន្ធផ្សព្វផ្សាយ បាននិយាយថា មន្ត្រីចារកម្មអ៊ីស្រាអែល បានចែករំលែកឯកសារ ដែលចុះបញ្ចីឈ្មោះបុគ្គលិក។ ពួកគេនិយាយថា ឯកសារនេះ បានចោទប្រកាន់បុគ្គលិកមួយចំនួនបានផ្គត់ផ្គង់គ្រាប់រំសេវ និងជួយក្នុងការចាប់ពង្រត់ និងបាននិយាយថាបុគ្គលិកទីភ្នាក់ងារ UNRWA ១៩០ នាក់គឺជា អ្នកប្រយុទ្ធដ៏រឹងរូស។ ការចោទប្រកាន់នេះ បានជំរុញឱ្យប្រទេសជាង១០ រួមមានទាំងសហរដ្ឋអាមេរិក អាល្លឺម៉ង់ និងជប៉ុន ផ្អាកការផ្តល់មូលនិធិដល់ទីភ្នាក់ងារនេះ។ អគ្គលេខាធិការអង្គការសហប្រជាជាតិ លោក Antonio Guterres នឹងជួបប្រជុំនៅថ្ងៃអង្គារនេះ ជាមួយគណៈប្រតិភូនៃប្រទេសម្ចាស់ជំនួយធំៗ។ អ្នកនាំពាក្យរបស់លោក លោក Stephane Dujarric បាននិយាយថាអង្គការសហប្រជាជាតិ មាន បុគ្គលិកដែលខិតខំប្រឹងប្រែងធ្វើការរាប់ម៉ឺននាក់កំពុងធ្វើការនៅទូទាំងតំបន់។ លោក និយាយថា លោក Guterres សង្ឃឹមថាម្ចាស់ជំនួយនឹង ធានាបាននូវការបន្តប្រតិបត្តិការរបស់ទីភ្នាក់ងារ UNRWA។ មន្ត្រីទីភ្នាក់ងារបានព្រមានថា មូលនិធិរបស់ពួកគេ អាចនឹងអស់នៅចុងខែកុម្ភៈ។

ប្រទេសឈីលី ដាក់រដ្ឋធានីលើការប្រកាសអាសន្នពណ៌ក្រហម ខណៈរលកកម្ដៅវាយប្រហារទីក្រុង

2024/01/30 08:12:13 pm        104
Facebook Telegram Linkin
ទីក្រុង Santiago របស់ប្រទេសឈីលី កំពុងស្ថិតនៅក្រោមការប្រកាសអាសន្នពណ៌ក្រហម សម្រាប់រលកកម្តៅខ្លាំង ដែលបានវាយបោកបក់នៅផ្នែកមួយចំនួនរបស់ប្រទេស ដោយរដ្ឋធានីរបស់ប្រទេសនេះ ត្រូវបានគេរំពឹងថា នឹងកើនឡើងកម្តៅពេញមួយសប្តាហ៍។ពលរដ្ឋក្នុងតំបន់ បានធ្វើឲ្យត្រជាក់ខ្លួនដោយបានស្វែងរកនៅតាមប្រភពទឹកក្នុងទីក្រុង ខណៈសីតុណ្ហភាពកាលពីថ្ងៃចន្ទ ទី២៩ ខែ មករា ឡើងដល់ ៣៣ អង្សាសេ ហើយនៅថ្ងៃពុធ ទី៣១ ខែមករា ត្រូវបានគេរំពឹងថានឹងជាថ្ងៃក្តៅបំផុតនៅក្នុងសប្តាហ៍ ដែលនឹងមានសីតុណ្ហភាព ៣៥ អង្សារសេ។ដោយមានសន្ទស្សន៍កាំរស្មី UV ត្រូវបានចុះបញ្ជីថា «មានកម្រិតខ្លាំង» ក្រុមមន្ត្រី កំពុងព្រមានដល់ប្រជាជនឱ្យនៅស្នាក់ក្នុងលំនៅឋាន ដើម្បីរក្សាជាតិទឹក និងរក្សាភាពត្រជាក់។

សំណើបទឈប់បាញ់ នឹងត្រូវបញ្ជូនទៅក្រុមហាម៉ាស ខណៈសង្រ្គាមបន្តផ្ទុះឡើងនៅហ្កាហ្សា

2024/01/30 08:05:49 pm        90
Facebook Telegram Linkin
អ្នកសម្របសម្រួលប្រទេសកាតា និយាយកាលពីថ្ងៃចន្ទថា ក្របខ័ណ្ឌមួយនឹងបញ្ឈប់ការប្រយុទ្ធគ្នានៅតំបន់ហ្កាហ្សា និងការដោះលែងចំណាប់ថ្នូរ នឹងត្រូវបញ្ជូនទៅក្រុមហាម៉ាស ខណៈជម្លោះដ៏ជូរចត់ បានផ្ទុះឡើងជុំវិញទីភ្នាក់ងារផ្តល់ជំនួយរបស់អង្គការសហប្រជាជាតិសម្រាប់ដែនដីប៉ាឡេស្ទីន។ ខណៈការប្រយុទ្ធដ៏ឃោឃៅជាថ្មីម្តងទៀត បានធ្វើឱ្យរង្គោះរង្គើតំបន់ហ្កាហ្សា ការព្រួយបារម្ភនៃជម្លោះក្នុងតំបន់រីកកាន់តែធំ បន្ទាប់ពីសម្ព័ន្ធមិត្តជិតស្និតបំផុតរបស់អ៊ីស្រាអ៊ែល គឺទីក្រុងវ៉ាស៊ីនតោន បានប្តេជ្ញាឆ្លើយតបចំពោះការវាយប្រហារ ដែលបានសម្លាប់ទាហានអាមេរិកបីនាក់នៅប្រទេសហ្ស៊កដានី។ ក្រសួងសុខាភិបាល បាននិយាយនៅក្នុងដែនដីប៉ាឡេស្ទីនគ្រប់គ្រងដោយក្រុមហាម៉ាសថា ការទម្លាក់គ្រាប់បែករបស់អ៊ីស្រាអែល ទៅលើតំបន់ហ្កាហ្សា បានសម្លាប់មនុស្ស ២១៥នាក់បន្ថែមទៀត ក្នុងរយៈពេល ២៤ម៉ោង រួមទាំងសមាជិក ២០នាក់ នៃគ្រួសារមួយ។ កងកម្លាំងទ័ពជើងគោក ដែលគាំទ្រដោយរថក្រោះ បានផ្តោតទៅលើទីក្រុងសំខាន់ Khan Younis នៅភាគខាងត្បូង ជាស្រុកកំណើតរបស់មេដឹកនាំរបស់ក្រុមហាម៉ាស់ នៅហ្កាហ្សា លោក Yahya Sinwar។ កងទ័ពបាននិយាយថា ការិយាល័យរបស់លោក Sinwar ទីតាំងយោធា និង ទីតាំងផលិតគ្រាប់រ៉ុក្កែតដ៏សំខាន់ ត្រូវបានវាយឆ្មក់ដោយកងទ័ពអ៊ីស្រាអែល។ ដោយពលរដ្ឋតំបន់ហ្កាហ្សា កំពុងប្រឈមមុខទៅនឹងស្ថានភាពមនុស្សធម៌ធ្ងន់ធ្ងរ បន្ទាប់ពីសង្រ្គាមជិត ៤ ខែ អង្គការផ្តល់ជំនួយអន្តរជាតិចំនួន ២០ បាននិយាយថាពួកគេ «ខឹងសម្បារ» ចំពោះការផ្អាកការផ្តល់មូលនិធិដល់ទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) ។ ម្ចាស់ជំនួយធំៗជាច្រើន រួមមានសហរដ្ឋអាមេរិក និងអាល្លឺម៉ង់ បានបញ្ឈប់ការផ្តល់មូលនិធិជុំវិញការអះអាងរបស់អ៊ីស្រាអែលថា បុគ្គលិកទីភ្នាក់ងារ UNRWA មួយចំនួន បានជាប់ពាក់ព័ន្ធក្នុងការវាយប្រហារថ្ងៃទី ៧ ខែតុលា របស់ក្រុមហាម៉ាស ដែលបង្កឱ្យមានការប្រយុទ្ធគ្នា។ ប្រភពពីទីភ្នាក់ងារ UNRWA បានប្រាប់សារព័ត៌មាន AFP ថា ការផ្អាកការផ្តល់មូលនិធិ ពុំទាន់មានផលប៉ះពាល់ជាមូលដ្ឋាននៅឡើយ។

កងកម្លាំងការពារអ៊ីស្រាអែល៖ ទាហានបានបំផ្លាញប្រព័ន្ធផ្លូវរូងក្រោមដីរបស់ក្រុមហាម៉ាសដែល នៅក្រោមទីបញ្ចុះសពហ្កាហ្សា

2024/01/30 07:00:04 pm        115
Facebook Telegram Linkin
កងកម្លាំងការពារអ៊ីស្រាអែល (IDF) បាននិយាយកាលពីថ្ងៃចន្ទថា យោធាអ៊ីស្រាអែល បានបំផ្ទុះផ្លូវរូងក្រោមដីមួយ នៅក្រោមទីបញ្ចុះសពក្នុងតំបន់ហ្កាហ្សា បន្ទាប់ពីបានរកឃើញថា ក្រុមភេរវករហាម៉ាស កំពុងប្រើប្រាស់ផ្លូវរូងក្រោមដីសម្រាប់សកម្មភាពរបស់ខ្លួន។កងកម្លាំងការពារនេះ បាននិយាយថា ទាហានអ៊ីស្រាអែល បានឆ្មក់ចូលប្រព័ន្ធផ្លូវរូងក្រោមដីក្នុងសង្កាត់ បានីស៊ុហេឡា (Bani Suheila) ក្នុងទីក្រុងហ្កាហ្សាភាគខាងត្បូងនៃទីក្រុងខាន់យូនីស (Khan Younis) ដោយបានរកឃើញគ្រឿងផ្ទុះ ទ្វាររុញ និងទ្វារការពារការផ្ទុះ។ ក្រុមភេរវករ នៅតែនៅខាងក្នុង ហើយត្រូវបានគេសម្លាប់ នេះបើយោងតាមយោធាអ៊ីស្រាអែល។កងកម្លាំងការពារអ៊ីស្រាអែល បាននិយាយថា ផ្លូវរូងក្រោមដីទាំងនោះ មានការិយាល័យរបស់មេបញ្ជាការក្រុមហាម៉ាស បន្ទប់ប្រតិបត្តិការ និងកន្លែងរស់នៅសម្រាប់សមាជិកជាន់ខ្ពស់នៃក្រុមហាម៉ាស។ កងកម្លាំងនេះ បានបន្ថែមថា ផ្លូវរូងក្រោមដីនេះ ត្រូវបានប្រើដើម្បីរៀបចំផែនការវាយប្រហារប្រឆាំងនឹងយោធាក៏ដូចជាការវាយប្រហារដ៏សាហាវកាលពីថ្ងៃទី៧ ខែតុលា លើអ៊ីស្រាអែល។កងកម្លាំងការពារអ៊ីស្រាអែល បានបន្ថែមទៀតថា ផ្លូវរូងក្រោមដីនេះ ជាផ្នែកមួយនៃលំហរក្រោមដីដ៏ស្មុគស្មាញមួយ ហើយមានប្រវែងប្រហែលមួយគីឡូម៉ែត្រ និងជម្រៅ ២០ម៉ែត្រ។ អង្គភាពវិស្វកម្មពិសេស Yahalom បានរុះរើផ្លូវរូងក្រោមដី នៅចុងបញ្ចប់នៃការស៊ើបអង្កេតរបស់ខ្លួន។យោងតាមការវិភាគពីផ្កាយរណបដោយសារព័ត៌មាន AP ហាក់ដូចជាទីបញ្ចុះសពស៊ុងហាដាបានីស៊ុហេឡា (Shuhadaa Bani Suheila)។ អ្វីដែលនៅសេសសល់នោះ គឺជារណ្តៅដ៏ធំមួយនៃកម្ទេចថ្មលាយនឹងគ្រោងឆ្អឹង ដែលត្រូវបានបន្សល់ពីការផ្ទុះនោះ។

នគរបាលបង្ហាញមុខជនសង្ស័យ០៥នាក់ ពាក់ព័ន្ធករណីលួច និងប្លន់យ៉ាងសកម្ម​ក្នុងភូមិសាស្រ្តរាជធានីភ្នំពេញ

2024/01/30 06:41:32 pm        509
Facebook Telegram Linkin
ជនសង្ស័យប្រុសស្រីចំនួន ៥នាក់ពាក់ព័ន្ធករណីលួចប្លន់យ៉ាងសកម្ម ក្នុងភូមិសាស្ត្រ​រាជធានី​ភ្នំពេញ ត្រូវ​បាន​នគរបាល​ព្រហ្ម​ទណ្ឌ​កម្រិតស្រាល នៃ​ស្នងការដ្ឋាន​នគរបាល​រាជធានី​ភ្នំពេញ​ធ្វើ​ការ​បង្ហាញ​មុខ​ជាសាធារណៈ នាព្រឹកថ្ងៃទី ៣០ ខែមករា ឆ្នាំ២០២៤នេះ។តាមមន្ត្រីនគរបាល នៃការិយាល័យព្រហ្មទណ្ឌកម្រិតស្រាល នៃ​ស្នង​ការដ្ឋាន​នគរបាល​រាជ​ធានី​ភ្នំពេញ បានឲ្យដឹងថាជនសង្ស័យប្រុសស្រីទាំង ០៥នាក់​នេះ​ជា​មុខ​សញ្ញា​លួចឆ​ក់​ប្លន់​យ៉ាង​សកម្ម​ក្នុង​ភូមិ​សាស្ត្ររាជធានីភ្នំពេញដែលកាលពីថ្ងៃទី២៥ ទី២៦ ខែមករា ឆ្នាំ២០២៤ កន្លង​ទៅ​នា​ពេល​ថ្មី​ៗ​នេះ ក្រុមជនសង្ស័យបានធ្វើសកម្មភាពលួច ឆក់ ប្លន់ទ្រព្យ​សម្បត្តិ​របស់​ប្រជាពលរដ្ឋ​នៅ​ក្នុង​ភូមិសាស្ត្រ ខណ្ឌពោធិ៍សែនជ័យ ខណ្ឌកំបូលនិងខណ្ឌសែនសុខជាបន្តបន្ទាប់។ ក្រោយ​ទទួល​បាន​ពាក្យ​បណ្ដឹង​របស់ជនរងគ្រោះកម្លាំងជំនាញបានធ្វើការស្រាវជ្រាវ កំណត់មុខ​សញ្ញា​រហូត​ឈាន​ដល់​ការ​ឃាត់​ខ្លួនជ​នសង្ស័យទាំង ០៥នេះតែម្ដង។មន្ត្រីដដែលបានបញ្ជាក់ថា ក្រុមជន​សង្ស័យ​ទាំង​នេះ​បាន​ធ្វើសកម្មភាព​ព្រួត​គ្នា​វាយ​ទាត់​ធាក់ និង​យក​កាំ​ភ្លើង​ខ្លីភ្ជង់ជនរងគ្រោះ ដើម្បីប្លន់យកម៉ូតូពីជនរងគ្រោះបានសម្រេច​ជាច្រើន​ករណី​ផង​ដែរ​។ក្រោយធ្វើការបង្ហាញមុខជាសាធារណៈជនសង្ស័យទាំង ០៥​នាក់​នេះត្រូ​វ​បាន​នគរបាល​បញ្ជូន​ខ្លួន​ទៅ​អយ្យការអមសាលាដំបូងរាជធានីភ្នំពេញដើម្បីចាត់ការតាមនីតិវិធី៕ អត្ថបទ៖ កុម្ភៈ

កុមារ៧នាក់បានស្លាប់ ក្នុងឧបទ្ទវហេតុផ្ទុះនៅសាលាអ៊ីស្លាម ក្នុងប្រទេសនីហ៊្សេរីយ៉ា

2024/01/30 06:16:49 pm        163
Facebook Telegram Linkin
បំណែកសម្លៀកបំពាក់ ស្បែកជើង និងកម្ទេចកម្ទីជាច្រើនត្រូវបានខ្ចាត់ខ្ចាយនៅសាលារៀនមួយកន្លែង ដែលកុមារចំនួន ៧នាក់ ត្រូវបានសម្លាប់នៅភាគឦសានប្រទេសនីហ៊្សេរីយ៉ា ដោយឧបករណ៍បំផ្ទុះកែច្នៃ កាលពីថ្ងៃសៅរ៍ (២៧ មករា) ដែលជនរងគ្រោះទាំងនោះច្រឡំថាជាសំណល់អេតចាយ។កុមារចំនួន ៦នាក់ ដែលមានអាយុចន្លោះពី ៧ឆ្នាំទៅ ១១ឆ្នាំ បានរើសគ្រឿងផ្ទុះ រួមជាមួយនឹងសំណល់អេតចាយមួយចំនួន ហើយបានរក្សាទុកនៅក្នុងអគារដែលសាងសង់មិនទាន់រួចរាល់នៅសាលាអ៊ីស្លាមមួយក្នុងតំបន់ ហ្គូប៊ីអូ (Gubio) នៃរដ្ឋ ប័រណូ (Borno) ដែលជាចំណុចកណ្ដាលនៃក្រុមបះបោរអ៊ីស្លាមនិយមដ៏យូរអង្វែងមួយ។មេភូមិក្នុងតំបន់ ហ្គូប៊ីអូ បានប្រាប់សារព័ត៌មានរ៉យទ័រ កាលពីថ្ងៃចន្ទ (២៩ មករា) ថាឧបករណ៍នោះបានផ្ទុះឡើង ខណៈក្មេងៗបានព្យាយាមលក់វាជាដែកអេតចាយទៅឱ្យក្មេងរើសអេតចាយម្នាក់អាយុ ១៥ឆ្នាំ។ អ្នកទាំង ៧នាក់នោះបានស្លាប់ក្នុងហេតុការណ៍នេះ។សិស្សនៅសាលា ដែលបង្រៀនក្មេងៗសូត្រគម្ពីរកូរ៉ាននោះ ច្រើនតែប្រមូលដែកអេតចាយ ដើម្បីលក់ឲ្យសហគមន៍មូលដ្ឋានផ្សេងៗ៕

កូរ៉េខាងត្បូង៖ កូរ៉េខាងជើងបាញ់មីស៊ីល តម្រង់គោលដៅជាច្រើនគ្រាប់ នៅថ្ងៃអង្គារនេះ ជាលើកទី៣ក្នុងមួយសប្ដាហ៍

2024/01/30 05:56:31 pm        123
Facebook Telegram Linkin
យោធាកូរ៉េខាងត្បូងនិយាយថា កូរ៉េខាងជើងបានបាញ់មីស៊ីលតម្រង់គោលដៅ(cruise missiles)មិនស្គាល់ប្រភេទជាច្រើនគ្រាប់ នៅថ្ងៃអង្គារ ទី៣០ខែមករា នេះ ចូលទៅក្នុងសមុទ្រក្បែរឆ្នេរសមុទ្រភាគខាងលិចរបស់ខ្លួន ក្លាយជាលើកទី៣ ដែលទីក្រុងព្យុងយ៉ាង បានបាញ់សាកល្បងមីស៊ីលតម្រង់គោលដៅក្នុងពេលមិនដល់មួយសប្ដាហ៍ផង។ នាយអគ្គសេនាធិការចម្រុះកូរ៉េខាងត្បូងបាននិយាយនៅក្នុងសេចក្ដីថ្លែងការណ៍មួយថាមីស៊ីលនេះត្រូវបានបាញ់នៅម៉ោងប្រហែល៧ព្រឹក ម៉ោងនៅឧបទ្វីបកូរ៉េ ។ ប្រភពខាងលើបាននិយាយថា ក្រុមអាជ្ញាធរចារកម្មអាមេរិក និងកូរ៉េខាងត្បូង កំពុងតាមដានយ៉ាងដិតដល់ពីស្ថានភាពនោះ។ ការបាញ់នេះ បានកើតមានឡើង ស្របពេលភាពតានតឹងកើនឡើងខ្លាំង នៅលើឧបទ្វីបកូរ៉េ និងក្រោយការបាញ់មីស៊ីលតម្រង់គោលដៅមួយគ្រាប់ផ្សេងទៀត ដោយកូរ៉េខាងជើងជិតឆ្នេរសមុទ្រខាងកើតរបស់ខ្លួនកាលពីថ្ងៃអាទិត្យ។សារព័ត៌មានរដ្ឋកូរ៉េខាងជើង KCNA បានរាយការណ៍កាលពីសប្ដាហ៍មុនថា ប្រទេសនេះបានសាកល្បងមីស៊ីលតម្រង់គោលដៅយុទ្ធសាស្ត្រប្រភេទថ្មីមួយគ្រាប់៕

កំហឹងរបស់ក្រុមកសិករបែលហ្ស៊ិក រាលដាលកាន់តែខ្លាំង ឈានដល់ការបិទផ្លូវហាយវេ និងតវ៉ាក្នុងទីក្រុងព្រុចសែល

2024/01/30 05:52:42 pm        202
Facebook Telegram Linkin
ក្រុមកសិករបាននាំគ្នាបិទផ្លូវហាយវេនានានៅក្នុងភាគខាងត្បូងប្រទេសបែលហ្ស៊ិក និងចតត្រាក់ទ័រ តម្រៀបគ្នានៅមុខសភាសហភាពអឺរ៉ុបកាលពីថ្ងៃ ជាការចូលរួមចលនាតវ៉ា ដែលបានដាក់សម្ពាធលើរដ្ឋាភិបាលនានារបស់ប្លុកអឺរ៉ុប រយៈពេលប៉ុន្មានខែមុនការបោះឆ្នោតនៅសហភាពអឺរ៉ុប ។ ត្រាក់ទ័រចន្លោះពី៣០ទៅ៤០គ្រឿង ត្រូវបានចតនៅលើផ្លូវ E19 ក្នុងភាគខាងត្បូងទីក្រុងព្រុចសែល កាលពីព្រឹកថ្ងៃចន្ទ ដោយកសិករភាគច្រើន បានចំណាយពេលស្នាក់នៅពេលយប់ក្នុងបន្ទប់បើកបរ ឬនៅជុំវិញភ្នក់ភ្លើង នេះជាការបិទមួយក្នុងការចំណោមការបិទផ្លូវមួយចំនួននៅតំបន់ វ៉ាឡូនីញ៉ា (Wallonia) និយាយភាសាបារាំង ភាគច្រើន ។ នៅក្នុងទីលានចតុរង្គ ឌឺ ម៉េស (de Meeûs) ស្ថិតនៅបីប្លុកពីសភាសហភាពអឺរ៉ុប ត្រាក់ទ័រជាច្រើនគ្រឿងក៏បានចតផងដែរដោយចុចស៊ីផ្លេ ជាអ្វីដែលក្រុមអ្នករៀបចំនិយាយថា ក្នុងបំណងបង្អាក់ផែនការដែលបានគ្រោងទុកសម្រាប់កិច្ចប្រជុំកំពូលមេដឹកនាំសហភាពអឺរ៉ុបនៅក្នុងទីក្រុងនេះនៅថ្ងៃព្រហស្បតិ៍សប្ដាហ៍នេះ។ ក្រុមកសិករបានស្ដីបន្ទោសសហភាពអឺរ៉ុបចំពោះអ្វីដែលពួកគេនិយាយថា ស្តង់ដារកសិកម្មកំពុងរឹតត្បិតកាន់តែខ្លាំង ដែលធ្វើឲ្យប៉ះពាល់ដល់ប្រាក់ចចំណូលធុកិច្ចរបស់ពួកគេ និងបន្ទាបតម្លៃផលិតផលកសិកម្មរបស់ពួកគេ ដោយបើកឲ្យមានការនាំចូលផលិតពីបរទេសក្នុងតម្លៃទាប ប៉ះពាល់ដល់ជីវិភាពរស់នៅប្រចាំថ្ងៃរបស់ពលរដ្ឋ។ សកម្មភាពនេះ បានឆ្លុះបញ្ចាំងពីព្រឹត្តិការណ៍ស្រដៀងគ្នានៅក្នុងប្រទេសបារាំងដែរ ជាទីដែលត្រាក់ទ័រជាច្រើនបានបិទផ្លូវហាយវេ ជុំវិញទីក្រុងប៉ារីស កាលពីថ្ងៃចន្ទ៕

ប៉ាគីស្ថាន និងអ៊ីរ៉ង់ព្រមព្រៀងពង្រីកកិច្ចសហប្រតិបត្តិការសន្តិសុខ ក្រោយការវាយប្រហារដោយមីស៊ីល

2024/01/30 05:44:42 pm        140
Facebook Telegram Linkin
ប៉ាគីស្ថាន និងអ៊ីរ៉ង់កាលពីថ្ងៃចន្ទ២៩ មករាបាននិយាយថា ពួកគេគោរពអធិបតេយ្យភាពនិងបូរណភាពទឹកដីរបស់គ្នាទៅវិញទៅមក ហើយនឹងពង្រីកកិច្ចសហប្រតិបត្តិការសន្តិសុខ ដើម្បីផ្សះផ្សាទំនាក់ទំនង បន្ទាប់ពីការវាយប្រហារដោយមីស៊ីល ទៅលើអ្វីដែលពួកគេនិយាយថាជាគោលដៅរបស់ក្រុមសកម្មប្រយុទ្ធ។រដ្ឋមន្ត្រីការបរទេសប្រទេសទាំងពីរបានជួបពិភាក្សាគ្នានៅក្នុងរដ្ឋធានីរបស់ប៉ាគីស្ថានប៉ុន្មានថ្ងៃបន្ទាប់ពីការចល័តយោធារបស់ពួកគេកាលពីដើមខែមករា បានបង្កើនការព្រួយបារម្ភអំពីអស្ថិរភាពកាន់តែធ្ងន់ធ្ងរនៅក្នុងតំបន់ចាប់តាំងពីសង្គ្រាមរវាងអ៊ីស្រាអែលនិងក្រុមហាម៉ាសបានផ្ទុះឡើងកាលពីថ្ងៃទី ៧ ខែតុលា។ រដ្ឋមន្ត្រីការបរទេសចាំផ្ទះរបស់ប៉ាគីស្ថាន លោក ចាលីល អាបាស ជីឡានី(Jalil Abbas Jilani) បាននិយាយនៅក្នុងសន្និសីទសារព័ត៌មានរួមមួយជាមួយសមភាគីអ៊ីរ៉ង់លោក ហូសេន អាម៊អាប់ដូឡាហៀន(Hossein Amir Abdollahian)បាននិយាយថា ប្រទេសជិតខាងទាំង២នេះ មានបណ្តាញទំនាក់ទំនងខ្លាំងជាច្រើនជាមួយគ្នាទៅវិញទៅមក។ លោក ជីឡានី បាននិយាយថា ប្រទេសទាំងពីរក៏បានព្រមព្រៀងគ្នាក្នុងការប្រយុទ្ធប្រឆាំងនឹងអំពើភេរវកម្មនៅក្នុងតំបន់រៀងៗខ្លួន និងបង្កើតប្រព័ន្ធពិគ្រោះយោបល់នៅកម្រិតរដ្ឋមន្ត្រីការបរទេស ដើម្បីត្រួតពិនិត្យវឌ្ឍនភាពលើវិស័យនានា។ ចំណែក លោក អាប់ដូឡាហៀន បាននិយាយថា ប្រទេសទាំងពីរមានការយោគយល់គ្នាល្អ ហើយថាមិនដែលមានការខ្វែងគំនិតគ្នាលើទឹកដី ឬសង្រ្គាមរវាងអ៊ីរ៉ង់ និងប៉ាគីស្ថានឡើយ។លោក បានបន្ថែមថា ប្រធានាធិបតីអ៊ីរ៉ង់ លោក អ៊ីប្រាហ៊ីម រ៉េស៊ី (Ebrahim Raisi) នឹងធ្វើទស្សនកិច្ចនៅប៉ាគីស្ថាន ក្នុងពេលឆាប់ៗនេះ។ទំនាក់ទំនងរវាងប្រទេសទាំងពីរបានជូរចត់ខ្លាំង បន្ទាប់ពីការវាយប្រហារដោយមីស៊ីល ដែលធ្វើឲ្យប្រទេសប៉ាគីស្ថានបានកោះហៅឯកអគ្គរដ្ឋទូតរបស់ខ្លួនប្រចាំនៅទីក្រុងតេអេរ៉ង់ ហើយមិនអនុញ្ញាតឱ្យសមភាគីរបស់លោកត្រឡប់ទៅទីក្រុងអ៊ីស្លាម៉ាបាដ ក៏ដូចជាការលុបចោលរាល់ទំនាក់ទំនងការទូត និងពាណិជ្ជកម្មកម្រិតខ្ពស់ទាំងអស់៕

បណ្ដាញសង្គម

ព័ត៌មានថ្មីៗ

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅ​កាន់តែខ្លាំង
07/31/2026 08:07 PM
Facebook Telegram Linkin
កម្ពុជាលើកកម្ពស់ការយល់ដឹងនៃការវាយតម្លៃទទួលស្គាល់ ជំរុញនវានុវត្តន៍ និងពង្រឹងទំនុកចិត្តទីផ្សារ
07/31/2026 08:07 PM
Facebook Telegram Linkin
លីបេរី រឹបអូសបានសារធាតុកូកាអ៊ីនតម្លៃ ៣១៧លានដុល្លារ ដែលប្រុងលោតឆ័ត្រទៅកាន់អឺរ៉ុប
07/31/2026 08:07 PM
Facebook Telegram Linkin
អ្នកស្រុកព្យាយាមស្រោចស្រង់ទ្រព្យសម្បត្តិនៅតាមសហគមន៍ជន់លិច ពេលដែលអាកាសធាតុអាក្រក់វាយប្រហារឈីលី
07/31/2026 08:07 PM
Facebook Telegram Linkin
ឈីលី ស្តាទំនាក់ទំនងកុងស៊ុលជាមួយវេណេស៊ុយអេឡា ក្រោយជាប់គាំងអស់មួយរយៈពេល
07/31/2026 08:07 PM
Facebook Telegram Linkin
លោក Anwar ៖ មីយ៉ាន់ម៉ា យល់ព្រមទទួលយកជនភៀសខ្លួនរ៉ូហ៊ីងយ៉ា ៥ពាន់នាក់ពីម៉ាឡេស៊ី
07/31/2026 08:07 PM
Facebook Telegram Linkin
ជំងឺអេបូឡា នៅកុងហ្គោ ក្លាយ​ជាការផ្ទុះឡើងនៃជំងឺអេបូឡាដ៏ធំបំផុតទី២ ក្នុងកំណត់ត្រា
07/31/2026 08:07 PM
Facebook Telegram Linkin
អង្គការសហប្រជាជាតិទាមទារឲ្យបញ្ចប់ការបង្ក្រាបលើក្រុមប្រឆាំងនៅប្រទេសអ៊ូហ្គង់ដា
07/31/2026 07:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅកុងហ្គោ កើនឡើងដល់ជាង ១.៥០០នាក់
07/31/2026 07:07 PM
Facebook Telegram Linkin
អ្នកនយោបាយអេស្ប៉ាញ ចោទអ៊ីស្រាអែលថា បាន​បង្កើត​ភាពវឹកវរ ជុំវិញ​វិបត្តិអន្តោប្រវេសន៍ នៅ​ Ceuta
07/31/2026 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.